TTC Newsletter Mizo August template€¦ · Ani hi Mizoram Chief Minister mikhual kan neih hmasak ber a ni. 7. Pu C. Lalrosanga: Doordarshan Kendra Director General chuan 31 March

1

Editorial Board:

Editor : Revd Dr. Dengthuama Joint Editors : Revd Van Biak Muan, Lalawmpuia Managing Editor : Lalruatkimi

Editorial A hmasa berin rawngbawlpui kohhrante Krista hmingin chibai kan buk a che u. Kohhrante thawhpuina leh Pathian kaihhruaina azarah TTC rawngbawlna a kal tluang zel a, kan lawm hle. TTC Newsletter chhuah zai kan han rel \an a ni a. TTC rawngbawlna chanchin hi kohhranten tun aia an lo hriata thawhhona \ha kan neih chhunzawm zel theih beiseiin TTC Newsletter hi chhuah a ni. Tun hmain TTC Newsletter hi Mizo \awnga chhuah a lo ni zauh zauh tawh mai thei a; mahse, a tam zawkah chuan Sap \awnga chhuah a ni deuh ber \hin. Sawi lan tawh angin kohhran mipui tam zawkten kan chhiar theih nan Mizo \awng leh Falam \awnga chhuah zel beisei a ni a, a thlawna sem chhuah tum a ni bawk. Hetah hian TTC rawngbawlna tlangpui leh thil dang pawh a \ul dan azira tarlan \hin tum a ni. He Newsletter hi TTC leh kohhrante min thlungzawmtu hmanraw \angkai tak a nih kan beisei hle a ni. DEGREE HLAN INKHAWM

March 4, 2016 (Zirtawpni) khan Degree hlan inkhawm vawi 32nd chu TTC Campus, Burgwal Kerk Playground-ah tluang taka neih a ni. He inkhawmah hian America ram Presbyterian Kohhran (PCUSA) hruaitu pakhat Rev. Barry P. Dawson Ph.D. chu thuchah sawi tura sawm a ni a.

Anni hi Thailand-ah Missionary hna thawkin an awm mek a. A nupui Mrs. Shelly Dawson nen an lo kal a, Mrs. Shelly hian Graduation Dinner (Degree late hminga ruai kilhona)-ah chibai bukna (greeting) a sawi bawk. Degree hlan inkhawm hi mipui 1000 zetin min rawn hlutpuia kan

lawm hle. Degree hlan zat chu: M.Div. 12, M.Min. 1, B.Th. 13, L.Th. 4 an ni a. Kohhranin \hen ta ila: Presbyterian 15, Baptist 10, Methodist 2, Nazarene 1 leh Independent Kohhran 1 te an ni.

TTC TLAWHTU KHUAL ZAHAWMTE 1. The Very Rev. Pamela Tunkerslay: Ani hi CWM Moderator a ni a, New Zealand Presbyterian Kohhran a ni. January 19 – 21, 2016 thleng a cham a. A cham chhungin zirlaite sap \awng (English) a zirtir. CWM Moderator Tahan rawn thleng hmasa ber a ni. Kum 1996 khan CWM Vice Moderator Dr. Stephan Tan-a’n Tahan a rawn thleng tawh bawk. CWM tirha lo kal a nih avangin nikum lama tui lian tuarte pawh a tlawh bawk. 2. Rev. Dr. Ramengliana (Ph.D.):

Ani hi Manipur Synod hnuaia Mission Secretary thawk mek a ni a. Tui\haphai Presbytery Manipur tirhin lo kal a ni. January 25, 2016 khan a lo thleng a, a cham chhungin zirlaite ‘Mission rawngbawlna’ a zirtir a. Tahan leh a chheh vel kohhran \henkhat a tlawh hnuin

February 2, 2016 khan min hawnsan ta. 3. PROK hruaitute:

Presbyterian Church in Republic of Korea (PROK)-a kohhran hruaitute, Rev. Kim Jin Duk (Moderator), Rev. Kwon Ju Am (Secretary), Rev. Lee DaeJoon (Secretary Ecumenical Relation), Rev. Kim Dong Chan leh an \hian mi 2-te chuan February 25, 2016 khan TTC an rawn tlawh.

TTC-ah tui dah khawlna (Water Tank) lian tawk pahnih min siamsak a. Chu Water Tank chu Pathian hnena hlanna \awng\ai hmang tura lo kal an ni. PROK nen hian kum 10 zet kal ta a\ang khan kan thawkhova, kum tin zirlaite hnenah scholarship an pe \hin.

January - August 2016

2

4. Pastor Hiew Hoong Cheong leh a hote: Tai Yee Peng, SimJia Shaeen leh Mok Shi-

Lynn te chu Malaysia a\angin 20 June khan min rawn tlawh. Group thuma in\henin class hrang hrangah subject hrang hrang (Theology, Computer, English) ni hnih chhung an zirtir a. Ni thum (Jun. 20-22) an cham chhungin college hotute nen inkawmna

hun neih a nih bakah, devotion-ah te pawh hun pek an ni. Zirlaiten an hlawkpui hle. 5. German mi Madlen Krueger-i:

Madlen Krueger-i Research Assistant Muenster University chuan Professor puitling a nih theihna tur research bei turin 28 March 2016 khan a rawn kal a. ATEM lamin min beisei angin Tahan Institute of Theology te, Bethel Theological Seminary–ah te kalpui a nih bakah mi pawimawh tak takte interview neihpui a ni. 6. Pu Lal Thanhawla:

Chief Minister, Mizoram leh a \hiannu Pi Riliani leh amah \awiawmtute chuan ni 6.4.2016 khan

TTC an rawn tlawh a. Pu Hawla leh a hote hi Tahan Chapchar Kût hmang tura chah chhuah an ni. Ani hi Mizoram

Chief Minister mikhual kan neih hmasak ber a ni. 7. Pu C. Lalrosanga:

Doordarshan Kendra Director General chuan 31 March 2016 khan min rawn tlawh. Pu Sanga hi Tahan Kohhran |angrualin Tahan Venglai, PCM kohhrana a buatsaih Crusade speaker atan an sawm chhuah a ni 8. Pu Vanneihtluanga:

Lengzem Editor Pu Vanneihtluanga leh a \hiannu Pi Puii, te nupain 8 April 2016 khan TTC an rawn tlawh a. Faculty-te nen inkawmna hun kan nei. Pu Tluanga hi Mizo Literature Club (MLC)-in EFCM Vengpui Biak Ina a buatsaih seminar-

ah thusawi (resource person) tura sawm a ni. 9. Revd Dr. L.H. Rawsea leh Upa Zonunmawia:

Revd Dr. L. H. Rawse Aizawl Theological College leh Upa Zonunmawia, CK|P Leader te chuan

29 April 2016 khan min rawn tlawh bawk. College-in kawmna hun neiin an puala buatsaih tuk\huan kilpui an ni. Revd Rawse leh Upa Zonunmawia te hi Phai Synod PYJC inkhawmpui vawi 10-na hmanga lo kal an ni.

10. Revd Julie Sim Joo Yee:

Revd Julie Sim Joo Yee, Mission Secretary, East Asia, CWM chuan ni 17.8.2016 khan TTC a rawn tlawh. Hemi ni zing inkhawmah zirlaite hnenah thuchah a sawi a. College hotute nen inkawmna hun \ha tak kan nei bawk. Ani hi PCM hnuaia rawngbawlna hrang hrang zir chiang tura lo kal a ni a. Hetiang mi pawimawh kan lo mikhual thei hi kan lawm hle a ni. COLLEGE HIKING

Kum tina kan neih \hin College Hiking chu ni 5.2.2016 khan Let-shi-kan (Hmun\ha, Kabaw)-ah kan nei. A hmunah hunserh hman niin Saya Joel Tin Moe’n a kaihruai a, Saya Lal Cross Lian’n thuchah tawi a sawi. Hemi zawh hian zirlaite tlang lawnin hun an hmang. Zanriah buatsaih a ni a, kan hlim tlang hle a ni. TTC-IN KOHHRANTE AN TLAWH

Tahan Theological College leh Tualchhung kohhrante inlaichinna \ha zawk kan neih theih nan tiin hetiangin zirtirtute leh staff-ten kohhran an tlawh. 1) February 8, 2016: Hmun\ha Vengpi leh Hmun\ha Venglai 2) July 31, 2016: Kawlkulh leh PCM Galilee Kohhran 3) August 14, 2016: Myohla Kohhran, PCM 4) August 21, 2016: Bethlehem Kohhran, PCM 5) August 28, 2016: Varpui Kohhran, PCM Nikumah Tahan Venglai, Tahan Vengthlang, Tahan Vengchhak, PCM Immanuel Tahan, PCM Immanuel Vengsak kohhrante kan tlawh a. Chutiang bawkin kan sawmna ngai pawimawhin Tahan Venglai, PCM Immanuel Tahan, PCM Immanuel Vengsak, Tahan Vengthlang, Tahan Vengchhak, Phai Synod office hotute leh thawktute, Chin Synod office hotute leh thawktute leh Mission Board office hotute leh thawktuten min rawn tlawh bawk a, kan lawm hle a ni. ZIRLAITE AN LUT |AN (2016 – 2017 ZIR KUM)

TTC zirlaite chuan hun eng emaw chen \hal chawlh an hman hnuin ni 6 June 2016 khan college an

3

lut \an leh ta. Kum 2016-2017 zir kumah hian zirlai thar mi 35 (M. Div. I - 7, B.Th. (Upgrade) & M.Div. Qualifying - 6, B.Th/L. Th. I- 13, B.A (English) I - 10) kan nei a, zirlai mi 102 kan ni. Zirlaite hi kohhran hrang hrang a\anga lo kalte an ni hlawm a ni. STUDENTS’ RETREAT

Kum tina kan neih \hin angin zirlaite intuaitharna Retreat chu ni 8-9.6.2016 khan neih a ni. Hemi atan hian International Leadership Training Team-a hotute sawm an ni a. Dr. John, Revd Jubilee Thanga, Revd Ngengchhuana leh Saya Laldinthara ten thu (subject) \ha tak tak min zirtir a, a hlawkthlak hlein kan hria. Hun tawp lamah zirlaite hnenah certificate an hlan. COLLEGE DAY

Ni 10.6.2016 khan College Day vawi 32-na inkhawm hman a ni. Revd |ha Lian Fai’n inkhawm a kaihruai a. Revd Lalhmangaiha, Moderator, GA chuan “Rawngbawl Tura Inpumpekna Nun” tih thupui hmangin thuchah a sawi. Dr. K.C. Lalramzauva’n zirlai tharte inhmelhriattirna a nei a, Revd Dr. Deng\huama’n zirlai ti\hate hnenah lawmman a hlan. Revd Lalchunglura, Principal-in TTC rawngbawlna tlangpui leh lawmthu sawina hun a hmang bawk. College Day-ah hian kohhran hruaitu \hahnem tak an lo kal a. Chubakah Phai Synod, Chin Synod leh General Assembly hotuten min rawn ho thei a, kan lawm hle.

FACULTY & STAFF RETREAT

Kum tina neih \hin thawktute intuaitharna Faculty & Staff Retreat chu ni 25.5.2016 khan neih a ni. Hemi ni zing lamah hian ‘Zirtir Dan’ (Teaching Method) tih chu thupuiah neih a ni a, Adjunct Prof. J. Khuma’n min zirtir a, kan hlawkpui hle. Chawhnu lamah thung chuan Revd Lalchunglura, Principal leh Dr. K.C. Lalramzauvan thawktu staff-te hnenah mahni hna \heuh rawngbawlna rilru pua \hahnem ngai taka thawh a pawimawh thu an sawi a, an hlawkpui hle. TTC ALUMNI INHMUHKHAWMNA

TTC a\anga zir chhuak tawh zawng zawng (Alumni) ten thawhhona \ha zawk kan neih theih nan pawl din thar leh beiseiin, ni 27.5.2016 khan Song & Park Chapel, TTC-ah inhmuhkhawm a ni a. He program hi Sayama V.L. Hmingsangi’n kaihruaiin Revd |ha Lian Fai leh Dr. K.C. Lalramzauva ten thawhhona \ha leh Alumni pawimawhnate an sawi. Sawihonaa chhunzawm nghalin rorel zui nghal a ni. TTC Alumni Group din thar leh rem tih tlan a ni. December 2016-ah inhmuhkhawmna buatsaih leh tur a ni a, chutah chuan hruaitu turte thlan tur a ni. TTC faculty chu inkaihhruaina dan leh dun buatsaih tura ruat an ni. Membership fee mi pakhatah Ks. 2000 rem tih a ni bawk. Inhmuhkhawm leh hunah TTC chhuak tawh zawng zawngte kim taka lo kal turin kan insawm nghal a ni. Tun \umah hian mi 50 zet kan kal khawm thei a, a lawmawm hle a ni.

TTC & PCM HOTUTEN CONSULTATION NEI Ni 26.5.2016 khan Song & Park Chapel, TTC-

ah TTC hotute leh kohhran hruaitute inhmukhawmin TTC rawngbawlna chungchang sawihona (consultation) an nei. He hun hi Revd |ha Lian Fai’n kaihruaiin Revd Lalchunglura, Principal-in TTC inawp dan leh rawngbawl dan a sawi a. Hei bakah thupui pathum (Practical work chungchang – Revd Van Biak Muan, LTS chungchang – Revd K. Zoliankhuma, Thawhhona \ha - Revd Dr. Deng\huama)-ten an sawi a, sawihona neih chhunzawm nghal a ni. TTC rawngbawlnain hma a sawn zel theihna turin rawtna leh thu \ha tak tak sawi chhuah a ni a, kan tui tlang hle. Hemi ni hian Sekan leh Segyi inkara kohhran hotu te, nuho leh \halai hotute kan sawm zingah mi 70 vel an rawn kal khawm thei a, a lawmawm hle. Inkhawm banah chaw hlui kilho a ni. He Consultation hian rah \ha tak a chhuah kan beisei a ni.

EDUCATION AWARENESS CAMPAIGN

2015 – 2016 zir kuma matric passed te tan bik zirna lam inzirtirna Education Awareness Campaign chu ni 9.7.2016 khan Song & Park Chapel, TTC-ah buatsaih a ni. He program hi Rev. Lalchunglura

Principal-in a kaihruai a, Rev. Pek Muan Cuang, Upa Dr. K.C. Lalramzauva

leh Adjunct Prof. J.

Khuma ten kan ram zirna dinhmun leh zirna \ha zawm a pawimawh thu ngaihnawm takin an sawi a. Kumin matric passed mi 23 an lo kal a ni. THING PHUN A NI Ni 8.7.2016 khan College hotute remruatnain

Faculty leh zirlaiten Varpui khua leh Vaphai (Segyi) khaw inkar kawngpui dungah thingkung 30 chuang TTC hminga phun a ni. Hei hi thing leh mau tih chereu a nih avanga khaw lum zel tur hre renga phun a ni. July 19, 2016 khan TTC

Campus-ah Martar-te ni denchhanin Thingkung 300 chuang; Tlawr 100, Thinguk 270 leh Ma-haw-ga-ni 27 zet phun a ni a. “Thingkung phun la, khawvel chhandam rawh” (Plant the trees to save the world) tih chu thupuiah neih a ni.

4

TTC MOTOR PROJECT SUM KHAWN TTC Motor hman lai hi a hlui tawh em avangin

a thar lei beisei a ni a. Hemi atan hian TTC thawktute chuan rawngbawlpui kohhran hrang hranga mi mal tlawmngaite hnenah vehbur khawnin \um hnih an feh chhuak. Ni 11. 4. 2016 khan Tahan Venglai leh Tahan Vengchhak PCM kohhranah mi mal hnenah \anpuina dilin an lut chhuak a, ni19.4. 2016 ah Tahan Vengthlang leh Immanuel Tahan kohhran member \henkhat hnenah an lut leh a. Hei bakah hmun hrang hranga kohhran leh mi mal hnenah \anpuina dil a ni. Kohhran leh Pathian tan ui hauh lova min \anpuitute chungah thinlung takin TTC-in lawmthu kan sawi mawlh mawlh a ni. Tun \umah hian sum petute leh an pek zat kan rawn tar lang hman lo hi pawi kan ti hle a, leh pekah tar lan kan rawn tum dawn a nia. THLAHNA INKHAWM HMANG

Kan thawhpui Sayama V.L. Hmingsangi chuan General Assembly hnuaia Woman Secretary hna a zawm a. Saya Lal Cross Lian chuan Chin Synod hnuaiah Pro. Pastor hna a zawm bawk a.

Sayama Zarzomawii, Assistant Technician chuan sorkar lamah hna a zawm bawk a. Tin, Pu Van Lal Zawn, General Worker leh Pu Van Lal Bik, Peon chuan remchan lohna avangin an hna an chawlhsan

bawk. Heng kan thawhpuite hi

kan ui hle a, anmahni pual \heuhvin thlahna hun hman a ni: March 9-ah

Saya Lal Cross Lian, Jun.4-ah Pu Van Lal Zawn, June 21-ah Sayama V.L. Hmingsangi, July 4-ah Pu Van Lal Bik. Kan thlahte hi ngaihhruina pek \heuh an ni. PU RO HNGILH LO-A’N TIAM TLAT E A TI

Librarian Pu Ro Hngilh Lo chuan Aizawla khawsa Nl. Van Lal Hnem chu ni 19.4.2016 khan tiam tlat e a tihpui a, TTC-in kan lawmpui em em a ni. College hminga a lawmpuina inkhawm chu ni 25.4.2016 khan neih a ni. SAYA CHARLES ZOTHANGPUIA ZIR ZO LO HAW

Saya Charles Zothangpuia, Technician chuan Central Philippine University, Philippines-ah kum hnih a zir hnuin Master of Library and Information Science

chu \ha takin a rawn zo thei a, kan lawmpui hle. Ni 16.4.2016 khan college hminga lawmpuina hun buatsaih a ni. Saya Charles hian June thla a\ang khan college a rawn zawm a, kan changtlun phah hle a ni

KUTTHIAM ZIRNA (HANDWORK SESSION) NEI Ni 28-29. 2016 khan zirlaite chuan ni hnih chhung awh kutthiam zirna (Handwork Session) an nei. He hunah hian TTC thawktu \henkhat leh pawn lam a\anga zirtirtu thiam bikte ruaiin chaw hmeh siam dan (cooking) te, Mistiri te, postcard te, pangpar khawi dan leh lem ziah (Drawing) dan te zirtir an ni a. Zirlaiten an hlawkpui hle.

THAWKTU THAR (PEON) KAN NEI Remchan lohna avangin TTC hian thla khat

dawn lai chu Peon nei lovin kan awm a. Ni 2. 8. 2016 khan TEB (Theological Education Board) meeting a \hu a, chutah chuan Tv. Lalramnghaka, Bethlehem PCM chu TTC Peon atan a la thar a. Ni 3. 8. 2016 khan Tv. Nghaktea hian a hna a

rawn zawm nghal a, kan lawm hle.

ATEM TRAINING Sayama Lalruatkimi chu faculty aiawhin

ATEM buatsaih Training a kal. He training hi Yangon khawpuiah ni 29-31.3.2016 chhung buatsaih niin “Research and Teaching Methodology” tih chu thupuiah an nei a ni.

ATESEA TRAINING June 19 – 25, 2016 khan Seminari Theoloji Malaysia Seremban-ah 2016 ATESEA Teachers’ Academy Training neihnaah kan college aiawhin Rev. |ha Lian Fai a kal. He training-a an thupui chu: ‘Kohhran Chanchin (Church History) Curriculum \ha neih chungchang’ a ni. June 28, 2016 khan Tahan a rawn thleng leh.

ACTING ACADEMIC DEAN THAR: TTC Academic Dean thawk mek Upa Dr. K.C. Lalramzauva chuan August 4, 2016 khan rin loh takin chatuan ram min pansan ta a. August 12, 2016 ah TEC Special Committee vawi 7-na a thu a, Revd Tha Lian Fai chu 2016-2017 zir kuma Acting Academic Dean atan a ruat a, a lawmawm hle. August 15, 2016 atang khan a hna thar hi a thawk tan a. August 19, 2016 khan Faculty leh Staff ten a office-ah tawngtaihona kan nei.

5