LIBERDADE DE ELECCIÓN E XÉNERO NO SISTEMA EDUCATIVO ESPAÑOL 1 1. INTRODUCIÓN. Os niveis de benestar dun país e a consideración do seu desenvolvemento non só teñen que ver cos volumes de produción ou renda. Para a construción dos indicadores de benestar cada vez son tidas en conta e faise maior énfase na sanidade, a educación, a igualdade de oportunidades e a esperanza de vida. Son temas delicados debido a que hai que establecer unha ponderación para efectuar comparacións e seguir a evolución das variables. Amartya Sen é un dos grandes impulsores deste tipo de valoracións, ten desenvolvido moita da súa traxectoria adicándose á medición e consideración do benestar relacionándoo co que se dou en chamar enfoque das capacidades, unha crítica do enfoque utilitarista do benestar onde o importante son as posibilidades que ten a xente de levar a termo a vida que teñen motivos para valorar. A súa aplicación a cuestións que teñen que ver co xénero e a educación ten sido bastante frutífera, se ben moi centrada no acceso á alfabetización ou aos distintos graos da escolaridade máis a outros aspectos como puideran ser a escolla nos itinerarios educativos. As cuestións relativas ás escollas de duración e itinerario teñen sido tratadas pola Economía da Educación mediante enfoques diversos. Nun primeiro momento foi Gary Becker o que estableceu un enfoque do Capital Humano no que o individuo decidía racionalmente a duración da súa escolarización e o tipo de estudos que cursaba en función do rendemento esperado e das súas dotacións naturais para o estudo. Este enfoque foi moi criticado e dou pe a toda unha serie de novos enfoques que inciden no papel do sistema educativo na estrutura produtiva dun país, as variables que interveñen no rendemento dos alumnos, a función da oferta ou a Universidade de Santiago de Compostela POP en Integración Económica e Desenvolvemento Rexional Abilio Rodríguez Toimil.
77
Embed
LIBERDADE DE ELECCIÓN E XÉNERO NO SISTEMA EDUCATIVO ESPAÑOL (1.950 - 2.008)
This document is posted to help you gain knowledge. Please leave a comment to let me know what you think about it! Share it to your friends and learn new things together.
Transcript
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 1
1. INTRODUCIÓN.
Os niveis de benestar dun país e a consideración do seu desenvolvemento non só
teñen que ver cos volumes de produción ou renda. Para a construción dos
indicadores de benestar cada vez son tidas en conta e faise maior énfase na sanidade,
a educación, a igualdade de oportunidades e a esperanza de vida. Son temas
delicados debido a que hai que establecer unha ponderación para efectuar
comparacións e seguir a evolución das variables. Amartya Sen é un dos grandes
impulsores deste tipo de valoracións, ten desenvolvido moita da súa traxectoria
adicándose á medición e consideración do benestar relacionándoo co que se dou en
chamar enfoque das capacidades, unha crítica do enfoque utilitarista do benestar
onde o importante son as posibilidades que ten a xente de levar a termo a vida que
teñen motivos para valorar. A súa aplicación a cuestións que teñen que ver co xénero
e a educación ten sido bastante frutífera, se ben moi centrada no acceso á
alfabetización ou aos distintos graos da escolaridade máis a outros aspectos como
puideran ser a escolla nos itinerarios educativos.
As cuestións relativas ás escollas de duración e itinerario teñen sido tratadas pola
Economía da Educación mediante enfoques diversos. Nun primeiro momento foi
Gary Becker o que estableceu un enfoque do Capital Humano no que o individuo
decidía racionalmente a duración da súa escolarización e o tipo de estudos que
cursaba en función do rendemento esperado e das súas dotacións naturais para o
estudo. Este enfoque foi moi criticado e dou pe a toda unha serie de novos enfoques
que inciden no papel do sistema educativo na estrutura produtiva dun país, as
variables que interveñen no rendemento dos alumnos, a función da oferta ou a
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 2
eficiencia do mesmo. As teorías da sinalización, de segmentación do mercado de
traballo ou as teorías das actitudes dos radicais americanos foron en parte froito
deste tipo de reflexións en torno ás cuestións formuladas por Becker.
Preguntarse pola eficiencia, polas variables que están detrás das escollas
individuais son cuestións que non serán tratadas aquí, tampouco o papel que
desempeña se non avaliar a diferenza no comportamento mediante as escollas dos
itinerarios educativos, o papel que xogan as institucións coas políticas educativas de
cada período e a influenza dos roles sociais relativos ao xénero.
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 3
2. OBXECTIVOS.
Facer patentes os efectos sobre as escollas nos itinerarios escolares debidas ao
condicionamento social e máis aos obxectivos buscados pola tecedura institucional
pode ser unha tarefa en exceso complexa debido ás múltiples variables que
concorren e á propia correlación existente entre elas: O sistema de valores dos que
se dota unha sociedade inflúe nos roles asumidos polos homes e as mulleres; no
sistema educativo transmítense aqueles valores que as institucións consideran de
interese público; moitas das escollas que se fan a traveso dos itinerarios ofertados
polo sistema educativo están fortemente condicionadas polos roles debidos ao
xénero. Non sempre os obxectivos institucionais coinciden cos valores presentes
nunha sociedade, de feito os obxectivos políticos desenvolvidos a traveso do sistema
educativo poden ser reformistas, conservadores, modernizadores, democratizadores,
igualitarios, etc. As institucións forman parte da sociedade pero pretenden influír
sobre ela.
O obxecto de estudo será o das escollas a traveso dos itinerarios educativos dende
unha perspectiva de xénero para o caso español. O sistema educativo é un dos piares
institucionais das sociedades modernas e nel fanse patentes moitas das virtudes e
dos defectos que da propia sociedade. A incorporación da muller ao sistema
educativo en condicións de igualdade é relativamente recente e ata mediados do
século pasado non se comezou de feito a dar a posibilidade efectiva de que cursara
determinados estudos. A súa suxeición ao varón, pai ou marido, aínda durou máis
tempo condicionando a posibilidade de que levasen a vida que tiñan motivos para
valorar. A posibilidade de acceder a determinado tipo de estudos determina o
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 4
desenvolvemento ou non das capacidades potenciais que unha persoa ten.
Tradicionalmente a aplicación do enfoque das capacidades e a construción de
índices de igualdade de xénero se centran nese acceso e a súa medición. Non é tan
frecuente o intento de caracterizar este acceso facendo fincapé nas escollas e a súa
análise á vista do marco institucional presente en cada momento.
O obxectivo será en primeiro lugar o da avaliación das eleccións que se fan en
etapas de escolaridade non obrigatoria establecendo unha caracterización das
mesmas: a información xerada polas escollas será utilizada para a consideración das
súas diferenzas segundo o xénero baixo distintas estruturas institucionais. A partires
desta análise pódese formular a cuestión da importancia dos roles de xénero nos
distintos niveis do sistema educativo e a súa evolución a traveso de tres marcos
institucionais distintos. Esta información será utilizada para tirar conclusións sobre
a evolución dos roles e o papel dos itinerarios ofertados polas institucións.
Nun primeiro momento o Estado franquista tiña unha idea radical sobre as
funcións que no sistema produtivo debía xogar cada xénero, condicionando isto a
estrutura do sistema educativo. Co avance e modernización da estrutura produtiva
incidiuse nunha visión máis tecnocrática, máis neutra con respecto ao xénero, que a
priori debería cambiar o réxime de escollas debido a que cobraba máis peso a muller
como man de obra que como reprodutora e transmisora dos valores do réxime,
malia que o cambio foi progresivo cabe preguntarse ata que punto a sociedade
respondeu a estas influenzas?. Co paso do tempo, coa a Transición e a chegada da
Democracia as prioridades políticas no que respecta ao sistema educativo foron as
de igualdade de oportunidades sen discriminación debido á raza, xénero, relixión,
opinión, etc. Isto non relegaba a función formativa do sistema educativo, había que
educar cidadáns e formar traballadores. Aquí cabe preguntarse en que medida se
puideron ter producido cambios nas escollas, se realmente se reduciron e en que
sentido: de ter sido efectivo o sistema educativo progresivamente debería de se ter
reflectido nesas escollas das opcións que ofertaban os distintos itinerarios
educativos, ou se cadra, a forza dos roles é tal que as institucións non teñen tanto
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 5
poder como se pretende. Coa LOGSE cambiou a estrutura do sistema educativo
prolongando a escolaridade obrigatoria e establecendo modalidades distintas para
as escollas e cambiando a formación profesional, como influíu isto nas escollas?
Como afectou o rol de xénero a esta modificación de itinerarios?
En definitiva o obxecto da análise será o da caracterización das distancias de
xénero mediante a análise das escollas realizadas polos alumnos en relación coa
oferta dos itinerarios educativos a partires da Ley General de la Educación de 1.953
ata a actualidade, comparando as diferenzas entre tres momentos do tempo.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 6
3. O CONTEXTO HISTÓRICO.
O SISTEMA EDUCATIVO ESPAÑOL ANTES DE 1.953
A voluntariedade nos itinerarios que constitúen o sistema educativo comeza coa
educación secundaria; a partires dela iníciase a posibilidade de facer escollas e polo
tanto a posibilidade de análise das mesmas. Lorenzo Vicente (1.994) entende como
tres, as grandes épocas da Educación Secundaria: O Sistema Escolástico de ensino; o
Sistema Liberal de onde nace a Educación Secundaria e que ten como obxectivo a
educación da sociedade burguesa, unha educación maiormente elitista; e o Sistema
Tecnocrático que en España representa a Ley General de Educación de 1.970, se ven
xa se viñan observando anteriormente unha tendencia a ter en conta aspectos
tecnocráticos.
Na sociedade liberal a vontade de educar á sociedade tórnase nun dos seus
principios políticos. É tamén baixo o pensamento liberal cando dá comezo da
consideración da aplicación da racionalidade a asuntos públicos cun progresivo
prestixio da ciencia como vehículo para a resolución dos problemas sociais. A
función da Educación Secundaria baixo este contexto sería a de seleccionar unha
elite capaz de gobernar. Esta función selectiva ten predominado durante moito
tempo sobre calquera outra. Outra das funcións que lle outorga o Sistema Liberal é o
de inculcar e transmitir a cultura e o sistema de valores dunha sociedade a esa elite
ao tempo que é propedéutica do sistema universitario.
É no século XIX onde se sentan as bases do Sistema Educativo Español. Na
Constitución de 1812 proclámase a universalidade da educación primaria. En 1814
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 7
preséntase o Informe Quintana para desenvolver unha futura Ley de Educación, coa
intención de proclamar a universalidade, uniformidade e o carácter público e libre
da educación pero as loitas entre liberais e absolutistas, os sucesivos cambios de
goberno e a intervención das tropas francesas fan que a súa aplicación non sexa
efectiva. A Lei Moyano será aplicada baixo goberno liberal en 1857 e estará en vigor
ata 1930. Instáurase a división entre educación primaria, secundaria e superior.
A situación da muller en España durante ese período de tempo era a de unha
menor de idade que debía ser protexida. A clara demarcación dunha esfera pública
onde o home era o que articulaba o discurso e unha esfera privada e doméstica
propia da muller era xeitos de asignar lugares e roles. A muller estaba subordinada á
vontade allea e era vista como inferior, dominada polos afectos e pola súa natureza.
As súas funcións serían as de reprodución biolóxica e social, asumindo a
domesticidade como o papel que lle era propio.
No século XIX nacen as primeiras reclamacións feministas nos países
occidentais, sendo nun primeiro momento, as mulleres da burguesía que
reclamaban o seu dereito á educación e instrución, á posibilidade de desempeñar un
oficio e á independencia económica. Tamén o dereito de cidadanía e ao voto
constitúen parte destas primeiras reivindicacións. O Código Civil Español de 1889
consagra a inferioridade da muller ante o pai e o marido, só as mulleres “solas”, as
chamadas solteironas e as viúvas, teñen case os mesmos dereitos que un home. Isto
na práctica significa que para moitos actos civís, para viaxar ou para recibir atención
médica as mulleres tiñan que recibir permiso dos seus pais ou maridos. Na unidade
familiar era o marido o que decidía sobre os fillos, sobre el descansaba a patria
potestade, podía decidir o lugar do fogar marital e representaba á súa muller en
tódolos asuntos extra-domésticos.
Seguindo coa evolución do sistema educativo ata ben entrado o século XX a
función da educación secundaría é o recrutamento de aqueles que teñen como
destino conformar unha elite, está dirixida aos fillos das clases dominantes para
darlles unha formación de clase que poida conducilos á universidade.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 8
Só a Segunda República veu a remediar en parte esta situación aínda que foi por
tempo breve: a sublevación franquista e a vitoria do bando nacional fixo que fosen
derrogadas as leis que sobre a educación establecera a República e se volvese a unha
situación similar á que establecía o Código Civil de 1889.
Así ata a chegada do franquismo a lei que realmente se estivo aplicando foi a Lei
Moyano que establecía a universalidade da educación primaria tanto para homes
como para mulleres, polo tanto para nenos e nenas de entre 6 e 9 anos. Ao mesmo
tempo esta lei establecía o diferente currículo para homes e mulleres e a separación,
sempre que fose posible, das unidades escolares ás que asistían. Existía ademais
unha clara separación entre as nenas nacidas no seo de familias burguesas, que eran
educadas en cousas propias do seu sexo coa intención de que obtivesen un
matrimonio de proveito, e o resto das rapazas, que ao máximo que podían aspirar
era a aprender a ler, sendo estraño que acudisen ás aulas. A Lei Moyano neste
aspecto raramente foi aplicada.
En 1909 unha nova lei establecía a obrigatoriedade da escolarización ata os 12
anos. A estrutura do ensino seguiu a estar orientada cara ao home, as escolas
profesionais tiveron sempre unha clara orientación masculina. Creáronse as Escolas
Normais de Mestras debido a que se entendía que esta era unha labor propia das
mulleres para os primeiros graos do ensino sendo non obstante unha formación de
baixa calidade. En 1930 tódalas capitais de provincia contaban cunha escola
nacional de mestras.
A Lei Moyano tivo unha importancia moi grande debido ao longo período da súa
aplicación, nin sequera na República foi realmente derrogada pese a que había unha
nova lei aprobada debido ao complicado da situación. Sobre o papel as mulleres
podían acceder a estudos secundarios e universitarios malia que a súa presenza foi
marxinal. Á necesidade de obter o permiso paterno ou do marido uníase a obriga da
autorización do reitor e a aprobación dun informe que debía ser elevado ao
Ministerio de Fomento. Ademais, unha vez obtido o título quedaba a parte máis
complicada, o exercicio profesional. A reformas da República non poden ser tidas en
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 9
conta a efectos prácticos, a insurrección nacional establecería os principios do
nacional-catolicismo como os reitores das novas políticas educativas orientadas máis
cara ao adoutrinamento que cara a formación e educación da poboación. A muller
foi obxecto deste adoutrinamento no seu papel de nai e esposa, como educadora dos
fillos nos valores católicos, de defensa da raza e da nación. Creouse a Sección
Femenina para a formación das mulleres para o fogar nos centros de educación. A
Lei de 1945 establecía a formación universal, obrigatoria e gratuíta para toda a
poboación. Xustificouse a separación dos sexos e o obxectivo de educar ás mulleres
para o fogar. A Igrexa cobrou moito peso no sistema educativo. En paralelo creouse,
para as etapas de formación non obrigatoria, o Instituto de Ensinanzas Profesionais
da Muller en Madrid co obxectivo de formalas en traballos profesionais que eran
considerados como propios da muller.
Se ben a Ley Moyano integraba a reforma dos sistemas de ensinanzas de xeito
integral, dende a primeira ensinanza ata a educación universitaria no da reforma
franquista da educación existirá por unha banda a Ley de Reforma de la Segunda
Enseñanza, tan cedo como en 1.938, e unha posterior Ley de Ordenación
Universitaria de 1.943. no que establece o número de Facultades que rexirá ata 1.970
e o sistema de acceso.
DENDE 1.953 ATA 1.970
Ata 1.970 pode dicirse que en España o que hai é un Sistema Liberal de Ensino se
ben é a comezos dos cincuenta cando xa se comezan a mudar cara a un modelo
tecnocrático. Así, en 1.953 promúlgase a Ley de Enseñanza Media, que dividía o
bacharelato en dous ciclos, o elemental (catro cursos) e o superior (dous cursos) cun
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 10
exame por cada un dos ciclos. Ademais incorporábase un curso pre-universitario ao
cabo do cal establecíase un exame de madureza. Esta nova estrutura do bacharelato
posibilitou a súa progresiva democratización debido a que o grao elemental daba a
posibilidade de obter o título que proporcionaba a cada a paso maiores capas de
poboación, un título que a cada paso era máis esixido para acceder a moitos postos
de traballo. A demanda educativa era superior ás infraestruturas das que dispoñía o
Estado. Nos anos sesenta a sociedade española cambiou grandemente, o sistema
produtivo requiría outro tipo de formación de base e de posibilidades de
especialización do conxunto dos traballadores. A apertura ao exterior, o turismo e a
emigración fixeron que se dera un salto cualitativo nesta década.
Respecto da Universidade segue a manter a mesma estrutura que coa lei de 1.943
se ben se van incorporando escolas técnicas ao ensino superior que teñen un
estatuto especial posto que non están adscritas a ningunha Facultade. Co paso do
tempo a Universidade gaña en autonomía e modernización pero non é tanto debido
a modificacións legais como á propia transformación da institución influenciada
pola propia evolución social.
DENDE 1.970 ATA 1.990
O despegue económico fai que o tradicional sistema dual se transforme en algo
moito máis complexo, cunha proletarización das clases medias e unha maior
concentración do poder político e económico. En 1.970 é cando se concreta
politicamente unha transformación do sistema educativo español introducindo os
principios de igualdade de oportunidades, selección en función das aptitudes,
participación, fomento do nivel de vida a traveso da educación, planificación, etc.
Incorpóranse formulacións pedagóxicas que xa viñan aplicando outros países
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 11
europeos, en consonancia co establecemento dunha educación comprensiva e xeral,
créase a E.X.B, o chamado trono común, establecéndose o mesmo currículo para
todos ata os catorce anos. Non só se xeneraliza a educación primaria se non tamén a
secundaria pasando a un sistema que establece outro tipo de desigualdades: a chama
meritocracia. Tamén se modifica o mapa universitario dotando de certa autonomía
á Universidade sobre todo no referido á docencia e á investigación. Os
departamentos eríxense como as unidades docentes fundamentais de ensino e
investigación creando a figura do director de departamento elixido polo reitor.
Nesta reforma é cando se comeza a formular con seriedade a formación
profesional institucionalizándoa, facendo dela algo estruturado e regrado.
Considéranse tres tramos para a mesma, cada un deles como un complemento para
aqueles que non queiran continuar estudos na súa etapa correspondente: FP1 para
os que despois de remataren a EXB decidan non seguir coa vía máis académica, a
FP2 para os que fagan o mesmo ao rematar o bacharelato, e unha FP3
correspondente aos que rematen un ciclo corto universitario1. Houbo presión dende
determinados sectores sociais contra a súa aplicación e acabou por ser un sistema
paralelo ao bacharelato onde acababan os que fracasaban na EXB, eliminouse a FP3;
na FP2 acabaron o 90% dos que comezaban na FP1. Creouse un sistema de dúas vías
de ensinanzas post-obrigatorias constituíndose un sistema dual. O sistema de
marxinación coñecía outra variante: os que non conseguían o Graduado Escolar e se
vían obrigados a matricularse na FP1 caían con frecuencia do sistema educativo con
taxas de fracaso escolar nesta modalidade que chegaron ao 30%.
En 1.983 promúlgase a Ley de Roforma Universitaria (LRU)
[http://www.lacuestionuniversitaria.upm.es/web/articulo.php?id_articulo=22] que
trata de adaptar as ensinanzas universitarias ao novo marco institucional que nace
da Transición. Mediante ela é posible o proceso de descentralización dotando de
unha maior autonomía á institución, non só docente e investigadora se non tamén
no que corresponde á xestión dos recursos e ao financiamento. Ademais pon fin aos
1 Sacado de Merino.
Universidade de Santiago de CompostelaPOP en Integración Económica e Desenvolvemento Rexional
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 12
restos que aínda quedaban do Sistema Liberal de Educación no sistema universitario
español democratizando os procesos de elección e goberno.
DENDE 1.990 ATA A ACTUALIDADE
No 1.990 promúlgase a LOGSE, a reforma do sistema educativo máis profunda
da historia da democracia. Neste apartado tratarase só da LOGSE debido a que a
LOCE, do ano 2.002, está aínda en proceso de aplicación e non supón un salto
cualitativo nin a modificación substancial dos itinerarios nos anos considerados.
A LOGSE introduce unha elevación na idade de escolarización obrigatoria ata os
dezaseis anos e o establecemento de dous anos de bacharelato onde comeza a
posibilidade de efectuar escollas. De xeito semellante a como facía a LGE de 1.970
establece na etapa non obrigatoria dúas vías paralelas e de itinerarios conectados
constituídos polo bacharelato e a formación profesional neste caso chamados Ciclos
Formativos de Grao Medio (CFGM) e Ciclos Formativos de Grao Superior (CFGS).
Ao primeiro pódese acceder ao remataren a ESO e ao segundo unha vez finalizado o
bacharelato. Nun primeiro momento non estaba previsto a posibilidade de acceder
aos CFGS directamente dende os CFGM pero en última instancia habilitouse esa
posibilidade. Ademais institucionalízase unha vía para o fracaso escolar: créanse os
Programas de Garantía Social (PGS) para aqueles que non son quen ou non queren
finalizar a ESO. A prolongación da obrigatoriedade da escolarización ata os dezaseis
anos fai que nos mesmos grupos escolares coincidan alumnos con intereses,
actitudes e aptitudes a cada paso máis diverxentes polo que os PGS teñen sido
formulados como unha vía de escape para aqueles que non se adaptan a un mínimo.
Un dos obxectivos da LOGSE con respecto á formación profesional era dotala de
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 13
flexibilidade para que se puidese adaptar facilmente ás necesidades dos mercados de
traballo para proporcionarlle un maior prestixio e atractivo. Isto ten sido conseguido
dun xeito parcial. Ao tempo incorpóranse aos itinerarios educativos os bacharelatos
de réximes especiais como son os bacharelatos artísticos e unha maior oferta das
materias opcionais que son impartidas.
Ademais establécese un sistema descentralizado que faga máis efectiva a cesión
das competencias ás comunidades autónomas e a posibilidade de estableceren o
ensino das linguas co-oficiais nas comunidades que así o teñan determinado. O
establecemento de contidos transversais, a formación en valores e a flexibilidade
docente son outros dos eixos que impulsan a reforma.
Os críticos coa reforma inciden na teoría das dúas vías como xeito de
discriminación e explican como se está a instaurar un duplo sistema profundando a
distancia entre ensino público e privado, establecendo a precariedade do ensino
público. A reforma dos setenta e a chegada da Democracia supuxo un investimento
moi importante en infraestruturas públicas e en contratación de profesorado, a
LOGSE, segundo esta visión, abre o mercado educativo a intereses privados,
facendo, mediante o desinvestimento no público, máis atractiva a educación privada
para aqueles que poden pagala. Critícase tamén a orientación educativa, que non
forma, se non que fai o mínimo para que a poboación en idade escolar poida servir
como man de obra barata.
No que respecta ao sistema universitario no 2.001 apróbase a Ley Orgánica de
Universidades (LOU), lei polémica e que dividiu á comunidade universitaria pero
que respecto a o que son os itinerarios educativos non supuxo grandes
modificacións.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 14
4. O MARCO TEÓRICO.
O enfoque das capacidades desenvolvido por Amartya Sen deriva do diálogo en
torno a cuestións de benestar, xustiza e equidade que mantivo Sen durante toda a
década dos 70 principalmente con John. K. Arrow e máis con John Rawls. Non se
trata no presente estudo de analizar a xenealoxía do enfoque do economista hindú se
non de aplicar o desenvolvemento do mesmo ao caso da discriminación por cuestión
de xénero e á súa evolución, entender primeiro os distintos elementos que o
conforman para seleccionar as variables que poidan explicar mellor esa evolución á
vista do marco lóxico no que se inxire este traballo.
Unha das aplicacións máis frutíferas das ideas de Sen estase a levar a termo a
traveso de estudos de xénero. É moi importante dende esta perspectiva a obra de
Martha Naussbaum, filósofa política, e dende unha perspectiva máis achegada á
Economía Política cabe mencionar a autoras coma Ingrid Robeyns, Otto, Ziegler ou
Walker.
O enfoque é normativo, Ingrid Robeyns (jhd páx 2), no sentido de que considera
o rango das capacidades das persoas como un indicador do benestar das mesmas,
sendo a liberdade positiva que pode ser desenvolvida dependente dese rango de
capacidades. O benestar e o desenvolvemento haberán de ser considerados a
partires de aquí como dependentes das capacidades: as posibilidades de obter un
traballo digno e descansar; o acceso á sanidade, á auga potable, á mobilidade, etc
son elementos aos que atende este enfoque debido á relación que gardan coa
ampliación dese rango de capacidades do que fala Sen e que incide nun maior
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 15
benestar.
Outro concepto que se articula a xogo coas capacidades é o de funcionamentos:
serían as realizacións que as capacidades permiten: cada vez que imos ao médico,
que haxa un vinte por cento de mulleres que escollen un determinado ciclo
formativo, ou coller ou non unha bicicleta ofrecida polo programa concreto dun
concello. A diferencia entre capacidade e funcionamento sería unha cuestión de
concreción: calquera muller pode escoller un ciclo formativo de mecánica, e de feito
hai mulleres que o fan, malia que realmente os funcionamentos derivados desa
posibilidade son máis ben limitados: hai menos de un 5% de mulleres nos ciclos
formativos de mecánica do automóbil. A énfase nas capacidades e non nos
funcionamentos deriva (jhd páx 9) de que non coincidindo nos funcionamentos
desenvolvidos dúas persoas poder ter a disposición as mesmas capacidades,
diferenciándose só unha da outra na escolla que teñan feito debido a valoracións
distintas do que consideran bo para a súa vida. É aquí onde se desprega a
problemática da consideración da liberdade das persoas (otto ziegler 3). A liberdade
para a consecución da vida que as persoas teñen motivos para valorar é central no
enfoque das capacidades, a liberdade considerada como referida ao benestar é
reflectida en termos de funcionamentos e capacidades (no seu rango ou amplitude
de posibilidades que presenta) e na diferenza entre ambos (jhd 11).
Un dos maiores problemas derivados da aplicación do enfoque das capacidades
deriva precisamente de entrar no xogo do que a liberdade é. Por unha banda a
propia liberdade dos individuos para escoller é boa en si mesma e posibilita o
benestar e que poidan vivir con dignidade; pola outra se estudamos o xeito en que se
comportan eses individuos vemos que podemos realizar clasificacións atendendo a
determinados atributos, como pode ser precisamente o do xénero. Se a escolla queda
condicionada socialmente é complicado falar de liberdade ou considerar os
funcionamentos bos en si mesmos. O nivel no que consideremos os funcionamentos
é neste momento do desenvolvemento teórico moi importante: considerar que o
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 16
obxecto da nosa análise é o individuo en si mesmo é moi distinto de considerar o
obxecto da tal un agregado de individuos que se definen por unha característica
común; a consideración da agregación das funcionalidades subdesenvolvidas por ese
conxunto fai que esa liberdade da que estamos a falar cobre un significado distinto.
Segundo esta concepción a formación das preferencias, a socialización e o impacto
das normas sociais sobre os colectivos entran en xogo, forman parte do escenario da
análise, xa non asumidas como algo inherente. (otto e ziegler 6) É interesante a
postura de Otto e Ziegler ao respecto debido a que combinan o concepto das
preferencias condicionadas co concepto bourdiano de capacidades xerativas de
disposicións: aquelas capacidades socialmente constituídas. Así as capacidades
positivamente valoradas son producidas socialmente, son polo tanto obxecto de
condicionamento social. Baixo este contexto a liberdade non sería o mero grao de
presencia ou ausencia de coerción dos outros, conceptualízase maiormente como o
ámbito e o grao no que as persoas son quen de decidir sobre aquelo que desexan ser
ou facer e polo tanto como o rango de opcións posuídas. A pertenza a un grupo
determinado, sexa este unha clase social, unha etnia ou a adscrición a un xénero
pode modular ese rango de opcións e a posibilidade de desenvolvemento das
capacidades posuídas.
Ademais das capacidades condicionadas está o problema da adaptación das
preferencias, que fai referencia ao feito de que as persoas adáptanse a circunstancias
que son obxectivamente desfavorables. As preferencias que desenvolve un axente
non só se constrúen a traveso das normas sociais se non ademais se adaptan ás
oportunidades que se lle presentan. (otto ziegler 8). Debido a isto dende o enfoque
das capacidades critícase calquera intento de avaliación subxectiva da satisfacción
persoal en situacións de privación. Os indicadores baseados nas opinións dos
afectados por situacións de privación ou carencia constante poden, nese contexto,
apuntar a conclusións sistematicamente erróneas. A influenza do que Bourdieu
chama “matriz social” -esas relacións que na interacción do día a día dan por se
inscribir na mente das persoas- non pode ser obviada se o que se trata é de analizar
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 17
as avaliacións que a xente fai sobre o que é bo ou malo nas súas vidas ou de analizar
o tipo de decisións que acaban por tomar, o que se chama o sentido do propio lugar
que un debe ocupar na sociedade e como se debe sentir, e onde o feito de que as
persoas sexan excluídas de determinados ámbitos conduce a que esas persoas dean
en efectivamente auto-excluírse deses ámbitos pensado que o seu lugar é outro.
Unha vez establecido o marco lóxico que se aplicará convén explicitar as
hipóteses coas que se traballará á hora de estudar as diferenzas debidas ao xénero.
Seguindo a Robeyns (dp2004 páx 6) establécese como primeira hipótese que as
principais diferenzas per se debidas ao xénero son o feito de que as mulleres son
quen de concibir e que en promedio os homes teñen unha talla, un peso e unha
capacidade para desenvolver forza nun instante concreto superior ás mulleres. Polo
demais a maior parte das desigualdades asignadas ao atributo de xénero son debidas
a causas que teñen que ver con roles asumidos polos distintos axentes e producidos
socialmente, incluso aquelas que fan referencia a factores biolóxicos. Na maioría das
desigualdades de adscrición2 son xeradas en lugares públicos, como poden ser os
mercados de traballo ou os mercados da vivenda, no caso do xénero estas son
producidas no fogar, por fóra do mercado. Así resulta posible medir con certa
precisión a desigualdade debida a cuestións raciais ou de xénero no lugar de traballo
pero non é tan fácil concretar as xeradas no fogar, tódalas súas consecuencias e até
que punto chegan.
Robeyns argumenta que sobre as diferenzas na educación debidas ao atributo de
xénero, basicamente poden ser sostidas dúas posturas: pódese, e de feito faise de
cote, argumentar que existe igualdade legal entre homes e mulleres e que polo tanto
teñen a mesma capacidade para escoller un itinerario ou outro, esforzarse máis ou
menos, ou investir máis en educación ou menos, polo tanto as diferenzas observadas
nos resultados na educación son debidas ás distintas preferencias, por exemplo á
maior preferencia das mulleres por ter fillos e coidar deles ou por exemplo que
2 Explicar o que significa en socioloxía desigualdades de adscripción: ascriptive inequalities.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 18
aceptan salarios máis baixos porque a utilidade derivada de cada unidade monetaria
adicional é menor. Este tipo de enfoques son os relacionados coas teorías do Capital
humano de Gary Becker.
Outro xeito de velo derivado dun outro marco lóxico, neste caso o do enfoque das
capacidades, consiste en considerar que os diferentes resultados arroxados por
distintos grupos, e que se plasman en distintos funcionamentos, están a reflectir
unha desigualdade nas capacidades deses distintos grupos. Así, e no caso que nos
ocupa, se observamos que os resultados para homes e mulleres nunha universidade
onde non se preocupan só polo estudo se non tamén pola práctica do deporte, e na
que a práctica do atletismo é moi popular, na que por exemplo nos cen metros os
resultados dos homes son sistematicamente mellores que os das mulleres, segundo
Robeyns estes resultados están a reflectir, baixo as hipóteses que se teñen asumido
no presente traballo, diferenzas nas capacidades entre homes e mulleres debido á
súa distinta constitución biolóxica, sen embargo, se estes resultados son
sistematicamente diferentes no que respecta aos seus resultados académicos están a
reflectir desigualdades nas capacidades das que se dispón pero neste caso derivadas
dun distinto condicionamento social, posto que como di Anne Philips, nas diferenzas
observadas entre grupos se temos igualdade de oportunidades os resultados
observados entre estes grupos deben converxer. Esta é outra hipótese coa que se
traballará para tirar conclusións no presente documento.
Ademais é importante neste punto resaltar a información que servirá de base
avaliadora. O realmente constitutivo das posibilidades que ten un individuo para
levar a vida que el considere como valorable é o nivel das capacidades das que
dispón. Estas capacidades, no presente caso as dos grupos constituídos en base ao
atributo do xénero, non so indirectamente observables, son un concepto teórico que
non é fácil de plasmar; do que si se pode é obter algunha evidencia mediante a
construción dos indicadores axeitados dos funcionamentos que desempeñan estes
grupos de axentes. Estes funcionamentos poden ser considerados como un espello
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 19
que indirectamente dá unha imaxe das capacidades das que están a gozar en cada
momento os distintos grupos aos que se está a facer referencia. Así, unha
desigualdade significativa nos funcionamentos desempeñados estará a indicar unha
desigualdade das capacidades das que dispón cada grupo.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 20
5. OS DATOS.
Para xustificar os datos que se tiveron en consideración e o seu tratamento hai
que ter en conta o marco teórico que se ven de describir: Sobre o que normalmente
se fai fincapé dende o enfoque das capacidades é sobre os niveis de participación nos
distintos niveis do sistema educativo, así como sobre o distinto rendemento
académico de homes e mulleres en determinadas áreas académicas: ciencias, letras,
matemáticas ou sobre as actitudes competitivas e cooperativas, sendo un exemplo
deste tipo de preocupacións o Informe PISA que cada tres anos elabora a OCDE e
que constitúe unha base de información moi rica para o establecemento e
comparación de diferenzas dos sistemas educativos dun amplo abano de países, non
só os pertencentes á propia OCDE. É menos frecuente dende o enfoque das
capacidades centrarse no tipo de escollas que fan homes e mulleres; neste sentido
normalmente faise referencia á xa clásica preferencia das mulleres polas opcións que
teñen que ver cos coidados ás persoas, as letras, a educación ou con estudos
conducentes a profesións asociadas ás mulleres como as de coidados persoais. No
que respecta aos homes a preferencia polos itinerarios de carácter técnico, abstracto,
ou os estudos conducentes a profesións asociadas a roles masculinos: mecánica,
madeira, electricidade, etc.
Despois de buscar na literatura á que se tivo acceso e que fixera referencia ao
enfoque das capacidades referido á educación dende unha perspectiva de xénero non
se encontrou ningunha proposta sobre indicadores que caractericen as diferenzas
nas escollas debidas ao xénero. Pasouse polo tanto á construción de dous
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 21
indicadores desas diferenzas que, ante a imposibilidade de xustificalos mediante a
referencia a algún especialista na materia, ha de selo mediante a aplicación da lóxica
que proporciona o enfoque.
A unidade que se toma para a análise é a dos alumnos matriculados nos centros
educativos do Sistema Educativo Español. Outra posibilidade sería ter en conta
alternativamente aos alumnos que tivesen superado con éxito os cursos de
referencia pero debido que a análise refírese ás preferencias ao longo dos itinerarios
considerouse máis adecuada a primeira xa que aquí non se está a considerar o
rendemento ou o éxito se non a escolla.
O ámbito dos datos abrangue dende o momento no que os alumnos teñen
capacidade de escolla dentro do itinerario educativo que van percorrendo. Ademais
requírese que se trate de tramos do itinerario educativo non propedéutico para que a
escolla que realizan os alumnos teña un carácter finalista, non conducente a escollas
posteriores, ou polo menos que parcialmente posúa esta característica. Así, dentro
da primeira etapa considéranse dentro da análise as modalidades de bacharelatos
existentes, tendo en conta ademais a pouca variedade de estudos ofertados dentro
dos itinerarios das segundas ensinanzas nesa etapa en concreto, aportando estes
datos nesa época unha mínima riqueza requirida para a análise; na segunda e
terceira etapas consideradas o bacharelato non entra como obxecto da análise dado
o seu carácter propedéutico tanto cara aos estudos superiores como cara aos
Módulos Formativos de Grao Superior, onde finalmente o alumno concreta a súa
escolla dentro dun abano moito máis amplo de posibilidades.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 22
DATOS DISPOÑIBLES:
Os datos de que se dispoñen sobre as escollas nos itinerarios do sistema
educativo español son fragmentarios. Na táboa 1 preséntase un resumo das fontes
das que se dispoñen e da súa amplitude cronolóxica.
Tódalas fontes das que se dispón teñen como referente o INE ou o Ministerio de
Educación; condicionan a metodoloxía a utilizar, que non poderá ser uniforme para
tódolos períodos debido a que o nivel de agregación non é igual para tódalas series;
ademais os cambios nos itinerarios educativos debidos ás mudanzas lexislativas
tamén están a condicionar a análise. Tratarase na medida do posible de empregar
datos co maior nivel de desagregación e de que a metodoloxía respecte unhas
coordenadas de sentido que serán explicitadas en breve.
Para cada unha das etapas establecidas disponse dos seguintes datos:
1ª Etapa. (1.953 – 1.969)
A correspondente á etapa franquista onde o sistema educativo está estruturado a
traveso da Ley de Ordenación de la Enseñanza Media de 1953. O bacharelato era a
parte central deste sistema e dividíase en tres módulos de catro, dous e un curso con
cadansúa proba de grao e unha proba de madureza. Existía un bacharelato técnico
no último curso. Ademais foron establecidas unha serie de escolas técnicas, casas de
oficios, e cursos non universitarios conducentes a distintas titulacións.
A este respecto os datos dispoñibles fan que sexa posible avaliar o grao de
presenza das mulleres no bacharelato pero non a dos itinerarios educativos que
posteriormente se establecerán no mesmo. Un xeito de avaliar a presenza das
mulleres nestes itinerarios e mediante a súa presenza nas escolas técnicas e nalgúns
dos módulos de Formación Profesional Industrial.
Respecto das carreiras universitarias si existen datos para varóns e mulleres pero
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 23
non están desagregados por carreiras propiamente se non polas sete facultades que
había establecidas; algunha das facultades si correspondía a unha carreira e outras
acubillaban varias: Ciencias (Bioloxía, Física, Xeoloxía, Matemáticas e Química);
Ciencias Políticas, Económicas e Comerciais (Económicas e Políticas); Dereito;
Farmacia; Filosofía e Letras (Filoloxía Clásica, Moderna, Románica, Semítica,
Filosofía, Historia, Historia de América e Pedagoxía); Medicina e Veterinaria.
Ademais existían outros estudos superiores que non estaban acollidos a
ningunha facultade se non que se cursaban nas Escolas Técnicas e as Escolas
Técnicas Superiores, cos títulos de Arquitectura e nove enxeñerías. Os datos dos que
se dispón non desagregan entre varóns e mulleres, desculpándose os autores do
informe no escaso número de mulleres que existían nas mesmas. Non obstante
existe un xeito de estimación desta cifra. Considerouse a posibilidade de non incluír
as carreiras técnicas nesta parte do estudo pero a distorsión resultante da súa non
inclusión á hora de comparar os datos cos dos anos oitenta en diante é maior que a
que pensamos que ocasiona a súa estimación indirecta polo que se pasan a incluír
estas carreiras: O informe reporta o número de mulleres matriculadas no curso de
1.965/66 para as Escolas Técnicas e as Escolas Técnicas Superiores, ademais
disponse do número de alumnos matriculados nas Escolas Técnicas de Grao Medio
(ETGM) desagregados por sexo para tódolos anos da serie. O que se fixo foi
construír un índice en base cen3 cos alumnos matriculados nas ETGM e aplicalo ás
cifras que reporta o informe para o curso de 1.965/66 construíndo a serie a partires
dese curso de referencia. A distorsión que se poida producir non é moi grande
debido ao escaso número de mulleres que conformaban estas carreiras; a inclusión
destes itinerarios aporta unha idea do grao total de diferenza nas opcións segundo o
xénero.
3 Con 100 igual aos datos aportados para o curso 65/66.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 24
2ª Etapa. (1.970 – 1.989)
A Ley General de Educación de 1.970 estrutura o sistema educativo dun xeito
moi parecido a como é na actualidade. Tívose acceso a datos referidos aos itinerarios
universitarios, desagregados por titulacións e tirados de dúas fontes: existe para este
período datos do curso 82/83 ata o 86/87reportando a serie 54 carreiras
universitarias distintas froito do proceso modernizador que supuxo a LGE do 1.970.
Para a Formación Profesional só se dispón de datos para dous cursos, o 85 – 86 e o
87 – 88, que é realmente pouco pero que permite fixar un punto no espazo para
poder comparalo coas series actuais.
3ª Etapa. (1.990 – 2.007)
A LOGSE marca esta etapa. É a da aplicación da ESO e da extensión da
obrigatoriedade da escolarización ata os 16 anos. Tamén é a reforma educativa que
incorpora un gran abano de titulacións na formación profesional facendo estas máis
flexible de xeito que se poidan adaptar ás necesidades do sistema produtivo en cada
momento. Coincide coa incorporación de unha grande gama de titulacións
universitarias e o comezo na incidencia da orientación cara ao mercado da
universidade.
Para esta etapa a partires do ano 2.000 dispóñense de tódolos datos de
matriculados para tódalas titulacións a traveso da web do Ministerio de Educación.
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 25
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
1.950 2.007
Ley de Ordenación de la Enseñanza Media De 1953
1.953 1.970Ley General de
Educación de1.970
LOGSE (1.990)
1.990
Fontes de datos e amplitude das mesmas:
1. Comisión de enseñanza y formación Profesional.(1.970).Datos sobre o bacharelato e ensinanzas técnicas dende o curso 1.950/51 ata o 1966/67.
2. Comisión de Enseñanza y Formación Profesional (1.979) Datos sobre estudos universitarios dende 1.955/56 ata o 1.965/66.
3. Ministerio de Eduación y Ciencia, Centro de Publicaciones, (1989)Datos para matriculados universitarios dende o curso1.982/83 ata o 1.986/87
4. Almarcha y González (1994). Distintos datos sobre xénero na universidade dende 1982/83 ata 1.986/87; datos sobre matriculadosPara o curso 89/90.
5. Ministerio de Educación, datos da páxina web. Para ensinanzas Universitarias e non universitarias: dende o curso 2.000/01 ata o 2.006/07.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 26
O TRATAMENTO DOS DATOS
Para o enfoque das capacidades son importantes dende un punto de vista teórico
o acceso e o rango, entendido este como o abano das posibilidades de que se dispón.
Dende un punto de vista individual pode é importante acceder á educación, e unha
vez que se accede ter a posibilidade de que o rango de opcións sexa amplo. Dende un
punto de vista colectivo a medición e comparación dese acceso e a amplitude das
escollas realizadas aproximan o rango das capacidades das que se dispón polo feito
de pertencer a ese colectivo. É polo tanto importante medir a presenza e a
distribucións das eleccións que se fan.
Medirase a participación nos diferentes itinerarios do sistema educativo
mediante a porcentaxe de matriculadas en cada un deles desagregando por homes e
mulleres.
Para a consideración da diferenza nas escollas efectuadas a traveso dos
itinerarios consideráronse diversas medidas de distancia para poder comparar as
distintas épocas e tramos educativos. Debido a que existen itinerarios con presenzas
desiguais dende o punto de vista do xénero considerouse apropiado relativizar as
escollas, analizando as escollas feitas por cada cen homes e por cada cen mulleres.
Tivéronse en conta dúas preguntas a seren contestadas: “Que diferentes son as
escollas das mulleres con respecto ás dos homes?” e “Cal é o rango das escollas de
cada un deles?”. O rango está relacionado coa diferenza pero constitúen cuestións
diferentes: na primeira hai que comparar a porcentaxe de cada unha das eleccións
para homes e mulleres e establecer unha medida desa distancia. Na segunda se trata
de considerar o grao de concentración das escollas en torno a poucas ou moitas
titulacións.
Para contestar á primeira pregunta foron consideradas o cadrado da Distancia
Euclidiana e a Distancia Manhattan; finalmente optouse por esta última debido a
que os valores que toma non se ven alterados polos valores das porcentaxes
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 27
-superiores ou inferiores a un-. A Distancia Euclidiana eleva primeiro ao cadrado a
diferenza para facer logo o sumatorio e posteriormente a raíz cadrada desa suma. A
Distancia Manhattan está constituída pola suma do valor absoluto das diferenzas
para cada opción. Debido a que neste estudo se traballa coas porcentaxes das
escollas para cada titulación este índice está acoutado entre dous centos -máxima
diferenza- e cero -identidade nas opcións. A esta medida de disimilaridade
chamaráselle Índice de Disparidade ou Índice Manhattan.
Para contestar á segunda pregunta recorreuse a un índice clásico na medición de
desigualdades: o Índice de Gini. Este proporciona unha medida de desigualdade na
distribución que normalmente se aplica á renda. Neste caso o que se fai é medir
canto de concentradas están as escollas en torno ás opcións máis populares. Neste
caso non se comparan as distancias nas titulacións dúas a dúas se non que primeiro
se ordenan as titulación de menos popular a máis popular para despois calcular esa
desigualdade para homes e mulleres. Un dos defectos da aplicación deste índice para
o caso das escollas nos itinerarios educativos é que para itinerarios onde a oferta é
moi grande pode existir unha serie de titulacións moi pouco demandadas que poden
distorsionar a medida xeral do índice, onde un defecto na oferta afecta a unha
medida da demanda. Esta distorsión afecta á comparación entre distintos itinerarios
pero non á comparación entre os homes e as mulleres que realizan o mesmo
itinerario. A falta de tempo impediu que se adoptase algún tipo de medida
correctora, como podería ser o establecemento dalgún criterio que eliminase as colas
das series ata un valor determinado. O que se fixo foi adicionar as gráficas
correspondentes para ter unha medida visual da distancia dos elementos centrais e
superiores da serie, que neste caso son os máis significativos. Ademais a utilización
dos diferenciais entre os valores tomados por alumnos e alumnas para a
comparación é tida en conta sendo un elemento que apenas se ve distorsionado por
esta circunstancia.
Deste xeito hai que ter en conta que os estudos superiores preséntanse mediante
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 28
a clasificación CNED4 que establece cincuenta e sete agrupacións distintas para os
estudos superiores, na formación profesional chegaron a existir setenta e tres
módulos entre os que escoller nalgúns dos cursos dispoñibles, non baixando nunca
de cincuenta. Para os anos oitenta cóntase con datos agregados por ramas
profesionais: vinte e unha. Para o caso do bacharelato a partires da reforma da LGE
do 1.970 non se considera a súa análise en canto ás escollas efectuadas por xénero.
En primeiro lugar porque cambia o seu carácter dende o punto de vista do alumno:
nos anos cincuenta e sesenta adquiriu en moitos casos un carácter de finalidade:
como xa se comentou moitas veces a obtención do título de bacharel elemental ou
superior era necesaria para acceder a moitas profesións e converteuse naquela época
en algo equiparable a outros títulos expedidos tamén no tramo de ensinanzas
medias. Ademais o mapa escolar neste tramo era moi confuso, non había unha
formación profesional definida, había estudos, como o de Maxisterio, que
posteriormente foron elevados ao rango de superiores, títulos de grao medio
técnicos, escolas de capacitación, etc.
Ademais, se comparamos esta situación coa que se dou con posterioridade a
1.970, temos un bacharelato que pasa a ter un carácter propedéutico: é unha ponte
conducente cara aos estudos superiores, principalmente. Coa reforma que trouxo a
LOGSE toma peso tamén a opción de cursar mediante o bacharelato Ciclos
Formativos de Grao Superior. Isto implica, dende o meu punto de vista, que onde
realmente se concretan as escollas e especializacións, onde as tomas de decisións se
fan definitivas a partires de 1.970 é na formación profesional e na universidade.
Antes de 1.970 moitas das escollas de carácter definitivo remataban no bacharelato.
Por estes motivos para antes de 1.970 nas segundas ensinanzas se analizan as
escollas dun conglomerado de titulacións, as recollidas nese apartado no informe do
que se obteñen os datos5. Para etapas posteriores, sen deixar de analizar aspectos
que poidan ser de interese sobre o bacharelato, como poden ser a participación,
4 Clasificación Nacional de Educación establecida polo INE para harmonizar o tratamento de datos no sistema educativo.
5 Comisión de Enseñanza y Formación Profesional (1.969)
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 29
analizaranse as escollas referentes á formación profesional e ás carreiras
universitarias.
Por último acudirase á análise das titulacións que máis aportan para as
diferenzas entre os xéneros mediante as listaxes das opcións dos distintos itinerarios
nas que haxa unha diferenza máis pronunciada entre as opcións feitas polas
mulleres e as dos homes coa intención de caracterizar esas diferenzas.
ANÁLISE DOS DATOS
Análise da 1ª etapa. (1953 – 1969)
As táboas 1 e 2 corresponden á representación dos matriculados nos cursos de
segundas ensinanzas dende o 1955/56 ata o 1966/67. Inclúense como segundas
ensinanzas titulacións que posteriormente pasarán a considerarse como de
ensinanza superior, como é Maxisterio, debido a que en aquel período non formaba
parte dos estudos universitarios. Ademais non estaba aínda consolidada a formación
profesional como se poderá entender esta a partires da lei de 1.970, polo que se
inclúen estudos que son propiamente de formación profesional, como son a
Formación Profesional Naútico-pesqueira, ou a Formación Profesional Industrial e
outros que son de difícil clasificación. Están ademais o Bacharelato Xeral, o Técnico,
os estudos conducentes á obtención do título de técnico de grao medio -daban a
posibilidade de estudar con posterioridade nas Escolas Técnicas-, as Escolas de
Comercio e os Axudantes Técnicos Sanitarios. Todo xunto forma un conglomerado
que non se corresponderá coa análise dos estudos de segunda ensinanza que serán
analizados na segunda e terceira etapas. De tódolos xeitos a análise, sendo datos dos
anos cincuenta e sesenta, é valiosa como contraste co que sucederá despois e como
constatación da importancia que ten o tipo de oferta educativa realizada polas
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 30
institucións.
O alumnado matriculado no Bacharelato Xeral cuadriplícase nos dezaseis cursos
que van de 1.950 ata 1.966. O incremento do número de alumnas é superior ao de
alumnos, polo que o número de mulleres pasou de significar un 35% no curso 51 –
52 a un 42% no 66 – 67. Respecto ao Bacharelato Técnico este estaba composto
polas ramas Agrícola-Gandeira, Industrial-Mineira, Marítimo-Pesqueira e
Administrativa. A modalidade Administrativa era a única que podía ser cursada
polas mulleres en centros da Organización Sindical. Non se dispón de desagregación
por ramas do Bacharelato Técnico pero si consta6 que a rama Administrativa estaba
formada só por mulleres, polo tanto a porcentaxe de mulleres que figura na táboa
ofrece o número de mulleres matriculadas nesa rama en particular. Faise patente a
división por xénero establecida polo réxime para o tipo de profesión que debían
cursar os homes e as mulleres.
Ademais había unha serie de modalidades de formación profesional que tamén
foron incluídos na táboa 1 de ensinanzas medias; non se fixo isto coa formación para
adultos. A formación industrial tiña os graos de aprendizaxe e mestría e dela estaban
excluídas as mulleres. Están incluídas as tres modalidades que había.
A táboa 1 recolle a evolución da porcentaxe de mulleres matriculadas en cada
unha das unidades educativas de ensino secundario. A unidade educativa onde máis
medra a súa presenza é no bacharelato técnico, que daba acceso a determinado tipo
de carreiras bastante demandadas polas mulleres como son algunhas das científicas
ou Enfermería, pasa do 31% de presenza feminina ao 42%. Tamén se producen
incrementos salientables nos estudos conducentes á obtención do título en auxiliar
técnico sanitario, onde o grao de feminización é asoballante: pasa do 72% ao 83%.
Por outra banda estudos como os de maxisterio, tradicionalmente feminizados,
diminúen algo en presenza de mulleres. As Escolas de Comercio e o Bacharelato
Xeral manteñen unha certa constancia, o primeiro á baixa e o bacharelato á alza.
6 Comisión de Enseñanza y Formación Profesional (1.968), páx 47.
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 31
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 32
É interesante observar como pese ao aumento da presenza feminina en termos
absolutos o feito de que esta sexa unha época en xeral de incremento no acceso ás
ensinanzas medias (Ver Apéndice) fai que a presenza relativa das mulleres nestes
estudos non aumente en tódalas ramas: son determinados itinerarios os que se
feminizan mentres que outros mantéñense como couto exclusivo dos homes. É o que
sucede nas dúas especialidades de formación profesional dos que se teñen datos, nos
que non existe matriculación de ningunha muller para toda a serie, ou a formación
profesional industrial, onde a súa presenza se ve diminuída.
A táboa 2 analiza as escollas feitas por homes e mulleres tomando as preferencias
de cada cen mulleres (homes), e relativizando polo tanto o grao que en cada
momento había de masculinización nas ensinanzas medias. É unha época de
crecemento substancial dos alumnos matriculados, tanto homes coma mulleres, e no
que se observa un aumento do Índice de Disparidade (tamén Índice Manhattan).
Estes niveis van de 38,34 a 47,95. O maior grao de acceso aos estudos de segundas
ensinanzas non implica polo tanto unha maior igualdade nas escollas, neste caso o
que fai é poñer de manifesto diferencias que aínda non se fixeran patentes. Neste
sentido é de salientar baixada nos niveis do índice entre os cursos 57 – 58 a 64 – 65,
debidas á non disposición de datos sobre a formación profesional industrial (FPI). A
causa é que esta é unha rama moi masculinizada e que foi gañando importancia co
paso do tempo nas escollas realizadas polos homes, a súa non inclusión determina
unha subestimación do índice bastante importante. De feito o efecto é dobre: por
unha banda ao non ter en conta os matriculados da FPI non se computa no índice un
valor que estaba supondo uns doce puntos anuais e pola outra, ao non existir esa
opción a porcentaxe de homes que cursa Bacharelato Xeral aumenta acercándose á
porcentaxe de mulleres que tamén o cursan, por iso neses anos non só a achega ao
índice na modalidade de Bacharelato Xeral beixa de 10 puntos a 0,15 e 2 nun
primeiro momento.
Isto é importante debido a que nos está a falar do efecto que ten a inclusión ou
non de novas alternativas nos itinerarios: a súa eliminación pode ter o un efecto
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 33
igualador nas escollas, a súa inclusión fai aflorar disparidades nas escollas que antes
non estaban recollidas. Así este é un índice que aumenta na súa precisión á hora de
recoller o nivel de disparidades cando inclúe un número suficiente de alternativas
relevantes.
As táboas 3 e 4 representan a mesma análise para o ámbito dos estudos
universitarios, de acceso moi minoritario á poboación en xeral7. Neste caso a análise
é máis completa no sentido de que se dispón dunha serie máis ampla con
homoxeneidade dos datos, os únicos problemas veñen derivados da inclusión
mediante estimación indirecta dos datos das Escolas Técnicas. Hai que volver incidir
en que os datos que se presentan para este período corresponden a Facultades, e non
a carreiras. Isto non supón distorsión do Índice de Disparidade empregado pero si
perda de información que sería bastante útil, debido a que, por exemplo, na
Facultade de Ciencias había carreiras tan distintas coma Matemáticas ou Bioloxía.
A táboa 3 reporta a presenza de mulleres matriculadas nas diferentes facultades
dende o curso 50 – 51 ata o 66 – 67. Neste período dóbrase a presenza feminina e
increméntase en tódalas facultades salvo na de Filosofía e Letras, que era a facultade
feminizada por excelencia. O aumento de alumnado neste período fai, neste caso si,
que os graos de presenza por xénero se vaian igualando salvo para as Escolas
Técnicas, que non reporta a Táboa 3 -e si se teñen en conta na Táboa 4 pola
incidencia que tería a súa non inclusión no índice-, pero que non superaba no curso
64 – 65 o 1%8.
7 De cada cen matriculados no sistema educativo en 1.955 só 1,52 cursaban estudos superiores; en 1.967 serán 2,57. (1.968).
8 Ibid. páx 89.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 34
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 35
Son de destacar os incrementos producidos en Dereito e Veterinaria, carreiras
que no futuro acabarán sendo eminentemente femininas. Tamén aumenta a
presenza de mulleres dun xeito moi importante na Facultade de Medicina. O cadro
amosa que nesta época o acceso da muller á universidade ten a virtude de
incrementar a súa presenza en maior medida alí onde menos mulleres había.
Na Táboa 4 faise o cálculo do Índice Manhattan. A inclusión das Escolas Técnicas
neste caso fai que o índice nos estea a dicir unha cousa distinta á que se observa na
táboa anterior: pásase dun nivel de 80,83 no primeiro ano da serie a niveis
superiores a 90 a partires dos anos 60. O importante incremento da matriculación
nas escoalas técnicas9 fai que a maior igualdade que representa para as mulleres o
acceso á Universidade sexa relativizando pola importancia que están a cobrar outro
tipo de estudos universitarios.
Ademais na comparativa do ensino medio co ensino superior pódese observar
que existe unha maior disparidade nas escollas nos niveis universitarios que nas
ensinanzas medias situándose case no dobre os niveis do índice.
Aquelas carreiras que aportan valores máis elevados á hora de calcular o índice
son ao principio da serie Filosofía e Letras, Ciencias e Farmacia no caso das mulleres
e no caso dos homes fundamentalmente nas Escolas Técnicas de Grao Medio,
estando máis repartida a súa achega ao índice entre distintas carreiras. Isto estanos
a indicar que as mulleres que cursaban estudos superiores tiñan basicamente tres
opcións: unha relacionada coas letras en xeral e outras dúas máis prácticas. Se as
diferenzas nas escollas a favor dos homes presentan valores máis moderados é
porque o seu campo para escoller era maior, o seu campo de elección repartíase
entre un maior número de opcións.10 Cara ao final da serie a cousa cambia en varios
sentidos: As ciencias convértense nunha das escollas preferidas polas mulleres con
respecto as escollas que realizan os homes, Farmacia e Filosofía e Letras seguen a
representar unha escolla máis feminina pero en menor grao, sobre todo no caso da
9 Pasan de representar o 7% do alumnado en 1.955 ao 26% en 1.966.10 As gráficas 1 e 2, das que se fala en breve, representan esa amplitude da variedade nas escollas tan
importante no enfoque das capacidades.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 36
segunda. O resto das carreiras nas que as escollas masculinas seguen a predominar
sobre as femininas fano agora por moita menor marxe compensando esta
diminución co grande aumento do diferencial entre homes e mulleres nas escollas
referidas ás Escolas técnicas, que pasan de representar once e dous puntos (Escolas
Técnicas e Técnicas Superiores) a representar vinteoito e catorce. Sucede o que xa
sucedía no bacharelato: a universidade ábrese ás mulleres de xeito importante pero
hai un campo que está a cobrar moita importancia académica debido ao proceso de
modernización que está a vivir o país, que vai cobrando maior prestixio social e
académico pero que está vedado ás mulleres, o que fai que finalmente o índice tome
As gráficas 1 e 2 representan a suma agregada da porcentaxe que representa para
homes --liña descontinua- e mulleres --liña continua- cada unha das facultades,
ordenadas de menor a maior. É similar a un Índice de Gini pero con escollas
educativas. O valor que acada este índice aplicado á “pobreza na distribución das
escollas” sería o seguinte para homes e mulleres:
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
0102030405060708090
100
0102030405060708090
100
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 37
Unha liña recta nunha pendente de 45% graos indicaría que tódalas carreiras son
igualmente preferidas. O feito de que os homes estean por riba das mulleres significa
que as súas escollas son máis “igualitarias” no sentido de que se reparten máis
homoxeneamente entre as distintas opcións das que dispoñen; isto tamén pode ser
expresado como que os homes acceden en maior medida a carreiras que as mulleres
non poden acceder. O cambio da gráfica 1 a 2, onde a primeira está máis afastada do
eixo vertical no caso dos homes, e máis separada do eixo horizontal no caso das
mulleres, indica que os varóns conforme pasou o tempo fixeron menos intensas as
súas escollas máis preferidas e as mulleres diversificaron cara as carreiras ás que
antes tiñan menos acceso. Así o diferencial entre homes e mulleres representado
polo Índice de Gini é de case dez décimas. Na gráfica 2 hai unha separación aínda
maior, de case trece décimas entre homes e mulleres. Así, as mulleres acceden a
unha maior variedade de titulacións pero neste caso o incremento na variedade das
escollas dos homes é maior. Estanos a falar este proceso do que xa se comentou,
pero dende outro punto de vista: a aparición das carreiras técnicas. O acceso da
muller á universidade é certo e positivo dende o punto de vista da variedade pero o
diferencial aumenta debido a irrupcións das titulacións de carácter técnico.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
IG51 (h) IG67 (h)
0,5982 0,5372
IG51 (m) IG67 (m)
0,6954 0,6604
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 38
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 39
Análise da 2ª etapa. (1970 – 1989)
Os datos dispoñibles para o período que vai de 1.970 a 1.989 son poucos pero
significativos. No tocante as ensinanzas medias disponse de dous cursos, o 85 – 86 e
o 87 – 88. A década dos setenta foi a da igualación no bacharelato e na universidade,
que se consolidou na década seguinte, malia que en termos relativos o máis
salientable foi a chegada da muller á formación profesional, na que, como se veu
anteriormente, estaba confinada a un itinerario segregado11.
Na táboa 5 pódese comprobar a presenza das mulleres en porcentaxe por cada
unha das ramas da formación profesional de grao medio (FP-1) e superior (FP-2).
Compre en primeiro lugar salientar unha diferenza entre os cursos 85 – 86 e 87 –
88: as ramas que no primeiro dos cursos están moi masculinizadas toman despois
valores para o curso 87 – 88 moi diverxentes, pódense observar unhas diferenzas
demasiado acusadas, sobre todo se se teñen en conta os valores que, para as mesmas
11 En concreto (cursos 76 – 77 / 85 – 86) para o Bacharelato pasouse dun 48% a un 53%; na universidade dun 37% a un 48% e na F.P. dun 28,8% a un 42,2%. Fonte: CIDE 1988, páxs. 111, 155, e 136 respectivamente.
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
Táboa 5: Porcentaxe de mulleres nos c ursos 85/86 e 87/88
Pódese observar como en comparación coas gráficas 3 e 4 estas presentan unha
curvatura moito máis suave e se aproximan moito máis a modo ao eixe vertical. Así,
os valores do Índice de Gini para as curvas de desigualdade nas escollas son
moderados, sobre todo no caso dos homes. O diferencial entre homes e mulleres é
inferior ao que se daba na primeira etapa e diminúe lixeiramente do curso 82 – 83
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
0102030405060708090
100
0102030405060708090
100
IG82 (h) IG87 (h)
0,6776 0,6532
IG82 (m) IG87 (m)
0,7656 0,7346
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 48
ao curso 87 – 88, sendo superior este diferencial ao que se dá na formación
profesional. Polo tanto a Universidade presenta neste período unha gama de escollas
máis dispersas entre as distintas modalidades que se ofertan pero o diferencial entre
homes e mulleres é superior ao que se dá na formación profesional, neste caso
porque na formación profesional de concentración é grande tanto para homes como
para mulleres, mentres que na universidade dos anos oitenta se ben o acceso da
muller xa é patente faino preferentemente en torno a poucas opcións aínda, ou polo
menos con respecto aos homes.
É de salientar o grande aporte de Profesorado de EXB, o antigo Maxisterio,
carreira de sempre cunha moi grande presenza feminina, pero que neste caso aporta
máis ao índice que en épocas pasadas. Tamén as Letras, cos casos da Filosofía e da
Filoloxía, agora desagregadas, pódese comprobar como aportan un diferencial
importante na conta das mulleres. Polo que respecta aos homes, e do mesmo xeito
que pasaba nos anos cincuenta e sesenta, as carreiras que aportan diferencial ao que
eles respecta están máis espalladas no sentido de que son máis numerosas e e toman
valores máis modestos, en correspondencia coa aínda maior gama de oportunidades.
Cabe tamén destacar que as carreiras técnicas, salvo o caso da Arquitectura, van
incrementando o diferencial positivo conforme pasan os cursos que se representan,
cousa que non sucede na maioría das outras carreiras, onde os diferenciais, aínda
sendo favorables aos homes, van diminuíndo. No caso de Económicas e Empresarias
malia que a presenza feminina vai en aumento pódese comprobar como algúns anos
aporta máis ao índice e outros estabiliza os seus valores. Isto é debido ao aumento
espectacular de alumnado [remitir ao apéndice] que fai que pese a que o diferencial
diminúa o seu peso no índice se manteña: Económicas e Empresariais por estes anos
é cada vez unha opción máis popular entre mozos e mozas.
Con respecto aos estudos universitarios a segunda etapa caracterízase polo
acceso das mulleres a determinados estudos nos que ata ese momento eran minoría,
como se pode observar para opcións de tanto peso como son Dereito ou CC.
Económicas e Empresariais. A diminución dos valores que toma o Índice Manhattan
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 49
ten que ver principalmente con este fenómeno.
Análise da 3ª etapa. (1.990 – 2.007).
Nesta etapa os cambios fundamentais refírense ao tramo de escolarización
obrigatoria, ata os dezaseis anos, e á duración do bacharelato. Xa non existe a FP-1 e
a FP-2, agora cóntase cos Ciclos Formativos de Grao Medio (CFGM) e os de Grao
Superior (CFGS); os primeiros de un ano e os segundos de dous. Moitos dos
alumnos que cursan bacharelato fano para poder acceder aos CFGS, polo o
bacharelato non é unicamente propedéutico da Universidade, se non que dá en
constituír unha importante vía de acceso para os CFGS. Aos CFGM pódese acceder
dende a ESO directamente, e dende eles aos CFGS, malia que moito do alumnado
que cursa CFGM non continúa coa súa escolaridade unha vez rematados estes12.
Tamén hai, con respecto a períodos anteriores, unha importante presenza de
alumnos de máis de vinte anos nos CFGS, debido a que cambia a visión que se ten da
formación profesional, que xa non é só unha etapa máis dentro da escolaridade se
non que agora forma parte da posibilidade de reciclarse profesionalmente. Ademais,
dentro desta terceira etapa, existen dous marcos lexislativos: o que introduce a
LOGSE e o da LODE. Os datos que se posúen corresponden á etapa de aplicación da
LODE malia que a estrutura educativa é compatible coa da LOGSE.
Na Táboa 9 preséntanse as taxas de participación das mulleres nos CFGM dende
o curso 01 – 02 ata o 07 – 08. O primeiro a destacar é a maior presenza de homes
que de mulleres no total destes ciclos, e non só iso, se non que a tendencia nestes
últimos anos é ao progresivo incremento da masculinización. Un dos principais
motivos é o peor comportamento académico dos homes que das mulleres nos tramos
de escolarización obrigatoria, a moita maior presenza nos Programas de Garantía
Social13, e en xeral o menor rendemento dos homes que das mulleres.
12 Existe agora un diferencial maior entre os que cursan CFGM e CFGS que o que había para FP-1 e FP-2, máis acusado no caso dos homes que no das mulleres se dúbida porque estes utilizan menos a vía do bacharelato. Fonte: datos do ME (2.009)
13 Maís dun 60% dos matriculados nos Programas de Garantía Social son homes; unha das causas
Universidade de Santiago de CompostelaPOP en Integración Económica e Desenvolvemento Rexional
Abilio Rodríguez Toimil.
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 50
que se apuntan para este peor comportamento académico é a chamada Laddish Culture, que podería ser traducida por “cultura malote”, onde o mal comportamento, as actitudes de desafío e o esforzo nulo son vistas como positivas por unha parte do alumnado. Este tipo de actitudes teñen unha incidencia moito máis importante nos homes que nas mulleres. [referencia]
Universidade de Santiago de CompostelaPOP en Integración Económica e Desenvolvemento RexionalAbilio Rodríguez Toimil.
Control y Tecnol. Medioambiental 0,591 0,218 0,272 0,283 0,260 0,236 0,160 0,110 0,019
Índice Manhattan 58,93 60,09 62,32 63,21 63,99 64,46 64,52 63,91 63,07Fonte: Elaboracion propia a partires de datos do MEC (2.009)
LIBERDADE DE ELECCIÓN E XÉNERO NO SISTEMA EDUCATIVO ESPAÑOL 67
6. SÍNTESE.
O enfoque das capacidades consiste nunha visión normativa no sentido de que se
considera que o desenvolvemento das potencialidades do ser humano constitúen o
seu benestar; é unha crítica do enfoque das utilidades, do que considera ten unha
visión parcial, onde a renda é o único xeito de medida do benestar. Fai énfase na
liberdade dende un sentido positivo tendo para os seus defensores prioridade en
moitas ocasións sobre o sentido negativo propio do pensamento económico liberal
onde a liberdade é unha liberdade de ausencia de coerción14. Para o enfoque das
capacidades a liberdade sería ante todo a posibilidade de facer cousas, de chegar a
ser. As campañas de alfabetización ou a atención médica primaria constitúen
exemplos clásicos de políticas públicas que amplían as capacidades das persoas
dotándoas de maior liberdade positiva. O enfoque das capacidades ten sido utilizado
con frecuencia para analizar situacións de privación, subdesenvolvemento e
desigualdade; a súa consideración ten servido de base teórica para a creación dos
máis diversos índices de benestar e igualdade15, se ben a súa aplicación para estudar
as situacións de desigualdade e benestar nos países xa desenvolvidos é menos
frecuente, en concreto a aplicación á análise do sistema educativo en Occidente é
recente. Existe unha análise teórica do mesmo baixo o enfoque das capacidades
tendo en conta as variables de participación e afección aos itinerarios debido aos
14 Un clásico sobre esta cuestión é o libro de Isaiah Berlin “Two Concepts of Liberty”, referente de Amartya Sen para a súa análise sobre a cuestión. Unha boa recensión sobre os conceptos berlinianos de liberdade en: http://plato.stanford.edu/entries/liberty-positive-negative/
15 Nomear Índice de Desenvolvemento humano, de disparidade de xénero, etc.
Universidade de Santiago de CompostelaPOP en Integración Económica e Desenvolvemento Rexional