DEPARTAMENTO NG FILIPINO Maikling Pagsusuri sa Sakit na Schizophrenia
2
Ipinasa ni: Ipinasa kay:
Noemi Mejia G. Vivencio
Talegon
1AMIE Setyembre 29, 2014
MGA NILALAMAN
1. Ano ang schizophrenia?
1.1 Kasaysayan........................................
.....................................................
..............................4
1.2 Iba’t ibang uri ng schizophrenia
Paranoid......................................
..............................................
...................4
Disorganized..................................
..............................................
.................5
Catatonic5
Undifferentiated 6
Residual 6
2. Sinu-sino ang maaaring magkaroon ng ganitong sakit? 6
3
3. Sanhi
3.1 Pagkakaroon ng kamag-anak o kapamilyang mayroon
schizophrenia 7
3.2 Depekto sa utak 7
3.3 Panlabas na salik o environmental factors 8
4. Sintomas
4.1 Positive 8
4.2 Negative 9
5. Gamot
5.1 Medikasyon 10
5.2 Psychotherapy 11
6. Epekto ng schizophrenia11
7. Pag-iwas / Prebensyon 12
8. Halimbawa ng mga taong mayroong schizophrenia
8.1 John Nash12
8.2 Eduard Einstein 13
8.3 Lionel Aldridge 13
8.4 Jim Gordon 14
9. Konklusyon 14
Mga Tala 16
Apendiks 19
Bibliograpi 20
5
1. Ang Schizophrenia
1.1 Kasaysayan
Hindi hihigit sa isandaang taon ang tanda ng salitang
“schizophrenia”, ngunit ayon sa mga dokumento, mayroon nang
konsepto ukol sa sakit na ito sa sinaunang Ehipto. Noong
1887 lamang ito natuklasan ni Dr. Emile Kraepelin1 na siya
ring naghiwa-hiwalay ng mga sakit sa pag-iisip sa iba’t
ibang kategorya, dahil itinuturing lamang noon na pare-
parehong abnormal ang mga taong mayroong sakit sa pag-iisip
at mayroong kapansanan. Dahil itinuring niya itong isang uri
ng sakit na dementia, tinawag itong “dementia praecox” ni
Kraepelin. Nangangahulugan ang “dementia praecox” na
maaaring magkaroon ng sakit na ito kahit ang mga kabataan,
marahil dahil puro mga kabataan ang naging sentro ng pag-
aaral ni Kraepelin.
Si Eugen Bleuler2 naman ang nagbigay ng pangalang
“schizophrenia” noong 1911. Tinawag niya itong schizophrenia
dahil ayon sa kanya, hindi naman ito uri ng dementia at
maaaring magkaroon ng schizophrenia kahit ang mga matatanda.
Nagmula ang salitang schizophrenia sa mga salitang
Griyegong “schizo” na nangangahulugang “hiwalay” at “phrene”
na tumutukoy sa “pag-iisip”, dahil may kinalaman ang sakit
na ito sa kahirapan sa pag-alam ng realidad sa hindi. Ngunit
6
iba ang sakit na schizophrenia sa Dissociative Identity
Disorder o Multiple Personality Disorder3.
Ano nga ba ang schizophrenia? Isa itong sakit na
nakaaapekto sa pag-iisip ng isang tao na nagiging sanhi
upang mahirapan ang isang taong gumawa ng mga desisyon,
magkontrol ng emosyon, alamin kung ano ang totoo sa hindi,
at makibagay sa iba.
1.2 Iba’t ibang uri ng schizophrenia
May iba’t ibang uri ng schizophrenia na depende sa mga
sintomas na nararanasan ng pasyente.
Paranoid
Pinakakaraniwang uri ng schizophrenia ang paranoid
subtype. Ang pagkakaroon ng mga boses na naririnig at mga
delusyong laban sa sarili ang pinakakapansin-pansin na
katangian ng taong mayroong sakit na ganito. Madalas siyang
naghihinala na may pinaplano ang iba laban sa kanya. Subalit
mas kapaki-pakinabang ang taong mayroong paranoid subtype
kaysa sa taong may ibang uri ng schizophrenia dahil hindi pa
napapansin ang mga sintomas ng schizophrenia hanggang sa
kalaunan. Kaya pang ikontrol ng mga taong ito ang kanilang
emosyon at delusyon kaya upang matukoy ang sakit na ito,
kailangan nilang maging bukas sa pagsasabi ng kanilang mga
nararamdaman sa isang espesyalista. Dahil nga paranoid
7
schizophrenia ito, nangangahulugang hindi madaling magtiwala
ang mga taong may ganitong sakit. Pagpapatiwakal ang nasa
isip ng ibang may ganitong uri ng schizophrenia kaya
kailangan ang suporta ng mga kapamilya at malalapit na
kaibigan.
Disorganized
Dating tinatawag na hebephrenic schizophrenia ang
disorganized subtype. Sa subtype na ito, hindi organisado
ang pag-iisip at mga ideya ng taong may ganitong sakit.
Hindi nila makontrol ang kanilang emosyon, o maaaring hindi
angkop ang kanilang emosyon sa kaukulang sitwasyon. Maaari
ring hindi sila magbigay ng kahit na anong reaksyon o
emosyon, na tinatawag na flat effect.
Hindi epektibo ang komunikasyon sa taong mayroong
disorganized schizophrenia. Paiba-iba sila ng paksa sa
pakikipag-usap at madalas na iba ang sagot sa tinatanong. Sa
ibang kaso, hindi sunud-sunod ang mga salita sa pangungusap
na lalong hindi maiintindihan ng nakikinig. Dahil sa mga
sintomas na ito, naaapektuhan ang pang-araw-araw nilang mga
gawain tulad ng pagbibihis, paliligo, atbp.
Catatonic
Maaaring dalawa ang ipakitang sintomas ng taong
mayroong catatonic schizophrenia. Maaaring mabawasan o hindi
8
talaga magpakita ng senyales ng paggalaw, o maaaring gumalaw
nang gumalaw. Posibleng maging paulit-ulit ang mga kilos, at
maaari ring manggaya sila ng sinasabi (tinatawag na
echolalia) o ng ginagawa (echophraxia) ng iba. Madalas sa
mga taong mayroong catatonic schizophrenia ang pagkakaroon
ng kakaibang posisyon ng katawan o ekspresyon ng mukha na
hindi komportable o natural para sa mga taong walang
schizophrenia.
Madalas napagkakamalang tardive dyskinesia4 ang
catatonic schizophrenia dahil maraming pagkakapareho sa
kanilang mga sintomas. Ngunit kaunti na lang din ang
nagkakaroon ng ganitong uri ng schizophrenia dahil madali na
itong nagagamot.
Undifferentiated
Kapag nakita ang mga sintomas ng iba’t ibang uri ng
schizophrenia sa isang tao, tinatawag itong undifferentiated
schizophrenia. Ibig ring sabihin nito na hindi sapat ang mga
sintomas ng isang tao upang ituring na isang uri ng
schizophrenia. Maaari namang paiba-iba ang pinapakitang
sintomas kaya mahirap na tukuyin ito sa iisang subtype
lamang.
Residual
9
Itinuturing na residual subtype ang schizophrenia kapag
nandoon pa rin ang mga sintomas tulad ng hallucination at
delusyon ngunit hindi na ganoon kalala. Gayunpaman, nandoon
pa rin sa pasyente ang mga negative na sintomas tulad ng
kakulangan sa kagustuhang makisalamuha o makipag-usap sa iba
o kahirapan sa pagpapakita ng emosyon.
2. Sinu-sino ang maaaring magkaroon ng schizophrenia?
Walang pinipili ang sakit na schizophrenia. Maaaring
magkaroon ng ganitong sakit ang kahit sino at wala itong
pakundangan sa nasyonalidad, edad, kasarian, relihiyon, o
kultura, ngunit mas malaki ang tsansa ng ibang taong
magkaroon ng schizophrenia depende sa sitwasyon.
Makikita sa tsart5 ang iba’t ibang tsansa ng isang
taong magkaroon ng ganitong sakit. Sa kabuuang populasyon,
1% lamang ang tsansa magkaroon ng sakit na ito. Kung
mayroong schizophrenia ang isa sa mga magulang ng isang
bata, mayroong 10% hanggang 15% tsansa na mamana ito ng
bata. Kung mayroong schizophrenia naman ang isa sa mga
kapatid, 7% hanggang 9% ang tsansang mayroon din ang kanyang
kapatid. (Gottesman, 1991)
Madalas na nagsisimula ang schizophrenia sa pagitan ng
edad na 15 at 25. Mas maagang nakikitaan ng sintomas ng
schizophrenia ang mga lalaki kumpara sa mga babae dahil sa
10
pagitan ng mga edad 16 at 25 nagkakaroon ng ganitong sakit
ang mga lalaki. Sa kababaihan naman, mas tumataas ang
insidente ng schizophrenia sa mga mayroong edad 30 pataas.
Makikita sa larawan6 ang pagkukumpara sa edad ng
pagsisimula ng schizophrenia at kung ilan ang mayroong
ganitong insidente. Mapapansin sa tsart na kadalasang
nagsisimula ang schizophrenia sa edad ng 18 sa mga lalaki at
25 sa mga babae. Kaunti lamang ang insidente kung saan
nagsisimula ang schizophrenia sa mga taong edad 10 pababa at
edad 70 pataas. (Sham, Maclean, Kendler, 1994)
3. Sanhi
Noong unang panahon, madalas na iniisip na dahil sa
pagsapi ng demonyo o masamang espirito ang mga sakit sa pag-
iisip tulad ng schizophrenia. Nang umunlad ang teknolohiya
at nagkaroon ng mga pagsasaliksik ukol sa sakit na ito,
inihalintulad ang schizophrenia sa mga sakit na tulad ng
cancer at sakit sa puso na walang iisang sanhi. Maaaring
dulot ito ng pagkakaroon ng kamag-anak o kapamilya na
mayroong schizophrenia o pagkakaroon ng depekto sa utak.
Posible ring sanhi ang mga panlabas na salik.
3.1 Pagkakaroon ng kamag-anak o kapamilyang mayroong
schizophrenia
11
Ayon sa mga pag-aaral, malaki ang tsansa ng pagkakaroon
ng schizophrenia kung mayroong kapamilyang may ganitong
sakit. Malaki rin ang posibilidad na magka-schizophrenia
kung nagkaroon ng komplikasyon habang ipinagbubuntis ang
isang bata. Subalit hindi lamang nakasalalay dito ang
pagkakaroon ng schizophrenia. Nakaaapekto rin ang iba pang
salik upang matrigger ang ganitong sakit.
3.2 Depekto sa utak
Pinaniniwalaan ng mga eksperto na may kinalaman sa
schizophrenia ang depekto sa mga neurotransmitter7 sa utak,
tulad ng dopamine, na maaaring maging sanhi ng pagkakaroon
ng ganitong sakit.
Dagdag pa rito, nakita rin ng mga eksperto na mayroong
pagkakaiba sa istruktura ng utak ng isang taong mayroong
schizophrenia at isang taong wala nito. Halimbawa, mas
malaki ang ventricles, o ang sentro ng utak, ng mga taong
mayroong schizophrenia kaysa sa mga taong wala. Ngunit hindi
pa sigurado ang mga pagkakaibang ito dahil hindi lamang
limitado ang mga pagkakaibang ito sa mga mayroong
schizophrenia. Maaaring dulot ng iba pang sakit ang
pagkakaiba ng hugis ng ventricles. (Harrison, 1998)
3.3 Panlabas na salik o environmental factors
12
Marami ang naniniwalang nakaaapekto rin sa pagkakaroon
ng schizophrenia ang stress at trauma. Dahil sa stress,
maraming tao ang nagiging magagalitin o hindi mapakali, at
ang stress na ito ang nagdudulot ng sakit. Subalit mahirap
alamin kung ang stress ba ang dahilan o ang epekto ng
schizophrenia.
Sinasabi ring lalong nagtitrigger ng schizophrenia ang
paggamit ng ipinagbabawal na gamot tulad ng Cannabis8, LSD9,
steroids10, at stimulants11.
4. Sintomas
Mula kay Eugen Bleuler ang pangalang schizophrenia.
Siya rin ang nagbigay ng dalawang kategorya sa mga sintomas
ng sakit na ito. Tinawag niya ang kategoryang itong positive
at negative.
4.1 Positive
Tinuturing na positive ang sintomas kung tanging ang
mga taong mayroong schizophrenia lamang ang mayroon nito.
Kadalasan sa mga positive na sintomas ang pagiging hirap sa
pag-alam ng totoo sa hindi. Maaaring bumalik at mawala ang
mga sintomas na ito, at kadalasang hindi napapansin.
Nagkakaroon ng hallucination ang mga taong mayroong
schizophrenia. Nakaririnig, nakakikita, nakaaamoy,
nakalalasa, o nakararamdam siya ng mga bagay na hindi
13
napapansin ng iba. Ang pagkakaroon ng mga naririnig na boses
ang pinakakaraniwang hallucination.
Isa pang positive na sintomas ang pagkakaroon ng mga
delusyon. Nagkakaroon ng mga maling paniniwala o mga
kakaibang ideya ang isang taong mayroong schizophrenia.
Madalas sa mga delusyon ang pag-iisip na may masamang
binabalak ang ibang tao laban sa kanya. Maaari rin niyang
isipin na isa siyang sikat o kilalang personalidad.
Maaari ring magkaroon ng thought disorder, o kakaibang
paraan ng pag-iisip. Maaaring hindi organisado ang mga
sinasabi ng taong mayroong schizophrenia, at paiba-iba ng
paksang sinasabi. Posible ring titigil siya sa kalagitnaan
ng pagsasalita o mag-iimbento ng sarili niyang mga salita.
Kasama rin sa mga positive na sintomas ang mga movement
disorder o kahirapan sa paggalaw. Maaaring hindi mapakali,
paulit-ulit ng galaw, o hindi gumalaw nang tuluyan ang isang
taong mayroong schizophrenia. Tinatawag na catatonia ang
estado ng isang taong hindi gumagalaw at hindi rumeresponde
sa iba.
4.2 Negative
Negative naman ang sintomas kung ito ang mga elementong
nawala sa isang tao mula nang magkaroon siya ng ganitong
sakit. Mas mahirap tukuyin ang mga sintomas na negative
14
kumpara sa positive na sintomas. Maaari kasing mapagkamalang
sintomas ito ng depresyon12 at hindi schizophrenia.
Isa sa mga negative na sintomas ang kakulangan sa
ekspresyon: walang tono ang boses habang nagsasalita, hindi
makatingin nang direkta sa mata ng kausap, at kakulangan ng
ekspresyon sa mukha. Madalas sa mga taong mayroong
schizophrenia ang kawalan ng interes o pakialam sa kanilang
paligid. Hindi na rin sila masyadong aktibo sa pakikipag-
usap, o hindi na interesado sa mga kumbersasyon ng iba.
5. Gamot
Noong unang panahon, inaakalang sanhi ng pagsapi ng
demonyo o masamang espiritu ang mga sakit sa pag-iisip. Para
maalis ang mga demonyong ito, kung anu-anong paraan ang
ginawa ng mga sinaunang tao, mula sa pakikinig ng iba’t
ibang uri ng tugtog o kanta hanggang sa nakamamatay na
paraan tulad ng pagbutas sa ulo ng maysakit. Ngunit dahil sa
mga pag-aaral ng mga eksperto at sa pag-unlad ng
teknolohiya, marami nang natutuklasang gamot upang malunasan
ang schizophrenia.
Ayon sa Yale University Medical School, kapag mas
maagang naagapan at nagamot ang schizophrenia, mas madali
itong malulunasan at mas malaki ang tsansang gumaling ang
pasyente mula rito.
15
5.1 Medikasyon
May iba’t ibang hakbang bago ilabas sa merkado ang mga
gamot. Kailangang masiguro na hindi lamang ito mabisa, kundi
ligtas ding gamitin. Sa unang hakbang o phase I, nasa 20
hanggang 80 katao ang sumubok ng gamot na ito. Sa kabuuan,
tinitignan lamang kung ligtas itong gamitin at walang
masamang epekto sa kalusugan. Nagtatagal lamang ang mga pag-
aaral dito ng ilang buwan.
Dinadala ang mga gamot na pumasa sa unang hakbang
papunta sa ikalawang hakbang o phase II. Mula sa 20 hanggang
80 na taong sumusubok, tumaas na sa 100 hanggang 300 ang mga
taong susubok ng gamot. Dahil naaprubahan na ang kaligtasan
ng gamot sa phase I, sa phase II naman tinitignan ang
pagiging mabisa ng gamot laban sa sakit na paglalaanan nito.
Tumatagal ang mga pag-aaral dito mula ilang buwan hanggang
dalawang taon.
Sa phase III o huling hakbang sa pag-aaral ng isang
gamot, mayroong 1000 hanggang 3000 taong sumusubok ng gamot.
Dito sinisiguro ang kaligtasan at pagiging mabisa ng gamot.
Inaalam din kung gaano karaming gamot ang kailangan ng isang
taong mayroong sakit. Kinukumpara rin ang gamot sa iba upang
16
makita kung mayroon itong ibang epekto. Tumatagal ang phase
III ng mula 1 hanggang 4 na taon.
Dahil isa sa mga sanhi ng schizophrenia ang imbalanse
sa kemikal na serotonin at dopamine sa utak, mabisa ang
asenapine, bifeprunox, iloperidone, clozapine, at
paliperidone ER bilang gamot. Nasa phase III pa lamang ang
mga gamot na ito, ngunit kapansin-pansin nang mabisa ang mga
ito laban sa positive at negative na sintomas ng
schizophrenia.
Kahit na aprubado na ng FDA o Food and Drug
Administration ang lamictal bilang gamot laban sa Bipolar
Disorder13, nasa phase III pa rin ito bilang gamot sa mga
positive na sintomas ng schizophrenia.
Bukod sa pagbabalanse ng mga kemikal sa utak,
nalulunasan din ang mga hallucination at delusyon ng mga
pasyente dahil sa gamot. Gayunpaman, isa sa mga suliraning
kinakaharap ng mga doktor ang hindi pag-inom ng gamot ng mga
taong mayroong schizophrenia. Marahil dahil ito sa hindi
nila kaya ang epekto o hindi nila nakikita ang kagalingang
dulot ng gamot. Ngunit kapag tinigil ng mga pasyente ang
tuluy-tuloy na gamutan, maaaring lumala ang schizophrenia.
Mahalagang sumangguni muna sa doktor o espesyalista bago
tumigil sa pag-inom ng gamot.
17
5.2 Psychotherapy
Hindi sapat ang medikasyon lamang para sa 1/5 hanggang
1/3 ng lahat ng pasyenteng mayroong schizophrenia kung
kaya’t kinakailangan ng psychotherapy. Para sa positive at
negative na sintomas din ang psychotherapy na pinalalakas
ang abilidad ng isang taong mayroong schizophrenia na mag-
isip para sa kanyang sarili upang matuto silang mamuhay nang
mag-isa. Tinuturuan silang tumukoy kung ano ang totoo at
hindi, lalo na’t kabilang ang mga hallucination at delusyon
sa mga sintomas ng schizophrenia. Sa tulong ng isang
espesyalista o therapist, nasasabi ng isang taong maysakit
ang kanyang saloobin, mga problema, mga nararamdaman, atbp.
Maaari ring makatulong sa maysakit ang rehabilitasyon upang
mapaunlad ang pakikisalamuha sa iba.
Bukod sa tulong ng mga espesyalista, kailangan din ang
tulong at suporta ng mga kaibigan at kaanak. Napag-alaman
mula sa mga pag-aaral na mas gumagaling at nalalabanan ang
mga sintomas ng schizophrenia ng mga taong mayroong suporta
mula sa pamilya kumpara sa mga taong mag-isang kinakaharap
ang kanyang karamdaman.
6. Epekto ng schizophrenia
Tulad ng iba pang karamdaman, maraming epekto ang sakit
na schizophrenia hindi lamang sa taong mayroon nito kundi
18
pati na rin sa mga taong nakapaligid sa kanya. Karaniwan sa
mga taong mayroong schizophrenia na ihiwalay ang sarili sa
ibang tao o hindi magtiwala sa kanyang mga kaibigan at
kaanak kung kaya’t nasisira ang relasyon niya sa iba.
Maaari rin namang maging bayolente sa ibang tao o sa
kanyang sarili ang isang taong mayroong schizophrenia.
Malaki ang posibilidad ng pagpapatiwakal ng taong may
ganitong karamdaman. Importanteng seryosohin kung makipag-
usap man siya tungkol sa pagpapakamatay o pananakit sa
kanyang sarili. Madalas niyang maiisip ito sa mga panahong
nagkakaroon siya ng mga delusyon o kapag nakararamdam siya
ng depresyon.
7. Pag-iwas o prebensyon
Hindi man nakahahawang sakit ang schizophrenia,
mahalaga pa ring maiwasan at hindi matrigger ang ganitong
uri ng karamdaman. Maaaring paghiwa-hiwalayin sa apat na
bahagi ang prebensyon sa schizophrenia: ang universal,
selective, at indicated na teknik, at ang maagang pag-agap
sa sakit na ito. Para sa kabuuan ng populasyon ang universal
na teknik ng pag-iwas sa schizophrenia. Mahalagang malaman
ng lahat ang tungkol sa karamdamang ito upang magkaroon ng
kamalayan. Para naman sa mga taong malaki ang tsansang
19
magkaroon ng schizophrenia ang selective na teknik. At para
sa mga taong mayroong sintomas na ng sakit sa pag-iisip at
hindi lang basta schizophrenia, ginagamit ang indicated na
teknik. Ginagamit ang maagang pag-agap sa schizophrenia para
sa mga taong mayroon nang schizophrenia upang hindi na
lumala ang sakit at mabigyan kaagad ng lunas ang pasyente.
Para magkaroon ng mabisang pag-iwas sa sakit na ito,
mahalagang maintindihan nang mabuti kung ano ang sanhi ng
schizophrenia, kung kaya naman maraming eksperto ang
nagbibigay-atensyon sa kalusugan ng mga ina habang
ipinagbubuntis ang kanilang mga anak. Dagdag pa, isinusulong
ng marami ang pagkakaroon ng malusog na pamumuhay na
nangangahulugang pag-iwas sa bisyo tulad ng pag-inom ng alak
at paninigarilyo o paggamit ng bawal na gamot dahil hindi
lamang ito maaaring maging sanhi ng schizophrenia kundi
maging sanhi rin ng iba pang mas malalang karamdaman.
8. Halimbawa ng taong mayroong schizophrenia
8.1 John Nash
Nasa edad 30 si John Forbes Nash Jr. noong nagsimulang
lumabas ang mga sintomas ng schizophrenia. Naging malala ang
kanyang paranoia, kung saan sinasabi niyang nakatatanggap
siya ng mga mensahe mula sa kalawakan at mula sa gobyerno ng
ibang mga bansa. Sinabi ni Nash na para sa kanya lamang ang
mga mensahe at siya lang ang makaiintindi. Pinaniwalaan din
20
ni Nash na siya ang kaliwang paa ng Diyos, at mga
komunistang mayroong balak laban sa kanya ang mga lalaking
nakasuot ng pulang kurbata. Dahil sa mga kinikilos niyang
ito, ang asawa mismo ni Nash na si Alicia Lopez-Harrison de
Larde ang nagdala sa kanya sa ospital noong 1959, kung saan
napag-alamang mayroon siyang paranoid schizophrenia.
Sa kabila ng kanyang karamdaman, maraming nakamit si
Nash. Natanggap niya ang John von Neumann Theory Prize14
para sa pagkakadiskubre niya ng non cooperative equilibria,
o tinatawang ngayong Nash equilibria15. Mayroon din siyang
kontribusyon sa larangan ng algebraic geometry16 dahil sa
kanyang Nash embedding theorem17.
8.2 Eduard Einstein
Pangalawang anak ni Albert Einstein at ng kanyang unang
asawang si Mileva Maric si Eduard Einstein. Sensitibo at
sakiting bata si Eduard, na lalo pang lumala noong
naghiwalay ang kanyang mga magulang. Gayunpaman, isa sa
pinakamagagaling na mag-aaral si Eduard, na nagnais mag-aral
ng medisina upang maging psychiatrist, isang manggagamot ng
mga sakit sa pag-iisip. Pagsapit niya ng edad 20, napag-
alamang mayroon siyang schizophrenia at dinala siya sa
Burgholzli, isang pagamutan sa Zurich, Germany. Sinasabi pa
ng maraming nasobrahan siya sa mga gamot na mayroon noong
21
mga panahong iyon, lalo na ang paggamot gamit ang
pagkuryente. Kahit mayroong sakit, ipinagpatuloy pa rin ni
Eduard ang kanyang hilig sa musika at mga tula.
Dahil sa pagkamatay ng kanyang ina, nanatili lamang si
Eduard sa Burgholzli ng 9 na taon at nagpalipat-lipat sa mga
pamilya matapos noon. Noong namatay ang ina ng kanyang
napuntahang pamilya, bumalik siya sa pagamutan at doon siya
binawian ng buhay dahil sa stroke18 sa edad na 55.
8.3 Lionel Aldridge
Isang manlalaro ng football si Lionel Aldridge sa
koponan ng Green Bay Packers, at dahil nanalo pa ang kanyang
koponan nang dalawang beses sa Super Bowl19, napabilang siya
sa Green Bay Packer Hall of Fame. Matapos noon, nagtrabaho
rin siya bilang brodkaster para sa NBC20.
Pagsapit niya ng edad 33, doon niya naramdaman ang mga
sintomas ng paranoid schizophrenia. Nagkaroon siya ng
malalang paranoia at naging iritable, kung kaya’t unti-unti
siyang nahirapang magtrabaho at makibagay sa iba. Naghiwalay
sila ng kanyang asawa at nagpalipat-lipat ng tirahan
hanggang sa iminungkahi ng kanyang mga kaibigang humanap na
siya ng lunas sa kanyang sakit. Simula noon, natanggap na
niya ang kanyang karamdaman at sinimulan na niya ang
gamutan. Noong natapos na ang gamutan, ipinagpatuloy pa rin
22
niya ito upang tuluyan niyang malabanan ang sakit at upang
hindi na ito bumalik pa.
8.4 Jim Gordon
Isang sikat na drummer sa bandang Derek and Dominos si
James Beck Gordon, o mas kilala bilang Jim Gordon. Bukod sa
pagtugtog ng drums, kaya rin niyang tumugtog ng piano, kung
kaya’t marami siyang nagawang mga kanta. Dahil sa kanyang
talento, isa siya sa mga in-demand na musikero ng kanyang
panahon. Hindi na kakaiba para kay Gordon ang pumunta sa
tatlong studio sa isang araw para tumugtog. Minsan na siyang
nagpabalik-balik mula Las Vegas papuntang Los Angeles araw-
araw para lamang tumugtog. Tumugtog na siya para sa ilang
sikat na musikero tulad ng The Beach Boys, The Carpenters,
John Travolta, John Lennon, Barbra Streisand, at iba pa.
Noong 1970, napansin ng kanyang mga katrabahong nag-iba
ang mga kinikilos ni Gordon. Minsan pa nga siyang tumigil sa
kalagitnaan ng pagtugtog para kay Paul Anka at umalis ng
entablado sa Las Vegas. Maraming beses siyang pumunta sa
pagamutan sa pagitan ng mga taong 1977 at 1983, ngunit
sinasabi lamang na nalulong siya sa bawal na gamot, na
karaniwan sa mga musikerong tulad niya noon, at labis ang
kanyang pag-inom ng alak.
23
Pagsapit ng taong 1980, hindi na siya nakatutugtog ng
drums. Mayroon siyang mga boses na naririnig at mga
delusyon, at ang kanyang ina ang naapektuhan ng kanyang
karamdaman. Noong 1983, pumunta siya sa bahay ng kanyang ina
sa Burbank at hinampas niya ito ng martilyo hanggang sa
mamatay ito. Sa korte lamang napag-alamang mayroon siyang
acute paranoid schizophrenia at nahatulan siya ng 16 na
taong pagkakulong sa State Medical Correctional Facility.
9. Konklusyon
Isang sakit sa pag-iisip ang schizophrenia na mayroong
limang uri: paranoid, disorganized, catatonic,
undifferentiated, at residual. Hindi ito nakahahawang sakit
ngunit maaaring mamana ito mula sa mga magulang o ibang
kaanak na mayroong schizophrenia. Maaari ring makuha ito sa
labis na stress o trauma, at kahit maging sa mga bawal na
gamot tulad ng Cannabis, steroids, atbp.
Malalaman kung mayroon schizophrenia ang isang tao
dahil sa mga sintomas na mayroong dalawang uri: ang positive
at negative. Positive ang tawag sa mga sintomas na mayroon
sa mga taong mayroong schizophrenia at wala sa mga taong
walang sakit samantalang negative na sintomas naman ang mga
kakayahang nawawala o nagkukulang sa taong mayroong
schizophrenia.
24
Mahalagang malaman agad kung mayroong schizophrenia ang
isang tao upang maaga itong malunasan at mas malaki ang
tsansa ng paggaling. Mayroong dalawang uri ng paggamot laban
sa schizophrenia: ang medikasyon at psychotherapy. Dahil
minsang hindi gumagana ang pag-inom ng gamot, kailangang
sabayan din ito ng psychotherapy kung saan ginagamit ang
tulong ng espesyalista, ng kapamilya at mga kaibigan dahil
maraming epekto ang schizophrenia lalo na sa pakikipagkapwa-
tao ng pasyente. Malaki rin ang tsansa na manakit o
magpatiwakal sila kaya malaking tulong ang suporta ng
pamilya sa ganitong sitwasyon.
Hindi man maiiwasan kung namana ang schizophrenia,
maaari namang iwasan ang mga makapagtitrigger dito tulad ng
mga bawal na gamot, stress, paninigarilyo, atbp.
25
MGA TALA
1. Para sa karagdagang impormasyon tungkol kay Emile
Kraepelin, pumunta sa:
http://www.britannica.com/EBchecked/topic/323108/Emil
-Kraepelin
2. Para sa karagdagang impormasyon tungkol kay Eugen
Bleuler, pumunta sa:
http://www.britannica.com/EBchecked/topic/69329/Eugen
-Bleuler
3. Dissociative Identity Disorder o Multiple Personality
Disorder – isang kondisyon kung saan mayroong iba-
ibang katauhan ang isang tao. Madalas na nakokontrol
ng katauhan ang taong kinabibilangan niya. Mayroong
kanya-kanyang pangalan, kasarian, edad, at
personalidad ang bawat katauhan na iba sa tunay na
katauhan ng taong iyon. Para sa karagdagang
impormasyon, pumunta sa: http://www.webmd.com/mental-
health/dissociative-identity-disorder-multiple-
personality-disorder at
http://www.psychologytoday.com/conditions/dissociativ
e-identity-disorder-multiple-personality-disorder
26
4. Tardive Dyskinesia – isang karamdaman kung saan hindi
makontrol ng tao ang kanyang kilos o galaw. Isa
itong epekto ng pag-inom ng mga neuroleptics o mga
antipsychotics na gamot laban sa mga hallucination at
delusyon. Para sa karagdagang impormasyon, pumunta
sa: http://www.tardivedyskinesia.com
5. Tignan sa Apendiks A1 ang tsart tungkol sa iba’t
ibang tsansa ng isang taong magkaroon ng
schizophrenia.
6. Tignan sa Apendiks A2 ang tsart ng pagkukumpara sa
edad ng pagsisimula ng schizophrenia.
7. Neurotransmitter – kemikal sa utak na naghahatid ng
impormasyon mula sa utak papunta sa iba’t ibang
bahagi ng katawan. Para sa karagdagang impormasyon,
pumunta sa:
https://www.neurogistics.com/TheScience/WhatareNeurot
ransmi09CE.asp
8. Cannabis – halaman na maaaring maging gamot.
Tinatawag din itong marijuana. Para sa karagdagang
impormasyon, pumunta sa:
http://en.wikipedia.org/wiki/Cannabis
9. LSD – nangangahulugang Lysergic Acid Diethylamide.
Droga itong mayroon epekto sa pag-iisip ng tao kung
saan maaaring magkaroon ng mga delusyon. Para sa
27
karagdagang impormasyon, pumunta sa:
http://en.wikipedia.org/wiki/Lysergic_acid_diethylami
de
10. Steroids – Mayroon dalawang uri ng steroids.
Nakasasama ang anabolic steroids sa kalusugan habang
ang corticosteroids naman ang panlaban sa stress na
dala ng mga sakit. Para sa karagdagang impormasyon,
pumunta sa:
http://www.nlm.nih.gov/medlineplus/steroids.html
11. Stimulants – nakadadagdag sa enerhiya at pagiging
alerto ng isang tao. Nagpapabilis ito ng tibok ng
puso at nagpapabilis din sa daloy ng dugo. Dahil sa
pag-abuso sa stimulants, kaunti na lamang ang
gumagamit nito bilang gamot. Para sa karagdagang
impormasyon, pumunta sa:
http://www.drugabuse.gov/publications/research-
reports/prescription-drugs/stimulants/what-are-
stimulants
12. Depression – pakiramdam ng kalungkutan na
tumatagal ng higit sa 2 linggo at nakasasagabal sa
mga araw-araw na gawain. Hindi ito senyales ng
kahinaan ng tao. Para sa karagdagang impormasyon,
pumunta sa:
28
http://www.webmd.com/depression/ss/slideshow-
depression-overview
13. Bipolar Disorder – kilala rin bilang Manic-
Depressive Illness. Sa karamdamang ito, pabagu-bago
ang mood at enerhiya ng isang tao. Nakaaapekto ito sa
pag-aaral, pagtatrabaho, o pakikisalamuha sa iba.
Para sa karagdagang impormasyon, pumunta sa:
http://www.nimh.nih.gov/health/topics/bipolar-
disorder/
14. John von Neumann Theory Prize – mula kay John Von
Neumann, ibinibigay ang parangal na ito taun-taon ng
Rajk Laszlo College for Advanced Studies sa mga taong
maimpluwensya at mayroon mga kontribusyon para sa
ikauunlad ng intelekto ng mga mag-aaral ng nasabing
institusyon. Para sa karagdagang impormasyon, pumunta
sa:
http://en.wikipedia.org/wiki/John_von_Neumann_Award
15. Non Cooperative Equilibria – isang konseptong
nadiskubre ni John Nash at 2 pang iba. Tungkol ito sa
ideyang walang isang manlalarong makikinabang sa
pagbabago niya ng kanyang galaw. Tinatawag din itong
Nash equilibrium. Para sa karagdagang impormasyon,
pumunta sa:
29
http://www.ewp.rpi.edu/hartford/~stoddj/BE/IntroGameT
.htm
16. Algebraic Geometry – pag-aaral ng mga solusyon sa
mga algebraic equation. Para sa karagdagang
impormasyon, pumunta sa:
http://www.math.purdue.edu/~dvb/algeom.html
17. Nash Embedding Theorem – isinasaad ng kaisipang
ito na maaaring mai-embed sa Euclidean space ang
bawat Riemannian manifold. Para sa karagdagang
impormasyon, pumunta sa:
http://en.wikipedia.org/wiki/Nash_embedding_theorem
18. Stroke – nagaganap kapag nagkukulang ang suplay ng
dugo at hangin sa utak. Para sa karagdagang
impormasyon, pumunta sa:
http://www.mayoclinic.org/diseases-conditions/stroke/
basics/definition/con-20042884
19. Super Bowl – taunang laro ng football sa Estados
Unidos. Para sa karagdagang impormasyon, pumunta sa:
http://www.superbowl.com
20. NBC – National Broadcasting Company ; istasyon ng
radyo at telebisyon sa Estados Unidos. Para sa
karagdagang impormasyon, pumunta sa:
http://www.nbc.com
31
BIBLIOGRAPI
1. American Accreditation HealthCare Commission (2013)
Mula sa:
http://www.nytimes.com/health/guides/disease/schizophre
nia/psychotherapy.html
2. Bengston, M. (2006). An Introduction to Schizophrenia. Psych
Central. Mula sa http://psychcentral.com/lib/an-
introduction-to-schizophrenia/000703
3. Clark, Steve. Lost and Found – Ex-Packer Aldridge Winning Life’s
Battle. Beloit Daily News. Mula sa:
http://schizophrenia.com/stories/aldridge.htm
4. Dela Mancha, Riplee (2012) Overcoming Paranoid Schizophrenia:
The Inspiring Case of John Forbes Nash Jr. Mula sa:
http://ripleeforensicpsych.umwblogs.org/2012/08/02/over
32
coming-paranoid-schizophrenia-the-inspiring-case-of-
john-forbes-nash-jr/
5. Department of Psychological Medicine, Institute of
Psychiatry, London, United Kingdom (1994). A typological
model of schizophrenia based on age at onset, sex and familial morbidity.
Acta Psychiatr Scand. 1994 Feb;89(2):135-41. Mula sa
http://www.ncbi.nlm.nih.gov/pubmed/8178665?
dopt=Abstract#
6. Flaherty AW. Movement disorders. In: Stern TA, Rosenbaum
JF, Fava M, et al., eds. Massachusetts General Hospital
Comprehensive Clinical Psychiatry. 1st ed.
Philadelphia, PA: Elsevier Mosby; 2008:chap 80.
7. Freudenreich O, Weiss AP, Goff DC. Psychosis and
schizophrenia. In: Stern TA, Rosenbaum JF, Fava M, et al.,
eds. Massachusetts General Hospital Comprehensive
Clinical Psychiatry. 1st ed. Philadelphia, PA: Elsevier
Mosby; 2008:chap 28.
8. Fromm-Reichmann, Freida M.D. (1954) The American Journal of
Psychiatry
9. Harrison, P. (1998) The neuropathology of schizophrenia. University Department of Psychiatry, Warneford Hospital, Oxford, UK. Mula sa: http://brain.oxfordjournals.org/content/122/4/593.full
10. http://en.wikipedia.org/wiki/Eduard_Einstein
11. http://en.wikipedia.org/wiki/John_Forbes_Nash,_Jr.
33
12. http://en.wikipedia.org/wiki/
List_of_people_with_schizophrenia
13. http://schizophrenia.com/history.htm
14. http://schizophrenia.com/szfacts.htm
15. http://schizophrenia.stanford.edu/
16. http://umm.edu/Health/Medical/Ency/Articles/
Schizophrenia
17. http://www.helpguide.org/mental/
schizophrenia_symptom.htm
18. http://www.mayroonoclinic.org/diseases-
conditions/schizophrenia/basics/symptoms/con-20021077
19. http://www.medicalnewstoday.com/articles/
192263.php
20. http://www.medicalnewstoday.com/articles/36942.php
21. http://www.medscape.com/viewarticle/821154
22. http://www.ncbi.nlm.nih.gov/pubmed/18092241
23. http://www.nimh.nih.gov/health/topics/
schizophrenia/index.shtml
24. http://www.pbs.org/wgbh/aso/databank/entries/
dh52dr.html
25. http://www.schizophrenia.com/newmeds2004.html
26. https://www.imhro.org/education/about-
schizophrenia/cures-schizophrenia
34
27. Huttunen, M. (1995) The evolution of the serotonin-dopamine
antagonist concept. J Clin Psychopharmacol. 1995 Feb;15(1
Suppl 1):4S-10S. Mula sa:
http://www.ncbi.nlm.nih.gov/pubmed/7730499?
dopt=Abstract
28. Kompoliti K, Horn SS, eds. Drug-induced and iatrogenic
neurological disorders. In: Goetz CG, ed. Textbook of
Clinical Neurology. 3rd ed. Philadelphia, PA: Saunders
Elsevier; 2007:chap 55.
29. Kulczyk, David (2014) Jim Gordon – The Different Drummer.
Mula sa http://www.dkulczyk.com/2014/05/
30. Lyness JM. Psychiatric disorders in medical practice. In:
Goldman L, Schafer AI, eds. Goldman's Cecil Medicine.
24th ed. Philadelphia, PA: Elsevier Saunders; 2011:chap
404.
31. Nasar, Sylvia (1998) A Beautiful Mind: A Biography of John
Forbes Nash Jr. Simon and Schuster Paperbacks, New York
32. Osborne, Martin J. (1998) Review of a Beautiful Mind by
Sylvia Nasar, Mula sa:
https://www.economics.utoronto.ca/osborne/misc/NASAR.HT
M