Traballo no horto

TRABALLO NO HORTO

14 de marzo de 2014

DISTINTOS TRABALLOS NO HORTO

1. Facer os buratos para as froiteiras: maceira, pereira, ameixeira e laranxeiro.

2. Preparar os regos para plantar.Botamos follas e restos orgánicos para abonar a terra.

Hai tempo para todo: observar, cavar, conversar, xogar …Cada quen segue o seu ritmo pero todo o grupo colabora .

3. Facer os buratos co “plantador” seguindo as liñas na terra, así os regos saen máis dereitos. Plantamos uns pés de brócoli.

4. Plantar: a menta no sitio das aromáticas, o brócoli no tallón das espinacas e a cenoria ao carón das ceboliñas.

En febreiro fixemos o sementeiro de brócoli e agora puxémolas no horto. Houbo que sacar unha a unha e colocalas con coidado no rego.

5. Regar con coidado para non magoar as plantas.

Ao remate, recollemos todo e marchamos para a aula con grande satisfacción.

Traballo realizado polo alumnado de 4º de

Primaria do CEIP Barouta.

Elena, foi a nosa fotógrafa.

É un proxecto de “Horto ecolóxico” para o

curso 2013/14 subvencionado por Voz Natura.