Ipan 25 tonali tlen septiembre meetstli tlen 2015 xiuitl moixpanti ni Tekitekpantli Agenda 2030 uan ika 17 iasitilistli ma Motetonis Chamanalistli Objetivos de Desarrollo Sostenible, eli se ueyi tlachiualistli ika moneki moixpoliuis tlen axtleno onka, titeuisej kampa axiuikal timoitaj, uan nojkia tichikauasej uan tikuitlauisej totlaltipak uan titlachilisej nojkia mouejkauas tlen ipanimaj onka nojkia ma kintekiuikaj sekinoj maseualmej teipa. Ma tiasitij ipan ni ueyitekitl, moneki titokilikaj tlayakanilij tlen ni Asitilistli Objetivos de Desarrollo Sostenible (ODS), ya ni elij kampa moneki moasis iuaya maseualmej uan ika tlaltipaktli ipan 2030 xiuitl. Ni eli se tlamantli tlen kipatlas kenijkatsa titlachiliaj tomin, kenijkatsa timouikaj ika tlen ipanimaj eltok uan kenijkatsa tineki tonemilis. Ma kena kuali elis ni tlen tineki moneki ma nochi titekitikaj uan tichiuakaj tlachiualistli ipan nochi tlaltipaktli. Ni asitilistli uelis motlachilis amo tiasitij, yese tlaj tojuantij tikijtosej kena tiasitij uan titekitisej uajka kena kuali tichiuasej. Kati achtoui moneki eli ma tikiixtmatikaj uan ma tikamauikaj nochi tlen ni. Teipanok ueli timoyolnotsasej tlakiya tichiuasej ipan tochaj, ipan toaltepetsitsi, ma ijkinoj timopaleuisej kena tiasitj kampa tineki. Tlaltipakti tlayakantinij, maseualnechikolimej tlen sociedad civil, ueyitlamachtiyanij, tekikalmej uan nochi maseualmej kinchijtokej se tekitekpantli. Nochi siuamej uan tlakamej tipichtokej totechpouilis ma achi kuali tipichtosej tonemilis. Mejkatsa, ipan ni tonali onka tlamantinij tlen axtechkauiliaj ma ijkinoj elis.