Jah: 2011.12.1 ngaix. ~ 2012.8.1 ngaix, mhai (17). Dee yuh lih - Cub caw yuh si tang Meung Vax. sw, 2011_12_1 oef:~2012.8.1 oef:? rhm (17) wD;xkuf,tguf,yk defzmof, - pgif ;umefzhm,yk defcmof, rl dif:]o} Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif; (Editor) `Omif,auj:? 佤译/三 木 桑 傣 译/ http://www.wskeungwa.blog.com . http://you.video.sina.com.cn wastatenewsagency LUM PANG KHAM KHRAWM KAING YUH TI PLAK 2012 NUM sq;o A if :ck d uf .wg ef :ymif Omif : p A wf :ymif u k rf c gwf ,bg wf ,umef imef :c k d if ;yD < 2012 1 P a yuh kaing daux Lum Pang Kham khrawm kaing yuh daux ti plak 2012 num. Hawt lox pa ah plak piang:, ot daux 2012 num khix 7.23 ngaix hoek 24 ngaix, bang kum paoh lum Pang Kham son khrawm kaing: pa yuh daux ti plak 2012 num, pon tix si dauh kaing si daing praok. daux 23 ngaix, kix jauh, shu chi T ax Pi ti, chi cang: Sang: Mawng, fux shu chi Thiien Ai Ka, fux chi cang: Ai Kaw, Shiung Cing: Chiang, pang kong seex cu raung sang: ong miaox, fux cu raung Pao Cong Huax khawm cao kaing plak greem khawm mu hoek laik yam an, bang kum pa yuh kix caw tix mawh sang: Aw miaox mai Pao Cong huax pa greem bung mai paox. Ot daux bang kum, jauh tix mawh shu chi tax Pi Ti pa jauh tix krai lox, nawh krai lao grawng ting cau son khrawm kaing: yuh ku plak, si diex mhaing pa ot greem ku cub ku caw: bre ih rhawm rhi si mau paox, yuh kaing chaw haok huan tau ku plak, mhaing kix bre khrawm kaing: yuh tawm mhawm, tawm si dawng. Pang kong see cu raung Sang Aw miaox ka baox thie tix krai, mhaing ku cub bre khrawm kaing: yuh si dawng ku plak, ot daux khrawm kaing: pa yuh lai gau sawn mai paox. Plak ngawp hoek plak ngaix daux 23 ngaix, pa ot plak greem ku cub ku caw: lai hoek ngaox lao ka- ing: pa yuh tix khawm mu ka daux ti plak num in. Ot daux 24 ngaix plak ngawp pa mawh cao kaing: daux vawng: tax kuad Ngaox fux cu six, tax kuad Rang fux cong: shu chi, tax kuad Run fux cong: see ling, fux pu cang: daux nong ling shiu lix pu tax Pawm ting, fux pu cang: daux ceung kong pu Li Siao Yiien an kix hoek laik yam. T ax kuad Ngaox fux cu six viex buan son daux vawng: kix cao kaing hoek yam krai lox, nawh si diex gau pa yuh kaing: daux lum pang kham, cao kaing ku kaux bre yuh krax grum rhawm mai paox, sau riang: ka daux kaing: pa yuh, bre hawt lox ah si kah krai: daux vawng: ex kix, sau riang: son haok huan kaing: chaw daux veng pang kham ku plak, yuh riang: son ny- awm ot nyawm koe kawn pui, nie lih jhak krax ot grawng koe daux nyiex daux yaong, si diex kawn rai peu sin yuh kaing haok huan, tawx riang rao plak gau krax lhak krax haing, teem gaw ka kaing yuh daux nyiex daux yaong koe krax haok huan ku plak. son sang kaing daux Lum Pang kham tix haok huan mai kaing pa pak Meung vax tix yuh si voe ngaix (7) num tix pon hoik an, si mie cao kaing ku kaux yuh krax grum rhawm mai paox thung bung cao kaing plak greem, sau riang tix pon yuh beeih klawm tix hoik tawm mhawm. ot daux si ngaix an plak ngaix, bang kum khrawm lum Pang Kham kaing yuh daux ti plak 2012 num, pon tix si dauh kaing si daing praok.■
This document is posted to help you gain knowledge. Please leave a comment to let me know what you think about it! Share it to your friends and learn new things together.
Transcript
Jah: 2011.12.1 ngaix. ~ 2012.8.1 ngaix, mhai (17). Dee yuh lih - Cub caw yuh si tang Meung Vax.
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
P a yuh kaing daux Lum Pang Kham khrawm kaing yuh daux ti plak 2012 num.
Hawt lox pa ah plak piang:,
ot daux 2012 num khix 7.23 ngaix hoek 24 ngaix, bang kum paoh lum Pang Kham son khrawm kaing: pa yuh daux ti plak 2012 num, pon tix
si dauh kaing si daing praok. daux 23 ngaix, kix jauh, shu chi T ax Pi ti, chi cang: Sang: Mawng, fux shu chi Thiien Ai Ka, fux chi cang: Ai Kaw, Shiung Cing: Chiang, pang kong seex cu raung sang: ong miaox, fux cu raung Pao Cong Huax khawm cao kaing plak greem khawm mu hoek laik yam an, bang kum pa yuh kix caw tix mawh sang: Aw miaox mai Pao Cong huax pa greem bung mai paox.
Ot daux bang kum, jauh tix mawh shu chi tax Pi Ti pa jauh tix krai lox, nawh krai lao grawng ting cau son khrawm kaing: yuh ku plak, si diex mhaing pa ot greem ku cub ku caw: bre ih rhawm rhi si mau paox, yuh kaing chaw haok huan tau ku plak, mhaing kix bre khrawm kaing: yuh tawm mhawm, tawm si dawng.
Pang kong see cu raung Sang Aw miaox ka baox thie tix krai, mhaing ku cub bre khrawm kaing: yuh si dawng ku plak, ot daux khrawm kaing: pa yuh lai gau sawn mai paox.
Plak ngawp hoek plak ngaix daux 23 ngaix, pa ot plak greem ku cub ku caw: lai hoek ngaox lao ka-ing: pa yuh tix khawm mu ka daux ti plak num in.
Ot daux 24 ngaix plak ngawp pa mawh cao kaing: daux vawng: tax kuad Ngaox fux cu six, tax kuad Rang fux cong: shu chi, tax kuad Run fux cong: see ling, fux pu cang: daux nong ling shiu lix pu tax Pawm ting, fux pu cang: daux ceung kong pu Li Siao Yiien an kix hoek laik yam.
T ax kuad Ngaox fux cu six viex buan son daux vawng: kix cao kaing hoek yam krai lox, nawh si diex gau pa yuh kaing: daux lum pang kham, cao kaing ku kaux bre yuh krax grum rhawm mai paox, sau riang: ka daux kaing: pa yuh, bre hawt lox ah si kah krai: daux vawng: ex kix, sau riang: son haok huan kaing: chaw daux veng pang kham ku plak, yuh riang: son ny-awm ot nyawm koe kawn pui, nie lih jhak krax ot grawng koe daux nyiex daux yaong, si diex kawn rai peu sin yuh kaing haok huan, tawx riang rao plak gau krax lhak krax haing, teem gaw ka kaing yuh daux nyiex daux yaong koe krax haok huan ku plak. son sang kaing daux Lum Pang kham tix haok huan mai kaing pa pak Meung vax tix yuh si voe ngaix (7) num tix pon hoik an, si mie cao kaing ku kaux yuh krax grum rhawm mai paox thung bung cao kaing plak greem, sau riang tix pon yuh beeih klawm tix hoik tawm mhawm. ot daux si ngaix an plak ngaix, bang kum khrawm lum Pang Kham kaing yuh daux ti plak 2012 num, pon tix si dauh kaing si daing praok.■
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
2
C ao kaing daux bang nang mai cao kaing daux hak tiex yuh krax kum ngawm mai
paox
Son sang kieh cao kaing daux bang nang mai cao kaing daux hak tiex nhie: koe krax lai ling ing tiang: tawng yung: ka paox, ot daux 2012 num khix 7.15 ngaix plak ngawp (8) taix, cao kaing daux bang naing plak greem yuh krax kum ngawm mai paox.
Pa yuh caung woe Pao Sam Kat, lhiux cang: pa yuh siien cang: mong pawk Li Ai Shui, fux lhiux cang: Cao Ai Ya, pang kong seex cu raung Cao Ai Siang, fux cu raung Liang Caux Yuing, cawx cang chux chux cang: Woe Sam T oe, fux chux cang: Li Ni Sang:, fux lhiux cang: daux kru naing Li Ai Kuat, shiien woe shu chi Thiien Sam Hawx, fux shu chi Cheung Ai Ka, Cao Lao Cang, fux siien cang: Li Sam Pan, pang kong seex cu reung Li Ai Chiu, chaix caung chiux chiux cang: pa yuh cee tiu cang: Siao Ai Sing khawm cao kaing daux tap: daux chiux koe pui (156) kaux pa laik ka daux. bang kum mawh Li-ang Caux Yiung cao bung .
Ot daux bang kum kix lai
krai lao to kaux mai paox, son sang lai tawng yung paox tix khaix in. ka sang yuh bang kum Pao Sam Kat viex buan son daux kru naing kix, tawx mau pa khrawm kix daux lien ka shu chi Thiien Sam Hawx son teem gaw ka plak gau lig lai, caw tix koe (387600) mau Hawx. tax Sam Hawx tawm viex buan son kix kawn pui Mong Pawk ah lox laoh lhie:, ot greem thung bung Li Ai Shu daux siien Mong Pawk hoik caw: tix pon mau teem son gau lig lai (100800) mheen mau hawx. mau in kix sang bre tix shiao ka daux krax gau sawn tawm mhawm, ot krax teem gaw pa tawx cao kaing ku plak, krax gau sawn Mong Pawk riien ot si phie nhie mhawm si phie. ka si mhie pui ku kaux tawx riang: rao son.
Ot daux lox krai Pao Sam Kat ah nin, grawng kaing: yuh ex mawh ti mu, mawh ang cau awm paox, daux num in kix krax pa yuh mai paox hoik daing koe krax haok huan, lien kiex kawn pui ih rhawm rhi paox, in kix hoik kaoh khaing sau riang ku kaux, si mhie nhie sau riang: khaix in, aux si mhie: cao kaing ex kix nhie: hoek hu, nhie: tawx lox, nhie: gau sawn, nhie:
veen vhi, nhie: kaut sawn, nhie: greem yuh mai paox, nhie: gau sawn, nhie: chiie paox liak.
Lhiux cang: pa yuh siien cang: Li Ai Shu ka tawx lox si diex, thie krax grum rhawm ka kawn pui daux bang naing cub, yuh krax gau sawn haok huan, meung vax si voe ngai mawh beeih glawm kawn iak, kix ang koe lig lai kix sang priex hak tiex ex yuh ka mawx, nhie mawh son gau ka plak ngai lai cau cao, cao kaing ku kaux bre yuh krax grum rhawm mai paox, nhie lai ling ing tiang: mai paox, thie: riang: ka cup pa giex krax kaux cong, sang nyawm ot nyawm koe kawn pui mawh kix, paox nyiex ma lien ex kix tawx daux hak tiex thung bung, plak hak tiex, lawk dee hoik bak kaing: kah Ho Tao, Mong Phing ang pon hu cang:, hu shiao to cao.
Ot daux bang kum bawg in, cao kaing ku plak hoik lai krai krax kaut ngai sawn mai paox khawm mu, son sang nhie: koe krax haok huan mai paox si voe ngai.
Fux lhiux cang: Aao Ai Ya, pang kong seex cu raung Cao Ai Siang, fux shu chi Cheung Ai Ka in kix ka lai tawx lox ah si kah krai, mhaing cao kaing ku kaux lai hoek
hu gau sawn mai paox, koe lox koe kaing: si n ax lai viex lox mhawm si law tau, nhie: lih plak greem, nghiet lox pui haoh pui hun , koe lox koe kaing: lai krai mai paox piang: pheen, ang ah lox plak khaix, sau riang: son haok huan dee ot khawm mu ku kaux.■
CAO KAING DAUX PANG NAING MAI CAO KAING DAUX PUI MEUNG YUH KRAX KUM NGAWM MAI PAOX.
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
3
V eng Mong Pawk paoh bang kum son pa viex been Son sang kieh pa viex been
daux veung Mong Pawk haok huan, kieh pati ku kaux nhie: koe krax tawng yung ka pa tat sawn ku blawng:, kieh kix nhie: thie krax lhak ka to cao tix.
2012 num khix 7.17 ngaix, Veng Me-ung Pawk khrawm pa viex been pa ti pa ot greem khawm mu yuh bang kum mai paox. koe pui (143) kaux pa hoek laik ka daux. Siien cang: Li Ai Shu, shu chi Tiien Sam Hawx , fux shu chi Cheung Ai Ka,
cao lao cang:, fux siien cang li sam pan, pa yuh see fax woe shu chi Thao Cia Cong, caung siiex fux cu six Ai Nai, pa yuh mi shu daux bang naing Maox Cee rong, pang kong seex cu raung Li Ai Chui, fux cu raung Wuang Cing Liang cao kaing in hoek laik daux, bang kum mawh cu cee khaw khaw cang: cheung taux lux cao bung. Ot daux bang kum, jauh tix mawh siien woe shu chi Tiien Sam Hawx pa krai lao grawh grawng pati rob rom, nawh ah: pati rob rom mawh pa thung bung son kawn pui hak tiex Meung Vax, mawh pa yuh kaing: kaut sawn son kawn pui, ka mawh pa viex son kawn pui ku cau, khee nan, ex khaw bre sau riang ka krax ot kaing: yuh pa ti ku plak. nhie: mawh daux hak tiex Meung Pawk, khaw teei pa awn ju: pa muih rhawm ka hak tiex an kix laik daux been. hoek mee 2014 num, daux siien ex bak sang yuh pa ti pa viex been daux hak tiex koe (3000) kaux pui, mai sang paoh bang kum bawg loe son pa viex been. in mawh kaing: ting son ex, khaw bre rhawm ka ku kaux,nhie: mawh cub caw: bun dai, khaw bre ruah kaux pui tix laik daux been. Siien cang: Li Ai Shu ka krai lox daux bang kum, nawh bre tix krai lao grawng ting cau krax ot pati an kix, nawh ah: pati mawh pa viex been son kawn pui hak tiex Meung Vax ku cau, mawh pa viex hu krax mi mhak haok huan, mawh pa ting ka son thung bung kaing: ka daux, khee nan to kaux pui caw: tix nghiet lox daux cub, pui tux hawt lox pui hun, plak greem nghiet lox plak piang:, pati ku kaux ang ah, cao kaing mawx ang ah khaw bre hawt lox plak piang:, ang cu yuh tix tang khaing paox. 1. kaing: pa yuh khawm mu, chaw
tix mawh pui hun pa bung, guah grawng pa yuh si dawng, koe ka-ing: ting lox nu khaw mawh pui hun pa sawn mai paox, pati mawx
ang ah, cao kaing mawx ang ah, si miang mawh ting miex ding:, ang pon tix tat kaing: nong nong .
2. Pati cao yuh been ku kaux, khaw bre yuh krax si du, nghiiet lox si diex pa tawx pui plak praix, ka chix krai lao krax kaut rhawm sawn son kaing:, ka chix een rhawm kaut daux rhawm, yuh krax grum rhawm son ku plak. yuh tix grum lox son kaing: ku cau, ang cu pui tang viex rhawm kaut to cao, grum rhawm kaing: ku cau tawm chix haok huan.
3. Pa viex been pati ku kaux , khaw riien yuh krax kum ngawm mai paox , tang tawx gha son yuh been , ang cu kaux pui mawx tang khaing paox tix .
4. Pati rob rom mawh pa thung bung son kaing: khawm mu , mawh pa ting pa lhaong khaing paox , ka mawh pa thung bung son nad mawg , son sang kieh ri-ang: rao koe daux lien tawm seet cao kaing ti ra kaux , pa sawn son kaing: pa sawn son been , daux tap plak greem ka mawh nan , cao kaing cao kham chaw tix mawh pa bung son kaing: ku plak , ang lai dheen kaing: ka paox .
Kaing: son pati pa viex been in kix ot daux kaing: yuh khaw eei mawh pa ting , nhie mawh daux cub caw , ang pon tix prah ti bawg kawx , kieh ex nhie: grum rhawm mai tax kuad pang praok si miang ting ex kix .ot greem thung bung tax cai sam , tax sam kat cao kaingdaux cub in kix sau riang: mai paox , yuh kaing: daux cub haok huan .
Fux shu chi cheung ai ka , cao lao cang: , fux siiencang li sam pan in kix ka kawn baox thie tix krai ku blawng , mhaing pa ot plak greem ku ku caw bre sau riang: piang lox tat , yuh kaing dee ot mhawm , kieh krax ot pati pa viex been in kix nhie koe krax haok huan si ngaix .■
VENG MEUNG PAWK PAOH BANG KUM SON PA VIEX BEEN
N ie lih lhiex naok rawm bieh guh daux pang kham ku dauh
Jauh daux khix 7.25 ngaix hoek tawm si dauh khix si diet lhiex tix lih daux veung Pang Kham khawm braok veung ku dauh, hoik kieh krax laux nu, ang lai nyawm kawn pui lai ling ing tiang, rawm klawng (Nam Kha) ka hoik huan, dex pon tix hoek ka si pauk man, ot dee in hoik pau lien nawh ku si ngaix, riien kix khaox ox pa viex vhak tix ka si pauk. daux veung daux krax hoik mawh rawm khawm mu, nhie: mawh moing si viex nyiiex gau lai haok huan, hoik awm rawm klawng ting yuh nan, lai ling: kawn pui cak cheu ka daux hoik si daing nu. daux dung kax baoh Hat cum hoik naok rawm daux khawm mu, kawn pui hoik ki ka rhoik tix rawm.
Daux krax daux laux ku plak hoik klut rhauk ka, hoik nu
cag cheu lai ling:, hoik blawn cheu daux krax ku dauh. ang lai nyawm kawn pui lai ling: ing tiang:.
Daux veung: ka mawh nan, khee hoik si diet lhiex tix lih loe pon ngaix, ding die pa ang kaux an kix hoik pon tix klut mai, ti blah hoik caw tix dheem nyiiex ma pa ot greem tix, khaox maox ngu riang: pa ot praok guh an kix ka hoik goeh, moi ka ang pui nyang mat ka daux. jhak tix yaox lhiex in kawn sang lih, ca si mhie: pui ku kaux riien: rhawm tix, nhie: mawh yam lih plak praix, pa yuh ma koi hawt klawng an kix. ■
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency
Cao pu pliak lai ~ Sam Sang. Sang Kaw. zl;ydef,vduf;]o}`OmrfOmif:? zl;ydef,wSrf_ayj.vduf;wh:sv;pmif;cldif;(Editor)`Omif,auj:? 佤译/三 木 桑 傣 译/ http://www.wskeungwa.blog.com. http://you.video.sina.com.cn wastatenewsagency