asgmnt Iban. brosur

Marjory Cindy anak Langit D20131064292

1.0 PEMUKA JAKU.

Pengelandik macha tu patut dikembuan siku-siku mensia ba

dunya tu ngambika ngembuan tikas runding ti tinggi sereta

panjai. Macha mega deka ngubah chara siku-siku orang bepikir

nunda ko padah Angelo (1982). Dalam arus pemansang teknologi,

macha tu siti pekara ti patut dikerejaka kitai ngambika kitai

ulih ngangkatka tikas pemansang bansa. Ba nembiak sekula,

baikka nembiak primari, sekondari, kolej tauka universiti,

pengawa macha tu endang pekara ti dikemeratka kena nginga

enggau nambahka penemu diri. Nyadi enti nitihka penemu ba

kamus Dewan 1984, macha tu nya pengawa ti meratika enggau

silik isi pekara ti deka ditulis tauka dichelak sereta enggau

naka ulih meretika pekara ti disebut dia.

Tang ba penemu Christine Nuttal 1989, iya nerangka macha

tu bepanggai ba tuju siku-siku orang ke macha. Reti iya, tiap-

tiap iku kitai ke macha tu ngembuan kebuah kediri empu macha

sesebengkah pekara. Bisi ke macha laban ke deka nambahka

penemu senentang pansik diri, bisi mega macha laban rindu ati.

Kemaya hari tu, kitai endang enda ulih ngelarika diri ari

pengawa macha tu. Tu kebuah, pengawa macha tu bengawa ke

endang dikena enda ngira dini alai kitai diau. Kenyau ari

pengawa besekula ti diaturka perintah, pengawa macha tu udah

nyadika pugu pengawa besekula. Macha tu nyau nyadi siti

pengawa tauka budaya tiap-tiap bansa ba dunya tu. Orang ti

enda nemu macha nya dikumbai buta urup.

Ba Malaysia, penanggul enda nemu macha tu nyau jauh

nyurut ari ke udah. Tang utai ke nyadi penanggul ba peranak

1


menua Malaysia tu iya nya, budaya macha bangat jauh amat

kebelakang. Nitih ka pansik ari Perpustakaan Negara, sida

madahka rayat Malaysia semina macha siti bup aja setaun. Bup

ti dibacha nya pan ukai bup ti ngembuan bansa akademik tang

bup baka majalah sereta kartun. Budaya kitai ba Malaysia

senentang budaya macha tu jauh amat tinggal enti dibandingka

enggau rayat ari menua Jipun enggau Eropah.

Ukur pemanah akademik dalam pengawa macha ukai semina

ditujuka ngagai nembiak sekula tang mega nyerangkung semua

genap lapis rayat. Kebuah pia, laban ari kitai ti bebachaka

sesebengkah pekara tu, dia penemu kitai deka betambah ari

selama. Orang ti ngembuan pengawa baka pengajar, lawyer,

doktor enggau mayuh pengawa bukai endang seruran ngemeranka

aktiviti bebachaka pekara bekaul enggau pengawa sida kelebih

agi sida ke deka nambahka penemu sida. Pemesai reti pengawa

macha udah endang enda ulih dipetalatka agi. Kimpin enggau

pengawa ngemeranka budaya macha ba raban bansa patut dipajakka

belama ngambika kitai ulih ngembuah asil ke manah dudi ari.

Penguntung pengawa macha tu enda ulih ditatak enggau duit

ringgit. Nya alai, terang bendar budaya macha tu ulih ngangkat

sereta nirika status sosial siku-siku orang nya sereta

ngangkatka martabat sesebengkah raban bansa. Pengawa macha

sereta budaya macha ngerenchah genap lapis raban bansa enggau

komuniti. Raban bansa ke enda macha tau disempamaka baka

engkatak ditangkup tachu. Beserimbai enggau pengawa macha tu

mega, topik ti deka dikenatai ka aku iya nya, deka nisih

pengelandik macha ngena brosur enggau poster.

2.0 RETI BROSUR.

2


Brosur tu tau dikumbai berita tauka penerang ngagai

sesebengkah pekara. Nyadi berita tu suah agi dikena ngenataika

pesan ti rasmi ari bemacham sukut baka surat khabar,

telivisyen, radio, enggau bemacham bansa utai bukai. Tang

brosur tu ngenatai ka berita tauka penerang ti udah dikedut

ngambika penerang nya tadi tau ngasuh sapa-sapa ke macha iya

mereti. Iya kira kurang lebih sama enggau berita semina jaku

ti dikena ba brosur enda rasmi. Kemaya ari tu, brosur suah

amat dikena nyadi kereban komunikesyen kitai. Tu kebuah,

brosur tu mudah digaga sereta enda nelan belanja ke mayuh. Nya

alai, brosur tu diguna dalam bemacham bidang kelebih agi ba

kompeni. Kompeni ke baru ka niki suah amat ngena brosur tu

kena narit ati mensia mayuh.

3.0 CHARA NGASILKA BROSUR.

Brosur tu siti ari taktik kena narit ati mensia mayuh

enda ngira umur. Macham-macham chura, bansa sereta gaya dikena

lebuh ngasilka brosur tu. Tu kebuah, siku-siku mensia ngembuan

penarit ati ti bebida, sereta ngembuan penemu ke enda sebaka.

Suah dikesema ka baka “buk sama chelum tang ati enda sama”.

Brosur tu digaga ngena siti lambar kertas aja, tang dilipat

tiga tauka dua nitihka kreativiti sida ti ngasilka iya mega.

Nyadi tiap iti lipat nya suah iya ngembuan isi ti bebida.

Lambar ti nyadika mua brosur tu suah iya enda ngembuan leka

jaku ke mayuh, semina gambar sereta utai ti bisi kait enggau

nama topik ti deka dikenataika ba dia aja. Dalam ngasilka

brosur tu, iya meseti bisi dipasukka tipografi, ilutrasyen,

enggau tusun leka jaku ti engkeman. Tipografi dalam brosur tu

3


suah agi ngena saiz ke mit ngambika bisi penyelai ari topik ti

deka dikenataika.

Lebuh ngemasuk ka iltrasyen mega, orang ke ngasilka

brosur meseti nemu bagi ni ilutrasyen deka dikena. Laban

ilutrasyen ti diguna nya meseti bisi kait iya enggau utai ti

deka dikanataika. Anang ga engkah utai ti nyau nyelai ari

topik ti deka dikelakuka. Tu kebuah, enti ilutrasyen nya

nyelai sereta nadai sangkut paut enggau pugu topik, dia orang

ti macha iya deka saru penemu enggau batang isi dalam brosur

nya. Kepenudi iya utai ti patut dikembuan tubuh brosur iya

nya, tusun leka jaku ti engkeman. Leka jaku ti dikena meseti

ngasuh ati orang ti macha iya lalu labuh pengerindu lebuhka

macha leka jaku dia. Jaku mega meseti terang sereta enda

ngasuh orang saru penemu ngambika nyamai alai orang deka

mereti. Brosur tu tau digaga ba publisher tauka ba photo shop.

Ba publisher, pengasil ulih ngena bemacham churak tauka

templates ngambika brosur nya ngembuan chura ti manah agi.

4.0 GUNA BROSUR

Kenyau maya ari tu, semua utai ti deka diguna semina ba

ujung tunjuk aja. Pangka dunya globalisasyen mayuh mai

bemacham utai ti dikena ngelakuka barang. Kitai ukai semina

ulih ngena telivisyen enggau radio aja, tang meh diatu kitai

bisi internet, media sosial, enggau mayuh agi utai bukai kena

ngelaku ka siti-siti barang tauka produk. Bakanya mega enggau

brosur tu, iya ngembuan mayuh macham guna ngagai sida ke deka

ngelakuka produk tauka pengawa bukai. Brosur tu suah amat

dipeda kitai enda ngira kini-kini tunga pejalai kitai kelebih

4


agi ba endur mua mayuh. Suah mega kitai disua sida pengelaku

barang enti bisi mansa sida sebelah jalai.

Ngelakuka barang tauka produk ngena brosur tu suah dikena

laban iya nelan belanja ke mimit ari ka ngelakuka ba

telivisyen. Taja pia, brosur tu mayuh bagi iya, bisi ke dikena

ngelakuka produk, bisi mega dikena ngenataika utai ti beguna

ngagai mensida mayuh, bisi mega iya dikena nerangka utai baka

ba hotel, kedai makai enggau ke bukai. Nyadi enti ba bagi

ngelaku ka produk, brosur nya kurang lebih digaga baka tu:

Gambar ba atas tu nunjukka bansa brosur ti dikena ngelakuka siti-siti produk.

Ari gambar ba atas nya, kitai udah nemu nya brosur

ngelakuka produk. Bemacham churak sereta tusun leka jaku

dikena orang ke ngasilka iya ambi orang ti dilakuka deka

tekait ati lalu deka nemu enggau jauh agi senentang topik

dikerandauka ba brosur nya. Bala ke labuh pengerindu udah

macha utai ba brosur nya lalu deka nemu enggau mayuh agi

senentang produk ti dikelakuka. Ari tu, dia asil brosur nya

ngembuan penarit ati sereta penerang ti cukup laban tau ngasuh

orang bukai deka nemu senentang produk nya.

5


Kelimpah ari nya mega, brosur tu bisi diguna orang ba

opis betanam betupi. Ari brosur tu dia sida bisi meri penerang

senentang bakani chara betanam betupi enggau chara ti betul

sereta tau bulih asil ke manah. Semua tusun enggau atur

senentang betanam betupi bisi diselit ka ba brusor enggau

penerang ti nyematak agi. Ngena chara tu, iya tau ngenyadi ke

jam sida ke meri penerang senentang pengawa betanam betupi.

Jam enggau ari pan enda tebasau laban orang ari opis betanam

betupi enda ibuh deka meri penerang ngagai genap rumah panjai

tauka rumah sebuah-sebuah. Tu kebuah, suah nyadi orang ke deka

diberi penerang jarang bisi di rumah laban kisuk ngereja

pengawa sida. Sida mega ngenyadika jam enggau ari deka ngereja

pengawa. Nya meh brosur tu nyamai agi dikena sereta enda mayuh

penanggul ti nekul. Chunto brosur ti meri penerang senentang

betanam betupi iya nya:

Gambar nerangka bakani chara nanam buah anggur.

6


Gambar nerangka bakani deka ngemajuka pengawa betupi.

Brosur tu mega suah dikena ba klinik gigi dini sida meri

penerang ngagai nembiak sekula kelebih iya agi senentang

pengawa nyaga pemeresi ngeli. Kitai nemu nembiak sekula

ngelusu deka nyaga pemeresi ngeli, laban ke enggai kiruh deka

merus ngeli tiga kali dalam sehari. Nya alai, sida indu misi

ti ngereja tanggung pengawa senentang pengerai ngeli tu patut

ngiga chara bakani deka ngasuh nembiak sekula suah merus ngeli

tiga kali sehari. Bepelasarka gambar ngeli enggau penerang

senentang kebuah meseti nyaga pemeresi ngeli tu tau meri empas

ke besai ngagai nembiak. Sida deka sedar nama kebuah ngeli tu

beguna bendar ba pengidup kitai. Ngeli ukai semina mai tuchum

ke manah enti ketawa, tang iya siti ari organ tubuh ke kena

ngidupke perut baka dikena ngunyah utai dempa kelebih agi

pemakai ti kering sereta panjai baka mee. Nyadi brosur ngasuh

nyaga pemeresi ngeli suah iya bechurak bakatu:

7


Brosur nerangka chara nyaga pemeresi ngeli ngagai nembiak.

5.0 CHARA NGENA BROSUR ENGGAU BETUL.

5.1 NGEMBUAN PENARIT ATI.

Lebuh ngaga brosur tu, utai ke bisi ba brosur tu

meseti bekait enggau topik ti deka digaga tauka deka

dikenataika. Anang sekali-kali ngaga brosur ti jauh bida

enggau topik ti deka dikenataika. Enti nyema topik dalam

brosur nuan enda sama enggau jenis tauka aplikasyen dalam

brosur nya, dia utai ti deka dikenataika nuan tau ngasuh

mensia mayuh saru penemu. Nya alai, churak enggau leka

jaku dalam brosur nya meseti bekait enggau pugu topik

nuan. Enda patut ga dalam brosur nuan deka madahka chara

nanam sayur tang nuan ngena gambar anak mayau. Tu tau

ngasuh animasi ti dikena nuan enda sama enggau topik isi

ke amat.

Bansa fon dikena pan bisi ngembuan guna iya empu,n

nya alai enti nyema fon dikena semina biasa-biasa aja,

lalu sida ti deka macha brosur nya pan deka mikir ka utai

nya biasa-biasa aja sereta ukai utai ti beguna bendar. Tu

kebuah, fon dikena nulis leka jaku meseti manah sereta

8


narit ati bala mayuh. Bansa kertas enggau tema brosur

mega siti utai ti beguna bendar dalam narit ati mensia

mayuh. Kelebih agi ngagai nembiak sekula. Nembiak sekula

kitai nemu runding sida agi tikas kartun.

Dia kitai deka ngaga tauka ngena gambar kartun

ngambika sida rindu meda brosur digaga nya. Sida mega tau

rindang ati sereta rindu ati deka macha enggau lebih

silik senentang nama utai ti bisi ba brosur nya. Utai tu

nitih ka nama topik ti deka dikenataika nuan, ngagai sapa

nuan patut ngenataika topik nya. Enda patut ga nuan deka

meri brosur ngagai sida ke tuai tang di engkah ke tema

kartun. Tentu sida enda ngibuhka brosur nya enti nyema

nuan salah ngena tema.

5.2 ISI BROSUR.

Isi tauka tiap iti leka jaku ti digaga dalam brosur

nya meseti nerangka pekara ti deka dikelakuka. Isi ti

digaga deka dikedutka ari utai ti deka dikelakuka. Ari

isi ti dikedutka nya tadi, dia raban bansa ti macha iya

deka meretika nama utai ti dipadahka dalam brosur nya

laban brosur tu siti lambar ti mit sereta ngembuan ruang

ti cukup-cukup alai engkah pugu isi penemu. Anang sekali-

kali nambahka cherita dalam brosur nya enggaika orang ti

macha iya nya ngasai dikemulaka laban tu deka ngasuh utai

ti digaga nya tau mai penyai ngagai orang ke ngaga brosur

nya. Isi ti terang sereta enda kin kia tau mai penampak

ba sukut jaku dikena narit ati orang ke macha brosur nya.

Dalam brosur nuan enda ibuh engkah leka jaku ti bebungai

9


enggai ka penemu nuan nya enda datai ba orang ke macha

brosur nya. Ambika banding brosur ti ngena leka jaku

terang:

Gambar brosur ba atas meri penerang senentang utai ti bisi disediaka

ba hotel.

5.3 NISIH BROSUR.

Sebedau nuan nyelak brosur, nuan deka nisih sereta

nguji penau brosur nya dulu. Tu ngambi duit enda tebasau

pia aja enggau asil brosur nuan nya. Enti nyema brosur

nya enda ulih tetaritka ati orang ti macha, dia nuan deka

ngubah iya ngambika brosur nya tau narit ati sida ke

macha. Nuan tau nyadika bala karban nuan alai nuan nguji

ka penau brosur nya. Minta penemu sida senentang brosur

ti digaga nuan nya. Enti majoriti sida madah brosur nuan

manah, dia nuan tau nyedia ka ungkus kena nyelak iya,

tang enti nyema mayuh orang madah brosur nuan nya bedau

tetarit ke ati sida, nuan tau ngubah dulu sebedau nyelak

iya.

10


Dalam nisih brosur tu, nuan meseti ngembuan runding

ti positive ari nama-nama utai ti dipadah ke bala karbon

nuan. Tu kebuah, sida ngembuan penemu ti bebida kena

narit ati sida, nya alai penemu sida enda tau dibantah

tang nya nyadika chunto kena nuan ngaga brosur ngambika

iya nyadi asil ke manah sereta ngemuaska nuan enggau

compeni.

5.4 NENTUKA ORANG TI DITUJU.

Lebuh deka ngelakuka brosur pekara ti beguna bendar

iya nya, nentuka ba sapa nuan deka nujuka tauka meri

brosur nya. Brosur ti salah alai nuju ke iya tau ngasuh

nuan rugi, laban orang ke alai nuan nuju nya salah lalu

sida enda beminat deka nemu enggau jauh agi senentang

topik brosur nya. Ambika chunto, enti nuan ngikhlan ka

kursus komputar, dia nuan deka nyadung brosur nuan nya

ngagai sekula, baka bala nembiak sekula ke pulai sekula,

sereta nembiak ke ngembuan umur tauka mua ti biak. Enda

patut nuan deka meri ngagai apai indai nembiak ngasuh

sida belajarka khusus komputer. Enti nuan deka meri

ngagai apai indai, sida bedau tentu mereti sereta nemu

utai ke khusus komputer nya. Ari tu, dia asil nuan deka

narit ati orang belajarka khusus komputer deka pulai ka

sia-sia aja.

Bisi mega sida ti ngidar brosur tu ngena chara

muntang enggau muai brosur ba jalai alun. Tu kebuah, sida

mikir orang ke mansa jalai nya deka ngambi brosur nya.

11


Enda patut orang ke ngena kerita deka ngetu ketegal deka

ngambi brosur nuan nya. Ari tu, nuan meseti deka bisi

penemu ti dalam senentang pengawa alai nyadung brosur tu

ngambika nuan enda rugi ari asil sereta belanja. Laban

chara tu enda entu ngam enggau dunya kemaya hari tu laban

mayuh orang enggai ngumpul utai ti ba tanah laban sida

mikirka nya sampah tauka uras ngapa. Kelimpah ari nya

mega, chara tu deka nguraska rampa menua.

6.0 POSTER.

7.0 RETI POSTER.

Poster tu siti ari begian seni ti ngembuan tipografi,

ilutrasyen, churak enggau tusun leka jaku ti ditukar nyadi

siti simpul penemu ke senang dibacha sereta terang. Poster tu

suah iya dikena lebuh ngelakuka barang, kimpin, enggau mayuh

macham guna ke bukai. Kesuah iya, poster tu digaga dalam 2D

nyengkaum perengka ke dilukis, dicat, ditulis enggau dichelak.

Bakani guna brosur, bakanya mega guna poster tu, iya suah

dikena meri penerang senentang produk kompeni, pengawa raban

bansa, kimpin ti diatur perintah enggau mayuh agi. Banding iya

poster enggau brosur tu, poster tu dilekat ke ba dinding tauka

digitang ba sekula, ba opis enggau alai mua mayuh ke bukai.

Mayuh agi poster tu digantung ba alai ke mayuh orang ngambika

suah agi dipeda bala mayuh. Nyadi, poster ti ngembuan asil ke

manah deka nuju ka mesej enggau terang ngagai sapa-sapa ke

macha iya. Tu tau mai impak ke besai ngagai sida ke ngaga

poster laban tau narit ati ke macha sereta tau ngasuh sida

meretika pekara dia. Poster tu ngembuan mayuh macham bansa

12


iya, nitihka pugu pekara ti dikenataika. Chunto poster iya

nya, poster kena bedagang, isi pelajar, nempara raban bansa

enggau ke bukai. Dalam poster nya, iya ngembuan mayuh bansa

tuju, bisi ke ngasuh orang siru lebuh macha, bisi ke ngiga

orang lenyau, enggau mayuh agi.

8.0 TUJU NGAGA POSTER.

Poster tu ukai utai te digaga pia aja, tang iya ngembuan

tuju sereta tuku iya empu. Kebuah poster tu tau digaga laban

ke deka ditayangka ngagai mensia mayuh ngambika semua raban

bansa tau macha iya sereta ulih nitih nama utai ke dipadah

dia. Tang tiap-tiap poster tu digaga ngembuan tuju ti enda

sama, nya alai orang ke macha iya meseti nemu nama utai ke

deka dipadahka ba poster nya. Isi dalam poster mega ngembuan

isi ti dikedutka tang jauh lebih terang. Poster digaga naka

pemanah kena narit ati raban bansa ke bisi tepeda ka iya. Suah

agi poster tu dipeda kitai ba stesen bas, laban orang mayuh

agi ba dia.

Dalam tibak ngaga poster tu, gambar tau nyadika jalai

cerita kena madahka raban bansa enggau nama utai ti deka

ditusui. Ambika chunto:

13


Chunto gambar poster.

Gambar ba atas siti ari chunto poster ke suah dipeda

kitai ba sekula tauka ba library. Dalam poster nya mungka

nadai siti leka jaku ke ulih dipeda kitai. Tang semua raban

bansa ba dunya tu nemu nama simbolik gambar nya. Kitai udah

nemu gambar nya bisi bup sereta mensia megai bup nya, ditu

poster tu deka madahka orang ti macha. Mayuh macham penemu

ulih keluar ari runding kitai, bisi ka poster tu ngasuh kitai

macha enda ngira dini alai, deka nusuika kitai senentang macha

tu enda ngira tikas umur tauka pengawa macha tu beguna bendar

ke kitai. Tang kitai udah nemu tuju poster tu iya nya, ngasuh

kitai macha bakani iya macha. Bisi mega poster tu digaga kena

ngelakuka barang dagang, chunto poster nya baka tu:

Poster tuju kena bedagang.

Pia mega bisi poster dikena ngiga bala ke lenyau sereta

enda temu kine penunga. Ambika banding:

14


Chunto poster ngiga orang lenyau tauka nginga inang ke lenyau.

Poster mega dikena bekimpin enggau mayuh agi. Bekimpin ke

nyaga rampa menua suah amai bekena ka poster. Ari gaya poster

iya pan bisi nyelai agi laban nitihka tikas umur siku-siku

kitai ke deka ditujuka. Ambika banding poster nyaga rampa

menua ba sida nembiak sekula enggau orang tuai.

15


Chunto poster dikerindu nembiak sekula. Chunto poster seriran dikena

orang tuai.

Ari chura enggau animasi poster nya, kitai nemu ni

kedikena ba nembiak sekula enggau ni bagi ke dikena orang

besai. Kena narit ati nembiak sekula, kitai deka nemu maya

umur sida, sida rindu amat ke kartun, nya alai gambar kartun

dalam poster nuan tau ngasuh sida tekait ati deka macha enggau

ngambi poster nya. Nyelai agi enggau orang tuai, sida deka

lubah agi ngambi poster ke bisi gambar kartun laban sada ati

sida ukai kia. Sida deka jampat tekait aty enti nyema poster

nya ngembuan pugu isi ke terang baka chunto poster ke seriran

ba tikas sida ba atas.

9.0 NISIH PENGELANDIK MACHA NENGAH POSTER ENGGAU BROSUR.

Aktiviti 1.

16


Brosur tu nerangka senentang begian pemansang ekonomi.

Peratika brosur ba atas nya, lalu saut tanya dibaruh tu.

Bulatka saut ti engkeman ba nuan.

1. Pugu pekara dalam brosur tu iya nya…

A. madahka guna kelapa sawit ba pemansang ekonomi.

B. guna ikan deka ngemai ekonomi menua kitai mansang.

C. nerangka rengka ti tau mai pemensang ba ekonomi.

D. ekonomi kitai deka mansang enti nyema kitai enggau

progam pemansang ekonomi.

2. Brosur tu kebatang iya deka diterangka ngagai…

A. orang Kelantan

B. orang Asli

C. orang Terengganu

17


D. raban bansa menua Malaysia

3. Semua tu tau alai kitai deka nanya enggau lebih nyemetak

senentang program pemansang ekonomi SEMINA,

A. Jabatan Hal Ehwal Orang Asli Negeri Kelantan dan

Terengganu.

B. Jabatan Hal Ehwal Orang Asli Daerah Gua Musang.

C. Jabatan Hal Ehwal Orang Asli Kuala Lumpur.

D. Jabatan Hal Ehwal Orang Asli Daerah Terengganu.

4. Peratika brosur ba atas, lalu pilih ni bagi saut ti

engkeman senentang pugu isi brosur nya.

I. Pemansang ekonomi tau tumbuh ari bedagang enggau

berikan ba kulam.

II. Orang ti bedagang deka untung besai lalu meri pemansang

ba ekonomi.

III. Enti kitai deka nulung pemansang ekonomi, kitai tau

ngelawa Jabatan Hal Ehwal Orang Asli Kelantan.

IV. Brosur tu madahka pemansang ekonomi ba menua Sarawak.

A. I, II

B. II, III

C. III, IV

D. I, III

5. Ba penemu nuan, kelimpah ari pekara ba brosur nya, ari

sukut nama ekonomi kitai ulih ngerembai? Pilih ni bagi

saut ti engkeman.

A. Asil keranjai jari.

B. Pemanah rampa menua.

18


C. Betanam betupi.

D. Pengawa orang luar makai angin ngagai menua kitai.

Aktiviti 2

Brosur ngelakuka produk.

Peratika brosur ba atas nya, lalu saut tanya dibaruh tu.

Bulatka saut ti engkeman ba nuan.

1. Brosur tu madahka promosi…

19


A. Baju

B. Beg sekula

C. Barang kena nganta

D. Simplysiti ba watsons

2. Enti nyema nuan ngenapka slogan ari Simplysiti, nama bagi

perais deka di ulih nuan?

A. Makai enggau Siti Nurhaliza.

B. Bulih beg free.

C. Bulih tiket bilun free.

D. Bulih point ba kad watsons.

3. Meli Simplysiti C Bright & New Age Exfoliant 2 iti, nuan

deka bulih…

A. Diskaun 50% ari rega amat.

B. Free siti da agi.

C. Nuan deka mayar RM 39.90

D. Meli dua iti, lalu nuan deka mayar enggau rega RM 59.85

4. Setiap kali meli barang enggau rega RM 100 nuan deka…

A. derma RM5 ngagai orang tuai

B. derma RM5 ngagai watsons

C. derma RM5 ngagai Simplysiti

D. derma RM5 ngagai nembiak sekula

5. Lebuh meli barang jenama Simplysiti tu dalam RM 80 ke

atas, dia nuan..

A. Bulih perais kena nuci mua.

B. Bulih perais beg.

20


C. Bulih tiket bilun.

D. Bulih baucer

Aktiviti 3

21


Poster nyaga rampa menua.

Peratika enggau silik poster ba atas tu, lalu saut enggau

engkeman tanya dibaruh tu. Pilih saut lalu bulatka saut nuan.

1. Nama tuju poster tu digaga?

A. Dikena madahka senentang pengawa nyaga rampa menua.

B. Kitai meseti muai sampah sengapa aja.

C. Beresi ngagai diri empu aja.

D. Madahka enda rindu enggau uras.

2. Dini alai muai sampah ke bendar iya?

A. Ba laci mija.

22


B. Ba sebarang alai.

C. Ba tung sampah.

D. Ba selepak ruang ti puang.

3. Semua leman saut dibaruh tu betul magang senentang

pengawa ke patut digaga kitai kena nyaga rampa menua,

SEMINA…

A. Pemeresi.

B. Pengerai.

C. Pengelikun.

D. Pemagas.

4. Dini alai orang suah muai uras?

I. Jalai alun

II. stesen bas

III. parit

IV. pantai

A. I, II, III

B. II, III, IV

C. I, III, IV

D. I, II, III, IV

5. Ba penemu nuan, nama kebuah kitai meseti nyaga pemeresi

rampa menua? Pilih ni bagi saut ke engkeman.

A. Ngambika kitai dipeda beresi.

B. Ngambika temuai rindu ati deka datai ngagai menua

kitai.

23


C. Ngambika nyamai alai kitai diau.

D. Ngambika pengerai kitai semampai dikenatika.

Aktiviti 4

Poster tu nerangka pemakai ti patut dipakai kitai.

Peratika enggau silik poster ba atas tu, lalu saut enggau

engkeman tanya dibaruh tu. Pilih saut lalu bulatka saut nuan.

1. Dalam ringkai pemakai nya, ni bagi pemakai ke tau suah di

empa kitai?

24


A. Ringkat ke dua.

B. Ringkat ke baruh endar.

C. Semua tau magang.

D. Ringkat kesatu.

2. Pilih ni bagi pemakai ke enda mai pengerai ngagai tubuh

kitai.

I. Buah nanas

II. Gula batu.

III. Manuk guring.

IV. Sayur kubis.

A. I, II

B. II, III

C. III, IV

D. I, IV

3. Nama kebuah kitai meseti makai nitihka piramid pemakai?

A. Laban udah nyadika undang-undang kitai meseti nitihka

iya.

B. Ngambika pengerai kitai semampai dijaga.

C. Ngambika kitai badu makai gula batu laban iya ringkat

ke paling tinggi.

D. Laban ruti mudah agi rega ari manuk guring.

4. Ringkat ke tiga tinggi nya pemakai ti ngundan?

A. Karbohidrat.

B. Lemak.

C. Protein.

D. Vitamin

25


5. Piramid pemakai siti ari tusun pemakai ke mulaika

pengerai. Beri penemu nuan senentang nya.

A. Piramid pemakai ngembuan tusun ti seriran enggau utai

diguna tubuh kitai.

B. Piramid pemakai enda ibuh dititihka kitai.

C. Kitai patut makai nama utai ke deka kitai, enda ibuh

nitihka piramid pemakai.

D. Pemakai ba piramid pemakai utai ti tau dipakai magang.

10.0 LATIH BUKAI.

Karang.

26


Peratika gambar ba atas nya, lalu tulis karang nuan betopikka

tanggung pengawa apai indai dalam ngajar anak ngambika anak

ngembuan budi basa kemanah.

Isi alai puang ba baruh tu nitihka saut ti diberi.

makai ikan belaya diterima masau lebuhka Gawai Dayak

karbohidrat penemu nempara manuk

1. Indai Ezora ke tamu deka meli__________ enggau

__________.

2. Lebuhka bejalai, Margeret bisi meda orang benung

__________ba mua mayuh.

3. Macha tu siti pengawa ke patut dikembuan siku-siku orang

ngambika bulih _________ ke mayuh agi.

4. Sekula ti beresi deka mai penyamai enggau penenang

_________ belajar.

5. Pengerami __________ deka disambut kena 1 Jun ninting

taun.

6. Sebedau bebelika barang di pasar, kitai meseti bisi list

ngambika enda ___________ duit meli utai ke kurang

beguna.

7. Lebuh temuai datai, indai __________ temuai enggau ruti

paun sereta ai kopi.

8. Jessica suah amat _________ ruti dalam kelas tajapan udah

dirara pengajar Sunida.

9. Sumil bisi ati deka ngambi Suzana nyadika bini tang iya

takut enda __________ Suzana.

10. Pemakai ke ngundan mayuh ___________ tau dipakai

mayuh ngambika pengerai tubuh semampai dijaga.

27


PENYANDING PENEMU.

Abdullah Hassan. 1989. Pembelajaran Dan Pengajaran

Bahasa Malaysia. Dewan Bahasa dan Pustaka. Kuala Lumpur.

Azwan Wab Chik. 1986. Mengajar Bahasa Malaysia Jilid 1:

Perkaedahan. Dewan Bahasa dan Pustaka. Kuala Lumpur.

Guthrie, John. T., Seifert, Mary. 1983. Profiles of reading activity in

community. Jurnal of Reading.

Haji Hassan bin Muhammad Ali. 1986. Masalah Mengajar Bacaan Intensif

dan

kstensif dalam Mengajar Bahasa Malaysia Jilid 1: Perakedahan

diedit oleh Awan Wan Chik. Dewan Bahasa dan Pustaka.

Kuala Lumpur.

Harris, Albert. J., Sipay, Edward. R. 1990. How to Increase Reading

Ability: a Guide to developmental and remedial methods. Longman.

New York, London.

Kamarudin Hj. Husin, Siti Hajar Hj. Abdul Aziz. 1997. Penguasaan

Kemahiran Menulis. Kumpulan Budiman Sdn Bhd.

Marohaini Yusoff. 1999. Strategi Pengajaran Bacaan dan Kefahaman.

Dewan Bahasa dan Pustaka. Kuala Lumpur.

28


Mohd. Yusri Azhar. 1998. Teknologi Maklumat dan Budaya Membaca.

Dewan Masyarakat.

29

asgmnt Iban. brosur

Documents