tímarit um sportveiði og tengt efni VEIÐISLÓÐ 5 . 2011
Mar 07, 2016
tímarit um sportveiði og tengt efniVEIÐISLÓÐ
5. 2011
Infinity
SÍÐUMÚLI 8 - SÍMI 568 8410
NÝJA NORSKA STÓRFISKASTÖNGIN FRÁ HENRIK MORTENSEN
frá ritstjórn
Tímaritið Veiðislóð kemur nú út í fimmta skiptið. Fimmta blað af sex sem tilraunin okkar samanstendur af. Þetta er ritað seint í október og stangaveiðitíminn á enda. Veturinn að minna á sig og veðurfar og náttúran að breytast. Flestir farfuglar flognir, laxar og sjóbirtingar huga að hrygningu. Nú er skotveiðitími og lesendur sjá áherslubreytingar í efnistökum. Þetta verður allt saman mjög sveigjanlegt hjá okkur, stundum meira af þessu og minna af hinu. Og öfugt.
Laxveiðisumarið var það 6. besta frá upphafi skráninga þrátt fyrir talsverðan barlóm í veiði-
mönnum. Menn greinilega orðnir allt of góðu vanir! Gott silungsveiðisumar er að baki,
sjóbleikjuvertíð sem var sums staðar góð en annars staðar mörkuð hnignun tegundarinnar.
Sjóbirtingsvertíðin frekar dauf á heildina litið. Við óskum lesendum okkar og veiðimönnum
öllum góðs vetrar og að rjúpur og gæsir verði á vegi skotveiðimanna.
Guðmundur Guðjónsson, ritstjóriHeimir Óskarsson, útlit og umbrot
Jón Eyfjörð Friðriksson, greinaskrif.
FermingarBrúðkaupAfmæli
Árshátíðir FundirMóttökur
veisluþjónusta
Búðakór 1 • 203 Kópavogi • Sími 820 7085 • [email protected]
Lystaukandi veislur
6 Stiklað á stóru Við segjumí máli og myndum frá gangi mála á bökkum vatnanna síðan síðast!
10 Veiðisögur Við birtum valdar veiðisögur frá nýliðnu sumri og hér segir Ragna Fróðadóttir frá Maríulaxinum og tilstandinu í kring um hann.
14 Veiðisögur Hér er önnur „saga frá sumri“ en að þessu sinni vantar nafn í hana. En sagan er eigi að síður dramatísk og dagsönn. Vettvangurinn er Klingenberg í Laxá í Kjós.
16 Skotveiði – Viðtal Við tókum nýskipaðan for-mann Skotvís, Elvar Árna Lund, tali og hann sagði okkur frá brýnustu verk-efnum nýrrar stjórnar.
26 Veitt erlendis Við ætlum að segja af og til frá skemmtilegum veiðiskap utan landsteinanna. Hér segir Pétur Pétursson leigutaki Vatnsdalsár okkur frá sínu uppáhaldi, sem er á Eyjunni grænu.
30 Viðtal Við tókum tali magn-aðar veiðikonur og tengda-mæðgur á Valdastöðum í Kjós, Þórdísi Ólafsdóttur og Önnu Björgu Sveinsdóttur.
42 Skotveiði – skarfar Einar Páll Garðarsson sagði okkur frá skarfaveiðum og lét magnaðar veiðisögur fylgja með.
48 Lífríkið Þeir Friðþjófur Eyjólfs son endurskoðandi og Jóhann Sigurðsson útgefandi urðu vitni að ótrúlegu sjónarspili.
54 Ljósmyndun Ljósmyndagalleríið okkar er að þessu sinni í höndum Daða Harðarsonar sem hefur rétt eins og fyrirrenn-arar hans í fyrri tölublöðum sinn stíl og sína sýn á hlutina. Njótið vel!
74 Einu sinni var Við hverfum jafnan aftur í tímann í þessum efnisflokki og að þessu sinni rifjum við upp merka sögu „Ensku Húsanna“ við Langá.
82 Veiðihundar Snorri Rafnsson segir okkur frá afburða veiðihundinum Camo og óvenjulegu upp-eldi hans og þjálfun.
84 Ný bók Bubbi Morthens hefur sent frá sér nýja veiðibók. Birtur er valinn kafli úr bókinni...
90 Villibráðareldhúsið Að þessu sinni tilenkum við Villibráðareldhúsið Úlfari Finnbjörnssyni meistara-kokki sem sendi nýverið frá sér aldeilis magnaða elda-mennskubók um villibráð. Salka gefur út og fengum við leyfi til birta eins og eina girnilega uppskrift og fróð-leik um „hangitíma“ fugla.
94 Græjur og fleira Hér er margt að finna frá hinum ýmsu verslunum sem auglýsa í blaði voru. Frásagnir af spennandi nýjungum og öðrum sniðugheitum, auk þess sem Fróðleikshorn Óla í Veiðihorninu er á sínum stað, meira að segja tvo Fróðleikshorn!
efnið
stiklað á STÓRU
6 VEIÐISLÓÐ • tímarit um sportveiði og tengt efni • 5. tbl. 2011
Björn K.Rúnarsson stal aftur senunni með því að veiða líklega stærsta lax 2011, þ.e.a.s. af þeim löxum sem voru mældir og vegnir í votta viðurvist. Þessi var 106 cm og 27 pund. Án vafa 30 pundari nýgenginn! Mynd Árni Pétur Hilmarsson.
7
Þegar þetta er skrifað síðla í október er útlit fyrir að þrátt fyrir talsvert svartagallsraus laxveiðimanna um slakt sumar, sé hér sjötta besta frá upphafi skráninga sem sýnir hversu körfuharkan getur orðið fáránleg! Það gengur ekki upp að bera allt saman við metveiði.
flokkurstiklað á stóru
8
Veiði mun alltaf sveiflast á víxl, upp eða niður. Vonandi bara að hún fari ekki enn lengra niður 2012. Og þó hún gerði svo gæti sumarið orðið gott. En rétt eins og síðustu árin, þá voru menn farnir að bíða með talsverðri óþreyju eftir haustrigningunum og líkt og í fyrra, þá komu þær víða seint. Of seint fyrir sumar árnar, en aðrar náðu nokkrum dögum, jafnvel 1-2 vikum af góðu vatni og fínni veiði. Það hressti marga lokatöluna!
Sjóbirtingsgengd fór seint í gang og fór aðeins að glæðast
í kjölfarið á nokkrum hressilegum haustlægðum, seint í
september, með þokkalegu hitastigi og talsverðri úrkomu.
Það verður þó ekki fyrr en í samantekt næsta tölublaðs að
við getum með sanni sagt hvort að birtingsvertíðin hafi verið
góð, frábær eða léleg. Hér eru nokkrar flottar myndir sem
fönguðu stemminguna síðan síðast!
Fanney Dóróthe og Arnar Óskarsson með sinn hvorn 7 punda birtinginn úr Geirlandsá. Mynd Gunnar Óskarsson.
Thomas Mahnke veiddi þann stærsta í Selá í sumar, 105 cm hæng. Fékk síðan 103 cm daginn eftir. Mynd Gísli Ásgeirsson.
Gunnar Helgason er varla að ná þessu....enda laxinn ferlegur. Þessi var 106 cm og talinn 26 pund. Mynd Ásmundur Helgason.
Lúðvík heitir þessi kappi með 94 cm hæng úr Vatnsdalsá sem var veginn 10 kg, eða 20 pund! Mynd frá vatnsdalsa.is
Júlíus Guðmundsson rennir 92 cm hæng ofan í klakkistu í Breiðdalsá.
Svafar Magnússon nældi í 102 cm hæng í Réttarhyl í Kjarrá.
Þetta er sá stærsti úr Veiðivötnum 2011. Mynd Bryndís Magnúsd.
Ýmir Jónsson með 98 cm hæng úr Laxá í Leirársveit.
Eðvarð Eyfjörð Axelsson veiddi Maríulaxinn sinn í Álftá á Mýrum. Mynd Jón Eyfjörð.
10 VEIÐISLÓÐ • tímarit um sportveiði og tengt efni • 5. tbl. 2011
Ragna og Hörður “gæd” með Máríulaxinn.
11
Auðvitað missti ég laxinn en lexíunni gleymi ég aldrei
veiðisaga
Ég byrjaði að veiða fyrir slysni þegar mér var boðið í óvissuferð í september 2009 og eftir þá ferð breyttist líf mitt. Ég hafði aldrei veitt og skildi ekki þetta stórskrítna fólk sem stóð úti í miðri á að reyna að ná einhverjum fiski heilu og hálfu dagana þegar það voru fiskbúðir um allt land. Ég fékk lánaða veiðistöng og maðkurinn settur á fyrir mig en ég vildi prufa að kasta sjálf enda var ég búin að sjá þetta í sjónvarpinu og hlaut að geta kastað sem ég og gerði og eftir nokkrar tilraunir lenti
allt á réttum stað og viti menn MaríuLaxinn var á, 6 pund!
Mér tókst að landa honum með mikilli
tilsögn og bað ég hann afsökunar áður
en ég rotaði hann (ég hafði aldrei drepið
neitt stærra en flugu) og var strax
tilbúin í næsta. Síðar um daginn tók
annar lax aðeins minni og þá var ég ein
og mér tókst að landa honum líka. Nú
var ég farin að skilja fólkið með prikið
í ánni. Eftir þessa ferð var veiðifélagið
Hrygnurnar stofnað en í því erum við
fjórar vinkonur þ.e. Kristín Reynisdóttir,
Birna Sigurðardóttir, Svanhvít Tómas-
dóttir og ég. Nú er ég alltaf til í að fara
út að veiða.
Ég keypti mína fyrstu flugustöng
(Vision að sjálfsögðu) í Hrygnunni í vor
eftir að hafa heyrt margoft að það væri
ekkert til sem toppaði að landa flottum
fiski á flugu. Ég var búin að sjá til flugu-
veiðimanna margoft og sá að þetta væri
nú kannski meira en að segja það að
hitta í vatnið eftir allar þessar sveiflur
svo ég skellti mér á kastnámskeið
hjá Stangveiðifélagi Reykjavíkur.
Námskeiðið gekk „ágætlega“ fannst
mér, en kennaranum leist nú ekkert
allt of vel á aðferðirnar hjá mér svona
framan af og spurði mig hvað ég héldi
að ég væri að gera. En eftir miklar
æfingar og mörg mistök tókst mér að
kasta nokkurn vegin á þann stað sem
ég ætlaði mér. Ég veit að ég á eftir að
læra heilmikið um fluguveiði og hlakka
bara til.
Eftir nokkrar veiðiferðir með nýju
flugustöngina mína beit loksins á í
Ytri Rangá seinni partinn í ágúst. Ég
var búin að sjá veiðifélaga mína landa
fiskum á fluguna sama dag og nú
ætlaði ég sko að landa. En allt sem mér
Ragna Fróðadóttir
12 VEIÐISLÓÐ • tímarit um sportveiði og tengt efni • 5. tbl. 2011
veiðisaga
hafði verið sagt og ég séð um löndun
á fiski á flugu var gleymt. Ég ætlaði
bara að gera eins og vanalega með
kaststöngina, draga dýrið inn og vippa
uppá bakkann. Auðvitað missti ég
laxinn en lexíunni gleymi ég aldrei.
Næsti lax tók í Húseyjarkvíslinni viku
síðar svo ég hlustaði á gædinn, en samt
ekki nógu vel svo ég missti hann líka.
Allt er þegar þrennt er, því daginn eftir
beit aftur á. Þessi skildi ekki sleppa og
með góðri hjálp frá Herði, gædinum
okkar, tókst að landa 8 punda hrygnu
sem tók á Monroe Killer í Laxhyl. Í Hús-
eyjarkvíslinni er öllu sleppt svo hrygnan
fékk frelsið aftur eftir myndatökuna og
dásamlega lífreynslu hjá veiðikonunni.
Seinna sama daginn fékk ég svo 10
punda sjóbirting en hann tók á Kol-
skegg í Klapparhyl. Ég veit að þetta er
bara byrjunin á fluguveiði minni og
þegar ég sit hér og skrifa er ég strax
farin að láta mér hlakka til að fara í
næstu veiðiferð sem er bara eftir 5 daga
og það eru bara 2 dagar síðan ég kom úr
síðustu veiðiferð og þar fékk ég að finna
hvað flugurnar eru öflugar því ég fékk
flugu á bólakaf í puttann á mér og svo í
kinnina þannig að ég á heilmargt ólært.
(Skrifað á meðan enn var veiðitími)
Ragna FróðadóttirLaxinn togar úr einni áttinni, Hörður úr hinni.
10 punda sjóbirtingsbónus.
13
Laxá í Mývatnssveit og Laxárdal
BESTA URRIÐAVEIÐISVÆÐI Í HEIMI! Veiðileyfin færðu á SVFR.IS
14 VEIÐISLÓÐ • tímarit um sportveiði og tengt efni • 5. tbl. 2011
Að elta, elta og elta enn og aftur
veiðisaga
Hér er saga frá sumri, eini gallinn við hana er að það var ekki fest
nafn á veiðimanni við hana. Þó vitum við að það var veiðimaður
en ekki veiðikona. En vettvangurinn var hin æsilega hitsveiðislóð
Klingenberg í Laxá í Kjós. Sagan er ekkert verri þó að nafnið vanti,
en þó að hún hafi borist okkur í gegnum óþekktan fjölda milliliða
þá teljum við að þessi útgáfa sé mjög nærri sannleikanum.
Atvikið átti sér sum sé stað við veiði-
stað inn Klingenberg sem er rétt ofan
við Laxfoss í neðanverðri Laxá í Kjós.
Þetta var fáum dögum eftir að erlendur
veiðimaður sá þar óheyrilega stóran
lax sem náði feiknalegum þunga í
frásögnum. Ekki síst þegar frá leið.
Ekki veiddist sá stóri hængur, en um
haustið telja þó sumir að hann hafi sýnt
sig aftur, en þá var nokkrum félögum
sem voru á frísvæðinu illa brugðið dag
einn þegar þeir voru að skoða sig um á
breiðunum neðan við Káranesfljót. Sáu
þeir þá laxasporð standa upp úr ánni,
sporð sem var eins og stórt skóflublað.
Myndband var sýnt á vefsíðum, því
miður sýndi það lítið, en vitni voru þó á
einu máli um að þetta hlaut að vera lax í
algerri yfirvigt.
En þetta var útúrdúr.
Þegar lax er að ganga er að öllu jöfnu
slatti af fiski í Klingenberg og sjá menn
hann vel ef þeir gægjast af klettinum.
Það er ekki ráðlegt að gera svo, því
laxinn sér þá veiðimennina jafn vel og
þeir sjá laxana. Sem sagt. En þarna kom
veiðimaður og var vatn lítið. Nokkrir
fiskar í Klingenberg og einhverjir þeirra
vænir, enda var nokkuð um 9-11 punda
hrygnur að ganga um þetta leyti.
Það er vinsælt að hefja veiðar í Klingen-
berg með hitsaðri flugu, eða hitstúpu.
Örsmá bláleit hitstúpa varð hér fyrir
valinu og hún hafði ekki sveimað oft
yfir spegilinn með sínu vaffi þegar
fiskur tók sig upp úr djúpinu og kom
á eftir með tilheyrandi boða. En hann
snéri frá þegar flugan sló upp að land-
steinunum. Þetta virtist í fljótu bragði
vera ein af þessum fallegu stóru hrygn-
um sem þarna héldu til um tíma.
15
Í næsta kasti kom hún aftur. Og í næsta
kasti enn og aftur. Og svo koll af kolli.
Veiðifélaginn taldi, átján sinnum elti
laxinn í átján köstum og veiðimaðurinn
var gersamlega að fara af límingunum.
All nokkrum sinnum hafði félaginn
reynt að ná sambandi og nefna það að
freista þess að hægja aðeins á flugunni
á síðasta metranum með því að lyfta
stangartoppinum aðeins. Loks barst það
inn fyrir heyrnarsvið veiðimannsins,
hann lyfti stönginni í nítjánda kastinu
og það smellvirkaði, laxinn skellti sér á
fluguna.....
.....en festi sig ekki! Og þar með var
hann búinn að missa áhugann. Þarna
köstuðu þeir til skiptis ýmsum flugum
og reyndu margt. En enginn lax hreyfði
sig eftir þetta. Þessi litla saga hefur
alla burði til að vaxa og dafna. Laxinn
gæti stækkað verulega og þau skipti
sem hann elti fjölgað líka umtalsvert.
Hins vegar erum við ekki til frásagnar
um það, höfum ekki heyrt nýjustu
útgáfuna. Kannski myndum við ekki
átta okkur á því að um sömu veiðisögu
væri að ræða!
Flugan lögð af list yfir Klingenberg. Mynd Heimir Óskarsson.
16 VEIÐISLÓÐ • tímarit um sportveiði og tengt efni • 5. tbl. 2011
17
Elvar Árni Lund
Veiðistjórnun og ESB í brennidepliÞað urðu sviptingar á aðalfundi Skotvís í febrúar síðast
liðnum. Nýr formaður var kjörinn eftir að Sigmar B.Hauks-
son hafði setið í formannstóli um ómunatíð. Þá kom nýtt
blóð í stjórnina, en nýi formaðurinn var reyndar þáverandi
varaformaður , Elvar Árni Lund. Hann fékk góða kosningu,
Sigmar hafði um tíma leitast eftir því að hætta og stakk upp á
Elvari með þeim árangri að Elvar situr nú í heita sætinu.
skotveiði
Og sætið er heitt svo um munar, því það
brenna ýmis málefni á skotvís og skot-
veiðimönnum landsins almennt. Stór
mál sem þarf að taka á við æ minnkandi
pyngju, en Skotvís var eitt þeirra batt-
ería sem tapaði öllum opinberum
styrkjum eftir uppstokkun í kjölfar
hruns. Veiðislóð settist niður með Elvari
í mánuðinum og hann sagði okkur frá
tveimur brýnustu málunum sem steðja
að skotveiðimönnum. Annars vegar
er veiðistjórnun í landinu í ólestri og
annað, sem kannski færri gera sér grein
fyrir, eða ef svo fer að Ísland gangi í
ESB, þá er eins gott að lög og reglur um
skotveiði séu komin á hreint áður en
öllu er lokað, því ella gæti í framhaldinu
öll veiðimennska með skotvopn, eins
og við þekkjum hana, breyst eða horfið
vegna valdboða frá Brussel.
Það var og. Við spurðum Elvar fyrst út í veiðistjórnunarmálið og hann sagði: „Villidýralögin frá 1994 byggðu á
gömlum grunni og þau eru nú úrelt.
Samkvæmt þeim voru öll dýr og fuglar
friðuð nema með undanþágum. Í þetta
vantar alla hugsun. Ef við lítum til
nágrannaþjóða okkar, t.d. Noregs og
Svíþjóðar þá eru þessi mál á allt öðrum
stað. Þar byggist skotveiði á nýtingu á
stofnum, þ.e.a.s. hvernig best er að nýta
stofna á sjálfbæran hátt til framtíðar
og er þá litið til bæði stofna nytjadýra/
fugla og ekki síður afræningja. Það
verður að vera stjórn á stofnum allra
þessara tegunda þannig að jafnvægi sé
í öllu saman. Þetta hafa nágrannaþjóðir
okkar fyrir löngu séð og áttað sig á því
að málaflokkurinn er best kominn í
höndum veiðimanna sjálfra sem síðan
skotveiði
Eftir gott morgunflug.
hafa aðgang að upplýsingum, rann-
sóknum og ráðgjöf frá aðilum á borð
við Náttúrufræðistofnun og Um-
hverfisstofnun. Þegar Svíar höfðu farið
inn á þessa braut, svo dæmi sé tekið,
þá voru t.d. elgir friðaðir í mörg ár. Það
var búið að ganga illa á stofn þeirra.
En í dag er veitt meira af elg en nokkru
sinni fyrr og er stofninn þó í jafnvægi
og vel settur. Sama má segja um fleiri
tegundir.“
En eru veiðimenn í stakk búnir að taka þetta að sér hér á landi?„Menn verða bara að gera þetta, en við
vitum að það verður ekki gert á einni
nóttu. Það er að mörgu að hyggja.
Tökum sem dæmi handahófskenndar
friðlýsingar og friðlönd. Ég hef t.d. verið
undrandi á því að rjúpan skuli ekki eiga
sér einhver friðlönd þar sem mikið er
um hana og friðland gæti skilað ein-
hverju. Þess í stað er rjúpan með stórt
friðland á Suðvesturlandi þar sem lítið
er af rjúpu og friðlandið skilar engu.
Þetta er dæmi um að ekki er rætt við
veiðimenn og þeirra álit fengið. Annað
sem ég kem kannski að á eftir er endur-
skoðun á veiðitíma ýmissa tegunda. En
við erum líka að velta fyrir okkur veiðar
á nýjum tegundum.“
Nýjum tegundum? Hrossagauk kannski?„Við skulum nú ekki minnast á hann
að svo stöddu, en nýjar tegundir gætu
einmitt verið nýjar tegundir. T.d. er það
mál manna að krónhirtir gætu plumað
sig vel, landslag t.d. á Vesturlandi er
honum mjög hagstætt. Það líkist mjög
því sem hann er vanur í Skotlandi, hann
er harðgert dýr og loftslag fer hlýnandi.
Það fara margir skotveiðimenn frá Ís-
landi til Skotlands til að skjóta krónhirti.
Af hverju ekki að snúa þessu við og
koma með krónhirtina hingað? Þá er
líka spennandi að skoða innflutning á
villtum hérum, en allt yrði þetta auðvi-
tað að eiga sér stað með ítrustu kröfum
um heilnæmi dýranna og að það væri
útilokað að sjúkdómar gætu borist með
þeim til landsins.
19
Elvar Árni Lund
Eruð þið virkilega að spá í svona hluti á sama tíma og flest bendir til að það megi ekki einu sinni flytja hreindýr milli landshluta hér á landi?„Það mál er eins og hver önnur bábylja
sem þarf að komast á hreint sem allra
fyrst. Menn eru að tala um það í fullri
alvöru að hreindýr geti smitað sauðfé
af sjúkdómum, en samt er 300 ára
sambúð þeirra á Austurlandi staðreynd
án vandkvæða. Ég hef ekki enn hitt
Austfirðing sem vill losna við hrein-
dýrin. Það er líka talað um að hreindýr
og skógrækt fari ekki saman. Er ekki
stærsta skóglendi landsins á Austur-
landi? Og alveg fram á síðustu öld
má lesa í bókum og greinum um það
hvernig sauðfjárbúskapur muni leggjast
af ef hreindýrum fjölgi. Ekki bólar á því,
þetta dafnar alveg hreint hlið við hlið.“
En hvað með veiðistjórnun þegar vandi á borð við fæðuskort steðjar að nytjategundum eins og t.d. sandsíli versus svartfugl?„Lundinn er að mestu háfaður og skot-
veiði á lunda skiptir engu máli. Þar
stafar hrunið af fæðuskorti og ungar
hafa ekki komist á legg svo neinu nemi
í áraraðir. Ástandið er því alvarlegt
þar sem menn vita lítið hvort og hve-
nær sandsílið kemur til baka. Hvarf
það vegna hlýnunar, eða vegna sam-
keppni við makríl eða eitthvað annað?
En á sama tíma kemur fram aukning í
lundabyggðum á norðanverðu landinu.
Hvað svartfuglinn varðar, langvíu,
stuttnefju og álku, þá er ársveiðin úr
þeim stofnum samtals um 46 þúsund
fuglar úr stofnum sem telja milljónir
fugla, þannig að ekki eru skotveiðar að
skipta neinum sköpum þar. Líffræð-
ingar taka undir það. Hins vegar virðist
vandinn þar einnig vera fæðuskortur og
rannsóknir eru enn sem komið glopp-
óttar. Hvað svartfugl varðar þá getum
við sundurliðað það aðeins. Í fyrsta lagi
er talið að teistustofninn sé innan við
20þúsund fuglar. Það má skoða það
að draga úr veiðum á teistu. Varðandi
svartfuglinn þá hefur það verið ýmsum
hugleikið að veitt er alveg fram til
15.mai og eru sumir á því að verið sé að
skjóta varpfugl þegar komið er að varpi.
Þetta mætti leysa með því að t.d. færa
út 500 metra landhelgina frá fugla-
björgunum. Þetta byggir á því að menn
telji að það sé varpfuglinn sem sé nær
björgunum á þessum tíma. Ef við erum
t.d. að tala um svartfugl sem skotinn er
djúpt inni á Eyjafirði á vorin þá finnst
mönnum líklegt að það sé ekki varpfugl.
Við höfum talað við Umhverfisstofnun
og Náttúrufræðistofnun um þetta atriði,
um að farið verður í að senda sýni til
Formaðurinn með hreindýr.
20 VEIÐISLÓÐ • tímarit um sportveiði og tengt efni • 5. tbl. 2011
skoðunar. Sýni sem myndu skera úr
um hvort að slíkir fuglar séu í varpi eða
ekki, en svartfugl þarf að kryfja til fá
slíka vitneskju.“
Talandi um umdeilda veiðistjórnun, hvað þá með rjúpuna?„Já, það er út í hött hvernig því máli er
ýtt áfram frá ári til árs. Það er sorglegt
að ákvarðanir sem varða veiðistjórnun
á rjúpu séu pólitískar. Það er ótrúlegt
þetta tilfinningaferli sem fer í gang í
hvert skipti sem málefni rjúpnaveiða
kemur til kasta umhverfisráðherra. Það
er okkar mat að ráðherra eigi ekkert
að vera að blanda sér í þetta. Þetta á að
vera í höndum Umhverfisstofnunar og
Skotvís sem myndu sækja álit til Nátt-
úrufræðistofnunar og Fuglaverndar.
Að ráðherra sem er að vasast í virkjun-
arleyfum, útblæstri, saltblásýrudælingu
í hafið og svo framvegis sé að taka
þetta mál upp frá ári til árs á bara ekki
að eiga sér stað.
Dæmi um vitleysuna er einmitt núna.
Það er búið að rúna veiðitímann niður
í níu daga og að ekki skuli drepnir fleiri
en svo og svo margir fuglar. Það á að
vera hægt að stýra rjúpnaveiðum á
skynsamlegan máta og það á að vera
hægt að gera það til nokkurra ára í
senn. Það er ekkert nýtt að rjúpnastofn-
inn dali. Hann gerir það reglulega
og hefur farið neðar en þetta og náð
sér samt upp. En það þarf að byggja
upp þekkingu í þessu. Það gengur t.d.
ekki að í líkani því sem notast er við
á Náttúrufræðistofnun sé ekkert ráð
gert fyrir afræningjum á borð við refi,
sílamáfa og minka. Þá er búið að nefna
það í álitsgjöfinni frá NÍ að ef til vill sé
komin streita í rjúpnastofninn og að
ákveðinn prósentufjöldi fugla deyi úr
streitu ef stunduð er skotveiði. Þetta
mun víst byggjast á rannsóknum á
dalrjúpu í Noregi þar sem tilgáta er í
gangi þess efnis að ef veiðiálag er kom-
ið að 30 prósentum þá komi streita í
stofninn. Ef að fimm rjúpur séu skotnar
geti aðrar 3-4 dáið úr streitu. Hafa
ber í huga að hér á landi hefur veiðin
verið í kringum 10% af veiðistofninum
undanfarin ár. Ég segi, það getur þurft
að draga úr veiðum ef illa árar hjá
stofnum, en að kenna skotveiði um allt
og líta á skotveiðibann sem lausn á öllu
er ekki raunhæft eða sanngjarnt.
Léttir í skapi á góðum degi.
22 VEIÐISLÓÐ • tímarit um sportveiði og tengt efni • 5. tbl. 2011
Það er sem sagt hringlað með rjúpuna.
En það er ekkert hringlað með gæsina.
Og þó! Nú er t.d. farin af stað umræða
um stofnun Hofsjökulsþjóðgarðs sem
mun tengjast Þjórsárverum. Á þessum
slóðum nærri Hofsjökli hafa verið
miklar og góðar heiðagæsalendur sem
sennilega verður bannað að skjóta úr
verði þarna stofnaður þjóðgarður m.v.
það sem á undan er gengið. En við
erum að tala um stærsta heiðagæsa-
stofn sögunnar, stofn upp á 350-400
þúsund fugla að hausti. Þetta er enn eitt
dæmið um hvernig skoða þarf hlutina
í heild sinni, því mér vitandi veit eng-
inn hvernig það færi með viðkvæman
hálendisgróðurinn á þessum slóðum ef
að geysilegur fjöldi heiðagæsa á svæð-
inu væri ekki grysjaður með skotveiði.
Tökum annað dæmi. Mönnum finnst
eitt og annað um fyrirkomulag hrein-
dýraveiða á Íslandi. Það er fjórföld eftir-
spurn miðað við úthlutunarkerfið sem
hér er við lýði. Og verðið sem gert er
að greiða veldur því að flestir sem fara
á hreindýr sækjast eftir því að ná sér í
sem mest kjöt. Einn og einn er að leita
að stóra hornarekka til að setja upp á
vegg. Þetta leiðir af sér að mesta sóknin
er í stærstu tarfana og beljurnar. Eina
lausnin er að þetta kosti minna, menn
hafi fleiri dýr og ekki síst fleiri veiði-
staði. Við vorum einmitt að tala áðan
um hreindýr til Vestfjarða.“
Þetta eru þau verkefni sem bíða ykkar, en hvar eru þau á vegi stödd?„Við erum byrjaðir á viðræðum við Um-
hverfisstofnun. Þetta er rétt að byrja, en
skotveiðimenn eru meðvitaðri en aðrir
um nauðsyn þess að koma þessum
málum fljótt og vel af stað.“
Svo talaðir þú um ESB eins og ljótan draug.....„Já, við höfum miklar áhyggjur af þessu
inngangsferli Íslands í ESB sem nú
stendur yfir. Ef niðurstaðan verður sú að
ísland gangi í ESB, þá varðar það framtíð
skotveiða á Íslandi um ókomna tíð. Ef
ekki verður haldið rétt á spöðunum gæti
allt breyst og margt glatast.“
skotveiði
Elvar Árni með góðum veiðifélaga.
Elvar Árni Lund
23
Útskýrðu þetta nánar....„Hvað skotveiði varðar þá er Ísland
jaðarsvæði með ýmsum nytjateg-
undum sem eru lítt eða ekkert þekktar
í nágrannalöndum okkar. Heim-
skautarefurinn er t.d. á válista og talinn
í útrýmingarhættu í ESB löndunum og
stranglega friðaður. Á Íslandi er hann
hins vegar eina stóra landrándýrið og
allt annað en í útrýmingarhættu. Fyrst
þyrftum við undanþágur til að veiða
hann, síðan þyrftum við að útskýra
vandlega grenjaveiðarnar sem myndu
aldrei vera samþykktar sem undanþága
seinna meir.
24 VEIÐISLÓÐ • tímarit um sportveiði og tengt efni • 5. tbl. 2011
skotveiði
Svartfugl og skarfar eru tegundir sem
eru nánast ekkert veiddar í ESB löndum
og fleira mætti telja, hreindýr eru t.d.
talin húsdýr í Svíðþjóð og Finnlandi. Á
Íslandi yrðu kannski einu villtu hrein-
dýrin í ESB. Við höfum verið að ráðfæra
okkur við sænska kollega okkar sem og
samtökin Face sem eru samtök skot-
veiðimanna í Evrópu og eru fulltrúar
7 milljóna skotveiðimanna í álfunni.
Þessir aðilar eru á einu máli að það
megi ekkert vera útundan þegar kemur
að því að loka samningaferlinu. Allt,
hvert einasta smáatriði, verði að vera
krystaltært. Það á ekki hvað síst við
vegna þess að skotveiðar eru í sama
kafla samningaferilsins og hvalveiðar
sem munu örugglega verða fyrir-
ferðarmiklar í umræðunni og menn því
ekki gefa sér mikinn tíma í annað. Þessi
mál verða því að vera frágengin og skýr,
því ef öllu er lokað án þess, þá fer allt í
sama mótið og ekkert fæst gefið eftir.
Við höfum áhyggjur af því að þegar
þessi samningskafli verði tekinn upp þá
fái veiðar lítinn tíma og stjórnvöld hafa
satt best að segja lítið gefið upp hver
stefna þeirra sé í þessum málum. Það
er ekki ásættanlegt að okkar mati og við
leggjum mikla áherslu á að hvergi verði
hvikað frá þeim veiðihefðum sem hér
ríkja. Um þetta atriði þurfa veiðimenn
og SKOTVÍS að standa vörð því það er
reynslan frá öðrum þjóðum sem hafa
gengið í ESB að það sem ekki er neglt
niður með undanþágum og fyrir-
vörum verður fyrr en seinna bannað og
straumlínulagað að viðmiðum ESB.
Þannig að segja má að það sé yfirvofandi hætta á ferðum?„Það gæti vel farið svo, já. Ekki spurn-
ing, því það er utanríkisráðuneytið
sem fer með ESB málin fyrir hönd
ríkisstjórnarinnar, en skotveiðin heyrir
undir umhverfisráðuneytið sem hefur
enn sem komið er ekkert samband
haft við SKOTVÍS sem þó eru einu
hagsmunasamtök skotveiðimanna í
landinu og skilgreint sem hagsmuna-
aðili samkvæmt lögum. UST er reyndar
að vinna í þessu en við vitum að það er
ráðuneytið sem fer með völdin. Og allt
er þetta að gerast núna. Þannig að við
höfum áhyggjur af þessu. Það mun ef-
laust lenda á okkur að taka saman gögn
og færa rök fyrir undanþágum, að við
megum veiða heimskautaref á greni,
að við megum veiða lunda í háf, að við
megum veiða hreindýr á Íslandi. Fleira
í þeim dúr eflaust. Þetta þolir enga bið,“
segir Elvar Árni, formaður Skotvís.
25
26 VEIÐISLÓÐ • tímarit um sportveiði og tengt efni • 5. tbl. 2011
Einn veiðifélaganna
með fallegan lax.
27
Pétur Pétursson
Tæki Írland fram yfir KólaskagaÞeir eru margir, jafnt Íslendingar sem aðrir, sem hafa
gaman að því að prófa laxveiðiár í öðrum löndum.
Vinsælast er líklega að fara til Rússlands og eltast
við stórlaxa á Kólaskaga. Það getur verið krefjandi
veiðiskapur og menn setja stundum í ferlega laxa.
En það er sama sagan þar og hér, aldrei á vísan að
róa. Svo eru aðrir sem að kjósa miklu mun afslappaðra
umhverfi til tilbreytingarlaxveiða. Pétur Pétursson hefur
t.d. engan áhuga á Kólaskaga, en gæti hugsað sér að
veiða lax á Írlandi á hverju ári.
Pétur Pétursson er leigutaki Vatns-
dalsár, Reykjadalsár í Reykjadal og
Eldvatns í Meðallandi. Hann er í sam-
starfi við frönsku veiðileyfaferðaskrif-
stoduna G&P Voyages. Í tengslum við
það samstarf hefur hann reynt veiðar
víðar en hér uppi á klakanum. Hann
hefur t.d. farið til Írlands og fannst það
svo magnað og skemmtilegt að hann
myndi frekar fara þangað aftur heldur
en eitthvað annað.
„Áin heitir Owenduff og veiðihúsið
heitir Rock House Estate. Það er þarna
önnur á líka sem heitir Bellaweeny,
en hún er fyrst og fremst sjóbirtingsá.
Þessar ár eru í norðanverðri Mayo sýslu
og miðað við það sem gengur og gerist
á Írlandi þá eru þetta afskekktar og lítt
snortnar ár. Það stafar af því að þær eru
í miðjum þjóðgarði. En það er eitthvað
við Írland sem erfitt er að skýra. Þetta
er svo hlýlegt land, hlýlegt umhverfi og
hlýlegt fólk að manni líður umsvifalaust
vel. Þá er enginn asi á neinu eða nein-
um og þetta eru veiðitúrar sem maður
kemur hvíldur og endurnærður heim
úr, ekki þessir dæmigerðu veiðitúrar þar
sem menn koma þreyttari heim heldur
en þeir voru þegar þeir fóru af stað,“
segir Pétur, auðheyrilega hrifinn. Hann
segir einnig um veiðimöguleikana:
stangaveiði erlendis
28 VEIÐISLÓÐ • tímarit um sportveiði og tengt efni • 5. tbl. 2011
„Það er mikið talað um Rússland og
Ísland, en þarna er líka fínasta veiði. Ég
hef ekki kynnst Bellaweeny, en Owen-
duff er nett og skemmtileg veiðiá, ekta
spræna til að leika sér með hits og setja
í einn og einn lax. Þessi á gefur nokkur
hundruð laxa á hverri vertíð og það er
veitt á 4-5 stangir á 7 kílómetra kafla í
ofanverðri ánni. Sum árin er hún með
góðar „springer“ göngur og svo eru smá-
laxagöngurnar yfirleitt jafnar og góðar.
Þarna er sjóbirtingur líka og Bellaweeny
er raunar fyrst og fremst sjóbirtingsá.
Vertíðin byrjar í febrúar en vorlaxarnir
byrja að ganga og veiðast af krafti í apríl.
Veitt er síðan út september. Þá tekur við
skotveiðitími og er margt hægt að skjóta
á þessum slóðum, m.a. endur og hrossa-
gauka fyrir þá sem það vilja, en þá þurfa
menn að fara í sér ferð nema að þeir fari
í lok september til að veiða á stöng og
láta síðan skotveiðitímann taka við. En
hvernig sem menn hafa það, þá er svo
Owenduff er nett og falleg laxveiðiá.
Ágúst Sigurðs-son og Ólafur Valdemars son að snæðingi í Rock House Estate. Mynd Pétur Pétursson
vel tekið á móti manni þarna að leit er
að öðru eins, og að gista í þessu gamla
19 aldar setri, ég held að Rock House
Estate sé frá 1820, er alveg yndislegt.
Þetta myndi ég taka fram yfir Kólaskaga
hvenær sem er.“
Lesendur geta skoðað sig betur um á
www.rockhouse-estate.com
30 VEIÐISLÓÐ • tímarit um sportveiði og tengt efni • 5. tbl. 2011
31
Veiðikonur á ValdastöðumEf einhvers staðar er hægt að tala um laxveiði-stórfjöl-
skyldu, þá þarf varla að fara lengra heldur en upp í Kjós
og detta inn í kaffi á Valdastöðum. Þar búa nánast undir
sama þaki, tvenn hjón af tveimur kynslóðum.
Þau veiða öll. Og ekki bara veiða, heldur eru með veiði-
dellu á háu stigi og svo veiða líka öll börnin, barnabörnin
og tengdabörnin. Í fyrstu þótti okkur spennandi tilhugs-
un að hitta þau öll fjögur, en karlarnir voru búnir að lofa
sér eitthvað annað. Við áttuðum okkur þá eins og skot
á því að miklu sniðugra var að láta karlana róa og taka
kvenþjóðina á Valdastöðum tali og fórum því í heimsókn
til Þórdísar Ólafsdóttur og Önnu Bjargar Sveinsdóttur.
32 VEIÐISLÓÐ • tímarit um sportveiði og tengt efni • 5. tbl. 2011
viðtal
Þær eru tengdamæðgur. Þórdís er eig-
inkona Ólafs Þórs Ólafssonar , bónda,
veiðigarps og forystumanns í Veiði-
félagi Laxár í Kjós til fjölda ára. Anna
Björg er eiginkona Ólafs Helga Ólafs-
sonar, sonar Ólafs Þórs og Þórdísar og
með slyngari laxveiðimönnum lands-
ins. Þetta er því mikið og öflugt veiði-
slegti og mikið vafamál hvort að talað er
um annað en laxveiði á heimilinu.
Þórdís er alin upp á Hrauni við Ölfusár-
ósa. Hraun var og er mikil veiðijörð.
Bæði veiddist þar lax í net og svo var
þarna um árabil einn allra besti sjóbirt-
ingsveiðistaður landsins, svokallaður
Hraunssandur. Þar gekk birtingurinn
upp með vesturlandinu, Hraunsmegin
og það var afar vinsælt að skreppa að
Hrauni og veiða sér í soðið. „Það voru
stórir birtingar í ánni í þá daga. Eru
kannski enn, en ekki í neinu magni.
Þetta hefur breyst mikið. Hins vegar
ólst ég upp við veiðiskap og ég veiddi í
skurðum og kílum og í Þorleifslæknum
með einhverju priki. Ég man að pabbi
smíðaði eitt sinn spún úr skeið og mok-
veiddi þangað til að spónninn tapaðist
og sá ég mikið eftir honum. Þetta hefur
verið um og upp úr 1950. Síðan fjaraði
veiðiskapur út úr lífi mínu þangað til að
ég tók saman við Ólaf Þór og við hófum
búskap hér í Kjósinni,“ segir Þórdís.
Var Ólafur þá þegar mikill laxveiðiforkólfur?„Nei nei, guð minn góður. Hann var
bara sætur strákur, um tvítugt. Þetta
var um 1961 og það var ekki fyrr en upp
úr 1970 að við fórum að veiða í Laxá.
Þá áttum við bændadaga samkvæmt
arðskrá sem við nýttum nokkuð. Ég fór
þá að veiða og síðan fórum við að kaupa
dag og dag og þá var ég meira bara að
skottast með, Ólafur hélt svolítið fast í
prikið á þessum árum. Ég átti nú samt
mín augnablik, tók einu sinni hálfan
dag þegar Páll í Pólaris var með ána, tók
Ólaf son minn með mér til aðstoðar og
landaði fimm löxum. Á þessum árum
var þetta því á hófsömu nótunum, en
alltaf jafn gaman þegar færi gáfust.“
Anna Björg birtist á sjónarsviðinu á
Valdastöðum 1983. Þá samanstóð veiði-
skapur Valdastaðafólksins af vorveiði-
dögum í Laxá í sjóbirtingi og 9.sept-
ember sem var opinber lokadagur og í
höndum landeigenda og gesta þeirra að
nýta. Ólafur Helgi tók það í sínar hend-
ur að kenna frú sinni bæði maðk- og
fluguveiði og náði hún fljótlega góðum
tökum á verkefninu. Þær eiga báðar,
tengdamæðgurnar, skemmtilegar
minningar frá þessum árum, ólíkar þó,
þ.e.a.s. þær sem þær segja okkur:
Þórdís í miðri veiðisögu.
33
Tengdamæðgur á Valdastöðum
Þórdís segir okkur frá því að eitt árið
var orðið tvísýnt um að hún gæti tekið
þátt í veiðiskapnum þann 9.september.
„Ég var ófrísk af Valdísi, yngstu dóttur
okkar, og allt útlit fyrir að fæðingin yrði
um þetta leyti. Ég sagði Óla það alltaf,
það verður 9.september, og viti menn,
kvöldið áður virtist allt vera að fara í
gang og ég var keyrð til Reykjavíkur. Óli
varð eftir og fór auðvitað bara að veiða.
Áin var í vexti og takan óvenjugóð
miðað við það, hann landaði 19 löxum
fyrir hádegið og ætlaði síðan að hringja
í mig í hléinu, en þá var gamli sveita-
síminn enn við lýði og honum var
lokað milli 1 og 4. Hann fékk nú samt
þær upplýsingar að hann væri aftur
orðinn pabbi og með það fór hann aftur
út að veiða. Áin var hins vegar kominn
í svoleiðis ham að hann bætti engum
fiski við, en þetta var nú orðið heldur
betur flott hjá honum, 19 laxar komnir
á land. Þetta hljómar kannski ekki vel í
dag, en á þessum tíma var þetta ekkert
þannig að karlarnir væru að skipta sér
af barnsfæðingum. Það var seinni tíma
mál og ég skyldi hann alveg mæta vel.
Þegar Valdís var barn, skyldi hún þetta
ekki alveg eins vel, hún átti afmæli á
lokadeginum og þurfti að kyngja því að
það var gleðskapur kvöldið fyrir af-
mælið hennar og síðan allir úti að veiða
þegar hún vildi halda upp á daginn. En
svona var þetta, hún lærði að skilja þetta
og er forfallin veiðikona í dag.“
Minning Önnu Bjargar er af öðrum
toga. Hún segir frá: „Ég var stödd á
lokadegi við Bakkahyl í Bugðu. Það
hafði verið flóð og það var enn mikið
vatn, en áin að sjatna. Sem sagt kjör-
skilyrði. Þarna lenti ég í algjöru moki,
Anna Björg búin að landa laxi.
34 VEIÐISLÓÐ • tímarit um sportveiði og tengt efni • 5. tbl. 2011
viðtal
landaði níu löxum allt að 17 pundum.
Veiddi alla á stóra Micky Finn straum-
flugu. Skrýtið að hafa lítið sem ekkert
kastað þeirri flugu síðan, því þetta er
góð fluga. Þetta var alveg magnað og ég
hafði gaman af því sem ég frétti seinna.
Þórarinn Sigþórsson, betur þekktur
sem Tóti tönn, var þarna meðal gesta
og hann var einmitt á ferðinni þarna og
sá til mín. Ég var ekki með lax á þegar
hann sá til mín og ég heyrði síðan
að hann hefði sagt: „Sjá hana Önnu,
dinglandi þarna með þessa fluguskjátu
sína.“ Hann hefur líklega ekki haft mikla
trú á mér, en það var gaman að sjá upp-
litið á honum þegar hann frétti hvernig
mér gekk.“
Þær Þórdís og Anna Björg eru í veiði-
félagsskap sjö kvenna, hóp sem hélt
upp á tuttugu ára afmæli sitt s.l. sumar.
Kvennahópar í stangaveiði eru nú
orðnir all nokkrir víða um land, en
eflaust hafa fáir þeirra verið við lýði í
heil tuttugu ár. Þetta er félagsskapurinn
Óðflugur, en hópinn skipa auk þeirra
tengdamæðgna Vigdís Ólafsdóttir
(dóttir Þórdísar), Hrafnhildur Sigurðar-
dóttir, Sólveig Einarsdóttir, Brynhildur
Árnadóttir og Hjördís Þorfinnsdóttir.
Sumar í hópnum höfðu aldrei veitt
þegar félagið var stofnað, en eru
allar öflugar í dag og þær sem minnst
kunnu forðum jafnvel afladrottningar í
veiðiferðum hópsins hin seinni ár. Þær
segja frá tilurð Óðflugna:
„Það var nú þannig að við vorum í
kokteilboði og eiginmennirnir allir
meira og minna að veiða saman. Við
veltum því þá upp hvort við ættum ekki
bara að búa til félagsskap og fara saman
Hér er verið að segja ýkjulausa, alveg dagsanna veiðisögu.
Join the CULT
Hrygnan ehf. | Síðumúla 37 | Sími: 581-2121 | www.hrygnan.is
36 VEIÐISLÓÐ • tímarit um sportveiði og tengt efni • 5. tbl. 2011
viðtal
í veiði. Við vorum allar til í þetta. Fyrsti
veiðitúrinn var farinn í Straumana í
Hvítá í Borgarfirði og höfum við farið á
hverju sumri þangað síðan, alls tuttugu
sinnum. Við veljum okkur góðan tíma í
júlí og sjaldan hefur brugðist að veiðin
hefur verið góð. Allt upp í um 30 laxar
sem er frábært á tveggja stanga svæði.
Straumarnir eru yndislegt veiðisvæði,
gamla veiðihúsið fram úr hófi sjarmer-
andi og veiðistaðurinn bæði einfaldur,
auðveldur og gjöfull. Þó er besti hluti
hans líka viðkvæmur. Við erum sjö,
en höfum afslappaða skiptingu sem
hleypir öllum að. Síðan bönnum við allt
nema flugu á Strenghorninu nema rétt
áður en vöktum lýkur, þá megum við
fara með maðk eða spún. Í minning-
unni hafa þetta verið frábæra ferðir og
við höfum komið okkur upp skemmti-
legum siðum og venjum.“
En þið hafið veitt víðar er það ekki?„Jú, við höfum veitt í Laugardalsá,
Soginu, Þverá í Fljótshlíð, höfum líka
skroppið að Hrauni og í sjóstangaveiði.
Straumarnir eru þó fasti punkturinn.
Síðan er Laxá okkar alltaf inni í mynd-
inni. Við opnum ána og eftir veiði-
tíma sér fjölskyldan um klakveiðina og
útúr henni náum við veiðitúr því við
veiðum klaklaxinn á stöng. Þegar að-
stæður eru góðar er oft frábær veiði og
við náum öllum nauðsynlegum löxum
á stuttum tíma.
Einhver skemmtileg veiðisaga frá þessum Óðfluguárum?„Fullt af góðum minningum og góðri
veiði, en engar sérstakar uppákomur.
Stundum höfum við verið með marga
fallega 10 til 12 punda laxa í aflanum og
það gefur ferðunum meiri lit. Annars
Auðvitað þurfa fluguboxin að vera uppi á borðum.
37
Þórdís með nýgenginn Straumalax.
Þarna eru Óðflugurnar á árshátíð í Sterling í Skotlandi...og þótti við hæfi að klæða sig upp í Braveheart stíl.
38 VEIÐISLÓÐ • tímarit um sportveiði og tengt efni • 5. tbl. 2011
var reyndar eitt skemmtilegt atvik
eitt sumarið. Þá setti ein okkar í lax á
Strenghorninu og laxinn fór niður í
strenginn og náði þar að festa línuna
við stein. Við vorum nú allar á einu máli
um að fórna töluverðu til að ná lax-
inum. Það var þó mikill straumur þarna
og allt annað en auðvelt að athafna sig.
Við hengdum okkur þá saman, fremst
var ein okkar með háfinn, síðan sú
næsta sem hélt aftan í hana. Þá önnur
og loks sú með stöngina, sem hélt líka
með annarri hendi í þá sem var fyrir
framan hana. Það var tekin mynd af
þessum ósköpum, fjórar konur þarna í
röð, mislangt úti í straumnum, ríghald-
andi hver í aðra að reyna að landa laxi.
En það tókst fyrir rest og við höfðum
mikið gaman að þessu eftir á.“
En hvað með flugur og aðferðarfræðina?Þórdís svarar: „Ég hef nú mest gaman
að því að kasta einhverju skrautlegu og
ég er alveg sérstaklega hrifin af þýsku
Snældunni. Bæði er hún falleg og svo
hef ég mikið dálæti á Þýskalandi. Við
Ólafur förum þangað á hverju hausti,
helst í Móseldalinn í vínsmökkun
(það rifjast upp í samtalinu að í opnun
2009 veiddi Þórdís 8 punda sjóbirting í
Kvíslafossi á þýska Snældu).
Anna Björg segir hins vegar þetta:
„Ég byrja alltaf fyrsta veiðitúrinn minn
á því að kasta lítilli svartri Frances.
Alveg svartri, ekki með gulum haus eða
svoleiðis. Eftir það er ég mest í smáum
flugum og flotlínum. Hef mikið dálæti
t.d. á Black and blue long tail útgáfum.
Helst vil ég ekki taka flotlínuna af.“
Og það kemur líka á daginn að Anna
Björg er sérvitur og jafnvel hjátrúarfull
við laxveiðarnar. Þannig fór hún helst
ekki til veiða um árabil nema að vera í
rauðum sokkum. Hún hvarf þó frá því, en
nú í all mörg ár getur hún alls ekki farið
Í eldhúsinu á Valdastöðum ríkir létt andrúmsloft. Blaðamönnum var boðið uppá miklar kræsingar og uppá miklar kræsingarog Ólafur Þór leit við..
Flugubox Þórdísar að ofan og Önnu Bjargar
að neðan ... aðeins nettara hjá tengdadótturinni.
39
40 VEIÐISLÓÐ • tímarit um sportveiði og tengt efni • 5. tbl. 2011
viðtal
til veiða nema að hafa um hálsinn sér-
stakt hálsmen sem Hrafnhildur vinkona
hennar keypti erlendis og gaf henni. Er
það fiskur, útskorinn úr beini. Einhvers
konar indjánalist. Þá gengur Anna Björg
um árbakkana með einkenni legasta
rotara landsins í vasanum. Hún sýnir
okkur hann, sérkennilega lagað drápstól
úr ryðfríu stáli, og spyr hvort við áttum
okkur á honum. Það gerum við hins
vegar ekki og hún segir þá:
„Þetta er mjaðmaliður úr ömmu minni.
Hann var settur í hana þegar sá gamli
gaf sig, en þessi virkaði alls ekki. Hún
var alltaf að hrökkva úr liði og hann var
því tekinn aftur úr henni. Þar sem ég sá
hann síðan liggjandi á borði sá ég strax
notagildið og varð mér ljóst að þetta var
laxarotari sem ég myndi ekki skilja við
mig. Það er ansi gaman að því þegar lax
kemur á land og mál að rota hann, og ef
krakkarnir eru með, þá æpa þeir: Hvar
er amma, hvar er amma!“
Þórdís getur þess þegar hér er komið
sögu, að þær séu báðar hrifnar af
maðkveiði, ekki síður en fluguveiði og
þær eru sammála um að maðkveiði
sé jafnvel enn meiri kúnst heldur en
fluguveiðin. Þær tala báðar um hversu
stórkostlega skemmtilegt það er að
renna maðki fyrir lax í sjónmáli ofan af
brú. Fylgjast grannt með viðbrögðum
laxins og fá að sjá hann missa sig og
taka maðkinn upp í sig. „Það er nú samt
ekki alltaf sama stuðið. Einu sinni var ég
að hjálpa Óla að renna að laxi í Gljúfurá
í Borgarfirði. Ég var fyrir ofan að segja
honum til og það fór nokkur tími í þetta.
Laxinn sýndi þó aldrei nein viðbrögð
og þess var varla von, því við nánari
athugun kom í ljós að þetta var steinn
sem líktist laxi!, segir Þórdís.
Það er nú svo, að það er ekki hægt að
sitja endalaust og sötra kaffi á sveita-
heimili þrátt fyrir að gestrisnin sé
óaðfinnanleg. Þá er maður óðar farinn
að tefja fyrir verkum því bændur hafa
í mörg horn að líta og öll eru þau á
Valdastöðum bændur þó að gripið sé
í eitt og annað á milli. Við látum því
frásögn Þórdísar af sjónrennsli að grjóti
vera lokapunktinn á skemmtilegri
heimsókn til hressra veiðikvenna á
Valdastöðum.
Rotarinn óborganlegi og óviðjafnanlegi.
Það er ekki tilviljun að Sage flugustangirnar eru þær vinsælustu í úrvalsflokki flugustanga. Að margra mati eru flugustangirnar frá Sage þær bestu á markaðnum. Því mótmælum við ekki. Allar Sage flugustangir eru hannaðar og þróaðar af flugveiðimönnum og framleiddar í Seattle í Bandaríkjunum. Að kasta fyrir fisk og veiða með Sage er einstök upplifun. Allir fluguveiðimenn verða að eiga að minnsta kosti eina Sage stöng.
Allar Sage stangir eru með lífstíðarábyrgð frá framleiðanda!
VINSÆLASTA FLUGUSTÖNGIN. ÞAÐ ER EKKI TILVILJUN
SÍÐUMÚLI 8 - SÍMI 568 8410
“ONEtm” SERIES - Verð 109.990,-Hröð stöng. Kröftug hleðsla sem auðveldar lengdar og nákvæmnisköst.
Z-AXIS ROD SERIES - Verð 99.990,-Hröð stöng. Kröftug hleðsla sem auðveldar lengdar og nákvæmnisköst.
99 ROD SERIES - Verð 99.990,-Mið-hröð stöng. Djúp hleðsla. Sérhönnuð til að bera þungar flugur og túpur.
VXP ROD SERIES - Verð 74.990,-Mið-hröð stöng. Kraftmikil og fínleg stöng fyrir allar aðstæður.
FLIGHT ROD SERIES - Verð 59.990,-Mið-hröð stöng. Góð alhliða flugustöng.
VANTAGE ROD SERIES - Verð 39.990,-Mið-hröð stöng. Góð byrjendastöng á góðu verði.
“The ONE” er komin!BEST FRESHWATER ROD- International Dealer Show í New Orleans 2011
BEST SALTWATER ROD- International Dealer Show í New Orleans 2011
BEST ROD- Efftex 2011
42 VEIÐISLÓÐ • tímarit um sportveiði og tengt efni • 5. tbl. 2011
Dílaskarfur.
43
Einar Páll Garðarsson
Maður hefur stundum varla undan að hlaða og skjótaLíklega þykja veiðidýr skotveiðimanna hér á landi fá, en þau mega eiga það að þau bjóða eigi að síður upp á tals-verða fjölbreytni í aðstæðum og sókn. Það er mikið látið með gæs, rjúpu og hreindýr, en sumum finnst krefjandi og spennandi að fara á skarf. Stöku skjótari nær þeim af kajak, en aðrir sitja fyrir þeim í klettóttum fjörum. Einn þeirra er Einar Páll Garðarsson, fyrrum kenndur við Veiðihúsið, en rekur nú ásamt eiginkonu sinni hundabúðina Bendir, sem þjónustar vinnu-, gælu- og veiðihunda frá Border Collie og uppúr í stærð. Búðin hefur verið til í eitt og hálft ár og færist bara í aukana ef eitthvað er. En Palli, eins og hann er kallaður, er mikill veiðimaður, hvort heldur er með byssu eða stöng og hann sagði okkur frá skarfaveiðum sem eru greinilega gríðarlega spennandi.
skarfaveiðar
Búinn að sækja fugl.
Gerviskarfar í klettunum. Myndir úr safni Einars Páls Garðarssonar.
45
skarfaveiðar Einar Páll Garðarsson
Fyrst er að nefna, að skarfategundirnar
íslensku eru tvær, dílaskarfur og topp-
skarfur. Skarfa má sjá út um allt land.
Fyrst og fremst við sjávarsíðuna, en þeir
leita einnig í tíma og ótíma upp með
veiðiám og inn á stöðuvötn þar sem
þeir eltast við lax og silung. En fjöldinn
er á Vesturlandi, frá Reykjanesskaga
til Vestfjarða. Nánast allt varp beggja
tegunda er á þessum slóðum. Meira
er af dílaskarfi og verpir hann bæði
umhverfis Faxaflóa og Breiðafjörð, en
toppskarfurinn er meira bundinn við
Breiðafjarðarsvæðið. Skarfarnir báðir
eru stórir og fyrirferðarmiklir fuglar
og þekkja vegfarendur þá oft á færi
þar sem þeir sitja á skerjum eða öðru
við ströndina og halda vængjunum
þöndum. Þetta er sérstakt, en stafar af
því að þrátt fyrir að þessar tegundir lifi
á því að kafa og veiða, þá gaf náttúran
þeim ekki fitukirtla til að þurrka væng-
ina eins og endur, gæsir og aðrar sund-
fuglategundir fengu í vöggugjöf. Þess
vegna þurfa skarfar að sitja um hríð og
baða út vængjunum til að þerra þá!
Þrátt fyrir að dílaskarfur og toppskarfur
séu náskyldir, þá er atferli þeirra
ótrúlega ólíkt. Þeir verpa báðir í þéttum
byggðum og komi menn að skeri með
toppskarfavarpi, þá sitja skarfarnir sem
fastast, geifla sig og gagga framan í
hina óboðnu gesti og fljúga ekki frá
ungum sínum fyrr en í fulla hnefana.
Sumir gera það alls ekki, rífa og bíta frá
sér og láta ófriðlega. En komi menn að
skeri þar sem dílaskarfar búa, þá sópast
allur fugl af skerinu og lætur sig hverfa
um leið og glyttir í bátsskelina!
Veturinn er veiðitíminn. Einar Páll
segir okkur að menn fari ekki bara út á
ströndina og byrji að skjóta. Skarfur inn
hafi ákveðið atferli sem beri að miða við.
„Þeir eru með morgun- og kvöldflug
rétt eins og gæsir og ef við gefum
okkur að það sé janúar eða febrúar og
morgunháflæði sé ca klukkan níu, þá
má fara að búast við skarfaflugi um
10.30 til 11.30 leytið. Þeir sækja grimmt
í sker, hvort það er til þess að sitja á
meltunni eða eitthvað annað veit ég
ekki, en þeir eru afar einbeittir og það
getur komið fugl eftir fugl þannig að
stundum hefur maður ekki haft undan
að hlaða og skjóta,“ segir Einar Páll.
Einar Páll segir allra best að hafa þraut-
þjálfaða veiðihunda við skarfaveiðarnar.
Best er veiðin við klettóttar strendur og
það getur verið mikið sog og hreyfing
á sjónum. „Labradorar eru bestu
sóknarhundarnir á sjó vegna þess að
þeir eru með tvöfaldan feld og góðan
pels. Ef þeir eru að auki í neoprenevesti
sem skýlir helstu líffærum þeirra, þá
eru þeir ótrúlega harðir af sér, þolnir og
duglegir. Aðrar tegundir, t.d. Vasteh, eru
líka góðir, en þeir geta aldrei farið eins
margar ferðir út í sjóinn að sækja og
satt að segja eru ekki margar tegundir
sem láta sig hafa það að sækja skarfinn í
því veðri og við þær aðstæður sem oft er
boðið upp á. En góðir veiðihundar láta
sig vaða og þeir sleppa ekki bráðinni,
sama í hvaða vandræðum þeir kunna
að lenda. Ég hef þurft að leggjast á
klappirnar og grípa í þá þegar kjalsogið
skilar þeim upp að grjótinu til að hjálpa
þeim upp úr og það getur meira að
segja dugað að grípa í fuglinn sem er í
kjafti þeirra, því þá nást þeir líka uppúr
þar sem þeir sleppa ekki fuglinum. En
fuglinn kemur stundum svo ört inn
að þetta verður mikill atgangur. Eitt
sinn vorum við tveir að veiða með tvo
þjálfaða Labradora með okkur og þegar
þeir voru búnir að sækja 55 skarfa þá
bara hættu þeir og tóku ekki í mál að
sækja meira. Voru bara búnir á því!“
46 VEIÐISLÓÐ • tímarit um sportveiði og tengt efni • 5. tbl. 2011
En það er líka hægt að veiða án hunda.
Einar Páll heldur áfram: „Það er best
að hafa hund, það er engin spurning.
En ef menn hafa ekki hund þá þarf að
vera með strategíu. Ef það eru víkur
og vogar, þá flýgur skarfurinn yfir
klapparoddana og þá þarf að koma sér
þannig fyrir að þegar fuglinn dettur, þá
lendi hann á þurru en ekki í sjó. Þá er
best að það sé álandsvindur og aðfall, ef
að fugl tæki upp á því að enda í sjónum.
Ein af mínum betri skarfaferðum var
hundlaus túr norður á Strandir fyrir all
nokkrum árum.
Þetta var að haustlagi og við ætluðum
tveir saman norður á Gjögur til
pabba og ganga til rjúpna. Þegar við
komum inn í Reykjafjörð hafði veðrið
breyst til hins verra og var svartaþoka
lögst yfir, alveg niður í fjöru. Þegar
rjúpnadagurinn rann upp var því ekki
um það að ræða að ganga til rjúpna.
Eftir að hafa spáð í spilin um stund,
tilkynnti pabbi að nú skyldum við
fara á skarf. Þarna vorum við með
það sem við köllum skarfa-silúettur,
útskorna skarfa úr krossviði og ég
vil meina að þetta hafi verið fyrstu
svoleiðis gerviskarfarnir sem notaðir
voru hér á landi. Þegar við komum á
vænlegan stað stilltum við silúettunum
upp í klettum frekar en á klöppum í
fjöruborðinu þar sem við vildum ekki
eiga á hættu að missa fugla út í sjó.
Við pabbi biðum nú hlið við hlið, en
félagi okkar var á öðrum stað þar sem
tálfuglanna naut líka við.
Ekki leið á löngu þar til fyrsti skarfurinn
lét sjá sig og síðan var stanslaust flug,
hver skarfurinn af öðrum kom fljúgandi
fyrir klettinn og um leið og þeir komu
auga á tálfuglana, tóku þeir vinkilbeygju
og komu fljúgandi beint í flasið á okkur.
Á stuttum tíma lágu 70 fuglar. Við pabbi
náðum flestum, en félagi okkar líka
nokkrum og hann skaut auk þess sel
sem kom í færi. Náði honum á land,
þannig að þetta var mikið ævintýri.
Við vorum á Lödu Sport og hún var
gersamlega smekkfull af fugli með
tilheyrandi lykt, en eins og þeir vita
sem þekkja til skarfa, þá er lyktin af
þeim ekki sérlega góð. Við fórum síðan
með þetta heim að Gjögri og tókum
hörkutörn þar sem við hamflettum
hvern einasta fugl og enduðum
síðan daginn á því að elda skarf, enda
smakkast fátt betra en nýveidd villibráð.
Þessi túr endaði síðan með því að
þokunni letti daginn eftir og við áttum
frábæran dag á rjúpu áður en haldið var
aftur suður.“
En hvert eiga menn að fara og hvað ber
að nota? „Það segja ýmsir að skarfurinn
sé skotharður, en satt best að segja er
hann það alls ekki. Ég nota yfirleitt 42
gramma hleðslu, 2 eða 4. Það er víða
hægt að veiða, en menn verða að kynna
sér skotvopnalöggjöfina, því ansi mörg
svæði eru útilokuð þegar hún er túlkuð.
Samt eru mörg svæði opin. Hvalfjörður,
Suðurnes, Mýrarnar, það er víða hægt
að fara og skjóta svo fremi sem menn
hafa í hendi leyfi landeigenda, en þess
ber að sjálfsögðu að afla hverju sinni.“
skarfaveiðar Einar Páll Garðarsson
Gore-tex gerir gæfumuninn.
Gore-tex öndunarfilman
ber höfuð og herðar yfir
aðrar öndunarfilmur bæði
hvað varðar vatnsheldni og
útöndun.
Simms notar Gore-tex Per-
formance-Shell og Gore-tex
Pro-Shell í vöðlur og jakka.
Engar málamiðlanir. Simms
er málið
ÞÚ FÆRÐ SIMMS EINNIGHJÁ VEIÐIMANNINUM
SÍÐUMÚLI 8 - SÍMI 568 8410
ALLIR VEIÐIMENN ÞEKKJA SIMMS GÆÐI!
Veiðibúð allra landsmanna á netinu. veidimadurinn.is
48 VEIÐISLÓÐ • tímarit um sportveiði og tengt efni • 5. tbl. 2011
„ ... Loks virtist álftin vera sátt við að lambið myndi ekki hreyfa legg eða lið framar og settist hún nokkuð til hliðar við hræið og svall móðurinn. Hvað eftir annað þandi hún sig út og öskraði, líkt og hún væri að trappa niður sturlunina.“
Mynd Skarphéðinn Þórisson.
Mynd: Tómas Grétar Gunnarsson. Mynd: Tómas Grétar Gunnarsson.
49
lífríkið Álftir
Aðgát skal höfð í nærveru morðóðra álfta!Eitt sinn skrifuðum við og birtum á vefnum okkar www.votnogveidi.is grein sem fjallaði um óstöðuga hegðun einstakra álfta þegar kemur að því að verja óðal, börn og buru. Nánar tiltekið fjallaði greinin um það morðæði sem rennur á stöku fugl. Þetta er ekki algengt ástand og þetta virðast vera bara fáir fuglar miðað við allan fjöldann, en á daginn kom þó að ýmsir þeir áhugamenn sem rætt var við þekktu til dæma um þessa skefjalausu grimmd stöku álfta.
Vettvangurinn er Bugða í Kjós og vitni að þessu voru þeir Friðþjófur Eyjólfsson endurskoðandi og Jóhann Sigurðsson bókaútgefandi. Þeir segja nú frá:
„Við vorum lengi í sjokki yfir því sem við
sáum og vorum fyrst um sinn og lengi
vel alls ekki á því að segja þessa sögu.
Spurning hvort að okkur yrði trúað og
svo leið okkur alls ekki vel. En þetta var
snemma í ágúst og við ókum niður með
Bugðu. Þegar við vorum komnir um
það bil að veiðistaðnum Golfstraumi,
stóð ekki allt í einu álft í vegslóðanum,
sem þarna var nokkuð niðurgrafinn og
því ekki inni í myndinni að sveigja frá
fuglinum. Fuglinn sýndi ekkert farar-
snið á sér, sveigði sig upp og veifaði
vængjunum. Hoppaði síðan upp á
bakkann og gerði sig líklegan til að
gogga í okkur inn um opna bílrúðu.
Bubbi Morthens reið á vaðið með
frásögn um álft á Laxá í Aðaldal sem óð
yfir á öndverðan bakka, tugi metra, til
að ráðast á straumandarkollu og unga
hennar. Flutu nokkrir dauðir ungar
niður ána frá þeirri aðför. Komu menn
þá fram í framhaldinu og greindu frá
árásum álfta á aðra fugla, bæði full-
orðna og unga. Ein frásögnin var einkar
ógeðfelld, hún var frá Vífilstaðavatni og
sagði frá álft sem sleit rauðhöfðaunga
í tvennt og sporðrenndi báðum hlut-
unum eftir að hafa nærri murkað lífið úr
móðurfuglinum.
En tilefni þess að við rifjum þetta upp er, að við heyrðum nýverið nýja sögu af sama meiði. Ætlum að skrásetja hana hér og renna síðan í framhald-inu því helsta úr grein okkar frá vetr-inum 2009-2010.
Mynd: Tómas Grétar Gunnarsson.
50 VEIÐISLÓÐ • tímarit um sportveiði og tengt efni • 5. tbl. 2011
lífríkið
Þá var bara að loka rúðunni og aka
neðar með ánni og er nú álftin úr
sögunni í bili. Við fórum í veiðistaði
neðan við Golfstraum og vorum
nokkra stund að vasast í því. Segir
ekki af aflabrögðum, en undir kvöld
ókum við í rólegheitum upp eftir aftur.
Annar okkar enn í veiðigallanum,
hinn kominn í borgaraleg klæði. Við
stoppuðum bílinn við Golfstraum
og önduðum að okkur frískandi
kvöldloftið og nutum stundarinnar. En
allt í einu urðum við varir við einhvern
fyrirgang nokkuð langt úti í kjarri og
víðivöxnum móanum handan árinnar.
Í fyrstu sáum við ekki hvað þarna var á
ferð, en greinilegt að mikið gekk á.
Þessi fyrirgangur barst óðum nær okkur
og loks sáum við að þarna var komin
álftin aftur og að þessu sinni sótti hún
grimmdarlega að stálpuðum lamb-
hrút. Hékk álftin aftan í lambinu, búin
að bíta sig fasta og barði ítrekað með
vængjunum og blés og fnæsti um leið.
Leikurinn barst hratt að árbakkanum
og var lambið vitstola af hræðslu sem
vonlegt var.
Þegar þau komu fram á bakkann á móti
okkur hætti álftin augnablik barsmíð-
unum og hik kom á lambið. En óðar
blés álftin aftur í herlúðurinn, stökk upp
á bakið á lambinu og lét enn og aftur
höggunum rigna og þetta voru gríðar-
leg högg og feiknaleg læti. Lambið
hrökklaðist fram af bakkanum og út
í ána og álftin fylgdi með, fnæsandi
og hoppandi ofan á bakinu á lambinu
og berjandi af algerri sturlun. Á þetta
horfðum við agndofa og eitthvað var
rætt um að gera eitthvað í málinu.
Annar okkar myndaðist við að vaða af
stað, en þá gerði álftin sér skyndilega
lítið fyrir og felldi lambið og drekkti því
þarna á augabragði. Og þó lambið væri
hætt að berjast um hélt álftin áfram að
berja á hræinu. Hún hætti síðan, virtist
draga djúpt andann og fór þá hræið að
reka hægt niður ána uns það steytti á
grynningu. Skipti þá engum togum að
álftin rauk aftur í hræið og lét höggin
dynja á því, beit og djöflaðist.
Loks virtist álftin vera sátt við að lambið
myndi ekki hreyfa legg eða lið framar
og settist hún nokkuð til hliðar við
hræið og svall móðurinn. Hvað eftir
annað þandi hún sig út og öskraði, líkt
og hún væri að trappa niður sturlunina.
Það leið langur tími þar til við fengum
málið aftur eftir þetta sjónarspil. Menn
verða ekki samir eftir að horfa upp á
slíkar aðfarir. En við spurðum fugla-
fræðing síðar út í þetta. Langaði til að
vita hvort að þetta væri þekkt og hvað
álftinni gengi eiginlega til. Sá sem við
ræddum við var einu sinni rotaður af
Friðþjófur.
51
Álftir
álft og sagði hann að við hefðum gert
rétt í því að skipta okkur ekki af. Hún
hefði sem hægast getað gengið frá
öðrum okkar eða báðum.“
Svo mörg voru þau orð Friðþjófs og
Jóhanns. Og skulum við þá rifja upp
greinarkorn okkar frá því á sínum tíma:
Í bók Bubba Morthens og Einars Fals
Ingólfssonar Áin, sem fjallar um veiði-
svæði Nesbæja á miðsvæðum Laxár í
Aðaldal hnutum við um lýsingu Bubba
á skrautlegu atferli álftar nokkurrar.
Bubbi var sum sé að veiðum á Grundar-
horni og var búinn að festa í laxi þegar
hann sá álft koma fljúgandi og hlamma
sér á straumandarfjölskyldu sem var
skammt undan. Álftin var með ferlegan
fyrirgang, baðaði út vængjunum og
gerði sér lítið fyrir og drap alla unga
fjölskyldunnar, sem voru nokkrir þótt
talan hafi ekki komið fram. En þeir flutu
hver á eftir öðrum steindauðir undan
álftinni þangað til að enginn lifði.
Kollan reyndi eitthvað að malda í móin
en mátti sín lítils. Síðan synti álftin upp
að öndveðum bakka og lét þar eins og
ekkert hefði gerst. Við spurðum Bubba
að því hvort að þetta hafi verið varpfugl
að verja óðalið sitt, kannski með unga í
nágrenninu, en hann sagði að um staka
álft hafi verið að ræða. Hann hefði hins
vegar séð annað svipað tilvik, á Vitaðs-
gjafa. Þá hafi verið um paraða álft að
ræða og í því tilviki réru hann og leið-
sögumaður hans á vettvang og tókst að
afstýra algeru fjöldamorði. Einhverjir
unganna lágu þó dauðir eftir.
Álftin er orðlögð fyrir að verja lendur
sínar af hörku og skynsemi, en þessar
lýsingar virtust okkur vera fullmikið af
því góða. Við spurðum því nokkra fugla-
sérfræðinga útí þetta atferli Álftarinnar.
Kristinn Haukur Skarphéðinsson fugla-
fræðingur hjá NFÍ sagði: „Varðandi
álftina, þá heyrir maður einstaka
sinnum svona morðsögur. Þótt þessi
sé í svakalegra lagi. Einstaka álftir geta
verið mjög aggressívar og er það þá
oftast tengt vörn óðals. Þær hafa drepið
andarunga, kindur, lömb, ráðist á börn
svo nokkuð sé nefnt. Þrátt fyrir að svona
sögur séu þekktar er þessi hegðun mjög
sjaldgæf. Ég hef reyndar aðeins einu
sinni séð álft tugta til rollu sem fór inn
á óðalið. En athuga ber að steggurinn
getur farið talsverða leið frá fjölskyldu
og hreiðri. Reiðar álftir eru frekar og
bölsótast iðulega langt út fyrir venjulega
hreiðurhelgi.”
Skarphéðinn Þórisson í Fellabæ sendi
okkur þennan pistil: „Ég hef rekist á
þrjár virkilega ágengar álftir yfir ævina
sem er afskaplega fáar miðað við allan
skarann sem ég hef heilsað upp á. Á
8. áratug síðustu aldar réðist að mér
Jóhann.
52 VEIÐISLÓÐ • tímarit um sportveiði og tengt efni • 5. tbl. 2011
lífríkið
“hvæsandi” álft á Ástjörn við Hafnar-
fjörð Á 9. áratug síðustu aldar varð ég
vitni af því að álft drap tveggja vetra
kind í Jökuldalsheiðinni, flaug upp á
bak hennar, beit hana í hnakkann og
lamdi hana í síðurnar með þeim af-
leiðingum að rif brotnuðu og stungust
í líffæri svo henni blæddi inn. Loks,
á tjörn við Kross í Fellum hefur par
verpt í nokkur ár og var karlfuglinn
mjög agressívur og réðst að manni ef
maður nálgaðist hreiðrið - hann varð
fyrir dráttarvél og bæklaðist og hvarf í
sumar. Að lokum rifjast upp frétt sem
ég heyrði í útvarpinu fyrir löngu en þar
var sagt frá því að álftir væru óvenju að-
gangsharðar á afréttum Þingeyjinga og
fældu fé jafnvel út í vötn og drekkti því.
Óli bóndi varð fyrir barðinu á einni en
um það kvað nágranni hans: Álftarbjálfi
æskusnar/ Ólaf felldi og lagðist yfir/ í
fangbrögðum er fylgdu þar/ fuglinn dó
en Óli lifir.”
Þá sendi okkur pistil Tómas Grétar
Gunnarsson forstöðumaður Háskóla-
seturs Suðurlands. Tómas sendi okkur
líka þessa mögnuðu myndaseríu sem
birtist með þessum línum: „Sumarið 1996
heimsóttum við pabbi um 30 álftahreiður
til mælinga. Aðeins eitt af þeim pörum
sýndi tennurnar svo okkur þótti nóg um.
Kannski gefur það einhverja hugmynd
um tíðni slíkrar ákafahegðunar. Sumarið
2005 varð ég vitni að því að álft með unga
hjólaði í eina tvílembda í Grímsnesinu.
Bóndinn fann ána dauða og barða
nokkrum dögum seinna. En hún slapp
þó í það skipti sem ég sá til. Tók nokkrar
myndir í gegnum skóp á löngu færi.
Álftin lét vita af sér í góða stund áður en
hún lét til skarar skríða. Rollan skeytti því
engu. Árásin sjálf tók þó nokkrar mínútur
og mest allan tímann hékk álftin á baki
og barði og beit. Jórturdýrin voru sturluð
af hræðslu og orðin aðframkomin í
hitanum þegar álftin sleppti takinu.“
Mynd: Tómas Grétar Gunnarsson.
Lax-, silungs- og skotveiði
Hrútafjarðará, Breiðdalsá, Jökla,
Tungulækur, Minnivallalækur
og Fögruhlíðará
www.strengir.is
54 VEIÐISLÓÐ • tímarit um sportveiði og tengt efni • 5. tbl. 2011
Undirritaður að setja 2ja ára lax í kistu í Sandá í Þistilfirði. Þessi hefur sennilega farið upp fyrir foss eins og tíðkast víða þessi árin.
Ljósmyndagalleríið er að þessu sinni í höndum Daða Harðarsonar,
stangaveiðimanns með meiru. Daði hefur lengi mundað veiðigræjurnar
og smátt og smátt færðist ljósmyndun í aukana. Daði hefur komið víða
við, var meðal annars um tíma formaður stangaveiðifélagsins Ármanna.
Um galleríið, ljósmyndunina og sjálfan sig sagði Daði þetta:
„Ég tel mig fæddan með veiðigenið. Var víst kominn með delluna á
svipuðum aldri og ég byrjaði að ganga í barnaskóla. Fyrsta flugustöngin
var keypt fyrir fermingarpeninga og smám saman byggðist upp einhver
skilningur á því hvað maður var að gera. Það tók langan tíma, áratugi.
Svo einhvern veginn fór maður að læra hraðar og ná ásættanlegum
árangri oftar, jafnvel góðum á stundum.
Það er eins og þetta eigi við um flest það sem maður tekur sér fyrir
hendur, fyrst erfitt en alltaf spennandi. Gengur hægar en maður vildi í
fyrstu. Svo fer árangur erfiðisins að skila sér. Oftar og betur, stundum.
Vonandi er þroskinn orðinn nógu mikill í myndasmíðinni og viðunandi
í þínum augum lesandi góður til að þú njótir myndanna sem hér eru.
Allavega er ég farinn að vera oftar ánægður með aflann sem myndavélin
skilar mér í hús. Sömuleiðis árangurinn þegar heim er komið: mynd-
vinnsluna sjálfa, hún er ekki minna mál né síður skemmtileg.
55
Daði Harðarson
Vonandi er þroskinn orðinn nógu mikill í myndasmíðinni
ljósmyndun
56 VEIÐISLÓÐ • tímarit um sportveiði og tengt efni • 5. tbl. 2011
Tól og tæki eru aðallega Canon vélar, síðustu tvær eru 1Ds Mark ll og 5D
Mark ll. Linsur hafa helst verið 16-35mm, 24-70mm og 100-400L. Ég
á erfitt með að gera upp á milli linsanna, þær hafa allar reynst mér vel.
Myndavélarnar batna bara með ótrúlegum hraða og ekkert lát verður á
því næstu árin.
Aðkoma mín að vinnslu myndanna liggur í starfi mínu sem útgefandi. Ég
hef fínunnið nánast allar myndir sem útgáfufyrirtækið Nýjar víddir hefur
gefið út, sennilega undanfarin 10 ár. Þaðan lá leiðin eðlilega í myndatök-
una sjálfa og ég sé bara mest eftir því að hafa ekki byrjað miklu fyrr.
Myndvinnslan er í Photoshop og Lightroom og smám saman fjölgar
aukaforritum til frekari vinnslu. Nik forritin eru mér hugleikin, sérstaklega
Viveza. Fínleg HDR vinnsla vekur áhuga minn en ég reyna að forðast of-
vinnslu þar á bæ. Megnið af myndvinnslunni er í Photoshop, öll fínvinna
hefur verið þar til skammast tíma, grunnvinna í Lightroom og utanum-
hald. Að fara nánar út í þá sálma hér væri eins og að tala um flugur, línur
og stangir á fyrirlestri hjá golfklúbbi og því sleppi ég því.
Samkvæmt myndunum virðist gallerý gesturinn aðallega laxveiðimaður
en það vil ég sverja af mér. Grunnurinn og afar sterk taug er í mér
gagnvart silungsveiði, aðallega í straumvatni þó. Er bara minna með
myndavélina uppi við, einn á stöng og á göngu nánast daglangt. Norð-
austur hluti landsins er aðaláhersla þessara mynda, örlögin hafa leitt mig
þangað undanfarin ár. Þau sömu ár hef ég ræktað ljósmyndarann í mér
og því vel við hæfi að stíga fram sem slíkur á síðum Veiðislóðar.
Njótið heil og takk fyrir mig,
Daði Harðarson
Ásgeir félagi minn kampakátur með vænan urriða í Laxá í Aðaldal, snemmsumars.
57
Ásgeir félagi minn kampakátur með vænan urriða í Laxá í Aðaldal, snemmsumars.
Þorkell félagi minn og frændi, örlagavaldur í lífi mínu hvað laxveiði varðar allavega.
58 VEIÐISLÓÐ • tímarit um sportveiði og tengt efni • 5. tbl. 2011
59
Löxum sleppt með bros á vör.
Þorkell félagi minn og frændi, örlagavaldur í lífi mínu hvað laxveiði varðar allavega.
60 VEIÐISLÓÐ • tímarit um sportveiði og tengt efni • 5. tbl. 2011
Í Veiðivötnum. Þar var ég í mestu vandræðum með að velja milli stangar og myndavélar. Þessar myndir eru allar samsettar úr mörgum skotum.
61
62 VEIÐISLÓÐ • tímarit um sportveiði og tengt efni • 5. tbl. 2011
Sandá í Þistilfirði. Fuglalífið spillir ekki fyrir.
63
Sandá í Þistilfirði. Fuglalífið spillir ekki fyrir.
64 VEIÐISLÓÐ • tímarit um sportveiði og tengt efni • 5. tbl. 2011
Sandárfoss. Ef vel er að gáð sést veiðimaður í fjarska í speglinum í gljúfrinu. Samsett og HDR unnin mynd.
65
Sandárfoss. Ef vel er að gáð sést veiðimaður í fjarska í speglinum í gljúfrinu. Samsett og HDR unnin mynd.
66 VEIÐISLÓÐ • tímarit um sportveiði og tengt efni • 5. tbl. 2011
Í vetrardvala. Laxá í Kjós rétt ofan brúar.
67
Í vetrardvala. Laxá í Kjós rétt ofan brúar.
Einhver besta vakt sem ég man eftir. Síðdegið sem eldingu laust niður í kú á suðurlandi, í restinni af fellibyl sunnan úr löndum fyrir örfáum árum.
68 VEIÐISLÓÐ • tímarit um sportveiði og tengt efni • 5. tbl. 2011
69
Einhver besta vakt sem ég man eftir. Síðdegið sem eldingu laust niður í kú á suðurlandi, í restinni af fellibyl sunnan úr löndum fyrir örfáum árum.
Styggð komin að grágæsafjölskyldu vegna ónæðis okkar félaganna.
70 VEIÐISLÓÐ • tímarit um sportveiði og tengt efni • 5. tbl. 2011
71
Styggð komin að grágæsafjölskyldu vegna ónæðis okkar félaganna.
72 VEIÐISLÓÐ • tímarit um sportveiði og tengt efni • 5. tbl. 2011
Afar væn sjóbleikja veidd sumarið 2011. Átta pund takk. Nei, ekki ég; Þorkell frændi.
73
einu sinni var
Ensku húsin endurspegla söguna
Pétur Pétursson snikkari á Langárfossi
reisti húsið sem íbúðarhús fyrir sjálfan
sig og fjölskyldu sína árið 1884 að því
talið er. Þótti það á þeim tíma eitthvert
myndarlegasta húsið í héraðinu. Pétur
flutti um áratug síðar til Ameríku og
seldi sr. Einari Friðgeirssyni bæði húsið
og jörðina.
Séra Einar prófastur á Borg var mikill
sveitarhöfðingi, jafnt í andlegum sem
veraldlegum efnum og var jafn framt
umsvifamikill kaupsýslumaður. Hann
sá greinilega verðmæti laxveiðanna
langt, langt fram í tímann. Á þessum
árum komu enskir veiðimenn til veiða
í Langá og höfðust jafnan við í tjöldum
austan við ána hjá þeim veiðistað sem
þeir nefndu Camp Pool, en kallast
Dyrfljót í dag og er skammt ofan við
Sjávarfoss. Séra Einar keypti allan veiði-
rétt í ánni og leigði til erlendra veiði-
manna, auk þess að breyta íbúðarhús-
inu í veiðihús. Árið 1902 seldi hann hins
vegar ána og húsið til aðalsmanns af
frægri skoskri ætt, Oran Campell esq.
74 VEIÐISLÓÐ • tímarit um sportveiði og tengt efni • maí 2011
Enn eru til nokkur af elstu veiðihúsum landsins. Hluti af Straumahúsinu, Ensku Húsin við Langá, Lundur við Hítará og kannski einhver fleiri. Þessi gömlu hús hafa sál, á því er enginn vafi. Við litum við í Ensku Húsunum við Langá fyrir nokkrum misserum til að skoða okkur um. Stangaveiði í Langá á sér langa sögu og lengri en gengur og gerist meðal íslenskra laxveiðiáa. Saga sú tengist mjög Ensku Húsunum svokölluðu á Langárfossi sem teljast í dag elsta veiðihús landsins þó að þau gegni því hlutverki ekki lengur. Þar reka nú hjónin Ragnheiður Jóhannesdóttir og Stefán Ólafsson myndarlega ferðaþjónustu og er húsunum haldið smekklega við og gamli tíminn er látinn halda sér í öllum aðalatriðum.
Campell veiddi í Langá ásamt vinum
og ættingjum fram að fyrra stríði. Um
þann tíma er ekki mikið vitað, en þó eru
til skráningar á veiði frá og með árinu
1900 sem síðari eigendur varðveittu og
um 200 ljósmyndir teknar árið 1903 af
enskum ljósmyndara sem hét Lamden
og var sá veiðifélagi Campells. Veiði
lagðist af í Langá á meðan á stríðinu
stóð og Campell andaðist einnig á þeim
árum. Það má kannski segja að þótt lítið
sé, þá er það meira en varðveist hefur af
stangaveiðisögunni víða um land.
Eftir fyrra stríðið kom við sögu ensk
hefðarfrú, Walterina Favoretta Kenn-
ard, sem keypti ána og veiðihúsið
af dánarbúi Campell‘s árið 1923. Frú
Kennard og veiðifélagar hennar komu
með skipi frá Englandi um miðjan júní
ár hvert. Frúin dvaldi þá sjálf yfirleitt allt
sumarið með dætrum sínum, en í lok
75
Hreindýr á Reykjanesinu
júlí eða byrjun ágúst voru hollaskipti
veiðimanna, vorhópurinn fór og haust-
hópurinn kom og veiddi fram í septem-
ber. Á þessum árum var eiginmaður frú
Kennards með Grímsá á leigu og hafði
hún það fyrir sið að heimsækja hann
einn dag í hverri viku.
Þannig liðu árin undir stjórn Kennards,
en hún byggði setustofu við húsið árið
1927. Heimamenn báru virðingu fyrir
frúnni og kölluðu veiðihúsið ensku
húsin. Hópur Kennards var skipaður
ráðskonu, vinnustúlkum og leiðsögu-
mönnum sem allt voru heimamenn, en
auk þess hafði hún yfirleitt enska þjóna.
Haustið 1939 skall síðari heimstyrjöldin
á og frúin bjó sig til vetursetu. Lét hún
m.a. setja upp kabyssu í eldhúsið og bjó
í haginn svo hún gæti dvalist við ána á
meðan stríðið stæði. Breski sendiherr-
ann lét hins vegar sækja hana og flytja
78 VEIÐISLÓÐ • tímarit um sportveiði og tengt efni • 5. tbl. 2011
til Englands ásamt öðrum breskum
þegnum þá um haustið. Frú Kennard
kom aldrei aftur í veiðihúsið við Langá
og seldi það, ásamt veiðiréttinum, árið
1944 umboðsmanni sínum hérlendis,
Geir Zoega stórkaupmanni.
Geir hafði þá um lengi gætt hagsmuna
frúarinnar og gjarnan dvalið við ána
með fjölskyldu sína. Tókust þá góð
kynni með honum og bændunum við
ána. Einn þeirra var Jóhannes Guð-
mundsson á Ánabrekku, þá ungur mað-
ur. Jóhannes keypti veiðiréttindi Geirs
og veiðihúsið í áföngum á árunum 1943
til 1967. Þessi kaup byggðust á lax- og
silungsveiði-lögunum sem sett voru
árið 1936, en þau veittu landeigendum
rétt til að leysa til sín veiði á matsverði.
Eftir árið 1960 rak Jóhannes og síðar
fjölskylda hans veiðihúsið sem allt til
ársins 1998 þjónaði ánni. Nú hefur hins
vegar verið byggt stærra hús til þeirra
nota, en Ragnheiður dóttir Jóhannesar
og Stefán eiginmaður hennar reka þar
nú gistihús/ferðaþjónustu.
Eftirfarandi frásagnir skráðum við af
samtölum við þau góðu hjón: Á meðan
áin var seld í bútum var gjöfulasta veiði-
svæðið neðstu svæðin sem kennd voru
við Langárfoss og Ánabrekku. Þangað
komu margir eftirminnilegir aðilar og
veiddu. Sumir héldu tryggð við svæðið
um langt árabil. Einn þeirra var Antonio
Ruiz Ochoe, eða einfaldlega Tony. Tony
var auðugur Spánverji, en búsettur í
Puerto Rico og kom hann hingað með
eiginkonu sinni Theresu og börnum
sem voru ung fyrstu árin. Tony og fylgi-
fólk hans komu hingað fyrst í stuttan
veiðitúr uppúr 1970, en svo komu þau
aftur og aftur. Alls komu þau í 30 ár og
öll þau ár að þremur undanskyldum
veiddu þau í Langá og voru stundum
allt upp í 3-4 vikur við veiðarnar.
Í hópi Tony‘s voru ýmsir vinir hans og
skyldmenni og var mikill fjölskyldu-
bragur yfir dvöl þeirra. Með tímanum
litu þau nánast á hvert annað sem eina
stóra fjölskyldu, þ.e.a.s. Tony, Theresa
og börnin þeirra annars vegar og þau
Ragnheiður, Jóhannes, Stefán og Run-
ólfur Ágústsson og fjölskylda hans sem
komu að leigunni um langt skeið með
fólkinu á Ánabrekku og Litlu brekku.
Það áttu þessir Spánverjar sammerkt að
þeir voru auðugir. Þeir voru líka saman-
saumaðir sem er eflaust ein af skýring-
unum á auð þeirra. Einn af vinum
Tony‘s var Paco. Dag einn veiddi Paco
stóran lax, a.m.k. 18 punda sem þykir
mikill fiskur á mælikvarða Langárlaxa.
Tony var svo hrifinn að hann sagði við
Paco að hann skyldi láta stoppa laxinn
upp og færa veiðihúsinu laxinn að gjöf.
Paco hugsaði sig um og spurði Tony
hvað það myndi kosta. Tony svaraði:
70 þúsund. En Paco taldi það af og frá.
Það væri allt of mikið. Tony gaf sig hins
vegar ekki og stakk þá upp á því að
hann myndi sjálfur leggja til helming-
inn af upphæðinni. Aftur hugsaði Paco
sig um og féllst loks á það. Að hann
myndi reiða fram 35 þúsund og Tony
35 þúsund. Það sem Paco vissi ekki,
en Tony var með alveg á hreinu var,
að uppstoppun á laxinum myndi kosta
35 þúsund krónur. Á endanum var það
því Paco sem borgaði einn og óstuddur
uppstoppun á laxinum. Þessi fallegi lax
hangir enn í Ensku húsunum og ber
Spánverjunum gott vitni.
Eitt sinn voru Spánverjarnir mættir
til veiða sem fyrr, en í þetta skipti brá
svo við að lítið vatn var í ánni og lítið
gengið af laxi. Veiðin gekk afleitlega og
það fór ekki vel í geðið á þeim spænsku
því þetta voru kappsfullir veiðimenn
einu sinni var
Veiðislóð
80 VEIÐISLÓÐ • tímarit um sportveiði og tengt efni • 5. tbl. 2011
einu sinni var
sem vildu vera í fiski. Algengt var að
nýir menn væru í hópnum eða að gestir
kæmu um stundarsakir. Nú bar svo vel í
veiði að í hópnum var Katólskur biskup
og þegar ástandið versnaði frekar en hitt
og það var alls engin rigning í langtíma
veðurkortum var stofunni í Ensku Hús-
unum snarlega breytt í safnaðarrými.
Altari var sett upp og síðan hófst eitt-
hvað sem ekki verður kallað eldmessa
heldur öllu frekar regnmessa. Lofaði
biskupinn Drottinn og flutti messu sem
var framan af í aðalatriðum venjuleg
guðsþjónusta á Katólska vísu. En er á
leið breyttist tónninn og biskupinn var
farinn að ákalla Guð ákaft og fara þess
a leit við hann, lengstra orða, að beina
nú eins og einni góðri og grunnri lægð
inn yfir Vesturlandið. Voru síðan fluttar
heitar bænir í sömu veru. Og viti menn,
það fylgir sögunni að regnmessan hafi
hrifið með glæsibrag.
Spánverjarnir voru miklir kappsmenn
í veiðinni, það hefur komið fram.
Þeir byrjuðu yfirleitt seint í júní eða í
júlíbyrjun og má því segja að þeir hafi
bókstaflega átt lang besta veiðitímann
á svæðinu öll þessi ár. Enda veiddu þeir
oft gríðarlega vel og stundum feykilega
mikið. Þeir voru lítið fyrir að veiða og
sleppa og nýttu allan sinn lax sjálfir.
Mest var flutt jafn harðan í Eðalfisk í
Borgarnesi sem reykti aflann og sá um
að senda hann á heimaslóðir gestanna.
Það var spennandi þegar Tony lýsti því
yfir að hann væri nærri því að veiða
sinn 400 lax í Langá. Annars var treg-
veiði þegar þetta var og það var lengra í
tímamótalaxinn heldur en menn töldu
í fyrstu. Loksins stóð Tony á 399 löxum,
en það var lítið vatn og léleg taka og illa
gekk að ná laxi númer 400. Loks tókst
það og hvað skyldi laxinn hafa tekið?
Tvíkrækju númer 10...beran öngul!
Svona mætti lengi halda áfram, upp um
alla veggi hanga myndir af mönnum og
löxum. Veiðisaga á bak við hverja ein-
ustu mynd. Við leyfum myndum Einars
Fals og nokkrar af þeim gömlu einnig að
segja meira en mörg orð....
Síðasta myndin sýnir þau Ragnheiði og Stefán í dyragættinni. Nýjar myndir úr húsunum eru eftir Einar Fal, en þær gömlu eru af veggjum gömluhúsanna. Þar má sjá m.a. Oran Campbell, Maddam Kennard og fleiri sem við sögu komu í fortíðinni.
Matseðilldagsins
NJ@
RANGA.DK
veiðihundar
Stigameistarinn fékk grunnþjálfunina seint!Í sjónvarpsþætti fyrir nokkrum mánuðum var greint frá ótrúlega
nánu sambandi milli manna og hunda. Nándin hefur þróast í aldanna
rás og er nú svo djúpstæð að þegar hundaeigandi klappar dýri sínu,
framkallar heili beggja vellíðunarefni sem framleiðist einnig við
nálgun og ástúð foreldra og barna. Sambönd manna og hunda geta
því orðið afar náin. Það mætti til dæmis taka fyrir samband Snorra
Rafnssonar og Labradorsins Camo, en saman unnu þeir á dögunum
stigameistaratignina á veiðihundaprófum ársins.
„Flestir líta á þessi próf sem keppni
og ég er þar í hópi. Við Kamó fórum í
þetta til að vinna og það tókst. Það voru
margir góðir hundar í þessu þannig að
þetta var alveg brjálað spennandi, en
Camo leysti öll sín verkefni með þeim
sóma að hann hlaut flest stig og sýnid
hversu góður veiðihundur hann er,“
sagði Snorri í samtali við Veiðislóð.
Ferill Camo er sérstakur því að sögn
Snorra þá fór hundurinn upp um
flokka líkt og bíl væri skipt upp um
gíra. Eftir fyrsta prófið í byrjendaflokki
fór Camo strax í Opinn flokk þó að
hann mætti fara fimm sinnum í próf
í byrjendaflokkinum. Það sama var
í opna flokkinum, eftir eitt skipti af
fimm mögulegum þar var ekki eftir
neinu að bíða heldur farið rakleiðis í
Úrvalsflokkinn og þar vann Camo þrjú
af sex prófum og fékk samanlagða
stigatölu sem aðrir hundar gátu ekki
leikið eftir.
Snorri Rafnsson
„Camo var orðinn eins árs þegar ég
eignaðist hann og við fengum því aldrei
þetta hvolpa-bond sem þykir yfirleitt
æskilegt milli hunda og eigenda þeirra.
Systir mín átti Camo fyrst, en hann var
svo krefjandi og nánast klikkaður að hún
treysti sér ekki til að hafa hann. Yfirleitt
eru Labradorar ekki svo mjög krefjandi
þannig að þetta vakti áhuga minn. Ég tók
hann hins vegar ekki strax, hann fór í tvo
mánuði á hundahótel og þar á eftir var
hann heilt sumar á sveitabæ. Um haustið
tók ég hann og fór með hann algerlega
óþjálfaðan á gæs og hann sótti fyrir mig
umyrðalaust 13 gæsir. Ég sá þá hvað bjó
í honum. Ég hef átt marga veiðihunda,
ekki hvað síst minkahunda og með þá
þarf maður helst að hemja veiðieðlið.
Camo var svona og ég fann að ef mér
tækist að ná honum góðum þá myndi
enginn eiga jafn góðan veiðihund. Eftir
gæsatímann hófst í raun grunnþjálfun
Camo í fyrsta sinn. Þjálfunin gekk vel,
en það mátti aldrei, og má eldrei enn,
hleypa Camo áfram um eina tommu. Ef
hann komst upp með eitthvað gat það
tekið heila viku að leiðrétta. Niðurstaðan
er sú að hundurinn er alger perla. Hann
hlýðir á veiðum og leysir allt sem hann
þarf að leysa og er alltaf jafn glaður og
ákafur. Hann er líka nánast manískur,
fær svona tuttugu prósent meiri orku í
veiðitúrum og gefur aldrei eftir þó hann
þurfi að hoppa með gæs ótal sinnum yfir
girðingu, þó hann rífi sig allan og tæti,
það er alltaf jafn gaman. En það má aldrei
slaka á klónni við hann.“
BendirVERSLUN MEÐ HUNDAVÖRUR
511-4444 www.bendir.is
84 VEIÐISLÓÐ • tímarit um sportveiði og tengt efni • 5. tbl. 2011
Bubbi Morthens hefur sent frá sér nýja
veiðibók. Bókin heitir einfaldlega Veiðisögur
og kemur Bubbi víða við í frásögnum sínum
sem eru bæði veiðisögur af honum sjálfum
og öðrum. Margar ár koma við sögu og það er
fátt í veiði sem Bubbi lætur sér óviðkomandi.
Útgefandi er Salka forlag og fengum við
góðfúslega leyfi bæði Bubba og Sölku til
að birta meðfylgjandi kafla úr bókinni.
My
nd
Ein
ar F
alu
r In
gó
lfss
on
.
MINKURINN(og sundspretturinn)
Fjallið blasti við. Fjólublár skuggi með grænum og brúnum flákum, svörtum
giljum fullum af rökkri og hrafnaglingri, mosavöxnum steinum, blóðbergi við
skriðufótinn og sauðkindum í hlíðum sínum. Sauðkindin er lygilega fótviss,
hún er að kroppa gras í 45 gráðu halla og jarmar hlæjandi niður til okkar
mannanna sem stöndum úti í á, horfum upp til hennar og furðum okkur á því
að þarna skuli hún vera stödd án utanaðkomandi hjálpar. Ég meina, hvernig
kemst hún á þessa staði þar sem hún er að kroppa grasið og krydda sjálfa sig
fyrir haustið? Íslenska sauðkindin er í raun fjallageit í dulargervi.
Ég var staddur ofan í gljúfri á efra svæðinu. Það var frekar hvass vindur
sem sló á yfirborð árinnar báruhjúp sem var fullkomið fyrir veiðimanninn.
Því aldrei veiðist betur en þegar báruhjúpur er á ánni. Ég var búinn að setja í
fjóra laxa og landa tveimur þegar ég sá hann. Hvílík fegurð. Fullkomlega skap-
aður fyrir sund. Gljáandi feldurinn, tinnusvört augun. Sennilega hataðasta dýr
seinni tíma í íslenskri náttúru. Minkur. Sagan segir að á fjórða áratugnum hafi
vörubíll oltið með fullan farm af minkabúrum og síðan hafa fuglar, silungur og
lax verið í stórkostlegri hættu umfram þá sem var fyrir tíma útlagans. Minks-
ins, sem er blóðþyrstur eins og rakarinn Sweeney Todd.
Ég horfði á hann þar sem hann kom að landi beint fyrir framan mig. Það
lá stór steinn upp við bakkann. Þangað fór hann. Virtist ekkert kippa sér upp
við nærveru mína heldur skaust undir steininn. Þegar ég beygði mig og kíkti
undir grjótið sá ég að þar var hann ofan í holu með þrjár bleikjur, hauslausar.
Ég settist í grasigróna brekkuna og hugsaði: Á ég að reyna að farga honum?
Reyna að grýta hann?
85
Í þessum pælingum gerðist dálítið undarlegt. Í raun stórfurðulegt.
Minkurinn kemur undan grjótinu, prílar til mín og upp á vöðluskóna, lyftir
sér upp, setur framfæturna á hnéð á mér, teygir höfuðið til mín með þessi
gljásvörtu augu sín og hnusar af mér í smá stund. Ég býst við að hann hafi
aldrei séð mannveru áður eða þá verið búinn að éta sveppi og verið svona
fullur af ást. Þó ég hefði haft byssu á þessari stundu hefði mér verið fyrirmunað
að drepa hann. Þetta fallega kvikindi hafði með þessari framkomu sinni unnið
sér grið. Ég brosti og fór að tala til hans á einhverju barnamáli. Eftir smá stund
þaut hann upp í hlíðina og hvarf í berjalyngið.
Ég sat bergnuminn í smá stund en ákvað síðan að koma mér í gírinn og kasta
flugunni.
Ég gekk smáspöl niður með ánni þar til enginn bakki var lengur til að ganga
eftir heldur tók við snarbrött hlíðin. Ég ákvað að príla upp hana og eftir drjúga
stund var ég kominn hálfa leið upp. Þar leit ég ofan í gljúfrið þar sem áin rann
í töluverðu skjóli frá vindinum. Ég leit upp. Djísus hvað þetta var bratt! Ég leit
niður – en hvað var þetta? Bíddu við, jú, vá! Þarna lágu þeir, þrír stórir skuggar,
fyrir miðju í rennunni. Ég sá strax að ég gæti vaðið út á klöppina og náð full-
komnu kasti.
En nei, ó nei, hvernig á ég að komast niður til þess að geta kastað á þá?
Andskotans, hugsaði ég. En þá greip mig svo mikill laxaskjálfti að ég ákvað að
láta mig renna niður brattann. Ef heppnin yrði með mér þá myndu vöðlur og
rass sleppa frá stórskaða. Ég reyndi að grafa hælana djúpt ofan í gras og berja-
lyng og mjakaði mér niður. En vöðlur eru ekki stamar, þannig séð og því fór
sem fór. Ég rann á sæmilegum hraða alla leið niður þar til ég stöðvaðist ofan í
ánni og festist í djúpu vatni á klöppinni í algjörri sjálfheldu. Nú gat ég kastað á
laxana en hvað svo? Ef einhver þeirra tæki þá ætti ég engan möguleika annan
en að þreyta hann á staðnum. Ef hann væri á annarri skoðun – sem væri ekki
ólíklegt – þá yrði ég að synda átta til tíu metra. Og það var ekki spennandi til-
hugsun. Nei, ég fékk hroll við þá tilhugsun.
En niður var ég kominn. Þarna voru drekarnir í miðjunni. Ég setti Sunray
Shadow undir, beitti gáruhnútnum og kastaði þvert á strauminn. Flugan
skautaði yfir vatnið og nálgaðist staðinn þar sem laxarnir voru. Þegar hún fór
yfir brá fyrir silfurglampa eitt augnablik síðan hélt hún áfram för sinni. Ég var
86 VEIÐISLÓÐ • tímarit um sportveiði og tengt efni • 5. tbl. 2011
byrjaður að gera mig kláran í næsta kast, var að byrja að lyfta línunni upp úr,
þá kom þessi svaðalega skvetta og hann var á.
Takk fyrir! Mér brá svo svakalega að litlu munaði að ég færi í ána. Laxinn
þaut niður ána til að byrja með. Ég lyfti upp stönginni og tók á honum, enda
átti ég engan möguleika annan. Það var komið vel niður á undirlínu þegar hann
sneri við og kom á sömu siglingu til baka upp ána. Ég reyndi af veikum mætti
að spóla inn línuna en það fór allt í steik. Laxinn var kominn upp fyrir klöppina
og var nú örlítið spakari. Ég var með dúndrandi hjartslátt og þurran góm því
línan var í flækju hjá mér. Ég var ekki búinn að sjá laxinn, hafði ekki hugmynd
um hvað hann væri stór. Ég reyndi að fara að öllu rólega og barðist við að leysa
déskotans hnútinn sem kominn var á línuna. Þetta var að takast hjá mér. En
nei, heldur þú að djöflamergurinn hafi ekki tekið roku niður ána aftur og það
sem gerðist var að ég var með fingurna í flækjunni og þegar snöggt átakið kom
á línuna flæktist hún um vísifingur hægri handar sem varð fastur. Alveg pikk-
fastur. Það eina sem ég gat gert var að grípa með vinstri hendinni um línuna,
sleppa stönginni og taka á eins og kraftar mínir leyfðu. Um leið brá ég hendinni
upp að munninum og beit í helvítis línuna til að reyna að losa um hnútinn.
Meðan á þessu veseni stóð fann ég sáran sviða í lófa vinstri handar. Línan
var að brenna mig.
Djísus, nú stoppaði hann. Fingurinn var orðinn þrútinn, dofinn og blár.
Hvaða líkur eru á að þetta gerist? Váá, ég veit það ekki en ef það getur gerst þá
má segja að það gerist. Ég beit fastar í línuna og náði að losa um hnútinn. Nú
beit ég í línuna sjálfa og hafði vinstri höndina lausa og náði að losa fingurinn
úr klemmunni. Ég tók stöngina og fann tenginguna aftur gegnum línuna við
laxinn. Mig logsveið í lófa vinstri handar og vísifingur hægri handar var ekki í
sínu besta formi.
Ég tók á honum og skyndilega kom hann upp úr, skrúfaði sig upp. Höfuðið
sneri niður, sporðurinn sveigður upp, glitrandi vatnið tært í loftinu eins og
ljóðlínur Jónasar Hallgrímssonar. Ég er sannfærður um að þegar Guð ákvað að
skapa fiskana í vötnum og ám heimsins varð laxinn meistaraverkið.
Nú sá ég hann. 16-18 pund og nýkominn í ána. Ég reyndi að giska á dýpið
þarna við klöppina. Einn og hálfur, tæpir tveir metrar þar sem dýpst var. Lax-
inn leitaði niður aftur, ekki í neinum tryllingi heldur bara jafnt og þétt. Ég fann
87
að hann færi bara með línuna sem fór út af hjólinu eins og öllum veiðilínum er
ætlað en þessi ætlaði sér ekki að koma til baka eins og flest allar hinar gera, þú
skilur. Ég er pínu vaðhræddur, ekki þó þannig að það hamli mér, frekar bara
svona geri mér grein fyrir því að maður getur drukknað ef allt fer á versta veg.
Það eru alltaf í mér smá ónot ef ég þarf að vaða djúpt og nú var ég einn. Enginn
félagi til að styðja sig við.
Ég fór út á brún klapparinnar og mat stöðuna þannig að ef ég færi sem næst
veggnum mín megin þá væri þetta gerlegt. Kannski yrði ég að synda á einum
stað. Ég beygði mig niður, hélt með vinstri lófa um skaftið á stönginni, þann
hægri hvíldi ég á klöppinni og lét mig síga út í, vatnið náði mér uppundir
hendur ef ég stæði á tá. Ég mjakaði mér af stað. Línan hélt áfram að lulla þetta
út og var vel komið niður undir línu. Þetta gekk bara ágætlega fannst mér. Við
vorum komnir svona miðja vegu, ég og óttinn minn, þegar laxinn tók upp á
því að auka hraðann. Sólin náði ekki að skína þarna niður til okkar þannig að
skuggarnir voru rótfastir á sumum stöðum þarna niðri. Nú kom að því að ég
varð að láta mig gossa.
Ég spennti alla vöðva og fór á flot. Ég sökk upp fyrir haus. Mér skaut upp
aftur. Ég hoppaði, svamlaði, böðlaðist áfram og allt í einu fundu fætur mínir
botninn. Ó hvílík fegurð! Þarna blasti bakkinn við með grænu grasi, baðaður
sólarljósi, eins og opin kirkja sem bauð syndarann velkominn eftir að hann
hafði sloppið við vítislogana með játningum sínum.
88 VEIÐISLÓÐ • tímarit um sportveiði og tengt efni • 5. tbl. 2011
Ég var kominn í ljósið, hundblautur með hjartslátt en á þurrt. Mér fannst,
þér að segja, ég vera að koma úr lífsháska. Nú gat ég hlaupið á eftir laxinum
og ég fann að hann var orðinn dasaður. Eftir svona 50 metra stoppaði hann
og fór að sýna á sér kviðinn. Ég spólaði inn metra eftir metra. Ó, hvað það var
yndisleg tilfinning að standa þarna með sólina heita fyrir ofan sig. Vindurinn
var ennþá að leika sér í gljúfrinu, renna sér niður með hlíðum þess og skjótast
síðan eftir yfirborði árinnar, fullur af gáska og leikgleði. Ég þokaði laxinum
nær og nær.
Breitt bakið blágrænt að sjá, hvítur kviðurinn. Þetta var fallegur lax. Ég
settist á bakkann, renndi mér niður og læsti greipinni um sporðinn, losaði
úr honum og leyfði honum að jafna sig. Síðan þaut hann úr greip minni út í
strauminn og hvarf mér sjónum.
Að veiða er svo oft eitthvað annað en að landa laxinum. Nú þegar þetta er
skrifað er myrkur úti, endalaust rok og rigning, en þá er ég að sleppa þessum
laxi í annað sinn, ég horfi á eftir honum hverfa ofan í einn af hyljum hugans.
Að veiða, er rétt til getið lesandi góður, ekki bara þessi stund á bakknum
um sumarið góða, hún er líka þegar þú liggur að kvöldi dags uppi í rúmi og
kannski eru hverdags-áhyggjur að halda fyrir þér vöku. Þá er gott að hverfa
aftur til þeirra stunda þegar sólin skein hvað heitast og stöngin þín var bogin
og línan rauk útaf hjólinu, eða kannski bara þegar þú sast í grasinu og fannst
fögnuðinn fylla brjóst þitt yfir því hversu gaman var að lifa nákvæmlega þá
stund. Þú getur opnað tölvuna þína og skoðað laxana þína aftur og aftur,
myndirnir geyma sumarið og stundina þegar þú hélst á laxinum brosandi allan
hringinn. Þú getur raðað í fluguboxið þitt þegar myrkrið er hvað dimmast.
Þarna er hún flugan sem þú valdir og sá minnisstæðasti frá liðnu sumri tók
hana einmitt þegar öll von virtist úti. Stundum þegar ég er í umferðinni, að
bíða á rauðu ljósi, er þá ekki laxinn að stökkva og ég kominn í bullandi töku.
Að vera veiðimaður á stöng eru forréttindi sem eru orðin afar sjaldgæf í
löndunum í kringum okkur. Þar eru ár, og sumar hverjar fornfrægar, orðn-
ar sjúkar af mengun, hafa tapað laxastofni sínum að mestu, þar getur hinn
venjulegi maður ekki einfaldlega farið útí bíl, fundið næsta vatn og byrjaða að
veiða. Ísland er ennþá Paradís stangveiðimannsins og ef við stöndum vaktina
og pössum uppá vötnin og árnar þá eigum við von um að börnin okkar geti
veitt í framtíðinni.
89
villibráðareldhúsið
Stóra bókin um villibráð
Eftir eitt gargandigott lundahádegi....
Villibráðareldhúsið okkar er að þessu sinni tileinkað Úlfari Finnbjörns-syni matreiðslumeistara og skotveiðimanni sem nýverið sendi frá sér glæsilega villibráðarbók, Stóru bókina um villibráð, sem Salka forlag gaf út. Hér birtum við eina uppskrift úr bókinni og fróðleik um hversu lengi hin ýmsa villibráð á að hanga. Að fletta bókinni hleypti af stað valkvíða, því hér eru einhverjar 300 síður eða svo af fróðleik og uppskriftum og leiðbeiningum um villibráð. Sannkölluð biblía.
90 VEIÐISLÓÐ • tímarit um sportveiði og tengt efni • 5. tbl. 2011
Úlfar hefur lengi verið í hópi fremstu
matreiðslumeistara landsins og hefur
hann um langt skeið einmitt sérhæft
sig í villibráð. Fervel á því að við vitnum
í hann hér: „Áhugi á veiðum og nátt-
úrunni rak mig í kokkinn á sínum
tíma. Ég vildi fá að vita hvað hægt væri
að gera við allt þetta fínerí sem nátt-
úran hefur upp á að bjóða. Ég stundaði
töluvert af skot- og stangaveiði og kom
heim með aflann og henti í fangið
á mömmu. Mamma bjó alltaf til eitt-
hvað ægilega gott en ég vildi fá að vita
hvað hægt væri að gera meira. Engar
bækur voru til með villibráðarupp-
skriftum og engar upplýsingar var að
hafa. Á þessum árum vann ég við að
hjálpa vini mínum, Jóhanni Brands-
syni, að stoppa upp fugla. Aðallega voru
það lundar og rjúpur sem seldar voru í
ferðamannabúðunum og þá hrannaðist
upp hjá okkur lundakjöt sem við borð-
uðum í hádegis- og kvöldmat alla
daga. Lundinn var þá soðinn í mauk og
borðaður með sultu og kartöflum. Þetta
þótti okkur voða gott til að byrja með en
undir lokin hefðum við getað gargað.
Eftir eitt gargandi gott lundahádegi
sagði ég við Jóa: „Hey, nú fer ég bara
og læri þessa vitleysu!“ „Ha? Hvaða vit-
leysu?“ spurði hann. „Heyrðu, ég ætla
bara að læra að elda lunda og verða
sprenglærður kokkur.“ Eftir það varð
ekki aftur snúið og ég hef ekki stoppað
upp lunda síðan.“
91
Hve lengi þarf bráðin að hanga?
Þegar talað er um að láta villibráð
hanga er átt við að nýveidd villibráð
er hengd upp við kjöraðstæður, 0-4°C,
og helst þar sem vel loftar um hana.
Best er að sjálfsögðu að láta bráðina
hanga í kæli en ef því verður ekki við
komið má til dæmis hengja hana upp
í köldum bílskúr, kaldri geymslu eða á
öðrum stöðum sem eru dimmir, kaldir
og vel loftræstir. Ef fuglar eru skotnir
snemma á veiðitímabilinu og flugur
eru enn á sveimi verður að gæta þess
að þær komist ekki í bráðina og einnig
verður að hengja hana þannig upp að
hvorki börn né kettir eða önnur húsdýr
nái til hennar.
Þegar villibráð er hengd upp við kjör-
aðstæður verða efnabreytingar í kjötinu
og það verður meyrara og betra. Bráð
sem skotin er snemma á veiðitíma-
bilinu, þegar enn er hlýtt í veðri, er ekki
gott að láta hanga lengi. Því hærra sem
hitastigið er þeim mun skemur þarf
bráðin að hanga (sjá töflu). Hafið einnig
í huga að sá tími sem bráðin þarf að
hanga ræðst af stærð hennar, tegund og
aldri. Sumir veiðimenn fara eftir þeirri
reglu að sé dagafjöldinn sem bráðin
hangir margfaldaður með því hitastigi
sem hún hangir við megi útkoman ekki
fara yfir 40.
Þegar bráð er felld kemur svokölluð
dauðastirðnun í kjötið eftir u.þ.b. 20
mínútur. Þá verður kjötið mjög stíft og
seigt. Það tekur kjötið u.þ.b. 24 klukku-
stundir að losna úr þessum álögum og
þá er hægt að borða kjötið en það er þó
trúlega enn seigt og með blóðbragði.
Kjötið verður meyrara og bragðbetra ef
bráðin fær að hanga. Ef ekki er að-
staða til að láta bráðina hanga heila má
vinna hana og úrbeina, pakka henni í
lofttæmdar umbúðir og geyma í kæli
í nokkra daga, þannig fer minna fyrir
henni. Innmat er pakkað sérstaklega og
hann frystur strax.
villibráðareldhúsið
92 VEIÐISLÓÐ • tímarit um sportveiði og tengt efni • 5. tbl. 2011
Fuglar sem eru blóðugir, skítugir eða
iðraskotnir eru ekki hengdir upp heldur
unnir strax, pakkað í lofttæmdar um-
búðir og geymdir þannig í nokkra daga
áður en þeir eru eldaðir eða frystir. Gæta
þarf ýtrasta hreinlætist áður og á meðan
fuglar hanga. Það sama gildir um hrein-
dýr. Ef hreindýr er iðraskotið þarf að
hreinsa dýrið sérstaklega vel í kringum
sárið og skera í burtu allt blóðugt kjöt.
Öll villibráð sem á að hengja upp þarf að
vera hrein, þurr og hanga við 0-4°C þar
sem vel loftar um hana. Sjófuglar, selir
og að sjálfsögðu hvalir eru ekki hengdir
upp. Gengið er strax frá kjötinu en það
er ekki sett í frysti fyrr en dauðastirðnun
er lokið eða eftir u.þ.b. 24 klukkustundir.
TEGUND TÍMI
Gæsir 712 dagar
Stokkendur 57 dagar
Rauðhöfðaendur 46 dagar
Urtendur 34 dagar
Rjúpur: ... sem á að léttsteikja 57 dagar ... eldaðar á gamla mátann <30 dagar
(Því lengur sem rjúpur eru látnar hanga þeim mun bragðmeiri verða þær)
Hreindýrakálfar og ungar kýr 510 dagar
Hreindýratarfar <12 daga
hengitímitafla!
93
Grilluð gæs með sólberjahjúp– fyrir fimm til sex
Aðferð
Setjið af vatninu í pott ásamt salti, timjangreinum, einiberjum og
pipar. Hleypið upp suðu og látið sjóða í 5 mínútur. Hellið þá restinni
af vatninu í pottinn ásamt epla-cider og sultu og kælið niður fyrir
10°C. Setjið gæsina í pottinn, ef vökvinn flýtur ekki alveg yfir gæsina
má bæta vatni í pottinn. Geymið í kæli í 24 klukkustundir.
Takið gæsina úr pottinum og þerrið hana. Penslið gæsina með olíu og
setjið hana á grillbakka. Grillið á meðalheitu grilli í 1-1½ klukkustund.
Penslið þá gæsina með sólberjasósunni og grillið í 5 mínútur til viðbótar.
Penslið gæsina aftur og berið hana síðan fram með restinni af sól-
berjasósunni og meðlæti að eigin vali.
Sólberjasósa og -hjúpurSetjið allt nema olíu í matvinnsluvél og maukið vel. Hellið olíunni
saman við í mjórri bunu og látið vélina ganga á meðan.
• 1 l vatn
• 3½ dl gróft salt
• 10 timjangreinar
• 10 einiber, steytt
• 20 piparkorn
• 1 gæs
• 2 l epla-cider
• 1 dl sólberjasulta, helst heimalöguð
• 2 msk. olía
Með því að leggja gæsina í svona pækil er minni hætta á að hún verði þurr við eldun.
• 2½ dl sólberjasulta
• 2 msk. portvín
• 2 msk. balsamedik
• 2 tsk. timjanlauf
• ½ tsk. nýmalaður pipar
• 1 tsk. worchestershire-sósa
• salt
• 2 dl olía
Sólberjasósa og -hjúpur
græjur ofl.
Um haglaskot
Haglaskot Stærðir Hraði
Margir skotveiðimenn, ekki síst byrjendur standa óklárir á stærðum haglaskota.
Í stuttum pistli ætlum við að reyna að útskýra mun á stærð haglaskota. Það er bæði þyngd, hleðslu, hraða og síðast en ekki síst haglastærð.
Í fyrstu er rétt að hafa í huga að þegar talað er um þyngd og hleðslu skota er átt við þyngd á höglum en ekki púðri eins og sumir halda.
Blý er algengasta efnið í höglum hér á landi og víðar. Framleiðendur hafa valið blý þar sem það er heppilegast með tilliti til þyngdar, dreifingar og ákomu. Allra síðustu ár hefur blý verið bannað sumstaðar erlendis sér í lagi þar sem veitt er í votlendi (Waterfowl Hunting). Til „Waterfowl hunting“ mætti telja andaveiði og heiðagæsaveiði hér á landi eða með öðrum orðum þar sem skotið er við vötn og ár. Í Bandaríkjunum er blý víðast hvar leift þar sem stundaðar eru „Upland Hunting“ veiðar en svo gætum við kallað grágæsa- og rjúpnaveiði hérlendis.
Fyrri hluta hausts í gæsaveiði eru algeng skot 2 ¾“ með um 40 gramma hleðslu en þegar líður á veiðitíma, fugl verður varari um sig og skjóta þarf jafnvel á lengri færum færa fleiri veiðimenn sig í þyngri hleðslur sem gjarnan eru kallaðar Magnum hleðslur og velja 3“ skot og þá oftar stærri högl.
Í rjúpnaveiði velja menn léttari hleðslur svo sem 32, 36 eða 42 gramma hleðslur og smærri högl.
Oft er rætt um hraða skota og þykir mörgum hraði skipta meginmáli við val á skotum. Hraði getur vissulega skift máli þegar veiða skal hraðfleyga fugla svo sem endur en við gæsa-veiði skiptir hraði minna máli.
Gott er að hafa í huga að skot með léttari hleðslu svo sem 32 eða 36 gramma eru að öllu jöfnu mun hraðari en skot með þyngri hleðslu svo sem 42 eða 50 gramma.
Haglastærð skota vefst fyrir mörgum veiðimanninum enda ekki skrítið þar sem enginn alþjóðlegur staðall er til. T.a.m. nota enskir framleiðendur eitt númerakerfi á meðan bandaríkir framleiðendur nota annað. Réttast væri að nota millimetramál.
Til þess að auðvelda veiðimönnum að átta sig á haglastærðum birtum við hér töflu með skotum frá tveim velþekktum framleiðendum. Í töflunni má sjá ensk og amerísk númer haglanna auk millimetramáls þeirra svo og hraða skotanna.
Við vonum að þessi pistill hjálpi skotveiðimönnum við val á stærð haglaskota.
Úr fróðleikshorni Veiðihornsins Ólafur Vigfússon
94 VEIÐISLÓÐ • tímarit um sportveiði og tengt efni • 5. tbl. 2011
mm > 2,75 3,00 3,25 3,50 3,75 4,00 4,50 m/s
Sellier & Bellot 36 gr. US 6 US 5 US 4 385
framleidd síðan 1825 EN 5 EN 4 EN 3 Sellier & Bellot 42,5 gr. US 5 US 3 US 1
380framleidd síðan 1825 EN 4 EN 2 EN BB Sellier & Bellot 53 gr. US 5 US 3 US 1
370framleidd síðan 1825 EN 4 EN 2 EN BB RIO 36 gr. US 5 US 4
405framleidd síðan 1896 EN 4 EN 3 RIO 42 gr. US 5 US 4 US 3
390framleidd síðan 1896 EN 4 EN 3 EN 2 RIO 50 gr. US 4 US 2 US BB
385framleidd síðan 1896 EN 3 EN 1 EN BBB
græjur ofl.
Vision Ace skothausarnir Ace skothausarnir þykja góðir
Dragon veiðihjól - Fishmaker 735i og 935iVeiðiflugan á Reyðarfirði flytur inn Dragon veiðivörur frá póllandi og hafa móttökurnar á þeim vörum verið frábærar. Má þar nefan Dragon Fishmaker veiðihjólin.
Í fréttatilkynningu frá Veiðiglugunni segir meðal annars: „Fishmaker veiðihjólin eru hágæða hjól sem búa yfir öllum þeim eiginleikum sem hágæða hjól þurfa að bera og má þar nefna öflugt,hljóðlátt og mjög nákvæmt bremsukerfi sem hefur um það bil 100% meiri bremsluflöt en á samblærilegum hjólum. Þá eru large arbor spólur með v-laga lögun sem eru um 20% breiðari og taka mikið magn af línu en eru samt grunnar og eykur það kastlengd talsvert eða allt upp í 30% frá öðrum sambærilegum hjólum. Þá má nefna graphite hús,
Um flugulínur sínar segja Vision-menn: „Á síðasta ári kynntum við Vibe 85 og Vibe 125 með nýrri Dupont Teflon húð sem hafa reynst svo vel að línur okkar hafa aldrei selst betur. Þetta árið teflum við fram öllum helstu línum okkar sem ætl-aðar eru fyrir stóra fiska með þessari styrkingu. Bara að skella þessu á hjólið og bíða eftir fjörinu!“
Línufrumskógurinn er þéttur og hverjum þykir sinn fugl fagur. Í Hrygnunni fást ýmsar gerðir af flugulínum, m.a. skothausarnir sem kenndir eru við Ace, en eru frá fram-leiðandanum Vision. Það eru nokkrar gerðir og hafa gefist afbragðs vel og átt vaxandi vinsældum að fagna.
Kristín Reynisdóttir eigandi Hrygn-unnar segir: „það eru nokkrar útfærslur og hafa allar margt til brunns að bera, allt eftir því hvar skal veitt og við hvaða aðstæður. Þessir skothausar hafa verið mjög vinsælir og eru alltaf að sækja á.“
super balance linukerfi, allar legur í hjólunum eru framleiddar í japan og þýskalandi ásamt HEG bremsugír-unum (high efficiency gear), ekkert bakslag er i handfanginu (super stopper). Loks eru hjólin eru mjög létt og koma með auka spólu úr graphite og hjólatösku.
Er það okkar mat að þarna sé komin vara sem uppfyllir allar kröfur íslenskra stangveiðimanna þegar kemur að vali á góðu kasthjóli sem þarf að vera ódýrt, áreiðanlegt og fallegt, en umfram allt öruggt þegar á reynir í baráttunni við þann stóra. Dragon Fishmaker hjólin eru hönnuð af veiðimönnum fyrir veiðimenn. Hægt er að skoða og panta vörurnar á www.veidiflugan.is
95
græjur ofl.
Dragon veiðivestin
Bernedelli haglabyssurnar til Veiðiflugna
Veiðiflugan á Reyðarfirði er með tvær gerðir af veiðivestum frá Dragon. Annars vegar er það veiði-vesti sem hannað er fyrir kaldari tíma ársins og hins vegar það sem við köllum stutt eða standard veiðivesti, segir í fréttatilkynningu frá Veiðiflug-unni. Og þar segir enn fremur:
„Vestið sem hannað er fyrir kaldari tíma ársins er með 12 vösum, 2 tækjahöldum að framan , neoprene öxlum, neoprene vösum til að hýja sér í, stórum rennilásum á öllum vösum sem auðveldar verulega að-gengi að vösunum og öndunargöt-um á neðri vösunum. Þá er fóðrað op fyrir taumaefni á brjóstvösum
Veiðiflugur hafa fengið umboðið fyrir Bernardelli haglabyssurnar. Bernardelli er eitt elsta byssumerkið á Ítalíu, stofnað 1865. Það var Vinzenso Bernardelli sem hóf að smíða byssur fyrir Ítalska herinn ásamt sonum sínum. 1903 stækkaði verksmiðjan og varð að því merki sem Bernardelli er í dag með framleiðslu á “hlið við hlið” haglabyssum sem hafa gert merkið heimsfrægt.
Bernardelli var fyrsti Ítalski byssu-framleiðandinn til að framleiða hálf sjálvirkar haglabyssur árið 1947 og hafa þeir verið leiðandi í þeirri smíði alveg síðan. Hálf sjálvirku haglabyss-urnar eru þær byssur sem við hjá Veiðiflugum munum leggja mesta áherslu á. Þetta eru gas skiptar byssur í hæsta gæðaflokki sem við munum með stolti bjóða Íslenskum veiðimönnum frá og með deginum í dag.
Hér geta menn séð hvernig skiptingin virkar:
þannig að ekki þarf að taka spólurnar út þegar bæta þarf taum á flugulín-una. Bakið á vestinu er tvöfalt og er hægt að fjarlægja ytra byrðið á heitari dögum og verður öndun í vestinu mun betri fyrir vikið. Þá er d hringur á bakinu fyrir háf . Þetta vesti er að okkar mati eitt af betri veiðivest-unum á markaðnum þegar kemur að því að meta notagildi og verð og ekki skemmir útlitið fyrir enda er þetta veiðivesti eins og flestar aðrar veiðivörur frá Dragon, hannað af veiðimönnum fyrir veiðimenn. Hægt er að skoða og panta vörurnar á www.veidiflugan.is“
96 VEIÐISLÓÐ • tímarit um sportveiði og tengt efni • 5. tbl. 2011
Smelltu á myndina til að skoða myndskeiðið
http://www.extrade.it/video/video-semiautomatico.html
græjur ofl.
Mikið úrval af Patagonia fatnaði
Vision Cult DH Tvíhenda sem kallar fram bros á vör
Veiðiflugur fengu nú síðsumars umboð fyrir hinu heimsþekkta merki Patagonia sem er einn frægasti framleiðandi útivistarfatnaðar í heiminum. Í búðinni er nú prýðis úrval af Patagonia vörum eins og t.d. eftirfarandi:
Alpine Guide göngubuxurLéttar og liprar buxur, einstaklega þægilegar úr mjög vatnsfráhrindandi efni. Frábær kostur hvort sem er á heitum eða köldum dögum.
Í Hrygnunni fást hinar þekktu Vision veiðigræjur og meðal þeirra tóla og tækja er Vision Cult DH tvíhendan sem var fyrir nokkrum misserum að fá hæsta stigaskor fjölmargra stanga þar sem sérfræðingar hins þekkta tímarits Chasingsilver prófuðu alls konar tvíhendur með það að augna-miði að finna bestu tvíhenduna sem hentað gæti bæði vönum og óvönum.
Í umsögn tímaritsins segir að Vision Cult DH hafi komið öllum sérfræð-ingunum í dómnefndinni á óvart og stöngin hafi fengið besta meðal-skorið hjá öllum hópnum. Stöngin hefði reynst létt, sterk og einstaklega auðveld í meðförum. Það hafi nánast kallað fram bros á vör að kasta með henni og svo vel væri hún smíðuð að við lægi að það þyrfti engu afli að beita til að þeyta línunni, og flugunni með, nánast hvert á land sem er!
Rain shadow buxur og jakkiLéttur regnfatnaður, algjörlega vind- og vatnsheldur með Patagonia H2No® öndunarfilmu. Vatnsheldir rennilásar. Innan í fatnaðinum er upphleypt mynstur sem hámarkar útöndun. Vasar eru vatnsheldir. Í hálsmáli á jakkanum er microfleece til að auka á þægindi.
Torrentshell jakkiEinfaldur og góður jakki, vind- og vatnsheldur með Patagonia H2No® öndunarfilmu. Frábær kaup.
Stangarkönnunin var í:
ChasingSilver Magazine 4/2010. Vefsvæði þeirra er: www.chasingsilvermagazine.com og þar geta menn og konur séð röðun stanganna og hvaða einkunnir þær fengu.
Slagorð Vision með Cult stangirnar er: Join The Cult og svöruðu að-stanendur Vision þessum árangri með þeim orðum að Cult stangirnar hefðu verið hannaðar og framleiddar með það fyrir augum að auðvelda öllum fluguköstin. Þær virkuðu vel með alls konar línum, en trúlega færi best á því að nota Slide Spey 9/10 eða Ace shooting head (37 gr). Þá minna Visionmenn á, að Cult er ekki þessi eina verðlaunastöng, heldur sé um „heila fjölskyldu“ að ræða.
Nano Puff jakkiÓtrúlega hlýir jakkar, léttir og hægt að nota sem staka jakka eða sem einangrun undir öndunarfatnað. Þessi jakki er með Primaloft fyllingu sem er bylting í útivistarfatnaði. Jakkinn hefur hitaeiginleika dúnjakka og þornar á örskammri stundu. Hann er vindheldur og með vatnsfráhrind-andi ytra efni. Fáanlegur í mörgum litum og bæði sem renndur jakki og anorakkur.
Micro D hettupeysaAlveg einstaklega mjúk og þægileg peysa út micro fleece, létt og virkilega töff. Vinsælasta flíspeysan frá Patagonia.
97
græjur ofl.
98 VEIÐISLÓÐ • tímarit um sportveiði og tengt efni • 5. tbl. 2011
Það er komið haustÁ þessum árstíma þegar veiðimenn pakka saman eftir sumarið er rétt að huga að nokkrum atriðum er varða geymslu á veiðibúnaði.
Láku vöðlurnar í síðasta túr?
Brotnaði stöngin?
Bilaði hjólið?
Það er því miður alltof algengt að veiðimenn muna á vorin eða jafnvel rétt áður en haldið er til veiða að fæturnir voru votir í síðasta veiðitúr síðasta ár.
Það er því ekki úr vegi að hvetja veiðimenn til að sækja varahlut í veiðistangir og láta gera við vöðlur svo allt sé klárt og tilbúið þegar haldið skal til veiða á ný. Ef þú átt vöðlur frá Simms getur þú komið með þær í Veiðihornið sem sér um að senda þær út á viðurkennt Gore-tex verkstæði Simms í Noregi þar sem farið er yfir vöðlur og gert við þær af fagmönnum. Lengja má líftíma á vönduðum vöðlum um eitt til þrjú ár með þessu móti. Rétt er að benda á að vöðlur sem sendar eru til yfirferðar og viðgerða verða að vera merktar og tandurhreinar.
Í sumum tilfellum tekur nokkrar vikur og jafnvel mánuði að fá varahluti í vandaðri veiðistangir. Ástæðan er sú að framleiðendur allra vandaðri stanga sérsmíða varahluti í hverja
stöng fyrir sig þannig að það komi ekki varahlutur sem passar nokkurn veginn heldur hlutur sem sem er sérsmíðaður og passar nákvæmlega. Það er því ekki úr vegi að leggja inn pöntun á varahlut nú í haust ef eitt-hvað hefur brotnað í sumar.
Flugur og spúnar. Farðu yfir öll boxin þín. Hentu úr ónýtum flugum og spúnum. Einnig þeim sem eru farnir að ryðga. Það er nauðsynlegt að eiga gott demantsbrýni og skerpa á biti króka. Ef það er raki í boxunum leyfðu þeim að standa opin svo allt sé þurrt fyrir vetrargeymsluna. Sorteraðu flugurnar og spúnana í boxunum þínum þannig að þú hafir góða yfirsýn yfir vopnabúrið að vori.
Vöðlurnar. Þær þarftu að þurrka vel. Ekki bara að utanverðu. Einnig að innan. Því miður heyrum við of oft frá veiðimönnum sem skilja ekkert í því að vöðlurnar „mígleka“ í fyrsta veiðitúr en voru heilar í síðasta veiðitúr síðasta árs. Ástæðan er oftar en ekki sú að vöðlurnar fóru í vetrar-geymslu rakar að innan. Í geymslunni morknuðu og fúnuðu samsetningar og saumar og vöðlurnar einfaldlega eyðilögðust í vetrargeymslunni. Þá er einnig líklegt að upp komi mygla í rökum vöðlum og öndunarfatnaði sé geymslan ekki góð. Mygla eyðileggur Gore-tex og aðrar öndunarfilmur á skömmum tíma.
Hjólin og bremsubúnaður þeirra. Það er áríðandi að slaka á bremsum allra hjóla. Þetta gildir jafn um kast-hjól og fluguhjól. Ef hjól eru geymd í hertri bremsu vilja diskarnir gróa saman og bremsubúnaður verður jafnvel ónýtur eftir vetrargeymsluna. Það er gott að venja sig á að slaka á bremsum hjóla þegar hjól eru tekin af veiðistöngum eftir veiðitúr. Farðu yfir hjólin þín og slakaðu á brems-unum fyrir vetrargeymsluna.
Girni og taumar. Nælongirni eldist illa. Ef þú ert í vafa um gæði nælon-girnis og tauma í töskunni þinni skaltu einfaldlega henda því. Fátt er leiðinlegra en að tapa fiski á ónýtt nælon. Sama gildir um sökkenda en kjarni þeirra er gjarnan úr næloni. Togaðu hraustlega í sökkendana þína því betra er að slíta þá heima en í fiski.
Hægt er að spara sér stórar upp-hæðir ef hugsað er vel um veiði-búnaðinn. Taktu þér smá stund í að fara yfir veiðigræjurnar þínar. Það er ávísun á gott gengi á næsta veiðisumri sem skellur á fyrr en varir.
Úr fróðleikshorni Veiðihornsins Ólafur Vigfússon
græjur ofl.
Orvis Hydros og fleiraþví betra viðnámið sem hún veitir þegar glímt er við vænan fisk. Einfalt smellukerfi tryggir að hægt er með einföldum hætti að fínstilla brems-una hvort heldur glímt er við silung eða túnfisk!“
Við þetta bætti Ingólfur, að Orvis væru að koma sterkir og spennandi fyrir 2012, með nýjar áherslur og margt skemmtilegt. „Það er m.a. að koma nýtt Clearwater fluguhjól og Clearwater flugustöng sem að okkur lýst afar vel á og hlakkar mikið til að taka til sölu. Mér sýnist að þeir hjá Orvis hafi verið venju fremur duglegir með nýjungarnar,“ bætti Ingólfur við.
Vesturröst selur eitt og annað frá hinu heimsþekkta fyrirtæki Orvis. Orvis hefur lengi verið eitt þekktasta og besta merkið í bransanum, en Ingólfur í Vesturröst telur Orvis vera að blása til nýrrar sóknar. Til marks um það eru nýju Orvis Hydros fluguhjólin.
Ingólfur segir: „Þetta glæsilega nýja hjól frá Orvis er talið vera með bestu bremsu sem til er í fluguhjóli þessum verðflokki. 4 -6 carbonfiber bremsudiskar í hjóli eftir stærð. Framleiðandinn fullyrðir að hingað til hafi ekkert fluguhjól haft jafn magnaða bremsu miðað við verð. Þetta eru nokkrar stærðir og því stærra hjólið, því betri bremsan og
VEIÐISLÓÐtímarit um sportveiði og tengt efni
Útgefandi:GHJ útgáfa ehf.
Ritstjórn:Guðmundur Guðjónsson, ritstjóriHeimir Óskarsson, útlit og umbrotJón Eyfjörð Friðriksson, greinaskrif
Netfang: [email protected]