TATA IBADAH MINGGU PESTA BAPA GKPS 2020 TEMA: Ibohali Manghobaskon Horja na Madear (2 Timoteus 3:17) SUB TEMA: “Pasirsir ma Kuria in gabe Sipambobai na Toruh Maruhur, Sihabiari Naibata, Sibalosi Ajar, ibagas Biak na Madear, ase lambin Tarbarita Goran ni Kristus” (Mateus 5:18- 19, Markus 9:35) Minggu, 8 Nopember 2020
This document is posted to help you gain knowledge. Please leave a comment to let me know what you think about it! Share it to your friends and learn new things together.
Transcript
TATA IBADAH
MINGGU PESTA BAPA GKPS 2020
TEMA: Ibohali Manghobaskon Horja na Madear (2 Timoteus 3:17)
SUB TEMA: “Pasirsir ma Kuria in gabe Sipambobai na Toruh Maruhur, Sihabiari Naibata, Sibalosi
Ajar, ibagas Biak na Madear, ase lambin Tarbarita Goran ni Kristus” (Mateus 5:18-
19, Markus 9:35)
Minggu, 8 Nopember 2020
1
PRAELUDIUM
Dilo-dilo
P. Horas ma hubanta haganup kuria ni Tuhanta ija bei pe hita marianan. Tarpuji ma
goran ni Tuhan na sai tong riap pakon hita bani ganup na masa. Ia do na manogu-
nogu hita mandompakkon hamaholon ni goluhta. Nuan mar-Pesta Minggu Bapa do
pangidangion i tongah-tongah ni kuria in sonai age i tongah-tongah ni keluarga na
gabe malim janah sipambobai.
BARISAN PROSESI (Jongjong Kuria)
Singers. (Mandodingkon) Haleluya No. 17:1
Jesus roh hanai hujon lao mangindo hagoluhan
Ai pe roh ma Ham hujon janah baen ma pardomuan
TonduyMu ’pa tonduynami, ulang merap uhunami
P. (Iiringi instrumen Hal. 17) Ham ale Tuhan, sirsir do nuan hanami bapa i kuria-Mu
laho mangidangi Ham. Patalup janah pasusi Ham ma hanami gabe sipambobai
janah gabe dalan ni pasu-pasu-Mu. Domma roh hanami nuan riap pakon kuria-Mu
ibagas uhur na borsih janah bulus. Sai pasaud Ham ma harosuh-Mu hubannami.
P.K. (Mandodingkon) Haleluya No. 17:1
------------------------- saat teduh -------------------------
VOTUM – INTROITUS – TONGGO
P. Ibagas goran ni Naibata Bapa pakon Tuhan Jesus Kristus ampa Tonduy
Napansing Sitompa langit pakon tanoh on.
P.K. Amen
P. Jahowa do panondang pakon haluahon bangku, mintor bani ise ma mabiar
ahu?
K. Jahowa do batar-batar ni goluhku, bani ise ma ahu gobir?
P. Sanggah roh parjahat mandorab ahu laho mangankon dagingku, ai ma
imbangku pakon munsuhku, jadi mangkatompas anjaha marrageian ma sidea.
K. Anggo roh bala mamorang ahu, seng mabiar uhurhu, age roh porang dompak
ahu, sai tenger do uhurhu.
P. Sada do hupindo humbani Jahowa, ai do na hupindahi,
K. Ase boi ahu marianan i rumah ni Jahowa sadokah manggoluh ahu
P.K. Laho paidah-idah hinajenges ni Jahowa, laho marsombah i rumah-Ni.
2
P. Haleluya,Haleluya,Haleluya
K (Mandodingkon) Haleluya, Haleluya, Haleluya
P. Martonggo ma hita: Ham ale Jahowa, Ham do sigijangan humbani haganup na
adong i tanoh on. Pujionnami do goran-Mu halani holong ampa pangapition-
Mu hubannami bangsa-Mu. Patangkas Ham ma hubannami hatunggungon-Mu
ase gabe usihan in bannami bani ganup panorang. Bobai Ham ma hanami bani
dalan-Mu ase sonang tonduynami janah gok puji-pujian pamangannami.
P.K. Amen
1. MANDODING HAL NO. 408:1-2
1. Haleluya puji ma Tuhan, pasangap marhiteihon gondrang na laingan Irandu pakon inggou na lurlur homa tangaron Dodingkon ma doding na baru, Puji ma Ia bai hotakNi na i babou Janah olobkon ma riap marmalas uhur. Sai tarbarita baen goran-Ni, Gok halongangan ganup jadi-jadian-Ni Puji Tuhan Haleluya!
2. Marmegah gok tarima kasih, Halani ganup pasu-pasu ‘ge layak-Ni Hubanta na totap sirsir tong mambalosi. Tunggung tumang do tong Tuhanta, Ia do Raja ni ganup sagala raja Ningon hu Bani do unduk ganup marsombah Sai tarbarita baen goran-Ni , gok halongangan ganup jadi-jadian-Ni Puji Tuhan Haleluya
2. GANTIH NI TITAH
P. Tangar hita ma gantih ni Titah na sapuluh in, aima na tarsurat bani Johannes
15:10: “Anggo ihorjahon hanima titah-Ku, marianan ma hanima ibagas holong
ni uhur-Hu songon Ahu na mangkorjahon titah ni Bapa, gabe marianan ibagas
holong ni uhur-Ni.” Riap ma hita mangindo!
PK. Ham Tuhan Naibata pargogohi Ham ma ahu mangkorjahon hata-Mu ai.
3. MANDODING HAL NO. 338:1-2
1.Togu Ham ma au o Tuhan bai goluh dunia on Na gogoh do Ham parholong, togu au na galek on Roti surga, roti surga, in ma sipanganonkin in ma hagoluhankin
2. Bere Ham bah hagoluhan na pamalum uhurhon Ham mardalan i lobeihu rapkon tiang hombun in
3
Ham Jesusku, Ham Tuhanku, Ham na gabe gantarhin Ham ma haluahonkin
5. HASASAPAN NI DOUSA (Jongjon Kuria)
P. Ham o Tuhan simada goluhnami, roh do nuan hanami hu lobei-lobei-Mu
mambobankon hadirionnami na gok dousa ampa hahurangan. Mardingat do
hanami bani idop ni uhur ampa dear layak ronsi holong-Mu na tarsulur in.
Ham ale Tuhan pardimata Ham ma hanami jolma pardousa on.
Bp3. Selaku bapa sonai age selaku orangtua, maningon matoras do hanami bani
haporsayaon ase lambin talup hanami gabe siusihan bani keluarganami.
Tapi gati do l;ang ipindahi hanami dalan manggoki in, uhurnami do ituruti
hanami janah rosuh-Mu lang ipikkirhon hanami. Ham ale Tuhan, bobai Ham
ma hanami ase maruhur na pentar, ase tongtong sari janah maruduk ni
uhur bani ganup hata-Mu.
Sngr. (mandodingkon) “Holong ma Ham”
4
P. Tangar hita ma bagah-bagah ni Naibata pasal hasasapanni dousa. “Songon sintong ni manggoluh Ahu nini Tuhan Jahowa: Sabonar seng marosuh uhur-Hu mangidah hamateian ni parjahat, tapi ase mulak do parjahat in manadingkon dalanni, ase manggoluh ia”. Ibagas holong ni Naibata, domma isasap haganup dousanta. Halani ai, pataridahkon hita ma tanda-tanda ni pargoluhon na bayu. Hasangapon ma bani Naibata i babou!
P.K. Amen
6. MANDODING HAL NO. 440:1-2
1. Ija do jumpah parsaranan sonai ampakon hasonangan Sai ganup tikki ‘ge ganup panorang, margantih soluk roh ni paruntolon Sompong tartawa tapi lang madokah, holsoh marganjang mamingkirhon goluh Lao mansarihon haganup na hurang, lanjar do lalab lang marhasungkupan
2. Seng jumpah hita in bai goluh, anggo lang roh hita bai Jesus Gok bai Tuhanta do in haganupan, mambere goluh na marhasungkupan Anggo sonai bai Jesus ma roh hita, mangindo aha do na porlu banta Sirsir do Jesus mangurupi hita, asal ma Ia tong parsuhutanta
7. MANAKSIHON HAPORSAYAON (Jongjong Kuria)
P. Riap ma hita jongong! Saksihon hita ma haporsayaonta in, songon na
sinaksihonni ganup halak na porsaya bai sab tanoh on:
PK. Ahu porsaya….psb
8. ACARA KHUSUS
a. Mambasa (manaksihon) Tonahni Pimpinan Pusat
b. Mandodingkon “Mars Seksi Bapa GKPS”
c. Refleksi Minggu Bapa/Puisi: SORTALINI GOLUHKU
d. Koor/ Vokal Group
e. Tingting Kuria
f. Tonggo Pangapition
9. MANDODING HAL NO. 446:1-2
1. Sisada angkula do hita ganupan, ragam ni pagori do hita tongon
Na sombuh bayak dos do in bani Tuhan seng dong ilioi isarihon do tong
Tuhanta do na gabe Hayu anggur, ranting-Ni do hita on hajojor
Jolom ma Jesus ulang ham pandur, ase tabun marbuah na ramos
2. Tanda ni sisada angkula do hita, rap marpangarapan bani goluh on
Nai do bani horja rap marsiurupan, ulang dong na marsidalian ijin
5
Tuhanta do na gabe hayu anggur, ranting-Ni do hita on hajojor
Jolom ma Jesus ulang ham pandur, ase tabun marbuah na ramos
10. AMBILAN: 1 TIMOTEUS 2:1-7
(Totap ma parambilan i langgatan das hubani na manutup ibadah)
11. PATUMPU GALANGAN
Prb. Sonari sihol ma hita padaskon tarimakasihta marhitei galangan na gabe
tanda ni na parsimada hita bani harajaon ni Tuhan in. Halani ai, paima
ipatumpu hita galanganta, tangar hita ma lobei hata ni Naibata na gabe
onjolan banta laho manggalang aima na tarsurat bani Heber 13:16
“Mambahen na madear ampa na marsibere-bere, ulang ma halupahon
nasiam ai, ai galangan na sonai do iharosuhkon Naibata.” Sonari patumpu
Tonduy, daging uhur ampa gogoh nin, Ulang bai na sambor, sai Bamu ma in! Ningon gok Bamu ma au hinopkop-Mu. Ase saud martuah au jabolon-Mu.
Prb. Ilangkahkon hanami ma goluhnami mandompakkon bagei ni pargoluhan.
Ham ma na gabe gogoh bannami mandalani ganupan in. Pambobaion-Mu
ma na gabe pangarapannami sadokah goluh nami.
Prb. Ham Bapanami na i nagori atas. Sai napapansing ma goran-Mu! Sai roh ma
harajaon-Mu. Sai saud ma harosuh ni uhur-Mu i nagori tongah on songon
na i nagoni atas! Bere Ham ma bannami sadari on hagoluhan ari-ari. Sasap
Ham ma dousanami songon panasap nami bani dousa ni hasoman na
mardousa dompak hanami! Ulang hanami bobai Ham hu parlajouan!
Paluah Ham ma hanami humbani pangagou!
PK. (mandodingkon) Ai Ham do simada harajaon pakon hagogohon ampa
hasangapon sadokahni-dokahni. Amen
Prb. Laho ma nasiam, janah “Pindahi nasiam ma na madear, ulang ma na jahat, ase manggoluh nasiam; ase tongon ma Jahowa, Naibata Zebaot hasoman nasiam, songon na hinatahon nasiam” (Amos 5:14). Jalo ham/hita ma pasu-pasu humbani Tuhan Naibata: Ipasu-pasu anjaha iparorot Tuhan Naibata ma ham/ hita, isondangkon
Tuhan Naibata ma bohini hubamu/ hubanta janah maidop ma uhur-Ni
7
mangidah ham/ hita. Idompakkon Tuhan Naibata ma bohi-Ni hubamu/
hubanta janah ipasorap ma damei-Ni bani tonduymu/ tonduyta bei. Amen
PK. (mandodingkon) Amen… Amen… Amen…
POSTLUDIUM
(Mandodingkon) “Shalom”
8
Lampiran: Puisi
SORTALI NI GOLUHKU
Marguling ma ari margantih bod Mangirik-irik langkah na gok ngayod
O ari na jagiah manrimpun padan na osei Pahot ma ondos-ondos na solhot
Bani borngin mangayak sogod Hutatap ma bohimu ale anakku
Damei sinok bani dahopanni inangmu Bujur janah borsih paruhuranmu
Au ma sahalak bapa na jonjong i lobei Age lang songon gogohni puanglima
Tapi lang hutebahon gogohku Ganup do hubere mangkopkop ho ale anakku
Ale inangni niombahku... Na so ongga gok gogohku anggo lang marhitei tonggomu
Sada na mando parjuanganni goluhta Pagodang-pagodangkon ampa pasaud sura-surani niombahta
Anggo roh logou maningting mandugur Tongtong ma hita gomos marsijoloman
Ulang ma manringis hita mandompakkon na hurang Tuhanta ma guru siihut-ihutkononta
Ham ale Tuhan, patalup Ham ma au gabe siusihan Goki Ham ma ahu gabe bapa pangunsandeian bani rumah tanggakku
Marpanganju ma Ham bani ganup hahuranganku Tangan-Mu ma manogu au sadokah goluhku. Amen