Ew an CPS aan ren an epwe apochokkuna me anisi famini Ponuan Cheki Mwokutukutun Famini (FAR) DSHS 22-1534 (Rev. 5/14) Trukese • A tori Children’s Administration echo repwot fan iten memmef ren tumwunun noumw ewe semirit. • Ewe repwot mei kku aweween angangengngaw me tumwunungngaw ngeni semirit usun mei affat non Washington state (RCW 26.44.020). • Ewe repwot ese era pwe noum ewe semirit a nomw non watten feiengngaw. • Children’s Administration a mwochen angang ngonuk ren tumwunun noumw ewe semirit. Met pwopwun an toriei ew Ponuan Cheki Mwokutukutun Famini? Ren tichchikin pworousen FAR kopwe aea ewe QR code a nomw faan, ika etino won an FAR ewe website a nomw won: www.dshs.wa.gov/ca/about/far.asp Ika pwe mei wor omw tipengngaw ika memmef ren napanapen ar angaanga omw ewe case, kokkori meinapen noumw ewe chon angang seni FAR. Ika pwe omw kewe memmef ese kataw ka tongeni kokkori ewe Area Administrator. Ka tongeni kokkori ewe Office of Constituent Relations won ena nampa 1-800-723-4831 ren an epwe anisuk ese pwan nifinifin fansoun. -ika- Ka tongeni kokkori ewe Family & Children’s Ombuds* won ena nampa 1-800-571-7321. *Ei neni mei imwuu seni DSHS. Ii a wiisen chosani memmeef fan iten Children’s Administration Ioon upwe kokkori ika pwe mei wor ai memmeef ren ai we case?
Welcome message from author
This document is posted to help you gain knowledge. Please leave a comment to let me know what you think about it! Share it to your friends and learn new things together.
Transcript
Ew an CPS aan ren an epwe apochokkuna me anisi famini
Ponuan Cheki Mwokutukutun Famini (FAR)
DSHS 22-1534 (Rev. 5/14) Trukese
• A tori Children’s Administration echo repwot fan iten memmef ren tumwunun noumw ewe semirit.
• Ewe repwot mei kku aweween angangengngaw me tumwunungngaw ngeni semirit usun mei affat non Washington state (RCW 26.44.020).
• Ewe repwot ese era pwe noum ewe semirit a nomw non watten feiengngaw.
• Children’s Administration a mwochen angang ngonuk ren tumwunun noumw ewe semirit.
Met pwopwun an toriei ew Ponuan Cheki Mwokutukutun Famini?
Ren tichchikin pworousen FAR kopwe aea ewe QR code a nomw faan, ika etino won an FAR ewe website a nomw won:
www.dshs.wa.gov/ca/about/far.asp
Ika pwe mei wor omw tipengngaw ika memmef ren napanapen ar angaanga omw ewe case, kokkori meinapen noumw ewe chon angang seni FAR.
Ika pwe omw kewe memmef ese kataw ka tongeni kokkori ewe Area Administrator.
Ka tongeni kokkori ewe Office of Constituent Relations won ena nampa 1-800-723-4831 ren an epwe anisuk ese pwan nifinifin fansoun.
-ika-
Ka tongeni kokkori ewe Family & Children’s Ombuds* won ena nampa 1-800-571-7321.
*Ei neni mei imwuu seni DSHS. Ii a wiisen chosani memmeef fan iten Children’s Administration
Ioon upwe kokkori ika pwe mei wor ai memmeef ren ai we case?
Nupwen a toori Children’s Administration ew repwot fan iten omw ewe famini, emon chon angang seni FAR epwe churuk ren ami oupwe pwoppworous won tumwunun noumw kewe semirit.
Ewe chon angang epwe angang ngonuk ren an epwe finata ika pwe en mei osuppwangen ekkewe angang ika aninnis ren an epwe ekisaano ewe osukosuken angangengngaw me tumwunungngaw ngeni semirit ren nesor me pannoon. Noumw ena chon angang epwe anisi omw ewe famini ne atawei ekkena osukosuk
Napengeni ekkewe case an FAR epwe kesipino nefinen 45 raan. Nge, en me ewe chon angang seni FAR ouwa tongeni finata ika pwe omw ewe case epwe suuk non ukukun 90 raan, ika pwe epwe aninnisoch ne sopweieno ekkewe aninnis minne mei anisi ewe ochchun angang ouwa pwopwutaani.
Mei wor omw pwungun finata:
• Ka tongeni finata ika kopwe fiti angangen FAR -ika-• Ka tongeni finata ika kopwe fiti ewe mei piin fiffis
ren ew angangen chosa an CPS
Ika pwe kose tipeew ngeni noumw ewe chon angang seni FAR ren ekkewe aninnnis omw ewe famini mei osuppwangen, ka tongeni tungor an epwe wor ew mwiich ngeni chon angangen FAR ren aami oupwe pwoppworous won pwan ekkoch sakkun aninnis.
Ifa usun an Ponuan Cheki Mwokutukutun Famini fis?
Noumw ewe chon angang epwe anisi omw ewe famini ne fiu ngeni sakkopaten osukosuk.
En ka sinei met en me omw ewe famini ouwa aani osuppwang. Noumw ewe chon angang seni FAR epwe angang ngonuk ren aami oupwe:
• Finata ifa napanapen omw kopwe aeochchueno tumwunun noumw ewe semirit me neimw.
• Atawei ekkewe pwopwunapen osuppwang an omw ewe famini.
• Anapano sinenap ren omw kopwe fooneni noumw kewe semirit non ese nifinifin neefong me fansoun.
• Amaari ew riri mei nukuchchar ngeni neniomw.
• Kutta tufich me chon aninnis non neniomw ren an epwe atawei osukosuken iteiten raan ren iimw, angang , ika ekkoch mettoch a foorata osukosuk ngonuk me omw ewe famini.
Kichippok sipwe aninnis fengen ach sipwe amaari omw nukunuk me sinenap ren an epwe tumwun noumw kewe semirit.
Ifa usun an Ponuan Cheki Mwokutukutun Famini epwe anisiei?FAR a ew sakkun aan an Washington State Child
Protective Services epwe ponueni ekkoch repwot fan iten angangengngaw me tumwunungngaw ngeni semirit. Me mwen FAR, CPS ekan ponueni repwot fan iten angangengngaw me tumwunungngaw ngeni semirit ran an a awora ew angangen chosa.
FAR ekan angang ngeni famini ren an epwe:
• Anisiir fansoun ar nomw non osukosuk nge esapw kutta ekkewe sam/iin ra wiisen foori angangengngaw ika tumwunungngaw ngeni semirit.
• Anisiir ar repwemwokutukut me non nenieer.
Iir me ruepeek ren chon chosa me chon angangen FAR ra:
• Angang ngeni famini ren an epwe tumwun ekkewe semirit.
• Kutta met an famini osuppwang.
• Foori angang anongonong won pochokkunen me tufichin sam/iin me neeni.
• Kutta aninnis an epwe ekinamweieno watten osukosuk minne a efisata an esapw fatefatooch ekkewe osuppwang an semirit.
Angangen Chosa:
• Finata ika pwe angangengngaw ika tumwunungngaw ngeni semirit mei fis.
• Affata ioon newe a mesemes won ewe angangengngaw ika tumwunungngaw.
• Kutta ika pwe angangengngaw ika tumwunungngaw ngeni semirit mei fis. Ei epwe isois non an DSHS rekot, me mei tongeni aosukosuka angang ngeni semirit ika ekkewe mei mwuk mei osuppwng ren nesor me pannoon.
Meta Ponuan Cheki Mwokutukutun Famini (FAR)?
Related Documents
