TSV60-1204M Nzumbululo Ya Yesu Kristo VGR - Branhamdownload.branham.org/pdf/TSV/TSV60-1204M The Revelation... · 2018-05-24 · Nzumbululo Ya Yesu Kristo Ndi a ni livhuwa, nga maanḓa,

Nzumbululo Ya Yesu Kristo

nga

Vhaf. William Marrion Branham

William Marrion Branham

Marangaphanḓa

Vhaf. Vho-William Branham vho bebwa mivhunduni ya Kentucky nga Lambamai nga ḽa 6, 1909. Vhabebi vhavho vho vha vha sa dini, vhathu vha mavhalani vhe vha vha vha si na mutendelo wa vhurereli. Nga murahu ha thembuluwo yavho, vho tiwa sa mushumeli nahone vha vha mufunzi wa tshivhidzo kha ḽa Indiana lwa miṅwaha minzhi. Nga 1946, vho rambiwa ngei St. Louis, Missouri, u rabelela vhalwadze mvuseledzoni. Vha zwigidi vho fhola kha uyo muṱangano wa u thoma, wa tevhelwa nga thambo dzi sa vhalei kha zwivhidzo u buḓekanya lushaka, zwa swika kha u fara havho mafulo kha lushaka lwoṱhe, u rabelela vhalwadze. Mushumo wavho wo ranga phanḓa mvuseledzo khulwane ya phodzo ye ya pfukekanya ḽoṱhe ḽa Amerika magumoni a vhu1940. Vho tendwa nga muṅwe na muṅwe we a vha ḓivha vhe mulanda wa Mudzimu, vho funza zwauri Bivhili ndi Ipfi ḽa Mudzimu ḽi sa kundelwi na uri pfulufhedziso dzi re ngomu hayo dzo vha dzi dza ngoho ṋamusi sa zwe dza vha dzi zwone musi dzi tshi ambiwa. Vhunzhi ha vhaevangeli vha iḽo ḓuvha vho vha vhe miṱanganoni ya uyu muporofita-wa-Mudzimu nahone vha mu ṱhonifha nga maanḓa, hu tshi katelwa Mukomana Tommy Hicks, Mukomana Oral Roberts na Mukomana Tommy Osborn.

NZUM BULULO YA YESU KRISTO

Hoyu Mulaedza nga Mukomana William Marrion Branham u rangani wo ṋewaho nga Tshiisimane nga matsheloni a Swondaha, Nyendavhusiku 4, 1960, Thaberenakeḽeni ya Branham kha ḽa Jeffersonville, Indiana, U.S.A., wo dzhiwa kha rekhodo ya theiphi ya maginete huno wa ganḓiswa u songo pfufhifhadzwa nga Tshiisimane. Heyi ṱhalutshedzo ya Tshivenḓa yo ganḓiswa nahone ya phaḓaladzwa nga Voice Of God Recordings.

TSHIVENDA

©2015 VGR, ALL RIGHTS RESERVED

VOICE OF GOD RECORDINGS, SOUTH AFRICA OFFICEP.O. BOX 178, SOMERSET WEST, 7129 CAPE PROVINCE,

REPUBLIC OF SOUTH AFRICA

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org

Nzumbululo Ya Yesu Kristo

Ndi a ni livhuwa, nga maanḓa, Murathu Neville. Ni nga dzula.2 Ndi tenda uri zwo ambiwa luthihi, zwauri, “Ndo takala musi vha tshi ri kha nṋe, ‘Kha ri ye nḓuni ya Murena.’”3 Zwino, kha ri farelwe ngauri a ri na lufhera, kana lufhera lwa u dzula, lwa vhoṱhe vha re hone, huno khamusi vha ḓo anda vhege i ḓaho, vhathu vha no khou dzhena, vha tshi pfa nga ha muṱangano.4 Fhedzi tshiitisi tsha itshi tshifhinga tsha sipeshala tsho vha tsha uri ri ḓo…Kha mbilu yanga Muya Mukhethwa wo vhea iyi khaidzo ya thovhedzo, ya uri, “Tshivhidzo kha ḽino ḓuvha tshi tea u vha na uyu Mulaedza.” Ngauri, ndi tenda zwauri ndi Milaedza yavhuḓi nga maanḓesa ya Bivhili, ngauri i dzumbulula Kristo Tshivhidzoni Tshawe kha tshino tshifhinga.5 Zwenezwo, a hu na ane a nga vha na lutendo kana a ḓivha zwine vha khou ita, kana hune vha khou ya hone, nnḓani ha musi vha na tshiṅwe, tshiṅwe tshithu tsha u tea mihumbulo yavho na lutendo khatsho. Ngauralo-ha, arali Luṅwalo lwo dzumbulula Kristo kha riṋe kha aya maḓuvha a u fhedzisela, na nyimele ya tshifhinga, zwi ḓo ri fara zwavhuḓi u—u Ḽi fhenḓa huno ra wanulusa hune ra vha hone.6 Zwino, kha ri—kha ri farelwe ngauri kereke yashu a si khulwanenyana, ri fulufhela u vha nayo ḽiṅwe ḓuvha.7 Huno aya maḓuvha maṋa a u fhedzisela, nga maanḓa, ndi tshi khou gudela hoyu kha tshipiḓa tsha ḓivhazwakale tsha—tsha Bugu ya Nzumbululo, ndo gidimela ngomu ha zwithu zwe na kathihi nda sa vhuye nda elekanya uri zwa vhukuma zwo vhuya zwa bvelela. Huno nahone zwo nnḓisela vhu—vhuḓipfi ha uri, nga murahu ha izwi Zwikhathi Zwa Sumbe Zwa Tshivhidzo, ndo no fhira khazwo, ndi ḓo takalela u vha na muṅwe mudubekano wo

2

raloho wa u ḓisa “Tshivhidzo tsha—tsha ngoho na tshivhidzo tsha khole-khole,” fhethu huthihi, nahone nga ḓivhazwakale na Luṅwalo fhedzi. Vhunga tshiṅwe tshifhinga ndo lingedza ndo ḓifunga, kha thero, u dzhia “Muṱokola wa ngoho na muṱokola wa khole-khole,” i wanalaho Bivhilini. Huno riṋe ri…8 Ri khou yo lingedza u wana zwiṅwe zwidulo, musi ndi tshi khou elekanya nga ha vhathu vha no khou lingedza u dzula. Huno ri khou yo wana, u lingedza u wana, zwiṅwe zwidulo zwo engedzeaho, u lingedza u ḓadza phera murahu hafha, na nnḓa, na zwiṅwe zwo engedzeaho u mona hoṱhe, uri ri dzudze vhathu vho engedzeaho vha si gathi dzitshumeloni.9 Zwino, kha hoyu, ndi ḓo humbela muṅwe na muṅwe waṋu ane zwa vhukuma izwi zwithu zwa mu kwama, uri a—uri a ḓe tshifhinga tshiṅwe na tshiṅwe tshine ra khou ya u—u Ḽi ṱalutshedza. Huno ndo vha ndi si nga tendi, kana ndo elekanya uri nṋe muṋe…[Tshikhala kha theiphi—Mudz.]…u tenda u…[Tshikhala kha theiphi.]…iyi Bugu ya Nzumbululo khulwane ya…[Tshikhala kha theiphi.]…Zwikhathi Zwa Sumbe Zwa Tshivhidzo. Fhedzi ndi ḓitika nga u khethea nga Mudzimu, uri—uri a i dzumbulule kha nṋe musi ndi tshi ḓa khayo.10 Ḓivhazwakale ya mupo, ine ya vha ya…yo dzhiwaho kha vhaḓivhazwakale vhavhuḓi nga maanḓesa vhane nda vha ḓivha. Ndi nayo vhugudeloni hanga, zwa zwino, khomenthari dzi no ṱoḓou swika ṱhanu kana rathi, Two Babylons ya Hislop, Foxe’s Book Of The Martyrs, na dziṅwe bugu khulwane; vhunga Khoro Ya U Rangela Ya Nicaea, bugu dzi no ṱoḓou swika nṋa nga ha heyo, masiaṱari a no ṱoḓou swika maḓana maṋa kha bugu iṅwe na iṅwe. Huno henefho Khoro Ya Nicaea, na ḓivhazwakale yoṱhe ine ra kona. Ngauri, murahu ha heyi, zwi bvaho kha theiphi ya maginete, ri khou yo ṅwala khomenthari nga ha Zwikhathi Zwa Sumbe Zwa Tshivhidzo, u rumela kha shango ḽoṱhe, zwine ra kona, ngauri ri maḓuvhani a u fhedzisela. Ri tshifhingani tsha vhufhelo.11 Na kathihi a zwo ngo ḓa mbiluni yanga nga maanḓa u swika khethoni yo fhi—fhiraho, huno

3

zwenezwo nda vhona he ra vha ri hone. Zwenezwo Muya Mukhethwa wa thoma u nnzumbululela, u—u kaidza vhathu, na u vhea hetshi. Huno ndi kundelwa u zwi ita tshi—tshivhidzoni tshi no nga hetshi, lwo eḓanaho. Huno zwenezwo arali nda dzula fhasi huno ndo tou ṅwala bugu…ndi pfa uri arali ndo swika kha phuluphithi, huno u hevhedzwa nga Muya Mukhethwa vhukati ha Vhakriste ha nnḓela, u nthusa, zwenezwo ndo vha ndi tshi ḓo vha o eḓanaho lwo engedzeaho u ṅwala-ha bugu, nga murahu ha musi ndo no i dzhia kha theiphi, ngauri henefho ro vha ri tshi ḓo wana u hevhedzwa hayo. Bugu, a hu na zwiṅwe, dzi ḓo vha dzo lulamiswa zwiṱuku, ngauri, ngomu hafha, ri dzhenisa zwithu zwe ra kundelwa u zwi dzhenisa buguni. Huno zwenezwo ri…Nahone ri dzhia tshifhinga tshinzhisa kha u ḓidovholola, kana ndi a ralo. Huno zwenezwo, buguni, zwoṱhe zwi ḓo lulamiswa. Fhedzi ri khou yo lingedza u i isa yoṱhe, nga hune ra kona nga maanḓa, kha dzitheiphi.12 Zwino, dzitheiphi, vhusiku vhuṅwe na vhuṅwe, litheretsha na zwiṅwe-vho, vhatukana vha ḓo vha nazwo henefho nnḓa ha tshifhaṱo.13 Zwino, ndi nga ḓi balelwa vhusiku vhuṅwe na vhuṅwe, vhunga ro ḓiimisela u lingedza u itela vhugala ha Mudzimu, u—u ḓisa iyi Milaedza ya sumbe ya tshivhidzo, kana Zwikhathi Zwa Sumbe Zwa Tshivhidzo, nga masiku a sumbe; vhusiku vhuthihi ri tshi dzhia, tshikhathi. Vhunga, vhusiku ha Musumbuluwo, Efeso; vhusiku ha Ḽavhuvhili, Simirina; vhusiku ha Ḽavhuraru, Peregamo; vhusiku ha Ḽavhuṋa, Thiathira; vhusiku ha Ḽavhuṱanu, Saradesi; huno vhusiku ha Mugivhela, Filadelfia; huno nga matsheloni a Swondaha na vhusiku ha Swondaha, tsha Laodikea, tshikhathi tsha tshivhidzo tshine ra tshila khatsho. Ndi tshi ṋea zwa ḓivhazwakale ya tshivhidzo tsha mathomo, na—na vhaṅwali na vhaḓivhazwakale, na vharuṅwa vha itsho tshikhathi, na—na milaedza, na u tshimbidzwa ha tshivhidzo, vhunga tsho tsela fhasi u swika kha tshino tshifhinga.14 Huno zwi a mangadza u vhona nḓila ine u bvumba huṅwe na huṅwe ha ulwo Luṅwalo ha tendelana

4

tshoṱhe na ḓivhazwakale, zwa tou ri kokotolo, kha muhumbulo wazwo. Nahone zwo mmangadza nga maanḓa, u swika, mulovha, ndo no vhala u swika ndi tshi pfa unga maṱo anga a khou zwimba. Huno nda bva nahone nda ri kha mufumakadzi, “Na kathihi a thi athu zwi lora zwi nga iyo nḓila.” Ni a vhona? Nga nḓila ye zwa vha zwi zwihulwane! 15 Huno zwino, tshiṅwe tshifhinga, ndi nga ḓi balelwa u zwi fhedza zwoṱhe nga vhusiku vhuthihi, tshivhidzo, mulaedza u yaho kha tshivhidzo. Huno arali ndi tshi kundelwa u u fhedza, vhusiku, zwenezwo nga matsheloni a tevhelaho nga awara ya vhufumi nṱha ha tshithoma. Zwi ḓo ḓivhadzwa vhusiku vhuṅwe na vhuṅwe, kha avho vha no ṱoḓou ḓa huno vha thetshelesa tshiṅwe tshipiḓa tshawo, ngauri ri khou yo, lingedza, u u isa kha theiphi. Ndi ḓo mbo ḓi vha na dzitshumelo u bva nga awara ya vhufumi nṱha ha tshithoma, nga matsheloni, u ya phanḓa u swika masiari tshivhangalala, nga tshifhinga tsha nga masiari, u lingedza u u bvisa, tshiṅwe tshipiḓa tsha mulaedza, ngauri vha nga kona u u fasha kha theiphi. Hu si ni…16 Ro ḓivhadza zwauri a hu nga vhi na dziṅwe tshumelo-vho dza phodzo, ngauri ri khou lingedza u vha fhasi ha vhuambi ha vhuporofita ha Bivhili. Zwenezwo, ro ḓo vha na tshumelo ya phodzo zwa zwenezwino fhano. Zwenezwo nga murahu ha musi idzi tshumelo dzo no fhela, zwenezwo ri ḓo dovha ra vha na tshumelo dza phodzo murahu henefha fhethu.17 Fhedzi zwino ndi—ndi ṱoḓou ita uri izwi zwi pfale vhukuma, uri muṅwe na muṅwe a elelwe, uri zwino, ngomu hafha, u nga ḓi tshea nahone wa kokodza, huno roṱhe wa ri ṋea mudzinginyo muhulwane. Fhedzi ndi na vhuḓifhinduleli, hu si—si ha tshithu fhedzi ha u rera Ipfi. Hezwo, ndi zwenezwo fhedzi. U tou…fhedzi, u tou farelela henefho kha Ipfi. Huno zwifhinga zwinzhi zwi nga ḓi ralo, kha izwi zwikhathi zwa tshivhidzo, zwi nga ḓi vhonisa dinomineisheni ya muṅwe muthu. Huno arali zwi tshi ita hezwo, a zwi khou ambiwa nga vhuhali. Hu—hu tou vha u amba zwe Luṅwalo lwa amba, na nzumbululo ine nda vha nayo Yalwo. Huno arali ni tshi elekanya uri ndi khou

5

lu khakha, zwenezwo ni songo mpfara nga mbilu, itonu nthabelela uri Mudzimu a ntsumbedze zwo lugaho, ngauri zwa vhukuma ndi ṱoḓou vha o lugaho.18 Huno zwenezwo tshiṅwe tshithu, ndi tshi limuha uri vhuḓifhinduleli vhune nda vha naho, kha—kha muṱangano u no nga sa uyu, uri u funza vhathu, uri Muya Mukhethwa u ḓo ṱoḓa uri ndi ḓifhindulele kha maipfi ane nda a amba kha iyi phuluphithi. Ngauralo ni a vhona uri ri sendela hezwi nga u khethea hani. Zwino, dzashu…19 Ndo vha ndi tshi ḓo vha ndo vha na heyi nnḓa huṅwe fhethu-vho. Fhedzi, ngauri iyo i pfunzo, zwenezwo kha dzashu…Nnḓa tshumeloni dza evangeli, muṅwe na muṅwe washu u na muhumbulo kana—kana vhuṱalukanyi, kana vhunga zwe zwa vha zwi zwone kha tshikhathi, huno ri na zwivhidzo zwashu, na zwe zwivhidzo zwashu zwa ri funza zwone, na zwine ra zwi tenda. Riṋe…a thi takaleli u dzhena tshivhidzoni tsha muṅwe muthu-vho, kana vhukati ha vhathu vho raloho, huno nda amba tshiṅwe tshithu tsho fhambanaho na tshe vhathu vha funzwa tshone. Ngauri, iṱali, ndo lingedza nga nḓila i pfalaho u ita zwitatamennde zwanga zwauri…20 Arali muthu e Mukaṱoḽika, huno a tshi ḓitika nga Tshivhidzo tsha Kaṱoḽika uri a tshidzwe, o xela. Arali e Mubaphuthisi, a tshi ḓitika nga Tshivhidzo tsha Baphuthisi, o xela. Kana Mupentekostaḽa, a tshi ḓitika nga Tshivhidzo tsha Pentekoste uri tshi mu tshidze, o xela. Fhedzi, tshiṅwe tshivhidzo-vho! Fhedzi arali uyo muthu a tshi fulufhela nga u khethea nga lutendo kha mishumo yo fhelaho ya Kristo ngei Khaḽivari, o tshidzwa, a thi londi uri ndi wa tshivhidzo-ḓe. Ngauri, “No tshidzwa nga lutendo, huno zwezwo nga tshilidzi.”21 Zwino, tshiṅwe tshifhinga, nga u ita hezwi, zwenezwo ndi ḓo elekanya, kha tshifhaṱo tshanga tshiṱuku fhano tshe ra tshi thoma miṅwaha minzhi yo fhiraho, nga thulwi ya kale ya buloko dza khonkhirithi na zwithu fhedzi, huno hu nga ndi fhethu ho khetheaho kha riṋe. Ri a zwi vhenga, ri tou vhenga u vhona hu tshi shandukiswa, nga iṅwe

6

nḓila, ngauri afha ndi he Mudzimu a thoma u ṱangana na riṋe lwa u thoma, musi ro vha ri si na na fuloro ngomu haho. Fhedzi ho—ho swika fhethu hune zwino hu vho vha ha kale, huno ri kha mbekanyamushumo ya tshifhaṱo—tshifhaṱo hafha, u ḓadza iyi buloko nga kereke hafha.22 Zwino, u swika zwenezwo, ndi pfa uri musi ndi tshi vhuya tsimuni, hune nda sa ḓo vhaisa vharathu nahone, kana, milaedza na zwiṅwe-vho, zwenezwo zwi nṋea pfanelo ya u bula muhumbulo wanga, u tshi bva—u tshi bva kha yanga…u tshi bva hafha kha phuluphithi. Huno ngauralo arali ni tshi ri, “Ndo funzwa nga nḓila yo fhambanaho zwiṱuku.” Ndo vha ndi tshi ḓo…Huno zwenezwo, kha iyi, ri tou ramba nnyi na nnyi a no ṱoḓou ḓa. Ni a vhona? A hu na muthu a no khou i lambedza, kana tshiṅwe tshithu. Ndi thaberenakeḽe fhano. Huno nnyi na nnyi a no ṱoḓou ḓa, o ṱanganedzwa uri a ḓe. Itonu ḓa. Ngauralo ndi ni ramba u ḓa na Bivhili yaṋu, muṱanganoni muṅwe na muṅwe, nahone ni ḓe na penisela na bammbiri.23 Huno zwino, na khomenthari dzoṱhe na zwiṅwe-vho, ndo kundelwa u ḓa na bugu dzoṱhe. Ngauralo ndo tou ṅwala, u ṅwala fhasi, tshifhinga tshoṱhe, hafha kha bammbiri, notsi ṱhukhu dzi bvaho kha ḓivhazwakale na dzikhomenthari, na zwiṅwe-vho, uri ndi kone u tou zwi vhala kha no—notsi hafha, vhudzuloni ha u vha na bugu huno ndi tshi fhenḓa masiaṱari. Naho zwo ralo, musi zwi tshi ḓa kha Luṅwalo, ri ḓo shumisa Bivhili. Huno zwenezwo kha khomenthari, ndi ḓo ṱalutshedza; kana ḓivhazwakale, uri muḓivhazwakale o vha e nnyi o zwi ambaho, na zwiṅwe-vho. Zwenezwo kha…A hu na zwiṅwe, musi bugu i tshi ḓo ḓa, mulandu, zwenezwo ri nga i thaipha zwavhuḓi-ha, huno ri nga ita uri tshiṅwe na tshiṅwe tshi itwe zwavhuḓi.24 Zwino, ri ḓo ita tshiṅwe na tshiṅwe tshine ri nga kona u thoma nga u ṱavhanya huno ra bva nga u ṱavhanya u ya nga hune zwa konadzea. I ḓo vha maḓuvha a malo, miṱangano, Swondaha u swika Swondaha.

725 Matsheloni ano ndi khou thoma ndima ya 1 ya Nzumbululo, ya Bugu ya Nzumbululo. Huno Nzumbululo yo dzudzanywa nga zwipiḓa zwiraru. Huno ndima tharu dza u thoma ndi dzone dzine ra ḓo vha ri tshi khou amba nga hadzo kha aya maḓuvha a malo. Musi, tshikhathi tshithihi tsha tshivhidzo tshi tshi nga ri dzhia ṅwedzi. Fhedzi ri ḓo tou tea u rwa fhethu hu re nṱha, sa zwine ra zwi vhidza zwone. Zwenezwo musi ni tshi wana bugu, i ḓo vha yo ṅwalwa, i na zwidodombedzwa zwo engedzeaho.26 Zwino, Nzumbululo, ndima tharu dza u thoma, dzi amba nga ha Tshivhidzo, zwenezwo Tshivhidzo tshi a phinyela. A ri tsha Tshi vhona u swika tshifhingani tsha vhufhelo. U bva kha Nzumbululo ya 1 u swika kha ya 3, ndi Tshivhidzo; Nzumbululo ya 4 u swika kha ya 19, ndi Israele, lushaka; huno ya 19 u swika kha ya 22, ndi zwoṱhe, zwo ṱangana. Huno mabulayo na dzikhaidzo, na zwiṅwe-vho, vhufheloni! Yo dzudzanywa nga zwipiḓa zwiraru. Ni a vhona? Huno ri khou dzhia ndima tharu dza u thoma, dzi teaho Tshivhidzo, na tshikhathi tsha tshivhidzo tshine ra tshila khatsho.27 Zwino, ya u thoma, i nga ḓi vhonala i tshi nga yo oma ngauri ri tea u humela murahu huno ra ita mutheo. Ndo rabela huno nda guda, nahone nda ita tshiṅwe na tshiṅwe tshe nda kona, u lingedza u—u wana vhuḓipfi ha Muya Mukhethwa, uri nḓila ndi ifhio ya u dzudzanya hoyu, uri vhathu vha u vhone, na uri ni kone u vhonetshelwa, nga u u vhona, huno zwa vhanga uri inwi ni ḓe tsini ha Kristo, ngauri ri tshifhingani tsha vhufhelo.28 Huno ndi tshithu tshi mangadzaho nga maanḓa, musi ndo vha ndi tshi khou guda dziḓivhazwakale, u wana uri itsho tshivhidzo tsho thoma hani, na uri tsho ḓibvisa hani, na zwe zwa itea, na u vhona iyo Mbeu ya Mudzimu ṱhukhu i tshi tshimbila vhukati ha tshiṅwe na tshiṅwe tsha izwo zwikhathi; tsha bva tshoṱhe, tsha ṱoḓou ralo, kha fhethu huthihi.29 Zwino, matshelo vhusiku, ri ḓo thoma, huno ra vha na—ra vha na tsha—tshati hafha; hu si tshati, fhedzi bodo ya u ṅwalela, ine nda ṱoḓou i funza i tshi

8

bva kha bodo ya u ṅwalela. Ndi tenda uri mudededzi wa tshikolo tsha Swondaha, muṅwe wavho, u na bodo ya u ṅwalela. Ndi khou i vhona ngei murahu. Ndi ḓo vha na mu-linda-muṋango wa u i ḓisa, a i vhea ngeno phanḓa, uri ndi funze zwi bvaho kha iyo bodo ya u ṅwalela, huno nda zwi ṅwala uri ni vhe na ngoho. Huno ni nga i ola kha bammbiri ḽaṋu, na zwiṅwe-vho, huno ra i sendedza tsini u ya nga hune ri nga i ḓisa.30 Fhedzi ndi khou ṱoḓou amba hezwi ndi sa athu thoma. U vhona u thoma ha tshikhathi tsha tshivhidzo; na u vhona nḓila ye vhaapostola, dzipfunzo, na zwithu zwe vha funza, na milayo ya Bivhili. Huno zwenezwo u vhona itsho tshivhidzo, tsini na luṱa lwa vhuvhili lwa vhaapostola, nga nḓila ye Tsha thoma u puta; pfunzo ya vhukuma, ya ngoho. Luṱa lwa vhuraru, i tshi ṱutshela kule-kule. Nga luṱa lwa vhuṋa, tsho vha tsho no puta tsha vha tshi du—dudelaho. Tshivhidzo tsha bveledza tshivhidzo tshi dudelaho.31 Huno zwenezwo Tshivhidzo tsho ḓalaho Muya! Zwine, ndi amba hezwi ndi na ṱhonifho ya Mudzimu kha vhurereli ha muthu muṅwe na muṅwe. U bva mathomoni, u swika kha tshino tshifhinga, Tshivhidzo tsha vhukuma, tsha ngoho tsho vha Tshivhidzo tsha pentekoste. Ndi ngoho. Mudzimu o vhulunga itshi Tshivhidzo.32 Huno kanzhi ndi a mangala, musi Yesu a tshi fhindula, o ri, “U songo ofha, sambi ḽiṱuku, ndi lufuno lwavhuḓi lwa Khotsi au u u ṋea muvhuso.” Ndo mangala kanzhi uri izwo zwo ambani, fhedzi zwino ndi a zwi pfesesa.33 Vhege yo fhiraho ro vha na muṱangano ngei Shreveport, Louisiana, muṱangano muhulwanesa wa muya we nda vhuya nda dzhena khawo, vhutshiloni hanga. Shreveport!34 Ndo vha…ndo vha ndi na maḓuvha mavhili a holodei, huno nda tsela ngei Kentucky na Mukomana Wood hafha, muṅwe wa madikoni a tshivhidzo, kana vhalangandaka, kha ndi ri, u zwima. Ra dzhena maṱakani.

935 Ndo vha ndo no thuntsha tshisindi tsha u thoma. Huno nda ri, “Ndi ḓo tou lindela,” ngauri muṅwe u a ḓa a fhira e na dzimmbwa. Huno nda ri, “Ndi ḓo tou lindela u swika zwisindi zwi tshi vhuya zwi tshi bva milindini. Zwi gidimela nṱha mirini, milindini, huno zwa dzumbama zwino.” Nda ri, “Musi zwi tshi bva…ndi ḓo dzula hafha huno nda lindela.” Ngauri, zwa vhukuma hu a rothola huno hu na mahaḓa, na nḓevhe dzi khou fhisa. Huno, ni a ḓivha, mimuya i re na dza—dzangalelo i tshi ḓa nga kha madindi. Nda ri, “Ndi ḓo tou lindela u swika zwisindi zwi tshi vhuya zwa bva.”36 Nda dzula fhasi, u swika Muya Mukhethwa wo no ri, “Takuwa, huno u gonye fhethu hune wa u vhidza ‘dindi ḽa mutambi.’ Henefho Ndi ḓo amba na iwe.”37 Huno nda gonya nda dzhena ngomu afha fhethu he nda hu rina “dindi ḽa mutambi.” Ngauri, tsho nnyitisaho uri ndi rine ayo madindi, nṋe muṋe, ndi uri ndi ḓe ndi ḓivhe he nda vha ndi hone. “Dindi ḽa mutambi,” ndi ngauri o vha e na…nda dzhena ngomu henefho huno nda vhona zwisindi zwa fumirathi zwo dzula murini muthihi; nda thuntsha mpimo, nda sia zwiṅwe zwo salaho henefho, huno nda ṱuwa. Huno uyo ndi mutambo, tshithu tshi no tea u itwa. Ngauralo zwenezwo ndi hu vhidza, “dindi ḽa mutambi.”38 Huno A amba na nṋe nga ha, “Fhethu hune wa u vhidza ‘dindi ḽa mutambi.’” Hu si uri O hu vhidza, fhedzi nṋe ndo hu vhidza zwezwo.39 Zwenezwo nda gonya ṱhohoni ya iḽo dindi huno nda dzula fhasi ha muri mutshena wa muouku, huno nda lindela lu no ṱoḓou swika hafu ya awara, huno ha sa bvelele tshithu. Nda eḓela mavuni, nda ḓishuvhamela mavuni, nda ṱharamudza zwanḓa zwanga. Zwenezwo A amba na nṋe.40 Huno musi O ralo, Maipfi e A nnzumbululela one, kha Luṅwalo lwonolu lune ra khou ḓa khalwo matsheloni ano, na kathihi a thi athu lu vhona, vhutshiloni hanga hoṱhe.41 Huno zwenezwo musi ndi tshi swika Shreveport, Louisiana; musadzi ane a vha musadzi o ṋewaho, dzina ḽawe ndi Vho-Mme Shrader.

1042 Miṅwaha minzhi yo fhiraho, musi Muruṅwa wa Murena o ṱangana na nṋe ngeno fhasi hafha mulamboni, lwa u thoma, huno a bvelela nga itsho Tshedza, na Maipfi e A amba henefho; nga murahu ha miṅwaha ya fuminthihi, musi ndo dzhena muṱanganoni, uyu musadzi muṱuku a takuwa huno a amba nga dzindimi nahone a ṱalutshedza. Ho vha hu ipfi nga ipfi zwenezwo zwithihi zwe Muruṅwa a amba.43 Huno onoyu musadzi muthihi muṱuku, musi ndi tshi dzhena thaberenakeḽeni ngei…kana fhethu ngei Shreveport he ra vha ri ngomu, Thaberenakeḽe Ya Vhutshilo, Muya Mukhethwa wa shuma kha uyo musadzi huno a amba ipfi nga ipfi zwe A mmbudza ngei nṱha muvhunduni. Zwenezwo Muya wa thoma u shuma na u ṋea ṱhalutshedzo, u tshi bvumba zwithu nga nzumbululo, nga vhuporofita, zwithu zwe zwa vha zwi tshi ḓo bvelela muṱanganoni vhusiku vhu tevhelaho, huno a hu na na tshifhinga na tshithihi tshe zwa kundelwa.44 Phanḓa ha hezwo, musadzi muṱuku a ima muṱanganoni, musadzi wa Mubaphuthisi a ḓa henefho a sa ḓivhi zwe a vha a tshi nga ita. Huno o vha o ima vhukati ha muṱangano huno Muya Mukhethwa wa wela khae, huno a thoma u amba nga dzindimi, musadzi wa Mubaphuthisi a bvaho kha Tshivhidzo Tsha U Thoma Tsha Baphuthisi tsha Shreveport. Huno zwenezwo ho ngo ḓivha zwe a ita. Huno zwenezwo, a sa athu amba tshiṅwe tshithu-vho, Muya Mukhethwa wa ṋea ṱhalutshedzo, wa ri, “U RALO MURENA, ‘Hu sa athu fhela miṅwedzi miraru, hu ḓo vha na Muya wa Mushe, Eḽiya, na Kristo, u tshi shuma thaberenakeḽeni iyi.’” Zwa bvelela henefho, lwo fhelelaho.45 Munna wa Mubaphuthisi a bvaho Meridian, Mississippi, a thoma u vhea tshanḓa tshawe kha tshixwatusi tshawe, u wana tshiṅwe tshithu tshi bvaho ngomu ha tshixwatusi, huno Muya wa Mudzimu wa ḓa khae. Huno a amba nga dzindimi, a sa ḓivhi zwe a vha a tshi khou ita. Huno musi a sa athu wana…u pfesesa zwe a vha a tshi khou ita, Muya Mukhethwa wa fhindula huno wa ri, “Iya Shreveport, Louisiana. Mulanda Wanga u ḓo u vhudza zwine wa tea u zwi ita.”

1146 Huno a ḓa henefho, a ri, “A thi zwi pfesesi hezwi; na kathihi a zwi athu bvelela.” Yawee, nṋenṋe! Ri khou tshila maḓuvhani a u fhedzisela phanḓa ha U Ḓa ha Murena.47 Itsho Tshivhidzo tshiṱuku tshifhinga tshoṱhe tsho vha na vha si gathi, tsha pentekoste. A thi khou amba Vhapentekostaḽa vha dinomineisheni. A thi khou amba zwone. Fhedzi, vhathu vha re na tshenzhemo ya pentekoste! Pentekoste a si dzangano. Pentekoste ndi tshenzhemo i no ya kha uyo a no funa. Mukaṱoḽika, Muyuda, Ṱhunḓu, Vhameṱhodisi, Vhabaphuthisi, “Ane a funa, i ri ni a ḓe.” Ndi tshenzhemo ine muthu…Mudzimu ha shumi na dinomineisheni, nahone Ha shumi kha Vhannḓa sa lu—lushaka kana vhathu. U shuma nga vhathu, “Ane a funa.” I ri ni a vhe mutshena, mutswu, wa tshirulwane, wa muronzhe; Mumeṱhodisi, Mubaphuthisi, Muporotestanti, Mukaṱoḽika. Tshiṅwe na tshiṅwe tshine a vha tshone, “I ri ni a ḓe,” ane. Ndo takala nga maanḓa ngauri O zwi ita nga heyo nḓila. Ndo…48 Vhunga muthu o amba luthihi, “Ndi nga ṋamba nda Mu pfa a tshi amba hezwo u fhira u vhidza dzina ḽanga, ‘I ri ni Mukomana Branham a ḓe,’ ngauri hu nga ḓi vha hu na Vho-William Branham vha fhiraho muthihi. Fhedzi musi A tshi ri, ‘Ane,’ ndi a ḓivha uri iḽo ḽo nnzhia.” Ngauralo iyo ndi nḓila ine roṱhe ri nga pfa, “Ane a funa, i ri ni a ḓe.”49 Zwino, ndi a ḓivha zwauri hu na vhathu vhanzhi vho lindelaho nnḓa fhano dzihodelani na mimotheḽeni, vha no dzhena vha tshi bva u mona na shango. Ni a vhona? Hu na vhathu fhano vha bvaho Ireland na fhethu ho fhambanaho, vho lindelaho idzi ndangano. Fhedzi ndi nga si dzi fare zwa zwino. Ndi ṱoḓou shumisa tshifhinga tshanga kha hezwi, ni a pfesesa.50 Musi ndi tshi vhuya nyendoni idzi, kanzhi ndi vhuyela u vha na—u vha na muṅwe ane nda tea u mu shumela, ngauri vha vhulunga dzindangano. Fhedzi zwa zwino ri tea u vha litsha vha ṱuwa nga nṱhani ha Hoyu.

1251 Zwino, tshithu tshithihi fhedzi ri sa athu thoma kha iyi Bugu. Mathomoni ho vha hu Tshivhidzo tsha Pentekoste. Itsho Tshivhidzo tsha Pentekoste tsho shuma nga maanḓa a Muya huno tsha ṅwala Bugu ya Mishumo. Luṱa lwa vhuvhili, tsha thoma u si tsha vha na ndeme, tshivhidzo tsha sokou vha tsha maitele. Tshikhathi tsha vhuvhili tsha tshivhidzo, zwa vhukuma tsho vha tshi tsha maitele, fhedzi iyo Mbeu ṱhukhu ya Pentekoste ya dzulela u ḓa, ya muya. Zwenezwo ya dzhena fhethu ha zwikhathi zwa u shaea ha nḓivho, tsha miṅwaha i no ṱoḓou swika maḓana a fumiiṋa na zwithu, a mutovholo wo swifhalaho. Itsho tshikhathi tshiṱuku tsha Pentekoste tsha bvela phanḓa na u tshila kha hetsho. Uri tsho tshila hani, ni songo mmbudzisa. Ho vha hu tshanḓa tsha Mudzimu, tshithu tshi tshoṱhe tshe tsha vha tshi tshi ḓo vha tsho zwi ita.52 Ngauri, vho vha khokhomedza fhasi, kha mapala. Huno vha dzhia vhanna huno vha vha rembulusela kha tshi—tshiguthe, huno vha dzhia phekhisi dza thanda huno vha dzi ombela milenzheni yavho, huno vha litsha phukha, dzimmbwa, dzi tshi vha ḽa u bva nga murahu, dza kokodza mala avho nga khavho, vha sa athu vhuya vha fa. Vha dzhia vhasadzi, vha tshea maḓamu avho, nga tshigero nga nḓila heyo, ḓamu ḽavho ḽa tshauḽa, huno vha ima nahone vha litsha ayo malofha a tshi bva a sokou elela, u swika vhutshilo havho vhu tshi bva khavho. Vha dzhia vhushie kha vhomme vho ḓihwalaho huno vha kanzwa dzimmbwa na dzinguluvhe ngaho, musi vho vha sedza. Hu tshi tou nga ndi Vhukriste; fhedzi Bivhili yo amba, huno Yesu o amba, “Zwi ḓo khunyelela zwauri vha ḓo ni vhulaha, vha tshi elekanya uri vha khou shumela Mudzimu.” Ni a vhona?53 Huno zwino itsho tshithu tsho kokovhela fhasi u swika kha tshiṅwe tshikhathi. Zwenezwo mafhedziseloni tsha bva. Zwenezwo ri dzhiela nzhele musi tshivhidzo tshi tshi bva kha tshandululo. Tsho ḓibvisa nahone tsha ḓibvisa, u bva tshifhingani itsho, huno tsha ṱutshela kule ha Muya, tsha ṱutshela kule ha Muya, henefho u tsa fhasi u swika kha tshino tshikhathi tsha u fhedzisela musi tsho lugela u ḓikhwaṱhisa huno tsha ita tshifanyiso tsha ḽivhanda.

1354 Fhedzi uyo Muya muṱuku u ḓo tshila mbiluni dza vhathu u swika Yesu a tshi ḓa. U tea u ralo. Hezwo zwi vhulungeni ṱhalukanyoni.55 Ri ḓo zwi ola kha mimapa, ra dzhia ḓivhazwakale na tshiṅwe na tshiṅwe, huno ra ni sumbedza uri zwi nga nḓila heyo kokotolo. I ri ni inwi ni dzhie ḓivhazwakale, inwi muṋe, huno ni i vhale. Ni a vhona zwe Bivhili ya amba, na zwenezwo zwe ḓivhazwakale ya amba. Vhonani uri zwi ṱangana hani nga u tou ralo kokotolo. Oo!56 Ngavhe roṱhe ri sa tou dzhia hoyu sa ḽekhitsha, fhedzi ngavhe riṋe nga u khethea, nga u khethea ri tshi dzhia khaidzo dza Muya Mukhethwa huno ra rabela, masiari na vhusiku. Ni songo tendela tshithu u ni imisa u rabela.57 Ri a dzhena, zwi ḓo gwa vhutshilo ha avho vhanna vhahulwane murahu ngomu henefho, uri vho ḓiṅaledza hani. Ni ḓo vhona uri no ita zwiṱuku hani. Zwi nnyita uri nṋe muṋe ndi pfe ndi na ṱhoni nga tshiṅwe tshifhinga, nga nḓila ine ra tea u vha na tshiṅwe na tshiṅwe nga nḓila i leluwaho nga maanḓa, huno vhone vho vha na tshiṅwe na tshiṅwe nga nḓila i konḓaho nga maanḓa. “Vho tendeleka,” Paulo o amba kha Vhaheberu 11, “vho ambara mikumba ya nngu na mikumba ya mbudzi, vha shengedzwa na u tambudzwa, vha tshi shaya tshoṱhe.” Naa vhuṱanzi hashu vhu ḓo ima hani tsini ha havho? Naa vhu ḓo vha hani nṱha tsini ha havho? Huno ri tea u vha na tshiṅwe na tshiṅwe zwavhuḓi nga maanḓa.58 Zwino, nga dziṱhompho fhedzi, ri sa athu vula Bugu, ndi ḓo tama riṋe roṱhe, vhane ra kona, u ima fhedzi lwa tshifhinganyana ra ita thabelo. Zwino nga vhufulufhedzei ha mbilu yaṋu, femani ipfi ḽa thabelo u itela…kha Mudzimu.59 Murena Mudzimu, Musiki wa maṱaḓulu na ḽifhasi, Musimuli wa Vhutshilo Ha Lini Na Lini, na Muṋei wa zwifhiwa zwoṱhe zwavhuḓi zwo fhelelaho. Ri ḓo U humbela, Murena, tsha u thoma, u ri hangwela u sa vha na dzangalelo hashu hoṱhe, na zwivhi na phambuwo dzashu kha Iwe, na kha riṋe nga tshashu na vhathu vha hashu.

1460 Ngavhe itshi tshifhinga tshiṱuku tsha u kuvhangana tshi sa vhi tsha u fhaṱa fhedzi mimuya yashu, fhedzi ngavhe tshi tshi vha tsha u ri vhonetshela nga nḓila yo raloho, nahone tsha ri hevhedza, u swika ri tshi ḓo ya ra vhudza vhaṅwe. Ngavhe tshi tshi vha tshifhinga tsha u ḓikumedza hafhu, ri tshi ṱangana na Muvhili wa Kristo wo ḓalaho nahone ro lugela U Takulelwa Ṱaḓulu.61 Khotsi Mudzimu, hu si nga vhuḓipfi hanga, ndi tshi ḓivha zwauri mulanda Wau, na vhaṅwe vhalanda vhoṱhe, a vho ngo eḓana kha uyu mushumo muhulwane. Ndi tshi limuha nḓila ye vhanna vhahulwane, vho ṱuwaho, vha hwesa mbilu dzavho u lingedza u dzumbulula Iyi, kana u bula muhumbulo malugana na Nzumbululo khulwane; zwenezwo ri a limuha uri riṋe ri, vho engedzeaho u fhira zwine vha vha zwone, vha songo eḓanaho. Fhedzi Iwe u u eḓana hashu.62 Huno ndi a rabela, Khotsi wa Ṱaḓulu, uri U ḓo ita tshiṅwe tshithu tsha sipeshala kha tshino tshifhinga, uri Muya Mukhethwa u ḓo vha na vhuhulwane mbiluni iṅwe na iṅwe. Rubisa milomo i no amba na nḓevhe dzi no pfa. Huno musi izwi zwo no fhela, huno ra zwi kumedzela kha Iwe, ngavhe ri tshi tshimbila ri tshi bva fhasi ha tshiukhuvha tsha iyi nnḓu, ri tshi ri, “Zwo vha zwi zwavhuḓi kha riṋe u vha henefho. Muya Mukhethwa wo amba na riṋe musi ro dzula henefho. Huno zwino ri pika u ita zwoṱhe zwine ri nga kona musi Zwedza zwa madekwana zwi tshi khou penya.” Zwi tendele, Murena.63 Ngavhe, kha muṱangano uno, hu tshi vhanga uri vhanna na vhasadzi vha farelele, nga huswa. Ngavhe U tshi vusa zwiambi zwi na dzindimi, muṱalutshedzi wa dzindimi. Ngavhe U tshi vusa zwifhiwa zwa vhuporofita. Vusa vhareri, vhafunzi, vhaevangeli, na vhaṅwe-vho, uri Tshivhidzo tshi fhaṱiswe. Vusa vhafunziruṅwa uri vha ye ngei tsimuni huno vha bveledze aya Mafhungo-maḓifha a re a vhugala. Huṅwe na huṅwe hune Ipfi ḽa ḓo ya, ngavhe Ḽi tshi wela mavuni avhuḓi, ḽa pakata kaḓana, ngauri ri a tenda zwauri ri vhufheloni ha tshikhathi. Magumo a tsini.64 Zwi tendele izwi zwithu, Khotsi. Huno nṱha ha zwithu zwoṱhe, Murena, nga tshino tshifhinga,

15

Iwe nthuse, ane a vha na ṱhoḓea. Ngauri ndi a zwi humbela, ndi tshi ḓikumedzela kha Iwe u itela idzi tshumelo, Dzinani ḽa Yesu Kristo. Amene.

[Khaladzi u amba nga luṅwe luambo. Mukomana u ṋea ṱhalutshedzo—Mudz.] 65 Mudzimu wa Maanḓa, We a vusa Yesu vhafuni, ro takala nga maanḓa u ḓivha zwauri Muya Wau u dzula vhukati hashu. Tshifhinga tshoṱhe Ene ndi wa ngoho nahone a si ipfi ḽi si ḽa ngoho na kathihi. Huno zwino, Khotsi, khwaṱhisa Ipfi Ḽau u fhira hafha ri tshi vhala, u itela vhugala Hau. Huno ngavhe mbilu iṅwe na iṅwe, vhunga Wo amba, “I tshi ḓilugisa nahone ya luga, ngauri hu ḓo bvelela tshiṅwe tshithu.” Zwi nga itea vhathu vha ṱanganedza khaidzo yavho ya u fhedza ya u rembuluwa kha zwithu zwine vha zwi ita zwino, vha ya nḓilani yo lugaho. Ri a U livhuwa, Mudzimu Mukhethwa, nga Dzina ḽa Murwa Wau, Murena Yesu. Amene.66 Ri tshi vula zwino kha Bugu ya Nzumbululo, ndima ya 1. Zwino, tsha u thoma, ndi ṱoḓou vhala ndimana tharu dza u thoma dza Nzumbululo.

Nzumbululo ya Yesu Kristo, ye Mudzimu a mu ṋea, u sumbedza mulanda wawe zwithu zwi no fanela u khunyelela hu si kale; huno a i rumela nahone a i fanyisela nga muruṅwa wawe kha mulanda wawe Yohane:

A no ṋea vhuṱanzi ha ipfi ḽa Mudzimu, na ha vhuṱanzi ha Yesu Kristo, na kha zwoṱhe…ha zwithu zwoṱhe zwe a zwi vhona.

Mashudu ane a vhala, na vhane vha pfa maipfi a vhuno vhuporofita, huno vha vhulunga izwo zwithu zwo ṅwalwaho khaho: ngauri tshifhinga tshi tsini.

67 Vhunga ndo no amba, zwino, kha iyi ri khou yo lingedza u ṋea u kwashekanywa huṱuku zwino ha Bugu, u ya nga dziḓivhazwakale na zwiṅwe-vho. Huno tshifhinga tshiṅwe na tshiṅwe musi ni tshi mmbona ndi tshi amba nga ha masiaṱari e nda a ṅwala hafha, ndi zwithu zwe nda zwi dzhia kha dzikhomenthari na zwiṅwe-vho.

1668 Zwino, muṅwali wa iyi Bugu ndi Yohane, Yohane Mukhethwa o khethefhalaho, o ṅwalela murafho u ḓaho (A). (B) Yo livhiswa kha vharuṅwa vha sumbe vha phiriodi dzo fhambanaho dza sumbe dza tshikhathi tsha Vhukriste, tshikhathi tsha u bva maḓuvhani a vhaapostola u swika kha U Ḓa ha Murena. Huno…zwino, zwikhathi zwi bvelela nga u tevhekana, tshiṅwe na tshiṅwe, u bva kha thakhuwo ya Murena washu u swika kha U Ḓa Hawe hafhu. Tshikhathi tshiṅwe na tshiṅwe tshi ṱalutshedzwa nyimele ya muya yatsho. (E) Tshikhathi tshiṅwe na tshiṅwe tshi nga kona u ḓivhona nga u amba hatsho nga Luṅwalo na muya navho. Muya u tshi amba, tshikhathi tshiṅwe na tshiṅwe tshi nga ḓivhona. Tshikhathi tshiṅwe na tshiṅwe tsho hwala Muṱokola wa Kristo wa ngoho, musidzana wa Vhuṱali. Huno tshikhathi tshiṅwe na tshiṅwe tsho hwala muṱokola wo ṱumamedzwaho, musidzana wa tsilu.69 Vhaḓivhazwakale vha a anḓana, uvhu ndi vhutshilo ha Yohane. Yohane o tshila miṅwaha yawe ya u fhedzisela muḓini wa Efeso nahone a fela henengei. O vha e tshiṱangadzimeni tsha Patimo, tshifhingani tshe a ṅwala Bugu, Nzumbululo. Yo vha i si nganea ya vhutshilo hawe, fhedzi nganea ya Kristo kha zwikhathi zwi ḓaho. Ni a vhona? Yo vha i vhuporofita. Hu si ni vhutshilo ha Yohane, hu si ni vhutshilo ha Kristo, fhedzi u porofitwa ha tshikhathi tshi no ḓo ḓa. Ho vha hu si vhuambi ha vhuporofita hawe; fhedzi, khuliso dza Murena, nga u khethea. Yo vha i si Nzumbululo ya Yohane Mukhethwa o khethefhalaho, fhedzi Nzumbululo ya Kristo Murena. 70 Ndi Bugu ya u fhedza ya Testamente Ntswa, naho zwo ralo i amba nga ha mathomo na vhufhelo ha tshifhinga tsha Mafhungo-maḓifha. Ri na zwikola zwa Bivhili zwi no anḓana.71 Maṅwalo a u ya kha zwikhathi zwa tshivhidzo zwa sumbe o ṅwalwa, nga nḓila ya vhuporofita, kha zwikhathi zwi ḓaho. Paulo o ṅwala nga ha vhutshilo na vhugala ha zwivhidzo zwa sumbe zwe zwa vha zwi hone nga ḓuvha ḽawe. Yohane o ṅwala nga ha vhutshilo na vhugala ha zwivhidzo zwa sumbe tshifhingani tshi ḓaho, uri Yohane o vha a tshi khou

17

amba na vhafunzi vha sumbe kana vhaḓinḓa o livhana na Vhakriste vhoṱhe vha re fhasi ha avha vharuṅwa vha sumbe vho fhambanaho.72 Zwino, Bugu ya Nzumbululo, zwino ri khou yo dzhia, musi iyi ri tshi i kwashekanya u itela matsheloni ano na madekwana ano. Huno ri ḓo lingedza u bva i tshi ṱoḓou rwa awara ya vhufuminthihi nṱha ha tshithoma na hafu u bva kha awara ya vhufuminthihi, tshiṅwe tshithu tsho raloho, huno zwenezwo ra thoma hafhu madekwana a ṋamusi nga awara ya vhusumbe.73 Zwino zwi re ngomu ha iyi ndima ya 1. Ndimana ya 1, i—i a Ḓiamba zwa vhukuma, ngauri ndi Nzumbululo ya Yesu Kristo. Ndimana ya 2, Yohane Mukhethwa o khethefhalaho ndi wa maṅwalo na mulanda. Ndimana ya 3, phaṱhutshedzo dzi a bulwa. Ndimana ya 4 u ya kha ya 6, ndi ndumeliso kha tshivhidzo. Ndimana ya 7, ndi nḓivhadzo. Ndimana ya 8, ndi Vhumudzimu vhuhulwane ha Yesu Kristo. Ndimana ya 9 u swika kha ya 20, bono ḽa Patimo.74 Huno, hafhu, ndimana dza 14 na 15 dzi ṱalutshedza vhugala Hawe ha kasumbe ha Muthu Wawe. Oo, zwo naka musi ri tshi vhona Kristo e kha vhumuthu Hawe ha kasumbe ha ḓi-…vhathu vha kasumbe vha vhumuthu Hawe, kha mvuwo Yawe ya vhugala.75 Zwino, ṱhoho i ṱalutshedza mvumbo.

Nzumbululo ya Yesu Kristo,…76 Hu si nzumbululo ya Yohane Mukhethwa o khethefhalaho, fhedzi Nzumbululo ya Yesu Kristo, Murwa wa Mudzimu.77 Zwino, ipfi ḽa Tshigerika ḽa nzumbululo ndi aphokhaḽipi, ḽine ḽa amba “u petuluwa.” Huno ndo vha ndi tshi khou dzhia iḽo ipfi nahone ndi tshi ḽi ṱoḓa. Ḽi amba, aphokhaḽipi, ndi u…Vhunga muvhaḓaive, o ita tshitatshiu tshihulwane, nahone o tshi fukedza nga lupila. Huno zwenezwo u a ya huno a kherula ulu lupila nahone a dzumbulula tshine a vha natsho murahu ha lupila. Ndi u fukulwa.78 Huno Bugu iyi a si u fukulwa, nga maanḓa, ha Muthu wa Yesu Kristo. Naho zwo ralo, zwa vhukuma i

18

amba nga ha Vhumudzimu Hawe na vhumuthu Hawe ha kasumbe, hafhu na nga ha zwithu zwine A vha zwone, vhunga Tshifhe, Khosi, na zwiṅwe-vho. Fhedzi ndi u dzumbululwa ha tshifhinga tshi ḓaho tsha mishumo Yawe kha zwikhathi zwa tshivhidzo zwa sumbe Zwawe zwi no khou ḓa. I…79 Musi Murena washu o vha e kha ḽifhasi, vhafunziwa vho Mu vhudzisa, huno vha ri, “Muṋe, naa nga tshino tshifhinga u ḓo vhuyedzedza muvhuso murahu kha Israele?”80 Huno Yesu a ri, “A si zwaṋu u ḓivha iyi awara kana tshifhinga.” Nahone a hu na we a vha a tshi ḓo ḓivha. A ri, “Na Murwa,” u swika tshifhingani itsho, “o vha a sa ḓivhi.”81 Fhedzi nga murahu ha lufu Lwawe, u swiṱwa, na mvuwo, na thakhuwo Vhugalani, O ṱanganedza vhumatshelo ha Tshivhidzo vhu bvaho ha Mudzimu. Zwenezwo A vhuya murahu, u ḓisa uyu Mulaedza kha Tshivhidzo, na uyu Mulaedza wa u ḓa Hawe na nyimele ya zwivhidzo Zwawe u tsa fhasi kha Tshikhathi.82 O kundelwa u zwi ita phanḓa ha lufu Lwawe, u swiṱwa, na mvuwo, nge A vha a sa athu zwi ḓivha. Fhedzi no zwi dzhiela nzhele uri Luṅwalo lu vhala hani hafha?

Nzumbululo ya Yesu Kristo, ye Mudzimu a mu ṋea (Kristo),…

83 Nga nḓila ye Mudzimu a re Khotsi a ṋea Nzumbululo kha Murwa Wawe Yesu Kristo. Huno A ruma muruṅwa Wawe ha Yohane, u fanyisela izwi zwithu zwe zwa vha zwi hone; zwe zwa vha zwi hone, zwi re hone, na zwine zwa ḓo vha hone. Oo, yo dzudzanywa nga nḓila yo nakaho! 84 Zwino, kha tshikhathi itshi tshihulwane tshi no khou ḓa tshe Yohane a tshi vhona! Zwino, hezwi, iyi Nzumbululo yo ṋewa ene, tshikolokolo, u dzumbulula ndivho yo teaho ya Kristo, zwine A ḓo vha zwone na u fana nazwo, kha tshikhathi tshiṅwe na tshiṅwe. Ndi ngazwo ndo amba, matsheloni ano, isani ṱhalukanyo yaṋu kha Tshivhidzo tsha ngoho. Tshivhidzo tsha ngoho tsho thoma nga Ḓuvha ḽa Pentekoste.

1985 A hu na muḓivhatheolodzhi, tshikola tsha Bivhili, kana muḓivhazwakale, ane a nga vhuya a amba zwauri tsho thoma maḓuvhani a Martin Luther, Wesley, tshikhathi tsha Kaṱoḽika, kana tshiṅwe tshikhathi-vho. Tsho thoma kha Pentekoste. Uho ho vha hu u rwelwa ṱari ha Tshivhidzo. Uho ho vha hu mathomo. Ngauralo, ngauralo-ha, kha u rera na nnyi na nnyi, imani kha iyo khoro ya Pentekoste, huno vha ḓo kundelwa u ya huṅwe fhethu-vho.86 Zwi tou nga u vhea muvhuḓa tsimuni. Ni a ḓivha hune mulindi muṅwe na muṅwe wa vha hone, ngauralo na u valela. U ḓo tea u vhuya henefho fhethu honoho huthihi he wa dzhena hone.87 Ndi zwone, iyo ndi nḓila, muṅwe na muṅwe a no amba nga ha zwivhidzo na zwikhathi zwa tshivhidzo, na mishumo ya Muya Mukhethwa, ni ḓo tea u vhuya kha zwa mathomo, mathomoni. Zwi tea u vhuya henefho ngauri Mudzimu ha na magumo, nahone U a re na maanḓa. Ngauralo-ha, Ene e a sa gumi, A nga si ite tshiṅwe tshithu hafha, huno a ita tshiṅwe tshithu tsho fhambanaho natsho, nga hafha. Tshifhinga tshoṱhe U tea u ita sa zwe A tshi ita lwa u thoma.88 Vhunga Petro o amba, nga ḓuvha ḽa…musi Vhannḓa vho ṱanganedza Muya Mukhethwa, a ri, “Naa ri nga dzivhisa maḓi, ri tshi vhona uri vho ṱanganedza Muya Mukhethwa sa zwe ra ita mathomoni?” Yesu, musi O vha e kha ḽifhasi, o amba huno a ri, “Zwi…”89 Muṅwe a ḓa huno a ri, “Naa ro tendelwa, u ṱala vhafumakadzi vhashu nga kudandu kuṅwe na kuṅwe?”90 Yesu a ri, “O itaho wa tshinnani, o ita wa tshisadzini. Ndi zwone zwine munna…” A ri, “Fhedzi Mushe o ri tendela u ṋea luṅwalo lwa ṱhalano.” Yesu a ri, “U bva mathomoni zwo vha zwi songo ralo.”91 Humelani mathomoni. Ngauralo-ha, arali ri tshi khou yo amba nga ha tshikhathi tsha tshivhidzo, ri

20

tea u humela murahu ngei mathomoni, ri tshi vhea dubo tshitatamennde tshiṅwe na tshiṅwe tshe muṅwe muthu-vho a tshi ita u tsa fhasi kha tshikhathi.92 Iyi ndi Bugu ya tshiofisi nga maanḓesa ya iṅwe Bugu-vho Bivhilini. Iyi ndi yone Bugu i yoṱhe ye Kristo a vhea luswayo Lwawe khayo. I thoma nga phaṱhutshedzo huno ya guma nga samba. “Mashudu ane a vhala.” Nahone, “Ho seṅwa uyo ane a ṱusa tshiṅwe tshithu-vho Khayo.”93 Ndi yone Bugu i yoṱhe ye Kristo a i ṅwala, Ene muṋe, ya Bivhili yoṱhe. Milayo ya Fumi, O i ṅwala nga munwe Wawe. Izwo ndi zwone. Vhayuda vho farelela kha zwenezwo. Huno, ṋamusi, ndi nzu—Nzumbululo.94 Huno arali Saṱhane a tshi vhenga iṅwe Bugu-vho Bivhilini, ndi Nzumbululo. Hu na mbili…U vhenga Luṅwalo lwoṱhe, huno ndi khenoni yoṱhe ya Luṅwalo. Fhedzi, arali tshiṅwe tshithu-vho, tshine a tshi nyadzesesa, ndi Nzumbululo na Genesi. Ngauri, Genesi i amba nga ha mathomo. Nzumbululo i dzumbulula zwine zwa khou yo bvelela khae nga ḓuvha ḽa u fhedzisela. U khou yo vhoxwa lwa miṅwaha ya tshigidi; zwenezwo ene, na muporofita wa khole-khole, na ḽivhanda, vha khou yo poselwa, vha tshi tshila, Dzivhani ḽa Mulilo.95 Huno u ḓo dia Bugu ya Genesi kha u—u vha hayo ya vhukumakuma. U ḓo amba, zwauri, “A si ya vhukumakuma.” Huno u ḓo ritha ṱhalukanyo dza vhathu. Sedzani hune Diabolo a vhea, iyo Bugu ya Genesi kana Bugu ya Nzumbululo, ya u thoma na ya u fhedza.96 Huno Bugu ya Nzumbululo i na zwiga zwo engedzeaho khayo u fhira dziṅwe Bugu dzoṱhe dzi re Bivhilini. I na zwiga zwo engedzeaho ngauri ndi Bugu ya vhuporofita. Ndi Bugu ya vhuporofita. Ngauralo-ha i tea u pfeseswa nga kilasi ya vhuporofita. Iyi Bugu a si ya muṅwe na muṅwe. A hu na ane a nga i pfesesa, zwi a konḓa. Iyi Bugu yo itelwa iṅwe kilasi ya vhathu. Nga hangei kha Doiteronomio, I ri, “Zwithu zwo dzumbamaho ndi

21

zwa mu—mu—Murena.” Izwo ndi zwone. Huno U a ri dzumbululela, vhana Vhawe, zwithu zwo dzumbamaho. Ngauralo a i yi…97 Ṱhalukanyo ya ṋama a i koni u pfesesa izwo zwithu zwihulwane zwa Luṅwalo, ngauri ndi vhutsilu khavho. Fhedzi kha avho vha re vhafuni vha Ipfi ḽa Mudzimu, avho ndi vhone vhe iyo Bugu ya ṅwalelwa vhone, kha Tshivhidzo. Nzumbululo ya Yesu Kristo, “Kha tshivhidzo ngei Efeso, kha tshivhidzo tsha Simirina, kha tshivhidzo, kha zwivhidzo,” u tsa fhasi. Nzumbululo ya Yesu Kristo kha Tshivhidzo. Hezwo ndi a zwi funa.98 Huno dzhielani nzhele, nahone ndi yone magumo a Maṅwalo, magumo o vuledzeaho. Huno nga lwa ḓivhashango yo vhewa fhethu hone, magumoni a Bivhili. Nzumbululo ya tshithu tshoṱhe tsho vhewaho hafha murahu tshi na phaṱhutshedzo kha ane a I vhala nahone a I pfa, i na samba kha avho vha no ḓo engedza khayo kana vha ṱusa khayo. Ndi khenoni yo vuledzeaho, oo, ya vhukumakuma. A hu na tshine tshi nga engedzwa Khayo. Huno musi muthu a tshi lingedza u bvisa tshiṅwe tshithu-vho Khayo, kana u engedza tshiṅwe tshithu-vho Khayo, Mudzimu o ri U ḓo bvisa mukovhe wonoyo muthihi kha Bugu ya Vhutshilo. Ni a vhona? U ḓo dzhia mukovhe wawe kha Bugu, arali o engedza Khayo.99 Ngauralo-ha, musi ri tshi vhona Nzumbululo ya zwinzhi ya Murena washu, ane A vha ene, zwine A vha zwone, arali muṅwe muthu-vho a tshi ḓo engedza tshiṅwe tshithu kha Heyo kana a ṱusa tshiṅwe tshithu-vho Khayo, ndi vhuporofita ha khole-khole. Vhanzhi vho lingedza u ri vho vha na tshiṅwe tshithu nga murahu hu si Heyo. Fhedzi Heyo ndi Nzumbululo yo vuledzeaho ya Murena Yesu kha tshikhathi tsha tshivhidzo Tshawe nahone nga Ḓuvha Ḽawe, Nzumbululo ya Murena washu.100 Zwino—zwino, u vula lupila, ipfi ḽa Tshigerika, tshiṅwe tshithu tshe tsha dzumbiwa, tshi songo dzumbu-…“tshi no khou dzumbulula” Kristo.

Zwino, ndimana i tevhelaho, ri wana, kha ndimana ya 2.

22101 Ndimana ya 1 i vula Kristo lupila, Nzumbululo, kana u fukulwa. Oo! Nga nḓila ye tshikhathi tsha u fhedzisela na U Ḓa ha Murena zwa—zwa vha zwo fukedzwa, kha vhaapostola! Vho vhudzisa mbudziso, fhedzi ndi muthihi fhedzi o tshilaho uri a vhe na Nzumbululo. Huno na zwino, ho ngo zwi pfesesa, ngauri ḓivhazwakale yo vha i sa athu itwa.102 Zwino, ḓivhazwakale ya iyi Bugu, kana ṱha—ṱhaluso ya iyi Bugu, yo vha yo livhiswa kha zwivhidzo zwa sumbe kha ḽa Asia Minor, zwe zwa vha zwi hone tshifhingani itsho. Yo vha yo livhiswa kha izwo zwivhidzo zwa sumbe. Ho vha hu na zwivhidzo zwo engedzeaho u fhira izwo zwa sumbe, nga iḽo ḓuvha. Fhedzi tshiṅwe na tshiṅwe tsha izwo zwivhidzo tsho vha tshi tshihulwane, tshihulwane malugana na tshiṱaluli tshivhidzoni itsho, tshe tsha vha tshi tshi ḓo tshi tevhela u tsa fhasi kha itsho tshikhathi, tshiṱaluli tsha itsho tshivhidzo. Vhunga tsha Efeso, tsho vha tshi na tshiṱaluli. Simirina, Peregamo, na u tsa fhasi, Filadelfia, tshiṅwe na tshiṅwe tsha izwo zwivhidzo tsho vha tshi na tshiṱaluli khatsho, tshe tsha vha tshi tshi ḓo bvelela hafhu kha zwikhathi zwi no ḓo ḓa. Oo! Arali fhedzi no vha ni tshi nga…103 Muthu muṅwe na muṅwe-vho a nga kona u vhona u shumiswa ha Maṅwalo lwa mu—muya huno a nga ri o vha a songo hevhedzwa? Muito wonoyo waṋu, tshiṱuṱuwedzi tshenetsho, ndivho dzenedzo dza vhathu, mulandu, zwi sumbedza uri Luṅwalo lwo hevhedzwa, u vhona nḓila ine Mudzimu a shumisa izwo zwithu. Zwezwo zwine na ita, hafha hu na tshifanyiso tsha tshiṅwe tshithu.104 Vhunga Abrahamu a tshi ṋekedza Isaka, murwa wawe e eṱhe; tshifanyiso tsha Mudzimu a tshi ṋetshedza Murwa Wawe, nga murahu ha miṅwaha ya maḓana. Nga nḓila ye Yosefa a rengiswa na u vha dzhele, o vhengwa nga vhakomana vhawe huno o funwa nga khotsi awe; Yesu, nga tshifanyiso. Nga nḓila ye Muya wa shuma nga Yosefa, munna, huno fhedzi-fhedzi zwa fanyisa vhutshilo ha Kristo, lwo fhelelaho. Nga nḓila ye, Dafita, Murwa wa Dafita a dzula kha thavha yeneyo nthihi. Musi Dafita o landulwa sa khosi huno

23

a ya a gonya muvhundu, Thavha ya Miolivi, a tshi sedza murahu, a tshi tswimila, sa khosi yo landulwaho; miṅwaha ya maḓana a si gathi nga murahu ha hezwo, Murwa wa Dafita a gonya muvhundu wonoyo muthihi, sa Khosi yo landulwaho, huno a tsengisa miṱodzi a tshi itela Yerusalema. Muya u nga tshifanyiso na tshivhumbeo. Oo!105 Zwenezwo ni a kona u vhona Tshivhidzo tshihulwane tsha pentekoste kha ḽino ḓuvha ḽa u fhedzisela? Naa ni a kona u vhona uri Mudzimu o tshi rwela ṱari hani nga Ḓuvha ḽa Pentekoste? Uyo Muya u tea u sala u kha Tshivhidzo kha zwikhathi zwoṱhe.106 Vho sokou vha vha maitele nahone vha vha vha sa pfesesiho. Vho ḓo tea u vha na dinomineisheni. Vho ḓo tea u ṱanganya zwoṱhe tshivhidzo na muvhuso, huno mafhedziseloni vho zwi ita nahone vha vhanga miṅwaha ya maḓana ya mutovholo. Zwenezwo, Tshandululo, vha a bva. Huno ṅwaha muṅwe na muṅwe, vho vha vha tshi khou tumula kha Muya huno vha tshi engedza kha zwa mupo, vha si tsha vha kha Muya huno vha tshi engedza kha zwa mupo, u swika zwino vho lugela fhedzi u dovha vha zwi ita. Ri khou tshila kha dzino awara dza u fhedzisela, dza u vala, magumo a tshivhidzo. Ri kha Filadelfia…kana Tshikhathi tsha Tshivhidzo tsha Laodikea.107 Zwino, ndima ya 1, ndimana ya 1, yo ḓivhadziwa kha—kha Yohane. Zwino, muṅwali ndi nnyi? Yohane. Yohane. Yo vha i si nzumbululo ya Yohane, nahone ri a ḓivha uri yo vha i si yone, ngauri yo vha i Nzumbululo ya Murena Yesu Kristo. O vha e heyi, o nangiwa uri a vhe mufunziwa. Huno Bugu Yone iṋe i dzumbulula tshithu tshe ya vha i tshone, Yesu Kristo, We A vha a tshi khou i dzumbulula.108 Huno yo rumelwa kha… “Huno a fanyisela iyi nga muruṅwa wawe kha Yohane.” A ri ḓivhi uri muruṅwa o vha e nnyi. Bivhili a i ambi uri muruṅwa o vha e nnyi. Fhedzi ri a ḓivha zwauri o vha e muporofita, nge ngavhuya Bivhili ya amba, zwauri, “Nṋe Yesu ndo ruma muruṅwa wanga u ṱanziela hezwi zwithu zwine zwa fanela u khunyelela hu si kale.”

24109 Zwenezwo ri wanulusa uri musi Yohane a tshi thoma u luvha muruṅwa, muruṅwa o ri, “Vhona uri a u zwi iti.” Nzumbululo 22, ndi tenda uri ndi yone. Huno a ri, “Ngauri ndi muṅwe wa vhalanda nga iwe na wa vhaporofita.” Hu nga ḓi vha ho vha hu Eḽiya. Hu nga ḓi vha ho vha hu muṅwe wa vhaporofita. Yohane o vha e muapostola. Fhedzi uyu muporofita o vha o ruṅwa.110 Huno Yohane, e muapostola, sedzani kudzulele kwa dziṅwe epistola dzawe dzoṱhe, dzi sumba uri ho vha hu si Yohane we a i ṅwala, ngauri a i na kudzulele ku no nga kwa Yohane. Dzhiani Yohane Ya U Thoma, Yohane Ya Vhuvhili, na dziṅwe-vho, huno ni i vhale. Huno sedzani kudzulele kwa hedzo, zwenezwo ni sedze kudzulele kwa heyi. Yohane o vha e muṅwali nahone o vha e muapostola, fhedzi uyu ndi muya wa muporofita. Ndi muthu o fhambanaho, tshoṱhe. Ni a vhona? Ho vha hu si ḽiṅwalo ḽa Yohane. Ho vha hu si nzumbululo ya Yohane. Ho vha hu Nzumbululo ya Yesu Kristo ya Mudzimu kha zwivhidzo. Huno yo vha yo…Yohane o vha a tshi tou vha muṅwali, wa maṅwalo, huno—huno Bugu i ḓivhadza zwi fanaho.111 Zwino, yo vha i songo ṅwalelwa Yohane. Yo vha yo ṅwalelwa Tshivhidzo. Zwo luga. Yohane, nga itsho tshifhinga, o vha e mufunzi wa tshivhidzo tsha Efeso. Huno zwino Bugu yo ṅwalelwa Yohane…kana tshivhidzo, hu si kha Yohane.112 Zwino ndimana ya 3, U ḓivhadza phaṱhutshedzo. Thetshelesani hezwi.

Mashudu ane a vhala, na vhane vha pfa maipfi a vhuno vhuporofita, huno vha vhulunga izwo zwithu zwo ṅwalwaho khaho: ngauri tshifhinga tshi tsini.

113 Naa ndi tshifhinga-ḓe tshi re tsini? Tshifhinga tshine izwi zwithu zwa itea, musi iyi Nzumbululo ya Yesu Kristo i tshi vuledzwa kha tshikhathi tshiṅwe na tshiṅwe.114 Zwino tsho itisaho uri A i ṅwale ngaurali. Arali o vha a tshi ḓo vha o ri, “Zwo luga, zwino, U…” Vho vha vha tshi khou Mu ṱoḓa; arali yo vha yo no dzumbululwa, arali (ene) yo vha yo dzumbululelwa

25

Yohane, uri O vha a tshi khou yo ḓa zwenezwo izwo zwivhidzo henefho zwo no fhela. Iyo ndi nḓila ye Yohane a zwi elekanya. Fhedzi arali ho vha, hu izwo zwivhidzo, zwenezwo zwo no fhedza, zwi ḓa…Arali o ḓivha, arali yo vha yo no dzumbululelwa ene uri ho vha hu tshi khou yo vha na zwikhathi zwa sumbe zwa tshivhidzo zwilapfu, miṅwaha ya zwigidi zwo vhalaho, kana miṅwaha ya maḓana o vhalaho, zwenezwo ho vha hu si nga vhi na tshi no itisa uri hu lindelwe. Vho vha vha tshi ḓo tou tshila vha fhedza tshikhathi tsha tshivhidzo tshavho.115 Ngauralo-ha, Mudzimu o zwi amba, huno a zwo ngo dzumbululelwa vhone. A zwo ngo dzumbululelwa Martin Luther, zwithu zwe John Wesley a ḓivha nga ha Luṅwalo. A zwo ngo dzumbululelwa Vhabaphuthisi, zwine Vhapentekostaḽa vha ḓivha nga ha Luṅwalo, ngauri ndi kha tshikhathi tsho fhambanaho. Ndi tshifhinga tsho fhambanaho. Huno Mudzimu u dzumbulula zwithu Zwawe kha khalaṅwaha fhedzi. Oo! 116 Inwi ni nga si ṱavhe mavhele nga tshifhinga tsha tshilimo huno na kaṋa nga tshifhinga tshenetsho tshithihi. Ni zwala mbeu huno i a aluwa u swika kha khulo. Mudzimu u zwala Ipfi Ḽawe huno zwenezwo Ḽa mela. Huno zwenezwo ri sedza murahu huno ra ri, “Henefho Ḽo vha ḽi hone.” Mulandu, ngoho, ri Ḽi vhona nga murahu ha musi Ḽo no dzumbululwa.117 Zwino, “Mashudu,” Ipfi, nḓivhadzo ya phaṱhutshedzo, kha ndimana ya 3, “kha avho vhane vha vhala kana vha pfa zwiphiri zwayo.”118 Ita…ṱhalukanyo ya ṋama i a i tinya, ngauri ṱhalukanyo ya ṋama a i ḓivhi tshithu nga hayo. A zwi mangadzi ṱhalukanyo ya ṋama i sa i ḓivhi, ngauri ndi Saṱhane kha iyo ṱhalukanyo ya ṋama. Huno Saṱhane u bviselwa khagala, huno Saṱhane ha ṱoḓi ene muṋe a tshi bviselwa khagala.119 Ni a dzhiela nzhele uri ndi zwi sa takadziho hani kha Saṱhane musi a tshi elekanya zwauri u khou yo bviselwa khagala? Sedzani kha iṅwe ya dzitshumelo. Sedzani muito wa vhathu. Inwi sedzesani, kha

26

muṱangano. Saṱhane a sa athu u yo bviselwa khagala, nga ha muṅwe muthu, ni ḓo vhona tshifhaṱuwo tshavho tshi tshi shanduka. Ni a vhona, a vha ḓivhi uri vha nga elekanyani. Kathihi fhedzi, Muya Mukhethwa u a tsa huno wa bvisela khagala uyo diabolo. Oo! U vhenga ulwo lushaka lwa muṱangano. Ndi ngazwo ro vha na nndwa nga maanḓa, ngauri Ipfi ḽa Mudzimu ḽi bvisela Diabolo khagala. Ni a vhona? Ḽi amba zwine a vha zwone.120 Vhunga inwi ni tshi ri, “Uyu musadzi o dzulaho hafha,” no hevhedzwa nga Muya Mukhethwa, na ri, “dzina ḽawe ndi Mufumakadzana Jones. U bva Hukeneṅene.” Naa izwo zwi itani? Zwi takula muya wawe, zwi u ḓisa fhethu.121 “Naa ni nnḓivha hani? Uyo munna ha nnḓivhi, ngauralo hu fanela u vha hu muṅwe muya. Naa ndi muya wa lushaka-ḓe?” “Ndi Muya wa Mudzimu.” “Hani? Naa thaidzo ndi mini nga nṋe?”122 “Ni na lufhiha, pfuko,” vhuṅwe na vhuṅwe vhune ha vha hone, “fhedzi U RALO MURENA…” “Oo!” Oo, nga nḓila ine izwo Saṱhane a zwi vhenga, ngauri Ḽi mu bvisela khagala.123 Zwino, ṱhalukanyo ya ṋama i a sedza, ya ri, “U vhala muhumbulo, vhudavhidzano ha muhumbulo.” A vha ḓivhi. Ndi vhutsilu khavho.124 Fhedzi kha avho vha no ḓivha zwine Ḽa vha zwone, oo, ndi phaṱhutshedzo-ḓe nandi! Naa ndi mini? Nzumbululo. Nzumbululo ya nnyi? Ya munna a re kha phuluphithi? Ya Yesu Kristo kha tshino tshikhathi tsha u fhedzisela tsha tshivhidzo, a tshi khou Ḓidzumbulula vhunga O fulufhedzisa uri U ḓo ita. Ni a vhona?125 Ndi nzumbululo, ni a vhona, huno iyo Saṱhane u a i vhenga. Nṋenṋe, nga nḓila ine a i vhenga! U bviselwa khagala, i bvisela khagala puḽane yawe. Saṱhane u vhenga Nzumbululo na Genesi, ndi nayo yo ṅwalwa hafha. Izwo ndi ngoho kokotolo.126 Zwino, ndi ngani a tshi vhenga nzumbululo? Ndi ngani a tshi lwa nga maanḓa na nzumbululo?

27

Ndi ngauri khenoni yoṱhe ya Ipfi ḽa Mudzimu na Tshivhidzo tsha Mudzimu zwo fhaṱwa nga u khethea kha nzumbululo.127 Na kathihi i nga si vhe nga tshi—tshikolo, a hu londwi uri ri na seminari dzavhuḓi nngana. Dzi murahurahu kha tshikhathi tshi sa vhonadzesiho. Bivhili na Tshivhidzo zwa vhukumakuma ndi nzumbululo.128 Kha ri vule. Ndi na maṅwe Maṅwalo o ṅwalwaho hafha, Mateo, ndi—ndima ya 16 na ndimana ya 18. Kha ri tou vha na vhusedzi vhuṱuku—vhuṱuku kha Mateo 16:18, ri vhone hune Maṅwalo a vha hone, hune ha vha nzumbululo. Hu tshi tsiwa thavhani, ndimana ya 17.

Huno Yesu a fhindula huno a ri khae, U na mashudu, Simoni Murwa-Yona: ngauri ṋama na malofha a zwo ngo u dzumbululela zwone, fhedzi Khotsi anga a re ngei ṱaḓulu.

Huno ndi ri…kha iwe,…iwe u Petro, huno kha iḽi tombo Ndi ḓo fhaṱa tshivhidzo tshanga; huno khoro dza vhudzulavhafu a dzi nga tshi kundi.

129 Zwino, tshivhidzo tsha Kaṱoḽika tshi ri, “O tshi fhaṱa kha Petro.” Zwo ralo, hezwo, hezwo zwa vhukuma ndi ngelekanyo ya ṋama. No vha ni si nga humbuleli ṱhalukanyo ya muya u pfesesa tshithu tshi no nga hetsho; sa Mudzimu, e na Murwa Wawe Ene muṋe o ima henefho, huno naho zwo ralo a fhaṱa Tshivhidzo Tshawe kha munna zwawe, o ḓoweleaho, o bebelwaho tshivhini. Uyo munna o zwi sumbedza. Ene, nga wonoyo muya muthihi khae, o sema Yesu nahone a Mu landula phanḓa ha tshifhaṱuwo Tshawe. Ho vha hu si Petro.130 Kana, nahone ho vha hu si to—tombo ḽe ḽa vha ḽi henefho, sa zwiṅwe zwivhidzo zwi tshi ḓiambela zwauri ḽo vha ḽi ḽone. Ho vha hu si tombo. Ngauri, Petro…131 Tombo ḽe A vha a tshi khou amba nga haḽo henefho, ḽo vha ḽi si Petro, nahone ḽo vha ḽi si Ene muṋe.132 Zwino, vhunzhi ha vhathu vha Porotestanti vha lingedza u ri, “Ho vha hu Yesu. Ho vha hu Ene we

28

A fhaṱa Tshivhidzo khae. Ene!” Hai, hezwo zwi kha ḓi vha zwo khakhea. Arali ni tshi dzhiela nzhele, ho vha hu si Yesu, nahone ho vha hu si Petro. Ho vha hu nzumbululo.

…ṋama na malofha a zwo ngo dzumbulula hezwi kha iwe, fhedzi Khotsi anga a re ngei ṱaḓulu o ita iyi nzumbululo.

133 Sedzani. Ndi ṱoḓou ni vhudzisa. Ngadeni ya Edeni, ho vha hu si na Maṅwalo o ṅwalwaho. Huno zwenezwo vhatukana vhavhili, Kaini na Abele, huno vhoṱhe vhuvhili havho vho ṱoḓa u ita tshiṱhavhelo na u takalelwa nga Mudzimu. Musi vho ita nga u ralo, Kaini u a ḓa huno a fhaṱa aḽiṱari; Abele a fhaṱa aḽiṱari. Zwo luga, arali izwo zwi zwoṱhe zwine Mudzimu a ṱoḓa, Mudzimu u ḓo vha a songo lugaho u haṱula Kaini. Zwo luga. Zwenezwo Kaini a ita tshiṱhavhelo; nga u ralo Abele a ita. Vhoṱhe vhuvhili havho vho ita tshiṱhavhelo. Kaini o rerela, huno nga u ralo Abele a ita. Kaini o ita tshiṅwe na tshiṅwe tshe Abele a ita.134 Ngauralo arali u ya tshivhidzoni, u vha wa tshivhidzo, u ita zwiṱhavhelo, na u rabela, na u luvha Mudzimu, zwi zwoṱhe zwine Mudzimu a ṱoḓa, zwenezwo Mudzimu u ḓo vha a songo lugaho u haṱula Kaini kha u ita kokotolo zwe A ri zwi itwe.135 Fhedzi, ni a vhona, Abele, nga nzumbululo, o ḓivha zwauri ho vha hu si mutshelo we wa vha bvisa ngadeni ya Edeni, sa ṱhalukanyo dza ṋama nnzhi dzi tshi elekanya ṋamusi. Abele u a ḓa huno a ṋekedza mutshelo wa shango, huno Mudzimu a u hana, fhedzi zwo vha zwo dzumbululwa…ndi khou amba, Kaini o ita, ni mpfarele. Kaini o ṋekedza mutshelo wa shango nge a elekanya uri uyo ndi wone wo vha bvisaho ngadeni ya Edeni. Sedzani iyo nzumbululo. Sedzani phambano nayo. Sedzani uri i vhaisa hani ṋamusi. Fhedzi ho vha hu si mutshelo we wa vha bvisa. Efa na kathihi ho ngo ḽa maapula. Zwa vhukuma. Naa o limuha hani uri u fhedzi, arali u ḽa apula? Zwo tea u vha zwa vhutshilo ha vhudzekani. Zwo ḓo tea u ralo!136 Zwino, ri dzhia iyo sa ngudo, nahone ro, vhuyelela ngomu hayo. A vha na Luṅwalo na luthihi.

29137 Vhaṅwe vhavho vha ri, “Ndi zwone, o ri, ‘Ndo wana murwa a bvaho ha Murena.’” Ee, muṋe wanga. Nga u ralo murengisamuvhili o ita. Mudzimu u tea u ita vhutshilo hoṱhe.138 Fhedzi ndi vhutshilo ho shandeaho. Sedzani kudzulele kwa uyo mutukana. O vha e wa khotsi awe, Diabolo; vengo, vivho, muvhulahi. Ni a vhona?139 Huno zwenezwo hani, Abele, musi vha…vhabebi vhawe khamusi vho mu vhudza zwauri—zwauri miri yo vha i na mitshelo khayo, na zwiṅwe-vho. Fhedzi, zwo vha zwo dzumbulelwa Abele. Abele o ya a wana ngwana, u itela malofha, a tshi dzhia vhutshilo. Hu si muri wa mitshelo, u aṋwaho maapula na miomva na dzipwere. “Fhedzi Abele, nga nzumbululo ya muya,” Vhaheberu 11, “o ṋekedza Mudzimu tshiṱhavhelo tshavhuḓivhuḓi lwo engedzeaho. Mudzimu a tshi tshi ṱanziela, ngauri tsho vha tsho dzumbululelwa ene nga lutendo.”140 Afho ndi hone he Mudzimu a fhaṱa Tshivhidzo Tshawe. “Ngauri ṋama na malofha a zwo ngo u dzumbululela izwi na kathihi.” Na kathihi a wo ngo Ḽi guda seminarini. Na kathihi a hu na muṅwe muthu we a u funza Ḽone huṅwe fhethu. “Fhedzi Khotsi anga a re ngei ṱaḓulu o u dzumbululela Ḽone.” Henefho, tshithu tshoṱhe tshi kha nzumbululo, Tshivhidzo tshoṱhe, “Kha heḽi tombo ḽa Nzumbululo ya Yesu Kristo, Ndi ḓo fhaṱa tshivhidzo tshanga.”141 Inwi ni nga ḓi dzhia zwine mufunzi a amba. Ni nga ḓi dzhia zwine seminari ya funza. Ni nga ḓi dzhia zwine tshivhidzo tsha amba. Huno a zwo ngo luga, naho zwo ralo. Ni nga ḓi kona u zwi ṱalutshedza nga u kona u amba. Fhedzi u swika Mudzimu o no ni dzumbululela uri Yesu Kristo ndi Murwa Wawe, nahone ni tshidzwa nga Malofha Awe; kha iyo nzumbululo, ya uri, “Ndi Mutshidzi wanga.”142 “Kha heḽi tombo Ndi ḓo fhaṱa tshivhidzo tshanga, huno khoro dza vhudzulavhafu dzi nga si tshi kunde.”143 Ngauralo zwenezwo ni a vhona uri ndi ngani Saṱhane a tshi lwa nga maanḓa na Bugu ya Nzumbululo. Tshiṅwe tshithu-vho tsho

30

dzumbululwaho, nzumbululo ya muya, Saṱhane u lwa nayo. Izwo ndi ngazwo a tshi lwa nga maanḓa na mushumo ṋamusi. Ngauri, naa ndi mini? U dzumbululwa ha Kristo.144 I ri ni tshivhidzo tshi bvele phanḓa na dinomineisheni dzatsho khulwane na madzangano, na milaedza yatsho miṱuku i ngaho dzuvha na zwiṅwe-vho. I ri ni vha bvele phanḓa, Saṱhane ha nga dinalei nga hezwo. A vha na dzikhakhathi. Muṅwe na muṅwe u a vha phaphatha muṱanani.145 Musi hu tshi ḓa tshifhinga tshine Mudzimu, nga Muya Mukhethwa, a dzumbulula Kristo murahu Tshivhidzoni, nga maanḓa na tsumbedzo dza u fhodza vhalwadze, huno a tshi ita zwiga zwe A amba zwauri zwi ḓo tevhela vhatendi, uri zwi khunyelele, zwenezwo Saṱhane u a rembuluwa mmbeteni wawe. U ita tshiṅwe tshithu nga hazwo. U swika tshifhingani itsho, Saṱhane ha londi uri ni vha muraḓo wa tshivhidzo zwingafhani. Ha londi uri zwingafhani. Fhedzi musi Kristo a tshi ni dzumbululela uri Ene ndi Murwa wa Mudzimu, huno mishumo ye A ita na inwi ni a ita-vho; hu si miṅwe mishumo, fhedzi mishumo yeneyo mithihi.146 “Ane a ntenda…” Yohane Mukhethwa 14:7. “Ane a ntenda, mishumo ine Nda ita na ene u ḓo ita-vho. U ita mishumo yeneyo mithihi, na i fhiraho heyi.” Ngauri, Kristo o kundelwa u rera ndovhedzo ya Muya Mukhethwa, yo vha i tshi ḓo vha muhulwane. O kundelwa u i ḓisa khavho, ngauri Muya Mukhethwa wo vha u sa athu ṋewa. Fhedzi musi Yesu o ḓa huno a ṅaledza Vhutshilo Hawe, na Muya Mukhethwa wo vhuya, zwenezwo vho kona u kovhela vhathu Vhutshilo Vhu Sa Fheli. Uyo ndi “muhulwane.”147 Fhedzi zwiga na zwimangadzo, Yesu o amba zwi khagala, kha Marko 16, “Iyani shangoni ḽoṱhe, huno ni rere mafhungo-maḓifha kha tshivhumbwa tshiṅwe na tshiṅwe.” U gumafhi? Shango ḽoṱhe. Zwingana? Tshivhumbwa tshiṅwe na tshiṅwe. Musi Mafhungo-maḓifha a tshi khou ḓi rerwa, izwi zwiga zwi ḓo vha tevhela vha no tenda. Huno musi izwo zwi tshi vha nzumbululo, mukomana, ni tsini-ha na

31

Muvhuso. “Kha heḽi tombo Ndi ḓo fhaṱa tshivhidzo tshanga, huno khoro dza vhudzulavhafu dzi nga si tshi kunde.”148 Ngauri, munna kana musadzi we a vhuya a vha phangani iyo ya murahu e eṱhe, vhunga Mushe o ralo, huno nzumbululo ya Mudzimu ya vhonadzwa khae nga Muya Mukhethwa, a hu na tshine tshi nga mu dzinginyisa. U tou vha o dzivhuluwaho nahone o khwaṱhaho u ya nga hune a nga vha ngaho.

Saṱhane u vhenga Nzumbululo. Ha i takaleli, na luthihi; i thenula puḽane dzawe.149 Kudzulele kwa Bugu ku sumbedza uri Yohane ho ngo i ṅwala. Izwo ndi zwone. Ngauri ndi a—ndi a luṅwe…Ndi a ḽiṅwalo ḽawe, fhedzi hu si u hevhedzwa hawe. Ndi u hevhedzwa ha Mudzimu hune ha ṅwala Bugu. Zwo luga.150 Kha ri vhone zwine ya amba zwino.

Mashudu ane a vhala, na vhane vha pfa…vhuno vhuporofita, huno vha vhulunga izwo zwithu zwo ṅwalwaho khaho: ngauri tshifhinga tshi tsini.

151 Zwino, “Tshifhinga tshi tsini.” Mini? Musi Nzumbululo ya Yesu Kristo yo vuledzeaho yo no ḓivhadziwa kha zwivhidzo Zwawe. Huno musi zwikhathi zwi tshi khou fhira, i tou dzumbululwa khavho.152 Zwino ri henefha fhasi tshifhingani tsha vhufhelo, ngauralo zwino zwa vhukuma ri vhufheloni ha shango. Ri magumoni a ḓivhazwakale ya shango. Huno ino vhege i sa athu fhela, huno Mudzimu a na riṋe, a tshi ri thusa, ri ḓo sumbedza uri ri magumoni a zwikhathi zwa tshivhidzo. Ri kha Filadel-…kana Tshikhathi tsha Tshivhidzo tsha Laodikea, magumo a zwikhathi zwoṱhe. Ri magumoni a shango ḽa politiki. Ri magumoni a—a shango ḽa mupo. Ri magumoni a zwithu zwoṱhe. Ri vhufheloni ha tshithu tshiṅwe na tshiṅwe tsha mupo, ro lugela u dzhena ngomu.153 Ndi tshi ḓa ḽiṅwe ḓuvha, ndi a tenda uri ndo vha ndi tshi khou ya Shreveport, kana ndi tshi khou ḓa

32

huṅwe fhethu. Nda sedza. Nda ri, “Miri i khou fa. Hatsi vhu khou fa. Maluvha a khou fa. Ndi khou fa. Shango ḽi khou fa. Tshiṅwe na tshiṅwe tshi khou fa. Tshiṅwe na tshiṅwe shangoni ḽino tshi khou fa.” Ro dzula fhano matsheloni ano, ri khou fa.154 Ngangoho hu na shango huṅwe fhethu, hune tshiṅwe na tshiṅwe tshi sa fe. Arali hu na ḽiṅwe ḽine tshiṅwe na tshiṅwe tsha khou fa, hu tea u vha na ḽiṅwe ḽine tshiṅwe na tshiṅwe tsha khou tshila. Izwo ndi zwine ra zwi ṱulutshelwa, u swika afho fhethu hune ha vha na…miri ya ima i sa fi. Oo, hune tshiṅwe na tshiṅwe tsha sa fe huno tsha ima kha—kha vhugala ha Mudzimu.155 Zwino, zwino, ndimana tharu dza u thoma dze ra vha nadzo zwino, dzi tshi ri ṋea zwa murahu. Ya 1, “Nzumbululo ya Yesu Kristo.” Ya 2, “Yo ṋewa Yohane nga muruṅwa.” Huno ya 3, ndi, “Mashudu, phaṱhutshedzo kha avho vhane vha vhala, huno,” arali ni sa koni u vhala, “mashudu ane a pfa.” A ni koni u vhala? Itonu Ḽi pfa. Ndi zwenezwo fhedzi. “Mashudu ane a vhala, huno,” arali ni sa koni u vhala, “mashudu ane a pfa, ngauri tshifhinga tshi tsini.”156 Zwino, humbulelani zwine khenoni ya heyi ya amba, ndi uri, Yohane, muṅwali henefho, nga u i ṅwala, o…Uyu ndi Yohane hafha, a tshi khou tou ri “dziphaṱhutshedzo” na zwiṅwe-vho. Zwino, zwine nda elekanya uri zwo vha zwi zwone, kha Testamente Ndala, tshifhe o ima nga matsheloni huno a vhala Maṅwalo. Tshivhidzo tsha thetshelesa. Vhanzhi vho kundelwa u vhala. Ngauralo o ri, “Mashudu ane a vhala, na ane a pfa.” Ni a vhona? Muvhali na mupfi; uyo ane a vhala, huno a pfa, u na mashudu. Ngauralo arali na tou dzula na i thetshelesa, ni na mashudu. “Mashudu ane a vhala, na ane a pfa, ngauri tshifhinga tshi tsini.”157 Zwino, u bva kha ya 4 u ya kha ya 6 ndi ndumeliso kha Tshivhidzo. Zwino ri ṱoḓou dzhia kha iyi ya 4 na ya 6.158 Zwino, ri sa athu u i thoma, ndi ṱoḓa muṅwe na muṅwe a tshi lingedza u elekanya nga maanḓa zwino. Naa Ndi mini zwino? Ndi nzumbululo ya Yesu Kristo, he Mudzimu a bvisa lupila lwa tshifhinga. Hafha hu

33

na tshifhinga, tshe Yesu a kundelwa u tshi vhona musi O vha e fhano kha ḽifhasi, zwikhathi zwa tshivhidzo, zwine zwa ḓo itea. Ngauralo, Mudzimu o ṱusa lupila, a lu kokodzela murahu, huno a tendela Yohane u sedza ngomu huno a vhona zwe tshikhathi tshiṅwe na tshiṅwe tsha tshivhidzo tsha vha tshi tshi khou yo ita, huno a zwi ṅwala buguni nahone a zwi rumela kha zwivhidzo zwa sumbe.159 Naa ndi mini? Kristo o dzumbululwaho maḓuvhani a muito Wawe—Wawe. Yo ḓala muito, Bugu i zwezwo. Nahone ndi Bugu ya vhu—vhuporofita ye Kristo a ṋekedza, Mudzimu a ri ṋekedza nga muruṅwa Wawe, yo ṅwalwa nga Yohane. Huno ndi phaṱhutshedzo kha muṅwe na muṅwe a no ḓo I vhala kana u I pfa i tshi vhaliwa, ngauri—ngauri tshifhinga tshi tsini musi izwi zwi tshi khunyelela zwoṱhe. 160 Ri na nzudzanyo yavhuḓi zwino. Huno elelwani, ri khou humbula Tshivhidzo. Nga hangei kha sia ḽithihi, Tshivhidzo tsho thoma; nga hangei kha ḽiṅwe sia, tshivhidzo tshi a guma. Zwo engedzeaho khatsho, vhusiku ha Musumbuluwo, musi ri tshi thoma zwikhathi zwa tshivhidzo.

Yohane kha zwivhidzo zwa sumbe zwi re kha ḽa Asia: Tshilidzi kha inwi, na mulalo, zwi bvaho kha uyo a re hone,…we a vha e hone, nahone uyo a no ḓo ḓa; na zwi bvaho kha Mimuya ya sumbe ine ya vha phanḓa ha yone khuluṋoni.

161 Zwino ri khou dzhena kha zwipiḓa zwa tshiphiri na ngoho-ngoho zwa zwiga. Yo ṅwalelwa zwivhidzo zwa sumbe zwi re kha ḽa Asia Minor. Vho vha vhe na—vho vha vhe na…Zwi—zwikhathi, nga itsho tshifhinga, zwo vha zwi zwa u ḓa tshifhingani tshi ḓaho. Huno o vha hulisa nahone—nahone a vha khoḓela mushumo wavho na zwe vha ita. Fhedzi, zwino, yo ṅwalelwa izwo zwivhidzo, zwivhidzo zwa sumbe zwi re kha ḽa Asia Minor.162 Zwino, Asia Minor ḽo vha ḽi si ḽa Asia ḽoṱhe, dzhango ḽa Asia. Ḽo vha ḽi tshi tou vha tshipiḓa tshiṱuku. Vha ḓiambela uri, ndi fhethu hune

34

vhuhulu ha hone vhu nga ṱoḓou lingana na shango ḽa Pennsylvania, ni a vhona, kana tshiṅwe tshithu tsho raloho, kana Indiana; fhethu huṱuku fhedzi hune izwi zwivhidzo zwa sumbe zwa vha hone. Ho vha hu na zwo engedzeaho u fhira hezwo tshifhingani itsho. Huno, fhedzi, yo dzumbulula mvumbo yazwo. Zwino ndi khou vhala hafha zwe nda zwi wana nga u vhala hanga kha ḓivhazwakale yazwo.163 “Huno uyo o…Ho seṅwa uyo a no pfa huno, kana, huno a si Ḽi thetshelese.”164 Huno—huno zwino, i tsela fhasi ngomu ha tshifhinga tsha ndimana iyi ya 4 ine ra ṱoḓou ṱalutshedza tshiṅwe tshithu hafha. “Zwi bvaho kha Uyo we a vha e hone, huno a re hone, nahone a no ḓo ḓa, nahone u na Mimuya ya sumbe; zwi bvaho kha Mimuya ya sumbe i re phanḓa ha khuluṋoni Yawe.” Zwino, “Mimuya,” ri ḓo ya khayo ngavhuya.165 Zwino, hafha i bula, arali ni tshi ḓo dzhiela nzhele ngomu—ngomu henefho. Na kha ndimana ya 7, kana ndimana ya 8, U dovha a ḓa huno a amba, a tshi dovha a bula. Zwino sedzani. Zwivhidzo zwa sumbe zwi a ṅwalelwa. “Zwi bvaho kha Uyo a re hone, we a vha e hone, nahone a no ḓo ḓa. We a vha e hone, nga tshiṅwe tshifhinga; a re hone zwino; nahone a no ḓo ḓa.” Zwino, hafha U bula u vhonadzwa Hawe kararu, Hawe kararu ha mushumo Wawe.166 Zwino arali ni tshi ḓo dzhia ndimana ya 8. Ri ḓo ḓa khayo, nga tshifhinganyana fhedzi. Ri ḓo dzhia ndimana ya 8.

Ndi nṋe Alfa na Omega, murangi na mukhunyeledzi, u ralo Murena, a re hone,…we a vha e hone, nahone a no ḓo ḓa, Ramaanḓaoṱhe.

167 Zwino ro lavhelesa ndimana ya 4 na ya 6, dzoṱhe vhuvhili hadzo dzi a fana. Iṅwe, U ri, “Kha Uyo we a vha e hone, a re hone, a no ḓo ḓa.” Naa U khou lingedza u vheani phanḓa ha Tshivhidzo? Vhumudzimu Hawe. Ṋamusi, vhathu vha lingedza u Mu ita mu—muporofita. U fhira muporofita. Nahone vhaṅwe vhathu vha lingedza u Mu ita Midzimu

35

miraru. Ha Midzimu miraru. Ndi Mudzimu muthihi we a tshila kha ofisi tharu, u vhonadzwa huraru ha Mudzimu onoyo muthihi.168 Zwino, elelwani, iyi ndi Nzumbululo, “Huno a no i pfa huno a si vhulunge maambiwa a ino bugu, mukovhe wawe u ḓo ṱuswa kha bugu ya vhutshilo.” Yesu ha khou Ḓidzumbulula sa Midzimu miraru, fhedzi Mudzimu muthihi na ofisi tharu. Oo! I khou yo pfuma nga murahu ha tshifhinganyana, musi ri tshi dzhena kha izwo zwikhathi zwa tshivhidzo huno ra vhona he iyo vha i xedza hone. Yo vhanga u fhandekana huhulu kha Khoro Ya Nicaea. Zwoṱhe vhuvhili hazwo zwo pambuwa kha zwa ngoho-ngoho.169 Huno vho dovha vha ita zwenezwo zwithihi maḓuvhani haya a u fhedzisela, u tou fana hafhu na Khoro Ya U Rangela Ya Nicaea, ngauri hu ḓo vha na iṅwe. Vhunga ndi na vhuṱanzi ha uri ndo ima hafha, zwivhidzo zwa Kaṱoḽika na Porotestanti zwi ḓo ṱanganyisa tshiṅwe tshithu zwoṱhe, kana zwa anḓana nga tshazwo. Sedzani atshibishopo wa Canterbury hangei zwino. Zwoṱhe zwi khou vha thulwi zwoṱhe. Huno a hu na pfunzo ya Mudzimu wa vhuthihi ha vhararu Bivhilini. Hu na Mudzimu muthihi.170 Huno zwo dzumbululwa hafha Buguni ya Nzumbululo, uri khenoni yoṱhe ya Maṅwalo i nga sumbedzwa hafha, huno Kristo o vhea luswayo Lwawe khayo. Holu ndi Lwone. Arali muṅwe muthu-vho a ṱusa kana a engedza khayo, zwi fanaho na zwenezwo zwi ḓo ṱuswa Buguni ya Vhutshilo, u itela ene. Ngauralo sendelani kha heyi hu si nga vhuḓiḓivhi, sendelani kha heyi nga mbilu yo vuleaho na ṱhalukanyo yo vuleaho.171 Zwino, kha Khoro Ya Nicaea, vha ḓa kha phetho mbili khulwane. Kha…Oo, vhunzhi havho nga iḽo ḓuvha ḽa vhokhotsi vha u ranga vha tshivhidzo, vho vha vhe na mihumbulo mivhili mihulu. Muṅwe wayo wo vha u wa Mudzimu wa vhuthihi ha vhararu, mudzia-u-tenda-vhuraruthihi. Huno muṅwe wo vha u Mudzimu mu—muthihi. Huno yoṱhe vhuvhili hayo yo vha hone nahone ya bva nga matavhi mavhili o

36

onyolowaho, nnḓa nga nḓila iyo. Vhuthihi ha vhararu ho vha fhethu ha muthu wa midzimu miraru. Vhuthihi ho vha mudzia-vhuthihi, ho khakheaho nga kule sa zwe vhuṅwe ha vha vhu ngayo. Ngauralo hoṱhe vhuvhili haho ho ya kha matavhi, fhedzi henefha ngomu Hafha hu dzumbulula Ngoho.172 Yesu o kundelwa u vha Khotsi Awe ene muṋe. A hu na na tshithihi tshazwo, arali O vha e na khotsi nga nnḓa ha Muya Mukhethwa, zwenezwo Ndi ṅwana a si wa malofhani. Huno a si…Muya Mukhethwa wo Mu ima, huno A ri Mudzimu ndi Khotsi Awe. Ngauralo Muya Mukhethwa na Mudzimu…Iyo ndi Mateo 1:18. Arali…Muya Mukhethwa na Mudzimu vha tea u vha Muthu onoyo muthihi, kana O vha e na vhokhotsi vhavhili. Huno O vhidzwa Imanuele, ḽine ḽa vha, “Mudzimu u na riṋe.” O ḓiamba, musi O vha e fhano kha ḽifhasi, uri Ene na Khotsi vha Muthihi.173 Ndi na Maṅwalo oṱhe o ṅwalwaho hafha nnḓa u itela uri ni kone u wana, arali ro vha ri na iyi—iyi mbudziso, kana tshiṅwe tshithu.174 Zwino, musi O vhonadzwa hafha, sa ofisi ya kararu ya u vha hone Hawe, “Uyo we a vha e hone, Uyo a re hone, Uyo a no ḓo ḓa, Ramaanḓaoṱhe.” Zwino, a hu na Midzimu miraru henefho. Hu na Mudzimu muthihi.175 Huno kha Khoro Ya Nicaea, u ita hezwi, uri vha kone u ita hezwi, vho ḓo tea u dzhia vhuraruthihi, ngauri shangoni ḽa Vharoma vho vha vhe na midzimu minzhi. Vho rabela vhomakhulukuku vhavho vho faho. Ndi na ḓivhazwakale henehafha hune ri nga i redza. Ni a vhona? Vho rabela vhomakhulukuku vhavho vho faho. Ndi ngazwo vhe na Cecelia Mukhethwa, na Marcus Mukhethwa, na mukhethwa, mukhethwa, mukhethwa, mukhethwa, mukhethwa, mukhethwa.176 Musi, Muapostola Petro o ri, “A hu na muṅwe mupfumedzanyi vhukati ha Mudzimu na vhathu, nga nnḓani ha uyo Muthu Kristo Yesu.” Muthihi.177 Vho ḓo tea u vha na mudzimu wa vhuraruthihi. Ngauralo, vho—vho vha vhe na Jupiter, Mars, Venus. “Huno zwo vha zwi si zwone, u i vhea yoṱhe kha

37

Mudzimu muthihi,” ngauralo vho tou u pharukanya, huno vha ita ofisi dza kararu dza Mudzimu u vha Midzimu miraru yo fhambanaho.178 Fhedzi hafha U amba zwi khagala, kha Nzumbululo, Ane A vha ene. “Ndi Nṋe we a vha e hone, A re hone, nahone A no ḓo ḓa, Ramaanḓaoṱhe.” Ri ḓo I wana ngavhuyanyana hafha, O ri, “Ndi nṋe Alfa na Omega,” A u swika Z, yoṱhe, iyo alifabeta ya Tshigerika. “Volenga ḽa Govha, Dzuvha ḽa Sarona; Khotsi, Murwa, Muya Mukhethwa; Uyo we a vha e hone, a re hone, nahone a no ḓo ḓa; Mudzi na Ḓadzwane ḽa Dafita.” Ndi Mudzimu, Mudzimu. “Hu s-…” Timotheo Ya U Thoma 3:16, “Hu si na na khanedzo, ndi tshihulwane tshiphiri tsha u ofha Mudzimu: ngauri Mudzimu o vhonadzwa ṋamani, a vhonwa nga Vharuṅwa, a tendwa shangoni, a ṱanganedzwa Vhugalani.” Mudzimu! Hu si muthu wa vhuraru kana muporofita, fhedzi Mudzimu Ene muṋe, o vhonadzwa nga tshivhumbeo tsha muthu. Zwino, iyi ndi nzumbululo, elelwani.179 Zwino, Mudzimu, mathomoni, o vha e Jehovah muhulwane we a tshila e kha Khavhu ya Mulilo, yo nembelela nga nṱha ha Israele, huno ya vha ranga phanḓa. Uyo o vha e Mudzimu, Muruṅwa wa Mulanga. O tsela fhasi thavhani; thavha yoṱhe ya fara Mulilo. Mulilo wa fhufha u tshi bva thavhani, huno wa ṅwala Milayo ya Fumi. O vha a tshi vhidzwa “Vhukhotsi ha Mudzimu,” kha vhana Vhawe, lushaka Lwawe lwo nangiwaho lwa vhathu, Vhayuda.180 Zwenezwo Mudzimu onoyo muthihi o vhonadzwa muvhilini wo bebwaho nga musidzana we A u sika kha mbumbelo dza Maria, huno a tshila huno a dzula thaberenakeḽeni nahone a ṱharamudza dennde Yawe, sa zwe ya vha i zwone, vhukati ha vhathu. Huno Mudzimu onoyo muthihi o itwa ṋama huno a dzula vhukati hashu. Bivhili yo ralo. “Mudzimu o vha e kha Kristo.” Muvhili wo vha u Yesu. Yesu, “Kha Ene ho dzula u khunyelela u vha Mudzimu lwa tshivhili.” Ni nga si Mu ite vhathu vhararu, zwino. A ri lovhedzi kha Midzimu miraru. Hu na Mudzimu muthihi. Ni a vhona? Mudzimu muthihi. Zwino, onoyu Mudzimu muthihi o itwa ṋama.

38

O ri, “Ndo bva ndi ha Mudzimu, huno Ndi ya ha Mudzimu.”181 Nga murahu ha musi O no phinyela kha ḽifhasi, nga lufu Lwawe, u swiṱwa, na mvuwo, na thakhuwo, Paulo o ṱangana Nae nḓilani ya u ya Damaseko, musi a tshi kha ḓi vhidzwa “Saulo.” Huno Ipfi ḽa ḓa, huno ḽa ri, “Saulo, Saulo, ndi ngani u tshi Ntovhola?” A ri, “Naa U nnyi?” A ri, “Ndi nṋe Yesu.”182 Huno O vha e Khavhu ya Mulilo, Tshedza tshe tsha kombodza maṱo a muapostola. O vhuya murahu. Onoyo Yesu muthihi o humela murahu ha Mudzimu, Khotsi, hafhu. Ndi ngazwo O amba hafha, “Ndi nṋe Ramaanḓaoṱhe,” nga tshivhumbeo tshenetsho tshithihi tshe A vha e ngatsho A sa athu itwa ṋama; na muvhili Wawe we A tshila khawo, u no pfi Yesu, Muthu ane ra mu ḓivha, Yesu.183 Zwino, vhunga vhunzhi ha vhoinwi vhathu vha funwaho vha vhuthihi na lovhedza ngaḽo, “Dzina ḽa Yesu,” ni a khakha. Hu na Vhoyesu vha maḓana shangoni ṋamusi, fhedzi hu na Murena Yesu Kristo muthihi fhedzi. O bebwa e Kristo. Vhoyesu vhanzhi. Ndo no ṱangana na vhunzhi havho. Fhedzi hu na Murena Yesu Kristo muthihi, Ndi Mudzimu.184 Huno Khotsi, Murwa, na Muya Mukhethwa a si madzina. Ndi maimo a no ya kha Dzina ḽithihi. Vha lovhedza, “Dzina ḽa ‘Khotsi, Murwa, Muya Mukhethwa.’” Khotsi a si dzina, na Murwa a si dzina, na Muya Mukhethwa a si dzina. Ndi vhuimo, vhunga “muthu.” Izwo ndi zwine wa vha zwone, Muya Mukhethwa. Muthu…Kana, muya, Muya Mukhethwa. Zwenezwo na ri, “Nga dzina ḽa ‘Khotsi.’” Sedzani vhokhotsi, na vharwa vha vharwa vhaṋu. Sedzani vhathu ngomu hafha. Ni a vhona? “Khotsi, Murwa, na Muya Mukhethwa” a si dzina. Ndi vhuimo vhu no ya kha Dzina ḽa “Murena Yesu Kristo.”185 Iyo ndi nḓila ye Tshivhidzo tsha apostola tsha lovhedza ngayo, ngei mathomoni. Huno ndi ḓo humbela nnyi na nnyi uri a bveledze ḽiṅwalwa ḽithihi ḽa Luṅwalo, kana tshifhinga tshithihi kha ḓivhazwakale, he nnyi na

39

nnyi a vhuya a lovhedzwa Tshivhidzoni tsha Vhakriste nga iṅwe nḓila-vho hu si nga…fhedzi nga Dzina ḽa “Yesu Kristo” u swika tshivhidzo tsha Kaṱoḽika tshi tshi vhumbiwa. Huno vho ṱanganedza “Khotsi, Murwa, na Muya Mukhethwa” u itela ndaela. Zwino ḓisani ḓivhazwakale yaṋu, vhaṅwe, vhaḓivhazwakale. Iina. A hu na tshithu tsho raloho. Nga murahu ha 304 A.D., 304, hu ḓa ndovhedzo ya vhuthihi ha vhararu u itela Mudzimu wa vhuthihi ha vhararu, “Mudzimu Khotsi, Mudzimu Murwa, Mudzimu Muya Mukhethwa.” Ndi tshihedeni.186 Iyi vhege i sa athu fhela, ndi ḓo zwi vhala kha dzibugu huno nda ni sumbedza nga Bivhili. Ri khou amba matsheloni ano nga ha Nzumbululo, huno ra sumbedza hune ya dzhena hone, na uri yo thoma u vha hone hani. Murahu kha Ngoho, mukomana! Ri kha ḓuvha ḽa u fhedzisela.187 Lindelani u swika ri tshi wana itsho tshivhidzo tsha Efeso huno ra tshi fanyisa na tsha Laodikea, huno ra sedza uri ho bvelelani vhukati hazwo. Ni ḓo vhona uri itsho tshithu tsho kokovhela hani ngomu. A dzhena kha itsho tshikhathi tsha Luther, a ri, “U na dzina ḽa uri u a ‘tshila,’ fhedzi wo fa.” Ipfi ḽeneḽo Saradesi ḽi amba “wo fa.” Vho ḽi xedza kha miṅwaha ya maḓana a fumiṱhanu a Zwikhathi Zwa U Shaea Ha Nḓivho. Tshiṅwe na tshiṅwe tsha izwo zwivhidzo tsho ḽi vhulunga u swika tshifhingani itsho. Zwenezwo musi vho no vha na Khoro Ya Nicaea nga 606, huno-ha vha thutha iḽo Dzina huno vha ita Midzimu miraru Ngaḽo.188 O amba hafha, “Ndi nṋe We a vha e hone, A re hone, nahone a no ḓo ḓa, Ramaanḓaoṱhe.” Ngoho.189 O vha e na Muthu wa kararu kha ḽifhasi. Musi O vha e kha ḽifhasi, O vha e Muthu wa kararu. Kha ḽifhasi, O vha e Muporofita. Nahone na ngei Ṱaḓulu U, Tshifhe. Huno musi A tshi vhuya ḽifhasini hafhu, U ḓo vha Khosi. Muporofita, Tshifhe, na Khosi. We a vha e hone, a re hone, nahone a no ḓo ḓa. “We a vha e hone,” o vha e Yesu, muporofita. “We a vha e hone zwino,” ndi Tshifhe, a no khou ita zwiṱhavhelo zwa muya, Tshifhe Muhulu ane a nga kwamiwa nga vhuḓipfi ha

40

u shaya nungo hashu, huno a Ḓidzumbulula nahone a sumbedza uri Ene u vhukati hashu. Muporofita, Tshifhe, na Khosi, fhedzi Mudzimu Muthihi.190 Musi O vha e kha ḽifhasi, O vha e Muporofita, Ipfi. “Ṱhanzi i fulufhedzeaho,” Bivhili i Mu vhidza zwezwo, ngavhuyanyana. Ṱhanzi i fulufhedzeaho, ndi muporofita. O vha e Tshifhe, na musi…Ndi Tshifhe zwino, huno musi A tshi ḓa, U ḓo vha Khosi.191 Arali ni tshi ḓo ya nga hangei, vhalani Nzumbululo 15:3, ni nga vhona kha Nzumbululo 15:3. Kha ri ye nga hafhano huno ri vhone zwe A…arali A tshi khou yo vha Khosi, arali A Khosi musi A tshi ḓa. Zwino ri khou ya kha Nzumbululo, ndima ya 15 na ndi—ndimana ya 3.

Huno vha imba lwone luimbo lwa Mushe mulanda wa Mudzimu, na luimbo lwa Ngwana, vha tshi ri, Mishumo yau ndi mihulwane nahone i a mangadza, Murena Mudzimu Ramaanḓaoṱhe; nḓila dzau a dzi khakhi nahone ndi dza ngoho, iwe Khosi ya vhakhethwa.

192 Naa O vha e mini kha ḽifhasi? Muporofita. Naa vhathu vho ḓivha hani uri O vha e Muporofita? O ita tshiga tsha Mesia, we a vha e Muporofita. Oo, Dzina ḽa Murena nga ḽi fhaṱutshedzwe! Naa vho Mu pfela thungo hani? Ngauri vho vha vha tshi khou ṱoḓa tshiṅwe tshithu-vho. Huno O ita tshiga tsha Mesia, huno vha si tshi pfe. O vha e Muporofita.193 Mushe o ri, “Murena Mudzimu waṋu u ḓo vusa Muporofita a no nga nṋe. Zwi ḓo khunyelela arali vha si nga pfi uyu Muporofita, vha ḓo tumulwa vhukati ha vhathu.”194 O vha e Muporofita kha ḽifhasi, zwino, ngauri O vha e mini? “Ṱhanzi i fulufhedzeaho ya Ipfi ḽa Mudzimu.” Amene. O vha e Ipfi ḽa Mudzimu ḽo vhonadzwaho.195 Yohane Mukhethwa, ndima ya 1.

U rangani Ipfi o vha e hone, huno Ipfi o vha e na Mudzimu, huno Ipfi o vha e Mudzimu.

Huno Ipfi a itwa ṋama, huno a dzula vhukati hashu,…

41196 O vha e ṱhanzi ya ngoho nahone i fulufhedzeaho kha Ipfi ḽa U Ya Nga Hu Sa Fheli ḽa Mudzimu. O vha e Ipfi, e Ipfi ḽa Mudzimu. Huno, e Ipfi, O vha e Muporofita. Ngauri Ipfi ḽa Mudzimu ḽo elela nga Khae. O vha a tshi khou yo amba fhedzi Tshithu. “A thi koni u ita tshithu nga Nṋe muṋe, nga nnḓa ha zwine Khotsi a Ntsumbedza uri ndi ite. A si Nṋe a no ita mishumo. Fhedzi Khotsi a dzulaho kha Nṋe, U ita mishumo. Nṋe na Khotsi Anga ri muthihi. Khotsi Anga u kha Nṋe,” o ralo Yesu, Munna, Thaberenakeḽe.197 Mudzimu u na maimo manzhi: Jehovah, Jehovah-jireh, -rapha. Manase. Oo, manzhi! U na madzina-mbumbano a sumbe, a thengululo. U na maimo manzhi: Dzuvha ḽa Sarona, Volenga ḽa Govha, Ṋaledzi ya Mutsho; Khotsi, Murwa, Muya Mukhethwa. Hezwo zwoṱhe. Fhedzi U na Dzina ḽa muthu ḽithihi. Mudzimu o vha e na Dzina ḽithihi fhedzi, huno iḽo ḽo vha ḽi “Murena Yesu Kristo.”198 Musi A tshi bebwa, Kristo, Murena. Nga murahu ha maḓuvha a malo, Muya Mukhethwa wa vhidza Dzina Ḽawe “Yesu.” Mme Awe vha ita uri A rubiswe, huno vha Mu vhidza “Yesu.” O bebwa e Kristo.199 Vhunga, ndo bebwa ndi Branham. Ndo vha ndi Branham musi ndi tshi bebiwa, huno nda ṋewa dzina ḽa “William.”200 Amene. Huno O bebwa e Kristo, Mutshidzi. Huno musi E na maḓuvha a malo, A ṋewa dzina ḽa “Yesu.” Huno O vha e Murena wa Vhugala, o vhonadzwaho. Ngauralo, Ndi ene Murena Yesu Kristo, Mudzimu wa Vhugala o vhonadzwaho vhukati hashu. Oo, Ngoyo!201 Kha ḽifhasi, O vha e Muporofita. Vhugalani, Ndi ene Tshifhe. A tshi ḓa, Ndi Khosi. Oo! Izwo ndi a zwi funa. Muporofita, “Ṱhanzi i fulufhedzeaho ya Ipfi.” Tshifhe, “Nga Malofha A Ene muṋe phanḓa ha Mudzimu.” Khosi, “Khosi ya vhakhethwa.” Hu si ni khosi ya shango, zwino. Ndi ene Khosi ya vhakhethwa. Ri na mahosi a ḽifhasi a no vhusa vhathu. Fhedzi ri na Khosi, na riṋe-vho, na Muvhuso. Ndi ngazwo ri tshi ḓifara nga nḓila yo fhambanaho.

42202 Vhunga ndo amba zwa zwenezwino, nga ha mufumakadzi wanga, ro vha ri tshi khou ya vhengeleni hafha nṱha huno ra vhona ḓembe, kaṱukuṱuku. Ho vha hu tshifhinga tsha tshilimo, musadzi o ambara rokho. Huno nda ri, “Itsho ndi tshithu tshi kanukisaho.” Nda ri, “Arali ndo vha ndi na khamera yanga, ndo vha ndi tshi ḓo dzhia tshifanyiso tsha uyo mufumakadzi.” Ni a vhona? Ngauri riṋe…Uyo o vha e musadzi wa u thoma we ra mu vhona o ambara tshikete, ni a ḓivha, o ambara sa zwine mufumakadzi a tea u vha zwone, vhasadzi vhoṱhe.203 A ri, “Zwo luga, ndi ngani zwo ralo, Bill, zwauri vhathu vha hashu vha ambara, naa ndi ngauri ri—ri a laiwa?”204 Nda ri, “A si vhathu vha hashu. Ndi vhathu vha Mudzimu. Vhathu vha Mudzimu, vha ṱoḓa vhukhethwa.” Ha pfi, “Ndi zwone, naa a vha yi tshivhidzoni?”205 Nda ri, “Hu na mufumakadzi henefho, ane a imba kha khwairi kha tshiṅwe tshivhidzo fhano.” “Ndi zwone, zwenezwo, ndi ngani izwo?”206 Nda ri, “Ngauri ha funzwi lwo fhambanaho.” Izwo ndi zwone kokotolo.207 Ngetsho itsho tshivhidzo tsha ṋama, ri ḓo dzhena khatsho ino vhege; Tshivhidzo tsha muya, tshivhidzo tsha ṋama. Zwoṱhe zwi khou sudzulutshela murahu kha zwivhidzo zwa mme. Bivhili yo amba, kha Nzumbululo 17, uri vha ḓo zwi ita. Vha khou vhuya zwa zwino, vhone vhoṱhe, vha tshi ḓifara sa yone, vha tshi dzudzanya. “Zwo luga ḽiṅwe…Ri a dzudzanya. Ri hetshi nahone ri hetsho.” Zwo vha zwi songo ralo mathomoni. Hu tshi dzhiwa maanḓa oṱhe kha tshivhidzo huno a tshi vhewa kha bishopo kana mupapa. Mudzimu u Tshivhidzoni Tshawe, vhukati ha vhathu Vhawe, a tshi khou Ḓivhonadza nga miraḓo zwayo nahone huṅwe na huṅwe, zwino. Fhedzi kha ḽino ḓuvha… A ri, “Zwo luga, naa a ri Vhaamerika?”208 Nda ri, “Hai. Ri dzula fhano, fhedzi a ri Vhaamerika. Ri Vhakriste. Muvhuso washu ndi wa Nṱha.”

43209 Huno arali vhutshilo hashu vhu tshi bva Hangei nṱha, zwenezwo ri ḓifara nga u ralo. Ngauri, ri ḓa…Vhutshilo hashu vhu bva Fhethu hukhethwa. Vhu vhonala ho fhambana. Vhu ambara lwo fhambanaho. Vhasadzi Hangei nṱha vha na mavhudzi malapfu. Nahone a vha ḓoli tshiḓolo tshifhaṱuwoni tshavho. Huno—huno a vha ambari dzishothi. Vha—vha ambara zwikete, na dzinguvho ndapfu na dzirokho. Huno vha na mavhudzi malapfu, na zwithu. Ngauralo ku—kudzulele kwaho, ku bvaho Hangei nṱha, ku a ḓivhonisa murahu kha riṋe.210 Vhanna a vha dahi, u ṱafuna, u zwifha, u tswa. Vha a ḓa, mimuya yavho, i bva Fhethu hukhethwa, hu vha ita uri vha ḓifare nga nḓila khethwa, vha limuwana nga tshavho sa vharathu. Uh-huh. Izwo ndi zwone.211 Ri vha Muvhuso, huno ri na Khosi. Huno Ndi ene Khosi ya vhakhethwa. Huno ipfi mukhethwa ḽi bva kha ipfi ḽa “vho khethefhadzwaho.” Zwenezwo musi muthu o khethefhadzwa, Kristo, Muya Mukhethwa u dzhena mbiluni huno wa vha Khosi khae. Yawee, nṋenṋe! Izwo zwi tea u pfala. Oo! Musi mudzio wo khethefhadzwaho wa Mudzimu…Kristo, Khosi, Muya Mukhethwa, u a dzhena. Huno Ene…Khosi i na vhulangi Hayo. Amene. Huno vhuvha haṋu hoṱhe hu vhuswa nga Khosi ya vhakhethwa. Muvhuso! Muvhuso muṅwe na muṅwe kha ḽifhasi u ḓo dzinginyiswa, wa kherukanywa nga maanḓa a atomo. Fhedzi Bivhili i ri, “Ri ṱanganedza Muvhuso une u nga si sudzuluswe.” Amene. Ngeyo, Khosi ya vhakhethwa.212 Ndi ṱoḓa ni tshi dzhiela nzhele zwiga zwa Kristo, na zwone, Bivhilini na fhano kha ḽifhasi. Kha ḽifhasi, O vha e Muporofita. Izwo ni a zwi tenda? [Tshivhidzo tshi ri, “Amene.”—Mudz.] Muporofita ndi Ipfi. Izwo ri a zwi ḓivha. Ipfi muporofita ḽi amba “muṱalutshedzi o khethefhalaho wa Ipfi.” Ipfi ḽo khethefhalaho ḽo ṅwaliwa, huno muporofita u na Muya wa Mudzimu wo khethefhalaho ngomu hawe. Huno, ni a ḓivha, muporofita kha Testamente Ndala o vha a tshi vhidzwa “mudzimu.” Naa ndi vhangana vho zwi ḓivhaho izwo?

44213 Yesu o ri, “Arali vho vha vhidza midzimu…Naa a zwo ngo ṅwaliwa, mulayo waṋu, vha zwezwo, ‘Ni midzimu’? Huno arali vho vha vhidza ‘midzimu,’ vhe Ipfi ḽa Mudzimu ḽa ḓa khavho, muporofita, naa ni ḓo Nkhaṱula hani musi Ndi tshi ri Ndi Murwa wa Mudzimu?”214 Ngauri, o vhidzwa “mudzimu,” ngauri o hwala Ipfi ḽa Mudzimu ngomu hawe, U RALO MURENA. Ngauralo-ha, ipfi muporofita ḽi amba, “ṱhalutshedzo yawe—yawe a i tei u vanganywa.” Ni a vhona? Arali Mudzimu…U ri, “Arali hu na muṅwe vhukati haṋu, a re wa muya, kana muporofita, Nṋe Murena ndi ḓo amba nae. Zwine a amba zwi tshi khunyelela, zwenezwo ni mu pfe, ngauri Ndi nae. Fhedzi arali zwi sa khunyeleli, zwenezwo ni songo mu pfa; A tho ngo mu ruma.” Iyo ndi nḓila ine na zwi ḓivha ngayo. Huno zwenezwo, ni a vhona, ṱhalutshedzo yo khethefhalaho ya Ipfi i tea u tendelana na iyi nzumbululo ya u fhedza ya u ya kha tshivhidzo.215 Ndi ene Mudzimu, Ramaanḓaoṱhe. Kha ḽifhasi, O vha e Muporofita, ane a vha goni. Naa ndi vhangana vha no ḓivha uri muporofita u dzhiwa sa goni? [Tshivhidzo tshi ri, “Amene.”—Mudz.]216 Goni ndi tshiṋoni tsho khwaṱhesaho tshine ra vha natsho, tshi re na maanḓa nga maanḓesa. Dziṅwe dza phapha dzaḽo dzi ṱharamuwa fithi dza fumiiṋa, u bva ṱhodzini u ya ṱhodzini. Ḽi nga dzhia nahone ḽa fhufha nṱha nga maanḓa lune arali tshiṅwe tshiṋoni-vho tsha lingedza u ḽi tevhela, tshi ḓo phamukana, mithenga ya wa i tshi bva khatsho huno tsha fhandekana. Ngauri mulandu? Ḽo fhaṱwa lwa sipeshala. Huno zwi tshi farisani u swika nṱha zwingafho arali tshi sa koni u vhona zwine tsha khou ita musi tshi hangei nṱha? Ni amba nga ha iṱo ḽa lurwanzhivha? Ni fanela u vhona iṱo ḽa goni.217 Lurwanzhivha lu nga, kona u vhona khukhwana. Izwo ndi zwone. Iyo ndi yone thaidzo kha vhuṅwe ha uvhu vhurwanzhivha ṋamusi. Uh-huh. Fhedzi, ndi a ni vhudza, goni ḽi ṱuwa nga u ralo, arali lurwanzhivha lwo lingedza u ḽi tevhela,

45

lwo vha lu tshi ḓo fa. Lwo vha lu tshi ḓo dakaila. Lu nga si swike ngomu ha izwo zwikhala zwine goni ḽa swika khazwo.218 Huno zwenezwo ḽi na iṱo, ḽine ḽi nga kona u vhona kule nga maanḓa, musi ḽo no swika hangei nṱha. Ngauralo ndi ngazwo Mudzimu o vhidza vhaporofita Vhawe, “magoni.” Ḽi swika hangei nṱha, huno ndi goni. Ḽi kona u vhona, kule-kule.219 Huno Kristo, kha ḽifhasi, o vha e Goni. Musi A tshi fa, O vha e Tshifhe, ngauralo izwo zwo Mu ita Ngwana. Naa izwo ndi zwone? [Tshivhidzo tshi ri, “Izwo ndi zwone.”—Mudz.] Huno musi A tshi ḓa hafhu, Ndi Khosi, ngauralo U ḓo vha Ndau, amene, Ndau ya lushaka lwa Yuda. Amene. Ndi Goni, Ngwana, na Ndau; amene; Khotsi, Murwa, na Muya Mukhethwa; Muporofita, Tshifhe, na Khosi; We a vha e hone, a re hone, nahone a no ḓo ḓa; Ramaanḓaoṱhe; Alfa na Omega, u bva mathomoni u swika vhufheloni, Mudzimu wa U Ya Nga Hu Sa Fheli.220 Ndi ṱoḓou ni vhudzisa, vhaṅwe vha vhoinwi vhathu vha vhuṱhogwa vha Kaṱoḽika, vha no vhidza hezwo, “U vha murwa wa Mudzimu ha U Ya Nga Hu Sa Fheli; Mudzimu, u vha murwa ha Yesu Kristo ha U Ya Nga Hu Sa Fheli na Mudzimu.” Naa ni nga amba hani ipfi ḽo raloho? Ndi popo, i re na pfunzo ya gireidi ya vhusumbe, fhedzi ndi ḓivha zwa khwine u fhira hezwo. Ipfi murwa ḽi tea u vha na mathomo. Ngauralo naa A nga vha hani wa U Ya Nga Hu Sa Fheli huno a vha murwa? Vhutshilo-tshoṱhe a vhu na mathomo kana vhufhelo. Ngauralo, A nga si vhe murwa, murwa wa U Ya Nga Hu Sa Fheli, huno zwenezwo a vha na mathomo, ngauri a hu na tshithu tsho raloho tshi no nga murwa wa U Ya Nga Hu Sa Fheli. Murwa o vha e na mathomo, ngauralo a nga si vhe wa U Ya Nga Hu Sa Fheli.221 Ni a vhona, Ndi ene Mudzimu wa U Ya Nga Hu Sa Fheli, hu si murwa wa U Ya Nga Hu Sa Fheli. Vhugala! Ramaanḓaoṱhe, Jehovah-jireh, Jehovah-rapha, o vhonadzwaho ṋamani, “Kha Ene hu dzula u khunyelela u vha Mudzimu lwa tshivhili.”

46222 Huno nga Ḓuvha ḽa Pentekoste, musi iyo Khavhu ya Mulilo yo tsela fhasi kha vhathu, naa no dzhiela nzhele, Yo Ḓifhandekanya? Huno ndimi dza Mulilo dza kavha kha muṅwe na muṅwe wavho. Mulilo, vhunga dzindimi, dzo kavha kha muṅwe na muṅwe. Naa Mudzimu o vha a tshi khou itani? A tshi khou Ḓifhandekanya Tshivhidzoni, kha muṅwe na muṅwe, a tshi khou ṋea vhasadzi, vhanna, na vhone vhoṱhe; ho vha hu zwipiḓa zwa Muya Wawe, a tshi Ḓikovhekanya kha Tshivhidzo Tshawe.223 Naa muthu a nga ḓa hani huno a ri, “Muthu mukhethwa ndi mupapa. Muthu mukhethwa ndi bishopo”? Muthu Mukhethwa ndi Kristo, Muya Mukhethwa kha riṋe. Naa ni nga amba hani zwauri miraḓo zwayo a i na ipfi ḽine i nga ḽi amba? Muṅwe na muṅwe waṋu u na tshiṅwe tshithu tshine a nga tshi amba. Muṅwe na muṅwe waṋu u na mushumo une a tea u u ita. Muṅwe na muṅwe waṋu u tea u hwala Mulaedza. Vhugala!224 Muya Mukhethwa wo Ḓifhandekanya nga Ḓuvha ḽa Pentekoste. Mudzimu, a tshi khou Ḓifhandekanya. “Nga iḽo ḓuvha ni ḓo ḓivha zwauri Nṋe ndi kha Khotsi, Khotsi kha Nṋe; Nṋe kha inwi, na inwi kha Nṋe.”225 “Iḽo ḓuvha,” Muya Mukhethwa, “nga nṱha ha vhoṱhe, kha vhoṱhe, nga vhoṱhe.” Amene. Ngoyo. Muya Mukhethwa u na pfanelo ya u tshimbila huṅwe na huṅwe hune Wa ṱoḓa, kha nnyi na nnyi ane Wa ṱoḓa. A ni tei u dzhia zwine muṅwe bishopo kana tshifhe a amba. Ndi ene Tshifhe washu fhedzi, ndi zwone, Tshifhe Muhulu. Zwino: Muporofita, Tshifhe, na Khosi.226 Zwino:

Na…Yesu Kristo, a re ṱhanzi i fulufhedzeaho,…tanzhe kha vhafu,…(Ri ḓo dzhena kha hezwo.)…na mukololo wa mahosi a ḽifhasi. Kha ene we a ri funa, nahone a ri ṱanzwa zwivhi zwashu nga malofha a ene muṋe,

227 Ipfi ṱanzwiwa henefho, vhukuma, nga Tshigerika, ḽi amba “u vhofholola.” O ri vhofholola kha zwashu…Ro vha ro vhoxwa kha ḽifhasi, nga tshivhi

47

tshashu. Ro kundelwa u vhona, ro kundelwa u pfa, ro vha ri si na muhumbulo wa Ṱaḓulu kana tshithu. Fhedzi musi Malofha o tsela fhasi, O tumula thambo huno ra vhofhololwa. Oo!228 Ndo vhala nganea nga tshiṅwe tshifhinga, ndi…i nga fanela zwavhuḓi henehafha. Mulimi o fasha funguvhu huno a ḽi vhofha. Huno a ri, “Ndi ḓo funza maṅwe mahunguvhu ngudo.” Ngauralo a vhofha funguvhu ḽa kale, nahone kha mulenzhe, nga ludzi, huno itsho tshithu tshi ṱungufhadzaho tsha kale tsha ṱoḓou sika. Ḽo vha ḽo kulea nungo nga maanḓa, ḽi sa koni na u mona-mona. 229 Izwo ndi zwe, maṅwe a haya madzangano na zwivhidzo, zwa vhofha vhathu fhasi. “Ni nga si tou kona! Zwo luga, uvhu ndi vhukule hoṱhe vhune ni nga ya. Maḓuvha a maḓembe o fhira.” Iina. No tou vhoxwa. Ndi zwenezwo fhedzi. “A hu na tshithu tsho raloho tshi no nga Muya Mukhethwa. A u ambi nga dzindimi sa zwe Wa vha u tshi anzela u ralo.”230 Ndi ene Mudzimu. “U tou vha a sa shanduki mulovha, ṋamusi, na lini na lini,” Vhaheberu 13:8, a tshilaho zwivhidzoni zwoṱhe. Ri ḓo swika khazwo nga murahu ha nzudzanyo ya matsheloni ano. Ni a vhona? Ndi ene Mudzimu, a no tshila kha tshikhathi tshiṅwe na tshiṅwe tsha tshivhidzo. U ḓo tshila kha tshikhathi tshiṅwe na tshiṅwe tsha tshivhidzo, u ḓo tshila kha vhathu Vhawe, a tshila lwa Vhutshilo-tshoṱhe. Ngauri zwino ngomu hashu, ri na, Vhutshilo Vhu Sa Fheli.231 Ngauralo, iyi dinomineisheni yo mu vhofha, ni a vhona, “Ndi zwone, maḓuvha a maḓembe o fhira. A hu na tshithu tsho raloho tshi no nga phodzo ya Muya.” Muthu a ṱungufhadzaho wa kale o ṱudza u swika a tshi ṱungufhadza nga maanḓa lwe a kundelwa u tshimbila.232 Huno ḽiṅwe ḓuvha ho vha na munna wavhuḓi we a ḓa, huno a ri, “Ni a ḓivha, iḽo funguvhu ḽi ṱungufhadzaho ḽa kale, ndi ḽi pfela vhuṱungu nga maanḓa. Iṱali, ḽi nga ḓi vha ḽo vha ḽi tshi khou wana ḽivhele ḽaḽo, fhedzi iyo ndi yone nḓila i yoṱhe ine ḽa tshila ngayo. Ḽi tea u vha na tshiṅwe tshithu tshine ḽa ḽa. Ngauralo a ḽo ngo ḓivha iṅwe phambano-vho, ḽi tou vha henefho nnḓa u wana ḽivhele.”

48

Ngauralo arali zwenezwo o dzhia lwawe…Huno a dzhia lufhanga lwawe huno a vhofholola iḽo funguvhu ḽa kale. Huno u a ḓivha…233 Ngea maṅwe mahunguvhu a a ḓa, a ḓa hangeno, a ri, “Iḓani, Johnny Crow. Kha ri ye Tshipembe. Mutsho u rotholaho u khou ḓa.”234 Ni a ḓivha uri mini? Iḽo funguvhu ḽi ḓo ya vhukule vhune ḽi nga kona u ya ngei nnḓa. Ḽo ri, “Ndi nga si zwi ite. A si, zwi tou vha zwi si zwashu kha ḽino ḓuvha. Riṋe—riṋe ri nga si tou kona u zwi ita.” Ni a vhona? Ḽo vha ḽo vhoxwa lwa tshifhinga tshilapfu nga maanḓa, u swika ḽi tshi elekanya uri ḽi kha ḓi vha ḽo vhoxwa. Ni a vhona?235 Huno iyo ndi yone nḓila kha vhunzhi ha vhathu, no vhoxwa nga dzindaela na dzidinomineisheni, dzi bvaho kha mme wa kale a re murengisamuvhili ngei murahu, a tshi ni vhudza, zwauri, “Yesu Kristo a si a sa shanduki. Huno a hu na tshithu tsho raloho tshi no nga phodzo. A hu na ndovhedzo ya Muya Mukhethwa. A hu na zwithu zwi no nga hezwo.” A tshi khou lingedza u ni vhudza zwone. No vhoxwa lwa tshifhinga tshilapfu nga maanḓa u swika ni tshi kha ḓi elekanya uri no vhoxwa.236 Muthu wavhuḓi, Kristo, o ṋekedza Malofha Awe uri A kone u ri ṱanzwa nahone a ri vhofholola tshivhini tshashu. Naa tshivhi ndi mini? Ndi ḓo vhudzisa nnyi na nnyi uri a mmbudze. Naa tshivhi ndi mini? Tshivhi ndi “u sa tenda.” Izwo ndi zwone. “A sa tendi o no ḓi haṱulwa.”237 Huno tshivhi tshaṋu ndi tshone tshithu tshaṋu tshi tshoṱhe tshi no ita uri ni songo vhofholowa. Ndi ngauri Mudzimu o ni vhofholola kha u sa tenda haṋu, fhedzi no vhoxwa nga maanḓa nga dzindaela u swika ni tshi kha ḓi elekanya uri no vhoxwa. Ni tshi khou tou sika, ni a vhona, ni tshi khou ṱudza u mona hoṱhe, “Ndi Mupuresbiterieni. Ndi Mumeṱhodisi. Ndi Mubaphuthisi. Vha a mmbudza (nṋe ndi Tshivhidzo tsha Kristo), ‘Maḓuvha a maḓembe o fhira. A hu na tshithu tsho raloho.’”238 Iwe funguvhu ḽi ṱungufhadzaho ḽo sikaho! Ndi ngani u sa ḓi matsheloni ano? Ndi ngani u sa fhufhi?

49

Haḽeḽuya! “Takuwa u na phapha dza nga matsheloni, huno u fhufhele kha Ḓuvha ḽa U Luga, ḽi na phodzo kha phapha Dzaḽo.” Amene. Izwo ndi zwone. Izwo ndi zwone, mukomana, khaladzi. Oo! “Uyo we Murwa a mu vhofholola, o vhofhololwa nga ngoho.” Ee, muṋe wanga!239 “Zwo luga, mufunzi wanga…” A hu na tshithu nga ha hezwo. Bivhili yo ri no vhofhololwa. Izwo ndi zwone. No vhofhololwa.

“Tshivhidzo tshanga…”240 Zwo luga, vhofhololwani. “O ri ṱanzwa nahone a ri vhofholola kha dinomineisheni dzashu, nga Malofha A Ene muṋe,” huno o ri vhofholola uri ri kone u ḓielekanyela, huno ra ḓiitela, huno ra ḓiambela, nahone ra ḓiedzela.241 “Zwo ralo, arali ndo humela murahu huno nda vhudza mufunzi zwauri ndi ḓo tea u dovha nda lovhedzwa, o vha a tshi ḓo…”242 Mini-ha nga ha, “No vhofhololwa”? Iyi ndi nzumbululo, ni a ḓivha. Zwo luga. No vhofhololwa.243 Arali no shashiwa nga tshinwiwa tshiṱuku tshi re na muṋo nga nḓila iyi, dzina ḽa “Khotsi, Murwa, na Muya Mukhethwa,” ngeḽi tivha ḽi re fhano, ḽo lugaho matsheloni ano, ḽi re na maḓi. Ni a vhona? Ee, muṋe wanga. A si zwone.244 Ngauralo, a ni tsha vha o vhoxwaho. No vhofhololwa, fhedzi khamusi a ni zwi ḓivhi. Fhedzi i ri ni ndi ni vhudze matsheloni ano, Bivhili yo ri, “O ri vhofholola zwivhini zwashu, u sa tenda hashu, uri ri kone u ṱanganedza Nzumbululo ya Yesu Kristo.” Ṱuwani, no vhofhololwa!…a ni tei u dzhia zwine tshiṅwe tshivhidzo-vho tsha amba nga Hayo. Dzhiani zwe Mudzimu a amba nga Hayo. Ngeyi Nzumbululo Yawe i no khou dzumbulula Ane A vha ene.245 “Tshifhinga tshoṱhe ndo tenda zwauri Mudzimu Khotsi u na ndebvu ndapfu, tshena, mavhudzi matshena; huno Murwa e munna wa murole wa vhukati; huno Muya Mukhethwa u mutukana a no ḓisa mashudu.” Mukomana, itsho ndi tshihedeni. Izwo ndi zwa tshihedeni arali ni tshi tenda kha Midzimu miraru.

50246 Mulayo wonoyo wa u thoma, naa ndi ufhio Mulayo wa u thoma? “Ipfa iwe, Oo Israele: Ndi nṋe MURENA Mudzimu wau, Mudzimu muthihi.” Izwo ndi zwone.247 Ndi ene Mudzimu muthihi, hu si midzimu miraru. O tshila kha ofisi tharu, a shumela fhethu huraru. Ndi ene Muporofita, Tshifhe, na Khosi. Ndi ene Goni, Ngwana, na—na Ndau. Ndi ene Volenga ḽa Govha, Dzuvha ḽa Sarona, Volenga ḽa Govha, na Ṋaledzi ya Mutsho, Mudzi na Ḓadzwane ḽa Dafita. Ndi ene u bva A u swika Z. Ndi ene Khotsi, Murwa, na Muya Mukhethwa. Ndi ene hezwo zwoṱhe, fhedzi Ndi Muthihi. Ndi ene Mudzimu muthihi. Ayo ndi maimo Awe a no ya Khae, fhedzi hu na Mudzimu muthihi.248 Na kathihi a hu athu vha na nnyi na nnyi, ḽiṅwe siaṱari-vho ḽa Bivhili kana kha ḓivhazwakale, u swika kha tshivhidzo tsha Kaṱoḽika, we a vhuya a lovhedzwa nga u mbwandamedzwa nga dzina ḽa “Khotsi, Murwa, Muya Mukhethwa.”249 Arali na ntsumbedza siaṱari kana tshiṅwe tshithu-vho, inwi tshi ṅwaleni, ni mmbetshele tshone hafha, madekwana a ṋamusi, huno ndi ḓo bva kha tshino tshivhidzo, ndi tshi ri, “Ndi muhoi; ndo funza vhathu zwo khakheaho.” Arali ni tshi nga ntsumbedza ḽiṅwalwa ḽithihi ḽa Luṅwalo, kana na nnḓisela ḓivhazwakale nthihi, ḓivhazwakale ya vhukumakuma, i no ḓo ntsumbedza he avho vhathu vha vhuya vha lovhedza, Bivhilini, nga dzina ḽa “Khotsi, Murwa, Muya Mukhethwa.” Kana, nnḓiseleni ṱhanziela nthihi, kana bugu nthihi ya ḓivhazwakale, siaṱari ḽithihi, muredzo muthihi kha ḓivhazwakale, he nnyi na nnyi a vhuya a lovhedzwa nga dzina ḽa “Khotsi, Murwa, Muya Mukhethwa,” u swika kha Khoro Ya Nicaea ya tshivhidzo tsha Kaṱoḽika. Iḓani, nnḓiseleni wone; huno ndi ḓo pereṱedza tshiga muṱanani wanga huno nda tshimbila vhukati ha Jeffersonville, nahone inwi ni murahu na luṋanga, ni tshi khou lu lidza. Ndi ḓo tshi vhea henefho, “Muporofita wa khole-khole, a no khou khakhisa vhathu.”250 Huno, mufunzi, arali ni hone fhano matsheloni ano, no vha ni tshi ḓo ita hezwo, ni fanela u ntendela u ita hezwo kha inwi. Ni a vhona? Iḓani, ntsumbedzeni. Fhedzi ni a ofha.

51251 Zwino, naa ndi mini? Iyi ndi Nzumbululo. Iyi ndi Nzumbululo. Huno uyu ndi Muya Mukhethwa, Kristo, a tshi khou rumela Mulaedza Wawe kha zwivhidzo. U pfeni. U pfeni. Izwo ndi zwine Bivhili ya funza.252 Naa yo dzhena ngafhi? Arali ni si nga sinyuwi, na ṱuwa, kha vhege, ni—ni ḓo wana Khoro Dza Nicaea. Wanani Two Babylons ya Hislop. Wanani…253 Zwino, ḓivhazwakale ya Josephus yo luga, fhedzi o ṅwala fhedzi phara nthihi ya Kristo, a ri, “Ho vha hu na munna a no pfi Yesu we a gidima u mona hoṱhe, a tshi khou fhodza vhathu. Huno—huno a fa, kana, hai, Pilato a mu vhulaha, nahone—nahone, kana Herode, kana a mu vhulaha. Huno zwenezwo vhafunziwa vha ya huno vha tswa muvhili wawe, huno vha u dzumba. Huno zwenezwo vhusiku vhuṅwe na vhuṅwe vha ya vha tshea tshipiḓa tshawo vha tshi ḽa.” Ha pfi, “Vho vha vhe madyavhathu.” Ngauralo, vho vha vha tshi khou dzhia tshilalelo, ni a vhona. Ṱhalukanyo ya ṋama! Josephus a si ane a tea u thetsheleswa.254 Fhedzi dzhiani Foxe’s Book Of The Martyrs. Ngeyo yavhuḓi ya vhukumakuma. Foxe’s Book Of Martyrs, naa ndi vhangana vhe vha vhuya vha i vhala? [Tshivhidzo tshi ri, “Amene.”—Mudz.] Ngoho. Early Ages ya Pember, kana—kana Two Babylons ya Hislop, kana—kana iṅwe ya vhukumakuma khulwane. Kana, khu—khulwanesa nga maanḓesa ine ra vha nayo ndi Khoro ya Nicaea, Khoro Ya U Rangela Ya Nicaea na Khoro ya Nicaea. Huno ni a wanulusa henefho, zwe zwa sa buliwe na kathihi, a hu na vhathu.255 Dzhiani Maṅwalo Makhethwa huno ni vhone arali ho vhuya ha vha na nnyi na nnyi Bivhilini we a vhuya a lovhedza, a tshi khou shumisa ayo maimo, dzina “Khotsi, Murwa, na Muya Mukhethwa.” Zwi sumba midzimu miraru. Ndi zwa vhuṱambo ha tshihedeni. Huno Vhukaṱoḽika a si tshiṅwe tshithu-vho shangoni nga nnḓa ha tshivhumbeo tsha tshi—tshihedeni tsha Vhukriste. Huno u bva kha tshivhidzo tsha Kaṱoḽika hu ḓa Martin Luther, John Wesley, Mubaphuthisi, Vhapuresbiterieni, na vhaṅwe-vho.

52256 Fhedzi maḓuvhani a u fhedzisela ho vha hu na vothi ḽe ḽa dzheniswa henefhaḽa vhukati, ḽe ḽa vula Ngoho hafhu, uri, “Bivhili yo ralo,” na muporofita muhulwane we a vha a tshi tea u ḓa kha ḽifhasi maḓuvhani a u fhedzisela. Huno ri tenda zwauri u khou ḓa. Sedzani. Huno u ḓo vha na Tshivhidzo. Zwino, izwi ri ḓo zwi vhona, zwino.257 Zwino, elelwani, iyi ndi Nzumbululo. Ni nga si kone u ṱusa Khayo. Zwino, ndi khaedu-ḓe nandi! Wanani muthu muthihi Bivhilini, fhethu huthihi he vha vhuya vha lovhedza nnyi na nnyi nga dzina ḽa “Khotsi, Murwa, Muya Mukhethwa,” kana vha vhuya vha shasha nnyi na nnyi, wanani hezwo Bivhilini, u itela khangwelo ya zwivhi zwavho. Na kathihi a vho ngo ralo. Huno muthu muṅwe na muṅwe, hu sa londwi uri vho lovhedzwa hani, vho ḓo tea u ḓa huno vha lovhedzwa, hafhu, nga Dzina ḽa “Yesu Kristo,” u wana Muya Mukhethwa.258 Mishumo 19, “Paulo o buḓekanya khunzikhunzi ya nṱha ya Efeso, a wana vhaṅwe vhafunziwa.” A ri, “Vhafunziwa.” Vho vha vhe na muṱangano muhulwane. Vho vha vha tshi khou tevhela munna ane dzina a pfi Apolo, we a vha e ramilayo o rembuluwaho; Mubaphuthisi we a tenda kha Yohane Mulovhedzi, huno a tshi khou sumbedza nga Maṅwalo uri Yesu o vha e Kristo.259 Paulo a buḓa huno a vhona Akwila na Prisila, kha ndima ya 18 ya Mishumo. Huno zwenezwo a ya u vha na tshiswiṱulo, kana tshiṅwe tshithu, na Akwila na Prisila. Vha mu vhudza nga ha uyu munna muhulwane. Vha ya u mu pfa. A mu thetshelesa uvho vhusiku. A ri, “U na mutakalo wavhuḓi nga maanḓa. Izwo ndi zwavhuḓi nga maanḓa. Izwo ndi zwavhuḓi. Fhedzi,” a ri, “naa no ṱanganedza Muya Mukhethwa tshee na tenda?”260 Mini-ha nga ha vhoinwi Vhabaphuthisi vha ṱungufhadzaho ngeyo murahu, ni tenda zwauri ni ṱanganedza Muya Mukhethwa musi ni tshi tenda?

O ri, “Naa no ṱanganedza Muya Mukhethwa tshee na tenda?” Muṅwe a ri, “Izwo a zwo ngo ṅwalwa kha heyo.”

53261 Ndi a zwi nyadza hezwo. Ndi na Tshigerika tsha vhukumakuma henehafha, Tshihevheru, na tshone-vho. Bivhili i a amba nga Tshigerika, na nga dzoṱhe vhuvhili hadzo, Tshihevheru, nahone na nga Tshiarame. Nga dzoṱhe vhuraru hadzo, ndi nadzo henehafha, dze dza ri, “Naa no ṱanganedza Muya Mukhethwa tshee na tenda?” Izwo ndi zwone. “Naa no ṱanganedza Muya Mukhethwa tshee na tenda?”262 Zwino, a ri, “A ri ḓivhi arali hu na Muya Mukhethwa-vho.”

Zwenezwo a ri, “Naa no lovhedzelwa kha mini?”263 Vha ri, “Ro no ḓi lovhedzwa nga munna we a lovhedza Murena Yesu Kristo. Ro lovhedzelwa kha ndovhedzo ya Yohane,” mulindi wonoyo muthihi wa maḓi, khamusi, “munna onoyo muthihi.”264 Paulo a ri, “Izwo zwi nga si shume. O lovhedzela fhedzi kha tshanduko, hu si u itela khangwelo ya zwivhi.”265 Zwino, vhaṅwe vha vhoinwi vhathu vha Vhuthihi ni a ḓa huno—huno avho na vha lovhedza, nga nḓila yo khakheaho. Avho ni vha lovhedzela kha, tshidzo. Maḓi ha tshidzi muthu; ndi Malofha, tshanduko. Hu si nga ndovhedzo i isaho kha u vha na vhutshilo vhuswa. Hai, muṋe wanga. U vha na vhutshilo vhuswa hu ḓa nga Muya. Ndovhedzo ndi—ndi tsumbedzo ya nga nnḓa ya mushumo wa nga ngomu wa u vha na vhutshilo vhuswa wo itwaho. Ni a vhona? Zwo luga. Dzhielani nzhele.266 O ri, “Naa no ṱanganedza Muya Mukhethwa tshee na tenda?” Vha ri…

A ri, “A ri ḓivhi arali hu na Muya Mukhethwa-vho.”

A ri, “Naa no lovhedzwa hani?”

Ha pfi, “Ro lovhedzelwa kha Yohane.”267 A ri, “Yohane ngangoho o lovhedzela kha tshanduko, kha tshanduko, a tshi ri ‘ni tea u tenda Khae,’ Ngwana, Tshiṱhavhelo tsho vha tshi tsha u ḓa, kha Murena Yesu Kristo.” Huno musi vha tshi pfa Iḽi, vha lovhedzwa hafhu nga Dzina ḽa Yesu Kristo.

54

Huno Paulo a vhea zwanḓa zwawe khavho huno vha ṱanganedza Muya Mukhethwa, nahone vha amba nga dzindimi vha porofita.268 Mmbudzeni uri ulwo a si Luṅwalo, huno ntsumbedzeni huṅwe fhethu, he nnyi na nnyi a vhuya a lovhedzwa nga iṅwe nḓila-vho kha Testamente Ntswa nga nnḓa ha Dzina ḽa Murena Yesu Kristo. Ntsumbedzeni.269 Agaba Mukhethwa na vhanzhi, ho vha hu na vhaṅwe, vhe vha lovhedzwa u ya phanḓa u swika tshifhingani tsha—tsha—tsha Khoro ya Nicaea, nahone muṅwe na muṅwe wavho a lovhedzwa nga Dzina ḽa Yesu Kristo. Vhafunziruṅwa vho lima masimu nga Dzina ḽa Yesu Kristo.270 Fhedzi musi Khoro ya Nicaea i tshi ḓa, vho ḓo tea u vha na midzimu miraru. Vho vhea Paulo fhasi…kana vho vhea Jupiter fhasi, huno vha vhea Paulo nṱha. Vho vhea Venus fhasi, huno vha vhea Maria nṱha. Vho vha vhe na tshakha dzoṱhe dza midzimu, tshakha dzoṱhe dza vhakhethwa na tshiṅwe na tshiṅwe-vho, huno vha ita ndovhedzo ya vhuthihi ha vhararu huno vha kanzwa Vhaporotestanti ngayo. Huno vha kha ḓi i gomedza.271 Fhedzi Zwedza zwa nga madekwana zwo no ḓa zwino. Muporofita o ri, “Hu ḓo vha Tshedza tshifhingani tsha nga madekwana.”

Hu ḓo—hu ḓo vha Tshedza tshifhingani tsha nga madekwana,

Nḓila i yaho Vhugalani ngangoho ni ḓo i wana;

Kha nḓila ya maḓi, ndi Tshedza ṋamusi,

No swiṱwa Dzinani ḽa Yesu ḽavhuḓi.Vhaswa na vhaaluwa, shandukani

kha zwivhi zwaṋu zwoṱhe,Muya Mukhethwa ngangoho u ḓo

dzhena;Zwedza zwa madekwana zwo ḓa, Ndi mbuno zwauri Mudzimu na

Kristo vha Muthihi.

55272 Ni a Ḽi tenda? [Tshivhidzo tshi ri, “Amene.”—Mudz.] Petro o ri, nga Ḓuvha ḽa Pentekoste, “Izwi kha zwi ḓivhee, kha inwi, nnḓu ya Israele, zwauri Mudzimu o ita onoyu Yesu muthihi, We na mu vhamba, zwoṱhe vhuvhili hazwo Murena na Kristo;” ndimana ya 16 ya ndima ya 2. Ee. “Mudzimu o ita onoyu Yesu muthihi, We na mu vhamba, zwoṱhe vhuvhili hazwo Murena na Kristo. Nnḓu yoṱhe ya Israele kha i ḓivhe, hu si na na thimothimo.” 273 Ndo amba na Muyuda zwa zwenezwino, hafha nṱha kha Nnḓu ya Dafita, a ri, “Vhoinwi Vhannḓa ni nga si tumukanye Mudzimu a bva zwipiḓa zwiraru huno na Mu ṋea Muyuda. Ri ḓivha zwa khwine u fhira hezwo.”274 Nda ri, “Izwo zwi tou vha zwone, Rabi. A ri tumukanyi Mudzimu a bva zwipiḓa zwiraru.” Nda ri, “Ni a tenda vhaporofita?” A ri, “Zwa vhukuma.” Nda ri, “Naa ni a tenda Yesaya 9:6?” A ri, “Ee.” Nda ri, “Naa muporofita o vha a tshi khou amba nga ha nnyi?” “Mesia.” Nda ri, “Naa Mesia u ḓo vha na vhushaka-ḓe na Mudzimu?” A ri, “U ḓo vha Mudzimu.” Nda ri, “Izwo ndi zwone.” Amene. Ni a vhona, khezwo. Ni a vhona, ni nga si Mu tumukanye a bva zwipiḓa zwiraru.275 Arali vhoinwi vhafunziruṅwa fhano…Muṅwe wavho u khou ṱuwa fhano a ya kha Vhayuda, ndi a tenda, uyu munna o dzulaho hafha. Na kathihi ni songo lingedza u ṋea Muyuda “Khotsi, Murwa, na Muya Mukhethwa.” U ḓo ni vhudza nga u ṱavhanyedza, u ḓivha hune zwa bva hone, “Khoro ya Nicaea.” Ha nga zwi thetshelesi hezwo. Fhedzi mu tendeleni u vhona he uyo Mudzimu a itwa ṋama, huno Ndi ene Mudzimu e eṱhe a re hone. Mudzimu, o itwa ṋama nga tshivhumbeo tsha muthu huno a tshila vhukati hashu,

56

u ri khethefhadza; a ṱuwisa, uri Ene muṋe A kone u ḓa nga tshivhumbeo tsha Muya Mukhethwa. Mudzimu, Khotsi, Muya Mukhethwa, ndi onoyo Muthu muthihi.276 Bivhili yo amba kha—kha tshakha dza Yesu Kristo, kha ndima ya 1 ya Mateo, Ya ri, “Abrahamu a beba Isaka. Isaka a beba Yakobo.” Huno nga u ralo u tsa fhasi, ya amba, nahone zwenezwo kha…I ri ni ndi i vhale, huno zwenezwo zwino ni ḓo ḓivha zwine nda khou amba nga hazwo. Mateo, ndima ya 1. Huno ri ḓo…Zwino kha ri thome kha ndimana ya 18.

Zwino u bebwa ha Yesu Kristo ho vha hu nga nḓila heyi: Musi…mme awe Maria o fulufhedziswa Yosefa, vha sa athu dzhena nḓuni, a wanala e na ṅwana wa…

277 “‘Mudzimu Khotsi’”? Naa iyo i vhalea nga heyo nḓila? [Tshivhidzo tshi ri, “Hai.”—Mudz.] O wanala e na Ṅwana wa Nnyi? [“‘Muya Mukhethwa.’”] Ene…[Tshikhala kha theiphi.] Ndo elekanya uri Mudzimu Khotsi o vha e khotsi Awe? Zwenezwo, Mudzimu, Khotsi na Muya Mukhethwa, ndi Muya wonoyo muthihi, kana O vha e na vhokhotsi vhavhili.

Zwenezwo Yosefa munna wawe, e munna muvhuya,…a sa funi u mu shonisa kha vhathu, a humbula…u mu ṱutshela nga u ṋenga.

Fhedzi musi a tshi kha ḓi elekanya nga ha hezwi zwithu, vhonani, muruṅwa wa Murena a bvelela kha ene muloroni, a tshi ri, Yosefa, iwe murwa wa Dafita, u songo ofha…u dzhia Maria mufumakadzi wau: ngauri itsho tsho imiwaho khae ndi tsha…

278 “‘Mudzimu Khotsi’”? Huh? [Tshivhidzo tshi ri, “Hai. ‘Muya Mukhethwa.’”—Mudz.] “Muya Mukhethwa.” Zwenezwo ndi nnyi we a vha e Khotsi a Yesu Kristo? [“Muya Mukhethwa.”] Muya Mukhethwa. Naa Itsho ndi mini tshi re kha inwi? [“Muya Mukhethwa.”] Ndi zwone, uyo ndi Mudzimu, Khotsi, na ene-vho. A si Wone? [“Amene.”] Ngoho.

Huno u ḓo beba murwa, huno iwe u ḓo mu rina dzina ḽa YESU:…

57279 Hafha ndi Mudzimu Khotsi, hafha ndi Mudzimu Muya Mukhethwa, huno hafha ndi Mudzimu Murwa, ni a vhona, iyo ndi Midzimu miraru. Bivhili a i zwi ambi. Havha vhavhili vho ḓo tea u vha vha fanaho, kana O vha e na vhokhotsi vhavhili. Ni a vhona? A nga si vhe na vhokhotsi vhavhili. Ni a zwi ḓivha hezwo.

Zwino, u ḓo beba murwa, huno vha ḓo mu rina dzina ḽa YESU: ngauri u ḓo tshidza vhathu vhawe zwivhini zwavho.

Zwino hezwi zwoṱhe zwo itwa, uri hu kone u khunyelela zwe zwa ambiwa nga Murena nga muporofita, a tshi ri,

…musidzana u ḓo vha muthu wa thovhela, huno u ḓo beba murwa, huno vha ḓo mu rina dzina ḽa Imanuele, ḽine nga ṱhalutshedzo, Mudzimu u na riṋe.

280 Iyo ndi ndima ya 1 ya Mateo.281 Mateo 28:19, he Yesu a ri, “Iyani, ni lovhedze nga Dzina ḽa Khotsi, Murwa, na Muya Mukhethwa.” Naa Dzina ḽa Khotsi, Murwa, Muya Mukhethwa ndi ḽifhio? [Tshivhidzo tshi ri, “Yesu Kristo.”—Mudz.] Yesu Kristo, a hu na zwiṅwe.282 No vhala nganea ya lufuno, ya ri, “Yohane na Maria vho tshila vho takala u ya ho ya.” Naa Yohane na Maria ndi vhonnyi? Humelani murahu mathomoni a nganea, huno ni wanuluse.283 Arali hu si na tshithu tsho raloho, a hu na dzina, “Khotsi, Murwa, kana Muya Mukhethwa,” zwenezwo Nnyi, ndi Dzina ḽa Nnyi? Humelani murahu, mathomoni a nganea, huno ni vhone uri O vha a tshi khou amba nga ha Nnyi.284 Petro, nga Ḓuvha ḽa Pentekoste, o ri, “Shandukani, noṱhe, huno ni lovhedzwe nga Dzina ḽa ‘Yesu Kristo’ u itela khangwelo ya zwivhi.” O vha e na nzumbululo.

Yohane o vha e na nzumbululo.285 Yesu o vha e Nzumbululo, O Ḓibveledza henehafha Luṅwaloni, “Ndi nṋe We a vha e hone, a re hone, nahone a no ḓo ḓa, Ramaanḓaoṱhe.” Whew! Zwo luga.

58286 Zwino, kha ri wane ndimana ya 7, nga u ṱavhanya zwino, ri sa athu bva, nga u tou ṱavhanya u ya nga hune ra kona.

…Ramaanḓa.

…muvhu-…vhugala na muvhuso lwa lini na lini. Amene.

Huno…a ri ita mahosi na vhotshifhe kha Mudzimu…Khotsi awe; huno khae kha hu vhe vhugala na muvhuso lwa lini na lini. Amene.

287 Ni a vhona iyo nzumbululo henefho, uri Ḽi dzumbululwa hani? Nga nḓila ine Mudzimu…Vhanna vha kweta ṱhoho dzavho nahone vha kokodza mavhudzi avho, na zwithu, vha tshi khou lingedza u wanulusa zwine “Khotsi, Murwa, Muya Mukhethwa” zwa vha zwone, vha ita vhararu, kha muthihi.

Ni songo kokodza mavhudzi aṋu nahone na kweta ṱhoho yaṋu. Itonu sedza nṱha. Nzumbululo i bva Nṱha. Huno izwo ndi zwone. U ḓo dzumbulula, a si “Khotsi, Murwa, na Muya Mukhethwa.” Ndi ofisi tharu dze Mudzimu muthihi a dzula khadzo.288 Ho vha hu ofisini, “Muya,” nga Ene muṋe, ngauri muthu u a ḓivhuedza. Zwenezwo A Ḓiitela muvhili, a dzula khawo, u bveledza Malofha A Ene muṋe; hu si nga vhudzekani, vhunga zwe zwa vha zwi zwone ngadeni ya Edeni, fhedzi a bveledza muvhili u sikaho. Huno nga uyo muvhili wo bebwaho nga musidzana, A ṋea Malofha e a ri khethefhadza nahone a ri vhofholola kha u sa tenda hashu, u tenda Khae. Zwenezwo, ri ita hezwo, ri a Mu ṱanganedza mbiluni dzashu, uyo ndi Mudzimu kha riṋe; Mudzimu: Khotsi, Murwa, na Muya Mukhethwa. Ni a vhona? Sa Muporofita fhedzi, Tshifhe, na Khosi, izwo ndi zwenezwo zwithihi. Zwo luga.289 Zwino, ndimana ya 7, iyi ndi nḓivhadzo. Nḓivhadzo ndi:

Vhonani, u ḓa na makole; huno iṱo ḽiṅwe na ḽiṅwe ḽi ḓo mu vhona,…na avho vhe vha mu runga: na dzone tshakha dzoṱhe dza ḽifhasi dzi ḓo ṱavha mukosi nga nṱhani hawe.

59290 Oo! Naa ri na tshifhinga tshingafhani? Ho naka henefho. Naa ni nga nṋea miṅwe miniti ya fura-…ya fumbili? [Tshivhidzo tshi ri, “Ee.”—Mudz.] Ni nga ralo? [“Amene.”] Zwo luga. Zwino, zwenezwo, matshelo…Madekwana a ṋamusi, ri ḓo lingedza u fara tshiṅwe tshipiḓa tsha Bono ḽa Patimo, madekwana a ṋamusi. Ṋamusi, ri khou yo guma nga nḓivhadzo.291 Oo! Ni pfa ni wavhuḓi? [Tshivhidzo tshi ri, “Amene.”—Mudz.] Ni a funa iyi Bivhili ya kale? [“Amene.”] Ndi Nzumbululo. Mini, naa ndi mini? Mudzimu u swika fhasi, Buguni heyi, huno u bvisa lupila, ha pfi, “Ngoyo: Muporofita, Tshifhe, Khosi; Khotsi, Murwa, Muya Mukhethwa; We a vha e hone, a re hone, nahone a no ḓo ḓa. Zwithu hezwi zwoṱhe, Ndi Mudzimu.”292 Zwino, kha ri bvise lupila, lwa miniti i si gathi fhedzi zwino, Murena a tshi khou ri thusa, u bvisa lupila maṱoni ashu. Huno wanani…

Vhonani, u ḓa na makole;…293 Zwino, naa U khou ḓa hani? “Na makole.” Naa ndi gole ḽa lushaka-ḓe? Makole a vhugala. Hu si muṅwe wa iyi mibvumo, gole ḽa mvula, fhedzi makole a vhugala.294 Ni ḓo sedza uri ndi gole ḽa lushaka-ḓe ḽe A vha o kuvhatedzwa ngaḽo musi Petro na vhaṅwe vha tshi vhona bono Ḽawe kha Thavha ya Phenyiso, gole ḽa Mu tsira. Tshiambaro Tshawe tsha penya. O vha o kuvhatedzwa nga gole, maanḓa a Mudzimu.295 Oo, ri swika kha hezwo, nga hangeno kha hezwi zwikhathi zwa tshivhidzo. Ndi khou ni vhudza, zwi tou—tou senengedza muthu wa ngomu-ngomu hanga, u zwi elekanya. Mini? U khou ḓa. Ndi vhona iḽi ḓuvha ḽine ra khou tshila khaḽo, hune ha si vhe na tshithu, hu si na mafulufhelo o salaho nga nnḓa ha U Ḓa Hawe.296 Zwino ri ḓo wana hezwi nga u ṱavhanya. Zwino elelwani.

…iṱo ḽiṅwe na ḽiṅwe ḽi ḓo mu vhona,…297 Zwino, uho ho vha hu si U Takulelwa Ṱaḓulu, zwenezwo. Naa ho vha hu hone? [Tshivhidzo tshi ri,

60

“Hai.”—Mudz.] Ni a vhona? Ho vha hu si U Takulelwa Ṱaḓulu. Ho vha hu si U Takulelwa Ṱaḓulu. Naa O vha a tshi khou zwi ambelafhi? U Ḓa ha vhuvhili.

…na avho vho mu rungaho: na tshakha dzoṱhe dza ḽifhasi dzi ḓo ṱavha mukosi nga nṱhani hawe.

298 Zwino ri ḓo humela murahu huno ra wana iṅwe ḓivhazwakale. Kha ri humele murahu kha Sakaria, huno ri wane ndima ya 12 ya Sakaria. Sakaria. Zwo luga.299 “Huno Murena a engedza kha tshivhidzo ḓuvha na ḓuvha nga avho vha no ḓo tshidzwa.” Ri livhuwa hani nzumbululo ya Yesu Kristo! Naa a no ngo Mu takalela? [Tshivhidzo tshi ri, “Amene.”—Mudz.] Zwino, ri ḓo dzhenisa heyi ngomu ha tshivhumbeo tsha bugu nga u tou ṱavhanya u ya nga hune ra kona, kha vhathu, huno zwenezwo ni nga vha nayo, u i vhala ni kha vhudziki ha lufhera lwaṋu na zwithu, huno na i guda, inwi muṋe. Zwo luga.300 Sakaria, yone Sakaria, ndima ya 12 zwino ya Sakaria. Huno ri ṱoḓa, u dzhia heyi ri tshi khou rabela vhukuma zwino. Huno ndi ṱoḓou wana heyi u itela vhugala ha Mudzimu. Zwino, Sakaria 12, kha ri thome kha ndimana ya 9. Thetshelesani zwavhuḓi zwino. U khou amba nga ha U Ḓa. Sakaria 12, huno ri ḓo thoma kha ya 9, kha ndimana ya 9.

Huno zwi ḓo khunyelela… Sakaria, a tshi khou porofita, miṅwaha ya maḓana maṋa na ya fumalosumbe hu sa athu ḓa u ḓa ha Kristo.

Huno zwi ḓo khunyelela nga iḽo ḓuvha, zwauri Ndi ḓo ṱoḓa u tshinyadza dzoṱhe…tshakha dzine dza ḓa u lwa na Yerusalema. (Zwi elekanyeni.)

Huno Ndi ḓo shululela kha nnḓu ya Dafita, na kha vhadzuli vha Yerusalema, muya wa tshilidzi na wa dzithabelo: huno vha ḓo lavhelesa nṋe we vha mu runga,…

301 Zwino, naa Mafhungo-maḓifha a khou humela lini kha Vhayuda? Musi ḓuvha ḽa Vhannḓa ḽo no fhela,

61

Mafhungo-maḓifha o lugela, u ya kha Vhayuda. Oo, ndo vha ndi tshi nga kona, arali ndo vha ndi tshi nga tou ni bvumbela tshiṅwe tshithu tshiṱuku tshi no khou ṱoḓou bvelela henehafha, ni a vhona, kha ḽeneḽi ḓuvha. Ni a vhona? Tshi khou ṱoḓou bvelela. Ri tshi wana kha Tshikhathi tsha Tshivhidzo. Huno itshi tshithu tshihulwane tshi khou ṱoḓou bvelela, tshi ḓo pfukela nga hangei kha Nzumbululo 11 huno tsha doba avho vhaporofita vhavhili, Eḽiya na ene Mushe vha tshi vhuya hafhu murahu u itela Vhayuda. Ro ḓilugisela zwone. Tshiṅwe na tshiṅwe tshi kha nzudzanyo, tsho tou luga. Uyu Mulaedza wa Vhannḓa, vhunga Vhayuda vho u ḓisa kha Vhannḓa, Vhannḓa vha ḓo u humisela henengei murahu kha Vhayuda hafhu. Huno U Takulelwa Ṱaḓulu hu ḓo ḓa.302 Zwino elelwani, hetshi hafha tshi no khou ḓa, nga murahu ha maṱungu…Tshivhidzo a tshi fhiri kha Maṱungu. Izwo ri a zwi ḓivha. Bivhili i ralo. Ni a vhona? Zwo luga.303 Zwino, U ḓo shululela kha nnḓu ya Israele, (mini?) Muya Mukhethwa wonoyo muthihi, ni a vhona, nga murahu ha musi Tshivhidzo tsha Vhannḓa tsho no ṱuwa.

…huno vho lavhelesa nṋe we vha mu runga, huno vha ḓo mu lilela, vhunga uyo ane a lilela ṅwana wawe muthihi, huno vha ḓo mu ṱungufhalela, vhunga uyo ane a ṱungufhalela ṅwana wawe wa tanzhe.

Huno nga iḽo ḓuvha hu ḓo vha…tshililo tshihulwane Yerusalema,…na tshililo…mu—mudavhini wa Megido.

Huno—huno shango ḽi ḓo lila, muṱa muṅwe na muṅwe u woṱhe; muṱa wa nnḓu ya Dafita u woṱhe, na…muṱa wa nnḓu ya Nathani u woṱhe, na iṅwe na iṅwe ya dzinnḓu i yoṱhe;

304 Musi vha tshi vhona, naa hu ḓo bvelelani? Naa hu ḓo iteani musi A tshi ḓa nga makole a vhugala, kha u vhonala Hawe lwa vhuvhili. Nahone musi avho Vhayuda vhe vha Mu runga…Ni a ḓivha, luṅwe Luṅwalo lu ri vha ḓo Mu vhudzisa, “Naa O wana ngafhi ntho idzi?”

62

A ri, “Nnḓuni ya khonani Yanga.”305 Huno a tshi nga vhi fhedzi tshifhinga tsha u lila kha Vhayuda vhe vha Mu landula, sa Mesia, fhedzi tshi ḓo vha tshifhinga tsha u lila kha avho Vhannḓa vho salaho murahu ngeno, vhe vha ṱanganedza…vhe vha Mu landula sa Mesia wavho wa ḽino ḓuvha. Vha ḓo vha vha tshi khou ṱavha mukosi na u tswimila. Musidzana o eḓelaho u ḓo vha a tshi khou lila. Itsho ndi itsho tshivhidzo tsho hanaho u wanela Tshedza tshatsho Mapfura. Ho vha hu na vhasidzana vha fumi vhe vha bva, vhathu vhavhuḓi vhoṱhe, fhedzi vhaṱanu vhavho vho vha vhe na Mapfura kha mbone dzavho. Vhaṅwe vhaṱanu vho vha vhe vhathu vhavhuḓi, vhathu vhavhuḓi, fhedzi vha kundelwa u wanela mbone dzavho Mapfura. “Huno vha kudzwa nnḓa ngomu swiswini ḽa nnḓa hune ha ḓo vha na u tswimila, u ṱavha mukosi, na u shenganya maṋo.”306 Ngezwi hafha, “Vha ḓo vha vha tshi khou ṱavha mukosi.” Bivhili yo amba hafha, “Vha ḓo vha vha tshi khou ṱavha mukosi, nahone vho kwashekana mbilu nga maanḓa! U swika nahone…”307 Hafha, ndi ḓo ni ṋea iṅwe, Genesi 45, arali ni tshi ṱoḓou ya khayo. Kha ri ye khayo lwa tshifhinganyana fhedzi huno nahone izwo ri zwi vhale kha Genesi, yone…ndi a tenda, ya ndima ya 45 ya Genesi. Ndi ḓo takalela u wana hezwi hafha, Yosefa a tshi ḓiḓivhadza kha vha hawe—kha vhathu vha hawe. Huno izwi ri ḓo zwi wana, ra sumbedza fhedzi zwi—zwifanyiso zwa zwine zwa ḓo itea nga iḽo ḓuvha, zwenezwo ri ḓo zwi vhofhekanya zwoṱhe.

Zwenezwo Yosefa ho ngo kona u ḓiputa phanḓa…avho vho imaho tsini hawe; huno a lila, Itani uri munna muṅwe na muṅwe a ṱuwe…kha nṋe.

308 Zwino elelwani, Yosefa, a tshi khou ḓiḓivhadza, a lila, “Munna muṅwe na muṅwe kha ṱuwe phanḓa hanga.”

Huno a hu na munna we a ima nae, musi Yosefa a tshi ḓiḓivhadza kha vhakomana vhawe.

63

Huno a tswimila zwihulusa: huno Vhaegipita na nnḓu ya Farao vha mu pfa. (U fanela u vha o zhamba.)

Huno Yosefa a ri kha vhakomana vhawe, Ndi nṋe Yosefa; naa khotsi anga vha kha ḓi tshila? Huno vhakomana vhawe vha kundelwa u mu fhindula; ngauri vho vha vho hanganea nga u vha hone hawe.

Huno Yosefa a ri kha vhakomana vhawe, Iḓani tsini…hanga, ndi a ni rabela. Huno vha ḓa tsini. Huno a ri, Ndi nṋe Yosefa murathu waṋu, we…we inwi—we inwi na mu rengisa a iswa kha ḽa Egipita.

Zwino ngauralo-ha ni songo vha vha ṱungufhalaho, kana na ḓisinyutshela, uri no nthengisela ngeno: ngauri Mudzimu o nthuma ni sa athu ḓa uri vhutshilo vhu vhulungee. (Oo, zwo naka hani!)

Ngauri iyi miṅwaha mivhili ho…wa nḓala shangoni: huno…ine khayo ha ḓo vha, hu nga si vhe na ndimo kana khaṋo.

Huno Mudzimu o nthuma ni sa athu ḓa uri ni vhulungee ni vhe mirafho i tevhekanaho ḽifhasini, na u tshidza vhutshilo haṋu nga phuluso khulwane.

309 I ri ni ndi tou dzhia zwino nahone ndi vhambedze hezwo na Sakaria, yone 12, lwa tshifhinganyana fhedzi. Zwino, hezwo ri a zwi ḓivha, nga tshifanyiso. Arali na funza zwifanyiso, zwenezwo tshifhinga tshoṱhe ni ḓo zwi kona, ndi a elekanya, nga—nga tshifanyiso.310 Zwino, Yosefa, musi a tshi bebwa, o vhengwa nga vhakomana vhawe. Naa izwo ndi zwone? [Tshivhidzo tshi ri, “Amene.”—Mudz.] Zwino ndi ṱoḓou ni sumbedza, Yosefa u imela Tshivhidzo tsho ḓalaho Muya. Yosefa o vhengwa nga vhakomana vhawe. Mulandu? Ngauri o vha e wa muya. A hu na zwe Yosefa a vha a tshi nga ita nge a vha a tshi kona u vhona bono. A hu na zwe a vha a tshi nga ita

64

nge a lora miloro, ni a vhona, nahone a tshi kona u ṱalutshedza miloro. Ene, hezwo zwo vha zwi zwe zwa vha zwi khae. O kundelwa u ṱana tshiṅwe tshithu-vho nga nnḓa ha zwe zwa vha zwi khae. Ndi zwone, zwenezwo, vhakomana vhawe vho mu vhenga, a si na mulandu. Fhedzi khotsi awe vho mu funa, ngauri khotsi awe vho vha vhe muporofita.311 Ni a vhona uri zwo vha zwi hani kha Yesu? Mudzimu o funa Murwa Wawe. Fhedzi vharathu, Vhafarisei na Vhasadukei, vho Mu vhenga, nge A kona u fhodza vhalwadze, huno a bvumba zwithu, nahone a vhona mabono, a ṱalutshedza. Ni a vhona uri ndi khou ambani? “Vho Mu vhenga, a si na mulandu.”312 Huno vho itani kha Yosefa? Vho ḓiitisa u nga o fa, huno vha mu posela museleni. Vha dzhia badzhi i re na malofha, ya mivhala ya sumbe, ye khotsi awe…313 Hu na mivhala ya sumbe fhedzi kha musingavhadzimu. Huno musingavhadzimu, ri a zwi ḓivha zwine, uri ri ḓo ḓa khazwo ngavhuyanyana, ndi a elekanya, madekwana a ṋamusi. Musingavhadzimu nga nṱha Hawe hafha, Yesu, he, “U sedzea sa jasipere na tombo ḽa muroxwe, na musingavhadzimu.” Musingavhadzimu ndi mulanga.314 Huno uyo wo vha u mulanga wa Mudzimu kha Yosefa. Huno zwenezwo vha tswukafhadza badzhi yawe, huno vha i humisela ha khotsi. Huno a dzhiwa o fa. Huno…315 Fhedzi o ḓa a bviswa museleni huno a vhewa ngomu ha—ha…a rengiselwa Farao, muṅwe muthu kha ḽa Egipita, huno mu—mudzhenerala a mu linda. Huno musi vho ita, ene, tshithu tsho vhifhaho tsha lwa nae, huno tsha mu posa dzhele. Huno henefho a porofita, huno a vhudza vhanna vhavhili hune muṅwe a ḓo ya na hune uyo muṅwe a ḓo ya; mulanda muhulwane na—na mubaki, nga ṅwambo wa muloro wavho.316 Huno zwenezwo a huliswa u bva henefho, kha tshanḓa tsha u ḽa tsha Farao. Huno a hu na we a kona u kwama Farao, nga kha Yosefa fhedzi. [Tshikhala kha theiphi—Mudz.]

65317 Sedzani hezwi zwino, yone…musi Yosefa o no rengiselwa-ha kha Vhaegipita. Huno, sedzani, tshiṅwe na tshiṅwe tshe a ita tsho fanyisa Kristo. Sedzani uyu mulanda muhulwane na uyu mubaki ngomu henefho, huno vhoṱhe vhuvhili havho vho vha na miloro. Huno Yesu, musi O vha e nḓuni ya dzhele Yawe. Elelwani, Yosefa o vha e dzhele. Huno musi Yesu o vha e dzhele Yawe, (hani?) o ombelwa kha tshifhambano, ho vha na muthihi we a tshidzwa na muthihi o xelaho. Yosefa, musi o vha e dzhele yawe, muthihi o tshidzwa, muthihi a xela.318 Huno dzhielani nzhele, zwenezwo nga murahu ha musi Yesu o no bviswa tshifhambanoni, A takulelwa ngomu Ṱaḓulu, huno a dzula kha tshanḓa tsha u ḽa tsha Muya muhulwane, Yehovah. “A hu na muthu ane a nga ḓa ha Mudzimu nnḓani ha Nṋe.” A hu na ri a losha VhoMaria, a hu na hetshi tsho fhaṱutshedzwa kana hetsho tsho fhaṱutshedzwa. Fhedzi, nga Yesu Kristo, “Mupfumedzanyi e eṱhe a re hone vhukati ha Mudzimu na vhathu,” uyo muvhili wa vhuṱhogwa we Mudzimu a dzula khawo sa thaberenakeḽe, vhukati hashu, we wa dzhia Dzina ḽa Mudzimu. Huno Mudzimu o dzhia dzina ḽa muthu. Mudzimu o dzhia…319 Sedzani hafha. U rangani, musi Adamu…a thi tou kona u ṱutshela kule ha hezwo. Hu vhonala hu tshi nga muṅwe muthu ha Ḽi pfesesi, huṅwe fhethu. Sedzani. U rangani…I ri ni ndi ni sumbedze tshiṅwe tshithu hafhu. Muya Mukhethwa u ntsivhudza u ita hezwi. Ndi litsha ṱhoho yanga lwa tshifhinganyana. Musi mafhungo a u thoma a tshi ḓa Vhugalani, a uri murwa o xela, Adamu, naa Mudzimu o ruma Muruṅwa? Naa O ruma murwa? Naa O ruma muṅwe-vho? O ḓa, Ene muṋe, u rengulula murwa Wawe o xelaho. Haḽeḽuya! Mudzimu ho ngo zwi kumedza muṅwe nga nnḓa ha Ene muṋe. Mudzimu o itwa ṋama huno a dzula vhukati hashu, huno a rengulula muthu, Ene muṋe. Ndi…“Ri tshidzwa,” Bivhili yo amba, “nga Malofha a Mudzimu.” A faho, Mudzimu o…Mudzimu a sa fi o itwa a faho, uri a kone u ṱusa tshivhi, uri a vhe Ngwana, Ene muṋe; u dzhena Vhugalani, o ambara lupila, nahone e na Malofha A Ene muṋe phanḓa Hawe, nga phanḓa ha lupila.

66320 Zwino, Yosefa, ngei kha ḽa Egipita u a ya. Huno henengei a huliswa a tshi bva dzheleni yawe, u ya kha tshanḓa tsha u ḽa tsha Farao, huno a itwa mulondoli. Huno tshiṅwe na tshiṅwe tsho vha na vhuando maḓuvhani a Yosefa.321 Zwino, musi Yesu a tshi vhuya, na phanga i ḓo fhufhuma vhunga rosi. Ndi ene Murwa wa vhuando, tshifanyiso tsha Yosefa.322 Vho dzhenisa Yosefa kha…Mudzhenerala o vha nae nḓuni yawe; tshiṅwe na tshiṅwe tshe a ita, o vha na vhuando. Vha mu panga dzhele, huno dzhele yoṱhe ya vha na vhuando. Tshiṅwe na tshiṅwe tshe vha ita, o vha na vhuando. Huno musi o huliswa, e wa nṱhesa, wa Farao, tsini na Farao, tshiṅwe na tshiṅwe kha ḽa Egipita tsho vha na vhuando u fhira tshiṅwe tshithu-vho shangoni.323 Musi A tshi vhuya, ḽi ḓo vha shango ḽa vhuando. Phanga dza kale dzi ḓo fhufhuma, huno hu ḓo vha na zwiḽiwa huṅwe na huṅwe. Huno ri nga dzula, muṅwe na muṅwe, fhasi ha muhuyu washu, huno ra sea ra takala, nahone ra tshila lwa lini na lini Vhuhoneni Hawe, musi A tshi vhuya sa Khosi.324 O vha e Murwa-muthu, Muporofita. Amene. O vha e Murwa-muthu, Tshiṱhavhelo, Tshifhe. Ndi ene Murwa-muthu, sa Khosi, Murwa wa Dafita o dzulaho kha khuluṋoni ya vhuhulwane Hawe. Murwa-muthu, U vhona-…Mudzimu o vhonadzwaho sa Murwa-muthu. U a tsa huno a vha muthu, u ṱusa zwivhi shangoni. U vha muthu, sa Muporofita. U vha muthu, sa Tshifhe. U vha muthu, sa Khosi; Khosi ya Ṱaḓulu, Khosi ya vhakhethwa, Khosi ya U Ya Nga Hu Sa Fheli; tshifhinga tshoṱhe o vha e Khosi, tshifhinga tshoṱhe u ḓo vha Khosi, Khosi ya U Ya Nga Hu Sa Fheli.325 Zwino dzhielani nzhele, zwenezwo, Yosefa. Yosefa a sa athu bvelela, vho ḓo tea u lidza porompiṱa, u thoma. Huno vhathu vho zhamba, “Gwadamelani Yosefa.” A hu londwi uri muthu o vha a tshi khou itani, o vha a tshi khou rengisa

67

tshibveledzwa tshiṱaraṱani, musi iyo porompiṱa i tshi lila, o gwadama. Munna o vha e tsini na u swikelela u wana tshelede yawe, fhedzi o gwadama, Yosefa o vha a tshi khou ḓa. Oo! M-…mu—mu—mumvumvusi o vha o no vha tsini na u lugela u tamba mutambo wawe, huno a itani? O ḓo tea u ima. “Yosefa u khou ḓa.” Porompiṱa ya lila.326 Nga ḽiṅwe ḽa haya maḓuvha, tshiṅwe na tshiṅwe, na tshifhinga, tshi ḓo ima tsha vuḓa. “Musi porompiṱa ya Mudzimu i tshi ḓo lila, huno vhafu vha re kha Kristo vha tshi ḓo vuwa, huno nga matsheloni ḽi tshi tsha lwa U Ya Nga Hu Sa Fheli, ḽi tshi penya nahone ḽo naka.” Tshiṅwe na tshiṅwe tshi ḓo gwadama. “Muṅwe na muṅwe u ḓo gwadama, huno lulimi luṅwe na luṅwe lu ḓo Ḽi bula.” Thomani zwino. “Zwivhi zwa vhaṅwe zwi ranga phanḓa, zwiṅwe zwi a tevhela.”327 Fhedzi zwino dzhielani nzhele zwo iteaho. Ndi zwa vhugala hani! Musi Yosefa zwenezwo…nga murahu ha musi o no mala Wannḓa huno o no ṱanganedza muṱa, Efuraimi na Manase, vharwa vhawe. Naa no zwi dzhiela nzhele magumoni? Musi Yosefa…Yakobo a thoma u fhaṱutshedza Efuraimi na Manase. Musi a tshi thoma u vhea zwanḓa zwawe, o vhea Efuraimi kha tsha u ḽa, Manase kha tsha monde, uri wa kalesa a wane phaṱhutshedzo ya tshanḓa tsha u ḽa. Fhedzi musi a tshi thoma u rabela, zwanḓa zwawe zwa buḓa, huno a ṋea muṱuku phaṱhutshedzo ya tshauḽa vhudzuloni ha uyo we a vha e kha tshanḓa tsha u ḽa.328 Huno Yosefa a ri, “Hu si nga u ralo, Khotsi.” Ha pfi, “Wo vhea phaṱhutshedzo kha Manase vhudzuloni ha Efuraimi.” Huno a ri, “Mudzimu o buḓisa tshanḓa tshanga.”329 Mini? U bva kha Vhayuda, wa kalesa, o nangiwaho u thoma wa Mudzimu, nga Tshifhambano hu ḓa phaṱhutshedzo murahu kha Vhannḓa, u wana Muselwa. Phaṱhutshedzo i ḓa nga Tshifhambano, u bva kha Muyuda u ya kha Wannḓa. Tsho landulwa! Vho landula Tshifhambano, ngauralo-ha A wana Muselwa Wannḓa.

68330 Zwino musi Yosefa, phanḓa ha hezwi, musi o vha…o pfa nga ha vhakomana vhawe, vhe…Vho vha vho bva kha vhuṱama lwa miṅwaha minzhi, Muyuda.331 Zwino sedzani. Ri khou humela murahu kha Sakaria zwino, hune vha ṱavha mukosi, huno vha lila nahone vha ṱavha mukosi. Huno na miṱa i ḓo ḓifhandekanya na miṅwe miṱa, ya bva, ya ri, “Naa ro zwi ita hani? Naa ro vha ri tshi ḓo vhuya ra zwi ita hani?” Musi vha tshi ri, “Naa Wo wanafhi ayo mavhadzi, idzo khanḓiso zwanḓani Zwau?” na avho vho Mu rungaho. “U ḓo ḓa e kha makole. Huno vha ḓo Mu vhona, na avho vho Mu rungaho. Huno nnḓu iṅwe na iṅwe i ḓo lila, nahone vha ḓo ṱavha mukosi.” A vha nga ḓivhi zwine vha tea u ita.332 Huno musi Yosefa…Ni ḓivha nganea. Musi o no vhona vhakomana vhawe, huno a ita u nga ri ha koni u amba Tshihevheru, huno a wana muṱalutshedzi uri a mu ṱalutshedzele. Huno o kundelwa u amba nga Tshihevheru, o tou ḓiita u nga ri; fhedzi o vha a tshi ṱoḓou wanulusa. Huno ngauralo musi mafhedziseloni, ḽiṅwe ḓuvha, musi vho ḓisa murathu wawe muṱuku, naa no zwi dzhiela nzhele? Ho vha hu Benyamini we a vhasa mulilo muyani wa Yosefa?333 Naa ndi mini, ṋamusi, tshi no khou yo vhasa mulilo muyani Wawe, Yosefa washu, Yesu? Itsho tshivhidzo tshiswa tshe tsha vha tshi hangei Iran, tsho vhulungaho milayo ya Mudzimu. Huno ndi vhathu vha kha ḓi bva u bebwa vho kuvhanganaho Palestina, nahone vho vhuyedzedzwaho hafhu. Iyo Ṋaledzi ya ṱhodzi dza rathi ya Dafita, fulaga ya kalesa shangoni, lushaka lwo bebwaho miṅwahani i si gathi yo fhiraho. Ngeyo Israele.

Tshakha dzi khou kwashekana, Israele u khou karuwa,

Zwiga zwe Bivhili ya zwi porofita;Maḓuvha a Vhannḓa o vhaliwa, o

ingwa zwi ofhisaho;Vhuyani, Oo inwi no balanganaho,

kha vha haṋu.

69

Ḓuvha ḽa Thengululo ḽi tsini, Mbilu dza vhathu dzi a

femeleka nga nyofho; (Itonu sedza he vhoṱhe vha vha vhadzia-mazhuluzhulu.)

Ḓalani nga Muya, luvhone lwaṋu lu tshi penya nahone lu tshi vhonetshela,

Sedzani nṱha, thengululo yaṋu i tsini.

Vhaporofita vha si vha ngoho vha khou zwifha, Ngoho ya Mudzimu vha khou i hana,

Ya uri Yesu ene Kristo ndi Mudzimu washu; (Vhugala! Fhedzi Nzumbululo yo ḓa.)

Ngauralo ri ḓo tshimbila he vhaapostola vha kanda, (Henefho fhethu havho huthihi.)

Ngauri Ḓuvha ḽa Thengululo ḽi tsini,Mbilu dza vhathu dzi a femeleka

nga nyofho; Ḓalani Muya wa Mudzimu, luvhone

lwaṋu lu tshi penya nahone lu tshi vhonetshela,

Sedzani nṱha, thengululo yaṋu i tsini.334 Oo! Oo, Yosefa, musi o no vhona Benyamini muṱuku o ima henefho! Uyo ndi murathu wawe muṱuku. Ni vhona Benyamini muṱuku zwino ngei nṱha, nga hangei, o dzula henehafhaḽa. Tshakha dza—dza ḽifhasi, dza Vhayuda, dzo vhuyelela murahu henengei hune ha ḓo vha na vha ḓana na mahumi maṋa a zwigidi na zwigidi zwiṋa vhavho vho imaho henefhaḽa, u ṱanganedza Kristo musi vha tshi Mu vhona a tshi Ḓa. Vha ḓo ri, “Vhonani, uyu ndi Mudzimu washu We ra mu lindela.” Zwenezwo vha ḓo vhona zwo rungwaho…“Naa idzi dzo bvafhi?”

A ri, “Nḓuni ya khonani Yanga.”335 Huno vha ḓo ṱavha mukosi nahone vha ḓo lila. Huno muṱa muṅwe na muṅwe, tshakha dzavho dza Dafita na

70

Nafutali na vhoṱhe, vha ḓo ḓifhandekanya, muṱa muṅwe na muṅwe, huno vha ḓitswimilela musi vha tshi Mu vhona o ima muyani, Uyo we vha mu runga.336 Naa mulaedza Wawe u ḓo vha mini? Sedzani zwe Yosefa a amba. Musi a tshi ri…337 Sedzani tshiṅwe tshithu. Musi Yosefa o ḓisa vhana phanḓa hawe, o vha sedza, a vhona Benyamini muṱuku. A vhona Efuraimi, a vhona vhaṅwe vhavho vhoṱhe henefho, ene Gada na vhone vhoṱhe. Huno tshakha dza fumimbili, tshakha dza fumi tshifhingani itsho, dzo ima phanḓa hawe. O vha vhona vhoṱhe vho ima henefho. O ḓivha zwauri ndi vhakomana vhawe. Huno a sedza Benyamini muṱuku, o livhana nae, mukulo wawe wa thoma u ḓala. O ḓivha zwauri avho vho vha vhe vha hawe. Naa o ri mini? “I ri ni munna muṅwe na muṅwe a nṱutshele.” Naa ho bvelelani kha mufumakadzi wawe na vhana? Vho dzhena pfamoni.338 Naa Tshivhidzo tsha Vhannḓa tshi ḓo yafhi kha U Takulelwa Ṱaḓulu? Ngomu Pfamoni. Muselwa, Haḽeḽuya, Muselwa u ḓo dzhiwa kha ḽifhasi, nga U Takulelwa Ṱaḓulu. Zwenezwo musi A tshi vhuya, Muselwa Wawe haho afho musi A tshi Ḓiḓivhadza kha vharathu Vhawe, Vhayuda, avho vho Mu rungaho, avho vho Mu landulaho. Fhedzi mufumakadzi wawe na mufunwa wawe, khonani dzawe dza tsini henefho, ṱhama dzawe—dzawe dzo ruṅwaho nga Mudzimu dzo vha dzi thembeleni.339 Huno musi o sedza, a ri vho vha…A vho ngo ḓivha. Vho ri, “Oo, uyu mukololo muhulwane!” Vha thoma u ri, nga tshavho, oo, nga ha hezwi zwithu zwa zwe vha ita.340 Ndi tenda uri ho vha hu Efuraimi, kana hu si Efuraimi, fhedzi ndi a hangwa uri ho vha hu nnyi zwino, we—we a amba, “Ndi zwone, ro vha ro fanela u vha ri songo vhulaha murathu washu, Yosefa.” Ha pfi, “Ni a vhona, ri khou lifhelwa murahu.” Rubeni, Rubeni a ri, “Ro vha ro fanela u vha ri songo vhulaha murathu washu,” a ri, “ngauri, ni a vhona, ri khou lifhelwa murahu kha zwe ra ita.”341 Huno Yosefa o ima henefho; a vho ngo elekanya uri a nga pfesesa Tshihevheru. Fhedzi o tshi ḓivha.

71342 Vhaṅwe vha a elekanya, ha koni u amba…u pfesesa u amba nga dzindimi, fhedzi U ḓivha zwoṱhe nga hadzo. Iina. U a ḓivha. Muvhuso wa Vhannḓa u dzhena u tshi amba nga dzindimi na dziṱhalutshedzo, ṱhohoni ya musuku (ṱhoho ya u thoma) i sa athu wa. Naa ndi mini tsho fhelisaho tshifhinga tsha u thoma tsha Vhannḓa? Muṅwalo wa ndimi dzisili kha luvhondo, huno henefho munna o kona u u ṱalutshedza huno a amba zwe wa vha u zwone. Tshi fhela nga nḓila i fanaho. Amene. Tsho dzhena nahone tshi fhela nga nḓila i fanaho.343 Vho elekanya uri o kundelwa u pfesesa idzo ndimi dze vha vha vha tshi khou amba, fhedzi o dzi ḓivha. Vho ri, “Ni a vhona zwine ra vha nazwo?”

Huno Yosefa a mbo vhona uri vha a ḓisola kha zwe vha ita.344 Zwino U vhona vhuṱungu havho na u ḓivhona mulandu kha u Mu landula, ngauralo U khou thivhea mukuloni Wawe zwino. O ḓilugisela u ṱuwisa Tshivhidzo Tshawe kha ḽifhasi, a Tshi dzhenisa Vhugalani. Zwenezwo a vhuya, huno zwenezwo tshakha dzoṱhe dza ḽifhasi dzi ḓo lila.345 Naa vho itani? Rubeni, vhone vhoṱhe, vha thoma u lila, vha ri, “Oo! Oo!” Vha ofha huno vha ri, “Uyu ndi ene. Zwino ri a ḓivha uri ri khakhathini. Zwino u ḓo ri vhulaha. Zwino u…Ri a ḓivha zwauri ri khou yo tshinyadziwa zwa zwino, ngauri uyo ndi Yosefa we a vha e kule na riṋe lwa tshifhinga tshilapfu. Uyo ndi Yosefa, murathu washu, zwino ri khakhathini zwa vhukuma.”346 A ri, “Ni songo ḓisinyutshela. Mudzimu o ita hezwi u vhulunga vhutshilo.”347 Naa Mudzimu o itani? Ndi ngani Vhayuda vho landula Yesu? U itela uri riṋe Vhannḓa, u itela, uri, vhathu vhe A vha vhidza a tshi itela Dzina Ḽawe. Mudzimu o zwi ita u vhulunga vhutshilo ha Tshivhidzo tsha Vhannḓa, Muselwa.348 Tshakha dzoṱhe dze dza Mu landula dzi ḓo lila. Dzi ḓo ḓidzumba mapakoni, na matomboni, na

72

zwithu, dza ri, “Ri dzumbeni, ri weleni, dzithavha.” Vho Ḽi landula, Ene. Tshakha dzoṱhe dza ḽifhasi dzi ḓo ṱavha mukosi nga nṱhani Hawe. Huno muṱa muṅwe na muṅwe henengei kha ḽa Israele u ḓo ḓifhandekanya. Miṱa i ḓo fhandekana, muṅwe kha muṅwe, nahone i tshi ri, “Ndi ngani ro zwi ita? Zwo ḓa hani uri ri Mu landule? Hani? O ima henefho. Ngoyo Mudzimu We ra mu lindela. Huno Ngoyo, na khanḓiso dza ṋala zwanḓani Zwawe, huno ro zwi ita.”349 Izwo ndi zwone kokotolo zwe avho vhakomana vha amba fhasi henengei, musi vha tshi vhuya huno vha ri, “Ngoyo Yosefa, we ra mu rengisa.”

A ri, “Ndi nṋe Yosefa, murathu waṋu, we na mu rengisela Egipita.”350 “Oo!” Vho vha vho tshuwa. Huno vho vha vha tshi lila huno vha ṱavha mukosi, nahone vha gidimelana, “Naa ri nga itani?”351 A ri, “Ni songo ḓisinyutshela, ngauri Mudzimu o ita hezwi zwoṱhe. Mudzimu o nthumela phanḓa.”352 Mudzimu o sika vhathu vhoṱhe; vhathu vhatshena, vhathu vhatswu, vhathu vha muronzhe, vhathu vha tshirulwane, muthu muṅwe na muṅwe. Mudzimu o sika muthu muṅwe na muṅwe. O sika Wannḓa, o sika Muyuda. O sika vhoṱhe. Vhoṱhe ndi vha vhugala Hawe. Huno Vhayuda vho ḓo tea u vha, vha Ḽi landulaho, u itela uri a dzhie Muselwa Wannḓa.353 Izwo ndi ngazwo zwifanyiso izwi zwoṱhe zwo rali. Ngauralo Muselwa Wannḓa na vhana Vhawe na Ene, itsho Tshivhidzo tsha vhugala tsha pentekoste tsho ṱanzwiwaho nga Malofha a Ngwana, na maanḓa oṱhe a mvuwo a tshilaho khavho, tshi ḓo vuwa ḽiṅwe ḓuvha kha U Takulelwa Ṱaḓulu (nga tshifhinganyana, iṱo ḽi tshi tou ri pinye) u ya tsha vha Vhuhoneni ha Yesu, musi A tshi vhuya (huno a ṱuwisa tshiṅwe na tshiṅwe) u Ḓiḓivhadza kha vharathu Vhawe.354 Sedzani zwine Luṅwalo lwa amba hafha, u valani. Oo!

73

Vhonani, u ḓa na makole; huno iṱo ḽiṅwe na ḽiṅwe ḽi ḓo mu vhona, (zwino u khou amba nga ha U Ḓa ha vhuvhili, hu si U Takulelwa Ṱaḓulu), na vhe vha mu runga:…

355 Ndima ya 7, ndimana ya 1…Kana, ndimana ya 7 ya ndima ya 1.

…iṱo ḽiṅwe na ḽiṅwe ḽi ḓo mu vhona, na vhe vha mu runga: huno tshakha dzoṱhe dza ḽifhasi dzi ḓo ṱavha mukosi nga nṱhani hawe. Kha zwi ralo, Amene.

356 Zwenezwo U ṋea uyo muredzo muhulwane, muhulwane. Naa Uyu ndi nnyi? Naa Uyu ndi nnyi ane vha tea u ya vha mu ṱoḓa?

Ndi nṋe Alfa na Omega, Ndi nṋe A na Z, (A na Z dza Tshigerika, alifabeta ya Tshigerika)…

357 Mishumo 2:36, ene…Petro a ri, “A hu na ḽiṅwe dzina ḽo ṋewaho fhasi ha Ṱaḓulu ḽine vhathu vha fanela u tshidzwa ngaḽo.” Kana, hai, ni mpfarele; ndi khou redza zwi si zwone. A ri, “Nnḓu yoṱhe ya Israele nga i ḓivhe ngangoho, zwauri Mudzimu o ita Yesu onoyu muthihi, we na mu vhamba, zwoṱhe vhuvhili hazwo Murena na Kristo.”358 Yohane 14:7 na 12, Thoma a ri, “Murena, ri sumbedze Khotsi, huno zwi a ri fusha.”359 Ha pfi, “Ndo vha na inwi tshifhinga tshilapfu, huno iwe a u nnḓivhi?” Ha pfi, “O vhonaho Nṋe o vhona Khotsi. Ndi ngani u tshi ri, ‘Ntsumbedze Khotsi’? Nṋe na Khotsi Anga ri Muthihi.”360 Ndo amba hezwo tshiṅwe tshifhinga kha muthu. Mufumakadzi a ri, “Lwa tshifhinganyana, Vho-Branham.” Ha pfi, “Inwi na mufumakadzi waṋu ni vhathihi, na inwi-vho.” Nda ri, “Fhedzi hu si holwo lushaka.” A ri, “A thi zwi pfi.” Nda ri, “Naa ni a mmbona?” A ri, “Ndi a ralo.” Nda ri, “Ni vhona mufumakadzi wanga?”

74

A ri, “Hai.”361 Nda ri, “Zwenezwo ndi vha lushaka lwo fhambanaho. A ri, ‘Musi no vhona Nṋe, no vhona Khotsi.’” Ngauralo hezwo zwo vha zwo eḓana hezwo.362 Ngauralo kha Yohane Mukhethwa, kana Yohane Ya U Thoma 5:7 u swika 8, vhoinwi noṱhe vha no khou i ṅwala. Yohane Ya U Thoma 5:7 u swika 8, Bivhili yo ralo. Muambi, munna onoyo muthihi o ṅwalaho iyi Nzumbululo ye Yesu a mu ṋea yone. O ri, “Hu na vhararu vha no ṱanziela ngei Ṱaḓulu: Khotsi, Ipfi (Ipfi ndi Murwa)…Khotsi, Ipfi, na Muya Mukhethwa, huno avha vhararu ndi muthihi. Hu na zwiraru zwi no ṱanziela ḽifhasini: maḓi, Malofha, na Muya, huno zwi a anḓana; hu si uri ndi tshithihi, fhedzi zwi anḓana kha muthihi.”363 Ni nga si vhe na Khotsi ni si na Murwa. Ni nga si vhe na Khotsi kana Murwa ni si na Muya Mukhethwa. Ndi zwone. Fhedzi ni…Huno maḓi, Malofha, na Muya, izwo ndi zwivhumbatsiko zwi ṱoḓeaho u dzhena Muvhilini Wawe.364 Musi mbebo ya mupo i tshi itea, naa ndi tshithu-ḓe tsha u thoma tshi no bvelela musi musadzi a tshi beba lushie? Tshithu tsha u thoma, ndi maḓi. Tshithu tsha vhuvhili, ndi malofha. Izwo ndi zwone? Tshithu tshi tevhelaho, ndi muya. Lushie lu fasha mufemo walwo, lu thoma u fema. Maḓi, malofha, na muya, izwo zwi ita mbebo ya mupo.365 Na yone, Mbebo ya muya. Ndovhedzo ya maḓini Dzinani ḽa Yesu Kristo; u itwa o lugaho nga lutendo, ni tshi tenda kha Murena Yesu Kristo. Maḓi! Naa tshi tevhelaho ndi mini? Malofha; u khethefhadzwa, u kunakisa, u mu bvisa.366 Afho ndi he vhoinwi vhathu vha Nazaretha na balelwa; no sokou ya kule u swika henefho huno na sa ye phanḓa. Mudzio we wa khethefhadzwa kha aḽiṱari, wo lugela tshumelo, fhedzi hu si tshumeloni. “Mashudu avho,” dziphaṱhutshedzo, “vhane vha vha na nḓala na ḓora ḽa u luga, ngauri vha ḓo fushwa.” Mudzio wo khethefhadzwa. Izwo ndi ngoho.

75367 Izwo zwi tou nga musidzana. Ipfi musidzana ḽi amba “o ṱambaho, mukhethwa, a songo vangwaho, o khethefhadzwaho.” Vhaṱanu vho vha vhe na mapfura, huno vhaṱanu vho vha vha si na; vhaṱanu vho vha vho ḓadzwa, huno uyo muṅwe o tou sala e kha u khethefhadzwa. “Naa no ṱanganedza Muya Mukhethwa tshee na tenda,” vhoinwi Vhabaphuthisi, Vhapuresbiterieni? “A ri ḓivhi uri kana hu na Muya Mukhethwa-vho.” “Zwenezwo, naa no lovhedzwa hani?” Uh-huh.368 Nga murahu ha musi o no vhea zwanḓa zwawe khavho, vho mbo, nga murahu ha u tshidzwa na u khethefhadzwa, vha ḓadzwa nga Muya Mukhethwa. Ndi zwone.369 Maḓi, Malofha, Muya! Yesu u ḓa u ṱanzwa na u kunakisa, na u khethefhadza Tshivhidzo, uri A kone u ḓa nahone a dzula ngomu. Nga Malofha A Ene muṋe; O ṋekedza Malofha A Ene muṋe o bebwaho nga Mudzimu, uri A kone u ri kunakisa kha mbebo ya vhudzekani yashu, huno a ri ṋea mudzio wo khethefhadzwaho, mukhethwa uri Ene muṋe A kone u ḓa.370 “Lwa tshifhinganyana, huno shango a ḽi tsha ḓo Mmbona; naho zwo ralo inwi ni ḓo Mmbona ngauri Nṋe,” ḽisala ḽa vhuṋe, “ndi ḓo vha na inwi, na kha inwi, u swika vhufheloni ha magumo.” Amene. “Nḓilani yoṱhe, Ndi ḓo vha na inwi na kha inwi. Mishumo ine Nda ita na inwi ni ḓo ita-vho. Hezwi zwiga zwi ḓo tevhela avho vhane vha tenda.” Mudzimu Tshivhidzoni! Yawee, nṋenṋe! Vhumudzimu! “Hu na vhararu vha no ṱanziela Ṱaḓulu: Khotsi, Ipfi (Murwa), Muya Mukhethwa. Vha Muthihi.”371 Zwino, ni nga tshidzwa nnḓani ha u khethefhadzwa. Ni nga khethefhadzwa huno na sa vhe na Muya Mukhethwa; ndi zwone, muya wo khethefhadzwaho, hu si na u ḓadzwa. Hu tshi khethefhadzwa mbilu yaṋu, hu tshi kunakiswa mbilu yaṋu, hu si na u i ḓadza nga tshiṅwe tshithu. Izwo ndi zwe Ḽa amba, “Musi muya wa tshika wo bva kha muthu, u tshimbila fhethu ho omaho. U a vhuya, u

76

wana nnḓu yawo thundu dzo vhekanywa tshoṱhe zwavhuḓi, huno wa dzhena. Tshiimo tsha u fhedza tsha uyo muthu tshi vha tsho vhifhesaho lunzhi, kasumbe, u fhira zwe tsha vha tshi zwone mathomoni.”372 Izwo ndi zwe zwa bvelela kha inwi Pilgrim Holiness, Vhanazarini, na vhaṅwe-vho. No ṱanganedza. Huno musi Muya Mukhethwa u tshi ḓa, u tshi thoma u amba nga dzindimi, nahone u tshi ṋea zwiga na zwimangadzo, no u vhidza “Diabolo” huno na ṱambuludza mishumo ya Mudzimu, na i vhidza “tshithu tshi songo kunaho.” Huno ni a vhona he tshivhidzo tshaṋu tsha ya? Ibvani khatsho. Awara yo swika, Nzumbululo ya Yesu Kristo i khou funzwa, Mudzimu o dzumbululwa nga maanḓa a tsumbedzo Dzawe dza Muya Mukhethwa. Amene. Ḓuvha ḽa thengululo ḽi tsini.373 Zwino, Vhumudzimu Khae, Timotheo Ya U Thoma 3:16.

…hu si na dandetande tshiphiri tsha u ofha Mudzimu ndi tshihulwane: ngauri Mudzimu o vhonadzwa ṋamani,…a vhonwa nga vharuṅwa,…a tendwa shangoni, a ṱanganedzwa vhugalani.

374 Oo, nga u tou ralo na nga u ralo na nga u ralo. Fhedzi ri ngafhi zwino? Magumoni a ndimana ya 8.375 Madekwana a ṋamusi ri thoma ndi—ndimana ya 9, Bono Ḽa Patimo. Oo, hu na zwithu zwihulwane zwe ra vhetshelwa zwone. Naa ni a Mu funa? [Tshivhidzo tshi ri, “Amene.”—Mudz.]

Ndi a Mu funa, ndi a Mu funaNgauri O funa nṋe u thomaHuno o renga tshidzo yangaMurini wa Khaḽivari.

376 Ni a zwi ita izwo zwa vhukuma? Naa Mudzimu o Ḓiḓivhadza kha inwi, o dzumbululwa uri Ndi Murwa wa Mudzimu, Yesu Kristo, Mudzimu o vhonadzwa ṋamani, u ṱusa tshivhi? U khou Ḓidzumbulula maḓuvhani haya a u fhedzisela zwivhidzoni Zwawe, a tshi khou Ḓiḓivhadza.

77377 Zwino, zwithu zwenezwi zwi no khou bvelela Tshivhidzoni, sedzani ni vhone, magumoni a uyu Mulaedza, uri arali Bivhili i sa ambi uri hezwi zwithu zwi tea u itea, zwo tou kokotolo. Vhonani arali zwi songo itea kokotolo, kha Tshikhathi tsha Efeso, na tsha Peregamo, Thiatira, u tsa fhasi, tshikhathi tshiṅwe na tshiṅwe.378 Yo amba uri Luther u ḓo ita hani, na uri Wesley u ḓo ita hani. Na uri iyi dinomineisheni ya Pentekoste i ḓo dzhena hani kha nyimele ya Laodikea, i dudelaho, fhedzi, vhukati ha hezwo, U ḓo kokodza vhathu. Izwo ndi zwone. Izwo zwe kokotolo. Ri vhufheloni. Oo, ndo takala nga maanḓa! Huno, oo, vhunga ndo ḓivhona ndi tshi ḓibvisa, huno nda sedza khonani dzanga na zwithu, nahone nda vhona shango na—na nḓaḓo ine ḽa vha khayo. Huno zwenezwo nda elekanya uri U Ḓa ha Murena hu khou sendela tsini nga maanḓa. Ri vhufheloni ha tshikhathi.379 Mbilu dza vhathu dzi khou kundelwa nga ṅwambo wa nyofho. Huṅwe na huṅwe, muṅwe na muṅwe, zwi khou tshuwisa kha radio, tshifhinga tshoṱhe, “Ḓilugiseleni u tshoṱelwa muyani. Dzhenisani hetshi ngomu, dzhenisani hetsho ngomu, huno ni tsele fhasi kha basimennde.” Naa izwo ni khou yo zwi dzumbamela hani? Ni nga si kone u zwi dzumbamela hezwo. Ndi zwone, hetsho tshithu tshi ḓo dzhena mavuni fithi dza ḓana na mahumi maṱanu, lwa maela dza ḓana na mahumi maṱanu, tshikwea. Mulandu, mudzinginyo watsho u ḓo…Arali tsho rwa fhano, tsho vha tshi tshi ḓo dzinginyisa Indianapolis ya wela mavuni. Mulandu, tsho vha tshi tshi ḓo tou thuthubisa Indianapolis ya bva zwipiḓa, tsha rwa henehafha Louisville, ni a vhona, tshiṅwe tsha hezwo. Zwi a konḓa u amba zwine vha vha nazwo nga nnḓa ha hezwo.380 Huno, sedzani, a ni tei u ralo. Ni a ḓivha, Russia a i tei u ita hezwo. Cuba i nga ita hezwo. Fhethu huṱukunyana huṅwe-vho, fhethu hu—huṱukunyana hune ha eḓana na Alcatraz ngei nnḓa, ho vha hu tshi nga zwi ita, ha tibedza shango ḽoṱhe. Tshithu fhedzi tshine na tea u ita hu tou vha u hu vhea mutaloni huno na kokodza ludzi luthihi. A ni ṱoḓi mmbi. Ni tou ṱoḓa mpengo

78

muthihi wa u zwi ita, zwanḓani zwa Diabolo. Izwo ndi zwone kokotolo. O vha a tshi ḓo zwi ita, huno zwenezwo tshithu tshoṱhe tsho fhela. Tsho fhela tshoṱhe-ha.381 Fhedzi, oo, i ri ni ndi ni ṋee itshi tshithu tsho fhaṱutshedzwaho. Musi ri tshi vhona hetsho tshi tsini nga maanḓa, musi ri tshi vhona uri zwi nga bvelela hu sa athu vha nga matsheloni. Elelwani, Tshivhidzo tshi ya hayani izwo zwi sa athu bvelela. U Takulelwa Ṱaḓulu hu itea zwi sa athu.382 Zwino, uri ni songo ṱanganana, elelwani, Yesu o ri, “Sa zwe zwa vha zwi zwone maḓuvhani a Noaxe, sa zwe zwa vha zwi zwone maḓuvhani a Loto.” Elelwani, hu sa athu u na iṅwe mvula-vho, Noaxe o vha e gungwani. Ni a vhona? Noaxe o vha e gungwani. O pfukiselwa nga hangei, nga heḽi. Huno zwino, Noaxe o vha e tshifanyiso tsha Muyuda. Fhedzi Enokho o ya hayani a songo fa. Huno musi Noaxe a tshi vhona Enokho a tshi ṱuwa, o ḓivha uri tshifhinga tsho swika, a thoma iḽo gungwa. Izwo ndi zwone. Itsho tsho vha tshi tshiga tsha Noaxe, musi Enokho a tshi ya hayani. Huno musi Tshivhidzo tsha Vhannḓa tsho no ṱuwiswa, zwenezwo U Ḓiḓivhadza kha Israele. Ni a vhona? Izwo ndi zwone.383 Elelwani, maḓuvhani a Loto, sa zwe Yesu a amba, ṱhasi na nthihi ya mulilo i sa athu vhuya ya rwa ḽifhasi, uyo Muruṅwa o ri, “Ṱavhanya. Ṱavhanyedza. Ibva hafha, ngauri ndi nga si ite tshithu u swika iwe wo no ḓa zwino.” Hu sa athu rwa muṅwe mulilo-vho, Loto na muṱa wawe vho vha vho no bva nahone vho no ṱuwa. Ngauralo, U Takulelwa Ṱaḓulu hu ḓo ḓa Maṱungu a sa athu thoma.384 Maṱungu, vhathu vhanzhi vha a a ṱanganyisa. Ri ḓo zwi lulamisa, ino vhege, Murena a tshi funa, nga thuso ya Murena. Elelwani, ni khou ṱoḓa Phiriodi ya Maṱungu mahulwane, e a vha e hone, arali izwo ni tshi ḓo zwi fanyisa Bivhilini, ayo o vha e maḓuvha a Khakhathi ya Yakobo, ni a vhona, musi a tshi dinwa. Izwo a zwo ngo vha na mushumo na Vhannḓa. Wannḓa ha na mushumo nazwo. A hu na tshifanyiso Bivhilini tsha hezwo. Tshivhidzo tsha Vhannḓa tsho Takulelwa Ṱaḓulu.

79385 Huno ni khou ṱoḓa “maḓi a tshi shanduka a vha malofha,” na zwithu zwi no nga hezwo. Izwo zwi ḓela Israele hafhu, murahu hangei na Mushe na Eḽiya, musi vha tshi vhuya. Eḽiya, lwa vhuṋa, u a vhuya, Muyani. A hu na na muthihi wavho o vhaho o fa.386 Kana, ene…Mushe o fa; a vho ngo ḓivha he vha mu swiṱa hone. O vha o tea u vuswa huṅwe fhethu nga u ṱavhanya nahone henefho, ngauri, kha Thavha ya Phenyiso, o vha e henefho, a tshi khou amba na Yesu. Naa ho ngo ralo? [Tshivhidzo tshi ri, “Amene.”—Mudz.] Ni a vhona?387 Ngauralo vha ḓo vhuya nahone vha vhulawa, huno vha rambalala tshiṱaraṱani tsha muya tshi no pfi “Sodoma,” he Murena washu a vhambiwa, Yerusalema. Vha ḓo rera kha Vhayuda, huno vha rwa ḽifhasi, nahone vha vala maṱaḓulu, na zwiṅwe zwi no nga hezwo. Huno magumo a mushumo wa Vhannḓa a ḓo pfukela nga hangei huno a ṱumekana na hoyo, huno Vhannḓa vha ḓo ya hayani, huno uyo mushumo u ḓo bvela phanḓa. Hu ḓo vha na lufu lwa zwithu zwoṱhe. Zwivhili kha tshararu tsha ḽifhasi tsha wa, na tshiṅwe na tshiṅwe-vho. Musi iyo mivhili yo faho yo rambalala zwiṱaraṱani, maḓuvha mararu, sedzani uri yo vha i ya lushaka-ḓe.388 Sedzani izwi zwifanyiso zwe nda zwi wana fhasi ngei Amerika Tshipembe, musi vho vhulaha mufunziruṅwa wa Pentekoste henengei, mufumakadzi wawe, o rambalala tshiṱaraṱani, na ene na vhana vhavhili vhaṱuku. Musidzanyana, na thumbunyana yawe yo kukumuwa nga nḓila iyo. A vho ngo vhuya vha vha swiṱa. Vho tshimbila henefho, vha pfela mare henefho khavho nga nḓila heyo, lwa maḓuvha mararu kana maṋa. Mukomana Kopp o dzhia tshifanyiso. Ndi nazwo hayani, ni a vhona, nga nḓila ine vha ita.389 Zwenezwo vha rumela zwifhiwa, nga tshavho. Sedzani uri izwo zwi fanyisa hani Bivhilini, ni a vhona uri ndi tshivhidzo-ḓe tshi no khou yo ita hezwo. Izwo ndi zwone, tsini-tsini, nahone tshi tshi khou dzhena henefho vhunga ṋowa zwa zwino, tshi tshi tou vha tsho thanyaho u ya nga hune tshi nga vha ngaho, tshiga tsha zwithu zwa zwino.

80390 Sedzani vhuporofita he Murena a nṋea nga ’33, uri zwi ḓo bvelela hani, “Vha ḓo tendela vhasadzi u vota. Kha u vota, vha ḓo khetha muthu a si ene.” Ho ṋewa zwithu zwa sumbe, huno zwiṱanu zwazwo zwo no ḓi bvelela. Tshithu tshi tevhelaho ho vha hu musadzi muhulwane, tshivhidzo, maanḓa kana tshiṅwe tshithu, tshi no ḓo langa iḽi United States, u vhusa. Zwenezwo nda ḽi vhona ḽi tshi tou nga milora, yo phaḓalala, hune ḽa ḓa vhufheloni. Ho vha hu tshifhinga tsha vhufhelo.391 Wa ri, “Vha ḓo vha na mutshini une wa ḓo tshimbidza. A yo ngo tea u vha na mutshimbidzi ngomu hayo.” Vho tou i ita yo fhelelaho. Wa ri, miṅwaha ya fuminthihi…392 Muya Mukhethwa wo amba na nṋe. Ngezwo zwi kha bammbiri. Ni nga si…Zwi nga si haniwe. Ngezwo zwi kha bammbiri, vhunga Muya Mukhethwa wo amba.393 Miṅwaha ya fuminthihi Maginot Line i sa athu fhaṱiwa, ndo ri, “Madzheremane…Amerika ḽi ḓo tou…Muphuresidennde Roosevelt u ḓo vha muthu a sa fulufhedzei wavho vhoṱhe.” Huno izwo ndi zwone. O vha o ralo.394 Ndi sa vhaisi vhuḓipfi ha vhoinwi Mademokirati, fhedzi ndi—ndi khou ni vhudza. A si Mudemokirati kana Muriphabuḽikeni zwino. Ndi Yesu Kristo, Murwa wa Mudzimu, ane ra khou amba nga hae. Nṋe a thi Mudemokirati kana Muriphabuḽikeni. Ndi Mukriste. Ngauralo zwenezwo, vhone, tshiṅwe na tshiṅwe tshe tsha vha tshi tshone, fhedzi ni dzhiela nzhele henefho.395 Huno sedzani hafha, ḽiṅwe ḓuvha, arali ni tshi ṱoḓou vhona uri itsho ndi tshigwada-ḓe tsho pambuwaho. Hu tshi dzhiwa iyo mitshini huno ya lugiswa, hune, tshifhinga tshiṅwe na tshiṅwe na ḓo votela Vho-Nixon, no ḓo tea u votela uyu muṅwe muthu, nga tshifhinga tshenetsho tshithihi. Ed-…J. Edgar Hoover a kokodzela mitshini nnḓa. Naa ndi vhangana vhe vha vha vha tshi khou zwi vhala? Mulandu, ngoho, zwi hoṱhe-hoṱhe kha mabammbiri oṱhe, mafhungo, na tshiṅwe na tshiṅwe-vho. Ni a vhona hune ra vha hone?

81396 A hu tshe na tshi fhulufhedzeaho nga nnḓa ha Kristo. Amene. Oo, iyo Bugu ya kale yo fhaṱutshedzwaho! Iyo ndi Yone. Iyo ndi Yone fhedzi i no ni vhudza uri ni nnyi, ni bvafhi, na hune na khou ya (Ee, muṋe wanga.), ndi iyi Bugu ya kale yo fhaṱutshedzwaho, oo, izwo zwi nnyita uri ndi Mu fune. Naa a i ni iti? [Tshivhidzo tshi ri, “Amene.”—Mudz.]

Lutendo kha Khotsi, lutendo kha Murwa,

Lutendo kha Muya Mukhethwa, avha vhararu ndi Muthihi;

Madimoni a ḓo tetemela, huno vhaitazwivhi vha karuwa;

Lutendo kha Yehovah lu ita tshiṅwe tshithu-vho uri tshi dzinginyee.

397 Amene. Ndi ḓuvha ḽihulwane-ḓe nandi ḽi re phanḓa hashu, dzikhonani! “Nzumbululo ya Yesu Kristo ye Mudzimu a i ṋea muruṅwa Wawe, huno a ḓa a i fanyisela Yohane, uri tshi kone u ḓivhea kha Zwikhathi Zwa Tshivhidzo, tshithu tshe ra vhetshelwa tshone.”398 Ngavhe Murena a tshi ri fhaṱutshedza zwino, musi ri tshi ima nga milenzhe yashu. Huno uyo a no khou lidza piano, ri ṋeeni tshuninyana arali ni tshi funa, Dzhiani Dzina Ḽa Yesu Na Inwi.399 Zwino thetshelesani. A hu, na thimothimo, uri hu na vhatsinda fhano vhukati hashu thaberenakeḽeni matsheloni ano. Ndi ṱoḓa ni tshi vha khaḓa. Vha rambeni, vha ye hayani na inwi, na zwiṅwe-vho. Huno itani uri muṅwe na muṅwe a pfe o ṱanganedzwa. Ndi ṱoḓa muṅwe na muṅwe a tshi vha na ngoho ya uri u ita hezwo.400 Huno elelwani uri tshumelo i ḓo thoma nga awara ya vhusumbe nṱha ha tshithoma, madekwana a ṋamusi. Huno nga hafu u bva kha awara ya vhusumbe, ndi ḓo vha ndi tshi khou amba Bono Patimo. Vhusiku ha matshelo, Murena a tshi funa, ndi ḓo vha ndi tshi khou amba nga ha tshikhathi tsha u thoma tsha tshivhidzo, Efeso, tsha Tshikhathi tsha Tshivhidzo.

82401 Zwino ri khou yo imba Dzhiani Dzina Ḽa Yesu Na Inwi, luimbonyana lwa thaberenakeḽe yashu lwa u balangana. Huno muṅwe na muṅwe kha imbe zwino. Zwo luga.

Dzhiani Dzina ḽa Yesu na inwi,Ṅwana wa vhuṱungu na khombo;Ḽi ḓo ni ṋea dakalo na khuthadzo,Ḽi dzhieni huṅwe na huṅwe hune na ya.Dzina ḽavhuḓi, Oo ḽi ḓifha hani!Fulufhelo ḽa ḽifhasi na dakalo ḽa

Ṱaḓulu;Dzina ḽavhuḓi, Dzina ḽavhuḓi, Oo ḽi

ḓifha hani!Fulufhelo ḽa ḽifhasi na dakalo ḽa

Ṱaḓulu.402 Zwino ri sa athu imba ndimana i tevhelaho, ndi ṱoḓa Vhameṱhodisi, Vhabaphuthisi, Vhapentekostaḽa, Vhakaṱoḽika, Nazarini, Pilgrim Holiness, u tou swikelelana vhoṱhe, na khaḓana na muṅwe a re phanḓa haṋu, nga thungo haṋu, murahu haṋu, na ri, “Muṱoḓafulufhelo wa Mukriste, khonani, ndo takala u vha na inwi fhano matsheloni ano. Ndo takala u vha na vhuṱama na inwi, u mona na zwithu zwa Mudzimu. Ndi a ḓivha zwauri ro vha na tshifhinga tshavhuḓi. Ndi fulufhela u ni vhona fhano hafhu madekwana a ṋamusi.” Tshiṅwe tshithu tshi no nga hetsho, musi ni tshi khaḓana na vhathu, phanḓa haṋu, murahu haṋu, u mona na inwi.

Kha Dzina ḽa Yesu ri tshi gwadama, Ndi ḓo ni vhona madekwana a ṋamusi, Murathu Neville. Ndi ḓo ni vhona madekwana a ṋamusi.

…milenzhe,Khosi ya dzikhosi, ngei Ṱaḓulu, ri

ḓo Mu ambadza khare,Musi lwendo lwashu lwo no fhela.Oo Dzina ḽavhuḓi, Oo ḽi ḓifha hani!Fulufhelo ḽa ḽifhasi na dakalo ḽa

Ṱaḓulu;Dzina ḽavhuḓi, Oo ḽi ḓifha hani!Fulufhelo ḽa ḽifhasi na dakalo ḽa

Ṱaḓulu.

83

U swika ri tshi ṱangana! u swika ri tshi ṱangana!

U swika ri tshi ṱangana kha milenzhe ya Yesu; (u swika ri tshi ṱangana,)

U swika ri tshi ṱangana! u swika ri tshi ṱangana!

Mudzimu a vhe na inwi u swika ri tshi ṱangana hafhu!

Zwino ri tshi kotamisa tshifhaṱuwo tshashu:U swika ri tshi ṱangana! u swika ri tshi ṱangana!

Nga murahu ha u vhala iyi bugu, arali vha tshi ḓo takalela u wana zwinzhi nga ha Vhaf. Vho-William Branham na mushumo wavho, kha vha kwame ofisi i re fhasi:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

Nḓivhadzo ya nzivhanyedziso

Pfanelo dzoṱhe dzo londolwa. Heyi bugu i nga ḓi ganḓiswa nga tshiganḓisi tsha hayani u itela u shumiswa nga muthu ene muṋe kana uri i anḓadziwe, hu si na mbadelo, sa tshishumiswa tsha u phaḓaladza Mafhungo-maḓifha a Yesu Kristo. Heyi bugu i nga si kone u rengisiwa, u bveledzwa hafhu nga maanḓesa, ya poselwa kha website, ya vhulungiwa kha sisteme ya u wana mafhungo, ya ṱalutshedzelwa kha dziṅwe nyambo, kana ya shumiswa kha u ṱuṱuwedza u humbela tshelede hu si na thendelo yo ṅwaliwaho zwi khagala nga Voice Of God Recordings®.

U itela u ḓivha zwinzhi kana u itela zwiṅwe zwishumiswa zwi wanalaho, kha vha kwame:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org