Ymgeisydd 1 Portffolio ( Cyfathrebu Graffig )

Ymgeisydd 1 Portffolio (Cyfathrebu Graffig)





AA1 – 23AA2 – 23AA3 – 23AA4 - 22

Cyfanswm – 91


Gwaith Graffeg Cyfathrebu arnodedig sy’n cynnwys amrywiaeth o dasgau’r briff yn seiliedig ar anifeiliaid a natur. Mae’r ymgeisydd wedi dangos diddordeb personol cryf yn y thema gyffredinol, gan ymgysylltu â’r gwaith yn y Portffolio drwyddo draw.

Mae Dealltwriaeth Gyd-destunol yn amlwg mewn sawl adran ac mae’n helpu’r ymgeisydd i ddatblygu syniadau. Gwelir hyn yn glir yn yr astudiaeth Natur mewn Celf a’r cyfeiriad at waith Nat Morley, sydd wedi arwain at dorluniau leino cymwys.

Mae ansawdd y canlyniadau sy’n cyfrannu at Wneud Creadigol yn dangos gwelliant cyson wrth i’r gwaith cwrs ddatblygu. Mae’r ymgeisydd wedi elwa ar waith ymchwil trylwyr, gan greu dyluniad arloesol ar gyfer gwaith poster sy’n seiliedig ar Goeden. Mae amrywiaeth y deunyddiau yn ddigon eang ar y lefel hon ac yn addas ar gyfer Cyfathrebu Graffig, ond byddai’r ymgeisydd wedi ennill mwy o farciau ar gyfer yr amcan asesu hwn drwy ddefnyddio ffotograffiaeth, rhagor o luniadau a gwaith cyfrifiadurol.

Cofnodi Myfyriol: Mae’r ymgeisydd yn defnyddio arsylwadau uniongyrchol i gofnodi ei waith, sy’n ymarfer canmoladwy mewn dewisiadau arnodedig fel Cyfathrebu Graffig a Ffotograffiaeth. Mae’r thema a ddewiswyd yn bwnc hygyrch ac addas i ymchwilio iddo. Elfen gryfaf yr amcan asesu hwn yw’r ffaith fod yr ymgeisydd wedi datblygu syniadau ar gyfer y canlyniadau terfynol yn glir iawn fel rhan o dasg ddylunio.

Cyflwyno Personol: Mae’n bosibl y byddai’r ymgeisydd wedi elwa ar ddethol ei waith yn fwy gofalus, gan hepgor rhai o’r elfennau gwannach. Mae maint y cyflwyniad yn debyg iawn i’r hyn a oedd yn cael ei ystyried o’r blaen yn ddwy uned gwaith cwrs, ond nid yw hon yn broblem o safbwynt asesu.














AA1 – 30AA2 – 30AA3 – 30AA4 - 30Cyfanswm – 120


Cyflwynwyd yr holl waith ar gyfer y cyflwyniad Cyfathrebu Graffig arnodedig hwn mewn dwy ffeil A3. Drwy hyn, roedd modd cyflwyno gwaith celf printiedig o safon drwy gymorth cyfrifiadur gefn wrth gefn. Roedd y gwaith hwn o ansawdd uchel ac enillodd farciau llawn ar gyfer pob un o’r Amcanion Asesu.

Dealltwriaeth Gyd-destunol: Ymchwiliodd yr ymgeisydd i amrywiaeth o artistiaid a dylunwyr graffig priodol wrth archwilio a datblygu syniadau yn ymwneud â briff y dyluniad. Defnyddiodd yr ymgeisydd ddulliau gweledol ac anodedig i ddangos dealltwriaeth glir o gyd-destun y gwaith.

Gwneud Creadigol: Mae’r ymgeisydd yn defnyddio meddalwedd gyfrifiadurol briodol i’w helpu i ddatblygu’r dyluniad. Mae pob tudalen yn tystio’n glir i ymdrechion yr ymgeisydd i wella ansawdd y gwaith a chreu canlyniadau terfynol coeth.

Cofnodi Myfyriol: Mae astudiaethau arsylwadol uniongyrchol wedi’u hymgorffori yn y syniadau ar gyfer dyluniadau posibl, ac mae tystiolaeth glir o ddatblygu dyluniadau; o’r gwaith ymchwil cychwynnol i’r dyluniadau terfynol o ansawdd uchel, gyda gwerthusiadau priodol.

Gydol y gwaith Cyflwyno Personol mae’r ymgeisydd wedi dylunio a datblygu ei syniadau a’i phosibiliadau ei hun i greu canlyniadau llawn dychymyg. Mae’r holl dudalennau wedi’u trefnu i ddilyn briff dylunio, ac maent yn cynnwys gwaith ymchwil clir. Mae syniadau wedi’u datblygu a’u mireinio mewn ffordd sensitif ac mae gan y canlyniad gysylltiad clir â gwaith yr artist(iaid) a’r dylunydd(ion) graffig perthnasol.





















AA1 – 18AA2 – 18AA3 – 18AA4 - 18Cyfanswm – 72


Mae’r cyflwyniad Cyfathrebu Graffig Arnodedig hwn yn cynnwys 2 lyfr gwaith CP1 a gwaith terfynol, sef poster yn hysbysebu digwyddiad Cerddoriaeth Techno. Mae’r gwaith yn dangos cydbwysedd drwyddo draw, a dyfarnwyd yr un nifer o farciau ar gyfer yr holl Amcanion Asesu. Mae ansawdd a chyfanswm y gwaith yn gyson â’r marc a ddyfarnwyd.

Mae Portffolio’r Ymgeisydd yn cynnwys Dealltwriaeth Gyd-destunol dda, ac mae’r astudiaethau cychwynnol yn seiliedig ar ymweliadau ffynonellau gwreiddiol. Mae’n amlwg bod hyn wedi llywio gwaith arbrofi a datblygu syniadau’r ymgeisydd, ac ar y posibiliadau ar gyfer canlyniadau Cyfathrebu Graffig.

Cofnodi Myfyriol: Mae tystiolaeth glir bod yr ymgeisydd yn datblygu dyluniadau ac yn defnyddio cyfryngau newydd, yn enwedig wrth greu’r canlyniadau terfynol. Mae safon y gwaith yn gyson yn y Portffolio drwyddo draw ac mae’r ymgeisydd wedi elwa ar brofiadau galwedigaethol a chreadigol fel: gweithio gydag eraill ac archwilio profiadau dylunio. Roedd cyfleoedd i ymestyn a mireinio defnydd ac ansawdd cyfryngau yn fwy cyfyngedig.

Mae’r canlyniad terfynol wedi’i ddatblygu o ymchwil a syniadau cychwynnol, ac mae’r ymgeisydd yn defnyddio delweddau gwneud marciau a ddatblygwyd drwy ddefnyddio technoleg ddigidol. Mae’r Cyflwyno Personol yn gryno, yn gynhwysfawr ac yn cynnwys anodi priodol sydd wedi gwireddu potensial y gwaith.


Ymgeisydd 1 Portffolio ( Cyfathrebu Graffig )

Documents