Page 1
Beynəlxalq münasibətlər idarəsi 1
Vergi boşluqlarının qiymətləndirilməsi və vergi ödəyicilərinin aqressiv vergi
planlaşdırmalarının qarşısının alınması üzrə beynəlxalq təcrübə barədə
İcmal
Mündəricat
Giriş..................................................................................................................2
Vergi boşluğu anlayışı və onun qiymətləndirilməsi yolları.............................3
Birləşmiş Krallığın təcrübəsi.................................................................4
Bolqarıstanın təcrübəsi..........................................................................7
İsveçin təcrübəsi....................................................................................9
Danimarkanın təcrübəsi.......................................................................10
Estoniyanın təcrübəsi...........................................................................12
Aqressiv vergi planlaşdırması və onun qarşısının alınması yolları...............13
Məqsədli, əhatəli və vaxtında əldə edilən məlumatların zəruriliyi.....14
Açıqlanma təşəbbüsünün xüsusiyyətləri.............................................15
Nəticə və təkliflər..........................................................................................23
İstifadə edilmiş mənbələr..............................................................................24
Page 2
Beynəlxalq münasibətlər idarəsi 2
Giriş
Müasir dövrdə inkşaf etmiş, eləcə də inkişaf etməkdə olan ölkələrin vergi
administrasiyaları tərəfindən tətbiq edilən layihələrdən biri də vergi boşluqlarının
(tax gap) hesablanması mexanizmləri və qarşısının alınması yollarıdır. Bütün
ölkələrdə vergi qanunvericiliyinə əməl etməyən və vergidən yayınma məqsədilə
gəliri gizlədən vergi ödəyiciləri mövcuddur. Eləcə də, vergi qanunvericiliyinə tam
bələd olmayan vergi ödəyiciləri tərəfindən də məlumatsızlıq ucbatından vergi
öhdəliklərinə əməl etməmə hallarına rast gəlinir. Nəticədə vergi ödəyiciləri
tərəfindən ödənilən verginin məbləği ilə ödənilməli olan verginin məbləği arasında
fərq yaranır. Bu fərq vergi boşluqlarının yaranmasının əsas səbəbidir. Vergi
boşluqlarının təhlili fərdi gəlirlərin müxtəlif vergi sistemlərindən kənarda qalması
riskinin qarşısının alınması üçün çox vacibdir və vergi administasiyalarına vergi
yığımlarının artırılması üçün daxili resurslardan səmərəli istifadə edilməsinə imkan
verir.
Aqressiv vergi planlaşdırması vergi ödəyicilərinin qanunvericilikdəki güzəşt
və imtiyazlardan, eləcə də boşluqlardan və ziddiyyətli məqamlardan istifadə
etməklə vergi öhdəliklərini azaltmağa sövq edir. Hazırda İqtisadi Əməkdaşlıq və
İnkişaf Təşkilatı (OECD) tərəfindən vergi ödəyicilərinin aqressiv vergi
planlaşdırmalarının qarşısının alınması üçün həyata keçirilən tədbirlərin
intensivləşdirilməsi tendensiyası müşahidə edilməkdədir. Cari ilin fevral ayında
OECD-nin Fiskal Məsələlər Komitəsi (CFA) tərəfindən “Şəffaflıq və açıqlama
vasitəsilə aqressiv vergi planlaşdırmasının qarşısının alınması” mövzusunda
hesabat dərc edilmişdir. Hesabat OECD üzvü olan ölkələrin vergi
administrasiyaları tərəfindən qeyd olunan sahədə həyata keçirilən tədbirlər barədə
məlumatları əhatə edir.
Bu icmalda vergi boşluqlarının qiymətləndirilməsi və vergi ödəyicilərinin
aqressiv vergi planlaşdırmalarının qarşısının alınması üzrə beynəlxalq təcrübə
barədə ətraflı məlumat verilir.
Page 3
Beynəlxalq münasibətlər idarəsi 3
Vergi boşluğu anlayışı və onun qiymətləndirilməsi yolları
Vergi boşluğu son dövrlərdə əhəmiyyəti artan və bəzən vergi ödəyicilərinin
lazımi diqqət yetirmədiyi bir problemdir.
Vergi boşluğu anlayışına fərqli yanaşmalar mövcud olsa da, ümumilikdə
qeyd edilməlidir ki, vergi boşluğu il ərzində ödənilməli olan vergi məbləği ilə
könüllü şəkildə vaxtında ödənilən aktual vergi məbləği arasındakı fərqdir.
Vergi boşluğunun yaranmasının əsas səbəbi kimi aşağıdakı faktorları qeyd
etmək olar:
Gəlirin məbləğinin az göstərilməsi – vergi boşluqlarının 80%-i vergi
ödəyiciləri tərəfindən gəlirin məbləğinin azaldılması və ya xərclərin
məbləğinin çox göstərilməsi səbəbindən yaranır;
Vergilərin az miqdarda ödənilməsi;
Vergi bəyannamələrinin təqdim edilməməsi;
Vergi ödəyiciləri tərəfindən vergi qanunvericiliyinin düzgün
anlaşılmaması;
Ölkədə mövcud olan “kölgə iqtisadiyyatı”nın həcmi – “kölgə
iqtisadiyyatı”nın həcmi nə qədər yüksək olarsa, vergi boşluğunun
miqdarı da o qədər yuxarı olar. “Kölgə iqtisadiyyatı”nın yaranmasına
əsasən yüksək vergi yükü, qarışıq və çətin anlaşılan vergi
qanunvericiliyi, qeyri-effektiv vergi inzibatçılığı və cəmiyyətin tarixi
ənənələri təsir göstərir;
Vergi inzibatçılığında olan boşluqlar və vergi administrasiyasının
qeyri-effektiv fəaliyyəti.
Ümumiyyətlə, vergi boşluqlarının dəqiq hesablanması potensial vergi
bazasının və vergi ödəyicisinin əməletmə səviyyəsinin dəqiq ölçülməsi real
olmadığından mümkün deyildir.
Page 4
Beynəlxalq münasibətlər idarəsi 4
Vergi boşluqlarının hesablanması vergitutma sahəsində nisbətən yeni və
sınaqdan keçməmiş bir sahə olduğundan, onların hesablanması üçün bir çox
metodologiyalar mövcuddur. Bu səbəbdən də, vergi boşluqlarının hesablanması
dövri olaraq dəyişikliklərə məruz qalır və müxtəlif ölkələrin vergi
administrasiyaları tərəfindən fərqli qaydada aparılır. Bir sıra ölkələrin bu sahədə
təcrübələrinə nəzər salaq.
Birləşmiş Krallıq
Birləşmiş Krallıqda vergi boşluğu dedikdə il ərzində Əlahəzrət Gəlirlər və
Gömrük İdarəsi (HMRC) tərəfindən yığılan vergi məbləği ilə həmin dövrdə
yığılmalı olan və ya yığılması planlaşdırılan vergi məbləği arasındakı fərq nəzərdə
tutulur. Burada vergi boşluğunun yaranmasının əsas səbəbi vergi dələduzluğu,
vergilərin düzgün ödənilməməsi və vergi ödəyiciləri tərəfindən süni vergidən
yayınma sxemlərinin tətbiq edilməsidir.
Birləşmiş Krallıqda vergi boşluqlarının hesablanması birbaşa və dolayı
vergilər üçün fərqli qaydada aparılır. Dolayı vergilər üçün vergi boşluqları
“yuxarıdan aşağı” metodu (“top down” approach) tətbiq edilməklə hesablanır. Bu
o deməkdir ki, ümumi ödənilməli olan və ödənilməsi nəzərdə tutulan vergi
məbləğindən ödənilən faktiki vergi məbləği çıxılır. Ödənilməli olan verginin
məbləği Birləşmiş Krallığın Milli Statistika İdarəsinin (Office for National
Statistics - ONS) daxili istehlak və bizneslə bağlı məlumat bazalarındakı məlumat
əsasında hesablanır. Aşağıdakı cədvəldə 2002-2003-cü ildən 2008-2009-cu
illərədək ƏDV boşluğunun hesablanması ilə bağlı müvafiq rəqəmlər əks olunub.
Page 5
Beynəlxalq münasibətlər idarəsi 5
Cədvəl 1
2002-031
2003-04
2004-05
2005-06
2006-07
2007-08
2008-09
Nəzəri olaraq
hesablanmış ƏDV
öhdəliyi (milyard funt
sterlinq)
75.5
78.7
82.5
86.2
89.5
93.5
94.2
Faktiki ƏDV
daxilolmaları (milyard
funt sterlinq)
63.7
69.1
72.8
73
77.6
81.9
79.82
İtki (milyard funt
sterlinq)
11.9
9.5
9.8
13.3
11.9
11.5
14.4
ƏDV boşluğu (%-lə) 15.7 12.1 11.8 15.4 13.3 12.3 15.3
Beləliklə, cədvəldən də göründüyü kimi, ƏDV boşluğunun hesablanması
aşağıdakı qaydada həyata keçirilir:
ƏDV boşluğu = Nəzəri olaraq hesablanmış ƏDV öhdəliyi – Faktiki ƏDV daxilolması
Yuxarıda qeyd olunan metod birbaşa vergilərlə bağlı vergi boşluqlarının
hesablanması üçün istifadə edilmir, çünki sözügedən məlumat bazalarında gəlirlər
və əmanətlərlə bağlı kifayət qədər əhatəli məlumat olmadığından birbaşa vergilərlə
bağlı vergi öhdəliklərini hesablamaq mümkün olmur. Ona görə də, birbaşa
vergilərin komponentləri daxili məlumat bazalarından və əməl etməmə tiplərindən
asılı olaraq müxtəlif istehlakçı qruplar üçün ayrıca hesablanır.
1 Birləşmiş Krallıqda ƏDV boşluğunun hesablanması üçün ilk metodologiya 2002-ci ilin noyabrında dərc edilmiş və
ƏDV üzrə vergi boşluğunun müvafiq dövrlər üzrə hesablanmasına məhz həmin ildən başlanılmışdır.
2 2008-2009-cu illər üçün ƏDV daxilolmasının azalmasının səbəbi ƏDV dərəcəsinin 17.5%-dən 15%-ə endirilməsi
olmuşdur.
Page 6
Beynəlxalq münasibətlər idarəsi 6
Birbaşa vergilərlə bağlı vergi boşluğu əsasən “aşağıdan yuxarı” metodu
(“bottom-up” approach) tətbiq edilməklə hesablanır. Bu metod dolayı vergilərin
hesablanması üçün istifadə edilən metodla müqayisədə daha az əhatəlidir, çünki
birbaşa vergilərlə bağlı vergi boşluğu daha çox fəaliyyətin və gəlirin
gizlədilməsindən yaranır.
Birbaşa vergilərlə bağlı vergi boşluqlarının hesablanması üçün əsasən
aşağıdakı vasitələrdən istifadə edilir:
- Təsadüfi sorğular (Random enquiries) – təqdim edilən vergi
bəyannamələri arasından təsadüfi seçimlə bir neçəsi seçilir və vergi
əməkdaşları tərəfindən yoxlanılır. Yoxlamanın nəticəsində düzgün
təqdim edilməmiş və gəlirin gizlədildiyi bəyannamələrin nisbəti, eləcə də
əlavə ödənilməli olan verginin məbləği müəyyən olunur. Son nəticədə
gizlədilən gəlirlərdən ödənilməli olan ümumi vergi öhdəlikləri müəyyən
edilir və həmin məbləğdən ödənilən faktiki vergi məbləği çıxılmaqla
vergi boşluğu tapılır. Göstərilən metod nisbətən sadə olsa da, vergi
boşluğunun məbləğini tam dəqiq müəyyən edə bilmir. Bu metod, əsasən
kiçik və orta müəssisələrlə bağlı vergi boşluqlarının hesablanması üçün
istifadə edilir;
- Risk qeydiyyatı (Risk registers) – daha çox iri müəssisələrin mənfəət
vergisi boşluqlarının hesablanması üçün istifadə edilir. İri müəssisələrin
bütün hesablarının və vergi bəyannamələrinin ekspertlər tərəfindən
yoxlanılması və qiymətləndirilməsi yolu ilə aparılır. Bu metodun iki
nəticəsi ola bilər: a) vergi orqanı iri biznes subyekti ilə razılığa gəlir və
bu halda vergi öhdəlikləri düzgün yerinə yetirilmiş hesab olunur, vergi
boşluğunun göstəricisi sıfra bərabər edilir, b) vergi orqanı tərəfindən iri
biznes subyektinin vergidən yayınması halı aşkarlanır və bu halda əlavə
hesablanmış məbləğ vergi boşluğuna aid edilir;
- Məlumatların uyğunluğunun yoxlanılması (Data matching) – fiziki
şəxslərin əlavə gəlirləri (əlavə iş yerindən, əmlak icarəsindən, əmlakın
Page 7
Beynəlxalq münasibətlər idarəsi 7
dəyərinin artımından əldə edilən gəlir) ilə bağlı vergi boşluqlarının
aşkarlanması metodudur. Bu metod, əsasən bəyannamə təqdim etməyən
və PAYE3 sistemi vasitəsilə ödəmə mənbəyindən vergi ödəyən fiziki
şəxslərin digər mənbələrdən əldə etdikləri gəlirlərlə bağlı üçüncü
tərəflərdən əldə edilən məlumatların uyğunluğunun yoxlanılmasıdır. Bu
zaman, üçüncü tərəflərdən əldə edilən məlumatlarla vergi orqanında artıq
mövcud olan məlumatlar yoxlanılır və əgər əlavə mənbələrdən gəlir əldə
edildiyi aşkarlanarsa, həmin gəlirlərdən hesablanmış vergi öhdəliyi vergi
boşluğunun məbləğinə aid edilir.
Bolqarıstan
Bolqarıstanda vergi boşluqlarının hesablanması və təhlili ilə Milli Gəlirlər
Agentliyinin Risklərin idarə edilməsi bölməsi məşğul olur. Burada vergi boşluğu
müəyyən dövr üçün nəzəri cəhətdən qiymətləndirilən vergi və sosial ödənişlər üzrə
daxilolmalarla könüllü şəkildə ödənilən vergi və sosial ödənişlər arasındakı fərq
kimi qəbul olunur.
Milli Gəlirlər Agentliyinin 2008-ci ildə qəbul etdiyi Risklərin idarə edilməsi
Strategiyası boşluqların təhlili prosedurunun formalaşdırılması üçün ilk addım
olmuşdur. Əsas məqsəd vergi və sosial ödənişlər üzrə boşluqlar barədə ümumi
məlumatların əldə edilməsi, eləcə də bu boşluqların aradan qaldırılması üçün
resursların düzgün bölüşdürülməsidir.
Bolqarıstanda iki cür vergi boşluğu anlayışı mövcuddur:
3 PAYE (Pay As You Earn, yəni Qazandıqca Ödə) - əmək haqqından və bank faizlərindən əldə edilən gəlirlərdən
ödəmə mənbəyində verginin tutulması sistemidir.
Page 8
Beynəlxalq münasibətlər idarəsi 8
Ümumi vergi boşluğu (gross tax gap) müəyyən dövr ərzində nəzəri
cəhətdən yığılmalı olan vergi məbləği ilə könüllü ödənilmiş vergi məbləği
arasındakı fərqdir.
Xalis vergi boşluğu (net tax gap) hesablanmış ümumi vergi boşluğu ilə
yoxlama zamanı qiymətləndirilən (audit yoxlamaları nəticəsində aşkar olunmuş və
sonradan yığılan əlavə vergi məbləği) vergi boşluğu arasındakı fərqdir.
Hesablanmış vergi boşluqları əsasında Risklərin idarə edilməsi bölməsi
tərəfindən aşağıdakı göstəricilər hesablanır:
Ümumi daxilolma boşluğu – büdcədən yayındırılan ümumi vergi
məbləğinin cəmi;
Vergi növləri üzrə daxilolmaların boşluğu – fiziki şəxslərin gəlir
vergisi, korporativ gəlir vergisi, əlavə dəyər vergisi və məcburi sosial
ödənişlər;
Daha çox boşluqların mövcud olduğu riskli sahələr;
Vergi və sosial ödənişlər üzrə boşluqların risk növlərinə görə məbləği
– qeydiyyatla bağlı risklər, bəyannamələrin doldurulması ilə bağlı
risklər, vergilərin ödənilməsi ilə bağlı risklər;
Risk növlərinə görə vergi və sosial ödənişlər üzrə boşluqların
yaranmasının səbəbi.
Milli Gəlirlər Agentliyi tərəfindən vergi boşluğu əsasən “aşağıdan yuxarı”
(“bottom-up”) metodu ilə hesablanır. Bu metod vasitəsilə daxilolma boşluğu
aşağıdakı iki məbləğin cəmi kimi götürülür:
Bəyan olunmamış vergi və sosial ayırmalardan formalaşan daxilolma
boşluğunun məbləği (vergi ödəyicisinin əslində bəyan etməli olduğu
ödəniləcək vergi məbləği ilə faktiki bəyan etdiyi ödəniləcək vergi
məbləği arasındakı fərq);
Bəyan olunmuş vergi və sosial ayırmaların ödənilməməsindən
formalaşan daxilolma boşluğu məbləği (vergi ödəyicisi tərəfindən
Page 9
Beynəlxalq münasibətlər idarəsi 9
bəyan edilən ödəniləcək vergi məbləği ilə faktiki ödənilən vergi
məbləği arasındakı fərq).
Vergi boşluqlarının hesablanması zamanı istifadə olunan əsas məlumat
bazaları aşağıdakılardır:
- Hüquqi şəxslərin mənfəət vergisi haqqında Qanun və Fiziki şəxslərin
gəlir vergisi haqqında Qanun əsasında təqdim edilən illik bəyannamələr;
- mühasibat balansları;
- ƏDV bəyannamələri;
- müvafiq dövrü əhatə edən audit yoxlamalarının nəticələrinə dair aktlar;
- vergi ödəyicilərinin qeydiyyat məlumatları;
- biznes subyektləri tərəfindən aparılan birbaşa araşdırmalar.
İsveç
İsveçdə vergi boşluğu anlayışı iki komponentdən ibarətdir:
Vergidən yayınma və ya vergi yığılmasında itkilər (Collection losses),
buraya bəyan edilən lakin ödənilməyən vergilər, eləcə də gəlirin
gizlədilməsi yolu ilə büdcədən yayındırılan vergilər daxildir;
Bəyannamə boşluğu (Declaration gap); buraya vergi ödəyiciləri
tərəfindən bəyannamələrin təqdim edilməsi zamanı məqsədli olmadan
yol verilən səhvlər nəticəsində ödənilməyən vergilər daxildir.
İsveçin Vergi Agentliyi tərəfindən vergi boşluğunun hesablanmasının iki
metodu mövcuddur:
Birbaşa metod
Sorğular - Vergi ödəyiciləri ilə yazışmalar/ sorğular
(poçtla göndərilən və müsahibə şəklində
aparılan)
Page 10
Beynəlxalq münasibətlər idarəsi 10
Təsadüfi auditlər Təsadüfən seçilən vergi ödəyicilərində
audit yoxlamaları aparmaqla onların əməl
etmə səviyyələrinin yoxlanılması
Dolayı metod
Xalis gəlir (disposable income)
metodu
Milli Hesablarda4 olan istehlak və
əmanətlər barədə məlumatlarla vergi
bəyannamələrindəki məlumatların
müqayisə edilməsi
Ümumi Daxili Məhsul (ÜDM)
metodu
Xərclər yanaşması ilə hesablanan ÜDM ilə
gəlirlər yanaşması ilə hesablanan ÜDM-
nin müqayisə edilməsi5
Maliyyə Hesablarındakı izah
olunmaz fərq
Maliyyə institutlarının hesabatlarında
əhatə olunmayan gəlirlər və istehlak
barədə məlumatlar əsasında hesablanan
əmanətlər. Bu, xaricdə gizlədilən
əmanətlər barədə məlumatın əldə edilməsi
üçün istifadə edilir.
ƏDV uyğunsuzluğu Milli Hesablar əsasında nəzəri olaraq
hesablanan ƏDV məbləği ilə təqdim
edilmiş ƏDV bəyannamələrində qeyd
olunan ƏDV məbləği arasındakı fərq
Valyuta metodu Nağd əməliyyatlara nəzarət
Danimarka
Danimarkada vergi boşluqlarının hesablanması vergi bazası əsasında
aparılır. Bu proses əsasən iki üsulla həyata keçirilir: 1) “Yuxarıdan aşağı” (“top
4 İsveçin Rəsmi Statistika Şurasının (Council for Official Statistics) dərc etdiyi rəsmi hesabatlardır
5 ÜDM-in hesablanmasına 3 yanaşma mövcuddur: 1) Məhsul yanaşması (product or output approach) – ölkə
ərazisində istehsal olunan bütün növ məhsulların, mal və xidmətlərin bazar dəyərinin cəmi, 2) Gəlir yanaşması
(income approach) – bütün istehsalçıların gəlirlərinin (məhsul satışından və xidmət göstərilməsindən) cəmi, 3) Xərc
yanaşması (expenditure approach) – məhsulların, mal və xidmətlərin alınmasına çəkilən xərclərin cəmi
Page 11
Beynəlxalq münasibətlər idarəsi 11
down”) metodu – bu zaman vergi ödəyiciləri tərəfindən təqdim edilən
bəyannamələrdə mövcud olan məlumatlarla vergi administrasiyasında olan statistik
məlumatlar yoxlanılır və mövcud olan çatışmazlıqlar vergi boşluğuna daxil edilir;
2) “Aşağıdan yuxarı” (“bottom-up”) metodu – bu zaman təsadüfi auditlər (random
audits) vasitəsilə biznes subyektləri yoxlanılır. Qeyd etmək lazımdır ki, təsadüfi
auditlər Danimarkada vergi boşluqlarının hesablanması üçün daha geniş yayılmış
metoddur. Təsadüfi auditlər elektron şəkildə xüsusi proqram təminatı vasitəsilə
aparılır.
Bununla yanaşı, Danimarkada vergi boşluğunun hesablanmasının iki nəzəri
aspekti mövcuddur:
Rəqəmsal vergi boşluğu (Numerical tax gap) vergi ödəyiciləri
tərəfindən vergi qanunvericiliyinə əməl edilməməsinin səviyyəsini
bütövlükdə əhatə edir, yəni vergi ödəyiciləri tərəfindən artıq və əskik
ödəmələrin cəmi vergi boşluğuna aid edilir;
Xalis vergi boşluğu (Net tax gap) artıq ödəmələrin məbləğinin əskik
ödəmələrin məbləğindən çıxılmasını və yerdə qalan məbləğin vergi
boşluğuna aid edilməsini nəzərdə tutur.
Danimarkada vergi boşluqları vergi ödəyiciləri tərəfindən bəyannamələrin
təqdim edilməsindən vergilərin ödənilməsinədək olan müddət ərzində hesablanır.
Vergi boşluqları bütün vergi növləri üzrə həm fiziki, həm də hüquqi şəxslər üçün
hesablanır.
Vergi boşluqları hesablanarkən vergi ödəyiciləri 3 əsas qrupa bölünür:
1) fərdi sahibkarlar, o cümlədən əmək haqqı və transfer qiymətlərindən gəlir əldə
edənlər, 2) biznes subyektləri, 3) sahibkarlıq fəaliyyəti ilə məşğul olan
qeydiyyatdan yayınan özmuzdlu şəxslər.
Page 12
Beynəlxalq münasibətlər idarəsi 12
Estoniya
Estoniyanın Vergi və Gömrük İdarəsi tərəfindən vergi boşluqları 2004-cü
ildən etibarən hesablanmağa başlanılmışdır. Burada vergi boşluğu anlayışı nəzəri
və faktiki vergi daxilolmaları arasındakı fərqi nəzərdə tutur. Estoniyada vergi
boşluğu əsasən gəlir vergisi, ƏDV, aksiz, sosial ödənişlər və gömrük rüsumları
üzrə hesablanır.
Vergi boşluqlarının hesablanması əsasən “yuxarıdan aşağı” (“top down”)
metodu ilə aparılır. Yalnız gəlir vergisi və sosial ödənişlər üzrə vergi boşluğu
“aşağıdan yuxarı” (“bottom up”) metodu əsasında hesablanır.
Vergi boşluqlarının hesablanması üçün əsas məlumat mənbələri
aşağıdakılardır:
- Vergi orqanında mövcud olan məlumatlar;
- Statistika Şurasının məlumatları;
- Özəl araşdırma şirkətlərinin məlumatları;
- Ali təhsil müəssisələrinin araşdırmaları.
2009-cu il üçün Estoniyada vergi növləri üzrə vergi boşluğunun ümumi
məbləği 480 milyon Avro olmuşdur ki, bunlardan:
- ƏDV üzrə vergi boşluğu – 227 mln. Avro
- Gəlir vergisi üzrə vergi boşluğu – 81 mln. Avro
- Aksiz vergisi üzrə vergi boşluğu – 75 mln. Avro
- Sosial ödənişlər üzrə vergi boşluğu – 95 mln. Avro
Page 13
Beynəlxalq münasibətlər idarəsi 13
Aqressiv vergi planlaşdırması və onun qarşısının alınması yolları
Məlum olduğu kimi, müasir dövrdə beynəlxalq vergitutmada vergidən
yayınmanın qanuni və qeyri-qanuni formaları mövcuddur. Əgər qeyri-qanuni yolla
vergidən yayınma (tax evasion) vergi qanunvericiliyinin pozulması hesab edilirsə,
qanuni yolla vergidən yayınma (tax avoidance) faktiki olaraq qanunvericilik
normalarını pozmadan, qanunvericiliklə müəyyən edilmiş güzəştlərdən, eləcə də
mövcud olan ziddiyyətli məqamlardan istifadə etməklə vergi öhdəliklərinin
azaldılmasıdır.
Aqressiv vergi planlaşdırılması məhz qanuni yolla vergidən yayınma
məqsədilə vergi ödəyiciləri tərəfindən müxtəlif sxemlərin tətbiqini nəzərdə tutur.
Aqressiv vergi planlaşdırılmasının məqsədi vergi ödənişlərinin minimum həddə
endirilməsidir. Lakin, bir çox hallarda qanunvericilikdəki güzəşt və imtiyazlardan
maksimum dərəcədə istifadə edilməsi yol verilən həddin aşılmasına və qanuni və
qeyri-qanuni fəaliyyət arasındakı sərhəddin aradan qaldırılmasına səbəb olur.
Həmçinin, aqressiv vergi planlaşdırması vergi sisteminə qarşı ictimaiyyətin
etimadını sarsıdır və vergi daxilolmalarının azalmasına səbəb olur. Buna görə də,
vergi ödəyiciləri tərəfindən aqressiv vergi planlaşdırmasının qarşısının alınması
vergi administrasiyaları üçün ən problemli məqamlardan biridir.
Son dövrlərdə İqtisadi Əməkdaşlıq və İnkişaf Təşkilatı (OECD) tərəfindən
aqressiv vergi planlaşdırması ilə mübarizə sahəsində bir sıra diqqətəlayiq
irəliləyişlər əldə edilmişdir. Belə ki, OECD üzv ölkələri tərəfindən bu sahədə bir
sıra strategiyalar inkişaf etdirilməkdədir. Bu strategiyaların əsas tərkib hissəsi
ənənəvi audit yoxlamaları vasitəsilə əldə edilməsi mümkün olmayan məqsədli,
əhatəli və vaxtında alınmış məlumatlardan (timely, targeted and comprehensive
information) istifadə etməkdir. Belə məlumatların əldə edilməsi vergi
administrasiyalarına imkan verir ki, riskli sahələri müəyyən edib preventiv
tədbirlər həyata keçirsin. Belə məlumatların əldə edilməsi üçün artıq bir sıra
ölkələr vergi ödəyiciləri tərəfindən məlumatların açıqlanma təşəbbüsünü
Page 14
Beynəlxalq münasibətlər idarəsi 14
(disclosure initiatives), yəni aqressiv vergi planlaşdırması sxemlərinin könüllü
açıqlanması təşəbbüsünü müxtəlif yollarla stimullaşdırırlar.
Yuxarıda qeyd edildiyi kimi, OECD-nin Fiskal Məsələlər Komitəsi (CFA)
tərəfindən cari ilin fevral ayında “Şəffaflıq və açıqlama vasitəsilə aqressiv vergi
planlaşdırmasının qarşısının alınması” mövzusunda hesabat dərc edilmiş və
hesabatda məlumatların açıqlanması təşəbbüsü vasitəsilə məqsədli, əhatəli və
vaxtında məlumatların alınması göstərilən sahədə ən effektiv metod kimi
vurğulanmışdır. Bu metoda daha ətraflı nəzər salaq.
Məqsədli, əhatəli və vaxtında əldə edilən məlumatların zəruriliyi
Uzun illər boyu, bir çox ölkələr aqressiv vergi planlaşdırması sxemlərinin
geniş yayılmasının şahidi olmuş və bu sxemlərin onların vergitutma bazalarına
verdiyi təhlükənin qarşısını almaq üçün müxtəlif tədbirlər həyata keçirmişlər. Belə
tədbirlər aqressiv vergi planlaşdırması sxemlərindən istifadə edən ödəyicilər üçün
cəza tədbirlərinin tətbiqi və bir sıra qadağanedici tədbirlərin həyata keçirilməsi
olmuşdur. Həmçinin, vergi orqanları davamlı olaraq müəssisələrin idarə heyətlərini
könüllü əməletməyə stimullaşdırmağa cəhd göstərmişlər.
Hazırda bu sahədə ən effektiv tədbir kimi vergi orqanları tərəfindən
məqsədli, əhatəli və vaxtında məlumatların əldə edilməsidir. Belə məlumatların
əldə edilməsinin mümkünlüyü vergi orqanına imkan verir ki, ilkin mərhələdə
risklərin qiymətləndirməsini aparsın və əməletmənin artırılması üçün mövcud
resurslardan səmərəli istifadəni təmin etsin. Eyni zamanda, vergi siyasətini həyata
keçirən strukturlar müvafiq qanunvericiliyə əsaslanmaqla vaxtında və düzgün qərar
qəbul etmək imkanı əldə edir.
Bir sıra ölkələrin təcrübəsi göstərir ki, ənənəvi audit yoxlamaları vergi
ödəyicisinin fəaliyyəti barədə bütün zəruri məlumatların əldə edilməsinə kifayət
etmir. Audit yoxlamaları əsas məlumat mənbəyi kimi qalmaqda davam etsə də,
Page 15
Beynəlxalq münasibətlər idarəsi 15
onlar aqressiv vergi planlaşdırmasının ilkin mərhələdə aşkar olunması üçün əsas
alət rolunu oynaya bilmirlər. Bunun aşağıdakı səbəbləri var:
Audit əksər hallarda vergi ödəyicisinin aqressiv vergi planlaşdırması
sxemindən istifadə etdiyini aşkar edə bilmir, xüsusilə mürəkkəb
əməliyyatlar və beynəlxalq biznes əməliyyatlarına cəlb olunan vergi
ödəyiciləri üçün bu daha aktualdır. Buna səbəb əməliyyatların
mürəkkəbliyi, daxili qanunvericiliyin bu əməliyyatlara cəlb
edilməsinin, eləcə də xarici ölkənin qanunvericiliyinin tam
anlaşılmasının çətinliyi və iş həcminin çoxluğudur;
Bəzi hallarda audit vergi ödəyicisinin aqressiv vergi planlaşdırması
sxemindən istifadə etdiyini aşkar edə bilsə də, belə hallarda vaxt
problemi ortaya çıxır. Belə ki, həmin sxemin vergi ödəyicisi
tərəfindən tətbiqi və onun vergi orqanı tərəfindən aşkarlanması
arasında adətən bir neçə il vaxt keçir.
Aqressiv vergi planlaşdırmasının audit nəticəsində aşkarlanmasına
ayrıca hal kimi baxılması və ya geniş yayılmış fenomen kimi qəbul
edilməsi barədə yekdil fikir yoxdur.
Göründüyü kimi, ənənəvi auditlər məqsədli, hərtərəfli və vaxtında
məlumatların əldə edilməsi üçün effektiv vasitə deyil. Bunu nəzərə alaraq, bir sıra
ölkələr aqressiv vergi planlaşdırması sxemlərinin vaxtında aşkarlanması üçün
açıqlanma təşəbbüsü proqramını təqdim ediblər. Bu təşəbbüsün xüsusiyyətləri
barədə aşağıda ətraflı məlumat verilir.
Açıqlanma təşəbbüsünün xüsusiyyətləri
Bir sıra OECD ölkələri tərəfindən tətbiq edilən açıqlanma təşəbbüsü
aşağıdakı strateji istiqamətləri əhatə edir:
(1) ilkin məcburi açıqlanma qaydaları,
(2) aqressiv vergi planlaşdırması barədə əlavə hesabat,
Page 16
Beynəlxalq münasibətlər idarəsi 16
(3) sorğulardan istifadə,
(4) birgə əməletmə proqramları,
(5) öhdəliklərin əvvəlcədən müəyyən edilməsi rejimləri,
(6) cəriməyə əsaslanan aqressiv vergi planlaşdırmasının açıqlanma qaydaları.
Bu strategiyalar bir-birini istisna etmir və bir sıra ölkələr eyni zamanda
onlardan bir neçəsini birlikdə tətbiq edirlər.
Bu strategiyaların ümumi cəhəti ondan ibarətdir ki, onlar vergi orqanına
vaxtında məlumatların təqdim edilməsinə görə vergi ödəyicilərini stimullaşdırırlar
və bir sıra hallarda hətta vergi ödəyiciləri vergi orqanı tərəfindən ekspertlərlə də
təmin edilir. Nəticədə, aqressiv vergi planlaşdırması sxemindən istifadə halı varsa,
bu vergi orqanının uzunmüddətli araşdırması və yoxlaması nəticəsində deyil, vergi
ödəyicisinin (və ya vergi ekspertinin) məlumatı könüllü şəkildə açıqlaması
nəticəsində müəyyən olunur. Bu isə vergi orqanına imkan verir ki, əldə edilmiş
məlumat əsasında vəziyyəti qiymətləndirsin və müvafiq tədbirlər görsün. Bu
proses həm vergi orqanı həm də vergi ödəyicisi üçün əlverişlidir. Belə ki,
uzunmüddətli audit yoxlamalarına ehtiyac aradan qalxır, şəffaflığın və könüllü
əməletmənin səviyyəsi artır.
Qeyd etmək lazımdır ki, sözügedən strategiyalar bir neçə vacib aspektlərə
görə fərqlənirlər (məsələn, bütün növ vergi ödəyicilərinə/bütün növ əməliyyatlara
aid edilib-edilməməsi, məcburi və ya könüllü olması, aqressiv vergi planlaşdırması
sxeminin himayədarları barədə məlumatın verilib-verilməməsi və s.). Aşağıdakı
cədvələ diqqət yetirək:
Cədvəl 2.
Bütün
vergi
ödəyiciləri
İlkin
məlumat
Himayədarlar
barədə məlumat
verilməsi
Bütün
növ
əməliyyat
lar
Bəzi
əməliyyatlar
Məcburi Könüllü
Məcburi ilkin
açıqlama
+ + + - - + -
Page 17
Beynəlxalq münasibətlər idarəsi 17
Əlavə hesabat + + - - - + -
Sorğular - + - - - + -
Birgə əməl
etmə
- + - + - - +
Öhdəliklərin
müəyyən
edilməsi
- + - - + - +
Cəriməyə
əsaslanan
açıqlanma
+ + - - - - +
Sadalanan strateji istiqamətlərə ətraflı nəzər salaq.
(1) İlkin məcburi açıqlanma qaydaları (early mandatory disclosure rules)
Bir neçə ölkələrdə vergi bəyannamələrinin təqdim edilməsindən əvvəl vergi
orqanına vergi sığınacağı və ya vergidən yan keçmə (qanuni yolla) sxemlərindən
istifadə edilib-edilməməsi barədə məlumatın məcburi açıqlanmasını nəzərdə tutan
qaydalar qəbul edilmişdir. Bu qaydalar həm vergi ödəyicilərinə, həm də aqressiv
vergi planlaşdırması sxemlərinin himayədarlarına şamil edilir.
Məcburi açıqlanma rejimləri hazırda ABŞ, Kanada, Birləşmiş Krallıq və
Portuqaliyada tətbiq edilir. Bu ölkələrin hamısında məlumatların açıqlanması
üçün əsas öhdəlik himayədarın üzərinə düşür. İrlandiyada da müəyyən
əməliyyatlar üçün məcburi açıqlanma rejimi ilə bağlı qanunvericilik aktı qəbul
edilmişdir.
Bütün məcburi açıqlanma rejimləri bir sıra şablon suallara cavab verməlidir.
Bu suallar aşağıdakılardır:
- Kim açıqlamalıdır?
- Nə açıqlanmalıdır?
- Nə zaman açıqlanmalıdır?
Məcburi açıqlanma rejiminin əsasən aşağıdakı üstünlükləri qeyd olunur:
Page 18
Beynəlxalq münasibətlər idarəsi 18
Vergi orqanı tərəfindən zərərli sxemin aşkar olunmasına sərf edilən
vaxt azalır;
Effektiv risk-əsaslı araşdırmaya şərait yaradır;
Qanunvericilik vasitəsilə sürətli cavab tədbirlərin görülməsini
mümkün edir;
Aqressiv vergi planlaşdırması sxeminə qarşı cəld addımlar atmağa
yardım edir ki, bu da aqressiv vergi planlaşdırmasını vergi ödəyiciləri
üçün daha az cəlbedici edir.
(2) Əlavə hesabat öhdəliyi (additional reporting obligations)
Bəzi ölkələr aqressiv vergi planlaşdırması sxemlərinin aşkarlanması üçün
vergi ödəyicilərinin üzərinə əlavə hesabat öhdəliyi qoyurlar. Belə ki, vergi
ödəyicilərindən aşağıdakılar tələb olunur:
Hər hansı bir tərəf qarşısında olan borc öhdəliyinə görə ona ödənilən
faizlərin xərc kimi gəlirdən çıxılması niyyəti olduqda, bu barədə vergi
orqanının məlumatlandırılması (Niderland);
Əmlakın dəyərinin azalması (capital losses) ilə bağlı əvvəlcədən
məlumatın təqdim edilməsi (ABŞ və İtaliyada); və ya
Vergi və maliyyə mühasibat uçotları arasındakı fərqlərin izah
edilməsi.
Əlavə hesabat öhdəliyindən istifadə edən ölkələr əsas diqqəti təqdim edilən
bəyannamələrin yoxlanılmasına yönəldirlər. Bu, gələcək audit yoxlamaları üçün
ətraflı məlumatın əldə edilməsinə kömək edir və auditorlar potensial yoxlamaları
daha cəld və effektiv müəyyən edə bilirlər. Vergi ödəyiciləri üçün müsbət cəhət
ondan ibarətdir ki, əməletmə xərcləri kifayət qədər azaldılır. İlkin məcburi
açıqlanma qaydalarından fərqli olaraq, əlavə hesabat qaydalarına görə, aqressiv
Page 19
Beynəlxalq münasibətlər idarəsi 19
vergi planlaşdırması sxemlərinin himayədarları və vergi ekspertləri barədə
məlumat verilmir.
(3) Sorğular (Questionnaires)
Bir sıra ölkələr (Yeni Zelandiya, İtaliya) audit üçün vergi ödəyicilərinin və
daha aktual sahələrin seçilməsi üçün müəyyən qrup vergi ödəyiciləri və müəyyən
risk sahələrinə (ikili rezidentliyi olan müəssisələr və s.) yönləndirilmiş sorğulardan
istifadə edirlər. Əksər hallarda, sorğuların cavablandırılması məcburi xarakter
daşıyır. Məsələn, Yeni Zelandiyada vergi orqanı əvvəllər aqressiv vergi
planlaşdırması sxemindən istifadə edən hər hansı xarici investisiyalı müəssisələr
(bank və ya sığorta təşkilatları istisna olmaqla) üçün məcburi maliyyə sorğuları
sistemini tətbiq edir.
Ümumiyyətlə, Yeni Zelandiyanın təcrübəsi göstərir ki, sorğuların bir sıra
müsbət cəhətləri var:
Sorğular çevikdir, yəni onlar istənilən vaxt bir neçə mövzunu əhatə
etməklə tərtib oluna bilər;
Sorğular auditin effektivliyini artırır;
Sorğular məcburi açıqlanma təşəbbüslərini stimullaşdırır;
Sorğular vergi ödəyicilərinin əməletmə xərclərini azaldır.
(4) Birgə əməletmə proqramları (Co-operative compliance programmes)
Birgə əməletmə proqramlarının əsas məqsədi vergi orqanı və vergi
ödəyiciləri arasında qarşılıqlı etimada əsaslanan mühitin formalaşdırılması, eləcə
də hər iki tərəf üçün əlverişli olan vergi risklərinin idarə edilməsi və ümumi
əməletmə səviyyəsinin artırılmasıdır. Bu sistemi tətbiq edən bir sıra ölkələrdə
əməletmə strategiyalarında audit və digər məcburetmə mexanizmləri ilə yanaşı,
vergi ödəyiciləri tərəfindən risklərin idarə edilməsinə dəstəyin göstərilməsi balans
Page 20
Beynəlxalq münasibətlər idarəsi 20
təşkil edir (Avstraliyada İllik Əməletmə Tənzimlənməsi layihəsi, İtaliyada Risklərin
İdarə edilməsinin Monitorinqi layihəsi, Niderlandda Horizontal Monitorinq,
İspaniyada İri Vergi ödəyiciləri üçün Forum və s.).
Ölkələrin təcrübələri göstərir ki, birgə əməletmə proqramları vergi orqanı ilə
vergi ödəyicilərinin real vaxt ərzində birgə işini nəzərdə tutur. Bu o deməkdir ki,
vergi ödəyiciləri vergi orqanı ilə münasibətlərdə nə qədər şəffaf olarsa, vergi
orqanı daha ətraflı məlumata malik olur. Daha ətraflı məlumat daha effektiv risk
qiymətləndirilməsinə və resurs bölgüsünə yol açır. Nəticədə, vergi məsələləri ilə
bağlı mübahisəli məqamlar daha tez həll olunur, vergi ödəyicilərinin inzibati
xərcləri azalır və lazımsız auditlərə ehtiyac qalmır. Bu proses daha az riskli vergi
ödəyiciləri üçün xüsusilə əlverişlidir, çünki daha ətraflı məlumata malik olan vergi
orqanı öz resurslarını əsasən yüksək riskli vergi ödəyicilərinə sərf edir.
(5) Öhdəliklərin əvvəlcədən müəyyən edilməsi6 (Rulings)
Öhdəliklərin əvvəlcədən müəyyən edilməsi mexanizmi məlumatların
açıqlanması sayılmasa da, vergi ödəyicisinin konkret əməliyyatı barədə vergi
orqanını bütün aidiyyəti məlumatlarla təmin edir. Öhdəliklərin əvvəlcədən
müəyyən edilməsi vergi ödəyicisinin hər hansı əməliyyatı aparmamışdan əvvəl
vergi orqanına verdiyi sorğuya dair verilən rəy əsasında həyata keçirilir. Vergi
orqanı sorğu əsasında həmin əməliyyatla bağlı vergi ödəyicisinin vergi
öhdəliklərini müəyyən edir.
Öhdəliklərin müəyyən edilməsi aqressiv vergi planlaşdırması sxemləri ilə
bağlı yalnız məhdud məlumat verir. Belə ki, öhdəliklərin müəyyən edilməsi daha
çox vergidən yayınmanın mümkün olduğu hər hansı əməliyyata qanunvericiliyin
6 Beynəlxalq münasibətlər idarəsi tərəfindən 03.09.2010-cu il tarixli 1017030007236600 nömrəli məktubla “Vergi
öhdəliklərinin əvvəlcədən müəyyən edilməsi ilə bağlı beynəlxalq təcrübə barədə icmal” aidiyyəti struktur vahid və
bölmələrə təqdim edilmişdir.
Page 21
Beynəlxalq münasibətlər idarəsi 21
tətbiqi ilə bağlı vahid mövqenin olmadığı və ya ziddiyyətli mövqenin olduğu
hallara şamil edilir.
Öhdəliklərin müəyyən edilməsi mexanizmi Avstraliya və Yeni Zelaniyada
daha uğurla tətbiq olunur. Belə ki, Yeni Zelandiyada öhdəliklərin müəyyən
edilməsi ilə bağlı daxil olan müraciətlər və sorğular əsasında ilkin mərhələdə
aqressiv vergi planlaşdırması sxemlərinin qarşısının alınması üçün potensial
mövqe və tədbirlər hazırlanmışdır. Avstraliyada isə “məhsulla bağlı öhdəliklərin
müəyyən edilməsi rejimi” (“product ruling regime”) formalaşdırılmışdır. Bu rejim
daxil olan sorğular əsasında vergi administrasiyası tərəfindən hazırlanmışdır və
mahiyyəti ondan ibarətdir ki, vergi ödəyiciləri vergidən yayınma riskinin mövcud
olduğu konkret əməliyyatlarla bağlı vergi administrasiyasından müsbət rəy
almamış həmin əməliyyatları aparmırlar.
(6) Cəriməyə əsaslanan açıqlanma qaydaları (Penalty-linked disclosure
rules)
Cəriməyə əsaslanan açıqlanma qaydaları vergi ödəyicilərindən aqressiv
vergi planlaşdırması sxemlərinin məcburi açıqlanmasını tələb etmir. Bu metod
tətbiq edilən cərimələr və maliyyə sanksiyaları vasitəsilə vergi ödəyicilərinin
könüllü şəkildə məlumat açıqlamalarını nəzərdə tutur. Məsələn, İrlandiyada vergi
ödəyicisinin vergidən yayınma əməliyyatlarına cəlb olunduğu aşkarlanarsa, ona
yayındırılan verginin 20%-i məbləğində əlavə ödəniş və maliyyə sanksiyası tətbiq
edilir. Lakin, əgər vergi ödəyicisi vergi orqanına əməliyyatın başladığı vaxtdan 90
gün müddətində “Qoruyucu Qeyd” 7(“Protective Notification”) təqdim edərsə, ona
cərimə tətbiq edilmir. Yeni Zelandiyada “vergi qanunvericiliyindən sui-istifadə”yə
görə yayındırılan verginin 100%-i məbləğində cərimə nəzərdə tutulur. Lakin, əgər
vergi ödəyicisi həm; a) audit yoxlaması ilə bağlı vergi orqanından bildiriş
alınanadək, həm də b) bildiriş alınandan sonra, lakin, yoxlama başlayanadək
7 Məlumatların açıqlanması forması
Page 22
Beynəlxalq münasibətlər idarəsi 22
məlumatları könüllü olaraq vergi orqanına açıqlayarsa, qeyd olunan cərimənin
məbləği müvafiq olaraq, 75% və 40%-dək endirilir.
Ümumilikdə, cəriməyə əsaslanan açıqlanma qaydaları mexanizmindən
istifadə edən ölkələrdə aqressiv vergi planlaşdırması sxemlərinin könüllü olaraq
açıqlanması hallarının artması müşahidə olunur.
***
Aqressiv vergi planlaşdırması və onun qarşısının alınması istiqamətində
məlumatların açıqlanması təşəbbüsü ilə bağlı qeyd olunanlara əlavə olaraq, bu
təşəbbüsün həm vergi administrasiyası, həm də vergi ödəyiciləri üçün
üstünlüklərinə bir daha nəzər salaq.
Vergi administrasiyaları üçün: ilkin mərhələdə ətraflı məlumat əldə edilir,
vergidən yayınma riskləri vaxtında qiymətləndirilir, vergidən yayınma hallarının
aradan qaldırılması üçün resurslardan daha səmərəli istifadəyə şərait yaranır,
preventiv tədbirlərin görülməsi üçün əlavə vaxt qazanılır, inzibati xərclər azaldılır.
Vergi ödəyiciləri üçün: vergitutma baxımından aparılan əməliyyatlarla bağlı
qeyri-müəyyənlik aradan qalxır, əməletmə xərcləri azaldılır, vergi administrasiyası
qarşısında müsbət imic formalaşır.
Bundan başqa, hər iki tərəf üçün üstün cəhətlər də mövcuddur ki, bunlar
gərəksiz şablon audit yoxlamalarının aparılmasına zərurətin aradan qalxması, vergi
ödəyicisi tərəfindən aqressiv vergi planlaşdırması sxeminin tərtib edilməsi və bu
sxemin vergi orqanı tərəfindən aşkar edilməsi arasındakı boşluğun aradan
qaldırılması, eləcə də şəffaflığın və əməletmə mədəniyyətinin səviyyəsinin
artmasıdır.
Page 23
Beynəlxalq münasibətlər idarəsi 23
Nəticə və təkliflər
Göründüyü kimi, istər vergi boşluqlarının müəyyən edilməsi və qarşısının
alınması yolları, istərsə də aqressiv vergi planlaşdırmasının qarşısının alınması
yolları müxtəlif dövlətlərin vergi administrasiyaları tərəfindən tətbiq edilən
nisbətən yeni yanaşmalardır və bu praktikada ölkələr üzrə müxtəlifliklər
mövcuddur. Bu müxtəlifliklərə ayrı-ayrı ölkələrdə mövcud olan inzibati, hüquqi və
mədəni fərqliliklər, habelə vergi ödəyicilərinin davranışlarındakı fərqliliklər təsir
göstərir. Buraya həmçinin, vergi ödəyicisinin vergi orqanı ilə əməkdaşlıq etməyə
nə dərəcədə həvəsli olduğu və vergidən yayınmaya nə dərəcədə meylli olduğu kimi
amillər də təsir göstərir.
Bütün bunlara baxmayaraq, hər iki layihə ilə bağlı bir sıra ölkələr uğurlu
təcrübəyə malikdirlər və onların təcrübəsi digər ölkələr üçün bu istiqamətdə ən
yaxşı təcrübə rolunu oynaya bilər.
Qeyd etmək lazımdır ki, Azərbaycan Respublikasının Vergilər Nazirliyi
tərəfindən son dövrlərdə həyata keçirilən bir sıra qabaqcıl layihələr, informasiya
texnologiyalarının tətbiqi, xüsusilə, cari ilin 1 mart tarixindən etibarən tətbiq
edilməyə başlanılan elektron audit layihəsi və vergilər nazirinin müvafiq əmri ilə
Bakı şəhəri Vergilər Departamentinin Bəyannamələrin qəbulu və işlənməsi
idarəsinin tərkibində Elektron kameral vergi yoxlamaları şöbəsinin yaradılması
kimi faktları nəzərə alaraq, təklif edirik ki, ölkəmizdə vergi boşluqlarının
hesablanmasının metodologiyasının, eləcə də, vergi boşluqlarının və aqressiv vergi
planlaşdırmasının qarşısının alınması mexanizmlərinin işlənib hazılanması və
tətbiqinin məqsədəmüvafiqliyi məsələsinə baxılsın.
Eyni zamanda, məqsədəmüvafiq hesab edildiyi təqdirdə, daha uğurlu və
ölkəmizdə tətbiqinin daha aktual hesab edildiyi ölkələrin təcrübələrinin daha
dərindən öyrənilməsi təklif olunur.
Page 24
Beynəlxalq münasibətlər idarəsi 24
İstifadə edilmiş mənbələr
1. “Tax Gap in Bulgaria - First Attempt”. Tax Tribune. Magazine of the İntra-
European Organisation of Tax Administrations. Issue 27/2010, p.141
2. “Measuring tax gaps” HM Revenue & Customs, March, 2010 -
http://www.hmrc.gov.uk/stats/measuring-tax-gaps.pdf
3. “Developing Metodologies for Measuring Direct Tax Losses” HM Revenue
& Customs, March, 2008 -
http://www.hmrc.gov.uk/freedom/methodologies.pdf
4. “Compliance with the tax rules by businesses in Denmark” Report by SKAT
– Danish Tax and Customs Administration, 2006
http://www.skat.dk/getFile.aspx?Id=76358
5. “Risk Management Guide for Tax Administrations” Fiscalis Risk Analysis
Project Group, 2006- http://www.skat.dk/getFile.aspx?Id=76358
6. “Tax Administrations and Shadow Economy in EU new members” Viktor
Trasberg, University of Tartu, Estonia –
http://www-3.unipv.it/websiep/wp/313.pdf
7. “Tackling Agressive Tax Planning Through Improved Transparency and
Disclosure” Report on disclosure initiatives, Center for Tax Policy and
Administration, OECD -
http://www.oecd.org/document/46/0,3746,en_2649_34897_46987758_1_1_
1_1,00.html
8. “Agressive Tax Planning” Working Paper, Quebec, January, 2009 -
http://www.finances.gouv.qc.ca/documents/Autres/en/AUTEN_DocCons_PF
A.pdf