1 Republic of the Philippines Department of Education Regional Office IX, Zamboanga Peninsula FILIPINO Ikaapat na Markahan - Modyul 6 El-Filibusterismo – Kabanata XIX-XXV
1
Republic of the Philippines
Department of Education
Regional Office IX, Zamboanga Peninsula
FILIPINO Ikaapat na Markahan - Modyul 6
El-Filibusterismo – Kabanata XIX-XXV
2
Alamin
Magandang araw kaibigan! Una sa lahat binabati kita dahil matagumpay
mong natapos ang panlimang modyul. Hinahangaan kita sa taglay mong dedikasyon at
husay sa pag-aaral sa gitna ng krisis na ating hinaharap. Ngayon panibagong kaalaman
at kasanayan na naman ang iyong matututuhan sa ikaanim na modyul na ito na tatalakay
sa ikalabinsiyam hanggang ikadalawampu’t limang kabanata ng nobelang El
Filibusterismo. Kaya bago mo ipagpatuloy ang paggawa sa modyul na ito siguraduhin mo
munang nabasa mo na ang nabanggit na mga kabanata.
Sa araling ito malalaman mo ang kahulugan ng mga salitang hiram sa
wikang Espanyol. Susuriin din natin ang mga pangyayari sa akda na may kaugnayan sa
mga pangyayari sa kasalukuyan upang malaman ang pagkamakatotohanan ng akdang
ito. Base naman sa mga kaisipang namayani sa akda, bibigyang ka rin ng pagkakataong
maipaliwanag ang sarili mong paniniwala at pagpapahalaga at panghuli gagamitin mo ang
mga angkop na salitang naghahambing.
Tayo na’t tuklasin natin! Pakatandaan, upang matapos mong matagumpay
ang modyul na ito kailangang matamo ang mga kasanayang pampagkatuto. Kaya naman
pagkatapos mapag-aralan ang buong modyul, ikaw ay inaasahan na;
1. Naipaliliwanag ang kahulugan ng mga salitang hiram sa wikang Espanyol
F10PT-IVg-h-85
2. Naisasaad ang pagkamakatotohanan ng akda sa pamamagitan ng pag-uugnay
ng ilang pangyayari sa kasalukuyan F10PB-IVh-i-92
3. Nagagamit ang angkop na mga salitang naghahambing F10WG-IVg-h-81
4. Naisusulat ang pagpapaliwanag ng sariling mga paniniwala at
pagpapahalaga kaugnay ng mga kaisipang namayani sa akda F10PU-IVd-e-87
Pamantayang Pangnilalaman Pamantayan sa Pagganap
Naipamamalas ng mag-aaral ang pag-unawa at pagpapahalaga sa nobelang
El Filibusterismo bilang isang obra maestrang pampanitikan
Ang mag-aaral ay nakapagpapa-
labas ng makabuluhang photo/video
documentary na magmumungkahi ng
solusyon sa isang suliraning panlipunan sa
kasalukuyan
Bumuo sa Pagsusulat ng Modyul
Manunulat: Jeffry C. Villamor at Jefrey D. Batuigas
Editor/Tagasuri: Meldred F. Enriquez / Jill B. Lubguban
Tagalapat:
Tagapamahala: Majarani M. Jacinto,EdD, CESO VI
OIC, Schools Division Superintendent
Raymond M. Salvador, EdD; CESE III
OIC, Asst. Schools Division Superintendent
Visminda Q. Valde, EdD - Asst. Schools Division Superintendent
Juliet A. Magallanes, EdD- Chief Education Supervisor, CID
Josephine L. Tomboc, EdD- EPS-Filipino
Florencio R. Caballero, DTE - EPS, LRMDC
3
Ang araling ito ay gabay mo upang mas lumalim pa ang iyong pag-unawa at pagpapahalaga sa nobelang El Filibusterismo. Tandaang kailangang
nabasa mo na ang mga kabanatang ito sa nobela.
Balikan Natutunan mo sa naunang aralin ang paggamit ng angkop na mga
salitang hudyat sa pagpapahayag ng saloobin o damdamin, ngayon tingnan natin
kung naaalala mo pa ang mga ito.
GAWAIN 1: Panuto: Sipiin sa iyong sagutang papel ang mga pangungusap na
nagpapahayag ng saloobin o damdamin at salungguhitan ang salita na hudyat sa pagpapahayag nito.
1. Gaya ng hinaharap ni Quiroga na mga isyu at sistema sa pier, sa aking pananaw
ay hindi pa rin nawawala ang ganitong mga isyu sa ating bansa, nagbago lang ang
mukha pero paikot-ikot lang ang bulok na sistemang ito. 2. Ibig na ni Placido Penitente na umuwi at magtrabaho na lamang, ayaw na niyang
ipagpatuloy ang kanyang pag-aaral. 3. Sa pagkakaintindi ko, ang pagpapahiya ng isang guro sa kanyang mag-aaral sa
loob ng klase ay isang pang-aalipusta gaya ng ginawa ni Padre Millon kay Placido Penitente.
Tuklasin
I. Naipaliliwanag ang kahulugan ng mga salitang hiram sa wikang Espanyol
F10PT-IVg-h-85 Talasalitaan: Narito ang mga salitang hiram sa wikang Espanyol at Pranses na
mababasa natin sa nobela. Tandaan mong mabuti ang mga kahulugan nito at bigyang pansin ang kahulugan ng isang pahayag na mabubuo mula rito.
Talahanayan A
Mga Salitang Hiram Kahulugan
Memento Tanda/Alaala
Pulvis Pulbo/Alikabok
Homo Tao/Lalaki
Es Ikaw ay
Flumina Ilog
Super Sa
Babylonis Babylon
Sedimus Nakaupo kami
Similia/Similibus Pagkagusto
Curantur Paggamot/Pagpapagaling
Les Ang
Cloches Mga kampana
De Ng
Aralin
4.6 EL FILIBUSTERISMO
(Kabanata XIX-XXV)
4
A. Pagpapaliwanag sa hiram na pahayag; Hiram na pahayag; Memento homo, quia pulves es. Katumbas sa Filipino; Tandaan mo, tao, na ika’y alabok.
Maipapaliwanag mo ba kung bakit ganito ang katumbas na kahulugan nga hiram na pahayag base sa kahulugan ng mga hiram na salita sa itaas?
Tumpak! Sang-ayon sa talahanayan sa itaas ang kahulugan ng memento ay tanda o alaala, ang homo naman ay nangangahulugang tao at ang pulves ay may
kahulugang pulbo o alikabok.
B. Pagpapaliwanag sa hiram na salita;
Kapwa may bongo de copa sa ulo sina Camaroncocido at Tiyo Kiko upang makaiwas sa init at ulan.Ano ang kahulugan ng sinalungguhitang salita na hiram
sa Espanyol? Tama! Ang kahulugan ng sinalungguhitang salita ay salakot o som- brero
dahil sang-ayon sa pangungusap ay inilalagay ito sa ulo para makaiwas sa init at ulan.
II. Naisasaad ang pagkamakatotohanan ng akda sa pamamagitan ng pag-
uugnay ng ilang pangyayari sa kasalukuyan F10PB-IVh-i-92
Basahin mo ang dalawang pangyayari sa loob ng kahon, masasabi mo ba ang kaugnayan ng isa’t isa?
Pangyayari sa akda Pangyayari sa kasalukuyan
Nasaktan ng husto si Placido Penitente sa
panlilibak at pagpapahiya na ginawa ng
kanyang mga gurong prayle kaya’t naisipan niyang huwag nang bumalik sa pag-aaral at
pumunta na lang sa Hongkong upang matakasan ang mapait niyang kalagayan.
Mas pinili na lang ni Jane ang
magtrabaho sa murang edad at tumigil
na lang sa pag-aaral. Hindi naman siya nahihirapan sa mga aralin ngunit
bumibigat ang mga ito dahil sa mga masasakit na biro ng kanyang mga
kaklase na paminsan pang sinasabayan ng kanyang guro. Idagdag
mo pa ang mga panlalait at panlilibak ng mga ito sa kanyang kalagayan sa
buhay
Mapapansin mo na parehong tungkol sa pag-aaral ang dalawang pangyayari at halos pareho rin ang dahilan ng kanilang pagtigil sa pag-aaral at ang paraan ng
kanilang pagtalikod dito. Ang isa ay mula sa nobela at ang isa ay hango naman sa tunay na buhay, ibig sabihin ang akdang ito ay talagang makatotohanan dahil kahit hanggang
ngayon sa tunay na buhay ay nangyayari ang ganitong paniniil sa kapwa na nagdudulot ng kapariwaraan sa buhay ng ilan. Siguro may karapatan tayong magalit sa ibang tao
pero wala tayong karapatang alipustahin at hamakin ang ating kapwa.
III. Nagagamit ang angkop na mga salitang naghahambing F10WG-IVg-h-81 Mga pangungusap na naghahambing
1. Si Don Custodio ay may budhing kasinlinis kay Epaminodas ng Gresya. 2. Mas nagpapahalaga si Don Custodio sa kanyang dangal kaysa sa ibang mga
Kagawad ng Batasan na kimi’t tamad at nisisyahang matulog sa pulong at bumubutong kasama ng nararami.
3. Ang pananamit ni Camaroncocido ay di-gaanong malinis na gaya ng kay Tiyo Kiko.
Sa iyong pagsipat, aling salita ang naghahambing sa bawat pangungusap?
5
Magaling! Sa unang pangungusap ang salitang naghahambing ay kasinlinis, sa ikalawa naman ay mas at kaysa at sa ikatlo ay di-gaano at kaysa.
Sa palagay mo angkop ba ang mga salitang naghahambing na ginamit sa
Bawat pangungusap? Maari mo bang ipaliwanag?
Tumpak! Ang husay mo naman. Angkop na angkop ang mga salitang
naghahambing na ginamit sa bawat pangungusap. Una ang salitang kasinlinis ay naghahambing ng dalawang may parehong katangian kaya angkop itong gamitin sa
unang pangungusap. Ang salitang mas at kaysa naman ay angkop din gamitin sa ikalawang pangungusap dahil ang paksa o simuno nito ay may higit na katangian sa
bagay na pinaghahambingan. Panghuli, ang salitang di-gaano at kaysa ay ginagamit
naman kung ang paksa ng pangungusap ay mas mababa ang katangian kaysa sa pinaghahambingan gaya ng sa ikatlong pangungusap.
IV. Naisusulat ang pagpapaliwanag ng sariling mga paniniwala at pagpapahalaga
kaugnay ng mga kaisipang namayani sa akda F10PU-IVd-e-87
Maraming mga pangyayari o mga pahayag ng tauhan na nagpapahiwatig ng mga kaisipang namamayani sa nobela na tiyak na pupukaw at
makakaimpluwensiya sa ating mga paniniwala at pagpapahalaga. Basahin mo ang
ginawa kong paliwanag ng sariling paniniwala at pagpapahalga base sa isang kaisipang namayani sa nobela.
Pangyayari o pahayag sa nobela
“Ang kanser ay magagamot lamang ng apoy at bakal. Ang kasalanan ay dapat pagbayaran…kung nakagawa man ako ng masama, ito ay para sa kabutihan din
at ang wakas ang siyang magpapatunay sa kadahilanan. Hindi ko dapat ihayag ang aking sarili.” Kaisipang namayani sa akda
Inihahayag sa pangyayaring ito ang paghihiganti sa naranasang karahasan gamit din ang karahasan sa layuning matatamo ang inaasam na kalayaan sa panahon kung kailan naisulat ang nobelang ito. Kung baga hinihikayat ng may-akda sa panahong ito ang mga Filipino na lumaban, na ang katuparan ng kanilang minimithing kalayaan at makapapawi sa sakit ng lipunan ay matatamo sa pamamagitan ng madugong rebolusyon. Paliwanag ng sariling paniniwala at pagpapahalaga
Kung sisipatin natin ang kaisipan sa pangyayaring ito sa panahon kung kailan naisulat ang akda, hindi ko maitatatwang sisiklab ang damdaming makabayan ng mga ninuno natin dahil napakahusay ng pagkalahad ng may-akda sa kaisipang nais niyang iparating. Ngunit kung ibabatay natin ito sa kasalukuyang panahon at sa simpleng pakikipag-ugnayan natin sa kapwa, sa aking pananaw bilang isang kristiyano ay hindi katanggap-tanggap ang ganitong ideya o gawain. Sa pagkakaintindi ko ang gawaing masama ay mananatiling masama maging mabuti man ang layunin o nais makamit nito.
Sang-ayon ka ba sa paliwanag ko? Katanggap-tanggap ba ang paglalahad
ko nito? Huwag kang mag-alala magkakaroon ka rin ng pagkakataong maipahayag ang iyong sariling paniniwala base sa mga kaisipang nabasa mo sa akda pagkatapos na
maging malinaw sa iyo ang araling ito.
Suriin Kaibigan alam kong medyo mahirap intindihin ang mga nabasa mo sa
naunang bahagi ng araling ito, pero huwag kang mabahala gagabayan kita upang
6
matutuhan mo ang lahat ng kasanayang nais mong matamo. Halika’t himayin natin ang bawat isa. Kasanayan 1. Naipaliliwanag ang kahulugan ng mga salitang hiram sa wikang Espanyol F10PT-IVg-h-85 Talasalitaan
Kadalasan ang kahulugan ng mga mahihirap na salita na ginagamit sa
bawat akda ay makikita sa pamamagitan ng mga pahiwatig, kung papaanong ginamit ang salita sa pangungusap at o literal na ibinibigay at ipinaliliwanag ng may-akda gamit
ang mga talahanayan. Kaya ang pagpapaliwanag sa mga kahulugan ng mga ito ay nakadepende sa kung paano ito inilalahad o ginagamit sa akda.
A. Pagpapaliwanag sa hiram na pahayag;
Sa pagpapaliwanag sa kahulugan ng mga hiram na pahayag, una iniisa-
isa natin ang bawat salita at hinahanap ang katumbas nito sa ating wika sang-ayon sa ibinibigay ng mga reperensiya. Sa modyul na ito makikita mo iyon sa Talahanayan
A. Pagkatapos ay binubuo natin ang katumbas nitong kahulugan sang-ayon sa hinihingi ng hiram na pahayag. Masasabi nating ito’y isang paraan ng pagsasaling
wika ngunit pakatandaan na ang sinasalin natin ay ang diwa ng pahayag at hindi ang bumubuong mga salita nito.
Sa unang halimabawa na “Memento homo, quia pulves es” sang-ayon sa talahanayan sa itaas ang kahulugan ng memento ay tanda o alaala, ang homo
naman ay nangangahulugang tao at ang pulves ay may kahulugang pulbo o alikabok kaya pwede ang katumbas na pahayag nito sa Filipino na “Tandaan mo, tao, na ika’y
alabok”. B. Pagpapaliwanag sa hiram na salita;
Ang ganitong pagpapaliwanag naman ay nakadepende sa ibinibigay na kahulugan ng mga reperensiya gaya ng diksyunaryo , sa pahiwatig na kahulugan at sa kung papaano ginamit ang salita sa loob ng pangungusap.
Sa halimbawang pangungusap na “Kapwa may bongo de copa sa ulo sina Camaroncocido at Tiyo Kiko upang makaiwas sa init at ulan” ang kahulugan ng
sinalungguhitang salita ay salakot o sombrero dahil sang-ayon sa pangungusap ay inilalagay ito sa ulo para makaiwas sa init at ulan.
Sa halimbawang ito kitang-kita na ang kahulugan ng salita ay inihahayag sa pamamagitan ng kung papaano ito ginamit sa pangungusap at sa
pahiwatig na kahulugan.
Kasanayan 2. Naisasaad ang pagkamakatotohanan ng akda sa pamamagitan ng pag- uugnay ng ilang pangyayari sa kasalukuyan F10PB-IVh-i-92
Ang akdang ito ni Dr. Jose P. Rizal ay sadyang makatotohanan dahil
masasalamin dito ang mga pangyayari sa kasagsagan ng pananakop ng mga Kastila lalo na ang paggamit ng mga prayle sa kapangyarihan upang mapaikot ang pamahalaan
at ang mamamayan. Ibig sabihin masasabi nating makatotohanan ang isang akda kung hango ito o may malaking kaugnayan sa tunay na pangyayari sa buhay.
Pakatandaan lang natin na mas magiging makatotohanan ang akdang ito kung maiuugnay pa rin natin ang mga pangyayari dito sa tunay na mga nagaganap sa
ating kasalukuyang panahon sa pamamagitan ng mga kaisipang namamayani sa bawat
pangyayari.
Kasanayan 3. Nagagamit ang angkop na mga salitang naghahambing F10WG-IVg-h-81
Ang kaangkupan sa paggamit ng mga salitang naghahambing ay naka- depende sa antas ng paghahambing dahil may dalawang uri ng paghahambing, ang
paghahambing na patulad at di-patulad.
7
Sa paghahambing na patulad puweding gamitin ang sumusunod na
mga salita dahil naghahambing lamang ito ng dalawang may kaparehong katangian. 1. magka-
2. magsing- / magsin- (para sa ikakabit na salitang ugat na nagsisimula sa letrang d, l, r, s, o t) / magsim- (para sa ikakabit na salitang ugat na
nagsisimula sa letrang b o p)
3. magkasing- / magkasin- (para sa ikakabit na salitang ugat na nagsisimula sa letrang d, l, r, s, o t) / magkasim- (para sa ikakabit na salitang ugat na
nagsisimula sa letrang b o p) 4. kasing- / kasin- (para sa ikakabit na salitang ugat na nagsisimula sa letrang
d, l, r, s, o t) / kasim- (para sa ikakabit na salitang ugat na nagsisimula sa
letrang b o p) 5. sing- / sin- (para sa ikakabit na salitang ugat na nagsisimula sa letrang d,
l, r, s, o t) / sim- (para sa ikakabit na salitang ugat na nagsisimula sa letrang b o p)
6. ga- : halimbawa gabutil (kasinliit ng butil) at gabundok (kasinlaki ng bundok)
Ang paghahambing na di-patulad naman ay nahahati sa dalawa ang pahambing na palamang at pahambing na pasahol.
Palamang ang paghahambing kung ang paksa o simuno sa pangungusap
na inihahambing ay may higit na katangian kaysa pinaghahambingan kaya gumagamit ng mga mga salitang;
1. higit na…kaysa 4. di-hamak na…kaysa
2. lalo/lalong…kaysa 5. lubha/lubhang…kaysa 3.mas…kaysa
Pasahol naman ang paghahambing kung ang pinaghahambingan ay
mas higit ang katangian sa paksa o simuno ng pangungusap na inihahambing at angkop na gamitin ang mga salitang;
1. di-gaano/di-gaanong…na gaya/na tulad 2. di-lubha/di-lubhang…na gaya/na tulad
3. di-gasino/di-gasinong…na gaya/na tulad
4. di-masyado/di-masyadong…na gaya/na tulad
Kasanayan 4. Naisusulat ang pagpapaliwanag ng sariling mga paniniwala at pagpapa- halaga kaugnay ng mga kaisipang namayani sa akda F10PU-IVd-e-87
Gagamitin mo ang natutunan mo sa naunang modyul ang tungkol sa paggamit ng angkop na mga salitang hudyat sa pagpapahayag ng saloobin o
damdamin. Kung mapapansin mo ang paliwanag sa ikaapat na kasanayan sa
bahaging tuklasin ng modyul na ito may mga pahayag na nakaitalisado. Ang mga pahayag na ito’y sariling saloobin o damdamin na reaksyon tungkol sa kaisipang
lumilitaw o nais iparating ng may-akda. Inilalahad ang mga saloobing ito gamit ang mga salitang hudyat sa
pagpapahayag ng saloobin o damdamin upang maging pormal at katanggap-tanggap ang paglalahad nito kahit na sabihin pang hindi naman sang-ayon ang iilan sa
sariling saloobin ng iba. Ibig sabihin hindi natin ipinagpipilitang tanggapin ang sarili nating pananaw bagkus ay inilalahad lang natin ito sa isang mabisa at tanggap na
paraan. Kung baga ito ang tamang paraan ng malayang pagpapahayag ng ating
saloobin at damdamin sa alin mang plataporma lalo na sa social media.
8
Pagyamanin
Kumusta kaibigan? Nakikita kong may namumuo nang kaalaman sa iyong isipan at nagpapahiwatig na handa ka ng mas matuto pa sa mga kasanayang
pinagtutuunan natin ng pansin. Halika! Subukin natin ang iyong kaalaman nang mapagtibay mo ang natutunan mong kasanayan.
Panuto: Basahin at unawaing mabuti ang mga tuntunin at sagutin sang-ayon sa hinihingi ng bawat gawain.
GAWAIN 1. Ipaliwanag mo. Ibigay ang kahulugan ng mga hiram na pahayag at salita na nakaitalisado sa bawat pangungusap at ipaliwanag kung bakit ito ang katumbas na
kahulugaan. Isulat ang iyong sagot sa isang malinis na papel. 1. Ang taong iyan ay isang mangangalakal na ang lahat ng bagay ay pingadadayaan, pati
na ang kanyang Fe de Bautismo, ang katibayan ng kanyang pagiging kristiyano.
Kahulugan:___________________________________________________________________ Paliwanag:____________________________________________________________________
2. Ipinaskil ang mga pulang kartelon na nagbabalita ng Les Clotches de Corneville. Kahulugan___________________________________________________________________
Paliwanag:____________________________________________________________________
GAWAIN 2. Pag-ugnayin mo. Piliin mula sa ibaba ang pangyayari sa kasalukuyan na
maaring maiugnay sa pangyayaring mula sa akda. Hanapin din sa isa pang hanay ang kaisipang nag-uugnay sa dalawang pangyayari upang masabi natin na talagang
makatotohanan ang akda. Titik lamang ang isulat sa inyong sagutang papel.
Pangyayari sa akda: Ang pagkalulong ni Kapitan Tiyago sa paghitit ng opyo na naging dahilan ng
kanyang mabilis na panghihina ng katawan at nagbigay daan upang harapin niya ang kanyang kamatayan. Hindi matukoy kung sino ang nagbibigay ng opyo gayong mahigpit itong binabantayan ni Basilio at ang tanging dumadalaw sa kapitan ay sina Simuon at Pari Irene. Ang una ay bihirang dumalaw at ang ikalawa ay kabaliktaran.
Mga Pagpipilian
Pangyayari sa kasalukuyan A. Ang bangayan at sisihan ng mga politiko sa ating bansa sa gitna ng kinakaharap
nating pandemya. Hindi pa rin magkasundo ang bawat panig, ang administrasyon at ang oposisyon, nariyang sinisiraan ng pangalawa ang una at binabatikos naman ng una ang
pangalawa.
B. Ang patuloy pa ring paglaganap ng ipinagbabawal na gamot sa ating bansa kahit pa sa mahigpit na kampanya ng ating pangulo. Marami pa rin ang mga nahuhuling naglalako
at gumagamit nito.
Kaisipan A. Noon pa man ay naging suliranin na ang pagkalulong sa ipinagbabawal na gamot
na nagpapalubha sa problema ng ating bayan hanggang sa kasalukuyan. Masasabing hindi pa rin nagtatagumpay ang pamahalaan upang masugpo ang paglaganap nito dahil hindi
mo mawari kung kanino at kung saan ito nagmumula.
B. Ang hindi pagkakaisa ang siyang ugat ng suliranin sa ating bansa na hanggang ngayon ay hindi pa rin nalulutas na tila lumalala pa. Hindi mo na tuloy nalalaman kung
sino ang siyang may tunay na pagmamahal sa bayan dahil di nila alintana na walang maidudulot na maganda sa bayan ang patuloy na patutsadahan.
9
GAWAIN 3. Paghambingin mo.Gamit ang angkop na mga salitang naghahambing, paghambingin mo ang ang mga tauhang magkapares sa ibaba ayon sa paglalarawan o
katangian nito. Isulat ang iyong paghahambing sa isang malinis na papel
Mga tauhan Katangian o Paglalarawan
1. Isagani at Juanito Pelaez Mahal at sinisinta ni Paulita Gomez
2. Tadeo at Sandoval Kahusayan sa pag-iintindi ng salitang
Pranses
GAWAIN 4. Buuin mo.Piliin sa loob ng kahon ang mga paliwanag na sa tingin mo’y nalalapit sa iyong sariling paniniwala at pagpapahalaga kaugnay sa kaisipang inilalahad ng akda.
Isulat mo ito ng patalata sa iyong sagutang papel.
Kaisipan
Magkasalungat ang paniniwala ng bawat tao tungkol sa pagtatamo ng kaunlaran gaya ng pagkakasalungat ng mga pangarap at pananaw sa buhay nina Isagani at Paulita
Gomez.
Mga pagpipiliang paliwanag
1. Sa pakiwari ko ay magiging maligaya ang sinumang nagmamahalan kung ang
kanilang mga pangarap ay magkaugnay. 2. Hindi man madaling gawin ngunit para sa akin ang pakikipagkasundo sa
kapwa ay magdudulot ng mabuting ugnayan.
3. Ang kaunlaran ay hindi maabot kung walang mangyayaring pagkakasunduan.
4. Mahirap mang matamo ang iisang hangarin pero base sa aking karanasan, ang pagkakaisa ang siyang daan patungo sa kaunlaran.
5. Mas gagaan ang isang gawain kung magtutulungan at dahil dito’y may uusbong pang mabuting pakikipagsamahan.
Isaisip
Malayo na ang ating narating kaibigan. Alam kong nahirapan ka sa pagsagot sa mga gawain ngunit hindi mo maitatatwang marami kang natutuhan sa ating aralin ngayon.
Isulat mo ang iyong mga kaalaman na natutuhan mula rito.
I. Talasalitaan:
A. Sa pagpapaliwanag ng hiram na pahayag; Natutunan ko na _________________________________________________________________
________________________________________________________________________________________ B. Sa pagpapaliwanag ng hiram na salita;
Natutunan ko na ________________________________________________________________
________________________________________________________________________________________
II. Pagiging makatotohanan ng akda: Masasabi nating makatotohanan ang isang akda kung;
____________________________________________________________________________________ _____________________________________________________________________________________
10
Mas magiging makatotohanan ang akda kung maiuugnay pa rin natin ang mga pangyayari dito sa _____________________________________________________________
____________________________________________________ sa pamamagitan ng mga ___________________________________________________________________.
III. Paggamit ng angkop na mga salitang naghahambing:
Ang kaangkupan sa paggamit ng mga salitang naghahambing ay nakasalalay sa;_____________________________________________________________________________________
________________________________________________________________________________________ IV. Pagpapaliwanag ng sariling mga paniniwala at pagpapahalaga
Nailalahad ko ang sariling mga paniniwala at pagpapahalaga kaugnay ng mga kaisipang namayani sa akda gamit ang mga salitang __________________________________________________________________________________________________________________________________________________________________________
Mahalaga ito dahil ____________________________________________________ _____________________________________________________________________________________
Tayahin
Panuto: Basahin at unawaing mabuti ang bawat katanungan. Isulat ang tamang sagot sa iyong sagutang papel sang-ayon sa hinihingi ng bawat aytem.
Para sa bilang 1 hanggang 3, ibigay ang paliwanag sa kahulugan ng salita o pahayag na sinalungguhitan sa loob ng pangungusap. Maaari mong gamitin ang talahanayan A sa
bahaging tuklasin ng modyul na ito. 1. Ang mga palko sa itaas ng teatro na iilan lang ang upuan at walang bubungan ay puno
ng mga kababaihan at nagtila bakal na puno ng bulaklak. Kahulugan: Balkonahe
Paliwanag: ______________________________________________________________________
2. “Isang piging na katulad ng sa mga bilanggo, super flumina Babylonis sedimus!” Ang sabi ni Tadeo.
Kahulugan: Nakaupo kami sa ibabaw ng ilog ng Babylon! Paliwanag: ______________________________________________________________________
3. “Iyang kagalang-galang na ginoo na maayos ang pagkakabihis ay hindi mediko, kundi
kakaibang nilalang na sa lahat ng bagay ay naniniwala sa similia similibus curantur”. Kahulugan: Ang pagkagusto ay napapagaling din ng pagkagusto.
Paliwanag: _____________________________________________________________________
Para sa bilang 4 hanggang 5, piliin kung aling pangyayari sa kasalukuyan ang maaari mong maiugnay sa mahalagang pangyayari/kaisipan na mababasa mo sa kabanata upang
mapatunayan na makatotohanan ang akda. Isulat ang titik ng tamang sagot.
4. Bigo man ang naging kahilingan sa pamahalaan na maitatag ang Akademya ng Wikang
Kastila, nagdiwang ang mga kabataang mag-aaral sa Panciteria Macanista de Buen Gusto para ipagdiwang ang sinapit ng nilalakad nila . Naging maingay at puno ng biruan at
halakhakan ang nangyaring piging kahit pa sa kabiguan ng kanilang kahilingan. A. Ang pagkagumon ng kabataan sa social media na halos ang buong araw ay
ginugugol sa pagsu-surf sa internet. B. Pagkapariwara ng mga kabataan dahil sa hindi nakapag-aral at naging palaboy
na lang.
C. Madaliang pagsuko ng mga kabataan kahit sa mga simpleng pagsubok at problema lang sa buhay.
11
D. Pang-aabuso sa karapatan ng mga kabataan lalo na sa karapatang magkaroon ng tahimik at ligtas na pamayanan.
5. Buong galak na tinatangkilik ng buong kamaynilaan ang operatang Pranses na bantog
sa pagtatanghal ng dulang Les Cloches de Corneville. Bulong-bulongan ang magagandang artista kaya ikapito pa lamang ng gabi ay wala nang mabiling tiket.
A. Mas gustong panoorin ngayon sa ating bansa ang mga palabas mula sa bansang Korea at iniidolo ng mga Filipino ang mga artista mula sa bansang ito.
B. Marami ang gustong sumikat gaya ng mga artista kaya marami ang nakikipagsapalaran na magpa-audition sa mga reality show gaya ng Pinoy Big
Brother. C. Mas iniidolo ng mga kabataan ang mga artistang banyaga dahil sa magaganda
sila at mas makinis kaysa mga artistang Filipina.
D. Mas tinatangkilik na ng masang Filipino ang mga palabas sa telebisyon o pelikula kaysa mga pang-entabladong pagtatanghal.
Para sa bilang 6 hanggang 8, piliin ang angkop na mga salitang naghahambing upang mabuo ang pangungusap sa bawat bilang. Titik lamang ng tamang sagot ang isulat sa
papel.
6. Ang mga artistang Pranses ay ________________________ magaling na tulad ng mga
artistang Filipino. A. di-gaanong B. di-hamak na C. lubhang D. mas
7. Ang umpukan ng kalalakihan sa teatro ay ________________ na maingay kaysa
kababaihan. A. di-gaano B. di-hamak C. di-lubha D. mas
8. Para kay Simoun, ang pagkawala ng isang kaibigan ay ________________________masakit
na gaya nang pagkawala ni Maria Clara.
B. higit na B. di-hamak na C. di-masyadong D. lubhang
Para sa bilang 9 hanggang 10, piliin ang pangungusap na sa tingin mo’y nalalapit sa iyong
sariling pagpapaliwanag ng mga paniniwala at pagpapahalaga kaugnay sa kaisipang inilalahad ng bawat bilang. Titik lamang ang isulat sa iyong sagutang papel.
9. Ang bawat mamamayan ay may mga tungkuling dapat gampanan sa ikauunlad at ikapapanatag ng bayan. Ngunit marami sa atin ay kagaya ni Camaroncocido na
ipinagsasawalang bahala lang ang mga kahina-hinalang mga bagay na kanyang naririnig at nangyayari sa paligid.
A. Mas mainam na magsawalang kibo na lang kaysa madamay pa sa maaaring
kaguluhan. B. Kung ang kaligtasan ng ating lipunan ang pag-uusapan, base sa aking
karanasan, mas makabubuti ang makisangkot, makiisa at makipagtulungan.
C. Kung sa ikauunlad ng bayan ang ating titingnan, magandang magkaroon tayo ng puhunan dahil sa kaunlaran dapat walang naiiwan sabay-sabay dapat.
D. Hindi ka isang mabuting mamamayan kung magkikibit-balikat ka lang sa mga nangyayari sa bayan.
12
10. Huli na sa takdang oras ang pagsisimula ng pagtatanghal sa kadahilanang huli ring dumating ang Kapitan Heneral – ang magbubukas ng tabing ng tanghalan. Hanggang
sa ngayon naging sakit na natin ang pagdating ng huli sa mga pagtitipon at iba pang gawain na tinawag na ngang Filipino Time.
A. Galing sa mga Kastila ang pag-uugaling laging pahuli-huli sa takdang oras,
kung hindi ako nagkakamali, ang mga ninuno natin alas tres pa lang ng
madaling araw ay nagbubungkal na ng lupa sa sakahan kaya masasabi kong napakaaga ng ating Filipino Time.
B. Minana lang natin ang kaugaliang iyan kaya huwag ninyong isisi sa atin. Marami naman sa atin ang maagang dumating sa anumang gawain sadyang
ang mga may dugong Kastila lang ang ganyan. C. Kadalasan naman sa mga pagpupulong ay hindi rin nagsisimula sa takdang
oras kaya walang silbi rin kung ikaw ang pinakamaaga baka antukin ka lang at
makatulog o di kaya’y ikaw pa ang makapagwalis sa lugar na pagpupulungan. D. Filipino Time, matandang sakit na natin talaga iyan, hindi na kailangan ang
marami pang rason at patunay kung saan galing ang kaugaliang ito. Nasa sa iyo na rin naman kung gusto mong magbago o mananatiling ganyan na lang
habambuhay.
Karagdagang Gawain
Narito ang isang pangyayaring sinipi mula sa kabanata kasama ang kaisipang
namamayani mula rito. Basahin at suriin itong mabuti para maisagawa mo ang kasunod na gawain.
Pangyayari: Mula sa kabanata XXV
Nagdiwang ang mga kabataang mag-aaral sa Panciteria Macanista de Buen Gusto para ipagdiwang ang sinapit ng nilalakad nilang Akademya ng Wikang Kastila. Naging
maingay at puno ng biruan at halakhakan ang nangyaring piging kahit pa sa kabiguan ng
kanilang kahilingan.
Kaisipan: Bigo man ang mga kabataang mag-aaral sa kanilang kahilingan, subalit ganoon man ang nangyari payapa nilang tinanggap ang kabiguang iyon. Nagdiwang pa sila sa kabila ng nangyari na nagpapakita ng kanilang pagiging pursigido at positibo.
Panuto: Gamit ang natutunan mo sa paggamit ng angkop na mga salitang naghahambing at paggamit ng angkop na mga salitang hudyat sa pagpapahayag ng saloobin o
damdamin, sumulat ka ng isang talatang magpapaliwanag ng sarili mong mga paniniwala at pagpapahalaga kaugnay ng kaisipang namayani sa nabasang
pangyayari sa itaas. Gawing gabay ang rubriks sa ibaba.
13
Nangangailangan
ng tulong (1)
Di-gaanong mahusay (3)
Mahusay (4)
Napakahusay (5)
Nilalaman
Ang talata ay
may mga pangungusap
na hindi
nakitaan o walang
maayos na diwa at
balangkas. Ang mga
bahagi ay
hindi malinaw.
Ang talata ay
may isa o dalawang
pangungusap
lamang na nakitaan ng
maayos na diwa at
balangkas. May iilang
bahagi na
hindi malinaw.
Ang talata
ay may tatlo o higit pang
pangungusa
p na nakitaan ng
maayos na diwa at
balangkas. Malinaw ang
pagkakasula
t ng mga bahagi.
Maayos ang
pagkakabalangkas ng talata.
Lahat ng
pangungusap ay may
koneksyon. Ang diwa ng
talata ay malinaw at
mahusay na
nailahad.
Kawastuhan
- Salitang
Pahambing
- Salitang
Hudyat na nagpapahayag
ng saloobin
Ang talata ay hindi
nakitaan ng paggamit ng
salitang pahambing.
Ang talata ay nakitaan
lamang ng isang salitang
pahambing.
Ang talata ay nakitaan
lng dalawang
salitang pahambing.
Ang talata ay nakitaan ng
tatlo o higit pang mga
salitang pahambing.
Ang talata ay
hindi
nakitaan ng paggamit ng
salitang hudyat na
nagpapahayag ng saloobin.
Ang talata ay
nakitaan
lamang ng isang salitang
nagpapahayag ng saloobin.
Ang talata
ay nakitaan
ng dalawang salitang
nagpapahayag ng
saloobin.
Ang talata ay
nakitaan ng
tatlo o higit pang mga
salitang nagpapahayag
ng saloobin.
Kaugnayan sa
kaisipan
Walang
koneksyon
ang isinulat na talata sa
kaisipan.
May isang
kaisipan
lamang na nakikita sa
talata. Hindi masyadong
malinaw ang pagkakasulat.
Hindi
masyadong
malinaw ang pagkakasula
t at may katamtaman
g kaugnayan lamang sa
kaisipan.
Mahusay ang
pagkakasulat
at lubos na may
kaugnayan sa kaisipan.
14
1. Gaya ng hinaharap ni Quiroga na mga isyu at sistema sa pier, sa aking pananaw ay hindi pa rin nawawala ang ganitong mga
isyu sa ating bansa, nagbago lang ang mukha pero paikot-ikot lang ang bulok na sistemang ito.
3. Sa pagkakaintindi ko, ang pagpapahiya ng isang guro sa kanyang mag-aaral sa loob ng klase ay isang pang-aalipusta gaya
ng ginawa ni Padre Millon kay Placido Penitente.
Susi ng Pagwawasto Balikan
Pagyamanin
1.Kahulugan: Sertipiko ng Binyag Paliwanag: Dahil sa salitang Bautismo na ginagamit pa rin
ngayon sa mga simbahan at dahil din a huling pahayag na
“Kahulugan: Ang mga Kampana ng Corneville
Paliwanag: Dahil makikita sa Talahanayan A sa tuklasin na bahagi ng modyul na ito ang mga kahulugan ng bawat salita.
Ang kahulugan ng Les ay ang at ang Cloches naman ay mga kampana.
15
Tayahin
Sanggunian
Magbaleta, Corazon, and Alcaraz, Cid. El Filibusterismo (sa bagong pananaw) ni Dr. Jose P. Rizal. Valenzuela City: JO-ES Publishing House, Inc., 2006.
Noche, Pia. “Kaantasan ng pang-uri worksheets.” Last modified September 18,
2014. https://samutsamot.com/2014/09/18/kaantasan-ng-pang-uri-worksheets/.
Noche, Pia. “Pagsasanay sa Filipino: Paghahambing na palamang o pasahol.” 2014. https://samutsamot.com/wp-content/uploads/2014/09/paghahambing-na-
palamang-o-pasahol_11-1.pdf.
Noche, Pia. “Pagsasanay sa Filipino: Patulad o di-patulad na paghahambing.” 2014. https://samutsamot.com/wp-content/uploads/2014/09/patulad-o-di-patulad-na-
paghahambing_12-1.pdf.
1.Balkonahe ang ibig sabihin nito dahil nabanggit sa pangungusap na sa itaas itong bahagi ng teatro at iilan lang ang upuan, kadalasan
sa mga teatro ay may especial na kuwarto kung saan nandoon nakaupo ang iilang mahahalagang tao sa lipunan.
2.Dahil makikita sa Talahanayan A sa tuklasin na bahagi ng modyul
na ito ang mga kahulugan ng bawat salita. Madaling masabi dahil ang kahulugan ng flumina ay ilog at ang
Babylonis ay Babylon. 3.Dahil makikita sa Talahanayan A sa tuklasin na bahagi ng modyul
na ito ang mga kahulugan ng bawat salita. Ang kahulugan ng similia at similibus ay parehong pagkagusto at ang
curantor naman ay paggamot o pagpapagaling.
4.C. 5. A 6. A. 7. B. 8. C. 9. B. 10. A.
16
The Footprints Prayer Trees by Joyce Kilmer
One night I had a dream. I dreamed
that I was walking along the beach
with the LORD.
In the beach, there were two (2) sets
of footprints – one belong to me and
the other to the LORD.
Then, later, after a long walk, I
noticed only one set of footprints.
“And I ask the LORD. Why? Why?
Why did you leave me when I am sad
and helpless?”
And the LORD replied “My son, My
son, I have never left you. There was
only one (1) set of footprints in the
sand, because it was then that I
CARRIED YOU!
I think that I shall never see
A poem lovely as a tree.
A tree whose hungry mouth is prest Against the earth’s sweet flowing
breast;
A tree that looks at God all day, And lifts her leafy arms to pray;
A tree that may in Summer wear
A nest of robins in her hair;
Upon whose bosom snow has lain; Who intimately lives with rain.
Poems are made by fools like me,
But only God can make a tree.
Region IX: Zamboanga Peninsula Hymn – Our Eden Land
Here the trees and flowers bloom
Here the breezes gently Blow,
Here the birds sing Merrily,
The liberty forever Stays,
Here the Badjaos roam the seas
Here the Samals live in peace
Here the Tausogs thrive so free
With the Yakans in unity
Gallant men And Ladies fair
Linger with love and care
Golden beams of sunrise and sunset
Are visions you’ll never forget
Oh! That’s Region IX
Hardworking people Abound,
Every valleys and Dale
Zamboangueños, Tagalogs, Bicolanos,
Cebuanos, Ilocanos, Subanons, Boholanos,
Ilongos,
All of them are proud and true
Region IX our Eden Land
Region IX
Our..
Eden...
Land...