Hmasawnna Thar - neitham.in Thar/2018/December/HT-19-12-2018.pdf · awl sunga thupruk an nih. Thu indawnna nei hu-nah rangkachak hai hi mi >>sunzawmna phek 4-ah iMPhal: Chief Minister

Hmasawnna Thar( A n I n d e p e n d e n t d A I l y n e w s p A p e r )

___________________ Regd. No. RNI - 40917/89 | Postal Regd. No. MNP - 67 ___________________

Estd. 1984dC/CCpur : 03874-234234 sp/CCpur : 03874-236747

police station : 03874-202248 sp Ctrl. room: 03874-233239

dist. Hospital Casualty : 03874-233370 Fire Brigade : 8974 147 799/

8258 057 887 / 8974 103 600sp Hotline number:

7085-256-377

Hmasawnna Thar Vol - 34/76 | Churachandpur | email : [email protected] | Phone: +91-3874-236846 | Rs 6/- per copy

MiMtukthla (deceMber) 19, 2018 NilaiNi (wedNesday)

GAS NEWSAgency : KIM JOEBooking : 5th. OCt., 2018 to 20th.nov., 2018 delivery :19-12-2018 (wed) Time :10:30-AM - till stockStock : @ ` 92819 & 5kg available

* Big bhattis available for NGOs, Churches, Hostels,

Hotels etc.

Agency : SASBooking :24th. Oct. , 2018 to 16th nov., 2018delivery :19-12-2018 (wed) Time : 9AM -till stockstOCK : 306 @rate:Rs. 928/-

NEWS TOMkiMcHANcHIN LAKTAWI

EKIN/SEPTIC TANK

SUKFAI DINGA KO THEI ZING

KAN NIH.

Contact Numbers:8119035096 &

8119083548

ccPur khawpui sung Traffic sukdanglam

ccPur: T. Kammuanlal Simte, CEO, ADCC chun December 17, 2018 khan CCPur khawpui sung traf-fic fedan sukdanglamna thusuok a siem. Thusuok dungzui hin Tiddim Road (CCPur Po-lice Station tuol zawn) a inthawk Rengkai Road motor lut phal ninaw ni a, Rengkai tienga a inthawk a tunga hung hai chau phal ning a ta, Rengkai tienga lut ding hai chun SA Road an-nawleh Nehru Marg Road zuiin an lut ding ti a nih. SP Office Road hmartieng pangah chau motor innnghat thei ning a ta, Rengkai Road le IB Road haia chun western

side a chau motor innghat thei ning a ta, Thangjam Road-ah chun Eastern side le Red Corss road-a chun western side lampui sir haia chau motor innghat phal ning a tih. Diesel Auto hai chu pas-senger hai \um le passen-ger lak ti loah lampui sira an innghat phal ninaw ni a, passenger lak le \um khawm traffic sukbuoi nawna ding hmuna sukchawl dinga inhriettir an nih. Lampui sir footpath haiah thuomhnaw zawr phal a ninaw a, Thangjam Road le Red Cross Road zula dawr siem hai khawm footpath chunga thil zawr >>sunzawmna phek 2-ah

CM CCPur hung inzin ding khawm-suol siet leiin pro-

gramme kanselccPur: Churachand-pur District-a project tum tum hawng le thawna ding hawng dinga December 19, 2018 (vawisun) Manipur CM N. Biren Singh Chura-chandpur a hung inzin dinga ti chu khawmsuol siet leiin la \hul nawk hri a ni a, CM inzin ding hun programme a thara la siem nawk ning a tih tiin Principal Secretary to Chief Minister, Manipur chun December 18, 2018 khan inhriettirna a siem. Programme siema um dungzui chun December 19, 2018 hin CM hi Ukrhul DHQ a khawm an zin dinga ti a ni a, sienkhawm \hul ve ve an nih.

Lungthulien buoina sukfel; HI-GHQ in fimkhur dingin mipui a ngen

ADc chairman in district hmasawnna dinga hma lak a ni ding thu a hril

National Health Mission, (MANIPUR) a inthawka chanchin hriet danin Patpuihmun PHC a chun Solar direct drive refrigerator in\hut a ni tah. Refrigerator hi Immunization tiengpang damdawi sie\hatna dinga

hmang thei a nita ding leiin Vangai Sub-Division mipui hai tadingin vaccine thaw thei ni ta dinga hril a nih. (Citizens’ Initiative for Development and Empower-

ment-CIDE)

Thing lakna thingin a del hlumPherzawl: Pi Hmun-siem, w/o Sukulthang of Parbung, Pherzawl Dis-trict chu December 18, 2018 khan Tuidawt hnar lai thing an laknaah chang-suolin thing in a del hlum. Ei thu dawngnain a hril danin, Pi Hmunsiem hin thing a tan laiin a thing tan thingkak chun a luah fenin thinbul lien leh a khawde a, a lu le hmai hai khawm an per vawng niin a hril. A ruong lakdaw-kna ding hin a khawdetu Thing hi an la tan phawt a,

chu hnunga a ruong hi an lakdawk thei chau niin ei thu dawngna chun a hril. A ruong hi laksuok a ni hnungin an khuo Par-bung phurtlung a nitah. Lusun sungkuo hai ei tuor-pui hle.

KCA in Dec. 20 a in-thawk tiemchin um

lo General StrikeccPur: Kuki Chief As-sociation, CCPur district chun Shri Doukhosat Neihsial, Chief of Neih-sial Veng condition um lo dinga insuo dinga phutnain December 20, 2018 zanril-a inthawk tiemchin um loin General Strike an thaw ding thu December 18, 2018 khan thusuok an siem.

Mizoram-in MNF sawrkar thar hnuoi-ah ‘Dry Christmas’ a hmang ding

Zu Zawr Khap Nghal Dingin Kan Rel Phawt A Nih: Zoramthangaaizawl: Mizoram Kristien state-ah BJP-in an sawrkar thar hnuoia Christmas inhmangtir a tum chu Pathienin a remti naw ning a tih, MNF sawrkar thar Cabinet Meeting hmasatak chun zu zawr khapin December 21 a inthawka January 14 chen ‘Dry Days” a puongin tu kum Christ-mas le Kum Thar chu ‘Dry’ in an hmang ta ding a nih. Tu \um Assembly election nuhnungtakah khan MNF chun sawrkar an siem chun zu an khap hmasatak ding thu an tiem a. Hi lei hin Kohran khawmin a thlawpa, an thutiem ang ngeiin sawrkar thar an inngir chara Cabi-net Meeting hmasatak zanita nei chun zu zawr khapna ding hi an rel a nih. Zani (Dec. 18) chawh-nung khan Chief Minister Mr Zoramthanga inrawina hnuoiah Cabinet Meeting hmasatak CM Cabinet Meeting Room ah nei a ni a. Council of Ministers hai

chun zu zawr, inchawk le dawn chungchang thu ngun taka an hriltlanga an ngaituo hnungin sawrkar agency po povin an zu zawr suktawp nghal phawt dingin an rel ta a nih. Meeting zo hin CM Zoramthanga chun thuthar lakhawmtuhai inhmupui ngha-lin Cabinet thutlukna hi a puong a. “Zu zawr khap ding kan ti ta

leiin sawrkar agency (dawr) hai po poin an zawr chu tawp nghal dingin kan rel a. Mimal (private) a zawrhai chu khap vawng nghal seng a la ni naw a, dan siemna dingin hun a la dit ding a ni leiin a lo vengna dingin December 21 a inthawka January 14, 2019 chen chu ‘Dry Days’ ang puong dingin kan rel ta a nih” tiin a hril. “Hienga Dry Days puong a

ni sung hin, khapna ding Dan lo siem zo hman kan inbeisei a. Dan (Act) kan la siem el thei naw khawmin, private agency (mi-mal) sumdawng han zu an zawr khawm iemani chen chu dang hrim hrim a tih. Dry Days sunga Dan kan siem zo hman naw a nih ruok chun, Dry Days hi keisei nawk peiin zu chu khap ning a tih” tiin a sawrkar thar hmalak dan ding a hril. Pu Zoramthanga chun, “MNF chun iengtiklai khawm Zu zawr a khap zing a. Kum li lai liemtaa hung hawnga hung phal nawktu chu Congress sawrkar a nih. Mizoram chu Kristien state s nina ang takin MNF chun zu zawr ph-alrai taluo hi a \ha a ti naw a nih” tiin a hril. Kristien state a nina le pipu a inthawka Zu lo piengpui a nih angin Mizoram chun zu khi a buoipui hle a. Congress khawmin khap hmak tumin a lo bei ngiel tah. Kum 1997 khan Mr Lalthan-

hawla rawia Congress sawrkar chu khapna ding Dan Mizoram Liquor Total Prohibition Act a hmang a. Anachu, zu a bo chuong naw a. Khap hmak lova ‘control’ in a \ha lem el dim, sawrkarin rev-enue pawisa (sie) hmu pha lem bawk a ta tiin, 2014 khan Con-gress sawrkar bawkin Mizoram Liquor Prohibition and Control Act siemin zu zawr phalin a thu-nun (regulate) a. Chu chu mipui abikin Kohranin a dit naw tak a thaw fuk leiin tuta \um a tlukna niin an lang. Mipui le Kohranin an dit naw ti a hriet leiin Congress chun an la hrat nawk chun Total Prohibition an thaw ding thu an khekpui vea chu MNF-in a lo khala remchang a lo lak hmasa ta leiin a hne ta naw a nih. Congress khawmin zu chu an dit bik nawzie hrilin, an thupuon-gtu Pu Lallianchunga chun, >>sunzawmna phek 4-ah

chief Minister-in JNIMS 11th Foundation day a uop Rangkachak Rs. 1.8 crore manhu leh pasal pakhat man

iMPhal: December 18, 2018, 7AM vel khan HQ Sector Assam Rifles hnuoia Tengnoupal Bat-talion han Permanent Ve-hicle Check Post(PVCP), Khudengthabi hmuna mo-tor inlawn vel hai an dap-naah rangkachak tlang 36 (gold bars) Kg. 5.982, Rs. 1.8 crore manhu ding leh pasal pakhat an man. Rangkachak le mana um chu Md. Abdul Rajak (22) of Moreh, Tengnoupal

District a nih. Report an dawng dung-zuia zingkar dar 7 vela Moreh a inthawk Imphal pana hugn tlan Maruti Omi-ni Van MN06LA–6478 sukchawla an dapnaa rang-kachak hi an dapdawk nin Assam Rifles thusuok chun a hril. Rangkachak hai hi Van hmatieng kawtkhar hmun awl sunga thupruk an nih. Thu indawnna nei hu-nah rangkachak hai hi mi >>sunzawmna phek 4-ah

iMPhal: Chief Minister Mr N. Biren Singh chun zani khan, Jawaharlal Ne-hru Institute of Medical Sciences (JNIMS)-in 11th Annual Foundation Day an inserna JNIMS Auditori-um-ah Chief Guest angin a va uop a. Health and Fam-ily Welfare Minister, L. Jayantakumar Singh le Kh-urai A/C MLA, L. Susindro Meitei hai khawmin, Presi-dent le Guest of Honour re-spectively angin an \hang. Chief Minister chun, “Tulai chu ‘educated’ ei tam ta a. Educated ei ti hin

thil tamtak a huom a, dis-cipline le civic sense hai khawm a huom tah. Ei pi le puhai khan upahai inzain nuhmei hai leh khawtlang ah ngirhmun special deuvin an sie hlak a. Khang ang ching dan \hahai kha thein-ghil tum nawng ei tiu” tiin a hril. CM chun, JNIMS hi State Government-in a neisun Medical Institute a nih a. State danghai chun pahni dam an nei leiin, Ma-nipur ta ding chun JNIMS chau a nih leiin AIIMS lev-el-a upgrade thaw dingin

Prime Minister le Union Health Minister hai khawm a hril tah niin a hril. “JNIMS hi puotienga mihaiin treatment an hung thaw nuomna ding khawpa \ha le an beiseia siem hi ei tum a nih. Prime Minis-ter January 4, 2019 a hung inzin phat leh, a lungril a lak theina dingin Rs. 20-30 crore sengna ding project 2-3 chu JNIMS ah hin riru-ong ei tum a. Foundation stone bek inphum tir ei tum (ding) a nih” tiin a hril. Health minister Mr L. Jayantakumar chun, dak-tor sin hi sin danghai leh an ang nawh a. Hi sina hin chu ‘thaw pal’ le ‘thaw suol pal’ (sorry or excuse) tihai a um thei nawh. ‘Sorry, thaw pal’ ti kara mi hringna chan el theina a nih. Medi-cal profession hi a awlai nawh a. Inzaumtak sin le challenge um tak a nih. Hmangaina lungril leh sin thawna ding a nih” tiin a hril.>>sunzawmna phek 4-ah

CCPUR: Pi Mannuamch-ing IAS DC, Pherzawl inrawinain Dec. 18, 2018 sun dar 11 AM - 2:19 PM inkar khan DTC Hall, Tu-ibuong, CCPur hmun ah Pherzawl District a DC, ADC, SDO (Parbung), SP, SDPO, 33/AR le sawrkar tienga mipawimaw dang dang, Lungthulien khawt-lang aiaw le \huoitu, HPC-D (Manipur Region) aiaw le \huoitu, Hmar Inpui, Gen. Hqrs. aiaw le \huoitu

ha’n Lungthulien buoina chungthu ah inbiekna, thil umdan inhrilhrietna le hrilt-langna fumfe takin an nei a. Lungthulien khuo le HPC-D (Manipur Region) inkara buoina um khawm hi huna hin chingfel a nih. Lungthu-lien le HPC-D (Manipur Region) chun inremna an lo nei tah leiin Lungthulien tiengin sawrkar tienga Case an lo file tah hai khawm an hnukkir (withdraw) nghal a, >>sunzawmna phek 2-ah

ccPur: T. Paukhanlian, Chairman, ADCC chun, BJP in majority mem-ber hai ditna anga party leader-a an ruot a ni an-gin District mipui hai le \hangruola sin thaw thei dinga Chairman sin hlang-kaia a umna thuah lawmthu a hril a. Party interest fepui zing pumin District sung hmasawnna dinga hmalak chu a thil tum hmasa tak a ni ding thu a hril. Zani hmasa zantieng ADC, CCPur Chairman Office a hluo hnunga zani zantieng 2:20PM a chanchinbu reporter hai an

hmupui huna hi tu hi Pu T. Paukhanlian in a hril a nih. Mawphurna le thuneina peka a um angin district in-terest le hmatieng thil sei tak thilra sin thaw a ni ding chu, chu dign chun ADC

hnuoia department tum tuma thawktu hai le thawt-langa sin thaw a ni ding thu a hril bawk. District sunga thil di-tumlo tum tum (social evils) um hai sukbona din-

gin K. Kabib, IPS, Sr. SP, CCPur leh khawm inbie-in, hmatieng peia sin thaw le hmalak dan ding hai an hriltlang ta thu; district sun-ga nuhmei le naupang hmu thei dinga inruithei zawr le thaw hmu ding um rawp el chu mitkham a um a, \hang la hung thar pei hai ta ding hmakhuo ngainain district police leh \hangruola hien-gang thil sukbo a ni theina dinga hma lak a ni ding thu a hril a. Inruithei supply-tu le a hmangtu hai khawmin hiengang thil bansan din-gin a ngen bakah Medical, >>sunzawmna phek 2-ah

SP, CCPur in hrilfi-ena a siem

ccPur: Imphal Chanchinbu le tuolsung chanchinbu \henkhata Mr Ngulkhomang Haokip, Secretary, Inf. & Publicity, Kuki Chief Assn, CCPur in press release an suonna le inzawmin Sr. SP/CC-Pur chun December 18, 2018 khan hrilfiena siemin Doukhosat, s/o (L) Lam-khokam of Neihsial Veng man a ninaah Commando pakhat khawm an inrawl naw thu a hril a, Com-mando hmang theina dingin thuneitu insang haia in-thawk thupek iengkhawm dawng a ninaw thu a hril bawk. Dec. 15, 2018 khan B. Kuma, Secy. Neihsial Veng Presbyterian Church (MPCS) Manipur area in complaint a pek dungzuiin FIR No. 134 (12)2018 CCP-PS U/s 447/325/506/153-A/296/147 IPC registered a ni a, hi complaint dung-zui hin Doukhosat, s/o (L) Lamkhokam of Neihsial Veng a inthawk dan dung-zuiin District Police han an man a nih tiin Sr. SP thu-suok chun a hril bawk. Mi tukhawmin constitu-tional rights a bawsiet chun enliem mei mei thei a ninaw a, District Administration le Police chun Neihsial Veng khawsunga inremna le muongna a um theina dingin theitawp a suo mek a. CSOs tum tum, mimal le pawl a tuel khawm Police hmalakna a ninaw zawnga lakawi lo dingin a ngen.

Vaiphei holy bible re-print inhlanna

ccPur: Mizoram Pres-byterian Church Synod: Manipur Area in Vaiphei Holy Bible reprint an thaw chu zani sun dar 11:00AM khan Manipur Area Office, Compound Veng-a Thang-kai & Lungpau Hall-ah Pa-thien kuta inhlanna nei a ni a, Rev. C. Zorammawia, Administrative Secretary, MPCS in a nei. New Revised Stan-

dard Version a inthawka inlet Vaiphei Holy Bible hi a hmasa takna dingin kum 2006 khan sut a ni a, hi hnung hin Bible indain-awna nasa tak um leiin nikum khan Bible Society of India kuomah ngenna peklut a ni dungzuiin copy 2500 vel reprint dinga Or-der a ni a. Chu dungzuia Vaiphei Holy Bible reprint hi hawng theia hung um a nih. Sut hmasa tak chu Vai-phei Christian Association hmalaknaa sut a ni a, tuta mi hi MPCS Kohran hmal-akna hnuoia sut a ni a, a sutnain Rs. 2 lakh vel seng a ni a, copy khatah Rs. 200 a zawr ning a tih.

christmas carol-in cM Lungril a them

iMPhal: Christmas boruok an ta a, Bethle-hem tienga lungril inlen nachang hre nawhai khaw-min Berampuhai hlasak or Christmas Carol zaipawl-hai hlasak bekin an lungril chu a lo them ve hlak a nih awma. Manipur Chief Minister Mr N. Biren Singh lungril khawm ATSUM Choir hai carol hlain a them hle niin UNA chun a ziek. Christmas urlaw-

kna dingin ATSUM chun Chief Minister inah Christ-mas Carol an va nei a. An hlapawl sak chu an hlim khawp el a, CM Pu Biren le sunghai khawm an hlimin inhawi an tih hle a. Carol-a \hang memberhai po po mi 30 chu a lawm leiin bu a fakpui hiel a nih. CM chun an Carol hla chun a lungril a them hle niin a hril a. A lungril a >>sunzawmna phek 4-ah

Pu Phungzathang Tonsing damnaw

inrikccPur: Manipur a Senior Politician le Cabinet Minis-ter hlui, Pu Phungzathang Tonsing chu Apollo Hos-pital, New Delhi-ah Chuop (Lung) natna leia dam-nawin enkawl mek a nih. A natna hi an rik hle niin ei thu dawngna chun a hril. Pu Phungzathang Tonsing hi oxygen hmanga enkawl a ni a, a remchang thei chun vawisun hin Air Ambu-lance hmangin Delhi-a in-thawk Imphal hung panpui tum nia hril a nih.

Hmasawnna Thar2 MiMtukthla (deceMber) 19, 2018 NilaiNi (wedNesday) article/health & eMPlOyMeNt News

Editorial Boardlalmalsawm sellate: Editor& Publisherroding l. sellate: Jt. Editor Joseph Joute: Co-Editor : Asst. Editorlalsansuok pulamte :Sports lalruotlien dulien: Computer AssistantEdited & Published by Lalmalsawm Sellate at HT Office, Lighthouse Lane, Churachandpur and Printed by him at M/s Express Standard Offset Printers, PKT Street, Central Lamka Churachandpur, Manipur.

Editorial

SUNZAWMNA

Tu party thli tak am a hung hrang fuk ding maw?

VAWISUN THUPUIPathien dang, in vela mihai pathien chu in biek ding an nawh, nangni laia um, Lalpa in Pathien chu Pathien thikthusie a nih. -DEUTORONOMY 6: 14

Kristien han Christmas le Kum Thar ei tung ang bawkin India rama Political Party lien han nasa taka an lo tung ve chu kum thara Lok Sabha Election hung um ding hi a nih. Political Party tin hai chun hi elec-tion-a hin a hrat tak le sawrkar siem theitu ni tumin \hang an lak \an a, an party candidate dinghai le an hmalak dan dinghai ngaituoin an hun an hmang tawl ta a nih. A bikin National Party um hai laia a lien zuol bik le sawrkarna chel theia um ve ve hlak BJP le Congress Party han \hang an lak nasa zuol bik. Lok Sabha election nuhnung tak, kum 2014 a neiah khan BJP thli a hrang fuk a, BJP \huoinain centre-ah NDA sawrkar a hung um a, tuchen hin sawrkarna an la chelzing a nih. Kum thara Lok Sabha election hung um dinga hin tu Party thli am hrang fu tak a ta ti hi India mipui han an lo thlir \hup el a nih. Tuta hma deuva States 5 haia Assembly election-a khan Congress Party thli a fuk tak a, State pathum ah sawrkarna siem thei ngirhmuna an hung um a; an khawnghat a suk inhawi a, beiseina thar le phurna thar a pek a, tulai tak hin chu an hlimin an lawm a, an kalpen a zang a, \awng inhawi an ti a, thil hang thaw vel khawm an phur hle niin an lang. Centre a chau ni lovin tulai hin chu State le UT dang dang haiah khawm Congress Party an phur thar a, State pathum haia an Party thli hrang fuk hi an sawr \angkai hle ding a hawi. Sawrkarna chellai mek hneban hi thil awlsam a ni naw a, State pathum haia an Party thli hrang fuk hi Congress Party ta ding chun intitheina le uongpui chi chu ni naw nih. State le UT tam lema cheng mipuihai lungril hne thei zawnga \hang an lak nasa zuol thil \ul a nih. Lok Sabha election huna an inkhingpui tak ding chu BJP tho a la hung ni ding a nih. Modi wave hi a la hrat a, Congress Party chun sawrkarna an nei tanaw a, BJP le an inthlawppui Party-hai sawrkarna vawng a nita a nih. Hi lei hin BJP National President, Amit Shah chu a la \awng huoi hle a, NE biela Lok Sabha seats 25 um hai laia seats 21 haiah hratna an chang a ring thu a la hril ngam a nih. Lok Sabha election hung um dinga hin tu Party thli tak am a hrang fuk ding ti chu hriet a la ni naw a, hunin a la hung hril ding a nih. Ei hriet seng an-gin India ramah hin Political Party hran hran um hai sienkhawm BJP le Congress Party-hai hi a keihemtu le a Lawng khaltu tak an nih. Centre-a hin Political Party hran hranin sawrkarna siemin, Prime Minister hran hran lo nei ta hlak inlakhawm sawt an dai ngai naw a, a dai sawt tak chu Congress le BJP an nih. Hi lei hin kum thara Lok Sabha election hung um dinga hin an khingtuo tak dinghai chu, BJP \huoina hnuoia NDA le Congress \huoina hnuoia UPA hai an hung ni ding niin an lang. National Level-a politics thli hrang dan an thlakthleng thut naw chun. India rama National Party um hai laia a lien tak le a puithu ve vea ngai, BJP le Congress Party-hai khawm an khat chun an thla a ngam tak tak naw a, an kaiza vengtu dingin \hangruolpui (alliance party) an nei ve ve a nih. Chu dungzui chun BJP in Nation-al Democratic Alliance (NDA) an indin a, Congress chun United Progressive Alliance (UPA) an indin a nih. BJP chu NDA \huoitu a ni a, Congress chu UPA \huoitu a ni a, inkawppui an nei ve ve hlak. Amiruokchu, sawrkar siema ro an hung rel pha pha chun a thuneitu tak le a lukhaitu tak chu BJP or Con-gress an hung ni hlak. NDA chu BJP kaiza vengtu a ni ang bawkin UPA chu Congress kaiza vengtu an nih. Kum thara Lok Sabha election hung um dingah hin iengang election politics thli am a hung hrang ding ei la hriet chieng thei nawh. Congress le BJP hai chun hrat lem ni chu an inchu ding a nih. Hieng laiz-ing hin election politics boruok a hung danglam thut thei a, Caolition Government khawm um thei ngai a nih. Duthusama chun Coalition Government ni lovin Party mala hrat filawr hung um thei hai sienla ti a nih. Coalition Government hi a nghetzo tak tak ngai naw leiin ditum pa tak chu a ni nawh. Lok Sabha election hung um dingah hin tu Party thli tak am a hung hrang fuk ding ti chu India mipui han ei lo thlir \hu a nih.

Mizoram assembly speak-er dingin lalrinlaina sailo

aizawl: December 18, 2018 khan Mizo National Front (MNF) MLA Lalrin-liana Sailo chu khingtu um loin Mizoram Assembly Speaker dinga thlangtling a nih. Sailo (59) hi Con-gress sawrkar hmasaa khan Health, Trade and Com-merce minister lo nitah, Speaker Election dinga candidate umsun a nih. Chief Minister Zoramthanga, Opposition MLAs le BJP MLA umsun Buddha Dhan Chakma han

Speaker dinga thlangtling a nina le inzawm hin Mr Sailo hi an lawmpui thu an puong. Lalrinliana Sailo hi kum 2003 a inthawk Con-gress ticket-a MLA dinga term 3 thlangtliga lo um tah a ni a, tukum October thla khan Congress suoksanin MNF a zawm a, Novem-ber 28, 2018 nia Mizoram Assembly seats 40 haia in-thlangna uma khan Chal-filh bielah MNF ticket in MLA dinga thlangtling a ni a. Ama hnaitu tak Indepen-dent candidate F. Rualhlei-ah leh an karah votes 1,007 a tla a nih. Speaker Election hi Pro-tem Speaker Lalri-nawma inrawinaa nei a ni a, Deputy Speaker election chu Ningani in nei a ni ding thu Pro-tem speaker Lalrinawma chun a hril.

aizawl: November 28, 2018 nia Mizoram Assembly seats 40 haia inth-langna nei huna a ngirna seats pahni Aizawl West-I le Serchip Assembly Constituencies haia MLA dinga tling ve ve Zoram People’s Movement (ZPM) president Pu Lalduhoma chun a tlingna seat pakhat Aizawl West-I chu inruokin Serchip biel a lak lem niin ZPM thusuok chun a hril. Pu Lalduhoma hin Serchhip bielah Chief Minister vawi 5 nitah le Chief Minister ni lai Lal Thanhawla a hne bakah Aizawl West-I a hin MLA

ni lai le minister hlui MNF candidate K. Sangthuama a hneban bawk a nih. Serchhip biel hi CM hlui Pu Lalduhoma in kum 1984 a inthawk

a lo biel, vawi 7 zet MLA dinga th-langtlinga a lo umna a home con-stituency a ni a. Tuta \um kha Lal Thanhawla in kum 1998 hnunga hi biela a tlingzonaw hmasa takna a ni a, hmatieng peiah party ta dinga thil\ha lem dinga ringna leia Aizawl West-I maksana Serchhip biel hi Pu Lalduhoma in a lak lem a nih. Pu Lalduhoma in a suk ruok Aizawl West-I biela hin byelection nei a hung ni ding a nih. Mizoram Assembly Eletion a khan ZPM hin seat 7 an lak a nih.

lalduhoma in aizawl west-i seat a sukruok; serchhip biel a lak

assam sawrkarin farm loan 25% ngaidam ding

Guwahati: Assam Cabinet meeting chun a state sunga loneitu hai ham\hatna dingin farm loan 25% ngaidam din-gin a rel. Zani hmasa zana Chief Minister Sarbanand So-nowal inrawinaa Guwaha-

ti hmuna cabinet meeting huna thutlukna hi siem a nih. Chun, Kisan Credit Card (KCC) hnuoiah lo-neitu han percent boin loan an lak thei dingin cabinet meeting chun a rel bawk.

raiPur: Chhattisgarh Chief Min-ister thar Bhupesh Baghel chun, a state sunga loneitu nuoi 16 chuong hai farm loan Rs. 6,100 crores vel chu ziekbo a ni ding thu a hril. Hi thu hi Chief Minister dinga intiemkamna a nei zoa zani hmasa zana Cabinet meeting hmasa tak a neizo hnunga press conference huna Mr Baghel in a hril a nih. Cabinet meeting chun cooperative le Rural Development banks haia

loneitu han short-term loans an lak hai ziekbo dingin a rel a nih tiin a

hril. Hi baka hin state cabinet chun May, 2013-a Maoist han Baster-a Jheeram ghati hmuna mi 29 zet an kap hlumna chungthu suizuitu dingin Special Investigation Team (SIT) indin dingin a rel bakah an thlai tharsuok minimum support prize scheme hnuoia zawrtu lonei-tu hai kuomah \hangpuina quintal khat peiah Rs. 2,500 pek dingin a rel bawk.

Loneitu 16 lakh chuong hai farm loan ziekbo ding

Nuhmei chau umna ‘National Womens Party’ party thar indinNew delhi: Kum 36-a upa doctor le social ac-tivist Ms Swetha Shetty inrawinain nuhmei chau umna (women’s only party) National Women’s party (NWP) party thar chu Thawleni khan New Delhi hmuna a hawng. NWP hi Delhi Press Club hmuna hawng/tlang-zar a ni a, hi huna hin Acid-a thekhum damkhawsuok pahni Ritu le Pooja hai khawm an \hang a, anni pahni hi Haryana mi v eve an nih.

Party thiltum tak (main mission) chu Lok Sabha-ah nuhmei hai ta dinga seats 50 huolpek a nih tiin Ms Swetha Shetty chun a

hril a, NWP chu nuhmei hai aiawa ngir le sinthaw-na hmuna sawisakna tuok nuhmei hai right humhal a nih tiin a hril.

Tuhin Parliament-ah member umzat chu 11% chau a nih. Telangana Mah-ila Samiti \hangin NWP hi India ram pumpuiah nuh-mei 1.45 lakh in an thlawp niin Ms Shetty chun a hril. Telangana hmuna NGO-a a thawk laia hiengang mass movement hi \an dinga ngaituona a lo neita a ni thu a hril. Nuhmei hai ngirhmun insang lema dawmsang an ni theina dingin nuhmei hai chu party hi zawm din-gin Shetty chun a ngen.

r&r survey nei a ni dingccPur: December 19, 2018 a inthawk khin Na-tional Highway 102B tia hriet Tiddim Road in a hraw Thingkangphai khuo a inthawk Lamjang khuo inkar chu R&R Survey thaw ni dingin Thangboi Gangte, SDO, CCPur in thusuok a siem. Dec. 19, 2018 in Thing-kangphai khuo huopsung po survey thaw ning a ta, December 2, 2018 in Tu-alnuam ah survey thaw ning a ta, Dec. 21, 2018 in S. Munnuom le Tang-mual area, Dec. 22, 2018 in Lingsiphai; Dec. 27 in Mata; Dec. 28 in Buallian;

Dec. 29 in Mata Mualtam, January 4, 2019 in Geljang, January 5 in Zoutuinom le Ngoiphai bakah January 7, 2019 in Lamzang ah survey thaw ning a tih. Survey thawnaa hin Official incharge in Jang-minlien Lupho SDC/Settle-ment le Oinam Sarvanjit Singh, Manager NHIDCL hai ning an ta, DFO, PWD, PHED, MSPDCL, DAO, Horti & sc bakah Fishery depatment han zui an tih. Survey huna ram lekha (Deeds/Patta) le ID Card (Aadhar or Voter Card) hai en nghal thei dinga lo si dinga inhriettir an nih.

MPcs in thusuok le hrilfiena an siemccPur: Neihsial Veng Village Authority in MPCS kohran an um nawh tia chanchinbu haia thu an insuo le inzawmin MPCS chun December 18, 2018 khan thusuok siemin an hrilfie. An thusuok a chun, Neihsiel Veng-ah MPCS a um nawh tia hril chu, a um ngei thu le Neihsiel Veng MPCS hi May 28, 2017 a inthawka um tah a ni thu an ziek. Neihsiel Veng MPCS biekin suksiet le Kohran thuomhanw suksiet a um chu thudik a ni a, Upa S.L. Hena In chu Biekin-a an hmang a ni thu; Biekin/an inkhawmna suksiet a ni huna hin Shri Doukhosat, Chief of Neihsial Veng a \hangnaw sienkhawm ama chu bultumtu tak a nih tiin an hril.

December 15, 2018 zan khan Shri Doukhosat, Chief of Neihsiel Veng le a party hai Upa S.L. Hena inah lutin innawrtuonaah Nk. Chochoi chu a hliem leiin hospital-a admit a nih. A zingah khawsunga inthawk suok le lut thei lo dinga duty a ni a, sun hunah Upa SL. Hena In chu Nei-hsiel Veng VA han Chabi in an kal a, Police le SDO, CCPur hai hungin In hi hawng nawk a nih. Upa S.L Hena chu Neihsiel Veng VA in ama mimal vawithum summon letter an pek le inzawma MPCS Kohran in hiengang thusuok le dawnna hi siem a ni a. MPCS Kohran hi Upa S.L. Hena in ama mi-mala a phun a ninaw leiin ama mimala inlang thei a ninaw leia dawnna siem a nih tiin thusuok a chun an

ziek. Chun, Neihsiel Veng VA han Dan No. 3 na (khawsungah Biekin pahni um thei lo ding) an pawm naw thu May 11, 218 khan Non Judicial paper hman-gin declaration an lo insuo ta thu thusuok a chun an ziek a; April, 2018 a DC le SP, CCPur hmalaknaa buoina sukfel a ni hma po inkhawmna insukbuoituo lo ding ti a ni laia ien-gleia Neihsial Veng VA in thuneina hmanga dan an bawsiet am, iengleia dateline, summon le mimal chunga social boycott an puong khum am? tiin in-dawnna an siem bawk. An thusuok a hin B. Khuma, Secretary; Th. Gina, Church member le SP Hena, Fin. Secy. Nei-hsiel Veng MPCS Kohran han hming an ziek.

Social Welfare, NGOs le VA hai \hangin pawl tum tum hai chu ADCC hmalakna thlawp dingin a ngen. District sung, a bikin lamlien bula Waiting Shed um hai a ni ding anga hmang a ninaw lein khuolzin (tourist) \henkhat CCPur an hung chang CCPur khawpui sunga Waiting Shed hai inruithei thaw le thil ching \halo thaw-naa hmang a nizie an hmu hlak hin ei district hmel nasa takin a suksiet a nih tiin a hril a. Christmas le Kum Thar lawm hung um ding haiah district mipui hai hlim le lawm taka hmang dinga ditsakna an hlan bakah District sunga traffic arrangement siema um chu mipui han thuawi taka zawm dingin a ngen bawk.

ADC Chairman in district

HPC-D (Manipur Region) khawmin Lungthulien khuomi-hai a khuokhirna le hnam hmelma-a a puongna chu a hlip-in a hnukkir ve vat tah beisei a nih. Hi huna rel tah angin SDO, Parbung in MGNREGS/Job Card sum tuta la sem theilo a um hai popo chu Lungth-ulien hmun a ngei a dawngtu ding tak hai kut ah a sem din-ga ti a nih. Lungthulien VA Chairman le Secretary thubuoi um leiin a thar a Chairman le Secretary Election Jan. 26, 2019 hma ngeia nei dinga \ha titlang le rel a nih. Election hmapo chu Mr. Lalsuong in Lungthulien VA Chairman sin la chel ding le hun karlaka mawphurtu (caretaker) ni din-gin DC, Pherzawl chun hi huna hin a ruot.Hi inbiekremna a hin Sawrkar aiaw, Lungthulien aiaw, HPC-D (Manipur Region) aiaw le Hmar Inpui, Gen. Hqrs. aiaw ha’n suoi an kei a nih. Hmar Inpui, Gen. Hqrs. chun Lungthulien buoina le Lungthulien le HPC-D (Manipur Region) inkara inhri-etthiemnawna um hai inbieka sukfel theia a hung um tah chu lawmum a ti thu hrilin inremna dinga hmalatuhai kuomah lawmthu a hril. Hi le inzawm hin thu thedar fim-khur dingin Hmar Inpui, Gen. Headquarters chun mipuihai a ngen a. Social media a hai thu belchieng dawllo le buoina suksuok thei ding tukhawma thu thedar ching lo dingin an hriettir bawk.

Lungthulien buoina sukfel;

hai lasuok vawng dinga inhriettir an nih. Chun, December 24, 2018 8AM to 5:00PM inkar Truck lien hai khawpui sunga an lut phal ni naw nih tiin thusuok chun a hril bawk. Truck lien hai chu hi hun sung hin Mini Secretariat, Tuibong; Lanva Bridge, New Lam-ka; Rengkai Bazar, Rengkai le Tipaimukh Road, Mariam Street Junction chen bak an lut phal ni naw nih tiin thu-suok chun a hril. Hi thil hi mipui hmakhuo ngaina leia thaw a ni a, mitin zawm seng dinga ngen an ni a, thusuok zui loa bawsetu hai chunga action lak ning a tih tiin CEO in Chairman, ADCC hminga Order an suoa chun an ziek.

CCPur khawpui sung Traffic Minority Hai Hmasawntu Ding committee siem a nih: chief Minister

iMPhal: Chief Minister Mr N. Biren Singh chun, hnam tlawm lem minor-ity hai sukhmasawnna dinga hmalatu ding bik Committee pakhat hnam tin le party tina inthawka mihai kei khawma indin a nih thu a hril. Hi thu hi zani ta Mani-pur State Minorities Com-mission (MSMC) huoihawt, Minorities Rights Day 2018 inserna Chandrakirti Auditorium-a a hril a nih. Sawrkar chun hnam tlawm lem hai dawmkangna din-gin development scheme chi hran hran minority hai umna biel le hmun haiah thaw a ni ding thu a hril bawk. Manipur-a minority-a record Meitei-Pangal (Mus-lim) hai chengna biel bik deu Lilong le a sevel ah de-

velopment project thaw a ni ding thu a hril a. Hmun dang tieng khawm phase wise-in thaw pei a nih ding niin a hril. Hi hmalakna thar hnu-oiah sawrkar chun Rs.4.30 crore sengin Meitei-Pangal hai bubitna Lilong ah nuh-meihai bazar ding Wom-en’s Market a bawl ding

niin a hril a. A foundation lungphum hawng a ni vat ta ding niin a hril. Hi baka hin Sadbha-vana Mandap le 50-Bed-ded Hostel (boys & girls) khawm a biela hin bawl a nih ding niin a hril bawk. Chief Minister chun minority hai sukhmasawn-na dingin PMAY housing

scheme hnuoiah sungkuo 1500-2000 hai in bawlna ding \hangpuina pek an ni ding thu a hril a. Meitei-Pangal \halaihai sukhma-sawnna ding le skill devel-opment sukhratna dingin Lilong-a Industrial Train-ing Institute (ITI), chu Ad-vanced Skill Development Training Centre a upgrade a ni ding niin a hril. Minorities Day 2018 function ah hi MSMC Chairman Dr. Syed Burhan-Uddin, Mani-pur State Haj Committee Chairman Mr Moulana Ab-dus Salam, MSMC Mem-bers Dr. M.S. Ningomba le Rev. M. Ranjit Singh le Secretary (MOBC) Ms Kh. Raghumani Singh hai khaw-min an uop.

Mi kap hliemtu mana hremna pe dingin a ngenccPur: T. Pauchinkhup, Chief/Chairman, Zomunnu-am Village Authority chun, December 15, 2018 zingkar ZYO Zoumunnuam Unit in mithi vuina ding thlan an cho laia Tui\hapui rala Kerith khuoa inthawk silai hung kap a, mi 4 kap hliem-tu chu an rang thei anga man le hremna pe dingin thuneitu hai a ngen. Zani zantieng 2:00PM a T. Pauchinkhup in tuol-sung chanchinbumihai an pawlpui huna hi thu hi a hril

a nih. T. Pauchinkhup in chanchinbumihai kuoma a hril danin, December 15, 2018 zingkar dar 8 velin

Zomunnuam Unit ZYO han mithi vuina ding thlan an cho laiin Kerith khuo a in-thawk hmun hnia inthawkin thlan choa um hai hi silaiin

hung kap an ni a, mi 4 in hliemna an tuok a nih tiin a hril. Hi thil tlung le inzawm hin silai kaptu pahni hai laia pakhat chu Police-ah inpein silai khawm man a nita a, silai kaptu pakhat lem chu tuchen hin man a la ni naw a. Police hai chu inves-tigation \ha taka thaw a, mi kaptu pakhat lem hi an rang thei anga man le hremna pe dingin Zoumunnuam khaw mipui aiawin T. Pauchinkh-up chun ngenna a siem.

Sainik School Imphal in Annu-al Day an hmang

iMPhal: December 18, 2018 khan Sainik School, Imphal chun 46th Annual Day an hmang. Hi huna hin Brig. K. Somashankar, SM, Dy. GOC, Red Shield Di-vision chu Chief Guest in a \hang. Annual day huna hin Arts, Science exhibition hai nei a ni bakah Chief Guest chun academic topperss le Games & Sports le curricu-lar activities haia thaw \ha chungchuong hai kuomah lawmman semna a nei.

TRATDA Ticket counter Dec. 22 chen hawng ding

ccPur: Tipaimukh Road Area Transport Develop-ment Association (TRAT-DA) ticket counter chu December 22, 2018 chen hawng la ning a ta, Decem-ber 23, 2018 a inthawk Jan-uary 7, 2019 chen in Ticket Counter khar a ni dign thu TRATDA chun inhriet-

tirna a siem a. Driver le mahajon hai fimkhur taka motor enkai pei dingin a tharin ngenna an siem. Chun, tulai sikul nau-pang In/veng fe le hung hun a ni leiin mipuiin harsatna an tuok nawna dinga motor neitu le driver hai \ha taka enkai dingin an ngen bawk.

Bills 3 putlut dingiMPhal: Manipur As-sembly Winter Session chu Dec. 20 & 21, 2018 haiah nei ning a tih. Hi Session-a hin Bills 3, Protection From Mob Violence Bill, 2018, The Manipur In-

ternational University Bill, 2018 le The Manipur Goods and Services Tax (Amendment) Bill, 2018 hai putlut dingin zani hma-saa State Cabinet meeting chun a hril.

laktawi

3MiMtukthla (deceMber) 19, 2018 NilaiNi (wedNesday) NatiONal/iNterNatiONal & adVertiseMeNt Hmasawnna Thar

NGAINAT FIELNAHung tlung ding tarik 19th Dec. 2018 (Nilaini), sun dar 1:00PM khin Rengkai ICI Biek In ah, kan naupa Tv.Lalremkhum le Nk.Wipiliu Chawang, kohran dan thienghlimin kut an insui ding ana. Inneina mi hung hrepui ding le lawmna ruoi, biek in compound ah mi kilpui dingin, hi chanchinbu tiemtu hai po po ngaina takin kan fiel cheu.

In unauhai,Mr & Mrs Joseph lalrothang, rengkai. (1

8,19

)

Rafale deal le thu dang dang hai leiin LS le RS in\hung sukchawl nawk a nih

New delhi: Parliament Winter session in\hung mek chu zani khawm khan Inpui pahni Lok Sabha le Rajya Sabha haiah Rafale fighter jet deal chungthu le thu dang dang haiah rorel thei lo khawpa risie siem a ni nawk leiin zanita dingin sukchawl nawk an nih. Lok Sabha a chun Ra-fale deal thuah Opposition hai le sawrkarna siemtu tieng nasa takin an insel-tuo a. Congress leader Mallikarjun Kharge chun Rafale deal thu chu Joint Parliamentary Commit-tee suichieng dingin a phut

bakah Vuongna inchawkna man chungchang chipchier taka hriltlang a ngiet a. Amiruokchu, Parlia-mentary Affairs Minister Narendra Singh Tomar chun, Rafale Deal thu hi Supreme Court in a chingfel tah a ni thu hrilin, sawrkar chu hi chungchang hriltlang dinga an pei thu a hril a. Amiruokchu, rorel theilo khawpa inseltuona le risie siem zui pei a ni leiin Lok Sabha Speaker Pi Sumitra Mahajan chun zanita dingin Lok Sabha in\hung hi a suk-chawl ta a nih. Rajya Sabha a khawm

Opposition leader Gh-ulam Nabi Azad chun Ra-fale issue bawk khekpuiin sawrkar chu deal thuah previlege notice party in a peklut thu a hril a, Rajya Sabha Chairman M. Ven-kaiah Naidu chun notice hi ngaituo mek a ni thu a hril a. Chu hnungah Minister of State for Parliamentary Affairs Vijay Goel chun Azad thuhril hi dawnletin sawrkar chun Rafale thu \hangin thil iengkim hrilt-lang a nuom thu a hril a, Opposition hai chu hrilt-lang nuom loa inpui in\hung sukbuoiin an tum ve thung. Opposition le sawrkar tiengpang member hai kara inseltuona nasa tak a um pei leia ro rel thei a ninaw leiin Chairman Mr Naidu chun zanita dingin Rajya Sabha in\hung a sukchawl ta a nih. Rafale deal chungthuah Rajya Sabha in\hung a za-wna ni 5 sukchawla a umna a ni tah.

sajjan kumar in rahul Gan-dhi lekha thawn; congress member a inthawk an ban

New delhi: Kum 1984 anti-Sikh riots case le inzawma damsung lun-gin intang dinga Delhi High Court in a chungthu a rel nikhat hnungin MP hlui Sajjan Kumar chun Thawleni khan Congress President Rahul Gandhi kuomah lekha thawnin, Congress party primary member a ninaa inthawk an banna thu a zieklang. Kum 1984-a kha huna Prime Minister Indira Gan-dhi ama vengtu vek Sikh sipai in a kap hlum hnun-ga Sikh hnam hai chunga tharum thawna a tlung huna khan Sajjan Kumar hi sungkuo pakhata mi 5 hai thatnaah inrawlna neia intum leia damsung lungin intang dinga Court in a rel a nih. December 31, 2018 chenah Police kuta inpe dingin Delhi High Court bench a Justice S. Muralid-har le Justice Vinod Goel han an inhriettir a nih.

Kumar hi 1980s lai khan Delhi politics-ah nasa takin a hung inlar a, kum 2004 UPA-I huna khan Mp dinga thlangtlin-gin a lo um a nih. Tuta a case hi April 30, 2013 khan Special CBI court chun thiem inchangtirin a lo suktawp ta a, mi 5 thiemnaw an changtir a, sienkhawm a hnungin thiem inchangtir a nina ennawn dinga petition peklut a ni hnungah Court in damsung lungin intang dingin a hung rel nawk ta a nih. Hieng laizing hin Kum 1984 anti- Sikh riots case –a Delhi High Court in dam-sung lungin intang dinga a chungthu a lo rel tah Sajjan Kumar chunga petition petu hai laia pakhat Jagdish Kaur chun, Sajjan Kumar in Delhi High Court thutlukna Supreme Court-ah appeal a thaw chun an hnawtzui pei ding thu a hril.

India in Pakistan an biekpui hun lai a nih : Mehbooba

New delhi: Jammu and Kashmir Chief Minister hlui Pi Mehbooba Mufti chun, Pakistan Prime minister thar Imran Khan in India le inbiek a nuom thu le chu dinga an pei thu a hril le inzawmin India ta dingin \henum rambung le inbiek hun lai tak a nih tiin a hril a. Tuhin ram pahni han inbiekna an \an chun inbiekna ra \ha tak an suo el thei a nih tiin a hril. Hi thu hi ‘Agenda Aaj Tak’ event huna Ms Me-hbooba in a hril a ni a,

PDP in BJP le \hangruola sawrkarna an lo siem chu mani inthatna a nih tiin a hril a, PM hlui Atal Bihari Vajpaye hun lai le tuta PM Narendra Modi hnuoia BJP chu hnuoi le van ang an ni a, inang naw tak a nih, Atal Bihari Vajpayee kha politi-cal leader inza um le rem-hrie tak a ni a, tuta NDa ruok chu election a hrat chau an ngaituo a nih tiin a hril a, Bawng hai vot-ing rights pek an ninaw na dingin pathien mi sanhim rawh, tiin BJP a khik.

IAF in bio-jet fuel hmang vuongna an ensinchaNdiGarh: Indian Air Force (IAF) le IAF –a Aircraft Systems and Test-ing Establishment (ASTE) a inthawk Experimental Testing Pilots and Test Engineers han India rama bio-jet fuel hmang mili-tary flight hmasa tak AN-32 transport Aircraft chu Chandigarh hmunah ensin-nain an invuongtir. Project hi IAF, DRDO, Directorate General Aero-nautical Quality Assurance (DGAQA) le CISR-Indian Institute of Petroleum hai \hangruola an thaw a ni a. IAF chun January 26, 2019 Republic Day hunah AN-

32 10 percent hai chu bio-jet fuel hmanga invuongtir (republic day flypast) a tum niin Air Chief Marshal BS Dhanoa, Chief of Air Staff chun a hril. Hi le inzawm hin In-dian Air Force (IAF) chun ground-ah engine test ngawr

takin a nei a, hi zo hin bio-jet hi ensinnaa invuongtir a ni a, a thautui (fuel) hmang hi Chattisgarh Biodiesel Development Authority (CBDA) a Jatropha oil lak le CSIR-IIP, Dehradun a processed a nih tiin IAF thu-suok chun a hril.

A nauhrawn suolluitu double death penalty pekratlaM: Madhya Pradesh-a chun a nuhmei hmasa nau (a nauhrawn) nuhmeite kum 5 mi chau a suollui hnunga thattu pasal kum 42 mi chu Additional Judge OP Bohra chun un-der sections 376 (A-B) le 302 of the Indian Penal Code (IPC) hnuoiah thi dingin (double death sen-tence) Thaw\anni khan a chungthu a rel. Hi thil hi April, 2018 a kha tlung a ni a, Court chun fine Rs. 15,000 chawi din-gin a rel bawk. Madhya Pradesh As-sembly chun nikum khan nuhmei naupang kum 12 chen hai suollui/suol-hrawntu hai chu thi dinga an chungthu rel theina ding bill a lo passed ta a nih.

VVIP chopper deal a intum sumdawngtu in bail a ngen

New delhi: Rs 3,600-crore VVIP chop-per deal a sum chawk-chawrawinaa inrawlna neia intum Dubai \hangsana um sumdawngtu Rajeev Sax-ena chun Thaw\anni khan Delhi Court-ah a advocate fethlengin Special Judge Arvind Kumar kuomah anticipatory bail a ngen. Rajeev Saxena hi Bubai based company pahni UHY Saxena le Ma-trix Holdings haia director a nih. India sawrkarin VVIP helicopter inchawk a tum-

na le inzawma intum mid-dleman Christian James Michel leh thawtlanga in-tum an nih. Michel hi tuta thla bul khan a chungthu rel dingin Dubai a inthawk New Delhi tieng hung \huoi niin tuhin CBI Custo-dy-ah a um mek a nih. Saxena petition le inzawm hin Court chun Enforcement Directorate (ED) chu December 24, 2018 chena dawnna pe dingin a hril a, hi thua hear-ing chu December 25, 2018 a nei ni dingin Court chun a hril.

PM Modi chu Nitin Gad-kari-a thlakthleng dingin

thurawn an pek

MuMbai: Maharashtra –a Loneitu pawl Vasantrao Naik Sheti Swavalamban Mission (VNSSM) Chair-man Kishore Tiwari chun kum 2019 Lok Sabha Elec-tion-ah an party Bharatiya Janata Party in hratna chang an nuom chun Rashtriya Swayamsevak Sangh (RSS) hai chu Prime Minister Narendra Modi ngirhmu-nah Union Minister Nitin Gadkari sie/thlakthleng dingin thurawn an pek. Mr Tiwari in RSS chief Mohan Bhagwat le Gen-eral Secretary Bhaiyyaji Suresh Joshi hai kuoma lekha a thawna chun, Ra-jasthan, Madhya Pradesh le Chhattisgarh haia BJP hne-ban an hung nina san chu PM Modi thutlukna India pawisa that (demonetisa-

tion), Goods and services Tax (GST), Thautui man kaisang le anti-people lei a nih tiin a zieklang. Party le sawrkarnaa fir taluo le dictatorial attitude nei hi ei ram le society ta dingin \i a um, hiengang hi tuta hma khawmin a lo tlung ta hlak a, chuongang thil a tlung nawk ta nawna dingin kum 2019 election-ah thuneina Gadkari kutah inhlan ro, tiin Tiwari chun RSS hai hi a hril a nih. PM Modi le Shah hai chu Madhya Pradesh le Chhattisgarh haia BJP sawrkar hmasa in thil\ha an lo thaw hai sukbuoitua intumin Modi le Shah hai chu Bullet trains le Metro Rail projects hai chaua inhnik niin an inlang tiin Tiwari chun a hril bawk.

School bus eksiden-ah student tam tak an hliemsaMastiPur: Bihar-a chun zanikhan Begampur village-ah School bus pak-hat changsuolin lampui sira khur sungah a tlalut leiin bus a chuong students 40 deuthawin hliemna an tuok. Bus a chuong student hai hi Utkramit Vidyalaya government school student an ni a, Khanpur hmuna tour-a fe, an hung kir tien-ga eksiden hi an tuok a nih. Bus a hin teachers 4 \hangin students 70 vel an chuong niin Police thusuok chun a hril. Hliem hai chu Darbhanga Medical Col-lege and Hospital-ah ad-mit an ni a, \henkhat Sa-mastipur Sadar Hospitalle private hospital dang dang haia admit an nih.

CBI Officer tehlem man

MuzaffarNaGar: Uttar Pradesh a Shamli dis-trict-a chun CBI Officer ni anga inhrila midang dang hlemtu Naresh Kumar chu Thaw\anni khan Police han an man tiin Shamli Super-intendent of Police Ajay Kumar chun a hril. Mr Naresh kuta in-thawk hin Mobile phone 2, sumfai iemanizat, bank Passbooks 4 man sa a nih. CBI Officer nia inhrilin mi dang dang hlemin pawisa a lakpek hlak niin Police chun an hril a, Police chun thu indawnna an nei mek.

AP Congress in ni 2 sung aw

meetingitaNaGar: Arunachal Pradesh Congress Commit-tee (APCC) chun ni 2 sung aw dingin December 21, 2018 a inthawk khin ex-ecutive meeting nei an tih. Meeting huna hin ni 100 sunga action plan ding hriltlang ning a tih tiin APCC vice President Bo-siram Siram chun reporter hai kuomah a hril. Meeting huna hin AICC general Secretary, Arunachal Pradesh in-charge Luizinho Faleiro bakah AICC Secretary, Arunachal Pradesh in-charge Zenith Sangma hai khawm \hang an tih.

Jharkhand-ah Sai in mi 5 an that

raNchi: Chawlkarkhat liemta sung khan Jharkhand-a Pakur, Jamtara le Dumka district haia chun Sai hawnin mi 5 zet an sir hlum niin za-nita forest official thusuok chun a hril. Jharkhand-a hin kum 2000 a state puitling an nia inthawk Sai in mihriem 700 chuong zet an sir hlum ta niin official thusuok chun a hril. Sai in mi a sir hlum nuh-nung tak chu Amanuwal Hembrom (30) of Khhasaa village a ni a, khawsunga va lut sai hawn khawsung mipui han hnawthmang an tum-naa Hembrom hi Sai in a sir hlum a nih.

cabinet in Bihar-a Ganga vadung chungah leilak thar daw dingin

New delhi: Prime Minister Narendra Modi inrawinaa Cabinet Com-mittee on Economic Af-fairs (CCEA) chun Bihar state sung, Patna khaw-puia Ganga vadung chunga leilak thar daw dingin a remtih. Leilak daw thar ding hi km. 5.634 a sei ding

le lane 4 a lien ding a nih. Leilak dawna proj-ect hi January, 2023 che-na zo hman beisei a nih tiin Union Minister Ravi Shankar chun meeting zoa chanchinbu reporter hai an hmupui hunah a hril. Hi baka hin cabinet chun All India Institute of

Medical Sciences (AIIMS) pahni, Tamil Nadu-a Madurai le Telangana-ah Bibinagar hmun haia in-din dingin a remti bawk. Hieng AIIMS pahni hai hi Pradhan Mantri Swasthya Suraksa Yojana hnuoia in-din ding a nih. Chun, Pradhan Mantri Ujjawala Yojana hnuoia beneficiaries list khawm suklien dingin CCEA chun a pawmpui bawk niin Petroleum Minister Dharmendra Pradhan chun a hril a, new and renew-able energy tienga India le France han October, 2018-a MoU an lo ziek ta khawm Cabinet chun a pawmpui bawk.

January 11 chen karti man thei lo dingin delhi court in a la venghim

New delhi: Congress leader P. Chidambaram naupa Karti Chidambaram chu Aircel Maxis money laundering case January 11, 2019 chenah la man thei lo ding (interim pro-tection) in Delhi Court chun a rel. Karti Chidambaram hi Central Bureau of Inves-tigation (CBI) le Enforce-ment Directorate (ED) han kum 2006 a Rs. 3,500 crore Arcel-Maxis deal ziek huna indiklo taka thil

thawa sum chawkchaw-rawia intum a nih. Deal ziek huna khan Chidambaram hi Finance minister niin Foreign In-vestment Promotional Board (FIPB) a chairman a ni a. Dan dungzui chun Chidambaram hin FDIs Rs. 600 crore chen a pawm-pui thei a, FDI proposal Rs. 600 crore le a chungtieng ruok chu Cabinet Commit-tee on Economic Affairs chauin a pawmpui thei a nih.

Japan-in Air craft carrier Hmasatak Ding Nei DingtOkyO: China hung lien pei lo dangtu ding pakhatah a \hang ve theina dingin Japan chun khawvel Indopui 2-na zova a nei thei lo dinga ti, Aircraft Carrier lawng lien pakhat inchawng a ta, vuongna tamtak inchaw sa bawk a tih. Hi thil hi US-in China hung lien pei ding vengna ding chun ruol\ha a nei a \ul ti a hriet a. Ralthuom nei thei tah lo dinga ti Japan chu a ralthuomhai inchawktir a tum tah a nih. Japan chun kum 5 sunga a defence system sukchangna ding plan a siem a. Aircraft carrier bakah helicopter phurtu lawng khawm siem\ha bawk a tih. Prime minister Shinzo Abe chun North Korea hung lien pei laka inthawka inveng a \ul ding ti a hriet zing a, mani invengna ding Defence a lo suhrat zing

tah a. Chuonglai zing chun, China khawm hi a thiltum, khawvela rorel ve a tumnaah dang a \ul el thei nia a hrietve leiin an veng sa bawk a nih. Chief Cabinet Secretary Mr Yoshihide Suga chun, “ J a p a n c o n s t i t u t i o n dungzuia defence budget siem theina ding limit huom sunga hmang thei ding zat char 27.47 trillion yen (USD 244 billion) senga bawl/inchawk ning a tih” tiin a hril a. Kum nga sung project a nih angin march 2024 chena ding ning a tih.

Tuta aircraft carrier a nei dinghai chu flat-top Izumo class Destroyer hai ang hi ning a ta. Jet Fighter F-35B Stealth Fighter hai tawite tlana vuong suok thei le a suka hung \um theina power nei a nih ding a nih. Defence tienga ding bawkin, Cabinet approved dang chu indo vuongna F-35 hai 42 inchawkna ding budget a nih a. Hi hun sung bawk hin F-35A an ti ang chi 105 inchawng a tih. Hi taka ding hin USD 8.8 billion a seng ding a nih.

china Hmasawnna Tukhawmin Dang Thei Naw Nih: Xi Jinpingb e i J i N G : B i b l e - i n ‘suotieng milien’ hung lien pei ding a hrillawk ang ngeia lien pei China chu a la lien pei tum a. President Xi Jinping chun, Communist Party kum 40-na le inzawmin, ‘reform le inhawng lien pei’ a tumnaah tukhawm China chu lo dang thei naw nih hai tiin a hril. Hi thu hi tulai hnaia sumdawngna le economic deve lopmen t t i enga an hmasawnna US-in dang a tuma, abikin US a thuomhnaw luthia tariff insang tak laa China thuomnaw dang a tumna thu le inzawma a hril a nih. Zanita Great Hall of the People ah inkhawmpui an neia thu a hrilnaa chun, Beijing chun economic reform a thawna lampui pet hmang naw nih a, One Party System a zui khawm bansan bawk naw nih a, a hmasawnna ding lampui khawm tukhawmin dal thei naw nih hai, tiin a hril a. Tu rambung a inthawk khawmin China chun thu a lak ngai naw ding zie a hril bawk. America hming direct-a hril lang lovin, amiruokchu, US a tina a nih ti inhriet thei

si dingin, China chu tu ram ta ding khawmin \ium a siem naw a, ‘tu ram’ khawmin in\hi thei bawk naw nih, tiin US-in Trade le security thua an \hi hlakna le inzawmin a hril. “Tukhawmin China mihai kuomah thaw ding le thaw lo ding hril thei nawng an tih. Ieng thil am inthlakthleng ei tul a, ieng thil am hmasawn ei \ul ti chu mihai mi hril ding an nawh” tiin Commuinist Party hotu lienhai lai a hril a. Mao Zedong ang thovin a mipuihai a hne a nih. P r e s i d e n t Xi h i n ‘reforms’ ding thu a hrila chu ieng thil tak am a na ti ‘specific’ tak chun a hril nawh. China khawvel huopa hmasawn a tumna chu lien taka hrilin, “World economy lien lem hawnga

sukhmasawn ei nuom a, mihriemhai inthlung zawmna suklienin khawvel insawrkar dan khawm ei siem\ha ding a nih” tiin a thiltum a hril bawk. China chun tulai hin an ram \huoitu ropui Deng Xiaoping-in December 18, 1978 laia insiemthar nawkna ding policy a siem kha thaw thar an thaw a. Abikin sumdawngna kawnga US le an indona or inremnawna khawm a \ha zawnga siem tumin US President Donald Trump le ni 90 hun an inpek hai dam President Xi hin a party mi le sahai an hriettir. P r e s i d e n t X i a reformation le economic transformation policy chun hrat takin ram a lak a. Economic reform an hei thaw tak tak chu China mipui maktaduoi tel chu retheina a

inthawkin a lak suok a. China economy chu khawvela economy lientak dawt ah a siem a nih. Amiruokchu, chuonga hmasawnna lien tak a um zing lai chun, khawvel rambung danghai ang thovin national debt (bat) a hau ve a. Economic growth ni kum 6.9% kha 6.5% velah a um sawng ring a nih bawk. Zani ta inkhawmpui hin China mi economic development tienga sin thaw \ha bikhai chawimawina hun khawm hmang a nih a. An ram hmasawnna dinga thaw hlawka ngai mi 100 hai kuomah chawimawina Medal an hlan a nih. Anni lai hin internet online market place inlar Alibaba founder Jack Ma le NBA player hlui Yao Ming hai khawm an thang. China billionaire khawm an pung deu deu a, tuchena Billionaire a nei zat chu 620 an nih tah. Amiruokchu, economic transformation nasatakin a uma chu politics tieng chu Communist Party-controlled political system ruok chu a la sukdanglam thei chuong nawh.

State dang haiah NRc hmang tumna a um nawh: Hansraj AhirNew delhi: Assam state sunga National Register of Citizens (NRC) hmanga um mek chu India ram state dang haiah suklien le hmang tumna a um nawh tiin Minister of State for Home Affairs Hansraj Ahir chun a hril. Hi thu hi zanita Lok Sabha hmuna indawnna dawna Mr Ahir in a hril a

nih. Citizenship Act, 1955 le the Citizenship rules, 2003 special provision hnuoia Assam rama NRC update (1951) hi thaw a ni a, tuchena chun Assam ti lo state dang haiah thaw ve tumna a la um nawh tiin Ahir chun a hril. BJP chun dan loa Ban-gladesh a inthawk India rama hung lut hai zawng-

suok le thawnkirna dingin West Bengal a khawm NRC thaw dingin rawtna vawi tam tak an lo siem ta a nih. July thlaa NRC final draft insuo a khan Assam rama applicants nuoi 40 chuong zet chu list-ah an umnaw leiin final list siem na dingin claims and objec-tion thaw theina process a fe mek a nih.

Hmasawnna Thar4 EntErtainmEnt / SportSMiMtukthla (deceMber) 19, 2018 NilaiNi (wedNesday)

sun ZAWMnA.......

Anthony Martial in United-ah contract a sukseiMaNchester: Man-chester United France for-ward Anthony Martial (23) chun kum 2020 chena din-gin contract a suksei nawk. Anthony Martial hin tuta season fe mekah Man-chester United ta dingin vawi 19 a khel ta a, hieng haia hin goals 8 a thun ta a, a contract fe lai mek hi kum thar nipui huna tawp ta ding a nih. Martial hi pound 36 million-a United in kum 2015 a kha Monaco-a an lo

lak \an a nih. F o o t b a l l Thuthang:• Manchester City man-

ager Pep Guardiola chun Real Madrid’s Spain mid-fielder Isco (26) contract ziekpui a nuom. • Man. United in France midfielder Paul Pogba (25) January transfer window huna zawr an nuom thu an hril hnungin Juventus chun club-ah contract ziekpui nawk an nuom thu an hril. • Everton defender Ma-son Holgate (22) chun Jan-uary transfer window hunah loan in club a suoksan el thei.

Zlatan Ibrahimovic LA Galaxy-ah la um dinglOs aNGeles: US-a Major League Soccer (MLS) side-a LA Galaxy a khel mek striker Zlatan Ibrahimovic (37) chu sea-son thar-a khawm LA Galaxy ta dingin a la khel zawm ding nia hril a ni a, sienkhawm Galaxy chun formal takin a la puong nawh. Ibrahimovic hin sea-son nuhnung taka khan dol-lar 1.5million a hlaw a nih. Ibrahimovic hin season nuhnung taka khan games 27 a khel a, goal 22 a thun bakah mi goal thun ding 10 a assists bawk a nih. Tulai hnai iemanichena

inthawk khan AC Milan \hangin European club tieng a kir nawk el thei ti hrilrik a um a, sienkhawm AC Milan chun kar hmasa khan an ngirhmun an lo hril chieng ta a nih. Ibrahimovic hin D.C.

United a khel mek Wayne Rooney khumkhelin MLS Newcomer of the Year a dawng a nih. MLS a hin Ibrahimovic chu season pahni a khel ta a, hieng haia hin vawi 53 a khel a, goals 29 a thun tah.

Europa League draw:

Celtic in Spanish side Valencia; Bate Borisov in Arsenal le Malmo in Chelsea lONdON: UEFA Europa League group stage khel zo a ni hnungin Last 32 –a inbitum ding hai sukfel (draw) a nitah. Tuta champion nilai chu Atletico Madrid a ni a, Club hlawtling tak chu Sevilla niin tuchena hin titles 5 a lak tah. Last 32 a inkhel ding hai draw dungzuiin Scottish champions Celtic chun Spanish side Valencia inhmasawn pui a tih. Valencia hi La Liga-ah 14-na ni mek an ni a, Champions League group-ah pathumna an ni thung a, Ju-ventus le Man. United hnuoiah an um a nih. Premier League side Arsenal chun Bate Borisov inhmasawn pui a ta, kum 2013 cham-pion Chelsea chun Swedish side Malmo inhma-tuok pui a tih. Arsenal hi Premier League-ah pangana le Chelsea hi palina ni mek an nih. Last 32 round hi leg pahnia khel ning a ta, first leg chu February 14, 2019 le second leg chu February 21, 2019 a inthawk inkhel ning a tih. Celtic hi season nuhnung taka khan last 32-ah Russian side Zenith St. Petersburg in an hne

a, Valencia le an inkhel nuhnung tak chu 2001 UEFA Cup a ni a, third round-ah penalty in an hne nawh. Arsenal le Chelsea hai hi group stage-ah topper ve ve an ni a, group stages matches vawi 6 an khel haiah vawinga ve ve hratna an chang a, vawikhat ve ve an khingpui hai an indrawpui

bawk a nih. Arsene Wenger hnuoiah Arsenal hi season nuhnung taka khan semi-finals chen an lut a, sienkhawm Atletico Madrid lakah aggregate 2-1 in an tlawm a nih. EUROpa LEagUE ROUND OF 32 DRaw Viktoria Plzen vs Dinamo ZagrebClub Brugge vs SalzburgRapid Vienna vs Inter MilanSlavia Prague vs GenkKrasnador vs Bayer LeverkusenFC Zurich vs NapoliMalmo vs ChelseaShakhtar Donetsk vs Eintracht FrankfurtCeltic vs ValenciaRennes vs Real BetisOlympiacos vs Dynamo KievLazio vs SevillaFenerbahce vs ZenitSporting Lisbon vs VillarrealBATE Borisov vs ArsenalGalatasaray vs Benfica

UEFa ChaMpiONs LEagUE DRaw:

Liverpool in Bayern Munich; Man. United in PSG an inhmatuok pui dinglONdON: Group stage khel zo a ni hnungin Thaw\anni khan UEFA Champions League Last 16 lut Clubs/teams han Last 16-a an inkhelpui ding hai draw nei a ni a. Premier League season fe mekah tuchena hma \huoitu Liverpool chun Bayern Munich inkhelpui a tih. Bayern Munich le Liverpool hai hi European champions vawi 5 ve ve lo nitah an nih. Bayern Munich hi group E –ah champion an ni a, Liverpool hi group C-ah pahnina an nih. Premier League season fe me-kah che fuk hlei thei lo, Cham-pions league Group stage group F champion Manchester United chun a vawikhatna dingin group C champion Paris Saint-Germain (PSG) inkhelpui a ta, Serie A Champion Juventus chun Europa

League winners Atletico Madrid inkhelpui a ta, Barcelona chun Olympique Lyonnais le AS Roma in Porto inkhelpui a tih. Juventus le Atletico Madrid hai hi kum 2014-15 Champions League group

stage-ah vawihni an lo inhmatuok tah. English Champions le Permier League champion ni lai Manches-ter City chun Schalke 04 inkhel-pui a ta, Tottenham Hotspur chun

Borussia Dortmund inkhelpui a ta, Champions league title hau mektu Real Madrid chun vawi 4 cham-pion lo nit ah Ajax Amsterdam inkhelpui a tih. Champions League round of 16 hi leg pahnia inkhel ning a ta, first leg chu February 12-13, 2019 inkar le Februarty 19-20 inkar sung inkhel ning a ta, second leg chu March 5-6 le March 12-13, 2018 inkar sung inkhel ning a tih.

full champions league draw:Schalke v/s Manchester CityAtletico Madrid v/s Juventus

Manchester Utd v/s PSGTottenham v/s Borussia Dortmund

Lyon v/s BarcelonaRoma v/s Porto

Ajax v/s Real MadridLiverpool v/s Bayern Munich

Man. United in Jose Mourinho a ban tahMaNchester: Pre-mier League season fe me-kah Manchester United in Pathienni zana league hma\huoitu Liverpool 3-1 zeta an hnenaw nawk hnungin Thawleni khan Manchester United chun manager Jose Mourinho (55) chu an ban tah. Jose Mourinho hin kum 2 le a chanve Manchester United manager sin a chel hman a, Old Traford-a a um sung hin Man. United chu League Cup le Eu-ropa League a lakpui a, Premier League season nuhnung taka khan Man. City hnuoia umin pahnina an ni a. Amiruokchu, tuta season fe meka hin games 17 an khel ta haiah point 26 chau la hmua parukna an la ni phak chau a. Kum 1990-91 hnunga United in Premier league-a point an

la hmu tlawm tak \um a la ni a, League hma\huoitu Liverpool le an karah point 19 zet a tla a nih. Full-time manager ding lak a ni hma poa club en-kawltu dingin care-taker Manager ruot ning a ta, care-taker manager in a enkawl sung hin club man-ager ding uluk taka ngaituo le zawng ning a tih tiin United thusuok chun a hril. United-a a um sunga a sinthaw hai leiin Unit-ed chun Jose Mourinho

chungah lawmthu a hril a, hmatieng hlawtling pei dingin ditsakna an hlan. Pogba le an inlaichinna a \hanaw el bakah United Executive Vice Chair-man Ed Woodward le Jose Mourinho inlaichinna khawm a \ha naw a hril a ni a. Pogba le an kar thu lem hi chu hril sep a umna kha a sawt ta a, tuin am United an suoksan hmasa lem ding tia mi tam takin an lo thlir laiin United chun Jose Mourinho a hung ban ta a nih.

Christmas Zarin Dani Le Jack Khawm Inkawp Nawk Tah

lONdON: Christmas chu ‘remna ni’ or ‘inremna ni’ a nih ang hrimin khawvel hmun hran hrana mi chi hran hran hai khawm, hnuoi mi le van mihai chau ni lovin, an inrem sup sup el a nih. Indopui laia hmelma khawm inremna a siempek thei angin nunghak-tlangval inrem ta naw hnung khawm a sukrem thei a nih. Love Island 2018 Reality TV program-a pakhatna latu Dani Dyer (22) le Jack Fincham (26) khawm thla hmasak khan an in\he thu an puong a. Thla khat khawm tling hman lovin Christmas boruokin a hung chim chun, Chirstmas Reunion program neiin an inkawp nawk tah niin an puong. Dani Dayer le Jack hai hi Love Island a \hang an ruolhai po po leh Love Island Christmas Reunion program nei an tum a. Chutaka chun an kawppui hai seng leh \hang ding ti a nih a. Anni pahni pakhatna la takhai an lo in\he chu inhawi an ti naw ning a tih, \hang ve ngei dingin an inkawp nawk tah niin an hril. Kar hmasak sung po po deuthaw khan Dani chun Instagram-a an fans hai kuomah an in\hena san a hrilfie a. Tleirawl hmangaina indiktak la zawng ve el a ni leiin an inlarna leia vantlang hrieta an nun po po deuthaw pholanga um zing chu a hne naw leia in\hepui niin a hril a. Ruol\ha ang chun an la um zing niin a hril bawk. “Kum 22 chau ka la na, ka taksa le lungril khawm a puitling ding chauh a nih a. Mi dang kuoma inhlan ding chun kei khawm

ka lan hmelhriet a ngai a. Chuong laia mipui vantlangin iengkim an mi hmu vawng zinga um chu ka la thei naw a. Khum chungah pahni chauva tawnhriet phawt dam ka tul a ni leiin ‘mipui mithmua’ um zing chu ka la thei naw a nih” tiin public life le private life \he\hawp a nuom leia Jack le inban niin a hril. “Mi po povin nunghak naran ve el ka nih a. Danglamna taluo le \hatna bik taluo iengkhawm ka nei nawh ti hi mi hre pek unla ka nuom” tiin a hril. Love Island Christmas Reunion hi ITV2 ah Thaw\anni (Dec.17) dar 9pm in insuo a nih.

Angelina Jolie LA Airport Ah Pasal Pakhat LehlOs aNGeles: Nuhmei hi ieng ang lo hlawtling hai sienkhawm pasal bo hin chu an hlim tak tak thei naw niin an lang. Angelina Jolie khawm Brad Pitt le an nauhai thuah court ah relfel thaw khat angin an uma chu relfel ding dang a la hau hle niin an lang. Thaw\anni khan Los Angeles airport ah pasal pakhat leh an hung \um lai hmu a nih a. A hmel en chun a hlim hmel hle a. A sin a buoia chu a thil thawnahai a hlawtling a lungawi ning a tih ni dang nekin a hlim sarin an lang. Hi hma hin Burbank airport ah khawm hmu a nih a. An zin kuol nasa hle ti hriet thei a nih. Angelina Jolie hi pasal pakhat lien deu leh hmu an nih le inruolin hi zan bawk hin a naunu Vievienne Karate an chukna hmunah a va thaka, a sunga lo inchuk mekhai iemani zat leh an inhmel hriet tasa a nih bawka, ama khawm inhawi a ti hlea, a nunghak lai an hriet dawk tir niin a hril. Jolie hin kekawr dum a bun a, pheikhawk khawm Boot dum bawk a bun a, zakuo ruok chu loose fitting button-up var a hak a, coat dum infuol duom a chungah a hak bawk a. A hmel hlim surin a hriselna tuta hma nekin a \halem niin an lang. Pasal pa le an intlawna an inbiek dan vela khawm a tlangnel tah hle niin an lang. Los Angeles tuta \uma a hung leng suokna tak chu Brad Pitt le an nau inphir naupangak Vivenne-in ama ang deuva

Karate thiem ve a nuom leia Karate class la dinga hungpui a ni tak. Angeleina Jolie le Brad Pitt hin nautak pathum, Shiloh, Knox le Vivenne an nei a. Naulak pathum bawk Maddox (17), Pax (15) le Zahara (13) hai an nei a nih. An naulak Maddox leiin an in\he pha a. Vuongna sungah Maddox-in Brad Pitt a cho nghe nghe a, Brad Pitt-in a ben pha a. Naupang chunga nunrawng tiin a heka chu Court-in mani nauhai enkawlnaa pa kut thlak tiin ‘child abuse’ ah a pawm pek nawh a. Chu zovah an nauhai joint custody kha a rengin aman nei vawnga ‘full

custody’ chang a tuma chu kar hmasak khan Court-in an pahnia joint custody-a enkawl dingin a relpek nawk a. Chu hnungah, an naulak Pax kuomah, ‘Brad Pitt-in lak che a nuom naw a’ tiin a hrilpek a. A nauhai le an pa (Pitt) hi suktuo \ep \ep a tum a nih ti dingin a um. A hmel \hat angin a lungril chu a \ha naw niin an lang. Ama khawm nau mal, pa chau enkawl

broken family a seilien, naupang tleirawl laia pasalin sexually-a an abused a ni lei am a nih ding, a lungril khawm sel ve tak, pasal chunga iemani tak chunghnungna nei nuom a nih. An nauhai full custody a ngena chu, naupanghai court sunga keilut a nuom naw leiin ‘physical’ le ‘legal custody’ hai in-share (joint custody) a pawm tah a nih.

Music Legend Kum 70 Chuong Ngawt Pathumin Concert

lONdON: Eini lai ei papui nupui dek deka ‘ka rawl a \ha ta naw a’ ei ti nghal lai, khawvela music legend kum 70 chuong \hal tah pathum Ringo Starr (73), Paul McCartney (76) le Rolling Stones member Ronnie Wood (71) hai chun an pathumin concert an nei a, an la pui hat hat hle. The Beatles member hlui, a dam la umsun Ringo Starr le Paul McCartney chu an hriselna a la \ha hle a. Ringo Starr chu a khakhmul leh, tarmit dum leh, ni danga sam dar chen ni hlak kha tawi fai deuvin a vaw a, a kum nekin an lang naupang lem. Paul McCartney khawm vawi kawlawnga Guiter perin, a sam a tlangval laia ang thovin nam zatin a la khui a, a dum kha a var tah ti thu chau a nia, a tlangval laia a ‘smart’ ang thovin a la smart a. A hmel vun a \awm met tah ti chau a nih. The Rolling Stones member Ronnie khawm zakuo \iel le kekawr dum inzui leh, a sam khawm a tlangval laia ang thovin tho valin a chei a. A Guitar dum leh a la rock and roll hle. A fans hai khawmin an la ngaisang hlea chu minute 10 vel bak chu a play pei ta naw. In tieng lo inlawiin YouTube (HomeTube) ah a lo en ta lem a nih. Ronnie hi Paul McCartney-in Ringo Starr le an concert-an

O2 stadium ah \hang ve dinga a fielna leiin Sir Paul an za leia hung \hang a nih. Paul McCartney chun The Beatles hai hla inlar, ama phuok ‘Get Back” ti hla a sak a. Ronnie hin a hang thlawp ve a nih. Ronnie hi minute 10 chauh a hang inlang vea chu fans tamtakin an lo hmu hman a. ‘Hero” ti dam, ‘Mint guy” ti dam le “Hero!! Home Boy!” tiin, ‘What a mint boy! Love it; ou-re awesome!” tiin an comment tawl. 02 stadium-a tawite Gig an nei hi Paul McCartney naunu fashion designer Stella McCartney huoihawt a nih a. Fashion designing le inzawmin ama kut suok hai a pholang tawl a. A pa Paul le Ringo Starr han The Beatles hai hla hit hai an lo sak zing bawk, inhawi an tih hle. Paul McCartney hin The Beatles hai hla A Hard Day’s Night, Band On The Run, Live and Let Die, Let It Be, Lady Madonna, Eleanor Rigby le Hey Jude hai hnesaw takin a la sak thei a nih. P a u l h i n C a p i t a l Children’s Choir hai leh Wonderful Christmas Time ti hla an sak bawk a. Chu zoah Ringo Starr le Ronnie hai stage ah ko kaiin ‘Get Back’ ti hla an sakpuia a suktawp a nih. Paul hin ‘Freshen Up Tour’ a nei mek a, kum thar khin South America ah zo a tih.

“Kohranin zu a do a. Congress khawmin a dit bik nawa a do ve tho. Sawrkar la siem inla chu khap ve tah tho kan tih” tiin a hri-la, se lut hnunga sedai kei a la thaw. Chief Minister term hni zet chela, tu \um election ah biel hni zeta tling ta lo Lalthanhawla chun, kha hma deu khan, “Zu hi khapna hmun hmunah a hlawsam let der pei a. Mizoram ah khawm kan thaw ta a, anachu, kan hlawsam a. Zu hi Mizoram ah luong liem sienla ka ti naw a. Mizohai hin zu leia harsatnahai tuor annawleh zuin mi chawkbuoi naw sienla ka nuom tak a nih”

tiin a hril a. “Kha hma khawm khan, Kohran mi ngenna angin Kohran hai le \hangruolin zu hi kum 17 sung veng vawng chu kan lo khap ta a. Sienkhawm zu hmu ding a um zing thoa, a bo chuong nawh” tiin a hril bawk. Zu an khap hmak thei naw leia zawr phala tax an laka inthawka sawrkar sum hmu dan record dungzui chun, 2015 a in-thawka 2018 sung po khan Mizoram state sawrkar chun Zu a inthawkin sie (revenue) Rs. 200 crore a hmu phak niin an hril.

Mizoram-in ‘Dry Christmas’ a hmang ding

CM le rawihai chun ‘JNIMS Annual Report’, Annual College Magazine ‘Non-gyin 2018’ khawm an tlangzar nghal a. MU le JNIMS-a thaw \ha bikhai kuomah lawmman hai an sem suok bawk.

Director JNIMS Prof. Th. Bhimo Singh-in JNIMS Annual Report 2018 a pek a. Chairman Reception Sub- Commit-tee Prof. N. Tombi Singh-in well-come ad-dress a hril. (DIPR)

Chief Minister-in JNiMs 11th Foundation day a uop

pakhatin Moreh a inthawk Imphal chena dinga an phurtir, Imphal hmunga mipakhatin a lo dawng-sawng ding niin mana um Rajak chu

an puong. Rangkachak mana um le Rajak hi Directorate of Revenue Intelligence (DRI) kutah peklut a nih. (PNS)

Rangkachak Rs. 1.8 crore manhu leh pasal pakhat man

tawkin inhawi a ti takzet a. Manipur-a trib-al student body insangtak ATSUM-in Ma-nipur-a mimal ngirhmun insangtak (CM) inah fein Christmas le inzawma an sirna chu Manipur histroy-a dingin a hmasatak a la ni thu a hril a. ATSUM thilthaw \ha tak chun a lungril a them hle niin a hril. ATSUM President Vareiyo Shatsang khawmin, Pu Biren le a sawrkar hmal-aknahai chu inpakin, ama Pu Biren chu “CM of the People’ a nizie a hril a. Ama hmalakna zarin tlangmi le phaimihai kum tamtak inrem thei lo chu an inrem thei ta a. Tlangram le phairam inlaichinna khawm Pu Biren zarin a \ha pei ta leia tribal hai an lawmzie a hril. “Tlangmi phaimi hai inhmangaina le inlainatnahai hi Manipur mihai mi kei khawmtu ding tak chu a ni hrim a. Chu chu Pu Biren hin a mi kawkhmu thar leiin a chunga ei lawm hle a nih” tiin tribal po po aiin lawmthu a hril. Shatsang chun, “Chief Minister chu la

hung um pei an ta. Amiruokchu, Pu Biren-in a siem tlangmi le phaimi hai kara in-laichinna ang hi chu tukhawma hung siem thei ta naw nih hai” tiin a hril bawk.ATSUM Education Secretary, Kakai Sing-sit chun, Isu Krista kha ‘Remna Palai” a ni ang bawkin Pu Biren Singh le a sawrkarin tlangmihai le phaimi hai lai ‘inremna’ a siem ve niin a hril a. Manipur mihai in-remna siemtu a nih leiin Christmas Carol khawm hi ama chengna in ngeia va nei a nizie thu a hril. ATSUM General Secretary, Seiboi Ha-okip khawmin, inremna le muongna mi pe theitu chu Isu Krista chauh a nih a, khawv-el hausakna le inlalna le thuneina han an mi pek thei nawh. Christmas siemtu chu Isu a nih angin a pieng ni hin inremna le muon-gna a um ve hi ATSUM thil dittak a nizie a hril a. Christmas hin inremna le inhman-gainahai sukzuol pei sien a nuom thu a hril bawk. (PNS)

Christmas Carol-in CM Lungril a them