PELEAN MENU
Baca’an Upacara Adhat
Ngekak Sangger
Bateggha Upacara Adhat Ngekak
Sangger
Rentengan Lalampan Upacara Adhat
Ngekak Sangger
Pamerte Becce’ Upacara Adhat Ngekak
Sangger
Baca’an Upacara Adhat Ngekak Sangger
E Madhura badhi settong adhat otaba kabiyasa’an se elampa’agi e bakto lanceng sareng paraban bhakal akabin. Upacara adhat ka’dinto kalonta e dhisa Legung se esambhat sareng Ngekak Sangger.Ngekak Sangger gadhuwan arte ponapa kabinan da’ para sadhaja oreng e padhisa’an Sumenep benni aropa’aghi pertautan callon pasangan ka’dinto namong maso’na callon pangantan lake’ ka dalem keluargana callon bine’ kadhiye sangger se ekagebey dhari kettoghen-kettoghenna perreng se rape asoson dalem settong taleyan (ikatan) sareng koat dalem ngadebbi masalah se bhakal badhi e kaodi’anepon tor tojjhuwan kaangghuy adidik otaba ngajari da’ pangantan lake’ nyoppre ros-terrosan sae, tertep jughan tettep negghu’ da’ tatakrama kadhiye sosonan sangger.Upacara adhat Ngekak Sangger kasebbhut pagghun elaksana’agi sampe’ mangken sareng masyarakat dhisa Legung kecamatan Batang-Batang Kabupaten Sumenep.
Baca’an Upacara Adhat Ngekak Sangger
Upacara adhat Ngekak Sangger ka’dinto ekabidhi dhari panyarean callon bine’ se ampon dhibasa (balligh) se andi’ hajat nyare callon lake’ se ebanto sareng pangadek.Saamponna pangadek ampon mangghi sareng lastare nyare kabhar callon bine’ jha’ gi’ ta’ ngaghungi pacar sareng bakal pas eterrosaghi ka jhalanna abakalan.Callon lake’ jhujhuk da’ compo’ callon bine’ se eereng sareng para rombongan abhakta lamaran otaba bhan-gibhan se essena kaangghuy kaparlowan callon pangantan bine’ se esseepon laen dhari ka’dinto kaen, emas(da’ se mampo), sareng cem-macemma jhajhan jughan dha’aran se khas dhari compo’na callon pangantan lake’. Saamponna callon lake’ lastare nyabak jhajhan otaba lamaran ka callon pangantan bine’, callon pangantan bine’ dhuli abeles lamaran callon pangantan lake’ se esebbhut sareng Tongebbhan.
Baca’an Upacara Adhat Ngekak Sangger
Saamponna jhalan kasebbhut lastare callon lake’ sareng callon bine’ resmi abakalan.E naleka para’ ka are pakabinan callon pasangan lake’ bine’ same-same masiyap kaparlowanepon laen dhari ka’dinto Mapar Ghighi da’ callon pangantan bine’ lastareepon badhi acara pingitan tor callon pangantan bine’ sopaja ta’ ekengengagi sareng oreng seppona kalowaran dhari compo’na nyoppre ta’ ero’-toro’ mahlok alos. Saamponna dhapa’ ka are se ampon etettepagi enggi ka’dinto acara kakabinan se etempattaghi e kalongguwenna callon pangantan bine’.Saare sabellunepon alaksana’aghi upacara adhat Ngekak Sangger seetempattaghi e kalongguwenna pangantan bine’ se bhakal kadatengan tamoy, badhi babine’ se eseppowaghi abhakta dhamar kambheng sareng kendhi se aesse aeng se bhakal e buweng ni’sakoni’ e parjhalanan ka’dinto.
Baca’an Upacara Adhat Ngekak Sangger
Sanaossa Dhamar kambheng esabe’ ekamarra pangantan bine’ nyoppre mokka’ jhalan kasalameddhan tor pangantan anyar dalem alaksana’agi upacara adhat.Kalagguwenna rombongan pangantan lake’ jhujhuk da’ compo’ pangantan bine’ se eereng sareng para seppo, taretan tor bhala pangantan lake’ abhakta bharang ghiba’an pangantan lake’ se eereng sareng hadrah jughan saronen esseepon bharang ghiba’an pihak lalake’ laen dhari ka’dinto sapasang ajem dhari kaju, dulban se etancepagi bandhira obeng, kembhang sekar mayang kelapa, sereh tor penang, pangonong, judang, sareng cem-macemma jhajhan.Saamponna bhala pangantan lake’ ampon tandhuk da’ compo’ pangantan bine’, upacara adhat Ngekak Sangger pas ekabidhi. E ade’na kalongguwenna pangantan bine’ badhi settong sangger se taleyanna locot settong dalem upacara ka’dinto pangantan lake’ kodhu nale’e taleyan sangger se locot dhari asalla.
Baca’an Upacara Adhat Ngekak Sangger
Lastarena acara kasebbhut pangantan lake’ kalowar abennah ngangghuy hiasan pangantan tor asiyap ngoni’i pangantan bine’ e acara pangantan ngarak alengleng kampong e padhisa’an tor tojjhuwan apareng oning da’ sadhaja masyarakat jha’ ampon resmi akabin.Pangantan bine’ nompa’ tandhu se epekol sareng babarempa oreng, sanaos pangantan lake’ nompa’ jaran serek se eereng sareng saronen se earak lebat kennengan se rammi kadhiye pasar, bujuk, masjid sareng salaennaepon.Saamponna earak duwa’ pangantan abhali ka compo’na pangantan bine’ kaangghuy alaksana’agi acara sabung, sadepa’na e compo’ pangantan bine’ epatojuk e attas lekser talam.Sanaossa eterrossaghi sareng nyacap molana duwa’ pangantan toju’ e korse palaminan tor tojjhuwan masenneng para sadhaja tamoy tor ondangan.
Baca’an Upacara Adhat Ngekak Sangger
Sebiyasana ehibur sareng Topeng Dhalang otaba Tembang-tembang macopat kasmaran. Aher dhari upacara ka’dinto etandhai dhari acara salameddhan e kalongguwenna pangantan bine’.
Bateggha Upacara Adhat Ngekak Sangger
E dalem upacara adhat Ngekak Sangger ka’dinto Betteng se ampon ejharna’aghi ka’dinto ghadhuwan batek: bakto alampa’aghi bakto lanceng sareng paraban bhakal akabin, kaen, emas, cem-macemma jhajhan, dhamar kambheng, sapasang ajem dhari kaju, dulban se etancepagi bandhira obeng, kembhang sekar mayang kelapa, sereh tor penang, pangonong, judang, sangger sareng lekser talam.
Rentengan Lalampan Upacara Adhat Ngekak Sangger
Dhineng rentengan/sosonannepon upacara adhat ngekak sangger engghi ka’dinto:Maphar GhighiKakabinan (ijab kabul)Babine’ seeseppowaghi e kalongguwenna pangantan bine’ abhakta dhamar kambheng sareng kendhi se aesse aengPangantan lake’ nale’e taleyan sangger se locot dhari asallaPangantan lake’ abennah ngangghuy hiasan pangantanPangantan lake’ sareng pangantan bine’ ngarak alengleng kampong e kennengan se rammiSabungNyacapHiburan topeng dhalang sareng pamaosan tembhang macopat kasmaranSalameddhan e kalongguwenna pangantan bine’.
Pamerte Becce’ Upacara Adhat Ngekak Sangger
Pamerte becce’ se bada neng upacara adhat ngekak sangger engghi ka’dinto badhan kaula sareng panjhennengan kodhu ta’ gha’-peggha’ da’ se Maha Kobassa, akdhi nyo’on kasalameddhan tor pangantan anyar dalem alaksana’aghi kaodi’an anyar sareng nyo’on koat tor sabbhar dalem ngadebbi masalah se bhakal badhi e kaodi’anepon .