Datblygu a rheoli mannau chwarae

Pecyn Cymorth Cymunedol

Datblygu a rheoli mannau chwarae

2 Datblygu a Rheoli Mannau ChwaraeIonawr

Ionawr 2016

h Chwarae Cymru Cedwir pob hawl. Ni chaniateir atgynhyrchu unrhyw ran o’r cyhoeddiad hwn na’i gadw mewn cyfundrefn adferadwy na’i drosglwyddo mewn unrhyw ddull gan unrhyw berson heb ganiatâd ysgrifenedig y cyhoeddwr, ar wahân i’r:

Esiampl o Bolisi Rheoli Risg

www.chwaraecymru.org.uk Dyluniwyd gan Cheeky Monkey Creative: www.cheekymonkeycreative.co.uk

Esiampl o Daflen Asesu Risg-BuddEsiampl o ddogfennau Mynegi Diddordeb TendroEsiampl o Femorandwm Cyd-ddealltwriaethGwiriadau Man Chwarae Cyffredin

Holiadur Chwarae’r Tu AllanTaflen Archwiliad Man ChwaraeTaflen sgorio – Mynegi Diddordeb

ISBN: 978-0-9932410-1-7TRYDYDD ARGRAFFIAD

Cyhoeddwyd gan Chwarae Cymru, Tŷ Baltig, Sgwâr Mount Stuart, Caerdydd CF10 5FH

Chwarae Cymru yw’r mudiad cenedlaethol dros chwarae plant, elusen annibynnol a gefnogir gan Lywodraeth Cymru i ddiogelu hawl plant i chwarae ac i gynnig cyngor ac arweiniad ar faterion sy’n ymwneud â chwarae.

Elusen gofrestredig rhif: 1068926Cwmni cyfyngedig trwy warant, rhif: 3507258Cofrestrwyd yng Nghymru

3Datblygu a Rheoli Mannau Chwarae 3Datblygu a Rheoli Mannau Chwarae

Pecyn Cymorth Cymunedol

Ar gyfer pwy mae’r pecyn hwn?

Mae’r pecyn cymorth cymunedol Datblygu a Rheoli Mannau Chwarae wedi ei ddylunio ar gyfer unrhyw un sy’n gyfrifol am reoli neu ddatblygu man chwarae mewn cymuned. Gallai fod yn gyngor cymuned, yn gymdeithas chwarae leol neu’n grwp o drigolion.

Pam ddatblygwyd y pecyn hwn?

Dechreuodd Rhaglen Cyfran Deg Y Gronfa Loteri Fawr ar Ynys Môn yn 2002, gyda’r bwriad o wella cyfleoedd ar gyfer chwarae plant. Datblygodd Chwarae Cymru, mewn cydweithrediad â’r Sefydliad Cymunedol yng Nghymru a Phanel Cyfran Deg ar Ynys Môn, brosiect i wella mannau chwarae.

Fel rhan o hyn, arianwyd Chwarae Cymru i ddatblygu pecyn cymorth cymunedol sy’n llanw bwlch yn y gefnogaeth sydd ar gael i grwpiau sy’n rheoli ardaloedd chwarae, er mwyn sicrhau datblygu mannau chwarae hygyrch o safon.

Bwriedir i Datblygu a Rheoli Mannau Chwarae fod yn ffynhonnell cefnogaeth a chyfeirio unigol ar gyfer grwpiau cymunedol, fel y gallant lywio eu ffordd trwy’r heriau o reoli neu ddatblygu man chwarae.

4 Datblygu a Rheoli Mannau Chwarae

Gellir defnyddio’r pecyn cymorth cyflawn hwn ar gyfer datblygu a rheoli man chwarae neu gellir defnyddio adrannau’n annibynnol er mwyn canolbwyntio ar agweddau o’r gwaith. Mae wedi ei strwythuro fel bod y wybodaeth mewn trefn resymegol ar gyfer camau’r broses ddylunio a rheoli. Er enghraifft, bydd cyfranogaeth ac ymgysylltu’n ymddangos cyn dylunio, ddaw yn ei dro cyn caffael.

Sut ddylwn i ei ddefnyddio?

Mae’r pecyn cymorth yma’n cynnwys dwy adran:

DYLUNIO – sy’n canolbwyntio ar ddylunio mannau chwarae newydd ac sy’n cynnwys pynciau fel cyfranogaeth, caffael, dylunio, iechyd a diogelwch.

RHEOLI – sy’n canolbwyntio ar dechnegau rheoli mannau chwarae sy’n bodoli eisoes, neu sydd newydd eu creu, ac sy’n cynnwys pynciau fel cynnal a chadw ac archwilio, rheoli risg ac yswiriant.

Gweler tudalen 6 am siart llif fydd yn eich helpu i lywio trwy’r pecyn cymorth hwn ac amrywiol gamau dylunio a rheoli mannau chwarae.

1

2

Mae’r pecyn cymorth yma wedi ei ddylunio i ddarparu gwybodaeth cryno ac eglur ar y prif themâu dan y penawdau canlynol:

CyfeirioCynnig cyfarwyddiadau ar sut i dderbyn rhagor o gymorth: sefydliadau, adnoddau ar y rhyngrwyd, adnoddau i’w lawrlwytho neu gyhoeddiadau. Nodir gwybodaeth ychwanegol mewn blychau lliw fel hwn.

Herio’r mythEdrychir ar fythau mannau chwarae clasurol mewn blychau fel hwn.

Beth mae’r pecyn yma wedi ei ddylunio i’w wneud?

Arweiniadsef darn penodol o wybodaeth y bwriedir iddo eich helpu i ddeall maes penodol o reoli neu ddatblygu mannau chwarae.

Cymorth

sef canllawiau cam-wrth-gam, ymarferol neu dempledi ar gyfer cyflawni darn o waith sy’n gysylltiedig â rheoli a datblygu mannau chwarae.

Pa bolisïau neu ddeddfwriaethau sy’n cefnogi’r pecyn cymorth hwn?Hawliau PlantMae Confensiwn y Cenhedloedd Unedig ar Hawliau’r Plentyn (CCUHP) yn amlinellu 54 o erthyglau sy’n diffinio sut y dylid trin plant a phobl ifainc a’r modd y dylai llywodraethau fonitro CCUHP. Mae Llywodraeth Cymru a’r DU wedi arwyddo’r confensiwn hwn. Mae tair erthygl yn benodol sy’n ddefnyddiol i’w hystyried wrth ddarparu ar gyfer mannau chwarae plant:

Erthygl 31: Yr hawl i chwaraeErthygl 12: Yr hawl i ymgynghori ar faterion sy’n eu heffeithioErthygl 15: Yr hawl i gwrdd â’i gilydd

Polisi Chwarae CenedlaetholFe wnaeth Llywodraeth Cymru arddangos ei ymrwymiad ichwarae plant yn y Polisi Chwarae Cenedlaethol (2002). Mae’r Polisi’n datgan bod:

“chwarae’n cwmpasu ymddygiad plant a ddewisir o wirfodd, a gyfarwyddir yn bersonol ac a gymhellir yn gynhenid. Nid yw’n cael ei berfformio er mwyn nod neu wobr allanol, ac mae’n rhan sylfaenol ac annatod o ddatblygiad iach – nid yn unig ar gyfer plant unigol, ond hefyd ar gyfer y gymdeithas y maent yn byw ynddi.”

Mae cynnwys y pecyn cymorth hwn yn seiliedig ar ygydnabyddiaeth o bwysigrwydd chwarae ar gyfer cymdeithas a chymunedau.

Iechyd a DiogelwchMae’r Play Safety Forum (PSF) a’r Awdurdod Gweithredol Iechyd a Diogelwch (HSE) wedi cyhoeddi datganiad-ar-y-cyd er mwyn hybu agwedd gytbwys tuag at reoli risg mewn chwarae plant. Pwysleisia’r datganiad: tra’n cynllunio a darparu cyfleoedd, y nod fydd nid dileu risg, ond pwyso a mesur y risgiau a’r buddiannau - fydd yr un plentyn yn dysgu am risg os yw wedi ei lapio mewn gwlân cotwm. Mae’r PSF ar HSE yn annog pob mudiad i fabwysiadu’r argymhellion a’r egwyddorion a geir yn y datganiad - Chwarae a Hamdden Plant - Hyrwyddo agwedd gytbwys tuag at risg. Mae’r datganiad hwn yn ei gwneud yn gwbl glir:

• Bod chwarae’n bwysig i les a datblygiad plant

• Pan fyddwn yn cynllunio a darparu cyfleoedd chwarae, nad dileu risg yw’r nod, ond yn hytrach y dylid pwyso a mesur y risgiau a’r buddiannau

• Y dylai’r rheini sy’n darparu cyfleoedd chwarae ganolbwyntio ar reoli gwir risg, tra’n sicrhau neu’n cynyddu’r buddiannau – ac nid canolbwyntio ar y gwaith papur

• Y bydd damweiniau a chamgymeriadau’n digwydd yn ystod chwarae – ond bod ofn cael eich dwyn i gyfraith a chael eich erlyn bellach y tu hwnt i bob rheswm.

Dyletswyddau StatudolYn 2012 cychwynodd Cynulliad Cenedlaethol Cymru ddeddfwriaeth newydd dan y Mesur Plant a Theuluoedd (Cymru) 2010 sy’n gosod dyletswydd statudol ar bob awdurdod lleol i asesu a sicrhau cyfleoedd chwarae digonol i blant a phobl ifanc yn eu hardal.

Trwy’r fframwaith deddfwriaethol sydd ar gael i LywodraethCymru dan Fesur Plant a Theuluoedd (Cymru) 2010 a DeddfTlodi Plant 2010, gweledigaeth y llywodraeth yw dileu tlodiplant erbyn 2020.

Yn eu Strategaeth Tlodi Plant ar gyfer Cymru (2011), maeLlywodraeth Cymru’n cydnabod yr hawl i chwarae a’i gyfraniad i ddatblygiad a gwytnwch plant. Mae’r strategaeth yn gwerthfawrogi chwarae fel elfen hanfodol yn natblygiad plant ac y gall gynnig ffactor amddiffynnol gref ym mywydau plant. Mae’r strategaeth yn tynnu sylw at y ffaith y gall chwarae, i ryw raddau, warchod plant rhag agweddau negyddol tlodi a chaniatáu iddynt ddatblygu gwytnwch yn erbyn anawsterau ac ansicrwydd yn eu bywydau. Mae chwarae’n cyfrannu at ddatblygiad personol a chymdeithasol plant, eu iechyd corfforol a meddyliol, a’u gallu i ddysgu ac ymgysylltu ag addysg. Ceir cydnabyddiaeth yn y ddeddfwriaeth yma, ac hefyd yn Strategaeth Drafft Tlodi Plant, bod tlodi profiadau chwarae’n darged allweddol wrth fynd i’r afael â thlodi plant.

CyfranogaethMae Mesur Plant a Theuluoedd (Cymru) 2010 yn mynnubod awdurdodau lleol yn gwneud trefniadau i hybu ahwyluso cyfranogaeth plant a phobl ifainc yn y broses llunio penderfyniadau.

Mae Safonau Cyfranogiad Cenedlaethol Cymru’n cynnig sail egwyddorol ar gyfer cynnwys plant a phobl ifainc mewn prosesau llunio penderfyniadau. Mae’r safonau’n egluro’r hyn y dylai plant a phobl ifainc ei ddisgwyl tra’n cael clywed eu llais yng nghyd-destun gwybodaeth, dewis, peidio â gwahaniaethu, parch, buddiannau i blant a phobl ifainc, y modd y bydd plant a phobl ifainc yn derbyn adborth a’r modd y bydd darparwyr gwasanaethau’n gwella ansawdd.

Datblygu a Rheoli Mannau Chwarae | 5


Adran 16 Polisi ac arweiniad cynllunio

Adran 1 Archwiliadau mannau chwarae

Adran 11 Rheoli risg

Adran 2 Caniatâd

Adran 12 Taflen asesu risg-budd

Adran 3 Cyfranogaeth ac ymgysylltu

Adran 13 Yswiriant

Adran 4 Llunio partneriaethau

Adran 14 Arwyddion

Adran 5 Egwyddorion dylunio mannau chwarae

Adran 15 Cynnal a chadw ac archwilio

Adran 6 Egwyddorion dylunio mannau chwarae cynhwysol

Adran 7 Safonau Ewropeaidd

Adran 8 Arwynebau esmwytho ardrawiadau (IAS)

Adran 9 Caffael – y broses dendro

Deall sut y bydd polisi cynllunio’n effeithio ar ein cynlluniau

Pennu’r modd y mae plant yn chwarae yn y gymuned ar hyn o bryd

Deall y cyfrifoldeb i reoli risg

Gwneud yn siwr y gallwn ddatblygu’r safle

Deall y cyfrifoldeb i reoli risg

Dysgu’r hyn y mae pobl ei eisiau a chael eraill i gyfranogi

Pwy fydd yn yswirio’r man chwarae

Dysgu’r hyn y mae pobl ei eisiau a chael eraill i gyfranogi

Sicrhau bod y wybodaeth gywir yn ymddangos ar arwyddion

Dylunio’r man chwarae

Deall cynnal a chadw ac archwilio

Dylunio’r man chwarae

Deall canllawiau a safonau

Deall canllawiau a safonau

Cyflogi pobl i wneud y gwaith

Ariannu’r prosiectAdran 10 Ariannu

34

7

27

11

30

12

31

15

31

17

32

19

20

21

22

25

Datblygu a Dylunio

Rheoli

Adran 1

Archwiliadau mannau chwarae 7

Adran 2

Caniatâd 11

Adran 3

Cyfranogaeth ac ymgysylltu 12

Adran 4

Llunio partneriaethau 15

Adran 5

Egwyddorion dylunio mannau chwarae 17

Adran 6

Egwyddorion dylunio mannau chwarae cynhwysol 19

Adran 7

Safonau Ewropeaidd 20

Adran 8

Arwynebau esmwytho ardrawiadau (IAS) 21

Adran 9

Caffael – y broses dendro 22

Adran 10

Ariannu 25

Datblygu a DylunioMannau Chwarae

Datblygu a D

ylunio

7Datblygu a Rheoli Mannau Chwarae

Adran 1 Archwiliadau mannau chwaraeMae archwiliad man chwarae’n offeryn gwerthfawr i’w ddefnyddio wrth reoli man chwarae sy’n bodoli eisoes neu wrth geisio datblygu man chwarae newydd. Os yw plant yn defnyddio’r ardal ar gyfer chwarae eisoes, fe geir tystiolaeth o hyn; mae’r daflen yma wedi ei dylunio i helpu gyda’r gwaith o ddynodi ble y bydd plant yn chwarae, beth y maent yn ei wneud a pha mor aml y byddant yn defnyddio’r ardal. Bydd yn ein helpu hefyd i sylweddoli bod elfennau sy’n ymddangos fel pe baent yn arwyddion esgeuluster, fel sbwriel, canghennau wedi torri ar goed, a graffiti, mewn gwirionedd yn aml yn arwyddion o ddefnydd cadarnhaol gan blant.

Tra’n edrych ar ddatblygu neu adnewyddu man chwarae, bydd gallu dynodi’r ardaloedd neu’r darnau o offer gaiff eu defnyddio fwyaf a’r modd y’i defnyddir, yn helpu i sicrhau bod cyfleoedd chwarae sy’n bodoli eisoes yn cael eu diogelu ac yn ychwanegu gwerth i’r hyn sydd ar gael eisoes.

Yn ogystal, bydd archwiliad man chwarae trylwyr yn helpu mewn ffyrdd eraill. Yn gyntaf, mae’n elfen o’r broses cyfranogaeth ac ymgysylltu a gall ein cynorthwyo i gasglu tystiolaeth i gefnogi’r hyn y mae’r gymuned a’r plant yn ei ddweud wrthym. Yn ail, o’i gynnal yn rheolaidd (er enghraifft, bob chwe mis), gellir ei ddefnyddio i helpu i fonitro sut, a pha mor aml, y mae’r man chwarae’n cael ei ddefnyddio.

Sut i gynnal archwiliad man chwaraeBwriedir i’r daflen Archwiliad Man Chwarae ar y tudalennau canlynol gael ei defnyddio ar gyfer cynnal arsylwad ddylai bara am o leiaf hanner awr. Yn ddelfrydol, dylid cynnal arsylwadau ar wahanol adegau o’r dydd er mwyn gweld sut y bydd gwahanol grwpiau oedran yn defnyddio’r lleoliad. Er enghraifft, gellid cynnal arsylwad ar y penwythnos neu ar ôl amser ysgol ac un arall yn ystod y dydd i arsylwi plant dan oedran ysgol yn defnyddio’r safle gyda’u rhieni neu eu gwarchodwyr. Bydd dewis pryd i gynnal arsylwadau’n dibynnu ar y safle.

Ceir nifer o ymddygiadau chwarae o dan y pennawd ‘gweithgarwch a arsylwyd’ – disgrifir y rhain yn fanylach isod er mwyn helpu gyda’r arsylwad. Ceir ymddygiadau chwarae y gellir eu dynodi heb fod angen gweld y plant yn chwarae. Er enghraifft, os yw plant yn ymgynnull ar gerrig mawr neu ardaloedd eistedd, bydd ôl traul ac ôl traed neu dyllau wedi eu palu â’r traed neu â ffyn.

Os yw’r safle’n fan deniadol i blant mae’n debyg bod nifer o ffactorau’n cyfrannu at hyn. Dywedodd plant wrthym bod materion fel pa mor dda yw’r goleuo o amgylch y safle, pa mor agos yw’r lleoliad i gartrefi ac os oes mannau i gysgodi neu beidio yn cyfrannu at ymdeimlad o fod yn ddiogel ac yn apelio at ystod oedran eang. Os yw hyn yn wir, bydd angen dylunio’r

safle mewn modd sy’n darparu ar gyfer yr ystod oedran eang yma ac ar gyfer demograffig newidiol.

Mae gan bob plentyn wahanol anghenion a dymuniadau chwarae all newid dros amser. Nid yw rhannu pobl yn grwpiau oedran neu’n grwpiau eraill, o reidrwydd, yn fuddiol (er efallai y bydd rhai angen cefnogaeth penodol i gyflawni eu anghenion eu hunain). Mae rhyngweithio rhwng pob grŵp oedran ac aelodau o gymdeithas yn broses allweddol sy’n cefnogi pob plentyn a pherson ifanc i deimlo’n fwy hyderus ynghylch chwarae’r tu allan a chymdeithasu. Bydd ffurfio perthnasau â phlant a phobl ifainc eraill yn cynnig cyfle i rannu gwybodaeth am drigolion a daearyddiaeth cymdogaethau ac i rannu chwedlau lleol. Er enghraifft, traddodiadau chwarae, rheolau gemau, mannau i chwarae – gallai enghraifft o hyn fod yn hen bolyn lamp a ddefnyddiwyd ers cenedlaethau fel y bas ar gyfer chwarae gemau fel chwarae cuddio neu Faint o’r Gloch Mistar Blaidd?

Deall y daflen archwiliad

Cerdded, teithio trwy’r man chwarae – Os oes llwybr yn rhedeg trwy’r safle efallai y bydd plant yn chwarae wrth iddynt symud trwy’r ardal, hyd yn oed os nad ydyn nhw’n bwriadu aros yno. Gall ymddygiadau gynnwys neidio oddi ar ymyl y palmant ar feic neu sgwter, siglo ar ganghennau coed, neidio dros bethau, rhedeg i lawr llethr, rhedeg yn rhydd / parcour. Meddyliwch am gamau fyddai’n newid y modd y bydd plant yn teithio trwy’r safle, fel newid cyfeiriad llwybr, gan y gallai hyn annog rhagor o gyfleoedd, neu gyfleoedd chwarae gwell.

Eistedd, ymgasglu, cymdeithasu – Hyd yn oed os nad oes ardaloedd eistedd ffurfiol, ceir mannau ble y bydd plant yn dewis ymgasglu a chymdeithasu. Chwiliwch am arwyddion traul ar y ddaear ger ardaloedd eistedd, o dan fframiau dringo, wrth fôn coeden / cerrig neu eitemau a gludwyd i’r safle fel darnau o garped, cretiau neu fwcedi y gellid eu defnyddio fel seddi. Ble nad oes cyfle amlwg yn bodoli ar gyfer ardaloedd eistedd ffurfiol neu fannau cyfarfod ar hyn o bryd, bydd creu y rhain yn helpu i wneud y safle’n fan mwy cymdeithasol y gall ystod eang o oedrannau ei ddefnyddio – o deuluoedd â phlant iau i blant hŷn sy’n cwrdd i gymdeithasu

Arweiniad/Cymorth


â’u ffrindiau. Dylid gosod seddi mewn cylchoedd, neu ar ffurf U neu L er mwyn annog chwarae cymdeithasol – nid yw gosod meinciau mewn rhes yn adlewyrchu’r modd y bydd pobl yn hoffi ymgasglu a chymdeithasu.

Reidio beic, sgwter, sglefrfwrdd – Ceisiwch arsylwi’r modd y mae plant yn defnyddio eu beiciau ar y safle – yw’r beiciau’n cael eu defnyddio fel cludiant i’r safle’n unig neu ydyn nhw’n cael eu marchogaeth ar neu o amgylch y safle? Pa nodweddion naturiol fyddan nhw’n eu defnyddio i reidio a neidio drostyn nhw ac i sgidio arnyn nhw? A oes tystiolaeth bod plant wedi bod yn adeiladu yma – fel rampiau mwd a phren? A oes unrhyw welliannau y gellid eu gwneud i gefnogi cyfleoedd chwarae ar olwynion mewn modd anffurfiol?

Defnyddio nodweddion naturiol (e.e. coed, llwyni, twmpathau, bryniau) – Pa nodweddion naturiol ar y safle sy’n cael eu defnyddio ar hyn o bryd? Chwiliwch am fynedfeydd anffurfiol i ardaloedd coediog, ac am arwyddion o sbwriel neu eitemau a gludwyd i’r safle o dan goed / llwyni allai arddangos gweithgarwch adeiladu cuddfannau neu fannau cyfrinachol. Bydd ôl traul ar risgl neu ar fôn coed, a changhennau wedi torri ar goed, yn dystiolaeth bod plant yn dringo coed yma. A oes pethau i fyny yn y coed, fel planciau pren, rhaffau, defnydd? A oes modd cynyddu nodweddion naturiol fel hyn, trwy blannu fyddai’n creu rhagor o gyfleoedd chwarae?

Chwarae â’r elfennau – A oes gan blant fynediad i amrywiaeth o elfennau naturiol y gellir chwarae â hwy? Mae’r byd naturiol yn destun rhyfeddod i blant a dylent gael cyfleoedd i brofi dŵr, daear (mwd), tân ac awyr. A yw’r safle’n cynnig mynediad i rai neu bob un o’r elfennau yma? A oes modd ymgorffori’r elfennau hyn gan ddefnyddio agwedd rheoli risg synhwyrol?

Defnyddio’r synhwyrau (blas, arogl, golwg, swn, gwead) – Ceisiwch arsylwi sut y bydd plant yn symud trwy’r safle. Mae crensian dail, rhedeg tywod trwy’r bysedd, cyffwrdd rhisgl coeden, teimlo metal oer, rholio ar y gwair, chwarae â chysgodion, i gyd yn cynnig cyfleoedd ar gyfer chwarae â’r synhwyrau.

Symud – Sut fydd plant yn symud tra eu bod ar y safle? Dylid cael cyfleoedd amrywiol ar gyfer symud mewn gwahanol ffyrdd yn y man chwarae, er enghraifft rhedeg, neidio, dringo, balansio, rholio, siglo, llithro, dawnsio a chwrso.

Chwarae gwyllt – Bydd plant yn dysgu am eu cyfyngiadau corfforol a’u cryfderau eu hunain, a rheoli dicter a ffiniau personol, trwy chwarae gwyllt. Gall hyn fod ar amrywiol ffurfiau’n cynnwys chwarae ymladd, plismyn a lladron, cwrso, chwarae cuddio. Bydd yn gwbl eglur o’u chwerthin, gwên ar wyneb a mynegiant wyneb arall mai gêm yw hon, a bod y plant yn ei thrin fel gêm.

Risg a her (corfforol) – A yw’r plant yn profi lefelau cynyddol o her? ’Does dim angen i hyn fod yn weithgarwch llawn risg, gall fod mor syml â gweld plentyn dan oedran meithrin yn symud ymlaen o neidio oddi ar ris isaf ysgol, i neidio oddi ar yr ail a’r trydydd gris. Ble fo cyfleoedd yn bodoli i blant fentro’n gorfforol, fel arfer byddant yn chwilio am ffyrdd i wella a chynyddu’r her. Er enghraifft, bydd ramp beiciau wedi ei chreu o frics a phlanciau pren yn fuan iawn yn cael ei haddasu wrth i ragor o frics gael eu hychwanegu wrth i hyder y plant dyfu.

Chwarae â mân offer / rhannau rhydd – A oes tystiolaeth bod plant yn dod â mân gelfi i’r safle er mwyn cyfoethogi eu chwarae? Gallai hyn fod yn rhaff ar gyfer creu siglen neu’n bren ar gyfer codi cuddfan, ceir bach i greu ffordd yn y mwd neu ddefnyddio elfennau naturiol fel cerrig, blodau, dail ac aeron i greu bydoedd bychain, ryseitiau swyn neu’n syml ddigon i greu pentwr neu ar gyfer dethol a dosbarthu eitemau.

Chwarae â hunaniaeth – A yw’r plant yn chwarae â’u hunaniaeth a’u golwg? Gallai hyn gynnwys gemau chwarae rôl fel mam a dad, doctor a nyrs, milwyr, ‘power rangers’ neu newid eu golwg trwy roi mwd ar eu wynebau, gemau gwisgo fyny neu dynnu wynebau.

Defnyddio cerbydau modur / beiciau modur pedair olwyn – A ddefnyddir y safle hwn ar gyfer gweithgarwch o’r fath?

Cerdded cwn – A fydd plant neu oedolion yn defnyddio’r safle i fynd â chŵn am dro? A oes olion baw cŵn yma? Os oes, efallai y bydd angen ystyried ffyrdd i leihau effaith hyn ar y safle. Er enghraifft, biniau baw cŵn, arwyddion, gweithio â wardeiniaid cŵn, ffiniau’r man chwarae.

CYNLLUNIO GWEITHREDU:Ar ddiwedd y daflen Archwiliad Man Chwarae ceir tabl ar gyfer datblygu cynllun gweithredu yn seiliedig ar yr archwiliad man chwarae. Waeth os yw’r safle’n un sy’n bodoli eisoes ac sydd angen ei wella, neu’n safle newydd sydd i’w ddatblygu, neu os ydych yn syml iawn yn asesu sut y mae’r safle’n cael ei ddefnyddio fel rhan o’ch monitro rheolaidd, bydd camau gweithredu y gellir eu cymryd i unai DDATBLYGU neu WARCHOD mathau penodol o chwarae. Mae’r cynllun gweithredu wedi ei rannu’n y fath fodd fel y gellir trefnu camau gweithredu dan y ddau bennawd yma ac mae’n nodi enghreifftiau o sut y gellir ei ddefnyddio.

Mae ail adran y cynllun gweithredu’n caniatáu inni ddynodi anghenion a chamau gweithredu o’n arsylwad fydd yn ein hysbysu ynghylch y modd y bydd plant a phobl ifainc yn chwarae ac yn defnyddio’r safle. Gellir defnyddio’r arsylwadau hyn fel tystiolaeth ar gyfer ymgynghoriadau. Am fwy o wybodaeth ewch i Adran 3 ar Gyfranogaeth ac ymgysylltu.


TAFLEN ARCHWILIAD MAN CHWARAE Enw’r safle: Arsylwyd y safle gan:

Arsylwad o’r safle: Diwrnod a dyddiad yr arsylwad:

Cyfnod arsylwi (e.e. hanner tymor / ar ôl ysgol / yn ystod diwrnod ysgol / penwythnos / gyda’r nos):

Amser y cyfnod arsylwi: Tywydd:

Prif nodweddion y safle:

Disgrifiad cryno o’r prif nodweddion, yn cynnwys mynedfeydd (fel llethrau, coed, llwyni, gwylfâu, lleoedd i guddio, pethau i ddringo arnynt neu drostynt, seddau a mannau cyfarfod, ardaloedd gwastad; yn ogystal ag unrhyw nodweddion chwarae gwneuthuredig sydd wedi eu gosod yno). Dylid nodi unrhyw arwyddion o ddefnydd penodol e.e. glaswellt wedi treulio, canghennau wedi eu torri, olion olwynion beics, sbwriel, graffiti. Gellir nodi manylion pellach am y rhain o dan unrhyw arsylwadau gweithgarwch.

Defnydd gan blant ac oedolion: (Niferoedd)

Gwryw: Benyw: Bras amcan oedran: (e.e. dan 5, 5-8, 8-13, 13-15, 15+)

Cyfanswm:

Plant / pobl ifainc mewn grwp:

Plant / pobl ifainc unigol:

Wedi eu hebrwng gan oedolion:

Oedolion unigol:

Arsylwyd gweithgarwch ym mhresenoldeb plant a phobl ifainc: Os nad ydynt yn bresennol, cofnod o arwyddion bod plant a phobl ifainc wedi bod yno ac yn gwneud defnydd o’r safle:

Cerdded, teithio trwy’r man chwarae:

Eistedd, ymgasglu, cymdeithasu:

Reidio beic, sgwter, sglefrfwrdd:

Defnyddio nodweddion naturiol (e.e. coed, llwyni, twmpathau, bryniau):

Chwarae â’r elfennau (dwr, daear [mwd], tân, awyr):

Defnyddio’r synhwyrau (blas, arogl, golwg, swn, gwead):

Symud (e.e. rhedeg, neidio, dringo, balansio, rholio):

Chwarae gwyllt:

Risg a her (corfforol):

Chwarae â mân offer / rhannau rhydd:

Chwarae â hunaniaeth:

Defnyddio cerbydau modur (e.e. beiciau modur neu feiciau modur pedair olwyn):

Cerdded cwn:


Camau ar gyfer datblygu a chyfoethogi mannau chwaraeadwy: Camau ar gyfer gwarchod mannau chwaraeadwy:

Er enghraifft – Mae plant yn defnyddio’r man coediog uchel gerllaw’r man chwarae ar gyfer adeiladu cuddfannau a chwarae tic. Mae mynediad i’r ardal yma wedi ei rwystro ar hyn o bryd gan ffens wifrau sydd wedi ei gwasgu i lawr – edrych ar ffurfioli mynediad i’r ardal yma.

Er enghraifft – Mae’r siglenni sydd yma eisoes angen eu hadnewyddu, ond maent yn cael llawer iawn o ddefnydd. Angen eu hadnewyddu a’u cynnwys yn y cynllun newydd ar gyfer y safle. Ystyried arwyneb diogel mwy naturiol (tywod neu risgl).

CYNLLUN GWEITHREDU MAN CHWARAE

Argymhellion ar gyfer datblygu a chyfoethogi’r safle er mwyn mwyafu’r lefel ‘chwaraeadwy’, yn cynnwys unrhyw gamau ar gyfer gwarchod y modd y mae plant a phobl ifainc yn defnyddio’r safle ar hyn o bryd, gan gyfeirio at weithgareddau a arsylwyd.

Sut mae’r arsylwadau’n cyfrannu at dystiolaeth am yr hyn y mae’r plant / y gymuned ei eisiau?

CYNLLUN GWEITHREDU ANGHENION CHWARAE

Tystiolaeth o angen Camau gweithredu

Er enghraifft – Mae arsylwadau’n dangos bod y plant yn mwynhau dringo coed ar hyd ymyl y safle.

Er enghraifft – Sicrhau bod y dylunio’n gofyn i’r dylunydd chwarae sicrhau bod mynediad i’r coed.


Adran 2 Caniatâd

Arweiniad

Er mwyn datblygu safle bydd yn hanfodol sicrhau derbyn caniatâd priodol i ddefnyddio’r tir. Os nad ydym yn gwybod eisoes pwy yw’r tirfeddianwr gallwn gysylltu â’r awdurdod lleol a / neu’r Gofrestrfa Tir i ganfod hyn.

Unwaith ein bod yn gwybod pwy yw’r perchen tir, gallwn eu holi pa drefniadau sydd eu hangen er mwyn prynu’r tir neu ei rentu ar brydles. Mae prydlesu’n cyfeirio at drefniant ariannol ar gyfer defnyddio’r tir rhyngom ni a’r tirfeddianwr. Gall rhentu ar brydles gostio swm sylweddol o arian; mae ‘prydles rhent rhad’ yn opsiwn arall, ble fo angen cyfraniad ariannol bychan er mwyn gwneud y cytundeb yn un cyfreithiol rwymol ond ble nad yw’r tirfeddianwr yn ceisio budd ariannol o’r trefniant.

Bydd angen inni hefyd gadarnhau pwy fydd yn derbyn cyfrifoldeb am gynnal a chadw’r tir ac unrhyw offer gaiff ei osod arno. Gweler hefyd adrannau Cynnal a chadw ac archwiliadau, Llunio partneriaethau, Asesu risg-budd y pecyn cymorth hwn.

Os ydym am rentu’r tir ar brydles a / neu gynnal a chadw’r offer ein hunain, bydd angen inni ddynodi sut y caiff hyn ei ariannu. Dylid ymchwilio os oes modd inni ymgeisio am gyllideb cynnal a chadw / prydlesu fel rhan o gais ar gyfer datblygu’r safle.

Gallai’r mathau o sefydliadau / unigolion sy’n berchen ar y tir yr ydym am ei ddatblygu gynnwys:

Yr Awdurdod Lleol – cyfle i drafod telerau ar gyfer prydlesu, yswiriant, cynnal a chadw.Cyngor Cymuned – cyfle i drafod telerau ar gyfer prydlesu, yswiriant, cynnal a chadw. Y Weinyddiaeth Amddiffyn (MoD) – efallai y bydd gofyn inni drafod sut y gall plant sy’n byw ar y safle milwrol ddefnyddio’r ddarpariaeth chwarae neu os / sut y gall aelodau o’r gymuned gael mynediad i’r safle.Ffermwyr / Perchnogion preifat – efallai y bydd trefniadau â thirfeddianwyr preifat yn bosibl mewn rhai cymunedau ond argymhellir y dylid derbyn cyngor cyfreithiol ynghylch cyfrifoldebau sy’n ymwneud ag yswiriant a chynnal a chadw dan yr amgylchiadau hyn.

Ceisiadau Cynllunio, Chwiliadau Tir, ArolygonCyn symud ymlaen â datblygiadau ar y man chwarae mae’n bosibl y bydd angen cwblhau gwaith papur ychwanegol, ac y bydd rhywfaint ohono’n costio arian. Bydd cymhlethdod y broses a’r gost yn dibynnu’n sylweddol ar faint a lleoliad y safle a’r hyn yr ydym yn bwriadu ei osod arno.

Mae’n arfer gorau i geisio cyngor gan yr adran gynllunio leol ar y broses hon.

Am fwy o wybodaeth ynghylch perchenogaeth tir, ceisiadau cynllunio, chwiliadau neu arolygon, edrychwch ar Cysylltiadau defnyddiol ar dudalen 35.


Adran 3 Cyfranogaeth ac ymgysylltu

Arweiniad

Mae gan blant hawl i ymgynghori ar faterion sy’n effeithio arnynt. (Erthygl 12 CCUHP)

Ceir amrywiol ffurfiau ar gyfranogaeth ac ymgysylltu. Mae holi plant “Beth ydych ei eisiau yn eich ardal chwarae?” yn ddull fydd, fel arfer, yn derbyn ystod cyfyngedig o ymatebion fydd yn seiliedig ar brofiadau’r plentyn o fannau chwarae (siglen, llithren, rowndabowt) neu restr o eitemau annhebygol neu anymarferol (bwyty bwyd brys, pwll nofio, Xbox ar gyfer pob plentyn yn yr ardal).

Ceir ystod o ddulliau y gellir eu defnyddio â phlant i gasglu eu barn ac i’w cynnwys yn y datblygiadau arfaethedig. Yn bwysicaf oll, os nad oes gennym brofiad blaenorol o gyfranogaeth â phlant neu os nad ydym yn teimlo ei fod yn ddawn sydd gennym yn ein mudiad neu bartneriaeth, ceir pobl leol all gynnig cymorth uniongyrchol inni:

• Swyddog Chwarae• Swyddog / Tîm Cyfranogaeth• Tîm Partneriaeth Plant a Phobl Ifainc • Ysgol leol neu gyngor ysgol• Darpariaeth blynyddoedd cynnar neu feithrin• Darpariaeth clwb ieuenctid neu gwaith maes Am fwy o wybodaeth edrychwch ar Cysylltiadau defnyddiol ar dudalen 35.

Dulliau Cyfranogaeth ac Ymgysylltu Gall cyfranogaeth ddigwydd mewn nifer o wahanol ffyrdd:

Gemau, gweithgareddau, gweithdai – Gemau a gweithgareddau corfforol, gweithgareddau celf a chrefft, adrodd straeon, trafodaethau grwpiau bychain, drama, chwarae rôl, pypedau, cyfweliadau un-i-un neu gyfoedion.

Arsylwadau – Bydd darparu cyfleoedd i blant chwarae mewn ardal a chynnal arsylwadau o’u hoff ymddygiadau chwarae’n cynnig arwydd da o’r hyn y mae plant yn hoffi ei wneud heb eu tynnu oddi wrth eu chwarae.

Archwiliadau Chwarae – Bydd defnyddio’r daflen Archwiliad man chwarae yn darparu tystiolaeth o’r modd y bydd plant eisoes yn defnyddio man chwarae penodol. Gellir defnyddio’r cynllun gweithredu i lunio cynllun yn seiliedig ar dystiolaeth o’r arsylwadau ynghylch sut y dylid datblygu’r safle.

Adeiladu, plannu, clirio – Os oes elfennau o’r man chwarae y gallai’r gymuned eu datblygu, byddai cael plant a phobl ifainc ynghlwm â’r gwaith yn eu helpu i lunio’r man chwarae a rhoi ymdeimlad o berchenogaeth iddyn nhw. Mae plannu coed / bylbiau, palu, paentio, adeiladu a chlirio sbwriel yn ffyrdd gwych o gynnwys y gymuned yn natblygiad y man chwarae ac o gynyddu ymwybyddiaeth ynghylch y datblygiad sydd ar y gweill. Efallai mai yn ystod gweithgareddau cymunedol y bydd pobl ifainc yn mynegi eu syniadau wrth sgwrsio’n anffurfiol – dylid sicrhau bod modd cofnodi eu syniadau.

Canllawiau Tanio!Mae Rhwydwaith Gweithwyr Cyfranogiad Cymru wedi cynhyrchu cyfres o ganllawiau arfer da ar gyfranogaeth plant a phobl ifainc. Gellir eu lawrlwytho’n rhad ac am ddim oddi ar: http://participationworkerswales.org.uk/resources.aspx

Tanio 6 Gweithio â rhai o dan 11 oed a Tanio 7 Sicrhau Cynhwysiant - yw’r ddau ganllaw sydd fwyaf perthnasol i waith sy’n ymwneud â datblygu mannau chwarae.


Caniatáu am newidiadau fel rhan o’r broses ddylunio – Mae plant a phobl ifainc yn hoffi gallu newid eu hamgylchedd. Dyma pam y bydd plant yn adeiladu cuddfannau ac yna’n eu chwalu, gan eu haddasu’n barhaus. Bydd darparu elfennau o fan chwarae y gall plant ddal i’w newid yn sicrhau y gallant gael rôl uniongyrchol yn esblygiad y safle dros amser. Gallai hyn fod yn ardal y gadewir iddi dyfu’n wyllt sydd at ddefnydd y plant yn unig neu’n lwybr pridd ar gyfer beiciau BMX y gallant ei addasu.

Holiaduron – Targedu holiaduron i grŵp penodol o bobl yw’r modd mwyaf effeithlon o sicrhau y ceir ymateb. Un modd o wneud hyn yw trwy dargedu’r ysgol leol a gweithio gydag athrawon i annog y plant i gwblhau holiaduron am ble a sut y maent yn hoffi chwarae yn eu cymuned. Fel gyda pob dull cyfranogi, bydd angen i’r cwestiynau a ofynnir fod yn rhai agored ond yn ddigon penodol i osgoi casglu ymatebion afrealistig. Ceir sampl o holiadur sy’n delio gydag ymddygiadau chwarae ar y dudalen nesaf. Gall canlyniadau’r holiaduron helpu i sicrhau bod y man chwarae’n darparu ar gyfer yr ystod eang o bethau y bydd plant yn hoffi eu gwneud – yn rhyfedd ddigon fydd yr ymatebion i gyd ddim yn sôn am siglenni a llithrennau!

Mae ‘Participation – Spice it Up!’ yn gyhoeddiad a ddatblygwyd gan Dynamix ac sy’n darparu ystod o gemau a gweithdai i’w cynnal â phlant a phobl ifainc er mwyn casglu eu barn mewn modd hwyliog a chynhwysol. www.dynamix.ltd.uk

Herio’r mythDdylen ni ddim croesawu pobl ifainc yn eu harddegau i fannau chwarae Os oes pobl ifainc yn eu harddegau yn y gymuned ble y byddwn yn datblygu’r man chwarae, mae’n gwbl naturiol y bydd ganddynt ddiddordeb ynddo ac y byddant am gymdeithasu yno. Dylid dylunio darpariaeth ar gyfer pobl ifainc yn eu harddegau i mewn i’r safle a’u cynnwys yn y broses o ddewis beth i roi yno.

“Rwy’n gwbl sicr bod llawer o fandaliaeth yn digwydd oherwydd nad oes darpariaeth ar gyfer plant hyn. Bydd cymaint o bobl yn canolbwyntio ar ddarpariaeth i blant oed meithrin oherwydd nad ydyn nhw am ‘ddenu ieuenctid gwrth-gymdeithasol’ fel nad oes fawr ddim fyddai o ddiddordeb i blant hyn. Mewn amgylchiadau fel hyn ’does ryfedd pe bae’r plant hyn yma’n teimlo wedi dieithrio a dadrithio â’u cymuned. Rydym wedi casglu llawer o dystiolaeth llafar, ble y sicrheir darpariaeth mwy cyffrous ar gyfer plant hyn, bod fandaliaeth yn lleihau.” (Collings, 2008)


HOLIADUR CHWARAE’R TU ALLAN

Ysgol Oedran

Enw (Dewisol)

Ble fyddi di’n chwarae? (Ticiwch bob un sy’n berthnasol)

Ble Rwy’n cael mynd yno ar fy mhen fy hun

Rwy’n cael mynd yno gyda ffrindiau

Dim ond gyda brawd neu chwaer hyn

Dim ond gydag oedolyn

Ddim yn cael chwarae yno

Parc / Ardal chwarae

Traeth

Coed

Wrth yr afon

Canol tref / pentref

Gyda beth fyddi di’n hoffi chwarae neu gyda beth hoffet ti chwarae? (Rhoddwch gylch am bob ateb perthnasol)

Beic Mwd Gemau pêl Ffrindiau fy oedran i Ffrindiau hyn

Ffrindiau iau Dwr Tywod Sgwter Sglefrfwrdd

Gemau rhedeg Gemau cuddio Gemau Tic Ymlacio Sgwrsio

Rholio i lawr llethrau Dringo Coed a llwyni Siglo Llithro

Rowndabowt Adeiladu cuddfannau Codi rampiau (ar gyfer beiciau)

Balansio Tynnu lluniau / paentio

Beth fydd yn dy atal rhag chwarae allan? (Rhoddwch gylch am bob ateb perthnasol)

Ddim yn cael mynd allan Gwaith cartref Y tywydd Rhy dywyll Bwlis

Plant hyn Oedolion eraill Ddim yn cael baeddu Dim i chwarae ag o Neb i chwarae â nhw

Baw cwn Rhy brysur yn chwarae Xbox / PS3 / Wii / DS

Mae’n anodd croesi’r ffordd

Rhy brysur gyda chlybiau a gweithgareddau eraill

Tydw i ddim yn hoffi gwlychu na baeddu

Dewis y pethau PWYSICAF yr hoffet inni eu newid ar fan chwarae (Rhoddwch gylch o amgylch UN o bob colofn)

Offer Chwarae Gofod Naturiol Arall

Siglenni Cerrig a chreigiau mawr Man croesi diogel ar y ffordd i’r parc

Llithren Bryniau Siarad ag oedolion sy’n dweud wrthyn ni beidio â chwarae yno

Rowndabowt Coed Gwneud i berchnogion cwn gasglu baw ar eu hôl

Rampiau beiciau / sglefrfyrddau Ardal codi cuddfannau Helpu ni i ddelio â bwlis

Ffrâm ddringo Pwll mwd

Pwll tywod Dwr

Defnyddia’r blwch isod i ysgrifennu neu i dynnu llun unrhyw beth arall yr hoffet inni ei wybod:


Adran 4 Llunio partneriaethau

Wrth gynllunio i ddatblygu man chwarae newydd, mae’n debyg y byddwn yn dod â nifer o unigolion a grwpiau ynghyd i gynllunio’r trefniadau disyfyd a thymor hir ar gyfer y man chwarae. Mae’r adran yma’n edrych ar y math o grwpiau ac unigolion y gallem weithio â nhw ac mae hefyd yn darparu rhywfaint o ddulliau ar gyfer sut i ddiffinio rolau a chyfrifoldebau a gwneud trefniadau ysgrifenedig ar gyfer sicrhau bod pawb yn gwbl eglur ynghylch yr hyn y maent i fod i’w wneud.

Isod ceir rhestr sy’n nodi’r math o bobl y gallem anelu i weithio â nhw mewn partneriaeth:

• Plant a phobl ifainc• Grwpiau trigolion• Cynghorau Cymuned• Aelodau o’r gymuned• Cymdeithasau chwarae lleol• Grwpiau cymunedol eraill• Swyddogion awdurdodau lleol• Cymdeithasau tai • Dylunwyr tirwedd / chwarae• Ysgolion• Grwpiau crefyddol

Creu grwp Bydd cyhoeddi galwad gyffredinol yn fodd effeithlon o gael unigolion neu sefydliadau i ymwneud â datblygiad a’r gwaith o reoli’r man chwarae. Bydd hyn yn sicrhau bod popeth yn agored ac yn dryloyw a bod pawb yn y gymuned yn cael cyfle i gyfrannu. Yn dilyn cyfarfod agored gallwn ofyn i bobl ymrwymo i gyfranogi yn y tymor hwy.

SgiliauEdrychwch ar y sgiliau o fewn y grŵp. A oes unrhyw fylchau mewn gwybodaeth allai alw am gymorth arbenigol? Efallai y bydd angen gofyn am gefnogaeth i ddelio â bylchau sgiliau penodol. Efallai y bydd modd i’r rheini a restrir yn Cysylltiadau defnyddiol ar dudalen 35 ein helpu.

Arweiniad/Cymorth

Cofnodi rolau a chyfrifoldebauBydd angen inni ystyried pwy fydd yn derbyn cyfrifoldeb uniongyrchol am elfennau o’r broses ddylunio a datblygu a’r gwaith rheoli a cynnal a chadw yn y tymor hir. Gellir diffinio’r rhain mewn dogfen a elwir yn Femorandwm Cyd-ddealltwriaeth (MCDd) a arwyddir gan y partneriaid perthnasol.

Ceir enghraifft o MCDd ar y dudalen nesaf, a gellir ei addasu i ateb ein anghenion. Efallai y bydd angen datblygu dau MCDd – un ar gyfer y cyfnod dylunio a datblygu ac ail un ar gyfer rheoli a chynnal a chadw, gan ei bod yn bosibl y bydd y rolau a’r unigolion dan sylw’n wahanol.

‘Does dim angen i’r MCDd fod yn ddogfen gymhleth ond mae’n arfer da i ddefnyddio’r penawdau a rhai o’r pwyntiau yn yr esiampl fel canllaw. Mae’n bwysig sicrhau ei bod yn gwbl eglur beth fydd rôl pob person yn y grŵp a phwy fydd â chyfrifoldeb cyffredinol am elfennau allweddol fel rhentu ar brydles, yswiriant, cynnal a cadw ac archwilio.

Herio’r myth

“ Allwn ni ddim adnewyddu ein man chwarae oherwydd ein bod yn bryderus ynghylch agweddau iechyd a diogelwch cwblhau unrhyw newidiadau.”

Os oes gennym gyfrifoldeb am fan chwarae, mae’n bwysig iawn cynnal asesiad risg-budd rheolaidd os yw’r offer yn newydd neu’n hen ac wedi dyddio. Os yw offer, amgylchoedd neu arwynebau wedi treulio’n wael neu’n beryglus a bod dim yn cael ei wneud i gywiro’r materion hyn, fe ellid ein dwyn i gyfraith am esgeuluster. Gallai hyn olygu cau rhywfaint o’r offer neu ddefnyddio cyllid i adnewyddu neu waredu darnau o offer penodol cyn symud ymlaen gydag unrhyw gynlluniau i ailddatblygu’r safle.


ESIAMPL o Femorandwm Cyd-ddealltwriaeth – Man Chwarae ______________

CyflwyniadAriennir y prosiect yma gan ___________________________________________Nod y prosiect yw datblygu a chynnal man chwarae cymunedol yn ardal _______________________________________________ sy’n addas a hygyrch ar gyfer plant a phobl ifainc yn y gymuned.(Nodwch enw a chyfeiriad y safle yma)

__________________________________________________________________________________________________________________

Pwrpas y Memorandwm Cyd-ddealltwriaethPwrpas y Memorandwm Cyd-ddealltwriaeth yma yw diffinio’r dull gweithio, a rolau a chyfrifoldebau aelodau-sefydliadau sy’n gweithio mewn partneriaeth i oruchwylio, cefnogi a sicrhau cynnal a chadw man chwarae _______________________________, gan gyfrannu at ei gynaladwyedd yn y tymor hir.

Rôl y bartneriaeth yw cefnogi rhaglen cynnal a chadw / dylunio a datblygu man chwarae ________________________________ er mwyn sicrhau bod modd i’r safle barhau i gefnogi a bod yn effeithlon wrth gyflawni anghenion chwarae plant a phobl ifainc. Trwy gynnal asesiadau risg-budd caiff unrhyw beryglon diangen eu lleihau trwy gefnogi’r camau angenrheidiol, yn cynnwys cwblhau gwiriadau, atgyweiriadau, ac addasiadau amgylcheddol. Mae aelodau’r grŵp wedi gwneud ymrwymiad i gyfrannu at awyrgylch o ddiffuantrwydd, cyfranogaeth weithredol a dealltwriaeth o anghenion penodol pob mudiad a maes.

Pleidiau sy’n llunio’r cytundebY tirfeddianwr / unrhyw bleidiau eraill sy’n gweithio i gefnogi’r man chwarae plant yw:

________________________________________________________________________

________________________________________________________________________

Dulliau gweithio1) ________________________________________________________________ fydd yn derbyn cyfrifoldeb pennaf am reoli’r man

chwarae a bydd yn gweithio â phartneriaid i sicrhau ei fod yn cael ei gynnal a’i gadw’n iawn a’i fod yn addas i fynd iddo er mwyn cefnogi anghenion chwarae plant. Bydd hyn yn cynnwys sicrhau cyllideb i gefnogi unrhyw raglen cynnal a chadw.

2) Bydd yn darparu gofalwr i sicrhau y cynhelir archwiliad dyddiol / wythnosol o’r man chwarae cyfan. Bydd hyn yn cynnwys gwaredu unrhyw sbwriel diangen ac archwiliad gweledol o unrhyw offer chwarae ar y safle am olion traul. Caiff unrhyw bryderon eu cofnodi’n briodol, ynghyd ac unrhyw gamau gweithredu angenrheidiol. Bydd hyn yn llunio rhan o unrhyw asesiad risg / budd a wneir.

3) Caiff asesiadau risg / budd eu cwblhau a’u cadw ar ffeil gan a chaiff camau gweithredu penodol eu rhannu â staff priodol a phleidiau allanol sy’n cefnogi’r rhaglen cynnal a chadw.

4) Cynhelir cyfarfodydd (gaiff eu cynnal bob ) â phleidiau allanol priodol sy’n cefnogi’r rhaglen cynnal a chadw, a byddant yn cynnwys rhannu unrhyw gamau gweithredu sy’n angenrheidiol ar gyfer cefnogi’r rhaglen cynnal a chadw.

5) Bydd cyfarfodydd yn dynodi’r adnoddau sydd eu hangen ar gyfer cyflawni unrhyw gamau gweithredu y dynodwyd y bydd eu hangen i gefnogi’r rhaglen cynnal a chadw.

6) Bydd gofyn i bleidiau allanol priodol gyfrannu at unrhyw asesiadau risg / budd a wneir.7) Bydd pleidiau allanol priodol yn cyfrannu at gynnal a chadw’r man chwarae trwy sicrhau y caiff camau gweithredu penodol

a ddynodir eu cyflawni (e.e. torri gwair, torri cloddiau)8) Bydd pleidiau allanol priodol yn cymryd camau i gefnogi cyfrannu at gyllideb a / neu adnoddau sydd eu hangen i gefnogi’r

rhaglen cynnal a chadw.

Rolau a chyfrifoldebauMudiad – Pwy? Rôl – Beth? Cyfrifoldeb

DatganiadRydym ni, sydd wedi arwyddo isod, yn cytuno i’r trefniadau yn y ddogfen hon.

Arwyddwyd Dyddiad



Arweiniad

Yn dilyn datblygu partneriaeth a chynnwys pobl leol mewn cynlluniau ar gyfer y man chwarae, bydd angen inni ystyried y broses ddylunio.

Pan fyddwn yn holi plant ac oedolion am chwarae’r tu allan, fel arfer byddant yn sôn bod ymwneud â’r byd naturiol yn rhywbeth sy’n achosi llawer o fwynhad. Mae dringo coed, adeiladu cuddfannau, creu teisennau mwd, cronni nentydd, ymladdfeydd dŵr, rholio i lawr bryniau a chreu cadwyni blodau yn rhai o bleserau symlaf plentyndod.

“ Bydd meysydd chwarae plant ym mhob cwr o’r DU yn aml iawn yn edrych yn hynod o debyg, a gall y broses ddylunio gael ei gorbwyso gan ragdybiaethau ac ystradebau. Bydd maes chwarae sy’n cynnwys dim ond offer sylfaenol, ffensys ac arwynebau diogelwch rwber yn darparu ar gyfer ystod cyfyngedig iawn o brofiadau chwarae. Mae cred gyffredin wedi datblygu mai dyma sut y dylai ardaloedd chwarae edrych.” (Design for Play, 2009)

10 Egwyddor Dylunio Mae Design for Play yn amlygu 10 Egwyddor Dylunio ar gyfer dylunio mannau chwarae llwyddiannus. Mae’n nodi bod mannau chwarae llwyddiannus:

yn unigrywfyddan nhw ddim yn dod yn syth allan o gatalog ac maent wedi eu dylunio i ymdoddi i’w amgylchoedd

wedi eu lleoli’n ddabyddant wedi eu lleoli ble y bydd y cyfle gorau iddynt gael eu defnyddio, yn agos i gartrefi a llwybrau diogel ar gyfer cerdded a seiclo

yn defnyddio elfennau naturiolcoed a llwyni, glaswellt, mwd, tywod, cerrig a chreigiau, tirlunio – bydd y rhain i gyd yn annog ystod o wahanol fathau o chwarae

yn darparu ystod eang o brofiadau chwaraebydd mannau chwarae ag ardaloedd eistedd, llochesi, mannau i greu a digon o le i redeg o amgylch yn darparu gwerth chwarae gwell o lawer na chwpwl o ddarnau o offer o fewn ffin cyfyng

yn hygyrch i blant anabl a phlant sydd ddim yn anabl’dyw hyn ddim yn ymwneud â darparu mynediad i gadeiriau olwyn yn unig. Bydd elfennau naturiol yn cynnig cyfle i ddeffro’r synhwyrau; bydd pyllau tywod a mwd yn darparu ardaloedd ble y gall plant sy’n cael trafferth i symud ymgysylltu â’r byd naturiol, a bydd llethrau serth yn cynnig her i’r rheini fydd yn treulio eu bywydau ar dir gwastad

yn ateb anghenion y gymunedfe gaiff, ac fe ddylai, man chwarae gael ei ystyried fel safle ar gyfer y gymuned gyfan. Bydd rhieni a theidiau a neiniau yn cwrdd ac ymgynnull yno, felly cofiwch gynnwys y gymuned gyfan yn natblygiad y safle

yn caniatáu i blant o wahanol oedran chwarae â’i gilyddyn aml, caiff bywyd plant ei strwythuro’n grwpiau oedran, yn enwedig yn yr ysgol. Bydd plant ifainc yn dysgu orau am y byd o’u hamgylch oddi wrth blant hŷn a bydd plant hŷn yn elwa o’r cyfrifoldeb a’r empathi y bydd chwarae â phlant iau yn ei olygu. Bydd dylunio mannau chwarae deallus yn caniatáu i blant gymysgu, hyd yn oed os oes eitemau yno sy’n apelio mwy at gyfnodau datblygiad penodol

Design for Play Ceir canllawiau manwl ar y broses dylunio mannau chwarae yng nghyhoeddiad Play England: Design for Play. Gellir lawrlwytho hwn yn rhad ac am ddim oddi ar: www.playengland.org.uk/resources/design-for-play


yn cynnwys cyfleoedd i brofi risg a herbydd plant yn dysgu trwy brofiad a bydd cymryd risgiau bychain yn datblygu’r dysg yma. ’Dyw hyn ddim yn golygu bod rhaid hedfan hanner cant o blant yn yr awyr, ond bydd cyfleoedd i falansio a dringo a symud o gwmpas ar dir anwastad i gyd yn cynyddu sgiliau plant

yn gynaliadwy ac yn cael eu cynnal mewn modd priodolwaeth os yw’r man chwarae’n fawr neu’n fach, bydd angen bod â chynlluniau yn eu lle o’r dechrau cyntaf ynghylch sut y caiff y safle ei gynnal a’i gadw ar gyfer y dyfodol. A fydd y grŵp yn parhau i fod ynghlwm â rheoli’r safle? A oes angen archwilio tywod yn rheolaidd? A oes ariannu ar gael i barhau i ddatblygu a chynnal y safle?

yn caniatáu ar gyfer newid ac esblygu mae plant yn hoffi gallu newid eu hamgylchedd er mwyn ei gadw’n ffres ac yn gyffrous. Gellir gwneud hyn trwy sicrhau bod eitemau symudol ar gael, yn cynnwys elfennau naturiol neu trwy ddatblygu’r safle dros gyfnod maith fel ei fod yn esblygu yn hytrach na chyrraedd ar gefn lori un diwrnod a pheidio â newid byth.

Herio’r mythMae’r gyfraith yn mynnu bod rhaid gosod ffens fetal o amgylch y safle ’Does dim gorfodaeth i osod unrhyw fath o ffens o amgylch man chwarae. Mae’r rhesymau dros ddewis gosod ffens neu ffin arall yn cynnwys: bod y ddarpariaeth ar gyfer plant ifainc iawn a bod perygl os y bydd plant yn rhedeg oddi ar y safle; cadw cwn allan o’r safle; y ddarpariaeth yn agos iawn i ffordd fawr neu ddwr dwfn. Fodd bynnag, mae’n debyg y caiff plant ifainc eu goruchwylio gan oedolion. Fel arfer caiff plant eu hudo oddi ar safle oherwydd elfennau sydd y tu hwnt i’r ffin, felly dylid sicrhau bod y man chwarae yr un mor atyniadol â’i amgylchoedd. Os ydych yn dewis gosod ffin o amgylch y man chwarae dylech ddewis elfennau sy’n ymdoddi i’r lleoliad neu opsiynau y gellid chwarae â nhw. Mae’r rhain yn cynnwys: ffens bren, waliau cerrig sychion, waliau y gellir eu dringo a gwrychoedd.


Arweiniad


Adran 6 Egwyddorion dylunio mannau chwarae cynhwysol

Arweiniad

Herio’r mythBydd tywod yn achosi problemau gyda chwn a chathod Oni bai bod problemau eisoes â baw cathod neu gŵn, mae’n annhebyg iawn y bydd ychwanegu tywod i’r safle’n denu cathod neu gŵn o’r newydd. Fodd bynnag, os ydym yn dewis defnyddio tywod, bydd archwiliadau / cribinio rheolaidd yn ffurfio rhan o’r rhaglen cynnal a chadw. Bydd pa mor aml y byddwn yn gwneud hyn yn dibynnu ar lefel y defnydd. Cofiwch bod y mwyafrif o berchnogion cŵn yn bobl gyfrifol. Os oes problem gyda baw cŵn, yna bai nifer fechan o berchnogion yw hyn, fel arfer – ceisiwch dargedu’r grŵp bychan o berchnogion cŵn sy’n achosi’r broblem. Gallwn weithio gyda’r gymuned, gofyn i blant ysgol ddylunio arwyddion ‘dim baw cŵn’ neu ddechrau ymgyrch â chymorth y warden cŵn lleol.

Cofiwch fod mynediad i gadeiriau olwyn yn ffactor bwysig, ond y dylai’r safle fod yn hygyrch i ystod eang o blant yn gyffredinol. Er enghraifft, byddai prynu rowndabowt cadeiriau olwyn costus yn caniatáu i blant sy’n defnyddio cadeiriau olwyn i brofi mynd ar rowndabowt, ond cofiwch feddwl am rai ystyriaethau ymarferol:• Pa gyfran o’r gyllideb fyddai un darn o offer arbenigol yn ei

gostio – allen ni brynu nifer o eitemau llai o faint sy’n darparu ystod o gyfleoedd am yr un pris?

• Ydyn ni am wahanu plant fel eu bod yn defnyddio darnau o offer arbenigol?

• Ydyn ni’n gwybod os oes unrhyw ddefnyddwyr cadeiriau olwyn yn y gymuned ar hyn o bryd fyddai’n defnyddio offer o’r fath yn rheolaidd?

• Ydyn ni ddim ond am ddarparu un cyfle chwarae ar gyfer plant sy’n defnyddio cadeiriau olwyn neu a fyddai’n well gennym gael nifer o eitemau amhenodol y gellir eu defnyddio mewn nifer o wahanol ffyrdd gan ddefnyddwyr cadeiriau olwyn a phobl sydd ddim yn defnyddio cadair olwyn?

Cofiwch y bydd prynu eitemau y gellir eu defnyddio gan fwy nag un plentyn yn golygu y gall y plentyn gael ei gynorthwyo gan riant, gofalwr neu gymhorthydd personol. Hefyd, mae ‘cynhwysiant’ yn derm cymdeithasol – mae’n hanfodol sicrhau mynediad i’r profiad cymdeithasol o chwarae gyda ac o amgylch plant eraill, ac nid o reidrwydd â phob darn o offer.

Isod ceir rhestr o enghreifftiau o offer traddodiadol a nodweddion naturiol y gellid eu cynnwys mewn ardal chwarae allai gynnig cyfleoedd chwarae i ystod eang o blant.

Llithrennau – bydd llithren letach yn cynnig cyfleoedd mwy hyblyg na llithren gul draddodiadol. Os y caiff y llithren ei hadeiladu ar lethr, gellir adeiladu llwybr hygyrch er mwyn sicrhau bod mynediad yn rhwydd i’r top.Siglenni – bydd siglenni basged yn dileu’r angen i blentyn allu cynnal ei bwysau ei hun gan y bydd yn gorwedd i lawr neu’n mynd â rhywun gyda nhw i’w cynorthwyo.Ysgolion, rhaffau, waliau dringo a rampiau – ddylen ni ddim osgoi darparu’r rhain mewn ymdrech i fod yn gynhwysol. Bydd darparu ystod o ffyrdd i blant ddefnyddio offer yn rhoi mwy o opsiynau ar gyfer cael mynediad iddo.Yr ardal gyfagos – mae goleuo, parcio, toiledau hygyrch, lled a mathau penodol o gatiau / gridiau a chyrbau isel yn elfennau sy’n gwneud mynd i mewn i’r safle’n rhwyddach. Efallai na fydd gennym reolaeth dros rai o’r elfennau hyn, ond maent yn ffactorau i’w hystyried yn y tymor hwy.Nodweddion Naturiol – plociau, creigiau, deunyddiau rhydd – cofiwch fod yr eitemau hyn yn rhai ‘anghyfarwyddol’, gan nad oes ffordd ‘gywir’ nac ‘anghywir’ o chwarae a rhyngweithio â nhw – bydd hyn yn caniatáu i’r plant ddehongli sut i’w defnyddio yn eu ffordd eu hunain.

Pan fyddwn yn datblygu man chwarae dylid ystyried anghenion plant yn y gymuned fydd, neu allai yn y dyfodol fod yn defnyddio’r man chwarae. Golyga hyn y bydd angen inni feddwl sut y gallai plant sydd ag amrywiol anableddau gael mynediad i’r cyfleoedd chwarae a ddarperir.

Profiadau synhwyraidd – chwarae dwr a thywod – sy’n gyfleoedd chwarae synhwyraidd gwych ar gyfer plant. Mae hefyd yn Arwyneb Esmwytho Ardrawiadau (IAS) dilys, felly gellir ei osod o dan offer, er y bydd angen inni ystyried os yw hyn yn cyfyngu ar fynediad i offer penodol. Planhigion, coed a llwyni – mae’r rhain yn edrych yn ddeniadol yn ogystal â rhannu’r man chwarae a darparu cyfleoedd synhwyraidd ychwanegol. Trwy ddewis rhywogaethau ag aeron sydd ddim yn wenwynig neu â dail sy’n disgyn yn yr Hydref, byddwn yn darparu cyfleoedd pellach ar gyfer chwarae ag elfennau naturiol – bydd rhai plant yn mwynhau creu a dethol dail, brigau ac aeron.Symud o amgylch y safle – dyluniwch ‘linellau dymunol’ (llwybrau a ffyrdd chwareus) trwy’r safle, sy’n wastad ac ar yr un lefel – bydd hyn yn cynnig ffordd hygyrch o symud o amgylch y safle. ’Dyw hyn ddim yn golygu na allwn gael tirlunio a ffyrdd llai unffurf o archwilio’r safle, ond mae’n caniatáu chwarae cymdeithasol hygyrch trwy’r safle cyfan.


(Dyfyniadau o Managing Risk in Play Provision, Play England, 2008)

Adran 7 Safonau Ewropeaidd

Arweiniad

Ni cheir unrhyw ddeddfwriaethau penodol ar ddiogelwch chwarae yn y DU, a chynnal asesiad risg ‘addas a digonol’ yw’r gofyniad cyfreithiol pennaf. Ceir safonau diwydiannol Ewropeaidd cytûn y dylid eu hystyried bob amser wrth gynnal asesiad risg, er nad yw cydymffurfio â’r safonau’n ofyniad cyfreithlon.

Mae safonau’n arfau pwysig wrth reoli risg ac maent yn cynnig canllawiau ar rywfaint o faterion dyrys. Fodd bynnag, mae camddealltwriaeth am eu rôl a’u statws wedi creu problemau yn y gorffennol.

Gall dryswch arwain y bobl hynny fydd yn dylunio neu’n comisiynu mannau chwarae i ganolbwyntio’n llwyr ar y ffaith os oes modd dangos bod yr eitemau’n cydymffurfio â’r safonau ai peidio. Yn y gorffennol arweiniodd hyn at ddefnydd digon cyfyngedig o nodweddion chwarae sydd ddim yn cael eu trafod yn benodol yn y safonau hyn, fel plociau, creigiau, tirlunio caled, plannu neu newid lefelau. Yn hytrach, cafwyd tueddiad i ddewis y math o offer sy’n cydweddu agosaf â’r rheini a ddisgrifir yn benodol yn y safonau, fel siglenni, llithrennau, rowndabowts ac offer siglo ac aml-chwarae.

Y safonau allweddol ar gyfer mannau chwarae yw:BS EN 1176 ar offer chwarae sefydlog ac arwynebau BS EN 1177 ar ddull o brofi ar gyfer gwanhau arwynebau

esmwytho ardrawiadauBS EN 14974 ar gyfer cyfleusterau chwaraeon ar

olwynion, fel parciau sglefrfyrddio a llwybrau seiclo BMX

BS EN 15312 ar gyfer cyfleusterau chwaraeon pêl, fel ardaloedd gemau pêl

Dysgwch fwy am gydymffurfio â’r safonau Ewropeaidd oddi wrth eich arolygydd meysydd chwarae cofrestredig neu mae briffiadau ar gael ar wefan Y Gymdeithas Frenhinol er atal Damweiniau (RoSPA): www.rospa.com

Herio’r mythOs y byddwn yn glynu at y safonau Ewropeaidd bydd dim modd mynd â ni i gyfraith ’Dyw’r safonau Ewropeaidd ar gyfer offer chwarae sefydlog yn ddim ond canllawiau i sicrhau bod offer chwarae gwneuthuredig yn cydymffurfio ag isafswm safonau penodol. ’Dyw cydymffurfio â safonau Ewropeaidd ddim yn ofyniad cyfreithiol. Hyd yn oed os yw’r offer y byddwn yn ei brynu’n cyflawni’r safonau hyn, nid yw’n disodli’r angen i gynnal asesiad risg-budd o’r safle’n rheolaidd ac i gynnal archwiliadau rheolaidd fel rhan o’n polisi rheoli risg.

Managing Risk in Play Provision: An implementation GuideDatblygwyd y cyhoeddiad hwn gan Play England i ddarparu canllawiau manwl ar ofynion cyfreithiol ac agweddau tuag at gynnal asesiadau risg mewn mannau chwarae. Yn enwedig mannau sy’n cynnwys nodweddion chwarae sydd heb safonau Ewropeaidd, fel nodweddion naturiol.

Mae’r canllaw hwn ar gael i’w lawrlwytho’n rhad ac am ddim oddi ar: www.playengland.org.uk/resources/managing-risk-in-play-provision-implementation-guide.aspx

PLAYLINK – Barn GyfreithiolYn 2006 comisiynodd PLAYLINK Farn Cwnsler gan gwmni cyfreithwyr Public Interest Lawyers. Aeth y cwmni ati i ddadansoddi polisi chwarae PLAYLINK yn ogystal â’u agwedd tuag at reoli risg mewn mannau chwarae. ’Dyw hyn ddim yn gynsail cyfreithiol ond yn hytrach mae’n farn deallus arbenigwr cyfreithiol:

Dywedodd mai’r

“ agwedd gywir tuag at safonau Prydeinig neu Ewropeaidd yw nid ystyried eu bod yn pennu safonau gorfodol y dylid glynu atynt yn wasaidd ym mhob achos, ond yn hytrach fel canllaw sy’n dynodi’r consensws cyffredin ynghylch yr hyn y gellid eu hystyried yn ragofalon synhwyrol mewn unrhyw achos.” Aeth ymlaen: “Os y gall proses synhwyrol o asesu risg, ynghyd â balans rhwng cost, risg a budd gyfiawnhau cefnu ar y safonau hyn, yna ni fyddai unrhyw fethiant i arfer gofal rhesymol.”

(PLAYLINK, 2006)


Adran 8 Arwynebau Esmwytho Ardrawiadau (IAS)

Arweiniad

Herio’r myth’Dyw glaswellt ddim yn arwyneb diogel addas Yn ôl Y Gymdeithas Frenhinol er atal Damweiniau (RoSPA), mae glaswellt yn arwyneb derbyniol, yn ddibynnol ar asesiad risg, ar gyfer codwm o uchder o hyd at 1,500mm yn y DU.

Herio’r mythBydd arwyneb diogelwch rwber (tywallt gwlyb) yn atal plant rhag cael eu hanafu Dim ond un math o arwyneb esmwytho ardrawiadau (IAS) yw arwyneb diogelwch rwber, sy’n aml iawn yn gostus, ac sy’n galw am offer arbenigol i’w osod. Mae ffurfiau dilys eraill o IAS yn cynnwys glaswellt a deunyddiau heb eu llanw’n dynn, fel tywod a rhisgl. Bydd yr arwynebau hyn yn galw am raglen archwilio a chynnal a chadw mwy strwythuredig, ond maent hefyd yn cynnig gwerth chwarae ychwanegol. www.rospa.com/leisuresafety/adviceandinformation/playsafety/loose-impact-attenuating-surfaces.aspx

Caiff darpariaeth arwynebau esmwytho ardrawiadau (IAS) ei gwmpasu gan safon Ewropeaidd BS EN 1177.

Y safbwynt cyfreithiolNid oes unrhyw ofyniad cyfreithiol i IAS gael eu darparu ar feysydd chwarae plant. Fodd bynnag, fe gaiff ei argymell gan sefydliadau diogelwch fel RoSPA, Sefydliad Safonau Prydeinig (BSI), Cymdeithas Caeau Chwarae Cenedlaethol (NPFA) a’r Ymddiriedolaeth Atal Damweiniau ymhlith Plant (CAPT). Ym 1978 fe wnaeth Adran yr Amgylchedd ‘argymell yn gryf’ y dylid ei ddefnyddio, tra y cynghorodd Yr Adran dros Ddiwylliant, y Cyfryngau a Chwaraeon (DCMS, sef prif gorff Llywodraeth Prydain â chyfrifoldeb am feysydd chwarae), y dylid ei ddefnyddio yn eu dogfen Playground Safety Guidelines (1993) fel un o elfennau dylunio maes chwarae diogel. Mae’r Awdurdod Gweithredol Iechyd a Diogelwch (HSE) wedi ei argymell hefyd. Fe awgrymodd nifer o setliadau diweddar y tu allan i’r llys, a gododd yn sgîl damweiniau ar feysydd chwarae, bod y llysoedd yn cydnabod bod darparu arwynebau addas yn cynrychioli arfer da, yn enwedig o dan ddarnau o offer newydd.

Atal damweiniau Yn ddi-os, bydd anafiadau pen plant yn llai difrifol yn sgîl darparu IAS ond mae codymau o’r fath yn ddigon prin ymysg plant dros bum mlwydd oed. Fydd IAS ddim yn lleihau damweiniau ond mae’n bosibl y byddant yn lleihau difrifodleb anafiadau’n dilyn codymau ar arwyneb y maes chwarae – h.y. 50 y cant o anafiadau sy’n arwain at ymweld â’r ysbyty. Ceir rhywfaint o dystiolaeth na fydd yn lleihau torri esgyrn hirion, yn enwedig yn rhan uchaf y corff. Mae tua 30 y cant o anafiadau ar ôl codymau’n ymwneud ag offer. Mae pwysigrwydd arwynebau diogelwch, yng nghyd-destun damweiniau, yn ddigon cyfyngedig a dylid ystyried ei ddarparu mewn persbectif ehangach.

Mathau o ArwynebauFel egwyddor cyffredin ceir tri prif fath o IAS ar gyfer mannau chwarae:Glaswellt – Arwyneb aml-bwrpas da ond ddim yn gwrthsefyll traul yn dda iawn nac esmwytho ardrawiadau pan fo’r ddaear yn sych.Deunyddiau heb eu llanw’n dynn – Mae’r rhain yn cynnwys tywod, cynnyrch pren a graean bras. Maent yn dda am esmwytho ardrawiadau ond byddant yn ymwasgaru a chwalu.

’Dyw’r rhain ddim yn addas ar gyfer eu gosod o dan offer symudol. Rhwydd i’w gosod.Arwynebau synthetig – ceir tri prif fath:• Teils – yn gyffredinol effeithlon, hirhoedlog ond maent yn

gallu bod yn gostus ac yn anodd i’w gosod.• Tywallt gwlyb – yn gyffredinol effeithlon, hirhoedlog ond

costus ac anodd iawn i’w osod.• Haenog – yn gyffredinol effeithlon ond yn gofyn am

rywfaint o waith cynnal a chadw a gall ddioddef o fandaliaeth a phroblemau traul. Angen arbenigwr i’w osod.

Asesu arwynebau EI OSOD O DaN HEN OffER Mae IAS yn gostus, felly cyn ei osod ar gyfer offer sy’n bodoli eisoes dylid ystyried: • Cydymffurfio â safonau• Gwerth chwarae• Lleoliad y safle, dylunio a defnyddioNid oes rhaid darparu IAS ar unwaith ar gyfer offer hŷn – ond mae’n rhaid inni fod â rhaglen welliannau trefnus fel rhan o’n asesiad risg.

EI OSOD O DaN OffER NEwYDD - Dylai pob darn o offer newydd gael ei ddarparu gydag arwyneb priodol oddi tano. O dan 600mm o uchder ni fydd rhaid i hyn fod yn IAS, ond dylai feddu ar rywfaint o allu i leddfu ardrawiad. Mewn rhai achosion (e.e. offer ar sbrings) mae’n bosibl y bydd angen rhywfaint o amddiffynfa ar lawr. Gellir defnyddio deunyddiau atgyfnerthu glaswellt.

PRYNU aRwYNEBaU - Argymhellir y dylai cyflenwyr ddarparu sicrwydd bod eu cynnyrch wedi ei brofi’n unol â safonau BS7188 ac EN1177. Dylid ei osod ar yr ardaloedd a nodir yn EN1176. Dylid cyflwyno o dystysgrifau profion priodol ar gais. Dylid derbyn sicrhad ysgrifenedig y bydd y deunydd yn cadw ei lefelau esmwytho ardrawiadau dros oes y warant. Mae profion ar safle ar gael, gweler gwefan RoSPA am fanylion – www.rospa.com

• Oedran yr offer• Ôl troed


Adran 9 Caffael – y broses dendro

Arweiniad/Cymorth

Mae caffael yn cyfeirio at y broses o brynu nwyddau neu wasanaethau. Wrth ddatblygu man chwarae bydd angen inni sicrhau ein bod yn derbyn y gwerth gorau gan wneuthurwyr, contractwyr a dylunwyr a bod eu sgiliau a’u dulliau’n ateb gofynion ein mudiad a’n cymuned. Gelwir y broses yma’n broses dendro, ac fe’i amlinellir isod:

Cyngor Cymuned / Cymdeithas Chwarae’n dynodi angen am gyflawni darn sylweddol o waith (tirlunio, gwaith adeiladu, gosod offer)

Gwahoddiad i dendro – gofyn i bobl sydd â diddordeb i gyflwyno tendr manwl sy’n seiliedig ar y gofynion a amlinellir yn y tendro

Mynegi diddordeb (gellir hepgor y cam hwn) – os ydych yn disgwyl nifer o ymgeiswyr â diddordeb, dylid gofyn am fynegi diddordeb cychwynnol (un neu ddwy ochr A4) gan ymgeiswyr cyn creu rhestr fer ar gyfer y cam nesaf

Datblygu tendro sy’n amlinellu gofynion y gwaith, ystod y gyllideb a’r sgiliau angenrheidiol

Cyfweld dau neu dri ymgeisydd sydd ar y rhestr fer cyn cytuno ar pa gwmni / person i’w benodi

Derbyn tendrau manwl ynghyd â phrisiadau, amserlenni a chynllun prosiect

Mae’r adran yma’n darparu dulliau ymarferol ar gyfer datblygu brîff tendro, y gellir ei ddefnyddio i hysbysebu gwaith sydd i’w gynnal ar y man chwarae, sut i greu system sgorio a phenderfynu pwy i’w gyflogi i gyflawni’r gwaith.

Ar y dudalen nesaf ceir briffiadau tendro ffug y gellir eu defnyddio i gynorthwyo gyda’r gwaith o lunio brîff tendro ar gyfer ein prosiect. Mae un wedi ei anelu at y cyfnod dylunio a’r llall at y cyfnod datblygu.


Cymdeithas Chwarae Cymuned TrefartinTendr Dylunio Mynegi Diddordeb

Mae Cymdeithas Chwarae Cymuned Trefartin mewn partneriaeth â chyngor cymuned Nant y Môr wedi derbyn ariannu gan ____________ i ail-ddatblygu’r man chwarae ar stad Trefartin, sydd angen ei adnewyddu’n ddirfawr.

Mae ymgynghoriadau helaeth â’r gymuned, a gefnogwyd gan y Swyddog Chwarae Sirol, wedi arddangos angen am fan chwarae y gellir ei ddefnyddio gan yr ystod oedran eang o blant sy’n byw yn yr ardal (o blant meithrin i bobl ifainc yn eu harddegau). Mae rhieni a phobl ifainc yn arbennig o awyddus i unrhyw ddatblygiadau ddarparu mannau cymdeithasol ar gyfer eistedd a sgwrsio a mannau ble y gall gwahanol grwpiau oedran gymdeithasu â’i gilydd.

Yn ogystal, mae Cymdeithas Chwarae Cymuned Trefartin yn awyddus i unrhyw gynlluniau ar gyfer y man chwarae gynnwys elfennau naturiol a’u bod yn cael eu dylunio i gydweddu â threftadaeth cyfoethog yr ardal.

Mae hygyrchedd o bwys mawr i ni ac i’n cymuned. Rydym am sicrhau y gall plant ag ystod o alluoedd gael mynediad i gymaint â phosibl o’r cyfleoedd a geir yn ein man chwarae.

Rydym am wahodd penseiri tirwedd a dylunwyr mannau chwarae i fynegi diddordeb.

Y cyfan y byddwn ei angen ar hyn o bryd yw hyd at ddwy ochr o A4 yn disgrifio eich agwedd tuag at ddatblygu sefyllfaoedd chwarae naturiol, eich profiad yn y maes hwn (ynghyd ag enghreifftiau a lluniau, os yn bosibl), eich dealltwriaeth ynghylch yr hyn y bydd sefyllfa chwarae’n anelu i’w gyflawni a’ch graddfa gostau. Nodwch os oes gennych unrhyw brofiad o wireddu eich cynlluniau a’ch bod yn deall y cyd-destun caniatâd cynllunio, chwiliadau tir ac arolygon.

Bydd Cymdeithas Chwarae Cymuned Trefartin a’i phartneriaid yn penderfynu os y dylid caniatáu i unrhyw un a fynegodd ddiddordeb symud ymlaen i’r cam nesaf.

Dylech fynegi diddordeb erbyn __________ at:

Y CadeiryddCymdeithas Chwarae Cymuned TrefartinNant y MôrYnys MônLLXX XNN

Am fwy o wybodaeth, cysyllter â: [email protected] 07777 654321

Cymdeithas Chwarae Cymuned TrefartinTendr Datblygu Mynegi Diddordeb

Mae Cymdeithas Chwarae Cymuned Trefartin mewn partneriaeth â chyngor cymuned Nant y Môr wedi derbyn ariannu gan ____________ i ail-ddatblygu’r man chwarae ar stad Trefartin, sydd angen ei adnewyddu’n ddirfawr.

Mae ymgynghoriadau helaeth â’r gymuned, a gefnogwyd gan y Swyddog Chwarae Sirol, wedi arddangos angen am fan chwarae y gellir ei ddefnyddio gan yr ystod oedran eang o blant sy’n byw yn yr ardal (o blant meithrin i bobl ifainc yn eu harddegau). Trwy weithio â chwmni penseiri tirwedd lleol, mae gennym bellach gyfres o ddarluniau’n dangos ein cynlluniau ar gyfer y safle.

Rydym yn chwilio am gwmni tirlunio â’r cysylltiadau angenrheidiol â’r diwydiant chwarae i ymgorffori elfennau o offer chwarae pwrpasol ynghyd â’r gofod naturiol yr ydym yn ei ddymuno.

Rydym am wahodd briffiadau tendro manwl gan dirlunwyr, contractwyr adeiladu ac adeiladwyr chwarae arbenigol.

Ein cyllideb ar gyfer y prosiect yw _________. Dylech ddarparu amlinelliadau costau manwl, amserlenni a thystiolaeth o waith tebyg a gwblhawyd gennych.

Os oes gennych ddiddordeb cydweithio â Trefartin i wireddu’r prosiect cyffrous hwn, cysylltwch â ni yn y cyfeiriad isod i dderbyn copi o’n darluniau ac i gael trafodaeth anffurfiol.

Dylid anfon tendrau wedi eu cwblhau erbyn __________ at:

Y CadeiryddCymdeithas Chwarae Cymuned TrefartinNant y MôrYnys MônLLXX XNN

Am fwy o wybodaeth, cysyllter â: [email protected] 07777 654321


Caffael

Dylid nodi bod gan rai sefydliadau mawrion, fel adrannau Awdurdodau Lleol, bolisïau caffael, sy’n amlinellu sut i gynnal y broses dendro, gan gynnwys fformat briffiadau dylunio ac isafswm costau er mwyn galw am dendro (trothwyon).

Mae trothwyon caffael, a osodwyd gan Lywodraeth Cymru, ar gael ar eu gwefan a bydd angen i gyrff sector cyhoeddus (fel Awdurdodau Lleol) hysbysebu eu cyfleoedd tendro ar wefan GwerthuiGymru os yw’r prosiect yn uwch na’r trothwy – www.sell2wales.com

Sgorio darpar ymgeiswyr

Unwaith i ddau neu dri ymgeisydd posibl gael eu dynodi, byddwn am drefnu i drafod eu argymhellion yn fanylach. Dylid sicrhau bod dau neu dri aelod ar y panel cyfweld er mwyn gallu cymharu nodiadau.

Cyn y cyfarfod dylid penderfynu pa griteria sydd bwysicaf er mwyn dod i benderfyniad. Gallai’r rhain fod yn: werth am arian, hanes gyrfa perthnasol, ymwybyddiaeth amgylcheddol, profiad o fannau chwarae hygyrch neu adnabyddiaeth o’r gymuned leol.

Isod ceir enghraifft o dempled y gellir ei ddefnyddio i gynorthwyo gyda’r broses sgorio. Sylwer bod colofn ar gael i bwysoli’r atebion yn nhrefn pwysigrwydd.

Taflen sgorio – Mynegi Diddordeb Pwysoli

Sefydliad

Agwedd tuag at ddatblygu mannau chwarae naturiol 30%

Profiad yn y maes (enghreifftiau a lluniau)

20%

Dealltwriaeth o’r hyn y bydd sefyllfa chwarae’n anelu i’w gyflawni 30%

Graddfa gostau 20%

Cyfanswm Pwysoli


Er mwyn datblygu neu adnewyddu man chwarae bydd angen dynodi ariannu digonol ar gyfer y prosiect. Mae’r adran yma’n nodi rhywfaint o bethau i’w hystyried wrth ddynodi ariannu. Am fwy o gyngor ac arweiniad ar godi arian neu am drosolwg o ffynonellau ariannu lleol a chenedlaethol, cysylltwch â’ch Cyngor Gwirfoddol Sirol (gweler Cysylltiadau defnyddiol ar dudalen 35).

Adran 10 Ariannu

Arweiniad

Ceir nifer o wahanol ffyrdd i godi arian:

Ariannu Grant – Os mai prin yw ein profiad o gwblhau ceisiadau ariannu, dylid cyfeirio at Cysylltiadau defnyddiol ar ar dudalen 35 am gysylltiadau allai gynorthwyo. Bydd ceisio am grantiau’n golygu cwblhau proses ymgeisio allai gymryd rhwng ychydig wythnosau a nifer o fisoedd cyn derbyn penderfyniad, yn ddibynnol ar faint y grant. Wedi llwyddo i dderbyn grant, bydd angen cwblhau adroddiad ar gyfer y cyllidwyr yn egluro sut y defnyddiwyd yr arian ac yn cynnwys cyfrif o’r gwariant.

Codi Arian Elusennol – Mae rhai cymdeithasau chwarae lleol wedi eu cofrestru fel elusennau cofrestredig er mwyn codi arian trwy ddulliau elusennol. Am gyngor ynghylch statws elusennol mynnwch air gyda’r Cyngor Gwirfoddol Sirol.

Ariannu Cyngor Cymuned – Gall Cynghorau Cymuned glustnodi arian ar gyfer prosiectau cymunedol, yn cynnwys prosiectau mannau chwarae. Fodd bynnag, mae’n annhebyg y byddent yn talu am ddatblygiad cyfan. Meddyliwch sut y gallai cyfraniadau rheolaidd helpu gyda gwaith cynnal a chadw parhaus.

Digwyddiadau Cymunedol / Codi Arian – Efallai bod grwpiau cymunedol eraill ar gael fyddai’n fodlon helpu gyda’r gwaith o godi arian trwy gynnal stondin gacennau, ffeiriau, nosweithiau bingo neu unrhyw un o lu o weithgareddau codi arian eraill. Efallai mai dim ond symiau bychain o arian y bydd y rhain yn eu codi ar y tro, ond bydd yr arian yma’n cronni ac maent hefyd yn sicrhau cyfranogaeth cymunedol.

Datblygiad Araf Gall datblygu man chwarae newydd neu adnewyddu un sy’n bodoli eisoes fod yn broses hynod o gostus. Os y byddwn yn ceisio derbyn y cyllid i gyd ar unwaith, gall fod yn amser maith cyn i unrhyw beth gael ei ddatblygu – tra bo’r safle’n sefyll yn wag a heb ei ddefnyddio.

Trwy ddilyn y broses ddylunio a argymhellir yn y pecyn cymorth hwn, bydd gennym syniad da o sut y bydd y man chwarae’n edrych wedi ei gwblhau. Edrychwch pa elfennau sydd angen eu cwblhau ac ym mha drefn, ac yna eu datblygu fel y caiff cyllid ei sicrhau. Gall fod yn llawer rhwyddach i dderbyn nifer o grantiau llai neu i gasglu swm penodol bob blwyddyn, na fydd hi i ymgeisio a dibynnu ar un cais am grant mawr.

Bydd datblygu safle dros gyfnod o amser fel y bydd cyllid ar gael yn golygu y gallwn weld sut dderbyniad y mae’r datblygiadau newydd yn ei gael, a sicrhau newidiadau pwrpasol i gynlluniau fydd yn ymateb i anghenion y gymuned.

Costau Rhedeg, Cynnal a Chadw ac ArchwilioOni bai bod sefydliad arall yn cymryd cyfrifoldeb am gostau rhedeg, cynnal a chadw ac archwilio bydd angen inni sicrhau bod cynlluniau codi arian yn cynnwys costau blynyddol. Bydd y rhain yn cynnwys: yswiriant, torri glaswellt, archwiliadau blynyddol, cynnal a chadw cyffredinol a gwaredu neu gyfnewid offer sydd wedi treulio.

Treth Ar Werth (TAW)Caiff TAW ei ychwanegu i waith gaiff ei wneud ar y man chwarae yn ogystal ac ar offer gaiff ei brynu. Gall hyn fod yn gost ychwanegol sylweddol, na chaiff ei ystyried bob amser wrth dderbyn prisiau. Dylid costio hyn i mewn i’r cynlluniau ariannu, oni bai bod ffyrdd i’w leihau.


Adran 11

Rheoli risg 27

Adran 12

Taflen asesu risg-budd 30

Adran 13

Yswiriant 31

Adran 14

Arwyddion 31

Adran 15

Cynnal a chadw ac archwilio 32

Adran 16

Polisi ac arweiniad cynllunio 34

Rheoli

Mannau Chwarae

Rheoli


Fel rhan o gyfrifoldebau’n ymwneud ag archwilio a chynnal a chadw man chwarae, bydd angen cynnal asesiadau risg gweithredol yn rheolaidd. Mae’n debyg y bydd hyn yn un o amodau’r yswiriant.

Adran 11 Rheoli risg

Arweiniad/Cymorth

Ceir nifer o wahanol ffurfiau o asesiadau risg y gellir eu defnyddio, all greu rhywfaint o gymhlethdod. Prif bwrpas asesiad risg yw dangos ein bod wedi dynodi unrhyw beryglon neu risgiau posibl a’n bod wedi gosod camau rheoli yn eu lle i reoli’r risgiau hyn. Os oes gennym fformat yr ydym yn gyfarwydd ag o eisoes, gallwn addasu elfennau ohono.

Asesu Risg-BuddMae asesu risg-budd yn agwedd tuag at asesu risg fydd hefyd yn ystyried y budd i’r plentyn o gael mynediad i risg penodol. Mae hyn yn ystyriaeth rhesymol mewn darpariaeth chwarae plant.

Er enghraifft: mae’r risgiau sy’n gysylltiedig â ffrâm ddringo’n ymwneud â llithro neu gwympo oddi ar yr offer. Mae’r camau y gallem eu rhoi yn eu lle i leihau risgiau’n cynnwys arwynebau esmwytho ardrawiadau (IAS), peidio â bod â chodwm rhydd sy’n uwch na mesur penodol a sicrhau bod mannau digonol ar gyfer gosod y traed a’r dwylo.

Polisi Rheoli RisgCymdeithas Chwarae Cymuned Trefartin

Ond pam fydden ni’n caniatáu i blant ddringo’n uchel beth bynnag? Dyma ble fo buddiannau’n cyfrif. Mae buddiannau tebygol yn cynnwys: cynyddu cryfder corfforol, balans a chydsymudiad corfforol; plant yn dysgu i asesu risg drostynt eu hunain a phrofi ymdeimlad o gyffro.

Bydd ymgorffori asesu risg-budd yn ein dull rheoli risg yn arddangos ein bod wedi ystyried y ffactorau hyn i gyd, sy’n cynyddu natur chwaraeadwy’r man chwarae.

Polisi drafft rheoli risg Isod ceir polisi rheoli risg ffuglennol y gellir ei addasu. Mae’r polisi’n amlinellu’r agwedd risg-budd tuag at reoli risg ac mae’n caniatáu inni gofnodi ein gweithdrefnau ein hunain, e.e. amlder archwiliadau a rhaglen cynnal a chadw gyffredinol. Mae meddu ar bolisi rheoli risg yn mynd uwchlaw gofynion ar gyfer cynnal asesiadau risg, i greu fframwaith cadarn ar gyfer y modd y bydd mudiadau’n rheoli risg dros gyfnod o amser ac yn defnyddio’r wybodaeth a gasglwyd i ddiweddaru a gwella asesiadau risg gweithredol (ar bapur).

Datblygwyd y polisi hwn er mwyn darparu agwedd gydlynol, gyson a chytbwys tuag at reoli risg ar Fan Chwarae Cymdeithas Chwarae Cymuned Trefartin ac er mwyn sicrhau gwell eglurder dealltwriaeth ynghylch y mater hwn.

Trwy hyn, mae’r polisi’n anelu i herio rhywfaint ar natur ofn risg ein cymdeithas heddiw, all gyfyngu ar brofiadau chwarae plant.

Caiff y polisi ei gefnogi gan y datganiad canlynol a gyhoeddwyd gan Yr Awdurdod Gweithredol Iechyd a Diogelwch (HSE) yn 2005:

“Mae iechyd a diogelwch synhwyrol yn ymwneud â rheoli risgiau yn hytrach na’u dileu i gyd. Nid yw HSE yn y busnes o ddileu pleserau syml ble bynnag y byddant yn ymddangos ac ar ba bynnag gost. Rydym yn cydnabod buddiannau chwarae i ddatblygiad

plant, sydd o reidrwydd yn cynnwys rhywfaint o risg, ac ni ddylid aberthu hyn wrth anelu am nod amhosibl diogelwch absoliwt.”

Systemau Rheoli Risg Defnyddir y term Rheoli Risg yn y polisi hwn i gyfeirio at bob elfen sydd ynghlwm â’r broses o reoli risg allai, ac a ddylai, gynnwys llawer mwy nag asesiadau risg ar bapur yn unig. Ble fo’r elfennau hyn i gyd yn cael eu cefnogi’n ddigonol, bydd yn bosibl datblygu systemau rheoli risg cryfach a mwy deallus.

Darparu ar gyfer risg a her mewn darpariaeth chwaraeMae Cymdeithas Chwarae Cymuned Trefartin yn cydnabod bod plentyndod yn llawn profiadau newydd fydd, o reidrwydd, yn cynnwys rhyw elfen o risg neu fentro, boed yn gorfforol neu’n emosiynol. Mae plentyndod yn broses


barhaus o brofi a methu gyda’r posibilrwydd o lwyddo, ond yn ogystal â damweiniau anochel. Fyddai plant fyth yn dysgu sut i gerdded, dringo grisiau na mynd ar gefn beic oni bai eu bod wedi eu symbylu’n gryf i ymateb i heriau sy’n cynnwys perygl o anafiadau.

Mae gennym ddyletswydd gofal i geisio amddiffyn unigolion sy’n defnyddio ein gwasanaethau a’n cyfleusterau rhag effeithiau niweidiol, tymor hir posibl wynebu niwed corfforol ac emosiynol difrifol ac afresymol. Fodd bynnag, wrth wneud hyn ddylen ni ddim ei anwybyddu, neu ei geisio ar draul, galluogi plant i gyfranogi’n weithredol yn eu datblygiad personol eu hunain o iechyd, lles a gwytnwch, o ganlyniad i gymryd rhan mewn sefyllfaoedd â chanlyniadau ansicr.

Asesu Risg-BuddCaiff penderfyniadau ynghylch yr hyn sy’n rhesymol a’r dymuniad i blant ddelio â pheryglon, eu llunio gan ddefnyddio agwedd risg-budd. Mae’r broses yma’n cynnwys ystyried y buddiannau posibl a gyflwynir gan gyfle ynghyd ag unrhyw ganlyniadau negyddol posibl, ac yna llunio barn os yw’r posibilrwydd o anaf yn gymesur â’r buddiannau. Hynny yw, a yw’r buddiannau posibl yn cyfiawnhau caniatáu i berygl anaf sefyll?

At ddibenion asesiadau risg-budd, gall buddiannau fod yn rhai corfforol, emosiynol, cymdeithasol neu amgylcheddol (ac maent yn debyg o fod yn gyfuniad o’r rhain i gyd). Gellir dynodi risg anaf trwy ystyried tebygolrwydd unrhyw anaf posibl yn digwydd ynghyd â difrifoldeb posibl yr anaf hwnnw.

Camau Rheoli RhesymolYn ystod y broses risg-budd mae’n bosibl y bydd angen dynodi camau rheoli er mwyn lleihau’r perygl o anafiadau i lefel derbyniol. Fodd bynnag, bydd y camau rheoli, y gellid

disgwyl yn rhesymol iddynt gael eu gweithredu, yn dibynnu ar yr adnoddau sydd ar gael. Bydd rhaid cyfiawnhau cost unrhyw gamau rheoli posibl trwy sicrhau eu bod yn gymesur â’r perygl anaf cysylltiedig.

Cyn cyflwyno unrhyw gamau rheoli, dylid ystyried hefyd unrhyw effeithiau negyddol posibl allai godi’n sgîl gwneud ymyrraeth o’r fath. Er enghraifft, mae’n bwysig na chaiff angen plant i ddefnyddio eu hamgylchedd mewn ffyrdd newydd ac annisgwyl eu cyfyngu mewn ymgais i ddarparu amddiffyniad llwyr rhag anafiadau.

Gwiriadau Safle ac Archwiliadau TechnegolAr safleoedd chwarae heb eu staffio, gellir cynnal gwiriadau ysbeidiol er mwyn dynodi a rheoli peryglon. Fodd bynnag, bydd amlder y gwiriadau hyn yn dibynnu ar yr hyn y gellir, yn rhesymol, ei gyflawni o ystyried yr adnoddau sydd ar gael, y math o gyfleuster a’i leoliad.


Math o wiriad Amlder Nodiadau

Archwiliad Technegol Blynyddol Blynyddol I’w gynnal gan arolygydd Cofrestr Rhyngwladol Arolygwyr Chwarae (RPii)

Asesiad risg-budd llawn ar bapur Bob chwe mis

Archwiliad cyffredin Wythnosol Gwirio pob darn o offer, gwirio’r ardal o amgylch y safle, gwirio pob elfen naturiol, cofnodi unrhyw faterion sy’n codi a’u cynnwys yn yr asesiad risg-budd bob chwe mis

Archwiliad cyffredin Dyddiol Gwiriad gweledol o ddarnau offer, casglu sbwriel

Cynnal a chadw cyffredin Wythnosol Casglu sbwriel, cribinio’r tywod, chwilio am wrthrychau peryglus

Torri glaswellt Pob mis yn ystod y tymor tyfu Gadael ardaloedd ger y coed i dyfu’n wyllt

Crynodeb

• Mae gwerth cynhenid i blant o brofi ansicrwydd a her personol trwy eu chwarae.

• Mae angen i blant deimlo’n rhydd i brofi risg a her o’u dewis eu hunain. Fydd dim ond modd iddyn nhw wneud hyn os y byddwn yn caniatáu rhyw elfen o ansicrwydd i aros.

• Mae’r ddarpariaeth chwarae y byddwn yn ei greu’n anelu i gefnogi plant i brofi lefelau rhesymol o risg drostynt eu hunain.

• Mae angen taro cydbwysedd rhwng sicrhau lefelau priodol o amddiffyn, a gwarchod lefelau rhesymol o ansicrwydd.

• Rydym yn anelu i reoli risg fel bod, pryd bynnag y bo’n rhesymol bosibl, y risg o anaf y bydd plant yn ei wynebu’n gymesur â’r buddiannau posibl sy’n gysylltiedig â’r sefyllfa.

• Bydd camau rheoli’n rhesymol ac yn realistig, tra’n sicrhau y caiff risgiau diangen eu lleihau.

• Mae rheoli risg yn ymgorffori nifer o wahanol elfennau sy’n gweithio gyda’i gilydd i lunio cylchdro parhaus, fydd yn gwella ein arfer.

• Mae plant yn gwbl abl i reoli rhywfaint o risg drostynt eu hunain a bydd eu gallu’n datblygu wrth i’w profiad gynyddu.

Mae’r tabl isod yn nodi amlder cytûn ar gyfer cynnal archwiliadau cyffredin a thechnegol.

Cymorth

Adran 12 Offeryn asesu risg-budd

Mae’r Play Safety Forum wedi lansio offeryn ymarferol newydd sy’n mynd i’r afael â’r diwylliant gwlân cotwm ac sy’n dadlau achos cadarnhaol o blaid risg ac antur fel cynhwysion allweddol o chwarae plant. Cefnogir y fenter gan Yr Awdurdod Gweithredol Iechyd a Diogelwch (HSE) a Llywodraeth y DU.

Mae Ffurflen Asesu Risg-Budd y Play Safety Forum yn offeryn rhwydd i’w ddefnyddio sy’n cynorthwyo darparwyr chwarae i gydbwyso buddiannau unrhyw weithgaredd gydag unrhyw risgiau cynhenid, gan ystyried y risgiau tra’n cydnabod buddiannau profiadau chwarae heriol i blant a phobl ifanc.

Mae’r ffurflen hon wedi ei chynllunio i gefnogi agwedd gytbwys tuag at reoli risg gan ddefnyddio’r broses o asesu risg-budd (ARB).

Caiff ei hanelu at y bobl hynny sydd â rôl wrth ddarparu cyfleoedd chwarae mewn amrywiol gyd- destunau, yn cynnwys ardaloedd chwarae, parciau cyhoeddus, llecynnau gwyrddion, lleoliadau gofal plant y tu allan i oriau ysgol, lleoliadau gwaith chwarae, ysgolion a gwasanaethau blynyddoedd cynnar.

Mae’n ehangu ar y ddogfen ganllaw Rheoli Risg mewn Darpariaeth Chwarae: Canllaw Gweithredu (2il argraffiad), a gyhoeddwyd yn 2013 gan y Play Safety Forum gyda Chwarae Cymru, Play England, Play Scotland a PlayBoard Northern Ireland.

Dylai’r rheini sy’n defnyddio’r ffurflen hon ganolbwyntio ar y risgiau sylweddol y bydd y ddarpariaeth chwarae’n eu cyflwyno. Mae’r Awdurdod Gweithredol Iechyd a Diogelwch (HSE) yn diffinio risgiau sylweddol fel risgiau sy’n waeth na’r rhai a wynebir fel rhan o fywyd bob dydd ac “allai, o bosibl, olygu risg gwirioneddol i iechyd a diogelwch, y byddai unrhyw berson rhesymol yn sylwi arno ac yn cymryd camau i warchod yn ei erbyn.”



Adran 13 Yswiriant

Adran 14 Arwyddion

Hyd yn oed pan fydd prosesau rheoli risg gwych yn eu lle, weithiau fe all ac fe fydd damweiniau’n digwydd. Os y digwydd damwain a’n bod mewn sefyllfa ble fo rhaid talu iawndal, bydd yswiriant digonol yn hanfodol.

Arweiniad

Arweiniad

Bydd dewis pa gwmni fydd yn darparu yswiriant yn benderfyniad lleol iawn ac efallai bod gennym eisoes berthynas dda â chwmni yswiriant neu efallai y bydd yr yswiriant ar gyfer y safle’n rhan o bolisi cyffredinol sy’n cwmpasu cyfleusterau eraill o fewn y gymuned.

Mae’n bwysig rhannu’r polisi rheoli risg â’r cwmni yswiriant er mwyn sicrhau eu bod yn gwbl ymwybodol o’r mesurau a roddwyd yn eu lle i reoli risg.

Oherwydd yr holl ddewis sydd ar gael, efallai y byddai’n ddefnyddiol siarad â grwpiau eraill sy’n rheoli ardaloedd chwarae er mwyn dysgu am eu profiadau hwy â gwahanol gwmnïau. Gall y Swyddog Chwarae Sirol ddarparu manylion cyswllt ar gyfer grwpiau eraill os oes angen. (Gweler Cysylltiadau defnyddiol ar dudalen 35).

Herio’r mythOs y byddwn yn prynu ein hoffer oddi wrth wneuthurwr offer chwarae, fydd dim angen inni gynnal asesiad risg-buddMae asesiad risg-budd yn rhan allweddol o broses rheoli risg parhaus a bydd angen ei chynnal ar gyfnodau rheolaidd. Bydd angen asesu risg cyflwr unrhyw ddarnau o offer sefydlog yn ogystal â mynedfeydd a nodweddion naturiol a geir ar y safle.

Herio’r mythMae graffiti yn arwydd o fandaliaethMae graffiti yn arwydd o berchenogaeth safle ac mae’n rhan o ddiwylliant pobl ifainc yn eu harddegau. Bydd ardaloedd chwarae ar olwynion yn arbennig yn destun graffiti, yn ogystal ag offer chwarae arall os y bydd pobl ifainc yn ei ddefnyddio. Dylid derbyn hyn fel arwydd o fan chwarae llwyddiannus. ’Dyw waliau graffiti ddim yn dueddol o weithio yn y tymor hir, oherwydd bydd pobl ifainc am ‘tagio’ eitemau sy’n bwysig iddyn nhw (er enghraifft siglenni, rampiau, llochesi), yn hytrach na wal lonydd.

Ceir gofyniad cyfreithiol, dan Ddeddf Atebolrwydd Meddianwyr Eiddo 1957, 1984 i sicrhau bod arwyddion cywir a digonol yn cael eu gosod mewn mannau chwarae.

Gall arwyddion chwarae rhan bwysig wrth ddarparu gwybodaeth i ddefnyddwyr at ddibenion adrodd am ddamweiniau a difrod.

Cynnwys ArwyddionDylai arwyddion man chwarae gynnwys:• Enw’r cwmni / y person sy’n rhedeg y safle • Manylion cyswllt ar gyfer adrodd am unrhyw ddifrod neu

ddamweiniau. Ble fo gan yr awdurdod swyddfa barhaol, dylai hyn gynnwys y rhif ffôn. Efallai na fydd cynnwys rhif ffôn yn briodol ble fo clerc yn gweithio o gartref

• Lleoliad y ciosg ffôn agosaf ar gyfer cysylltu â’r Gwasanaethau Brys (Ddim yn hanfodol)

• Argymhellir yn gryf y dylid cynnwys arwyddion pictogram “Dim Cŵn”

• Ble fo gwifrau trydan uwchben y safle, argymhellir gosod arwyddion “Dim Hedfan Barcutiaid”

• Ble fo ardal chwarae ger ffordd, dylid ystyried defnyddio Arwyddion Ffyrdd i rybuddio gyrwyr ynghylch presenoldeb maes chwarae (dylid cysylltu â’r Adran Priffyrdd lleol i ddarparu’r rhain)

Dylai arwyddion hefyd fod yn groesawus a phlant-gyfeillgar. Os yn bosibl, dylid gweithio â phlant lleol i ddylunio arwyddion sy’n adlewyrchu’r gymuned a’r plant sy’n byw yno. Sylwer bod llawer o gyllidwyr yn falch iawn i’w logos ymddangos ar arwyddion, fel cydnabyddiaeth.


Efallai ein bod wedi dod i drefniant gyda’r Cyngor Cymuned neu’r Awdurdod Lleol ynghylch cynnal a chadw ac archwiliadau. Os yw hyn yn wir, dylid cyfeirio at Adran 4 – Llunio Partneriaethau, ble y ceir templed ar gyfer Memorandwm Cyd-ddealltwriaeth y gellir ei addasu i weddu i’n anghenion.

Archwiliadau ar ôl Gosod Offer – Fel arfer bydd y rhain yn amod ar gytundeb y cyflenwr / gosodwr er mwyn sicrhau bod y man chwarae’n addas at ddefnydd cyn trosglwyddo’r safle. Byddant yn sicrhau bod yr holl offer wedi ei osod yn gywir ac yn cynnig argymhellion ynghylch cydymffurfio â safonau. Fel gydag archwiliadau blynyddol, bydd angen i’r rhain gael eu cynnal gan arolygwr meysydd chwarae annibynnol proffesiynol gymwys.

Archwiliadau Blynyddol – Er nad yw’n orfodol i gynnal archwiliad blynyddol o’r man chwarae, mae HSE a RoSPA’n eu argymell yn gryf. Mae’n bosibl y bydd hefyd yn ofyniad gan y cwmni yswiriant ac mae’n bosibl y byddai’n peryglu ein sefyllfa mewn achos hawliad iawndal yn dilyn damwain.

Dylid trefnu archwiliad blynyddol trwy arolygwr meysydd chwarae annibynnol proffesiynol gymwys. Mae’r Cofrestr Rhyngwladol Arolygwyr Chwarae (RPii) yn cynnal rhestr o arolygwyr cymwysedig – www.playinspectors.com

Gall RoSPA hefyd gynnig cyngor ar archwiliadau ac efallai y gallant arbed arian inni trwy drefnu ‘archwiliad mewn trefn’, fyddai ar adeg penodol o’r flwyddyn pan fydd eu arolygwyr yn gweithio’n yr ardal leol.

Archwiliadau Cyffredin (Gweithredol) – Dylai’r rhain ddigwydd bob tri mis, a’r bwriad yw y byddant yn sicrhau ein bod yn gwirio materion a godwyd gan yr archwiliad blynyddol. Mae’n synhwyrol i ddefnyddio adroddiad yr archwiliad blynyddol fel canllaw ar gyfer sut i gynnal archwiliadau gweithredol. Bydd yn cynnwys gwiriad trylwyr o unrhyw gydrannau mecanyddol, olion rhydu / pydru a phrofi’r offer i gyd.

Mae hyfforddiant ar gael ar y modd cywir i gynnal archwiliadau cyffredin. Am fwy o gyngor, cysyllter â’r Swyddog Chwarae Sirol neu RoSPA. (Gweler Cysylltiadau defnyddiol ar dudalen 35.)

Gwiriadau Cynnal a Chadw Dyddiol / Wythnosol – Mae’r rhain yn wiriadau dyddiol neu wythnosol rheolaidd, ddylai fod yn rhwydd a chyflym i’w cyflawni. Chwilio am arwyddion o gamddefnydd bwriadol, fandaliaeth a chasglu sbwriel neu unrhyw eitemau peryglus. Bydd pa mor aml y cyflawnir y rhain yn dibynnu ar lefel y defnydd o’r safle. Ar y dudalen nesaf ceir taflen y gellir ei defnyddio i gofnodi

Mae’r adran yma’n edrych ar pa gyfrifoldeb fydd angen inni ei dderbyn am y man chwarae o ran cynnal a chadw ac archwilio parhaus. Os y byddwn yn rheoli hyn ein hunain bydd angen inni ddeall y prosesau dan sylw.

Adran 15 Cynnal a chadw ac archwilio

Arweiniad/Cymorth

gwiriadau rheolaidd. Mae’n syniad call i fod â rhaglen o archwiliadau cyffredin gaiff eu cyflawni gan y mudiad neu gaiff eu rhoi allan i gontractwr.

Ystyriaethau Cynnal a Chadw – Bydd angen rhaglen reolaidd o gynnal a chadw ar gyfer y man chwarae. Bydd y modd y caiff hyn ei drefnu’n dibynnu ar y sefyllfa leol. Isod ceir rhai ffactorau y dylid eu hystyried yng nghyd-destun cynnal a chadw.

• Allwn ni ddynodi mudiad lleol allai dderbyn cyfrifoldeb am gynnal a chadw?

• Pa gynnal a chadw cyffredinol fydd ei angen? Gall trigolion y gymuned leol gasglu sbwriel, torri gwair a chwblhau atgyweirio cyffredinol.

• Pa waith cynnal a chadw arbenigol fydd ei angen? Byddai’n well gadael y gwaith o osod darnau newydd ar offer chwarae i’r arbenigwyr.

• Faint fydd y cynlluniau cynnal a chadw’n ei gostio? Unwaith i’r gyllideb gael ei phennu, bydd angen inni ystyried hyn wrth drefnu ein gweithgareddau codi arian.

Herio’r myth Ni ddylid croesawu oedolion eraill mewn mannau chwaraeMae mannau chwarae’n fannau cymunedol ac fe ddylid eu rhannu. Yn ogystal, efallai y byddai gardd gymunedol ‘chwaraeadwy’, er enghraifft, yn cynyddu’r cyfleoedd ar gyfer ariannu amgen. Gall Rhieni / Gofalwyr / Neiniau a Theidiau elwa o gael man cymdeithasol gaiff ei rannu, ble y gallant gwrdd ag oedolion eraill a ble y gall y plant chwarae. Bydd man chwarae cymunedol gaiff ei rannu â phresenoldeb oedolion eraill yn well am ateb anghenion chwarae plant gan y bydd pobl wrth law i gynnig cymorth os y caiff rhywun ei anafu neu os yw bwlio neu ymddygiad gwrth-gymdeithasol yn broblem.


GWIRIADAU MAN CHWARAE CYFFREDIN

Enw’r Man Chwarae: Amlder Gwiriadau (Dyddiol / Wythnosol):

Dyddiad Problemau / Beth gafodd ei wneud Sgôr (Gweler yr Allwedd)

Enw / Llofnod Camau gweithredu ar gyfer y dyfodol

E.e. Wedi casglu sbwriel, wedi gwaredu gwydr wedi torri, wedi gwirio sedd siglen wedi ei difrodi

E.e. 4 E.e. Argymell cynnal gwiriadau dyddiol dros yr haf. Ychwanegu’r sedd siglen wedi ei difrodi i’r rhestr wirio archwiliadau cyffredin

Allwedd (Sgorio) Dylid pennu rhif rhwng 1-5 i gynrychioli’r lefel difrod / gwaith cynnal a chadw sydd ei angen ar bob ymweliad.

1 = dim neu fawr ddim sbwriel, dim difrod 2 = rhywfaint o sbwriel, arwyddion traul a defnydd rheolaidd 3 = sbwriel cymedrol, gwaredu rhywfaint o wrthrychau peryglus 4 = sbwriel a / neu ddifrod sylweddol 5 = arwyddion o ddefnydd sylweddol iawn, llawer o sbwriel, gwrthrychau peryglus i’w gwaredu, angen gwaith cynnal a

chadw rheolaidd sylweddolSYLWER – Fel canllaw, os y bydd y safle, fel arfer, yn sgorio 1 neu 2 efallai y bydd gwiriadau wythnosol yn ddigonol, os yw’n sgorio 4 neu 5, efallai y bydd angen gwiriadau dyddiol. Gallwn ddefnyddio’r daflen yma i fonitro lefel y gwaith cynnal a chadw sydd ei angen yn ogystal â newidiadau tymhorol.


Mae’r adran yma’n edrych ar y safonau a’r arweiniad sy’n bodoli’n lleol a chenedlaethol ynghylch pa fannau ddylai fod ar gael ar gyfer chwarae mewn cymuned, tref neu bentref penodol, yn erbyn ffactorau demograffig fel poblogaeth, nifer o gartrefi a maint yr ardal. Bwriedir iddo helpu i lywio trwy rhywfaint o’r jargon a ddefnyddir mewn cynllunio.

Adran 16 Polisi ac arweiniad cynllunio

Arweiniad

Polisi Cynllunio Cymru (2002)Mae Polisi Cynllunio Cymru (2002) yn amlinellu polisi Llywodraeth Cymru ar gynlluniau datblygu ym mhob ardal Awdurdod Lleol. Ers 2005 mae gofyn i Awdurdodau Lleol ddatblygu Cynlluniau Datblygu Lleol (CDLl). Bwriedir i gynlluniau datblygu ddarparu sail ar gyfer llunio penderfyniadau rhesymegol a chyson ar geisiadau ac apeliadau cynllunio. Mae’r system CDLl yn anelu i leihau’r amser a dreulir ar baratoi cynlluniau, trwy ymgysylltu â grwpiau buddiant perthnasol yn gynnar yn y broses a sicrhau eu bod yn parhau i fod yn rhan o’r datblygiad trwy gydol y broses.

FIT (Fields in Trust) Cymru Planning and Design for Outdoor Sport and Play (2008)Mae Fields in Trust (FIT), y Gymdeithas Caeau Chwarae Cenedlaethol (NPFA) gynt, yn darparu cyngor ac arweiniad ynghylch cynllunio a pholisi cynllunio sy’n effeithio ar ofod ar gyfer chwarae a hamddena yn yr awyr agored. Defnyddiwyd eu ‘Safon 6-Erw’ fel meincnod ar gyfer cynllunio mannau chwarae a hamddena ers y 1930au.

Planning and Design for Outdoor Sport and Play yw’r fersiwn ddiweddaraf o’u canllawiau sy’n berthnasol i’r DU gyfan; ceir atodiad penodol sy’n berthnasol i’r cyd-destun polisi sydd ychydig yn wahanol yma yng Nghymru.

Mae’r Safon 6-Erw yn awgrymu y dylid cael 2.4 hectar (6 erw) ar gyfer chwaraeon a chwarae awyr agored i bob 1,000 o drigolion, fel a ganlyn:

• 1.6 hectar (4 erw) ar gyfer gofod chwaraeon a hamddena awyr agored (yn cynnwys parciau)

• 0.8 hectar (2 erw) ar gyfer chwarae plant, gydag oddeutu 0.25 hectar o hyn ar gyfer meysydd chwarae ag offer

Mae hefyd yn dosbarthu mannau chwarae i’r mathau canlynol:

LAP’s – Ardaloedd Lleol ar gyfer Chwarae LEAP’s – Ardaloedd Lleol ag Offer ar gyfer Chwarae NEAP’s – Ardaloedd Cymdogaethau ag Offer ar gyfer

Chwarae

Cytundebau Adran 106Mae Adran 106 o’r Ddeddf Cynllunio Gwlad a Thref yn galluogi i ddatblygwr a’r awdurdod cynllunio lleol gytuno ar rwymedigaeth gynllunio. Yn aml iawn bydd darparu maes chwarae ar safleoedd sydd wedi eu clustnodi ar gyfer datblygu tai newydd yn rwymedigaeth gynllunio o’r fath. Mae hyn yn cynnig cyfle i ariannu fod ar gael ar gyfer datblygu mannau chwarae ble fo ardaloedd preswyl newydd yn cael eu hadeiladu.

Nodyn Cyngor Technegol 16 (TAN 16)Asesiadau Mannau AgoredFel nodwyd uchod, Polisi Cynllunio Cymru sy’n darparu’r fframwaith polisi strategol ar gyfer Cynlluniau Datblygu Lleol. Yna caiff hwn ei gefnogi gan 20 nodyn cyngor technegol (TAN) pynciol.

Dywed TAN 16: Chwaraeon, Hamdden a Mannau Agored:

“ Er bod mannau chwarae ffurfiol sy’n cynnwys cyfarpar yn darparu cyfleoedd, yn enwedig i blant ifanc o fewn cymunedau, nid dyna’r unig ffurf o ddarpariaeth y dylid ei chynnig. Gall lleiniau ar gyfer chwarae ar olwynion, gemau pêl, ‘gofodau chwaraeadwy’, coetir cymunedol a mannau anffurfiol ar gyfer ‘chwarae amgylcheddol’, i gyd ddarparu cyfleoedd i blant ryngweithio â’i gilydd, a manteisio ar y buddion cymdeithasol ac iechyd a lles a enillir trwy chwarae a chorfforol.”

Fel rhan o TAN 16, bydd gofyn i Awdurdodau gynnal ‘Asesiadau Mannau Agored’. Bydd yr asesiadau hyn yn cynnig cyfle i ddynodi faint o fannau agored a geir mewn ardal, yn ogystal â’u hansawdd. Y camau allweddol ar gyfer cynnal asesiadau mannau agored, fel a nodir yn gryno yn TAN 16 yw:• Dynodi anghenion lleol• Archwilio darpariaeth • Pennu safonau darparu • Cymhwyso safonau darparu • Drafftio polisïau cynllun datblygu

Yn ogystal, mae TAN 16 yn datgan efallai y bydd rhai Awdurdodau am ddewis defnyddio meincnod FIT Cymru (Safon 6-Erw) ond efallai y byddant hefyd am ddatblygu safonau sydd yn gweddu’n well i amgylchiadau lleol.


CYSYLLTIADAU DEFNYDDIOL

Cyswllt Cymorth Manylion

Gwasanaeth/Swyddog Chwarae Awdur-dod Lleol

Ariannu, rheoli risg, darpariaeth gwaith chwarae www.wlga.gov.uk/awdurdodau

Gwasanaeth Gwybodaeth Teuluoedd Cyfranogaeth, ariannu, gweithgareddau, gofalplant, gwybodaeth i deuluoedd

http://gov.wales/topics/people-and-communities/people/children-and-young-people/parenting-support-guidance/help/familyinformationservices/?lang=cy

Cyngor Gwirfoddol Sirol Ariannu, cymorth i fudiadau gwirfoddol www.wcva.org.uk/funding

Cynllunio a’r Amgylchedd Gwybodaeth am y broses gynllunio www.wlga.gov.uk/awdurdodau

Iechyd yr Amgylchedd Baeddu gan gŵn www.wlga.gov.uk/awdurdodau

RPii – Cofrestr Rhyngwladol Arolygwyr Chwarae

Canfod arolygwr meysydd chwarae www.playinspectors.com

RoSPA – Y Gymdeithas Frenhinol er Atal Damweiniau

Briffiadau, hyfforddiant a chyngor ar-lein www.rospa.com

Adran Parciau Gwybodaeth am barciau a mannau agored www.wlga.gov.uk/awdurdodau

Un Llais Cymru Cymorth a chynrychiolaeth ar gyfer cynghorau tref a chymuned

www.unllaiscymru.org.uk

Cyllid Cynaliadwy Cymru Cyngor ariannu www.wcva.org.uk/funding

Chwarae Cymru Cyngor dylunio, rheoli risg a gwybodaeth amgymdeithasau chwarae rhanbarthol

www.chwaraecymru.org.uk

CYFEIRIADAUChwarae a Hamdden Plant - Hyrwyddo agwedd gytbwys tuag at risg (Yr Awdurdod Gweithredol Iechyd a Diolgelwch, 2012)

Confensiwn y Cenhedloedd Unedig ar Hawliau’r Plentyn(www.unicef.org/crc)

Cynllun Busnes Cyfran Deg 2010-2012(Chwarae Cymru / Y Sefydliad Cymunedol yng Nghymru)

Design for Play: A guide to creating successful play spaces (Play England, 2008)

Fframwaith Rheoli Risg Conwy a Wrecsam: Polisi, Gorchwylion Arferol ac Asesiad Risg-Budd Dynamig (Grŵp Rheoli Risg Conwy a Wrecsam, 2010)

Ffurflen Asesu Risg-Budd (Play Safety Forum, 2014)

Managing Risk in Play Provision: Implementation guide (Play England, 2008)

Rheoli Risg mewn Darpariaeth Chwarae: Canllaw Gweithredu (Play Safety Forum, 2013)

Planning and Design for Outdoor Sport and Play(FIT Cymru, 2008)

Play Area Surfacing (RoSPA, 2004)

Signs for Play Areas (RoSPA, 2004)

Cymru: Gwlad sy’n Creu Cyfle i Chwarae (Llywodraeth Cymru, 2014)

DIOLCHIADAU

Wrth ddatblygu’r Pecyn Cymorth CymunedolDatblygu a Rheoli Mannau Chwarae hoffemddiolch a chydnabod cefnogaeth barhaus YSefydliad Cymunedol yng Nghymru a PhanelCyfran Deg Ynys Môn.

LLUNIAUHanwell Playscape, Gorllewin LlundainCanolfan Tu Fewn Tu Allan, Bae ColwynArdal Chwarae Maes Martin, Llanfechell, Ynys MônParc Chwarae y Frenhines Elizabeth yr Ail, Clos Thomas,Biwmares, Ynys MônDarpariaeth Diwrnod Chwarae Cenedlaethol a Chwarae yn y Parc, Datblygu Chwarae Conwy

Datblygu a rheoli mannau chwarae

Documents