Towarstwo Towarstwo Cyrila a Metoda z.t. Cyrila a Metoda z.t. Towarstwo katolskich Serbow KATOLSKI POSOŁ Časopis katolskich Serbow TCM zwoprawdźa tež projekty z druhimi kulturnymi cyłkami. Tak je na zbóžnoprajenju kapłana Alojsa Andrickeho swjatkownu póndźelu 2011 wosom serbskich chórow zhromadnje spěwa- ło. Podobnje bě to z předstajenjom oratorija „Serbske jutry“ w aprylu 2013 w Chrósćicach, kotryž je so składnostnje 150. róčni- cy załoženja TCM a prěnjeho wudaća Katolskeho Posoła Bohu k česći zanjesł. Tež z druhimi serbskimi towarstwami TCM zhromadnje dźěła. Nic naposled pokaza so to w akwnym čłonstwje w třěšnym zwjazku serbskich towarstwow, w Domowinje. TCM wudźeržuje styki z ewangelskimi wěriwymi a zwoprawdźa swoje zaměry tež z němskimi a wukrajnymi partnerami. Towarstwo Cyrila a Metoda z.t. (TCM), kotrež bu wot nacio- nalsocialistow wuswojene a zdobom zakazane, njesmědźeše so po Druhej swětowej wójnje wozrodźić. Hakle 1985 je so Zje- dnoćenstwo Cyrila a Metoda jako biskopski skutk wutworiło, z kotrehož nasta w januaru 1991 zaso TCM. Nadawki so rozšěrichu. W běhu lět přistupi towarstwu nimo jednotliwcow tež pjeć skupinow, kotrež drje samostatnje, ale přiwšěm w zhromadnosći z tamnymi skutkuja. Kulowske Bratrowstwo je při tym najwjetši cyłk, kotryž ma samo dwaj stołpaj: chór a dźiwadłowu skupinu. Ralbičanska Lilija a Chró- šćanski cyrkwinski chór tohorunja do cyłka TCM słušatej runje tak kaž Chróšćanska sportowa jednotka a Serbscy skawća „Alojs Andricki“. Na iniciawu 29lětneho kapłana Michała Hórnika załoži so w decembru 1862 Towarstwo swjateju Cyrila a Metoda. Wón bě so na Morawje cyrilo-metodskeho ducha nasrěbał a katolskich Serbow z tym zahorić zamóhł . Jedyn z prěnich nadawkow bě, wudawać nabožnu literaturu w serbskej rěči, předewšěm Katolski Posoł . Hórnik bě prěni redaktor tutoho mjez katolskimi Serbami woblubowaneho časopisa, kotryž je w januaru 1863 prěni króć wušoł . Ale tež druhu nabožnu literaturu je TCM wudawało a w fazy hač do wuswojenja přez nacionalsocialistow w swójskej Donnerhakec ćišćerni tež zhotowjało. Tež dźensa prócuje so TCM, tutón nadawk spjelnić. Hišće młode Towarstwo swjateju Cyrila a Metoda zmuži so na twar noweje cyrkwje w Baćonju, po- swje ćeneje 1887. To bě zhromadny skutk wšěch katolskich Serbow. Michał Hórnik, duchowny wótc towarstwa Chór Kulowskeho Bratrowstwa Dźiwadłowa skupina Kulowskeho Bratrowstwa SJ Chrósćicy organizuje lětnje turněr wo pokal TCM. Ralbičanski chór Lilija Lěhwo Serbskich skawtow „Alojs Andricki“ Chróšćanski cyrkwinski chór wuhotuje kóžde l ěto hodowny koncert. WUDAŁO: Towarstwo Cyrila a Metoda z.t., Póstowe naměsto 2, 02625 Budyšin TEKST, LAYOUT, SADŹBA: Rafael Ledźbor; FOTA: Bosćij Mikławšk (Lilija), Bosćij Handrik (křižerjo), archiw (M. Hórnik), Ulrike Veer (wuhotowanje portreta zbóžneho A. Andrickeho), Rafael Ledźbor (wšě dalše)