Untitled - Movie Corner Magazine

http://www.moviecornermagazine.com

KANMAGAZINE A

ADVERTISEMENTTI DUH TANCONTACT

THEIH RENGKAN

NI

contact:[email protected]

+91 8413959220

contentsFROM THE EDITOR’S DESK

DIDINI TOCHHAWNG

NIPUI TITIENGKIMA CHAWNGTHU

THE CASE OF THEMISSING CM RELIEF FUND

HZ-A

CUISINESTANLEY

OPERAION THUNDERBOLTBIGDADDY HMAHMATEA

MAN OF STEEL (Movie Review)MAPUIA ELEMEL RALTE

FIAMTHU CORNERTSA KHUPCHAWNG

AN HER LIAM ZEL ENUNUI CHHAKCHHUAK

MC COMIC STRIP

FILM EDUCATIONDIDINI TOCHHAWNG

CONFRONTING CHRISTINA(Covergirl Interview)

MC TALENT CORNER

INTERVIEW WITHDr. LOUIS HAUHNAR

MC’S ACTRESS OF THE MONTH:GEMMA ARTERTON

MUANTEA CHINZAH

4

5

8

10

6

14

16

20

24

25

23

19

22

28

MOVIE CORNERM A G A Z I N E

EDITORIALEditor-in-Chief: U Manuna Hj

Creative Director: Maxeer Zach

Editor-At-Large: Muantea Cobain

Copy Editor : m.ralte

Columnist: Didini Tochhawng Able Smoochie Muantea Cobain

Cartoonist: Hriatpuia Cc

Photographer: Andrew Lalbiaknunga Ralte

Art Director: Oniisan Chawngthu

Contributors: Engkima Chawngthu TS-a Khupchawng Mapuia Elemel Ralte HZ-a Stanley Bigdaddy Hmahmatea

mov ieco rne rmagaz ine .com

http://www.moviecornermagazine.com

MC EDITORIAL

MOVIE CORNER • JUNE 2013 | 4

-didini tochhawng

Tihian mahni buai buai in hun kan han hmang chho a, kum 2013 kum chanve chu kan thleng leh ta der mai a. Movie Corner Magazine editorial team-te pawh kan buai tlang hlawm khawp mai, mahse kan la tlai lua lo e. Tun ṭum kan cover shoot pawh nidanga kan tih loh dan deuhin, kan CG Christina mai bakah, supporting role atan Aizawl tlangval pian nalh leh chhuanawm tak Winkle-a kan nei tel thei bawk a ni. Documentary shooting-ah Dee Dee Chhakchhuak leh Awma Vanchhawng te’n min ṭawiawm theih avangin an chungah lawmthu kan sawi bawk. Tin, Kroashia band te’n documentary OST atan an hla pahnih “When we collide” leh “Lam ang let” te hman min phal sak avangin an chungah kan lawm takzet a ni.

Magazine contents lamah han kal ve tawh ila. Tun ṭum chu magazine paw’n hmelthar a hmu nual a, Hz-a’n The Case of The Missing CM Relief Fund article bengvarthlak tak mai a rawn thawh a, Laipuitlang leimin tuarte hriatreng nan Nunui Chhakchhuak in a rawn ziak bawk a. Tin, BigDaddy Hmahmatea’n article ngaihnawm leh bengvarthlak tak mai min rawn neih sak leh thei a. Engkima Chawngthu paw’n Masala Mix lamah nipui iangin article ngaihnawm tak a rawn nei leh thei bawk a. Tin, Movie Cornerites te’n anlo nghahhlelh ṭhin em em MC Comic Strip pawh kan comic artists Hriatpuia Cc leh Empy Ralte te’n an rawn buatsaih leh thei bawk a. Stanley-a’n ei siam dan chi dang deuh min rawn kawhhmuh ve leh bawk a, ril te pawh a ti ṭam ṭhin mang e.

Movie Corner Magazine alo changtlun zawk zel theih nan editorial team te’n hma kan la zela, thlaleh July 2013 issue ah hian Anniversary pualin Movie Corner Magazine kal hmang tlem a zawng thlak danglam tum a ni a. Chhiartute ṭha taka min ṭawiawm a, kan magazine min hlutsak zel turin kan ngenin kan sawm a che u.

From the Editor’s Desk


MC CLASS ROOM

Film Education

Diegesis tih hi narratology-a ṭawngkam pakhat niin thawnthu kalhmang sawidan chi khat a ni a. Greek ṭawng atanga lak niin B.C kum zabi 5 -na (5th century B.C) vel khan an lo hmang ṭan tawh a ni.

Film diegesis han tih hian film ‘thawnthu khawvel chhunga hun kal dan/awm dan sawina’ a ni a, a bak hun kal lai dang chu a huap lem lo. Tin, film sound lamah pawh diegetic sound leh non-diegetic sound tih a awm bawka, hengte danglamna hi han tarlang tel bawk ila:

Diegetic sound: Film-a actual sound kan tih mai, film thawnthu kal laia a changtute emaw, thil dang hmuh theiha lang thei te’na ri (sound) an siam ang ho hi diegetic sound tih a sawi a ni.

• A changtute ṭawng ri te, thil lo tla ri te, guitar perh lai ri te ang ho hi diegetic sound kan tih ang ho chu a ni a.

• Ri (sound) ṭhenkhat screen-a lang si lo, mahse a thawnthuin a ken tel te ang ho pawh hi diegetic sound tiha sawi tho a ni bawk. (Enitirnan, inchhunga awm laia pawn lama tek tla ri ang te, lang lemlo mahse a thawnthuin a ken tel)

Non- Diegetic sound: Diegetic sound baka a film tih hmuhnawm nana sound dang belhchhah ho sawina a ni thunga, tin, film kan en laia a mood-a min kaihruaitu pawimawh tak a ni bawk.

• Background music lo play te, commentary lo awm te, sound effect belhchhah te ang ho hi non-diegetic sound chu a ni.

Film Diegesis-didini tochhawng

MC Talent Corner


MC YOUNG TALENTS

# JIKSAW

MC: I hmingpum minlo hrilh thei em? Engtin nge an auh thin che?

Ka hmingpum chu Lalmuanpuia a ani a, Mama tih in min ko thin.

MC:JIKSAW tih awmzia hi min hrilh thei em? Ti nge i hman chhan?

JIKSAW tih hi, “Jesus is King, Sublime and Wondrous” lam tawina ani a, ka nun ah hian Isua hian hmun pawimawh ber chang zel se tih hi ka duhthusam a ni a, Photography hi ka nuna thil pawimawh tak a nih avanga hmang ta ka ni. Misual ni mah ila, ka chanchin hi ziak dawn ila, phek tina Isua hming a lan ve ngei ka duh vang a ni.

MC: Photography a hranpa in ilo zir reng nge? I educational background tlem minlo hrilh?

Photography hi ka zir nasa khawp mai a, amaherawh chu photography school chu ka kal lem lo. Educational qualification hi ka nei turu lo khawp mai. Ka tleirawl chhuah atang khan professional line lama kal ka lo tum ve sa avangin, Class XII ka pass chhuah hnuin MAAC (Maya Academy of Advanced Cinematic), New Delhi ah PD3D (Professional Diploma in

3D animation and Cinematics) course ka zo ve a, chu chu ani deuh mai.

MC: Photography ah hian engtin nge i tuichhoh tan dan? Eng vanga hemi line hi thlang ta nge i nih?

Photography hi ka tleirawl chhuah tirh aṭang khan tuina chu ka nei reng tawh a,MAAC ah ka zir hma pawh hian Photography school kal ka tum nghe nghe a, mahse remchan zawk na avangin PD3D course hi ka zir leh ta zawk a, ka zir zawh hnu in hun engemaw chhung chu video lam ah ka kal phawt a. Chumi hnuah Pathian remruat te pawh ania nge, Photography lamtluang ah hian ka tan nasa takin kawng a in hawng chho leha, chutih rualin kawng awlsawm tak chu a ni lem lo bawk. Ka bei nasa a, tun ah pawh kala bei zel a, ka la bei zel dawn ni te pawh niin a lang.

Photography line hi profession atana ka thlan chhana chu eizawn na tlak ani tih ka hria a, ka tuina a ni bawk a, ei zawnna atana mahni tui na bera kan kal hian a fuh ber in ka hria bawk. Tin, a nawm na lai ber baw a chu keima boss ka ni hi. Ni reng bik chuang lo mah ila, Monday zing ah mi peihlo tawk a office an kal pur pur

P H O T O G R A P H Y

JeSuS

IS KInG, SublIme

And WOndROuS

com

pile

d by

: Did

ini T

ochh

awng


MC YOUNG TALENTS

lai a lo mut veng veng theih ni te hi a awm thina, a nuam ve riau a ni...hahaha

MC:Photographer tha ni tur hian eng skills nge pawimawh i tih ber?

Mahni ngaih dan te te han sawi ve dawn tak ah chuan, pawimawh ber tia han sawi tur chu ka hrethiam mai lo. Mahse ka hriat thiam ve danah chuan, tunhmaa cartoon chhuak ṭhin “Captain America” kha, element (ṭha tak tak) chi hrang hrang power - te alo in zawm khawm aṭanga Captain America kha lo insiam chhuak theih chauh kha a nia. Hetiang bawk hian Thlalak ṭha siam chhuak tur chuan element pawimawh deuh deuh te a awm ve bawka, heng-lines, lights, patterns, symmetry, depth of field, expression, tone etc. te ang ho hi a mal a hman thiam pawn thlalak tha tak ah a chhuak thei tho a, mahse kan thlalak chhung ah heng thil te hi uluk tak leh awmze nei taka a kan frame chhung ah kan lak luh theih chuan thlalak mawi leh tha tak lo chhuak thei ani. Amaherawhchu heng thil pakhat lek pawh hi a zira zir fe tham a tling veka, a pawimawh dan a in an rualin, a hman dan a in anglo leh vek bawk si, thil awl ai tak chu a ni lo chiang khawp mai. A khaikhawmna atan chuan, skill chu a pawimawh teh meuh mai, mahse skills nei tur chuan practice a pawimawh hmasa zawk awm e.Keipawh ka la thiam vek bik chuang lo a, ka la in zir mek a ni.

MC:A tawp ber na atan: I thlalak te kanlo hmu nasa in nalh kan ti thei em ema, Movie Corner tan hian vawikhat emaw chu thla min laksak thei ve ang em?

A van lawm awm ve, thla ka lak hian ka uluk ve thei khawp mai a, chutia nalh in lo ti chu ka lawm takzet e, Movie Corner tan te chuan vawikhat chauh lo pawh

ka in huam, mahse thianpa Andrew a kutchhuak erawh a tluk lo ang tih ka hlau viau mai

MC: Kan lawm e. I kal zelna turah duhsakna sang ber kan hlan a che.

JIKSAW’s Facebook Page: https://www.facebook.com/JiksawPhotography

GemmaArterton

MC’s Actress of the Month

Bio-Data

Birth Name : Gemma Christina ArtertonHeight : 5’ 7” (1.70 m) BirthPlace : Gravesend, Kent, England, UKDOB : February 2, 1986Spouse : Stefani Catelli


MC REVIEW

-muantea chinzah

MC REVIEW

Career

Lemchan khawvel a a chuan chhuah tak tak hnua a inlan na hmasa ber chu Stephen Poliakoff Drama siam Kum 2007 November thla a an tih chhuah ‘Capturing Mary’ ah khan ani a, he mi hnu hian ‘Love’s Labour’s Lost’ ah a inlan leh ani. He mi te Pahnih erawh a lar tehchiam lo a Khawvel paw’n a la hmelhriat lua lo ani. Hun a lo in her a Kum 2007 Kum tawp lam a tihchhuah tak Oliver Parker Film siam ‘St Trinian’s’ ah inlan in Russell Brand te nen an chang ho a hei hi khawvel in Gemma Arterton a hmelhriatna ber ti ila kan sawi sual tam awm love. Kum 2008 a lo thlen meuh chuan Khawvel in a ngaihsan em em James Bond film-ah a inlan thei ta a, Kum 2006 a ‘Casino Royale’chhunzawmna James Bond Film 22 na ‘Quantum of Solace’ ah inlan in Daniel Craig te nen an chang ho leh ta ani. He Film a chang ve tur hian Mi 1,500 vel Candidate zingah Gemma hi an thlang ve hlauh a chumi avanga inlan pawh chu ani. He Film a chan avang hian Empire Award for Best Newcomer lawmman a dawng nghe nghe ani. He mi hnu hian ‘St. Trinian’s II: The Legend of Fritton’s Gold’ ah te a inlan leh ani. Kum 2010 ah meuh chuan khawvel huap pawh a Film lar em em ‘Clash of the Titans’ah ‘Lo’ anga inlan in khawvel an dengchhuak anih kha. Hemi Kum vek hian ‘Prince of Persia’ ah inlan leh in Princess Tamina niin a inlan leh bawk a hei pawh hi Khawvel dengchhuak dawt khawpa Film lar leh hlawhtling ani. Tun Kum tir lama tihchhuah Film lar tak ‘Hansel and Gretel: Witch Hunters’ah a inlan leh bawk ani. Tun kum tawp lam a tihchhuah tur Brad Furman Film ‘Runner, Runner’ ah a inlan leh dawn a Ben Affleck leh Justin Timberlake te nen an chang ho dawn ani. Nakkum ah hian harsatna dang a awm lo anih chuan ‘The Voices’ ah a rawn inlan leh ngei beisei ani.

Gemma hi Ni 2 February kum 1986 khan Gravesend, Kent(UK) ah piangin a pian hlim hian Kut Zungṭang hi mi pangngai ai a nei tam tlat pek a an zai nghe nghe ani. Kum 5 mi anih in a nu leh pa te an in ṭhen a a Nu leh a nau te nen an 3 chuan an khawsa chho ve ta naw naw ani. A Pa hi Welder niin a Nu erawh hi chu Thil ti fai tu ani thung, An Nu leh Pa te hian an Fate hi an thiamna leh theihna hai chhuahsak tum in an naupan lai aṭang an theih tawp an chhuah ve thin ani. Chutia ṭan la ta chu a Nau zawk Hannah chuan Zai lam hi nuam a ti ta zawk a a ni(Gemma) erawh hi chuan Lemchan hi a tuipui ta zawk ani.

An khua ah hian zirna pawh ṭan in an School-ah chuan lemchan tawi ‘The Boy Who Fell Into a Book’ ah inlan in Competition-ah te chhuakin a inlan a hetah hian Best Actress lawmman a dawng nghe nghe bawk a He Play a chan hian Kum 16 chauh a Upa ala ni. Hei hi Lemchan khawvel a a bul ṭan na chu a tih theih awm e.


MC EXCLUSIVE


CONFRONTING

CHRISTINA

MC EXCLUSIVE

Tun ṭuma kan CG hi kan chang nasa hle mai a, hmân hmân atanga kanlo hual lawk tawh, phaia a awm avanga kan hman mai theihloh kha ani a. A exam zo chawl a lo haw tih kan hriat chuan zah pawh dawn lovin kan va be nghal chiam mai a. Ani pawh chuan ṭha tak leh phur takin minlo dawngsawnga, photoshoot hun ṭha leh hlimawm tak kan hmang ho thei ta a ni. A zei bakah a puitling hle mai a, thawhpui pawh a nuam hle a ni.

MC : A hmasain i hmingpum minlo hrilh thei em?

Chris : Christina Malsawmzuali ania, ka ṭhiante chuan Christina tihin min ko tlangpui.

MC : Tunah hian khawnge i awm a, enge i zir?

Chris : Hmanni deuh lawk khan Bangalore ah BA Psychology IIIrd year ka zo a, tunah tak hian eng nge ka tih tur chu kala chianglo a, hnathawh emaw coaching kal zawm ka duh a, ka rilru kala siamfel theilo a ni.


MC : Zirna lam pawh i tluang bawk a, CG atan pawh i chhuanawm hle mai. Kan photoshoot hi sawi lawk ila, sport theme lam te a ni a. Sport khelh thin i nei ve mial em?

Chris : Khel ve thin e. Basketball hi ka khel ve ṭhin a, Bangalore ah pawh team ah te ka tel ve thin a, a nuam thei khawp mai. Hriselna tan alo tha bawk nen.

MC : Kan photoshoot nei kha enge i ngaihdan ni re re?

Chris : A nuam ka ti khawp mai. Team ten min ngaihsak tha a, rilru nuam tak leh vei neilovin ka ti thei a,mi chawkphur thiam bawk sia. Makeup leh wardrobe te pawh ka rin aiin inlo bei uluk a, min ti phur sauh sauh a ni. Winkle a pawh inhre sa ka nih avangin a bula thawh kha a nuam khawp mai. Ṭawngtlem si, nelawm deuh si ania, nervous leh zam miahlovin a bulah ka thawk thei kha a nuam khawp mai.

MC : Kan theme hi i tana tih alo ni ngei dawn anih hi a. Kan Magazine hi ilo hre ve ngei tawh ang a tiro? Enge i hmuh ve dan te minlo hrilh thei em?

Chris : Aw, hre ve tawh e. Thla eng emaw chhung chu kalo chhiar ve tawh a, a ngaihnawmin phek tin hi a hmuhnawm vek mai. Ṭhalai te pawh min chawkphur ve in ka hre bawk.

MC : Chuan, readers ten an hriat duh ber tur....relationship status lam te...

MC EXCLUSIVE


Chris : Ahh...haha...Facebook ṭawngkam takin “In a relationship”’ tih bak chuan ka chhang hrihlo mai ang che u. :p

MC : Haha, aw le, aw le. Kan hrethiam e. Kan magazine cover mawitu atana hun minlo siamsakl avagin kan lawm tak meuh e. I zirna zel turah duhsakna kan hlan a che.

Chris : Ka lawm e. Nangni pawh in kal leh zelna turah duhsakna sang ber ka hlan a che u.

~~~~~~~~~~~~~~~~~~~~~~~~~~~~photography

didini tochhawngmakeup

zoe kholhringwardrobe

amy l fanaiart director

oniisan chawngthu~~~~~~~~~~~~~~~~

project directordidini tochhawng

videographyandrew lalbiaknunga ralte

costumekrimsonhmingtei

amy l fanai~~~~~~~~~~~~~~~~~~~~~~~~~~~~

MC MASALA MIX


-engkima chawngthu

Khawnge film hmuhnawm ka tih thu hi ka thlasik mau puah pui ziah mai a, tun ṭum chu titi kan thlak daih teh ang. Nipui lai a ni bawk a, chhiartu tam zawk

vairam khawlum a awm mek leh awm ṭhin te kan ni bawk a, tin Mizoram lamah pawh lum kan ti thei bawk a, Nipui titi lam in sawi daih teh ang.

Nikhat chu khawpui thil hlui chhe dahkhawmna hmunah hian thil hlui chi hrang hrang hi an

inhmukhawm a. Chu hmunah chuan bungraw hrang hrang hi a let rem rum a. Chu hmun thil chitin chi tang awmkhawmna hmunah chuan Fan hlui leh bal bet tak mai lo let ngat a. Chu Fan chu a rawng pawh hriat hran theih loh khawp a bal hi a ni a, ban (wings) pawh kim tawh lo hian khawhar tak hian a lo let ngût a. Fan bulah chuan Desert Cooler khawl hlui leh ṭawng tawh tak hi an rawn nghat deuh bur a. Cooler chuan thinrim hmel deuha a dah tute chu en zui letin “min duh tawh lo hnu chuan min va dim love” tiin a ang zui deuh tawn tawn a. Fan chuan a balh leh a ban pawh a kim tawh loh avang chuan a tir mikhual lo thleng thar pawh chu a nel vak ngam lova inthlahrung tak chuan a lo thlir a.

Cooler chuan Fan chu a hmuh phat chuan a thinrim chu a in thiam lo lek lek a. Fan chuan a “Kha nang khawi lam aṭanga lo kal nge i nih a” zawi deuh sap hian a ti a. “A khawi lam aṭang ni love, Khawpui hu lum, mi pangai ho (middle class) veng aṭangin ka lo thleng ve chiah a ni e” tiin Fan pawh chu melh lem lo chuan Cooler chuan a chhang a. Fan chuan “Anih leh chu khawpui lam chanchin thar te eng nge hriat i nei em?” tiin a zawt a. Cooler in a chhan hma chuan an bulah chuan AC (air condition) khawl hlui hi an rawn nghat dawt a. A rawn dah tute chuan fiamthu thawh nan an rawn hmang a, an nui ham ham a. An zinga pakhat chuan

Plastic bottle ruak pakhat hian an vawm zui bawk a. Cooler leh Fan chuan an lo en reng a, mahse eng mah sawi lo chuan a ngawi ngul a mai a.

Fan chuan midang lo thleng ve chu a lo thlamuan pui ang reng phian a, tlangnel deuh sawt hian a in hria a. AC khawl zawng tlem a changkang deuh tih tak ah Fan leh Cooler chu a rawn be hmasa a, Cooler chu khawi lam aṭang lokal nge a nih a zawt a. Cooler aw ring fiah deuh ṭhak hian “Kei chu khawpui mi hausa veng aṭang lo kal ka nia. Hei ka theih tawkin nipui laiin ka ṭhatlai zawng midang tan ka hun ka hmang ral a, tunah chuan ka lo chak lovin hnathawk thei rual ka ni ta lova, helai hmunah hian ka pu ten min lo tir ta a ni e” tiin fel fai takin a chanchin a sawi zung zung a. Chutia an in biak lai chuan Frigde kawngka pawh nei tawh lo hi an rawn hung ve a. Fridge zawng in luma a awm lai pawh in beng chheng lo, awm ve mulh mulh anih avangin ngawi reng chuan an chanchin sawi chu a lo ngaithla ve mual mual a.

Fan chuan “Enga ti nge he laiah te i lo kal ve teh hlawl a, i hmel en chuan i la ṭhat hmel vur si a” tiin ngaihsan hmel deuh tak chuan AC chu a bia a. AC khawl chuan “ A... kei ni chu kan tar tawh a, model thar ṭha a chhuak zel a, hei min hlui hlawn a nih hi” tiin AC chuan a chhang a. Fan chuan “Model thar chu a nih enge a an a” a ti a, AC chuan “ Tun lai ṭhangthar hi chu an changkang mah mah a, kan chelh meuh tawh love” tiin Fan chu a awmna lam te

NIPUI TITI a zawt luam a, Fan chuan “Kei ni Fan ve te hi chu e, mi rethei leh bangberh te te chan hi kan ni a” a ti hman chauh chu a, Cooler chuan hmusit ang reng fu hian “Ni e, an ni hi chu mi mi harsa te tan hian a in pe zo a ni ” tiin nuihsawh titih hian a lo chhunzawm ve vat a. Cooler hi chu a thawm a na bawka a bula bungraw hlui dang awm ve te chuan lo en phei ṭhup a. A zak deuh chu a ngawih leh deuh dat a. Fan chuan a ngaisang vak lo tih hriat tak hian “Nang ve kha mi hausa inah pawh i awm phak bik loh kha aw” tiin a lo chhang let ve vat a....

Fan chuan AC chu “Nang chu mi lian ber ber inah te i chuangkai pha a, President in leh Prime Minister leh Minister in leh sorkar hmun ṭha zawng zawngah hmun in luah pui vek a. Dawr nise a changkang chinah in awm a. Mi berh te te leh mi rethei ho hi a hmuh pawh in hmu ngai mang hlei nem. Motor nise mi lian tak tak sum ngah chin Motor ah in awm a, kawngka an khar phui vek a. Nuam takin kan pi leh pu te in siam a. Bus-ah tak ngial pawh mirethei leh harsa hmel hi in hmu ngai meuh lo a sin. A nihna tak chuan anchhia pawh hi in dawng khat viau lo maw” a ti a.

AC chuan “A khai a, mai mai chuan a” tiin a aw an thian kharh kharh a, a thu sawi lai chu a chhunzawm a “Anihna tak chuan nang deuh hi a nia aw mi hawl kim chu. Mi rethei leh harsa ber thlengin thliar lovin in luh chhuah a. In thlen phak lohna hi chu khawlai a riak kutdawh leh in leh lo nei lote, hnathawk pem kual ho (migrant worker) te hi an ni mai a. Mi hausa leh milian te, President in leh Minister in te kha i tel lo chuan an thlei bik tawp lo a sin. Keiin hnathawk mah ila mi tam tak chuan min ring tawk lo a, Fan bawk hi a ni an chah luh belh nia” ti ve a. Cooler pawh chuan dik a ti hle a, mahse Fan ai chuan a in dah chungnun avangin sawi tur nei lo chuan a lo thu ngawih deuh reng a.

MC MASALA MIX


“Ler lam a ni loh chu a, sawi ve mai la” ha ha ha

An nui ham ham a. AC chuan Fan cho phur nan “Kei chu ka pi leh pu te hi puan an sin deih zel, nula tlawn tlai ṭha deuh te pawh hi an fuke mawina hi ka hmu meuh lo” a ti a. Fan chuan leh lam hawi pah chuan “Awih awm loh loh a nih chu” tiin “Puan sin kher ngai lovin an duh tawk a vawtin an dah ang che a, mi lian leh hausa fanu nula, pianṭha thak tak i hmu ṭeuh ang” a ti a. AC chuan “A chutiang a nilo an in khuh bo vek zel a lawm” tiin a ṭang lui a. Fan chuan awih lo hmel deuh in a experience a sawi ṭan a.

Fan chuan “Kei chu ka hnuai lawkah hian an mut ṭhin avang hian hmuh chu ka hmu chiang ngang a. Ka awmna a rem em vang hian mi hi ka hmuh lo hian an awm meuh lova, hmuh chu ka hmu chiang khawp mai, mahse a ka hmuh ve chin hi chu pianchhe ve tak tak leh sawr bawk ve te te an nia”...tiin a ṭawng a muang fan deuh a. Cooler chuan “Awihawm loh em mai a, a chang phei chuan i hna thawk thei lo lekin chawl meuhin nula i thlir ṭhin” a ti zauh a. Fan chuan “Kan ti ti a ho em mai, zahmawh te reu reu kan sawi ang e” tiin a bula plastic bottle sawi bem bum lo let ngawi ngul chu a va melh a. Bottle chuan thei leh thei lo hian a ka a lo ang zuai a. Mahse an en kuala an zingah chuan te deuh in a hria nge a ka a chip leh a.

Cooler chuan “Kha bottle khan enge sawi duh a nei a mi ? i lo ngaithla ve ila” a ti a. Plastic Bottle chuan bah deuh takin a chanchin a sawi ve bauh bauh a. Plastic chuan “Kei ni Plastic bottle te hi mirethei leh harsa leh mi hausa thleng kim ber pawl kan ni a. Fan kha kutdawh leh khawlai a riak ṭhin te a thleng zawh loh thu a sawi tak na a, kei chuan thlen zawh loh ka nei mang lo a ni. Mi rethei harsa leh chhumchhia te lakah pawh ka hna rinawm takin ka thawk a. A ṭhen in tuisik vawt tawk dah nan min hmang a. A ṭhen lah in zu dah nan te min hmang a. Eng mah sawi buai lovin thei tui leh tui sik zu leh dam dawi thleng in rinawm takin kan vawng a. Kang mei tih

loh phei chu Saidawium (Glass Bottle) te anga keh ve mai mai chi ka nilo” a ti a, a sawi thui hnu chuan a zah a reh tawh bawk a, a li pek ang zar zar mai a ni tawh a.

Saidawium chuan plastic bottle in a hminga sawi el ve kher chu a ti thei der lova. Buhfai no thum bel a no ruk chhum ang ṭhah mai in a rawn chhang let a. Saidawium chuan “Nang ve kha, i hlui hmel hmang i ti chhe ve em em a, mei leh sa i hlauh nen nen a. I thil dah ṭhat ve te lah hi i lo khawih ching pen a. Mi tam tak chuan i hnenah thil dah hi an sim a. Damdawi leh thei tui thenkhat phei chu i hnenah an dah ngamlo. A chhe hma, a ṭawk hma te an ti a. Zu pawh Zu tui lo chi dah nan bak an hmang ngai lo che. Wine phei chu i umah khan um se ṭawih ral thei lo ka ni tia in chhuang hle khan i khawih chingpen anga, i hmel a chhe ngawt ang a” ti hlawih hlawi a. Cooler chuan “Ngawi teh in sum deuh teh u. Bottle ṭheuh ṭheuh in nia, in hmusit tur in awm loh hi” a ti a.

Plastic bottle lah a lo duai bik lo, “Fel hmeh deuh hian i awm a, i thinrim a puak keh hian chun a engmah hi i hmu tawh lova. Tualthah leh mi thisen chhuah nan an hman nasat pawl tak i nih hi i hria em. Keini thinrim te chu kan sah ve huk lova pawi kan sawi nep bawk a. I tlin bakah hi chuan ṭan der eih hi tum thlawt lo” tiin a kawk ta siah siah a. A te te an pawr emaw tih tur hian an ri ta lang lang a. An bula Pipe lo in kual ve ruih chuan an thimrimna kar chuan thinrim an awm a ni tih hre lo lek hian Pipe ṭangkai zia leh a hnathawh ṭhat zia chu kah pah deuh deuh hian a lo sawi ve a. Tu-i-khaw chuan an ngaihsak lem hlei lova.

Sawidawium chuan “Kei chu pa deuh ka nia. Mipa takin kan theih tawk kan ṭang a, mipa in ka thei tawh love a tih hnu chuan kan heti mai mawle” tiin a uan khum a. Plastic bottle pawh chuan a thinrim khum duh ta bik lova. An hma lam hun turah eng siam nan tak hman hlawm ang maw tih hre lo chuan an hun tawi te chu hlim tak chuan an hmang ho ta a.

AC chuan a chhunzawm zel a, “A dik a dik, chuan power ka ei hek zia leh lum ka pek chhuah te hi khawvel hian a mangan pui asin. Ka power ei ang te hi chu ei ve ula chu tu fa pawhin ka hnathawh ang chu an thawk ve thei ang chu” a ti a. Hei ka unau Refrigerator (fridge) te lah hi CFC a tih chhuah avangin ozone te a pawp a. Ka hnathawk hian lum ka pek chhuah a ngai a, chu chu mi dang in an tuar tih reng i hre lova. Ka awmna motor tlan pelh hreawm zia an sawi te hian hrehawm ka tih zia chuh” tiin Fan chu duh thawh takin a hrilh malh malh a. Fridge chuan AC bulah chuan eng vak mah sawi tur hre lo chuan zawi aw deuh hian “Tunah te chuan CFC kan pe chhuak tawk ngai bik lo” a lo ti ve sup a.

Cooler chuan sawi tur a neih loh avangin nin hmel deuh hian an ti ti chu a lo ngaithla a, sawi ve chak awm hian a ka a lo ang zuau zuau a. AC chuan an melh zeuh a, a chanchin a sawi ve ta a. Cooler chuan “Kei chu mi hausa tak tak leh changkang tak tak inah hian ka lawi ve meuh lova. In ti hausa ve pangai, nei nung lutuk lo ho hi ka hrut ber a, AC te ang hmanraw changkanga thuam ka ni ve lo na in Fan ai chuan ka tangkai deuh chuan ka hria tiin” Fan chu an melh a. Fan chu a lo ner nasa khawp mai a, a ngawi liam duh mai hauh lo “I thawm rin zia leh tui i heh zia bak hi an sawi ngai meuh lo bawk ti raw” tiin a lo tuihnih a. An nui ho ham ham a. AC chuan “Fan hi chu i vannei ngawt mai. Inchhung hmun hulah inchungah pawh a lai li berah i awm a. Kei ni chu kan taksa ṭhenkhat hi pawnah a awm a, ruahsur leh ni sa kan tuar nasa thei lutuk a, vannei tak i ni” tiin an han fak luam a, chu tak chu Cooler chuan la fuh in Fan chu a fiam zui ta. Cooler chuan “Fan hian mi zan mu lai ruak deuh keng kung te pawh a hmu hnem ber an tih che kha” a ti a.

“Awih awm loh loh”

“A nih reng kha zep suh” AC chuan a lo ti ve bauh a

“Min va ngai ler ve a”


-ts-a

Mizo Film Industry ah chuan a hming lar ber pawl ani a. Zofate’n film siam lamahte hma kan sawn theih nan a hmahruaitu zing

ami ani bawk. Mizo nu ngaihsanawm leh ropui Dr Louis Hauhnar kawmna hun kan nei thei hi Movie Corner Magazine te chuan

nuam kan tiin kan lawm tak zet ani.

INTERVIEWWITH

Dr. LOUISHAUHNAR

Society hi nikum kum tawp lam khan, I&PR Department te nen ṭang kawpin kan din a ni a, chutah chuan Senior Vice President in ka awm ve a. Kan President chu Lalpianvuala ani a. Sawrkarin min hre tawh a. Kan Development Society tan chuan Sawrkarin film siam nan kum khatah budget Rs 10,00,000 min han dah sak ve a. Nikum khan Rs 10,00,000 a nia, tun kumah pawh Rs 10,00,000, a vaiin Rs 20,00,000 anih tawh chu. Mumang pawh a ang kan tia, kan lawm em em a. A chhan chu kan lo FIGHT-na hi a rei ve tawh a, kan lo bei ve ṭang ṭang ṭhin kha a ni a. Nodal Department nei tur ringawt pawh hian kum engemaw zat kan bei a. Hun rei tak kan zawng kan zawng hnu ah kum 2005 khan I&PR hi Nodal Department an ni tih kan va haichhuak ve hlawl mai a. A hma kha chuan film lamah awareness a la awm vak loh avang khan tu vak mah khan an lo la in hre bik lo a, mahse khatia kan va in hmuhchhuah tlan hnu kha chuan kan ṭang khawmin kan bei ho ta ani.

Chuan, tunah hian film intihsiakna a awm mek a, film kan siam mup mup mai a. Short film intihsiakna a ni a, minute 25 atanga 28 inkar tur a nia. Pawl 20 laiin an

MC: I buai em em tih kan hria a, hun chep tak kar a nangmah kawmna hun tha tak min pek avangin kan lawm e. Han ṭan chho mawp mawp nghal mai ila…engtin nge mi hian ko che se I duh ber? Engtin nge kn koh ang che? “Pi Louis” kn ti mai don em ni ang?

Pi Louis: Aw, “Pi Louis” hi min ti mai thin.

MC: Nih chuan Mizo hming hi I nei lo tihna mi?

Pi Louis: A hma chuan nei thin e. “Louis Kimi Hauhnar” tih hlir khan All India Radio leh Doodarshanah te pawh hriat ka ni thin a, mahse affidavit hmangin ka thlak ta a, “Kimi” lai kha paihin, “Louis Hauhnar” tihin ka thlak ta ani.

MC: Kan lo hriat dan chuan, Mizo ten film siam lamah hma kan sawn theih nan pawl ang ten tan in la mek a, project buaipui te in nei niin kan lo hria a, chumi lam chu tlem a zawng min hrilh thei ang em?

Pi Louis: Hrilh thei e. Film Development

MC EXCLUSIVE


siam mek a. June ni 24 zan dar 12 hmaa thehluh tur ania, a lawmman te pawh a tha dawn a. Chumi atan chuan hei, Film Development Society leh I&PR tang kawp ten kan bei ve mek ani.

MC: Anih leh film siam lam hi engtik aṭang nge I tui ṭan a, engtik ah nge camera hmaah lemchangin I in lan hmasak ber min hrilh thei ang em?

Pi Louis: 1998 ni ta in ka hria, a hma kha chuan film siam lampang hi ka lo la ngaihtuah vak lem lo a, khami kum khan C.Hmingthangvunga hian min rawn sawm chawt mai a. “Zokhaw Tlangval” tih, karate film a chang ve tur khan. Khatih lai khan ka faten karate lam an zir ve thin lai kha a ni nghe nghe a. Chu film ah chuan NU lemah ka chang a, khata tang khan film dangah te pawh ka chang chho tan ta a, nuam ka ti chho em em ta ani.

MC: Mizo film hi engzat nge I siam tawh a? Engzatah nge I chan a, I in lan ve tawh? Mizo film lo siam te I nei tawh m?

Pi Louis: Film 16 velah ka chang tawh a. Keimahni siam tak hi chu a la tam em em lo a, 5 emo 6 vel chu kan siam ve tawh ang. Chuan Hindi a chan kan nei bawk a, “Thla Hleinga Zan” tih James Dokhuma ziah kha Hindi tawngin ka let a, chuan kan chang a, Doodarshan Guwahati ah te an chhuah ani.

MC: Anih leh fa hi engzat nge I neih? I fapa te kha film te I chanpui ve thin a, kan

lo hmu thin a, a nuam bik em mahni fate nen a chan chu? Nge film chan a har phah zawk em? Mahni fate nen a chana, mahse an nu ang ni lo, character dang a chan daih si te kha…

Pi Louis: Fa 4 ka nei a, mipa hlir an nia. Mahni fate nena chana, chhungkua a chan te chu a nuam ve khawp mai. A ropuiin a nuam ka ti. Harsatna pawh a awm lo, eng part pawh hi chang I la, nuam ka tia. Ka fapate hian thu an awih bawk a, chhungkuain ṭha deuhin kan in ṭawiawm zel thin. Tunah pawh, kan film siam lai mek ah hian, a awm awm hi chu kan lang kim vek ani.

MC: I film chan leh siam tawh te zingah hlut bik riau I nei em? I tan a special bik riau te a awm em?

Pi Louis: “I Tello Chuan” tih film kha keichuan ka hlut a, ka ziah a ni bawk a. Ka hlut em em nachhan chu zirtir nei tur a ka ziah a nia. Kha film kha kan chang ṭha in kan hlawhtling ve in ka hria. A chhan chu lo entu te’n min rawn hrilh leh a, mo sual leh mo fel vel an en aṭang khan “Ka fel phah sawt” rawn ti te an awm a. Chuan Mizo zingah nupui/pasal nei chung a ngaihzawng dang nei te an awm ṭhin hi, ka duh loh zawng tak ania. Kha film ah te pawh khan a ṭhat loh zia rawn tarlante kan tum bawk a, kan hlawhtling thawkhat ve in ka hria.

MC: Film siamna a I thawhpui tawh ah tunge thawhpui nuam I tih ber? Chuan lemchan thiam I tih bik, zei nghal thlap

mai, nangmah pawn “Hei chuan a ti dik nghal thlap mai a” tih te I nei m?

Pi Louis: Mizo Film siam thinte hi pawl te te te’n kan awm ve a. Film chanpui leh siampui thin pawl bik te kan nei ve a. Chutah chuan keichuan C. Hmingthangvunga hi thawhpui nuam ka ti a, amah hi film lamah min hruai luttu leh min siamtu a ni a. Thiam hi ka ti em em a, lemchan a thiamin camera khawih leh editing vel pawh a thiam em em bawk a, midang thiam tak tak pawh an tam a, mahse ka thawhpui tawh ah chuan amah hi chanpui nuam ka ti ber a, ka ngaisang bawk ani. Tin, kan thawh dunna films ah award 2 emo 3 vel lai kan lo dawng tawh bawk ani. Hmeichhia ah chuan “Zodinpuii” tih a mi, Catherine tih lem a chang Kimkimi kha a thiam ka ti a, chuan “I Tello Chuan” tih ami Lalmuanpuii kha chanpui nuam ka ti bawk.

MC: Mizote hi lemchanna, acting lamah hian kal chi kan ni I ti em? Ram pawnah te, Bollywood emaw Hollywood ah te pawh va in lan ve thei tur khawpin lemchan thiamna emaw potential kan nei I ti em?

Pi Louis: Aw, kan nei khawp mai. An thiam hi ka tia film chang ṭhin hote hi. Inzirna hranpa pawh nei miah loin ṭha deuh hian kan va ti thei mai zel a. Pianpui talent tha tak kan nei a. Chu chu keima sawi leh ngaihdan mai ni loin, ani ngei ani tih ti chiangtu hmanni khan ka tawng a. International Mumbai Film Festival kan nei a April 25-27 khan, chutah chuan kan Mizo film “Zodinpuii” kha kan chhuah ve a, vai ho khan a awmzia te min zawt a, chuan ka lo hrilhfiah zel a. “In va thiam em em ve, lemchan zirna Institution te in nei em ni?” min han tia, kan neih loh thu te leh in pawt chawp a chang ve tawp kan nih thu te ka hrilh a. An mahni chuan “Chuti si chu in van thiam em em ve, Bollywoodah te zuk kal ta ula, an la nghal tawp duh ang” ti tein kha film changtu te thiam an tih zia kha min hrilh a, film siam vel hrim hrim pawh kan thiam an tih zia te min hrilh ani.

MC: Tunah chuan Sawrkarin film siamna lama tanpui nan che u budget Rs 10,00,000 a siam sak ta che u ani a. A hma khan engtin nge in lo siam thin? Sponsortu in nei nge, in thawh khawm mai thin nge,engtin nge in lo tih thin?

Pi Louis: A hma chuan, han ti ila, tunah pawh a la ni deuh tho a, mahni senso in film hi kan siam thin a. Chuvangin kan

MC EXCLUSIVE


rethei em em a, chawibelh zel khan kan ti thin ani. Hlawkna hi a la awm lo a, mahse kan tui em avang leh nakin hun lo kal zelah ṭhangthar te’n heng hi an la chhawr dawn ani kan tih avangin loss neih pawh pawisa loin kan bei zel thin ani. Kan han hlawk ve dawn emaw kan tihte pawh hian, piracy hi a nasa lutuk a, Video Library ho hian keini a film siamtute ai hian an lo hlawk fe zawk thin ani. “Chhingkhual Lanu” te pawh kha Video Library nei te lam chuan “Mizo Films zingah chuan sum kan hmuhchhuah tam berna pawl” an ti a, keini erawh chuan engmah hlawkna kan nei lo, mahse kan tui em avang hian kan ti zel thin a ni.

Chuan tlem han sawi belh ila, mite hian min zawt thin a, “Tinge Lunglei lam films te hi a changkan a? Aizawl lam films te hi a changkan tak tak ve thin loh?” te min ti thin a. A chhan chu Lunglei lam chu a khaw nawtin an ṭang a, Department ten an lo sponsor thin a. Keini lamah chuan khatiang kha a awm ngai lo a, mahni sum sengin kan siam thin a, kan in daih lo ve hle thin ani. Lunglei lam angin ti ve thin ilang chuan, Aizawl lam film siamte pawh tun ai chuan a changkang theih chu kan ring ani. Mahse hei, kan sawi ang khan, Sawrkarin heng lamah tan an la thar ve a, Rs 10,00,000 lai budget min han siam ve a, kan lawm em em a. Tunah chuan, kan tum dan chuan, kan Society hi ti hian kan ding chho zel ang a, tu emaw in film siam tum ta se, theih ang chen chenah han tanpui a sponsor ve zel kan tum ani. Chuan film siamna atan a tul tur ang hmanrua hran hran tha leh changkang lei ve a, hawh theih tur a siam te pawh kan tum a, Film city tha tak neih ve leh a zirna lam institution hawn ve te pawh kan ngaihtuah ve mek zel ani.

MC: Chanchin tha leh lawmawm tak anih chu. A tawp lam kan hnaih tawh mai ang a, film star chang thiam tih leh duh deuh te I nei em?

Pi Louis: Film hi ka en nasa a, movies leh serials hmuhnawm tih tak tak ka nei nual a, chang thiam tih tak tak pawh ka ngah a. Sap ho pawh thiam ka ti lutuk a, mahse vai film stars te hian expression han tih lan velah hian an thiam zawk em ni aw tih chang hi ka nei thin a. Chutiangah chuan Madhuri Dixit leh Shahrukh Khan te hi expression han tih lan vel hi an thiam ka ti em em a, ka ngaisang bawk ani. Tin, Sap film siamah hi chuan Action lam ka en nasat vang hian, action stars ho te hi ka duh a, nangni tan chuan an hlui deuh tawh maithei a Jean Claude Van Damme

te, Sylvester Stallone te hi ka duh a. Jackie Chan te pawh hi ka duh pawl tak ani.

MC: A tawp ber atan, kan magazine chhiar thinte hi movies lam a tui tak tak kan ni hlawm a, film siam lam a tui leh a chan pawh chang ve tawhte pawh an awm a, heng ho zawng zawng tan hian thuchah duh te I nei em?

Pi Louis: Film hi mihring nunzia, a nihna ang tak tak a lanchhuah tir theihna hmun ani a, a pawimawh em em in a effective em em mai bawk a. Kan film en te hian kan nungchang te hi a kuai her thei a, a ṭha kan en chuan a ṭha lamah, a chhia kan en chuan a chhe lamah, khatiang khanin kan mizia te hi kan film en te hian a lo kaihruai ve thei a. Hetiang anih vang hian, kan film siamte hi awmze tha tak leh zirtir tha tak nei ni thei se. Tin, khawlaia kan chhuah velte pawh hian hmeichhia leh mipa hmelṭha tak tak, film chang tur a awhawm tak tak ka hmu thin a, khang hote khan chang thei seng chuan kan film siamte hian mi a hip lehzual bakah, kan film siamin ziritr a tumte hi miin an hriat tam phah zawk dawn ani. Chuvang chuan kan ṭhalaite hian film siam lamte hi ngaihsakin, heng lamahte hian an rilru hi pe ve zel se. Amaherawhchu sum te a la tam loh avang hian duh angin hma kan la sawn lo deuh a ni mai a. Nakinah phei chuan kan la pui viauin ka ring a, kan ṭhalai lamte pawh hian film siam lamte pawh hi uar zel se ka ti ani. Zai lam ringawt ni loin lemchan lamah te pawh hian awn ve ila, zaithiam tak tak kan tam ang hian lemchan thiam tak tak pawh kan tam ngei ka ring ani. Hei, KṬP lamin drama an han chante pawh hi an thiam ka ti em em a, khatiang lama intihsiakna te kha tam se,kan ṭhalaite hian film siam lamah hian ke pen nasa se ka duh ani.

Films lam a chawimawina leh lawmman Dr Louis Hauhnar in a dawn tawhte :

• Lelte Award 2003 ah Best Supporting Actress

• 1st MFPA Mizoram Film Award 2005 ah Best Actress in a Villain’s Role

• 2nd MFPA Mizoram Films Award 2006 ah Most Talented Female

• Mizoram State Tobacco Control Society leh Indian Society on Tobacco and Health te pawn Best Actor(Female) lawman an pe tawh bawk ani

• Co-producer a nihna film “Zodinpuii” chuan Films Division, Ministry of J & B, Government of India aṭangin lawman a dawng bawk ani.

Dr Louis Hauhnar film chan tawhna te (particulars not in order) :

• Zokhaw Tlangval Part 1

• Zokhaw Tlangval Part 2

• Hawilo Pari

• Thla Hleinga Zan

• Sual Man

• Hlawhtlinna Lamtluang

• Man in Black

• I Tello Chuan

• Chhingkhual Lanu

• Zodinpuii

• Zualite Unau

• Ka Dawn Chiang Lo

• Sangi Inleng

• Hmangaih Jenny

• Vas-a Hun Hnuhnung

MC EXCLUSIVE


FIAMTHU CORNER-Tsa Khupchong

• Tlangval pakhat Leather Jacket lei thar pawh kha, meilum a aipui chuan a khup thlengin a fual thla hnuk zel a, khaw vawtin a han hmet leh a, a zakhnuaiah a tawm chho leh vek zel.

• Tlangval pakhat pawh kha a inbual fai lo mai mai asin. A inbual zo chu towel-in a inhru a, a khawk ta mai a. Fan-in a inchhêm rotir thak.

• Nula in kawngka bianga inchhuih luh khut khut pahin, “E khai! Khanchhuka ka’n inchhuih palh chu le!” a tia, nula chuan, “Kha te chu khanchhuk a nih loh kha…” a lo tia. Tlangval chuan, “Keini sawi ve te chu i awih leh tak tak chuang nang,” a’n ti leh zaih ah!

• Tlangval pakhat pawh khan Sunday School inkhawmah Second-hand kamis a ha a, a nghawng hmawra lazai chu a pawt a pawt a, a kawr nghawng a tla tawp.

• Tlangval pakhat pawh kha a bialnu chhungte’n an duh lo lutuk a, an inru a. An thinrim chuan an inneihnaah a nupui chhungte an sawm duh lo vel.

• Tlangval pakhat pawh khan nipui laiin a khawlum kawr turan leisak a, a lo chep kaw thluah mai a. A chhungte’n an hau va, ani chuan, “A lum lutuk a, ventilation ka siam alawm,” a ti ve tlat.

• “Ka pi, i zûnah maw ka lo uai a? Hraite i chawnpuar ka ni nem le…” A hre sual ve khawp mai!

• Concert-naah a zai ve a, a sa sual chiang ve mai mai. Ring leh têng tawkin, “Val ngai lo zama tang ta che…” a ti liah liah.

• Chhura khan Nahaia kha over a ti thei raps.• Zobawk lan theihnaah dingin a lo thlir vang vang a. “Eng nge i

va thlir nasa ve?” an ti a. Lei seh ruha vei thlek ngur chungin, “Zobawk-ah saw’n ka hming anpui a awm a, tunge a hming kha aw… Ka hre chhuak zo lo va…” a ti heu mai.

• Tun ang fur lai chuan siliper letling zawnga bun vek tur. A chhan chu keimahni vaw berh lovin kan sira mite a vaw berh char char.

• Zing dar 3 velah rui zetin a haw a. Chaw ei tur a zawng a, a awm si lo. Dar 3 vela chaw a’n phit mai chu, a chhungte an sa rem rem!

MC LAUGHS

1. Monsters University $82.4M

TOPBOXOFFICE

2. World War Z $66.4M

3. Man of Steel $41.3M

4. This is the End $13.3M

5. Now You See Me $7.9M

6. Fast & Furious 6 $4.9M

7. The Purge $3.6M

8. The Internship $3.4M

9. Star Trek Into Darkness $3.2M

10. Iron Man 3 $2.2M

www.mizofiamthu.com


MC VOICE

Saturday zan dar 8 a ri a, ka phone ah chuan message a rawn thleng chiah a. Rang taka en nghalin –

“HZ, lo leng teh. Thil i chhui dun teh ang” tih chu a lo awm khiau a. Tihtur hranpa duan lawk em em ka neih loh bakah ka ṭhianpa hian beer a nei leh tawh a nih ka rin avangin an in lam pan chuan ka chhuak ta a. Kal pah chuan eng thil tak chhui dun ang maw tiin ka inngaihtuah phei rauh rauh a, hun reilo te hnuah Vaiva khabe liam dawng tur chuan an inchhung ka lut ta hlawl mai.

Zan danga nula hmeltha address chhui mai mai ṭhin khan Chief Minister’s Relief Fund chungchang daih a ni kan chhui ni. A bottle khat na tauh keh pah chuan heti hian…

A chepa kaiin: CM Relief Fund hi State dang te hian an hmang ṭangkaiin mipuite rilru ah pawh a tla na hle mai a. Sikkim CMRF phei chuan hmanni a lirnghing tuarte in 17 zet kha nuai 4 chuang ṭheuhin a pui thei nghe nghe a ni. Chutih laiin Laipuitlang leh Ramhlun Venglai chhiatna chungchangah Mizoram chuan CM Relief Fund hi sawi thawm a awm ve miau loh avangin ka rilru ah a awm reng a, ti hian ka chhui zau ta a ni.

State dang tih dan: India ram state ṭhenkhat Odisha, AP, MP leh HP te chuan inkaihhruaina mumal tak neiin public awareness pawh an bei na sa hle a. CMRF a chhun luh te hi income tax pawh exempt a ni nghe nghe a. e-CRMF beiin online a contribute duh tan pawh awlsam takin an dah mai bakah online/ offline donors (thawhtu te) leh beneficiaries (dawngtu) te hming nen kimchang takin transparency (langtlang) dik takin an pho lang a. Kum tin annual audit neiin felfai takin an kal pui a ni.

CM in a sem ringawt ni lo in form fill up tur awm in apply theih a ni a. Hei hi kan hmang lo nge kan hre lo, kan sawi lar lo hle. Hetiang hian mipui mangang ṭanpui ngaite ṭanpuiin hma an la thin a ni.

Hmansual theih a ni em? : RTI Activist lar tak Shailesh Gandhi chuan 2008 khan Maharastra CM hnenah open letter thawnin CMRF hmang a Kabaddi games te, in zaisiakna atan te a an hman thu leh Trust anga in register ni si, Trustee mumal awm lo leh Charity Commissioner awm lo ang in mipui hma ah a challenge hial a nih kha. CM khan a nihna a hmang lo in a duh thalin a hmang tihna a nih ber chu (RTI hmang a a khawnkhawm atang a open letter hi ziak a ni)

Mizoramah ve thung le! : Kum 2009 Aug thla atangin hmuh theih chin (DIPR leh Vanglaini Website atangin) ah mimal/ pawl 100 zetin thawh in a vaia tling khawm chu cheng Nuai sarih leh singkhat chuang (7,16,090) CM Relief Fund ah hian chhun luh niin a lang a. (Heng data hi ka lak khawm chawp mai a ni). Kum 2011 Jul atang a vawin ni thleng hian DIPR hian an website ah contribution hi an ziak lang tawh lo a ni. 2013 data ka lakkhawm hi Vanglaini website atangin a ni. Mimal phei chu mi 10 vel chauh in an thawh a. Congress Unit/ Block leh Vilage Council hrang hrang ten an thawh hi 80% dawn a ni a. Organisation lamin an thawh hnem hle bawk. Hetah (https://docs.google.com/file/d/0B83QnqemVTJVd05YRUk0WS1JdGs/edit?pli=1) hian a kimchang ka hmuh theih chin en theih in ka dah e.

A kaikuang chu: A tlem berah nuai 7 chuang tling khawm ni ta se la, a hmanna emaw mi te ṭanpuina CM Relief Fund aṭang hian vawiin ni thleng hian mipui te hmuh phak internet ah hmuh tur a awm ve hauh lo mai a. Khawiah nge an awm zawh tak? Nge pung awmin an dah tha? State ṭhenkhat ah chuan GAD hnuaiah dah a ni a, a ṭhenin Trust angin an kal pui a, Mizoramah hian eng ang chiah in nge kan kalpui ve hmuh tur a awm lo a ni.

Enge a awmzia: Heta ka sawi tum ber chu ram hruaitu lu chu kan mamawh min phuhruk tur leh min thlamuan tura kan beisei a ni. Chutih laiin kan ramah chuan tuna chhiatna kan tawh ah ngei pawh CM Relief Fund rim kan hre lo mai ni lo in mimal leh pawl ho in ṭanpuina veh bur an khawn a. Entirnan, NEREFS Ltd phei chuan nuai 2 chuang chu CMRF a pe lo in YMA a hlan ta daih a nih kha. Chutiang zelin Green Mizoram Network leh pawl hrang hrang ten sum an khawn khawm pawh sawrkar kutah hlan ngama ni ta lo.

A awmsa a hmanna pawh kan hriat miau loh vang te pawh a ni thei ang. YMA hi huangtau lo chi a ni hlei nem. Sawrkarin aw a chhuah ngam miau ṭhin loh avangin aw a chhuah a, MZP/MSU te pawh an tih tur ni lo an ti kan tih fo na chhan chu sawrkar hna tur an thawh thin vang a ni. I ngaihtuah chiang ang u. e-governance in min thawlh khum mek e.. langtlang sawrkar kan duh kha maw?

-hz-a

The Case of The Missing CM

Relief Fund

https://docs.google.com/file/d/0B83QnqemVTJVd05YRUk0WS1JdGs/edit?usp=sharing

https://docs.google.com/file/d/0B83QnqemVTJVd05YRUk0WS1JdGs/edit?pli=1

https://docs.google.com/file/d/0B83QnqemVTJVd05YRUk0WS1JdGs/edit?pli=1

MOVIE CORNER • MAY 2013 | 21

MC HERO

Winkle-a hi sports lama mi chhuanawm tak niin, nula te tan pawha ngaihsanawm tak, a tuina lama mi inpe mi tak a ni. A bio-data hriat chak tam tak kan awm ngei anga, tlem a zawng han tarlang ila..Name: Winkle Laltlanchhunga DOB : 19th sept 1993 Zirlai : 1st sem BA, PUCHobbies : Sports and music Relationship : Freshly SingleAchievements : • Mister Mizoram 2012

(70kg)• 2nd place, 2013 Mizoram

Kickboxing Championship (75kg)

• 2nd place, Mens discuss throw, Northeast Games 2013#WINKLE

MC FLASHBACK


Ruah a tla cherh cherh a, ka raincoat kan han ha sawk sawk a, pawn kan chhuak mai chuh, kan ṭhenawm pang chu a lo hek huam mai a. Zing dar 3 dawna ka mu tuilai min ti harh tu thawm kha anih ngei dawn hi ka ti a. A hnua hun kan hman dan chu buaina leh natna hlirin a chhunzawm tawh. Rilru hi a thlamuang theilo, Laipuitlang veng mipuiho tan chuan, khawvel hun chhiar hi a ding tawp ani. Kha chhiatna rapthlak ina a thlen rumna, channa leh ṭahna kha khawl dawn ta ila, uar takin ka sawi ngam, ka damchhunga ka sum lak luh tur zawng zawng, keimah chu sawiloh, khawvel sum hian a rul seng lo ang. A na ani! Khuarei in kan nun a hril in kan na te a chhawk ṭhin kan ti, thla a liam ta mahse maw…..

Zing han tho ila, purdah zar hlimin, tukverh ah han dak chhuak ila, ngaihtuahna a lo lut ṭhin chu lusun chhungte hian engtin tak tuar ang maw, hmangaih ngawih ngawih te rapthlak tak a han thlah liam mai chu. Chhungkaw pa ber, eizawng tu, in chhung luahlumtu; fanu, fapa, nu leh pa in a, in nghahfaknan a an ngaihtuahna a an duan, sum leh pai zawng zawng seng a, lehkha an zir tir; rawlthar leh tleirawl duhawm tak, ṭhatlai hun, Pathian pawhin a a phal sak a, hlim taka chen mek te, an hlim nui ri pawh hriat tur awm tawh lo a, lei hnuaia min chhin san mai hi …an va han vanduai tehlul em tih bak hi rilru ah a awm theilo.

Rilru han cho phur chuan, ‘Ngatinge? Ngatinge?’ tiin rilru hian puh tur a zawng ruai ruai ṭhin. Mahse he lehkha zawng khatiang lam a hawi lo, kan rilru in a dem a te kha an zan muthmunah thlamuangin an mu hauhlo ang. Laipuitlang tih ri an hriat leh he kan veng chhunga kham pial ruak, mi thiltih sual pawh neilo in a nunna an chan na hmun ralkhat aṭanga an hmuh a, an thinlung a khei zeuh, phu dut ṭhin erawh tuman kan lakbo sak thei dawn bik chuanglo a, an neih hlen tur liau liau anih avangin chuhpui ah pawh en em em lovin sawi kai a ṭha berlo tiin ka dahṭha thung ani.

An her liam zel e, mihring nunphung ani miau si alawm tiin kan pawm dam a ṭul si amaw???

AN HER LIAM ZEL EKha zan kha, zan danglam em em ani pawn ka hrelo, ka han thlir let leh hian han pawimawh leh chhinchhiah tur bik a awm hian ka hre lo. Mahse ka tih ṭhin dan pangngai in, a tuka ka thawmhnaw hak tur te ka han dah fel a, naupang zawk zawk ka ni tawhlo tih inhre reng chungin ka diary la chhuakin, ‘dear diary’ tiin ka han thai liam leh a ka ni hman dan te, a langsar zual bikah…ka uiin ka nu pangpar a seh chhia, an vaw kawr mai…tih te ania. Ka han mu a, ka lu in ka lukham a deh rual rual chuan ngaihtuahna chak mang khengin an han vak kual leh nuai nuai a, ka rilru nge ka taksa zawk ka hrelo, ka nguai ta ruih a, ruahsur sep sep chuan min awi ni zawk berin ka hria, ka muhil ta siai siai a.

Zing dar 2:45 vel ani, ka harh hlawl a ka muhil lai chu, ruah kha a thinrim amawni tih turin, theih patawp khan kan ṭhenawm te inchung rangva chu a deng buan buan a, a eng zawk zawk a; kawl hi ka pian tirh ata khatiang em em a a phet ran kha ka la hre ngai lo. Ka thau ah hian engemaw ni hian min man tlat a, huaisen zawk zawk chu ka ni chuanglo, mahse thil hrim hrim ka hlauh ṭhan ang ani hauh lo, ka hlau em em ringawt a. Zan danga ka ṭhanharh hi chuan ka in khualtelem amawni tih mai tur hian, ka inbiakhlatna, ka tarmit, ka lukham leh rizai nen hian ka u pindan lampang ka pan hna hna ṭhin a. Mahse ka sawi tak ang khan ka hlau lutuk khan engmah pawh ka chuh hman ta lo, ka awm ang rawt khan ka u pindan chu ka thlawk thla fua a, ka zuk inthawlh kuk a, ka mu leh mai a.

“Tho rawh u, tho rawh u, mut hun ani tawh lo, kan ṭhenawm in a chim, mi an thi, tho ru” tiin ka nu chu mangang leh thlaphang deuh hian a rawn au chul a. Phak lutuk in ka u nen kan tho chhuak a. Kha hun tak, dar 3:36 bawr vel kan han chhui let a ka rilru awmdan kha hriatthiam a har ka la ti tun thleng hian. Khua kha rilru ipik leh thlabar lutuk khan thim kha a belhchhah ngawih ngawih mai hian ka hria, current a awm bawk si lo, eng awm chhun lah kawngpuia mipui pung khawm hmehdet, kan tukverh darthlalang a rawn kal tlang ruak ruak kha animai a. A hrilhhai thlak khawp mai.

-nunui chhakchhuak

MC REVIEWS

Vawi tam tak Superman movie an lo siam tawh a, duh thu a sam lo ṭhin hle mai. A plot a fuh zan lo a nih loh paw’n Superman character an interpret fuh lo a ni zel mai a, chu mai bakah comic bu lo ngaina mi han nih ngat phei chuan Superman-a’n thil rit chawi reng ringawt lo a misual ho a insual pui ṭuk ṭuk

hmuh chu chakawm ṭhin tak a ni. Tun ṭum movie ah chu ngei chu duhthusam in kan hmu ta a, hmuhnawm ka ti ngei mai.

MOVIE REVIEW


Movie an in tan a Superman-a pianna khawvel Krypton lam kan hmu nghal phat a, CGI a tam hle mai, movie hmasa lo awm tawh leh comic bu lama kan hmuh thin Krypton nen chuan a inang lo kher mai le, mahse chu a dangdai na chuan a ropuina erawh a ti nep reng reng lo. Jor-El (Russell Crowe) han che vel chu a hmuhnawm in a hna a tlin zaih zaih khawp mai a, a lan hun chhung a khamawm loh theih khawp mai. A movie a misualpa ber General Zod (Michael Shannon) pawh hetih lai hian a rawn inlan ve a, he pa hian a movie chhung zawng hian a part chan hi a hnehnsawh lutuk tlat, a rumin a hlauhawm thei em em a, a che vel han en re re khan Zod character kha a hrethiam hle tih a hriat theih a ni. Mimal tak chuan kum 1980 a Terrence Stamp-a’n Superman II a Zod a chan kha chu a tluk lo chu ka ti deuh a, chubakah ka hriat chak em em ‘Kneel Before Zod’ tih line a sawi lang lo kha chu lung a awi zan lo, trailer lama Superman ṭhingṭhi lai han hmuh bawk si nen chuan :D

Superman/Clark Kent (Henry Cavill) len hnu kan han hmu leh phat a, a tet laia a pa Jonathan Kent (Kevin Costner) leh a a nu Martha Kent (Diane Lane) te’n an enkawl lai kan hmu bawk a, Kevin Costner hian a part hi ama tan liau liau a siam emaw tih mai turin a hnehsawh a, a lines tam tak te kha ama sawi ni lo ta se mi an hneh dan kha a nep zawk hial thei ang tih tur a ni. Amaherawhchu hetih lai vel hian a movie pacing hi a ṭha tho na chungin Zack Snyder leh Christopher Nolan te inrawlh na atan chuan a aia ṭha kha chu beisei ngam chu a ni. Hei bakah hian a comic bu lama thawnthu lo awm tawh sa nen inang lo leh danglam tak a tam khawp mai a, comic bu lam lo ngaina mi i nih chuan han lawm loh leh han ip zawih zawih na tur i hmu ngei ang le.

Tun hnai superhero movie ah te hian action scene hi an siam ropui thei angreng khawp mai a, a la ropui deuh ber ta chu nikum lama Avengers hoin New York a Chitauri ho an bei riap riap kha a ni mai awm e, khatiang ang a ṭha kha chu siam leh theih a nih pawh a rinawm loh hial a ni. Chuti chung chuan ‘Man of Steel’ a action scene te erawh hi chuan an tluk teuh ka ti khawp mai, a chungnung zawk a nih hial loh chuan. Smallville a Superman-a’n Faora (Antje Traue) leh a ṭhianpa :) an bei ṭuk ṭuk kha chu mahni seat ah kan lo eu nasa ve thei khawp mai. Faora khan ka mit a la lutuk tlat, a che vel han en re re khan kha aia tam kha lang thei se ti tak ka ni. CGI thiamna hmanga Kryptonian pathum rang tak taka an insual han hmuh meuh chuan comic bu lama tu emaw ni ber pawh film lam a hmuh chakawm zek zek tak a ni *ehem*Flash*ehem*

Christopher Reeve ang em em a Superman lem chan inhmeh hi kan hmu leh tawh dawn lo emaw tih theih hial a ni ang a, kum 25 vel zet chu kan la hmu lo reng bawk a ni. Mahse Henry Cavill tunah a

lo lang a, beiseina thar min pe kher mai, Superman nih kha a inhmeh ngawih ngawih mai a, a chang thiamin mit a ti tlai a, ani aia Superman nih phu chu an awm rih lo ti ila kan sawi sual tam lo ang chu. Amy Adams che vel erawh kha chu ka ngaina lo hle mai, theihnghilh hmak har lo tak a ni. Man of Steel sequel siam tur lamah chuan lang tawh lo se ka ti khawp mai. Chu mai bakah Superman leh Lois Lane inkara romance an zeh dan kha an kalpui chhia ka ti angreng khawp mai a, a tawp dawn lama an in kiss chiah lai phei kha chu a hul hian a hul hmuk mai a ni. Engemaw zawng tak phei chuan a nuihzathlak te pawh a tih theih ang.

A hnu a Metropolis lama Zod leh Superman insual kha chu a hmuhnawm in a ropui riap riap kawp mai, a rangin a pui si, khatiang ang a Superman movie lama an in theh kual vel kha ka nghahhlelhna a rei ta bawk a, mit a tlai khawp mai. An insual kha a rei angreng a, ka thianpa phei chu lo zu muthlu hman a hahaha. Kei erawh chu kan popcorn leh coke te lampang pawh kha ka ngaihtuah hman mang meuh lo. Mit a tlai khawp mai.

Ka sawisel tak ber chu khatia Metropolis leh Smallville a an insual lai khan building tih chhiat a tam em em mai a, Superman khan eng atan mah a ngai lo emaw tih mai tur kha a ni thin a. Comic bu lama kan Superman hmuh nen a inang lo angreng khawp mai a, duh thu chu a sam zan lo. Superman chu a power ai mahin a inngaihtlawmna leh mihring te tana thilṭha a tih duh na hian mihring te leh a superhero pui te a hneh em em thin a, amahah beiseina eng an hmu thin a, an dah sang thei hle ṭhin a nih laiin heta kan Superman hmuh hi chuan chutiang mizia chu a tilang lo hle mai. A film a an sawi anga ‘Symbol of Hope’ (he thu hi Superman Birthright comic ami behchhan a ni nghe nghe) ni tur a nih laiin hlauhthawnna bak a thlen kha a rinawm loh em em mai a ni. A tawpa a thiltih pakhat ngat phei kha chu Superman tih loh tur lutuk ni hian a lang a, pawm dam a awl zan lo khawp mai. Hei bakah hian thawnthu an hrilh danah hian Christopher Nolan-a ‘Batman Begins’ kha a ang thei hle a, duh ai chuan a movie tone hrim hrim pawh hi Superman movie atan chuan a ‘dark’ deuh mah mah in a inhmeh chiah lo hle. Hemi ka sawi awmzia hi chu Batman: TAS leh Superman: TAS lo en tawh thin te ringawt paw’n an hrethiam ang le.

Kum tam tak hnuah Superman movie hmuhnawm tak kan hmu leh ta a, a lawmawm kher mai. DC comics lam in Cinematic Universe an dinna atan chuan a ṭha tawk em em a, character hrang hrang easter egg hmuh tur a awm nual bawk nghe nghe a ni. Duhthusam chu phak lo angreng mah se sequel te pawh siam tum a ni leh der tawh mai a, a dawt leh ah chuan a aia Superman film ropui zawk kan hmuh theih ngei ka beisei.

(From the viewpoint of a comic book geek) -mapuia elemel ralte

MAN OF STEEL

-stanley


MC CHEF

CUISINESauce leh sausage hi kan lo hriat pawlh ṭhin mai thei a. A in an lohna hi chu

lei leh van ang tho a ni. Thil tui leh sakhat daih sawina ang vel anih avang hi a

nia. Tunah chuan sausage lamah kan in la bing hrih dawn a ni. Sausage chu sa

chan dip kawr (casting) neia dah ṭhin a ni a, sa chi hrang hrang a siam theih a

ni. A nihna takah chuan sa chan dip chu sa ril a dah ṭhin a ni a, mahse thiamna

te a lo changkang zel a sa ril ngai lovin a kawr chu synthetic deuhva siam ṭhin

tawh a ni, mahse synthetic leh sa ril a siam chu a in ang deuh reng tho bawk.

Sausage hi chi hrang hrang hi a awm ve a, Aizawl vel a kan hmuh theih hi chu

a pangai a siam deuh vek hi a ni, mahse Mizoram nilo hmun dang a i kal a

sausage danglam bik i hmu a nih paw’n in barakhaih nan hmang lem suh ang

che, chi hrang a tam kan tih tawh kha. Tun ṭum Movie Corner recipe atan chuan

sausage lam kaihhnawih ve tho mahse kaihhnawih lutuk si lo kan lo tar lang

ang.

Sweet and sour bacon (sweet and sour pork. Origin: China)

Mamawh te:

1. Bacon, 1 packet (ei tur tam dan a zir in belh

pawh a poi lo)

2. 4 tablespoon dark soy sauce

3. 2 tablespoon light soy sauce

4. 3 tablespoon kawizu (Dabur Honey)

5. 1 juicy Limbu (Lemon)

6. Chilli/Tomato sauce (optional)

Siam dan:

Bacon chu têl tel lovin kanbêl ah i kang ang la, tlema a ro deuh hnu ah la chhuak leh la. Chumi hnu ah dark soy sauce leh light soy sauce chu telh la, a hnu ah kawizu chuan i luan leh dawn nia. i zawh vel ah limbu tui chu han sawr la, a chungah chuan i leih leh dawn nia.

Tui ti deuhva in ei ka beisei ;)


Israel commando ho in Entebbe a thlawhna hijack an chhanchhuana ropui chu...

THU HMA: Opperation Thunderbolt, Opperation Entebbe tih leh Opperation Jonathan ti a an sawi bawk khawvela tun thlenga thlawhna hijack chhanchhuahna ropui bera an sawi hi Israel commando te chet ṭhatna ber pawl a sawi a ni tih hi chu hrelo kan awm mang kher awm love. Khawvel thil thleng lar deuh te, mimal chanchin lar deuh te leh thil mak lampang lar deuh te hi request a rawn awm nak nak a, theih ang ang in kan rawn ti chhuak a, engati tehreng nge mawni Opperation Thunderbolt chungchang kher hi chu tun thleng hian request a la awm miah lo mai a, a mak angreng zawk khawp mai. Mahse request a awm emaw awmlo emaw Israel commando te chet ṭhatna ber ni a sawi ṭhin a nih avang te leh khawvel ina Israel a ngaihsan phahna a nih avang te, a mimal tak pawh a naupan lai a ngaihnawm ka tih leh ka ngaihsan em em a ni avang te pawh in tun ṭumah hian Opperation Thunderbolt chanchin hi a fun kim thei ang ber a rawn sawi chhoh ka rawn tum ve dawn a ni.

KHUH HAWNNA: June ni 27, 1979 khan Air France thlawhna mi 248 chuanna chu Popular Front for the Liberation of Palestine leh German Revolutionary Cells ṭangkawp te chuan hijack in Entebbe airport Kampala, Uganda ah chuan an ṭum pui a. He thlawhna hruaikawi tute hian Juda mi ho zawng chu thliar hrangin Juda mi nilo 47 te chu an chhuah tir a, hemi hnuah hian Juda mi nilo mi 101 te chu an chhuah tir leh a, tichuan Israel mi leh Juda mi 100 chuang leh Juda mi ni ve thlawhna Captain, Captain Bacos te chu hreng in an thil ngiat te an tih hlawhtin loh chuan an vai a thah vek ah an vau a. Israel sawrkar thin a khei ta zar mai. Tichuan Israel Defence Force IDF chuan MOSSAD ho ina intelligence report an pek angin heng mi tang ho hi chhanchhuah dan an rel ta a. Kar khat chhung lek inpuahchahna hun nei in Israel commando ṭha rual chuan a ruk thei ang ber in chhanchhuah dan tur chu an zir ta tluk tluk mai a. An training zawh chuan 4000 km a hla Uganda ah chuan thlawhna hmangin commando 100 rual chu va kal in heng thlawhna hruaikawi tuten a an mi hren mi 102 te chu 90 minutes chhung lek in an va chhanchhuak ta a ni. He opperation ah hian thlawhna hruaikawi tute zawng zawng chu an kaphlum vek a, Israel commando lam panga(5) an hliam a, tin mi tang pathum(3) an thi a, Israel commando-a an commander ber Lt. Col. Yonatan Netanyahu a thi ve hlauh bawk a, tin Uganda lam sipai 45 vel kahhlum an ni in Uganda Air Force ho indo thlawhna Soviet siam Mig-17 leh Mig-21 an tihchhiat sak bawk a, mitang damlo pakhat Uganda damdawiin a an

kalsan palh chu a hnuah Uganda Army officer ten an that ve leh thung bawk. He inchhanchhuahna ropui hi a ni khawvel ina Opperation Thunderbolt/Opperation Entebbe ti a a lo hriat lar tak chu. Heta an commander thi hi Israel Prime Minister Benjamin Netanyahu u a ni nghe nghe a, amah hriat reng nan hian he Opperation hi Opperation Jonathan tih pawh in an sawi ve ṭhin a ni.

THU BUL INṬANNA: PLO, Palestinian Liberation Organization chu Jordanian-Palestinian civil war zawh hnu khan Jordan aṭangin sahthlak an ni a. Tichuan South Lebanon lamah inkulh in heta ṭang hian sipai tur refugee ho vel angin an indap khawm ve ta a. Heta ṭang hian Palestinian military organizations hrang hrang te chu ṭang ho in Israel chu an beih rawn ta a. A sipai lampang bei tak tak ngam si lo in mipui vantlang lam an bitum ta a. An tum ber pakhat chu mi te thinlunga hlauhna chi tuh chu a ni a. South Lebanon hi khauh tak mai a ram leh hnam tana helna leh tharumthawhna Fatah an tih mai an kenkawhna anih avangin Fatahland ti hial in an sawi reng a ni. Tichuan South Lebanon aṭang hian PLO ho chuan ‘Terror Campaign’ an tih mai chu Israel lakah chuan an kalpui ta a ni.

THLAWHNA HIJACK NA CHU...ENGE AN DUH LE: June ni 17, 1976 khan Air France thlawhna Flight 139, Airbus A300 (Airbus A300B4-203), registration F-BVGG (c/n 019), Tel Aviv, Israel a passenger 246 leh thlawhna hnatawk te phur chungin a thlawk chuak a. Athens Airport ah tum leh in hetah hian mi 12 an rawn chuan belh leh a, heng rawn chuan belh te ziangah hian thlawhna hruaikaw tu tur mi 4 an rawn lut tel ve bawk a. Athens aṭang hian Paris lam panin a thlawk chhuak leh a, heta ṭanga a thlawhchhuah hnu lawk dar 12:30pm velah chuan thlawhna chu Popular Front for the Liberation of Palestine – External Operations (PFLP-EO) mi pahnih leh German mi pahnih German Revolutionary Cells ami Wilfried Böse leh Brigitte Kuhlmann te chuan thlawhna chu an hruai kawi ta a. A hmasa ber in Benghazi, Libya ah thlawhna chu an ṭum tir phawt a, hetah hian a tui te thun pah in darkar 7 zet an chawlh pui hnu ah an thlawh chhuah leh hma in hmeichhe pakhat, nau chhiat anga in sawi chu an chhuah tir a tichuan Benghazi chu chhuahsan in Tel Aviv an thlawhchhuah nu darkar 24 hnuah tlai lam dar 3:15 ah 28th June 1979 khan Entebbe Airport Uganda ah chuan an ṭum luh pui ta a niEntebbe Airport ah hian hijackers ho hi mi pali dang in an rawn zawm ve leh a, tin Uganda President khawvel President zawng zawng a mawl ber mai leh nun rawng zet mai, mihring sa pawh ei hreh lo a sawi leh hmeichhe chhul leh hnute hleh thlak kan te

-bigdaddy hmahmatea(r.lalhmangaiha)

kulikawn

OPERATIONTHUNDERBOLT:THE RAID ON ENTEBBE

MC ESSAY

pawh ei ṭhin ni a sawi Idi Amin-a mi leh sa te chuan an rawn puibawm ve ta bawk a. Hijackers ho hian an thil duh chu Israel sawrkar hnenah an thlen ta nghal a, an demand ber chu Palestinian mi Israel leh Germany Jail a tang mek mi 40 te chhuah te, midang 13 Kenya, France, Switzerland leh West Germany a hren mek te chhuah te a ni. Heng an thil phut te hi Israel sawrkar in a ti hlawhtling lo anih chuan July ni1, 1979 aṭangin an mi hren te chu an thah ṭan tur thu an puang nghal bawk...an that hreh dawn miah lo tih hi thil chiang sa a ni bawk, mahse a firfiak a che te thil demand tih mai mai chu Israel hian tih hlawhtlin sak a lo tum lo nasa mai le.

ISRAEL MI TE THLIAR HRAN AN NI TA: Hijackers ho hian an mi hren te chu group hnih ah an ṭhen ta phawk mai a. Israel mi leh Israel mi lo in. Sawi danah chuan Juda ho an ṭhen hrang angin an sawi na a, anmahni chuan Juda ho hrim hrim chu an huat loh thu leh Israel mi te chauh an duh thu an sawi lang a, an mi hren Israel mi nilo an chhuah pawh in Juda mi, Israel citizenship neilo an chhuah tel nual nghe nghe a ni. Tichuan Israel mi nilo a an hriat zawng te chu an chhuah ta a, mi 106 lai an la hreng thung a. Heng an mi hren te hi Entebbe airport a transist hall ah an dah khawm a uluk tak in an veng bawk a.Hetianga an mi hren an chhuah te hi Ugand aṭang hian Air France thlawhna in phurh chhuah tir an ni ta a, thlawhna Captain, Michael Bacos chuan a passenger te chu a mawhphurhna an ni e a tih avangin chhuah an tum pawh in a kalsan duh ta lova, tin thlawhna a thawk midang ho pawh chuan an captain tihdan zul zui in an kalsan duh ta bik lo a, tin French mi Nun pakhat pawh in a kalsan duh lo a, a aiah an mi hrenlai pakhat chu chhuah zawk turin a ti na a, tihluihna in Air France thlawhna ah hian an chuan luih tir ta tho a. Tichuan hruaikawi tu te chuan Israel mi 85 leh Juda mi thenkhat leh thlawhna a thawk mi 20 te nen mi 105 an hreng ta a nih chu. An thil ngiat hi tih hlawhtlin a nih loh chuan heng an mi hren te hi thah vek an tum a ni. Israel tan ngawih mai mai chi a ni ta lo.ISRAEL A IN PUAHCHAH TAN TA: A tirah chuan

http://en.wikipedia.org/wiki/Popular_Front_for_the_Liberation_of_Palestine


http://en.wikipedia.org/wiki/Revolutionary_Cells_%28RZ%29

http://en.wikipedia.org/wiki/Revolutionary_Cells_%28RZ%29

http://en.wikipedia.org/wiki/Lieutenant_Colonel

http://en.wikipedia.org/wiki/Yonatan_Netanyahu

http://en.wikipedia.org/wiki/Benjamin_Netanyahu

http://en.wikipedia.org/wiki/Benjamin_Netanyahu

http://en.wikipedia.org/wiki/Black_September_in_Jordan

http://en.wikipedia.org/wiki/Black_September_in_Jordan

http://en.wikipedia.org/wiki/Airbus_A300

http://en.wikipedia.org/wiki/Tel_Aviv

http://en.wikipedia.org/wiki/Popular_Front_for_the_Liberation_of_Palestine_%E2%80%93_External_Operations



http://en.wikipedia.org/wiki/Wilfried_B%C3%B6se

http://en.wikipedia.org/wiki/Wilfried_B%C3%B6se

http://en.wikipedia.org/wiki/Brigitte_Kuhlmann

leh an thlawhna ken hrawl zet mai C-130 Hercules lo venghim tur leh Uganda Air Force ho thlawhna MiG ho, anmahni a chhanchhuah huna rawn umzui thei tur chi ang lo tichhe tu tur ‘Reinforcment Element; an tih ho te an awm bawk a. Heng ho hian mi hren an chhanchhuah te thlawhna a an luh thlenga lo venhim leh an thlawhna lei lama a tui an thun belh lai a lo venhin thlengin an thawk ve thung dawn a ni. Tichuan engkim an inpeih fel hnu chuan Entebbe Airport a zanlaia thlawk lut tur chuan an in peih fel ta. Chhanchhuah hna thawh hun chhung atan hian 90 minutes ruat a ni tawp mai a, hemi hun chhung hian mi hren te chhanchhuah leh Entebbe Airport chhuahsan engkim an peih fel hman tur a ni tawp mai a, thu dang a awm lo, sipai 100 zet zawt in ram pakhat an va bei thut dawn anih chu, enge an tawh dawn, an hlawhtling dawn em hriat a ni lo, mahse Israel hian hlawhcham thei an ni lo tih an inhrechiang hle thung. An hlawhchham anih vaih chuan an ram mi leh sa an hren te chu heng hijackers ho hian dimdawihna tel miah lo in an that vek dawn tih sawilawk tur hian zawlnei der nih kher a ngai lo tih pawh an hre chiang hle bawk.

MC ESSAY

Israel hian hruaikawi tute hi ṭawngka a dawr a tum phawt a, IDF a an Officer pension tawh Baruch “Baruka” Bar-Lev chuan Idi Amin hi a mimal takin a lo hmelhriat hlauh mai a, amah hian vawi tam phone in Idi Amin hia dawr a mahsae awmzia a nei thei ta chuang lo a, tin Israel hian US sawrkar hnenah Egyptian President Anuar Sadat-a hnena Idi Amin a chu an mi hren te chhuah tur a ngen sak tur in a ngen bawk a, mahse hei pawh hian awmzia a awm ta chuang lo. Hun tiam July ni 1 chu a lo thleng ta, hemi ni hian Israel chuan Hijacker ho chu July ni 4 thleng tal hun pek belh leh tur in an dil a, hetiang a hun an pek belh chuan an tan inpuahchahna hun thawl deuh zawk a awm thei dawn a, tin Idi Aminm lah Port Louis, Mauritus lamah Orginisation of African Unity Chairman a nihna chu Seewoosagur Ramgoolam hnena a mimal tak a hlan turin a kal theih phah dawn bawk si a, tichuan hun chu pek belh an ni ta. Israel chuan tharum a mi hren te chhanchhuak tur a inpuahchahna hun ṭha an nei thei ta.

MOSSAD an che ta, an thu dawn aṭangin Entebbe a an thlawna ṭumhmun awmdan vel leh a terminal building awmdan te, an mi hren te awmna hmun te chu an hre thei ta a. Tin vanneihthlak deuh mai in Israel mi ta construction company pakhat chuan Entebbe Airport an siam lai vel hian a terminal building vel chu an lo sa ve hlauh mai a. He company neitu Solel Boneh chu Israel Army ho chuan bepawp in ani hian an terminal building sakna an blue print chu a theh chhuak thei ta hlauh mai a, chumi mil chuan commando ho training nan chuan a lem a tak anga chhuah tur chu an han siam ta phawt mai a. Hun a tepter tawh nasa mai si....tin an ni chhuah te zingah chuan sipai ah te lo ṭang hrep tawh pakhat a lo awm ve hlauh mai a, chumi chuan hijackers ho duty position zawng zawng leh an ralthuam ken zawng zawng te nen chuan chipchiar takin a report thei hlauh mai bawk a, heng an thil hriat ang ang te hi Israel commando ho chuan an hmang ṭangkai chho ta zel a. He an chhanchhuahna hna thawh turah hian raid organizer atan Muki Betzer ruat a ni a, a ni hian uluk takin a beih ban tur hi a ruahman ta char char mai a, tichuan chhanchhuah hna thawk tur chuan sipai ṭha bik 100 thlanchhuah an ni ta a.

CHHANCHHUAK TU PAWL LEH AN HNA TUR TE: Heng a va bei tur te pawh hi group hrang hrangah an ṭhen hrang leh thlap mai a ‘Ground Command and Control Element’ an tih ho an awm a, heng ho hi Brig. Gen. Shomron command na hnuaiah a ṭul ang ang a hmunah inbiakpawhna lamthleng a lo buaipui tur te an ni a. Tin ‘Assault Element’ an tih te an awm leh a, hetah hian Israel commando ṭha ṭhiau Sayeret Matkal ami te thlan chuah mi 29 Lt. Col. Netanyahu-a command na hnuaiah an awm thung a, heng ho hian mi hren te chanchhuah hna tak hi chu an thawk dawn a ni. Hei bakah hian Assault team tho Major Betser-a ho te leh Matan Vilnai ho te an awm bawk a. Heng bakah hian chhanchhuah hna an thawh huna chhanchhuah hna thawk tu te lo tibuai thei tu tur laka lo veng tu tur

lama Israel mi hausa leh milian awm ho te ṭangkawp chuan engtin tin emaw Kenya President Mzee Jomo Kenyatta chu an rama Israel thlawhna te tui thun tur a ṭum tir lawk tur chuan an hmin thei ta hlauh mai a, international law ah chuan Israel thlawhna te hi raltuam phur chungin phalna nei lo chuan Africa khawi pam chungah mah a thlawk thiang lo tih a ni, Kenya chuan an rama Jomo Kenyatta International Airport a thlawhna tui thun tur leh an air space a thlawh tlang chu a phal ta hlauh mai a. He thil a Block Hotel ho lo inrawlh ve vang hi a ni maithei Block hotel chain ho ta tho The Norfolk Hotel chu December ni 31, 1980 khan PFLP/PLO ho in bomb nen an bei chiam mai a, mi 13 lai in an nunna an chan phah a, mi 87 lai in hliam na tak an tawrh phah nghe nghe a ni.

Tichuan chhanchhuaktu pawl ho chu Entebbe lam pan chuan an thlawk chuak ta a, Sharm al-Seikh chung zawnah thlawk tlang in international flight path ah Red Sea an thlawh khum a, Egyptian ho te leh, Sudanese ho te leh Saudi Arabian force ho radar in a lo man loh nan hniam tawk ah 100ft vel chauh a sangah an thlawk char char a, tlem a inher hret

in chhimlam hret ah Djibouti an thlawh pel leh a. Somalia te Ogaden te leh Ethopia te an thlawh pelh hnuah Jomo Kenyatta International Airport,Nairobi, Kenya ah thlawhna tui an thun a, he thlawhna hi Boeing 707 thlawhna pahnih in a zui bawk a, pakhat in damdawi lam leh thil tul dang a phur a, tin pakhat chu air comand centre ang ni in General Yekutiel Adam’an a thutchilh a, chhanchhuah hna an

thawh chhung a Entebbe chungzawn a lo thlawk kual reng tur a ni thung.

ENTEBBE AN LUT TA: Israel commando ho chu Entebbe Airport ah chuan zanlai dar 11:00 IST an chiah an ṭum lut ta a. President Idi Amin a hman ṭhin Mercedese car dum ang chiah leh a vengtu englai pawh a zui ṭhin chuanna Land Rover ang chiah mai chu an keng tel a. Hei hi airport vengtu te bum nan a an tih a ni a, hemi car hmang hian terminal building lam chu comando ho chuan an pan ta a, mahse Israel ho hian thil hriat hmaih an nei ve tlat mai chu chu a hma lawk hian Idi Amin-a hian a hman atan Mercedese car var a lo lei tih hi a ni. Security guard pahnih awm te chuan an lo ringhlel ta reng a an lo ti ding ta tlat mai, mahse Israel commando ho chuan pistol silencer vuah in an kap thlu nghal a, mahse an kap hlum lo thung a, mahse an hnu a Land rover a rawn zui tute chuan an rawn kap hlum leh ta tho a ni. Hmanhmawh takin terminal building lam chu an pan ta..

CHHANCHHUAHNA ROPUI CHU: Israeli commando ho chu an chuanna motor aṭang chuan rang lutuk mai a zuangthla in terminal building lamah chuan an tlanlut phei ta nghal a. Hijackers te hian an mi hrengte te hi a main hall ah an dah a, hetia an tlanluh pah hian aurinna hmangin Saptawng leh Hebrai tawngin “Leiah bawk ru, Israel sipai te kan ni e” ti in an au nghal a, an mi hren ho te chu leiah an bawk nghal, silai a puak ta nghal


ENTEBBE LAM PAN IN: July ni 3, 1979 chuan Israeli Cabinet chuan chhanchhuah hna tawh chu an approved ta a. Hetih lai hian President Idi Amin chuan a tira hijacker awmsa te bakah an thiante ho in an rawn belhchhah chu a lo phal ve mek thung bawk a. He chhanchhuah hna hi a tirah tak chuan Israel Defence Force hian a chhanchhuak tu tur te chu Lake Victoria a thlawhna aṭanga thlak a rubber lawng hmanga chhanchhuah hna hi beih an tum deuh na a mahse hun an neih tepter tak em avangin thlawhna a kal hi an ti thlu ta a ni. Entebbe lam an panna turah hian harsatna liantham tak mai an tawk ta tlat mai.

Sipai ho leh an bungrua te phur tura an tih thlawhna lian Lockheed C-130 Hercules chu 4000km vela hla thlawk tur chuan kawng lakah a tui thun belh a ngai dawn tlat mai, thlawhna dang a aia thlawk thui thei han hmang dawn se a phurh zat ang an phur leh thei dawn bawk si lo, chutih lai in Africa a khawi ram mah in a hnu lama an ram laka Uganda sawrkar thinrim tuan leh tur chu ngai ngamlo in an ram chhungah thlawhna tui tun a an chawlh an phal hlawm bawk si lo. Thlawhna tui thun nana awmang ber Kenya pawh chuan a remti lo bur mai bawk si, hun a chep tawh si Israel sawrkar a vir buai nasa ta mai. Africa ram dang te hian hetih lai hian Uganda hi an President Idi Amin-a butut lutuk avang hian an hlauh rawn vek mai si a, chu a chhapah Palestinian ho te nen a la ṭangho kher zui bawk si. Israel chuan tanpui tu a theih ang ang te pun khawm in Juda mi Block Hotel chain neitu Kenya a awm te leh Nairobi

http://en.wikipedia.org/wiki/Sayeret_Matkal

http://en.wikipedia.org/wiki/Jomo_Kenyatta

http://en.wikipedia.org/wiki/Jomo_Kenyatta

http://en.wikipedia.org/wiki/Jomo_Kenyatta_International_Airport



http://en.wikipedia.org/wiki/Palestine_Liberation_Organization




http://en.wikipedia.org/wiki/Nairobi

http://en.wikipedia.org/wiki/Kenya

zawih zawih mai. Hetih lai tak hian eng vang teh kher nge mawni tehreng ni Jean Jacques Maimoni, kum 19 mi lek, French ram aṭanga Israel a pem lut, French passport pawh nei tho mahse Israeli Jew anga in chhal a chhuak ve duh ta lo chu a awmhmun aṭang chuan a rawn ding chhuak ta hlauh mai a chu tak chu Israeli commander Muki Betzer leh commando pakhat chuan hmelma lam emaw ti in an lo kap hlum nghal a, tin Israeli Medical Insurance Fund a an manager Pasco Cohen, kum 52 mi leh Ida Borochovitch, Russian Jew, Israel a pem lut kum 56 mi pawh an inkah tawnnna ah hian silaimu lengvak tawngin kah hlum an ni ve bawk.Hetia an inkah mek lai hian Israeli commando ho chuan “khawnge midang hi an awm?” ti in hijackers dang awmna chu an zawt a, an mi hren te ho chuan hijackers dang te awmna pindan lam chu kawhhmuh in chu pindan chhungah chuan commando ho chuan granade an vawm lut ta mial mial mai a, chutah va luh chilh in hijacker pathum lo la dam te chu an kap hlum lehnghal a. Hetih lai hian an hnung rawn dawl tu C-130 Hercules thlawhna pathum dang te chu rawn tum belh leh in armoured car an rawn ken te nen an rawn thawk chhuak ve ta rup mai a. Anni hian mi tang an chhanchhuah te thlawhna a an chuan chhung leh thlawhna tui an thun vel chhunga lo venhim pahin Ugandan Air Force ho MiG vel chu an lo tichhe dawn a ni.

CHHANCHHUAH HNA ZAWH A NI TA: hun reilote chhung chuan Israel Comando ho chuan hijack tu te chu an kap hlum fai ta vek mai a, tichuan an mi hren an chhanchhuah ho te chu thlawhna ah chuan an thiarlut tan ta. Chutah Uganda sipai ho an rawn che ve leh ta thung. Israel ho pawh chuan an lo kap let ve nghal a, Uganda sipai ho chuan Flight Control Tower aṭangin an rawn chhuk kah ta tlat mai, an commander ber Jonathan Netanyahu chu a awmah an kap fuh ta hlauh mai a, a thi ve ta. Ani chiah hi Israel lamah hian thi an awm a, panga in hliam an tuar ve thung a ni. israel ho chuan Control Tower lam chu machine gun in an han sai let ve a, a rawn kap tute chu an kap hlum thei ta. Tichuan an mi chhanchhuah te leh an commander Netanyahu-a ruang chu thlawhna a an thiar luh zawh chuan Entebbe Airport chu an thlawh chhuah san thei ta a. He Opperation hi minute 53 chhungin an zo fel vek hman an, inkah hun chhung tak phei hi chu 30minutes chhung chauh a ni nghe nghe a ni. Uganda sipai bik hi 33-45 vel an thi ni a hriat a ni bawk a, tin Ugandan Army air Force thlawhna MiG-17 leh MiG- 21 11 vel tihchhiat sak an ni bawk. Hruaikawitu te mi hren 3 an thi ve a, tin 10 vel in hliam na lutuk lo an tuar ve in heng an mi chhanchhuah te hi Nairobi, Kenya a phurh luh an nih hnuah Israel lamah thlawh luh pui an ni ta a ni. Mahse pakhat kalsan an nei tlat mai.....

AN KALSAN TAK CHU: Dora Boch-i, kum 74 chu Juda mi British pasport nei ni in Entebbe a hren zingah hian a tel ve a, a thil ei engemaw a hak avangin damdawiinah hruai a ni in doctor ten an lo enkawl lai mek in Israel ho hian chhanchhuah hna hi an rawn thawk ta thut mai a ni a. Hemi ni pawh hian British sawrkar mi pawimawh pakhat in damdawiinah hian a va tlawh nghe nghe a, mahse Israel ho in an rawn beih hnua a va tlawh leh chuan a lo awm tawh lo a ni. April 1987, khan Henry Kyemba, khatih hun lai a Uganda a Attorney General leh Minister of Justice chuan Uganda a Human Rights Comisson ho te a hrilh dan chuan Mrs Bloch-i chu Idi Amin-a thupek in damdawiin

khum aṭang chuan Uganda Army Officer pahnih in hnuk chhuak in an kap hlum a, a ruang chu Ugandan Intelligence Service ho car hnungah hnawh luh ni in phum bo a ni a ti. A ruang hi 1979 khan a chhung leh khat ten Idi Amin-a paihthlak anih hnu khan Damdawiin aṭanga mel20 vel a hla Kampala chhim lampanga fu huanah an lai chhuak leh ta a ni.

A HNU LAM THIL: Israel comando ho an ram chhunga duhtawka an rawn sapatal ta mai chu Uganda sawrkar chu a lawm lo kher mai, Ugandan Foreign Minister Juma Oris chuan United Nations Security Council lamah an vui thu chu thlen in Israel lakah chuan engtin emaw tal hma la turin a ngen a, mahse UN Security Council hi an ngawi hmiah thung. Israeli ambassador Chaim Herzog chuan UN Security Council ho ṭhutkhawmna a thu a sawina ah hetia hian thu a sawi a: “UN Security Council hnenah hian thuchah mawlmang te sawi tur kan nei ve a. Kan thil tih ah khan inchhirna kan nei lo a, kha kan thil tih kha kan chhuang em em zawk a. Ram tereuhte Israel ang hian mihring dikna te leh mihring nunna te, mihring zalenna te humhalha chhanhima a hlutna tilang thei a kan awm hi a hlu kan ti a, mi za chuang nu leh pa, nunau pawisawilo te nunna kan chhanhim thei kha kan chhanhim avang khan kan lawm a ni mai lo a, kan thil tih khan mihring zalenna hlut zia a tarlan avangin kan chhuang in kan chapo pui em em zawk a ni..” ti in.

Khawvel khawthlang lam ram hrang hrang te chuan a langin Israel hi an fak lai in Arab ram ho chuan na takin an dem thung a, an chet dan kha ram leh ram in zah lo a in pal zutna a ni e an ti ve thung. US chuan khang an mi hren te kha Julu ni 4,1976 ah chhuah an ni a, khami ni tak kha US ina declaration of independence a sign kum 200 tlinna ni chiah mai a ni a, chuvangin mihring te zalenna ngai pawimawh ber ram tan pawh ni chhinchhiah tlak tak ani an ti ve hmiah mai a ni.

Engati tehreng emawni Captain Bacos chu Air France-a an hotuten an han suspend ve ringawt mai a, mahse a hnu ah France ram chawimawna sang ber National Order Of The Legion Of Honour an hlan leh ta thung a, tin a thawpui dang te pawh French Order Of Merit an hlan ve bawk a ni. Commander Yonatan Netanyahu unaute leh Bester-a te chu eng vanga an tum aia hma silai ti puak a an unaupa in a thih phah tak na chungchangah mipui vantlang hma ah hun rei tak chhung chu an in tawng ve thung bawk a, he opperation avang hian United States chuan Military Rescue Team ṭha tak neih a tul zia hrechhuak in a sipai ṭha bik te mihren chhanchhuah dan uluk bik in training a pe ve ta ngat mai a, mahse Israel meuh zawng an lo la khan lo deuh a ni ang Iran buai lai vel a Teheran a American Embassy a thawk te hren an nih khan Israel ho tihdana va chhanchhuah ve tum in ‘Opperation Eagle Claw’ chu an han kalpui ve ngawt an hlawhchham chiang hle a nih kha.

August 2012 khan Uganda leh Israel te chuan Old Entebbe Airport ah, Commander Yonatan Netanyahu an kahhlumna laiah khan hemi tum a thil thleng leh sipai thi ta te hriatrengna lungphun chu an hmang dun a. sipai thi ta te sun nan ngawr renga din na hun te hmang in mi pawimawh tak tak in thusawina hun te nei in pangpar thi te an dah hlawm a. Uganda leh Israel chuan a firfiaka chetna dona kawnga thawh dunna ṭha zawk an neih theih nan thuthlung an ziak ta nghe nghe a ni. He hmunah hian an ram pahnih flag te chu a in thiang rial in an zar dun bawk a ni.

Hemi ṭuma a Israel commando ho chet dan hian

khawvel ngaihsan a hlawh bawk a filmah pawh an siam nasa in lehkhabu hrang hrang pawh an ziak nasa hle a, hemi chungchang film an siam langsar zual deuh te chu:

Victory at Entebbe (1976): Anthony Hopkins, Burt Lancaster, Elizabeth Taylor leh Richard Dreyfuss te chan na- Director: Marvin J. Chomsky.

Raid On Entebbe (1977): Peter Finch, Horst Buchholz, Charles Bronson, John Saxon, Yaphet Kotto, leh James Woods te chan na- Director: Irvin Kershner, Producer: Edgar J. Scherick.

Mivtsa Yonatan (English title: Operation Thunderbolt) (1977): Israeli Yehoram Gaon chu Col. Netanyahu angah a chang a tin Austrian mi Sybil Danning leh German mi Klaus Kinski te hijackers angah an chang bawk- Director: Menahem Golan.

Heng bakah pawh hian documentary film neuh neuh engemaw zat siam a ni bawka, kha thil ah khan Israel khan engemaw han chet chhiat zeuh na nei in a sipai pali te nunna chan ve mahse khatian tluka in chhanchhuahna nalh leh hlawhtling kha khawvel hian a la hmu ngai lo a, a hmu leh tawh kher ang em tih hi ngaihtuah tham fe chu a ni ve a ni.

TLIPNA: He thil thleng chungchangah leh Adolf Eichmann an manchhuah chungchangah hian Israel mipui te hi an ṭangrual a, an ram tana ṭangkai theihna leh tih ve theih an neih dawn chuan thei tawp an chhuah huam a, anmahni in chhiat phah dawn mah se an ram leh hnam tan chuan a chhe ber pawh an huam ṭhin a ni tih a lang chiang hle in ka hre ve ṭhin...Hetiang ang rilru te hi chu keini Mizote hian kan ram leh hnam tan hian pu ve ila chu hetiang mai mai hi kan Zoram riang te hi a ni bik hauh lo ang mawle...Ka ram leh hnam tan enge ka tih ve theih tih dawn lo leka kan ram leh hnam kan sawrkar thau a theih ang ang sawk kan tum chhung hi chuan engtikah mah kan Zoram hian hma a sawn tak tak lo ang...Zofa te kan harh a hun takzet tawh a ni...


MC ESSAY

“MATEA TE UNAU LEH ZORAM TAN”, BigDaddy Hmahmatea ziah chu Rs.180/- in Mizoram hmun hrang hranga Synod Bookroom branch hrang hrangah te leh RL Nutei Book Store, Zomi Book Store, Sailo Book Store – Aizawlah te, Gilgal Book Store leh Makedonia Lunglei ah te leh khaw hran hrana lehkhabu dawr hrang hrangah te lei theih in a awm ta. Ph: 9612839836

http://en.wikipedia.org/wiki/Henry_Kyemba

http://en.wikipedia.org/wiki/Henry_Kyemba

http://en.wikipedia.org/wiki/Attorney_general

http://en.wikipedia.org/wiki/Attorney_general

http://en.wikipedia.org/wiki/Justice_ministry

http://en.wikipedia.org/wiki/Victory_at_Entebbe

http://en.wikipedia.org/wiki/Anthony_Hopkins

http://en.wikipedia.org/wiki/Burt_Lancaster

http://en.wikipedia.org/wiki/Burt_Lancaster

http://en.wikipedia.org/wiki/Elizabeth_Taylor

http://en.wikipedia.org/wiki/Richard_Dreyfuss

http://en.wikipedia.org/wiki/Marvin_J._Chomsky

http://en.wikipedia.org/wiki/Raid_on_Entebbe_%28film%29

http://en.wikipedia.org/wiki/Peter_Finch

http://en.wikipedia.org/wiki/Horst_Buchholz

http://en.wikipedia.org/wiki/Horst_Buchholz

http://en.wikipedia.org/wiki/Charles_Bronson

http://en.wikipedia.org/wiki/John_Saxon_%28actor%29

http://en.wikipedia.org/wiki/Yaphet_Kotto

http://en.wikipedia.org/wiki/Yaphet_Kotto

http://en.wikipedia.org/wiki/James_Woods

http://en.wikipedia.org/wiki/Irvin_Kershner

http://en.wikipedia.org/wiki/Irvin_Kershner

http://en.wikipedia.org/wiki/Edgar_J._Scherick

http://en.wikipedia.org/wiki/Operation_Thunderbolt_%28film%29



http://en.wikipedia.org/wiki/Yehoram_Gaon

http://en.wikipedia.org/wiki/Sybil_Danning

http://en.wikipedia.org/wiki/Sybil_Danning

http://en.wikipedia.org/wiki/Klaus_Kinski

http://en.wikipedia.org/wiki/Menahem_Golan

Untitled - Movie Corner Magazine

Documents