Stħarriġ dwar l-Aġenda għall-Ħiliet Ġodda u l-Impjiegi · Web vieweducation and business sector contribute small amounts of funds. Structural Funds (ERDF, ESF) are always used

MT

Stħarriġ dwar l-Aġenda għall-Ħiliet Ġodda u l-Impjiegi1

1 Niżżel ir-rapport sħiħ minn: http://portal.cor.europa.eu/europe2020/MonitoringFlagships/Pages/Agenda-for-new-skills-and-jobs.aspx

CDR1399-2013_00_00_TRA_TCD

- 1 -

Dawn il-konklużjonijiet huma bbażati fuq in-nota tal-fajl “New Skills and Jobs Survey” (Stħarriġ dwar il-ħiliet ġodda u l-impjiegi) miktuba mill-Ecologic Institute GmbH (Tanja

Srebotnjak) u l-Policy Studies Institute (Elisabetta Mocca, Kathryn Ray, Rosemary Davidson).Ma jirrappreżentawx il-fehmiet uffiċjali tal-Kumitat tar-Reġjuni.

Aktar tagħrif dwar l-Unjoni Ewropea u l-Kumitat tar-Reġjuni huwa disponibbli fuq l-internet permezz ta’ http://www.europa.eu u http://www.cor.europa.eu rispettivament.

© Unjoni Ewropea, Frar 2013Ir-riproduzzjoni parzjali hija permessa, bil-kundizzjoni li s-sors jissemma b’mod espliċitu.

CDR1399-2013_00_00_TRA_TCD .../...

- 2 -

Informazzjoni bażika

Il-Kumitat tar-Reġjuni (KtR), permezz tal-Pjattaforma għall-Monitoraġġ tal-Ewropa 2020, għamel stħarriġ biex jivvaluta l-inizjattiva ewlenija tal-Istrateġija Ewropa 2020, l-Aġenda għall-Ħiliet Ġodda u l-Impiegi bejn is-26 ta’ Novembru 2012 u l-21 ta’ Jannar 20132. L-istħarriġ jevalwa sa fejn l-inizjattiva ewlenija tal-Istrateġija Ewropa 2020 wasslet għall-benefiċċji ppjanati lill-komunitajiet u r-reġjuni3. Il-konklużjonijiet li ġejjin ittieħdu minn total ta’ 46 tweġiba minn 17-il Stat Membru tal-UE.

Tweġibiet skont il-Pajjiż

1 1 1 1 1 12 2 2 2

34 4 4

56 6

01234567

Ungerija

Litwan

ja

finlandja

Awstrija

Span

ja u Portu

gall

Rumanija

Italja

Renju U

nit

Slova

kkja

Portuga

ll

Franza

Svezj

a

Span

ja

Polonja

Grafika 1: L-għadd ta’ tweġibiet riċevuti skont l-Istat Membru tal-UE

Grafika 2: Tweġibiet għall-istħarriġ skont it-tip ta’ awtorità

2 Il-kwestjonarju u l-informazzjoni bażika ta’ sfond tista’ ssibhom hawn:

http://portal.cor.europa.eu/europe2020/MonitoringFlagships/Pages/Agenda-for-new-skills-and-jobs.aspx.3 Iktar informazzjoni dwar l-inizjattiva ewlenija hija disponibbli fuq il-websajt tal-KtR:

http://cor.europa.eu/en/activities/europe2020/Pages/agenda-new-skills-jobs.aspx.

CDR1399-2013_00_00_TRA_TCD .../...

- 3 -

Konklużjonijiet

Il-Kumitat tar-Reġjuni wettaq dan l-istħarriġ biex jipprovdi informazzjoni dwar il-kapaċità tal-inizjattiva ewlenija tal-Istrateġija Ewropa 2020, l-Aġenda għall-Ħiliet Ġodda u l-Impjiegi, li twassal il-valur miżjud ippjanat lill-komunitajiet u r-reġjuni madwar l-Ewropa. Il-kwestjonarju fih 15-il mistoqsija u jiffoka fuq erba’ temi:

l-isfidi tal-politika li r-reġjuni u l-bliet qed jiffaċċjaw fil-kuntest tal-għanijiet tal-Aġenda għall-Ħiliet Ġodda u l-Impjiegi (mistoqsijiet 1 sa 3);

ir-rilevanza tal-Aġenda biex tindirizza dawn l-isfidi tal-politika (mistoqsijiet 4 sa 7); ir-rilevanza tal-politiki implimentati mill-pajjiż fejn qiegħed ir-reġjuni jew il-belt (mistoqsijiet

8 sa 10); u l-esperjenzi fil-qasam tal-ġestjoni u l-iffinanzjar tal-azzjonijiet marbuta mal-Aġenda

(mistoqsijiet 11 sa 15).

L-istħarriġ irċieva total ta’ 46 tweġiba minn 17-il pajjiż. Il-maġġoranza tat-tweġibiet ġew minn jew għan-nom tar-reġjuni (39%), 33% tat-tweġibiet waslu mill-bliet u l-muniċipalitajiet u 24% mill-kontej/il-provinċji. Żewġ tweġibiet (4% tat-total) intbagħtu minn assoċjazzjoni ta’ awtoritajiet lokali u reġjonali u minn assoċjazzjoni ta’ organizzazzjonijiet li jippromwovu inizjattivi u attivitajiet soċjoekonomiċi f’seba’ pajjiżi tal-UE (European P’ACTS Network).

It-tweġibiet miġburin fis-sezzjonijiet 2-5 jistgħu jintużaw biex iwasslu għal għadd ta’ konklużjonijiet dwar:

is-saħħiet tal-Aġenda għall-Ħiliet Ġodda u l-Impjiegi; id-dgħjufijiet tal-Aġenda; u it-tibdil potenzjali li jista’ jkun implimentat wara r-reviżjoni ta’ nofs it-term fl-2014.

Fir-rigward tas-saħħiet osservati tal-inizjattiva ewlenija, l-istħarriġ jipprovdi xhieda li l-Aġenda għall-Ħiliet Ġodda u l-Impjiegi tirrifletti t-tħassib prinċipali ta’ kważi kull min wieġeb (45 minn 46, li jgħoddu għal 98%)4, jiġifieri l-ħtieġa li tkun indirizzata l-problema tal-immodernizzar tas-swieq tax-xogħol b’mod sistematiku u olistiku bil-għan li jogħla l-livell tal-impjieg u tkun żgurata s-sostenibbiltà tal-mudelli soċjali l-iktar komuni. It-tqassim iktar dettaljat tal-għanijiet u l-objettivi jidher fiċ-ċart li jmiss.

4 F’każ wieħed il-mistoqsija ma kinitx imwieġba sew.

CDR1399-2013_00_00_TRA_TCD .../...

- 4 -

Grafika 3: L-għanijiet u l-objettivi tal-Aġenda għall-Ħiliet Ġodda u l-Impjieg li ssemmew mill-kontributuri (mistoqsija 4)

Min wieġeb iħoss li l-inizjattiva ewlenija tal-Aġenda għall-Ħiliet Ġodda u l-Impjiegi tindirizza sew kwistjonijiet soċjoekonomiċi ewlenin fl-Unjoni Ewropea, prinċipalment il-fatt li l-kriżi ekonomika aċċellerat u intensifikat it-tibdil strutturali fis-suq tax-xogħol, ikkawżat żieda fil-qgħad (28 tweġiba, 61%) u wasslet għal differenza li qiegħda dejjem tikber bejn il-ħiliet disponibbli u dawk li jitolbu l-impjegaturi ewlenin (37 tweġiba, 80%). L-Aġenda tgħin ukoll biex tindirizza sfidi importanti marbuta mas-soċjal u mal-ekwità, pereżempju għall-persuni b’diżabbiltà (6 tweġibiet, 13%) u l-immigranti (5 tweġibiet, 11%). Għadd ta’ tweġibiet sostnew il-fatt li mhix biss kwistjoni li jinħolqu iktar impjiegi, iżda wkoll li dawn l-impjiegi jkunu ta’ kwalità u li jinstab il-bilanċ ġust bejn il-flessibbiltà u s-sigurtà tal-impjieg, speċjalment fir-rigward tal-għadd dejjem jikber ta’ kuntratti temporanji jew b’terminu fiss (9 tweġibiet, 20%).Din iċ-ċart turi taqsira tat-tħassib tal-kontributuri.

Sfidi msemmija mill-kontributuri(iktar minn tweġiba waħda possibli)

355

68

912

1328

37

0 5 10 15 20 25 30 35 40

Emigrazzjoni

Mobbiltà baxxa tal-ħaddiema

Integrazzjoni tal-ħaddiema migranti fis-suq tax-xogħol

Integrazzjoni tal-persuni b'diżabbiltà fus-suq tax-xogħol

Popolazzjoni li qed tixjieħ

Kuntratti temporanji/li jiskadu

Ħtieġa li jinħolqu opportunitajiet ġodda ta' impjiegi

Żieda fil-qgħad fost iż-żgħażagħ

Żieda fil-qgħad

Nuqqas ta' qbil bejn id-domanda u d-disponibbiltà tax-xogħol

Grafika 4: Sfidi msemmija mill-kontributuri (mistoqsija 1)

CDR1399-2013_00_00_TRA_TCD .../...

- 5 -

Waqt li xi riformi fis-suq tax-xogħol u kwistjonijiet relatati (bħall-edukazzjoni) jistgħu jiġu indirizzati fil-livell nazzjonali, il-kontributuri rrikonoxxew li l-Aġenda kienet qed tirrifletti l-interess reġjonali sa ċertu punt. L-approċċ komprensiv tal-Aġenda għat-tnaqqis tal-qgħad u l-ħolqien ta’ impjiegi ġodda kien partikolarment apprezzat (29 tweġiba, 63%). Dan jinkludi ż-żieda fil-livelli ta’ impjiegi kumplessivament (il-mira tirreferi għall-popolazzjoni attiva ekonomikament imsemmija fi 17-il tweġiba, 37%), it-titjib fl-edukazzjoni u li l-istudenti jlestu l-iskola (il-mira tirreferi għal massimu ta’ 10% ta’ studenti li jieqfu qabel jispiċċaw l-iskola obbligatorja, imsemmija f’16-il tweġiba, 35%), it-taħriġ avvanzat u l-bini tal-ħiliet (il-miri jirreferu għall-grupp ta’ persuna bejn it-30 u l-34 sena bi kwalifiki terzjarji, imsemmija f’6 tweġibiet, 13%), u l-aġenda soċjali bl-għan li tnaqqas il-faqar u l-esklużjoni soċjali permezz tal-impjieg (il-miri jirreferu għat-tnaqqas tal-għadd ta’ persuni f’riskju tal-faqar u l-esklużjoni soċjali, imsemmija fi 8 tweġibiet, 17%). Il-kontributuri rrikonoxxew b’mod partikolari l-valur tal-miri edukattivi li jikkonċentraw fuq azzjonijiet maħsuba biex jilħqu aħjar il-ħtiġijiet tas-suq tax-xogħol u biex jitnaqqas l-għadd ta’ studenti li jitilqu kmieni mill-iskola. Barra minn hekk, għadd iżgħar ta’ kontributuri kienu pożittivi dwar il-politiki ta’ ‘flessigurtà’ mmexxija mill-Aġenda (11-il tweġiba, 24%), billi dan huwa konsistenti mal-isfidi tas-suq tax-xogħol.24%

Il-miri dehru utli għall-monitoraġġ u l-indirizzar ta’ kwistjonijiet li jaffettwaw is-suq tax-xogħol u l-bini tal-ħiliet. Waqt li l-miri ġew kritikati xi ftit mill-awtoritajiet lokali u reġjonali li wieġbu (anke fil-każijiet fejn Stat Membru stabbilixxa l-miri tiegħu stess), dawk li wieġbu jidhru li jifhmu li diffiċli tfassal aġenda għall-UE kollha u azzjonijiet assoċjati li huma speċifiċi u flessibbli biżżejjed biex jieħdu f’kunsiderazzjoni l-kuntest lokali.

L-Aġenda ġiet imfaħħra wkoll għall-fatt li tiffoka fuq it-taħriġ vokazzjonali u l-funzjonament ġenerali tas-suq tax-xogħol, bħala għodda biex tindirizza kwistjonijiet soċjali flimkien ma’ kwistjonijiet ekonomiċi.

Fir-rigward tal-politiki li l-Istati Membri qed jimplimentaw, kull min wieġeb ipprovda eżempji ta’ azzjonijiet li ħadu jew qed jieħdu biex jindirizzaw il-kwistjonijiet tal-impjieg u tas-suq tax-xogħol.Jidher ċar li fi kważi l-każijiet kollha (44 minn 46, 96%), l-awtorità reġjonali jew lokali taqdi rwol importanti fit-tfassil u t-twettiq tal-azzjonijiet. Id-deskrizzjonijiet tagħhom jirriflettu wkoll l-għarfien tajjeb li għandhom l-organizzazzjonijiet tal-kontributuri dwar l-impjieg u l-isfidi tal-impjiegi li qed jiffaċċjaw ir-reġjuni, il-kontej, il-bliet u l-muniċipalitajiet.

Konklużjonijiet dwar id-dgħjufijiet tal-Inizjattiva Ewlenija tal-Aġenda għall-Ħiliet Ġodda u l-Impjiegi

Id-dgħjufijiet u l-kritika tal-Aġenda għall-Ħiliet Ġodda u l-Impjiegi sa ċertu punt huma konsegwenza diretta tal-karatteristiċi li wasslu għat-tifħir tagħha: l-ambitu globali tal-Aġenda mifrux mal-UE kollha jfisser li tidher ukoll bħala wisq teoretika u b’ambitu wiesa’ u tonqos milli tikkunsidra d-diversità tas-sitwazzjonijiet nazzjonali u sottonazzjonali differenti.

Għalhekk, uħud ħassew li l-isfidi u l-ħtiġijiet partikolari tagħhom kienu injorati (18-il tweġiba, 39%). Dan jinkludi b’mod partikolari r-reġjuni ultraperiferiċi tal-UE (jiġifieri l-Gżejjer Kanarji) kif ukoll żoni li ntlaqtu partikolarment mill-kriżi ekonomika jew li jiffaċċjaw ċirkostanzi lokali li jagħmluha impossibli li jilħqu l-miri nazzjonali (pereżempju popolazzjoni li qed tixjieħ, nuqqas ta’

CDR1399-2013_00_00_TRA_TCD .../...

- 6 -

istituzzjonijiet ta’ edukazzjoni ogħla, influss kbir ta’ immigranti, jew suq tax-xogħol li jeħtieġ iktar ħiliet vokazzjonali mill-edukazzjoni terzjarja enfasizzati fl-inizjattiva ewlenija).

B’konsegwenza, l-istrateġija dehret li għandha d-diffikultajiet meta tiġi biex tindirizza l-isfidi differenti li qed jiffaċċjaw partijiet differenti tal-Ewropa. Barra minn dan, l-implimentazzjoni u l-finanzjament tal-miżuri kienet innutata bħala ħafna iktar diffiċli minħabba r-riċessjoni ekonomika attwali (17-il tweġiba, 37%).

Kritika oħra hija marbuta mal-proċeduri amministrattivi biex jinkisbu finanzjamenti mill-Fondi Strutturali tal-UE (Il-Fond Soċjali tal-UE u l-Fond Ewropew għall-Iżvilupp Reġjonali) għall-azzjonijiet tal-Aġenda. Minn naħa, il-Fondi Strutturali Ewopej jitqiesu importanti minn kważi kull min wieġeb, u ħafna użawhom biex jappoġġjaw xi programm jew azzjoni (23 tweġiba, 50%). Id-dikjarazzjoni tal-Uffiċċju tal-Marixxal tar-reġjun ta’ Mazowsze f’Varsavja tirrappreżenta tal-inqas kwart mill-fehmiet tal-kontributuri. Dan qal li mingħajr dawn il-fondi jkun hemm nuqqas drastiku ta’ azzjonijiet marbuta mal-inizjattiva ewlenija.

Fl-istess ħin, xi wħud (5 tweġibiet, 11%) ħassew li ‘jista’ jsir iktar użu mill-Fondi Strutturali jekk ikun hemm inqas burokrazija għall-applikazzjoni, is-segwitu, ir-rappurtaġġ u l-ħlasijiet5’. L-iktar suġġeriment frekwenti kien biex tinħoloq sistema iktar flessibbli li tħalli lill-awtoritajiet u l-operaturi tal-programmi jaċċedu għal Fondi Strutturali differenti permezz ta’ applikazzjoni waħda jekk dawn jindirizzaw kemm kwistjonijiet ta’ twassil kif ukoll ta’ infrastruttura. Tweġiba oħra mill-Belt ta’ Solna sejħet għal kooperazzjoni aħjar bejn il-fondi billi l-impjieg jiddependi mit-tkabbir fl-SMEs u għalhekk il-FSE u l-FEŻR huma ż-‘żewġ uċuħ tal-istess munita’.

Dgħjufijiet oħra msemmija fil-kuntest tal-finanzjament tal-azzjonijiet tal-Aġenda jinkludu l-fatt li l-Fondi Strutturali għandhom ikomplu jiffukaw sostanzjalment fuq il-ħiliet u l-impjiegi. Ir-reġjun ta’ Twente rrakkomanda li l-fondi tal-FEŻR ikunu ġestiti mill-provinċji stess.

Dawn il-kummenti japplikaw ukoll għat-trattament ta’ kwistjonijiet ta’ impjieg fil-Ftehim ta’ Sħubija li jmiss li għandu jiġi ffirmat mill-gvernijiet nazzjonali u l-Kummissjoni tal-UE dwar il-ġestjoni tal-Fondi Strutturali taħt il-Qafas Strateġiku Komuni 2014-2020. Ħafna mill-kontributuri jemmnu li dawn għandhom isiru prijorità - flimkien mal-iżvilupp ekonomiku - u li jkollhom il-fondi meħtieġa allokati lilhom sabiex ikun jista’ jsir investiment ġenwin u li jista’ jitkejjel fil-ħolqien tax-xogħol (22 tweġiba, 48%, taw rakkomandazzjonijiet rigward il-fondi tal-impjieg u finanzjamenti relatati). Il-koordinazzjoni ta’ strateġiji nazzjonali u lokali hija element importanti, kif inhi l-koordinazzjoni trans-settorjali ta’ attivitajiet f’oqsma relatati mal-impjieg bħall-edukazzjoni, l-iżvilupp tal-ħiliet, u l-innovazzjoni. Madankollu, il-konklużjoni hi li jeżistu fehmiet differenti dwar il-livell ta’ gvern - nazzjonali jew reġjonali - li finalment ikun se jwassal u jieħu r-responsabbiltà għall-koordinazzjoni tal-azzjonijiet (sitt tweġibiet, 13%, huma favur rwol ikbar tar-reġjuni, iżda l-Uffiċċju tal-Marixxal tar-reġjun ta’ Mazowsze f’Varsavja qal li ‘l-Ftehimiet ta’ Sħubija għandhom jinkludu mekkaniżmi għall-koordinazzjoni tal-politika tal-impjieg fil-livell nazzjonali u għandhom jikkunsidraw l-opportunitajiet mogħtija mill-fondi tal-UE f’dan il-qasam.’)

Għalhekk, għandha titqies serje ta’ bidliet potenzjali wara r-reviżjoni ta’ nofs it-term tal-Istrateġija Ewropa 2020 fl-2014.5 Il-belt ta' Malmö bi tweġiba għall-mistoqsija 11 tal-kwestjonarju.

CDR1399-2013_00_00_TRA_TCD .../...

- 7 -

Tibdil propost wara r-reviżjoni ta’ nofs it-term

Kontenut:

jinżamm l-approċċ olistiku għar-riformi fis-suq tax-xogħol, b’ħidma biex jogħla l-livell tal-impjieg, waqt li l-miri u l-azzjonijiet isiru iktar speċifiċi, sabiex jagħtu gwida iktar ċara mhux biss lill-gvernijiet nazzjonali iżda wkoll lill-awtoritajiet fuq livell lokali u reġjonali li spiss ikollhom jimplimentawhom.

tisħiħ tal-element soċjali fir-riforma tas-suq tax-xogħol u l-impjieg. Hemm interess dejjem jikber fl-innovazzjoni soċjali u kif din tista’ tgħin biex tiġi indirizzata l-problema ta’ ftit wisq impjiegi għal ħafna nies, kif jistgħu jiġu żviluppati approċċi ġodda għall-impjiegi u kif dawn jistgħu ukoll jgħinu biex jaqdu l-ħtiġijiet tal-industrija u n-negozji għal tipi ġodda ta’ ħiliet;

il-possibbiltà tar-reviżjoni tal-għanijiet u l-miri u d-definizzjoni tagħhom fid-dawl tad-differenzi reġjonali u lokali. Pereżempju, mhux biss persuni bejn it-30 u l-34 sena għandhom ikunu kkunsidrati fil-proporzjon ta’ dawk b’lawrja terzjarja, u f’ambjenti rurali u urbani żgħar, il-mira tal-impjieg u l-lawrja terzjarja tista’ tkun sempliċiment impossibbli biex tintlaħaq.

jinżamm u jiġi ċċarat l-irbit mal-inizjattivi l-oħra tal-Istrateġija Ewropa 2020, pereżempju l-inizjattiva Żgħażagħ Attivi, sabiex ikunu jistgħu jiġu żviluppati u implimentati azzjonijiet b’benefiċċji multipli minn inizjattivi differenti.

Ġestjoni u Ffinanzjar:

huwa importanti li l-politika Ewropea ma żżidx mal-piż amministrattiv li jiffaċċjaw livelli differenti ta’ gvern fl-Istati Membri billi tgħaddi leġislazzjoni reċiprokament esklużiva jew kontradittorja jew bl-adozzjoni ta’ proċeduri u proċessi ta’ kontabilità amministrattiva ineffiċjenti;

titjib tal-fluss tal-informazzjoni dwar proġetti attwali jew li għaddew f’livelli differenti ta’ gvern, u fejn possibbli, bejn pajjiż u ieħor, sabiex iseħħ proċess ta’ tagħlim;

titjib tal-għarfien dwar l-inizjattiva u l-miżuri tagħha fl-Istati Membri tal-UE. Għandu jkun ċar liema istituzzjonijiet fil-pajjiż huma responsabbli mill-implimentazzjoni tal-miżuri skont l-inizjattiva partikolari;

semplifikazzjoni tal-burokrazija u tas-sistema biex wieħed japplika għall-għotjiet, kif ukoll tal-proċeduri tal-kontabilità;

semplifikazzjoni u allinjament tal-mekkaniżmi ta’ ffinanzjar għall-Fondi Strutturali tal-UE u l-possibbiltà li applikazzjoni waħda tkun valida għal sorsi ta’ finanzjament differenti. Dawn huma sorsi ewlenin ta’ appoġġ finanzjarju għal azzjonijiet taħt l-inizjattiva, iżda l-kontributuri talbu wkoll li l-istruttura, l-amministrazzjoni u l-politiki ta’ ħlas isiru iktar flessibbli u jinvolvu inqas burokrazija;

iktar sensittività għas-sitwazzjoni u l-pożizzjoni ġeografika speċjali tar-reġjuni ultraperiferiċi b’dispożizzjonijiet speċifiċi għal dan fl-Aġenda u fil-flussi tal-finanzjament.

_____________

CDR1399-2013_00_00_TRA_TCD .../...