Plantstories No 12 Plicosepalus undulatus (Semiparasiet op ...

Soos in elke jaar kan ons nou in Oktober weer die oranjekleurige

pragtige blomme van die semiparasiet Plicosepalus undulatus bo in

baie kameeldoringbome sien. Hulle lyk baie na Plicosepalus

kalachariensis, wat meer oos voorkom in die Kalahari.

In die RSA verskyn Plicosepalus kalachariensis en P. undulatus albei

op die rooi lys van bedreigde spesies. Hier by ons in die omgewing

(noordoos van Okahandja) kom hulle redelik volop voor veral op

Acacia erioloba, maar ook op Acacia karroo en A. reficiens

(basterkameelboom).

Interessant is, hoe die takke teen die gasheer se takke vasklou, dit

lyk of hulle saamgroei. Die eindstukke van die takke van Plicosepalus

undulatus hang af.

Plicosepalus undulatus

E:Acacia mistletoe A:voëlent D: Mistel

Plicosepalus undulatus verkies kameeldoringbome as gasheer Die takke vol blomme is geneig om af te hang

takke groei by die verdikkings vas aan die gasheer

Gebruike: 'n Ekstrak van hierdie plant kan teen lumbago (Hexenschuss) gebruik word. Die Himbas bespoedig met 'n middel gebrou van hierdie plant die afkom van die nageboorte by koeie na kalwing. Ek het Boesmanmeisies gesien wat die blommetjies op 'n ring gesteek as oorbelletjies dra, dit lyk pragtig. Die houtrose wat daar ontstaan, waar 'n semiparasiet gesit het, word as dekor op straat en by kwekerye soms te koop aangebied. Inligtingsbronne: Wildflowers of the Central Highlands

www.kyffhauser.co.za/Plants3/Plicosepalus/Index.htm redlist.sanbi.org/redcat.php Alex Dreyer (dankie)

Oktober 2016