Parmigiana Terronese Come Allantico Tempo1

Parmiggiana ‘e mulignane liggiera assaie: mulignane 1kg,’o sòlito rraù terronese,provola ‘e bbufala 400 gr, prusutto cuotto 250 gr,uoglio e.v.o.,sale, pepe ,vasenicola ,caso rattato ,ova sbattute 3-4,farina q.b.

Pignattara Tina elaborazione by Aflo

…abbiate a ffà ‘o ssolito rraù ( si avit’ sturiàt ll’avissava sapè bbuono )

…tagliàte ‘e mulignàne a felle ( comm’ fosse chillu ppane int’ ‘e bbustine )…

…facite a felle ‘a provola ‘e bbufala…

…appriparàte ‘o prusùtto cuotto…

…cumminciàte a ‘nfarinà ‘e mmulignane …

…tagliàte a felle piccerelle ‘a provola che avìvev appriparàte…

…pigliate ‘e felle ‘e mulignana infarinate…

…ncopp’ a una ce appuiàte ‘na felluccia ‘e provola e uma ‘e prusutto…e chiuritela comme fosse nu’ sanduìcce…

…pigliate ‘e sanduìcce ‘e mulignane e arrevutàtele int’all’ ova sbattute…

…mettìtele a friere int’ all’uòglo d’ aulive ,ausànn’ na tiella ca nunn azzècca…

…m’arraccumànno , ‘o calore àdda essere forte assài…

…’a provola s’adda squaglià…

…e ll’uovo adda azzeccà e sanduicce ‘e mulignane…

…pareno nu poco bruttarelle…

…ma a natu ppoco ‘o bberite…

…mo’ ca tutt’ e sanduìcce ‘e mulignàne sonc appriparàte e friùte…

…int’ a nu ruoto ‘a mettere int’ ‘o furno appuiàte uno a copp’ a nato e sanduìcce e mulignàna friute.A ogni strato nc’e mettìte ‘o rraù c’avivev’ appriparàto. ati fellùcce ‘e pròvola. caso rattàto e schiocche ‘e vasenicòla…

…ncopp’a tutto mettitec’ ato rraù , provola .vasenicòla e caso rattato e lasciàte int’ ‘o furno nu quarto r’ora…quann’abbasta pe ffa’ scuaglià ‘a provola e po’ facìte appusà pe’ ‘na decina ‘e minuti…

…a fatìca è fernùta ma che bellezza,e nun parlàmm’ ‘e ll’addòre e dd’o ssapòre-penzate ca antico tempo nce mettevano pure ‘e pezzùll’ ‘e ciucculàta amara-…

…mò appriparàte ‘o bbicarbonato eeeeee…. buona fame a tutt’a cumpagnia,semp’alla faccia ‘e chi sacci’io…

by Aflo