REPUBLIKA E SHQIPËRISË MINISTRIA E ARSIMIT DHE SHKENCËS INSTITUTI I ZHVILLIMIT TË ARSIMIT KURRIKULA KOMBËTARE E ARSIMIT BAZË PROGRAM LËNDOR Fusha: ARTE Lënda: MUZIKA Klasa: 1-9 Kodi: _______ Koordinatore: Majlinda HALA Tiranë, 2012
REPUBLIKA E SHQIPËRISË
MINISTRIA E ARSIMIT DHE SHKENCËS
INSTITUTI I ZHVILLIMIT TË ARSIMIT
KURRIKULA KOMBËTARE E ARSIMIT BAZË
PROGRAM LËNDOR
Fusha: ARTE
Lënda: MUZIKA
Klasa: 1-9
Kodi: _______
Koordinatore:
Majlinda HALA
Tiranë, 2012
2
MUZIKË
GRUPI I PUNËS:
Petrit MALAJ
Besnik BISHA
Julika SIMO
Majlinda HALA
Ani THEODHOSI
Fatbardh LEKA
Vjollca PURIQI
Miradie PEPNIKA
3
MUZIKË
1. TË PËRGJITHSHME
Muzika, si një prej disiplinave artistike brenda fushës së Arteve, është pjesë e
rëndësishme e përvojës njerëzore, që bashkëpunon me disiplinat e tjera artistike.
Shumëllojshmëritë e kërkesave dhe veprimtarive muzikore, siç janë: kënga, shkrimi i notave dhe
elementeve të tjera muzikore, dëgjimi i pjesëve muzikore, luajtja në instrumente të ndryshme
ritmike ORF, në fyell etj., të paraqitura në këtë program, i përgjigjen objektivit për zhvillimin e
muzikalitetit të fëmijëve. Njohja dhe zbatimi i përmbajtjeve në lëndën e muzikës sigurojnë
mundësinë për zbatimin e një kurrikule kombëtare të arsimit bazë 1-9, duke krijuar mundësinë që
nxënësit të jenë të suksesshëm në këtë disiplinë artistike.
Objekti i studimit të Muzikës në arsimin bazë janë dukuritë, proceset dhe çështjet që i
përkasin muzikës, duke vërtetuar ligjshmërinë e tyre, si dhe duke shpjeguar mënyrat e
interpretimit dhe ndërtimit të tyre, gjë e cila çon drejt realizimit të një procesi të suksesshëm të
mësimit të muzikës.
Ky program në arsimin bazë ka për qëllim: Të edukojë nxënësit nga pikëpamja muzikore,
duke i orientuar ata me kreativitet drejt kuptimit të vlerave muzikore dhe veçorive të ligjërimit
muzikor nga më e thjeshta te më e ndërlikuara, drejt marrjes pjesë dhe interpretimit në
veprimtaritë muzikore individuale dhe në grup, drejt formimit dhe krijimit të një qëndrimi artistik
në njohjen me muzikën shqiptare dhe atë botërore, përmes formave dhe gjinive të ndryshme
muzikore.
2. SYNIMET E PROGRAMIT SIPAS CIKLEVE DHE NËNCIKLEVE
KLASAT 1-3
Në fund të klasës së tretë, nxënësit duhet:
të zbulojnë ritmin në mjedis dhe në muzikë;
të përjetojnë ritmin në mjedis dhe në muzikë, duke provuar modele të ndryshme ritmike;
të përshkruajnë karakteristikat e tingujve nga natyra, duke i përcaktuar ato;
të demonstrojnë njohjen e ritmeve me dy dhe tri goditje;
4
MUZIKË
të këndojnë këngë dhe lojëra didaktike për fëmijë, këngë popullore, të përshtatshme për nga
karakteri, përmbajtja e shtrirja, me dhe pa shoqërim instrumental;
të formojnë kulturën vokale, duke respektuar kërkesat e këndimit: pozicioni, frymëmarrja,
artikulimi i fjalëve etj.);
të luajnë në instrumente ritmike, duke shoqëruar këngë dhe lojëra muzikore;
të demonstrojnë krijimin e modeleve ritmike përmes ligjërimit të vargjeve, lëvizjeve dhe
shoqërimit në instrumentet ritmike;
t’u përgjigjen këngëve apo lojërave muzikore përmes shoqërimit me lëvizje trupore, me
shuplaka apo instrumente me goditje;
të komentojnë me fjalë të thjeshta muzikën që këndojnë, luajnë dhe dëgjojnë.
KLASAT 4-6
Në fund të klasës së gjashtë, nxënësit duhet:
të njohin dhe të përdorin shkrimin muzikor, duke krijuar përmes tyre;
të kuptojnë ndryshimet muzikore që ndodhin gjatë dëgjimit të një pjese vokale apo
instrumentale: shpejtësia (tempi), karakteri, ngjyrimi i zërit dhe i instrumenteve;
të dallojnë, gjatë dëgjimit, llojin e muzikës për fëmijë, popullore, klasike etj.;
të dallojnë masat ritmike me dy, tre dhe me katër goditje, përmes shembujve të ndryshëm
ritmikë dhe melodikë;
të këndojnë këngë dhe lojëra muzikore për fëmijë, didaktike, të kultivuara dhe popullore, të
përshtatshme për nga karakteri, përmbajtja, shtrirja, me dhe pa shoqërim instrumental;
të formojnë kulturën vokale, duke respektuar kërkesat e të kënduarit bukur dhe korrekt
(pozicioni, frymëmarrja, artikulimi i fjalëve etj.);
të luajnë në fyell ushtrime dhe pjesë shumë të thjeshta për fëmijë;
të krijojnë ushtrime ritmike apo melodike në kohët e thjeshta, masat 2-3-4-kohore;
të krijojnë, të shpjegojnë dhe të vlerësojnë krijimet muzikore të vetat apo të të tjerëve.
5
MUZIKË
KLASAT 7-9
Në fund të klasës së nëntë, nxënësit duhet:
të kuptojnë kohët e përbëra dhe të përziera, përmes shembujve ritmikë dhe melodikë;
të kuptojnë notën dhe pushimin 1/8 dhe 1/16;
të njohin dhe të kuptojnë përdorimin e intervaleve dhe të shenjave të shartimit në muzikë;
të zbatojnë masën e paplotësuar, lidhjen vlerëse dhe shprehëse, koronën, sinkopën në
shembujt muzikorë;
të demonstrojnë dallimin e formave të thjeshta muzikore A-B; A-B-A dhe të dëgjojnë pjesë
të ndryshme vokale, instrumentale, vokale-instrumentale në këto forma;
të bëjnë dallimin e orkestrave: bandë, ansambël dhome, orkestër simfonike, përmes dëgjimit;
të luajnë në fyell ushtrime në kohët e mësuara;
të këndojnë
o këngë tematike për fëmijë (të rinj),
o këngë popullore,
o këngë të huaja,
o pjesë të vogla (me një ose dy zëra);
të këndojnë kanone me dy zëra;
të flasin për zhvillimin e muzikës popullore shqiptare, këngët, vallet dhe muzika
instrumentale;
të shpjegojnë zhvillimin e muzikës së kultivuar shqiptare, duke renditur disa nga
përfaqësuesit kryesorë;
të njohin zhvillimin dhe rolin e kulturës muzikore1 shqiptare dhe botërore dhe të veprave
artistike, të krijuara në kontekste të ndryshme sociale, politike, fetare dhe kulturore nga
artistë të ndryshëm;
1 Njohja me zhvillimin e kulturës muzikore DUHET të jetë shumë e thjeshtë dhe të zërë shumë pak rreshta. Jeta e
kompozitorëve, që mund të jenë të shumtë në numër, do të jetë shumë e reduktuar. Do të sillen në vëmendje kompozitorët dhe veprat më të spikatura të zhvillimit të kulturës muzikore. Kjo gjë vlen edhe për muzikën shqiptare. Hollësirat që i përkasin zhvillimit të përgjithshëm historik - muzikor, plotësohen me hollësitë përkatëse në gjimnaz.
6
MUZIKË
të njohin zhvillimin e muzikës moderne përmes rrymave bluz, xhaz, rok;
të krijojnë melodi mbi një ritëm të caktuar, mbi vargje, apo elemente të tjera krijuese
3. KËRKESA PËR ZBATIMIN E PROGRAMIT TË MUZIKËS 1-9
Programi i Muzikës është dokument zyrtar, pjesë e tërësisë së dokumenteve zyrtare për
arsimin bazë. Dokumentet e tjera kryesore janë Korniza Kurrikulare e Arsimit Parauniversitar
dhe standardet e fushës së arteve, ku lënda e muzikës bën pjesë. Hartimi i programit është
mbështetur te Korniza Kurrikulare dhe te standardet e fushës. Për të siguruar përdorimin sa më të
mirë të programit, është e vlefshme njohja me dokumentet e lartpërmendura.
Fusha e Arteve në arsimin bazë zhvillohet në mënyrë të plotë për sa u përket kohës,
përmbajtjes, strukturës dhe lëndëve, të cilat janë: arti pamor, muzika, kërcimi dhe teatri.
Muzika në arsimin fillor studiohet në 210 orë mësimore dhe në arsimin e mesëm të ulët
studiohet në 105 orë mësimore. Programi i Muzikës organizohet sipas linjave dhe nënlinjave të
përmbajtjes dhe për çdo linjë shënohen objektivat, që materializojnë njohuri muzikore, aftësi dhe
qëndrime që pritet të fitojnë nxënësit gjatë realizimit të këtij programi. Linjat që do të
përshkruajnë lëndën e Muzikës, janë: 1) Dëgjimi muzikor; 2) Kënga dhe instrumenti; 3) Krijimi
dhe reflektimi. Raporti i vëllimit midis njohurive dhe veprimtarive në lëndën e muzikës është
afërsisht 50 me 50.
Shkrirja e orëve për çdo linjë apo nënlinjë të programit gjatë procesit mësimor do të
zhvillohet nga vetë mësuesit, si ta shikojnë ata të arsyeshme, duke zhvilluar njohuritë
përmbajtjesore në veprimtari të përbashkëta muzikore. Për shembull: nënlinja e këndimit dhe ajo
e luajtjes në instrument zhvillohen bashkë (edhe pse orët janë të ndara), pasi nxënësit mund të
këndojnë dhe të shoqërojnë me instrumente ritmike dhe ORF këngët dhe lojërat muzikore, duke
ndërthurur njohuritë dhe aftësitë për këngën dhe instrumentin.
Përdorues të këtij programi do të jenë të gjithë aktorët që marrin pjesë drejtpërdrejt ose jo
në arsim: specialistët e arsimit bazë dhe më tej, mësuesit, autorët e teksteve, prindërit etj.
Zbatimi i programit të bëhet duke respektuar parimet e barazisë gjinore, etnike, kulturore,
racore dhe fetare.
7
MUZIKË
Objektivat e programit
Objektivat e programit janë për të gjithë nxënësit. Kjo do të thotë se të gjithë nxënësve
duhet t’u jepet mundësia që të nxënë çka përshkruhet tek objektivat. Realizimi i objektivave në
linja, tema (njësi mësimore) dhe renditja e tyre është zgjedhje e lirë e zbatuesit të programit. Orët
e sugjeruara të nënlinjës “Luajmë në instrument” në ciklin 1-3, mund të realizohen në mënyrë të
integruar me nënlinjën “Këndojmë”, ku nxënësit mund të këndojnë dhe të shoqërojnë veten e
tyre, apo grupin ku ata këndojnë, me instrumente ritmike me goditje.
P. sh., objektivi “Shoqërojnë me mjete trupore ose instrumente me goditje këngët dhe
lojërat muzikore”, kërkon që mësimdhënësit të bashkojnë orën e këngës me atë të instrumentit
gjatë procesit mësimor, por kjo gjë nuk vlen për autorët e tekstit.
Një objektiv i përmbajtjes lëndore përmbushet në nivele të ndryshme nga nxënës të
ndryshëm. Mësuesit dhe autorët e materialeve mësimore duhet të mbulojnë të gjithë gamën e
niveleve të nxënësve. P. sh., në linjën “Dëgjimi muzikor” dhe nënlinjën “Dëgjojmë dhe i
përgjigjemi muzikës” në ciklin 1-3, objektivi “Nxënësit zbulojnë dhe shpjegojnë me fjalë të
thjeshta karakteristikat dhe ndryshimet e tingujve që dëgjojnë në jetën e përditshme”, bie fjala:
zëri i zogut dhe zëri i luanit (ndryshimet),
zëri i gruas dhe zëri i burrit (ndryshimet),
tingulli i violinës dhe i kontrabasit (ndryshimet),
kërkon që të gjithë nxënësve t’u jepet mundësia për të zbuluar dhe shpjeguar karakteristikat e
tingujve që dëgjojnë në mënyrë të sigurt, por jo nga të gjithë do të pretendohet i njëjti nivel i
shpjegimit të këtyre karakteristikave.
Në linjën “Dëgjimi muzikor” dhe nënlinjën “Dëgjojmë dhe i përgjigjemi muzikës” në ciklin 7-9,
objektivi: “Të njohin llojet e orkestrave: bandë, ansambël dhome, orkestër simfonike dhe
dëgjojnë pjesë instrumentale dhe vokale, të ekzekutuara nga ato” kërkon që të gjithë nxënësve
t’u jepet mundësia për të dalluar llojet e orkestrave, por jo nga të gjithë do të pretendohet i njëjti
nivel i shpjegimit të këtyre llojeve të tyre.
8
MUZIKË
Orët mësimore
Programi i muzikës është strukturuar në linja dhe nënlinja që vijnë njëra pas tjetrës.
Shpërndarja e orëve të sugjeruara do të jepet në çdo linjë të programit të detajuar.
Në programin e lëndës së muzikës, afërsisht 50% e totalit të orëve mësimore është për
shtjellimin e njohurive të reja lëndore dhe 50% e tyre është për përpunimin e njohurive (gjatë
vitit dhe në fund të vitit shkollor).
Përpunimi i njohurive
Përpunimi i njohurive përmban:
përsëritjen brenda një linje të njohurive-bazë të tij (konceptet themelore);
integrimin e njohurive të reja të një linje me njohuritë e linjave apo nënlinjave
paraardhëse;
integrimin e njohurive të reja me njohuritë e lëndëve të tjera brenda fushës së arteve ose
me fusha të tjera të të nxënit (ndonëse këto integrime do të përshkojnë zhvillimin e çdo
ore mësimore; gjatë përpunimit i duhet kushtuar kohë e posaçme);
testimin e njohurive-bazë;
përsëritjen vjetore (pavarësisht nga ndarja në linja dhe në blloqe tematike, lënda duhet
parë si një e tërë);
testimin vjetor (nuk është i detyruar).
4. INTEGRIMI DHE LIDHJA NDËRLËNDORE
Qasjet ndërlëndore në këtë lëndë nënkuptojnë marrëdhënien reciproke midis dy ose më
shumë lëndëve brenda një fushe apo edhe me fusha të tjera të nxëni. Muzika është e lidhur me
lëndët brenda fushës së saj, por edhe me fusha të tjera të nxëni në kurrikul. Elementet muzikore,
melodia, ritmi, harmonia, dinamika, tempi etj., lidhen shumë mirë me disiplinat e tjera artistike,
si Kërcimin, Artin pamor, Teatrin, por edhe me Matematikën, Gjuhën shqipe dhe letersinë, si dhe
Shkencat shoqërore. Kështu që në arsimin fillor, mësuesit përmes mësimit të shumë përmbajtjeve
9
MUZIKË
mësimore, duhet t’u japin mundësinë fëmijëve të konsolidojnë përvojat që ata kanë krijuar dhe
që i sjellin në klasë, duke i pasuruar dhe duke u dhënë drejtim të mëtejshëm këtyre përvojave.
Më poshtë paraqiten disa lidhje ndërlëndore të muzikës me lëndë të tjera, të para përmes
objektivave të njohurive:
MUZIKA SHKENCAT NATYRORE
Karakteristikat e tingujve muzikorë:
intensiteti, lartësia, gjatësia.
Karakteristikat e valëve të tingujve
përfshirë amplitudën, frekuencën, valët e
gjata etj.
MUZIKA MATEMATIKA
Lidhja e gjatësisë së një tingulli me ritmin,
duke i shprehur përmes shprehjeve: 2/4, ¾,
4/ 4 etj.
Numrat – gjysma është më shumë se ... ose
¼; ose hapësirë e barabartë ose intervalet.
MUZIKA SHKENCAT SHOQËRORE
Tematikat e këngëve dhe elementet përbërëse
të pjesëve muzikore shpeshherë reflektojnë
ndikimet që kanë pasur në kulturën muzikore
dukuritë sociale, ngjarjet historike, veçoritë
klimaterike dhe burimet natyrore.
Modelet e mënyrës së jetesës së njerëzve
janë zhvilluar sipas tipareve të mjedisit dhe
vendit ku ata kanë jetuar, duke u bërë
frymëzim edhe për tematika të ndryshme
artistike (muzikore).
MUZIKA ARTI PAMOR
Muzika shpreh idetë përmes kombinimit të
tingujve, timbrit, regjistrave, pra elementeve
muzikore.
Arti pamor shpreh idetë përmes
kombinimit të ngjyrave, vijave dhe
formave, pra elementeve të artit.
5. METODOLOGJITË E MËSIMDHËNIES
Organizimi i mirë i procesit të mësimit të muzikës do të thotë që fëmijët të vendosen në
situata konkrete dhe praktike ku ata përjetojnë dhe provojnë vetë dukuritë dhe fenomenet
muzikore. Kjo arrihet vetëm nëpërmjet një motivimi të drejtë dhe përkundrejt një objektivi të
caktuar mësimor. Mësimdhënia muzikore, për nga vetë natyra, nënkupton një veprimtari
10
MUZIKË
emocionale dhe fizike jo gjithmonë të vetëdijshme për fëmijët. Çdo përmbajtje mësimore
muzikore është e pëlqyeshme dhe krijon emocione, kur nxënësit drejtohen drejt një veprimtarie
në mënyrë të vetëdijshme, çka u mundëson atyre shprehjen e potencialit të tyre
intelektual/muzikor në shumë aspekte.
Disa komponentë shumë të rëndësishëm, që ndihmojnë në formimin e kulturës muzikore
të fëmijëve dhe që duhet të merren parasysh nga mësuesit gjatë punës së tyre, janë:
Muzika, si komponent i edukimit estetik. Si e tillë, muzika ndihmon në edukimin estetik, sepse
zhvillon muzikalitetin te fëmijët dhe u jep mundësi atyre:
të përjetojnë dhe të kuptojnë të bukurën në muzikë;
të ndiejnë karakterin e një muzike, kur e dëgjojnë.
Muzika, si komponent i formimit edukativ dhe social. Nëpërmjet veprimtarive të
përbashkëta, siç janë: të kënduarit në grup, loja në instrument, kërcimi etj., nxënësit koordinojnë
veprimet me njëri-tjetrin, duke krijuar kështu raporte shoqërore. Në këtë mënyrë ata fillojnë të
gërshetojnë punën dhe përgjegjësinë vetjake me atë që është e përbashkët, p.sh.: puna në grup
(kor) zhvillon rregullin, ku veprimtaria e çdo nxënësi (këndimi) zhvillohet me kërkesat e të bërit
muzikë në mënyrë të përbashkët. Ky aktivitet bëhet i pëlqyeshëm kur të gjithë zërat këndojnë në
harmoni me njëri-tjetrin. Aspekti edukativ i muzikës mund të vihet re edhe në përmbajtjen e
teksteve të këngëve, siç janë ato me karakter atdhetar, shoqëror, familjar, nga natyra etj.
Muzika si komponent i proceseve psikologjike. Nëpërmjet përjetimit dhe njohjes me
muzikën, në mënyrë të vetëdijshme nxiten një sërë procesesh psikike. Format e ndryshme të
punës gjatë edukimit muzikor zhvillojnë vëmendjen herë në ritëm dhe herë në melodi, dhe pastaj
tek të dyja bashkë. Nxitja e të shprehurit dhe krijimeve muzikore përmes improvizimeve
muzikore ndikon në imagjinatën krijuese të fëmijëve. Dëgjimi i muzikës i bën fëmijët më të
ndjeshëm, më të drejtpërdrejtë në përjetimin e pjesë muzikore, u jep kuptimin e së bukurës
muzikore etj.
Muzika si komponent i zhvillimit fizik. Si e tillë, muzika nxit proceset psikike dhe
njëkohësisht edhe proceset fizike, sepse ato janë të ndërlidhura dhe të kushtëzuara. Muzika
11
MUZIKË
ndikon në gjithë qenien fizike të njeriut përmes lëvizjeve, frymëmarrjes dhe qarkullimit të gjakut.
Këndimi zhvillon aparatin e këndimit dhe të gjitha organet marrin pjesë njëkohësisht gjatë të
kënduarit dhe funksionojnë në mënyrë të sinkronizuar. Lidhjet e muzikës me lëvizjet janë të
thella dhe shumëfish të lidhura. Lëvizjet dhe kombinimi i tyre me muzikën janë: më të gjalla, më
të organizuara, më plastike, emocionale. Lojërat muzikore dhe kërcimet e ndryshme ndihmojnë
dhe zhvillojnë në mënyrë harmonike ritmin. Zhvillimi shpirtëror dhe fizik i fëmijëve përmes
lëvizjeve sjell gëzimin dhe ndjenjën e kënaqësisë te fëmijët dhe shton gjallërinë fizike të tyre.
Planifikimi i mirë i përmbajtjeve mësimore përmes veprimtarive muzikore, si këndimi
dhe luajtja në instrument, dëgjimi dhe krijimi, çon mësuesit drejt suksesit të procesit. Vëzhgimi,
eksperimentimi, krijimi apo biseda janë forma shumë të mira për të zbuluar dukuritë muzikore
dhe shumë të rëndësishme gjatë punës së mësuesit. Trajtimi i dukurive muzikore në punën
praktike të mësuesit duhet të realizohet duke iu përmbajtur parimit kryesor të njohjes në muzikë
dhe në art, që është përjetimi. Çdo dukuri, duke filluar nga ajo më e thjeshta, duhet përjetuar
emocionalisht e pastaj të arrihet njohja e vetëdijshme për të përfunduar në interpretim të
vetëdijshëm. Kjo është një procedurë metodike muzikore, ku përvetësimi i dukurive muzikore
mbështetet në përjetimin dëgjimor dhe emocional, çka nënkupton që edhe në momentin e
ushtrimit të aftësive dhe shprehive muzikore qëndron emocioni si proces nismëtar, mbi të cilin
njohuritë duhet të ushtrohen dhe të përvetësohen. Çdo njohuri në përmbajtjen e kësaj lënde është
sistemuar në mënyrë shkencore dhe metodike, ndihmon në racionalizimin dhe lidhjen logjike të
çështjeve, pasi çdo dukuri muzikore është trajtuar përgjatë harkut që ka të bëjë me përjetimin,
njohjen dhe zbatimin praktik.
Edukimi me ritmin jepet përmes shembujve ritmikë (ose onomatopeve ritmike), lëvizjeve
ritmike, ligjërimit ritmik të përmbajtjeve të thjeshta dhe përkatëse poetike, luajtjes me
instrumente ritmike, si dhe konkretizimit të gërshetuar të shembujve audio-vizualë të formave të
ndryshme ritmike. Në klasat e mëvonshme fillon njohja konkrete me notat muzikore, shkrimin
muzikor etj. Edukimi i ndjenjës melodike duhet të bazohet, së pari, te kënga dhe përkatësisht te
këndimi. Pra, një nga procedurat që duhet të ndjekin mësuesit, është të kënduarit me vesh, gjë e
cila bëhet bazë për zhvillimin e aftësisë së këndimit dhe në klasat e mëvonshme edhe me nota.
Kultivimi i zërit është pjesë shumë e rëndësishme e edukimit muzikor. Këndimi solo dhe në grup
(kor) duhet të jetë forma artistike interpretuese gjatë procesit mësimor. Në klasat 1-3, nxënësve u
mësohen këngë mjaft të thjeshta, që lidhen me botën e fëmijëve, me natyrën, me jetën e tyre të
12
MUZIKË
përditshme, me imagjinatën dhe ëndrrat e tyre, apo këngë lojë popullore, të cilat janë të stilizuara
dhe të përshtatshme nga ana edukative. Ndërsa në klasat e mëvonshme rritet gama e tematikave
të këngëve. Luajtja me vegla, sidomos me ato ritmike, zbatohet në shoqërimin e këngëve ose e
lidhur me lëvizjen dhe vallëzimin. Njohja dhe luajtja me instrumentin e fyellit fillon në arsimin
fillor dhe vazhdon gradualisht në klasat e tjera. Dëgjimi muzikor është një linjë mjaft e
rëndësishme krahas këndimit dhe krijimit, prandaj trajtohet me shumë kujdes dhe zë një vend
shumë të rëndësishëm në program.
Vlera artistike e veprave të përzgjedhura për dëgjim, si dhe shpjegimi i tyre për nivelin e
nxënësve, është shumë e rëndësishme për t’u mbajtur parasysh nga mësuesit dhe autorët e
teksteve. Përjetimi i veprës muzikore është më i fuqishëm se çdo shpjegim paraprak. Përjetimi
dhe njohja më e thellë e veprës nëpërmjet dëgjimit zhvillohet edhe përmes vëmendjes së
përqendruar te forma e veprës muzikore. Forma muzikore, si forcë integruese e elementeve
shprehëse muzikore, ndikon në përjetimin dhe kuptimin e kompozimit të veprës. Çdo përmbajtje
mësimore muzikore është e pëlqyeshme dhe krijon emocione kur nxënësit drejtohen drejt një
veprimtarie në mënyrë të vetëdijshme, gjë e cila u mundëson atyre shprehjen e potencialit të tyre
intelektual/muzikor në shumë aspekte. Gërshetimi i njohurive, i aftësive dhe i qëndrimeve i bën
ata të jenë të suksesshëm në veprimtaritë muzikore, p.sh., dëgjimi i muzikës popullore nga
Shqipëria e Jugut, e Mesme dhe e Veriut dhe përshkrimi i karakteristikave të saj, i njeh nxënësit
me muzikën dhe trevën nga ajo vjen, i ndihmon ata të interpretojnë llojin e muzikës që ata
dëgjojnë dhe i aftëson të bëjnë krahasime duke e bërë kështu procesin të vetëdijshëm nga
nxënësit. Me një planifikim të mirë, veprimtaritë muzikore që do të realizohen nga nxënësit në
ciklin 7-9, duhet të jenë në përputhje me përmbajtjet mësimore.
Instrumentet dhe mjetet mësimore përkatëse që do të ndihmojnë në zbatimin me sukses të
mësimit, duhet të jenë: instrumentet ritmike dhe melodike, mjetet auditive, vizuale, lëvizore, të
simboleve, audio-vizuale. Të gjitha këto, nëpërmjet shqisave, ndikojnë në proceset shoqërizuese
dhe estetike, si dhe në vetëdijen muzikore të nxënësve.
6. METODAT E VLERËSIMIT TË ARRITJEVE
Vlerësimi i nxënësit përshkon gjithë procesin mësimor dhe i shërben përmirësimit të këtij
procesi. Vlerësimi i nxënësit nuk ka për qëllim të vetëm vendosjen e notës dhe as nuk përfundon
13
MUZIKË
me vendosjen e saj. Në muzikë, ndryshe nga lëndët e tjera, përjetimi individual, interpretimi që e
dallon nga të tjerët, krijimi i përfytyrimeve, në njëfarë mënyre nuk mund të maten me testime.
Por elemente të tjera, që mund të provohen dhe kontrollojnë njohuritë përmes testimit, ka dhe
mund të përfshihen. Testi në edukimin muzikor përfshihet vetëm si një formë plotësuese për
vlerësimin e nxënësve, pasi vetëm ndërveprimi i drejtpërdrejtë muzikor me nxënës-mësues është
baza e vlerësimit të tyre.
Vlerësimi mbështetet tërësisht në objektivat e programit lëndor dhe mësuesit nuk kanë të
drejtë të vlerësojnë nxënësit për ata objektiva që nuk përshkruhen në program.
Objektiv i vlerësimit nuk janë vetëm njohuritë dhe aftësitë, por edhe qëndrimet e
nxënësve, si qëndrimet etiko-sociale, në përgjithësi, dhe ato të bashkëpunimit me të tjerët, në
veçanti. Mësuesit zhvillojnë vetë dhe në bashkëpunim me nxënësit larmi mënyrash vlerësimi, që
kanë të bëjnë me dëgjimin dhe riprodhimin e dukurive muzikore (në klasat 1-3) apo me shkrimin
dhe krijimin përmes ritmeve muzikore, notave muzikore dhe përdorimit të elementeve muzikore
(në klasat 4-6) etj. Vlerësimi i nxënësve në këtë lëndë duhet të bëhet përmes përfundimeve që
arrin nxënësi gjatë procesit mësimor, vetëm ose në grup, nga veprimtaria praktike, d.m.th.,
përmes të kënduarit, të luajturit, të dëgjuarit, të analizuarit të pjesëve muzikore etj. Vlerësimi
bëhet në atë çfarë nxënësi ka përvetësuar dhe është i aftë të bëjë.
Vlerësimi mund të bëhet individual ose në grup, në klasë ose jashtë saj. Nxënësit
vlerësohen me notë, ndërsa demonstrojnë arritjet nëpërmjet veprimtarive e produkteve të
ndryshme, si p.sh.:
Cikli 1-3: Të dallojnë e të reagojnë saktë dhe menjëherë ndaj dukurive melodike, p.sh.: të
tingujve që dëgjojnë dhe riprodhojnë.
Cikli 4-6: Të klasifikojnë saktë përmes dëgjimit timbrin e instrumenteve muzikore, si:
instrumentet e harqeve (violina), instrumentet me goditje (piano), instrumentet me frymë
(klarineta), instrumentet elektrike (kitara) etj.;
Cikli 7-9: Të krijojnë në kohët 5/8, 7/8, 9/8 me vlera dhe pushime notash, melodike dhe
ritmike, duke i lexuar dhe kënduar ato.
Mësuesit nuk janë të detyruat të vlerësojnë nxënësit me notë në çdo orë mësimore dhe
vendosin nota në regjistër për secilën orë mësimore. Ata duhet të vlerësojnë me notë, duke ua
bërë të qartë nxënësve që në fillim qëllimin e vlerësimit dhe kriteret e tij.
14
MUZIKË
Portofoli i nxënësit, si një mundësi vlerësimi e vetëvlerësimi, është një koleksion i
punimeve përgjatë vitit shkollor në muzikë. Ai mund të përmbajë krijime të thjeshta, detyra
tematike (ese), organizime dhe projekte kurrikulare, prodhime të ndryshme të CD-ve e DVD-ve
në dobi të veprimtarive të ndryshme shkollore, produkte të veprimtarive kurrikulare etj.
7. OBJEKTIVAT SIPAS LINJAVE DHE NËNLINJAVE, KLASA e 1-rë
35 javë mësimore x 1 orë/javë = 35 orë vjetore
Klasa Linja Orë të sugjeruara
1 Linja: Dëgjimi muzikor 8 orë
Nënlinja: Zbulojmë ritmin dhe tingujt 5 orë
Nënlinja: Dëgjojmë dhe i përgjigjemi muzikës 3 orë
Linja: Kënga dhe instrumenti 24 orë
Nënlinja: Këndojmë këngë dhe lojëra muzikore 21 orë
Nënlinja: Luajmë në instrument 3 orë
Linja: Krijimi dhe reflektimi 3 orë
Nënlinja: Improvizojmë dhe krijojmë 3 orë
LINJA: DËGJIMI MUZIKOR
Orë të sugjeruara: 8 orë
Përshkrimi i linjës: Kjo linjë ka për qëllim edukimin me muzikën përmes dukurive ritmike dhe
melodike, të cilat zbulohen nga mjedisi apo muzika dhe përjetohen e zbatohen në formë
konkrete. Gjithashtu, kjo linjë, përveçse zhvillon ndjenjën ritmike dhe melodike përmes
dukurive muzikore, kërkon të zhvillojë te nxënësit aftësinë për të shpjeguar këto dukuri, përmes
mjeteve shprehëse muzikore me fjalë të thjeshta.
Nënlinja Objektiva Terma/Koncepte kyçe
Zbulojmë ritmin
dhe tingujt
(5 orë)
Nxënësit duhet të jenë të aftë:
Të identifikojnë nëpërmjet dëgjimit (CD),
duke identifikuar tingujt e krijuar nga
burime të ndryshme, p.sh.:
- shiu kur bie,
Tingull
Instrument
Zë vokal
Zë fëmije
Zë të rrituri
Trekëndëshi
15
MUZIKË
- bubullimat,
- era kur fëshfërin,
- boritë e makinave,
- qentë kur lehin,
- kukuvajka,
- foshnjat kur qajnë,
- macja kur mjaullin,
- lumi kur rrjedh qetë,
- çaf-çuf (lokomotiva),
- trak-trok (hapi i kalit),
- quak-quak (bretkosa,
- tik-tak (ora) etj.
të imitojnë disa prej këtyre tingujve;
të eksperimentojnë mbi tingujt që nxjerrin
instrumentet: trekëndëshi, zilka/këmborë, duke
kuptuar:
- ndryshueshmërinë e tingujve që lëshon
secila prej tyre dhe duke i shpjeguar
ato me fjalët e tyre i lartë, i fortë etj.;
të zbulojnë shembuj të ritmit në mjedisin ku
ata janë, duke kuptuar ndryshueshmërinë e
goditjeve;
të gjejnë shembuj të ritmit në mjedis dhe
t’i imitojnë ata:
- çekani – çak-çak,
- ora – tik-tak etj.;
të dallojnë zërat e fëmijëve nga zërat e të
rriturve në mjedisin e klasës apo të shkollës;
të dallojnë zërin që flet dhe zërin që
këndon, duke shpjeguar me fjalët e tyre
ndryshimin.
Zilka
Këmborë
Ritëm
16
MUZIKË
Nënlinja Objektiva Terma/Koncepte kyçe
Dëgjojmë dhe i
përgjigjemi
muzikës
(3 orë)
Nxënësit duhet të jenë të aftë:
Të dëgjojnë, duke shpjeguar me fjalë të
thjeshta, karakteristikat dhe ndryshimet e
tingujve që dëgjojnë në jetën e përditshme,
p.sh.:
- zëri i zogut dhe zëri i luanit (ndryshimet),
- zëri i gruas dhe zëri i burrit (ndryshimet),
- tingulli i një instrumenti muzikor, p.sh.,
violinës, dhe i kontrabasit (ndryshimet);
të kuptojnë shpejtësinë në muzikë, duke iu
përgjigjur fragmenteve të shkurtra
muzikore përmes lëvizjeve me hapa
normalë, marshit, apo vrapimit të lehtë ose
të shpejtë (shpejtësinë e muzikës);
të flasin për parapëlqimet e tyre gjatë
fragmenteve të shkurtra muzikore që
dëgjojnë, duke i shpjeguar me fjalë të
thjeshta, p.sh.:
- kjo muzikë është e kërcyeshme dhe e
gëzuar dhe më bën të ndihem...,
- kjo muzikë është e shpejtë dhe dua të...,
- kjo muzikë është e qetë dhe më bën të
krijoj/vizatoj një peizazh.
Dëgjim
Karakteristikë e
tingullit
Fragment
muzikor
Marsh
E shpejtë
E qetë
17
MUZIKË
LINJA: KËNGA, LOJA DHE INSTRUMENTI
Orë të sugjeruara: 24 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të kënduarit me kulturë vokale. Fuqia e zërit, plotësuar me tinguj dhe fjalë, krijon një fuqi
dhe ndjesi emocionale më të madhe te fëmijët. Përmbajtja e këngëve për fëmijë ka një tematikë
të caktuar: himni, atdheu, familja, shoqëria, këngët patriotike, festat e ndryshme etj., si dhe
këngë, lojë muzikore dhe popullore. Këto këngë dhe lojëra mësohen në 1 orë dhe në disa raste
në 2 orë, kur janë të vështira. Ato janë didaktike dhe kanë vlera artistike muzikore – poetike, të
cilat edukojnë për një qëllim të caktuar, ndaj dhe tematika e tyre është e detyrueshme. Këngët
duhet të jenë të thjeshta për nga shtrirja e zërit, melodia dhe ritmi.
Kjo linjë ka si qëllim edhe njohjen me instrumentet trupore dhe me goditje, të cilat do të jenë
pjesë e shoqërimit të këngëve dhe muzikës që nxënësit këndojnë, vallëzojnë dhe luajnë.
Nënlinja Objektiva Terma/Koncepte kyçe
Këndojmë këngë dhe
lojëra
muzikore/popullore
(21 orë)
Nxënësit duhet të jenë të aftë:
Të njohin rregullat e qëndrimit të
trupit gjatë të kënduarit dhe t’i
zbatojnë ato;
të këndojnë këngë me tematika të
caktuara fëminore (atdheu,
familja, natyra, shoqëria, shkolla
etj.), që i kanë mësuar në kopsht,
apo i kanë dëgjuar nga TV,
radioja, festivalet për fëmijë etj.,
të thjeshta për fëmijë 2/4, ¾, 4/4
të thjeshta për nga shtrirja e
zërit, melodia dhe ritmi;
të këndojnë dhe të luajnë këngë
dhe këngë-lojë për fëmijë
popullore;
të këndojnë këngë për fëmijë solo
dhe në grup;
Këndim
Rregulla të
këndimit
Këngë
Lojëra muzikore
Solo
Grup
Shoqërim
Instrument
Mjet trupor
18
MUZIKË
të këndojnë lojërat muzikore dhe
t’i shoqërojnë ato me mjete
trupore (duartrokitje);
të këndojnë lojërat muzikore dhe
t’i shoqërojnë ato me vegla
ritmike (zilka, trekëndësh);
të këndojnë dhe të shoqërojnë
këngët dhe lojërat muzikore, duke
ndërthurur muzikën me lëvizjen.
Nënlinja Objektiva Terma/Koncepte kyçe
Luajmë në instrument
(3 orë)
Nxënësit duhet të jenë të aftë:
Të njohin mjetet trupore:
shuplakat, fishkëllimat, rrahjen e
gjunjëve etj.;
të krijojnë modele ritmike të
rastësishme përmes duartrokitjeve
me shuplaka;
të njohin disa instrumente me
goditje (trekëndëshi,
zilka/këmborë);
të bëjnë lidhjen midis emrit të
instrumentit dhe figurës së tij;
të shoqërojnë këngët dhe lojërat
muzikore me mjetet trupore apo
instrumente me goditje.
Mjet trupor
Shuplakë
Fishkëllimë
Model ritmik
Trekëndëshi
Zilkë
Këmborë
19
MUZIKË
LINJA: KRIJIMI DHE REFLEKTIMI
Orë të sugjeruara: 3 orë
Përshkrimi i linjës: Kjo linjë ka për qëllim edukimin me muzikën përmes dukurive ritmike
dhe melodike, të cilat përjetohen dhe zhvillohen në formë konkrete përmes dëgjimit. Gjithashtu,
kjo linjë, përveçse zhvillon ndjenjën ritmike dhe melodike përmes dukurive muzikore, kërkon
të zhvillojë te nxënësit aftësinë për të përjetuar dhe kuptuar dukuritë muzikore me fjalë të
thjeshta.
Nënlinja Objektiva Terma/Koncepte kyçe
Improvizojmë dhe
krijojmë
(3 orë)
Nxënësit duhet të jenë të aftë:
Të gjejnë dhe të shpjegojnë
shumëllojshmëri burimesh tingëllore,
duke i imituar dhe duke i përdorur ato,
p.sh.:
- nga natyra,
- zëri i njeriut,
- tingëllimi i instrumenteve me goditje të
prodhuara vetë në shtëpi apo klasë,
- tingëllimi i mjeteve trupore (trokitje e
trupit, të duarve, të këmbëve,
fishkëllima);
të improvizojnë, në përshtatje me ritmin
dhe melodinë, lëvizje të ndryshme
trupore;
të shpikin/krijojnë modele të thjeshta
ritmike dhe melodike, duke përdorur
zërin, objekte të ndryshme që prodhojnë
ritëm, instrumentet me goditje, mjetet
trupore;
të regjistrojnë krijimet e tyre muzikore
(imitime, këngë etj.) në magnetofonin e
Burim tingëllor
Instrument me
goditje
Mjete trupore
Ritëm
Melodi
Regjistrim
muzikor
20
MUZIKË
klasës, shkollës;
të komentojnë me fjalë të thjeshta
muzikën apo këngët që dëgjojnë (shpejt,
ngadalë, rëndë, ëmbël).
OBJEKTIVAT SIPAS LINJAVE DHE NËNLINJAVE, KLASA E 2-TË
35 javë mësimore x 1 orë/javë = 35 orë vjetore
Klasa Linja Orë të sugjeruara
2 Linja: Dëgjimi muzikor 8 orë
Nënlinja: Zbulojmë ritmin dhe tingujt 5 orë
Nënlinja: Dëgjojmë dhe i përgjigjemi muzikës 3 orë
Linja: Kënga dhe instrumenti 24 orë
Nënlinja: Këndojmë këngë dhe lojëra muzikore 21 orë
Nënlinja: Luajmë në instrument 3 orë
Linja: Krijimi dhe reflektimi 3 orë
Nënlinja: Improvizojmë dhe krijojmë 3 orë
LINJA: DËGJIMI MUZIKOR
Orë të sugjeruara: 8 orë
Përshkrimi i linjës: Kjo linjë ka për qëllim edukimin e nxënësve me muzikën përmes dukurive
ritmike dhe melodike, të cilat zbulohen në mjedis. Karakteristikat e tingujve dhe burimet e tyre,
karakteristikat e zërave do të jenë pjesë e përmbajtjes së kësaj linje.
Kuptimi dhe zbatimi i karakteristikave të mësipërme nga vetë nxënësit është pjesë e pandashme
e procesit të dëgjimit muzikor.
Nënlinja Objektiva Terma/Koncepte kyçe
Zbulojmë ritmin dhe
tingujt
(5 orë)
Nxënësit duhet të jenë të aftë:
Të përshkruajnë karakteristikat e
zërave të burrave, grave dhe
Karakteristikat e
zërit: (i fortë, i
butë, i shkurtër,
ëmbël, i thatë, i
21
MUZIKË
fëmijëve, duke i shprehur ato me
fjalë të thjeshta, p. sh.: mësuese X e
ka zërin shumë të ëmbël, ndërsa
mësues Y e ka zërin më të fortë;
Beni e ka zërin më të lartë se zëri i
Mirës;
të këndojnë fragmente shumë të
shkurtra muzikore, duke e përdorur
zërin në mënyra të ndryshme:
- duke pëshpëritur,
- duke thirrur,
- duke fishkëllyer,
- duke folur,
- duke kënduar etj.;
të zbulojnë duke eksperimentuar
mbi tingujt që krijojnë disa
instrumente nga goditja: daullja,
dajrja, duke u shprehur me fjalët e
tyre për ngjyrimin e tingullit që
dëgjojnë;
të identifikojnë shembuj të ritmit
në mjedis dhe më tej, që i përkasin
ritmit me dy goditje, si:
- çaf-çufi i trenit,
- tik-taku i zemrës,
- pulsi i dorës, duke kuptuar që
ato kanë vetëm dy rrahje
(goditje);
të gjejnë fjalë me dy rrokje dhe të
kuptojnë ku bie theksi gjatë
shqiptimit të fjalës;
lartë, ngadalë,
qetë, shpejt)
Mjedis
Objekt
Instrumente:
Daullja (tamburi),
Dajrja
Ritmi me dy
goditje
Theksi
22
MUZIKË
të dallojnë ritmin në vargjet e një
vjershe, p.sh., modele të fjalëve me
dy rrokje;
të përjetojnë rrahjen ritmike me dy
goditje, p.sh., marsh, duke
rrahur/mbajtur ritmin me dy
goditje, këngë (2/4) (njëri grup
mban ritmin e një kënge me
instrumente me goditje, ndërsa
grupi tjetër këndon këngën) etj.
Nënlinja Objektiva Terma/Koncepte kyçe
Dëgjojmë dhe i
përgjigjemi muzikës
(3 orë)
Nxënësit duhet të jenë të aftë:
Të përshkruajnë disa karakteristika
të tingujve që dëgjojnë nga burime
të ndryshme në jetën e përditshme
(i shpejtë, i rëndë, i fortë, i
frikshëm etj.), p.sh.:
- bubullimat janë shumë të forta;
- boritë e makinave janë të
bezdisshme;
- shiu bie shpejt dhe me furi, por
bie dhe qetë e ngadalë;
- ulërima e ujkut – e lartë dhe e
gjatë;
- cicërima – e ëmbël etj.;
të identifikojnë, gjatë dëgjimit,
tingujt shumë të njohur nga natyra,
vokalë dhe instrumentet muzikore,
p.sh.:
- ujku, zogu, bretkosa, lopa –
Dëgjim
Shpejt
Ngadalë
I rëndë
I fortë
Marsh
E gëzuar
E trishtuar
E qetë
Burimi i tingujve:
natyrorë,
njerëzorë
(vokalë),
muzikorë
23
MUZIKË
tinguj natyrorë;
- zëri i motrës, vëllait, babait,
mamasë, shokëve/shoqeve –
tinguj vokalë ose njerëzorë;
- tingulli i pianos, kitarës,
violinës etj. – tinguj
instrumentesh – muzikorë;
të shpjegojnë në mënyrë të thjeshtë
se çfarë kuptojnë me fjalët i shpejtë
- i ngadaltë në muzikë;
të dëgjojnë fragmente të vogla
muzikore të huaja dhe shqiptare,
ku ata diskutojnë, duke përdorur
fjalë të thjeshta:
- e gëzueshme, e trishtueshme,
marsh etj.;
- e shpejtë, e ngadaltë, e qetë, etj.,
apo nëse muzika këndohet apo
luhet me instrumente.
LINJA: KËNGA/LOJA DHE INSTRUMENTI
Orë të sugjeruara: 24 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të një kënduari të saktë në intonacion e ritëm. Zëri i shoqëruar me tinguj dhe fjalë krijon një
fuqi dhe ndjesi më të madhe te fëmijët. Përmbajtjet e këngëve për fëmijë kanë një tematikë të
caktuar: himni, atdheu, familja, shoqëria, këngët patriotike dhe festat e ndryshme etj., si dhe
këngë/lojë muzikore dhe popullore.
Këto këngë dhe lojëra mësohen në 1 orë dhe në disa raste në 2 orë, kur janë të vështira. Ato janë
didaktike dhe kanë vlera artistike muzikore - poetike, të cilat edukojnë për një qëllim të caktuar,
ndaj tematika e tyre është e detyrueshme. Këngët duhet të jenë të thjeshta për nga shtrirja e
zërit, melodia dhe ritmi. Kjo linjë ka si qëllim edhe njohjen me instrumentet trupore, me goditje
dhe ORF, të cilat do të jenë pjesë e shoqërimit të këngëve dhe muzikës që nxënësit këndojnë,
vallëzojnë dhe luajnë.
24
MUZIKË
Nënlinja Objektiva Terma/Koncepte kyçe
Këndojmë këngë dhe
zhvillojmë lojëra
muzikore/popullore
(21 orë)
Nxënësit duhet të jenë të aftë:
Të respektojnë gjatë këndimit
rregullat e të kënduarit;
të këndojnë këngë për fëmijë solo
dhe në grup;
të këndojnë këngë - lojë me
tematika të caktuara (atdheu,
familja, natyra, shoqëria, shkolla
etj.), për fëmijë 2/4, ¾, 4/4 , me
shtrirje Do – Do;
të këndojnë dhe të luajnë këngë –
lojë muzikore dhe popullore për
fëmijë të krahinës ose më tej;
të këndojnë e të shoqërojnë
këngët, lojërat muzikore, duke
ndërthurur muzikën me lëvizjen;
të këndojnë këngë të ndryshme,
duke bërë dallimin e shpejtësisë
në të cilën këndohet kënga apo
kënga-lojë, p.sh.:
- kënga-lojë “Çova një letër
mu në postë”,
- kënga “Tik-tak, një-dy” –
Agron Xhunga,
- kënga “Qengji i vogël”.
Këndim
Rregulla të
qëndrimit
Këngë
Lojëra muzikore
Lojëra popullore
Solo
Në grup
Shoqërim
Instrument/ mjet
trupor
Lëvizje
Shuplaka
Shpejtësi
25
MUZIKË
Nënlinja Objektiva Terma/Koncepte kyçe
Luajmë në instrument
(3 orë)
Nxënësit duhet të jenë të aftë:
Të këndojnë lojërat muzikore e
t’i shoqërojnë ato me mjete
trupore (shuplaka), me vegla me
goditje (shkopinj, tambur);
të njohin e të luajnë me
instrumentet e thjeshta ORF me
goditje;
të shoqërojnë këngët me
fishkëllimë;
të përjetojnë përcjelljen ritmike
me dy goditje përmes
duartrokitjeve me shuplaka
(kryesisht me dy goditje);
të luajnë me vegla të thjeshta me
goditje: tamburi, trekëndëshi,
shkopinjtë.
Instrument/ Mjet
trupor
Shuplaka
Fishkëllima
Tamburi
Shkopinj
Trekëndëshi
Ritmi me dy goditje
LINJA: KRIJIMI DHE REFLEKTIMI
Orë të sugjeruara: 3 orë
Përshkrimi i linjës: Kjo linjë ka për qëllim edukimin me muzikën përmes dukurive nga
mjedisi dhe muzika ritmike e melodike, të cilat përjetohen dhe zbatohen në formë konkrete
përmes krijimit dhe reflektimit. Gjithashtu, kjo linjë, përveçse zhvillon ndjenjën ritmike dhe
melodike përmes dukurive nga natyra dhe muzika, kërkon të zhvillojë te nxënësit aftësinë për të
përjetuar dhe kuptuar dukuritë muzikore, duke i shpjeguar ato me fjalë të thjeshta. Improvizimi,
krijimi, përdorimi dhe komentimi i muzikës do të jenë pjesë e rëndësishme për zhvillimin e
kësaj linje.
Nënlinja Objektiva Terma/Koncepte kyçe
Improvizojmë dhe
krijojmë
Nxënësit duhet të jenë të aftë:
Të improvizojnë, përmes lëvizjeve të
Improvizim
26
MUZIKË
(3 orë)
ndryshme, në përshtatje me ritmin dhe
melodinë;
t’i përgjigjen muzikës së këngëve apo
lojërave muzikore, përmes lëvizjeve
trupore, shoqërimit me shuplaka dhe
me instrumente me goditje;
të përdorin simbole të thjeshta, për të
krijuar modele të thjeshta (ritmike)
sipas dëshirës me dy goditje;
të flasin për parapëlqimet e tyre
muzikore, duke i shpjeguar ato me
fjalë të thjeshta, p.sh.:
- kjo muzikë është e bukur dhe unë dua
ta dëgjoj vazhdimisht,
- kjo muzikë është e ngadaltë, ndaj dua
të bëj një shëtitje në pyll,
- kjo muzikë është e qetë, prandaj më
pëlqen të vizatoj oborrin e shtëpisë;
të regjistrojnë krijimet e tyre në
magnetofonin e klasës/shkollës.
Instrument me
goditje
Model ritmik me
dy goditje
Regjistrim
OBJEKTIVAT SIPAS LINJAVE DHE NËNLINJAVE, KLASA E 3-TË
35 javë mësimore x 1 orë/javë = 35 orë vjetore
Klasa Linja Orë të sugjeruara
3 Linja: Dëgjimi muzikor 11 orë
Nënlinja: Zbulojmë ritmin dhe tingujt 7 orë
Nënlinja: Dëgjojmë dhe i përgjigjemi muzikës 4 orë
Linja: Kënga dhe instrumenti 21 orë
Nënlinja: Këndojmë këngë dhe lojëra muzikore 19 orë
Nënlinja: Luajmë në instrument 3 orë
27
MUZIKË
Linja: Krijimi dhe reflektimi 3 orë
Nënlinja: Improvizojmë dhe krijojmë 3 orë
LINJA: DËGJIMI MUZIKOR
Orë të sugjeruara: 11 orë
Përshkrimi i linjës: Kjo linjë ka për qëllim edukimin me muzikën përmes karakteristikave të
tingujve: Ritmi – tingull i gjatë - i shkurtër; Dinamika – tingull i rëndë - i fortë - i butë;
Lartësia - tingull i lartë - i ulët; zbulimi dhe përdorimi i tyre në muzikë. Kuptimi përmes
simbolit, shqiptimit dhe rrahjes së ritmeve me 2 dhe 3 goditje (2/4, ¾) përmes modeleve shumë
të thjeshta që nxënësit i përdorin çdo ditë dhe më pas përmes shembujve muzikorë.
Eksperimentimi mbi instrumente të ndryshme muzikore ka për qëllim zbulimin e
ndryshueshmërisë së tingujve që lëshojnë ato përmes prekjes apo goditjeve, p.sh., te dajrja,
zbulimi i ndryshueshmërisë së tingullit në varësi të formës dhe materialit të instrumentit është
pjesë e kësaj linje.
Nënlinja Objektiva Terma/Koncepte kyçe
Zbulojmë ritmin
dhe melodinë
(7 orë)
Nxënësit duhet të jenë të aftë:
Të klasifikojnë ndryshimet e lartësisë
së tingujve:
- ky tingull më i lartë se..., por më i
ulët se. . . .
- ky tingull i njëjtë me ..., por i
ndryshëm me ..., p.sh.:
krahasueshmëria midis ziles së derës,
ziles së shkollës, ziles së telefonit,
apo krahasueshmëria midis tingujve
të lartë dhe të ulët nga luajtja në një
instrument muzikor, p.sh., tastierë;
të gjejnë shembuj të ritmit me 2 dhe 3
goditje në mjedisin ku jetojnë apo në
shkollë;
të gjejnë fjalë me dy dhe tri rrokje
dhe të përcaktojnë theksin gjatë
shqiptimit të fjalës;
Cilësitë e tingujve
Gjatësia – tingull i
gjatë - i shkurtër;
Dinamika – tingull i
rëndë - i fortë - i
butë;
Lartësia - tingull i
lartë - i ulët;
Ritmi me 2 goditje
Ritmi me 3 goditje
Theksi
Rrahje e gjatë
Rrahje e shkurtër
Vals
Marsh
28
MUZIKË
të kuptojnë ritmin me dy goditje, duke
e prezantuar atë me simbole të
ndryshme.
Simboli rrahje e gjatë, nënkupton
dy goditje;
Shqiptimi: TA - A;
Lëvizja: 2 lëvizje;
Simboli: rrahje e shkurtër
nënkupton 1 goditje;
Shqiptimi: TA;
Rrahja: 1 goditje , shqiptimi: TA;
Lëvizja: 1 lëvizje;
të kuptojnë funksionin e pikës së
vlerës;
të kuptojnë ritmin me tri goditje, duke
e prezantuar atë me simbole të
ndryshme;
Simboli rrahje më e gjatë,
nënkupton 3 goditje;
Shqiptimi: TA - A - A;
Lëvizja: 3 lëvizje;
të përjetojnë rrahjen ritmike, p.sh.,
marsh – marshojnë, duke
rrahur/mbajtur ritmin me 3 goditje,
vals – vallëzojnë, duke mbajtur ritmin
me 3 goditje dhe theksuar goditjen e
parë.
Nënlinja Objektiva Terma/Koncepte kyçe
Dëgjojmë dhe i
përgjigjemi
muzikës
Nxënësit duhet të jenë të aftë:
Të zbulojnë, gjatë dëgjimit të pjesëve
Ndryshueshmëria e
tingujve
29
MUZIKË
( 4 orë) shumë të thjeshta, cilësitë e tingujve:
- Gjatësia - tingull i gjatë - i shkurtër;
- Dinamika - tingull i rëndë - i fortë - i
butë;
- Lartësia - tingull i lartë - i ulët;
të dëgjojnë tinguj nga natyra,
njerëzorë dhe muzikorë, duke dalluar
dhe përdorur fjalë të thjeshta, si: i
butë, i rëndë, i trashë, i fortë, pak i
fortë etj , për të kuptuar shenjat e
ngjyrimit në muzikë p, f, mf;
të eksperimentojnë mbi tingujt
muzikorë instrumentalë, duke zbuluar
ndryshueshmërinë e tingujve që
lëshojnë ato përmes goditjeve, p.sh.,
nga goditje në dy pjesë të ndryshme
të dajres në qendër dhe në cep të saj,
me goditje të lehta dhe të forta
(përftimi i dy tingujve të ndryshëm);
të zbulojnë se tingulli ndryshon në
varësi të formës (trekëndëshi,
zilka/këmborë, dajrja, daullja), dhe
materialit prej të cilit mund të
përbëhet instrumenti: druri, metali,
plastika.
Instrumente
muzikore
Tinguj natyrorë
Tinguj njerëzorë
Tinguj muzikorë
Shenjat e ngjyrimit p,
mf, f
LINJA: KËNGA/LOJA DHE INSTRUMENTI
Orë të sugjeruara: 21 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të një kënduari të saktë në intonacion e ritëm. Zëri i shoqëruar me tinguj dhe fjalë krijon një
fuqi dhe ndjesi më të madhe te fëmijët. Përmbajtja e këngëve për fëmijë ka një tematikë të
caktuar: himni, atdheu, familja, shoqëria, këngë patriotike dhe festat e ndryshme etj., si dhe
këngë/lojë muzikore dhe popullore. Këto këngë dhe lojëra mësohen në 1 orë dhe në disa raste
30
MUZIKË
Nënlinja Objektiva Terma/Koncepte kyçe
Këndojmë këngë dhe
lojëra muzikore
(19 orë)
Nxënësit duhet të jenë të aftë:
të respektojnë rregullat e të
kënduarit gjatë këndimit;
të këndojnë këngë për fëmijë
solo dhe në grup;
të këndojnë këngë me tematika
të caktuara (atdheu, familja,
natyra, shoqëria, shkolla,
patriotike, partizane, himn, etj.),
për fëmijë 2/4, ¾, 4/4 , me
shtrirje Do – Sol dhe Do – Do;
të këndojnë dhe luajnë këngë –
lojë muzikore dhe këngë-lojë
popullore për fëmijë të krahinës
apo dhe më tej;
të këndojnë dhe të shoqërojnë
këngët, lojërat
muzikore/popullore, duke
ndërthurur muzikën me lëvizjen;
të interpretojnë me ndjenjë
këngët dhe lojërat muzikore.
Këndim
Rregulla të
qëndrimit
Këngë
Lojëra muzikore
Lojëra popullore
Solo
Në grup
Shoqërim
Instrument / mjet
trupor
Lëvizje
Shuplaka
Shpejtësi
Nënlinja Objektiva Terma/Koncepte kyçe
Luajmë në instrument
(3 orë)
Nxënësit duhet të jenë të aftë:
të njohin dhe të luajnë me
Instrumentet ORF
Instrumentet me
goditje: tamburi
në 2 orë, kur janë të vështira. Ato janë didaktike dhe kanë vlera artistike muzikore – poetike, të
cilat edukojnë për një qëllim të caktuar, ndaj tematika e tyre është e detyrueshme. Këngët duhet
të jenë në kohët 2/4, ¾, 4/4 , me shtrirje të regjistrit vokal Do - Do. Njohja me instrumentet
fëminore ORF është e domosdoshme dhe këto instrumente të thjeshta do të jenë pjesë e
shoqërimit të këngëve dhe muzikës që nxënësit këndojnë, vallëzojnë dhe luajnë.
31
MUZIKË
instrumentet e thjeshta ORF me
goditje: tamburi, zilka,
trekëndëshi, shkopinjtë;
të shoqërojnë me shuplaka
këngët dhe lojërat muzikore dhe
popullore, kryesisht këngët me 2
dhe 3 goditje (koha 2/4 dhe ¾);
të shoqërojnë këngë dhe lojërat
muzikore me instrumentet me
goditje.
Zilka
Trekëndëshi
Shkopinj
Shoqërim
Linja: KRIJIMI DHE REFLEKTIMI
Orë të sugjeruara: 3 orë
Përshkrimi i linjës: Kjo linjë ka për qëllim zhvillimin e aftësive krijuese dhe reflektuese, duke
zbatuar njohuritë muzikore të marra në formë konkrete përmes improvizimit, krijimit,
përdorimit dhe komentimit të muzikës që luajnë apo krijojnë.
Nënlinja Objektiva Terma/Koncepte kyçe
Improvizojmë dhe
krijojmë
(3 orë)
Nxënësit duhet të jenë të aftë:
Të krijojnë modele ritmike (deri
në dy modele) me dy goditje;
të krijojnë modele ritmike (deri
në dy modele) me tri goditje;
të improvizojnë përmes
lëvizjeve të ndryshme në
përshtatje me ritmin ¾ dhe
melodinë (vals);
t’u përgjigjen këngëve apo
lojërave muzikore/popullore
përmes lëvizjeve shoqëruese
trupore, me shuplaka apo
Krijim
Instrument me goditje
Model ritmik
Dy goditje
Model ritmik
Tri goditje
vals
Preferencë
regjistrim
32
MUZIKË
instrumente me goditje;
të shoqërojnë modele të thjeshta
ritmike dhe melodike ose këngë,
duke përdorur zërin,
instrumentet me goditje, mjetet
trupore;
të komentojnë me fjalë të
thjeshta muzikën që këndojnë
apo dëgjojnë;
të flasin me fjalë të thjeshta për
parapëlqimet e tyre nga dëgjimi
i fragmenteve muzikore që
dëgjojnë;
të regjistrojnë krijimet e tyre në
magnetofonin e klasës/shkollës.
OBJEKTIVAT SIPAS LINJAVE DHE NËNLINJAVE, KLASA E 4-T
35 javë mësimore x 1 orë/javë = 35 orë vjetore
Klasa Linja Orë të sugjeruara
4 Linja: Dëgjimi muzikor 10 orë
Nënlinja: Zbulojmë ritmin dhe tingujt 7 orë
Nënlinja: Dëgjojmë dhe i përgjigjemi muzikës 3 orë
Linja: Kënga dhe instrumenti 21 orë
Nënlinja: Këndojmë këngë dhe lojëra
muzikore/popullore 19 orë
Nënlinja: Luajmë në instrument 3 orë
Linja: Krijimi dhe reflektimi 4 orë
Nënlinja: Improvizojmë dhe krijojmë 4 orë
33
MUZIKË
LINJA: DËGJIMI MUZIKOR
Orë të sugjeruara: 10 orë
Përshkrimi i linjës: Kjo linjë ka për qëllim që nxënësit të klasifikojnë saktë burime të
ndryshme tingëllore nga mjedisi dhe muzika, duke përcaktuar saktë karakteristikat e tyre për t’i
përdorur ato në muzikë. Edhe në këtë klasë vazhdon rikujtimi i ritmeve me dy dhe tri goditje, si
dhe njohja me ritmin me katër goditje, (4/4) kuptimi përmes simbolit, shqiptimit dhe rrahjes
përmes modeleve shumë thjeshta, që ata i përdorin çdo ditë dhe, më pas, përmes shembujve
muzikorë. Njohja më e thelluar me këngët patriotike dhe partizane do të jetë pjesë e zhvillimit
të kësaj linje. Dëgjimi i fragmenteve të shkurtra muzikore të huaja dhe shqiptare dhe përcaktimi
i karakterit të pjesëve muzikore të gëzueshme, të trishtueshme, marshit; tempit, të shpejta, të
ngadalta, të qeta; tingëllimin e instrumenteve muzikore do të jenë pjesë e studimit të kësaj linje.
Nënlinja Objektiva Terma/Koncepte kyçe
Zbulojmë ritmin dhe
melodinë
(7 orë)
Nxënësit duhet të jenë të aftë:
Të dallojnë cilësitë e tingujve
muzikorë:
- Gjatësia – tingull i gjatë - i
shkurtër;
- Dinamika – tingull i rëndë - i fortë
- i butë;
- Lartësia - tingull i lartë - i ulët;
të klasifikojnë ndryshimet e gjatësisë
së tingujve të shkurtër dhe të gjatë
(nga dëgjime të ndryshme muzikore);
të kuptojnë dallimin midis tingujve të
folur dhe tingujve të kënduar, p.sh.,
loja muzikore “Çova një letër mu në
postë”, ku pjesa e parë e këngës është
parlando (recituar) dhe pastaj e
kënduar;
të gjejnë fjalë me katër rrokje dhe të
vendosin theksin e fortë gjatë
shqiptimit;
Cilësitë e tingujve
Parlando
Theksi i fortë
Ritmi me katër
goditje
34
MUZIKË
të kuptojnë ritmin me katër goditje
duke e prezantuar atë simbole të
ndryshme;
Simboli rrahje shumë e gjatë,
nënkupton 4 goditje;
Shqiptimi: TA - A –A -A;
Lëvizja: 4 lëvizje, 1- 2 -3- 4;
të përjetojnë rrahjen ritmike, p.sh.,
marshojnë duke rrahur/mbajtur ritmin
me dy goditje;
të mbajnë ritmin e valsit ¾ nëpërmjet
hapave, duke theksuar gjithmonë
goditjen e parë (1);
të shoqërojnë ritmin e një kënge me
instrumente me goditje (njëri grup)
dhe shoqërim vokal (grupi tjetër).
Nënlinja Objektiva Terma/Koncepte kyçe
Dëgjojmë dhe i
përgjigjemi muzikës
(3 orë)
Nxënësit duhet të jenë të aftë:
të dëgjojnë duke përshkruar
ndryshimet e karakteristikave të zërit
në këngë të kënduara nga burra, gra
dhe fëmijë;
të dallojnë, gjatë dëgjimit, këngën
himn, këngën patriotike, këngën
partizane;
të dëgjojnë fragmente të shkurtra
muzikore të huaja dhe shqiptare, ku të
dallojnë:
- karakterin e pjesëve muzikore të
Ndryshueshmëria e
zërave
Zërat: burra, gra,
fëmijë
Patriotike
Partizane
Karakter muzikor
E gëzueshme,
E trishtueshme,
marsh
Temp
35
MUZIKË
gëzueshme, të trishtueshme, marsh,
- tempin e pjesëve muzikore të shpejta,
të ngadalta, të qeta etj.;
- tingëllimin e instrumenteve muzikore
(piano, violinë) etj.;
të flasin, duke shpjeguar me fjalë të
thjeshta, për parapëlqimet e tyre për
muzikën që dëgjojnë, p.sh.:
- kjo muzikë është e kërcyeshme, e
gëzuar dhe më bën të ndihem...;
- kjo muzikë është e shpejtë dhe dua të
kërcej...;
- kjo muzikë është e qetë dhe më bën të
krijoj/vizatoj peizazh.
e shpejtë,
e ngadaltë,
e qetë
LINJA: KËNGA DHE INSTRUMENTI
Orë të sugjeruara: 21 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të një kënduari të saktë në intonacion e ritëm. Zëri i shoqëruar me tinguj dhe fjalë krijon një
fuqi dhe ndjesi më të madhe te fëmijët. Përmbajtja e këngëve për fëmijë ka një tematikë të
caktuar: himn, atdheu, familja, shoqëria, këngë patriotike dhe festat e ndryshme etj., si dhe
këngë/lojë muzikore dhe popullore. Këto këngë dhe lojëra mësohen në 1 orë dhe në disa raste
në 2 orë, kur janë të vështira. Ato janë didaktike dhe kanë vlera artistike muzikore – poetike, të
cilat edukojnë për një qëllim të caktuar, ndaj tematika e tyre është e detyrueshme. Këngët duhet
të jenë në kohët 2/4, ¾, 4/4 , me shtrirje të regjistrit vokal Do – Do.
Njohja me instrumentet fëminore ORF është e domosdoshme dhe këto instrumente të thjeshta
do të jenë pjesë e shoqërimit të këngëve dhe muzikës që nxënësit këndojnë, vallëzojnë dhe
luajnë.
Nënlinja Objektiva Terma/Koncepte kyçe
Këndojmë këngë dhe
lojëra muzikore
(19 orë)
Nxënësit duhet të jenë të aftë:
të respektojnë gjatë këndimit rregullat
e të kënduarit;
të këndojnë këngë për fëmijë solo dhe
në grup, me tematika të caktuara
Rregulla të këndimit
Këngë
Lojëra muzikore
Lojëra popullore
Solo
Në grup
36
MUZIKË
(himn, patriotike, partizane, atdheu,
familja, natyra, shoqëria, shkolla etj.),
për fëmijë 2/4, ¾, 4/4 , me shtrirje Do
– Do;
të këndojnë dhe të luajnë këngë dhe
këngë-lojë popullore për fëmijë të
krahinës dhe më tej;
të këndojnë dhe të shoqërojnë këngët
dhe lojërat muzikore /popullore, duke
ndërthurur muzikën me lëvizjen;
të interpretojnë me ndjenjë këngët dhe
lojërat.
Shoqërim
Instrument/ mjet
trupor
Lëvizje
Shuplaka
Nënlinja Objektiva Terma/Koncepte kyçe
Luajmë në
instrument
(3 orë)
Nxënësit duhet të jenë të aftë:
të njohin e të luajnë me instrumentet
ORF ritmike dhe melodike;
të shoqërojnë këngët që këndojnë me
instrumentet ORF ritmike (shkopinj,
triangolo, tamburi, karakas etj.);
të shoqërojnë lojërat muzikore me
instrumentet ORF me goditje.
Instrumentet ORF
Shoqërim
Karakas
Trekëndëshi
Shkopinj
Glokenshpil
Ksilofon
Karakas
LINJA: KRIJIMI DHE REFLEKTIMI
Orë të sugjeruara: 4 orë
Përshkrimi i linjës: Kjo linjë ka për qëllim zhvillimin e aftësive krijuese dhe reflektuese, duke
zbatuar njohuritë muzikore të marra në formë konkrete përmes improvizimit, krijimit,
përdorimit dhe komentimit të muzikës që luajnë apo krijojnë.
37
MUZIKË
Nënlinja Objektiva Terma/Koncepte kyçe
Improvizojmë dhe
krijojmë
(4 orë)
Nxënësit duhet të jenë të aftë:
të zhvillojnë krijime të vogla
muzikore, duke përdorur simbole të
ndryshme që tregojnë ritmin 2, 3 dhe 4
goditje;
të përdorin simbole të thjeshta, për të
krijuar ushtrime mbi gjatësitë ritmike
2/4 dhe 4/4 të mësuara dhe t’i
shpjegojnë ato;
të regjistrojnë në grafik 2 vargjet e
para të këngës “Fyelli i bariut” (R.
Sokoli), duke shkruar saktë:
- fjalët,
- goditjet poshtë çdo rrokjeje,
- shqiptimin (ta/ti);
të shoqërojnë me instrumente me ORF
këngët dhe lojërat muzikore/popullore;
të improvizojnë, përmes lëvizjeve
trupore, në përshtatje me ritmin dhe
melodinë;
të komentojnë me fjalë të thjeshta
muzikën që këndojnë dhe dëgjojnë;
të regjistrojnë krijimet e tyre në
magnetofonin e klasës/shkollës.
Krijim
instrument me
goditje
Model ritmik dy
goditje
Model ritmik tri
goditje
Model ritmik
katër goditje
Vals
Preferencë
Regjistrim
38
MUZIKË
OBJEKTIVAT SIPAS LINJAVE DHE NËNLINJAVE, KLASA E 5-të
35 javë mësimore x 1 orë/javë = 35 orë vjetore
Klasa Linja Orë të sugjeruara
5 Linja: Dëgjimi muzikor 11 orë
Nënlinja: Zbulojmë ritmin dhe tingujt 7 orë
Nënlinja: Dëgjojmë dhe i përgjigjemi muzikës 4 orë
Linja: Kënga dhe instrumenti 20 orë
Nënlinja: Këndojmë këngë 14 orë
Nënlinja: Luajmë në instrument 6 orë
Linja: Krijimi dhe reflektimi 4 orë
Nënlinja: Improvizojmë dhe krijojmë 4 orë
LINJA: DËGJIMI MUZIKOR
Orë të sugjeruara: 11 orë
Përshkrimi i linjës: Kjo linjë ka për qëllim që nxënësit të njihen me terminologjinë bazë që
përbën ritmin dhe melodinë, kuptimin dhe përdorimin e tyre në krijimet muzikore. Të tilla janë
njohja me notat muzikore, çelësin muzikor, pentagramin, nota ¼ si njësi numërimi etj.
Klasifikimi i zërave vokalë dhe instrumenteve ku ata bëjnë pjesë, do të jetë pjesë e studimit të
kësaj linje.
Nënlinja Objektiva Terma/Koncepte kyçe
Ritmi dhe melodia
(7 orë)
Nxënësit duhet të jenë të aftë:
të njohin pentagramin dhe të kuptojnë pse
shërben ai;
të njohin çelësin e solit dhe çelësa të
tjerë muzikorë;
të njohin, të shkruajnë në pentagram dhe
të ngjyrosin me 7 ngjyrat e ylberit 7 notat
muzikore do - re – mi –fa –sol –la –si,
duke kuptuar lartësinë e tyre;
Çelësi muzikor
Pentagrami
Notat muzikore: do -
re – mi –fa –sol –la
–si
Notat në fusha dhe
në vija, poshtë dhe
sipër pentagramit
Nota ¼
39
MUZIKË
të shkruajnë notat muzikore në vija dhe në
fusha, sipër dhe poshtë pentagramit;
të njohin piramidën e vlerave (gjatësive)
të notave dhe pushimeve;
të kuptojnë ç’është masa muzikore;
të kuptojnë përdorimin e notës ¼, si njësi
matëse në muzikë.
Piramida e vlerave të
notave dhe
pushimeve
Masa muzikore
Nota 1/4
Nënlinja Objektiva Terma/Koncepte kyçe
Dëgjojmë dhe i
përgjigjemi
muzikës
(4 orë)
Nxënësit duhet të jenë të aftë:
të bëjnë klasifikimin e zërave vokalë në
muzikë gjatë dëgjimit:
- zërat e fëmijëve, të bardhë;
- zërat e grave (soprano, mexosoprano,
alto);
- zërat e burrave (tenor, bariton, bas);
të klasifikojnë, gjatë dëgjimit,
instrumentet muzikore popullore për
fëmijë dhe familjet ku ato bëjnë pjesë:
instrumente aerofonë, kordofonë,
membranofone, idiofonë;
të bëjnë dallimin midis marshit dhe valsit,
gjatë dëgjimit të pjesëve të ndryshme
muzikore;
të identifikojnë, gjatë dëgjimit, pjesë të
ndryshme muzikore, duke shpjeguar
karakteristikat e tempit në muzikë, p.sh.: i
shpejtë - i ngadaltë ose më i shpejtë - më i
ngadaltë.
Soprano
Mexosoprano
Alto
Tenor
Bariton
Bas
Tempi: i shpejtë - i
ngadaltë ose më i
Shpejtë - më i
ngadaltë
Instrumentet
muzikore popullore
(grupet)
40
MUZIKË
LINJA: KËNGA DHE INSTRUMENTI
Orë të sugjeruara: 20 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të kënduarit me intonacion e ritëm. Zëri i shoqëruar me tinguj dhe fjalë krijon një fuqi dhe
ndjesi më të madhe te fëmijët. Përmbajtja e këngëve për fëmijë ka një tematikë të caktuar:
himn, atdheu, familja, shoqëria, këngë patriotike dhe festat e ndryshme etj., si dhe këngë/lojë
muzikore dhe popullore. Këto këngë dhe lojëra mësohen në 1 orë dhe në disa raste në 2 orë, kur
janë të vështira. Ato janë didaktike dhe kanë vlera artistike muzikore – poetike, të cilat
edukojnë për një qëllim të caktuar, ndaj tematika e tyre është e detyrueshme. Këngët duhet të
jenë në kohët 2/4, ¾, 4/4 , me shtrirje të regjistrit vokal Do – Do.
Njohja dhe luajtja me instrumentin e fyellit do t’i bëjë nxënësit të përjetojnë më së miri ndjenjën
melodike dhe ritmike të ushtrimeve dhe pjesëve që do të mësojnë. Gjithashtu, luajtja me
instrumentet ORF është pjesë e studimit të kësaj linje.
Nënlinja Objektiva Terma/Koncepte kyçe
Këndojmë këngë
(14 orë)
Nxënësit duhet të jenë të aftë:
të respektojnë gjatë këndimit
rregullat e të kënduarit;
të këndojnë këngë për fëmijë solo
dhe në grup, me tematika të
caktuara (himn, patriotike,
partizane, atdheu, familja, natyra,
shoqëria, shkolla etj.) , për fëmijë
2/4, ¾, 4/4 , me shtrirje Do – Do;
të këndojnë dhe të luajnë këngë
dhe lojëra muzikore/popullore me
tematikë të ndryshme për fëmijë;
të këndojnë dhe të shoqërojnë
këngët apo lojërat, duke
ndërthurur muzikën me lëvizjen;
të interpretojnë me ndjenjë dhe
emocion këngët.
Këndim
Rregulla të qëndrimit
Këngë
Lojëra muzikore
Solo
Në grup
Shoqërim
Lëvizje
Shenja ngjyrimi
41
MUZIKË
Nënlinja Objektiva Terma/Koncepte kyçe
Luajmë në instrument
(6 orë)
Nxënësit duhet të jenë të aftë:
të mësojnë të luajnë me
instrumentin e fyellit 7 notat
muzikore si dhe ekzekutimin e
notave në katër dhe dy kohë;
të shoqërojnë këngët e mësuara
me instrumente të thjeshta ORF
tamburi, zilka, trekëndëshi,
shkopinjtë etj., duke demonstruar
aftësi të sakta ritmike.
Fyell
Instrumentet ORF
Shoqërim
LINJA: KRIJIMI DHE REFLEKTIMI
Orë të sugjeruara: 4 orë
Përshkrimi i linjës: Kjo linjë ka për qëllim edukimin me muzikën në formë konkrete përmes
krijimit dhe reflektimit. Gjithashtu, përzgjedhja, improvizimi, krijimi, përdorimi dhe komentimi
i muzikës që luan apo krijon, do të jetë pjesë e rëndësishme për zhvillimin e kësaj linje.
Nxënësit, gjithashtu, do të njohin dhe përdorin mjetet audio-vizuale që i ndihmon ata të
regjistrojnë, të dëgjojnë muzikën që ata pëlqejnë.
Nënlinja Objektiva Terma/Koncepte kyçe
Improvizojmë dhe
krijojmë
(4 orë)
Nxënësit duhet të jenë të aftë:
të përzgjedhin melodi të thjeshta,
për të portretizuar një
karakter/personazh të preferuar
apo një atmosferë të caktuar,
p.sh., një shëtitje në pyll etj.;
të përgjigjen për karakterin e
muzikës që dëgjojnë edhe
nëpërmjet arteve të tjera, si:
- duke kërcyer,
Krijim
Model ritmik dy
goditje
Model ritmik tri
goditje
Model ritmik me
katër goditje
Vals
Preferencë
Regjistrim
42
MUZIKË
- duke krijuar një poemë apo
histori,
- duke ilustruar nëpërmjet artit
pamor;
të krijojnë modele të thjeshta
ritmike me 2, 3 ose 4 goditje dhe
të shpjegojnë rrugët që kanë
ndjekur për t’i krijuar ato;
të përshkruajnë emocionet e tyre
të përjetuara gjatë dëgjimit të një
fragmenti muzikor, duke u
shprehur, p.sh.: kjo muzikë më
kujton fluturimin, Krishtlindjen,
ditëlindjen, festat kombëtare etj.;
të diskutojnë mbi krijimet e veta
dhe të shokëve të tjerë, duke
përdorur një terminologji të
thjeshtë muzikore;
të regjistrojnë krijimet e tyre duke
përdorur pajisjet elektronike, si:
magnetofon, kompjuter etj.
Pajisje
elektronike
OBJEKTIVAT SIPAS LINJAVE DHE NËNLINJAVE, KLASA E 6-TË
35 javë mësimore x 1 orë/javë = 35 orë vjetore
Klasa Linja Orë të sugjeruara
6 Linja: Dëgjimi muzikor 10 orë
Nënlinja: Ritmi dhe melodia 7 orë
Nënlinja: Dëgjojmë dhe i përgjigjemi muzikës 3 orë
Linja: Kënga dhe instrumenti 21 orë
43
MUZIKË
Nënlinja: Këndojmë këngë dhe lojëra muzikore 14 orë
Nënlinja: Luajmë në instrument 7 orë
Linja: Krijimi dhe reflektimi 4 orë
Nënlinja: Improvizojmë dhe krijojmë 4 orë
LINJA: DËGJIMI MUZIKOR
Orë të sugjeruara: 10 orë
Përshkrimi i linjës: Kjo linjë ka për qëllim që nxënësit të njihen me terminologjinë bazë që
përbën ritmin dhe melodinë, kuptimin dhe përdorimin e tyre në muzikë. Të tilla janë notat,
intervalet muzikore, shkallët muzikore, shenjat e përsëritjes etj. Dëgjimi i fragmenteve apo
pjesëve të thjeshta muzikore, duke dalluar ritmet ku ato luhen ose këndohen, zërat apo
instrumentet që marrin pjesë, janë objekt i studimit të kësaj linje.
Nënlinja Objektiva Terma/Koncepte kyçe
Ritmi dhe melodia
(7 orë)
Nxënësit duhet të jenë të aftë:
të njohin intervalet muzikore;
të njohin T dhe ½ T;
të njohin shkallët muzikore e të ndërtojnë
shkallën Do+(maxhore) e La –( minore);
të kuptojnë konceptin e strukturës në
muzikë;
të kuptojnë dhe të identifikojnë shenjën e
përsëritjes gjatë një pjese të kënduar apo të
dëgjuar.
T dhe ½ T
Shkalla
muzikore
Shkalla do+ dhe
La–
Përsëritja
Nënlinja Objektiva Terma/Koncepte kyçe
Dëgjojmë dhe i
përgjigjemi
muzikës
(3 orë)
Nxënësit duhet të jenë të aftë:
të klasifikojnë instrumentet muzikore:
instrumente kordofonë, aerefone, idiofone,
membranofone dhe elektrike, gjatë dëgjimit
dhe pamjes, p.sh.:
- instrumentet e harqeve (violina),
Ritmet 2/4, ¾, 4/4
Termat dinamikë
Llojet e muzikës:
muzikë për fëmijë,
popullore, klasike.
Instrumentet
muzikore (grupet)
44
MUZIKË
- instrumentet me goditje (pianoja),
- instrumentet me frymë (klarineta),
- instrumentet elektrike (kitara) etj.;
të dëgjojnë fragmente nga pjesë të shkurtra
muzikore në kohët 2/4, 3/4 dhe 4/4, ku të
dallojnë ritme të ndryshme:
- polka (2/4 ),
- marsh (2/4),
- vals (3/4) etj.;
të kuptojnë, gjatë dëgjimit, ndryshimet që
ndodhin në një pjesë vokale apo
instrumentale, lidhur me shpejtësinë, termat
dinamikë largo, lento, grave, andantino,
allegretto etj.;
të klasifikojnë, gjatë dëgjimit, llojin e
muzikës që dëgjojnë - muzikë për fëmijë,
popullore, klasike;
të përcaktojnë, gjatë dëgjimit, shoqërimin
instrumental nga një instrument apo nga
shumë instrumente.
LINJA: KËNGA DHE INSTRUMENTI
Orë të sugjeruara: 21 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të kënduar të saktë në intonacion e ritëm. Zëri i shoqëruar me tinguj dhe fjalë krijon një
fuqi dhe ndjesi më të madhe te fëmijët. Përmbajtja e këngëve për fëmijë ka një tematikë të
caktuar: himn, atdheu, familja, shoqëria, këngë patriotike dhe festat e ndryshme etj., si dhe
këngë/lojë muzikore dhe popullore. Këto këngë dhe lojëra mësohen në 1 orë dhe në disa raste
në 2 orë, kur janë të vështira. Ato janë didaktike dhe kanë vlera artistike muzikore - poetike, të
cilat edukojnë për një qëllim të caktuar, ndaj tematika e tyre është e detyrueshme. Këngët duhet
të jenë në kohët 2/4, ¾, 4/4 , me shtrirje të regjistrit vokal Do - Do.
Luajtja me instrumentin e fyellit do t’i bëjë nxënësit të përjetojnë më së miri ndjenjën melodike
dhe ritmike të ushtrimeve dhe pjesëve që do të mësojnë.
45
MUZIKË
Nënlinja Objektiva Terma/Koncepte kyçe
Këndojmë këngë
(14 orë)
Nxënësit duhet të jenë të aftë:
të respektojnë gjatë këndimit
rregullat e të kënduarit;
të këndojnë këngë për fëmijë solo
dhe në grup, me tematika të
caktuara (himn, patriotike,
partizane, popullore, atdheu,
familja, natyra, shoqëria, shkolla
etj.) 2/4, ¾, 4/4 , me shtrirje Do –
Do;
të këndojnë e të shoqërojnë
këngët, duke ndërthurur muzikën
me lëvizjen;
të respektojnë shenjat e ngjyrimit
gjatë këndimit të këngëve për
fëmijë sipas tematikës;
të interpretojnë me ndjenjë dhe
emocion këngët.
Këndim
Rregulla të qëndrimit
Këngë
Lojëra muzikore
Solo
Në grup
Shoqërim
Lëvizje
Shenja ngjyrimi
Nënlinja Objektiva Terma/Koncepte kyçe
Luajmë në instrument
(7 orë)
Nxënësit duhet të jenë të aftë:
të shoqërojnë muzikën që
këndojnë apo krijojnë vetë, duke
përdorur instrumente me goditje
ORF;
të luajnë në instrumentin popullor
melodik fyellin notat muzikore në
ngjitje dhe në zbritje dhe ushtrime
Instrumenti fyell
Instrumentet ORF
Shoqërim
Valle
46
MUZIKË
të thjeshta në kohët 2/4,3/4, 4/4;
të luajnë pjesën popullore “Vallja
e Peshkopisë”.
LINJA: KRIJIMI DHE REFLEKTIMI
Orë të sugjeruara: 4 orë
Përshkrimi i linjës: Kjo linjë ka për qëllim edukimin me muzikën në formë konkrete përmes
krijimit dhe reflektimit. Gjithashtu, përzgjedhja, improvizimi, krijimi, përdorimi dhe komentimi
i muzikës që luan apo krijon, do të jetë pjesë e rëndësishme për zhvillimin e kësaj linje.
Nxënësit, do të përdorin mjetet audio vizuale, që i ndihmon ata të regjistrojnë, të dëgjojnë
muzikën që ata pëlqejnë dhe duan.
Nënlinja Objektiva Terma/Koncepte kyçe
Improvizojmë dhe
krijojmë
(4 orë)
Nxënësit duhet të jenë të aftë:
të improvizojnë nëpërmjet
lëvizjeve trupore, mbi një melodi
të përzgjedhur nga vetë ata;
të krijojnë ushtrime ritmike apo
melodike në kohët e thjeshta, në
masat 2-3-4-kohore;
të krijojnë melodi, mbi vargjet e
një poezie të zgjedhur, në ritmet e
mësuara, duke përshtatur saktë
notat me rrokjet e vargut;
të shpjegojnë krijimet e tyre dhe
të shokëve;
të lexojnë apo të këndojnë
krijimet e veta dhe të shokëve;
të listojnë disa fjali, shprehje që
ata përdorin për të shprehur
marrëdhëniet e tyre me muzikën,
p. sh.:
- të krahinës time, sepse …;
Krijim
Model ritmik dy
goditje
Model ritmik tri
goditje
Model ritmik me
katër goditje
Marrëdhënie me
muzikën
veprimtari muzikore
në komunitet
preferencë
regjistrim
pajisje elektronike
47
MUZIKË
të listojnë disa veprimtari që
zhvillohen në komunitetin e tyre
ose në jetën e tyre të përditshme,
duke shprehur me fjalë të thjeshta
emocionet që ju krijojnë këto
veprimtari, si:
- muzika e dëgjuar në televizion,
- festat familjare,
- festat apo spektaklet në krahinë
apo në vend;
të regjistrojnë krijimet e tyre,
duke përdorur pajisjet
elektronike, si: magnetofon,
kompjuter etj.
OBJEKTIVAT SIPAS LINJAVE DHE NËNLINJAVE, KLASA E 7-TË
35 javë mësimore x 1 orë/javë = 35 orë vjetore
Klasa Linja Orë të sugjeruara
7 Linja: Dëgjimi muzikor 10 orë
Nënlinja: Ritmi dhe melodia 7 orë
Nënlinja: Dëgjojmë dhe i përgjigjemi muzikës 3 orë
Linja: Kënga dhe instrumenti 21 orë
Nënlinja: Këndojmë këngë 13 orë
Nënlinja: Luajmë në instrument 8 orë
Linja: Krijimi dhe reflektimi 4 orë
Nënlinja: Improvizojmë dhe krijojmë 4 orë
48
MUZIKË
LINJA: DËGJIMI MUZIKOR
Orë të sugjeruara: 10 orë
Përshkrimi i linjës: Kjo linjë ka për qëllim që nxënësit të njihen me terminologjinë bazë të
elementeve përbërëse ritmike dhe melodike, me kuptimin dhe përdorimin e tyre në muzikë. Të
tilla janë ritmet e përbëra dhe të përziera, njohja e mëtejshme me terminologjinë muzikore dhe
dëgjimin e zbatimin e tyre në këngë apo në krijimet muzikore. Njohja me ritmet 3/8 dhe 6/8,
dhe vazhdimi me njohjen e notës dhe të pushimit 1/8 dhe 1/16, masës së paplotësuar, lidhjes
vlerëse dhe lidhjes shprehëse, koronës, sinkopës, tonalitetit do të jenë pjesë e kësaj linje të
programit.
Dëgjimi i fragmenteve apo pjesëve të thjeshta muzikore, kuptimi i formave të thjeshta muzikore
A-B; A-B-A, të cilat mund të jenë vokale, vokal-instrumentale dhe instrumentale, do të
zgjerojnë më tej njohuritë muzikore të nxënësve.
Nënlinja Objektiva Terma/Koncepte kyçe
Ritmi dhe melodia
(7 orë)
Nxënësit duhet të jenë të aftë:
të demonstrojnë kuptimin e ritmeve
3/8 dhe 6/8, përmes shembujve
ritmikë dhe melodikë;
të demonstrojnë kuptimin e
gjatësisë së notës dhe të pushimit
1/8 dhe 1/16;
të njohin shenjat e shartimit në
muzikë;
të kuptojnë rëndësinë e tonalitetit
në muzikë;
të kuptojnë dhe të zbatojnë, në
shembuj të thjeshtë ritmikë dhe
melodikë, masën e paplotësuar,
lidhjen vlerëse dhe shprehëse,
koronën, sinkopën;
të respektojnë në këngë, ushtrime
apo shembuj ritmikë apo melodikë
Ritmi 3/8
Ritmi 6/8
Nota 1/8
Nota 1/16
Pushimi 1/8
Pushimi 1/16
Masa e paplotësuar
Lidhja vlerëse
Lidhja shprehëse
Korona
Sinkopa
Tonalitet
Shenja shartimi
49
MUZIKË
të gjitha shenjat dhe simbolet e
mësuara;
të lexojnë ritmikisht dhe të
këndojnë muzikalisht shembuj në
kohët 3/8 dhe 6/8.
Nënlinja Objektiva Terma/Koncepte kyçe
Dëgjojmë dhe i
përgjigjemi muzikës
(3 orë)
Nxënësit duhet të jenë të aftë:
Të njohin format e thjeshta
muzikore A-B; A-B-A dhe të
dëgjojnë në këto forma fragmente
nga vepra të ndryshme vokale,
instrumentale, vokale-
instrumentale;
të njohin llojet e orkestrave, si
bandë, ansambël dhome, orkestër
simfonike dhe të dëgjojnë pjesë
instrumentale dhe vokale, të
ekzekutuara nga ato;
të kuptojnë funksionimin e termave
dinamikë largo, lento, grave,
andantino, allegretto etj., në
interpretime të ndryshme vokale
dhe instrumentale;
Dëgjim
Fragment muzikor
Kënga himn
Kënga patriotike
Kënga partizane
Forma muzikore
A-B; A-B-A
Vepra vokale
Vepra vokal-
instrumentale
Vepra instrumentale
LINJA: KËNGA DHE INSTRUMENTI
Orë të sugjeruara: 21 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të një kënduari me një kulturë vokale. Fuqia e zërit, plotësuar me tinguj dhe fjalë, krijon një
fuqi dhe ndjesi emocionale më të madhe te fëmijët. Përmbajtja e këngëve për fëmijë ka një
tematikë të caktuar: himn, atdheu, familja, shoqëria, këngë patriotike, partizane, festat e
ndryshme etj., si dhe këngë popullore. Këto këngë dhe lojëra mësohen në 1 orë dhe në disa raste
50
MUZIKË
në 2 orë, kur janë të vështira. Ato janë didaktike dhe kanë vlera artistike muzikore – poetike, të
cilat edukojnë për një qëllim të caktuar ndaj tematika e tyre është e detyrueshme. Këngët duhet
të jenë në kohët 2/4, ¾, 4/4, 3/8 dhe 6/8 me shtrirje Do – Do të regjistrit vokal.
Ndërsa luajtja me instrumentin e fyellit vazhdon në njohjen dhe luajtjen jo vetëm në ritmet e
thjeshta, por edhe në ritmet 3/8 dhe 6/8.
Nënlinja Objektiva Terma/Koncepte kyçe
Këndojmë këngë2
(13 orë)
Nxënësit duhet të jenë të aftë:
të respektojnë rregullat e të kënduarit,
gjatë këndimit;
të këndojnë këngë me tematika të
caktuara për fëmijë, të kultivuara,
patriotike, himn, partizane, popullore;
të përjetojnë këngët partizane, patriotike
etj., në kohët 2/4, ¾ etj.;
të këndojnë kanone të ndryshme;
të këndojnë, duke respektuar karakterin
e këngëve, ritmin, intonacionin, shenjat
e ngjyrimit, etj.;
të këndojnë këngët solo dhe në grup
(ansambël/kor);
të këndojnë dhe të interpretojnë me
ndjenjë dhe në mënyrë shprehëse, duke
respektuar karakterin e këngës.
Këndim
Rregulla të qëndrimit
Këngë
Solo
Në grup
Ritëm
Intonacion
Shenja ngjyrimi
Karakter i këngës
Nënlinja Objektiva Terma/Koncepte kyçe
Luajmë në
instrument
(8 orë)
Nxënësit duhet të jenë të aftë:
të luajnë në fyell ushtrime të thjeshta në
kohët 3/8 dhe 6/8;
të luajnë shkallën Do+;
Fyell
Instrumente ORF
Kohët 3/8, 6/8
Shkalla Do+
Karakter
2 Kjo nënlinjë përbëhet nga kërkesa për një këndim, të cilat ndryshojnë në varësi të këngëve që variojnë sipas
moshave, njohurive muzikore dhe tematikave të përmbajtjeve mësimore.
51
MUZIKË
të luajnë një pjesë të thjeshtë për fyell
(popullore);
të zbatojnë karakterin dhe shenjat e
ngjyrimit gjatë luajtjes në instrument;
të shoqërojnë me instrumente ritmike
ose ORF këngët apo meloditë.
Shenja ngjyrimi
LINJA: KRIJIMI DHE REFLEKTIMI
Orë të sugjeruara: 4 orë
Përshkrimi i linjës: Kjo linjë ka për qëllim edukimin me muzikën në formë konkrete përmes
krijimit dhe reflektimit. Gjithashtu, kjo linjë, përveçse zhvillon ndjenjën ritmike dhe melodike
përmes shembujve muzikorë, kërkon edhe të zhvillojë tek ata aftësinë për të përjetuar dhe
krijuar një shembull muzikor, si dhe duke e shpjeguar me fjalë të thjeshta.
Nënlinja Objektiva Terma/Koncepte kyçe
Improvizojmë dhe
krijojmë
(4 orë)
Nxënësit duhet të jenë të aftë:
të krijojnë ushtrime prej 12
masash muzikore, në kohët 3/8
apo 6/8, duke përdorur gjatësi të
ndryshme të notave dhe
pushimeve;
të improvizojnë me lëvizje të
ndryshme trupore në përshtatje
me ritmin dhe melodinë e
muzikës (p.sh., në 3/8 apo 6/8);
të përcjellin mendimet dhe
emocionet e tyre, duke shprehur
qartë marrëdhëniet e tyre me
muzikën që ata dëgjojnë apo
këndojnë, p.sh.: “Sonata e hënës”
- Bethoven, më krijon ndjesinë e
natës me yje;
Krijim
Improvizim
Instrument me goditje
Model ritmik dy
goditje
Veprimtari kulturore
Regjistrim
52
MUZIKË
të listojnë dhe të shpjegojnë
rëndësinë e veprimtarive
kulturore artistike dhe muzikore
që zhvillohen në komunitetin e
tyre ose në jetën e tyre të
përditshme;
të regjistrojnë krijimet e tyre duke
përdorur pajisjet elektronike, si:
magnetofon, kompjuter etj.
OBJEKTIVAT SIPAS LINJAVE DHE NËNLINJAVE, KLASA E 8-TË
35 javë mësimore x 1 orë/javë = 35 orë vjetore
Klasa Linja Orë të sugjeruara
8 Linja: Dëgjimi muzikor 10 orë
Nënlinja: Ritmi dhe melodia 5 orë
Nënlinja: Dëgjojmë dhe i përgjigjemi muzikës 5 orë
Linja: Kënga dhe instrumenti 21 orë
Nënlinja: Këndojmë këngë 15 orë
Nënlinja: Luajmë në instrument 10 orë
Linja: Krijimi dhe reflektimi 4 orë
Nënlinja: Improvizojmë dhe krijojmë 4 orë
LINJA: DËGJIMI MUZIKOR
Orë të sugjeruara: 10 orë
Përshkrimi i linjës: Kjo linjë ka për qëllim që nxënësit të njihen me terminologjinë bazë të
elementeve përbërëse muzikore, me kuptimin dhe përdorimin e tyre në muzikë. Të tilla janë
ritmet e thjeshta dhe të përbëra, njohja e mëtejshme me terminologjinë muzikore dhe zbatimin
e saj në këngë apo krijime muzikore. Njohja me ritmet e përziera që përfaqësojnë muzikën
popullore të trevave të ndryshme në Shqipëri, këngët dhe vallet, njohja me muzikën popullore
shqiptare dhe zhvillimin e muzikës së kultivuar shqiptare do të zgjerojë me tej njohuritë
muzikore të nxënësve.
53
MUZIKË
Nënlinja Objektiva Terma/Koncepte kyçe
Ritmi dhe
melodia
(5 orë)
Nxënësit duhet të jenë të aftë:
të demonstrojnë se njohin ritmet e
përziera 5/8, 7/8, 9/8 përmes shembujve
të ndryshëm muzikorë;
të lexojnë dhe të këndojnë saktë nga ana
ritmike dhe melodike shembuj nga
folklori ynë përmes ritmeve e përziera
5/8, 7/8, 9/8;
të njohin intervalet muzikore.
Ritmi i përzier 5/8, 7/8,
9/8
Intervalet muzikore
Nënlinja Objektiva Terma/Koncepte kyçe
Dëgjojmë dhe i
përgjigjemi
muzikës
(5 orë)
Nxënësit duhet të jenë të aftë:
Të njohin zhvillimin e muzikës popullore
shqiptare: kënga, vallja dhe muzika
instrumentale popullore. Festivali
Folklorik;
të dallojnë, gjatë dëgjimit, muzikën
popullore të Shqipërisë së Jugut, të
Mesme dhe të Veriut, dhe të japin disa
karakteristika të saj;
të diskutojnë, gjatë dëgjimit, mbi vallet
popullore dhe elementet kryesore që i
përbëjnë ato:
- muzika,
- kostumet,
- lëvizjet koreografike të valles,
- tematika;
- të dinë ndonjë valle nga
krahina/qyteti i tyre;
Muzikë popullore
muzikë e kultivuar
Këngë popullore
Valle popullore
Muzikë instrumentale
Festival folklorik
54
MUZIKË
të demonstrojnë njohuri mbi zhvillimin e
muzikës së kultivuar shqiptare, duke
renditur disa nga përfaqësuesit kryesorë;
të njohin, të dëgjojnë dhe të interpretojnë
këngë të muzikës së kultivuar shqiptare.
LINJA: KËNGA DHE INSTRUMENTI
Orë të sugjeruara: 21 orë
Përshkrimi i linjës: Kjo linjë ka si qëllim t’u mësojë nxënësve mënyrat e formësimit të zërit
dhe të një kënduari me një kulturë vokale. Fuqia e zërit, plotësuar me tinguj dhe fjalë, krijon
një fuqi dhe ndjesi emocionale më të madhe te fëmijët. Përmbajtja e këngëve për fëmijë ka një
tematikë të caktuar: himn, atdheu, familja, shoqëria, këngë patriotike, partizane, festat e
ndryshme, këngë të kultivuara, këngë popullore në ritmet 5/8, 7/8, 9/8, të cilat kanë vlera
artistike muzikore – poetike dhe edukojnë për një qëllim të caktuar. Për shkak të përmbajtjes
që mësohet në këtë vit, këngët mund të jenë në kohët 2/4, ¾, 4/4, 3/8 dhe 6/8, por edhe në
ritmet 5/8, 7/8, 9/8 me shtrirje të ndryshme të regjistrit vokal. Luajtja me instrumentin e fyellit
vazhdon me njohjen dhe luajtjen jo vetëm në ritmet e thjeshta e të përbëra, por edhe në ritmet
e përziera 5/8, 7/8, 9/8.
Nënlinja Objektiva Terma/Koncepte kyçe
Këndojmë këngë
(11 orë)
Nxënësit duhet të jenë të aftë:
të respektojnë gjatë këndimit
rregullat e të kënduarit;
të këndojnë këngë me tematika të
caktuara për fëmijë, këngë të
kultivuara shqiptare, këngë
popullore shqiptare në ritmet 5/8,
7/8, 9/8;
të këndojnë kanone të ndryshme;
të këndojnë duke respektuar
karakteristikat melodike dhe
ritmike të këngës: ritmin,
intonacionin dhe karakterin e
këngës;
Këndim
Rregulla të qëndrimit
Këngë
Solo
Në grup
Shoqërim
Kanone
55
MUZIKË
të këndojnë këngët solo dhe në
grup (ansambël/kor);
të këndojnë dhe të interpretojnë
me ndjenjë dhe në mënyrë
shprehëse, duke respektuar
karakterin e këngës.
Nënlinja Objektiva Terma/Koncepte kyçe
Luajmë në instrument
(10 orë)
Nxënësit duhet të jenë të aftë:
të luajnë në fyell ushtrime të
thjeshta në kohët 5/8, 7/8 dhe 9/8;
të luajnë një pjesë të thjeshtë për
fyell (popullore).
Fyell
Luajtje
Ritme të përziera
LINJA: KRIJIMI DHE REFLEKTIMI
Orë të sugjeruara: 4 orë
Përshkrimi i linjës: Kjo linjë ka për qëllim edukimin me muzikën në formë konkrete përmes
krijimit dhe reflektimit. Gjithashtu, përzgjedhja , improvizimi, krijimi, përdorimi, komentimi
i muzikës që luan apo krijon do të jetë pjesë e rëndësishme për zhvillimin e kësaj linje.
Nxënësit gjithashtu do të përdorin mjetet audio vizuale që i ndihmon ata të regjistrojnë, të
dëgjojnë muzikën që ata pëlqejnë dhe që duan.
Nënlinja Objektiva Terma/Koncepte kyçe
Improvizojmë dhe
krijojmë
(4 orë)
Nxënësit duhet të jenë të aftë:
të krijojnë në kohët 5/8, 7/8, 9/8
me gjatësi të ndryshme notash
dhe pushime përkatëse, ushtrime
apo krijime melodike dhe ritmike
duke i lexuar dhe kënduar ato;
të krijojnë një vijë melodike mbi
vargjet e një poezie, duke
përcaktuar më parë ritmin nga
Krijim
Vijë melodike
Ritme të përziera
Improvizim
Lëvizje trupore
Ese
Përjetim
56
MUZIKË
kohët e mësuara 5/8, 7/8 ose 9/8;
të ndërtojnë intervale të ndryshme
muzikore;
të improvizojnë, përmes lëvizjeve
trupore, ritme të ndryshme në
përshtatje me melodinë;
të krijojnë ese rreth një
veprimtarie folklorike zhvilluar
vitet e fundit në Shqipëri;
të përjetojnë muzikën edhe
nëpërmjet arteve të tjera: vizatim,
poezi etj.
OBJEKTIVAT SIPAS LINJAVE DHE NËNLINJAVE, KLASA E 9-TË
35 javë mësimore x 1 orë/javë = 35 orë vjetore
Klasa Linja Orë të sugjeruara
8 Linja: Dëgjimi muzikor 17 orë
Nënlinja: Dëgjojmë dhe i përgjigjemi muzikës 17 orë
Linja: Kënga 13 orë
Nënlinja: Këndojmë këngë 13 orë
Linja: Krijimi dhe reflektimi 5 orë
Nënlinja: Improvizojmë dhe krijojmë 5 orë
LINJA: DËGJIMI MUZIKOR
Orë të sugjeruara: 17 orë
Përshkrimi i linjës: Kjo linjë ka për qëllim që nxënësit të njihen me terminologjinë bazë të
elementeve përbërëse muzikore, kuptimin, dëgjimin dhe përdorimin e tyre në muzikë. Njohja
me zhvillimin historik të muzikës shqiptare dhe të huaj dhe përfaqësuesve më të mirë të saj do
të jetë objekt i kësaj linje. Dëgjimi nga fragmente të ndryshme të kryeveprave muzikore do të
plotësojë më së miri njohuritë kulturore muzikore të nxënësve.
57
MUZIKË
Nën linja Objektiva Terma/Koncepte kyçe
Dëgjojmë dhe i
përgjigjemi
muzikës
(17 orë)
Nxënësit duhet të jenë të aftë:
të njohin zhvillimin e kulturës muzikore3
në:
- lashtësi (arti grek, indian, egjiptian,
babilonas etj.)
- mesjetë (lindjen e shkrimit të notave –
Guido d’Areco, këngët gregoriane,
polifonia);
- Rilindje,
- Barok,
- Klasicizëm,
- Romantizëm,
- Shekulli i 20-të, përmes njohjes me
kompozitorët4, e muzikës botërore dhe
veprat vokale dhe instrumentale më të
spikatura të tyre.
të njohin zhvillimin e kulturës muzikore
shqiptare vokale dhe instrumentale,
përmes njohjes me kompozitorët
shqiptarë5 dhe veprat më të spikatura të
tyre;
të njohin zhvillimin e muzikës moderne
përmes rrymave: bluz, xhaz, rok, pop etj.,
dhe kompozitorëve më të spikatur.
Kultura muzikore në
Lashtësi
Mesjetë
Rilindje,
Barok
Klasicizëm,
Romantizëm,
Shekulli 20-të
Kultura muzikore
shqiptare
Muzika moderne
3 Njohja me zhvillimin e kulturës muzikore DUHET të jetë shumë e thjeshtë dhe të zërë shumë pak rreshta. Jeta e
kompozitorëve, që mund të jenë të shumtë në numër, do të jetë shumë e reduktuar. Do të sillen në vëmendje
kompozitorët dhe veprat më të spikatura të zhvillimit të kulturës muzikore. Kjo gjë vlen edhe për muzikën shqiptare.
Hollësirat që i përkasin zhvillimit të përgjithshëm historik - muzikor, plotësohen me hollësitë përkatëse në gjimnaz. 4 Kompozitorë të sugjeruar: Vivaldi, Moxart, Bethoven, Shubert, Paganini, Shopen, Verdi, Pucini, Rosini,
Çajkovski, Gershvin etj. 5 Kompozitorë të sugjeruar: Martin Gjoka, Palok Kurti, Cesk Zadeja, Prenk Jakova, Nikolla Zoraqi, Tish Daija,
Tonin Harapi, Feim Ibrahimi etj.
58
MUZIKË
LINJA: KËNGA
Orë të sugjeruara: 13 orë
Përshkrimi i linjë: Kjo linjë ka si qëllim t’u mësojë nxënësve mënyrat e formësimit të zërit dhe
të një kënduari me një kulturë vokale. Fuqia e zërit, plotësuar me tinguj dhe fjalë, krijon një
fuqi dhe ndjesi emocionale më të madhe te fëmijët. Përmbajtja e këngëve duhet t’i përgjigjet
nivelit moshor si nga ana e shtrirjes së regjistrit nga ana vokale, ashtu edhe nga ana letrare.
Këngët duhet të jenë të larmishme, për fëmijë, popullore, të huaja, muzikë e lehtë etj., të cilat
mësohen në 1 orë dhe në disa raste në 2 orë, kur janë të vështira. Ato janë këngë që kanë vlera
artistike muzikore – poetike, të cilat edukojnë për një qëllim të caktuar. Për shkak të
përmbajtjes që mësohet në këtë vit, këngët mund të jenë në kohët e mësuara dhe me shtrirje të
ndryshme të regjistrit vokal.
Nënlinja Objektiva Terma/Koncepte kyçe
Këndojmë këngë
(13 orë)
Nxënësit duhet të jenë të aftë:
të respektojnë gjatë këndimit
rregullat e të kënduarit;
të këndojnë këngë tematike
- për fëmijë (të rinj),
- popullore,
- të huaja,
- moderne të rrymave të
ndryshme,
- pjesë të vogla (me një ose dy
zëra);
të këndojnë kanone me dy zëra;
të këndojnë solo dhe në grup
(ansambël/kor) me dhe pa
shoqërim instrumental.
Këndim
Rregulla të qëndrimit
Këngë
Lojëra muzikore
Solo
Në grup
Shoqërim
59
MUZIKË
LINJA: KRIJIMI DHE REFLEKTIMI
Orë të sugjeruara: 5 orë
Përshkrimi i linjës: Kjo linjë ka për qëllim edukimin me muzikën në formë konkrete përmes
krijimit dhe reflektimit. Gjithashtu, përzgjedhja , improvizimi, krijimi, përdorimi, komentimi i
muzikës që luan apo krijon do të jetë pjesë e rëndësishme për zhvillimin e kësaj linje. Nxënësit
gjithashtu do të përdorin mjetet audio vizuale që i ndihmon ata të regjistrojnë, të dëgjojnë
muzikën që ata pëlqejnë dhe që duan.
Nënlinja Objektiva Terma/Koncepte kyçe
Improvizojmë dhe
krijojmë
(5 orë)
Nxënësit duhet të jenë të aftë:
të realizojnë një projekt mbi jetën
dhe veprën e një kompozitori apo
grupi kompozitorësh të një
periudhe të caktuar;
të krijojnë një kolazh me muzikë
të gjetur nga ata vetë në një CD;
të shpjegojnë funksionimin e një
studioje muzikore.
Krijim
Projekt
Regjistrim
Kolazh
Studio muzikore