O le lauga - Pepa mo le Mafutaga o Tina - EFKS Papatoetoe - Setema 2013

“O LE LAUGA”Mafutaga o Tinā – EFKS Papatoetoe

15 Setema 2013Saunia: Imoamaua Setefano F.S.

O LE A LE LAUGA?

O le lauga, o le galuega o le Atua Tolu-Tasi Paia.Ia lagona lo tatou fa’atauva’a ma lo tatou lē atoatoa i luma o le Atua.O le galuega e fai mo le viiga o le Atua ae lē mo le tagata.Ia lagolago ma faamomoe i le faatasi mai o le Atua.E lē o se avanoa e lauga ai lou finagalo, pe fa’aali ai sou to’atama’i i se tasi, ma fa’atuatuana’i ai le finagalo o le Atua!

O NAI MANATU TĀUA!

Ia lauga muamua oe ia te oe lava.Ia filifili lelei le gagana, e faigofie ma talia gofie ai le feau o le lauga.E tāua le manino o lou si’ufofoga, ia lagona lelei, ae ‘aua lē so’ona leoleoā.E lelei le fa’aaoga o tāga, ae ia talafeagai ma le vaega o le lauga, ua fa’aaogaina ai.Ia fa’apu’upu’u fuaiupu ma manatu.Ia tusi uma i lalo le lauga!

O VAEGA ESEESE O LE LAUGA

1. “O le lauga i le suafa o le Atua Le Tama, Le Alo, ma Le Agaga Paia; Amene.” po’o le: “Ia malie ia te oe upu o lo’u gutu ma mafaufauga o lo’u loto, Le Atua, lo’u papa ma Le na te togiolaina a’u.”

2. Faitauina o le Matua ma le Manatu Autu/Text & Theme3. Fa’atomuaga/Introduction4. Fa’amatalaga ma le Fa’aiugaina o Tusi faitau mai le Tusi

Paia/Bible Exegesis5. O le Feau/Message6. O le Fa’atatau/Application7. O le Tala Lelei – po’o le feso’otaiiga o le Feau a le Lauga,

ma le Tala Lelei ia Iesu Keriso ma le Alofa Tunoa o le Atua.

SAILIGA O SE MATUA MO LE LAUGA

Ia saili se Matua mai lou tusi faitau.Ia feso’otai lelei le matua, ma le Manatu AutuAua ne’i umi tele, a ia faigofie ona tauloto e oe le Failauga, fa’atasi ma tagata lotu.O le Matua - o le fuaiupu ua e manatu o lo’o āfīfī ai le feau o le lauga, o lo’o momoli mai ai le finagalo o le Atua mo le fa’apotopotoga.

SAILIGA O SE MATAUPU/MANATU AUTU O LE LAUGA

E amata ma fa’aiu i le tatalo i le AtuaE mana’omia le tapenapena mamao ma le saunia leleiE tatau ona su’esu’e lelei o le mataupu – e le gata i le Tusi Paia, a’o isi tusi o lo’o fa’amatalaina ai uiga o mataupu silisili o i le Tusi Paia, e.g. O le Tala i le Tusi Paia, O Mataupu Silisili, Pese ma Viiga, ma isi.

FA’ATOMUAGAIa mafai e le fa’atomuaga ona tata’i ma gagau mai manatu ma lagona o tagata i le lauga.E mafai ona amata i se tala pu’upu’u, se ata fa’atusa, po’o se tala mai lou soifuaga, e tatala ai mafaufauga a tagata, i le Manatu Autu o le lauga.E mafai ona amata le lauga, i se fa’amatalaga o le mataupu atoa, po’o o le tusi o le Tusi Paia, o lo’o maua ai le matua.E mafai fo’i ona tomua le lauga i se fa’amatalaga i le Tusitala o le tusi faitau.O le mea tāua ia faigofie ona malamalama ai tagata i le fa’atomuaga.

TUSI PAIA Ia amata lou fa’aiugaina o le Tusi Paia, i le tusi o lo’o i ai le matua.E lua itu-aiga faiga masani:

E filifili ni tusi se lua e tai tutusa feau, e.g. Tulafono e sefulu ma le Lauga o Iesu i luga o le mauga, etc.

E filifili ni tusi se lua e tu’ufa’afeagai feau, e.g. O le salamo o le ui’i maumau ‘oa ma le ma’aa o le loto o Saulo

le Tupu o Isaraelu. Ia malamalama gofie le feso’otaiiga o tusi e lua.

O LE FEAU

Ia faigofie ona malamalama tagata i le feau ua saunia.O le feau: O se faamanatu, po’o se luitau mo oe ma le fa’apotopotoga e tusa ma lo outou soifua auauna, soifua tautua, soifua fa’aleagaga.O le feau: E tatau ona feso’otai lelei ma lou fa’aiugaina o Afioga Paia o le Atua.

O LE FA’ATATAU

Pe fa’apefea ona fa’atino e tagata le feau ua e folafolaina, i aso fai so’o?Mafaufau i siosiomaga eseese o le tagata, e.g. aiga, aoga, fale faigaluega, nu’u ma le Ekalesia.Ia avea ma vai mālu, fa’aolaola, ma fesoasoani tele auā le soifua fa’alefaatuatua o le tagata, ae aua na’o le fa’amasinosino a’e.

O LE A LE TALA LELEI?

O le Tala Lelei, o le Tala i le Alofa Tunoa o le Atua ua fa’aalia ma le atoatoa, i le soifua mai, maliu ma toetu manumalo o lo tatou Alii, ma lo tatou Fa’aola o Iesu Keriso.O le taualuga lea o le galuega folafola: Ia laugaina Iesu ma le Alofa Tunoa o le Atua mo le lalolagi uma.O le Tala Lelei, ae e lē o se Tala Fa’anoanoa, po’o se Tala Fa’amata’u.

FA’ATA’ITA’IGA

Talanoa i vaega ma fa’aali mai i le Mafutaga:

Tusi mai le Feagaiga Tuai ma le Feagaiga Fou e talafeagai ma le Manatu Autu. Fa’ata’atia se ‘auivi o le lauga. Fa’amanino mai le Feau, le Fa’atatau ma le Tala Lelei o lauga ta’itasi: a. O le Failauga Lelei, b. E silisili le Alofa fa’atinoc. O le a le fa’atuatua?d. O a foliga o le Malo o le Atua?

UPU FA’AIU

O le lauga pito sili ona taua, o le soifua ua ofoina ma le atoatoa i le Atua, e ala i le fa’atuatua ma le salamo fa