BlackBerry Z30 STA100-6 Smartphone Impormasyon sa Kaligtasan at Produkto PRINTSPEC-147 MAT-58265-058 SWD-20130923081746415 | RGU131LW Impormasyong pangkaligtasan Bago mo simulang gamitin ang iyong BlackBerry smartphone (tinutukoy dito bilang smartphone), repasuhin ang impormasyong pangkaligtasan at ayon sa regulasyon na ibinigay sa dokumentong ito. Itago ang dokumentong ito sa isang ligtas na lugar para sumangguni ka dito kailan mo kapag kailangan mo ito. Sa ilang bansa, maaaring may mga paghihigpit sa paggamit ng mga device na pinagana ang Bluetooth at mga wireless na device na may software sa pag-encrypt. Sumangguni sa iyong mga lokal na awtoridad para sa mga paghihigpit sa iyong lugar. Para makita ang pinakabagong impormasyong pangkaligtasan at ng produkto, bisitahin ang www.blackberry.com/docs/smartphones. Mga mahalagang pangkaligtasang pag-iingat Gumamit lamang ng mga aprubadong baterya at charger sa iyong smartphone. Ang paggamit ng mga baterya o charger na hindi inaprubahan ng BlackBerry ay maaaring magdulot ng panganib ng sunog o pagsabog, na maaaring magdulot ng matinding pinsala, kamatayan, o pagkawala ng pag-aari. Gumamit lamang ng mga lalagyan na inaprubahan ng BlackBerry. Ang paggamit ng mga lalagyan na hindi inaprubahan ng BlackBerry sa katagalan ay maaaring magdulot ng panganib ng matinding pinsala. Kapag inilalagay ang smartphone na malapit sa iyong katawan, gumamit ng lalagyan na inaprubahan ng BlackBerry na may kasamang belt clip, o panatilihin ang layo na 0.59 in. (15 mm) sa pagitan ng iyong smartphone t iyong katawan habang nagta-transmit ang smartphone. Ang paggamit ng mga accessory na isinusuot sa katawan, maliban sa mga lalagyan na inaprubahan ng BlackBerry na may kasamang belt clip, ay maaaring magdulot sa iyong smartphone na lumampas sa mga pamantayan ng pagkakalantad sa radio frequency kung ang mga accessory ay ilalagay sa iyong katawan habang nagta- transmit ang smartphone. Maaaring magdulot ng matinding pinsala ang mga pangmatagalang epekto ng paglampas sa mga pamantayan ng pagkakalantad sa radio frequency. Idinisenyo ang iyong smartphone para gumana sa mga temperatura na nasa pagitan ng 32 at 95°F (0 at 35°C). Ang paggamit ng iyong smartphone nang wala sa hanay ng temperatura ay maaaring magdulot ng pinsala sa iyong smartphone o lithium-ion na baterya. Huwag umasa sa iyong smartphone para sa mga pang-emerhensyang pakikipag-usap. Ang mga wireless network na kinakailangan para gumawa ng mga emerhensyang tawag o magpadala ng mga mensahe ay wala sa lahat ng lugar, at ang mga numero para sa emerhensya tulad ng 911, 112, o 999, ay maaaring hindi ka makonekta sa mga serbisyo para sa emerhensya sa lahat ng lugar. Kung naka-install ang BlackBerry Mobile Voice System sa iyong smartphone, tingnan ang "Tungkol sa mga emerhensyang tawag at ang BlackBerry Mobile Voice System" na bahagi para sa karagdagang impormasyon tungkol sa mga emerhensyang tawag. Ang iyong smartphone at mga accessory ng smartphone ay hindi para sa mga bata. Kung papayagan mo ang isang anak na gamitin o hawakan ang iyong smartphone o mga accessory ng smartphone, tiyakin na mahigpit mong binabantayan ang iyong anak. Ang iyong smartphone ay mayroong mga maliit na bahagi na mapanganib na malunok ng mga bata. Ilayo ang iyong smartphone mula sa mga gamit na pang-medikal, kabilang ang mga pacemaker at hearing aid, dahil maaaring hindi gumana ang mga ito at magdulot ng matinding pinsala o kamatayan sa iyo o sa iba. Huwag idikit ang iyong smartphone sa mga likido, dahil ito ay maaaring magdulot ng short circuit, sunog, o pagkakakuryente. Kapag ginagamit mo ang speakerphone ng iyong smartphone, kailanman huwag ilagay ang smartphone sa iyong tainga. Maaaring magkaroon ng malubha at permanenteng pinsala sa pandinig. Ang pagkakalantad sa mga kumikislap na ilaw sa iyong smartphone ay maaaring magdulot ng pangingisay na tulad ng mga epilepsya o mahimatay at maaaring maging mapanganib sa iyo o sa iba. Sa kaganapan na makakaranas ka, o ang paggamit mo sa iyong smartphone ay magdudulot sa iba, ng anumang pagkalito, pagkawala ng kamalayan, pagkibot, mga kombulsyon, o anumang hindi mapigilang paggalaw, itigil kaagad ang paggamit sa iyong smartphone at kumonsulta sa isang doktor. Ang ilaw na LED para sa notipikasyon ay makikita sa harapan ng iyong smartphone, sa itaas na kanang sulok. Kung ang modelo ng iyong smartphone ay may camera, ang aperture ng LED na flash ng camera ay makikita sa likuran ng iyong smartphone, alinman sa itaas o sa kanan ng lente ng camera. Kung ikaw ay may posibilidad na mangisay tulad ng mga epilepsya o mahimatay, kumonsulta sa iyong doktor bago gamitin ang iyong smartphone. Huwag gamitin ang iyong smartphone habang nagmamaneho maliban kung pinahihintulutan ka ng batas na gamitin ang smartphone sa hands-free mode. Ang paggamit sa iyong smartphone habang ikaw ay nagmamaneho ay maaaring ilagay ka at ang iba sa mas malaking panganib ng isang aksidente na magdudulot ng matinding pinsala, kamatayan, o pagkawala ng pag-aari. Huwag gamitin ang iyong smartphone kapag mayroong singaw ng gas dahil ito maaari itong magdulot ng panganib ng sunog o pagsabog. Huwag itapon ang iyong smartphone sa apoy dahil maaari itong magdulot ng pagsabog na magbubunga ng matinding pinsala, kamatayan, o pagkawala ng pag-aari. Patayin ang iyong smartphone sa mga eroplano. Ang paggamit ng iyong smartphone sa isang eroplano ay maaaring makaapekto sa paggamit ng mga instrumento, komunikasyon, at pagganap, maaaring maantala ang network, o kung hindi man ay maaaring maging mapanganib sa pagpapatakbo ng eroplano, mga tauhan nito, at mga pasahero, at maaaring maging labag sa batas. Ang mga smartphone ay hindi likas na ligtas at hindi maaaring gamitin kapag mayroong mga singaw, alikabok, o kung hindi man mga kemikal na maaaring sumabog. Ang mga pagkislap sa mga nasabing lugar ay maaaring magdulot ng pagsabog o sunog na magbubunga ng matinding pinsala, kamatayan, o pinsala sa pag-aari. Ligtas na paggamit sa iyong smartphone • Huwag maglagay ng mga mabigat na bagay sa iyong smartphone. • Huwag subukang baguhin o ayusin ang iyong smartphone. • Huwag subukang takpan o magpasok ng mga bagay sa mga butas sa iyong smartphone maliban kung inutusang gawin sa dokumentasyon ng smartphone na ibinigay ng BlackBerry. Ang pagkilos na ito ay maaaring magdulot ng short circuit, sunog, o pagkakakuryente. • Huwag gumamit ng mga matalas na bagay sa screen. • Huwag gumamit ng labis na puwersa sa screen. • Huwag gamitin ang iyong smartphone o ang mga accessory ng smartphone na malapit sa tubig (halimbawa, malapit sa bathtub o lababo, sa basang basement, o malapit sa isang swimming pool). • Huwag ilagay ang iyong smartphone o ang mga accessory ng smartphone sa anumang hindi matibay na ibabaw. Maaaring mahulog ang smartphone o ang mga accessory ng smartphone, at dahil doon malamang na magdulot ito ng matinding pinsala sa isang tao at sa smartphone o accessory ng smartphone. • Kapag ginagamit ang iyong smartphone, madalas na magpahinga mula dito. Kung makakaranas ka ng anumang pananakit sa iyong leeg, balikat, braso, sa may pulso, mga kamay (kabilang ang mga hinlalaki at daliri), o ibang bahagi ng katawan kapag ginagamit ang iyong smartphone, itigil kaagad ang paggamit. Kung magpapatuloy ang pananakit, kumonsulta sa isang doktor. Kaligtasan na may kaugnayan sa kuryente I-charge ang smartphone gamit lamang ang mga accessory na pang-charge na ibinigay ng BlackBerry o partikular na inaprubahan ng BlackBerry para gamitin sa smartphone na ito. Huwag gumamit ng mga accessory na pang-charge na hindi sumusunod sa Mga Kinakailangan sa Pagpapatunay ng CTIA para sa Pagsunod ng Sistema ng Baterya sa IEEE Std 1725, dahil maaaring magdulot ito ng panganib ng sunog, pagsabog, pagtulo ng likido mula sa baterya, o ibang panganib, na maaaring magdulot ng matinding pinsala, kamatayan, o pagkawala ng pag-aari, at maaaring ipawalang-bisa ang anumang warranty. Mga aprubadong modelo ng accessory na pang-charge para sa BlackBerry Z30 smartphone Mga AC charger: HDW-46445-001, HDW-46446-001, HDW-46447-001, HDW-46448-001, HDW-46449-001, HDW-46450-001, HDW-46451-001 Gamitin lamang ang mga accessory na pang-charge na ibinigay kasama ng smartphone o anumang ibang mga accessory na pang-charge na inaprubahan ng BlackBerry mula sa uri ng power source na isinaad sa nakamarkang label. Bago mo gamitin ang anumang power supply, tiyakin na sinusunod ng boltahe ng pangunahing pinagmumulan ng kuryente ang boltaheng naka-print sa power supply. Ikonekta lamang ang smartphone sa mga adapter na sertipikado ng CTIA, produktong may USB-IF na logo, o produktong nakumpleto ang programa sa pagsunod sa USB-IF. Huwag i-overload ang mga saksakan ng kuryente, extension cord, o saksakan na may kasamang lalagyan dahil maaari itong magbunga ng sunog o pagkakakuryente. Para bawasan ang panganib ng pinsala sa kurdon o plug, hilahin ang plug kaysa sa kurdon kapag tinatanggal mo ang accessory na pang-charge mula sa saksakan ng kuryente o sa saksakan na may kasamang lalagyan. Protektahan ang kurdon ng kuryente na matapakan o maipit, lalo na sa mga saksakan na may kasamang lalagyan at ang bahagi kung saan nakakonekta ang kurdon ng kuryente sa smartphone. Palaging ipuwesto ang kurdon ng kuryente sa isang paraan na mababawasan ang panganib na mapinsala ang iba, tulad ng madapa o mabulunan. Alisin sa pagkakasaksak ang mga accessories sa pag-charge tuwing kumikidlat o kapag hindi ginagamit. Huwag gamitin ang mga accessories sa pag-charge sa labas o sa anumang lugar na nakalantad sa mga elemento. Para sa karagdagang impormasyon tungkol sa pagkonekta sa power supply, tingnan ang dokumentasyon na kasama sa iyong smartphone. Para bumili ng mga accessory para sa iyong smartphone, makipag-ugnayan sa iyong wireless service provider o bisitahin ang .www.shopblackberry.com. Kaligtasan ng baterya Mayroong hindi natatanggal na lithium-ion na baterya ang iyong smartphone. Huwag subukang alisin ang baterya. Ipapawalang-bisa ng pag-alis ng baterya ang Limitadong Warranty para sa iyong smartphone at maaaring magdulot ng pinsala sa baterya. Maaaring magdulot ang baterya ng sunog, pagsabog, pagkapaso sa kemikal, o ibang panganib kung hindi gagamitin nang maayos. Huwag idikit ang iyong baterya sa mga likido. Huwag initin ang baterya na mas mataas sa 140°F (60°C). Ang pag-init sa baterya na mas mataas sa 140°F (60°C) ay maaaring masunog o sumabog ang baterya. Huwag ilagay/ilapit ang smartphone at ang baterya nito sa apoy o iba pang maiinit na bagay, gaya ng maiinit na plato, ibabaw ng lutuan, heater, o oven, dahil maaari itong magsanhi ng pagkasunog o pagsabog. Huwag subukang magpasok ng anumang bagay sa baterya. Huwag buuing muli, i- disassemble, baguhin, pipiin, tusukin, ibaluktot, o pagpira-pirasuhin ang baterya. Kung ang baterya ay binuong muli, na-disassemble, binago, pinipi, tinusok, o inayos sa anumang iba pang paraan, agad na ihinto ang paggamit ng baterya. Huwag i-short-circuit ang baterya o payagang dumikit ang mga metallic o conductive na bagay sa mga terminal ng baterya. Huwag subukang alisin ang baterya.Tinutukoy ng BlackBerry ang mga bateryang gagamitin sa mga smartphone na sumusunod sa IEEE Std 1725. Ang paggamit ng anumang ibang mga baterya ay maaaring magdulot ng panganib ng sunog, pagsabog, pagtulo ng likido mula sa baterya, o ibang panganib. Mangyaring tiyakin na itatapon mo ang mga nagamit nang baterya alinsunod sa mga nakalagay na instruksiyon sa dokumentong ito. Kapag lumitaw ang isa sa mga icon na ito sa iyong smartphone, nagkaroon ng error sa alinman sa baterya battery o sa koneksyon ng baterya. Ibalik ang iyong smartphone sa kwalipikadong propesyunal sa pagbibigay serbisyo para sa pagkukumpuni. Pagmamaneho at paglalakad nang ligtas Huwag gamitin ang iyong smartphone habang ikaw ay nagmamaneho. Bigyang-pansin mabuti ang pagmamaneho; ang pagmamaneho nang ligtas ay ang iyong unang pananagutan. Ikaw ang may pananagutan sa pag-alam at pagsunod sa mga batas at regulasyon tungkol sa paggamit ng mga wireless device sa mga lugar kung saan ka nagmamaneho. Ligtas na itago ang iyong smartphone bago mo imaneho ang iyong sasakyan. Kung may air bag ang iyong sasakyan, huwag ilagay ang iyong smartphone o anumang mga accessory sa ibabaw ng air bag, o kung saan lumalabas ang air bag. Kung lumabas ang air bag, maaaring magkaroon ng matinding pinsala. Maaaring maapektuhan ng mga radio frequency signal ang mga hindi maayos na na-install o hindi sapat na napoprotektahang mga electronic system sa mga de-motor na sasakyan. Magtanong sa gumawa ng sasakyan o sa kinatawan nito. Kung mayroon mang anumang kagamitan na idinagdag sa iyong sasakyan, dapat ka rin kumonsulta sa gumawa ng kagamitan na iyon para sa impormasyon sa mga radio frequency signal. Huwag gamitin ang iyong smartphone habang naglalakad o may ginagawa na kailangan ng iyong buong atensyon. Ang hindi pagtuon ng pansin sa mga panganib sa trapiko o ibang mga taong naglalakad ay maaaring magresulta sa matinding pinsala, kamatayan, o pagkawala ng pag-aari. Mga Accessory Gamitin lamang ang mga accessory na iyon na inaprubahan ng BlackBerry para magamit sa partikular na modelo ng smartphone na ito. Maaaring mapawalang-bisa ng paggamit ng anumang hindi inaprubahang accessory ang anumang pag-apruba o warranty, na maaaring magresulta sa hindi paggana ng smartphone, at ito ay maaaring mapanganib. Mga lalagyan: Maaaring walang kasamang lalagyan ang iyong smartphone (accessory na isinusuot sa katawan). Kung isinasabit mo ang iyong smartphone sa iyong katawan, palaging ilagay ang iyong smartphone sa lalagyan ng smartphone na may kasamang belt clip na ibinigay o inaprubahan ng BlackBerry. Kung hindi ka gumagamit ng lalagyang may kasamang belt clip na ibinigay o inaprubahan ng BlackBerry kapag dinadala ang iyong smartphone, panatilihin ang iyong smartphone nang hindi bababa sa 0.59 in. (15 mm) ang layo mula sa iyong katawan kapag nagta-transmit ang smartphone. Kapag gumagamit ng anumang tampok na gumagamit ng data ng iyong smartphone (halimbawa, mga mensahe sa email, mensahe ng PIN, mensahe sa MMS, o serbisyo ng browser), nang may o walang USB cable, hawakan ang iyong smartphone nang hindi bababa sa 0.59 in. (15 mm) ang layo mula sa iyong katawan. Ang paggamit ng mga accessory na hindi ibinigay o inaprubahan ng BlackBerry ay maaaring magdulot sa iyong smartphone na lumampas sa mga alituntunin sa pagkakalantad sa radio frequency. Maaaring magdulot ng matinding pinsala ang mga pangmatagalang epekto ng paglampas sa mga pamantayan ng pagkakalantad sa radio frequency. Para sa karagdagang impormasyon tungkol sa pagkakalantad sa radio frequency, tingnan ang bahaging "Impormasyon sa pagsunod" ng dokumentong ito. Ang karamihan sa mga lalagyan na inaprubahan ng BlackBerry para sa mga smartphone (halimbawa, mga lalagyan, bag, at pouch) ay may kasamang magnet. Huwag maglagay ng mga bagay na may mga magnetic strip na bahagi, gaya ng mga debit card, credit card, hotel key card, phone card, o katulad na bagay, nang malapit sa mga nasabing lalagyan. Maaaring mapinsala o mabura ng magnet ang nakalagay na data sa magnetic strip. Magnetometer May kasamang magnetometer ang iyong smartphone. Ginagamit ang magnetometer ng mga application gaya ng Compass. Maaaring negatibong maapektuhan ng mga magnet o device na naglalaman ng mga magnet, gaya ng mga lalagyan, headphone, o monitor ang kawastuhan ng magnetometer. Huwag umasa sa mga application na gumagamit ng magnetometer para matukoy ang iyong lokasyon, lalo na sa mga emerhensyang sitwasyon. Media Maaaring ipagbawal o limitahan ng ilang mga hurisdiksyon ang iyong paggamit ng ilang mga tampok sa iyong smartphone. Kapag kumukuha, nagpoproseso, o gumagamit ng mga larawan, sundin ang lahat ng batas, regulasyon, pamamaraan, at patakaran, kabilang ang, nang walang limitasyon, sa anumang naaangkop na mga batas sa copyright, personal na pagkapribado, lihim ng kumpanya, o seguridad na maaaring ipinapatupad sa iyong hurisdiksyon. Igalang ang mga personal na karapatan ng iba. Maaari kang pigilan ng mga proteksyon ng copyright sa pagkopya, pagbabago, paglilipat, o pagpapasa ng ilang mga larawan, musika (kabilang ang mga ringtone), o ibang nilalaman. Mga file ng audio: Maaaring permanenteng mawala ang iyong pandinig kung nakikinig ka sa mga file ng audio nang napakalakas, lalo na kung gumagamit ng mga headphone. Iwasang lakasan ang volume ng iyong mga headphone upang hindi marinig ang ingay sa kapaligiran. Kung may naririnig kang tunog sa iyong mga tainga o kung hindi mo masyadong maintindihan ang salita ng iyong kausap, kumonsulta sa isang doktor. Camera: Kung may camera ang iyong smartphone, huwag direktang itutok ang camera sa araw o anumang ibang maliwanag na ilaw. Kapag ginawa mo ito, maaari nitong matinding mapinsala ang iyong mga mata o masira ang iyong smartphone. Kapag ginagamit ang flash ng camera, panatilihin ang aperture ng LED na flash ng camera nang hindi bababa sa 19.69 in. (50 cm) ang layo mula sa mga mata ng kinukuhanan. Antenna Gamitin lamang ang ibinigay na kasamang antenna. Maaaring mapinsala ng walang pahintulot na pagbabago o paglalakip sa antenna ang smartphone at maaaring labagin ang mga regulasyon ng Federal Communications Commission (FCC) ng Estados Unidos. Interference sa electronic na kagamitan Pinoprotektahan ang karamihan sa mga modernong elektronikong kagamitan mula sa mga radio frequency signal. Gayunpaman, ang ilang elektronikong kagamitan ay maaaring hindi pinoprotektahan laban sa mga radio frequency signal mula sa iyong smartphone. Mga Pacemaker:Kumonsulta sa isang doktor o gumawa ng iyong pacemaker kung mayroon kang anumang mga tanong tungkol sa epekto ng mga radio frequency signal sa iyong pacemaker. Tiyakin na ginagamit mo ang iyong smartphone alinsunod sa mga pangkaligtasang kinakailangan na may kaugnayan sa iyong partikular na pacemaker, na maaaring kasama ang mga sumusunod na kinakailangan: palaging panatilihin ang iyong smartphone nang mahigit sa 7.88 pulgada (20 cm) ang layo mula sa pacemaker kapag naka-on ang iyong smartphone, huwag ilagay ang iyong smartphone sa iyong bulsa sa may dibdib, at gamitin ang tainga na salungat sa pacemaker para sa paggawa at pagtanggap ng mga tawag sa iyong smartphone para mabawasan ang potensyal na interference. Kung mayroon kang anumang kadahilanan para paghinalaan na mayroong interference, agad na i-off ang lahat ng wireless na koneksyon sa iyong smartphone, itigil ang paggamit ng iyong smartphone, at kumonsulta sa isang doktor. Mga hearing aid: Maaaring mag-interfere ang ilang mga digital na wireless device sa ilang mga hearing aid. Kung magkaroon ng naturang interference, kumonsulta sa iyong wireless service provider o makipag-ugnayan sa gumawa ng iyong hearing aid upang talakayin ang mga alternatibo. May kasamang magnetometer ang iyong smartphone, na ginagamit ng mga application tulad ng Compass. Kung ang isang application na gumagamit ng magnetometer ay nagdudulot ng interference sa iyong hearing aid, isara ang application. Ibang mga medikal na kagamitan: Kung gumagamit ka ng anumang ibang personal na medikal na kagamitan, kumonsulta sa gumawa upang matukoy kung sapat na napoprotektahan ang iyong medikal na kagamitan mula sa enerhiya ng panlabas na radio frequency. Maaari kang matulungan ng iyong doktor sa pagkuha ng impormasyong ito. Mga pasilidad sa pangangalagang pangkalusugan: I-off ang lahat ng mga wireless na koneksyon sa iyong smartphone sa mga pasilidad sa pangangalagang pangkalusugan kapag iniuutos sa iyong gawin ito ng anumang mga regulasyong naka-post sa mga lugar na ito. Maaaring gumagamit ang mga ospital o mga pasilidad sa pangangalagang pangkalusugan ng kagamitang maaaring sensitibo sa enerhiya ng panlabas na radio frequency. Sasakyang Panghimpapawid: Ipinagbabawal ng mga regulasyon ng Federal Aviation Administration (FAA) at Federal Communications Commission (FCC) ang paggamit ng radio n mga wireless na device habang nasa himpapawid. I-off ang lahat ng wireless na koneksyon sa iyong smartphone bago sumakay sa isang sasakyang panghimpapawid. Hindi alam ang epekto ng paggamit ng smartphone nang naka-on ang mga wireless na koneksyon sa isang sasakyang panghimpapawid. Maaaring maapektuhan ng naturang paggamit ang mga instrumento, komunikasyon, at pagganap ng sasakyang panghimpapawid, maaaring magambala ang network, maaaring mapanganib sa pagpapatakbo ng sasakyang panghimpapawid, at maaaring ilegal. Nang naka-off ang lahat ng wireless na koneksyon sa iyong smartphone, gamitin lang ang mga application sa device na hindi nakabase sa radio alinsunod sa mga regulasyon ng airline para sa mga electronic na device. Mga mapanganib na lugar Ang iyong smartphone, sa likas na katangian nito, ay hindi ligtas na device at hindi naaangkop na gamitin sa mga mapanganib na paligid, kung saan kailangan ang mga ligtas na device, sa likas na katangian nito, kabilang ang, nang walang limitasyon, sa kung may mga sumisingaw na gas, mga sitwasyong may alikabok na maaaring sumabog, pagpapatakbo ng mga pasilidad para sa nuclear, pagpapalipad ng eroplano o mga serbisyo sa komunikasyon, air traffic control, at mga sistema para sa life support o pang-armas. Mga kapaligirang may potensyal na magkaroon ng pagsabog: Kung nasa isa kang lugar na may kapaligirang may potensyal na magkaroon ng pagsabog, i-off ang lahat ng wireless na koneksyon sa iyong smartphone at sundin ang lahat ng karatula at tagubilin. Maaaring magsanhi ng pagsabog o ng sunog ang mga pagsiklab sa mga naturang lugar na magreresulta sa pinsala sa katawan o maging pagkamatay. Madalas, ngunit hindi palagi, malinaw na may marka ang mga lugar na may potensyal na magkaroon ng pagsabog. Kasama sa mga iyon ang mga gasolinahan; sa ibaba ng deck ng mga bangka; mga pasilidad sa paglilipat ng gasolina o kemikal; mga sasakyang gumagamit ng liquefied petroleum gas, gaya ng propane o butane; mga lugar kung saan naglalaman ang hangin ng mga kemikal o bahagi, gaya ng grain, alikabok, o metal powder; at anumang ibang lugar kung saan normal na aabisuhan kang i-off ang makina ng iyong sasakyan. Huwag gamitin ang telepono sa iyong smartphone upang mag-ulat ng pagtagas ng gas nang malapit sa pinangyarihan ng pagtagas. Lumayo sa lugar at gawin ang pagtawag mula sa isang ligtas na lokasyon, kung available at atkibo ang telepono sa iyong smartphone. Mga lugar para sa pagpapasabog: Kapag nasa isang "lugar para sa pagpapasabog" o sa isang lugar na nagsasaad na dapat na i-off ang mga two-way na radyo, upang maiwasan ang paggambala sa mga pagpapasabog, i-off ang lahat ng wireless na koneksyon sa iyong smartphone at sundin ang lahat ng karatula at tagubilin. Mga temperatura sa paggamit at pag-iimbak Idinisenyo ang iyong smartphone at charger ng smartphone para paganahin at itago sa loob ng mga temperaturang nakalista sa ibaba: Paggamit sa smartphone: 32 hanggang 95°F (0 hanggang 35°C) Pag-iimbak sa smartphone (mas mababa sa 3 buwan): -4 hanggang 95°F (-20 hanggang 35°C) Pag-iimbak sa smartphone (3 buwan o higit pa): 71.6 hanggang 82.4°F (22 hanggang 28°C) Pagpapagana sa charger: 32 hanggang 95°F (0 hanggang 35°C) Pagtatago ng charger: -22 hanggang 167°F (-30 hanggang 75°C) Ang paggamit o pagtatago ng iyong smartphone o mga accessory ng smartphone nang wala sa mga hanay ng temperatura ay maaaring uminit ang iyong smartphone na maaaring magbunga ng matinding pinsala o kamatayan, o magdulot ng pinsala sa smartphone, mga accessory, o lithium-ion na baterya. Ilayo ang iyong smartphone o mga accessory ng smartphone sa mga pagmumulan ng init, gaya ng mga radiator, heat register, kalan, o ibang mga aparato (kabilang ang mga amplifier) na lumilikha ng init. Kung hindi mo gagamitin ang iyong smartphone nang mahigit sa dalawang linggo, i-off ang power. Paglilinis at pag-aayos ng smartphone Paglilinis: Huwag gumamit ng likido, mga panlinis na aerosol, o solvent sa o malapit sa iyong smartphone o mga accessory ng smartphone, kabilang ang baterya. Linisin lamang gamit ang isang malambot at tuyong basahan. Alisin ang anumang mga kable mula sa computer at alisin sa pagkakasaksak ang anumang mga accessory na pang-charge mula sa saksakan bago linisin ang alinman sa iyong smartphone o accessory na pang-charge. Pag-aayos:Huwag subukang baguhin, kalasin, o ayusin ang iyong smartphone o anumang accessory na pang- charge. Huwag subukang palitan ang hindi naaalis na baterya mo. Mga kwalipikadong tauhan sa pag-aayos lamang ang dapat mag-aayos o magpalit ng baterya sa iyong smartphone o mga accessory na pang-charge, at dapat lamang gumamit ng baterya na tinutukoy ng BlackBerry para gamitin sa partikular na modelo ng iyong smartphone. Kung mangyayari ang alinman sa mga sumusunod na sitwasyon, alisin ang mga kable ng power supply mula sa computer o saksakan ng kuryente at ipaayos ang iyong smartphone o accessory na pang-charge sa kwalipikadong tauhan: • Ang kurdon ng power supply, plug, o pang-konekta ay nasira. • Natapunan ng likido o nagbagsakan ng mga gamit ang smartphone o accessory na pang-charge. • Ang smartphone o accessory na pang-charge ay nabasa ng ulan o tubig. • Ang smartphone o accessory umiinit ng napakainit at hindi mahawakan. • Ang smartphone o accessory na pang-charge ay naibagsak o nasira sa anumang paraan. • Ang smartphone o accessory na pang-charge ay hindi normal na gumagana sa pamamagitan ng pagsunod sa mga instruksiyon na nasa dokumentasyon ng gumagamit. • Ang smartphone o accessory na pang-charge ay nagpapakita ng isang kakaibang pagbabago sa paggana. Upang mabawasan ang peligro ng pagkasunog o pagkakuryente, ayusin lang ang mga kontrol na saklaw ng dokumentasyon ng user para sa iyong smartphone. Ang hindi wastong pag-aayos sa iba pang mga kontrol ay maaaring magsanhi ng pinsala at madalas na mangangailangan ng labis na pagtatrabaho mula sa isang kwalipikadong technician upang maipanumablik ang iyong smartphone, accessory na pang-charge, o anumang iba pang accessory sa normal na paggana. Kapag nabigong sundin ang lahat ng mga tagubiling pangkaligtasan na nasa dokumentasyon ng user para sa iyong smartphone, ipapawalang-bisa nito ang Limitadong Warranty at maaaring humantong sa pagkakasuspinde o pagtanggi sa mga serbisyo sa lumabag, legal na pagkilos, o pareho. Pagtatapon sa smartphone at baterya Huwag itapon ang alinman sa iyong smartphone o baterya sa basurahan sa bahay o sa apoy. Para sa impormasyon tungkol sa pagsasauli ng iyong smartphone at mga accessory sa BlackBerry para i- recycle at ligtas na itapon, mula sa browser ng iyong computer, bisitahin ang www.blackberry.com/recycling o https://tradeup.blackberry.com. Mayroon lamang mga programa ng pagre-recycle at trade-in sa ilang mga partikular na lugar. Kung hindi inaalok ang mga programang ito sa iyong lugar, sumangguni sa iyong lokal na pamahalaan para sa mga regulasyon tungkol sa wastong pagtatapon ng mga elektronikong produkto. Itapon ang iyong smartphone at baterya nito alinsunod sa mga batas at regulasyon sa iyong lugar na namamahala sa pagtatapon ng mga naturang uri ng cellphone. Tungkol sa mga tawag na pang-emergency at sa BlackBerry Mobile Voice System Kung mayroong BlackBerry Mobile Voice System naka-install sa iyong smartphone, naaangkop sa iyo ang mga sumusunod na pahayag: Ang mga emerhensyang tawag sa 911, 112, 000, 999, o ibang mga numero na kinikilala sa ibang bansa na nilalayong ikonekta sa isang tagasagot para sa pampublikong kaligtasan o mga katulad na serbisyong pang- emerhensya ay hindi ipinoproseso sa pamamagitan ng BlackBerry Mobile Voice System, at ipinoproseso lamang mula sa iyong smartphone kung saan mayroong coverage sa mobile network mula sa isang wireless service provider. Hindi idinisenyo o nilalayon ang BlackBerry MVS na palitan ang karaniwang serbisyo ng telepono. Dapat gumawa ng mga karagdagang pagsasaayos, na hiwalay sa BlackBerry MVS, para makakuha ka ng access sa mga karaniwang hindi nagbabago o wireless na mga serbisyo sa telepono, tulad ng kakayahan sa pagtawag kapag may emerhensya. Hindi responsable o hindi mananagot ang BlackBerry at mga kaanib nito, at kani-kanilang mga opisyal, direktor, at empleyado o anupaman para sa anumang personal na pinsala, kamatayan, o pinsalang magmumula sa o nauugnay sa kawalan ng kakayahang magamit ang mga serbisyo sa pagtawag para sa emerhensya (halimbawa, 911, 112, 000, o 999) sa pamamagitan ng BlackBerry MVS. Sa pamamagitan ng paggamit sa BlackBerry MVS Client, sumasang-ayon ka sa nasa itaas. Kung hindi ka sumasang-ayon sa nasa itaas, alisin ang BlackBerry MVS Client mula sa iyong smartphone. Impormasyon sa Pagsunod Pagkakalantad sa mga radio frequency signal Ang smartphone radio ay isang mahina sa kuryente na radio transmitter at receiver. Kapag naka-on ang smartphone radio, tumatanggap ito at nagpapadala rin ng mga radio frequency signal. Idinisenyo ang smartphone para sumunod sa Federal Communications Commission (FCC), Ministry of Internal Affairs and Communications (MIC), Pamantayan ng Institute of Electrical and Electronics Engineers (IEEE), National Council on Radiation Protection and Measurements (NCRP), International Commission on Non-Ionizing Radiation Protection (ICNIRP), at ibang mga may kaugnayang alituntunin na sumusunod sa mga ligtas na antas ng pagkakalantad sa radio frequency para sa mga wireless device, na siya namang naaalinsunod sa mga sumusunod na pamantayan sa kaligtasan na dating itinakda ng mga internasyonal na lupon ng pamantayan ng Estados Unidos: • ANSI/IEEE C95.1, 2005, American National Standards Institute/Pamantayan ng Institute of Electrical and Electronics Engineers para sa Mga Ligtas na Antas alinsunod sa Pagkakalantad ng Tao sa Mga Radio Frequency Electromagnetic Field, 3 kHz hanggang 300 GHz • National Council on Radiation Protection and Measurements (NCRP) Ulat 86, 1986, Mga Biyolohikal na Epekto at Pamantayan ng Pagkakalantad sa Mga Radiofrequency Electromagnetic Field • EN 50360, 2001+A1:2012, Pamantayan ng produkto para ipakita ang pagsunod ng mga cellphone sa mga pangunahing limitasyon na may kaugnayan sa pagkakalantad ng tao sa mga electromagnetic field (300 MHz hanggang 3 GHz) • International Commission on Non-Ionizing Radiation Protection (ICNIRP), 2009, Mga Alituntunin para sa Paglilimita ng Pagkakalantad sa Mga Nag-iibang Electric, Magnetic, at Electromagnetic field ayon sa oras (hanggang sa 300 GHz) • Official Journal of the European Union (OJEU), 1999, Rekomendasyon ng Konseho 12 Hulyo 1999 sa mga limitasyon ng pagkakalantad ng pangkalahatang publiko sa mga electromagnetic field (0 Hz hanggang 300 GHz) • MIC, 2001, Artikulo 14 hanggang 2 ng Ordinansa para sa Pagkontrol ng Radio Equipment Para mapanatili ang pagsunod sa FCC, MIC, EU, at ibang mga may kaugnayang internasyonal na alituntunin sa pagkakalantad sa radio frequency kapag dala mo ang smartphone sa iyong katawan, gumamit lamang ng mga accessory na may kasamang belt clip na ibinigay o inaprubahan ng BlackBerry. Maaaring labagin ng paggamit ng mga accessory na hindi tahasang inaprubahan ng BlackBerry ang mga alituntunin sa pagkakalantad sa radio frequency at maaaring ipawalang-bisa ang anumang warranty na naaangkop sa smartphone. Kung hindi ka gumagamit ng accessory na isinusuot sa katawan na may kasamang belt clip na ibinigay o inaprubahan ng BlackBerry kapag dala mo ang smartphone, ilayo ang smartphone nang hindi bababa sa 0.59 in. (15 mm) mula sa iyong katawan kapag nagta-transmit ang smartphone. Kapag gumagamit ng anumang tampok sa smartphone na gumagamit ng data, nang may o walang USB cable, hawakan ang smartphone nang hindi bababa sa 0.59 in. (15 mm) ang layo mula sa iyong katawan. Kung gumagamit ka ng accessory na nakasuot sa katawan na hindi ibinigay ng BlackBerry kapag dala mo ang smartphone, tiyakin na walang lamang bakal ang accessory at ilayo ang smartphone nang hindi bababa sa 0.59 in. (15 mm) mula sa iyong katawan kapag nagta-transmit ang smartphone. Upang mabawasan ang pagkakalantad sa radio frequency isaalang-alang ang mga alituntuning pangkaligtasan na ito: • Gamitin ang smartphone sa mga lugar kung saan may malakas na wireless na signal. Makikita ang indicator na nagbibigay ng impormasyon tungkol sa lakas ng wireless na signal sa itaas na kanang sulok ng home screen at nagpapakita ng limang pataas na bar. Isinasaad ng tatlo o higit pang bar ang isang malakas na signal. Ang pagpapakita ng mababang signal, na maaaring maganap sa mga lugar gaya ng underground na paradahan o kung naglalakbay ka sa pamamagitan ng tren o kotse, ay maaaring magsaad ng mas malakas na output ng power mula sa iyong smartphone dahil sinusubukan nitong kumonekta sa mahinang signal. • Gamitin ang hands-free na operation kung available ito at panatilihin ang smartphone ng hindi bababa sa 0.59 in. (15 mm) ang layo sa iyong katawan (kabilang ang tiyan ng isang buntis na babae at ibabang tiyan ng mga teenager) kapag naka-on ang smartphone at nakakonekta sa wireless network. Para sa higit pang impormasyon tungkol sa pagdadala ng iyong smartphone, tingnan ang impormasyon ng lalagyan sa seksyong "Mga Accessory" ng dokumentong ito. • Bawasan ang tagal ng oras na ginugugol sa mga tawag, o magpadala ng text message o mensaheng BBM sa halip. Data ng specific absorption rate NATUTUGUNAN NG MODELO NG WIRELESS DEVICE NA ITO ANG MGA HINIHILING NG PAMAHALAAN PARA SA PAGKAKALANTAD SA MGA RADIO WAVE KAPAG GINAGAMIT AYON SA SINABI SA BAHAGING ITO. Ang smartphone ay isang radio transmitter at receiver. Idinisenyo at ginawa ito para hindi lumampas sa mga limitasyon ng paglalabas ng enerhiya ng radio frequency (RF) na itinakda ng Federal Communications Commission (FCC) ng Pamahalaan ng Estados Unidos, at inirerekomenda ng Ang Konseho ng European Union kapag ginagamit ayon sa sinabi sa naunang bahagi. Bahagi ang mga limitasyong ito ng komprehensibong mga alituntunin at nagtatatag ng mga pinahihintulutang antas ng enerhiya ng RF para sa