Page 1
UNIVERSITETI I GJAKOVËS “FEHMI AGANI”
FAKULTETI I EDUKIMIT
Dega: Programi Fillor
PUNIM DIPLOME
TEMA: “FAKTORËT OBJEKTIV TË MËSIMIT - PLANI DHE
PROGRAMI MËSIMOR (KURRIKULUMI)”
Udhëheqësi shkencor: Kandidate:
Prof. Ass. Dr. Behxhet Gaxhiqi Doruntina Nikçi
Gjakovë, 2019
Page 2
II
PËRMBAJTJA
DEKLARATË ................................................................................................................................ IV
ABSTRAKT .................................................................................................................................... V
DEDIKIM....................................................................................................................................... VI
FALËNDERIME ........................................................................................................................... VII
HYRJE ......................................................................................................................................... VIII
KAPITULLI I ............................................................................................................................................ 9
1. Didaktika si shkencë ................................................................................................................... 9
1.1. Faktorët themelor të mësimit ..................................................................................................... 9
1.2. Faktorët subjektiv dhe objektiv ................................................................................................. 9
KAPITULLI II ......................................................................................................................................... 11
2. Arsimi dhe gjithëpërfshirja ...................................................................................................... 11
2.1. Parimet arsimit parauniversitar ............................................................................................. 13
2.1.1. Shkallët kryesore të kurrikulës për klasën përgatitore ......................................................... 13
2.1.2. Kompetencat kryesore .............................................................................................................. 14
2.2. Funksioni i rezultateve të nxënies ............................................................................................ 15
2.3. Mësimdhënia dhe të nxënit e bazuar në arritjen e kompetencave ....................................... 16
KAPITULLI III ....................................................................................................................................... 17
3. Faktorët objektiv ....................................................................................................................... 17
3.3. Plani dhe programi si faktorë kryesor në mësimdhënie ........................................................ 18
3.4. Plani dhe programi mbështetur në kurrikulë ........................................................................ 18
3.5. Aspekte metodologjike dhe praktike të planifikimit mesimor .............................................. 20
3.5.1. Plani mësimor ............................................................................................................................ 20
3.5.2. Planifikimi vjetor ...................................................................................................................... 20
3.5.3. Planifikimi dymujor .................................................................................................................. 21
3.5.4. Planifikimi javor ....................................................................................................................... 22
3.5.5. Planifikimi ditor i orës mësimore ............................................................................................ 24
KAPITULLI IV ......................................................................................................................................... 26
4.Korniza e kurrikulës së arsimit parauniversitar ............................................................................ 26
4.1. Kurrikula bërthamë .................................................................................................................. 27
4.2. Kurrikula me zgjedhje.............................................................................................................. 27
4.2.1. Çështje kryesore kurrikulare ................................................................................................... 28
Page 3
III
4.3. Zatimi i kurrikulumit .................................................................................................................... 29
4.4. Realizimi i çështjeve ndërkurrikulare dhe jashtëkurrikulare ................................................... 30
KAPITULLI V ......................................................................................................................................... 31
5. Vlerësimi .................................................................................................................................... 31
5.1. Qëllimi dhe sistemi i vlerësimit në klasën përgatitore dhe arsimin fllor .............................. 31
5.2. Vlerësimi i vazhduar ................................................................................................................. 32
5.2.1. Vlerësimi përfundimtar ............................................................................................................ 32
5.2.2. Vlerësimi për shkallë ................................................................................................................ 32
5.3. Parimet e vlerësimit .................................................................................................................. 33
6.Rezyme .................................................................................................................................................... 34
7.Literatura ............................................................................................................................................... 35
Page 4
IV
DEKLARATË
Nën përgjegjësinë time deklaroj se ky punim diplome “FAKTORËT OBJEKTIV TË MËSIMIT
PLANI DHE PROGRAMI MËSIMOR (KURRIKULUMI)”, është shkruar nga unë, dhe
përfqëson punimin tim original. Duke pasur parasysh se punimi shkencor i temës së mbrojtjes së
diplomës duhet të jetë pasqyrim i punës së autorëve, them se punimi nuk përmban material të
shkruar nga ndonjë person tjetër, përveç të atyre të listuara dhe të referuara, dhe nuk është
prezantuar asnjëherë para një institucioni tjetër për vlerësim.
Punimi është lektyruar nga:
Zekë Muqkurtaj
______________________________
Nënshkrimi
Pejë 17.7.2019 Doruntina Nikçi
Page 5
V
ABSTRAKT
Mësimdhënia është proces i cili lidhet ngushtë me faktorët objektiv dhe është një pjesë e
rëndësishme e çdo shoqërie. Për realizimin e një pune mësimore përdoren metoda të cilat
ndikojnë në arritjen e qëllimeve dhe detyrave arsimore. Planifikimi si faktor kryesues në procesin
mësimor ndërtohet me kurrikulë duke identifikuar objektivat e përgjithshme dhe duke mbledhur
të dhëna nga tre burime: përmbajtja, nxënësit dhe shoqëria. Punimi ka për objekt studimi
karakteristikat aktuale dhe prirjet e zhvillimeve bashkëkohore të kurrikulës duke theksuar
rëndësinë e saj në planprogramin mësimor.
Qëllimi kryesor këtij punimi është që të ofroj informacione më të sakta për rëndësinë dhe
nevojën për një planifikim të duhur mësimor, i cili realizohet më mirë duke përdorur parimet
themelore dhe modelet teknike dhe shkencore të kurrikulës për mësimdhënie. Për arritjen e
rezultateve të synuara në mësimdhënie së pari duhet që objektivat të jenë të arritshme nga të
gjithë nxënësit dhe të konkretizohen në mënyrë që të shmangen paqartësitë. Metodat e përdorura
në këtë punim janë kryesisht në përdorimin e literaturës, për pjesën teorike të këtij punimi janë
përdorur metoda e analizës me të cilën është analizuar dhe theksuar rëndësia dhe kuptimi i
kurrikulumit në mësimdhënie dhe mësim nxënie. Zbatimi i kurrikulumit kalon nëpër disa faza të
cilat të lidhura ngushtë me objektivat njohëse, psikomotore dhe emocionale. Theksohet rëndësia
e klasifikimit të kompetencave te të nxënit të cilat janë direktiva të fuqishme në procesin e
mësimdhënies dhe përbëjnë një avantazh në përdorimin e qasjes me bazë rezultatet dhe
standardet e planifikimit kurrikular.
Fjalë kyçe: planifikim, kurrikulum, metoda, mësimdhënie, kompetenca, rezultate të të nxënit etj,.
Page 6
VI
Dedikim
Për kohën dhe vëmendjen e munguar, për motivimin, për durimin dhe
mirëkuptimin e vazhdueshëm, për përkrahjen morale dhe financiare, këtë punim
me mirënjohje të thellë ia dedikoj prindërve të mi të cilët ishin udhërrëfyesit e mi për
këtë profesion!
Page 7
VII
FALËNDERIME
Realizimi i këtij punimi u mundësua falë ndihmës së pakushtëzuar të disa personave, të
cilëve do t'iu jem mirënjohëse për gjithë jetën dhe që dëshiroj t’i falënderoj me shumë respekt
për këtë gjest fisnik, përkrahje morale dhe dashamirësi të tyre.
Falënderoj gjithë stafin akademik të Universitetit të Gjakovës sidomos Programin fillor, koha e
studimeve në këtë universitet ka qenë vërtet e vlefshme dhe frytdhënëse dhe krahas literaturës
profesorët më dhanë kurajë dhe model me studimet e tyre prezantuar orëve të studimit, ti gjitha
këto kanë ndikuar në një mënyrë apo në një tjetër në këtë punim.
Mirënjohje të thellë dhe falënderim të veçantë për udhëheqësin shkencor të temës sime të
diplomës, një njeriu me virtyte të larta, Prof. Ass. Dr Behxhet Gaxhiqi, i cili më mbështeti dhe
udhëzoi në përpilimin dhe në rishikimin e vazhdueshëm, dhënien e ideve dhe sugjerimeve për një
punë sa më cilësore për punimin, por veçanërisht i jam mirënjohëse për inkurajimin dhe besimin
qe pati tek unë. Pa përkushtimin dhe udhëheqjen profesionale të tij nuk do kisha përfunduar me
sukses kërkimin shkencor. Të falënderoj përzemërsisht që më ndoqe me aq dashamirësi në punën
time i nderuar.
Të gjithë miqve dhe të afërmve u jam mirënjohëse, sepse kanë ditur të më kuptojnë e të më
mbështesin.
Në mbyllje falënderimi më i madh, shkon për më të rëndësishmen, familjen time, prindërit
e mi arsimdashës, motrat dhe vëllezërit, për mbështetjen e tyre të sinqertë e të pakushtëzuar, për
durimin e tyre dhe përkrahjen gjatë gjithë kësaj periudhe duke më qëndruar pranë me
devotshmëri dhe duke e lehtësuar punën time përmes sakrificës dhe mirëkuptimit, të cilëve u
dedikoj përfundimin me suksesin të këtij punimi të diplomës.
Page 8
VIII
HYRJE
Organizimi i punës mësimore gjithnjë ka qenë një nga problemet më me rëndësi në
teorinë dhe në praktikën didaktike. Prandaj, ky problem është aktual edhe në studimet e kohës
moderne.
Së pari termi “didaktikë” vjen nga greqishtja didasko në gjuhën shqipe që do të thotë: mësoj,
arsimim dhe edukatë. Didaktika merret me problemet e përmbajtjes, me studimin e procesit të
mësimdhënies, të përvetësimit dhe të zbatimit nga ana e nxënësve njohurive, aftësive dhe të
shprehive me parimet, format e organizimit të mësuarit dhe metodat.
Së dyti didaktika si disiplinë pedagogjike studion mësimin me karakter pedagogjik, ku realizohen
qëllimet dhe detyrat edukativo-arsimore si pikësynime shoqërore drejt formimit të
personaliteteve të nxënësve në aftësinë dhe përgatitjen e tij. Themeluesi i saj Komenski, i cili
kërkoi që të zbatohen viti shkollor (dhjetë muaj), pushimet vjetore, fillimi dhe mbarimi i vitit
shkollor, theksoi rëndësinë e orës mësimore dhe organizimin e saj, të orarit ditor dhe mësimeve
(para e pasdite), rekomandoi hartimin e planit vjetor të mësimit dhe respektimin e tij etj.
Së treti për të funksionuar në mënyrë të përsosur dhe adekuate procesi mësimor duhet pasur një
plan të cilit çdo mësimdhënës duhet t’i përmbahet dhe ta hartojë atë sipas modeleve më
bashkëkohore. Plan i tillë dhe dokument bashkëkohor është kurrikula e cila ka rol të veçantë në
planin dhe programin mësimor.
Së katërti hartimi i kurrikulës është mënyra si e konceptojmë kurrikulën dhe si i organizojmë
elementet kryesore të saj (lëndën, përmbajtjen, metodat dhe materialet mësimore, përvojat ose
veprimtaritë e nxënësit), për të siguruar drejtim dhe orientim gjatë zhvillimit të kurrikulës.
Kurrikula si fushë studimi është karakterizuar si e pakapshme, e copëzuar dhe e ngatërruar. Por,
ne duhet të kuptojmë se kurrikula është rezultat i veprimtarisë shoqërore e cila hartohet sipas
qëllimeve njerëzore të paramenduara dhe të reja.
Në kurrikulë, ndër të tjera, përcaktohet se çfarë duhet të dinë dhe çfarë duhet të jenë në gjendje të
bëjnë si duhet nxënësit, cilat vlera dhe qëndrime duhen kultivuar, si duhen aftësuar ata për
bashkëjetesë e tolerancë, si mund të japin ndihmesë në mënyrë aktive për mirëqenien shoqërore
dhe vetjake etj.
Kurrikula parasheh shumë çështje të nevojshme arsimore duke filluar nga planifikimi e duke
përfunduar me vlerësimin e brendshëm dhe të jashtëm. Brenda këtyre çështjeve trajtohet me
hollësi çdo problematikë dhe vihet në pah rruga drejt suksesit të nxënësve dhe mësimdhënësve.
Page 10
9
KAPITULLI I
1. Didaktika si shkencë
Themelues i teorisë së didaktikës është Jan Amos Komenski i cili hodhi themelet e
didaktikës në kuptimin klasik të kësaj fjale, veçanërisht me veprën e tij: “Didaktika e madhe”
botuar së pari në latinisht ne vitin 1657. Lidhur me këtë ai shkruan kështu: “didaktika e
madhe është shkathtësi e përgjithshme për të mësuar çdo kë për çdo gjë”. (didactica magna
universale omnes omnia docendi artificum exhibens).
Komenski është themelues i didaktikës moderne. Ai e definoi didaktikën si “shkathtësi për
të mësuar”, edhe pse në gjirin e saj përfshiu shumë çështje të tjera nga didaktika, nga
pedagogjia e përgjithshme, nga psikologjia etj. Për të arritur këtë shkathtësi ndikojnë shumë
faktorë të cilët i ndajmë në subjektiv dhe objektiv.
1.1. Faktorët themelor të mësimit
Puna mësimore është proces i veprimtarisë dhe i ndikimit të një sistemi të shumëfishtë të
faktorëve të ndryshëm. Faktorët themelor të mësimit janë: mësimdhënësi, nxënësi dhe
përmbajtjet mësimore të trajtuar si “trekëndësh didaktik” (Brada,2008,f.135).
Faktorët mësimorë, parë nga aspekti i strukturës dhe i mënyrës së ndikimit të tyre, paraqesin
një sistem të gjerë, ata gjatë punës mësimore ndikojnë në forma të ndryshme në zhvillimin
didaktik të organizimit të mësimit.
Faktorët mësimorë, paraqesin një sistem të gjerë dhe nisur nga ky fakt, mund të përfundojmë
se ekziston një numër i madh faktorësh. Kështu, duke konstatuar ekzistencën e sistemit
multifaktorial, themi se ata gjatë punës mësimore ndikojnë në forma të ndryshme në
organizimin e mësimit. Sistemi multifaktorial përbëhet prej faktorëve:
Subjektiv dhe
Objektiv.
1.2. Faktorët subjektiv dhe objektiv
Faktorët subjektivë janë struktura sociale të cilat bëjnë që puna mësimore të zhvillohet
sipas elaboracioneve të parashikuara. Përcaktimi dhe zgjedhja adekuate e faktorëve, si dhe
ecuria e zhvillimit të procesit të mësimit me angazhimin e pjesëmarrjes së faktorëve përkatës
është një prej elementeve përbërëse për arritjen e efikasitetit të duhur në veprimtarinë
Page 11
10
mësimore. Duke u nisur nga roli dhe rëndësia e tyre në parashtrimin e kësaj problematike, në
fillim do të ndalemi te nxënësi, si një ndër faktorët subjektiv më me rëndësi.
Faktorë të kategorisë objektive me ndikim të drejtpërdrejtë ose të tërthortë në mësim janë
objektet dhe mjetet mësimore, së bashku me ato ndihmëse, të cilat pasqyrojnë gjendjen dhe
bazën materiale të punës mësimore. Ndër faktorët objektiv më me rëndësi janë:
Përmbajtja e punës mësimore, e cila është e përmbledhur në kuadër të planprogramit
mësimor të cilat së bashku sipas strukturës didaktike bashkëkohore përbëjnë sistemin
kurrikular (curriculum), të përmbajtjeve mësimore. Përmbajtja mësimore synon
formimin e botëkuptimeve shkencore të nxënësve dhe si i tillë është korealcion
horizontal dhe vertikal i planit mësimor.
Plani dhe programi mësimor, janë dokumente dhe struktura didaktike me anë te të
cilave procesi mësimor është më i efektshëm dhe mundësojnë realizimin e plotë të
qëllimeve dhe detyrave edukative e arsimore.
Baza materiale e punës mësimore, e cila përfshinë objektet dhe tekniko-teknologjinë
bashkëkohore mësimore.
Page 12
11
KAPITULLI II
2. Arsimi dhe gjithëpërfshirja
Arsimi është veprimtari themelore e institucioneve arsimore që siguron krijimin dhe
shndërrimin e njohurive; përsosjen e kompetencave gjatë gjithë jetës; zhvillimin vetjak,
zhvillimin dhe shndërrimin e kulturës, rezultat i nxënies së qëllimshme, të planifikuar dhe të
organizuar në mënyrë formale dhe joformale. Arsimi gjithëpërfshirës është proces që adreson
dhe u përgjigjet nevojave të ndryshme te të gjithë nxënësve, përmes rritjes së pjesëmarrjes në
të nxënë dhe duke reduktuar përjashtimin në të dhe përmes tij.
Mësimdhënia është një proces dhe veprimtari ndërpersonale, ndërvepruese që në mënyrë
tipike përfshin komunikimin që synon të ndihmojë një ose më shumë njerëz për të nxënë.
(Musai, 1999,f.24). Tyler pohon se përvojat e të nxënit duhet të përzgjidhen në mënyrë të tillë
që nxënësit të kenë mundësi të mjaftueshme për të përjetuar dhe për të kryer me sukses
detyrat që kërkohen prej tyre (MASHT, 2009, f.30). Sipas tij parimet psikologjike i nxjerrin
këto objektiva më të rëndësishme.
Tabela 1. Parimet e Tylerit.
2.1. Qëllimi i arsimit
Qëllimet janë formulime të përgjithshme, ato u japin formë dhe drejtim veprimeve më
të përgjithshme që kanë për synim të realizojnë një produkt ose një sjellje të caktuar në të
ardhmen, ato janë pikënisja që sugjeron një ideal ose vizion frymëzues të së mirës.
Page 13
12
Qëllimi i edukatës dhe mësimit, me zhvillimin e mjeteve të punës dhe të prodhimit, kryesisht
në rrjedhat e zhvillimit të marrëdhënieve ndërmjet njerëzve, përherë ndryshon dhe fiton
cilësi.
Qëllimet arsimore duhet të trajtojnë intelektualen ose njohësen, social-vetjaken ose
emotiven dhe produktiven, dhe klasifikohen në këtë mënyrë:
Qëllimet që kanë të bëjnë me aspektin intelektual, përqendrohen në përvetësimin dhe
të kuptuarit e dijes, në zgjidhjen e problemeve, në shprehitë dhe nivelet e metodat e
ndryshmet te të menduarit.
Qëllimet në aspektin social-vetjak, kanë të bëjnë me ndërveprimet njeri-shoqëri,
njeri-njeri dhe njeri-vetvete. Këto qëllime përfshijnë edhe aspektet emocionale e
psikologjike të individëve dhe aspektet përshtatëse të tyre në raport me shtëpinë,
familjen dhe komunitetin vendor.
Qëllimet që lidhen me aspektin produktiv të shkollimit, përqendrohen në ato drejtime
të arsimit, që e lejojnë individin të funksionojë në shtëpi, në punë dhe si qytetar e
pjesëtar i shoqërisë (Orstein&.Hunkins,2002, f.397).
Fig.1 Aktiviteti i nxënësve në klasë
Zhvillimi i Planit dhe programit lëndor mbështet në bazën e një procedure të mirëfilltë
shkencore, si nga forma, qasja metodologjike, organizimi dhe ndërtimi i përmbajtjes së
lëndës, ashtu edhe nga parashtrimi i rezultateve te të nxënit, mjetet mësimore, metodat,
teknikat dhe instrumentet e vlerësimit (MASHT,2006,f.6).
Page 14
13
2.1. Parimet arsimit parauniversitar
Kurrikula Bërthamë siguron koherencë dhe qëndrueshmëri mes niveleve formale të
arsimit parauniversitar duke u mbështetur në këto parime bazë:
Gjithëpërfshirje, që nënkupton ofrimin e mundësive për përfshirje të barabartë te të
gjithë e fëmijëve dhe të rinjve në arsim cilësor;
Zhvillim të kompetencave, që reflektohet në rezultatet e të nxënit, që pritet të arrihen
në mënyrë progresive dhe të vazhdueshme nga të gjithë nxënësit në periudha të
ndryshme të shkollimit;
Mësimdhënie dhe nxënie të integruar dhe koherente, që promovon të nxënit holistik,
duke reflektuar ndërlidhjen dhe ndërvarësinë e natyrës dhe të botës së krijuar nga
njeriu me dijen dhe informacionin që kanë nxënësit për to;
Autonomi dhe fleksibilitet në nivel shkolle në zbatimin e kurrikulës bërthamë dhe
pjesës me zgjedhje që reflektohen në planifikim, organizim dhe realizim të procesit
mësimor;
Përgjegjësi dhe llogaridhënie, që reflektohen në krijimin e kulturës për vlerësim të
vazhdueshëm - ndjekje të progresit në zbatimin e kërkesave të kurrikulës përmes
mbledhjes dhe analizës së të dhënave, dokumentimit të sfidave dhe zgjidhjeve, drejt
një paraqitjeje më të mirë në përmbushjen e kërkesave të kurrikulës dhe ngritjes së
cilësisë së arsimit. Më gjerësisht për parimet e arsimit (MASHT,2016,f.14).
2.1.1. Shkallët kryesore të kurrikulës për klasën përgatitore
Korniza e kurrikulës është e strukturuar në gjashtë shkallë kryesore. Ato janë nën
periudha brenda një niveli apo dy niveleve formale të arsimit, që përfshijnë një deri tri klasa
mësimore. Shkallët kryesore të kurrikulës paraqesin periudha karakteristike të përbashkëta
për sa i përket zhvillimit të fëmijëve dhe kërkesave të kurrikulës. Kurrikula Bërthamë për
klasën përgatitore dhe arsimin fillor përbëhet prej dy shkallëve kryesore të kurrikulës:
KSNA
Nivelet formale të
arsimit
parauniversitar
Shkallët e kurrikulës
dhe emërtimi i tyre
Klasa Mosha
KSNA 1 Arsimi fillor Shkalla e kurrikulës 2:
Përforcim dhe zhvillim
III-V 8-10
KSNA 0 Klasa përgatitore Shkalla e kurrikulës 1:
Përvetësim themelor
Klasa
përgatitore
dhe I-II
5-8
Tabela 2. Shkallët kryesore të kurrikulës për klasën përgatitore në arsimin fillor.
Page 15
14
2.1.2. Kompetencat kryesore
Kompetencat përfshijnë një sistem të integruar dhe koherent të dijeve, të shkathtësive
dhe të qëndrimeve të aplikueshme dhe të transferuara, të cilat do t’u ndihmojnë nxënësve që
të ballafaqohen me sfidat e epokës digjitale, të ekonomisë së tregut të lirë, bazuar në dije.
Harmonizim i njohurive, shkathtësive, vlerave dhe qëndrimeve për të trajtuar plotësisht
situatat e kontekstit, aftësi të gjera për t’i zbatuar njohuritë, shkathtësitë, qëndrimet, rutinat,
vlerat dhe emocionet në mënyrë të pavarur, praktike dhe domethënëse, të gjitha përbëjnë
kompetencat.
Kompetencat reflektohen nëpërmjet rezultateve te të nxënit, të cilat janë të
përgjithshme e që shprehin atë se çfarë duhet të arrijnë nxënësit në mënyrë progresive dhe të
vazhdueshme deri në fund te arsimit të detyrueshëm.
Kompetenca që konsiderohen nga sistemi i arsimit dhe aftësimit si të rëndësishme për
të nxënit e secilit individ të shoqërisë.
Kompetencat kryesore
Kompetenca e komunikimit dhe e të shprehurit
Kompetenca e të menduarit
Kompetenca e të mësuarit
Kompetenca për jetë, për punë dhe për mjedis
Kompetenca personale
Kompetenca qytetare
2.1.3. Kompetenca e komunikimit dhe të shprehurit
Për të komunikuar në mënyrë efektive, nxënësit përkrahen që të shfrytëzojnë në
mënyrë të pavarur, kritike dhe kreative mjetet dhe mundësitë e komunikimit dhe te të
shprehurit (MASHT, 2016, f.19). Nxënësit me anë të kësaj kompetence e kanë më të lehtë
zhvillimin e personalitetit dhe qasen më lehtë në shoqëri duke qenë aktiv dhe duke u shprehur
në mënyrë adekuate, duke kuptuar mesazhet që u drejtohen dhe duke komunikuar me anë të
gjuhëve, gjestikulacionit dhe formave tjera artistike.
2.1.4. Kompetenca e të menduarit
Për procesin e të nxënit ka shumë rëndësi marrja dhe përpunimi i njohurive në mënyrë
të pavarur sepse ndikon në zgjidhjen e problemeve duke marrë vendime me përgjegjësi dhe
pasur një qasje krijuese të të menduarit. Sipas kurrikulumit është shumë e nevojshme të
realizohet kjo kompetencë sepse ndihmon nxënësit të gjykojnë drejtë, në bazë të analizës dhe
sintezës paraprake të fakteve dhe situatave, të ilustrojnë me mjete konkrete të menduarit
abstrakt dhe të identifikojnë e të përdorin informacionin e duhur.
Page 16
15
2.1.5. Kompetenca e të mësuarit
Në zhvillimet bashkëkohore në shoqëri, në shkencë, në teknologji e në ekonomi nuk
mund të kërkohet që të gjitha njohuritë, shkathtësitë e qëndrimet e nevojshme të arrihen
nëpërmjet shkollimit. Prandaj, shkolla u krijon nxënësve të gjitha kushtet dhe mundësitë për
t’u arsimuar dhe përgatitur për të nxënë gjatë gjithë jetës duke kultivuar vazhdimisht
kërshërinë dhe interesimin për të nxënë, përkatësisht kompetencën e të mësuarit (MASHT,
2016, f.19).
2.1.6. Kompetenca për jetë, për punë dhe për mjedis
Për t’u zhvilluar kjo kompetencë, nxënësve duhen krijuar kushte që të kuptojnë
ndërvarësinë ndërmjet dukurive ekonomike, politike dhe kulturore të shoqërisë vendore dhe
globale. Me anë të kësaj kompetence nxënësi identifikon burimet e nevojshme material dhe i
përdor në mënyrë të drejtë për kryerjen e detyrave të cilat janë të parashtruara nga
mësimdhënësi.
2.1.7. Kompetenca personale
Për të zhvilluar kompetencën personale, shkollat përgatisin nxënësit të përfshihen në
mënyrë efektive në jetën familjare e shoqërore dhe në punë. Në këtë kontekst, nxënësit
përkrahen të ndërgjegjësohen për veten, të kenë vetëbesim, të jenë të hapur dhe të kenë besim
tek të tjerët (Po aty f.20).
2.1.8. Kompetenca qytetare
Të mësuarit për të jetuar së bashku trajtohet si sfida kryesore e botës së sotme dhe së
nesërme. Kjo kompetencë siguron që nxënësit të jenë në gjendje të veprojnë si qytetarë të
përgjegjshëm, duke marrë parasysh kontekstin e ngushtë dhe të gjerë. Si kompetencë qytetare
nxënësi shpreh mendimin e tij duke kërkuar paraprakisht leje nga grupi, respekton mendimin
e secilit anëtar të grupit dhe merr pjesë në proceset e zhvillimit shoqëror duke identifikuar,
diskutuar dhe arsyetuar çështjet qytetare të parashtruara.
2.2. Funksioni i rezultateve të nxënies
Rezultatet janë shprehur në kornizën e kurrikulës në një varg domenesh, përfshirë dijen,
të kuptuarit, shkathtësitë dhe kompetencat, vlerat dhe qëndrimet.
Zhvillimi i kompetencave dhe arritja e rezultateve te tyre, bëhet përmes fushave kurrikulare.
Të gjitha fushat kurrikulare dhe lëndët mësimore që mbahen në klasën përgatitore,
kontribuojnë bashkërisht në arritjen e rezultateve të kompetencave të shkallës. Rezultatet e të
nxënit për kompetenca shprehin pritjet e mësimdhënësve, të autoriteteve arsimore, të
prindërve dhe të shoqërisë në raport me arritjet konkrete, të matshme, të nxënësve në fund të
çdo shkalle të kurrikulës. Ato përdoren gjatë hartimit të programeve mësimore, organizimit
mësimor në shkollë, hartimit të teksteve shkollore dhe materialeve mësimore.
Page 17
16
Për nxënësit që nuk i arrijnë rezultatet e të nxënit për kompetenca në nivel shkalle kurrikulare
shkolla organizon mësim mbështetës si shtues, plotësues dhe forma të tjera të përkrahjes.
Rezultatet e të nxënit për kompetencat kryesore të shkallës
3. Kompetenca e komunikimit dhe e të shprehurit – Komunikues efektiv
4. Kompetenca e të menduarit – Mendimtar kreativ, krijues dhe kritik
5. Kompetenca e të mësuarit – Nxënës i suksesshëm
6. Kompetenca për jetë, punë dhe mjedis – Kontribues produktiv
7. Kompetenca personale – Individ i shëndoshë
8. Kompetenca qytetare – Qytetar i përgjegjshëm
2.3. Mësimdhënia dhe të nxënit e bazuar në arritjen e kompetencave
Planifikimi dhe realizimi i mësimdhënies kërkohet që të bëhet duke u mbështetur në
rezultatet e nxënit për fusha kurrikulare, përkatësisht për lëndë mësimore, me synim kryesor
arritjen e kompetencave të parapara në shkallën përkatës të kurrikulës, Zbërthimi i tyre duhet
të jetë në harmoni të plotë me dinamikën e arritjes së nxënësve dhe zhvillimit të tyre psiko-
social.
Mësimdhënia dhe nxënia e bazuar në kompetenca kërkon që mësuesit të përzgjedhin strategji,
metoda, teknika, mjete dhe forma të ndryshme të punës me nxënës, si dhe të riorganizojnë
përvojat mësimore të nxënësve, duke i integruar njohuritë relevante me shkathtësitë, vlerat
dhe qëndrimet.
Për realizimin me sukses të mësimdhënies me bazë kompetenca nga mësimdhënësi kërkohet:
Mësimdhënie të integruar, holistike (tërësore), që dukuritë që ndodhin në natyrë dhe
shoqëri të kuptohen të ndërlidhura/ndërvarura dhe ashtu siç ndodhin në jetën e
përditshme (në funksion të saj mund të jenë, lidhja me jetën, korrelacioni mes lëndëve
mësimore dhe fushave të kurrikulës duke identifikuar çështjet/temat e përbashkëta,
pastaj çështjet/temat ndërkurrikulare dhe aktivitete jashtëkurrikulare;
Zhvillimi i mësimdhënies dhe të nxënies me bazë situate jetësore/mësimore
Ndërlidhje e njohurive të reja me përvojat paraprake të nxënësve (MASHT, 2016).
Mësimdhënia dhe nxënia e bazuar në kompetenca është e lidhur ngushtë edhe me procesin e
vlerësimit, me fokus të veçantë me vlerësimin formativ dhe progresiv. Vlerësim i me bazë
kompetenca ka të bëjë jo vetëm përformancën sasiore të përmbajtjes së përvetësuar por edhe
me përformancën e përgjithshme dhe përfshin cilësinë e përformancës, si, proceduat e
nxënies, e përformimit dhe vetëvlerësimit në kontekstin e nxënies së suksesshme.
Page 18
17
KAPITULLI III
3. Faktorët objektiv
Faktorët objektiv janë pjesë integrale e organizimit bashkëkohor të punës mësimore,
kurse përmbajtja dhe struktura e tyre duhet kuptuar ashtu që ato të jenë në funksion të
kërkesave bashkëkohore dhe të ngritjes së një efikasiteti sa më të lartë të punës mësimore.
Përmbajtja dhe struktura e faktorëve objektiv është e shumëllojshme dhe përpos rrethit
shoqëror (shkolla, rregullimi shoqëror, baza ekonomike) përfshinë edhe:
Përmbajtjen e punës mësimore;
Pajisjet dhe bazën materiale për realizimin e plotë të punës mësimore;
Shkallën e zhvillimit të sistemit të disiplinave shkencore.
Përmbajtët e mësimit janë sistem njohurish, faktesh, përgjithësimesh, shkathtësish dhe
shprehish të seleksionuara profesionalisht nga shkencat, artet, teknika dhe teknologjia për
qëllime arsimore – edukative, të cilat reflektojnë didaktikisht realitetin objektiv në lëndët
mësimore. Përmbajtjet mësimore determinohen nga niveli i zhvillimit të bazës materiale, të
mjeteve të prodhimit, të forcave prodhuese dhe marrëdhënieve në prodhim të shoqërisë në
interes të të cilës organizohet mësimi.
Baza materiale e punës mësimore ka ndikim të drejtpërdrejtë në mësim të cilat janë objektet
mësimore dhe tekniko – teknologjia bashkëkohore mësimore. Përmbajtja dhe struktura e
objekteve mësimore është shumë e larmishme të cilat kanë ndryshime didaktike në bazë të
vendit ku zhvillohet procesi mësimor. Mjetet mësimore për nga struktura dhe përmbajtja e
tyre ndahen në të thjeshta dhe të përbëra deri në shkallën më të lartë të zbatimit të teknikës
dhe teknologjisë moderne.
Si faktor të rëndësishëm objektiv mjetet mësimore klasifikohen në:
a. Mjetë mësimore vizuale të cilat sipas formës dhe paraqitjes së jashtme mund të jenë
dydimensionale dhe tredimensionale;
b. Mjetet mësimore auditive, të cilat kanë përdorim të gjerë në punën mësimore si:
radio, incizimet me CD etj.;
c. Mjetet mësimore audio-vizuale, të cilat ndihmojnë shumë procesin mësimor me
paraqitjen e tyre dhe e afrojnë nxënësit më shumë me njësinë mësimore që zhvillohet.
Më të përdorura janë: filmi dhe emisionet televizive;
d. Mjetet e komunikimit masiv si radioja dhe televizioni, tani edhe mjetet bashkëkohore
komunikimi nëpërmjet internetit që ka qasje më të shpejtë në punën mësimore;
e. Mjetet manuale mësimore: punishtet, aparatet e kopjimit dhe fotokopjimi,
laboratorët;
f. Orenditë shkollore si bankat, karriget;
Page 19
18
g. Veglat e punës mësimore të cilat kanë rëndësi të veçantë në punën mësimore duke
lehtësuar procesin mësimor me përdorimin e tyre, ato janë: mjetet gjeometrike,
tabela, arkat, treguesit etj.
Këto mjete ndihmojnë në demonstrimin dhe konkretizimin e temave mësimore dhe ndikojnë
në arritjen e rezultateve dhe qëllimeve mësimore.
3.3.Plani dhe programi si faktorë kryesor në mësimdhënie
Planprogrami i shkollës paraqet strukturën e gjithëmbarshme arsimore – edukative të
shkollës, jo vetëm në mësimin e përbashkët, por edhe mësimin e diferencuar dhe si dokument
i tillë gjithëpërfshirës krijon kushte për organizimin e shkollës bashkëkohore. Plani mësimor
është një dokument i rëndësishëm i cili orienton shkollën për organizimin e procesit mësimor,
në nivel shkolle, shkalle dhe klase.
Në planprogramin mësimor të lëndës së caktuar, përcaktohen orët mësimore javore dhe
vjetore (plani mësimor), si dhe përmbajtjet mësimore (programi mësimor), ana ekstensive
dhe intensive e prezantimit, renditjes dhe mënyra e përgjithshme e shtjellimit të tyre sipas
dinamikës kohore dhe të arriturave bashkëkohore didaktike (.Brada, 2008, f.158).
Plani mësimor i përcaktuar në dokumentet kurrikulare të MAShT-it përbëhet nga fushat e
kurrikulës dhe orët mësimore për shkallë kurrikulare, por lendet dhe orët mësimore për klasë.
Plani mësimor për klasën përgatitore dhe arsimin fillor për dallim nga arsimi i mesëm i ulët
dhe i mesëm i lartë është më fleksibil dhe mund të menaxhohet nga mësimdhënësi.
Planet mësimore mund të konceptohen në lloje të ndryshme, në varësi nga saktësia e
rrjedhave të informacionit dhe komunikimit në mësim, nga ky këndvështrim bëhet fjalë për
këto lloje të plan programeve mësimore:
Planprogrami mësimor i standardizuar;
Planprogrami mësimor jo i standardizuar;
Planprogrami mësimor tematik;
Planprogrami mësimor i detajuar – curriculumi.
3.4.Plani dhe programi mbështetur në kurrikulë
Plani mësimor për fusha kurrikulare dhe lëndë mësimore për klasën përgatitore dhe
arsimin fillor bazohet në planin mësimor të arsimit parauniversitar, përkatësisht në shkallët 1
dhe 2 të kurrikulës. Plani mësimor ndahet për fusha kurrikulare në mënyrë të baraspeshuar,
duke pasur parasysh moshën e nxënësve dhe nevojat e tyre zhvillimore. Koha e përcaktuar në
këtë plan mësimor nënkupton minimumin e kohës për secilën fushë të kurrikulës nëpër të
cilën duhet të kalojnë nxënësit përgjatë shkallëve të kurrikulës, përkatësisht përgjatë arsimit
parauniversitar.
Page 20
19
Në mbështetje të specifikave të mësimdhënies dhe nxënies në klasën përgatitore dhe arsimin
fillor dhe me qëllim që plani mësimor të jetë funksional në zhvillimin e kompetencave të
parapara me kornizë kurrikulare, gjatë hartimit të planit mësimor për klasën përgatitore dhe
klasat 1-5 janë marrë parasysh kriteret në vijim:
Përqindja totale e dhënë në planin mësimor për secilën fushë kurrikulare për një
shkallë kurrikulare;
Numri i orëve javore për një klasë;
Rezultatet e të nxënit për fushë kurrikulare, që duhet zotëruar nxënësit gjatë një
shkalle kurrikulare;
Rezultatet e të nxënit për kompetencat kryesore për shkallë kurrikulare;
Mundësitë psikofzike dhe intelektuale të nxënësve;
Parapërgatitjet dhe përvojat e nxënësve dhe
Konteksti aktual i përgatitjes së mësimdhënësve për këtë nivel të arsimit.
Planprogrami mësimor i mbështetur në kurrikulë parasheh shtjellimin e përmbajtjes
mësimore sipas orëve të përcaktuara, objektivat që duhet arritur, korrelacionin që duhet vënë
ndërmjet përmbajtjeve, madje edhe ndërmjet lëndëve mësimore si dhe mënyrat didaktiko –
metodike, që duhet përdorur për realizimin e tij. Planifikimi është një proces i rëndësishëm i
zbatimit të kurrikulës, i cili i krijon mundësinë mësuesit të jetë krijues dhe i lirë në procesin e
mësimdhënies. Për një planifikim të mirë, mësuesi duhet të njohë këto dokumente:
Kornizën kurrikulare
Kurrikulën bërthamë
Programin mësimor
Orët mësimore elaborohen për secilën kategori, nënkategori dhe njësi mësimore. Parashihen
në detaje rezultatet ë të nxënit që duhet arritur, duke marrë parasysh aftësinë psikofizike të
nxënësve, mundësitë reale materiale dhe tekniko – teknologjike të shkollës për realizimin e
tyre,.
Cilido qoftë orientimi ndaj kurrikulës, nuk mohohet që zbatimi dhe realizimi kërkojnë
planifikim, dhe planifikimi përqendrohet në tre faktorë:
Njerëzit
Programet dhe
Proceset (Orstein, botimi i tretë, f.433).
Zbatimi me sukses i kurrikulës është rezultat i planifikimit të kujdesshëm. Proceset e
planifikimit trajtojnë nevojat dhe burimet e kërkuara për realizimin e veprimtarive të synuara.
Kjo përfshin përcaktimin dhe vendosjen si të administrohet politika që do të drejtojë te gjitha
veprimtaritë e planifikuara. Planifikimi ndodh para krijimit dhe para lëvrimit të programit.
Page 21
20
3.5.Aspekte metodologjike dhe praktike të planifikimit mësimor
Për të planifikuar procesin mësimor në mënyrë më të detajuar për një vit shkollor, së pari
duhet përcaktuar planin mësimor për lëndët mësimore për klasat përgatitore dhe klasën
përkatëse të arsimit fillor. Plani mësimor ofron liri të organizimit të orëve mësimore për lëndë
mësimore brenda fushave kurrikulare, por duhet të kemi kujdes, nuk duhet tejkaluar totali i
fondit javor të tyre.
Planifikimet
Plani mësimor
Planifikimi vjetor
Planifikimi dymujor
Planifikimi javor
Planifikimi i orës mësimore
Planifikimi i çështjeve ndërkurrikulare dhe veprimtarive jashtëkurrikulare
3.5.1. Plani mësimor
Plani mësimor i përcaktuar në dokumentet kurrikulare përbëhet nga fushat e
kurrikulës dhe orët mësimore për shkallën kurrikulare, apo lëndët mësimore për klasë. Plani
mësimor për klasën përgatitore dhe arsimin fillor për dallim nga arsimi i mesëm i ulët dhe i
mesëm i lartë është më fleksibil dhe mund të menaxhohet nga mësimdhënësi.
3.5.2. Planifikimi vjetor
Plani vjetor është dokument, i cili e orienton zhvillimin e mësimit për një vit shkollor
(mësimor), duke i përmbushur kërkesat e programit mësimor. Ai hartohet për secilën lëndë
mësimore brenda fushës kurrikulare dhe ka për qëllim identifikimin e rezultateve te të nxënit
të kompetencave të shkallës kurrikulare, të cilat synohen të arrihen gjatë vitit mësimor. Temat
mësimore të një fushe mund të jenë të pranishme disa muaj, gjatë vitit shkollor (mësimor),
por kjo varet nga nevoja e nxënësve dhe nga arritja e rezultateve të lëndës mësimore, të cilat
duhet të arrihen nga çdo nxënës (MASHT, 2018, f.25).
Page 22
21
3.5.3. Planifikimi dymujor
Plani dymujor është vazhdimësi e planit vjetor dhe ka për qëllim zbërthimin e temave
mësimore nga plani vjetor në njësi mësimore. Në planifikim dymujor, përcaktohen
metodologjitë e mësimdhënies dhe vlerësimit, mjetet (materialet) dhe burimet për arritjen e
rezultateve të planifikuara. Planifikimi dymujor përmban këto elemente:
Rezultatet e të nxënit për kompetenca (RNK),
Rezultatet e të nxënit për fusha (RNF),
Temat mësimore,
Rezultatet e të nxënit të lëndës për tema,
Njësitë mësimore,
Kohën mësimore (orët mësimore),
Metodologjitë e mësimdhënies,
Metodologjitë e vlerësimit,
Ndërlidhjen me lëndët tjera mësimore,
Me çështjet ndërkurrikulare,
Me situatat jetësore dhe
Burimet.
Njësitë mësimore, bashkërisht, duhet të kenë për synim arritjen e rezultateve të
identifikuara të të nxënit të kompetencave të shkallës kurrrikulare, të fushës kurrikulare dhe
të rezultateve të të nxënit për tema mësimore të parapara në programet mësimore/lëndore.
Temat mësimore të planifikuara ndërlidhen edhe temat mësimore të fushave të tjera
kurrikulare / lëndëve mësimore. Kjo lidhshmëri sigurohet duke planifikuar mbi bazën e
planifikimit vjetor me qëllim të sigurimit të mësimdhënies së integruar (MASHT,2018, f.29).
Page 23
22
PLANIFIKIMI E PLANIT DYMUJOR TË PROCESIT MËSIMOR
Fusha: .................................................................
Klasa: ....... Muajt: ........
Tema mësimore: ................................................................
Rezultatet e kompetencave që synohen të arrihen përmes temës:
Rezultatet e fushës kurrikulare që synohen të arrihen përmes temës:.
Korrelacioni me fushat kurrikulare dhe çështjet ndër lëndore:
Fusha
apo
Lëndët
mësimore
Rezultatet
e të nxënit
të lëndës
Njësitë
mësimore
Koha e
nevojshme
Metodologjia
e
mësimdhënies
Metodologjia
e vlerësimit
Burimet
Tabela 3. Plani dymujor
3.5.4. Planifikimi javor
Meqenëse plani dymujor nuk është i ndarë në javë, plani javor mundëson përcaktimin
e njësive mësimore, të cilat do të realizohen gjatë javës, për secilën lëndë mësimore (fushë
kurrikulare), në klasën e caktuar. Njësitë mësimore merren nga planifikimi dymujor.
Mësimdhënia duhet të ketë për bazë integrimin e lëndëve për tema të caktuara. Për të arritur
ndërlidhjen e fushave të jetës me aspektet mësimore, mësimdhënësit duhet që gjatë
planifikimit vjetor, të analizojnë programet mësimore/lëndore dhe mundësinë e lidhjes së
temave mësimore me lëndët tjera brenda fushës së kurrikulës dhe me lëndët tjera.
Page 24
23
Tema pikënisëse :______________________________________________
Dita Njësitë mësimore në javë Përshkrim i
shkurtër
E hënë Fushat e kurrikulës / lëndët mësimore
Lënda: Lënda: Lënda: Lënda:
E martë Fushat e kurrikulës / lëndët mësimore
Lënda: Lënda: Lënda: Lënda:
E
mërkurë
Fushat e kurrikulës / lëndët mësimore
Lënda: Lënda: Lënda: Lënda:
E enjte Fushat e kurrikulës / lëndët mësimore
Lënda: Lënda: Lënda: Lënda:
E
premte
Fushat e kurrikulës / lëndët mësimore
Lënda: Lënda: Lënda: Lënda:
Tabela 4. Plani javor
Planifikimi javor ka për qëllim lidhshmërinë e njësive mësimore të lëndëve të ndryshme
mësimore në kontekst të kuptimit të situatave, problemave, dukurive dhe ngjarjeve, si çështje
të ndërlidhura e jo të ndara (MASHT,2018,f.33).
Page 25
24
3.5.5. Planifikimi ditor i orës mësimore
Plani i orës mësimore ka për qëllim që të gjitha planifikimet e procesit mësimor t’i bëj të
zbatueshme në punën e drejtpërdrejtë me nxënësit në klasë, por edhe jashtë saj, brenda një
ore mësimore. Në përgatitjen e një plani ditor mësuesi duhet të përcaktojë rezultatet e
pritshme të asaj ore mësimi, të përgatisë veprimtaritë mësimore, të përzgjedhë metodat dhe
strategjitë, të përzgjedhë burimet e të nxënit, të përcaktojë teknikat e vlerësimit të
përshtatshme për klasën, të parashikojë punën me klasën, grupet, nxënës të veçantë, të
parashikojë lidhjen me lëndët e tjera etj. Në këtë planifikim mësimdhënësi identifikon:
Rezultatin e të nxënit lëndës për temë (merret nga planifikimi dymujor);
Njësinë mësimore, të cilën do ta realizojë (njësia mësimore merre nga planifikimi
dymujor, përkatësisht planifikimi javor);
Rezultatet e të nxënit të synuara për shkallë-kompetenca (të cilat i ka përcaktuar në
planifikimin dymujor të temës mësimore);
Kriteret e suksesit, të cilat duhet të caktohen në bashkëpunim me nxënësit në fillim të
orës (MASHT,2018,f.35).
Mbi bazën e rezultateve të kompetencave, të fushave kurrikulare dhe rezultateve të të nxënit
të lëndës (nga programet mësimore/lëndore), mësimdhënësi e elaboron orën mësimore, duke
përcaktuar edhe elementet tjera, të cilat i sheh të nevojshme. Forma organizative e orës
mësimore, metodologjia e mësimdhënies dhe e vlerësimit, metodat, teknikat, mjetet dhe
burimet që shfrytëzohen për realizimin e njësisë mësimore duhet të jenë në funksion të
rezultateve te të nxënit, të planifikuara për arritje.
Page 26
25
Aspektet e përgjithshme të planit të orës mësimore
Fusha kurrikulare / lënda: Shkalla e kurrikulës: Klasa:
Koncepti bazë i fushës së kurrikulës:
Tema / njësia mësimore:
Kontributi në rezultatet e kompetencave kryesore për shkallën:
Kontributi në rezultatet e fushës së kurrikulës për shkallën:
Aspektet specifike të planit të orës mësimore
Fjalët kyçe:
Rezultatet e të nxënit të lëndës (të synuara):
Kriteret e suksesit(të synuara):
Mjetet e konkretizimit dhe materialet mësimore:
Përdorimi i Tik-ut:
Çështjet e ndërlidhura (korrelacioni):
Çështjet ndërkurrikulare:
Përshkrimi i metodologjisë dhe rrjedhës së planit të orës mësimore
- Pjesa hyrëse:
- Pjesa kryesore:
- Pjesa përfundimtare:
Vlerësimi i nxënësve:
Detyrat dhe puna e pavarur:
Reflektimi për rrjedhën e orës mësimore:
Tabela 5. Plani i orës mësimore
Page 27
26
KAPITULLI IV
4. Korniza e kurrikulës së arsimit parauniversitar
Në lidhje me kurrikulën ekzistojnë përkufizime të shumta. Kurrikula mund të shihet si
fushë studimi me bazat e saj, lëmit e veta të dijes, si dhe hulumtimin, teorinë, parimet dhe
specialistët e vet për interpretimin e kësaj dije.
Kurrikula mund të përkufizohet si një plan për veprim ose një dokument i shkruar, që
përfshinë strategjitë për arritjen e objektivave ose qëllimeve të dëshiruara. Ky këndvështrim, i
përhapur nga Ralf Tyler dhe Hilda Taba, përfaqëson një pikëpamje lineare të kurrikulës.
Radha e hapave të planifikuesit është e caktuar paraprakisht. Plani ka një fillim dhe një fund,
si dhe një proces (ose mekanizëm), me qëllim që ‘çka nis, të përparojë e të përfundojë’
(Orstein &.Hunikns,2003,f.15). Pjesa më e madhe e bihevioristëve, disa përfaqësues të
metodës menaxheriale dhe mbrojtësit e sotëm të metodës së sistemeve e pranojnë këtë
përkufizim.
Kurrikula është dokument me të cilin përcaktohen rezultatet për kompetenca dhe rezultatet
për fusha të kurrikulës, të shprehura në njohuri shkathtësi, qëndrime dhe vlera që duhet të
zhvillohen dhe arrihen nga nxënësit deri në fund të periudhave të caktuara kohore si dhe
qasjen metodologjike të zbatueshmërisë, përfshirë mësimdhënien, të nxënit dhe vlerësimin.
Dokumenti i Kurrikulës Bërthamë për klasën përgatitore dhe arsimin fillor mbështet:
Nxënësit - në zhvillimin gradual të tyre, në zhvillimin e kompetencave kryesore të
nxënies, në mënyrë që të përballojnë sfidat e jetës dhe të punës dhe integrohen më
lehtë në shoqërinë e së ardhmes;
Mësimdhënësit - në planifikimin dhe realizimin e suksesshëm të punës me nxënës -
aktiviteteve mësimore në klasë dhe jashtë klase;
Prindërit - në ndjekjen/përcjelljen e saktë të nivelit të arritjeve të kompetencave të
fëmijëve të tyre në periudha të caktuara kohore, në bazë të njohurive, sjelljeve,
ndjenjave dhe qëndrimeve që manifestojnë në situata të ndryshme jetësore, në
harmoni me rezultatet e të nxënit për fusha kurrikulare dhe kompetenca
(MASHT,2016, f.12).
Page 28
27
4.1. Kurrikula bërthamë
Ky është një model i kurrikulës i cili planifikohet me kujdes dhe përqendrohet në arsimin
e përgjithshëm dhe mbështetet në problemet që lindin nga veprimtaritë e përgjithshme.
Kurrikula Bërthamë për klasën përgatitore dhe arsimin fillor, krahas dokumenteve tjera
kurrikulare, e bën të zbatueshme Kornizën e Kurrikulës të Arsimit Parauniversitar. Me këtë
dokument përcaktohen rezultatet për kompetenca dhe rezultatet për fusha të kurrikulës, të
shprehura në njohuri shkathtësi, qëndrime dhe vlera që duhet të zhvillohen dhe arrihen nga
nxënësit deri në fund të periudhave të caktuara kohore si dhe qasjen metodologjike të
zbatueshmërisë, përfshirë mësimdhënien, të nxënit dhe vlerësimin. Gjithashtu, ky dokument
përcakton shpërndarjen e kohës mësimore (orëve mësimore) për fusha të kurrikulës dhe
ndërlidhjen e tyre të cilat mundësojnë progres në zhvillimin e kompetencave te nxënësit.
4.2. Kurrikula me zgjedhje
Kurrikula me zgjedhje është pjesë e kurrikulës së arsimit parauniversitar. Për dallim nga
kurrikula bërthamë dhe programet mësimore, të cilat hartohen nga grupet punuese, hartimi i
programit të kurrikulës me zgjedhje mbetet kompetencë e shkollës – mësuesve (MASHT,
2016, f.95). Realizimi i saj bëhet në përputhje me planin mësimor të përcaktuar nga MAShT-i
për kurrikulën me zgjedhje, me mundësitë, nevojat, interesat e nxënësve dhe të komuniteti
duke pasur në konsideratë mundësinë e kuadrit të shkollës dhe komunës.
Qëllimi i kurrikulës me zgjedhje është që nxënësve t’u ofrohen mundësi më të mëdha për
të përmbushur vetën me dije, shkathtësi, qëndrime dhe vlera konform mundësive, nevojave
dhe interesave të tyre, drejt zotërimit të kompetencave të paracaktuara për shkallë kurrikulare.
Projekti mësimor me zgjedhje organizohet në bazë të specifikave të përmbajtjes dhe
funksionit të projektit.
Zhvillimi i programit mësimor me zgjedhje përbën bazën themelore për të filluar
planifikimin për zbatimin në praktikë. Planifikimi fillon pasi që nxënësit ta kenë marrë
programin për klasën dhe vitin shkollor përkatës. Kurrikula me zgjedhje mund të organizohet
në module mësimore me zgjedhje, të cilat mund të jenë të ndryshme, p.sh. aftësitë për jetën,
etika, mbrojtja e ambientit, artet kreative, zgjidhja e konflikteve, muzikë ritmike, drama, etj.
Ajo realizohet në formë të projektit mësimor, i cili mund të realizohet përmes
mësimdhënies dhe nxënies hulumtuese, krijuese dhe zgjidhjes së problemeve të caktuara.
Page 29
28
4.2.1. Çështje kryesore kurrikulare
Çështjet ndërkurrkulare janë tema që paraqesin përmbajtje të rëndësishme kurrkulare,
të cilat nuk i takojnë ekskluzivisht vetëm një lënde. Ato realizohen përmes lëndëve të
ndryshme kurrikulare (mësimore) dhe janë në funksion të zhvillimit të kompetencave të
arritjes së rezultateve te të nxënit për shkallë kurrikulare.
Përmbajtjet e tyre dalin nga edukimi për qytetari demokratike, edukimi për paqe, globalizimi
dhe ndërvarësia, edukimi për media, shkathtësitë e komunikimit, çështjet gjinore,
ndërgjegjësimi për kujdesin dhe ruajtjen e mjedisit, edukimi për karrierë, etj (MASHT, 2018,
f.37).
Në sistemin arsimor çështjet ndërkurrikulare janë tema të rëndësishme përmes të cilave
nxënësit fitojnë, zhvillojnë dhe përvetësojnë disa aftësi dhe njohuri specifike, në mënyrë që të
përgatiten për jetën dhe punën në të ardhmen dhe të përballojnë dhe tejkalojnë me lehtë sfidat
e jetës. Çështjet ndërkurrikulare janë tema me të cilat vazhdimisht është ballafaquar shoqëria
njerëzore, të cilat synojnë krijimin dhe kultivimin e disa vlerave shoqërore, humane e
njerëzore, të cilat kontribuojnë në formimin e identitetit dhe personalitetit individual dhe të
pavarur të nxënësve (MASHT, 2017,f.36).
Shkrirja e teorisë me praktiken është një qëllim i hershëm. Për të bërë në kurrikulë një
përparim serioz drejt këtij objektivi, nevojitet të njohim hapa themelore te caktuar:
1. Të lexohet literatura. Çdo orvatje për të lidhur teorinë me praktikën, duhet të
mbështetet në njohjen e literaturës profesionale.
2. Të identifikohen termat kryesorë. Teoricienët dhe zbatuesit e kurrikulës duhet të
identifikojnë dhe të bien dakord për konstruktet, konceptet kryesore dhe çështjet që
shtrohen për diskutim.
3. Të kontrollohet vërtetësia e teorive ekzistuese. Teoritë ekzistuese duhen analizuar në
drejtim të vërtetësisë, të dhënave, saktësisë, hipotezave kryesore, logjikë të
argumentit, lidhjes logjike, përgjithësueshmërisë, vlerave dhe një anshmërive.
4. Të shmangen manitë. “Çështjet e forta” nuk duhet t’u prezantohen zbatuesve nën
maskën e një teorie të re, madje as si reformë. Kur në literaturën profesionale
prezantohet një program ose metodë e re, nuk është ende koha për ta huazuar atë e aq
më pak për ta quajtur teori, është koha të tërhiqemi prapa dhe të presim daljen në dritë
të vlerësimeve ose anketimeve.
5. Të renditet teoria në një radhë me praktikën. Teoria duhet vlerësuar në kuadrin e
botës reale të kasave dhe të shkollave, ajo duhet të jetë bindëse, e zbatueshme dhe
realiste në praktikë.
6. Të vihet teoria në provë. Në rast se teoria është besueshme dhe ka logjikë, atëherë ajo
duhet te vihet në provë në mënyrë empirike duke e provuar në praktikë dhe duke
matur rezultatet. Në fillim, ajo duhet përfshirë në shkallë të vogël, duke krahasuar
shkollat eksperimentale dhe nën vëzhgim.
7. Të interpretohet teoria. Rezultatet duhet të testohen dhe të interpretohen në kushte
realiste dhe në periudha realiste kohore. Teoria duhet të vlerësohet në shkolla e pakta
Page 30
29
për një vit dhe në rastin ideal, për një periudhë trevjeçare, për të vërtetuar nëse do të
pësojë “venitje”.
8. Të modifikohet teoria, të ulet ndërlikueshmëria e saj. Teoria është një konstrukt i
përgjithësuar, i mbështetur me gjuhën ose në të dhëna sasiore. Megjithatë, ajo duhet
modifikuar nga bota abstrakte në atë konkrete. Kur e zbatojmë teorinë në praktikë,
përfshijmë shumë njerëz dhe burime, për ta bërë atë të funksionojë. Me qëllim që të
shndërrohet nga ide në veprim, teoria duhet t’u përshtatet njerëzve
(Orstein&.Hunkins,2003,f.31).
4.3. Zbatimi i kurrikulumit
Kurrikulumi fillon si një plan. Ai bëhet realitet vetëm kur mësuesi e zbatojnë atë me
nxënës të vërtetë, në klasa të vërteta. Termi “zbatim” ka të bëjë me “përdorimin në praktikë”,
ai është një fazë kritike në ciklin e planifikimit dhe të mësimdhënies së një kurrikulumi
(MASHT, 2009,f.92). Janë disa faktorë që ndikojnë në zbatim të cilët kanë të bëjnë me
nevojat për ndryshim, qartësinë, kompleksitetin të cilët qojnë një planifikim në cilësinë dhe
praktiken e programit. Rol të rëndësishëm në zbatimin e kurrikulumit ka edhe matja e
veprimtarive dhe arritjeve të nxënësit. Një arsye e rëndësishme për krijimin e një
kurrikulumi të ri është që të ofrohen mundësi më të mira të nxëni për nxënësit, si për
shembull në nivele më të larta arritjeje sa i përket kuptimeve, aftësive dhe vlerave (Po aty,
f.98). Për zbatimin e suksesshëm të kurrikulumit janë disa hapa themelorë si:
Përcaktimi i kritereve që do të përdoren;
Mbledhja e informacionit përmes studimit të mënyrave se si përdoret materiali i
kurrikulumit në klasa – për shembull, duke mbajtur shënime gjatë mësimeve, duke
diskutuar punën me nxënësit dhe duke regjistruar zërat dhe pamjet;
Analiza e informacionit që rezulton në përdorimin e një skeme vlerësimi të
përshkallëzuar për secilin nga kriteret;
Raportimi i gjykimeve ku mund të krijohen profile të materialeve të kurrikulumit dhe
shkruhen raporte të plota të procesi mësimor.
Page 31
30
4.4. Realizimi i çështjeve ndërkurrikulare dhe jashtëkurrikulare
Çështjet ndërkurrikulare (ndërlëndore) integrohen në tema dhe njësi mësimore, nëpërmjet
aktiviteteve praktike në klasë, por edhe projekteve të përbashkëta që ndërlidhin në fushat
kurrikulare.
Realizimi i korrelacionit bëhet në të gjitha planifikimet mësimore, p.sh. në planifikimin
vjetor, në tabelën e njëjtë vendosen temat mësimorë për secilën lëndë mësimore, me qëllim të
krijimit të një pasqyre të përgjithshme të përmbajtjes që nxënësit duhet nxënë gjatë një viti
mësimor. Në planifikimet dymujore kërkohet të shkruhet korrelacioni dhe kështu arrihet tek
planifikimi javor i cili ka për qëllim pikërisht korrelacionin ndërmjet fushave kurrikulare /
lëndore. Kjo ndërlidhje më pas reflektohet në orën mësimore.
Mësimdhënia dhe të nxënit në fushat e ndryshme mbështeten me anë të aktiviteteve
jashtëkurrikulare të organizuara për nxënës brenda shkollës dhe jashtë saj si: klubet e
ndryshme (dramës, baletit, letrare, ambientaliste, sportive), vizitat në muze, në parqe etj.
Këto aktivitete jashtëkurrikulare janë pjesë qenësore e arsimimit dhe edukimit të nxënësve
dhe është me rëndësi që secili fëmijë të përfshihet në njërën nga aktivitetet e ofruara, nisur
nga fakti që secili fëmijë ka prirje për lëmi të veçanta. Kurrikulumi është më koherent dhe i
mirë organizuar, sepse bën rregullimin e kornizave për çdo fushë të tij që nga niveli
parashkollor deri në nivelet e shkollës së mesme dhe vendos përparësitë për çdo nivel.
(MASHT,2009,f.39)
Page 32
31
KAPITULLI V
5. Vlerësimi
Vlerësimi i nxënësve është ndër komponentët më të rëndësishëm të kurrikulës me bazë
kompetencat. Ky vlerësim, bazuar në rezultatet e të nxënit, përfshin gjykimin për arritjet e
nxënësve (njohuri, shkathtësi, qëndrime) përkundrejt niveleve të arritjeve.
Vlerësimi bëhet me qëllim që të verifikojmë te nxënësit se në ç’shkallë i kanë zotëruar
rezultatet e të nxënit, të identifikohen vështirësitë me të cilat ballafaqohen nxënësit, t’u
mundësohet nxënësve që t’i identifikojnë përparësitë dhe pengesat e tyre si dhe t’u ndihmohet
atyre në përmirësimin e pikave të dobëta. ( MASHT, 2017, f.13)
5.1.Qëllimi dhe sistemi i vlerësimit në klasën përgatitore dhe arsimin fillor
Qëllimi i vlerësimit në gjithë arsimin parauniversitar është mbështetja e të nxënit të
nxënësve, këtë qëllim e synon edhe vlerësimi në klasën përgatitore dhe arsimin fillor.
Vlerësimi si proces realizohet në funksion të mësimdhënies dhe të nxënies dhe mbështetet në
sistemin e vlerësimit që nënkupton përmbajtjen, kohën, procedurën dhe bartësit e vlerësimit.
Përmes sistemit të vlerësimit, sigurohen informacione të vazhdueshme për cilësinë të nxënit
të nxënësve, mësimdhënien dhe përshtatshmërinë e kurrikulës.
Mbi bazën e këtyre informacioneve merren vendime dhe planifikohen veprime në përkrahje
të nxënësve për zotërim të kompetencave dhe përmirësim e avancim të procesit të
mësimdhënies dhe të vlerësimit.
Vlerësimi për të nxënë i nxënësit kryhet nëpërmjet:
vlerësimit të vazhduar;
Vlerësimi përfundimtar;
Vlerësimi për shkallë.
Page 33
32
5.2.Vlerësimi i vazhduar
Vlerësimi i vazhduar bazohet në vëzhgimet dhe gjykimet e mësuesit mbi përgjigjet me
gojë ose me shkrim, punët me shkrim, punët në grup, diskutimet e mësuesit me nxënësit,
vetëvlerësimin e nxënësit, vlerësimin e nxënësit nga nxënësi, pjesëmarrjen në aktivitete dhe
debatet në klasë, vlerësimin e detyrave të shtëpisë apo të klasës, përgjatë një periudhe.
Për vlerësimin e vazhduar të arritjes së rezultateve te të nxënit, mësuesi mban shënime në
evidencë për çdo nxënës. Shënimet në evidencë mund të mbahen me notë, simbole etj., të
shoqëruara me komente të cilat i referohen niveleve të arritjes së kompetencave lëndore.
5.2.1. Vlerësimi përfundimtar
Ky lloj vlerësimi bëhet në fund të vitit mësimor/ vitit shkollor për secilën lëndë
mësimore nga mësimdhënësi\ja e klasës. Qëllim kryesor i këtij vlerësimi është vendosja e
notës përfundimtare, informimi dhe raportimi si dhe planifikimi për mbështetjen e të nxënit të
nxënësve në vitin vijues. Evidencimi i arritjeve në vlerësim bëhet me notë përfundimtare të
cilat dokumentohen në librezën nxënësit.
5.2.2. Vlerësimi për shkallë
Vlerësimi i brendshëm për shkallë organizohet me bazë në shkollë dhe administrohet
nga mësuesit që kanë dhënë mësim në këtë cikël, dhe përkrahet nga kryesuesit e organeve
profesionale të shkallës së kurrikulës.
Bartës i vlerësimit për shkallë është këshilli i mësimdhënësve të cilët kanë realizuar
programin mësimor brenda një shkalle kurrikularre. Qëllim kryesor i vlerësimit për shkallë
është verifikimi i nivelit të arritjes së rezultateve te të nxënit dhe zotërimi i kompetencave
kryesore në nivel të një shkalle dhe fushe kurrikulare dhe planifikimi për mbështetjen e të
nxënit të nxënësve në vitin vijues informim dhe raportim për prindërit dhe për institucionet.
Evidencimi përshkrues në librin e klasës – në faqet e veçanta për vlerësimin për shkallë bëhet
në fund të çdo shkalle të kurrikulës. Në raportet përmbledhëse të aktiveve profesionale dhe
këshillave të klasës.
Page 34
33
5.3.Parimet e vlerësimit
Vlerësimi i nxënësve të klasës përgatitore dhe arsimit fillor bazohet në parimet e
vlerësimit të përcaktuar në KK:
Vlefshmëria. Vlerësimi duhet të sigurojë se kërkesat dhe kriteret e vlerësimit të jenë të
lidhura me rezultatet e të nxënit për klasën dhe shkallën e kurrikulës, të përdoren
matje dhe burime të shumta për të dhënë gjykime dhe se vlerësimi mbulon shtrirjen
dhe thellësinë e programit mësimor.
Transparenca. Vlerësimi duhet të sigurojë se kriteret, metodat dhe procedurat e
vlerësimit janë të njohura për nxënës dhe për të gjithë akterët e përfshirë në procesin e
vlerësimit. Informacioni për nxënësin, lidhur me rezultatet e arritura, informatat
kthyese dhe mundësitë e përparimit të jetë i qartë, i saktë dhe të jepet me kohë.
Besueshmëria. Vlerësimi duhet të sigurojë se gjykimet për përparimin e nxënësit
bazohen në instrumente, lloje të ndryshme të vlerësimit dhe burime të ndryshme të
informacionit. Në këtë proces ofrohen dëshmi për të argumentuar cilësinë e vlerësimit
dhe për t’u siguruar se nëse përsëritet vlerësimi, atëherë rezultatet do të jenë të njëjta.
Paanshmëria. Vlerësimi duhet të sigurojë se respektohen kërkesat e kodit etik të
vlerësimit, respektohen procedurat e vlerësimit ndaj çdo nxënësi apo grupi të
nxënësve, përdoren instrumente të ndryshme të vlerësimit që i mundësojnë secilit
nxënës të shfaqë përformancën e tij/saj dhe ofrohet mbështetja e duhur në të nxënit e
nxënësve drejtë zotërimit të kompetencave.
Page 35
34
6. Rezyme
Mësimdhënia në funksion të arritjes së kompetencave kërkon organizimin e
mësimdhënies dhe nxënies me metoda dhe teknika të cilat integrojnë njohuritë, shkathtësitë,
qëndrimet dhe vlerat. Ajo ka për bazë rezultatet e të nxënit të kompetencave, të cilat e
orientojnë mësimdhënësin së çfarë duhet të dijë, të bëj, të kuptojë, të vlerësojë dhe si të marrë
qëndrime nxënësi në situate dhe për situata të caktuara.
Me ndryshimet që ndodhin në shoqëri, shfaqen nevoja të reja, marrëdhënie të reja në shoqëri
dhe në tregun e punës, risi teknologjike, aspirata të reja njerëzore, strategji të reja për zhvillim
etj. Këtyre ndryshimeve, arsimi duhet t’u përgjigjet me ritme të shpejta, me zhvillime të
brendshme sasiore e cilësore, për të mundësuar njohuri të reja, shkathtësi, vlera dhe qëndrime
të përshtatshme, sistematike, koherente dhe në zhvillim të përhershëm.
Planifikimi është pjesë përbërëse e procesit të menaxhimit në arsim të definuar në
kuptimin më të gjerë. Ai ndihmon vendimmarrësit në të gjitha nivelet – nga mësimdhënësit
klasor deri te Qeveria dhe Kuvendi – të marrin vendime të mbështetura më mirë në informata.
Kjo arrihet duke kuptuar më mirë objektivat specifike, opsionet e ndryshme që janë në
dispozicion për ti përmbushur këto objektiva, dhe pasojat e mundshme për secilën prej tyre.
Planifikimi ndihmon arritjen e rezultateve të të nxënit me burimet që janë në dispozicion.
Përmes planifikimit, mësimdhënësi parasheh të gjitha elementet për nxënie të suksesshme të
përmbajtjeve mësimore, duke përafruar këto dallime e kontradikta.
Realizimi i korrelacionit bëhet në të gjitha planifikimet mësimore, p.sh. në
planifikimin vjetor, mujor, javor dhe planifikimin ditor të orës mësimore. Planifikimi i
përbashkët në kuadër të fushës kurrikulare, siguron një segment të rëndësishëm të qasjes së
integruar dhe të zhvillimit të kompetencave kryesore dhe rezultateve të të nxënit të shkallës.
Konceptimet bashkëkohore për procesin e të nxënit theksojnë rolin aktiv të nxënësve në
zhvillimin e njohurive të reja dhe të kompetencave. Nxënësit duhet të jenë veprimtarë aktivë
në procesin e ndërtimit, zbatimit dhe vlerësimit të tyre. Vetëm kështu, njohuritë, shkathtësitë,
vlerat dhe qëndrimet do të organizohen në struktura që mundësojnë përdorimin e tyre.
Page 36
35
7. Literatura
Brada, R. (2008). Didaktika kibernetike, Dukagjini, Prishtinë;
Marsh, C. (2009). Koncepte themelore për ta kuptuar kurrikulumin, CDE, Tiranë;
Ministria e Arsimit, e Shkencës dhe e Teknologjisë. (2016), Korniza Kurrikulare e Arsimit
Parauniversitar të Republikës së Kosovës (e rishikuar), Prishtinë;
Ministria e Arsimit, e Shkencës dhe e Teknologjisë, (2016). Kurrikula bërthamë e rishikuar
(për klasën përgatitore dhe arsimin fillor të Kosovës, klasat 0, I, II, III, IV, dhe V), Blendi,
Prishtinë;
Ministria e Arsimit, e Shkencës dhe e Teknologjisë. (2016), Kurrikula bërthamë e rishikuar
(për klasën përgatitore dhe arsimin fillor të Kosovës, klasat VI, VII, VIII, dhe IX), Blendi,
Prishtinë;
Ministria e arsimit, e shkencës dhe e teknologjisë. (2017), Plani dhe programi mësimor”
(klasa I), Prishtinë;
Ministria e Arsimit, e Shkencës dhe e Teknologjisë. (2006), Plani dhe programi mësimor
(për klasën e pestë të mësimit joformal për shkollën fillore), Blendi, Prishtinë;
Ministria e Arsimit, e Shkencës dhe Teknologjisë. (2018), Udhëzues për zbatimin e
kurrikulës (material ndihmës për mësimdhënësit e klasës përgaditore dhe arsimit fillor),
Prishtinë;
Musai, B. (1999). Psikologji edukimi, zhvillimi, të nxënët, mësimdhënia, Pegi, Tiranë;
Orstein, A & Hunkins, F. (2003), Kurrikula bazat, parimet dhe problemet, ISP, Tiranë