nyob noj qab - Central California Alliance for Health

Yam Yuav Tau Paub

Y og tias koj cev xeeb tub lossis nyuam qhuav yug menyuam tshiab, muaj ib qho kev pabcuam

pub dawb uas hu ua Text4baby los pab

Text4baby

Xeeb tub? Leej niam yug menyuam tshiab?

Kev sau ntawv yog ib txoj kev uas sai thiab yooj yim los ua kom sib hnov xov thiab yog ib txoj kev uas zoo heev kom tau txais xov xwm kev noj qab haus huv.

Koj yuav tsum nyeem lossis xa ntawv thaum koj nyob rau qhov chaw uas nyab xeeb nkaus xwb. Tsis txhob sau ntawv thaum tsav tsheb kiag li. Muaj ntau qhov xwm tsheb sib nraus tuag neeg uas chiv muaj los ntawm kev siv xov tooj ntawm tes thaum tsav tsheb.

Txhob sau ntawv thaum caij mos taus lossis mus kev los kuj ib yam. Koj tuaj yeem khiav mus nrau neeg lossis nrau tsheb yooj yim heev.

Ua kom nyab xeeb thaum sau ntawv

koj thiab koj tus menyuam nyob tau yam tsis muaj mob.

Text4baby yuav xa peb tsab xo ua ntawv sau nyob rau ib lij tiam twg mus rau koj lub xov tooj ntawm tes. Koj yuav tau txais ib co lus qhia fab kev noj qab haus huv ntawm kws thaum koj cev xeeb tub thiab thawj xyoo ntawm koj tus menyuam. Nws yog kev tso npe nkag dawb thiab sau ntawv pub dawb.

Xav tso npe nkag rau text4baby ua lus Askiv, sau BABY mus rau 511411. Xav tso npe nkag rau text4baby ua lus Spanish, sau BEBE mus rau 511411. Txhua cov ntawv los ntawm lub phiaj xwm no yog pub dawb. Koj cov nqi xov tooj ntawm tes ib txwm yog siv rau txhua cov kev sib hu lossis kev sau ntawv lwm yam. Koj tuaj yeem cheem kev sau ntawv txhua lub sij hawm los ntawm kev sau tias STOP mus rau 511411.

Text4baby tsis yog ib lub phiaj xwm Alliance. Nws yog ib qho kev khomob ntawm National Healthy Mothers, Healthy Babies Coalition. Xav nrhiav paub ntxiv lossis xav tso npe nkag online, mus rau www.text4baby.org. Yog koj muaj lus nug dab tsi, caw hu rau tus xov tooj hu dawb Alliance Health Education Line ntawm 1-800-700-3874, ext. 5580.

haus huvnyob noj qab

Lub Rau Hli 2010Phau Ntawv 16, Tsab Ntawv 3

Ib daim ntawv xovxwm rau cov tswvcuab ntawm lub koom haum Central California Alliance for Health

Nkag siab txog kev xa mus ntxiv thiab kev tso cai 2Kev hloov tshiab ntawm nyiaj pab Medi-Cal 3Npuas roj hlab ntsha: Ntsuam xyuas koj qhov kev paub 4Hom roj twg thiaj tsis muaj mob? 5Tiv thaiv kab mob hnoos hawb pob 6

nyob

rau

hauv

tsab ntawv no

Koj puas muaj kev qhuas lossis lus tsis txaus siab?

Hu rau Lub Chaw Pabcuam Tswvcuab. 1-800-700-3874, ext. 5513

Cov kev khomob uas tsis xav tau daim ntawv xa mus ntxiv

K oj puas paub thaum twg koj thiaj xav tau ib daim ntawv xa mus ntxiv los ntawm koj tus Thawj

Kws Khomob (PCP) ua ntej tau txais ib qho kev khomob? Lossis kev sib txawv ntawm ib daim ntawv xa mus ntxiv thiab ib daim ntawv tso cai yog li cas? Koj puas muaj peev xwm mus rau ntawm ib tug kws khomob uas tsis muaj kev cog lus? Hais txog ib tug kws khomob dhau cheeb tsam ne ho zoo li cas?

Nws tuaj yeem ua rau paub tsis meej qhov ua kom nkag siab txog txhua txoj cai ntawm koj qhov kev npaj tseg fab kev noj qab haus huv. Tab sis cov kev cai ntawd tseem ceeb heev uas yuav tau ua raws. Yog tias koj tsis ua raws, koj cov kev khomob kuj yuav tsis raug saib xyuas. Koj kuj yuav tau them los ntawm koj tus kheej. Nov yog xov xwm los mus pab koj ua kom paub tseeb hais tias koj ua raws cov kev cai ntawm koj qhov kev npaj tseg.Cov ntawv xa mus ntxiv

Yog hais tias koj raug hais kom mus rau ib tug Thawj Kws Khomob (PCP) Alliance, koj yuav tsum muaj ib daim ntawv xa mus ua ntej koj tuaj yeem mus ntsib lwm tus kws khomob. Muaj qee qhov kev tshwj tseg rau qhov no. Caw saib kem uas nyob sab xis txog ntawm cov kev tshwj tseg.

Ib daim ntawv xa mus ntxiv yog thaum koj tus PCP xav hais tias koj yuav tsum tau mus ntsib lwm tus kws khomob. Koj tus PCP sau ib daim Foos Thoob Tswv Yim Xa Mus Ntxiv. Nws xa ib daim ntawv luam ntawm daim foos ntawd mus rau lwm tus kws khomob thiab ib daim ntawv luam mus rau Alliance. Daim ntawv xa mus ntxiv yog txoj kev ua rau lwm tus kws khomob paub hais tias koj tus PCP tau pom zoo qhov kev mus xyuas ntawd. Nws kuj tseem yog txoj kev uas ua rau peb paub tias koj tus PCP tau pom zoo qhov kev mus xyuas ntawd. Yog tias peb tsis muaj daim ntawv xa

mus ntxiv, peb yuav tsis them raws daim ntawv lav nyiaj los ntawm lwm tus kws khomob.Cov ntawv xa mus ntxiv uas tso cai

Feem ntau, koj tus PCP yuav qhia txog koj rau tus kws khomob cheeb tsam nyob rau hauv peb lub cheeb tsam khomob. Peb lub cheeb tsam khomob muaj Santa Cruz, Monterey thiab cov cheeb nroog Merced. Yog tias koj tus PCP qhia txog koj rau ib tug kws khomob dhau ntawm peb lub cheeb tsam khomob, nws yuav tsum tau txais kev tso cai los ntawm Alliance ua ntej. Qhov nov hu ua daim ntawv xa mus ntxiv tso cai. Qhov uas muab nws hu li no vim yog peb tau tso cai daim ntawv xa mus ntxiv ua ntej koj tuaj yeem mus ntsib lwm tus kws khomob.

Tseem muaj ntau ntau zaus uas koj yuav tau muaj daim ntawv xa mus ntxiv tso cai. Yog tias koj yog ib tug tswvcuab hauv Alliance Healthy Families, Healthy Kids, Alliance Care IHSS lossis Alliance Care AIM, koj yuav tau muaj ib daim ntawv xa mus ntxiv uas tau txais kev tso cai yog tias koj tus PCP qhia txog koj rau lwm tus kws khomob uas muaj kev cog lus nrog Alliance.Kev tso cai ua ntej

Qee cov kev khomob, txheej txheem, hom ntawm tshuaj khomob thiab cuab yeej yuav tsum tau txais kev pom zoo los ntawm Alliance ua ntej koj tau txais lawv. Qhov nov hu ua kev tso cai ua ntej. Tus kws khomob uas yuav mus nqis tes rau qhov kev khomob ntawd yuav tsum tau sau daim ntawv thov daim foos kev tso cai ua ntej. Tus kws khomob xa daim foos mus rau Alliance. Peb yuav rov ntsuam xyuas dua daim foos ntawd thiab txhua cov ntaub ntawv khomob uas tus kws khomob xa nrog daim foos. Yog tias qhov kev khomob, tshuaj khomob lossis cuab yeej tsim nyog kho thiab yog ib qho nyiaj pab uas saib xyuas txog, peb yuav pom zoo daim

Paub tsis meej los ntawm cov ntawv xa mus ntxiv thiab ntawv tso cai?

Txhua tus tswvcuab hauv Alliance:

Cov kev khomob xwm txheej ceev

Koj raug saib xyuas 24 xuab moos hauv ib hnub, 7 hnub hauv ib lij tiam txog ntawm kev khomob xwm txheej ceev.

Cov tswvcuab Alliance Medi-Cal:

Cov kev khomob npaj tseg hauv tsev neeg

Kev ntsuam xyuas kev xeeb tub thiab tswj kev yug menyuam.

Cov kev khomob tsis pub leej twg paub

Kev ntsuam xyuas thiab kev khomob ntawm cov kab mob sib kis raws kev sib deev thiab kev tso tseg kev xeeb tub. Koj tuaj yeem mus rau ib tug kws khomob twg uas txais Alliance Medi-Cal ntawm cov kev khomob no.

Kev tshuaj ntsuam poj niam raws sij hawm niaj xyoos, kev tshuaj ntsuam kua chaw mos poj niam thiab kev ntsuam xyuas mis

Koj tuaj yeem mus rau ib tug kws khomob OB/GYN twg uas lees txais Alliance Medi-Cal ntawm qhov kev khomob no ib xyoos ib zaug.

Tag nrho lwm cov tswvcuab hauv Alliance:

Kev tshuaj ntsuam poj niam raws sij hawm niaj xyoos, kev tshuaj ntsuam kua chaw mos poj niam thiab kev ntsuam xyuas mis

Koj tuaj yeem mus rau ib tug kws khomob OB/GYN cog lus tsis dhau ntawm peb lub cheeb tsam khomob ntawm qhov kev pabcuam no ib xyoos ib zaug.

ntawv thov ntawd. Peb yuav qhia rau tus kws khomob ces koj tuaj yeem tau txais qhov kev khomob ntawd. Yog tias peb tsis lees txais ib daim ntawv thov twg, peb yuav qhia rau tus kws khomob paub. Peb tseem yuav qhia rau koj paub tib si thiab. Koj yuav muaj peev xwm xa ib daim ntawv lus tsis txaus siab yog tias koj tsis pom zoo nrog peb qhov kev tsis lees txais.

2 ■ ■ ■  nyob noj qab haus huv

xov xwm tswvcuab

L ub Xya Hli Ntuj dhau los, Rooj Tsav Xwm Saib Xyuas Kev Pabcuam Fab Kev Saib Xyuas Kev Noj Qab

Haus Huv hauv Xeev (DHCS) muab cov kev tshuaj ntsuam qhov muag thiab cov tsom qhov muag coj mus ua ib qhov nyiaj pab ntawm Medi-Cal rau txhua leej tshwj yog cov menyuam uas hnub nyoog qis dua 21 xyoos thiab cov neeg uas nyob rau hauv tsev khomob ntiag tug rau cov laus. Tau muaj ib qho kev hloov rau qhov nov. Tam sim no kev tshuaj ntsuam qhov muag yog ib qhov nyiaj pab uas saib xyuas txog rau tag nrho cov neeg uas tau nyiaj pab ntawm Medi-Cal. Tab sis cov tsom qhov muag thiab cov tsom iav ntsiab muag tseem duav txog rau cov menyuam uas hnub nyoog qis dua 21 xyoos thiab cov neeg uas nyob rau hauv tsev khomob ntiag tug rau cov laus.

Koj yuav tau txais ib tsab ceeb toom hais txog qhov nov hauv tsab ntawv los ntawm lub xeev. Koj yuav tsum tau txais nws nyob rau lub Kaum Hli Ntuj.

Xav nrhiav ib tug kws khomob network txhawm rau kev tshuaj ntsuam qhov muag, caw saib hauv koj Phau Ntawv Teev

Pab cheem kev dag ntxias

Thaum cov neeg tsis ncaj ncees, nws tuaj yeem dhau los ua kev dag ntxias. Kev dag ntxias tuaj yeem ua rau cov nqi kev saib xyuas kev noj qab haus huv nce siab tuaj rau peb txhua leej.

Koj tuaj yeem pab peb cheem kev dag ntxias thiab tswj cov nqi kom nqis.

Ntawm nov yog qee yam uas kuj yuav yog kev dag ntxias hauv kev saib xyuas fab kev noj qab haus huv:

 ■ Kev muab xov xwm tsis muaj tseeb rau saum cov foos.

 ■ Cia rau qee leej siv ib daim ID card tswvcuab uas tsis yog nws li.

 ■ Pheej yuav ua kom tau txais cov nyiaj pab uas ib tug neeg twg tsis tsim nyog tau txais.

 ■ Pheej yuav ua kom tau txais cov tshuaj uas ib tug kws khomob twg tsis tau hais kom muab.

 ■ Ua kom cov neeg them nyiaj rau kev khomob ntau dua qhov uas lawv tsim

nyog them. ■ Yuav nqi ntau dhau rau tej tshuaj nyob

rau ntawm ib lub chaw muag tshuaj. ■ Muab kev khomob rau cov neeg uas

lawv tsis tsim nyog tau txais tiag tiag.Cov no tuaj yeem dhau los ua cov teeb

meem loj. Yog koj xav tias qee leej yuav siv cov nyiaj pab mus rau qhov tsis yog lossis tsis qhia qhov tseeb txhawm kom tau txais qee yam, hu rau peb.

Yog koj qhia peb thaum koj xav tias qee leej tab tom ua qee yam tsis yog, peb yuav ua twb zoo xyuas seb nws puas muaj tseeb. Thiab yog tias nws muaj tseeb, peb yuav kho qhov teeb meem. Tab sis peb yuav tsis qhia rau leej twg li hais tias koj tau nrog peb tham. Koj lub npe yuav muab zais cia.

Kom ntseeg tau tias tau hu yog tias muaj qee yam zoo li ntxim tsis yog. Nrog koj qhov kev pab, peb tuaj yeem tiv thaiv cov neeg tawm ntawm kev dag ntxias.

Xav kawm paub ntau ntxiv hais txog txoj kev cheem kev dag ntxias, hu rau Member Services (Cov Chaw Pabcuam Tswvcuab).

Kev hloov kev saib xyuas ntawm kev tshuaj ntsuam qhov muag hauv Medi-Cal

Cov Kws Khomob hauv Alliance. Muaj ib feem hu ua Vision Care Providers (Cov Kws Khomob Saib Xyuas Zeem Muag). Koj tseem tuaj yeem mus saib www.ccah-alliance.org lossis hu rau Member Services (cov Chaw Khomob Tswvcuab).

nyob noj qab haus huv ■ ■ ■ 3

Cov kev hloov tshiab ntawm nyiaj pab

Lub npe tshuaj Tau siv khomob dhau los

Tshuaj Micronized fenofibrate (Lofibra)

Npuas roj hlab ntsha ntau [High cholesterol]

Tshuaj Tolterodine extended release (Detrol LA)

Lub zais zis ua haujlwm heev dhau [Overactive bladder]

Ntxiv raws li peb phau ntawv kev cai hais tseg

xov xwm tswvcuab

paub lwm cov naj npawb no nrog thiab:  ■ LDL. Cov neeg feem coob yuav tsum ua

kom qis dua 130. Ua kom qis dua 100 yog hais tias koj mob plawv lossis mob ntshav qab zib.

 ■ HDL. Siab tshaj 60 yuav pab tiv thaiv kev mob plawv. Qis dua 40 muaj kev pheej hmoo siab rau kev mob plawv.

 ■ Triglycerides (lwm hom roj hauv ntshav). Ua kom qis dua 150.3. Yog los tsis yog? Tshuaj thiaj yog txoj kev khomob rau npuas roj hlab ntsha ntau nkaus xwb.

Tsis yog. Qhov tseeb, koj kuj tseem muaj peev xwm txo koj cov npuas roj hlab ntsha nqis yog hais tias koj:

 ■ Txawj noj. Zam tej khoom noj ua rau muaj npuas roj hlab ntsha, khoom muaj roj thiab khoom noj ua rau rog.

 ■ Ua kev qoj ib ce xwm yeem. Ua kom ib hnub tsis tsawg dua 30 feeb, tsib hnub lossis ntau tshaj nyob rau ib lij tiam.

 ■ Muaj kev tswj kho qhov nyhav kom nyob tau tsis muaj mob. Yog hais tias cov kev hloov no pab tsis tau, koj tus kws khomob kuj yuav qhia kev noj tshuaj.4. Yog los tsis yog? Txoj kev paub tias koj muaj npuas hlab ntsha ntau yog mus kuaj tom koj tus kws khomob xwb.

Yog lawm. Cov npuas roj hlab ntsha ntau tsis ua mob tshwm rau pom. Tsuas muaj tib txoj kev nug koj theem yog li cas ces yuav tsum mus kuaj tom koj tus kws kho mob nkaus xwb.Ntsiab lus los ntawm: Koos Haum Plawv Neeg As Mes Kas [American Heart Association]

Koj puas tau muaj hnub nyoog tshaj 20 xyoo? Yog hais tias muaj lawm, koj yuav tsum tau kuaj npuas roj hlab ntsha. Thiab koj yuav tsum tau ntsuam xyuas raws txhua txhua tsib xyoos.

Hais txog kev ntsuam xyuas, nqus tsav tawm me me ntawm koj txais caj npab. Koj tus kws khomob yuav hais kom koj tsis txhob noj, haus lossis siv tshuaj dab tsi li 9 txog 12 teev ua ntej qhov kev ntsuam xyuas ntawd. Kev ntsuam xyuas yuav qhia koj li theem npuas roj hlab ntsa ua milligrams nyob rau ib deciliter ntawm cov ntshav (mg/dL). Cov npuas roj hlab

Kev Sim: Qhov tseeb hais txog npuas roj hlab ntsha [cholesterol] ntau

Thaum twg thiaj mam li tau mus kuaj koj li npuas roj hlab ntsha

M uaj npuas roj hlab ntsha ntau tuaj yeem mus txog rau qhov plawv nres. Yog li ntawd nws

tseem ceeb heev uas tswj npuas roj hlab ntsha nrog kev xyaum ua kom muaj kev noj qab nyob zoo.

Koj paub txog npuas roj hlab ntsha ntau npaum li cas? Nrhiav paub nrog qhov kev sim yog-tsis yog ntawm no.1. Yog los tsis yog? Tag nrho txhua cov npuas roj hlab ntsha puav leej tsis zoo rau koj.

Tsis yog. Muaj hom npuas roj hlab ntsha zoo thiab phem.

Cov kua roj (low density

lipoprotein) yog ib cov roj ua rau neeg cov ntshav tsis zoo. Nws mus txhaws cov hlab ntsha.

Lipoprotein uas muaj ntau (HDL) yog hom zoo. Nws pab tshem LDL tawm.2. Yog los tsis yog? Koj tsuas ua kom paub txog koj li npuas roj hlab ntsha tag nrho nkaus xwb.

Tsis yog. Ua tiag tswj koj li npuas roj hlab ntsa hauv cov ntshav tag nrho kom qis dua 200 milligrams hauv ib deciliter (mg/dL). Tab sis yuav tau

Hu rau Member Services (Cov Chaw Khomob Tswvcuab) txhawm rau kawm paub txog hom npuas roj hlab ntsha dab tsi-txo kev siv tshuaj kho raug saib xyuas.

ntsha ntau tuaj yeem ua rau koj muaj kev pheej hmoo mob plawv ntau tuaj.

Tej zaum koj kuj yuav tau raug kuaj kom heev dua qub yog hais tias koj:

 ■ Muaj npuas roj hlab ntsha tag nrho yog 200 lossis ntau tshaj.

 ■ Koj yog ib tus txiv neej dhaus 45 xyoos. Los koj yog ib tus poj niam dhaus 50 xyoo.

 ■ Muaj HDL npuas roj hlab ntsha (cov zoo) tsawg dua 40.

 ■ Muaj keeb kwm tsev neeg mob plawv. ■ Haus luam yeeb. ■ Mob ntshav qab zib. ■ Muaj mob ntshav siab. ■ Rog heev.

Koj tus kws khomob tuaj yeem qhia koj tias thaum twg yuav raug ntsuam xyuas.Ntsiab lus los ntawm: Koos Haum Plawv Neeg As Mes Kas [American Heart Association]

4 ■ ■ ■  nyob noj qab haus huv

npuas roj hlab ntsha [cholesterol]

Xaiv tej roj uas ua rau tsis muaj mob

K oj lub cev yuav tsum muaj roj. Roj yog lub hauv paus tseem ceeb ntawm lub zog, thiab nws

pab koj lub cev nqus cov vitamins. Nws kuj tseem ntxiv ntxiaj ntsig rau cov zaub mov thiab ua rau koj hnov tsau plab. Cov neeg caiv zaub mov uas tsis kam noj tej roj uas nyiam ua rau rog ntxiv. Tab sis tsis yog tag nrho txhua hom roj yuav zoo sib xws. Nws tseem ceeb rau paub tias yam twg ua rau tsis muaj mob thiab yam twg muaj kev phom sij.

Cov roj uas ua rau tsis muaj mobNrhiav saib cov lus txheem txhua ib

qho thiab txheem txhua ntau qhov nyob rau ntawm cov ntawv lo cim npe khoom noj. Cov roj ua rau tsis muaj mob no tuaj yeem pab txo koj tej kev pheej hmoo mob plawv. Cov khoom noj uas muaj roj ua rau tsis muaj mob suav muaj ntses salmon, txiv ntoo avocados, txiv ntoo walnuts, txiv ntseej thiab cov noob paj hnoob hlis.

Nws yog qhov zoo tshaj plaws uas siv roj txiv ntseej, roj noob txhiam laj txhiam xwm lossis roj los ntawm tej zaub. Cov roj no muaj roj ua rau tsis muaj mob yog feem ntau. Tab sis tsis txhob noj ntau heev. Txawm hais tias cov roj ua rau tsis muaj mob los yuav tsum noj me ntsis xwb. Cov Chaw Tswj Kab Mob muaj lus taw qhia tias cov roj yuav tsum yog sib ntxiv los tsis ntau tshaj 20 txog 35 feem pua ntawm cov calory ntxhua hnub ntawm cov neeg loj.

Cov roj muaj kev phom sijCov roj txheem txhua thiab tswj chaw

(trans fatty acids) yog hom roj ua rau muaj mob. Nws yuav ua rau koj muaj kev

pheej hmoo siab rau kev mob plawv, mob ntshav qab zib thiab rog heev. Ua tiag tswj ciam cov khoom noj uas muaj ntau rau hauv cov roj uas ua rau muaj mob. Cov no xam muaj tag nrho tej mis, nqaij nyuj rog lossis nqaij npua rog, khob noom, mis nyuj nkoog [ice cream], cov qos fabkis uas kib ua daim nyias nyias thiab cov qos fabkis uas kib ua tej tug. Zam tsis siv roj npua lossis roj ua khob noom, thiab tsuas yog siv cov roj pleev ncuav ci me ntsis nkaus xwb. Cov no tuaj yeem ntxiv roj uas muaj kev phom sij ntau mus rau koj tej khoom noj.

Cov lus qhia hais txog qhov haum xeeb hauv kev noj qab nyob zoo

Ua tiag noj cov roj uas ua rau tsis muaj mob. Koj tsis tas yuav zam tag nrho cov roj uas muaj kev phom sij. Tsuas yog xaiv cov hau kev uas muaj kev noj qab nyob zoo heev dua.

 ■ Nyeem cov ntawv lo cim npe khoom noj. Xaiv cov khoom noj uas tsis muaj roj tswj chaw kiag thiab muaj roj txheem txhua qis.

 ■ Muas cov mis, cov cheese (ib yam khoom noj uas muab roj nyuj ua) thiab yogurt uas muaj roj tsawg.

 ■ Tseg kev noj nqaij nyob rau qee pluas noj thiab hloov los noj taum thiab tej pob kws lossis mov tag nrho.

 ■ Ua tiag noj ntses ib zaug lossis ob zaug nyob rau ib lij tiam.

 ■ Rau tej txiv ntoo avocado lossis noob taum rau zaub xam lav. Siv kua qaub thiab roj txiv ntseej me ntsis do xyaw.

Hais txog xov xwm ntau ntxiv thiab daim npe teev kev qhia noj kom tsis muaj mob, mus saib www.mayoclinic.com.

nqi

s

tes ua

 ■ Laws cov tawv qaib tawm. Xaiv cov nqaij dawb yog hais tias koj ua tau.

 ■ Noj kiag cov nqaij nyuj nqaij npua luas ntshiv ntshiv xwb. Luas cov rog rog tawm ua ntej yuav ua noj.

 ■ Hau lossis ncu ntses, nqaij thiab zaub hloov qhov kev kib.

 ■ Nws kuj siv nyog thiab los kho koj tus kheej rau tej mis nyuj nkoog lossis qos fabkis kib ntev ntev ib zaug. Tsuas yog txhob noj tas mus li.

Kev ua tej kev hloov no kuj yog qhov nyuaj nyob rau thaum xub thawj. Koj tuaj yeem maj mam pib ua. Hloov pauv li ib lossis ob yam khoom noj ziag no thiab hloov ntau ntxiv rau lwm lub lij tiam. Tom qab ib ntus, koj yuav hnov zoo dua qub vim yog koj lub cev muaj zog dua qub. Tej zaum koj kuj yuav hnov qab koj txoj kev noj yav tas los!

Tham nrog koj tus kws khomob ua ntej hloov mus caiv khoom noj. Qhov no yog tseem ceeb tshwj xeeb yog hais tias koj xeeb tub lossis muaj mob ncua ntev.

nyob noj qab haus huv ■ ■ ■ 5

kev muaj kev noj qab nyob zoo

H noos hawb pob (pertussis) muaj ntau zuj zus nyob rau xeev California. Nws ua rau muaj

kev hnoos ua rau tsis zoo kiag li uas nws ua rau ua pa nyuaj. Nws tuaj yeem dhau los ua tau tus mob nyhav heev. Cov menyuam feem ntau nyob rau kev pheej hmoo, thiab qee leej tau tuag los ntawm nws. Txhaj tshuaj hnoos hawb pob yam nyab xeeb pov thaiv tau tus kab mob. Tab sis cov menyuam mos ab tshiab ho mos dhau rau kev txhaj tshuaj. Txhawm rau tiv thaiv koj tus menyuam, paub kom meej tias cov neeg no tau txais kev txhaj tshuaj hnoos hawb pob tshiab tshiab:

 ■ Txhua tus neeg uas nyob nrog koj tus menyuam

 ■ Txhua tus neeg uas saib xyuas koj tus menyuam

 ■ Txhua tus neeg uas nyob ib ncig ntawm koj tus menyuam

Thaum twg cov menyuam mos ab thiab cov menyuam me thiaj yuav tau txais kev txhaj tshuaj?

Nrog koj tus kws khomob tham hais txog thaum twg cov menyuam mos ab thiab cov me nyuam me yuav tsim nyog tau txais kev txhaj tshuaj. Cov menyuam mos ab ib txwm tuaj yeem tau txais lawv tej kev txhaj tshuaj thawj zaug thaum hnub nyoog 6 lij tiam. Lawv yuav tsum tau txais kev txhaj tshuaj mus ntxiv txog

ntua thaum lawv muaj hnub nyoog li ntawm 6 xyoo.

Tab sis kev tiv thaiv los ntawm kev hle txhaj tshuaj. Paub kom meej txog txhua tus neeg

Hnub nyoog 7 xyoo lossis siab dua tau

Tiv thaiv koj tsev neeg tawm ntawm kab mob hnoos hawb pob

txais kev txhaj tshuaj ntxiv zog uas hu ua Tdap. Lawv yuav tsum tau txais kev txhaj tshuaj tsawg kawg yog ob lij tiam ua ntej yuav chwv koj tus menyuam.

Cov leej niam yug menyuam tshiab kuj yuav tsum muaj kev tiv thaiv

Cov menyuam mos ab kis mob hnoos hawb pob feem ntau los ntawm tswvcuab hauv tsev neeg. Nyob rau kev tiv thaiv koj tus kheej ntawm tej kab mob, koj kuj tseem yuav tiv thaiv koj tus me nyuam. Nug koj tus kws khomob hais txog txhaj tshuaj Tdap. Koj tuaj yeem tau txais nws:

  ■ Ua ntej koj yuav xeeb tub  ■ Nyob rau thaum xeeb tub  ■ Tom qab yug menyuam

Nws muaj kev nyab xeeb uas txais kev txhaj tshuaj Tdap nyob rau thaum pub mis.

Kho hnoos hawb pob thaum ntxovHu rau tus kws khomob tam sim

ntawd yog hais tias:  ■ Koj lossis koj tus menyuam mob. Tus

mob hnoos hawb pob thaum xub yog tsis muaj zog thiab zoo li ua npaws. Tab sis nws mob nyhav zuj zus sai heev li

  ■ Koj lossis koj tus menyuam nyob ib ncig ntawm qee leej uas mob hnoos hawb pob lossis hnoos phem.

Ntsiab lus los ntawm: Rooj Tsav Xwm Saib Xyuas Kev Noj Qab Haus Huv Rau Sawv daws hauv California, Caj Ces Haujlwm Kev Txhaj Tshuaj Tiv Thaiv

Tham nrog koj tus kws khomob hais txog thaum twg cov menyuam mos ab thiab cov me nyuam me yuav tsum tau txais kev txhaj tshuaj.

NYOB NOJ QAB HAUS HUV yog luam tawm rau cov tswvcuab thiab cov neeg muab kev koom tes hauv zej zos ntawm CENTRAL CALIFORNIA ALLIANCE FOR HEALTH, 1600 Green Hills Road, Suite 101, Scotts Valley, CA 95066, xoj tooj 831-430-5500 lossis 1-800-700-3874, ext. 5513, website www.ccah-alliance.org.

Cov ntsiab lus hauv NYOB NOJ QAB HAUS HUV yog los ntawm coob tus kws khomob los. Yog koj muaj kev txhawj xeeb lossis muaj lus nug txog tej yam lus uas yuav tsim tau tej yam tsis zoo rau koj txoj kev noj qab haus huv, thov hu rau koj tus kws khomob.

Cov duab thaij thiab cov duab teeb no tej zaum yog siv cov neeg ua qauv yees duab.

Member Services Director Jan Wolf

Senior Health Educator Lynn Meier

Editor Melissa Rutherford

Copyright © 2010 Coffey Communications, Inc. WHN25638p

www.ccah-alliance.org

kev noj qab haus huv ntawm tsev neeg

haus huvnyob noj qab