7 June 2017 Publications K TO 12 KURIKULUM: NAPAPANAHON PARA SA MAGULANG AT MAG-AARAL ni: Mike Gino Diego Ang ika-dalawampu’t isang siglo ay nagbukas ng iba’t-ibang antisipasyon tungo sa pagbabago hindi lamang sa mga indibidwal, kungdi pati na rin saiba’t-ibang organisasyon, lalong-lalo na sa larangan ng edukasyon. Maraming mga pagbabago ang nadama at naranasan, at paghahambing sa mga nagdaang dekada ng nakaraang milenyo. Isa sa mga pagbabagong nadama ng mga Pilipino ay ang pagbabago ng kurikulum, at ito ay ang paglulunsad ng K to 12 Program. Ano ang malaking dahilan at nagkaroon ng ganitong mga pagbabago. Ayon sa Department of Education (DepEd) ay dalawa na lamang ang mga bansa na may 10 taon ng pag-aaral, at isa sa dalawang bansang ito ay ang Pilipinas. Sinasabi sa Department of Education Order # 31 s 2012, na ang mga paaralan ay inaasahang ipapatupad ang mga kautusang ito sa masining at may pagpapalago at pagbabago upang ang kurikulum ay maituro ng naaayon sa mga batayan ng lokalidad nang hindi naaapektuhan ang pilosopiya ng pagpapayabong ng kaalaman ng mga mag-aaral. Ang disenyo ng kurikulum ay tinaguriang spiral progression approach na ang ibig sabihin ang lahat ng mga asignatura ay itinuturo batay sa mga kaparehong konsepto mula Grade 7 hanggang Grade 10 at ito ay itinuturo na may pagbabago sa kahirapan ng aralin mula sa umpisa hanggang sa katapusan ng Grade 10..Inaasahan din na sa katapusan ng Grade 10 ay maipapakita ang kahusayan sa pakikipagugnayan, matalinong pag-iisip, sa kritikal at sa mga makasining na sitwasyon sa buhay. Dagda dito ay