worondimo.files.wordpress.com€¦  · Web viewMburu Wai ka Kepai na Gedapai Rogo Pazande. Rogo agu agarã nangia 2012 kuti-2015, bawene bakuremi mi ana raka nako ti gu bakere gbata

Mburu Wai ka Kepai na Gedapai Rogo Pazande

Rogo agu agarã nangia 2012 kuti-2015, bawene bakuremi mi ana raka nako ti gu bakere gbata nga Zugbe aima du ni gu boro fere ani ana gumba Pazande nako kisusi gbe, ono rogo gu kura wene wiso sa, mburani kindi pati riahe nga ga wiso, degude sa ni wiriboro Maridi azingi nikere nyanyakihe gbe kuti raani tipa furani rogo gu fugo nangbaã tirani kisusi! Ka gumbapai ni masaku,Ani nga Azande ima du na bakere nyemu gaani fugo kisusi gbe!

Ono wadu regbo re,agu awirani ani avunga yo ini kina wai ka pe bête fugo rani, ono bara kekehe na gedaha, akoo tee kina ngbiĩngbiĩ atoro I abihe yo.Tipa ginihe? Regbo be avungu agude tipa ka sungo nayo ka yugo kepai na gedapai rogo Pazande fuyo te.Berewe a,awaraga yugo Pazande ho berani wagu sa te!Kpara kusayo ti gu awaraga Pazande gaani abakumba nga Bullen Nginzo Murangi, Roto Zein na Yetero Mande Akusihe rogo 1983 na gu yagada kusikusihe nga ga 1994 kadu be bête agu aboro. Na berewe, bakumu paranga aboro rogo agu agbata sosono akpi nga nyemu gedapai gbe berewe rogo kpe awaraga te mbiko gu gayo ahe du ngba beyo re na saha ni wiri umbapai tipa ina fura, kini keke apai dagba tiyo,na kini gedi bakumu apai kina rogo “internet”.

Mbiko pa “internet” maa pai, tidu mina asadi tini ka tona keka awaraga tipa yugopai kina rogo “internet” nagu kido nga bête aboro rengbe ka gbiaha ki tona wirikapai ni kina boro ipo!

Mi ima rugatire na gupai nga, a nga Azande dunduko du na “Computer” singia agu zezerenge aterefoni aboro awegeha kina kpakpuhe yo tipa tina manga sunge te, ono awa rugu oni tironi nani, Dari nagu kina kuti ome ru… Gizo kumbatayo, ka gu wene ringi boro duho regbe na sogoda gi sunge re, ani regbe aregbe ka gbigbidaha kuti akpewaraga fu gaani aboro ku ringara yo.

Gi bambata papara kekeapai du re, si gbe fu agu aboro du kpambiro rogo wirika geda Pazande,mi mangi sunge na wiri taata akpiapai nga gu bête aboro ni ima ruga tiyo nani wenengai ti gi gaani regbo re.Awere, aboro dũ rengbe na wirika agi akpiapai re tipa ka ruga tiyo na Bangiri afugo rogo Pazande.

Tambuahe,

Isaac W. Hillary

Rago Ue sunge, 16 rame diwi

Nga Tanvuo 2018

‘Bangiri Afugo*’ rogo Pazande

Pazande nga gu kumuko kumuko fugo du na bazegino Bangiri Afugo (alphabets) rogoho. Gi Bangiri Afugo (alphabets) re nga:-

A a

A ä

Aã

Bb

D d

Ee

Ff

G g

GB gb

H h

I i

I ĩ

K k

KP kp

M m

MB mb

N n

ND nd

NG ng

NGB ngb

NV nv

NY ny

NZ nz

O o

Õ õ

P p

R r

S s

T t

U u

U ũ

V v

W w

Y y

Z z

Mi kusi vovo afugo tipa gu fugo aEngirisi nga ‘Alphabet’

*Bangiri Afugo- du kuba ‘Alphabets’

Gi akpiahé du re, rengbe na undo ro tipa mo wiriki Bangiri Afugo ni kina boro ngarã!

Azogbo

a

A a

Bämbu

A ä

Mbarã

A ã

Bande

B b

Dewedi

D d

Kerekuru

E e

t

E

Fongo

F f

Gugu

G g

Gbogbo

GB gb

Hĩsihĩsi/Hĩi

H h

Ira

I i

ĩa

I ĩ

kerembia

K k

Kpanigbo

KP kp

Murangi

M m

mbereke

MB mb

Nambongo

N n

Ndukuro

ND nd

Ngongori

NG ng

Ngbadimo

NGB ngb

Nvuãã

NV nv

Nyoga

NY ny

Nzoro

NZ nz

Oto

O o

õse

Õ õ

Pio

P p

Rekembe

R r

Sukutu

S s

Tue

T t

Uru

U u

Bahũ

U ũ

vagadi

V v

Wegerago\Wirã

W w

Yepu/Yapu

Y y

Zagbari

Z z

Awere tie, wa mo nika wirka Bangiri Afugo rogo Pazande na gi akpiahe re, mina kpinyemu mo asadi ka ruga tiro nani wenengai,ka gene

du bero, mo asadi ka ino gi Bangiri Afugo re wakina giĩ bero yo, mbiko agu kekeapai ni ka ye tifuo gere, apai ambunga ambu berewe foro te.

Ka pai du ngbaro mo akpi nyemu ka gumbaha fere, mo kehe fere rogo gimi address tangara mi he kusende re.

Email :[email protected]

Cellphone: +256 (0)771971049

Facebook.com: Hillary Pina Isaac

Bete gu kurapai mi arogodihe rogo:

Gedapai rogo pa Zande Ue Buku

Zande Book 2

1994 Edition

Gedapai Rogo pa Zande Biata Buku

Zande Book 3

1997 Edition

Pai tipa Azande Mbata Abaramu Niza Kaye Na Wai Du Yo Awere Fuo Ye Abaramu

1950 edition

Zande and English Dictionary

The Rev. Canon and Mrs.E.C. Gore

The revised edition of 1952

Ziazia Kekeapi

Kuru Ndika na Vovo Ndika,

1978 Edition

Zoroakpoyo afugo nga ga Isaac W Hillary

Bundu

Si enege koyo berewe

2018 Edition Zn