Mikromatxismoak (Zumaiako gazteok osatutako liburuxka)

Guztion artean osatutakoaren emaitza duzue eskuartean. Liburuxken lehen orriko azalpenean adierazten genuen moduan, mikromatxismoak ezkutukoak dira, ia ia ohartzeko denborarik eman gabe gugan “naturalki” ematen diren jarrera zapaltzaileak. Horregatik sortu genuen horiek azaleratzeko tresnatxo hau, ezinbestekoa delako ezkutukoa dena oihukatzea, mikromatxismoek berezko duten sotiltasun horrek egiten baititu hain arriskutsu. Baina hau ezin da teoria hutsean gelditu! Praktikara egin behar dugu salto. Badakigu ez dugula egun batetik bestera guztia eraldatuko, prozesu bat da guzti hau eraistea. Eta gure buruekin egingo dugu topo, aurrez aurre. Baina horrek egingo gaitu aske! Horretarako, neskok gure buruen jabe egin behar dugu! Egunero. Kalean, lagun artean, ohean, lanean, eskolan, Gaztetxean, etxean... Ezagutu, ikusi, kontatu ditzagun gertatzen zaizkigunak, eta guztia aldatzeko batu gaitezen!