Page 1
1 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Sagalee Gadaa
Kan Qopheessefi Maxxansiise;
Waajjira Gadaa Tuulamaa
Koree Qopheessitoota Barruu;
1. Caalaa Soorii
0912 – 01-02-94 [email protected]
2. Tarruu Unguree
0919 – 64-05-46
[email protected]
3. Abboomaa Daggafaa
0910 -19-88-04
4. Lammaa Gammachuu
0912 – 15-16-56
5. Eng. Waaqjiraa Tafarraa
0911 – 24- 29-39
Kan Gulaale;
Tarruu Unguree
Yaada qabdan karaa teessoo
Qopheessitootaan gumaachuufi kennuu
dandeessu!!
Baafata
Dhaamsa Abbaa Gadaa→2
Dhaamsa Qopheessitoota
Barruu →2
Eebba Oromoo →4
Oromummaa →6
Hundeeffama Gumii Abbootii
Gadaa Oromoo →10
Walitti dhufeenya Aadaafi
Amantii→16
Waaqeffannaa →19
Ayyaantuu →20
Gadaafi Irreecha →22
Abbummaa →26
Sagalee Gadaa
Page 2
2 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Dhaamsa Abbaa Gadaa Bayyanaa Sanbatuu
Ummatni Oromoofi sabaafi sablammiin aadaa
Oromootif Kabajaafi jaalala qabdan hundinuu baga
dukkana gannaa keessaa booqa birraatti nagaan baatan.
Birraan birraa nagaa kan quufaafi badhaadhinaa isiniif
haa ta’u. Irreecha bara 2007/2014 kana yoo kabajnu,
seenaa haarawa Abbootin Gadaa Oromoo bara kana
galmeessan galmaan gahuuf waadaa galle cimsuudhan
ta’a.
Irreechi Hora Harsadii kan OromoonTuulamaa jaarraa
dheeraa irraa kaasee ji’a Fulbaanaa keessa kabajaa
tureedha. Mootummoota Habashaan hacuuccaa
guddaan kan irratti godhamaa ture yoo ta’u, cimina
Oromoo Tuulamaatin dhaloota haarawa kana gahee jira.
Abbootin keenya irreecha kanarratti hidhamaniis
dhaanamaniis jiru.
Yeroo dhihoo as Irreechi Hora Harsadii kan Tuulamaa
qofa ta’uun hafee kan Oromoo maraa ta’ee jira. Bara
baraan walitti dhufeenya Abbootii Gadaafi ummata
Oromoo cimsaa dhufee jira. Tokkummaa Abbootii
Gadaa Oromoo uumuu irrattis gumaacha guddaa godhe.
Akkasumas irreechi malkaa adda addaa irratti
gaggeefamus guddachaa kan dhufe yoo ta’u, walitti
dhufeenya ummata Oromoo daran dabalaa dhufee jira.
Fakkeenya Irreecha Malkaa Ateetee, Irreecha Caffee
Tumaa, Irreecha Hora Kiilolee, Irreecha Odaa Bisilii,
Irreecha Godina Wallagaafi Iluu Abbaa Booraa
keessatti babala’achaa dhufe Oromoon aadaafi sirna
Waaqeffannaa isaa kan mootota duriitin jalaa sarbame
deeffachaa jiraachuu agarsiisa.
Irreecha bara kana kabajamu wanti adda isa godhu
Hundeeffama Gumii Abbootii Gadaa Oromoo
waxabajjii 26-28/2006 A.L.H gaggeefameefi Yaa’ii 1ffaa
Caffee Abbootii Gadaa Oromoo Fulbaana 24/2007
A.L.H gaaggeefameen walirra ooluu isaati.
Tokkummaa Abbootii Gadaa Oromoo hundeessuu
keenyaaf maqaa abbootii Gadaa Oromoofi maqaa
kiyyaan ummatni Oromoo martinuu baga
gammaddanan isiniin jedha. Tokkummaan Abbootii
Gadaa Oromoo tokkummaa ummata Oromooti. Bara
kana irraa kaasee tarkaanfii lammaffaa jalqabuuf
ummatni Oromoo, manguddootnifi hayyoonni Oromoo,
ayyaantotni Oromoofi Waaqeeffattootni iddoo sirni
Gadaa deebi’uu qabu mara irratti, akkuma ogummaa
keessaniitin qorannoo gootanii Gumii Abbootii Gadaa
Oromootin caasaan Gadaa akka diriiru gochuu keessatti
nu cinaa dhaabbattanii gahee isin irraa eegamu akka
gumaachitan waamichan isinii dabarsa. Abbootin
qabeenyaa biyya keessafi biyya alaa guddina aadaa
Oromootif quuqama qabdan iddoo Gumiin Abbootii
Gadaa Oromoo socho’anitti haalaa mijeessuu,
deeggarsa geejjibaa kennuu, meeshalee ittiin hojjatan
gargaaruu irratti deeggarsa humni keessan danda’e
akka nuu gootan waamichan isiniif dabarsa.
Biiroon Aadaafi Tuurizimii Oromiyaas ta’ee
mootummaan aadaa Oromoo guddisuu irratti qooda
mataa isaa bahuu qaba. Qabeenya ummanni Oromoo
qabu keessaa tokko Gadaa waan ta’eef, guddina
ummata Oromoof guddinni Sirna Gadaa murteessaa
waan ta’eef mootummaan tumsa barbaachisu mara
gochuu qaba. Sochii Gumii Abbootii Gadaa Oromoo
cimsuu irratti deeggarsa barbaachisu gochuu qaba.
Dhumarratti ummanni Oromoo osoo kutaan, gosaan,
amantiiniifi ilaalcha siyaasaan wal hin qoodin,
oromummaa bu’uura godhachuun, tokkummaan Gadaa
keenya akka waliin guddifannu dhaamsakoon dabrsa.
Horaa bulaa!!
Dhaamsa Koree Qoheessitoota Barruu
Hunda dura baga Booqa Birraa nagaan geessan. Baga
Ayyaana Irreechaas nagaan waliin geenye. Waajjirri
Gadaa Tuulamaa waggaa waggaan keessummoota
Ayyaana Irreechaa kabajuu dhufan simatee ayyaana
irreechaa kabajaa turee jira. Bara kana immoo sun
akkuma jirutti ta’ee barruu tana qabatee isinii dhiyaatee
jira.
Ayyaanni Irreecha Birraa bara baraan kabajamu
ayyaana guddaafi kan ummatni Oromoo bal’aan
ayyaaneffatu ta’ee osoo jiruu, barruuleen waa’ee
ayyaanichaas ta’e waliigala waa’ee ummata Oromoo
ibsu jiraachuu dhabuun hir’ina guddaadha. Hir’ina kana
hambisuuf barruun kun qophaa’ee jira. Dogoggora yoo
qabaate nu oofkalchaa. Itti fufiinsa akka qabaatuuf
immoo yaadnifi tumsi warra Gadaa jaalatuu ni
barbaachisa.
Abbootin Gadaa carraaqii guddaa gochuudhan Gumii
Abbootii Gadaa Oromoo hundeessanii jiru. Nutihoo
maal godhuu qabna kan jedhu Oromoo hunda keessatti
uumamuu qaba. Keessattuu hayyoonni Oromoo.
Barruun “Sagalee Gadaa” jettu kun kan sagalee Gumii
Abbootii Gadaa Oromoofi waan Oromoo isinitti
himtuudha. Beektotni Oromoofi Abbootin qabeenyaa
yoo tumsitaniifi cinaa dhaabbattan itti fufiinsa ni
qabaatti. Oromoo! waan biraa yoo humni isin dadhabe
barruu tana bitaa dubbisaatii yaadan nu jajjabeessaa.
Barruun kun sochii Abbootiin Gadaa iddoo adda
Page 3
3 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
addaatti gochaa jiraniifi Oromoota sirna Gadaa
deebifachuuf sochiirra jiran, akkasumas kanneen seenan
isaanii jalaa dhokate kan ittiin beeksifamuufi
iddoowwan sirni Gadaa cimaan jiru irraa kan
muuxannoo ittiin waljijjiran ummata bal’aaf dhiyeessiti.
Beekumsi hayyootaafi sirnoonni Oromoos ni dhiyaata.
Kanaafuu bara kana barruu calqabaa kana qopheessuuf
yaaliin godhamee jira.
Yaa Oromoo; kaaba, kibba, baha, lixaafi giddugaleessa
kan jirtu, hin rafinii Gadaakee barbaadutti ka’i. Gadaa
abbaa keetii bariitii isatti deebitee sirna Gadaan buluuf
of qopheessi. Yoo beekne isatu furmaata keenya. Bakka
jirruumee hundi keenya waa’ee Gadaa wal haa
iyyaafannu. Seera isaas haa barru. Ittiinis wal haa
bulchinu. Abbootiin Gadaa balbala isaanii bananii
koottaa nuun jechaa jiru waan ta’eef itti siqnee waan
Gadaa keenya haa mariisisnu.
Gadaa gatuun keenya gama hedduun nu miidhe. Waan
baay’ees nu harkaa baballeesse. Addaan bibittinnoofnee
wal wallaalle. Kun immoo addunyaa gara fuulduratti
fiigaa jirturraa duubatti nu hambisee, fiignee akka hin
dhaqqabne mogolee nu laamshesse. Dhiisaamee nutti
haa hafu hunduu. Walittis gaarreffannee eessayyuu hin
geenyu. Waliin waan keenya irratti mari’achuutu nuuf
furmaata. Gadaan har’a mataa walitti qabamee
daraaraaa jiru kun firii haa godhatu. Isa bu’uura
godhannee cimsachuun waliin jiraachuun keenya
filmaata biraa waan hin qabneef Oromoo hundi haa
cimsinu. Ilmaan Gadaa ta’uu keenya qofti gahaa waan
ta’eef, garaagarummaa waliinii dhiisnee wantoota tokko
nu taasisan irratti wal haa tumsinu! Walis haa jaalannu!
Warri aadaa keessan dagattanii jiruu dhuunfaa qofa
ariitanis mee of yaadadhaa. Yaa Oromoo, jiruun
nyaatanii dhuganii, rafanii ka’anii, mana gaarii keessa
jiraatanii darbuu qofa miti. Saba ofiif waan gaarii
hojjatanii rakkoo saba ofii furuuf carraaqanii,
dhalootaafis waa lafa kaahanii darbuun galmee
seenaarratti bakka qabaachuun, jireenya dhugaa
fakkaattii hin qabneedha. Ilma ofiis qabeenya
dhaalchisuu qofti gahaa hin fakkaatu. Namni
eenyummaa ofii hin beekne nammummaa keessaa waan
bahuuf, eenyummaa ofii beekanii eenyummaa ofiin
jiraachuun, dhala ofiis dhaalchisuun waan
guddaadha.Yaratus moofaan ofii faaya. Seenan
hiyyeessa hin qabu jedhe mitiiree Alii Birraa. Aaadaa
ofii gatanii aadaa ormaa fakkeessaa jiraachuun immoo,
du’uun dura of ajjeesuudha.
Kanaaf, ilmaan Oromoo warri aadaa ormaan
liqimfamtan “Ani eenyu?” jedhaa gaafii eenyummaa of
gaafadhaa! Fuulduratti fiiguuf, duubatti akkuma
aggaaman sana, kan borii akeekuuf kan kaleessaa
beekuun dirqama. Kanaafuu dhala ofii qabeenya qofa
osoo hin taane waan Oromoon qabu (barreeffamaanis
ta’u hima afaaniin) dhaalchisuus, aadaa haa godhannu!
Miirri eenyummaa fuulduratti nu tarkaanfachiisus nutti
haa dhagahamu.
Erga Oromoon harka diinaa jalatti kufee GADAA gatee
as yoo herregne, ummanni keenya hammam akka
miidhame tilmaamuun hin rakkisu. Amaleeffannaa
haala bulchiinsaa, diinagdee, hawaasummaafi siyaasaa
keenya erga mulqamnee as, Habashaa teenyee abaaruufi
komachuurraa kan hafe walittuu garaan nu hin fayyine.
Dadhabbii waliitti kolfinee, madaa walii horfaa
jiraachuun, laga akka nu hin ceesisne utuma beeknuu
dhaloota darbanitti quba qabaa jiraanneerra. “Har‟a
akkamittan jira?” ykn “Anarraa maaltu eegama?”
jennee of gaafachuurras dhaloota kaleessaa qofa, abbaa
badii gochuun nu hin tarkaanfachiisne. Rakkoon maatii
tokkoo maatii sana qofa akkuma ilaallatu, rakkoon saba
tokkoos kanuma saba sanaati. Dhimmi sabaa birmannaa
hin qabu. “Abbaatu of mara” akkuma bofti jette sana,
ofuma keenyaafuu waliin haa mari’annu. Yaa saba
keenya, gorsi ormaa qalbii hin taatu. Hidda malees
xannachi waan hin dhiigneef, qorichi/dawaan dhibee
keenyaa harkuma keenya jira. Innis Gadaadha. Warra
nu miidhetti quba qabuu qofa osoo hin taane ofittis haa
qabnu. Dadhabbinniifi laafinni keenya maal akka ta’e
haa barru. Irrattis haa mari’annu. Walii galanis alaa
galuutii, Waaqni tokko nu haa godhu!.
Oromoon waan dhabe tokko hin qabu. Beekaas haa ta’u
wallaalaa, namni kumaa kitila. Garuu of dagannee,
waan qabnuufi dhabne wallaalle. Waan keenya
qindeessinee irraa fayyadamuu hin dandeenye. Kana
baranii walbarsiisuuf immoo gaaddisa Gadaa jalatti
walga’uun waliin mari’achuun dirqama. Galmi
Tokkummaa Abbootii Gadaa Oromoo inni Bishooftuus
ta’ee Abbootiin Gadaa iddoo adda addaa jiran caasaa
isaanii diriirsanii waan kana simachuuf qophaa’oodha.
Kan qabnu addaan baafnee, waan dhabnes yoo barre,
barbaadnee argachuun nu hin dhibu. Mee rakkoon
tokkummaa nu dhoowwu maali? Wanti tokko nu
taasisu hoo? Egereen keenya maal ta’a? Dhaloonni
maal dhaala? Kunniin, gaaffii yeroo yeroon of gaafannu
nuuf haa ta’an.
Waan keenya guddisuuf immoo nama odeessu osoo hin
taane nama hojjatee hojiin agarsiisutu nu barbaachisa.
Kan odeessu guute. Kan hojiitti hiikutu dhabame malee.
Nama hojii yaa taanu. Kanas tokko jennee jalqabuudhaa
dhaamsafi barnoota barruu tana keessa jiru warri
dubbisne hojiitti haa hiiknu. Nama naannoo keenya
jirus haa hubachiisnu. Sana booda kan fuulduraaf yaada
keenya walitti fidnee kan kanarra caalu haa hojjannu.
Page 4
4 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Seenaa dubbisanii odeessurra, seenarraa waa hubatanii
seenaa hojjachuutu filatama.
Dhumarratti guddina aadaa, seenaa, aartii, afaan,
Gadaafi dagaagina eenyummaa Oromoof Oromootni
marti dirqama Oromummaa qabna. Kanaaf, kan qabu
qabeenyaan, beekaan beekumsasaan, kaanis humnaafi
hamileesaatiin hirmaaatee waan keenya haa guddisnuun
dhaamsa koree Barruu kanaati. Horaa Bulaa!!!
*****
Eebba
romoo waan hedduu qaba. Yeroo har’aa
kanatti waan isaa wallaalee akka dhabus, wanti
inni dhabe tokko hin jiru. Waan hundaafis
akkaafi safuu mataa isaa qaba. Jireenya
hawaasummaafi seenaa isaa kan yeroo dheeraa
keessatti waan heddu kuufatee of harkaa qaba. Dhaloota
har’aas waan hedduu dhaalchisee jira. Isaan kanneen
keessaa tokko eebba.
Aadaafi dhugeeffannoo yookan amantaa ummata
Oromoo keessatti eebbi bakka guddaa qabaachuu isaa
kan wallaale waan jiru hin fakkaatu. Milkiin akka
toluufi waan yaadan keessa Waaqni akka namaa ooluuf,
Oromoon waan hunda dursee ni eebbifata. Malkaatti,
qe’ee ofiitti, bakka walgahetti, Tulluutti, Abdaaritti ni
eebbifata. Garuu eebbisuudhan duratti warri waliin
eebbifachuuf bakka tokkotti argaman waliif nagaa ta’uu
qabu. Eebba dura faatii walii bahuutu barbaachisa.
Bakka araarriifi nageenyi hin jirretti hin eebbifamu,
eebbisanis Waaqni hin dhagahu jedhamee
dhugeeffatama.
Namni garaa guduunfaatee, afuura booreffatee itti
dhiyaate, Waaqa irraa waan kadhatu argachuu
hin danda‟u. Garuu namni garaa qulqulluun waan
araaraaafi waan nagaa hojjatee isatti dhiyaate,
waan barbaade mara irraa argata. (Kudhaama
Seenaa 2013; Leellisaa Aadaa ful.110)
Eebbi akka qaba. Hangafaafi quxisuun wal waamee
eenyu akka hangafu erga wal hubatanii booda, tartiiba
isaanii eeggachaa eebbisu. Osoo hangafni jiruu
quxisuun hin eebbisu. Hangafummaan immoo umrii
dheerina osoo hin taane, gosa yookan hidda
dhalootaani. Gaafa gosni tokko qofti waliin eebbisu
garuu, hangafummaan umriidhaan ta’uu mala.
Akkasumas dirreefi qe’ee ofii irratti abbuma dirreetu
dursee eebbisa. Hangafni jiraatuyyuu dirree yookan
qe’ee isaa irratti warra dirreetu dursee eebba saaqa.
Fakeenyaaf, Irreecha Hora Harsadii irratti, gosti
Oromoo hundiifi Abbootiin Gadaa marti osoo jiranuu,
Gosti Ada’aa abbaa qe’ee (dirree) waan ta’eef, gosoota
Oromoo hundaaf osoo hangafa hin ta’in, dursee malkaa
eebban saaqa. Sana booda hangafaa qixusuudhaan
gosoonni biraa dabareen eebbisu.
Eebbi Waaqeffataan sirna (Ceremony) tokko
gochuun duratti oofkaltii Waaqaa argachuudhaa
kadhaa dhiyaatu jechuun ni danda‟ama. Akka
Waaqeffattootafi Amantii Waaqeffannaatitti sirna
kamiiyyuu adeemsisuun duratti, oofkaltii Waaqaa
argachuudhaf eebban jalqabuun wanta
baratamaadha. Malkaafi tulluu dhaqee kadhaa
jalqabuun dura eebbi kan dursu ta‟a. Wal gahiin
kamiyyuu yoo godhamu, seerri fuudhaafi heerumaa
ayyaana adda addaa kabajuudhaf jalqaba ta‟uu kan
qabu eebba Waaqati. (Duudhaa 2013; Maammoo
Gadaaa)
Eebbi gosoota Oromoo adda addaa iddoodhaa iddootti
garaagarummaa loqoda afaaniifi dirree yookan dachee
waamaniin garaagarummaa haa qabaatan malee,
kaayyoofi galmi akkasumas adeemsi isaanii tokkuma.
Mee amma eebba gosoota Oromoo armaan gadii haa
ilaallu.
Eebba Tuulamaa
Hayyee! Hayyee! Hayyee!
Waaqa uumaa, waaqa uumamaa,
Waaqa Saglan Booranaa,
Waaqa Sagaltama Gabraa,
Waaqa Torban Baarentummaa,
Waaqa Ciicoo Gurraattii,
Waaqa Shanan Gadaa Oromoo
Waaqa Shanan Odaa Oromoo
Waaqa Caffee Tumaa
Waaqa Bokkuu Gurraachaa
Waaqa Fincaan Tuulama Sadeenii
Waaqa Jahan Galaan
Ayyaanni Oromoo;
Kan nagaan nu bulchite
Nagaan nu oolchi.
Hamaa hammaataa nurraa qabi
Daafii Galtee nu oolchi
Irraa gora nu oolchi
Kan dabaan nutti deemu
Dhiibdoo keen nurraa dhiibi
Uumaa teenyaan nu bulchi
Xinnaa nuuf Guddisi
Guddaa nuuf bulchi
Wallaalaa beeksisi
Beekaa nuuf bulchi
Biyya biyya nagaa nuuf godhi
Jaalalakee nuuf kenni
Safuu keen nu bulchi
Kormi cirrii haa ta’u
Rimaan haphee haa ta’u
Rooba nagaa nuuf roobi
O
Page 5
5 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Qilleensa hamaa nurraa qabi
Waan barri deemuun jalaa nu baasi.
Godaan Rooba Nagaa!
Barri Quufaa Gabbina
…. Gabbisi Waaq!
Eebba Booranaa
Ardaan nagaa………......................Nagee
Bobbaan nagaa....……...........……Nagee
Barri nagaa………...............……...Nagee
Waareen nagaa……….....................Nagee
Waariin nagaa………...........……...Nagee
Reerii nagaa…………….......……..Nagee
Dheedi nagaa…………...........….....Nagee
Yaa’iin nagaa………………............Nagee
Kuubiin nagaa……...........................Nagee
Raabi nagaa……………………......Nagee
Kuusaa goseen nagaa…….....……..Nagee
Ijoolleen Kuuchuu nagaa…..............Nagee
Dirreen nagaa………………...……Nagee
Dirree dirri Liiban nagaa…..............Nagee
Liiban Golbaa Diidi nagaa…..…….Nagee
Malbee Golboon nagaa.....…...…….Nagee
Saakuu waasoon nagaa…………….Nagee
Tulaa sallan nagaa…………………Nagee
Baddaa sadeen nagaa……………...Nagee
Areeroo Gooroon nagaa………...…Nagee
Gooroon Oromoo teenna nagaa……Nagee
Oromoon nagaa……………....…….Nagee
Oromiyaan nagaa………..…………Nagee
Handhura Oromiyaa Finfinnee
nagaa……………………………...Nagee
Gadaan nagaa………….………….Nagee
Gadaamojjii ta roobaa nagaati….....Nagee
Bokkeenni roobe haraa danbalaa
guutee……………………………..Nagee
Nageenni galee moonaa guutee...…Nagee
Elelleen mirgitee hokolee guuttee....Nagee
Nagaa Waaqi guutee……………...Nagee
Funnaan kormaa qajeele…….....…Nagee
Funnaan dhalaa qajeele….……….Nagee
Ilmat abbaa qajelee……………….Nagee
Angafat maandhaa qajeele….…….Nagee
Niitit dhirsaa qajeele……………...Nagee
Qaro arraba qajeela……………….Nagee
Beekaa yaada qajeela……………..Nagee
Barataa barruu qajeela…………….Nagee
Sabat-Sabaa qajeela……………….Nagee
Biyyat abbaa qajeela………………Nagee
Oromoot walii qajeela……………..Nagee
Horaa bulaa deebanaa mishaa, lataa
daraaraa, aadaa afaan keessan beekaa
tokko ta’aa jiraadhaa.
Eebba Gujii
Ee…… Ati Waaqi Ardaa
Waaqi Abbaa
Ka Me’ee Bokkoo
Ka Dibbee Dhugoo
Ka Garba Aannoo
Waaqi Gujii Gurraachaa ati nuu dhageyi
Dhageettu nuu Owwaadhu
Ta olii oliitti nu hanqisi
Ta gadii gaditti nu hanqisi
Ta dallaa lamaanii achumatti nu hanqisi
Barri nageya
Bariin nageya
Jaarsi nageya
Jaartiin negeya
Ilmi nageya
Intalti nageya
Ka fuudhu nageya
Ta heerumtu nageyaa
Uchumti nageya
Bobbaan nageya
Tissaa uleen nageyaa
Elemaa gaadin nageya
Ardaan yaa’aa nageya
Me’een Bokkoo nageya
Duddaa daawwaan nageya
Sabbaa Oddoon nageya
Gooroon Doolaa nageya
Gooroon Oromoo teennaa martinuu
nageya
Handhurri Oromiyaa Finfinneen nageya.
Eebba Maccaa
Na oofkalchaa…………………...oofkalaa
Na oofkalchaa…………...……..…oofkalaa
Na oofkalchaa………...………..…oofkalaa
Waaq nagaan bullee nagaan nu oolchi
........................................................nu oolchi
Hamaan gargar nu oolchi ..............nu oolchi
Irraa gora nu oolchi ...................…nu oolchi
Dogoggora nu oolchi........................nu oolchi
Citiin sadii citii sadan nu oolchi.......nu oolchi
Citii waraanaa nu oolchi...................nu oolchi
Citii waraansaa nu oolchi ..............nu oolchi
Kan caamee goggogsu nu oolchi....nu oolchi
Kan roobee tortorsu nu oolchi........nu oolchi
Walbira oolchii nu bulchi................nu bulchi
Waliigaltee nuu kenni………........nuu kenni.
Waliigalii nuu toli............................nuu toli
Sonii nuu roobi.................................nuu roobi
Waan rooba keessa jibban nu baasi....nu baasi
Page 6
6 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Waan caama keessa jibban nu baasi....nu baasi
Egaa nagaya..........................................nagaya
Barri quufa
Gadaan gabbina
gabbisi Waaq!
Kan ati jette tolaadhaa tolaan nu haaga’u
......... ………………………haagahu
Bakkalchi bakkee haa ta’u ..................haa ta’u
Bakkeen nagaa haa ta’u ......................haa ta’u
Qorroon dibdibbee haa ta’u ...............haa ta’u
Dhiigni dhallaadduu haa ta’u..............haa ta’u
Adamoon deettii haa ta’u ....................haa ta’u
Duulli dannaba haa ta’u.......................haa ta’u
Rimaanhapheehaa ta’u ........................haa ta’u
Kormicirrii haa ta’u.............................haa ta’u
Dhugee haa booressu .................haa booressu
Dheedee haa barbadeessu......haa barbadeessu
Booruun gabbina haa ta’u...................haa ta’u
Barbadaan suga haa ta’u ...................haa ta’u
Dhugaan tulluu haa ta’u ..................haa ta’u
Dharri sulula haa ta’u ......................haa ta’u
Anaaf sihii hin maqsin ................hin maqsin
Kan ormi maqe nu hin gahin..........hin ga’in
Bakka hir’ate Waaqni itti
haaguutu………………..haa guutu.
Egaa nagaya ....................................nagaya
Haleele…………..Diina haleeli!Irreeffatee,
dhibaafateet oofkala!............Irreeffatee,
dhibaafateet oofkala!
Eebba Karrayyuu
Miinya1 tahi!………………………..ziz
Foduu2 tahi!…………………………ziz
Alalaasi3!…………………………….ziz
Alaa gali!………………………….…ziz
Oli reebi!……………………………..ziz
Maatii raaphu!…………...…………...ziz
Gadi reebi!……………………………ziz
Karra raaphu!…………………………ziz
Adaboon gooba!.………………….......ziz
Goobni geerarsa!……………………...ziz
Hurrubni4 Mirga!………..……………ziz
Dirreen Dannaba!……...……………...ziz
Simoo5 ta’i! …………………………..ziz
Sin simin!……………………………..ziz
Dandoo ta'i! ……………………..……ziz
Sin danda'in! ……….………………....ziz
Doobbii ta'i! …………………...……...ziz
Diina gubi !…………………………...ziz
Guchii ta'i !……………………….......ziz
Baalaan6 booni !….…………………..ziz
Citaa ta'i! …………………………….ziz
Gurmuu baasi! ……………………….ziz
Daddaraari! ……………..……………ziz
Dilboo7ta'i! ………..………………….ziz
Babbaroodi .…………………………..ziz
Cibraa8 dhoosi ………………………..ziz
Gaara ta'i! ...................………………...ziz
Itti jigi!……....................……………...ziz
Haladdaq9 ta'i.…………………..……..ziz
Bal'adhu!…………..…………………..ziz
Fantaallee ta'i!..………………………..ziz
Mul’adhu!......................………….........ziz
Qabadhu!.......qabadhu!
1. Miinya: Tuuta
2. Foduu: Asxaa, bakka itti irreeffatan (Warra
Gadaaf)
3. Alalaasi: Gammadi, burraaqi
4. Hurrubni : tokkummaa (tuuta‟uu)
5. Simoo: Simannaa…(lolaanis, tolaanis)
6. Baala: baallee(koochoo)
7. Dilboo: Leenca kormaa
8. Cibraa: Lola citii (Raide), kan akka tasaa
diinarra ya‟an.
9. Haladdaq: Maqaa lafaa (Baldheensa guddaa)
*****
Namni Waan Afur sodaaf dhugaa filata
1. Beekee yoon dhugaa dabse humni ta’e na balleessa
jedhee sodaata. Humni guddaan kunis Waaqa.
Waaqa Sodaaf Dhugaa hojjata.
2. Miidhaan akka irra gahu hin fedhu, garuu yoo
nama irraan miidhaa gahe seeran gaafatama.
Seerri hundaa ol waan ta’eef Dhugaa filata.
3. Nama waan badaa hojjate hawaasni ni
balaaleffata. Fudhatama argachuuf Dhugaa
hojjata.
4. Osoo beekuu yoo balleesse sammuun isaa ni
jeeqama. Boqonnaa sammuu argachuuf dhugaafi
waan gaarii hojjata.
Oromummaa
(Tarruu Unguree-tiin)
abni eenyummaa malee uumamee akkanumaan
lafa kana irra yaa’u tokkollee hin jiru. Sabni
yookaan ummanni kamuu wanta saba biraa irraa
adda isa taasisee isa ibsu, eenyummaa mataa isaa
qaba. “Saba san” ykn “Ummata san” kan isaan
jechisiisu waan mataa isaa qaba. Xiqqaatee xiqqaatu
bifti, bocniifi dhaabbiin qaamaa, eeenyummaa isaati.
Enyummaan (identity) qabeenya guddaa sabni yookaan
ummanni tokko erga uumamee eegalee, kuufatee of
harkaa qabuudha. Saba tokkoof wanti eenyummaa isaa
caaluuf hin jiru. Jiraachuus hin qabu. Eenyummaan
S
Page 7
7 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
waan guddaadha. Eenyummaa malee sabummaan hin
jiru. Saba tokko kan akka sabaatti dhaabu eenyummaa
isaati. Ummatni eenyummaa hin qabne, akka sabaatti
dhaabbachuu hin danda’u.
Eenyummaan waan baay’ee of keessaa qaba. Afaan,
aadaan, seenaan, amantiin, duudhaan, safuuniifi qor-
qalbiin, ilaalchi uumaa-uumamaa, dhaabbii, bifaafi
bocni qaamaa, falaasamni, sirni bulchiinsaa, aadaan
nyaataa, aadaan uffannaa, aadaan fuudhaafi heerumaa,
aadaan kadhannaa Waaqaa, akkaataan gadda itti
ibsatan, sirni boowichaafi awwaalchaa, sirni kabaja
ayyaanota adda addaa, aadaan sirbaa, afoolli, akkaataan
waliin jireenyaa yookaan hawaasummaan, akkaataan
rifeensa murannaafi dhahannaa, aadaan hojii, ispoortiifi
taphni adda addaa hundi eenyummaa saba tokkoo warra
calaqqisiisan keessaa isaan bu’uuraafi hangafaati. Isaan
kanneentu saba tokko saba jechisiisee akka sabaatti
dhaaba. Yoo kanniin qabaatedha, sabni tokko kan akka
sabaatti saba biraa irraa adda bahee eenyummaa mataa
isaan jiraachuu danda’u.
Akkaataan hawaasni tokko itti wal too’atufi wal tikfatu
yookan sirni bulchiinsa saba tokkoo aadaa, seenaa,
safuufi safeeffannaa akkasuma qor-qalbii hawaasa
sanaa irratti waan hundaa’uuf eenyummaa saba sanaa
ibsuu keessatti gahee guddaa qaba.
Ummatni manca’iinsi eenyummaa irra gahe, hireen inni
akka sabaatti tokkummaa isaa eeggatee waliin
jiraachuuf qabu gaafii keessa bu’a. Ummatni akkanaa
yeroo baay’ee of ta’uu dhiisee orma osoo akkeessuufi
fakkeessuu dawoofi eenyummaa isaa dhabee qilleensa
irratti hafa. Garbicha ta’ees ergamtuufi faarsituu ormaa
ta’ee, kabaja ilmi namaa argachuu qabu dhabee,
salphinaan jiraata. Kanaaf sabni kamiyyuu, eenyummaa
isaa eeggachuu, mararsiifachuu, kunuunfachuufi
guddifachuu qaba. Eenyummaa malee sabeenyummaan
hin jiru waan ta’eef.
Waan keenyatti gaafa deebinu, eenyummaan Oromoo
Oromummaadha. Oromummaan eenyummaa keenya.
Oromummaatu saba keenya saba biraa irraa adda
godhee, Oromoo akka jedhamnu nu taasise. “Nuti
Oromoodha.” kan ofiin jennu, yookaan ormi “Isaan
Oromoodha.” kan nuun jedhuuf Oromummaan keenya
ibsituu eenyummaa keenyaa waan ta’eefidha malee
lafumaa ka’amee miti. Kun waan qabannee dhalannu
malee, kan dhalannee argannu miti. Miciree taanee erga
uumamnee eegallee dhiigaafi foon Oromummaan
makate sana qooddanneeti kan dhalanne.
Oromummaan gaaddisa ilmaan Oromoo hundaati.
Ilmaan Oromoo hunda kan walitti hidhuufi waan
baduufi jijjiiramu hin dandeenyedha. Amantii, kutaafi
gosaan, gargar ba’uu malla. Kutaan keenya iddoo itti
dhalanne ibsa malee eenyummaa keenya hin ibsu.
Oromummaan garuu gaaddisa Oromoo hundaa waan
ta’eef, walitti nu hidhee tokko nu taasisuun eenyummaa
keenya ibsa. Qabeenya keenya kan waliiniiti.
Oromummaan eenyummaafi maalummaa keenya. Kana
jechuun qabeenya gamtaa Oromoo maraati jechuudha.
Qabeenya hin moofofneefi dulloomees hin duunedha,
Oromummaan. Feeteef hin taatu, jibbitees dhiqxee
ofirraa hin baastu. Mallattoo eenyummaa gaafa
uumamtu uumaankee ittiin si kaadhimmateedha. Hidda
labata sanyii Oromoorraa haa ta’u malee addunyaa kana
irratti eessattuu dhalattu, fooniif dhiiga qaamakee kan
ijaare albuuda Oromummaan badhaadhe waan ta’eef,
hanga lubbuun jirtu ittiin jiraattee, obbaafattus
walumaan godaanta.
Tarii of dhoksitee orma fakkaachuu malta. Orma jalas
kaachuu dandeessa. Fakkaachuun immoo ta’uurraa
hamma samii waan fagaatuuf, warri itti of fakkeessitus
tasuma kan ofiisaanii siin hin jedhan. Waanuma
fedhellee ta’u nama keenya nuun hin jedhan.
Eenyummaan huccuu miti. Feetu uffattee, yoo hin feene
hin baastu. Oromummaanis akkasuma. Sabni biraatis
Oromummaa ofitti uffisuu hin danda’u nus ofirraa
baasuu ykn dhiquu hin dandeenyu.
Aadaafi afaan Oromoo, Ilaalchi, Falaasamniifi
Amantiin Oromoo (Waaqeffannaan), sirni bulchiinsa
Oromoo (Gadaan), Qor-qalbiifi xiin-sammuun Oromoo,
biftiifi dhaabbiin qaama Oromoofi seenaan Oromoo
hundi galma Oromummaa keessa galaana ta’anii jiraatu.
Kuufamni isaanis walitti qabamee, Oromoon tokko
“Ani Oromoodha” kan isa jechisiisuufi abbaa
biyyummaa isaa kan mirkaneessuudha.
Ifti oromummaa aadaa Oromoo keessaan calaqqisee
mul’ata. Keessattuu, aadaafi haalli jiruuf jireenya
Oromoo hundi Oromummaa dagaagsa. Eenyummaaniifi
maalummaan saba keenyaas aadaa keenyan mul’ata.
Orommmaan aadaa, seenaa, afaan, amantiifi Gadaa
Oromoo keessatti dagaagee mul’ata malee kan ormaa
keessatti miti. Oromummaanis kan dagaagu yoo isaan
kunniin dagaaganiidha. Isaan laafnan Oromummaan
keenyas walumaan laga bu’uu isaati.
Sababa adda addaan, fageenya teessoo lafaafi haalota
garagaraan kutaalee Oromiyaa muraasa keessatti addaa
addummaan jiraatus, dubbiin kan duratti jenne
sanaadha. Hundeefi bu’uurri keenya tokkoofi tokko
qofa. (Oromummaa, Kuushummaa, Afrikummaa)
Aadaa keenya yoo mul’isne Oromummaan ni calaqqisa.
Oromummaan keenyas, aadaa keenya waliin dagaaga
Page 8
8 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
malee aadaa ormaa waliin miti. Waan keenyatu walitti
kuufamee eenyummaa keenya ibsa malee wanta baar-
gamaa fudhanne miti. Kan miidhagnus waan keenyan.
Ergisaan gala fokkisa waan ta’eef.
Oromummaa dagaagsuu keessatti gaheen afoola
Oromoo, (oduu durii, sheekkoo, hiibboo,
mammaaksaafi qoosaa) akka salphaatti ilaalamuu hin
qabu. Isaantu lubbuu itti horee, bara dhufee lufutti
darbaa dabarsuun nuun gahe.
Kanaafuu, Oromummaan akka nuti Oromoodha ofiin
jennee addunyaa tana irra akka saba tokkootti jiraannu
nu taasisa. Maxxantummaa irraa nu hambisuun waan
keenyan guutamneefi faayamnee akka jiraannu nu
taasisa. Qaaniifi gadi aantummaa irraa nu baraarun akka
ofitti amannuufi waan keenyan boonnu nu taasisa, yoo
nuuf gale ta’e.
Kana waan ta’eef eenyummaa har’a of harkaa qabnu
kana kunuunfannee sabboonummaa haa dagaagsinu!.
Kan sababa adda addaan nu harkaa babbadanis haa
iyyaafannu. Maxxannee taanee orma fakkaachuufi
ormaaf kurkuururras, waan keenyan of taanee
Oromummaa tiksaa, Oromiyaaf haa jiraannu!
Ulaagaalee Oromummaa
Dhiigaan Oromoo ta’uun ulaagaalee Oromummaa
keessaa ulaagaa jalqabaa ta’ullee hundaafi kan dhumaa
miti. Namni tokko dhiigan qofa Oromoo ta’eef
ulaagaalee Oromummaa hunda ni guuta jechuun
baay’ee ulfaata. Dhiigaan Oromoo ta’ee yoo aadaafi
safeeffannaa hawaasa Oromoo hin beekne ta’e,
Oromummaan isaa gatii yookan hiika hin qabu. Kan
olitti jenne maras bishaantu nyaata jechudha.
Akkasumas namni tokko dhiigaan Oromoo ta’ee yoo
afaan, Gadaa, amantii (Waaqeffannaa), duudhaa,
seenaafi falaasama Oromoo hin beekneefi keessatti hin
argamne, akkasuma yoo ittiin hin jiraanne ulaagaalee
Oromummaa guutee jira jechuun ni ulfaata.
Dhiigaan Oromoo ta’anii aadaa, duudhaa, amantiifi
seenaa akkasuma sirna bulchiinsaafi afaan ormaa
calaqqisiisaa, “Oromummaa kiyyaan nan boona!”
jechuun wal sobuu ta’a. Oromummaan aadaa, Afaan,
seenaa, amantii, Gadaafi afoola Oromoo keessatti
calaqqisee mul’ata malee kan ormaa keessatti miti.
Akkasumas namni tokko dhiigaan Oromoo ta’ee yoo
Oromoofi waan Oromoo irratti orma waliin dabaafi
gidiraa kan hojjatu ta’e Oromummaan isaa faayidaa hin
qabu. Inni mi’aa Oromummaa hin beeku waan ta’eef.
“Allaattiin fira fakkaattee simbira nyaatti” isa jedhan
sana waan ta’uuf.
Kanaafuu, Oromoon tokko waan Oromoon qabu yoo
hin qabaatiniifi yoo hin beekin, akkasumas waan
Oromoo waan kiyya jedhee yoo ittiin hin booniniifi hin
calaqqisiisin, Oromummaan isaa kan dhiigaa qofa ta’a.
As irratti wanti hubatamuu qabu, waan ofii wallaaluun
akka hammeenya hin qabne ta’uu isaati. Sababa adda
addaan waan keenya irraanfachuu ykn wallaaluu
dandeenya. Garuu wanti hamaafi badaan wallaalummaa
ofii wallaaluudha. Akkasumas baruuf fedhii dhabuudha.
Waan keenya wallaaluu keenya beeknee, baruuf of
qopheessuufi waan keenyaaf sammuu keenya banaa
gochuun beekumsa duraati. Jagnummdhas. Iyyaafatanii
kan beekurraa baruun gamnummaadha.
Dammaqiinsaafi kutannoon yoo onnanneef urgaan
foolii keenyaa, Oromummaan, galaana qaxxaamuree
akka hin deemne, wanti dhoorku tokko illee hin jiru.
Yoo ormi buddeena ofii tolfatu, nuti jalee taanee abidda
bobeessuufii hin qabnu. Buddeena ofii tolfannuufis,
ibiddi ormaa nun barbaachisu. Maal dhabnee kadhaa
kaanna. Yoo nu kadhachuu dhufan malee. Galanni kan
Waaqaa haa ta’uutii waan dhabne tokko hin qabnu akka
dhabne malee.
Osoo aadaa qabnuu aadaa ormaa jala fiiguun, osoo
afaan qabnuu afaan ormaan walii galuun, osoo seenaa
qabnuu seenaa ormaan dhaadachuun, osoo biyya
qabnuu biyya ormaa leellisuun, osoo Gadaa qabnuu
sirna ormaan wal bulchuun salphina, of tuffachuufi of
jibbuudhas. Akkasumas of dhoksuun ofiin of
awwaalanii maxxantuu ormaa ta’uudha. Kun immoo
qarooma osoo hin taane gowwummaafi of ta’uu
dadhabuudha. Kana qofas miti, akkana ta’uun seera
uumaa illee cabsuudha. Sababni isaas Waaqni Oromoo
waan hunda badhaasee jira. Waan Waaqni nu badhaase
kana immoo jaalachuu, leellisuufi itti gammaduu qabna
malee itti qaana’uu hin qabnu.
Afaan Oromoofi Oromummaa
Afaan Oromoo qooqa ummanni Oromoo dubbatu akka
ta’eefi ibsituu, baattoofi hiiktuu eenyummaa Oromoo
ta’uusaa walitti himuun wal tuffachuu osoo hin taane
wal yaadachiisuu ta’a.
Afaan kun guddinaafi dagaagina eenyummaa ummata
Oromoo keessatti gaheefi bakka guddaa qaba. Afaan
saba biraan eenyummaa Oromoo ibsuun danda’amullee,
hamma Afaan Oromoo eenyummaa ummata Oromoo
ibsu, guutummaan ibsuun baay’ee ulfaata. Afaan
Oromootiin garuu eenyummaa ummata Oromoo,
hamma barbaadne ibsuu ni dandeenya. Aadaan, safuun,
duudhaan, amantiin, Gadaan, afoollifi seenaan ummata
Page 9
9 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Oromoo afaan Oromoon yoo ibsan irra salphata.
Namattis tola.
Afaan Oromoo eenyummaa keenya ibsuu kan danda’u,
yoo afaanichaan waan keenya ibsine duwwaadha.
Afaan Oromoon waan ormaa barreessuu, barachuufi
barsiisuun Oromummaa dagaagsuu osoo hin taane,
afaan Oromoon waan ormaa dagaagsuu akka ta’e
hubachuu qabna. Tarii guddina ogbarruu Afaan
Oromoo keessatti gahee mataasaa qabaachuu mala.
Kiristiyaanummaas ta’u Islaamummaa yookaan
dimokiraasummaa afaan Oromoon faarsuun,
barreessuun, lallabuun yookaan barsiisuun
Oromummaa dagaagsuu jechuu miti. Kana gochuun
Oromummaa dagaagsuufi guddisuu osoo hin taane,
waan ormaa afaan Oromootiin dagaagsuufi guddisuu
akka ta’e nama waa xiinxalee hubachuu danda’uuf
dubbiin isaa ifa. Fakkenyaaf Faranjiin tokko afaan
Oromoo sirritti baratee, yoo afaan Oromoon aadaa
biyya Faranjii nu barsiisa ta’e, Faranjichi afaan
keenyaan aadaa biyya isaa nurratti fe’aa jira malee
Oromummaa barsiisaa jira jechuu miti. Sababni isaa
immoo afaan hiiktuu, ibsituufi baattoo aadaati malee
mataansaa aadaa miti.
Egaa osoo waan hunda qabnuu waan ormaa jala
kaachuun gadhummaadha. Ofiin of gabroomsuu.
Du’uun dura of ajjeesuu isa jenne sana. Afaan keenyan
walii galuu osoo dandeenyuu qaroomina jennee afaan
ormaa, kan sirritti hin beekne, cabaquun qaanii
guddaadha. Afaan keenya dubbachuutti boonuu qabna
malee itti qaana’uu hin qabnu. Afaan Oromoo Afaan
Amaaraatii oli malee gadi miti. Afaan Ingiliiziitis hin
hanqatu. Nutu xiqqaatee isa xiqqeesse malee. Kana
yoon jedhu afaan Oromootiin ala afaan biraa beekuu
hin qabnu jechuukoo miti. Beekuun hammeenya hin
qabu faayidaa malee. Kan ormaa baranii kan ofii
irraanfachuutu rakkoodha malee.
Walumaa galatti afaan ofiitiin waan ofii hiikkachuun,
barachuun, ibsachuun, barreessufi dagaagsuun waan
filatamaafi qaleelaa ta’eedha. Qaroominaafi
ammayyummaadhas. Yoo akkas ta’e Oromummaanis
kan dagaagu.
Oromoofi Oromummaa
Ummanni Oromoo uummata bal’aa aadaa, seenaa,
duudhaa, safuu, falaasama, biyya, afaan, ilaalcha, sirna
bulchiinsaafi sirna amantaa mataa isaa qabu ta’uu isaa
irra deddeebi’ee kaasuunkoo, isin nuffisiisuuf osoo hin
taane, dhugaa jirtu walitti himnee, waan qabnuufi hin
qabne beeknee, kan qabnu kunuunfachaa kan bade
barbaaddaachuudhaaf wal yaadachiisuufi.
Yeroo har’aa ummanni Oromoo akka urjii gargar
faca’ee aadaafi sirna kaleessaa dagachuutti jira. Gadaas
dhiisee gaddaan buluu erga jalqabee tutture. Kanaaf
immoo sababoota garagaraa baay’etu jira. Sababoota
kanneen, asitti kaasuun mata-dureen ala waan nu
baasuuf garuma dubbii ijootti darbuu wayya.
Jireenyi addunyaa tanaa takkaa gadi, takkaammoo oli.
Oromoonis lachuu keessa darbee jira, ittis jira. Yeroon
itti jabaafi sodaatamaa akkasuma kabajamaa ture
akkuma jirutti ta’ee, yeroo inni itti laafee mudhukaa’ees
waanuma barri itti fideedha. Kun immoo dhugaa jiru
waan ta’eef waan wal sobnu miti.
Haala qabatamaa amma nuti ummanni Oromoo keessa
jirru yoo fudhanne, qilleensi qaawwa nu gidduutti
uumameen seene, raacitii eenyummaa nu mulqee,
Oromummaan caariggaa’ee utuu hin bilchaatin akka
burratuuf sababa ta’ee jira, akkasuma ta’aas jira. Kutaa,
gosa, amantiifi ilaalcha siyaasaan wal qooduun keenya
Oromummaa yookaan eenyummaa Oromoo baay’ee
dadhabsiisuu irraa of duubatti hin deebine. Hir’inni
keenya kun immoo shira diinni keenya nu irratti
dalagaa jiruuf riqicha ce’umsaa ol’aanaa ta’ee,
eenyummaa keenya soqolee ormaaf saaxiluutti jira.
“Inni Musliima/Kiristaana”, “Isheen Wallagga”,
“Isaan siyaasa ebeluu hordofu”, “Isaan warra
akkasiiti”........... jechuudhaan nu gidduu deemanii akka
nuti wal jibbinuufi wal shakkinu nu godhaniiru, ammas
hanga isaanii danda’ame ittuma jiru.
Nutis dubbii ormaa kana qabannee diina walitti ta’uun
baay’ee wal dhadhabsiisaa turre. Kun immoo karoorri
diinaa kan “gargar qoodanii bituu” (divide and rule)
jedhu sun akka galma gahuuf qooda mataasaa taphatee
jira.
Kun hunduu osoo beeknuus ta’u osoo hin beekin ta’aa
turee jira, ammas ta’aa jira. Wanti guddaan garuu, qixa
dadhabbii ofii beekuun jijjiiramaaf tuqaa jalqabbii waan
ta’eef, kan darbe erga hin darbanneetii, kan dhufuuf fala
kaa’uutu furmaata. Kan darbe daaraadhaa kan jiru
laaladhaa akkuma abbootiin keenya jedhan, ganna
darbeef mana hin ijaaran waan ta’eef, kan darbeef quba
walitti qabuu dhiisnee quba wal qabuun, har’a boru
osoo hin jenne egeree keenyaaf Gaaddisa
Oromummaa jalatti haa mari’annu. Abshaalummaas
haa shaakallu. Ofumaa wal rirriitaa jiraachuu haa
dhiisnu.
Sabni tokko tokkummaa qabaachuuf yookaan
eenyummaa isaa waliin dagaagsee guddisuuf, dirqama
kutaa tokko keessa jiraachuu hin qabu. Dirqamaan
amantii tokko hordofuunis isa hin barbaachisu.
Akkasumas dirqama ilaalcha siyaasaa tokko
qabaachuun ykn Paartii siyaasaa tokko qofa deeggaruun
isa irra hin jiraatu. Amantii, kutaaniifi ilaalchi siyaasaa
Page 10
10 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
garaagarummaa bu’uuraa osoo hin taane ilaalchaafi
jireenya dhuunfaati. Yeroo waliinis darbuu danda’a.
Sababa adda addaanis jijjiiramuu ni danda’u.
Fakkeenyaaf, namni tokko amantiin isaa Islaama yoo
ta’e, sababa adda addaan gara amantii birootti
jijjiiramuu ni danda’a. Kan warra amantii biraas
akkasuma.
Ilaalchi siyaasaas haala yeroofi sababa adda addaa irraa
kan ka’e jijjiiramuu ni mala. Kan kaleessa sirna
mootummaa Gonfoofi Abbaa Irree leellisaa ture har’a
taa’ee ofitti kolfaa jira ta’a, yookan maaltu
beeka,“Otuun yoo sana saba kiyyaaf akkas godhee
jiraadhee”, jedhee gaabbaa jira ta’a. Inni har’aas boru
waa jedha. Ilaalcha siyaasaa yerootu fida, yerootu
dabarsa. Waan dhaabbataa ta’ee itti fufiinsaan jiraatu
miti. Eenyummaan nama tokkoo garuu yoomuu
jijjiiramuu hin danda’u. Guraachi adii (Faranjii) hin
ta’u, adiinis gurraacha ta’uu hin danda’u. Kun seera
uumaati. Garuu tokko maxxantuu tokkoo ta’uu ni
danda’a. Fakkaachuufi ta’uun immoo waan garagaraati
jenneerra duratti.
Nutis, ummanni Oromoo, garaagarummaa amantii,
ilaalcha siyaasaa, kutaafi gosaa qabaanullee
Oromummaaf dursa kennuu qabna. Oromoo!
garaagarummaa biraa amma fedhe qabaanullee
wantoota bu’uuraa kan tokko nu taasisan irratti wal
tumsuu qabna. Waliin guddifnee dagaagfachuutu nurraa
eegama. Qaamaafi nama Oromummaa balleessuu
barbaadu irrattis tokko taanee qabsaawuutu nurra jira.
Rakkoo Oromoof furmaatni ilmaan Oromoo qofa
akka ta’e haa beeknu!.
Guddinaafi dagaagina afaan, aadaa, amantii, gadaa,
seenaa, aartii, afoola, falaasama, hawaasummaa,
duudhaa, safuufi biyya Oromoo keessatti martinuu,
garaagartee tokko malee tokkummaan hirmaannee,
Oromiyaa addunyaa irratti bulchiinsa gadaa ishee
mirkaneeffatteefi misoomtee Gadaan bultu waliin
ijaaruuf fuulduratti haa tarkaanfannu. Ilmaan Oromoo
hundi Oromummaa bu’uura godhachuun, tokkummaa
keenya cimsannee jaalalaafi gammachuun waliin haa
jiraannu. Yoo akkas ta’eedhas kan waan hawwinu
hunda argachuu dandeenyu. Yoo hin ta’in baraa gadaa
hawwii qofa of sooranii jiraachuu ta’a
*****
Jechoota Adda Addaa
Hojiiwwan gurguddoon kan hojjataman humnaan osoo hin
taane malaafi obsaani.
Namni yoo si jibbu qofa osoo hin taane, yeroo si jaalatus
maalif jedhii of gaafadhu.
Nama hin taane abdachuun saree foon eegsisuudha.
Waan qabdu hunda hin agarsiisin, waan beektu hunda hin
dubbatin.
Namni fayyaa qabu abdii qaba, kan abdii qabummoo waan
hunda qaba.
Gurri hammam guddatullee mataa hin caalu.
Lubbu qabeeyyii jiran keessaa akka namaatti kan diinni itti
baay’atu hin jiru. Diinni isaa kunis isuma mataa isaati.
Bareedinni sammuu umrii waliin dabalaa si’a deemu, kan
bifaa garuu hir’achaa deema.
Harreen leenca waliin deemtu farda nagaa hin gaafattu.
Fatteen bool’a keessa jirtu waa’ee galaanaa quba hin
qabdu.
Namni karaa deemu yommuu dhagaa argu ni taa’a taanan
deemsi isaa hin milkaa’u.
Dhugaa dubbadhu, dhugaa dubbatteef kan si jaalatu yoo
dhabame kan si jibbu hin jiru waan ta’ef.
Hunda dhaggeeffadhu, garuu hunda hin fudhatin.
Nama obsaan eeggateef addunyaan hunduu gara isaa
dhufti.
Nama jechi hin madeessine waraannis hin madeessu.
Nyaanni nama tokkoo kan biraaf dhibee ta’uu danda’a.
*****
Hundeefama Gumii Abbootii
Gadaa Oromoo
(Caalaa Soorii-tiin)
bbootiin Gadaa sirna dimokiraasii bara dheeraa
irraa kaasee dhaloota irraa dhalootatti, jaarraa
irraa jaarratti, Gadaa irraa gadaatti ummata
isaanii waliin dabarsaa dhufanii jaarraa
qaroominaa kanaan gahanii jiru. Babal’ina
ummatichaafi kan lafaa irraa kan ka’e godina godinatti
adda addaan hafanii sirna gadaa gaggeeffachaa jiru.
Mootummootni Habashaas abbootin Gadaa akka walitti
dhufanii tokko hin taanefi Sirni Gadaa akka badu bara
dheeradhaaf dhiibbaa guddaa irratti gadhanii jiru.
Bakka baay’ettis badee jira. Kan hafe illee sirni
bulchiinsa isaa dadhabaa dhufee jira. Haa ta’u malee
sirnichi bakka badii irraa hafetti waggaa saddeeti
saddeetiin gadooma walitti dabarsaa dhufee jira.
Demokiraasii sirni Gadaa of keessaa qabu
mootummootni Habashaa ijaan arguu waan hin feeneef,
muuxannoon isaa biyya keenya osoo hin fayyadin
biyyootni adda addaa itti fayyadamaa jiru.Yookaan
immoo nurraa fudhatanii maqaafi bifa isaa jijjiiruun kan
ofii taasisanii jiru.
Sirni Gadaa ijaarsa sirna dimookiraasii keessatti qooda
guddaa kan qabu ta’uu hubatamee jira. Matuma
isaatinuu dimokiraasii waan ta’eef bulchiinsa bara
ammaa ummata rakkisaa jiruuf furmaata guddaadha.
Keessattuu aangoo yeroo ofii eeganii kennuufi aangoo
A
Page 11
11 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
qooduu (Power sharing) akkasumas kabaja mirga
namummaa sirna Gadaa keessa jiru addunyaan har’aa
waan guddaa irraa barachuufi akka furmaatatti itti
fayyadamuu qabdi.
Ummatni Oromoo sirna gadaa yoo hundeessu caasan
isaa hawaasa Oromoo hunda akka hammatu taasisee,
gosa Oromoo hunda Gadaa shanitti hiree ilaalcha
gosummaa irraa bilisa ta’ee haqaan ummata Oromoo
hunda wal-qixxee akka tajaajilu godheeti. Saba adda
addaa Oromoo waliin jiraatus Gadaan loogii tokko
malee seera Gadaa qofarratti hundaayee bulchaa kan
tureefi har’a illee haaluma dur seera keessatti tumateen
kan waliin jiraatudha. Nama gosa Oromootti makamuu
barbaades moggaasudhaan ofitti makee qabeenya itti
horee mirga isaa eegudhan sirna Gadaa keessatti qooda
akka fudhatu taasisee waliin jiraachaa turee jira.
Abbootiin Gadaa of eeggannoo guddaadhan loogii
tokko malee sirnicha tiksaafi gaggeessaa jiru.Ummanni
Oromoo har’a kan rakkoo adda addaa keessa xaxamee
jiraatuuf duudhaa sirna Gadaa keeessa jiru waan
dagateefi. Paartiiwwan siyaasa Oromoo adda adddaas
kan har’a walgaarreffataniif sababni isaa Gadaa bu’uura
waan hin godhanneefi. Osoo duudhaalee sirna Gadaa
keessa jiru beekanii gocha isaanii kan har’aa kanatti
hagam qaana’u laata?
Jaarraa qaroominaa kana keessa Abbootin Gadaa
haaromsa sirna Gadaa gaggeesaa jiru. Hundeefamni
Gumii Abbootii Gadaa Oromoo Waxabajjii 26-28 /2006
A.L.H marii bal’aan gaggeeffamee irratti walii galames
bu’a guddina kana keessatti argameedha.
Addunyaa teknoloojidhan (meeshaa ammayyaatin)
guddatte keessatti Gadaanis qooda kan qabuudha.
Abbootiin Gadaas marii isaanii keessatti kan kaasan
kanuma. “Har‟a nuti Abbootiin Gadaa akkuma durii
gaaddisuma jala teenyee hojjechuu osoo hin taane
Galma horachuu qabna.Chaappaa mataa keenyatiin
xalayaa walii erguu qabna. Giddugala tokkos
qabaachuu qabna. Meeshaa ittiin barreessan kan akka
kompiyutaraa, kan fiilmii ittiin waraaban, kan suuraa
ittiin kaasan horachuu qabna. Akkuma dur seenaa
keenya afoolan walitti dabarsaa hin deemnu. Ragaa
qabatamaadhan dhalootatti dabarsuu qabna. Biiroo
seenaan keenya keessa taa‟u horachuu qabna. Kana
yoo jennu Jila Gadaa biirotti yaa gaggeeffannu jechuu
miti. Jilli Ardaalee Jilaatti gaaggeefama. Seenan isaa
garuu biiroofi Godaambaa qabaachuu qaba.” kan
jedhu yaada haaraa abbootiin Gadaa kaasaniidha.
Hirmaattota Gumiifi haala raawwii isaa
Abbootiin Gadaa Oromiyaa keessafi godinaalee sirni
Gadaa jalaa bade manguddootin bebbeekamoon Gumii
kana irratti argamanii jiru. Kamisee qofaan sababa
ergaan bira hin gahiniif hin argamne.Walii gala
Abbootin Gadaafi manguddootin 160 Marii Waxabajjii
26 fi 27 /2006 Magaala Bishooftuu Hoteela Xankir
keessatti gaggefame ajandaa lama irratti mari’ate.
Isaanis Seenaa Gadaafi Dambii ittiin bulmaata Gumii
Abbootii Gadaa Oromoo ture. Marii kana irratti
hayyooni Oromoo kan akka Dr. Gammachuu Magarsaa,
Prof. Isqeel Gabbisaafi kan biroo irratti argamuun
beekumsa isaanii qoodanii jiru.
Waltajjii kana akka haala mijeessee qopheessufi
waamicha akka godhu dirqamni kan kennameef Abbaa
Gadaa Tuulamaa Bayyanaa Sanbatuutif ture. Abbootin
Gadaa Tuulamaas dirqama Abbootii Gadaa Oromoo
irraa kennameef kana bahuuf qophii barbaachisu hunda
godhan. Rakkoon maallaqaa garuu akka isaan akka
garaa isaanitti hin sochoonef hidhee isaan qabe.
Kanarraa kan ka’e deeggarsa mootummaa gaafachuun
dirqama ta’e. Biiroo Aadaafi Tuurizimii Oromiyaa
waliin haala mijeessudhan Gumiin kun gaggeefame.
Gumiin Abbootii Gadaa kun guyyootii lama Dambii
ittiin bulmaataafi walitti dhufeenya Abbootii Gadaa
irratti bal’inaan mari’atee Dambicha mirkanneesse.
Gaggeessitoota Gumii nama shan filatee cimanii akka
hojjetan waadaa galche.Waadan seera Gadaa guutudhan
kan raawwate waxabajjii 28/2006 Galma Abbaa Gadaa
Tuulamaatti.Waadaa seera Gadaatin raawwate gara
dhummaa irratti ibsamee jira. Namoonni akka
gaggeessitoo (Koree) gumii kanaatti filatamanis kan
armaan gadiiti.
1. Abbaa Gadaa Byyanaa Sanbatuu dura taa’aa
gumii (Abbaa Gadaa Oromoo)
2. Abbaa Gadaa Qaabatoo Heedamoo, Itti aanaa
3. Obbo Caalaa Soorii, Barreessaa Gumii
4. Abbaa Gadaa Taakkalaa Dhiinsaa, Abbaa
Herreegaa
5. Abbaa Muudaa Gadaa Tuulamaa Dabbabaa
Girmaa, Qarshi – Qabaa
Gumii kana hundeessuuf haala mijaawaa ture
Abbootin Gadaa Oromoofi manguddootin Oromoo
godina adda addaa jiran walitti dhufuuf fedhii
qabaachuu isaaniifi sirna Gadaa cimsatanii aadaa
badde deebisuuf kaka’uumsa guddaan jiraachuu
isaa.
Dhibee HIV Eedsii ittisuuf mootummaan Abbootin
Gadaafi manguddootin akkasumas Abbootin
amantaa akka walitti dhufanii mari’atan Gumii
Gadaa adda addaa iraattis akka walitti dhufan
gochuu isaa.
Walitti dhufeenyi Abbootii Gadaa jila adda addaa
irratti jiru guddachaa dhufuu isaaafi aadaa walii
argan kanatti gammadanii walitti dhufeenya cimsuu
isaanii.
Walitti dhufeenyi kunis tasuma kan jalqabe osoo hin
taane hawwii bara dheeraa ture ta’uu isaati.
Page 12
12 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Sochiiwwan Abbootin Gadaa godhan
A. Bara 1996 A.L.H dhibee HIV eedsii garmalee
babal’achaa ture hir’isuuf mootummaan Abbootin
Gadaa waa’ee Jaala jaaltoofi tokkoofi tokkoon
jiraachuu irratti seera wal fakkatu akka baasan
gochuuf Gumii Gaayoo kan Gadaa Liban
jaldeessaa gaggeesse irratti Abbootin Gadaafi
manguddootin Oromoo akka argaman godhee jira.
Sababuma kanaan gumii irratti argamanii walitti
dhufeenya keenya haa cimsinu jedhanii Abbootiin
Gadaa yaada walii dabarsan;
1. Abbaa Gada Gujii Aagaa Xiinxanoo
2. Abbaa Gadaa Tuulamaa Nagaasaa Nagawoo
3. Abbaa Gadaa Karrayyuu Jiloo Cirrii
4. Abbaa Murtii Gabraa Waariyyoo Abdii Jiloo
5. Haajii Mormor, abbaa seenaa Hargee Lixaa
irraa
6. Hayiluu Irranaa Shawaa kibba lixaa irraa,
jaarsa biyyaa
7. Miidhaksaa Dhaabasa Shawaa Kibba Lixaa
irraa
8. Mandiyyuu Badhaasoo Shawaa Bahaa irraa
9. Abbaa Ibrahim Sheek Haajii Alii Jaarsa biyyaa
Harargee Lixaa
10. Abbaa Madad Abba Jimmaa Jaarsa biyyaa
Godina Jimmaa
11. Obbo Naasir Haajii Godina Jimmaa irraa irratti
argamanii jiru.
B. Gumii Mi’ee Bokkoo Gadaan Gujii bara 1999
A.LH gaggeessefi walitti Kenniitii Baalli Abbootii
Gadaa Gujii irratti Abbootin Gadaa Tuulamaa
Laggasaa Nagawoofi Bayyanaa Sanbatuu kan
irratti argamanii sirnicha daawwatan ta’uu isaa.
C. Gumii Gaayoo Kan Gadaa Guyyoo Gobbaas
akkasuma Abbootiin gadaa iddoo adda addaa irraa
dhaqanii irratti argamanii jiru.
D. Magaala Bishooftutti bara 2001 A.L.H walgahii
abbootii Gadaafi mangudootaa godinaalee
Oromiyaa BATO walitti qabe irratti walitti
dhufeenya cimsuu irratti mariin bal’aan
gaggeefamee ture.
E. Baallii wal-harkaa fuudhinsa Abbootii Gadaa
Tuulamaa Fulbaana 2003 A.L.H gaggeefame
irratti Abbootii Gadaa sirnicha irratti argaman
keessaa yaada walitti dhufeenya cimsina jedhu
irratti kan marii addaa gaggeessan;
1. Abbaa Gadaa Booranaa Guyyoo Gobbaa
2. Abbaa Seeraa Booranaa Liiban Jaldeessaa
3. Abbaa Gadaa Gujii Damboobii Aagaa
4. Abbaa Gadaa Gabraa Ibraahim Jiloo
5. Abbaa Gadaa Tuulama Bayyanaa Sanbatuu
6. Barreessaa Gadaa Tuulamaa Caalaa
Sooriiti.
Erga Sirnichi dhumatee booda Hoteela Bishooftuu
Afaaf jedhamu keessatti walitti dhufeenya keenya
cimsinee Gumii Abbootii Gadaa Oromoo yaa
hundeessinu, nuti ammallee gaaddisuma jalatti Gadaa
keenya gaggeesina.Tuulamni biiroo horattanii
cimtanii waan jirtaniif isin walitti nu qabaa yaada
jedhu irratti mari’atanii turan.
F. Sirna Gadaa Oromoo Harargee deebisuuf Jila Odaa
Bultumitti gaggeefame irratti Abbootin Gadaa
godina adda addaa hirmaatanii yaada waljijjiiranii
jiru.
G. Bara 2002 Irreecha Odaa Bisilii irratti Abbootin
Gadaa Tuulamaafi Abbaan Gadaa Arsii Lixaa
argamanii Walitti dhufeenya keenya haa cimsinu
yaada jedhu irratti Abbootii Gadaa Maccaa waliin
mari’atanii ture.
H. Irreechi Hora Harsadii bara baraan kabajamu walitti
dhufeenya cimaa Abbootii Gadaa gidduutti uumee
jira.Walitti dhufeenyi kun Gumii abbootii Gadaa
Oromoo hundeessuf gumaachi inni godhe
guddaadha.
I. Eebba Siidaa Aanolee irratti argamuuf Abbootin
Gadaa Oromoo magaalaa Adaamaa keessatti wal
argan, jiddugala Abbootii Gadaa Oromoo dhaabuuf
marii kan gaggeessan;
1. Abbaa Gadaa Tuulamaa Bayyanaa Sanbatuu
2. Abbaa Gadaa Gujii Kan gosa Maattii
Damboobii Aagaa
3. Abbaa Gadaa Gujii Hokkuu Gaambeellaa
Bariisoo
4. Abbaa Gadaa Maccaa Taakkalaa Dhiinsaa
5. Abbaa Gadaa Arsii Qaabatoo Hedamoo
6. Abbaa Gadaa Odaa Bultum Moomati Ahmad
Bookee
7. Abbaa Gadaa Karrayyuu Hawaas Roobaa
8. Muumadii Ussoo miseensa Abbaa Gadaa
Harargee, marii yeroo adda addaa
gaggeeffamaa tureef murtii dhumaa kennanii
jiru. Murtiin kunis Abbaan Gadaa Tuulamaa
akka haala mijeessee waamicha godhu bakka
buufachuun dirqama itti kennanii turan.
Egaa Gumiin Abbootii Gadaa Oromoo adeemsa
kana hunda keessa dabree kan hundaa’edha.
Gumii kana ijaaruuf mariifi yeroo dheeraa
fudhate. Walumaa galatti yaadni Gumii Abbootii
Gadaa Oromoo hundeessuu kun jalqabee hanga
galma gahutti waggaa torba fudhatee jira.
Gumii kana hundeessuuf rakkoolee turan
Ummanni sababa adda addaan Gadaa gatuu
(laafinsa Gadaa Oromoo)
Yaadicha Abbootii Gadaa jiran hubachiisuufi
amansiisuu
Page 13
13 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Baajata ykn qarshii waan kana galmaan
gahan.
Kaayyoo Gumichaa
Gumiin kun yoo hundaa’u Kaayyoo cimaa qabateeti.
Kaayyoo kanas Dambii ittiin bulmaataa baafatan
keessatti haala armaan gadiitin teechisanii jiru.
1. Seera dur Gadaa kessatti afoolaan turan gara
barreeffamaatti deebisuun dhalootaaf akka
darbu haala mijaawaa uumuu.
2. Sirna walharkaa fuudhinsa Baallii Abbootii
Gadaa Oromoo dimokiraasummaa isaa eegee
akka raawwatu gochuun ragaa qabatamaan
fiilmii, suuraafi barreeffamaan dhalootaf akka
dabru taasisuu.
3. Barmaatilee miidhaa geesisan kan gosa
Oromoo hunda keessa jiran qoratanii walii
galtee tokkoon tarkaanfii wal fakkaatu
fudhachuu.
4. Hojiin Caasaan Gadaa hawaasa keessatti
hojjetu nageenya, misoomaafi guddina biyyaa
keessatti gahee olaanaa inni qabu akka qaamni
kamiyyuu hubatu ragaa qabatamaan
barreefamaan akka taa’u gochuu.
5. Wal-qunnamtii Abbootii Gadaa Godinaalee
Oromiyaa keessa jiran cimsuun bakka sirni
Gadaa laafetti gargaarsa walii gochuun
deebisanii ijaaruu.
6. Walitti dhufeenya Oromoo godinaalee maraa
cimsuudhan muuxannoo waljijjiiruu. Kunis
yeroo jilli Gadaa gaggeeffamu
walwaamudhaan dhimmoota sirna Gadaa
keessatti raawwataman daawwachiisuu.
7. Sirni Gadaa seera wal-fakkaatu akka horatu
hayyoota qorachiisudhaan haala qabatamaa
naannoo isaanitiin walitti fidaa deemuu.
8. Ummata Oromoo jidduutti walitti bu’iinsa
dabree dabree uumamu Gumiin abbootii Gadaa
jidduu galuudhan rakkoo uumamu hiikuu.
9. Ummatni Oromoo akka walii galee hin
jiraanne mootummootni dabran gosa tokko
keessaa namoota tokko tokko qabatanii gosa
biraa akka waraanu gochuudhan ummatni
keenya akka haalodhaan wal ajjeesu, akka
walii galee hin jiraanne taasisaa turanii
jiru.Keessattuu Gochi Minilik ,Yohaannisiifi
Teewodiroos raawwatan har’allee hawaasa
Oromoo jidduutti calaqqisaa jira.Gumiin
Abbootii Gadaa rakkoo kana hundeedhaa
buqqisee akka hiiku gochuu.
10. Ummatni Oromoo osoo tokko ta’ee jiruu
ilaalcha gosummaa, amantii naannummaa,
siyaasaafi daangaan wal dhiibudhaan hanga
wal ajjeesutti deemun wallaalummaa guddaa
ta’uun isaa hubatamee ilaalcha akkasii ummata
jidduudhaa baleessuu.
11. Diinni (nyaaphi) Keenya Kan akka
harcaatuwwan mootata dabranii mirga sabaafi
sablammii Heera mootummaa keessatti taa’e
kan hin liqimfamneef yoomiyyuu akka
waliigallee jiraannu waan hin feeneef yeroo
hunda walitti bu’itii keenya nuu mijeessan
waan ta’eef Gumiin Abbootii Gadaa
dammaqinaan ummata isaan jala jiru barsiisuu.
Rakkoo humnaa ol ta’e mootummaa
mari’achiisuun hiikuu.
12. Gumiin Abbootii Gadaa ilaalcha Gadaa
tiyyatu caala Gadaa tiyyatu caala jedhu akka
hin calaqqifne of-eeggannoo guddaadhan akka
hafu ni godhu, iddoo sirni Gadaa dadhabaa
ta’etti seera Gadaa barsiisuun akka cimu
gochuu.
13. Hayyoota Oromoo beekumsa olaanaa qaban
haala sirni Gadaa itti guddachuu danda’uufi
dhimmoota fooyya’uu qaban akkasumas haala
sirni Gadaa hambaa addunyaa ta’ee itti
galmaa’uu danda’u irratti qorannoo adda
addaa akka gaggeessan of jalatti gurmeessun,
barumsa qabaniin Gadaa gargaaruu irratti
gahee isaan irraa eegamu akka bahan haala
mijaawaa uumuu.
14. Duudhaalee Oromoon qabu keessaa tokko kan
Gadaa jalatti hammatamee deeggarsi
godhamuufi qabu sirna Amantaa
Waaqeffannaa waan ta’ef, shakkii kamuu irraa
bilisa ta’ee Waaqeffattoonni iddoo
awwaalchaafi iddoo sirna waaqeffannaa itti
gaggeeffatan magaalafi baadiyyaa hunda
keessatti akka argatan Gumiin Abbootii Gadaa
MNO wajjin dubbachuudhan mirga heera
mootummatin taa’e kabachiisuu.
15. Abbootii Gadaa yeroon baallii hin kennine, kan
faayidaa dhuunfaa ofitiif jecha aangoo irra
turan, yeroo baallii walitti kenniitii yoo
dabarsan Gumii Abbootii Gadaa keessaa
haquu. Beekamtii irraa kaasuu.
Akkuma walii galaatti Gumiin Abbootii Gadaa Dambii
isaanii keessatti hojiilee dhimma hawaasummaa,
diinagdeefi siyaasaa irratti hojjetan bal’inaan teechisanii
jiru.
Keessattuu gumii Odaa Shananii seenaa beekamoo
qaban keessaa Kan hanga ammaatti hojiirra jiru Gumii
Odaa Nabee qofa waan ta’eef kanneen armaan gadii,
1-Gumii Odaa Bultum hundeessuf yaalii godhame
akka itti fufu taasisuu.
2- Gumii Odaa Roobaa hundeessuu
3- Gumii Odaa Bisilii hundeessuu
Page 14
14 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
4- Gumii Odaa Bulluq hundeessuu kan jedhu akka
karoora yeroo dheeratti qabatanii jiru.
Teessoo Gumii Abbootii Gadaa Oromoo
Teesson Gumii Abbootii Gadaa Oromoo eessa haa ta’u
kan jedhu irratti filannoon sadi dhiyaatee ture. Isaanis;
Galma Abbaa Gadaa Magaala Adaamaa
Galma Gadaa Tuulamaa Magaala Bishooftuufi
Galma Jiddugala Aadaa Oromoo Finfinneeti.
Marii bal’aan erga irratti gaggeeffamee booda, Galmi
Jiddugala Aadaa Oromoo Finfinneefi Galmi Abbaa
Gadaa Magaala Adaamaa harka mootummaa jira wan
ta’eef sagantaa adda addaatin qabamuu danda’a, akka
feenetti itti fayyadamuu hin dandeenyu. Kan akka
feenetti itti fayyadamuu dandeenyufi kan harka Gadaa
jiru Galma Gadaa Tuulamaa nuu wayya jechuun
filatanii, Abbaan Gadaa Tuulamaa Bayyanaa Sanbatuu
yaada maal akka qabu gaafatan. Abban Gadaa
Tuulamaa Bayyanaa Sanbatuutis, Galmi Gadaa
Tuulamaa Galma Abbootii Gadaa Oromoo ta’uu
gammachuudhan fudhanna, gumii kana hundeessuf
wanni itti carraaqaa turreeyyuu galma keenya
abdanneeti jedhanii yaadicha gammachuun fudhatan.
Waada Seera Gadaatin Raawwate
Waajjirri Gumii Abbootii Gadaa Oromoo Galma Abbaa
Gadaa Tuulamaa magaala Bishooftu keessa jiru akka
ta’u Waxabajjii 27/2006 A.L.H gumiin sagalee tokkoon
filateera. Galma Kanas Waxabajjii 28/2006 A.L.H
korma Abbaan Gadaa Tuulamaa dhiyeesse eebbisanii
itti qaluudhan biluu waliin tuqanii wal eebbisuun
“Galma Tokkummaa Abbootii Gadaa Oromoo”
jedhanii moggaasanii jiru. Koree filataman akkataa
seera Gadaatin qumbii ciniinsisanii waadaa galchuun
alangee Gadaatin seera itti tumanii marga jiidhaa itti
irreeffachuun damma nyaachisanii eebbisanii jiru.
Abbootin Gadaa Boorana, Gujiifi Gabraa waldhabbii
dabree dabree isaaniifi ummata isaanii jidduutti
uumamu akka isaan jidduudhaa badu ofii fakkeenya
akka ta’an of-jidduu teechisanii, marsanii
dhaabbachuudhan marga itti irreeffatanii eebbisanii jiru.
Isaanis afaan keessa wal dhungachuun jaalala dhugaa
walii qaban ibsanii jiru. Dura Taa’an Gumii Abbootii
Gadaa Oromoo Bayyana Sanbatuu qumbii nyaachisee,
Abbootin Gadaa martinuu marsanii dhaabbatanii
eebbisuudhan waadaa galchanii marga jiidhaa itti
irreeffatanii sirba aadaa Jilaatin Galma Tokkummaa
Abbootii Gadaa Oromoo seenanii affeerradhaan sirni
gumii xumuramee jira. Ragaan kunis Dambii isaanii
keessatti seenadhaaf akka taa’u qabatamee jira.
Karoora yeroo dhiyoo
Gumii Abbootii Gadaa Oromoo
Oromiyaa keessatti bakka Gadaan badetti Gadaa
deebisanii ijaaruu.
Gumii Odaawwan seena qabeessa ta’anii
hundeessuu. Isaanis Gumii Odaa Roobaa, Bisiliifi
Bulluq hundeessuu. Kan Odaa Bultum jalqabee jira
waan ta’eef itti fufuu. Gumiin Odaa Nabee
durumaanuu hojjachaa jira.
Waa’ee Gadaa irratti hubannoofi barnoota karaa
adda addaan dabarsuu.
Amantii waaqeffannaa wiirtuu tokkoofi
heyyama/beekamtii tokko akka qabaatu hojii
jalqame xumuruu.
Dhumarrattis Gumiin kun Abbootii Gadaa Tuulamaafi
Biiroo Aadaafi Tuurizimii Ororomiyaa carraaqqii
isaaniif galateeffatanii osuma walitti rarra’anuu galti
hin ooluu biyya biyyatti addaan galan
*****
Gadaa (Walaloo)
(Goobana Siidaa Taliilaa – tiin)
Hambaa duudhaa seenan lafa goote
Kan hundeedhumaan jirtu duraanii
Aadaaf seenaa qabna amantiidhaa
Kan namuu irra baratu gaarii.
Caffee taa’ee heera dhangalaasee
Safuu Waaqaa lafatti dhiyaatuu
Wal qixxeesse uumama maraayyuu
Kan xiqqaa guddaan itti hirmaatuu.
Lafa kaa’e seera qulqulluudhaa
Burqaa hooda heeraa hin sinsinnoofnee
Seenaatu bahaa jiira ragaadhaa
Kan Gadaan ijaare hin bittinnoofnee.
Yaa’ii hoodaa tuma maanguddootaa
Kan ittiin bu’e araarrii
Safuu uumaaf qabu Oromoonnii
Addunyaarrattuu hin argu barbaannii
Uumaa uumamaaf hidda kan taatee
Xurree duudhaa bu’uurri duraayii
Gadaa keenya sirni diimokraasii
Kan dhugaaf safuu baran irraayii
Qumbii dhaabee damma wal obaaseet
Kan baallii walii kennu nagaanii
Waan caffeen tumteen bulcha Gadaasaa
Kan ijaan argaa jiirru nagaanii
Eebbiseet bokkuu walitti laataa
Yoo Gadaa isaa fixe hayyuunii
Kan caffee itti aanutu qajeelchaa
Dabaree isaa hin darbu sayyuunii
Gadaan quufaa misa barri yaa’ii
Gurr’uu guutet hoosisa ameessii
Waan caffee bultootti dhangalaasaa
Saba isaatiif hojjeta gameessii
Page 15
15 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Hayyuun nyaaraa nyaara ummataatii
Eeget eegsisaa mirga hundaatuu
Kan ulfoo ittiin jette Gadaanii
Tokkollee hamtuun hin taatuu
Ni dhugeeffataa sabni bal’aanii
Kan tumaan Caffee itti akeektee
Fudhattee kennuu qabdi ilmaanii
Kan jalaa dhaloonni kana beektee
Qaccee seenaa mul’attu hambaanii
Kan abbootarraa jirru argaayii
Kan wareegamaan fidde hayyuunii
Dhaallee dhaalchisuudha wal harkaayii.
Sirna walabaa kan madda taliilaa
Yoomiyyuu kan hin qabne fakkaattii
Yoo nagaafi jaalala barbaannee
Yaa Gadaa waliin bullu dhugaattii.
Kan ol kaase gadi hin xiqqeessuu
Baalchaa goota uumama badhaadhaa
Hoofuu beekaa gaaddisa araaraa
Kan ittiin buluu qabnu Gadaadhaa.
Gadaan heeraa heera ganamaatii
Isatuu ta’aa hunda namaatii.
*****
Walitti Dhufeenya Aadaafi Amantii
(Tarruu Unguree-tiin)
ddunyaan teenya, kan irra jiraannu tun, baay’ee
bal’oodha. Waan baay’ees baattee teessi.
Baay’inni ilma namaas kan biiliyoonaan
lakkaawamu irra jiraata. Ummanni biliyoonan
lakkaawamu kunis saba, sab-lammiifi hortee
adda addaatti qoodamuun isaa hin hafne. Qoqqoodinsi
kun immoo addunyaa teenya tana irra aadaa, afaan,
duudha, amantii, falaasamniifi sirnoonni kumaan
lakkaawaman akka jiraataniif sababa ta’ee jira.
Ummanni addunyaa marti eenyummaa isaanii
guddifachuufi ittiin mul’achuu barbaadu. Kanarraa kan
ka’e waldorgommiinis waan hafe hin fakkaatu. Natu
caalaafi kiyyatu caalaan akkasumas kiyyatu sirriidha,
kankoo fudhadhuufi hin fudhadhuun addunyaa teenya
tana irra turee jira. Sababa kanaan miidhaafi badiinsi
hangana hin jedhamne ilma namaa muudatee jira. Kan
kana hunda dorgomee mo’achuun saba biraa
eenyummaa isaa kan harkaa gatee aadaa, seenaa,
siyaasa, amantii, falaasama, sirna dinagdee, afaan,
ilaalchaafi duudhaa isaa dhaalchises tokkoo lamas ta’an
inuma jiru. Dorgommuma kana keessa kan badiinsi
eenyummaa (identity Crisis) muudates hedduudha.
Aadaafi amantiin saba tokkoo guddinaafi dagaagina
eenyummaa saba sanaa keessatti gahee guddaa akka
qaban wal nama hin gaafachiisu. Guddina diinagdee,
hawaasummaa, siyaasaafi falasama saba tokkoo
keessatti qoodni amantiifi aadaa baay’ee
murteessaadha.
Sabni aadaafi amantii (dhugeeffannoo) isaa dhiisee,
aadaafi amantii ormaa hordofu eessayyuu gahuu hin
danda’u. Guddinni isaa aadaafi amantii isaa irratti yoo
hin hundaa’in yookan bu’uura hin godhatin sabichi sun
maxxantuufi afarsituu waan ormaa ta’uun isaa hin hafu.
Ofittis hin amanu. Yeroo baay’ee ol’aantummaafi
jabina warra aadaafi amantii irraa fudhate sanaa waan
dhaadessuuf kan ofii dagachuun saba eenyummaasaa
hin qabne ta’ee hafa. Of dagata, waan isaas, ofis ni
wallaala.
Aadaafi amantiin saba tokkoo jiruuf jireenya saba sanaa
keessatti bakka guddaa qabaachuu qaba. Isaantu
ilaalchaafi jiruuf jireenya tokkoon tokkoon dhalataa
sabichaa walitti fiduun sabichi akka tokkummaa
qabaatuufi wal jaalatu taasisa. Isa beekuuf aadaan
qabeenya guddaa kan dhaloota irraa dhalootatti
darbuufi eenyummaa ummata sanaati.
Aadaafi amantiin saba tokkoo hidhata guddaa waliin
qabu. Wal keessaa jiru jechuu ni dandeenya. Waliin wal
ibsu, gargar qoodanii ilaaluun ni ulfaata.
Aadaan haala jiruuf jireenya saba sanaati. Kuufama
muuxannoo, haala jiruuf jireenyaa, ilaalcha uumaa-
uumamaafi amantaa saba sanaati. Muuxannoofi amala
hawaasni tokko yeroo dheeraa keessa waliin
guddifateedha. Jiruuf jireenyi saba sanaa immoo
seenaa, duudhaa, biyya, afaan, sirna bulchiinsaa,
hawaasummaa, dinagdee, amantii, falaasamaafi ilaalcha
saba sanaa irratti bu’uureffama. Akkaataan sabni tokko
Waaqa itti kadhatu mataansaa aadaa saba sanaati.
Akkaataan sabichi itti wal bulchuufi wal to’atu aadaa
isaati.
Aadaafi amantiin saba tokkoo walitti hirkatoofi walitti
hidhamoodha. Amantiin saba tokkoo aadaa saba sanaan
gabbatee mul’ata. Amantii keessatti aadaa argina, aadaa
keessatti immoo amantii argina. Aadaafi amantiin saba
tokkoo haadhaaf ilmoodha jechuu dandeenya. Akkuma
fuula lamaan saantima tokko gargar baasuun hin
danda’amneefi yoo baasnes hiika yookaan gatii dhabu,
aadaafi amantii saba tokkoos gargar baasuun hin
danda’amu, yoo gargar baasnes lachuu hiika dhabeessa
ta’u. Tokko tokko malee hin miidhagu. Amantiin aadaa
maataasaa kan isa miidhagsuufi gabbisu qaba, aadaan
immoo waan bu’uura ta’eef dhugeeffannoo yookan
amantii of keessaa qaba.
A
Page 16
16 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Namni tokko osoo amantiikoo dhiiseen aadaa kiyya
qofa guddifadha kan jedhu ta’ee hin miidhagu. Kana
jechuun refeensa mataa koo walakkaa sirreeffadheen
walakkaa isaa dhiisa jechuu ta’a. Kun immoo hangam
akka fokkisu wal nama hin gaafachiisu. Aadaafi amantii
saba ofiis gargar qooduun tokko keessaa filachuun
sanuma ta’a. Hin miidhagu. Sababni isaa aadaaf
bu’uurri amantii waan ta’eef yoo aadaa qofa fudhanna
ta’e aadaan sun bu’uura isaa gallakkisa. Wanti bu’uura
hin qabne immoo hin miidhagu, kaawoo hin horatu, itti
fufiinsas hin qabaatu.
Akka fakkeenyaatti amantii Kiristiyaanaafi aadaa saba
Israa’eel (Hibruu Durii) fudhachuu dandeenya.
Dhugeeffannoofi falaasama amantii Kiristiyaanaaf
bu’uurri saba Isiraa’el yookaan ummata Hibruuti.
Kitaabni Yaayyaa waa’ee Macaafa Qulqulluu akkana
jedha.
Macaafni Qulqulluun kan barreeffame aadaafi
amantii saboota giddugaleessaa kan akka
Yuhuudotaa, Misirii, Giriikiifi kan biroo keessaa
waa hedduu fudhateeti. Kakuu moofaa yoo ilaalle
waa hedduun aadaa saba Yihuudotaa akka keessa
jiru, Amantii warra Haamuraabii durii keessaa
waa akka jiru hubachuun ni danda‟ama.
(Yaayyaa; ful. 114)
Kana irraa hubachuu kan dandeenyu Baayibilli
mataansaa garri caalu kan dubbatu waa’ee seenaa,
amantii, dhugeeffannoo, aadaa, falaasama, haala
bulchinsaa, walumaagalatti ol’aantummaafi jiruuf
jireenya Hibruu durii ta’uu isaati. Dirribii Damussees
kitaaba isaanii Ilaalcha Oromoo irratti akkana jedhu;
Kitaabni Qulqulluun, wanta ummanni Hibruu
hawwu maraa fedha waaqaati jedha. Itti
dabaluudhaan ummata Hibruu waaqayyo orma
caalchisee jaalata, kanaaf nama keessaa isaan
filate, biyyi isaanis biyya biraa caalaa
eebbifamtuufi waaqaan filatamtuudha jedha.
(Ilaalcha Oromoo 2009; Dirribii Damussee ful.17)
Egaa namni tokko gaafa kiristiyaana ta’u kana hundaa
fudhachuufi amanuu qaba. Waan Macaafni Qulqulluun
jedhu fudhachuufi amanuu qaba. Amantii qofa osoo hin
taane aadaa amantichaas fudhachuun dirqama
abbichaati. Kana jechuun aadaa uffanaa, aadaa nyaataa,
aadaa hojii, aadaa yookaan akkaataa waaqa kadhannaa,
aadaa fuudhaafi heerumaafi ayyaanota amantichaas
walumaan fudhachuu qaba jechuudha. Kan isaa immoo
ni dagata. Dagachuu qofa osoo hin taane waan isaatiin
hojii seexanaa kan waaqni hin jaalanne jedhaan.
Amantiin kiristiyaanaa akka amantii tokkootti aadaa
uffannaa kan mataa isaa qaba, akkataa moggaasa maqaa
kan mataa isaa qaba akkasumas akkaataafi guyyaa hojii
kan mataa isa qaba. Seenaa mataa isaas, kan keessa
darbe qaba. Amantiin kun, ayyaanota waggaa kan akka
Gannaa, Faasikaafikkf kan mataa isaa qaba. Waan
nyaatuufi waan lagatu akkasumas yeroo nyaataafi
soomanaa kan mataa isaa qaba. Seerafi akkataa ittiin
waaqa kadhatus kan mataa qaba. Dirreewwan ulfoo kan
akka Jeerusaalemiifi Malkaa Yordaanosfaa, kan
ulfeessuufi kabaju kan mataasaa qaba.
Kunniin hundi immoo aadaa amantii kiristiyaanaa
midhagsaniifi gabbisaniidha. Namni tokko egaa yoo
amantii kiristiyaanaa fudhatu kanneen armaan olii, kan
amantiin kun qabu waliin fudhachuu qaba. Ta’uu
baannaan immoo seera amantichaa hin guunne waan
ta’eef kirstiyaana jedhamuu hin danda’u. Kan amantii
Islaamaas yoo fudhanne kan armaan olii waliin wal
fakkaata.
Kan nama dinqu immoo amantiwwaan kun lamaan
aadaa uffannaa, aadaa nyaataa, moggaasa maqaa, aadaa
fuudhafi heerumaa, ayyaanota waggaa, sirna
bulchiinsaa, dirreewwan ulfoofi dhugeeffannoo saba
biraa ni falmu. Cubbuudha yookaan hojii seexanaati
jedhuun. Sabicha waan sana hordofuun immoo waaqa
hin beeku jedhuun. Hojii seexanaa yookaan daabiloos
gaggeessu ittiin jedhu. Kun immoo mala ittiin aadaa,
eenyummaafi ol’aantummaa ofii amantii fakkeessanii
yookaan dawoo godhatanii balbal’ifataniifi aadaafi
amantii saba biraa ittiin balleessaniidha malee ajaja
Waaqaa miti. Kana hunduu hubatee wal hubachiisuu
qaba.
As irratti qabxii guddaan hubatamuu qabu walitti
dhufeenya aadaafi amantii saba tokkoo gidduu jiru
ta’uu qaba. Amantiin kamuu saba isaatiif sirriidha.
Kanaaf amantiin kanatu sirriidha, kun immoo
dogoggora jechuu hin dandeenyu. Waaqeffannaan
akkuma ummata Kuushiif sirrii ta’ee Islaamummaan
ummata Arabaaf sirriidha. Kiristiyaanummaanis waarra
Hibruutii sirrii ta’uu mala. Wanti guddaan wal
kabajanii, waan waliis kabajanii, waan ofii qabatanii, of
ta’anii nagayaan waliin jiraachuudha. Kiyyatu caalaafi
kiyyatu sirriidhaafi anatu siif beekaan hin barbaachisu.
Amantiin Waaqeffannaatis kana ni jajjabeessa. Mee
amma immoo walitti dhufeenya aadaafi amantaa ykn
dhugeeffannoo (Waaqeffannaa) Oromoo haa ilaallu.
Walitti Dhufeenya Aadaafi Amantii Oromoo
(Waaqeffannaa)
Ummanni Oromoo ummata guddaafi bal’aa, dur irraa
eegalee Kaaba Bahaafi Baha Afrikaa keessa jaarraa
Page 17
17 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
hedduuf jiraachaa tureefi jiraachaa jiruudha. Ummanni
kun erga hortee Kuush irraa latee akka sabaatti of
danda’ee jiraachuu jalqabee seenaa baay’ee dabarsee
jira, waan guddaas hojjatee jira. Baroota kumaan
lakkaawamaniif sirna Gadaatiin walbulchaa akka tures
seenaan ragaa baha.
Oromoon, amantii seera uumaafi uumamaa irratti
hundaa’e, Waaqeffannaadhan, bulaa turuun isaa waan
haaraa ta’ee walitti himuun nu barbaachisuu miti. Osoo
amantiin Kiristiyaanaafi Islaamaa hin jalqabin
durayyuu baroota dheeraadhaaf sirna amantii mataa
isaan bulaa saba tureedha, Oromoon.
Before the introduction of Christianity and Islam,
the Oromo people practiced their own religion.
(Oromtitti; ful.3)
Ummanni Oromoo wanta sabni biraa qabu kan mataa
isaa waan dhabe hin qabu. Aadaa, sirna bulchinsaa
(Gadaa), amantii (Waaqeffannaa), seenaa, afaan
duudhaa, falaasama, safuu, biyya, ilaalchafi qaroomina
mataa isaa kan addunyaa irratti isa boonsu qaba.
Aadaan, sirni bulchinsaa, amantiin, seenaan, afaan,
duudhaan, falaasamni, ilaalchifi qaroominni ummata
Oromoo immoo guddinaafi dagaagina ummata
gurraachaa keessatti bakka guddaa qaba, walitti
dhufeenya guddaas qabu.
Aadaafi amantiin ummata Oromoo safuufi seera uumaa
uumamaa akkasumas dhugaa waaqaa irratti hundaa’a.
Bu’uurri isaaniis seera uumaati, Safuu Waaqaa Lafaa.
Jiruuf jireenya ummata Oromoo keessatti safuu
beekanii ittiin buluun, seera uumaa-uumamaan
jiraachuun, dhugaa waaqaa beekanii ittiin jiraachuun
yookaan dhugaaf bakka kennuun iddoo guddaa qaba,
hayyummaa duraatis. Namni safuu beeku, namni seera
hawaasaa kabaju Oromoo biratti bakka guddaa qaba.
Aadaafi amantiin ummata Oromoo wal keessa jiru,
gargar hin bahan. Tokko tokko malee hin miidhagu.
Hundeefi bu’uurri isaanii Orommmaa, Kuushummaafi
Afrikummaadha. Amantiin ummata kanaa aadaa
ummata kanaan ibsama. Aadaan ummata Oromoo
amantii saba kanaa calaqqisiisa, dhugeeffannoofi
ilaalcha saba kanaa mul’isa. Aadaan ummata Oromoo,
amantii, dinagdee, siyaasaafi jireenya hawaasummaa
Oromoo walitti hidhee jira. Jiruuf jireenyi Oromoo
aadaafi amantii isaa irratti hundaa’a.
Akka walii galaatti aadaan ummata Oromoo aadaa
amantii isaati. Ummatoota Afrikaa baay’ee biratti
amantiifi aadaan isaa addaan hin bahu. Aadaan isaanii
amantii isaaniiti. Amantiin isaaniis aadaa isaaniiti.
Gabaabumatti aadaafi amantiin ummata Oromoo,
Waaqefffannaan walitti dhufeenya cimaa kan qabaniifi
eenyummaa Oromoo saba biraa irraa adda baasuun kan
ibsaniifi mul’isaniidha.
Amantii Oromoon durii kaasee itti bulaa ture, aadaa
Oromoon kuufatee qabu irraa kophaatti bahee
jiraachuu yookaan ilaalamuu hin danda‟u. (Yaayyaa;
ful.46)
Ayyaana Irreecha akka fakkeenyatti haa fudhannu.
Irreechi ayyaana Oromoo kan Oromoon waliin bahee
waaqaaf galata galchuudha. Waaqaaf galata galchuun,
waaqa kadhachuun, wal eebbisuun, irreecha
irreeffachuun guyyaa ayyaana irreechaa ta’iiwwan
murteessoodha. Guyyaa ayyaana irreechaa Abbootiin
Gadaafi Abbaan Qe’ee (Malkaa) waan hunda dura ni
eebbisu, waaqa kadhatu. Waaqaaf galata galchuun,
malkaa irreeffachuun amantiidha. Yookaan
dhugeeffannoo waaqa ittiin dhugeeffataniidha. Uffata
aadaa uffatanii, ulfaawwan qabatanii, irreecha qabatanii
irreeffachuun aadaadha. Waaqa kadhachuun amantii
dha. Akkaataan ittiin waaqa kadhannu, wal eebbisnu,
waaqa galateeffannuufi malkaa irreeffannu immoo
aadaadha.
Kanaaf ayyaanni irreechaa akkuma Faasikaafi Gannaan
ayyaana Kiristiyaanaa ta’eefi ayyaanni Idaalfaxir,
Mowulidaafi Arafaa ayyaana Islaamaa ta’an, ayyaanni
irreechaas ayyaana amantii Oromoo Waaqeffannaa kan
Waaqeffattooni (Oromoon) ittiin waaqa galateeffataniifi
ayyaana isaanii ittiin gabbifataniidha.
Ayyaanota akka Taabore, Gubaa, Elellee (Qaammee,
Qunnii daddarbaa) fi ayyaanota Oromoo tokko tokkos
yoo fudhanne aadaafi amantiin (dhugeeffannoon)
ummata kanaa akkuma ayyaana irreechaa yeroo isaan
wal tumsaniifi wal gabbisan argina.
Aadaa fudhaafi heerumaas fudhachuu dandeenya. Sirna
fuudhaafi heerumaa keessatti kaadhimannaa irraa
eegalee hanga gaa’ilatti adeemsi jiru safuufi duudhaa
hawaasaan wal qabata.
Oromoon sirna fuudhaafi heerumaa mataa isaa qaba.
Sirna kana keessatti milkii ilaallachuutu jira, „yaa waaq
soddaa gaarii nutti qabi‟ jedhanii waaqa kadhachuutu
jira. Misirroowwan lamaan eebbisuutu jira. Kun hundi
aadaas amantiis of keessaa qaba.
Oromoon sirna gaa’ilaa, sirba, faarruufi faaya adda
addaan miidhaqsa. Nyaataafi dhugaatii aadaan
bareecha. Kun hundi kan ta’u akka dhugeeffannoo
Oromootti. Yoo akkas ta’e aadaa fuudhaafi heeruma
Oromoo kan jedhamus.
Page 18
18 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Aadaa nyaataafi dhugaatis yoo fudhanne sanuma.
Oromoon waan nyaatuufi waan lagatu qaba. Akka
dhugeeffannoo Oromootti mana waaqaan (Jennata)
seenna yookaan cubbuu of irraa dhiquuf roobiifi
jimaata akkasumas ji’oota tokko tokko nyaata hin
lagatan ykn hin sooman. Soomuufi nyaata tokko tokko
lagachuun aadaa warra kiristiyaanaafi musliimaati.
Oromoon aannan dhuga, foon sangaa, foon hoolaafi
re’ee yeroo argatetti ni nyaata; yeroo tokko tokko
lagatee yeroo kaan hin nyaatu.
Akkuma warra kiristiyaanaa biratti wayiniin bakka
guddaa qabuufi warra Musliimaa biratti Tamirri bakka
guddaa qabu, Oromoo biratti bunni bakka guddaa qaba.
Bunni nageenyaafi araara, yeroo waaqa kadhataniifi
ayyaana ofiifi ayyaana dirree ofii kadhatan buna
dhaabu. Bunni araara jedha Oromoon. Ayyaana
ofiitirree buna dhaabanii damboomfatu.
Aadaa hojiis yoo fudhanne amantiin walitti dhufeenya
guddaa qaba. Akka dhugeeffannoo Oromootti
carraaqqachaa yookaan tattaaffachaa Waaqaan keessa
naaf ooliin waanuma jiru. Hojjatanii argachuun waan
mishaadha. Qabeenya horanii qabaachuunis
hammeenya hin qabu. Akka warra tokko tokkoo
dureessi mana waaqaa hin seenu jedhee sodaa hin qabu.
Carraaqanii argachuun misha. Taa’anii Waaqa
komachuun fafa. Kadhattuu ta’anii namummaa ofii gadi
buusuun harka namaa eeggachuun salphina. Hojjatanii
osoo argachuun danda’amuu maqaa Waaqaa yaamanii
kadhachuun salphina guddaadha. Nama tattaafatu
Waaqni ni jaalata jedha Oromoon.
Guyyaa hunda yoo hojjatan, akka dhugeeffannoo
Oromootti Waaqni hin dheekkamu. Warri amantii biroo
hordoofan tokko tokko garuu guyyaa tokko tokko yoo
hojjatan Waaqni ni dheekkama, bakakkaan nama adaba
jechuun hojii hiikanii taa’aa oolu. Kana irraa wanti
hubachuufi xiinxaluu dandeenyu aadaan hojiifi
amantiin hangam akka walitti dhufuufi wal qabatuudha.
Aadaa moggaasa maqaas yoo fudhanne sanuma.
Maqaan mallattoo eenyummaati. Nama biraa irraa adda
baanee kan beekamnu maqaa keenyani. Namni maqaa
hin qabne eenyummaa hin qabu.
Oromoon aadaa moggaasa maqaa kan mataa isaa qaba.
Akkaataafi waan irraa ka’ee ilma/intala isaaf maqaa
moggaasu qaba. Fakkeenyaaf ilma gara galgala waarii
dhalate Waariyoo jedhee waama. Ilma gara fulduraaf
abdatu immoo Abdii jedhee moggaasa. Kaanin Tolaa,
Leensaa, Caaltuu, Badhaadhaa, Badhaatuu, Magartuu,
Gammachuu…. jedha.
Maqaawwan Oromoo kanneen balleessuun eenyummaa
Oromoo balleessudha. Fakkeenyaaf nama tokko
maqaan isaa Raajii, Biiftuu, Gulummaa... yoo ta’e
salphumatti namni kun Oromoo ta’uu isaa barra.
Jarreen kana maqaan isaanii jijjiiramuun maqaan isaanii
yoo Muktaar, Mohaammed, Gizaachaw, Gebre
Igziyabiher, Bekele, John, Kiddist, Raahel, yookaan
Isiraa’el- faa ta’e akka duraa salphaatti Oromoo ta’uu
isaanii hin barru.
Egaa amantiiwwan alaa dhufan, maqaan hammam
eenyummaafi aadaa nama tokkoofi saba tokkoo ibsu
waan hubataniif maqaa Oromoo balleessuu irratti
xiyyeeffatan.
Warri Ortodoksii Oromoota yoo Cuuphan (Kiristinnaa
kaasan) maqaa kiristinnaa jedhanii Gabra Tsadik, Gabra
Igziyabiher, Walatte Maariyaam….faa itti moggaasuun
kirrii mormatti hidhu.
Warri Musliimaas yeroo Oromoo Musliima taasisan,
quba qabanii, maqaa Arabaa kanneen akka Kedir,
Ahmed, Mohaammed, Kedijjaafi kkf itti moggaasu.
Warra Pirotestaantiis yoo ta’e kan godhaa jiran kanuma.
Ijoollee keenyaaf maqaa kiritiyaanaa baasna jedhanii,
maqaa warra Yihudaan moggaasaa jiru. Yohaannis,
Ermiyaas, Abrahaam, Phaawuloos, Saaraa, Maartaa,
Maaranaataa, Eliyaas, Daawit……. jedhanii ijoollee
isaanii maqaa ormaa itti moggaasaa jiru. Akkanaan
egaa maqaan Oromoo sababa amantiin badaa jira yaa
jarana. Dubbiin dubbii amantii qofa miti. Waatu duuba
jira. Waatu duuba jiraa jarri maqaa keenya balleessee
kan isaanii nutti moggaasa. Oromoo tokko wanti inni
maquma isaa, Caalaa, Badhaadhaa, Boonaa,
Magartuu, Obseefikkf qabatee Musliima ykn
Kiristaana ta’uu isa dhoowwu maali? Mee itti yaadaa.
Walumaa galatti aadaan Oromoo amantii yookaan
dhugeeffannoo Oromoo waliin kan walqabateedha.
Aadaafi amantii saba Oromoo yoo keessa gadi buunee
hubanneefi xiinxalle, walitti hidhamaafi hundee tokko
irraa kan burqaniidha. Hundeen isaaniis Oromummaa,
Kuushummaafi Afrikummaadha
*****
Hin Miidhagu
Manni utubaa malee,
Magaalan ibsaa malee,
Barachuun barsiisaa malee,
Jaalalli fedhii malee,
Fuuti hiriyaa malee,
Dacheen biqiltuu malee,
Lagni bishaan malee,
Page 19
19 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Gaarri bosona malee,
Namni nyaata malee,
Qaamni uffata malee,
Kolfi hiriyaa malee,
Taa’uun iddoo malee,
Birraan abaaboo malee,
Fardi kooraa malee,
Biyyi lammii malee,
Hawwiin humna malee,
Jaartiin jaarsa malee,
Hojiin karoora malee,
Niitiin dhirsa malee,
Miilli kophee malee,
Qabeenyi beekumsa malee,
Oromoo Gadaa malee, hin miidhagu.
****
Waaqeffannaa
(Lammaa Gammachuu – tiin)
aaqeffannaan amantiidha. Amantii ganamaa
kan dur irraa sa qaariteedha. Ilmi namaa
akkuma jalqaba Afrikaatti uumame, sirni
amantiis kan jalqabe Afrikaatti. Bu’uurri
amantiiwwan akka Kiristiyaanaafi Islaamaas
Waaqeffannaa ta’uu waan shakkisiisu hin fakkaatu.
Waaqeffannaan dhugeeffannoo uummata Oromoofi kan
warra Kuushi. Amantii seeraafi safuu uumaafi
uumamaa tiksuudha. Akka amantii tokkootti
Waaqeffannaan; akka aadaa, safuu, seera, duudhaafi
heera ofiitti buluudha. Waaqeffannaa keessatti, akka
saba keetti jiraachuu qabda malee orma fakkaachuun
hin barbaachisu. Of ta’anii ayyaana ofii, ayyaana dirree
ofiifi waaqan buluun seera uumamaati.
Waaqeffattoonnis warra akkanatti bulaniidha. Isaan
warra ayyaana isaanii, ayyaana dirree isaaniifi Waaqan
buluuniidha.
Akka ilaalcha Oromootti Waaqa duuba homtuu waan
hin jirreef, Waaqeffannaa jechuun waaqa ofitt anfannaa
jechuudha. Oromoon dur irraa kaasee Waaqeffataa
ta’uu isaa seenan ragaa baha. Abbootiin keenyallee
kanuma dubbatu. Kana malees gochaaleen amantii
Waaqeffannaa qabatamaan Oromoota hedduu birratti
raawwatamaa jiraachuu isaa ni mul’ata. Oromoo qofa
miti amantiiwwan har’a addunyaa dhuunfatan osoo hin
babal’atin dura namni kamuu waaqeffataa ture.
Waaqeffannaan immoo amantii biraan dhiibamee laafe.
Laafus bade hin barbadoofne. Dhugaa waan ta’eef hin
badu. Onnee Oromoo hedduu keessaa har’ayyuu hin
badne.
Waaqeffataa ta’uun of ta’uudha. Of ta’uun immoo seera
uumamaati. Namni tokko of ta’e kan jedhamu yoo seera
duudhaa ganamaa, duudhaa abbaafi Haadha isa yoo
hordofee, safuu hawaasaa keessaa hin bahin of ta’e
jedhama. Kana malees yoo duudhaa isaa dhiisee
amantii alaagaa hordofe of hin taanee jechuudha. Fkn
xaafii yoo facasne xaafumatu biqila, boqqoollos yoo
facasne sanyuma isaat biqilcha. Kanaaf wanti lafa
kanarratti agarru hundinuu seera ofi irra hin goru.
Yeroo baay’ee yoo ilaallu namni safuu irra yoo goru
argina. Safuun seera Waaqeffaannaa keessatti gahee
olaanaa qaba. Safuun seera uumaa uumama jidduu
jiruudha. Kanaaf namni safuu cabse safeefamaa
jedhama. Oromoon safuu safeeffata yoo Waaqni roobuu
dide safuun karaa irraa dabuu isaati. Kanaaf yoo
manguddoon malkatti bahee Waaqa kadhatu waaqni
yeruma sana rooba. Kanaaf safuu dabe sanaaf dhiifama
gaafatan jechuudha.
Akka amantii Waaqeffannaatti Waaqni tokkicha, hin
dhalchu/dhalu, hin dhalatu, saalli isaas waan beekamu hin
fakkaatu. Yeroo baay’ee garu saala dhiiraan waamu, hin
mul’atu, nama waliin taa’ee hin haasawu (karaa
ayyaanaan nama qunnama), hin dulloomu, hin du’u;
jiraataa bara baraati. Waaqni waan guddaadha. Inni abbaa
uumama hundaati. Waan fedhes kan gochuu danda’uudha.
Kan amma isaa gahuufi dorgomaa isaan morku tokko hin
qabu. Hundaa ol kan aangoo qabuufi abbaan dhugaafi
abbaan uumama hundaa isuma. Humna guddaa addunyaa
tana sochoosudha. Kan beekamus gocha isaatin.
Waaqni uumaadha. Uumama Walaabuu kana hunda kan
uumeefi kan uumuu danda’u isuma. Waan hunda fedhii
isaatiin jaalatee uume. Kan fedhii Waaqaan ala, fedhii
ofiin, uumame tokko hin jiru. Uumamni walaabuu marti
fedhuma Waaqaan uumaman.
Waaqeffataan yeroo waaqa isaa kadhatu:-
Yaa Waaqa
Waaqa Uumaa
Waaqa Uumamaa
Gurraacha garaa garbaa
Tokkicha maqaa dhibbaa
Lemmoo garaa Taliilaa
Sagaltaman gabraa
Saglan Booranaa
Waaqa jechuun kan hundaa
Lafa jechuun kan hunda
Yaa waaq kan bobbafanne nagaan nutti galchi
Tiksee xiinxira godhi
Hidda Allaaduu godhi jedhee Waaqa isaa kadhata.
Waaqeffataan Waaqafi Dacheedhaaf iddoo ol’aanaa
kenna. Akkuman kanaan olitti isinii tuqetti, Waaqni
uumma uumama maraati. Dacheen immoo qotanee irraa
W
Page 20
20 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
nyaanna, jireenyan irra jiraanna, duunus du’aa keenya
baatti kanaafuu kan akka dacheefi haadhaa nama
danda’u hin jiru. Oromoon abbaa Waaqa, haati
dacheedha kan jedhuuf waa malee miti. Namni tokko
abbaa malee hin dhalatu. Haatisaa akkasuma kan ji’a
sagal garaatti nama baattu malee harma nama
hoosisuudhan dugdatii baattee guddisti. Kanaaf
Waaqeffatan hanguma abbaa isaa ulfeessu haadha isaas
ulfeecha
*****
Ayyaantuu
(Abbaa Muudaa Gadaa Tuulamaa
Dabbabaa Girmaa-tiin)
Maalummaa Ayyaantuu
yyaantuu jechuun nama afuurri ykn ayyaanni
Waaqaa irra bule jechuudha. Kana jechuun
nama afuura Waaqan guutame jechuudha.
Ayyaantun dhugaa; kan hin sobne, kan hin
falfalle, kan dhugaa Waaqaa dubbatu, kan
dhugaadhan nama araarsu, yoo rakkatan kan nama
gargaaru, yoo beela’an kan beela nama baasu, yoo
dheebotan kan dheebuu nama baasu, yoo daaran kan
daara nama baasu, bakka bu’aa Waaqaati.
Ayyaantuun qabeenya namaa hin barbaadu. Sin fayyisa
jedhee ayyaana Waaqni kenneef dawoo godhatee
malammaltummaa hin hojjatu. Ayyaantun dhugaa
qabeenya isaa dabarsee rakkataaf laata, uffata lama yoo
qabaate tokko rakkataaf dabarsee kenna. Waaqa
tokkichatti amana. Afuura ykn ayyaana Waaqni isaaf
kenneen kan buluudha. Namni tokko dhukkubsatee yoo
isa bira dhaqe Waaqni siyaa fayyisu jedhee eebbisuun,
qulqullummaa isaatiin Waaqa kadhateefii kan fayyisu
jechuu dha.
Ayyaantummaan akkamitti argama?
Namni tokko fedhii isaatiin ayyaantuu ta’uu hin
danda’u. Ayyaantuu ta’uun kan danda’amu arjummaa
Waaqatiin. Warri ayyaantuu ayyaana ittiin hawaasa
tajaajilan kan argatan maallaqa baasanii kan argatan
osoo hin taane Waaqni qulqullummaa isaanii hubatee
bakka buutota kooti, afuura koo ta’aa ummata kana
keessa naaf jiraadhaa, jedhee kan muudedha.
Ayyaantuu ta’uuf jalqaba namni tokko qulqulluu ta’uu
qaba. Qulqullummaan ulaagaa warra ayyaantuu keessaa
kan jalqabaati. Kana jechuun ammoo cubbuurraa of
eeguun, sobarraa fagaachuun, loogii hojjechuu dhiisuufi
safuu eegudhaan kan argamuudha.
Ayyaantummaan hidda dhalootaatiin kan darbu malee
guyyaa keessa kan argamuu miti. Dhaloota
qulqullummaa ofii eeggatu keessatti abaabileerraa gara
akaakileetti, akaakileerraa gara akaakayyuutti,
akaakayyuurraa gara abbaatti, abbaarraa gara ilmaafi
intalaatti dabaree dabareedhaan kan taru yoo ta’u,
dhaloota qulqullummaa ofii hin eegganne keessatti
ammoo ayyaanni diroo dabareen as gahe kun ni
dhaabbata. Ayyaantichi cubbuu hojjete ykn seera
ayyaantuun ala deeme sun dheekkamsa ayyaana isaa
irraa kan ka’e ni du’a jechuudha.
Agadaayii
Agadaayii jechuun adeemsa yoo ayyaantun seera
ayyaanaa cabsee lubbuun isaa darbe dhaloonni isa
boodaa ayyaana san deebisanii araarfachuuf barbaacha
taasisan jechuudha. Kana jechuun barbaaddataafi
araarfannaa ayyaanaa jechuudha.
Karaa biraatiin agadaayin harka dhiqannaa ykn gumaa
baasuufi hirmii tufuu jechuudha. Akkuma yoo nama
ajjeesan gumaa baasan sana ayyaantun tokko yoo seera
ayyaanaa irraa maqee dheekkamsa ayyaana isaatin
lubbuun isaa darbe dhaloonni ayyaantuu sanii
balleessaa ayyaantichi raawwate sanaaf gumaa baasuun,
nuti lammata isa hin yaadannu hirmii tufnee jirra, ati
garuu nutti araarami jechuun harka dhiqatanii araarftu.
Raawwannaa Sirna Agadaayii
Agadaayiin sirna mataa isaa qaba. Guyyaan sirnichi itti
raawwatamus guyyaa Wiixata/Hojjaa duraati. Guyyaan
kunis guyyaa ayyaana Ekeraa jedhama. Guyyaa kana
miseensonni Gadaa shananii ykn Gadaan duraafi
duubaa argamanii dhaloota ayyaanticha du’ee gumaa
baasisu. Miseensonni Gadaa kun erga gumaa baasisanii
booda seera itti tumu. Yeroo seera tumanis akkana
jechuun seera itti tumu;
kunoo warri kun gumaa baasanii, cubbuu fixatanii,
harka dhiqatanii, dhugaa baasanii, balleechaa qaban
ofirraa fixatanii ayyaanni isaanii ni galaaf, ayyaana
abaabileeti, ayyaana akaakileeti, hin jal‟atu, hin dabu,
qulqullaa‟ee galaaf, Waaqa Caffee Tumaati, Hidda
Odaa Nabeeti, Waaqa Alangee shananiiti, Waaqa
Waraana shananiiti, qaraa gadi, jiffuu ol, seeraa
tumne, gumgumni hin jigsu, lallabni hin balleessu.
Sana booda mareewoo jechaa gara godoo fooqaa galu.
Achitti ayyaanni tumaa hin darbu, ni bu’a yoo bu’uus
baate mallattoo ni agarsiisa. Ayyaanichi yeroo bu’u ykn
dhiyaatu bardii /hidda/bakka dhaloota isaa ni himata.
Sana booda dhaloonni ayyaanticha ayyaanni itti bu’e
ykn mallattoon irratti argame bardii /hidda/ ayyaanni
himate sana deemanii ykn hordofanii qajeelfatu.
A
Page 21
21 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Erga bardii deemanii ayyaana qajeelfatanii booda
ayyaana galmattiin galatan. Guyyaa ayyaana galmatti
galfatan horii hulluuqqoo kan jedhamu sa’a guddaa
balbalarratti qalamu qopheessanii, ayyaantichi ayyaanni
itti dhiyaate sun uffata baafatee qullaa isaa luka afran
sa’a hulluuqqoo kanaa gidduu ba’ee gala. Achi booda
galee galma jala taa’ee miseensonni Gadaa ammas;
Har‟aa kaasee namni Kun dhara hin dubbatu, dharri
arraba isaatii hin ba‟u, dharaan namarratti ragaa hin
ba‟u, arraba ayyaana isaatiin hojjeta, barruu ayyaana
isaatiin hojjeta, harki isaa yoo nama tuqe qoricha,
arrabni isaa yoo nama eebbise nama horsiisa, kan
dhibame ni fayyisa, abaaru ni cubbisa jechuun seera itti
tumu.Miseensonni Gadaa shananii cubbuu fixate
jedhanii erga itti amananii seera itti tuman. Sana
booddee ammoo ogeeyyota sibiila tumaniin Irroofi
Caasaan harkarratti hidhamaaf. Guyyaa kanas
miseensonni Gadaa shananii seera itti tumu.
Itti aansudhaanis malkaa bu’ee siidaa fidachuun oddoo
galma isaa keessatti dhaabbata. Guyyaa kanas Gadaan
akkas jechuun siidaa kanatti seera itti tuma. Siidaan
malkaa gale kun ayyaanni malkaa tulluudhaa gale,
waaqa malkaati waaqa tulluuti jechuun malkaa
agarsiisa waan ta‟eef waaqni malkaa tulluu akka siidaa
kana dhaabbatetti ni dhagahaaf, waaqni ni
dhaabbataaf jechuun eebba kennuuf. Guyyaa kana
booda ayyaantuu ta’uun isaa ni mirkanaa’a. Hawaasas
tajaajiluu eegala.
Walitti dhufeenya ayyaantuufi Gadaa
Ayyaantuufi Gadaan walitti dhufeenya guddaa qabu.
Ayyaantuu qulqulluun tokko Abbaan Gadaa tokko yoo
aangoo fudhatu waadaa seensisa. Akkaataan itti waadaa
galchus;
Dhugaan biyya bulchitaa?
Biyya ni guddistaa?
Hin loogduu?
Safuu biyyaa ni eegdaa?
Cubbuu hin hojjettuu jedhee waadaa galcha.
Ulaagaa Ayyaantun tokko guuttachuu qabu
Ayyaantuun tokko;
Bardii /hidda dhalootaa/ qabaachuu qaba.
Miseensa Gadaa shananiitiin ykn Gadaa duraa
duubaatiin tumaa qabaachuu qaba.
Gabbara qabaachuu qaba
Birbirsi Tulluudhaafi Hindheen Malkaadhaa
kan galeef ta’uu qaba.
Siidaa malkaadhaa gale qabaachuu qaba.
Galma mataa isaa qabaachuu qaba.
Ayyaantuun Oromoo qulqullumaan Waaqa kadhachuun
Waaqa kan namarraa araarsuufi yoo dhukkubsatanii
bira dhaqan, yaa Waaq ati barruu keetin
qaqqaadhuutiii naa fayyisi jedhee kan Waaqa namaaf
kadhatu malee qoricha adda addaa nama hin obaasu,
xabala jedhee bishaan nama hin obaasu, kitaaba adda
addaa dubbisee ati akkanatti fayyitaa kana naaf godhi
hin jedhu, ati yaa Waaq urjii jala dhaabbadheetan si
kadhadhaa, biiftuu Waaqaa jala dhaabbadheetan si
kadhadhaa erga dhuftee narra bultee nama kana fayyisi
jedhee qulqullummaan kan Waaqa kadhatuudha.
Ayyaantuu Oromoo ayyaantuu biraa irraa kan adda isa
godhu Tumaa Gadaadhaan qabaachuu isaatifi
Gadaadhanis kan adda hin baane ta’uu isaa agarsiisa
*****
Oduu Durii
Bara durii hantuuta gar-malee boonu tokkotu ture.
Hantuutni kun hantuutota biroo ni tuffata. Kanaaf gosa
hantuutaa keessaa bahee intala maatii cimoo ilma isaatti
fuusisuu barbaade Erga taa’ee yaadee booda addunyaa
kanarratti waan hunda caalaa cimaan aduu ta’uu
mirkaneeffate. Kanaaf intala aduu ilma isaatiif
kadhachuuf gara warra aduu deeme.
Deemsa torban tokkoo booda mana aduu gahe.Warri
aduus erga keessumsiisanii booda karaa sana hunda
kutee maaliif gara isaaniitti akka dhufe gaafatan. Innis
akkas jedheen, “Ani gosa hantuutaa keessaa nama
cimaadha. Gosti hantuutaa cufni anaan hin gittu. Intala
hantuutaa ilma kiyyatti fuudhuun gaarii natti hin taane.
Kanaafan cimina keessan ilaalee intala keessan ilma
kiyyaa kadhaa dhufee na oofkolchaa”jedheen.
Warri aduus erga haasawa isaa dhaggeeffatanii booda,
“Yaadnikee nuu galeera. Akkuma ati jette nuti
cimoodha. Cimina keetis hubanneerra. Intala keenya
ilma keessanii kennuu hin jibbinu. Garuu namichi
duumessa jedhamu tokko nu caalaa waan cimaa ta‟eef
osoo intala isaanii gaafattanii gaaridha” jedhaniin.
Innis ka’ee warra duumessaa deeme. Hantuutichi qe’ee
duumessaa ga’ee gaaffii isaa akkuma duraa dhiyeesse.
Warri duumessaas “Gaaridha. Intala teenya osoo ilma
keessaniif kenninee gammachuu guddaa arganna.
Garuu namni nu caalaa cimaa ta‟e, kan asiifi achi nu
facaasu, namichi qilleensa jedhamu tokko waan jiruuf
osoo intala isaanii gaafattanii gaariidha” jedhanii
geggeessan.
Hantuutichi ammas ka’ee gara warra qillensaa deeme.
Innis ganamaan qe’ee qilleensaa ga’e. Warri qilleensaas
“seenaa” jedhanii waan dhufeef gaafatan. “Ani
Page 22
22 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
hantuuta beekamaadha.Hantuuti hanga koo cimaan
hin jiru. Isinis cimina guddaa qabdu. Kanaafan intala
keessan ilma koof kadhachuu dhufe” jedheen. Warri
qilleensaas “Gaafiin kee gaariidha. cimina kees
hubanneerra. Garuu nuti cimina guutuu hin qabnu.
Waan cufa injifannee tulluu sochoosuu
dadhabne.Tulluun haalan nu caalaa cimaa dha.kanaaf
otoo intala isaa kadhattanii isinii wayya.” Jedhaniin.
Innis boonaa gara warra tulluu deeme.Manni tulluufi
manni hantuutichaa wal bira ture. Duraanuu waan wal
beekaniifis yeroo inni dhaqu warri tulluu sirnaan
keessummeessan. Erga taphataa turanii booda hantuutni
gaafii isaa dhiheesseef. “Nuti duruu ollaa dha. Cimina
kiyya ni beektu. Anis wantoota addunyaa kanarra jiran
keessaa cimina dhumaa kan qabu isin ta‟uu
hubadheera. Kanaafan intala keessan ilma kootif
kadhachuu dhufe” jedheen.Warri tulluus gaafii isaa
erga dinqisiifataniin booda akkas jedhaniin, “Akkuma
ati jette nuti cimoodha. Addunyaa kana keessaa wanti
nu sochoosu hin jiru. Garuu hantuutni garaa keenya
uree nu keessa deema. Kun immoo hantuutni nurra
cimaa ta‟uu mul‟isa. Kanaaf yoo warra cimaa
barbaaddan nurra warra hantuutaa isiniif wayya”
jedhaniin. Hantuutichis naanna’ee erga jooree jawaaree
booda, “edaa jabaan nuyii?” jedhee gosuma isaatti
deebi’e jedhama
Gadaafi Irreecha
(Caalaa Soorii-tiin)
irna Gadaa jaarraa d heeraaf sirna bulchiinsa isaa
diriirsee ummata Oromoo bulchaa kan ture
lafumaa ka’eetii miti. Qaroomina ummata Kuush
keessatti Oromoon akka saba tokkootti yoo of
danda’ee bahu, sirna bulchiinsa isaa Gadaa
tolfatee walqixxummaafi mirga ilmaan namaa booda
biyyi Giriik maqaa Dimokiraasii jedhu itti moggaastee
kan ofii taasisiste maddi isaa ummata kuush ta’uu isaa
seenan ifa baasaa dhufee jira. Ummata kuush keessaa
sirna bulchiinsaa qabaatee duudhaalee aadaa isaa ittiin
eegaa jiru Gadaadha.
Taabor Waamii Kitaaba isaanii “Ye-Wigganaa
Dirsatoochinnaa Ye- Taarik Iwinatooch” jedhu Kan
afaan Amaaratin barreesse hiikni isaa akkana jedha.
Ummatni Kuush bara durii irraa kaasee abbaa
ardii gurguddaa sadanii kan ture, sanyii ilmaan
namaa qaroomina aadaa, ogummaa hojii uumee
(aartii) mootummaafi bu‟uura seeraa kan kaa‟e,
Wiirtuwwan daldalaa kan dhaabe, addunyaa
gurguddoo har‟aatif Amantaalee, Qubeefi
argannoo saayinsiif tekinooloojii bu‟uura kan
dhaabe, Garba (galaana) gurguddoo qaxxaamuree
jiddugala Ameerikaatiif qaroomina ogummaa isaa
kan gumaache abbaa seenaa guddaati, Kana
keessaa sabni guddaan tokko Oromoodha.
Ummatni Oromoo qaroomina dur irraa kaasee osoo
gadi hin lakkisin har’aan gahe keessaa inni guddaan
sirna Gadaati. Duudhaa Oromoon qabu hundas kan
ittiin tiksu Gadaadha. Duudhaalee ummatni Oromoo
qabu keessaa tokko irreecha. Irreechi mallattoo
eenyummaa ummata Oromoo kan ittiin ibsamu sirna
guddaadha.
Gadaafi irreecha addaan baasanii ilaalun hin
danda’amu. Gadaan yoo eebbisu hunda marga harkatti
qabata. Margi irreecha. Keessattuu yoo waaqa
kadhataniifi yoo galata waaqa galchan irreechan
kadhatu. Gadaan kamiiyyuu yoo aangoo walitti dabarsu
duudhaa kana hin hiri’su.
Kanaafuu sirni Irreechaa Tuulama keessatti waggaa
waggaadhan Hora Harsadiitti kabajamu Abbootii
Gadaatin hoogganama. Abbaan Malkaa eebba dura yaa
eebbisuu malee sirnicha jalqaba irraa kaasee hanga
dhumaatti kan hoogganu Gadaadha. Keessattuu irreechi
birraa malkaa adda addaatti kabajamu, sirna amantii
Waaqeffannaa aadaa guutudhaan kabajamuudha.
Irreechi Aadaadhamoo Amantiidha?
Gaafiin kun namoota heddu wal mormisiisaa jira.
Namni gaariin irreechi aadaadha jedha, gariin immoo
irreechi amantiidha jedha. kuun immoo aadaaniifi
amantiin kophaa kophaa jiran jedhu. Namootni gara
biroo immoo aadaaafi amantiin addaan hin bahan,
walkeessa jiru jedhu.
Wal mormii yaada namootaa kana ifaan kaa’uf
gaafilee armaan gaditiif deebii kennuun
barbaachisadha.
Aadaa jechuun maal jechuudha?
Amantii jechuunhoo maal jechuudha?
Irreecha jechuun maal jechuudha? Akkamitti
ibsaman?
Namoota hedduu biratti aadaan mataa isaatin akka
sochii aartiifi hambaa qofatti hubatamaa ture. “The
World Encyclopedia” hiikaa aadaa haala kanaan
kenna.
“Culture we often use, the word cultured to
describe a person who appreciate painting picture,
writing litreture, or music. But in the social
science culture has different meaning in the
broadest sense. It refers to all distinctively, human
activities and includes achievements in every field
of life, which man passes on generation to the next.
S
Page 23
23 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Culture means such activities as using Language
getting married, bringing up children, earning a
living, running a government, fighting a war,
taking part in relgious ceremonies etc. A Culture
as the sum total of the ways of life”
Hiikni isaas, jecha aadaa jedhu namootni hojii
ogummaa aartii, fakkii, muuziqaafi ogbarruu qofa
godhanii ilaalu. Aadaan garuu hiika hedduu kan
qabuudha. Hojii ilmaan namaatin uumaman jiruufi
jireenya ilmaan namaa ogummaa hunda keessatti
mul’atu kan dhaloota irraa dhalootatti dabru kan akka
afaan, fuudhaa heeruma , ilmaan horachuu,
gaggeessummaa mootumma, ogummaa waraanaa,
ayyaana amantii keessatti qooda fudhachuufikkf dha.
Aadaan dimshaasha jiruufi jireenyati.
Ibsa kana irraa wanti hubachuun danda’amu irreechis
kanuma keessatti kan hammatamu ta’uu isaati. Aadaafi
amantii addaan baasanii ilaalun hin danda’amu. Aadaa
keessatti amantiin ni calqqisa, amantii keessattis aadaan
ni calqqisa. Irreeffannnaan sirna amantii Waaqeffannaa
Oromoo keessaa isa tokko haa ta’u malee,
Waaqeffannaan matuma isaatinuu aadaa keessaa
madda. Aadaa Oromootin kan guutameedha.
Irreechi aadaadhamoo amantiidha, kan jedhuuf kan
armaan olitti ibsame deebii gahaadha jedheen amana.
Irreechi mallattoo Oromummaati, kan ummatni
Oromoo keessatti of ilaalu. Duudhaa aadaa isaa kan
ittiin ibsatuudha.
Aadaan Amantii of keessa hin qabne hin jiru, amantiin
aadaa of keessa hin qabnes hin jiru. Fkn Sirna gaa’ela
Oromoo keessatti aadaafi amantii haa laallu
Aadaa
Sirba shamarranii, kan misirroo fuudhu ittiin faarsan,
irboon ittiin sirban, weelluu mararoo, dhiibbaa dhirsi
yoo fuudhe hiriyaa isaanii irraan gahuuf quuqama
qaban arrabsoofi kkf
Dheechisa dargaggootni misirroota ittiin faarsan kan
gaggeessaafi simannaa, uffata aadaa qaba.
Misirrittii osoo gaangee irraa hin teessisin akka aadaa
Oromootitti fardarra teessisu, yoo galtu itillee irraa
teessisanii hiddii ukatti naqu, kun aadaadha.
Amantii
Gurbaan fuudhu yoo manaa bahu ulfaa muuda, eebba
fudhata, aarsaa Waaqaaf qalee biluu addaan tuqatee
bahu, yoo malkaa cehu fardarraa bu’ee irreeffatee
deema. Manguddoonni sirna kana qajeelchafii deemu.
Sirni awwaalichatis akkasuma amantiifi aadaadhan
walmakee raawwata. Sabni kamuu sirna awwaalchaa
akkataa aadaa isaatiin raawwata. Haala boochisaafi
boo’aa walaloo qaba. Yedalloo qaba. Sochii qaba.
Nama gaddarra jiru haala aadaa isaatin haasofsiisu, ykn
tapachiisanii gadda irraanfachiisu.
Irreechi Hora Harsadiitti waggaa waggaan kabajamu
fakkeenyawwan armaan olirraa kan adda ta’ee miti.
Aadaan bal’inaan kan keessatti calaqqisuudha.
Kallatti Waaqeffannaatin wantootni mul’atan;
Ulfaa kallachaafi caaccuu, Siiqqeefi Bokkuu,
Okolee (Ciicoo) qabatu.
Faaruu Waaqaa, mareehoo, gabbisayyoofi
faaruu adda addaa.
Sirna eebba,
Haala irreeffannaa, daraaraa keelloofi marga
jiidhaa kan namni kamuu hin lagatne, mana
mana ofii keessatti yoo buna daffisan kan itti
fayyadaman qaba.
Kallattii aadaatiin wantootni mul’atan;
Hiriira aadaa dheechisaan ajjabamu, uffatni aadaa
guyyaa kana mul’atu,
Haal tolfannaa rifeensa mataa shammarraniifi
dargaggoo,
Haala dargaggoonni ilkaan rigachaa shamarran itti
ilaallataniifi dubbisan,
Haala itti nagaa wal fuudhan (itti waldhungatan),
Haala faayefannaa shamarranii, Alboo miilarra
kaasee hanga faaya mataa gahutti,
Haala itti dargaggoonnifi shamarran walitti sirban,
Haala warri fardaa itti irreecha dhufu, faaya fardaa,
uffannaa warra fardaa, lamdii affaarroo, gaachana,
gambaallee, eeboofi Shimala,
Haala garmaama fardaa, darbannaafi qolannaa
gaachanaa,
Faaruu fardaa (Fkn eemmolee yaabbaa fardaa bulee
soori gombisa dhaqnaa…)
Dheechisa foollee (Foollisa) Horooroo Foollee,
Mallattoo foollee (Baallii)
Irreechi duudhaa aadaa Oromoo kan ta’e seenaa,
hambaa aartiifi afoolaan kan guutameedha. Aadaan
kana hunda amantaa wajjin walitti qabee kan
oogganuufi tiksu immoo Gadaadha. Kanaafuu
Irreechafi Gadaa, aadaafi amantaa akka duudhaa
Oromootti addaan baasanii ilaaluun hin danda’amu.
Erga walitti dhufeenya Gadaafi Irreechaa hangana
jennee mee amma Gadaa Tuulamaa gabaabinaan haa
ilaallu. Kan iddoo biraa yeroo biraa itti deebina.
Gadaa Tuulamaa
Page 24
24 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Tuulamaa Godinaalee Shawaa afran keessatti kan
argamu ta’ee daangaan isaatis dhihaan Macca, Kibba
dhihaan Jimma, Kaaban Laga Abbaayi, Bahaan
Karrayyuufi Kara kibbaatin Arsiidhan kan
daangeffamuudha. Lafa bal’aafi ummata bal’aa kan
qabuudha. Teessoon mootummaa biyya kanaatis
handhura Tuulamaa, Finfinneedha.
Gadaa Tuulamaa kana hundee irraa balleessuuf
moototiin Habashaa kanneen akka Saahila Sillaasee,
Minilikfi Hayila Sillaasee waraana hedduu itti
bobbaasanii ardaalee jilaa isaatis dhaabbata adda
addaafi Bataskaana irratti ijaarudhaan mallattoo
eenyummaa Oromoo, lafa maqaa Oromootin
waamamanis ta’ee maqaa namaatis jijjiirudhaan aangoo
isaanitti fayyadamuudhan waan barbaadan hunda irratti
raawwatanii jiru.
Gadaan Tuulamaa gochaa bara dheeraaf irratti
gaggeeffame kanaan baduu hin dandeenye. Dhiibbaa
sana hunda keessa darbee har’a of cimsee Abbootii
Gadaa Oromoo mara waliin walitti dhufeenya isaa
cimsatee jira. Jiddu galli teessoo isaa dur Odaa Nabee
ta’ullee, haala teessuma ummatichaatiin Gadaan achi
taa’ee hojjachuuf mijaawaa ta’ee hin argamne. Lafti
isaa qote-bulaadhan qabamee jira. Kana malees har’a
haala ammayyaa keessa jirru kanaan guddina Gadaan
irra gahe bu’uura godhachuudhan gaa Gadaa Magaalaa
Bishooftuu keessatti hundeeffate jira. Rakkoolee
hawaas – diinagdee furuu keessattis waan guddaa
hojjachaa jira. Walitti dhufeenya Abbootii Gadaa
Oromootifis wiirtuu ta’ee jira. Galma Tokkummaa
Abbootii Gadaa Oromoo ta’uun isaa ummata biyya
keessafi biyya alaa hunda kan gammachiisedha.
Caasaa Gadaa Tuulamaa
Caasaan kun ilmaan Tuulamaa Sadeen; Daacci,
Bachoofi Jiille of keessaa kan qabuudha. Saglan Yaa’ii
Gadaa Tuulamaas ilmaan Tuulamaa sadeen kana irraa
ijaarama. Saglan Yaa’ii miseensa sagal kan qabu ta’ee
hojii Gadaa hunda ol’aantummaafi
giddugaleessummaan kan gaggeessudha. Seera Caffeen
tumte hojiitti hiika, hojii diinagdee, siyaasaafi
hawaasummaa akkaataa duudhaa Oromootiin
gaggeessa. Seera Gadaa irratti hundaa’ee hawaasa kan
gaggeessufi kan tajaajiluudha. Baajataafi mindaa malee
bilisaan hojjata. Matta’aa ykn gubboo hin fudhatu.
Waadaa qumbii eega. Waadaa gale hin cabsu. Cabsu
abaarree itti ta’a. Firaafi alagaa walqixxee ilaala.
Kanaaf ummataan jaalatama. Ummata biratti fudhatama
guddaa qaba.
Gadaan Tuulamaa giddugaleessa isaa, kan Yaa’ii
Saglaniin hogganamu, Magaalaa Bishooftuu godhatee
caasaa isaa aanaalee 42 kan Tuulama keessatti argaman
hunda keessatti caasaa mataa isaa qaba. Aanaalee
kanneen hunda keessattuu bakka bu’oota Abbaa Gadaa
kan ummataan walitti dhiyeenyaan hojjatan qaba.
Bakka bu’oonni kunis aangoo giddugaleessarraa itti
kennamu itti gaafatamummaan hojjatu. Kan humna
isaanitii ol ta’e gara giddugaleessaatti ol dabarsu.
Gabaasa hojii isaanis dhuma waggaa irratti ni
dhiyeessu.
Hojiin Gadaa Duudhaa Oromoo irratti waan hundaa’uuf
Oromoo biratti kabajaafi jaalala guddaa qaba. Yeroo
har’aa kanatti hawaasni bal’aan dhimma isaa kara mana
murtiitiin dhaquurra gara Waajjira Gadaa Tuulamaa
fidachuu filata. Gadaan Tuulamaa ummata biratti
amanamummaa guddaa qaba. Gadaa kan jibbu yoo
jiraate diina Oromoo qofaadha. Warra waan hunda
numatu isinii beeka jedhuudha. Fudhatama nu dhabsiisa
jedhanii warra sodaataniifi warra Oromoo jibbanii
qabeenya Oromoo jaalataniidha. Garuu akka isaan
jedhan osoo hin taane guddinni Gadaa biyya tana irra
darbee addunyaafuu bu’aa guddaa qaba. Kanas ta’ee
sana Gadaan Tuulamaa har’a cimee caasaa isaa dur
dhiibbaa adda addaan jalaa laafee ture cimsachuu irratti
argama.
Gadaa Tuulamaa keeaassatti Itti Makoo irraa kaasee
hanga Gadaamojjiitti kana fakkaata;
Itti Makoo→ Dabballee→ Foollee→ Qondaala→
Raabaa→ Doorii→ Gadaa→ Yuba→ Yuba 2ffaa
→
Gadaamoojjii.
Tuulama keessatti namni tokko erga Abbaa Gadaa ta’ee
dabareen booda Gadaa gargaarudhaan, gorsuudhaan
hojjata.
Tuulama keessatti umrii caasaa Itti Makoo irraa kaasee
jiru akka seenan ibsutti ijoollee waggaa 0 – 8 jiraniidha
kan jedhu eegamaa miti. Tartiibni umrii eeggamaa miti.
Sababni isaas akkuma olitti xuqame sirni Gadaa
Tuulamaa baay’ee sarbamuu irraan kan ka’e addaan
ciccitiin akka isa qunname seenan ni ibsa.
Gahee hojii Caasaalee Gadaa
Itti Makoo: jabbilee tiksuu, qae’eerra taphachuu.
Foollen yoo Gadaarraa gamma fudhatu isaan jala
deemanii aadaa sirna foollee baratu. Daa’imman waan
ta’aniif itti gaafatamummaa baay’ee hin qaban.
Dabballee: Loon bobbaasanii, borraaqanii taphatu,
gosa ofii baru. Afoola adda addaa baratu
Foollee: Akka raayyaa waraanatti gadaa jalatti kan
ajajamaniidha. Gadaaf ni ergamu, loon bade ni
Page 25
25 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
barbaadu, bishaan ni obaasu. Warra Gadaa akka abbaa
isaanitti gargaarudha. Kanaaf Gadaan gaafa gadooma
isaa gamma qopheessee laataaf.
Qondaala: Sirna Bulchiinsa Gadaa shaakalu, waraanni
biyyarratti yoo ka’e ni duulu, ni qotu, midhaan
haamu…
Raaba: Aangoo gadoomaa jala warra gahaniidha.
Bakka gadaan hin jirretti bakka bu’anii ni tajaajilu.
Doorii: Baallii Gadaa fudhachuu warra gahaniidha,
alangee gadaa tolfatu, Odaa Nabeefi Caffee Tumaa ni
godaanu, sirna Gadaa ni fudhatu. Seera biyya ittiin
bulchan ni tumatu.
Gadaa: Qaama bulchiinsaa isa olaanaadha.
Hawaasummaa, diinagdee, siyaasa walitti qabee kan
ummata bulchuudha.
Yuba: Muuxannoo qabaniin warra aangoo Gadaarra
jiran ni gargaaru, ni gorsu. Seera darbes ni himu.
Gadamiijjii: ni sooramu.
Gadaa Shanan Tuulamaa
Dur Gadaan miseensa (paartii) sagal akka ture himama.
Maqaaleen hanga har’aatti waamamanis kanuma
mirkaneessa. Isaanis: Birmajii, Beelbaa, Halchiisa,
Muudana, Roobalee, Horata, Duuloo, Biifole,
Michilleefi Kiiloleedha. Haa ta’u malee marsaan Gadaa
naanna’ee hanga dhufutti Gadaa abbaa ilmi waan
dhaqqabuu dadhabeef Gadaa shanitti akka
deebi’e/dacha’e himama. Garuu bara kam Gadaa shanitti
akka deebi’e ragaa qabatamaan hin argamne. Gadaan
sagal haa jedhamu malee 10ffaan
Gadaan Kiilolee
jedhamu maqaan ni jira.
Kitaabni “Gadaa, Siyaasa Oromoo Tuulamaa” jedhu
keessatti haaromsa Gadaa gaggeeffameen Gadaan
saddeet irraa akka shanitti deebi’e haala kanaan ibsa.
“Caffeen giddugala Tuulamaa osoo hin taa‟in
waggoota 360 ykn gadaa 45‟f akka citeefi gumiin hin
taa‟in himama. Cinna Gadaa bara dheeraa kana
booda bara Abbaa Gadaa Namoo Dooyyoo gumiin
guddaan kan miseensa Birmajii jila gaggeessen
Gadaan haaromfame jedhama. Kana jechuun yeroo
ammaa irraa duubatti yoo herreegame 2006 – 888 =
1118 A.D jaarraa 12ffaa
keessa akka caffeen deebitee
Odaa Nabee teesse tilmaama. Jijjiirama yeroo sanaa
keessa marsaan Gadaa 8 ture shanitti deebi‟e.
Miseensi sadeen duraa of danda‟an sun akka
miseensa biraatti dabalaman ta‟e.”
Haa ta’u malee ragaa armaan olitti xuqame kan faallessu
waraana yeroo adda addaa Oromoon lafa isaa
kabachiisuuf mootota Habashaa wajjin gaggeessaa ture,
Taabor Waamii kitaaba isaanii “Ye Wigganaa
Dirsatoochinnaa Yetaarik Iwunataa”jedhu keessatti bara
gaggeessummaa Gadaa isaanii haala kanaan kaa’e.
1. Gadaa Meelbaa (Beelbaa) …. 1522 – 1530
2. Gadaa Muudanaa …. ……….1530 – 1538
3. Gadaa Kiilolee ………………1538 – 1546
4. Gadaa Biifolee ………………1546 – 1554
5. Gadaa Michillee …………….1554 – 1562
6. Gadaa Harmuufaa …………..1562 – 1570
7. Gadaa Roobalee ……………..1570 – 1578
8. Gadaa Birmajii ……………...1578 – 1586
9. Gadaa Mul’ataa ……………...1586 – 1594
10. Gadaa Duuloo ………………..1594 – 1602
As keessatti Harmuufa jedhamee kan xuqame Gadaa
Gujii keessatti argama. Yeroo ammaa Halchiisa irraa
baallii fuudhuuf waggaa tokko kan isa hafuudha. Mullata
kan jedhus ragaa yoon argachuu baadhellee Gadaa
keessa waan jiru hin fakkaatu.
Akka as irraa hubannutti Gadaan miseensa shanitti kan
deebi’e bara 1602 booda fakkaata. Kun qorqnnoo gadi
fagoo kan barbaadudha.
Akka Gadaa Tuulamaatti Gadaan walitti deeb’e/dacha’e
kan armaan Gadiiti.
Roobaleefi Biifolee walitti dacha’uun Gadaa
tokko ta’an
Birmajiin akkuma jirutti jira.
Beelbaafi Horatni walitti dacha’uun Gadaa
tokko ta’an
Muudanniifi Michilleen walitti dacha’uun
Gadaa tokko ta’an
Halchiisnifi Duuloon walitti dacha’uun Gadaa
tokko ta’an. Walumatti Gadaa shan ta’u
*****
Mammaaksa
Aak jedhan waa tufan mammaakan waa himan.
Adala riphe adurree se’u.
Afaan dubbii bare utubaatti hasaasa.
Afaaniin jibrii foo’uun qullaa deemuudha.
Ajjeerraa tolchanii dhimmuu hin sodaatani.
Akka hin cabne beekaa bishaan dhagaarratti utaala.
Akka hin haadneef mataan dhadhaa na qaba. Akka hin
boonyeef garaan madaa na qaba jette jaartiin.
Alagaa ilkaan malee garaa isaa hin argan.
Anaa, anaan „wayyoo anaa‟ fida.
Bakka jaalatan kokkolfaa deemu.
Beekumsi akka bishaanii lagaa hin waraabamu.
Page 26
26 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Biyya ofiitti lukkuun korma.
Biyyaan boonuun yoo qabaatani.
Bookkisaan gaafa callise fokkisa.
Dhabe jettee hin boo’in qaba jettee hin boonin.
Dubbii tolte dafii xumuri kan balleesutu itti dhufaa,
dubbii bade immoo bulchi.
Gadi deemtuun namaa harree ribbii fuuti.
Haacaaluutti baanaan mancaatutti nama baasa.
Haati manaa abshaalli gabaa galtee ashaboo
liqeeffatti.
Hantuutni harka adurree seente dhiifama hin qabdu.
Ijji raachaafi ijji naachaa bishaan keessatti wal agarti.
Ijoolleen yoo qixxaa waliin nyaatan qixxee nama seeti.
Intala dura jajan booda ulfa jibban.
Jaalala alagaafi hammeenya abbaa hin beekan.
Kan dubbatan baduu mannaa kan dhalchan baduu
wayya.
Kan bakka teessee hin kaane yaadaan Awurooppaatti
daldalti.
Kan lafaa fuudhutti kan bobaa gatte.
Kan namni namaan jedhurra kan abbaan ofiin jedhutu
caala.
Kan qabuufan dabala jette harren lagatti fincooftee.
Kanniisni ciniinnaa isaan nama aarsee damma isaan
nama araarfata.
Kutatan malee kutaa hin uffatan.
Laafaa reebi jennaan jaartiin tiruu reebde.
Lilmoon qaawwa ofii dhiistee qaawwa ormaa
duuchiti.
Maasaa gadheen sanyii nyaata, namni gadheen
imaanaa nyaata.
Manaa amma baalaa alaa amma gaaraa.
Hundaa laatan garbuutu dhuma hundaa yaadan
qalbiitu dhuma.
Maraataniitii miti mari’ataniit biyya bulchan.
Migirri lagaa gubannaan gingilchaan manaa iyyite.
Nama dhadhaa afaan kaa’antu dhagaa afaan nama
kaa’a.
Namni alagaan gubate cilee hin qabu.
Namni bakka ciisu argate bakka itti diriirfatu hin
dhabu.
Ollaaf dugdaan lafaa ka’u.
Ollaaf waaqitti gad ba’u.
Qaawwa cuqqaalaniif bubbee hin ittisan.
Qeerransa eegee hin qaban, qaban gadi hin lakkisan.
Qunceen tokkoo tokkotti hin maxxanu.
Sareefi cubbuun kan duubaatti hafti.
Sareen fira naachaa qabdu bishaan laga waabee
dhugdi.
Sareen kan ofii hin beektuu, re’een eegee gadi qabi
jetti.
Tortortuun farsoo naqi jennaan, Shamtuun kadhaa
dhaqte.
Udaan ajaaf dheessan waan sodaaf dheessan nama
se’a.
Ulfina balbalaaf lukkuun mataan gadi jetti.
Wal argan dubbii argu.
Warra wal nyaatu gidduudhaa waa nyaatu.
*****
Abbummaa
(Bulbula Takkaa Birruu - tiin)
ireenya dhuunfaas ta’ee gamtaa keessatti
abbummaan ni jira. Akka gamtaattis ta’ee
dhuunfaan waan ittiin oollee bullu irraa eegalee
waan kiyya ykn keenya ittiin jennu kan abbummaa
irraa qabnu ni jira.
Abbummaa yoo jennu abbaa qabeenya sanaa, kan yoo
barbaade qalatu, barbaadu immoo gurguratu ykn nama
jaalatuuf dabarsee kennuuf qabeenyi kuni kiyya jedhee
kan irratti murtee kennuu danda’uuf ormis mormii
tokko malee qabeenyi kun kan ebeluuti jedhee kan ibsu
dha.
Abbaa qabeenyaatis dafqa isaa waan cophsee argateef
qabeenyi sun ni marara.Yoo jalaa bades ni dhukkubsa,
kanaafuu tolchee eeggata, akka jalaa hin banneefi jalaa
hin dabneef akka jalaa hin cabnetti kunuunfatee tikfatee
haalan qanxareersee akka qabeenyi sun dhala dhalaatiif
dabaree ta’ee taa’u jabeechee eeggata. Ilmi isaas
qabeenya kana waadaadhaan hin buusuu, hin
busheessu, hin xureessu, imaanaa abbaa hin nyaadhu,
eenyummaa abbaa dabarsee gadi hin gatu jedhee bakka
taa’uu olkaa’ee dhaabbatee qabeenya kana waadadhaan
harkaa fudhata.
Qabeenyi abbummaa irraa qabaachuu dandeenyu
dhaabbataa ykn socho’aa akkasumas eenyummaa nama
sanaa kan ibsu ta’uu danda’a. Haalonni qabeenyi kun
ittin horatmus dhuunfadhaan ykn gamtaadhaan bifa
sabaatiifi haala birootiin ta’uu mala. Gadaa, afaan,
seenan, afoollifi duudhaan Oromoo qabeenya gamtaa
Oromooti. Wanti mana mana keenyatti ittiin bullu
immoo kan dhuunfaa ta’uu mala.
Osoo daangaan biyya tokkoo seeran ala kan weeraramu
ta’ee akka biyya sanaatti lammiifi mootummaan biyya
sanaa gaafatama dursaa qabu. Qabeenyi saba tokkoo
eenyummaa saba sanaa kan ibsu afaan, aadaa, duudhaa,
amantaafi seenaa akkasumas falaasama saba sana
keessaa madde of keessatti hammachuu ni danda’a.
Eenyummaan saba tokkoof hundee jiruuf jireenya
waaltina tokkummaa saba sanaati. Kallattiin sabni sun
eenyummaa isaa kana ittiin eeggatu hawaasummaa saba
sanaa ta’uu danda’a. Hawaasummaan kan tiksu
J
Page 27
27 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
wantoota sabni sun ittiin wal too’atu keessaa; kan du’e
akkamitti akka awwaallatu, kan jalaa bade akkamitti
akka barbaaddatu, kan iyyeef akkamitti akka birmatu,
dadhabaa isaa akkamitti akka gargaarratuufi kan
waldhabe akkamitti akka araarfatu of keessaa qaba.
Sabni hawaasummaan isaa jalaa diigame waan heddu
ta’a. Deebisee eenyummaa isaa ijaarrachuuf carraaqqii
hedduutu isa eeggata. Sabni carraan akkanaa isa muudate
of fakkaachuu dhiisee jala kaattuu ykn mannaajoo ta’ee
mul’ata. Of dhiisee orma fakkaachuu filata. Godoo ofii
ijaaruu dhiisee kan ormaa ijaaruuf dhama’a. Dawoo ykn
gaaddisa dhabee akka bishaan gabatee irraa oliif gadi
roora’a. Waan ofiif gatii kennuu dhiisee gadi
aantummaafi qaanitu itti dhaga’ama. Ijjannoo dhabee
qabeenya ofii wallaalee qabeenya ormaa faarsa.
Deeggartuu ta’ee seenaa abbaa qabu irratti hirmaataa
ta’a. Darbees seenaa ormaan dhaadata. Ija ofiitiin arguu
dadhaba, gurra ofiin dhagahuu dadhaba, afaan ofii
dhiisee afaan ormaa dubbata. Miiruma uumaan isa
badhaasetti illee amanuu dadhaba.
Sabni carraan akkanaa kun isa muudate of ta’uu
dadhabee seera uumaa irraa dabee ergamaa ta’uu filata.
Yeroo hunda waan ofitti hin amanneef saba akkanaa
keessaa qaroominni mul’achuu hin danda’u. Sabaafi lafa
isaa fedhii dhuunfaaf jecha dabarsee gurgura. Of tuffata.
Ofitti amanummaa waan hin qabneef hojjatee nyaachuu
irra sobee jiraachuu filata. Qorqalbiin isaa yeroo hunda
waan gadi aantummaa yaaduuf tokkummaa hin qabu.
Ayyaantummaan isaa hir’uu ta’a. Saayikoolojiin
hawaasichaa akkuma hir’achaa deemuun
amanamummaan hawaasichaas hir’achaa deemee booda
saba dadhabaa ta’uun ibsama.
Sabni ayyaantummaa hin qabne safuufi dhugaa waan hin
beekneef sobaa ta’a. Namni dhugaa hin beeknemmoo
waliigaltee hin qabu. Kanaaf Oromoon, sabni
hawaasummaa dhabe waldhabe, kan waldhabe immoo of
dhabe ykn eenyummaa dhabe jedhee mammaake.
Hawaasni carraan akkanaa isa muudate kun calliseetuma
jaalalaan waan ofii kan gadi lakkisu osoo hin taane
dhiibbaan qaama biroo yoo haala malee irratti
dalagaa’edha. Carraan ummata Oromootillee kan kanaan
adda ta’e hin fakkaatu.
Ummata guddaafi seena qabeessa gaafa Afrikaa kan
ta’eefi safuu duudhaafi afaan eenyummaa boonsaa qabu,
kan diinni jaarraa tokkoo ol irratti dalage kun hanga
waan ofii wallaalee ormaan dhaadatutti gahee jira. Saba
guddaa ardii Afrikaa irra darbee addunyaa har’aa tanaaf
illee bu’aa guddaa buuse kana awwaaluuf diinnii jaarraa
tokkoo ol shira irratti dalagee xurree ykn kallattii isaa
irraa jal’isuun yaalii guddaa godheen milkaa’ee jira.
Har’a Oromoon waan ofii wallaaluu irra darbee waluu
wallaalutti jira.
Bu’aa ummanni Oromoo addunyaaf buuse kan seenan
odeessinu qofa osoo hin taane waan keessatti dhalannee
argineefi dhageenyeen raacinni isaa kan hanga har’aatti
mul’atuudha. Sirna bu’uura dimokiraasii sirna Gadaa
uumee kan ittiin of bulchaa tureedha, Oromoon. Bakka
bakkatti lallaafee shesheelatu illee iccitiin isaa hanga
ammaatti bira hin gahamne, raacinni isaas onnee
ummatichaa keessaa hin banne. Naannowwan tokko
tokkotti har’allee sirni Gadaa tajaajila kennaa jira.
Kanaaf fakkeenyi Boorana, Gujiifi Tuulama. Kun
qabatama eenyuu beeku yoo ta’u hanga fedhellee laafu
Gadaan Oromoofi Oromiyaa mara keessatti bakka
guddaafi ol’aantummaadhan maqaan isaa waamamaa
jira.
Ummanni Oromoo akka sirna Gadaatiin wal bulchaa
tures seenan bara dheeraa ni mirkaneessa. Ummanni
dhiibbaan alagaa jaarraa tokkoo oliif irratti dalagame
kun eenummaa isaa kan calliseetuma gadi gatee sokke
osoo hin taane lafeen ilmaan Oromoo irratti burkutaa’ee
dhiigni galaana ta’ee garba guutee akka dirqiin cabe
seenaan ragaa baha. Meeshaa ammayyaafi loltuu
ammayyaa warra dhihaa irraa daboo itti kadhatee,
Minilik, gocha gara jabummaa irratti raawwatee
eenyummaa ummata kanaa barbadeessaa akka ture
Calanqoofi Aanoleen ragaadha.
Ummanni Oromoo garbummaa tokko dheechudhaanis
garbummaa biraa jaalalaan fudhachuudhan alagaa jalatti
kufee qabeenya ormaatiin hanga kiyya jedhee ija qaanii
hin qabne babaasuu gahee jira. Yeroo eenyummaa ofii
dagatee waan ormaatiif dhaabbatee qabeenya alagaaf
abukaatoo ta’ee falmu argina. Meeshaa ta’ee yoo diina
tajaajilus argaatuma jirra. Wal dhagahuurra orma
dhagahuu filate. Maqaa ofii mulqee yogguu maqaa
alagaa moggaafatu mul’ata. Hanga sabummaa isaa
haalee orma fakkaachuu irra gahee jira. Kana caalaa of
wallaaluun jiraa?
Dur Oromoon garbummaa dirqiin fudhate. Amantaa,
aadaa, moggaasa maqaa, walumaa galatti eenyummaa
ofii dirqiin gateetu kan ormaa fudhate. Kan har’aa garuu
sana hin fakkaatu. Waan Oromoon kaleessa hin
fudhadhu jedhee falmaa ture, Oromoon har’aa
jaalalumaan fudhachaa jira. Garbummaa dirqiin fudhatan
caala kan jaalatanii fudhatan sakaallaa salphaatti gad
nama hin lakkisneedha. Maalif yoo jenne, jaalannee
fudhanne waan ta’eef qabeenyuma keenya nutti
fakkaata. Kan dirqamaan fudhachiisan gaafa humna
argate of irraa fonqolchuu ni danda’a.
Page 28
28 Sagalee Gadaa, Jildii 1ffaa
Lak.1 Fulbaana Bara 2014 | Waajjira Gadaa Tuulamaa
Dhiibbaan alagaan nurratti raawaate kun addaan nu
facaasee nageenya Oromoon qabu harkaa qoqqotee
baasee ummata nagaa nagaa dhabsiise. Bakka itti toletti
waraanan dirqisiisee bakka hammaatetti immoo
mooksudhaan, waan gaarii kana isinii finnee fudhaa,
jechuudhan qabeenya isaanii kan isaan falu harkaa
baasanii waan Oromoo qalu fudhachiisanii Oromootti
falfalan.
Gochaa kanas Oromoo karaa lamaan akka fudhate
seenaan ragaa baha. Mee namicha qabeenya isaa ofumaa
horee moonaa itti ijaaree kunuunsee, tiksee guddise
tokko yoo mooksoon qabeenyuma ofi hore shakkee gadi
lakkisee dheessu yaa illaallu.
Namoota sadiitu ture. Namoonni kun yoo itti tole
qabeenya namaa humnaan saamanii yoo itti hammaate
immoo tooftaa addaa addaatin mooksanii qabeenya
abbaa qabu fudhatanii ittiin fayyadamaa turan. Haaluma
kanaan namtichi loon horsiisee bulu tokko rakkannaan
horii isaa keessaa hoolaa korpheessa filatee gabaa baasee
gurguree mallaaqatti jijjiiruuf yaade. Akkuma kana
hattootni sadeen immoo namticha kana waan humnaan
saamuu sodaataniif tooftaa isaanii qopheeffatanii eegan.
Tooftaan isaanis yoo namichi hoolaa isaa harkise gabaa
geessuf ka’u daandii gabaa irra dhaabbatanii, “saree
harkistee deemtaa?” jedhanii namichatti kolfuudha.
Haaluma kanaan bakka addaa addaa dhaabbatanii yoo
namtichi hoolaaa isaa harkisee dhufu, inni jalqaaba
koolfee, namichatti quba qabee, “saree oofee gabaa
deemaa” ittiin jedhe. Namtichis horii moonaa isaa
keessatti guddateefi kan kunuunsee guddise waan ta’eef,
garmalee aaree arrabsee bira darbee osoo hammamuu
hin hiiqin inni lammaffaas akkasuma namichatti
hankaaksee kolfee, “saree oofee gabaa baataa” ittiin
jedhe. Namichis aariif shakkiin keessa isaatti guutamee
hooluma kunuunsee guddise shakkuu eegale. Amma isa
sadaffaatu fuuldura isaa gabaa qarqara jira. Inni immoo
kanuma addaa ta’ee kolfee baqaqee saree yoo inni jedhu,
namtichi biyyi natti kolfe jedhee hoolaa isaa kan tiksee
guddise gadi lakkisee biraa kutee deeme. Yoo tanakaa
kan hattoonni hoolaa irratti kufanii qabeenya abbaa qabu
irratti lafaan of dhahaa butatanii qajeelan. Kana booda
qabeenya ofii godhatan.
Egaa tooftan akkanaa kun bifaa qindaa’een Oromoo
irratti kan raawwataa tureefi hanga ammaatti kan itti
jiruudha. Wanta baay’ee nama raajuufi nama gaddisiisu
keessaa hojii isaani xanquwaayii (ጠንቐይ) of irraa
fudhaanii yeroo ayyaantuu Oromootin xanquwaayii
jedhanii waaman agaarra. Waaqeffannaas bifuma
kanaan maqaa balleessanii akka Oromoon jibbu
taasisan. Oromoon abbaa qabeenyaa, abbaa seenaa
guddaa, abbaa kalaqootaa adda addaa, abbaa sirna
walqixxummaafi walabaa ta’uu addunyaatu ragaa baha.
Ummata qaroo addunyaaf fakkeenya ajaa’ibaa ta’e kana
warri inaaffan waxale, maqaa adda addaa nutti
moggaasee akka ummata seenaa hin qabneetti nu
waamu. Shira diinni jaarraa tokkoo ol nurratti dalageen
nuti ummanni Oromoo hedduun qabeenya ofii wallaallee
isa ormaatin yeroo kiyya jennee morminus uumamee
jira. Warra quba ofii horatti hin hammanne taanee
qabeenya keenya shakkuu, arrabsuu, eenyummaa isaa
sarbuuf imaanaa abbaa keenyaa nyaannee, yeroo
qabeenya abbaan keenya imaanaa waliin nutti kenne
ibiddaan gubnee diina gammachiisnu mul’ataa jira. Kana
kan nu hojjachiise gocha diinni yeroo dheeraa nurraan
gahe irraa kan ka’e, Oromoo hedduun dawoo keenya
diignee dawoo alagaa ijaaruu irratti argamne. Hedduun
keenyas alagaa fakkaannee doomaa diinni ittiin nu
awwaaluf qaratee dhufe irraa fuunee ofuma keenyaf yoo
qotnee of awwaallee argamne.
Nuti akkanatti of wallaalus addunyaan tolchee nu beeka.
Egaa maarree yaa ummata keenya namni eenyummaa
isaa hin beekne garba abbaan fedhe itti fe’atuufi
ergatuudha. Namni qabeenya ofii (waan isaa) hin
beeknes garbicha osoo jennee dhugaarraa ni fagaataa
laata? Mee yaadannee walhaa yaadachiifnu. Ummatni
Oromoo kan gaafa Gadaan buluu loon ofii bobbaafatee
tiksaa galchu, warra mooraa itti ijaarratee kunuunsee
eeggatu, warra dirree dhugaafi dharaa adda baasee
beeku, warra qabeenya ormaatin kiyya hin jenne akka
ture seenan ragaa baha. Dhiiroo! sa’a abbaan albee itti
fudhate ormi dafee morma micciira jedha mitiiree
Oromoon yeroo mammaaku. Warri osoo eenyummaan
isaanii jalaa hin badin hanga har’aa eeganis hedduun
isaanii lubbuu isaanii eenyummaa Oromoofi Oromoof
aarsaa godhanii akka oromummaaan dhiiga sabaa
keessaa hin badne godhanii jiru.
Egaa namni seenaa keessatti du’e nama jiru fakkaatee
akkuma jedhamu, nuti boolla isaanitti nadhii yaa cuuphu
jechaa bara baraan isaan yaadanna. Maarree kan cittoo
namatti naqe qeensa nama hin dhoowwatu akkuma
jedhamu, dhaloonni har’aatis faajjii eenyummaa isaan
keessatti du’an ol qabuuf of barbaadee qabeenyaa ofii
barbaadee kan diinni biyyoo irra deebise qotanii ifatti
baasuuf tattaaffii irra jira. Karaan isin irra deemtan
labbaa yaa ta‟u, gufuun isin hin dhahin qoreen isin hin
waraanin jechaa, warra karaa barreeffamaatiin
eenyummaa Oromoo deebistanii ijaaruuf ifaajjii irra
jirtanis jabaadhaa qalamni keessan haa mirgu. Warreen
aartiwwan adda addaatiin qabeenya keessan faarsaa
eenyummaa keessan jabeessaa jirtan itti fufaa ammallee.
Garuu qabeenya! Qabeenya! Qabeenya! Kan eenyuti?
Abbummaa. Horaa bulaa barri bara Gadaa kan
quufaa gabbinaati!!!
*****