AKO PINAGMAMA ’ LA Y KI KONG AMERIKANO Ang mga permanent resident ay nagtataglay ng karamihan ng mga karapatan ng mga mamamayan ng Estados Unidos. Gayunman, maraming mahahalagang dahilan upang isaalang- alang ang pagiging mamamayan ng Estados Unidos. Kapag ikaw ay naging citizen, tatangapin mo ang lahat ng mga karapatan ng mamamayan. Tatanggapin mo rin ang lahat ng mga responsibilidad ng pagiging Amerikano. Ang pagiging citizen ay nagbukas ng magagandang pagkakataon para sa akin at sa aking pamilya. Ngayon ay nagagawa ko nang lubos na makapagbigay ng kontribusyon sa aking komunidad at sa bansang ito. Isinaalang-alang mo na ba ang U.S. citizenship? Karapat-dapat ka bang mag-aplay para sa U.S. citizenship? Sa pangkalahatan, dapat mong matugunan ang mga sumusunod na iniaatas: Hindi kukulangin sa 18 taong gulang. Maging isang permanent resident nang hindi kukulangin sa 5 taon.* Magpakita ng patuloy na permanenteng paninirahan sa Estados Unidos nang hindi kukulangin sa 5 taon.* Ipakita na ikaw ay pisikal na namamalagi sa Estados Unidos nang 30 buwan.* Ipakita na ikaw ay nanirahan ng hindi kukulangin sa 3 buwan sa estado o distrito ng USCIS kung saan ka nag-aaplay. Kayang magbasa, magsulat, at magsalita ng simpleng Ingles. May panimulang pag-unawa sa kasaysayan at pamahalaan (mga bagay na pangmamamayan) ng Estados Unidos. Isang taong may mabuting ugali. Magpakita ng paniniwala sa mga prinsipyo at mithiin ng Saligang-batas ng Estados Unidos. * Ang iniaatas na ito ay maaaring magbago kung ikaw ay kasal sa isang U.S. citizen. Pinili ko ang oportunidad. Pinili kong maging isang U.S. citizen. Kumuha ng karagdagang kaalaman tungkol sa U.S. citizenship. www.uscis.gov/citizenship 1-800-375-5283