Phau Ntawv Qhia Ncauj Lus · 2020. 8. 23. · Ua ntawv thov cov nyiaj pab, hais kom them nyiaj tuaj, xyuas koj cov naub ntawv — saum huab cua los yog hauv xov tooj. hnub Monday

Mua

b nc

auj l

us n

txiv

saum

hua

b cu

ab n

tawm

:

www.

uim

n.or

g

P.O

. Box

462

9St

. Pau

l, MN

551

01-4

629

Mua

b nc

auj l

us n

txiv

saum

hua

b cu

ab n

tawm

:

www.

uim

n.or

g

P.O

. Box

462

9St

. Pau

l, MN

551

01-4

629

Espa

ñol

Esta

info

rmac

ión es

tá d

ispon

ible

en E

spañ

ol en

línea

en

www.

uimn.

org/

appli

cant

s/lan

guag

e/sp

anish

.jsp

Hm

oob

Cov n

taub

nta

wv n

o tse

em m

uaj s

au u

as

ntaw

v hm

oob

nyob

rau

txoj

sab

inte

rnet

nta

wm

www.

uimn.

org/

appli

cant

s/lan

guag

e/hm

ong.j

sp

Soom

aliga

Ak

hbaa

rkan

oo

Af S

omaa

li ah

wa

xaad

ka h

eli ka

rtaa i

nter

netk

a ww

w.uim

n.or

g/ap

plica

nts/l

angu

age/

som

ali.js

p

• M

uaj c

ov n

cauj

lus h

auv p

hau

ntaw

v no

ua

lwm

hom

yog h

u ra

u 65

1-25

9-72

23.

DEE

D-2

2A /

DEE

D-0

0590

-31

Rev

. 10/

2019

Phau Ntawv Qhia Ncauj Lus

www.uimn.org

Hnub tim 25 lub 10 hli ntuj 2020 mus rau txog rau hnub tim 30 lub 10 hli ntuj 2021

Yam koj yuav tau paub txog Nyiaj Poob Hauj Lwm

Hmong

Ua ntawv thov cov nyiaj pab, hais kom them nyiaj tuaj, xyuas koj cov naub ntawv —saum huab cua los yog hauv xov tooj hnub Monday txog Friday, 6 teev sawv ntxov txog 6 tsaus ntuj

Peb pab tau! Tham nrog ib tug Kws Pab Qhua hnub Monday txog Friday, 8 sawv ntxov txog 4:30 tav su

Hauv cheeb tsam Nroog Ntxaib: 651-296-3644Cheeb Tsam Minnesota Sab Nraum Nroog: 1-877-898-9090TTY – rau cov tsis hnov lus: 1-866-814-1252

① Xaiv koj hom lus: nias 1 rau Lus Askiv, 2 rau Lus Mev, 3 rau Lus Hmoob, los yog 4 rau Lus Somali. (Yog koj xav tau lwm hom lus, nias 1 thiab ua raws cov kauj ruam nram no kom tham tau nrog tib tug kws pab qhua thiab thov kom tau ib tug neeg txhais lus.)

② Ntaus koj tus zauv Social Security.

③ Ntaus koj lo lus txuas nkag thiab ces nias tus tsiaj zauv #. OR — Yog tsis nug kom koj ntaus koj lo lus txuas nkag, nias 2 ces 0 kom tham tau nrog ib tus kws pab qhua.

④ Nias 2 rau lwm cov kev xaiv.

⑤ Nias 3 mus rau cov lus teb uas nqaug nug los yog tham nrog ib tug kws pab qhua, ces nias 0 mus tham nrog ib tug kws pab qhua.

Hauv cheeb tsam Nroog Ntxaib: 651-296-3644Cheeb Tsam Minnesota Sab Nraum Nroog: 1-877-898-9090(Cov hom lus: Lus Askiv, Lus Mev, Lus Hmoob, los yog Lus Somali)TTY – rau cov tsis hnov lus: 1-866-814-1252

www.uimn.orgXaiv Applicants (Cov Neeg Thov) thiab ces Apply for Benefits (Thov Cov Nyiaj Pab) los yog Log in to My Account (Txuas mus rau Kuv Cov Ntaub Ntawv).

Txoj hauj lwm uas haum koj cov txuj ci tshwj xeeb, cov rab peev xwm thiab yeej muaj kev nce qib zoo heev:

✓ Laj thawj tshiab yuav muaj kev txaus siab heev dua

✓ Muaj nqis, saib rau lub sam xeeb thiab ua tau hauj lwm zoo

✓ Ua tau cov kev tshiab kom muaj kev vam meej tom hauj lwm thiab hauv lub neej

Txawm yog koj nrhiav kev pib, kev nce qib los yog kev hloov koj txoj hauj lwm los CareerForce yeej yog qhov chaw uas koj xav pib nrog. Muaj ze li 50 lub chaw CareerForce thoob plaws lub xeev pab rau koj. Thiab, CareerForceMN.com muaj kev tuav tswv yim nrhiav hauj lwm thiab cov kev nrhiav hauj lwm uas muaj nyob rau txhua txhia qhov chaw thiab txhua txhia lub sij hawm koj xav tau. Thiab, koj nrhiav tau lub chaw teev qhia hauj lwm ntau tshaj plaws nyob rau hauv Minnesota, tag nrho nyob ntawm CareerForceMN.com. Cov xov hauv qhov site no muaj ua lus Spanish thiab lus Somali.

Txhim kho cov kev pab kom haum raws li cov koj xav tau » Cov rooj sib tham ib leeg nrog CareerForce

tus kws pab tshwj xeeb uas yuav nrog koj pab tshawb fawb thiab siv koj lub tswv yim kev khwv noj khwv haus

» Muaj cov ncauj lus qhia txog lag luam hauj lwm kom pab cob koj tuav tswv yim nrhiav hauj lwm

» Cov kev pab haum rau cov qub tub rog, cov tib neeg muaj kev tsis taus, cov neeg hluas, cov neeg laus dua 50 xyoo thiab cov neeg muaj keeb kwm ua txhaum cai

» Tshab xyuas ntawv teev keeb kwm ua hauj lwm thiab kev kho tshiab kom koj yeej teev qhia txhij txog koj cov txuj ci thiab kev txawj ua hauj lwm dhau los yog rau txoj hauj lwm uas koj xav tau

» Kev npaj thiab kev xyaum sib nug lus kom pab koj tau txoj hauj lwm uas haum rau koj cov hom phiaj kev khwv noj khwv haus

» Cov kev kawm kom pab koj txog kev tuav tswv yim nrhiav hauj lwm thiab cov hom hauj lwm nrhiav muaj tam sim no, nrog rau kev txuas koj nrog lwm cov neeg nrhiav hauj lwm ua

» Cov kev kawm rau cov hom hauj lwm uas xav ntiav neeg

» Cov caij nyoog ntsib tau ntawm chaw hauj lwm thiab tim ntsej tim muag nrog cov ntiav neeg ua hauj lwm

» Kho cov tswv yim nrhiav hauj lwm kom haum siab uas tsom phiaj rau cov hom hauj lwm xav ntiav neeg yav pem suab, nrog rau kev ntsuas tib neeg cov txuj ci thiab kev txaus siab

Qhia Txog CareerForceCareerForce yog Minnesota qhov chaw nrhiav hauj lwm thiab sib dhos txuj ci kom sib haum. Peb muaj lub koom haum loj heev thoob plaws lub xeev. Ua ib ke, peb mob siab pab cov neeg nrhiav hauj lwm, cov chaw hauj lwm, cov zej zog thiab Minnesota kom vam meej.

Tshawb kom paub ntxiv: CareerForceMN.com

Nrhiav Koj Txoj Hauj Lwm

Nyiaj Poob Hauj Lwm (Unemployment Insurance) (UI) tsab ntawv txheeb

❑ Ua ntawv thov thaum koj poob hauj lwm kom sai li sai tau.

❑ Mus nrhiav hauj lwm thiab npaj txais hauj lwm ua.

❑ Hais kom them cov nyiaj poob hauj lwm tuaj txhua lub lim tiam kom txog thaum twg koj rov mus ua hauj lwm thawm hnub.

❑ Nco ntsoov koj lo lus txuas nkag thiab ceev kom zoo cia.

❑ Nyeem phau ntawv qhia no.

❑ Teb rau tag nrho cov lus thov txog ncauj lus.

❑ Xyuas kom koj qhov chaw nyob hauv ntaub ntawv yog qhov tseeb mus luv kawg li plaub lub xyoo tom qab koj hais kom them qhov nyiaj poob hauj lwm tuaj zaum kawg.

❑ Hu rau UI Chaw Pab Qhua yog koj muaj lus nug (xyuas nplooj 19).

Koj puas paub tias… …kom them qhov nyiaj poob hauj lwm tuaj, koj yuav tau xub hais (xyuas nplooj 8)?

…yuav tsis them cov nyiaj rau thawj lub lim tiam (xyuas nplooj 10)?

www.uimn.org yog qhov vas sab tseem rau Minnesota Chaw Pab Nyiaj Poob Hauj Lwm Chaw Pab Qhua.

Ntawm no koj yuav nrhiav tau cov lus teb rau cov nqe lus nug no, thiab ntau yam ntxiv:

• Kuv yuav thov li cas?

• Kuv yuav ua li cas thiaj tau nyiaj them tuaj?

• Yam dab tsi puas nrog kuv cov nyiaj?

• Kuv yuav tsum paub dab tsi?

• Kuv thov kom rov txiav txim dua li cas?

Saib thiab Mloog! Muaj cov yeeb yaj kiab qhia txog cov kev poob hauj lwm nyob saum huab cua.

http://www.uimn.org/

COV SOB TEEM Nplooj

Kev Nthuav Lus ..................................................................................... 4

Kev ua ntawv thov cov nyiaj pab ........................................................ 5 Thaum twg kuv thov tau? Kuv yuav thov li cas? Yuav zoo li cas yog kuv poob hauj lwm yam tsis yog vim kev tsis muaj hauj lwm ua lawm?

Kev siv koj lo lus txuas nkag ............................................................... 6

Tom qab koj ua ntawv thov tag ........................................................... 7 Kuv yuav tau nyiaj npaum li cas?

Kev hais kom them cov nyiaj poob hauj lwm tuaj ........................ 8-9 Thaum twg kuv thiaj li hais kom them cov nyiaj poob hauj lwm tuaj?

Thaum twg kuv thiaj tau kuv thawj qhov nyiaj them tuaj? ........... 10 Lub lim tiam tsis tau nyiaj them

Kuv Yuav Tau Txais Nyiaj Tau Li Cas? ............................................ 11 Kev tso nyiaj nkag ncaj nraim (Direct Deposit) ua lwm zoo li cas? Daim npav rho nyiaj poob lwm ua lwm zoo li cas?

Qhia txog kev ua hauj lwm thaum hais kom them cov nyiaj poob hauj lwm tuaj ........................................................ 12-13

Kev ua hauj lwm cuam tshuam li cas rau kuv cov nyiaj poob hauj lwm? Yuav ua li cas yog kuv cov sij hawm ua hauj lwm ib lim tiam txawv ib lim tiam? Yuav ua li cas yog kuv tsis qhia kuv cov sij hawm ua hauj lwm thiab cov nyiaj khwv tau?

Cov nyiaj uas muaj feem xyuam nrog cov nyiaj poob hauj lwm 14

Kev nkag siab txog cov yuav tau ua txhua lub lim tiam rau txoj kev tsim nyog tau nyiaj pab ................................................ 15

Kuv yuav tau ua cab tsi txhua lub lim tiam? Kev kawm ntawv cuam tshuam li cas rau kuv cov nyiaj poob hauj lwm?

Tsum thiab pib them cov nyiaj poob hauj lwm .............................. 16 Yuav ua li cas yog kuv rov qab mus ua hauj lwm? Yuav ua li cas yog kuv rov poob hauj lwm dua?

Cov nqi rho tawm ntawm cov nyiaj poob hauj lwm ...................... 17 Cov nqi se, Cov nyiaj them tshaj, Nyiaj yug noj yug haus rau me nyuam

Kev Pab Rov Nrhiav Hauj Lwm Ua ................................................... 18

Hu cuag chaw pab qhua .................................................................... 19 Chaw Nyob Xa Ntawv thiab Xov Tooj Xa Ntawv

Pab nrhiav koj txoj hauj lwm tom ntej.............................................. 20 Cov kev kawm nrhiav hauj lwm eLearning saum huab cua

Cov Kev Ntsuas Txog Txoj Kev Pab hauv 2018:

• Tshaj $791 labnyiaj poob haujlwm raug themrau 142,263 tusneeg hauv xeevMinnesota

• Cov kws pabqhua tau tebntau dua435,000 tsabxov tooj txogCov Kev PovHwm PabNyiaj PoobHauj Lwm

Kev Nthuav Lus

Phau ntawv no qhia muaj cov ncauj lus tseem ceeb txog cov nyiaj poob hauj lwm, nrog rau:

• Kev yuav thov li cas.

• Kev ntsuas li cas txog koj txoj kev tsim nyog taukev pab.

• Koj yuav tsum tau ua dab tsi txhua lub lim tiam thiajli tau qhov nyiaj poob hauj lwm them tuaj rau koj.

Cov ncauj lus hauv phau ntawv no yog lus nthuav qhia dav txog cov nyiaj poob hauj lwm. Nws tsis qhia txog txhua tsav yam, tsis teb tau txhua nqe lus nug or los tsis hloov tau txoj cai.

Nws yog koj txoj luag num yuav tau nyeem phau ntawv no thiab tag nrho cov ntaub ntawv koj tau txais los ntawm Minnesota Chaw Pov Hwm Pab Nyiaj Poob Hauj Lwm.

Txoj Kev Pab Nyiaj Poob Hauj Lwm yog lis los ntawm Minnesota Tuam Tsev Txhawb Kev Ua Hauj Lwm thiab Tsim Tsa Kev Khwv Noj Khwv Haus (Department of Employment and Economic Development) (DEED). Cov nyiaj pab yog txhawb los ntawm cov chaw hauj lwm kev them nqi se. Yuav tsis siv cov nyiaj lov tawm ntawm tus neeg ua hauj lwm cov nyiaj ua hauj lwm los them ua cov nyiaj poob hauj lwm.

Minnesota Chaw Pab Nyiaj Poob Hauj Lwm Phau Ntawv Qhia Ncauj Lus k

Mus rau www.uimn.org kom paub ntxiv 5

Kev ua ntawv thov cov nyiaj pab

Thaum twg kuv thov tau?

Ua ntawv thov cov nyiaj poob hauj lwm tib lub lim tiam uas koj poob hauj lwm los yog koj cov sij hawm ua hauj lwm raug txiav tsawg heev.

Kuv yuav thov li cas? Thov saum huab cua los yog hauv xov tooj hnub Monday txog Friday, 6 teev sawv ntxov 6 teev tsaus ntuj:

• Saum huab cua ntawm www.uimn.org Xaiv Applicants (Cov Neeg Thov) thiab ces Apply for Benefits (Ua Ntawv Thov Cov Nyiaj Pab).

• Hauv xov tooj xaiv: Lus Askiv, Lus Mev, Lus Hmoob los yog Lus Somali. (Yog koj xav tau lwm hom lus, ua raws cov kauj ruam ntawm nplooj 19 kom tham tau nrog ib tug neeg teb xov tooj thiab thov kom muaj ib tug neeg txhais lus.)

Hauv cheeb tsam Nroog Ntxaib: 651-296-3644

Cheeb Tsam Minnesota Sab Nraum Nroog: 1-877-898-9090

TTY - rau cov tsis hnov lus: 1-866-814-1252

Tom qab koj ua ntawv thov tag, peb yuav xa ntawv tuaj qhia koj txog cov nyiaj poob hauj lwm rau koj thiab kev thov kom tau cov nyiaj them tuaj (xyuas nplooj 8). Cov ntaub ntawv yuav qhia qhov nyiaj poob hauj lwm rau koj txhua lub lim tiam yog tias koj tsim nyog tau cov nyiaj pab (xyuas nplooj 7).

Yuav zoo li cas yog kuv poob hauj lwm yam tsis yog vim kev tsis muaj hauj lwm ua lawm?

Yog tias koj poob hauj lwm vim lwm qhov laj thawj dua li txoj kev tsis muaj hauj lwm ua lawm, Minnesota txoj cai txwv kom peb ua raws cov txheej txheem los ntsuas seb koj puas tsim nyog tau cov nyiaj poob hauj lwm.

1. Thaum lub caij ua ntawv thov, peb yuav nug txog tias vim li cas koj thiaj poob hauj lwm.

2. Peb yuav nug koj lub hauj lwm tib cov nqe lus nug thiab.

3. Peb yuav muab koj thiab koj lub hauj lwm cov lus teb los xyuas kom paub seb koj puas tsim nyog tau cov nyiaj pab.

4. Peb yuav xa ib tsab ntawv txiav txim tuaj qhia rau koj thiab koj lub hauj lwm yog tias koj tsim nyog tau kev pab. Koj los yog koj lub hauj lwm yeej thov tau kom rov txiav txim dua.

Nws tseem ceeb yuav tau teb txhij txhua, ncaj ncees thiab ceev nrooj rau tag nrho cov nqe lus nug.

Minnesota Chaw Pab Nyiaj Poob Hauj Lwm Phau Ntawv Qhia Ncauj Lus


Kev siv koj lo lus txuas nkag

Koj lo lus txuas nkag thiab tus zauv Social Security: • Cia koj txuas ruaj ntseg mus rau koj cov ntaub ntawv nyiaj poob hauj lwm.

• Ua kev kos npe hauv tshuab hluav taws xob.

• Ceev cia koj cov ntaub ntawv zoo.

Yog koj tsis nco koj lo lus txuag nkag, koj rov teeb dua tshiab tau: Saum huab cua ntawm www.uimn.org

1. Xaiv Applicants (Cov Neeg Thov) tiab ces Log in to myAccount (Txuas mus rau kuv Cov ntaub ntawv).

2. Ntaus koj tus leb Social Security , xaiv lub box qhov “Forgot yourpassword” (Tsis nco koj lo lus txuag nkag lawm), ces xaiv qhovLogin (Txuas Nkag).

3. Teb nqe lus nug kev ceev ntseg uas koj xaiv thaum koj ua ntawv thovcov nyiaj poob hauj lwm.

➢ Yog koj tis nco qab lo lus teb rau koj nqe lus nug kev ceev ntseg,siv lub xov tooj thiab ua raws cov lus qhia nram no.

Hauv xov tooj:

1. Hu rau lub xov tooj tshuab hluav taws xob teb:651-296-3644 - Hauv cheeb tsam Nroog Ntxaib 1-877-898-9090 - Cheeb Tsam Minnesota Sab Nraum Nroog 1-866-814-1252 - TTY - rau cov tsis hnov lus

2. Xaiv koj hom lus: Nias leb 1 rau lus Askiv, 2 rau lus Spanish, 3 rau lusHmoob, los sis 4 rau lus Somali. (Yog koj xav tau lwm yam lus, nias leb 1ces ua raws cov txheej txheem hauv qab no yog koj xav tsim koj lo lustxuas nkag dua tshiab los sis xav tau tus txhais lus.)

3. Ntaus koj tus zauv Social Security.

4. Thaum koj hnov lo lus qhia, ntaus koj lo lus txuas nkag thiab nias tus #.

5. Teb nqe lus nug kev ceev ntseg uas yog siv cov zauv nias ntawm koj lubxov tooj (mus txog 8 tus tsiab) thiab ces nias tus #. Ua raws li cov lus qhiakom rov teeb dua koj lo lus txuas nkag.

➢ Yog koj tsus muaj nqe lus nug kev ceev ntseg nyob rau hauvcov ntaub ntawv, yuav muab koj txuas mus nrog ib tug neegteb xov tooj (yog koj xav tau tus txhais lus, yuav tsum qhia rautus sau cev).

➢ Yog koj tsis nco lo lus teb rau koj nqe lus nug ceev ntseg, tomqab sim ob peb zaug lawm, tej zaum yuav muab koj txuas mustham nrog ib tug neeg los yog koj yuav hnov “Nias 2 kom thamtau nrog ib tug neeg teb xov tooj.” (Yog koj xav tau tus txhais lus,yuav tsum qhia rau tus sau cev).



Tom qab koj ua ntawv thov tag

Kuv yuav tau nyiaj npaum li cas?

Koj qhov nyiaj yuav tau ib lub lim tiam twg yog xws li 50 feem pua ntawm koj qhov nyiaj khwv tau ib lim tiam twg mus txog rau lub xeev qhov nyiaj pab ntau tshaj plaws $762.

Peb yuav xa rau koj Determination of Benefit Account (Tsab Ntawv Txiav Txim Kev Pab Nyiaj Poob Hauj Lwm) uas qhia koj qhov nyiaj yuav tau hauv

ib lub lim tiam twg thiab tag nrho qhov nyiaj muaj pab npaum li cas.

• Tsab ntawv txiav txim tsis tau yog txhais tias koj yuav tau covnyiaj poob hauj lwm.

• Peb yuav xa ib tsab ntawv txiv txiam txawv tuaj yog peb yuav tautxiav txim txog koj txoj kev tsim nyog tau cov nyiaj poob hauj lwm.



Kev hais kom them cov nyiaj poob

hauj lwm tuaj

Thaum twg kuv thiaj li hais kom them cov nyiaj poob hauj lwm tuaj?

Koj yuav tau hais kom them nyiaj tuaj txhua lub lim tiam uas koj tsis muaj hauj lwm ua. Hais kom them nyiaj tuaj txawm tias peb tseem txiav txim txog koj txoj kev tsim nyog tau kev pab los yog koj tseem tos vim kev thov kom rov txiav txim dua los yog kev txiav txim. Koj yuav tsis tau cov nyiaj them rau ntau cov lim tiam yog koj tsis hais raws sij hawm.

Hais kom them nyiaj poob hauj lwm tuaj saum huab cua

Mus rau www.uimn.org hnub Monday txog Friday, 6 teev sawv ntxov txog 6 tsaus ntuj:

1. Xaiv Applicants (Cov Neeg Thov) thiab ces Log in to My Account (Txuas mus rau kuv Cov ntaub ntawv).

2. Siv koj tus zauv Social Security thiab lo lus txuas nkag mus rau hauv koj cov ntaub ntawv.

3. Xaiv Request Benefit Payment (Hais Kom Nyiaj Them Nyiaj Poob Hauj Lwm)



Hais kom them nyiaj poob hauj lwm hauv xov tooj

Cov teeb nram no teev qhia hnub thiab sij hawm rau koj hais kom them nyiaj poob hauj lwm tuaj.

1. Hu rau lub xov tooj tshuab hluav taws xob teb:




2. Xaiv koj hom lus: Lus Askiv, Lus Mev, Lus Hmoob los yog Lus Somali. (Yog koj xav tau lwm hom lus, ua raws cov kauj ruam ntawm nplooj 19 kom tham tau nrog ib tug neeg teb xov tooj thiab thov kom muaj ib tug neeg txhais lus.)


4. Ntaus koj lo lus txuas nkag thiab ces nias tus #.

5. Koj yuav hnov cov lus tseem ceeb txog koj cov ntaub ntawv. Tom qab cov lus, mloog cov kev xaiv uas muaj rau koj xaiv thiab xaiv Hais Kom Nyiaj Them Nyiaj Poob Hauj Lwm.

Sij hawm hu xov tooj hais kom them cov nyiaj poob hauj lwm tuaj

Yog tus zauv kawg ntawm koj tus zauv Social Security yog:

Hu hnu:

1, 3, los yog 5 Hnub Tuesday

6 teev sawv ntxog txog hnub ntseg

7 los yog 9 Hnub Tuesday

hnub ntseg txog 6 teev tsaus ntuj

0, 2, los yog 4 Hnub Wednesday

6 teev sawv ntxog txog hnub ntseg

6 los yog 8 Hnub Wednesday

hnub ntseg txog 6 teev tsaus ntuj

Lwm tus zauv Hnub Thursday los yog Friday

6 teev sawv ntxov txog 6 teev tsaus ntuj

Koj hais tau kom them koj qhov nyiaj tuaj saum huab cua hnub

Monday txog Friday, 6 teev sawv ntxov txog 6 teev tsaus ntuj uas tsis

muaj kev txwv txiav (xyuas nplooj 8).



Thaum twg kuv thiaj tau kuv thawj

qhov nyiaj them tuaj?

Lub sij hawm sai tshaj plaws uas koj yuav tau nyiaj them tuaj yog lub lim thim thib peb ntawm koj cov ntaub ntawv thov nyiaj poob hauj lwm.

Vim li cas kuv thiaj yuav tau tos txog lub lim tiam thib peb?

• Koj yuav tau hais kom them nyiaj tuaj rau lub lim tiam dhau los lawm xwb. Koj hais tsis tau kom them nyiaj tuaj rau lub lim tiam tam sim no los yog lub lim tiam tom ntej.

• Thawj lub lim tiam uas koj tsim nyog tau cov nyiaj poob hauj lwm yog koj “lub lim tiam tsis tau nyiaj them” (xyuas cov lus piav qhia nram no).

• Rau feem neeg thov nyiaj coob, lub lim tiam thib ob yog thawj lub lim tiam tau nyiaj them thiab yuav hais kom them nyiaj tuaj thaum lub lim tiam thib peb tom qab lawv ua ntawv thov.

Koj thawj qhov nyiaj yuav tso them tuaj lig dua lub lim tiam thib peb yog tias:

• Koj khwv tau nyiaj ntau dua koj qhov nyiaj poob hauj lwm ib lim tiam twg los yog ua hauj lwm 32 teev los yog ntau dua (xyuas nplooj 13).

• Koj tau lwm cov hom nyiaj tuaj (xyuas nplooj 14).

• Peb yuav tau sij hawm ntau dua ntxiv los sau ua ke cov ntaub ntawv thiaj txiaj txim tau koj txoj kev tsim nyog tau kev pab (xyuas nplooj 5).

Lub lim tiam tsis tau nyiaj them

Thawj lub lim tiamuas koj tsim nyog tau cov nyiaj poob hauj lwm yog koj lub lim tiam tsis tau nyiaj them. Minnesota txoj cai txwv kom muaj lub lim tiam tsis tau nyiaj them ua ntej yuav them cov nyiaj poob hauj lwm tuaj rau koj. Rau lub lim tiam uas tsim nyog ua koj lub lim tiam tsis tau nyiaj them, koj yuav tsum:

• Xa tsab ntawv thov cov nyiaj poob hauj lwm.

• Xa cov lus Hais Kom Them Nyiaj Poob Hauj Lwm.

• Tsim nyog tau cov nyiaj poob hauj lwm rau lub lim tiam.

Tsuas muaj ib lub lim tiam tsis tau nyiaj them hauv 52 lub lim tiam tom qab koj ua ntawv thov tag. Yog koj rov poob hauj lwm dua hauv tib lub xyoo uas koj ua ntaub ntawv thov nyiaj poob hauj lwm, koj yuav tsis muaj dua ib lub lim tiam tsis tau nyiaj them.



Kuv Yuav Tau Txais Nyiaj Tau Li Cas?

Thaum koj teev npe thov, koj xaiv qhov uas koj yuav tau txais nyiaj pab tau li cas:

• Kev tso nyiaj nkag ncaj nraim (Direct Deposit) rau koj lub tuam txhab cia nyiaj, lossis

• U.S.Bank ReliaCard® Visa (chaw pab nyiaj poob hauj lwm daim yuaj tso nyiaj).

Koj muaj peevxwm yuav hloov kev xa nyiaj tuaj rau koj uas yog nkag mus rau koj tus askhauj losyog hu rau lub xovtooj ua kaw lus cia.

Nws yog koj qhov lub luag hauj lwm yuav tau soj ntsuam cov nyiaj tshuav hauv koj lub tuam txhab cia nyiaj kom txhob rho nyiaj tshaj.

Kev tso nyiaj nkag ncaj nraim (Direct Deposit) ua lwm zoo li cas? • Thaum uas tau teeb tsa koj qhov kev tso nyiaj nkag ncaj nraim, cov nyiaj

them yuav mus txog rau koj lub tuam txhab cia nyiaj tsis dhau peb hnub ua lwm tom qab uas koj thov kom muab nyiaj pab.

• Thaum uas koj teev tiav ib daim ntawv tso npe thov nyiaj pab tshiab, koj kuj tseem yuav tsum tau teev kom tiav ib daim ntawv thov tso nyiaj nkag ncaj nraim (Direct Deposit) tshiab thiab.

• Yog hais tias koj hloov koj lub tuam txhab cia nyiaj lossis npe teev cia nyiaj hauv tuam txhab cia nyiaj, nco ntsoov hloov tshiab cov ncauj lus no hauv koj lub npe teev cia nyiaj pab txhawm rau zam kev muab nyiaj qeeb.

Daim npav rho nyiaj poob lwm ua lwm zoo li cas? Daim npav rho nyiaj poob lwm tuaj yeem muab siv tau yam (tsis muaj nqi):

• Kom rho tau nyiaj los ntawm txhua lub tuam txhab cia nyiaj uas txais daim Visa®

• Nyob rau txhua lub U.S. Bank ATM

• Kom yuav tau khoom rau txhua lub lagluam uas txais daim Visa

Koj yuav tsum tau txais koj daim yuaj (card) uas xa tuaj rau koj ntawm ib lub hnab ntawv dawb kwv yees li tsib mus rau xya hnub ua lag luam tom qab koj them nyiaj thawj zaug tag. Yog tias koj tsis tau txais koj daim yuaj, hu rau peb seb qhov kev puas tau them nyiaj (saib nplooj 19). Yog tias them nyiaj tag lawm, ces hu rau U.S. Bank ReliaCard cov neeg pab tub lag luam ntawm 1-855-233-8379. Thaum xa koj daim yuaj lawm, yuav tso nyiaj rau li peb hnub ua lag luam tom qab koj hais kom them nyiaj tuaj.

Khaws koj daim yuaj nyiaj tiv nqi – nws tuaj yeem yuav siv rau nyiaj poob lwm yav tom ntej mus txog peb xyoos. Nyeem tsab ntawv cog lus ua tswv daim yuaj nrog rau cov cai txog daim yuaj, tus nqi thiab cov cai. Koj yuav yog tus lav txhua yam nqi uas yuav tau them.



Qhia txog kev ua hauj lwm thaum hais

kom them cov nyiaj poob hauj lwm tuaj

Txhua lub sij hawm koj hais kom them nyiaj poob hauj lwm tuaj, peb nug seb koj puas tau hauj lwm ua rau lub lim tiam uas koj hais kom them nyiaj rau ntawd. Koj yuav tsum teb tias “Ua” yog tias koj tau ua hauj lwm dab tsi, nrog rau:

• Lub lim tiam ua hauj lwm kawg ntawm koj txoj hauj lwm qub los yog thawj lub lim tiam ntawm txoj hauj lwm tshiab

• Txoj hauj lwm ua ib ntus

• Txoj hauj lwm ua ib nrab hnub, los yog ua hauj lwm thaum twg luag hu txog, txawm tias koj yeej muaj ua ntej koj poob koj txoj hauj lwm loj

• Ua hauj lwm rau tus kheej, ua hauj lwm yuav nyiaj ntsuab, los yog ua hauj lwm pub dawb

• Ib txoj hauj lwm txawv koj hom hauj lwm los yog hom lag luam

• Lub sij hawm kawm los yog xyaum ntawm ib lub hauj lwm tshiab, them nyiaj los sis tsis them

• Yog koj cov sij hawm ua hauj lwm raug txo tsawg

Yog koj ua hauj lwm, koj yuav tsum qhia tag nrho cov sij hawm koj ua thiab cov nyiaj tau los ntawm tag nrhol cov hauj lwm koj ua txhua lub lim tiam uas koj hais kom them cov nyiaj poob hauj lwm. Tsis muaj cov kev zam hlo li. Koj yuav tsum tau qhia:

• Tag nrho cov sij hawm ua hauj lwm rau lub lim tiam ntawd.

• Tag nrho cov nyiaj khwv tau rau lub lim tiam ntawd (ua ntej rho tawm cov nqi thiab se). Cov nyiaj khwv tau yog xws li:

o nyiaj them raws teev, cov nyiaj pub ua dej siab, nyiaj them raws xyoo, nyiaj them raws kev khwv, nyiaj ntsuab

o nyiaj khwv tau ntawm kev ua hauj lwm rau tus kheej

o tej yam muaj nqis los ntawm kev khiab, cov khoom los yog cov dag zog uas koj tau txais vim yog kev ua hauj lwm

Teev cia koj cov sij hawm ua hauj lwm (hnub Sunday txog Saturday) tsis hais thaum twg koj mam li tau nyiaj them rau cov sij hawm ntawd. Yog koj ua hauj lwm rau ntau tshaj ib lub chaw hauv ib lub lim tiam, muab tag nrho cov nyiaj khwv tau thiab cov sij hawm ua hauj lwm ntawm cov chaw hauj lwm los xam ua ib ke.

Koj yuav tsum qhia cov nyiaj koj khwv tau rau lub lim tiam uas koj ua tes dej num, tsis yog thaum them nyiaj rau koj. Rau kev ua hauj lwm rau tus kheej, qhia koj cov nyiaj khwv tau txhua lub lim tiam tom qab koj rho tawm cov nuj nqis lag luam rau lub lim tiam ntawd (xav paub ntxiv txog kev qhia nyiaj ntawm kev ua hauj lwm rau tus kheej, mus rau: www.uimn.org).



Kev ua hauj lwm cuam tshuam li cas rau kuv cov nyiaj poob hauj lwm?

Koj yuav tsis tsim nyog tau cov nyiaj poob hauj lwm rau txhua lub lim tiam uas koj ua hauj lwm ntau tshaj 32 teev, los yog thaum twg koj cov nyiaj khwv tau rau lub lim tiam tau sib npaug los yog ntau dua koj qhov nyiaj poob hauj lwm hauv txhua lub lim tiam.

Tej zaum yuav them ib feem nyiaj poob hauj lwm rau koj rau lub lim tiam uas koj ua hauj lwm tsawg dua 32 teev thiab koj cov nyiaj khwv tau tsawg dua qhov nyiaj poob hauj lwm hauv lub lim tiam.

Yuav ua li cas yog kuv cov sij hawm ua hauj lwm ib lim tiam txawv ib lim tiam?

Yog cov sij hawm koj ua hauj lwm sib txawv txhua lub lim tiam, koj yuav tau hais kom them cov nyiaj poob hauj lwm txhua lub lim tiam. Qhia cov nyiaj khwv tau ua ntej rho tawm nqi se thiab cov sij hawm koj ua hauj lwm txhua lub lim tiam. Lub tshuab yuav cia ntsuas seb koj puas yuav tau nyiaj thiab yuav tau npaum li cas.

Yuav ua li cas yog kuv tsis qhia kuv cov sij hawm ua hauj lwm thiab cov nyiaj khwv tau?

• Yog koj tsis tau qhia koj cov sij hawm ua hauj lwm thiab cov nyiaj khwv tau, hu rau peb tam sis kom kho tau koj cov ua yuam kev, tsis li ces yuav xam tias nws yog kev tub sab tub nyiag.

• Yog koj tsis qhia tag nrho cov sij hawm ua hauj lwm thiab tag nrho cov nyiaj khwv tau, yuav them nyiaj tshaj rau koj thiab koj yuav tsum tau them rov qab cov nyiaj poob hauj lwm uas koj tau txais.

• Yog peb ntsuas pom tias koj tau cov nyiaj tshaj vim yog kev tub sab tub nyiag, koj yuav raug nplua 40 feem pua thiab cov nqi paj ntawm qhov nyiaj them tshaj. Koj yuav tsis tsim nyog tau cov nyiaj poob hauj lwm kom txog thaum twg koj them tag qhov nyiaj them tshaj, cov nqi nplua thiab cov nqi paj tsub. Qee zaum yuav muaj cov kev nplua txhaum cai.

Yuav txheeb kom paub tseeb txog cov nyiaj koj khwv tau! Peb mam tshuaj ntsuam koj cov nyiaj txiag thiab cov sij hawm uas koj ceeb toom tuaj nrog koj cov tswv hauj lwm.



Cov nyiaj uas muaj feem xyuam nrog

cov nyiaj poob hauj lwm

Ntxiv rau cov nyiaj khwv tau, lwm cov nyiaj tau los ntawm lub hauj lwm tam sim no los yog lub hauj lwm yav dhau los uas yuav muaj feem xyua nrog cov nyiaj poob hauj lwm. Thaum koj xub ua ntawv thov, thiab txhua lub lim tiam uas koj hais kom them nyiaj tuaj, yeej nug koj seb koj puas tau ua ntawv thov los yog tau lwm cov hom nyiaj.

Cov hom nyiaj uas nquag muaj feem xyuam nrog cov nyiaj poob hauj lwm yog cov sau rau nram no. Koj lub hauj lwm dhau los yuav siv cov lo lus txawv rau cov no, xws li hu ua nyiaj them rau sij hawm mus ncig ua si “them nyiaj rau thaum tawm tsis ua hauj lwm”, “PTO”, los yog “sij hawm tawm hauj lwm rau tus kheej”. Lub npe rau hom nyiaj tsis tseem ceeb npaum li kev them li cas, vim li cas thiaj them los yog leej twg yog tus them.

Cov hom nyiaj muaj xws li cov no tiam sis tsis tag rau:

• Nyiaj them rau kev txiav tawm, ntawv faj seeb, los yog tuav tseg, thiab lwm cov hom nyiaj them vim yog kev rho tawm ntawm txoj hauj lwm

• Nyiaj them rau kev muaj mob thiab cov hnub caiv

• Nyiaj them thaum mus ncig ua si

• Cov nyiaj laus pension los yog 401K

• Nyiaj laus Social Security yav laus txaus los yog cov nyiaj pab kev tsis taus

• Nyiaj tau los ntawm kev ua hauj lwm raug mob los yog lwm cov nyiaj pov hwm los ntawm lub hauj lwm rau kev poob nyiaj hli

Qhia tag nrho cov nyiaj tau uas koj tsis tau qhia rau peb dhau los. Yog koj muaj lus nug txog seb hom nyiaj twg yuav tsum tau qhia, hu rau Chaw Pab Qhua (xyuas nplooj 19).

Yog koj lwm cov nyiaj cuam tshuam rau koj qhov nyiaj poob hauj lwm, yuav xa ib tsab ntawv tuaj piav qhia txoj kev cuam tshuam rau koj.



Kev nkag siab txog cov yuav tau ua

txhua lub lim tiam rau txoj kev tsim

nyog tau nyiaj pab

Kuv yuav tau ua cab tsi txhua lub lim tiam?

Kom tsim nyog tau cov nyiaj poob hauj lwm rau ib lub lim tiam twg, koj yuav tsum:

• Xa cov lus Hais Kom Them Nyiaj Poob Hauj Lwm raws sij hawm.

• Muaj peev xwm thiab kam txais ua koj hom hauj lwm los yog lwm hom hauj lwm haum koj tam sis.

• Nrhiav hauj lwm thiab kam txais cov sij hawm, yuav qhov nyiaj them, mus kev deb, thiab lwm cov zwj ceeb ntawm txoj hauj lwm uas zoo hauj sim rau ib tug neeg ua koj hom hauj lwm uas muaj koj cov txuj ci thiab tau txawj ua dhau los.

Koj yuav tsis tsim nyog tau nyiaj rau cov lim tiam yog koj:

• Mus deb tshaj koj cheeb tsam ua hauj lwm, tshwj tsis yog kev nrhiav hauj lwm ua.

• Muaj kab mob kev nkeeg los yog lwm yam teeb meem uas txwv koj ntawm txoj kev ua hauj lwm los yog mus nrhiav hauj lwm ua.

Koj yuav tsum mus nrhiav hauj lwm txawm tias koj twb muaj ib txoj hauj lwm ua ib nrab hnub lawm los yog yeej npaj yuav rov mus ua ib txoj hauj lwm raws caij nyoog. Koj yuav tsum mob siab mus nrhiav hauj lwm txhua lub lim tiam uas koj hais kom them nyiaj poob hauj lwm tuaj.

Kev kawm ntawv cuam tshuam li cas rau kuv cov nyiaj poob hauj lwm?

Yog koj kawm ntawv, koj yuav tsum mus nrhiav hauj lwm thiab kam hloov los yog tawm tsis kawm ntawv yog tsim nyog rau koj txais hauj lwm ua. Yog peb pom zoo rau kev kawm hauj lwm thawm hnub, yuav muab koj txoj kev kawm los hloov qhov kev nrhiav hauj lwm ua.

Cov neeg kawm ntawv qib high school yuav tsis tau cov nyiaj poob hauj lwm.



Tsum thiab pib them cov nyiaj poob

hauj lwm

Yuav ua li cas yog kuv rov qab mus ua hauj lwm?

• Thaum twg koj rov mus ua hauj lwm thawm hnub los yog xav tsum tsis hais kom them nyiaj tuaj vim yog lwm yam laj thawj, hais kom them koj qhov nyiaj kawg ces tsis txhob hais kom them nyiaj tuaj ntxiv lawm. Tsis tag yuav tau sau ntawv dab tsi qhia.

• Yog koj pib ua koj txoj hauj lwm tshiab thaum ib nrab ntawm lub lim tiam, qhia koj cov sij hawm thiab nyiaj khwv tau rau lub lim tiam ntawd, txawm tias twb tsis tau them nyiaj rau koj. Tej zaum koj yuav tau ib npaug nyiaj them tuaj.

• Nco ntsoov qhia koj cov sij hawm ua hauj lwm thiab cov nyiaj khwv tau rau lub lim tiam, txawm tias twb tsis tau them nyiaj rau koj.

• Xyuas kom koj khaws cia zoo chaw lo lus txuas nkag thiab chaw pab nyiaj poob hauj lwm daim yuaj tso nyiaj (yog tias koj muaj ib daim) ib tsam koj ho yuav tau rov hais kom them cov nyiaj poob hauj lwm tuaj dua.

• Xyuas kom koj qhov chaw nyob hauv ntaub ntawv yog qhov tseeb mus luv kawg li plaub lub xyoo tom qab koj hais kom them nyiaj tuaj zaum kawg. Txawm tias tom qab koj tsum tsis hais kom them nyiaj poob hauj lwm tuaj lawm los, yeej yuav muab koj cov ntaub ntawv ntsuas los yog peb yuav tau hu cuag koj rau lwm cov laj thawj. Yog peb hu tsis cuag koj, yuav ntsuas koj cov ntaub ntawv tsis muaj koj li ncauj lus txuam thiab koj yuav raug them rau cov nyiaj them tshaj uas ntsuas pom.

Yuav ua li cas yog kuv rov poob hauj lwm dua?

Txuas mus rau hauv koj cov ntaub ntawv ntawm www.uimn.org los yog hu rau lub xov tooj tshuab hluav taws xob teb (xyuas nplooj 19). Yuav coj qhia koj mus rov qhib koj cov ntaub ntawv los yog rov ua ntawv thov tshiab. Txoj kev twg los koj yuav tsum npaj cov ncauj lus qhia txog koj txoj hauj lwm dhau kiag los kom qhia tau. Nco ntsoov xyuas kom cov ncauj lus kev hu cuag koj, cov nqi se txiav thiab kev xa nyiaj ncaj qha yog cov tseeb.



Cov nqi rho tawm ntawm cov nyiaj

poob hauj lwm

Cov nqi se

Cov nyiaj poob hauj lwm yog nyiaj yuav tau them se rau raws li tsoom fwv teb chaws thiab xeev Minnesota txoj cai. Hais kom rho tawm, tsum tsis rho los yog hloov koj cov nqi se tau yog txuas mus rau koj cov ntaub ntawv saum huab cua ntawm www.uimn.org los yog hu rau lub xov tooj tshuab hluav taws xob teb (xyuas nplooj 19).

Tsis pub lig dua lub Ib Hlis Ntuj hnub 31, yuav xa IRS tsab ntawv Form 1099-G tuaj rau koj qhov chaw nyob uas paub ua zaum kawg, qhia cov nyiaj poob hauj lwm tag nrho uas them rau koj hauv lub xyoo dhau los thiab cov nqi se uas rho tawm rau tsoom fwv teb chaws thiab lub xeev. Koj mus saib tau thiab luam tau koj tsab ntawv 1099-G saum huab ua yog koj txuas mus rau koj cov ntaub ntawv ntawm www.uimn.org

Cov nyiaj them tshaj

Yog koj tau cov nyiaj poob hauj lwm them tshaj nyob rau hauv Minnesota los yog lwm lub xeev uas koj tsis tau them rov qab, peb yuav lov tawm 50 los yog 100 feem pua ntawm txhua lub lim tiam qhov nyiaj poob hauj lwm thiab muab tsuaj tsam rau qhov nyiaj koj tiv.

Nyiaj yug noj yug haus rau me nyuam

Yog lub tsev hais plaub los sis lwm lub koom haum tswj ceev xwm txwv kom koj them nyiaj yug noj yug haus rau me nyuam, yuav muab cov nyiaj yug noj yug haus rho tawm ntawm koj qhov nyiaj poob hauj lwm ib lim tiam twg thiab muab xa mus rau koom haum tswj xyuas nyiaj yug noj yug haus rau me nyuam. Yog koj ntseeg tias rho tawm nyiaj yug noj yug haus rau me nyuam ntau dhau los yog koj muaj cov lus nug, hu rau lub koom haum tswj xyuas nyiaj yug noj yug haus rau me nyuam uas tswj cov lus txwv yug me nyuam.



Kev Pab Rov Nrhiav Hauj Lwm Ua

Tej zaum koj yuav tsum tau mus koom ib qho Kev Kawm Rov Nrhiav Hauj Lwm Ua nyob rau hauv koj lub chaw pab nrhiav hauj lwm CareerForce.

Kev nrhiav hauj lwm ua yog koj txoj hauj lwm thawm hnub thaum lub caij koj tau cov nyiaj poob hauj lwm. Kev nhriav koj txoj hauj lwm tom ntej yuav cov nyom. Koj yuav tau paub txog cov tswv yim tshiab los nrhiav hauj lwm ua thiab raws cov kev hloov ntawm lag luam khwv noj khwv haus. Muaj kev pab rov nrhiav hauj lwm ua kom koj paub cov tswv yim uas koj yuav tsum txawj thiaj rov tau hauj lwm ua sai.

Yog teem muaj sij hawm rau koj mus koom Kev Kawm Rov Nrhiav Hauj Lwm Ua:

• Txwv kom koj yuav tsum mus koom. Yog tsis mus koom kev kawm yuav raug tsis tau cov nyiaj poob hauj lwm.

• Yuav sau ntawv faj seeb xa rau koj, sau cov lus rau hauv koj cov ntaub ntawv saum huab cua, thiab thaum twg hu xov tooj mus cuag koj cov mtaub ntawv.

• Koj puav leej yuav tau txais ncauj lus hauv koj cov ntaub ntawv txwv kom koj yuav tsum ua tiav txoj kev ntsuas Tus Kheej Kev Nrhiav Hauj Lwm Ua thiab Lub Tswv Yim Nrhiav Hauj Lwm.

Tus neeg ua hauj lwm hauv chaw pab nrhiav hauj lwm CareerForce yuav pab koj:

• Ntsuas koj cov kev tu ncua ntawm kev nrhiav hauj lwm

• Npaj lub tswv yim rov mus ua hauj lwm

Muaj cov kev pab thiab kev kawm dawb tsis raug nqi dab tsi nyob hauv cov chaw pab nrhiav hauj lwm CareerForce thiab yuav pab tau koj nrog:

• Kev sau tsab ntawv teeb keeb kwm kev ua hauj lwm dhau los

• Kev xam phaj hauj lwm

• Lwm cov kev nrhiav hauj lwm ua



Hu cuag chaw pab qhua

Yog koj muaj lus nug, tham nrog ib tug Kws Pab Qhua Txog Nyiaj Poob Hauj Lwm (UI). Tsuas yog UI Cov Kws Pab Qhua Txog Nyiaj Poob Hauj Lwm thiaj li muab tau cov lus teb tseem rau koj cov lus nug txog nyiaj poob hauj lwm.

Lub xov tooj tshuab hluav taws xob teb hnub Monday-Friday, 6 teev sawv ntxov txog 6 teev tsaus ntuj

Chaw Pab Qhua qhib hnub Monday-Friday, 8 teev sawv ntxov txog 4:30 tav su

Xav tham ncaj qha nrog ib tug kws pab qhua, hu rau lub xov tooj tshuab hluav taws xob:




1. Xaiv koj hom lus: nias 1 rau Lus Askiv, 2 rau Lus Mev, 3 rau Hmoob, los yog 4 rau Somali. (Yog koj xav tau lwm hom lus, nias 1 thiab ua raws cov kauj ruam nram no kom tham tau nrog tib tug kws pab qhua thiab thov kom tau ib tug neeg txhais lus.)


3. Ntaus koj lo lus txuas nkag thiab ces nias tus #. LOS YOG - Yog tsis nug kom koj ntaus koj lo lus txuas nkag, nias 2 ces 0 kom tham tau nrog ib tus kws pab qhua.

4. Nias 2 mus rau lwm cov kev xaiv.

5. Nias 3 mus rau cov lus teb rau cov nqe lus uas nquag nug los yog tham nrog ib tug kws pab qhua, ces nias 0 mus tham nrog ib tug kws pab qhua.

Peb yuav ua txhua yam kom teb tau koj tsab xov tooj ceev nrooj. Peb cov xov tooj neeg hu coob heev rau hnub Monday thiab cov yav sawv ntxov. Koj muaj feem yuav xyeej tau cov sij hawm tos yog koj hu yav tav su los yog cov hnub yuav xaus hauv lub lim tiam.

Chaw Nyob Xa Ntawv thiab Xov Tooj Xa Ntawv

UI Customer Service

P.O. Box 4629

St. Paul, MN 55101-4629

Xov tooj xa ntawv: 651-205-4007



Pab nrhiav koj txoj hauj lwm tom ntej

Cov neeg nrhiav tau hauj lwm vam meej muaj cov txuj ci thiab txawj ntse tsim nyog mus yeej tau txoj hauj lwm tom ntej. Lawv -

• Muab txoj kev nrhiav hauj lwm los saib tam li yog ib txoj hauj lwm.

• Xav ib yam li lub chaw hauj lwm thiab paub tias lub hauj lwm xavtau dab tsi.

• Muab sij hawm nrhiav hauj lwm ntau npaum li cov sij hawm lawv ua txoj hauj lwm.

• Npaj lawv cov tes dej num kev nrhiav hauj lwm.

• Sib koom tes kom paub nrhiav hauj lwm ntawm cov lag luam nraim.

Cov kev kawm nrhiav hauj lwm eLearning saum huab cua

www.uimn.org/applicants xaiv “Find a Job” (Nrhiav lb Txoj Hauj Lwm)

Muaj cov kev sib txuas lus kawm eLearning uas qhia tswv yim nrhiav hauj lwm. Ib chav twg muab cov kev kawm faib kom muaj kev nthuav qhia, kev sib txuas lus thiab cov tes dej num kev kawm.

Kev Nthuav Qhia txog Kev Nrhiav Hauj Lwm

Kev nrhiav hauj lwm yeej ntxhov siab. Kom nrhiav hauj lwm tau zoo yuav tsum txawj thiab muaj txuj ci. Kawm seb tib neeg nrhiav hauj lwm qhov twg, cov chaw hauj lwm xav tau dab tsi, thiab cov tswv yim txawj nrhiav tau hauj lwm.

Chav Kawm Teev Keeb Kwm Kev Ua Hauj Lwm

Thaum twg koj nrhiav ib txoj hauj lwm nws yog koj xav muag ib yam khoom - koj. Koj daim ntawv teev keeb kwm kev ua hauj lwm yog ib lub tswv yim tseem ceeb los tshaj txog koj cov txuj ci rau cov chaw hauj lwm uas muaj feem xav tau koj. Kawm sau tsab ntawv teev keeb kwm kev ua hauj lwm thiab muab siv thaum koj nrhiav hauj lwm

Kev sib koom tes

Kev sib koom tes yog ib co tswv yim nrhiav hauj lwm zoo heev uas koj yuav siv. Kawm txog cov txiaj ntsim ntawm kev sib koom tes hauv koj txoj kev nrhiav hauj lwm.

Kev xam phaj hauj lwm

Kev xam phaj hauj lwm tsuas yog ib lub sij hawm koj thiab lub chaw hauj lwm sib ntsib los sib tham txog koj cov txuj ci, uas lub chaw hauj lwm muaj lub caij nyoog los kawm txog koj thiab seb koj haum li cas rau lub koom haum thiab koj muaj lub caij los kawm txog lub lag luam thiab seb nws puas haum rau koj. Kawm kom txawj sib tham zoo thiab yeej tau txoj hauj lwm.

http://www.uimn.org/uimn/applicants/index.jsp

Nyiaj txiag pab & cov kev pab hauv zej zog

Cov Nyiaj Poob Hauj Lwm yuav pab tau koj thaum koj mus nrhiav koj txoj hauj lwm tom ntej. Muaj lwm cov kev pab yog koj xav tau.

Mus rau www.uimn.org/applicants xaiv Help and Support (Kev Pab thiab Kev Txhawb) thiab ces Financial Help & Community Services (Nyiaj Txiag Pab & Cov Kev Pab Hauv Zej Zog)

Ntawm no koj yuav nrhiav tau cov chaw txuas no thiab ntau yam ntxiv:

Khoom noj khoom haus - Minnesota Tus Xov Tooj Hu Cuag Kev Pab Khoom Noj Khoo Haus hu 1-888-711-1151.

- Cov kev pab khoom noj khoom haus hauv Minnesota www.hungersolutions.org/programs

Kev Tu Kab Mob Kev Nkeeg - MNsure yog Minnesota qhov chaw muab kev pov hwm them nqi kho mob uas koj siv piv thiab xaiv tau cov kev pab them nqi kho mob - mus rau www.mnsure.org los yog hu 1-855-366-7873.

Vaj Tse Nyob - Energy Assistance Program - EAP (Txoj Kev Pab Txuag Hluav Taws Xob) yuav pab them cov nqi cua sov tsev thiab kho cov qhov cub rau cov tsev neeg muaj qib nyiaj tsim nyog - mus rau www.mn.gov/commerce xaiv Consumers (Cov Qhua Siv) ces Consumer Assistance (Kev Pab Qhua Siv) los yog hu rau 1-800-657-3710.

Cov Kev Pab Qub Tub Rog - Lub Minnesota Department of Veterans Affairs (Tuam Tsev Lis Xwm Qub Tub Rog (MDVA) yog xeev ib lub koom haum mob sib los pab rau cov qub tub rog thiab lawv cov tsev neeg - mus rau www.mn.gov/mdva los yog hu raul 1-888-546-5838.

http://www.uimn.org/applicants

http://www.hungersolutions.org/

http://www.mnsure.org/

http://www.mn.gov/mdva

Kev Ntxub Ntxaug

Lub Minnesota Department of Employment and Economic Development (Minnesota Tuam Tsev Tswj Kev Ua Hauj Lwm thiab Kev Khwv Noj Khwv Haus) ruaj siab rau txoj kev vaj huam sib luag, coj kom yog thiab ntau haiv neeg sib txawv.

Yog koj xav tias Minnesota Tuam Tsev Tswj Kev Ua Hauj Lwm thiab Kev Khwv Noj Khwv Haus (DEED) tau ntxub ntxaug koj vim yog haiv neeg, xim nqaij daim tawv, kev ntseeg, zeej xeeb, kev txij nkawm, qib kev tau nom tswv pab noj pab haus, qib tsev neeg, kev tsis taus, hnub nyoog, yug txawv teb chaws tuaj, kev cai dab qhuas, kev ua tswv cuab ntawm Koom Haum Pab Pej Xeem Cov Cai, kev yeem sib deev thaum cov txheej txheem lis kev pab nyiaj poob hauj lwm, koj hu cuag tau DEED Office of Diversity and Equal Opportunity (Chaw Khiav Dej Num Pab Ntau Haiv Neeg Sib Txawv thiab Kev Vaj Huam Sib Luag):

MN Department of Employment and Economic Development

The Office of Diversity and Equal Opportunity

First National Bank Building, Suite E200

332 Minnesota Street

St. Paul, MN 55101-1351

Xoj tooj: 651-259-7089 | TTY: 651-296-3900

Xov tooj xa ntawv: 651-297-5343

Chaw sau ntawv Email: [email protected]

Xav paub ntxiv mus rau:

https://mn.gov/deed/about/what-guides-us/equal-opportunity

DEED yog ib lub chaw hauj lwm thiab chaw muab kev pab muaj kev vaj huam sib luag.

mailto:[email protected]

https://mn.gov/deed/about/what-guides-us/equal-opportunity

Cov cai ceev ntiag tug

Minnesota Txoj Kev Pab Nyiaj Poob Hauj Lwm ruaj siab yuav tiv thaiv koj li ntiag tug. Cov ncauj lus koj muab yuav coj los siv ntsuas koj txoj kev tsim nyog tau cov nyiaj poob hauj lwm thiab pab koj nrhiav hauj lwm. Cov ncauj lus uas muab xam tias yog ntawm ntiag tug yuav qhia tawm tsis tau yog koj tsis sau ntawv tso cai raws li lub xeev los yog tsoom fwv teb chaws txoj cai.

Lwm cov hom ntaub ntawv

Txoj Kev Pab Nyiaj Poob Hauj Lwm ruaj siab yuav ua kom txhua leej txhua tus muab cuag. Muaj cov ncauj lus hauv phau ntawv no ua lwm hom yog hu rau 651-259-7223 los yog sau ntawv email rau [email protected].

mailto:[email protected]

Qhia seb peb yuav ua li cas phau ntawv no thiaj zoo dua ntxiv.

Sau ntawv rau:

Minnesota Unemployment Insurance Program

Attn: Communications Unit

P.O. Box 4629

St. Paul, MN 55101-4629

Los yog sau ntawv email rau peb: [email protected]

Phau Ntawv Qhia Ncauj Lus · 2020. 8. 23. · Ua ntawv thov cov nyiaj pab, hais kom them nyiaj tuaj, xyuas koj cov naub ntawv — saum huab cua los yog hauv xov tooj. hnub Monday

Documents