Ding Kawatasan Nang Poeta Carlos Ma galindan Castro · 2 Kayapan Vs Dewakan ... banuang 1943 caring pacacalulung miasawang Benito Dalay ... Ketang banuang 1976 migdimitir ya king

POESYANG KAPAMPANGAN

“LUGUD”

Sinulat Nang

Poeta Laureado

Carlos Mañgalindan Castro

Bgy. San Antonio, Sasmuan, Pampanga

Paunang SalitaPoetang Capampangan - Neng PL Renato B. Alzadon - Ari Ning ParnasoIng Bie Ku Keti King Yatu - Neng Carlos M. Castro

A. Poesyang Macaparikil King Lugud Keng Amanung Sisuan1 Aldo Ning Amanung Sisuan2 Atin Yan Lisun Ing Bie3 Bangungot4 Bayung Ari at Principe Ning Parnasong Capampangan5 Cacandut A Diwa6 Ca Marciano M. Mañgalindan7 E Ku Tuknang Dalit8 Indung Capampangan9 Ing Amanung Capampangan

10 Lugud King Amanung Sisuan11 Panalangin Ning Poeta

B. Poesyang Macaparikil King Lugud Keng Balen Tibuan1 Dalan Ning Pamagbayu2 Kayapan Vs Dewakan3 Ing Mayap A Manungkulan4 Ing Sakit Ning Balen Cung Sinta5 Ing Ulaga Ning Botu Mu6 Lugud King Capaligiran7 Man of Integrity8 Migkule Yang Beñgi Ing Kakung Paninap9 Tune Dalan Ning Pamagbayu

C. Poesyang Macaparikil King Lugud Parang Tau1 Ding Bacas A Lacuan Cu2 Ing Aldo Ring Pusu3 Ing Dila4 Ing Lupa Ning Cacaluluan5 Ing Parasan Ning Bie Ku6 Ing Uliran A Tata7 Keta Pu Kekami8 Lugud Karing Pengari9 Pamisanmetung Ding Miasawa

10 Potang Datang Na Ing Silim11 Siglulung Tau12 Sulat Karing Anak Ku13 Y Tatang Kung Pakamalan

DENG KALAMNAN

D. Poesyang Macaparikil King Lugud Keng Guinu1 Atin Cung Cacaluguran2 Baket Ausan Mu Cung Guinu?3 Dapat King Lugud4 E Ya Pitatacutan Ing Kamatayan5 Ing Kamatayan Ning Guinu Tang Jesus6 Ing Lugud Ning Dios7 Ing Mayap A Balita8 Ing Pusu Ning Guinu9 Ing Tune Dangalan

10 Ing Tune Lugud11 Ing Tune Regalu12 Ing Ulaga Ning Pascu13 Kabalisan 14 Kapalaluan15 Kasalanan16 Neng Magkamali Ku17 Pamamili18 Pasalamat19 Salilungan20 Siwala Nang Cristo

Megumpisa ing ilig cu keng pamaniulat poesya ketang banuang 2001 dapot king amanung Tagalug. Meging miembru nacu ning E-Manila Poetry a nung nu ding mapilan caring sinulat cung poesya meging “most commented” la. Sinulat cu namangpoesya at mig-compose cantang papuri qng Dios keng Amanung English.

Ketang banuang 2007 mikit kami ning pisan a Tony Mercado Peña a Anac mu namanking balen Sasmuan at meging “Most Outstanding Kapampangan ing the Field of Literature”. Inagkat nacung sumubuc sumulat king Amanung Kapampangan at pepakit no canacu ding sinulat nang poesya. Ketang Abril 27, 2007 sinulat ke ingmumuna cung poesyang Capampangan a pemansagan cung “MIGISING NA CA”. Iniang ikit cu ing caguiwan cu king pamaniulat poesyang Capampangan, cabucasansinulat ke ing cadua kung poesya “ING LUPA NING CACALULUAN”.

Dapot misan a aldo abasa ke ing metung caring poesya ning Ari Ning ParnasongCapampangan, PL Renato B. Alzadon, a pemansagan nang “Poetang Capampangan”a sinulat na ketang Marso 21, 2007. Ing mesabing poesya iya ing meging guiya cu keng pamicudta cung cawatasan. Sinabi na:

“Ing Poeta, subali qng masanting yang mangirimaat biasa yang mamigale caring cayang poesia,atin pang aliwang bague ban queta maquilala yaiti, atiu qng ugali ampon cararaptanan na.

“Munang dili, ing Poeta atin yang lugud qng Guinuat cabaluan nang ing Guinu ya ing minie qng amanu;at balu nang tungculan nang caring amanung mapinupurian ne at paligayan ing Guinu ning banua't yatu.

“Cadua, ing budning Poeta palsintan neng amanu naing amanung cayang sisuan qng malugud a indu na;inya sa't ing amanung yan sesen ne qng panalalae ne tulutan malanat qng palsimi at qng dusa.

“Catlu, uling ing Poeta atin yang pusung bayanipalsintan ne ing balyan na at sepupunan nang laji;inya nung atin man sanang daratang a manduajaguitalacad ya ing Poeta at sagusun e mangimi.

“Capat, ing tune Poeta palsintan neng madaliseyang berding naturalesang diwa ra ding cayang gale;inya caring poesia na alang salang damdaman meing pamagmalasaquit na qng leguan ning meto orbe.

“Calima, ing tune watas malugud yang capara namalugud ya qng pengari, asawa ampon anac na,atin yang cababan a lub, malambis yang maquibasanung inia pitutulan de ding cuyug na't caquilala.”

PAMUCLAT A AMANU

Nung ania calabas ning mapilan a banua cung pamaniulat kawatasan, ikit cu king ding poesyang sinulat cu macaparikil la king Lugud Keng Guinung Dios, Lugud KengAmanung Sisuan,Lugud Keng Balen Tibuan pati king kapaligiran, at Lugud Parang Tau. Pauli ra deting poesyang asulat cu, meubug ya ing cacung caisipan kening makatukingkapaniwalan a belangkas cu antimong parasan ning bie ku keti king yatu:

“Ing bie cu keti king yatu calupa ne ning maglacbe,Manintun yang pitucnangan, balen mayap at matibe,Macatanam king isip cu pansamantala mu ing bie, E king yatu manatili, muli cu aliwang bale,Ketang bale ning Ibpa cu, cabang-caba nang cayabe.

“Ing bie cu keti king yatu, dicut ya king caparangan,Calupa ne ning sampaga, lalangi yang keyang leguan.Anya cacu yang luguran ing amanung cacung sisuan,Ing Dios a cacu linalang, ing balen a cacung tibuan,At ding capara kung tau, bayu cu muling carinan.”

Mecad apansinan yu ing ortograpiyang gagamitan cu caring canacung poema at aliwana pang adle ning pamanyulat ila ring macatuki: imbes na ing matuang ortograpiyangQ ampon C at puru “Abakada” o Bayung Ortograpiya, a nung nu “K” ya ingmagagamit. Ing gagamitan cu combinasyun de ring Ortograpiyang “Q-C” at “K”. Calibening “que at qui” gagamitan cu “ke at ki” at caring “ka, ko at ku” gagamitan ke ing “ca-co at cu” ban canita e ya milaco o macalingwan ing letrang “c” a metung nang tatacning Amanung Capampangan.

Ing matibe cung capaniwalan ding cayanacan ila ring dapat tamung puntiryan caring casulatan Capampangan ban kanita e ya malanat o mate ing amanu tamung sisuan. Ania gagamitan co reting Ortograpiya ban canita mayan o malagwa reng basan at aintidian ing kawatasan ding CAYANACAN. E cu naman masyadung gagamit caring matwang amanung Capampangan a e ra balu ring cayanacan at amanung sobrangmatalinghaga o malalam a cabaldugan uling deng cayanacan ngeni dimut la mu ring matiyagang mimisip malalam, metung a sangcan nung baket dimut la mu ring cayanacan a maki interes mamasa caring miyayaliwang adle ning casulatanCapampangan lalu na careng poesya o poema.

Poeta Laureado Carlos Mañgalindan CastroBgy. San Antonio, Sasmuan, Pampanga

ING TALAMBIE NANGPOETA LAUREADO CARLOS MAÑGALINDAN CASTRO

San Antonio, Sasmuan, Pampanga=================================================================Ing Poeta Carlos Mañgalindan Castro, mibait ya king malati nang balen ning Sasmuan (Sexmoan yapa canita) ketang a 30 ya ing Junio, banuang 1943 caring pacacalulung miasawang Benito DalayCastro, metung a bante plaisdan at Maria Consolacion Limpin Mañgalindan; pareung e tinuclungescuela at mebiasang sinulat ken mung “cantilla”.

Capat ya caring limang micacapatad. Uli na ning cacaluluan, ya mu ing micapamicatagunmecapagyari king colegio. Ding atlu caring capatad na meyari la mu king elementaria at ingmetung miras yang caduang banua keng “high school”. Malati ya pa keakitanan neng gelingankeng pamag-aral ampon ilig keng pamamasa. Migyari ya keng elementarya king SexmoanElementary School ketang banuang 1956, “First Honorable Mention”. Caibat megaral ya king Guagua National Colleges. Dapot cayari nang “Second Year” meangu ya bie ing pengari nang lalaki. Uli niti mepilit yang mega-aral king Menila king casaupan na ning keang Bapa (kapatad nang Indana) a canita mag-obra king University of the East, king Claro M. Recto. King University of the East High School Training Department, carin ya migyari ketang 1960 at agyang mang “transferee” ya mu migyari yang “Salutatorian”. Pablasang “half scholar” ya sindu na ing cayang pamag-aral at kinangwa yang “Bachelor of Science in Commerce, Accounting Major”. Acuwa na mung meyaring“Second Year” mepilit yang tinucnang mega-aral ketang 1962 uling e ra na atustusan ing keangpamag-aral.

Mepilit yang menintun obra. Mecapagobra ya antimong “casual employee” king Department of Agrarian Reform king Diliman, Quezon City, kilub ning aduang banua, caibat linub yang ahente kngsiguru kilub ning maiguit aduang banua. Mekipag-eksamin ya qng Civil Service keng caburian nangmacapag-obra ya keng gubiyernu. King lugud ning Apung Guinu mipasar ya. King kasaupan ningcabalen na a canita Election Registrar king Sta. Rita, Pampanga, milub ya antimong Election Clerk carin ketang 1967. Cabud mibuclat ing clasi ketang mesabing banua sindu na ing cayang pamag-aral king Guagua National Colleges. Limang banuang singkad bayu ya mecapag-aral pasibasyudapot e milaco pag-asa. Bayu ya meyari king cayang cursung “Bachelor of Science in Commerce, Major in Accounting” ketang banuang 1970, meging Bise Presidenti ya at meging Presidenti ne ning “Supreme Student Council” ning mesabing escuela nu nung ya milibri matricula. Meging“Contributing Editor” niya naman ning “School Organ – The MIRROR”.

Ketang banuang 1976 migdimitir ya king COMELEC at linipat ya king Commission on Audit (COA) antimong Audit Examiner king Philippine Constabulary Command king Balanga, Bataan. Dapot e linuat carin. Uling e na acakit ing catuparan ning keang taguimpan masensu keng bie king pamakipag-obra king gubiernu, menintun yang obra caring pribadung cumpania.. Ketang 1977 mecapagobra ya king metung a Real Estate Company king Makati City antimong Accounting Clerk. Memunga ing cayang casipagan at pamagpursigi, meging mabilis ing keang paniulung kengmesabing compania. Tinalan yang miyayaliwang posisyon at caras ning apulung banua ya na ingmeging Presidenti na ning compania.

Megumpisa ing ilig na keng pamaniulat ketang banuang 2001 dapot king amanung Tagalug. Meging miembru ne ning E-Manila Poetry a nung nu ding mapilan caring sinulat nang poesyameging “most commented” la. Sinulat ya namang poesya at mig-compose cantang papuri qng Dios keng Amanung English.

Ketang banuang 2007 mikit la ning pisan nang Tony Mercado Peña a Anac mu naman Sasmuanat meging “Most Outstanding Kapampangan ing the Field of Literature”. Inagkat ne nitingsumubuc sumulat qng Amanung Kapampangan at pepakit no caya ding sinulat nang poesya. Ketang Abril 27, 2007 sinulat ne ing mumuna nang poesyang Capampangan a pemansagannang “MIGISING NA KA”. Iniang ikit na ing caguiwan na, cabucasan sinulat ne ing poesya nang“ING LUPA NING KAKALULUAN”. Deting aduang poesya ginamit na lang pangampanya paraking pisan nang candidatung Mayor ketang Election 2007 at ginale na la caring “public meetings” ban ibuclat no mata ring memalen king macalunus dang cabilian nung e la misasanmetung.

Caibat ning alalan a nung ya miniambut ing candidatu na, mikit lang pasibayung MOKA Tony Mercado Peña at pepakit no caya ding poesyang sinulat na. Uling ikit na ing caguiwan na, inagcat neng makiabe king Academya Ning Amanung Sisuan, International. Carin ne lalungmetalas y Poeta Carlos M. Castro king cayang paniulat.

Ing poesya nang “Ing Dalan Ning Pamagbayu” mipaskil ya king Sun Star Pampanga ketang 27 Pebrero, 2010 at king Punto Central Luzon ketang 1 Marso, 2010. Detang poesya nang “BaketAusan Mu Kung Guinu”, “Ing Mayap a Balita”, “Atin Kung Kakaluguran”, “Pamisanmetung Ding Miasawa” at “Kamatayan ning Guinung Jesucristo”, mipaskil no man cayabe ding poesya ningmeangu bie PL Querubin D. Fernandez, Jr. king “Ing Parnasong Kapampangan” Section ningING MAYAP A BALITA magazine – Official Publication of the Archdiocese of San Fernando ketang banuang 2010 at 2011. Dacal la naman caring poesya na ring mipaskil qng “IndungCapampangan” Section ning Punto Central Luzon a panibalan nang PL Marites MagtuloyEvangelista, antimo ring “Ing Ulaga Ning Pascu”, “Kapayapan”, “Kapalaluan”, “Nanu ing IsipanMu?, “Ing Tune Regalo” at miyayaliwa pa.

Akayabe riya namang migale karing sinulat nang poesya king radyu, king programangPARNASONG KAPAMPANGAN king istasyon DWBL 91.9 FM cambe na ning Prinsipi ningParnaso, Romeo S. Rodriguez, Poetisa Laureada Marites Evangelista, Poeta Laureado NaringManiago at Poeta Esting Mallari ning Balen Macabebe.

Ketang Agosto 30, 2013, miputungan yang corona antimong Poeta Laureado ning ParnasongCapampangan keta king Museo ning Cuidad Angeles, kapamilata’ ding Ari Ning ParnasongCapampangan, Renato B. Alzadon at City Mayor Ed Pamintuan.

Ding poesya na tinanggap la namang papuri at pugue karing Poeta Laureado ning ParnasongCapampangan, antimo ring makatuki:King Poeta Carlos Mangalindan Castro,

Mangasanting la pu dening ababasa cung mipapaskil a poesia yu king Academya naning Amanung Siswan. Ding cawatasan yu mangipasyag lang lugud king Guinu,capaliguiran, balen, at caparang lelangan. Deti pu, panugali na lang tagle ningmetung a poeta. Inya, acu na man pu, durucu ke ing canwan cu kecayu, at kingalang capicacunwan sasabyan cu, king metung cayu pu caring pantas nang poetaning amanung capampangan.

GagalangRenato B. Alzadon (PLI) – Ari Ning Parnaso Capampangan.

Cang Carlos,

Atin kang maragul at kilalang (world reknown) "fan“! Yapin ing sinulat kaku y Mr. Benjamin Yuzon. Anak neng Amado Yuzon, metung a posti ning Literaturan Kapampangan!

Lon muna ababasa no reng postings mung poesya king ANASI at kasasantingan ya karing kekang kawatasan. Miyembru naku ning United Poets Laureate International (UPLI) a nung nukarin y Mr. Yuzon yang Presidenti. Manuknangan ya naman king Amerika.Bakayung mika bonding, sana dinan meng pansin ing kayang pamamuge keka at karing kekang

poesya.Ing Kapatad mu, Tony Mercado Peña Date: Sun, 27 Jan 2008

From: Benjamin YuzonSubject: Pasalamat at buri aduangan mayap.

Kaluguran Mr. Pena,

Dakal a salamat king a-ibie kung sikanan king kekang pluma. Luid ka. Nung maliari padalan mu kung Kapampangan a poesia maki English translation tungkul pami-kapatad at kataimikan, ing motto tamu"World Brotherhood and Peace Through Poetry" - manga 8 to 12 lines (16 to 24 lines in all). Sana king maliguang panaun.

Karening mipapadala e-mail kanaku ning ANASI, atin kung ababasang mangasanting a poesia nangMr. Carlos Mangalindan Castro tau Sasmuan. Abasa ku kamaganak me yata. Pasibayu, dakal a salamat at Komusta.

Lulugud, Ben Yuzon , President, United Poet Laureate, International.

Ka Carlos,

Masaya ing pangatangap na ning mapinu mung casulatan “POTANG DATANG NA ING SILIM” qng K-Poetry forum, at pagnasan mung miyabe ya qng Library of Kapampangan Poetry queng mapilan a aldo. Sundu-sundu ing pansin dareng abe tamu queng quecang ala nang cayayaguantangpamamacde queng larangan ning pamanyulat cawatasan. Aliwa mu ica, nune mu naman deng dacaltang cayabe a menga-asiad na naman queng buang ning pamangudta. Nung aniapin ingquecatamung Mutual Admiration Society quilub na mismu ning ANASI cacasna ya careng mensahiqueng pamamuri at pamagmananu, queng arap ning palacpac dareng abe tamung atyu carengtabreti manalbe.

Sana e ca sasawang gagawang mapinung casulatan a anti reng agawa mu na queng macuyad a panaun, ban lacuas dacal ing liliwan da queca reng cabalen ta Sasmuan at deng qng mabilug nangnacion ning Pampanga.

Luid ya y Carlos Mangalindan Castro, poetang matenacan! Ing Sibad NingSasmuan!Luid ya pa naman ing Amanung Sisuan!

Poeta Laureado Ernie Turla –Ngening casalukuyan miembru re ding miyayaliwang “forum” keng Facebook tungkul keng AmanungSisuan antimo ring: Kapampangan Pride a nung nu ya Auditor, Pamagaral King LiteraturangKapampangan, Buclud Ning Lugud, Buclud Capampangan, Aguman Kapampangan International a nung mu ya midinan galal antimong “Most Outstanding Capampangan”, Kapampangan Literary Critique, Kapampangan Ku Pagmaragul Ku, at DILA. Pauli ning ala nang patugut a pamaniulatkawatasan, ing Poeta Carlos Mañgalindan Castro mekasulat neng e cuculang keng aduang dalan a poesya makapatungkul king Lugud Ning Dios, Lugud ParangTau, Lugud King Balen, at Lugud King Amanung Sisuan. Deti makatipun la at makasadia lang milimbag.

POESYANG MACAPARIKIL KINGLUGUD KENG

AMANUNG SISUAN

Aldo ning amanung sisuan, aldo yang pamangumbiraCaring sablang Capampangan ban luguran ing culturaDing poetang mengalingwan sana pu mibalic na la Calbitan tala ding lira, cawatasan igale la Ban ing amanu tang tibuan misan pa lindayug ya.

Aldo ning amanung sisuan, aldo yang pamamie puriAldo pamamie parangal caring watas a mepiliBayung Poeta Laureado a mituringan bayaniUli ning malasakit da’t alang sawang magpuniagiPara king sintang amanu, ban kislap na manatili.

E ta sana cacalingwan, beinte otso ning AgostoAldo ning amanung sisuan, aldo pamisalu-saloPamitipun ding poeta, poestisa’t, dramaturkoTalasulat, nobelista, ding cantor at magbasultoAt ding sablang magmasakit at malugud king amanu.

Aldo ning amanung sisuan, dapat tayang pagmasusianAldo yang babie dangalan king amanung kebaitanAldong sugi’t mitmung tula para king cacung balayanA magdiwang king tagumpe ning Amanung Capampangan.Ing amanung pagmairing, at amanung sacdal leguan.

Aldo ning amanung sisuan, aldo pamipasalamatMuna king Dios a Miglalang para king banuang milabasCaring cawal ning amanu a e papagal gugusadBengi gagagawan deng aldo e la tutucnang susulatCaring drama at musica, at poemang ustu lapat.

Aldo ning amanung sisuan, aldo yang pamiganacaCaring sablang migmasakit king kecatamung culturaCaring cawal a poeta mekilaban at memingwaKing amanung Capampangan ban canita e masiraE masintang, macalingwan at supilan ding aliwa.

ALDO NING AMANUNG SISUAN July 2, 2008

Nanu ya mang caranasan atin yang lisun a dalaMaging iti malati ya at balamu e maulagaNu ya man casakit iti, nu ya man anti casayaNung e me akit ing lisun a darala niti kecaAnti yang asuc dinalan, e mecasaup bitasa.

Ing bie tamu keti sulip calupa ne ning escuwelaAt ing balang caranasan lisun yang ating ulagaNung king kecang pamaglakad misan misacab kaPanicuanan mung talacad,sangkan pag-aralan mu yaBan canita mabiasa ca, king lakad mu mingat na ca.

Dacal lang opportunidad ding daratang king bie tamuNung e tala dinan pansin, sulapo la king marayuE ta la sa palampasan, regalu la kecatamuPepadala ning Miglalang canita masensu tamuKing kecatang pamibiebie kabang atiu ta king yatu.

Aguiang anac yang malati atin yang aturu kecaNung keca yang pagumasdan manakit cang lisun keyaMalagwa yang tanggap turu uling bisa yang mabiasaInia cabang malati ya ituru me keng dapat naBan canita keng dagul ya ituru no king anak na.

At ing pusang mepali na king marimla manginlag yaUling agad neng abalu ing lisun ning camalian na.Keng mang panas a malati dacal ca abalu keyaTuru na cang magmasipag, manipun potang anac caBan canita neng tumua ca atin cang agauc bulsa.

Ing poesya na ning Poeta, e ya cabud makarimaE la cabud macabilang balang amanung yagcas naNung cabud la mu picudta at e ca manakit diwaNung e ca manakit lisun king cabilugan ning poemaPompiang ya mung cacalacsing, dit man ala kang apala.

ATIN YANG LISUN ING BIE May 6, 2009

Misan king cacung panudtud, bigla namu meninap cuCaratang cung ibat “abroad” paintunan ko ring anac cu.Ulit-ulit mamaus cu alang makibat canacuPati na ing asawa cu eya sinalubung cacuBiglang miatandan tacut, casangcanan e cu balu.

Ing mapagal cung catawan bigsac cu niamu king eranSicluban na cu ning lungcut uling iti e asajanBalacu mo paniatang cu agad da cung salubunganDapot metung man carela ala cung acakit mu manNucarin la ding anac cu, bigla ra na cu mun licwan.

Uli ning capagalan cu mipiyac la ring cacung mataDapot ing caisipan cu malino macagising yaCanita apigunam cu malwat ala cu carelaMalwat cu ring micawani minta cu aliwang bansaMecad galang pisabi ra saganan da cung sorpresa.

Cabang mibule-bule cu bigla na mu mibuclat yaIng pasbul cagulutan ku, pamilya ku ikit cu ya!Kinaul ke’ng asawa cu, ding anac kinilic cu laMasaya keng mipanuma, mipangaul ketang salaDapot bigsu cu mitomba, amanung dimdam carela.

E no biasang Capampangan ding anac cung pacamalanTagalug ing pakibat da potang canacu lang cutnanPati canacung asawa Tagalug nong pakisabianMaibug cung mayataki mebigla cu caring dimdamBalacu mo nung muli cu damdaman cu Capampangan.

Sinawa kung makiramdam caring amanung banyagaKilub ding dacal a banua e ke man pu asambitlaIng amanung kegisingan, ing amanu ding macudtaIng amanung Capampangan a sabic cung isiwalaDapot e cu balung sangcan mete ne pala at mitda.

Ginulisak cung masikan. “Capampangan nucarin ca?”Malwat dacang pagdulapan cauli cu ala na ca?E malyari, e malyari, Indu caluguran da ca,E mu cu sana lalacwan sabic cung damdaman da caDing anac cu’t asawa cu obat pepaimburisan da ca?”

Bigla na mu migising cu, timpa na cu’ng asawa cuGugulisak cu pu canu, pota pin mabangungut cuPilit nang cucutang cacu nanu ing apaninap cuKinaul ke’ng misna talic, pasitsit pung sinabi cu “Eme sana paimburisan ing Amanung Sisuan tamu.”

“BANGUNGOT” July 9, 2009

Ngening mepili ne Ari ning ParnasoRenato Alzadon iba’t king OlympoAt keyang Principe “maticding Apolo”Romeo Rodriguez ibat caring GriegoCacu yang acakit mukiat yang matiloCaring babo biga ing Sintang AmanoIndung Capampangan ngeni na ca ticdo!

Oren ding anac mo, keca lang putunganKing gintung corona sakdal king capurianIlang magluwalu king kecang parasanA makilala ca king meto ketawanAt caring Amanu king balen cung tibuan‘Icang manimuna at icang tangalan“Reyna Ning Parnaso” ding Amanung Sisuan.

Eca migcamali king pamamili muIndung Capampangan ban maging Ari muIng Aring Alzadon pili yang sundaluBayung Aring David keca magluwaluE ya mu macudta, maka-Dios yang tutuIti mayayakit napse nang amanuCaring keyang lira, poesya at basultu.

Ing kecang Prinsipe, madiwang RomeoMasugid magobra keng pangasalba moTune yang sundalu, matapang gagaloBan ing parasan mung agad deng abaluDetang cayanakan ing kecang amanuNgeni matupad na king icatula muUling y Ka Romy ya nang Principe mu.

Luid la, luid la, ding Ari’t PrincipeKecayung tanggapan ing kecaming puguePasalamat cami caretang memiliAt mipuk kecayu tronung matas diliCambe ning tula mi ipanalangin miSana ing patnube ning Ari ding ariKecayung tanggapan angga king tauli.

BAYUNG ARI AT

PRINCIPE NING

PARNASONG CAPAMPANGAN

Aug.11, 2009

Maragul cu pasalamat keng saup ding cayanacan

keng paniulung at tagumpe ning amanu tamung beitanmasala cung tatangalan ing carelang capagalandapot e ra sa calingwan ing papakit dang caguiwantalentu ampon sicanan ibat ngan king Guinung Nuan iti carela na binie ba tamung maisaup-saupanpanuyatan palabungan ing amanung Capampanganban king datang a panaun pagmaragul de’t luguranding balang taung mibait king mabilug a ketawan.

Makisabi cu carela e ra sana pu lalatianing saup da ring mangatua keng amanu tamung sisuanuling nung ding talasulat at poetang matenacanzarzuelista at crisotan, nobelistang cabalitanpepaburen de ing Amanu ni bacas ala lang licuannanu mo’ng pagmaragul da ring mabunying cayanakancaring aliwang memalen lalu’t caring lalawigannung e mu ing samut-samut at balid a Capampanganantimo ing amanu ra ding modernung cayanacan.

Ding talentong pigcalub na ning Dios a Mayupayapigcatiwala na la mu ban king mayap gamitan lalalu na king pamamanuesya, pamanerac, pamagcantapamaniulat keng zarsuela, nobela, at peliculaala tamung pipilinan, deti ngan cailangan talaban ing Amanung beitan magluid ya’t makilalacaring balang sibabalen e mu keti king Pampanga nune lipat dayatmalat anti mo king Americanung nu ding cabalen tamu gugusad lang alang patnaBan ing kislap ning amanu, e ya mate, e ya matda.

Luid ya ing Capampangan, ding matua na’t cayanacana miyabe magmasakit gamit carelang caguiwaning kecatamung cabiasnan misanmetung tang gamitane ta mipapagdibati, misusunggalit ditac manding kecata’ manungculan kecatamu lang galanganban ing Diyos a Miglalang mipuri ya king dangalana keyang ipagcalub caring sablang cayanakana alang sawang gugusad, magmasakit king agumanking mitmung capacumbaban, lugud ampon cagalangan.

CACANDUT A DIWAMarch 5, 2008

KA MARCIANO M. MAÑGALINDANFebruary 5, 2013

Cacaluguran cang e mi acalingwanCacaluguran kang pilit pagdulapan

E mi acalingwan ing tula mung licwanDing mayap mung dapat bacas lang malalam

A e na abura ning nanung mang uran.

Ngening atyu na ca king matas a banuaKecang ngang acakit lua da ring mata

Ding keca lulugud at keca malsintaDing cacaluguran at mal mung pamilyaA kecang liguran cabang mabie ca pa.

Pagnasan mi sana mica panaun paAcayabe ra ca keng kecatang obra

Ing Indung Amanu cailangan na ca paBa ya sang lindayug at magtumaila

“At mamutyawi ne aldo nang sasala.”

Dindam ming masican ing cayausan muMibuclud-buclud at mesanmetung tamu

Kecatang saguipan ing Indung AmanuDapot gilutan mu, sangcan e mi balu

At ing masakit pa bigla’ng paglaco mu

Tauling SONETOng licwan mu kecamiBini yang mitanam king gabun ning lahiSesen miya’t gambulan taimtim pangadiMatupad ngan sana aduan mu kecamiIndung Capampangan luguran miya ‘ti

Ka Marc Mañgalindan, meangu man ing bieQng pusu mi’t isip mabie ca pang mabie

Uli ring watas mu at bersung ginale,King Indung Amanu, deti e la mate

Hiyas lang likwan mu para caring mabie.

Mi-published ya keng Central Luzon Daily – IndungCapampangan Feature – ketang Feb. 8, 2013

Potang ding canacung apu Tagalug dong pakisabian,masusugat ya ing pusu agad cu lang paniabianan.“bat kelingwan ye’ng Amanu, ing amanung kecong beitan,amanu yung keragulan , kecayu munie dangalan,e ye sana paimburisan, e ye sana cacalinguan,idalit ye cacung anac, igulisac ye king dalan.”

Icong sablang Capampangan, sabe-sabe tang idalit,lugud king amanung sisuan capilan man e wawaglit,anggang atin tang inawa, idalit tang ulit-ulitluid ya ing Capampangan ,ing amanung misna rikit,amanung misna king banglu, calupa na e manakit,e ye dapat picarine caring batal ye isabit.

Luid la ring dramaturco, ding poetang magmasakit,ding cantor a Capampangan a e tutucnang daralit;e taya sana papabren macalingwan anggang binit,aguiang nanu ing malyari kecatamu yang ipilit,italacad ing amanu, tagumpe na ba tang akit;susulapo yang matilo caring banua mayayakit.

Ala cung balung dahilan nung baket e na cu dalit,agyang acu nang mitagan e ke bustan mayalipiting Amanung Capampangan aguiang ditac e miwaglit,kening pusu cung lulugud, kening madiwa cung isip,capilan man e cuyuman, keng salu cu e masipit,idalit ke ing Amanu caring macayamang sunis.

E KU TUKNANG DALIT Nov. 27, 2008

Mumunang Dake

O Indu cung Capampangan, musa ding sablang lengwahi,Anti cang tala ning munag king dalumdum mitatabi.Pecamabanglung sampaga, babaing malagung dili,Agila cang mamayagpag king arcu ning pinanari,Anting aldo king caugtuan, bulan king paldas a bengi.

Potang malungcut ing bili, icang canacung isipan.Ba cu mu sang micadiwa ban masayang manambitan.Potang magpaldas ya’ing bengi, uli na ning casakitan, Pilit manintun cung sala ban legwan mu atangaran, Canita makasulat ku poesyang lusuc king capurian.

Tutu pin palsintan da ca, O Indu kung Capampangan,Lugud cu king amanu mu lalapo king caisipan. Nung sacaling cailangan crus mu cacu yang pusanan,E ca magaduang salita, matula ra cang damayan, Ban tugatug ning tagumpe, manawa yang pakirasan.

Oini ing kecang poeta talanan me ing pluma cu,Tegulaling cu ngan keca ing lugud cu ampon suyu.Sumulat cung alang tucnang caring versung misna yumu,Mayumung anting panilan, papuri king kecang lagu,Uling ica mu Indu cu ing Reyna king cacung pusu.

Carapatdapat cang itas king mataluctuc a tronu,Caring lira’t cawatasan da ring poetang anac mu. Ding cantata at pulosa, ding nobela at basultu,Literaturang mangatas, misulat king amanu mu,Deti ila ring laurel puputung mi keng buntuc mu.

Ing Guinung Dios a Miglalang king malabung mung amanu,E ne pab’ren capilanman matda masala mung sulu.Anggang atyu la susuyu ding Poeta Laureadu,Ding Ministro at Prinsipe, ing Ari na ning Parnasu,Manatili yang matatag ing sisuan tamung amanu.

E ca sana malulumbe, O Indu cung CampampanganIduyan da ca king tula ding anak mung matenakanOreni ring kecang anac kening Radyo CapampanganE la tutucnang daralit caring poesyang manganyamanCanita ing Amanu mu e ya mate capilanman.

Kaduang Dake

Ninu ing sasabing ing kecang Amanuta ne mamamate, ta ne magingalu?Ninu ing sasabing ing kecang Amanue ne mararamdam, at e ra ne balu?

Ninu ing sasabing ing kecang Amanumeging busabus ne, mipabren neng tutu?Ninu ing sasabing ing kecang Amanumilaco ne sala, megisan ne laru?

E ca maniwala, O canacung Indu,e ca sa magpaldas, yatnga me’ng lupa mu.E ca malulumbe, maili cang masoluing masalang abac ta ne king gulut mu.

Oren ding anac mo atyu kening radyu,ta no gugulisac bengi ning Sabadu.Magdala lang canta, crisotan, basultu,migagale poesya, king mal mung Amanu.

Caring periodico mipapaskil na la ding cawatasan da ding kecang poeta,Pati king “Internet” mica-“website” na yaing mal mung Parnaso ban makilala ca.

Nung ating mapilan caring kecang anac,ding keca ginulut at e na guguniat,e ca mamalsimi at e na ca kikiac,uling dacal la pa ding keca matapat.

Indung Capampangan, tara mukiat kata,king babo ring biga ban pagmasdan tala,ding sablang anac mu a keca malsintaban ing kecang takut, lumbe mawala na.

Matenacang watas paintunan na cayu,king aus ning Indu buclat yong pusu yu, talnan yong pluma yu at sumulat cayulira’t kawatasan, crisotan, basultu.

Maticding poeta, sulud meng barung mu,ta na ca talacad caring entebladu,keca lang igale papuring poesya mu,king kecatang Indu, Reyna ning Parnasu.

INDUNG CAPAMPANGAN July 27, 2010

Nucarin mo menibatan, lugud king amanung sisuan?Baket dapat yang luguran, sesen at dinan dangalan?Nanu waring capacayan ding cantata’t cawatasan,A susulat da’t gagale ring poetang matenacanNung e mu ing magluid ya ing amanung kebaitan?

Ketang minunang panaun metung ya mu ing salita,King mabilug a ketawan, ing amanu metung ya pa.King carelang pamitipun, ding tau picayari daMitalakad la ping siudad at toreng miraras banuaBan king mabilug a yatu maging picabaluan da la.

Uling metung la amanu misasanmetung lang agad,Ing carelang capagnasan, malagwa rang apatupad.Nung deti mipabustan la, siguradu e maglambat,Gawan ing buri rang gawan ‘lang carela macasabat,Inia ing Dios guilu nala Keya lang pisasambulat.

Guilu na ing amanu ra, e na la micaintindi,Misalbag lang anting bomba, ding tau micacawani.Detang micacaintindi mitipun ampon micampiMenalacad lang balayan, siudad at sariling lahi.Oyan ing penuyatan na ning amanung samut-sari.

Ing amanung Capampangan salita yang ibat king Dios.Sari lagu at macule, mabunga ya at tibubos.Sesen tayang mitmung lugud, ban e lunto macalunosTuru taya caring anac ban kislap na e mapuposCanita tangalan taya caring batuin na ning Dios!..

Ing amanung Capampangan dalan ne ning catuliran.Dalan ning pamisanmetung a babie lubus sicanan.Dalan ning pamicalugud at sibul ning capayapan,Nung iti luguran taya at gamitan king cayapan,Magluid yang Capampangan, sulapo ya king catasan!

Nung buri tayang matatag ing amanu tamung sisuan,Italacad taya iti king Amanu ning Miglalang.Kecata yang ibalangkas babo Batu ning Catutuan,Dakal mang unos ing datang e matibag ditac mu man,Canita ing Capampangan, amanu yang picabaluan!

ING AMANUNG CAPAMPANGAN Feb. 3, 2008

King pamaglacad cu abalicdan cu yaing indu cung sisuan.Migluwa ya’ing pusu king canacung ikitlasac nang cabilian.Linto yang busabus, gulagulanit yaing keang imalan.Mipagulisac cu, nanu ing milyari,obat mipacanian?

Obat mipaburen ya ing canacung indu,cacung pacamalan?Obat mepipi ya misna ya king lungcute ne manambitan?Obat tajimik ya e co daramdamancanta nang cundiman?Obat ala na lu ding keang Poeta, e no gagale man?

Caring telebisyon, at caretang radyoe ke daramdaman.E re sasambitlan, e re pisasabianamanung cung sisuan.Pane nang Tagalog, pane namung Englishcacung daramdaman.Calulu neng tutu, Indung Capampanganta ne mecalingwan.

Matenacang watas paintunan na cayuIndung Capampangan.Maniawad yang pansin, maniawad yang lunusking keang cabilian.Buclat me ing pusu, e ca sa magmasias, ceca yang pansinan.Ing lumbe at lungcut, luwa nang mamagusning Indung ibatan.

Talnan me ing pluma, gumulis cang poesyalira’t cawatasan.Itas mo’ng gamat mu, ding batuin king banuaceca lang sungkitan.Keca lang idaun king indung macamalcambe panambitan.Mitmu king panirug, keca lang igalebandi’ng cawatasan.

Maticding Poeta sulud me’ng barung mu,keca yang puntalan.Keca lang igale ding kecang papuriba’ na lang damdaman.Ding kecang basultu, pulosa’t crissotankeka lang paramdam.Arapan ning Reyna ding sablang lenguajeIndung Capampangan.

ING AUS NING INDU July 8, 2009

LUGUD KING AMANUNG SISUAN April 16, 2008

Potang pisasabian dane ing amanung cacung sisuanditac-ditac manumbalic king canacung caisipaning bie ning metung a anac sususu king indung tibuancabang keyang sisipsipan gatas king keyang candunganpagtumaila ne ning indu ing bunsu nang pacamalan.

Cabang pungul sususu ya keya ne mang pipicpicaning pali ding keyang palad magcalub lang capayapaning tibuc ning keyang pusu masican nang daramdamaniti babie capasnawan keng bunsu nang pacamalananggang iti e matudtud e ne tucnangan apisan.

Ing amanung cacung sisuan king indu cung pacamalancalupa ne nitang gatas pigagap cung pigdulapandetang amanung dimdam cu at canacung atandananilang ring meging guiya cu pamagdulap cung cabiasnanangga ngening meragul cu direnan da cung sicanan.

Bat e ke mo sa luguran ing amanung cacung sisuannung e careting amanu lumud cu king camangmangancaring turu ning indu cung macasandal king Catutuancarin cu menakit sala busal ning caralumdumannung ali sa mitakid cu’t misacab tud ning dewacan.

Inya ngeni ing amanu, ing Amanung Capampanganmaski nucarin cu munta e ke malyaring calingwancanacu yang pagmaragul, pagmasakit capilanmanmecad angga king mate cu cacu lang panabilinanluguran de ring suli cu, amanung cacung palsintan.

O Poeta ding poeta a mag-ari caring banuaBanal Ca at mayupaya mitmu king kecang ligayaTagkilan Me ing labi cu, ing dila cu’t pangisnawaTau cung macasalanan, ding labi cu marinat laIpatawad mo sa cacu ding sablang depat cung sala.

Linisan me ing dila cu, pusu cu at caisipanTampucanan mu cung grasya, malinis a pilublubanKeca la sanang ibubud ding diwa mu’t cawatasanBan canita ining pusu magmula yang manambitanCaring mayumung amanu magdalang tula’t sicanan.

Itubud Ye ing Anac yu, micalat king caburian yuBan ing kecong casaplalan micalat king meto yatuTuru mu cung magsalita caring lirang mitmung yumuAt turu mucung migale caring poesyang isulat cuCanita ding parasan Yu damdaman dala ring tau.

Ing pung lelang Yung amanu at Culturang CapampanganTutu ne pung mangaina, magmalun at mipabustanPati na ring kekeng anac e ra ne pu balung sabianCarelang amanung sisuan king indu ming CapampanganInia kecayu aduan cu malugud Yung casaupan.

Gisingan Mo sana rugu ring poetang calupa cuA pigcaluban cabiasnan migale king amanu YuGisingan mo pilubluban carela ipautus YuE ra sana gugulutan catungkulan a timpak YuBa re sanang panlualu magingalu ming amanu.

Itatas co pu kecayu ding Poeta LaureadoIng Principe at ing Ari Ning mal a berding ParnasoDing painturung poeta, nobelista’t dramaturcoPulosador at ding cantor, talagambul ning amanoSana pu din yong sikanan makiabe lang maglualo.

Aduan cu pung bucal king lub canacu Mo pakilalaDing banal a Amanu Mu a sinulat ding propetaIla sang maging guiya cu king pamaniulat poemaBan canita ing Catutuan yang magbabo caring liraIng lugud mung alang cupas yang maging bie ding poesya.

Bayu cu pamung maglakbe caparangan ning culturaDacal pa pung e cu balu caring dapat gawan cu paCailangan cu’ing saup yu, cabiasnan king pamicudtaCaring malagung amanu, masampat a pangarimaBan ding taung macabasa managimpan la’t mabiasa.

Mipuri Ca canacung Dios, Poeta ding sablang poetaPuspusan me ining pusu king pamamuri cu kecaGamitan cong Amanu Mu palamuti ding poemaBan maging lusuc la deti king nectar ning pamalsintaKanita ing kecang sugu maging mayap yang poeta.

PANALANGIN NING POETA

June 17,2008

POESYANG MACAPARIKIL KING

LUGUD KENG

BALEN TIBUAN

Iti mipublished ya karing diaryu - Sun Star Pampanga, February 27,2010 issue at king PUNTO Central Luzon. March 1, 2010 issue, binasa diya naman iniketang Flag Ceremony da king City of San Fernando ketang March 8, 2010.

Nanu ya man ing gubyernu, nanu ya mang ideyalismu,Maging iti democraticu, maging iti comunismu.E la maco ring calulu aguiang nanu ing gawan mu,Uling atiu kecatamu ing sangcan `ya na ing tutu.

Pamaglaban king gubiyernu ene pautus ning Guinu.Agpang king Banal a Libru igalang lang manimunu.Ninu man ing magrebelde at gawang e lejitimu,Lalaban ya ketang tildu ning Dios a mamacalulu.

Ing pautus na ning Guinu caring mepiling Cristyanu,Dapat la ngan ping mamintu caring batas ninggubiernu.Igalang la `ng manimunu at telegang talasuyu,Ban malinis a serbisyu tanggapan ding sablang tau.

Ding mepiling manungculan atin lang capakibatan.Ing mayap yang cabud gawan, casakimanpanginlagan.Nung nanu ing cailangan iti yang sucat lingunan,Labanan ing cacaluluan, pasulungan ing cabiayayan..

E ya gawang biru-biru ing tungculan king gubyernu,Uling iti instrumentu at galame ne ning Guinu.King icacayap ding tau at capaligiran tamu,Capayapan caring baryu't catimawan ding calulu.

Nanu ing sucat tang daptan ban camtan ingcatimawan?Pamisanmetung caulan, pamanguracut sugpuan.Ding pondo na ning gubiernu kecatamu lang gamitan,Keng malinis a paralan agpang caring cautusan.

Neng panaun ning alalan, masusi tang pag-aralan,Ing kecata'ng pamamili caring dapat manungculan.Pilinan la ding malinis, lalu't ding ating cagiwan,Detang atin nang sibucan ampon malino parasan.

DALAN NING PAMAGBAYU Feb. 2, 2010

Mumuna ta sanang lawen ing caracter ding tatagal,King nanumang catungculan at e tamu mamirapal.E tamu sa papadala caring cuwalta rang panapal,Caring pangacung e tutu at paralan a garapal.

Detang dapat tang pilinan, malinis la pilubluban,E la mataco salapi ampon e la tampalasan,E la palalu’t mayabang, maingat dong pag-aralanDing problema na ning balen, ilang agad dang sicasuan.

Ing mayap a manungculan natural ya keng ganaca.E ya mabagsic a tau at e biasang mamigawa.Malugud ya king cayapan, e me damdaman manyira,Mayagwanta king sarili, magalang yang magsalita.

Ing keang pibale-bale parati yang macabuclat,Lalu't caretang calulu, macabuclat ya pa palad.Malugud ya king pamilya - king asawa na at anac,Maca-Dios ya't macabalen, caring pangacu tutupad.

Ing cacung capaniwalan, ala tamung dapat sisian,Nung baket ding manungculan, garapal la at gajaman.E ta mu biasang mamili caretang dapat pilinan.Paysilo ta careng cuwalta, sarili mu ing isipan.

O Ginu ming mayupaya, capilan miya caya akit,Ing dalan ning pamagbayu ,ban miligtas king pasakit?Pasakit ning cacaluluan, pasakit ding manalipit,Ing aslag ning bayung abac maluwat mi neng e acakit.

Sana Ginung mayupaya saupan yu ke pungmagbayu,King kecaming pamamili caring dapat ming ibotu.Capacanan ning balayan, pauna mi kening pusu,Bayu sana ing sarili, O Balen ko, ICA PAMU!

Ing calugkug ning alalan, daragundung king balayanDacal la ring candidatu bisa la ngang manungculanMiyayaliwa la planu dacal la ngan buring gawanCarelang pisasamsaman ing upaya at dangalanPilit da iting panicuanan maski king nanung paralan.

Bayu pa mu magumpisa ing daratang a alalanDacal nong bie ding mewala uli na ning casakimanIng upaya dang tatalnan ding pamilya AmpatuanBinalut no ring pusu ra king dalumdum ning dewacanInia ngeni papunta la king cutcutan a malalam.

Sana maging babala ya caring bisang manungkulanIng milyari Maguindanao a kecatang pagpaldasanMesira ya ing lagyu na ning bansa tang pacamalanNgeni ing kecatang bansa lugar yang pitatacutanUli na ning casakiman ding mebulag king tungculan.

Talacad ca o Poeta, gisingan mo sa panamdamDetang sablang candidatu a ngeni makisamsamanKing upaya ning tungculan at pigagap a picualtanBan akit da ing catutuan, mayap a pamanungculanCanita ring cabalen cu manakit lang capasnawan.

Ninu wari, capatad cu ing mayap a manungkulan?Itang ipus ding memalen, lusuc king kapacumbaban.Malinis yang gumubiernu, tacut king capanacawanIng mumuna nang pigagap labanan ing cacaluluanAliwa ing pamanipun sarili nang mung pibandian.

Ing mayap a manungculan malinis ya pangatauMaca-Dios ya’t macatau, malugud caring caluluE ya pu magcacabiasa, biasa ya pung tanggap turuKikilala yang keinan, tutupad ya king pangacuE me damdaman malmura, tapat lang keang amanu.

Ing mayap a manungculan matatag ya keng cayapanDewacan e na cusintian lalu na capanacawanIpatupad no ring batas maski ninu ing mituranIng paniulung ning balayan ya mu ing keyang taguimpanCapacanan ding memalen yang parati nang isipan.

Ing mayap a manungculan atin ya pung pegaralanAtin yang angking caguiwan king imbutan nang tungculanTau yang maki prinsipyu, keng tutu manalumpacanMaingat yang magdesisyun kareng bage mangaselanCanita e ya malili o mabaldug king dewacan.

Macananu ta yang akit ing mayap a manungculan?Muna ta pamung calingwan sarili tang capacanan.Ing sagradu tamung botu kecatamu yang ingatanMamili tang miamas-amas caring bisang manungculanCanita e ta sumisi keng atlung banuang daratang.

O Ginung Dios a Miglalang, keca la sanang pilinanDetang maki tacut Keca, ding malugud king cayapanKeca la sana pung ipuc king maselan a tungkulanBan canita ding calulu, ding malugud king catutuanManakit nong sala Ginu, busal ning caralumduman.

ING MAYAP A MANUNGCULAN May 30, 2008

Caring sablang sakit a miras king tau, Ing sakit a cancer, yang catacutan cu.Pablasang nung iti dugpa ya king tau, Balu ding keraclan ala nang panulu.

Potang malati ya e me man apansin.E me man damdaman, e mu balung atin. Potang magbucul ne carin me atagkilMalala ne pala e mu ne asangil.

Dacal lang sintomas, sakit yang mabayatAgad mapapagal, ampon mangayayat. Manuling ing balat, parating lalagnatPotang kinalat ne e mu ne ayampat.

Ding sakit a cancer miyayaliwa la Atin na keng butul, atin na keng baga. Ating cancer susu, pati na keng dayaAt tumor keng utak at miyaliwa pa.

Ing sakit a cancer agad yang cacalat. Mabilug catauan carin ya manuyat. Nung iti mipab'ren at e ya mayampatIng bie ning masakit e na pin magcaluat.

Ing sakit a cancer e ya mu king tau.Caring sibabalen ati' nang balu cu. Ing pamanguracut keng gubyernu tamu. Mengari yang cancer a alang panulu.

Nu ko man pu muntang sanga ning gubyernuPelalung barangay, pati municipyuProbinsya, Congresu, abe ne'ng SenaduIng pamanguracut calat na pu canu.

Nung wari keng cancer, miyayaliwa yaWangis ning curacut, agpang king gawa daPamananggap suhol caring contratistaTalamac na canu't iti SOP na,

Ing pamamie "kickback" laganap mu namanLalu na’ing "extortion" keng trapic king dalanIng pamag-”overprice" karing sasaliwanMaging keng panulu alang pipilinan.

Ing pamamie pabor caring caluguranCaring camag-anac da ring manungculanMetung yang "corruption" at capanacawanLalu na't pondu la ding keang gamitan.

Pelalung empleado ning gubiernu tamuMengayawa na la keng sakit king "batu" E la pu mag-obra nung e mo din "laru" Ding karelang palad agyang magcanu mu.

Dacal anomalya ding mangapaliariAtin nang acakit atin na ping aliCapilan ta caya misalba canitiCapilan mayampat at maulu iti?

Nung iti mipabren at pabustan tamuNung e tamu kimut ban iti mauluCalupa ning cancer cumalat yang ustuNanu ing malyari? Mina ya'ng gubyernu.

Macalunus naca O balen kung sinta, Obat mipacanian, nu na ka papunta? Nung ding manungculan e no magbayu pa Macananu na ca? Makananu na ca?

O Ginung malugod, mamilatan Ca saSakit ning balen cu sana ulwan mu naIng pamanguracut sana masugpu naBa ne pung mibangun ing balen kung sinta.

ING SAKIT NING BALEN CUNG SINTA Jan. 28, 2010

Ing botu mu neng alalan, malagintong carapatan,Pigcalub ne keca ning Dios inia dapat meng ingatan.Ing daya ra ding bayani a mibulang king labananYa ing meging cabayaran ba cang midinan calayanSumuyu king kecang balen at mamiling manungculan.

E me sana pisasali uling iti metung ya mu,E me sana sasayangan maulaga ya ping tutu.Keni pante-pante tamu, ‘lang macualta, ‘lang calulu,Cayanakan at mangatua, tunggal-tunggal tamu botuAt metung ya cabilangan balang lagyung isulat mu .

E ca sana mabubulag caring ditac a alaga,Panapal da detang sakim caring masala mung mata.Ditac a cualtang tinggap mu calibe na atlung banua,Atlung banua yang matudtud, balen a pacamalan ta,At ding kecatamung anac , dalumdum paintungulan da.

Inia sana cabalen ku, kecatamung pibulayan,Matampa tang pag-isipan ing daratang a alalan.Magbayu ta paglalawe king kecatang carapatan,Capacanan ding memalen, e mu sariling kaburian,Ing dapat tang ipauna, ba tang camtan ing dangalan!

ING ULAGA NING BOTU MUNovember 22, 2012

Mi-published ya keng Central Luzon Daily – Indung CapampanganFeature – ketang January 18, 2013

Bayu naca pa lelangan ning Dios a mitmu king calam,Gewa no king caingatan ding sablang mung cailangan.Keang tenam ding tanaman, ding danuman kitmung asanCaring ayup a macule, kitmu ne ing caparangan.

Lelangan ne ning Dios a mal, labuad a kecang tucnangan,Piniblas neng misna lagu, ban keca yang pacamalan.Dapot nanu ing gewa mu? Sinira meng anting malan,Uli ning camangmangan mu, mistula yang meging basan.

Detang bunduc king ketasan, pati na ring cagubatanMengarayu la tanaman; uli na ning casakiman.Ania potang malapit na ing panaun ning cauranE mu balu ing gawan mu, keng tacut mu keng casiran.

Deng bagyu e mo abilang neng panaun ning cauranManalanta king paligid, tutung dacal la sisiran.Dacal lang taung calulu ding mangasira tucnangan,Dacal la ring mangaranup, ala lang capanintunan..

Ing angin a susulapo king kecang capaligiran,Mengari nang asuk dapug king tuling at carinatan.Macascup king pangisnawa, matinding pali daralan,Uli na niti ing clema maralas e na aintindian.

LUGUD KING CAPALIGIRAN June 27,2007

Lawen mo ring cailugan, a pagcabie ding manasan,Mebabo lang anting sapa, masakit nong pidalanan. Ing basurang lutang-lutang, lalasunan no ring asan, Nung iti yang mipabustan, lumbug ta king cacaluluan.

Ing basura king paligid, calat-calat caring dalan;Pamaglinis panga-abac keca yang pagcatamaran;Uli na ning pabaya ca, lango, amuk, ipas, uran,Babie lang pasakit keca, dapot ala cang gagawan.

Macananu’ng paintungulan ding anac mung pacamalan,Nung e mu balung luguran ing kecang capaligiran?Uli na ning carinatan dacal lang mangasakitanPati danum dang inuman carela nang sasaliwan.

Macalunus ing daratang nung e tamu pisaupan,Larinan ampon linisan, mesirang capaligiran.Misasanmetung ta sana, e ta magbulag-bulaganLinisan me ing tulid mu, at mitanam cang tanaman.

Neng daratang ing alalan, tiyac dacal ta damdamanCaring dacal a tatagal a magnasang manungculanIng carelang “integridad” pilit dang pagparangalanBan acua da ing tiwala at botu da ring keraclan.

Nanu wari’ng “integrity”, keng amanung Capampangan?Mecad iti ere balu dapot buri deng sasabianIng amanung “integrity” keng Latin ya menibatanIng tune nang kabaldugan - kabuuan, katapatan.

Ing amanung “integridad” ugali de ring marangalManibatan ya king kilub, mayayakit ya king lualInia ing taung matapat e ya malyaring maglaramNung nanu ing pengacu na siguradu nang tuparan.

Lider ating catapatan e ya mapagbalatcayuE ya naman “doble cara”, matutula ya keng tutuMatapat yang capanalig, malugud ya caring tauIng mayap nang panugali, e tamu akit magbayu.

Lider ating integridad, modelu yang manimunuParati yang manimuna matapat king pamanyuyuCapani-paniwala ya , malinis yang gumubyernuPati pamagsalita na, maingat yang mangamanu.

Lider ating catapatan, e ya rin tatanggap suhulE ya bitasang manecas, keng parehas ya pupupulIngatan ne ing lagyu na, keng tucsu e ya paysaulAtin yang tacut king Ginu, matulid king pamanatul.

Potang ing lider tapat ya ing balayan masaya yaPotang ing lider sakim ya ing balayan lulungcut yaInia nung buri mong munlad ding tau king cabiyayan daPilinan me ing matapat maging lider king balen ta.

Sana pin magbayu tana panugali cabalen cuLalu na king pamamili caring bisang manimunuPilinan la ding matapat, detang malinis a pusuDetang e macasarili, ding macabalen, mackatau.

MAN OF INTEGRITY March 30, 2010

Ibat pa iniang anac cu canacu nang peninapan.Suywan daca Indung Balen king abut na ning cagiwanGulut na ning cacalulwan pinilit cung pigdulapanIng cabiasnan ampon beluan ban lubus dacang asuywan.

King saup na ning Miglalang, meyari cu king colegioMegobra cu keng gubyernu pati pribadung negosyoMigsane cu at megaral ban canita abalu cuIng matapat at malinis, dalise pamanimunu.

Mengabiyayan cung payapa king malinis a paralanPenginlagan cu ing bisyu ban e racu apintasanBiclat cula ding palad cu karetang mangailanganIti canacu ngang gewa king mitmung capibabatan.

Gewa cu ing sablang iti uli ning cacung paninapSuywan daca Indung Balen potang datang na ing orasIng lugud cu keca balen e merimla agyang ditacIng pali kening salu cu yang canacu babye lacas.

Dapot iniang miras naya ing canacung panenayanMengasdan cu king ikit cung malilyari neng alalanDacal lang cacung cabalen a peninapan cung suywanPamisali rong botu ra bayu aldo ning alalan.

Ing caguiwan, catapatan gagawan dang alang cuwentaDetang mayap a parasan, e ro dirinan ulagaAla lang meging pigagap nung e mu ditac a cuwaltaDetang e manialing botu milako ing pag-asa ra.

King uli na ning ikit ku ing aslag na ning paninapBigla yang meralumdum, melumpawi keyang kislapItang masigla nang cule mitacpan matuling a ulapRugo, migcule yang beñgi ing macule kung paninap.

MIGCULE YANG BEÑGI ING PANINAP Nov. 11, 2010

TUNE DALAN NING PAMAGBAYU Feb. 4, 2011

Ibat pa ‘niang anac cu pa matas na ing taguimpan cu,Na abayu ke ing yatu lalu na ing bansa tamu.Alang mayap acakit cu caring calupa cung tau,Pati king capaligiran, lalu na gubyernu tamu.

Uli na ning caburian cung akit cu ing pamagbayu,Meca-isip cung lumaban at meging actibista cu.Mekiabe cu caring “rally” ban apasiag ing keng lub cu,Itang mua cung daramdaman laban king gubyernu tamu.

Pero nanu mang gawan cu ditac man alang ikit cu,Maski ditac mung pag-asang matupad ing taguimpan cu.Angga aniang atagpuan ke ing Guinu tang Jesu Cristo,A migbayu kening pusu, pati na caisipan cu.

Ing pepakit na canacu, ing yatu e ke abayu,Ing muna pamung bayuan cu ing sariling pamisip cu.Ing pengacu na canacu, dinan na cung bayung pusu,Nung Keya cu maniwala’t maki-agum cabang bie cu.

Uling Keya cu tinuki, paglalawe cu migbayu,Ditac-ditac melumpawi dalumdum binulag cacu.Canita ko apilasa ding maling capagnasan cu,Melumpawi itang mua’t sumami cu king gubyernu.

Megumpisa cung linugud, melunus para cung tau,Memanintun cung paralan apsiag ke’ng cacung Guinu.Detang mayap Nang parasan para caring sablang tau,Ban ing tula’t capayapan, laganap king meto yatu.

Canita cu akilala nung mantun tang pamagbayuE tamu paintunan iti caring calupa tang tauPamagbayu manibat ya munang-muna kecatamuLuguran ya’ng balen tamu, ing Dios at para tang tau.

Salamat pu Keca Guinu, pepakilala Co cacu,Salamat king catuliran, cabanalang pigcalub Yu.Manibat ngeni O Jesus, Icayu na ing Dalan cu,Ban na kung e malili pa at mabulag pasibayu.

Sana dacal la pang taung macakilala king Guinu,Lalo na ding manungculan king kecatamung gubyernu.Sana “Matulid a Dalan”ya na ing tuntunan tamu,Ban ing bansang Pilipinas miunlad yang pasibayu.

POESYANG MACAPARIKIL KING

LUGUD PARANG TAU

Keng ibug cung abalu re ding anac cung pacamalanIng Ibpa cung atyu banua, Diyos a canacung sasambanMaingat cu king dapat cu pati king cacung sasabianCaring cacung panugali, Ibpa cu ing pakiapusanDing bakas nang mitmung lugud ilang canacung tutukian.

Ding bacas ning Ginung Jesus a mitatac kening saluIla ring daralanan ku ban king bitag e masiluMakitid ya man at mascup dalan a lalacaran cuMatatag ya ing lacad cu e cu palico-licoruDetang bacas nang masala ila ring tutuntunan cu.

Ding Amanu na ning Ginu ilang kanacung luguranItanam co king pusu cu ban e cu la acalinguanItali ko keng tacde cu at ibili kening canuanIturu ko caring anac kilub bale’t caring dalanBan ding bacas a lacwan ku ilang carelang dalanan.

Ding dalan da ring marawak cacu la ngang panginlaganCaring nanu mang lacad da e cu la pakiabayanCaretang taung alang Diyos e cu makiluclucanDing cautusan ning Ginu matula cong pag-aralanBan ding bacas a lacuan ku e ro malyaring calinguan.

Ginung Jesus yang Dalan cu inia e na cu maliliNu cu man painturu maging wanan man o cailiKetang keyang cagulutan carin parating magbiliYa ing Mayap a Pastul cu, king gulut na tuki-tukiBan ding bacas a lacuan ku, bacas lang magdalang puri.

Lumacad cung casabe Na king mitmung capacumbabanGulutan ing capalalwan, caulan cu ing catutuanLuguran cu ing matulid, mibiebie cu king cayapanPaintunan cu ing cabiasnan at mayap a caisipanBan ding bacas a lacuan ku, magbabo la capilanman.

Mibiebie cung mitmung lugud, lalu na caring caluluLuguran ke ing balen cu, igalang co’ng manimunu.Luguran ke ing paligid, calinisan ipakit cuSumaup cung mamayapa para king pamicasunduBan ding bacas a lacuan cu apusan da la ring tau.

O Ginung Dios a malugud, itulid Mo ring lacad cu.Tairan mu cu king Dalan papunta king Cayarian MuCanita sa cabang bie cu at mabibie keting yatuMitatac lang kacung bacas king gabun a talpacan cuBan ding bacas a lacuan cu ila ding maging galal cu.

DING BACAS A LACUAN CU Jan. 20, 2010

ING ALDO RING PUSU Feb.14, 2012

Matula cung pasalamat mica aldo la ding pusu,Mipalsinta’t miasawa magsaya lang e mu nanu.Lugud da king balang metung king pali micacalucu,E ra balu ing gawan da ban malino apabalu,Itang masampat dang lugud lalapo’t calcas king pusu.

Magregalu lang sampaga atlung rosas a malutu,Simbulo ning tune lugud, bubulung da ing “I love You”.Mangan la king restaurant, king lugud carin misulu,Ing candila king arap da, babie sala king pangacu,King lugud a milalablab, agyang ing bie magugupu.

Ing lugud ding miasawa a pibuclud na ning sinta,Titibe ya at lalabung nung dirinan deng ulaga.Ing aldo da ring pusu, aldo lugud pamalsinta,Lugud a Keyang pigkalub king pusu ding miasawa,Ban kanita matatag ya at matibe ing pamilya.

Karin namang mipaglolo nanu mo ing ulaga na,Ning kayaldawan ding pusu, nang sangkan pagselebran ya?Iti papakilala na, karing pusu mamugad ya,Tune’t matapat a lugud, lugud king pusu bilus Na,Ning Banal a Espiritu ban magluid ing pamalsinta.

Agkatan dakong magsaya, pagselebran ta king tula,Ing kayaldawan ding pusu ban kumatmu ta king grasya.Grasyang manibat king Dios, Dios ning lugud pamalsinta,Maglinis karetang pusung milublub burak ning sala,Kanita ING ALDO RING PUSU, mika kule ya’t ulaga!

Malati yang masasabi,Dakal ya apapalyari.Magmayabang yang e anti,Makayaliwa yang dili.

Pamalmura at kapurian,Pareung keya manibatan.Katutuan at kalaraman,Keya mu naman damdaman.

Kalupa ne ning pataram,Susugat yang misna lalam,Dapot panulu ya naman, Karing taung manandaman.

Makanian ya ing dila mu,A parti ning katawan mu.Keng dila mu abalu ku,Nung nanu ka pangatau.

Bague atiu king pusu mu,Sisiwalat ning dila mu.Ania dapat salakan mu,Balang lulual keng asbuk mu.

Isipan meng masalese,At igale meng manene.Ing timan mu makasabeBan tumula yang kasabe.

Detang mayumung amanu,Babie sikan karing tau.Ila sanang iagkas mu,Ban ing lungkut atabi mu.

Ding amanu ding poeta,Alang patugut malsinta,Ila sang gawan mung pana,Ban ing pusu tibuk ya pa.

Deng amanung kalaraman,Isinup mo ketang kaban.Ban e ra no sa damdaman,Keng dila mung anting sundang.

Babie pasakit keng yatu,Kapiraitnan ding tau.Ania sana ing sabian mu,Itamung balu mung tutu.

Ing Dila:Malati yang masasabi,Dakal ya apapalyari.Nung e me balung itali,Itangab naka king api.

Santiago 3: 3-12

ING DILA Feb.3, 2008

“Tatang, marine ku”, ing siguk ning anac,Malan cung susulud atin ya pung gabacIni pung salol cu busbus ya pu tumpiacAt ding sapatus cu ala no pung suelasMetung pa pung culang, ala cu pung medias.

Ing gulgul cung buac pugad de ding liyas,Babau cung aldo, bangil cu mengasiasMarusing cung lupa, batal kcng memalyatBuracan cung bitis, cucung mipnung dinatSipun cung tutulu, capilan mabawas?

Malangi cung balat king butul mipacat,Mipnu cu pung galis uli na ning dinatMangaslac cung mata, labi cung mengaspacPandirian da cu pu calupa cung anacTampulan cung tucsu a makapangaclac.

E cu man pu balung isulat lagiu cuPagsisti ra cu pu ding caluguran cuGabun ning escuela mituntung ali cuTalan man pung lapis ecu man pu balu“Alang balung anac” yaus da canacu.

Neng macatando cu, malati tang awang.Pagumasdan cu la anac a daralan.Mangalinis la pu pamicacatawan’Nacu pung cariria, sabe managuimpanIng masayang aldo capilan ya datang?

Pota pung muli cu ala cu mang dasanIng canakung indu canacung paintunanBuclat ke’ng caldera ala ya mang lamanInda nucarin ka? Manintun cung canan.Caibat abalu cu atiu king sugalan.

Potang lapitan ke’t ume keng calbitanIng maslam nang lupa cacung atangaran.Palmurang masakit canacung damdamanTatabi naku pu, pilit papalacuanE na man pu cutang nung e cu danupan.

Potang malasing ca, mangulu king dalanE ku na pu balu ing canacung gawan.Bisa cung salicut, bisang lumbug miuman,Carug ning salu cu cabug daramdamanMaibug matacmus cacung panimanman.

Pota pung lumbug ne ing aldo masala,Dalumdum ning bengi ume na pung dugpa.Mantun cung pagkeran ba nang painawaDapot ela mipiac ding canacung mataUling ding matua cu mipangulisac la.

Mengari cung sisi alang salilungan,Ing canacung indu e na cu lucuban.Aplus ding palad na cacung panintunan,Pali na ning lugud e cu aranasan,Map ya pa ‘ing manuc atin yang cayapan.

Misan cucutang cu ba’t mibait cu paKeti babo yatu a batbat king dusaBa’t e pa metacmus canacung inawaSana cabait cu batal cu sekal daBan e na dinalan dacal a palasa.

Nucarin ing lugud ampon capayapan?Nucarin ing saya ampon ing canawan?Ba’t e cu akakit, e cu aranasan,Ing mura cung isip pilit nang paintunanNung nanu ang sangcan na ning CACALULUAN.

Tatang makibat ca kening cacung cutangBuri cung abalu ing sucat kung daptanNanu ing paralan ba tang alampusanIng sakit na ning bie at ing cacaluluanTatang, MARINE KU, yan pu ing catutuan.

ING LUPA NING CACALULUANApr. 28,2007

Ipauna ke ing Dios king bie ku,Luguran ke mabilug kung pusu,Sablang sikanan kea ibie ku,Kaladua’t isip kea makaruku.

Maging matapat king asawa ku,Pamiabe mi patibayan ku,Kailangan na ipagkalub ku,King panganib maging kalasag ku.

Maging modelu karing anak ku,Tapat kayabe, maslag a sulu, Kupkupan ku la kabang mabie ku,E ko gulutan, anggang mate ku.

Kaku lang luguran ding matua ku,Lubus kagalangan pagkalub ku,Nanu mang utus da pamintuan ku,Dinan ulaga lugud da kaku.

ING PARASAN NING BIE KU Dec. 18, 2007

Bie ku idake kaluguran ku, Ipangaral amanu ning Guinu,Tapat ampon wagas ing lugud ku,Ing tiwala na pakamalan ku.

Maging sulu karing kabalen ku,Ing keang paniulung tagimpan ku,Anda kung sumaup ban akit ku,Ing masalang bukas king tibuan ku.

Maging masipag ku king obra ku,Pagaralan sablang gagawan ku,Malinis a dapat panugalian ku,Pamamirait panginlagan ku.

Ing bie ku king yatu saguli mu,E na ku mibalik kalako ku,Maging guiya la sa ding bakas ku.King tagumpe at kaligtasan mu.

ING ULIRAN A TATA May 27, 2010

Nu me kaya akit ing mayap a Tata?Keng keyang ganaka ala yang kapara

Lugud king pamilya e me pangutang paMapamatawad ya, mapaglunus ya pa

Karing keyang anak maski nang depat da.

Ing keyang sipagan emu atawaranAbak pang maranun atyu ne king dalan

E mamako obra at kapanintunanIng keyang pamilya keyang lilingapanIng kailangan da ipagkalub na ngan.

Iya’ng manimuna king keyang pamilyaTutu yang malugud king keyang asawaNanu mang problema pisasaupan daPamisasanmetung papagtibayan naKing lungkut at tula miabe-abe la.

Apagmaragul ne ning keyang pamilyaDing mayap nang dapat ilang apusan da

Karetang agumang kayayaniban naMangayap nang usuk pakiramdaman da

Mabilug a balen gagalangan da ya

Malugud ya king Dios, ing ulirang TataIbpang atyu banua ya ing modelu na

Ding Amanu ning Dios pagaralan na laKeya lang tuturu king keang pamilya

King pamanalangin ya ing manimuna.

Nu me kaya akit ing ulirang Tata?Matas ya king rubi ing keyang alaga

Akit me’ng tanaman karing keyang bungaManibat king anak pati na apu na

Mayap a ugali akit mu karela.

Billy Graham was once quoted as saying, "A good father is one of the most unsung, unpraised, unnoticed, and yet one of the most valuable assets in our society."

Keta pu kekamiKubu ming malati

Di Ima ku't TatangParati lang maili.

Manakit kung lugudAgguiang tutung dimut

Ing kekeng pamanganMalan a susulud.

Ding siping ming baleAguiang makuwalta la

Alus king aldo-aldoMipangulisak la.

Ding karelang anakParati kikiyak la

Agguia mang mabsi laKeng lugud ala la.

E la pu masayaAguiang makuwalta la

Uling maimut la Mapagmatas la pa.

Turu nang Tatang kuKeng kuwalta ala yu

Ala keng pibandianSaya't kapayapan.

Keng pamikalugudKarin me akamptan

Ing tula at sayaKeti king sikluban.

KETA PU KEKAMI Jan. 28, 2010

LUGUD KARING PENGARI May 7, 2012

Karing utus ning Dios ala yang kalupa,Lugud king pengari, maki pangaku ya.Ninuman ing tupad kumaba ing bie na, Keti babo yatu’t mipakayap ya pa.

Ing anak a alang galang pengari na,Mengari yang aslam akmulan ning tata.Sundang yang tatarak pusu nang indu na,Mabayat yang kurus a pupusanan da.

Deta namang anak malugud pengari,Korona lang gintu, perlas at diamanti.King buntuk ning tata at inda ra deti ,Ipagmaragul de nu la man salangi.

Inya ing usuk ku kekong kayanakan,Luguran yong tune matua yung ibatan.Nung iti gawan yu at kekong pamintuan,Masala yang aldo kekong paintungulan.

Nung nanung gewa yu karing pengari yu,Ya namang gawan da anak yu kekayu.Nung inia ngeni pa tanam yu king pusu,Luguran, galangan, tata at indu yu.

Nung ding utus ning Dios tapat yong pamintuan,Itanam, gambulan, pusu yu’t isipan,Kumaba ing bie yu’t minawang miuman,Ing lugud ning Guinu lubus yung tanggapan.

Mi-published ya keng Central Luzon Daily – IndungCapampangan Feature – ketang May 14, 2012

Genesis 2:20-25Keta pa king Eden ing Dios telaga naIng pamisanmetung da ring miasawaSinabi nang Adan kang Eba’ng lahi na“Ibat ka kanaku, butul-laman daka“

“Metung a babai ing yaus ku kekaUling keng taguiang ku karin menibat ka“King uli na niti, lalaki gawan naLakuan no’t gulutan di ima na’t tata.

Karin megumpisa ing pamiasawaLalaki’t babai pisanmetung Na laMetung lang katawan, aguia mang adua laEla mikawani, kabang mabibie la.

Ing matematika ning pamiasawa‘Wan plas wan ikwals wan’ ya ing maging sumaKarin mayayakit ing kabaldugan naNing pamisanmetung da ring miasawa.

Ing sakit ning metung sakit da ring aduaIng tula ning metung tula da ring aduaNung mikawani la uli na ning salaAnti ne mong mete kapitna king bie ra.

Ing pamisanmetung da ring miasawa Tutu yang sagradu’t misna kaulagaKeng nanu mang planu o buring gawan daNung mikametung la t’yak ing tagumpe ra.

Tutung makalunus ing maging bunga naNing pamikawani ra ding miasawaDing anak, pengari at kamag-anak daMidadame la ngan king kasakitan da.

Ing pamikalugud parating gambulanIng pamisanmetung e ya kakalingwanNung iti yang gawan kambe ning Diyos a malIng pami-asawa anggang kamatayan.

PAMISANMETUNG DING MIASAWA(Oneness In Marriage)

March 30, 2008

Potang ing mapaling aldo papunta ne king albuganMilalako na ing pali’t panamdaman a lisanganKakalat na ing dalumdum, sala keyang sasakmalan Ing mapagal mung katawan, manintun neng pitudturan.

Potang ababatio mune ing takap silim na ning bieIng pusu magbanayad ne at lalakad neng manene Mimina ne ing katawan, ing lupa mangulubut neIng buwak mu mimimpis ya at mamaliwa ne kule.

Ing pangimut mabagal na, ding bitis mangaina na laIng pintig ning kekang pusu ating oras kakarug yaDapot uli na ning lugud magkapilit magnasa ka Mibalik ing sikanan mu uli ning kekang pamilya.

Pilit mu lang babalikdan ding aldo mung milabasanDing aldo mung mitmung saya pilit mu lang gaganakanSabe ning panalangin mu, keka la sang abalikanBayu miras ing dalumdum, tauling tudtud a maniaman.

Ing sakit a daramdaman kekang pilit pibabatanMadalas mung sasarlinan ing kirut ning milabasanDing paninap e metupad at ding mebigong parasanTunggal-tunggal lang susugat keng pusu mung menaguimpan.

Potang manakit kang bulung a mebalag king tanamanO bulaklak a melangi king pali ning kayaldawanKakarug ya ing salu mu uling kekang nang aintindian.Ing sablang bague materyal atin la ngang kawakasan.

Potang ume kang matudtud latag mu ne ing gulut muMiyayaliwa nang bague lulub king kaisipan muMagugulu ya ing isip, mababalisa ya’ing pusuUling pitatakutan mung mapatlud ing inawa mu.

Makananung e makanian ing keka gugulantangEme balu ing Katutuan ibat king Dios a MiglalangKamate na ning katawan atin ya pang kapanayanYa pin ing bie alang angga abe ning Katas-katasan.

Kabang ing mapaling aldo ala yu pa king albuganKeka ya sang pibulayan at keka yang salugsuganIting Mayap A Balita , balita ning KaligtasanKapamilata nang Cristo, a menatbus king ketawan.

Potang iti abalu mu at keka yang paniwalanMipanuanan ya ing pusu ing takut milako nganIng tula ning kaligtasan at upaya ning MiglalangKeka la ngang aranasan ngeni at kapilan pa man.

POTANG DATANG NA ING

SILIM Feb.18, 2008

Atatandanan ku, ketang malati kubulan ning Disyembre, pista king balen kuketa pu king plaza karin ku darayukaring beto-beto, barya tataya kuat siglulung dagis ing buring-buri ku.

Maputi lang dagis detang milalabankarin ka mamili buri mung terananmisisiglulu la liku-likung dalanat ninu mang munang miras king santungannung yang pinili mu dakal ka sambutan

Ing apansinan ku kabud linual na lakaring kulungan da dapat sumulung la e no makabalik, dalan da maskup yadapat lang mulayi king pakirasan daat panikuanan da ila ring mumuna.

At kabang ding dagis manintun lang dalanati’ nang mabilis ati’nang mabagalding tinaya naman e ra balu’ng gawanba ra lang itulak dagis a mabagalat detang mabilis ‘lang papalakpakan.

Ngening matua na ku apibulayan kukalupa tang dagis a misisigluluking maskup a dalan keti babo yatumiyaliwang dalan daralanan tamupilit panikuanan mag-Number One tamu.

King amanung Inglis, “Rat Race” ing aus dasiglulu yang tau karing bisang munagagawan da iti e mu Americamabilug a yatu yang pipagalan dalalu na pu detang bayu pang mag-obra.

Dakal lang babai, dakal lang lalakiring misisiglulu ba la mung mibandiala lang pagnasan king aldo at benginung e mu ing ila ring mumunang diliking nanu mang bage king yatung melili.

Masanting a obra karelang pagnasanala lang isipan nung e mu pikualtanmasanting a kotse, bale at imalanmatas a tungkulan pilit panikuananpagkapilitan da nanu mang paralan.

Pansamantalang bie pilit deng kakatmuandakal a pibandian pati na kapurianmakisiglulu la pilit makilabane ra pu atanggap ing gintung katutuanlakuan ta ngan iti, papuntang kutkutan.

E ra na isipan baket nanung sangkan?nanu wari ing bie king meto sikluban?nanu ing parasan?... Nanung kapupuntan?pakibat kareti, saryang gugulutaning Dios a Miglalang, e re pakibaluan.

Ngana ning poeta, “Tatakasan ku Ya,aldo, bulan, banua, king bie kung magdusaking panimanman ku, pilit tatabi Yapulaying mabilis paparayu Keyapapunta king ala, king kealan ulaga.”

Kanakung kapatad, ing siglulung taue ke pamarokan, sangkap ne ning yatu.ing aduan ku sana, pakibaluan tamunung nu ta menibat, nung nu painturuban sumambut tamu king “Siglulung Tau”.

SIGLULUNG TAU July 20, 2008

Mi-published ya keng Central Luzon Daily – Indung CapampanganFeature – ketang Dec. 19, 2011

Ketang kakung kayanakan, masiri kung penagimpanAka-utus ke’y tata ku anting kakung kaluguranItang e ku mikakunu, sabian ku ing buring sabianAt ing balang problema ku, alang takut sabian ku ngan.

Dapot e ku mikatagun akayabe ke’y tata kuUli na ning keang obra e mumuli parumingguKeng kilub na ning pabulan akakit ke malagad muInya ditak mu ping tutu pamiabe ming masolu.

Dapot iniang dinatang na, yaku na ing meging tataKanita ku apigunam ing buri ku masakit yaE malyaring kaluguran, uling tata aliwa yaAtin yang kapakibatan biyayan ne ing pamilya na.

Katungkulan na ning tata, luguran no ding anak naPagkaluban nong tuknangan, pamangan at imalan daKaya la ngang papag-aral para king paintungulan daBabie na’ng kailangan da, e ya patugut mag-obra,

Karing mangayap a dapat, matatag yang alimbawaIng lugud na e kukupas, e mamili, parehas yaPibabatan na ing sabla, at e ya tatanam muaMaski nanu pang gewa da, ing lugud na e sasawa.

Ing miguit a maulaga lalapit ne king Dios IbpaIng mabilug nang pamilya ban karelang akilalaTuturu no ding Amanu ban ilang maguing guiya daKing karelang pamibiebie Lugud ya ing pundasyun da.

Ding aldo yung kebaitan gintu lang aldo ning bie kuMaulaga kong regalu, binie na ning Dios kanakuIng tula ku sagad banua, kabang tatalnan da kayuPasalamat kung maragul, iko ding meguing suli ku.

Sana ngening disan yu na ing bie maki pamilyaLuguran yo ding anak yu’t ibie ing kailangan daPagsikapan yong ituru ban kanita mabiasa laKaring panugaling mayap, lugud king Dios atiu banua.

Luguran yong pengari yu, lalu’t ding para yung tauE ko sa makasarili makabuklat lang palad yuDing kalulung mangailangan, ila ring sasaupan yuBan manatili kekayu, ing lugud nang Jesucristu..

SULAT KU KARING

ANAC KU(Fathers Day

Message)June 28,2010

Maranun kung meulila,kang Tatang kung pakamalan.

Labing apat ku pang banua,mag-aral kasalukuyan.

Potang kakung aganaka,itang lugud na’t pakamal,

mamagus ing kakung lua,pati laman ku gagalgal.

Ketang mabie ya’y Tatang ku,paruminggu ya keng obra.

Akakit ke malagad mu,nen mung Domingong muli ya.

Potang datang na’ing Sabadu,gagad na kung akit ku ya,

ketang ilug ku manaya,ban saganan ing bangka na.

Bante yang plaisdan y Tatang,keta king barangay Batang.

Karin kayabe ne’y Inang,keng kubu la makatuknang.

Miyabe dang gugusalan,ing karelang katungkulan,

ban kanita e danasan,ing barug ning kakaluluan.

Keng karelang pamiabe,e la mu kabud magbante.

Mananaman la pang gule,mahilig la pang manese,

kambing, manuk ampon bibi;karela lang pamisali,

potang muli la kekami,tinda ra la king palengki.

Keng karelang pamiabe,dakal la ding mekinabang.

Detang kasiping ming bale,agad na lang makayabang.

Kareng daralan dang gule,pati daralan dang asan,

uli nita ing kekeng bie,meging maunlad at mayan.

Dapot iniang mesakit ya,y Tatang kung pakamalan.

Mepilit e ne megobra,keng sakit e ya mipaldanan.

Iniang bayu ya mebina,iti e ku akalanguan,

kanaku penabilin na, inang, kaku yang luguran.

Ngening aldo ra ding Tata,kanaku yang pagmasusian.

Ing lugud a pepakit na,ning Tatang kung pakamalan.

Ing sipag na ampon tiyaga, pamanang kaku na likuan,

Lugud karing pamilya na,ya ing kanakung apusan.

Y TATANG KUNG PAKAMALAN(Fathers Day Message)

June 11, 2012

Mi-published ya keng Central Luzon Daily – Indung Capampangan Feature –ketang June 19, 2012

POESYANG MACAPARIKIL KING

LUGUD KENG

GUINUNG DIOS

Ing kecaming pami-abe calupa ra di Jonatan,At i David ning Bethlehem tune micaluguran.Ing lugud na king sarili, anti ing cacu macanian,Ing lugud ming pisumpanan ala ya ping capupusan,Anggang aliwang carinan, pati king bie alang anggan.

King canacung pamaglacbe libutad na ning marangle,Parati ya king gulut cu alang sawang mamantabe.Nung sacaling mitakid ku, misubsub man o mirate, Agad na cung asaclulu, ibalic king mayap a bie,Uli ning lugud na kaku, e na ku buring miwale.

Nung buri yeng akilala canacung cacaluguran,Agcat dacang munta keya ba meng agalamanuan.Managcat ya caring tau, ban lugud na asubucan,Lalu na caretang mapagal ban manakit capainawan,Macayanda yang magdala mabayat yung pupusanan.

Ban lubus meng akilala mabunyi cung caluguran,Pabustan mung tuki ra ca king maslag nang Cayarian.E ya ordinaryung tau, ya ing Ari ning ketawan,Ari ra ding sablang ari at ala yang penibatan,Ya ing larauan na ning Dios, yang kecatamu linalang.

ATIN KUNG KAKALUGURAN July 15,2008

Atin cung cacaluguran paniabian yang calaraman,Lusuc ya king catapatan, mumuna ya king cayapan.Ganaca na e mu nanu, king ugali e me sawan,Ganap king capacumbaban, pati na capibabatan,Ditac mu man e mu akit Keya ing capangalaluan.

E ya mu cabud macanian ing cacung cacaluguran,Masican ya’t mayupaya, cabiasnan na e asucdan.Mabilis yang mamatawad, maragul ya pa lulanan,Ding canacung caculangan, agad na lang gaganapan,Sablang cacung cailangan, matula na cung dirinan.

Iniang e ke pa atagpuan ing cacung cacaluguran,Ing lacad cu licu-licu, ala cung paintungulan.Alang salang acakit cu, ing lupa cu neng calulam,Tula e cu aranasan, lumud cu king calungcutan,Dapot iniang atagpuan ke, bie cu biglang mialilan.

Ing sinabi na canacu, miguit ing lugud na cacu,Ipagcalub na ing bie na, nung iti cailangan cu.Tapat keyang pamakiabe, painggulutan ali na cu,E na cu paimburisan potang atiu cu king gulu,Nanu mang oras maus cu agad pakibatan na cu.

.

(Mipaskil ya ing “Mayap A Balita” Official Publication of the Archdiocese of San Fernando - November 2010 Issue.)

Mibait Ya king Bethlehem, mipacu ya king Golgota,Menaral ya king Judea, magdalang Mayap a Balita.Cristo Jesus ing laguiu na, Anak ning Dios a pigampa,Magdala yang capayapan, karing calulu ginhawa,Tara! tuki ca canacu puntalan te king Tronu na.

Mipublished Ya iting Poema Keng “Mayap A Balita” (official Publication of the Archdiocese of San Fernando – July 2010

BAKET AUSAN MU CUNG GUINU? June 18,2008

Baket ausan mu cung Guinu e ca man mamintu cacu?Ding catutuang sasabian cu gagawan mong biru-biruE ca bisang makiramdam caring taung susugu cuParati mong gugulutan, tatabi ampon susunuAla cang pakiramdaman nung e mu ing sarili mu.

Baket ausan mu cung Guinu e mu cu man cakilala?Map la pa detang artista balu mo gulut at lupaPakibaluan mu ing bie ra ing buri mu akit mu laSamantalang acu ngeni maluat nang manintun kecaPilit mu cung panginlagan keng aus cu magmaclac ca.

Baket ausan mu cung Guinu nanu wari ing balu mu?Caring Amanung igcas cu para king caligtasan muMacananu mung asabi yacu na ing kecang GuinuSamantalang dacal lang dios ding gagawan mung iduluSasamban mo’t panaligan uli ning camangmangan mu.

Baket ausan mu cung Guinu, nanung ulaga cu keca?Ing sablang buri mung gawan panalig mu caring cualtaIng pamanipun pibandian yamung maulaga kecaManalig ca caring tau at sarili mung upayaDitak mu man king oras mu canacu pagkait mu pa.

Baket ausan mu cung Guinu, ninu wari yacu keca?Nanu wari ing balu mu, e mu cu man cakilalaIng gewa cu e mu balu, gagawan cu at gawan pa Ing mayap cung capagnasan gagawan mung alang cuentaYacu pa ing sisisian mu potang atin cang problema.

Balu me ing calupa ra ding balang lalapit caco?Balang taung makiramdam ampon canacu mamintoWangis ne ning mitalakad babo ning matibe batuDatang nanumang sigalut, sakit, dusa ampon lungcutDitac mu man e matinag e ne sucluban ning tacut.

Lucas 6:46-49

Nung ing sablang daraptan mu king lugud manalakaran,Alang e mu agampanan lalu’t nung kekang kaburian.Nung iti keka yang gawan malinis a kapagnasan,Asiguru ing tagumpe masakit man maging mayan.

Maging negosyo man iti, o keka yang katungkulan,Obra yang kapanintunan o kursu yang pagaralan,Nung deti gampanan mula king malinis a paralan, Masagana ing kabiayan, mapayapa ing kabilian.

Nanu ya mang kapagnasan, iti e me agyung daptan,King sarili mung sikanan o sarili mung kaguiwan.Ing lugud ning Guinu keka, kambe ning lugud mu Keya, ‘Yang munie sikanan keka ban iti agawa mu ya.

Anti ing Indung malugud, tapat king keyang pamilya,Egana-gana daptan na masakit man pibata’ na.E ya mamiling panaun, makahanda yang magdusa,Alang-alang king lugud na karing anak na’t asawa.

Nung ing sabla tang daraptan iyampang tamu king Guinu,At iti gampanan tamu agpang karing Keyang turu,Daptan tang laus king pusu uli na ning lugud tamu,Tiyak ablasan naka tamu king galal nang pakalulu.

O Guinu ming Jesucristo, tampukanan mu ke sana,King lugud mung e kukupas ban agawa ming matula,Nanu man ing katungkulan, obra, buri mung pagawa,King uli na ning lugud mu, arapat ming mitmung saya.

“DAPAT KING LUGUD” June 5, 2012

“Nanuman ing daraptan yu, daptan yung laus king pusu yu, antimo waring

ing Guinu ya ing sisilbian yu at aliwa ding tau. Ganakan yu king ablasan nakayu ning Guinu; tanggapan yu king Guinu ing sidia na para karing pinili na.” Colosas 3:23-24.

Mi-published ya keng Central Luzon Daily – Indung Capampangan Feature – ketang June 12, 2012

Dacal lang mitatacutan, calawit ning camatayan,King mala-bungu nang lupa at matuling nang imalan,E re buri mang acakit maski caring panimanman,Uling ing carug ning salu daragundong king panamdam,Tutu ya ping macatacut king tau ing kamatayan.

Uling ning matinding tacut e re buring itabili,Ing bie ra keti king yatu pagnasan dang manatili. Ing sabla gagawan da mayap maroc e mamili,Ing carelang kapagnasan, lugud namu king sarili,Ban keta bie ra cumaba at masanting la pa bili.

Ibat pa king kamumulan meg-ari ne’ing camatayan,E la abilang ding taung mengamate king ketawan.Ding mayap-macasalanan tinggap da’t e atacasan,Ing sapulyut ning calawit at asiwas nang masican,Ing wacas na pin ning tau ing dakit ning kamatayan.

Atin canung aduang dalan daralanan tamu king bie,Ing dalan da ring matulid at dalan ding taung luse.Ing pamamiling dalanan…iti kecata’ ne binie,Ning Ginung Dios a MIglalang ban akit tang masalese,King ing kaburian ning Guinu, yamu ing ing dalan na ning bie.

E ta dapat pitacutan ing agcat ning camatayan,Uling ding balang melalang metung la pu capupuntan.Itang marimlang tudturan, itang aun a malalam,Iti e taya alisyan maski nanu pa ing gawan,Nung macananu’t kapilan e ta balu ditac mu man.

Nanu ing sukat nang daptan ning taung tatacut mate?Nung iti e na alisyan marapat mu paintunan ne,Ing dalan na ning catutuan at dalan papunta king bie,Ban canita e ya miras king tucnangan da ring mete, Nune king siping ning Ginu, king tulang alang capante.

Iniang mete ya’y Lazaro sinabi nang Jesucristo.“Cumabie yang pasibayu, Marta ining kapatad mu.”“Acu ing pamaniubling mie, pabiayan keng pasibayu,Ing ninu mang maniwala at salpantaya kanaku,Agyang mate ing catawan, subli yang mie pasibayu”.

Ing Dalan na ning Catutuan at Dalan papunta king Bie,Alang aliwa, capatad, nung e mu y Cristong mabie.Ing camatayan pete Ne king Keang pamaniubling bie,Ban ding sablang maniwala capilan man e no mate,At ketang bie alang angga karin taya acayabe.

E YA PITATACUTAN ING CAMATAYAN May 18, 2012

Pitong dalan banua bayu pa meganapIng pamagligtas Na keya nang kinalatPropeta Isaias yang Keyang inagkatBan ipamalita mabilug a labuadKeyang kasakitan king kurus ning batbat.

Ing sablang pasakit Keya ngang pibataSikuil de ding tau, berug at pilmuraIng koronang suksuk siksuk king kanuan NaDaya sinagese lupa mitakpan yaMalalam nang sugat butul makalto la.

Mabayat a kurus pilit Neng pisananAlus e milakad uli ning beyatan Sabe da ring barug mitmu king bengisanMangasubasub ya king mabatung dalanE menakit lunus maski ditak mu man.

Ing Kordero ning Dios ing aus da KeyaIng Talapanatbus ning kekatang salaMaski nang gawan da tinutul ali YaE ya sinalangsang mengari yang tupa King mitmung kababan dinaun ing bie Na.

Uli na ning sala ning meto siklubanTinggap Na ing bugbug ding makasalananUli ning dewakan ding balang balayanIya ing migdusa at ‘Yang miparusanSakit e mu nanu angga king kutkutan.

Ing egana-gana pibata Nang JesusBan king kamatayan ikata mikabusIti patune na ning lugud na ning DiosKaring kalupa tang medala king agosNing pamikasala, manintun Manatbus.

Ginu kung malugud, mitmu ka king grasyaIka ing migdusa karing kakung salaE wari sa yaku ing dapat magdusaKing kakung dewakan at pamikasala Obat ika ngeni itang pinaku ra?

Ing kamatayan ku ya sang kabayaranNing kasalanan ku at kapanalangsanganOneng e ku agiu, e ku abayaran Nung inya Y Jesus ya ing mituburanTipa keti sulip ban yang mamayaran.

King kurus, king kurus karin ta miligtasKaring Keyang sugat midayu ing kaplasKing daya nang Cristo karin ya milukasMatuling a malan a mitmu king bakasNing makatakut at makarine wakas.

Inya kaluguran dinan meng ulagaKeyang kamatayan a migligtas kekaKekang pamalita kaba sang mabie ka Karing kalupa tang taung mikasalaBan keta kamtan da ing bie alang angga.

ING KAMATAYAN NING GINUNG JESUS Mar. 13, 2008

Mipaskil ya iting poesya keng Mayap A Balita magazine, Official Publication of the Archdiocese of City of San Fernando – April 2011 issue.

Ibat pa king kayanakan, kanaku nang panikuanan,Ing asuyuan da ka Ginu king ayabut ning kaguiwan.Pilit da kang pamatulan karing sabla kung gagawan,Ban kanita akamtan ku ing lugud mu’t kaligtasan,Uling tutu kung matakut king impiyerno manuknangan.

Matibe paniwalan ku dapat dakang bayaranan,Karing mangayap kung dapat ba mu ku mung patawaran.Panginlagan ku ing marok, parati ku king pisamban,Makiyabe ku king prosisyun, amanu mu pagaralan,Dapat mu sang tumula ka karing mayap kung gagawan.

Dapot agguiang nang gawan ku parati kung magkamali,Maralas kung madadala king marok kung panugali.Ing aligwat na ning laman at ning yatung makawili,Ing tuksu na ning demonyo at kislap da ring salapi,Pilit da kung kukulyutan ban masilab ku king api.

Ing bague dapat kung daptan ya ing kakung e gagawan,Itang e ku dapat daptan ya ing pilit kung gagawan.Magugulu ya’ng pamisip e balu ing panusigan,Mistula kung makasukul at ipus ning kasalanan, Makalunus ku kabilian, manintun kung kaligtasan.

Manintun kung kapayapan, busal ning kaligaligan,Pilit kung manintun sala busal ning karalumduman.Mau ku king kekang lugud busal na ning kasakitan,Paintunan ku ing katutuan ba na ku sang e malinlang,Dapot iti e ku akit uling e ke balu’ng dalan.

Nanu ing sukat kung gawan O Ginung Dios a Miglalang?Ituru me sana kaku ing Dalan ning katuliran,Tairan mo sa ring gamat ku bitis ku din mong sikanan,Lumakad kung kayabe mu ika ing kanakung tukian,Ban e naku malili pa, kayabe mu kapilanman.

Pasalamat ku pung dakal king lugud a pigkalub yu,King uli na ning lugud yu inampun yu kung anak yu.Kapamilata’ nang Jesus, meging taung kalupa ku,Sablang kakung kasalanan king krus karin mipaku,Kamatayan Na king krus, ya ing migligtas kanaku.

Kasagid na ning lugud mo, O Dios a kaku minaus,Dininan mu kung kabiasnan ban atalastas kung lubus.Sablang lihim mung parasan at lugud mung e mapupus,Pepakit mu ngan kaku uli na ning kekang lunus,Ing layang pagdulapan ku danum yang kaku mu bilus.

ING LUGUDNING DIOS April 1, 2009

Kanitang Ing Guinung Jesus megumpisa yang menaral,Mibalik ya Galilea, labuad keyang keragulan.Linub Ya king sinagoga, biklat ne ing Kasulatan,King arapan da ring tau, inagkat nong makiramdam,Ketang Mayap A Balita, panulu king kakaluluan.

“Ing Espiritu ning Guinu, mipagkalub ya Kanaku,Ban ing Mayap a Balita ipanaral ke kekayu.Pagkaluban lang kanawan ding sablang pakakalulu,Midinan lang kalayaan ding bijag at alang balu.,Mayatbus lang meyalipit, at pamagligtas ning Guinu.”

Detang sablang mekaramdam midinan lang kapasnawan,Karing amanung dimdam da mekua la kapanamdaman.Mengapamulala la ngan king amanung mitmung kalam,Dapot tune kabaldugan, ning map a balitang dindam,Angga man ngening panaun e re pa lubus aintindian.

Alang mayap a balita karing lugmuk a maluka,Nung e tinud la king weting o sinambut king loterya.Balitang mayap karela yamu nung mekamana la,Mekad king kamag-anak dang mete a milakuan kualta, Ban barug ning kakaluluan, aligtasan da na sana.

Alang mayap a balita karing presung makasukul,Nung e mu ing kalayaan, o makatanggap lang “parole”.Balitang mayap karela yamu nung atin lang dalo,Karetang kapamilya da, kaluguran, abogado.A sasaup karing presu, ban maabsueltu king kaso.

Alang mayap a balita karing bulag aduang mata,Nung e mu ing manakit la, panimanman mibuklat ya.Alang mayap a balita karetang mayayalipit,Nung e mu ing mikabus la karing gamat da ring ganid,Karing marawak a tau at mabanding manalipit.

Ing pemalita ning Guinu, kapasnawan ding kalulu,Pangayatbus da ring bihag, katimawan karing tau.Pamanakit da ring bulag, ampon aldo na ning Guinu,Yang paintunan ding keraklan dapot iti era balu,E mo malyaring akamtan nung e me balu ing Guinu.

Ing tune nang kabaldugan ning pemalita nang Cristo,Kalayan at kaligtasan karing sala da ring tao.Pangayatbus kasalanan a bubulag karing dakal,A mesukul king dewakan, pamanungkulang garapal,Kasakiman king upaya at makademonyong asal..

Kasalanan ing uyat na ning bangis ning kakaluluan,

Kasalanan ing bini na ning kekatang kagutgutan.Kasalanan ing suli na ning pangayalipit ding dakal,Kasalanan ing sibul na ning burak ning kasakiman,Kasalanan ya ing sangkan ning sabla tang kasakitan.

Ing Mayap A Balita!Ing kekatang kaligtasan e taya malyaring kamtan,Ibat karing pulitiko at gubiyernung mapangamkam.Ing kekatang kapayapan ala king pamanalangsang,King batas na ning Miglalang at batas na ning ketawan,Nune atiu ketang lugud king Dios at Keyang lelangan.

Ing Mayap A Balita!Ing kekatang pangakabus king bunga ning kasalanan,Manibatan ya king lugud ning Dios kekata linalang.Tinubud neng Keyang Anak ban sala tamu bayaran,Ninuman ing maniwala, tanggap kaniting katutuan,Kamtan na ing kaligtasan king parusang kamatayan.

Ing Mayap Balita!Alang mayap a balita nune ing Keyang paniatang,Ban atbusan na ing sala ning mabilug a ketawan.Ketang Krus ning Kalbaryo king daya Na ngan beyaran,Ding kekatang kasalanan ba tamung mikabus miuman,King kekatang pangasukul king rehas na ning dewakan.

ING MAYAP A BALITA Aug. 12, 2009

Mi-published Ya iting Poema Keng “Mayap A Balita” (official Publication of the Archdiocese of San Fernando – October 2010

Ing pusu ning Guinu, tutu yang malugud, mapamakalulu,Ala yang pagnasan nung e mu kayapan da ring sablang tau.Sablang kasakitan, Keya lang pibata ban mayatbus tamuKing dusa’t pasakit a bungang mapait ning masias tang pusu.

Ing pusu ning Guinu, mapamatawad ya karing sala tamu,E ya tatanam mua o pamagbengansa at nanu mang kasbu.Detang mikasala Keya lang paintunan ba nalang ituru,Dalan a matulid, dalan ning katutuan, ban e mitalabu.

Ing pusu ning Guinu, dit’ man e kukupas keng ganaka’t lunus,Lalu na karetang alang asantungan,alang malulunus.Keya lang ampunan, tuturing nong anak, deng Keya mamaus,Keya ta manalig, king Keyang ganakang e biasang mapupus.

Ing pusu ning Guinu, tutu yang matapat king Keyang Amanu,Ding Keyang pangaku, ayasaan ta la, at e la magbayu.Uli ning lugud Na, papakilala ya karing sablang tau,Ban akamtan tamu ing bie alang angga a Keyang pengaku.

Mamaus ya’ing Guinu karing balang suluk ning kekatang bansa,Makiramdam ta sa karing Amanu nang magdalang pag-asa.Agkat Na ka tamu, makimetung Keya, pati king Dios Ibpa,Ban ing Keyang pusu, maging pusu taya, malugud, malsinta.

ING PUSU NING GUINU Feb. 15, 2011

Dakal la ding taung manintun dangalan,Manipun lang bandi ampon kayupayan.Ing pakirasan da maging pikabaluan,Ala lang pagnasan nung e mu kapurian,King mata ding tau ba rong parangalan.

King uli na nita ing karelang nasa,Dakal la pibandian at dakal la kuwalta.Mikaposisyun la ban galangan da la,Nanu mang paralan pagkapilitan da,Apakirasan mu ing kapagnasan da.

Ninu wari watas ing taung marangal,King mata ding tau ampo ning Dios a mal?Ita kayang taung siring makipagkal,Ban keta mipuk ya king matas a lugal,Ban suyuan ding tau at manipun galal?

Ing tune dangalan e ya mayayakit,Karetang papuri ding taung manakit.King kekang gagawan nu man ‘ti kasakit, Atyu king Miglalang nung nu ka magsulit,Karetang depat mu, bie mu keti sulip.

Ing taung marangal e ya mapagmatas,Mitmu yang kababan nu ya man ‘ti miras.Anda yang sumuyu lalu’t karing lubas,Lubas king kaguiwan at manintun lunas,Ketang kakaluluan ba la mungmimasmas.

Ing taung marangal e makasarili,E ya mapangamkam, e ya mapamili.Mengari yang anak, anak a malati,E na pangangasan ing muna yang dili,Ing kapakumbaban yang keyang ugali.

Ding taung marangal aliwa ding sikat,E ding lapastangan ampon mapanumbat.E ding bengatibu ampon e matapat,Mayupaya ka man nung dapat marinat,Ing kapupuntan mu, impiyernu ka dapat.

Sinabi nang Jesus karing alagad na,“Ing taung marangal king Kayarian banua,Ing mapagkumbaba at ipus ding sabla.”Pablasang ing Ginu keti dinatang Ya,Ban ing lugud ning Dios keka pagkalub Na.

Ninumang magnasang magkamit dangalan,Ing Guinu tang Jesus yang keyang apusan.E mekipatlalu, e meging mayabang,E na pepauna Keyang kapakanan,Binie na ing bie Na anggang kamatayan.

“True greatness does not come to those who strive for worldly fame. It lies instead to those who serve in JESUS NAME.” Anonymous.

TUNE DANGALAN(True Greatness)

Aug. 23, 2011

Balaku mo makagyu na ing mapamie’t mapaniaup,

Karing kalupa kung tau, lalu karetang daranup.Balaku ku mo lulugud ku karing kaku maniad saup,Karing mau ampon lubas, karing presung makalunus,Ala palang kabaldugan nung ala kung tune lugud.

Salamat at abalu ku, nung nanu ing tune lugud,Karing turu ning Miglalang, ding Amanu ning Tinubud.Pamie ku man atyu kaku, pasilab ing katawan ku,Nung ala na ku mang lugud a mamungad kening pusu,Ala ku kanung apala, metung ku mung ipokritu.

Nanu wari’ng tune lugud king panlalawe ning Ginu?Karing sulat nang San Pablo, malino tamung abalu,Ing lugud manibat king Dios, iti e mapangalalu,Lusuk king kapibabatan, maganaka ya ping tutu,Tutula ya king katutuan, malingap karing kalulu.

E magaspang a ugali, e maimut, e masungit,E ya tutula keng marok, e masakim, e mainggit;Ing lugud na e sasawa, at e ya tatanam mua,E mu akit ing ketasan, lugud yang mapakumbaba,E mamiling luluguran, pante-pante ing lawe na.

Tune lugud ibat king Dios, e ya mapagparangalan,E manayang kayablasan, e ya manayang kapurian.Pati na keang kasalang, kea la ngang luluguran,Detang e kalugud-lugud ilang keang pagdulapan,Ban dinan nong kapanayan, lugud, kasalpantayanan.

O’ Ginung Dios e ku balu nung makananu kung apusan,Lugud mung alang kapara, lugud mung alang angganan.Linisan me sana Ginu, ining bie kung makalaman,Ban kaku yang ayapusan, ing LUGUD MU at daraptan,Kanita king TUNE LUGUD, karin ku mangabiayan.

ING TUNE LUGUD(True Love)

Dec.23, 2011

Ing diwa ning Kapaskuan, aldo pamamie regalu,Karing kaluguran king bie, tradisyun yang e magbayu.Detang mamie at tatanggap ing tula da akakit ku,Karing masaya dang lupa, lugud maglapo king pusu.

Malambat pa’ing Kapaskuan kekata nang pag-isipan,Ing regalong ibie tamu karing mal tang kaluguran.Kukutnan ta ing sarili nung nanu ing kailangan,Malyari dang pakamalan, makasaup keng direnan.

Nanu kaya ing ibie ku, kuwalta kaya o pabanglu?Munta tamu king “shopping mall”, maniali tang nanu-nanu.Ati’ nang malan, piyalungan, sabun, sukle, at sipiliyu,Ba tamu sang makapamie regalo aldo ning Pasku.

Obat mamie ta neng Pasko, obat e aliwang aldo?Nanu wari’ng meging sagcan mipapamie tang regalo?Obat meging tradisyun ya mabilug a Cristianismo,Ating sagcan, kapatad ku, ing Ginu tang Jesucristo.

Matula tang pagmasusian kayaldawan na ning Pasku,King uli na ning lugud na ning Dios ning banua at yatu.Pigkalub Ne ing Anak Na anting banal a regalu,Ban ninu man itang tanggap tumula yang e mu nanu.

Ing Ginu tang Jesu-Cristo regalo yang ibat king Dios,Iya ing TUNE REGALO ban kekatamu manatbos.Ninu man ing maniwala king lagyu ning Anak Ning Dios,Mika bie yang alang angga ketang tulang e mapupos.

O’ Ibpa ming atyu banua pagkalub Ye sa’ kekami,Ing banal a Regalo Yu, ban kekami manatili.Nanu ya man pung regalo ngening Pasku tanggapan mi,Alang miguit a ulaga, keng REGALO Yu kekami.

Mi-published ya keng Central Luzon Daily – IndungCapampangan Feature – ketang Dec. 19, 2011

ING TUNE REGALODec. 13, 2011

Banua-banua pagmasusian ing aldo ning KapaskuanKaring miyaliwang lugal king mabilug a ketawanMasaya lang magmasusi anyaran ing kapayapanA pengaku ding angheles king aldo nang kebaitanNing bugtung a Anak ning Dios mibait king lilibangan.

Bayu pa miras ing Pasku maliswas no deng kekaldanManialing bayung imalan at miyaliwang pamanganMamalut lang pangregalu, lalam pamaskung tanamanMamarala lang “Christmas cards” at maglutu lang kapanganManiabit sulung makule ampon parul karing dalan.

Potang miras na ing Pasku akit mo no karing dalanMatua’t anak mamasku la paintunan do ring tegawanMagdala lang aguinaldu, mangasanting la imalanMamunta la’t maniklaud karelang kamag-anakanKarin mu akit ing lugud, tula, saya’ng e makanian.

Manibat king abalu ku ya na ing agisingan kuMasaya ya at makule ing balang aldo ning PaskuNi misan e akutang ku, sangkan kaya niti..nanu?O’t magsaya la ding tau, nang kabaldugan ning Pasku?Nang ulaga na ning Pasku kening bie ku keting yatu?

Bayu pa mu abalu ku nung baket magsaya tamuMatula tang pagmasusian kayaldawan na ning PaskuKing uli na ning lugud na ning Dios ning banua at yatuTinubud ne ing Anak na ban mikatawan yang tauBan kanita ing Ginung Dios, makiagum ya kekatamu.

Iya ing metung a Anak inula da ring propetaMibait ya king dalaga, birhen a mapibabataMayaus yang Talausuk, ampon Alang Anggang IbpaPrincipe ning Kapayapan, mayaus MakapagmulalaKing tronu nang Aring David, mag-ari ya king justisya.

Ing Ari ding sablang ari, dinatang ya keti sulipMaslag yang maslag king sala ing lugud na e aliripIng Amanu dinatang ya king Bethlehem ya mibaitMikera king lilibangan ala metung mang menakitAlang ilut pepenganak, dinatang yang alang malit.

ING ULAGA NING PASKU Dec. 9, 2009

Dinatang Ya keti sulip busal ning karalumdumanDapot magdala Yang sala at pangakung kapayapanDing angeles karing banua memagkanta lang kapurian“Ligaya king Dios a malam, Dios kakataskatasanketi sulip kapayapan karetang taung katulan.”.

Dinatang Ya king balen Na dapot e re kinilalaE re tinggap a Anak na’t Sugu ning Dios karing banuaDapot detang meniwala, at tinanggap king Anak NaDininan nong karapatan maging ampun a anak NaBan kanita ing Dios mismu Ya na’ing mayaus Ibpa ra.

Atlung aring mangabiasa, ding angeles karing banuaDetang pastul king marangle migsaya la’t memagkantaDinalo la king mibait, migregalu at sinambaGinto, insenso at mira ding regaling darala daMitmung tula dong dinaun king Dios Anak a Ginu da.

Magsaya ka O Poeta purian me ing kekang GinuTinipa ya keti sulip, Yang ausan dang AmanuAmanu Yang ibat king Dios, Amanu Yang meging tauMelalang ka, melalang ku kapamilata’ ning AmanuInia karapatdapat mu, idaun ing papuri mu!

MASAYANG PASKU KEKO NGAN KALUPA KUNG CAPAMPANGAN ING SANANG BANUANG DARATANG BANUA NE NING CAPAMPANGANDING MAKUDTANG MATENAKAN SANA MISANMETUNG LA NGANSESEN DE SANA’T GAMBULAN ING AMANUNG KEBAITANKANITA ING ALDO NING PASKU, ALDO NE NING CAPAMPANGAN!

Mi-published ya keng Central Luzon Daily – Indung CapampanganFeature – ketang Dec. 1, 2011 at Dec. 17, 2012

ING ULAGA NING PASKU - 2 -

Taung matalote, nanu’t balisa ka?E mu wari balu ing lugud Ku keka?E wari ing bie mu maiguit a ulaga,Kesa karing ayup, mabanglung sampaga?

Nanu ing kanan mu? Nanu’ng inuman mu?Nanu’ng isulud mu? Pilit kukutang mu.E wari sa ing bie miguit king pagkabie,Miguit ya’ng katawan nanu pa mang bague?

Munang paintunan mu ing Kakung Kayarian,Kekang pagdulapan Kakung katuliran,Ding keganaganang kekang kabalisan,Ibie Ku la keka pati karagdagan.

O Guinu kung Jesus, dakal pung salamat,Karing pangaku Mu a tutung masampat,Keka ku manalig, tune Kang matapat,Ing kabalisan ku yugse Mu king dagat.

Reference: Mateo 6:25-34

KABALISANOctober 15, 2008

O makule ayup a sula-sulapo,At palipat-lipat karing sanga babo,Kanta mung masaya keng mapaling aldo, Babie lang kasnawan bie kung manimusyo.

E ka man manasik, ni e ka pupupul,Dapot ing kanan mu misan kumpul-kumpul,Samantalang aku’ng aldo’ldo sasarul,Mababalisa ku, pota e ku mupul.

Masamyung sampaga karing kaparangan,Dakal lang mebiyag keng bandi mung legwan,Paimalanan me’ng malanging dayatan,Karing makule mu at berding tanaman.

E ka man mag-obra, ni e ka mamabal,Dapot ing banglu mu tana sisingalngal,Samantalang aku oini makipagkal,Mababalisa ku, ala kung balabal.

Dakal lang taung mesira uli na ning kapalaluan,Dakal la ring mengalasak at mengalako dangalan.Ding ari at mamuntukan mibaba la king tungkula,nMilako la king upaya uling na ning kayabangan.

Nanu wari’ng kayabangan, nanu wari’ng kapalaluan?Miyayaliwa ya aske’t miyaliwa kabaldugan,Ausan deng mapagmatas, magkakabiasa mu naman,Ya’ng panibata’ ning diria, pamitua at kalibakan.

Ing kanung taung palalu isipan na balu na ngan,Paglalawe king sarili disan na na’ng pakirasan.Biasa yang mangatuliran, biasa yang manyangkanan,Maski nanu pang sabian mu e ya tatanggap kamalian.

Ing kanung taung palalu alang yang pakiramdaman,Sarili na mung opinyun ing buri nang daramdaman.Makasara ya balugbug karing usuk a kayapan,Inia karing keyang lakad dakal ya katatakiran.

Ing kanung taung palalu papakit yang katapangan,Dapot keng gulut na niti dakal ya katatakutan.Tatas na ing sarili na ban salikut ing keinan,Iwasan meng adalpakan uling anti yang ubingan.

Ing kanung taung palalu e ne pin tatanggap turu,E ne mag-aral mu naman karing amanu ning Ginu.Paglalawe king sarili tutung matas at matilo,Mengari ya keng agila a neng katas a sulapo.

Ing kanung taung palalu e tatanggap pamagbayu,Masyadu yang meging tapat king ausan dang status quo”.Agguiang mali ing sistema pipilit nang paglualu,Mipanusigan ya buri, masabi mung iya ing ustu.

Ing kanung taung palalu tutu yang makasarili,Ing lugud na karing tau para mu keng keyang buri.Malugud ya king pibandian masakim ya king salapi,Matako ya king upaya ban yabang na manatili.

Ing kanung taung palalu, ala’ng kapasalamatan,Mengari yang pikutkutan ala ya ping pikabisian.Ala yang sawang manintun, lumud ya ing kasakiman,E kontentu king nanu man parati yang mangailangan.

Kakambal na ning ketasan metung ya ingkamangmangan,Uling ing taung palalu e na buri ing kabiasnan.Kabiasnan manibat king Dios iti keang paimburisan,Imbut na mu ing kapurian ampon pamagparangalan.

Ing masakit keng palalu e na balung mayabang ya,Nung sabian mu keya iti, tiyak pikamuanan na ka.Kasaman no ring mayabang, ding palalung kalupa na,E na buring misapawan nanu mang bague luban na.

Inia ing taung palalu e me burian a ugali,Mapamiraya ya asbuk, agad yang mikakapali.Malugud ya keng debate, mapagduda ya pa iti,E na balu ing katutuan, maralas yang malilili.

Inia ing taung palalu dapat tayang panginlagan,Agawa na ing maglaram ba na ka mung asupilan.Inia ing Dios a Miglalang, keya lang sasalangsangan,Ding sablang taung palalu at lumud king kayabangan.

Nanu ing sukat tang gawan, ban milako ing kapalaluan,Mumuna tamung tanggapan kekatamung kayabangan.Manalangin ta king Ginu at kang Cristo tamu aduan,Idayu na ing ketasan dinan na ka tang kababan.

Dapat tang pakatandanan panabilin na ning Guinu,Ding mababa tatas Na la, ding magmatas mibaba la.Salangsang Ya king palalu, karing mamu malugud Ya,Inia ing kapalaluan king bie tamu ilako ya.

KAPALALUANOct. 23, 2008

Kasalanan, kasalanan, pabayat ka king ketawan,

king uli mu ing Miglalang dinalan yang kasakitan.ban atbusan ing lelangan king atul a kamatayan.mipatung king nunung Adan uling keang penusiganing aligwat at usuk na ning mapanuksong ubingan.

Kasalanan, kasalanan, ika itang meging sagkan,nung bakit y Eba’t Adan mitabi la king mulahan,nung bakit pete neng Cain y Abel a katutulan,nung bakit limbug ya’ng yatu, walu la mu ring mitagan,ing pamilya na mung Noe, mapamintu king Dios a nuan.

Kasalanan, kasalanan, manibat king kamumulan,ika na ing manalanta at uyat na ning kagulwan,panibatan ning dewakan at sibul ning kagutgutan,alang sawang makamate karetang kekang alipan,a mibalut king dalumdum at mirayu king Katutuan.

Kasalanan, kasalanan, ika ing babie pasakit,karing taung malilili, at mebulag a panakit,ing Dalan menibat banua ditak mu man e re akit,uling ika kasalanan binalut me king pusikit,a dalumdum ning kabengian ban Kayapan e akamit.

Kasalanan, kasalanan, bayad keka kamatayan,daya ing Keyang pemayad at Krus ya ing pisanan,lepastanganan ding tau at iti e na tinggian,pibabata na ing kaplas at kirut ning kasakitan,dapot e re man pinsingan king uli mu kasalanan.

Kasalanan, kasalanan, king uli mu mesugat Yaing bugtung nang Anak ning Dios, king uli mu mebugbug Yaparusang e makatau, yang memaklud king inawaning Guinu tang Jesucristo karing bunduk ning Golgothaking uli mu kasalanan, karing mete miyabe Ya.

Kasalanan, kasalanan, dapat da kang pikasamanuling dakal ka sinira at deyu paintungulanpati parasan ning Guinu, selikut me’t dinungisaninia dakal lang pamilya, at dakal lang kayanakanding menabu ketang bangin ning palsimi’t kalungkutan.

Kasalanan, kasalanan, king uli mu e ke akiting lupa na ning Miglalang keng oras na ning pasakittikpan me ing Keang lupa ban kanita e ke akitmengari kung alang mata, keng lakad ku mangatakidnukarin Ka O kakung Dios? Kanaku ka sana pakit.

Salamat pu Guinung Jesus, keng bitbit mung kaligtasanpatawaran mu ke sana karing gewang kasalananlinisan mo ring pusu mi at keng daya mu ke wasanban mibuklat la ring mata, king Sala mu at Katutuankanita kekaming kamtan pengakung bie alang anggan.

KASALANAN

Oct. 13, 2008

Neng magkamali ku, agad kung sasangkan,Ing e ku pa ganap, tau ku mu naman.Ninu mo ing taung e pa mimusingan,King agkat ning laman,pamagparangalan,Aligwat ning yatu at diyablong malaram?

Neng magkamali ku agad kung sasangkan,Aliwa mu yaku dakal la mu naman.Detang kalupang kung makanian gagawan,E ku na abili kanaku nang dalan,Ining ugali ku angga king kutkutan.

Neng magkamali ku agad kung sasangkan,Mengapilit ku mu e ku buring gawan.Pilit kung manintun taung asangkanan,Ing kakung kamalian e buring tanggapan,Ing tuturu kaku, ya pang kakamuanan.

Neng magkamali ku agad kung sasangkan,Kaburian ku ini, e mu pakialaman.Sablang daraptan ku, iti balu ku ngan,Mas biasa ku keka, e mu ku didiktan,Dili kung magdusa nung iti kamalian.

Ala kung keliwan kari Eva’t Adan,King gewa dang mali’t kalapastanganan,Gewa ra ing lub da, karela lang pengan,Ding bawal nang bunga ning dutung ningbeluan, King mayap at marok keta king Mulajan.

Iniang abalu na ning Dios a Miglalang,Ing karelang depat a kapanalangsangan.Kitnan nong pareu di Eva at Adan,Mipapaniangkan la at mututulduanan,Gewa rang kamalian e buring tanggapan,

Ing bakas nang Adan kekatang tintunan,Ding egana-gana mikasala la ngan.Subali mu’ y Cristo a e midungisan,Ing e meniangkanan, kusa nong pisanan,Sabla tamung sala angga king kutkutan.

NENG MAGKAMALI KUApril 18, 2012

Ya na mismu ing AMANU manibat pa king umpisa,Kayabe ne ning Dios Ibpa karing bagueng lelangan Na.Sablang bagueng mengalalang menibatan la ngan Keya,Uling Dios yang kalupa na ning Dios Ibpang atiu banua.

Ya mu ing masalang SULU, ya ing Sulung memie sala,King dalumdum at lulam na niting yatung tuknangan ta.Kareng balang dadalanan, ya’ng mamie aslag kekata,Ban e kata mitakid man at e kata malili pa.

Ya’ng bukud a ANAK NING DIOS, mitmu ya king pamalsinta,Dakila’t alang kapara ing tune nang lugud keka.Balang gewa na king lugud, mayap la nga’t macayama,Lalu kareng taung keya maniwala’t salpantaya.

Ya ing kekata MENATBUS, ing dinatang a MESIYAS,Menibat ya king Dios Ibpa, karing banuang asmu katas.Tinipa ya keti sulip ban ding tau atalastas,Itang dalise nang lugud, pamalsintang keya likas.

Ya ing kabud MAMILATAN at mepiling MAL A SUGU,Para karing mika-sala at mabibie keng bie-bigu.Balang panangis ding tau keng sakit maging tuliru,King Tronong Banal ning Ibpa babie na la’t paki-suyu.

Ya ing PAMANGAN NING BIE magkalub bie karing mete,Menibatan ya king banua, Ing Guinung Dios ya ing minie.Karing taung mika-sala, ya ing DALISE TINAPE,A kanan da ban kapilan e dumanup man o mate.

Y Jesus ya mu ing DALAN at yamu rin ing KATUTUAN,Ya mu ing BIEng panibatan ning bie ning meto sikluban.E na ka agawang lokwan ning diablo o ilili man,Nung keng lakad mu y Jesus ya’ng kataid nukarin man.

NINU Y CRISTO JESUS?Nob. 15, 2010

Ya ing KORDERONG menibat king Dios na ning Pamalsinta,A mitmu king kalinisa’t alang dungis akit keya.Alang bakas-kalikuan at e ya man mika sala,Dapot iya ing menaku, ketang kurus ya’ng mibata.

Ing Guinu tang Jesu Cristo, Ya ing MAYAP TAMUNG PASTUL,Ya mu kabud ing maglingap kekatamu at magtanggul.Kareng diablong makamate at bisa kekatang makmul,Ya ing magligtas kekata king kekatang pangasukul.

Yang MIGLIGTAS at MENATBUS kekatamung mikasala,King parusang kamatayan ya ing kekata migsalba.Ya ing kekata menatbus at king Kruz mipaku ya,Ding sablang sala ning yatu pisanan no king pago na.

Ing GUINU ku ya y Jesus, Y Cristong Guinu kung mabie,Ya ing tukian ku’t kanaku aldo’t benging MAMANTABE.Kabang bie ku keti sulip angga na king pangamate,Ya ing kakung pakiabayan angga na king sumangid bie.

Ya ing SASERDOTENG MATAS, ing Guinu kung Jesu Cristo,Peka dakila ya karing lingkud king Dios migserbisyo.Makalukluk ya king wanan ning Dios Ibpa keyang Trono,Ban ding kekang panalangin maramdam la keta Babo.

Ing Guinu tang Jesu Cristo, ya ing SIBUL NA NING DANUM,Kareng sablang mauwang danum, bisang lumapit at minum.Kareng pusung magingalu ampo kareng kulang beluan,Ya ing panibata’ ning bie, ning sikanan at kabiasnan.

Ya mu kabud ing kekatang dakila’t tune MANULU,Karing dakal a masakit, bulag, pipi, ampo lumpu.Karing maklak at pati na karing taung mengamate.A kalupa nang Lazaro’ng keang pepasubling mebie.

Cont. Ninu Ya Y Jesus? - 2 -

Y Jesus ing bukud tune’t mabieng TANAMAN NING UBAS,Ya’ng babie kekang sikanan ban talakad kang matikas.E ka mamunga nung ika kawani’t makipagkalas,Maging sanga kang melangi ampon bulung a melagas.

Ing PANGASUBLI NA NING BIE ing meguing aus da Keya,Keng amanung sinabi na , ‘niang kaarap ne y Marta.“Nung salpantaya kang tune sasabian kung kumabie ka,Aguiang mate ya ing katawan subli yang mie, tiyak ita.”

Ya mu kabud ing tutunggeng PRINSIPE NING KAPAYAPAN,Magdala yang tula’t saya kareng keang luluguran.Ding keganaganang angel king banuang lalualasan,Memagkanta la king keang nuan a benging kebaitan.

Panalangin :Ing kanakung nasa keng bie, O Guinung Dios a dakila,Ing akilala raka sa, pati ing kakung Dios Ibpa.Ining bie ku keting yatu, menanting alang ulaga,Nung ala ka kaku Guinu at e raka akilala.

Aku ining manenaya ketang kekang pamagbalik,Mitmung tula ampo saya kening kaung pusu’t isip.Kanaku yang panenayang kayabe ing pamanabik,Itang “Bayung Jerusalem” a yampang mung asmu rikit.

O Guinu kung Jesu Cristo, ika ing Dios na ning bie ku,Kaulan mu kung matalik, ilukluk king kandungan mu. E mu ku sana bibili ban lugud mu tanggapan ku,Ban ing tulang e mapupus kabang bie ku tamasan ku

Cont. - Ninu Ya Y Jesus? - 3 -

Potang sumlag na ya ing aldo masalaing katahimikan miyalilan siglakarin nala datang dakal a abalading pamangailangan at dakal a obrakabuklat ding mata dapat mamili kanung nanu ing gawan, nanu ing pigampa.

Ing bie na ning tau, bie yang pamamilikeang pagpilinan , nung nu ya magbilikaretang mamaus, kaninu ya tukikaring dapat gawan, ing ustu o maliupayang mamili pigkalub na itining Mayupayang Dios karing sablang lahi.

Upayang mamili katimawan tayadapat yang ingatan ba tang e misalaadua la mung dalan ding pagpilinan taing dalan na ning bie pauli king banuaat ning kamatayan, king impyernu dugpaika ing mamili, nu ka bisang munta.

Nung ‘yakung kukutnan kaku lang pilinanding mayap a dapat, ugali’t kabiasnanluguran ke ing Dios, igit nanu pa manlugud parang tau, kakung panugalianding marok a dapat e ko dinan dalanking lugud na ning Dios karin manuknangan.

Nung yakung kukutnan kaku yang pilinanbunga nang pagkalub Espiritung Banaltulang e kukupas at ing kapayapankayapan, ganaka at kapibabataning kapakumbaban ampo ing kayapankaku lang kaulan, kakung palabungan.

Ding dapat ning laman panginlagan kulamarinat a dapat at pamangaririaing pamangalalu at pamipagkamuaing pamisagsagan at pamangalunyapamilaban-laban, idolong pagsambakaku lang gulutan ban bie ku kumaba.

Ing kaburian ning Dios inapag ne kekabendisyun o sumpa ding nampang na kekabie o kamatayan karen mamili kae naka pilitan tuki king buri Naupayang mamili pigkalub Ne kekauli ning lugud Na at kayupayan Na.

Mayupayang Ginu, pasalamatan kuking maluka kung bie atyu Ka kanakuking pamamili ku turu Mo sa kakuding Kekang kaburian ban Ikang tukian kutairan Mu ku sa king pamaglakbe kukanita king tauli, akit ke’ng lupa Mu.

PAMAMILI June 10, 2010

Salamat Dios Ibpa, bendisyong binie muA ibat king banua uli ning Anak mu

Pinili mu kami bayu pa ing yatuBayu ke melalang ban maging anak muBa keng maging banal malinis arap mu.

Uli ning lugud mu Dios a mayupayaTelaga mu kaming mika bie marangya

Kapamilata' na regalu mung grasyaInatbus mu kami mibubu mung daya

Ban king kamatayan akua ming milaya.

Dininan mu kaming labis a kabiasnanAt pamanalastas ba mi lang aintindianDing kekang Amanu't lihim a parasanA nasa mung daptan king kapamilatan

Nang Cristong Anak mu mitmung kayupayan.

King uli nang Cristo pinili mu kamiBan maging balen mu at maging sulugiBan munie keng sala libutad ning bengi

Karing mabubulag ampon malililiUli ning dalumdum king sulip mag-ari.

Potang miras na ing mituldung panaunKeka lang tipunan ding kekang inampunPati sablang bage king banua at gabun

Lalam nang upayang Cristong mapanampunBan akayabe mu king sablang panaun.

Kabud dimdam ku ya Mayap A BalitaPepasalamat ku't lubus meniwala

King uli na niti kakung abitasaIng lugud na ning Dios karing maniwala

King bugtung nang Anak y Cristong dakila.

Salamat pu O Dios king kekayung lugudNgeni ku pa tikman ing tulang pagkalub

Karing maniwala at keka malugudLalu na kang Cristo a kekang tinubud

Ban mika bie kami't magdase king lugud.

Reference: Efeso 1:1-14

PASALAMAT Feb. 8, 2009

Potang atiu ka libutad ning marangle’t dayatmalat,at ing ing pali na ning aldo makapangaplas king balat,lalangi ya ing akmulan at managese ing pawas.manintun kang salilungan, ban ing kau mu mabawas,agyang kapatak yang danum maulaga yang panlunas.

Nung atiu ka king marangle o busal ning kabundukan,maglalawe kang tanaman malyari mung salilungan,lalam da ring keyang sanga dimla ing kekang paintunan,karing makapal nang bulung manintun kang kapasnawan,ban ing pali na ning aldo dit man eme panamdaman.

Potang datang kekatamu pali ning kapagsubukan,mangabayat lang problema magdalang e mu lisangan.api la’t bayang sisilab king malangi tang katawan,at king keraklan da reti e ta balu nanung gawan ,manintun tang salilungan, manintun tamung tanaman.

Ing tapat a kaluguran tanaman yang salilungan,matibe ya pang sanggalang king pali ning kasakitan.ding bulung ning keyang lugud ilang babie kapasnawan,gamat nang keka kakaul sanga lang babie sikanan,bunga ding mayap nang dapat ila ring kekang pamangan.

Nung man’tun kang salilungan, ating metung a Tanaman,tara karin kata munta e ya masakit paintunan.ing sasabian na kekata tapat yang Kakaluguran,king pali ning kasakitan e na kata paimburisan,pati bie Na dinaun Na king kekatang kaligtasan..

SALILUNGANApril 20, 2009

O' Kakung kaladua/ potang dirimla ne/ ing mapaling aldo,Magpainawa ka pa/pakiramdaman mu/ siwala nang Cristo.Pakisabian naka/potang anda naka/at e maligogo,Ban ing Keang lugud/ayapse Na keka/malinong-malino.

Manaya Ya keka/nandin pa kakatuk/buklatanan Me sa,Ing kekang dalumdum/idayu Na keka/magdala Yang sala.At nung mapagal ka/at kababayatnan/managkat Ya keka,Tuki king gulut Na/sakbit ing paud Na/ban mipainawa ka.

O Ibpang Malugud/ume Ka kanaku/gagad kung manaya,Malugud a Jesus/tamnan Me’ng pusu ku/king lugud Mu’t sinta.Banal a Espiritu/panuanan Mo sana/ding kakung pigampa,Ban kakung akamtan/Kekong kapayapan/at Kekayung tula.

Magsalita Ka sa/O Salita Ning Dios/at turuanan Mu ku,Ban ding amanu ku/at kawatasan ku/mangari lang sulu. Karetang mebulag/king karalumduman/aligwat ning yatu,Kanita akit da/ing kayupayan Yu/lunus, pakalulu.

Ding kanakung lira/susulat a poesya/iyampang ko Keka,Gamitan Mo sana/ban ding makabasa/akilala da Ka.E ku magsalita/kening sarili ku/manaya ku Keka,Ing Kekang siwala/pakatingiran na/ning Kekang poeta.

SIWALA NANG CRISTO July 19, 2011

Kakang Paeng salamat pu, pakibat keng sinabi kuMatula ku’t apansin ye ing poesyang pinaskil kuIng problema da ring tau mabayat na pin pung tutuDakal nong kababayatnan lalu na karing kalulu.

Uli ning malasakit ku at ibug kung makasaupMenalangin ku king Guinu keya meniawad kung saupKitang ku nung nanung dapat ban problema milunasanIng bayat ning kakaluluan maging mayan yang daralan.

Ing pekibat na pu kaku ikit ke king KasulatanAduang yang gamat mamaus, itamu ing kukumbiran“Ume ko sana kanaku ikayung kababayatnanIkayung sablang mapagal, dinan dakong kapainawan.”

“Pusanan ye ing paud ku at magaral ko kanakuUling mababa ing lub ku at mamu ya ing pusu kuKapaynawan pagkalub ku karetang pasaup kaku.” Malino ya ing pakibat, panalangin keyang turu.

Tutu ya ing sinabi yu “gewa da nang manalanginDapot bakit dakal la pa reng magkasakit pa murin?”Aliwa ya kung makibat, lawen ta ing makasulatIng Guinu na ing makibat, king kutang yu pu, kapatad.

“Ding maniawad, mirinan la, dapot dapat dang paintunanAt nung tuktuk la keng pasbul, tiyak lang mibuklatanan.Uling ing balang maniawad, pangaku ku mirinan yaAt balang taung manintun, pangaku ku manakit ya.”

Emu kabud panalangin, dapat panintunan tamuTuktuk tamu karing pasbul buring sabian pag-obran muIng problema kekatamu kaibat tang menalanginItamimi la ring gamat, manenaya ta keng angin.

Kabud kanu inawad mu, iti pagkalub ning GuinuPero dapat paintunan mu, nanu pata pagobran muInia ing taung matamad king danup ya pin mipadpadKaulan na’ng kakaluluan, uling tudtud keyang kapad.

Ba kang lalung maniwala keng kanakung telakaranIng biasang diling melalang lawen mu keang sasabian:“Ing masipag mananaman, mupul yang dakal kabiayanDapot ing taung matamad, danup ing keyang pupulan.”

Inia reporma king gabun aliwa pu ing solusyonAgyang malapad ya gabun ing ortelanu keng gabunNung ala yang pamuhunan, lalu sagad ya temaranMikutkut ya mu keng utang uling ala yang pupulan.

Panupaya yu Kang Paeng ing poesya ku pututan keE kune pa pakakaba, pakisabi nang Kang ReneApulu mu pung parapu, para keya magkasya neTutal atuglungan te pa, pakibat mu panayan ke.

References: Mateo 11:28-29; Mateo 7:7-8;Ding Kasebian 12:11;

Sinulat Neng

Carlos M. Castro

July 18, 2008

PANALANGIN AMPON OBRA

(Part 1)

Kaluguran kung kang Paeng, pauna ku pu kekayuNung nanu pung panamdam yu makanian mu naman kakuKaluguran kong kalulu inia pu pagdulapan kuNung nanu ing dapat gawan ban asopan tala rugu.

Tungkul king katas ning presyu, lalu na king petrolyuE taya pu kontroladu, uling ala tamung laruNung atin lang akarapat ding kekata manimunuE ra paintulutan iti, uli da ring magreklamu.

Dakal la pung alang obra uling kulang ing pa-obraTutu ta na pung merakal, mamuhuman meritak laMebawas la ring pabrika, memamaglipat la TsinaUling matas ing pasueldu, mamuhunan melugi la.

Uli na ning paglaban da ing karelang katuliranStrike keti, strike keta ing maralas dang gagawanInia pu karing “investors” dakal la ring mitakutanMamunta la king Thailand, pati na pu keta Vietnam.

Keng kabilian a makanian, nanung masanting tang gawan?E ta akua keng rekalmu o nanu mang pamaglabanKeraklan karing mag-strike at mag-rally karing dalanNung e la milako obra, manabu la king sukulan.

E ya kanu maka-saup ing Reporma keng AgraryuUling ala lang puhunan ding kalulung ortelanuPaniali dang “fertilizer”, bini pati na panuluE ra balu nu ro kuanan keng utang la mananabu.

Aliwa ring ortelanu ding keraklan manakitanDetang mung ausan dang “traders” at “rice millers” a sugapanUling ilang papautang, sasali ila mu namanDing pupul ning ortelanu pamayad na la mung utang.

King uli na kanu niti dakal la ring mibakantiKaring kekatang palayan inia magkulang ing paleImbes na mag-export tamu, ita ngeni ring sasaliInia dakal lang kalulu ding magpila king NFA.

Panalanging maki-aksyun Kakang Paeng dapat gawan.Obra aduan taya king Dios, kaibat kekatang paintunanUling tutu pung masakit, e ta magtamad-maranIng solusyon atiu keka, e na ka manayang saupan.

Itang pile aduang bitis agawa nang manintunanMamagtinda yang sweepstakes, akakit me karing dalan.Detang sukul king temaran agguiang masikan la katawanDaig ne pu nitang bulag, pipi’t, pileng manintunan.

“Manibat inyang anak ku, angga ngening metua na kuMetung man taung matulid ene pepabren ning GuinuDing anak na e mepilit magpalimus karing tau.” (Dalit 37:25)Inia yaku manalig ku king Guinung Dios, e king tau.

Sinulat Neng

Carlos M. Castro

July 18, 2008

PANALANGIN AMPON OBRA

(Part II)

Kakang Paeng salamat pu, kareng napse yung amanuTutu lang makabaldugan, duruku ke ing buntuk kuPasalamat ku mu naman karing dakal abalu kuDing napag yung katuliran dakal lang tatanggapan ku.

Anti ning ipakisabi na Koyang Rene’ng matenakanIng gisanan ku no kanu, puntus buri ku pang sabianInya pu sampulungan ku, at pilitan malinawanUlaga na’t katuliran ning panig kung telakaran.

PANALANGIN AMPON OBRA ila pu ring dapat gawanTutu la pung maulaga ban labanan kakaluluanIng pung pamisasanmetung masanting ya mu pin namanDapot dependi keng pake o motibu ring aguman.

E ku la pu pamarokan ding sector na ning sosyedadDakal la pu asasaup ban salese ing palakadDapot potang lalaban la at gagamit na lang puwersaE na ku pu matutula, e na mayap motibu ra.

King banal a Kasulatan malino ta pung abasa:“Nu man karin pangariria at MAKASARILING NASA,Karin atiu ing kaguluan at e mayap a pigampa.Oneng ing tune kabiasnan, manibatan king Dios IbpaMumunang dili malinis, mapanatindi’t maganaka, MALUGUD KING KAPAYAPAN, king pamaglunus kitmu ya,E YA BIASANG MANGABIRAN, pamagkunwari ala ya.”(Santiago 3:13 – 17)

Nanu wari’ng panalangin? .... Nanu ing buri nang sabian?Masikanan yang paralan ban kamtan ing kailanganPamaglapit ya king Guinu, mayupaya’t masikananKING MITMUNG PAMANALIG, LUBUS KASALPANTAYANAN.

Tutu pu ing sinabi yu dakal la ring manalanginDapot baket dakal la pa reng magkasakit pa murinMakananu Kakang Paeng, e pu basta manalanginIti pu mipakiramdaman, NUNG ITI E YA TAIMTIM.

Atin pa pung e ra balu ding dakal a manalanginSinulat ne pung Santiago, dapat dinan tayang pansin“Nanu ing panibatan na pamipate’t pamikontra? E wari ring pamitan yu at pipilitan yung akuwa?Dakal lang kekayung buri, dapot e yu la akamtan, Uling E YU ADUAN KING DIOS, at nung iti aduan yu manE MAKATUD AT E MAYAP ING MOTIBU YU’T PARASANINIA KEKONG PANALANGIN, E LA MIPAPAKIBATAN.”(Santiago 4:1-3)

Sinulat Neng

Carlos M. Castro

July 22, 2008

PANALANGIN AMPON OBRA

(Part III)

Ala kanung imposible keng Dios Ibpang MayupayaNanu man ing aduan tamu, iti malaguang ibie NaDapot akamtan ta iti NUNG MAMINTU TAMU KEYA.Nung pakit tamu ing SIPAG, TIYAGA AT MAYAP A GAWA.

E ta pu apatunayan, ing sablang kakung sasabianNung iti e tamu gawan lalu’t e ta paniwalanDapot iti paglaban ku maski nukaring dungutanUling keng pansarili ku, kanaku nong asubukan.

Ing pung kasalpantayan e taya apatunayanE ta ya apatutuanan nung e taya pu pamintuanPablasang e ya pisikal, bague ya pung espiritualDapat taya pa mung gawan bayu taya paniwalan.

(Keng tau: “To see is to believe.” Keng Dios: “To believe is to see.” Anang Cristo Jesus:“Come and you will see?”)

Kakang Paeng, Kakang Rene, malawak ya pu ing temaAgguiang nu ta pa kabiasa, iti ngan pu alang kuwentaMetung ya pu ing sabian ku ban debate mapupus naSubukan tang manalangin, kaibat manintun tang obra…

Subukan me pa ing Guinu, ban keka yang akilalaKanita mu patunayan nung tutu lang Amanu Na“Ing nanumang aduan yu king LAGYU KU DAPTAN KU YABan Ibpa mipaligayan, uling KALUGURAN DAKA.”(Juan 14:13).

Pasalamat ku pung dakal binie yung pamikatagunKening kekong disipulo a magsane at manintunKaring diwa at pikudta ding poetang kalupa yuA alang sawang sasaup karing bayung kalupa ku.

LUID YA ING DIOS A MIGLALANG!PANIBATAN NING KATUTUAN BUKAL NING TUNE KABIASNAN NING SIKANAN, KAYUPAYANNING KANUANAN, KAPAYAPANKEKATAMU YANG SUBUKANBAYU TAYA PU GULUTAN.

PANALANGIN AMPON OBRA

(Part III)Cont. -2-