e oo atu ia Tesema. Ia manuia tele le tapuaiga. · O mafatiaga tula‟i mai ua lē mafai ona tauave e „āiga, a e ao ina galulue fa‟atasi le sosaiete ma tagata uma ina avatu le

1

E fa‟atalofa atu i le Ekalesia ina ua aulia mai o nei masina taua o le

tausaga, o le vaega Lona Lua lenei o le tatou Tusi Faitau Aso mai ia Iulai,

e oo atu ia Tesema.

Ia manuia tele le tapuaiga.

Aso Gafua – Iulai 1: “Ia tu‟u se avanoa mo le fa‟amalologa”

Tusi Faitau: Luka 8:40 -56 (Making room for healing)

Matua: ff. 42 – 45. „Ua maliu atu o ia, a ua fetaomi mai ia te ia le motu o

tagata. O le fafine sa ia te ia le puna toto i tausaga e sefulu ma le lua,…ua

alu ane ia i ona tua, ma pai ane i le tuupao o lona ofu; ona utu loa lea o lona

puna toto. Ona fetalai ane lea o Iesu, “O ai ea na na pai mai ia te au?

E to‟atele le motu o tagata na lolofi atu ia Iesu faapea tagata ua fia

maua o se fesoasoani, e ui i le to‟atele a e na fa‟aavanoa e Iesu o auala e o‟o

atu ai lana fa‟amalologa i tagata uma. E to‟atele tagata na pa‟i atu ia te ia

peita‟i, ua lagona e Iesu le pa‟i atu a le tagata mafatia ua leai se fa‟amoemoe,

ma ua fia maua le malologa mai ma‟i faigatā. O lea na faliu ai Iesu ma fetalai

atu, „o ai lea na pa‟i mai ia te au?‟ O le Alii e tu‟u avanoa i le tagata mafatia,

ma ua fa‟amaloloina ai le tinā. E lua ni ata taua ua maua mai i lenei tala.

Muamua, o le tinā ua talitonu i le alii faamalolo; Lua, e talitonu e faia e Iesu

le faamalologa mo ia.

O le lu‟i tele i lo tatou si‟osi‟omaga, o le maua o se avanoa e faia ai

le galuega fa‟amalolo mo i latou o lo‟o vala‟au atu i le fia maua o se

fesoasoani. O leā se va‟aiga i lo tatou lalolagi pe a fa‟avae ta‟ita‟iga i le

fa‟amuamua o le avanoa mo i latou ua fia maua se fesoasoani, ua leai se mea

o nonofo ai, fa‟apea i latou ua le maua ni galuega?

Tatalo: O le tatalo i le fa‟apotopotoga, faapea ta‟ita‟i o le Atunu‟u ina ia

fa‟amuamua avanoa mo i latou ua vala‟au atu i le fia maua o se fesoasoani.

Amene.

Mafaufauga loloto: Ia fa‟ailoa auala e fa‟atino ai le o‟o atu o le fesoasoani.

Aso Lua - Iulai 2: “Ia fa‟a-avanoa le potu mo tagata uma‟‟

Tusi Faitau: Luka 9: 1 – 17 (Making room together)

Matua: ff. 16,17a: „Ona tago ai lea o ia i areto e lima gafua, ma i‟a e lua

lau, ua tepa ae i le lagi, ua faafetai, ma tofitofi, ma avatu i ona soo, latou te

laulau atu ai i le motu o tagata. Ua latou aai, ua maoona uma lava.‟

Pe afai e ave‟ese le lē talitonu, poo le loto fa‟apopoleina, tatou te „au

faatasi ma le Alii ma lona tamāoaiga ua ia fa‟asoa mai. E fa‟apea foi ona tatou

aua‟i fa‟atasi ma iloa mea lelei o lo‟o fia maua e o tatou tagata. O le talia o le

tagata ma avea ma tuaoi ia te oe, e atina‟e ai le mafutaga fa‟aaloalo ma atia‟e

ai le alofa ma le agalelei i tagata uma. O le ā se va‟aiga i le Atua pea a tatou

fa‟atāuaina le mafuta fa‟atasi, fa‟apea ai le olaga manuia ua fa‟asafua mai e le

Alii lona tamāoaiga mo tagata uma?

Tatalo: Tatalo i le Alii ina ia fa‟asoa atu o lona tamāoaiga i tagata uma, ma

mea ua fia maua. Amene.

Mafaufauga loloto: Talanoa i tagata i le faia o le fesoasoani, fa‟apea suiga

lelei e soifua ai le tagata ma le manuia.

2

Aso Lulu - Iulai 3: “Fa‟ailoa le mea moni” (Naming what is true)

Tusi Faitau: Luka 9: 18 – 36

Matua: ff. 18b – 20: “Ona fesili atu lea o ia ia te i latou, “Se a le upu a

tagata ia te au po o ai?” Ua latou tali mai,”O Ioane le papatiso; a o isi O

Elia; a o isi Ua toe tu mai le tasi o le au perofeta anamua” Ua fetalai atu o ia

ia te i latou, “A o outou na, se a la outou upu ia te au nei po o ai?” Ona tali

atu lea o Peteru, “O oe o le Keriso o le Atua”

E ui ina e le‟i „fa‟atūina mai le tu‟ugamau‟ peita‟i, o Iesu ua

valaauina Peteru ma Iakopo ma Ioane i le mauga ma fa‟ailoa lona pupula

silisili „ese. O lea na fa‟ailoa ai e Peteru ia Iesu, le upu moni, “O oe o le

Keriso o le Atua”,

O le Alii o lē ua vala‟auina i latou e mulimuli ia te Ia, o le ala moni e

mulimuli ai i aso o le lumanai. O lenei fo‟i le vala‟au mo i tatou, o le upu

moni e mulimuli ai. Pe fa‟apefea ona avea i tatou e pei o Peteru ma fa‟ailoa

atu ma le loto tele i le lalolagi, ua fa‟aleagaina i tala le moni ma upu le sa‟o?

Tatalo: Tatalo e pei o Peteru e fa‟ailoa le upu moni i le lalolagi ua faasesēina

i tala le moni ma le lē sa‟o. Amene.

Mafaufauga loloto: E le faigatā ona iloa le mea moni o loo fia maua e o

tatou tagata. Fa‟asoa ma mafuta i tagata, ma fa‟ailoa atu le upu moni

mo‟omia.

Aso Tofi - Iulai 4: „O le tāua o le mea moni, e sili lava ia‟‟

Tusi Faitau: Luka 9: 37 – 50(True greatness benefits all)

Matua: f. 48: “Ua fetalai atu o ia ia te i latou, “Ai se talia lenei tamaitiiti i

lou igoa, ua talia a‟u e ia; ai sē talia foi a‟u, ua talia e ia le na auina mai

a‟u; auā o le aupito itiiti ia te outou uma, e sili lava ia” O le tala i le tamaitiiti fa‟atauva‟a na fa‟aolaina e Iesu, ua iloa ai le

silisili „ese o le Atua i mea uma lava ua ia faia. Ua va‟ava‟ai tagata ia Iesu ma

le ofo tele ona o le tagata ua ulutinoina e temoni, ao lea ua faatonu atu e Iesu

temoni ina ia alu ese mai le tagata, ona malolo ai lea o le tama peitai, ua iloa e

Iesu i lona „au soo, ua fefinaua‟i ona o le ofotele i lana faatinoga e ui ina

faailoa atu o lona finagalo. Ua fefinauai poo ai le tagata e silisili lona tāua i

tagata, ua tausiniō i le āia tatau a le tagata. Ua iloa e le „au soo o le ta‟uta‟ua o

le pule a le Alii ua maua lea mai le Atua. O lea ua fetalai Iesu, o le pule a le

Alii ua avea lea ma tagata vaivai ma fa‟atauva‟a, ma ua vala‟auina le tagata e

le Atua na te faataunu‟uina lona finagalo.

I lenei lalolagi ua vala‟auina i tatou ina ia maua le olaga saogalemu ma le

to‟amalie. O nei a‟oa‟oga a Iesu fa‟apea ma tala mai le amataga i le galuega a

le alii, o Ia na te tafiesea o nei fa‟afitauli ua feagai ma i tatou. Ia avea i tatou

ma vaitafe e aumaia le puna o le ola mo e ua fia maua le fesoasoani, ia avea le

upu moni e silisili ona tāua, ma tu‟uina atu o tatou loto i le Upu moni e sili

ona lelei.

Tatalo: Tatalo ina ia aumaia e le Atua lona agalelei, tatou te faia ai mea uma

ma le matagofie. Amene

Mafaufauga loloto: Ia e iloa le silisili „ese o le Atua ma faailoa atu le sili o le

Atua, e silisili lava lea.

3

Aso Faraile - Iulai 5: „Ia tu‟ua o mea uma, a e aga‟i i amataga fou‟

Tusi Faitau: Luka 9: 51 – 62 (Leavings and beginnings)

Matua: f. 51: “Ua oo atu i ona po e siitia ai o ia, ona matuā faasaga atu

lea o ia e maliu atu i Ierusalema.” Ina ua tu‟ua e Iesu o mea uma ma fa‟asaga atu i Ierusalema, ua

silafia e Ia le lē toe foi i le mea sa i ai, a ua aga‟i atu o Ia i le fa‟atinoina o lana

galuega, ua faatalitali mai. E to‟atele tagata e pei foi o ō tatou tagata i lo tatou

atunu‟u na mulimuli ia Iesu i ana a‟oa‟oga, fa‟atinoga, fa‟amalologa, fa‟apea

le togiola ua ia faia ina ia fa‟aolaina ai i tatou. O ō tatou tagata ua avea ma

misionare, o tagata ua atina‟e mea lelei mo le manuia o tagata, o e ua finau

mo le manuia o le fa‟asaolotoina faapea le tausia o le filemū.

I tala ua faitau i ai i le atia‟e o nofoaga mo i latou ua le maua se

malu e malutia ai, ua vala‟auina i tatou e pei o Iesu, ua tu‟u mea uma a ua

fa‟asaga atu i Ierusalema e ui ina agaleagaina e tagata, aua silasila atu ma le

alofa i tagata. O lea foi le vala‟au a le Alii mo i tatou i lenei taeao, ina ia tu‟u

o mea uma, a e aga‟i atu i va‟aiga fou i tagata o loo mo‟omia le fesoasoani, ia

faa-avanoa o tatou loto e lagolago atu, ma galulue fa‟atasi ma tagata o lo‟o

faia suiga lelei, mo tagata.

Tatalo: Tatou tatalo mo i latou ua tu‟ua o mea uma, a ua galulue mo va‟aiga

fou e manuia ai tagata o lo‟o mo‟omia le fesoasoani. Amene

Mafaufauga loloto: E i ai se mea ua e lē tālia ai le vala‟au alofa ina ia liliu

mo le Alii ma lana vala‟au mai ia te oe?

Aso Toonai - Iulai 6: “O malaga e sili ona tāua, peā malaga fa‟atasi ma

isi” (Journeys are best taken with others)


Matua: ff.1 – 3 (se vaega) “ua aauina atu o i latou e taitoalua e muamua

atu ia te ia,…Ua ia fetalai atu …Ina o atu ia, faauta, ou te aauina atu

outou pei o tamai mamoe i le va o luko.” E tele auala ua la‟asia e alii ma tamaita‟i i le lalolagi, ua o atu ina ia

faia o suiga lelei mo tagata fa‟apea lo tatou sosaiete. O tagata ua sāvavali,

galulue, talatalanoa, ma tauave fa‟atasi le galuega e suia ai le olaga sauaina,

fa‟apea le pule i le ola. O mafatiaga tula‟i mai ua lē mafai ona tauave e „āiga,

a e ao ina galulue fa‟atasi le sosaiete ma tagata uma ina avatu le upu fa‟aola i

tagata uma, o le tāua lea o le galulue fa‟atasi e tineia ai o nei fa‟afitauli.

I le faitauina o le asō, ua faamanatu mai le tala a Iesu o tagata e 70, e

lē alu to‟atasi, ae galulue taitoalua, e galulue fa‟atasi, talanoa, ma fetufa‟ai

manatu a o sāvalia ala mo le atina‟eina o lana galuega. O le Alii o lē e ona i

tatou, o le Alii na te faapotopoto i tatou a o savavali ma folafola atu le Upu

moni mai ia te Ia, o le Alii o loo mafuta fa‟atasi ma i tatou i aso uma.

Tatalo: Fa‟afetai le Alii e, ona ua e vala‟auina i matou e galulue fa‟atasi e

folafola le tala lelei a lau Afio i tagata. Amene

Mafaufauga loloto: Va‟ava‟ai se i si lua te paga, e galulue fa‟atasi e avatu

suiga lelei i tagata.

4

Faitauina o le Tala Lelei i le Tusi a Luka (3) –

2 „Tatalo e pei o lenei‟‟Pray like this‟

( saunia e Bola Iduoze )

Aso Sa - Iulai 7: “Mata e va‟ai, ma taliga e fa‟alogo”

Tusi Faitau: Luka 10: 17 – 24. (Eyes that see, ears that hear)

Matua: ff.23,24: “Ua fāliu o ia i ona soo, ma fetalai lemu ane, “Amuia

mata ua iloa mea tou te iloa; auā ou te fai atu ia te outou, e toatele perofeta

ma tupu na fia matamata i nei mea ua outou iloa, a ua latou le iloa lava; na

latou fia faalogo foi i nei mea ua outou faalogo ai, a e lei faalogo ai lava,”

O so‟o o Iesu sa tele taimi na mafuta ai ma le Alii, ua faamatala ia

Iesu le tala fiafia ua fa‟alogo tagata e pei ona latou a‟oa‟o atu. O Iesu ua

fiafia i nei tala, ma olioli ma avatu le vi‟iga i le Atua.Ua faamanatu atu e Iesu

i ona soo, e lē o so latou lelei na tupu ai o nei tala tāua, a o le a‟oa‟oga na

latou faalogo ma vaavaai i ai, ua ala ai ona mafua le vi‟iga ia latou galuega.

E „ese le faigofie ona si‟itia o tatou loto i va‟aiga e pei ona

faatinoina, ma ave‟esea ai o tatou loto i le silisili „ese o le Alii na a‟oa‟oina ai

i tatou. E faapea le tala a le tusitala, e lei leva ona ia feagai ma mātauina mea

ua faia e le Atua mo ia peita‟i, ua ia lē mānatua o ia va‟aiga tāua i lona olaga.

Na ia taumafai pea e tusia lana kalena, e iloa ai mea na tutupu i le vaiaso. I le

fa‟aiuga olenā vaiaso, ua ia maua ai o nisi va‟aiga tāua ua faagae‟etia ai lona

loto.

O o tatou mata e va‟ai, faapea ai ma taliga e fa‟alogo peita‟i, o o

tatou loto tatou te lē faamaumauina o nei va‟aiga tāua..O i tatou ua tele mea

tāua ua tatou maua mai le Alii, ma e mafai ona e manatua ma fa‟amaumau o

nei va‟aiga e pei ona fa‟amatala mai e Luka i lenei taeao e ala i le vaai,

faalogo, manatua, o nei vaaiga taua i le loto ma le agaga.

Tatalo: Le Alii e, seia e tatala lau va‟ai ma lau fa‟alogo ina ia ou iloa ai Oe.

Amene.

Aso Gafua - Iulai 8: “O ai lou tuaoi?” (Who is your neighbour?)


Matua: f. 37: “Ua fai mai o ia, “O le na alofa atu ia te ia” Ona faapea atu

lea o Iesu ia te ia, “Ina alu ia, ma ia e faapea ona fai” O lou tuaoi, e le nā o se tagata e latalata atu ia te oe, a o le tagata na

te avatu le fa‟amalologa fa‟apea le alofa i fa‟atinoga i mea uma ua mo‟omia.

I lenei aso, ua fa‟ailoa mai e Iesu le fa‟ata‟oto i le Samaria agalelei,

ina ia tatou o atu ma faia galuega lelei mo tagata uma o lo‟o mo‟omia le

fesoasoani, ma le lē manatu i se taui e toe faia mai e tagata i ai tatou. O le

alofa i le Atua ua atagia ai a tatou fa‟atinoga i o tatou tuaoi, e pei ona a‟oa‟o

mai e Iesu. O le tatalo ina ia tatou maua le alofa tunoa o le Alii, tatou te faia ai

o lona finagalo e pei ona ia a‟oa‟o mai.

Tatalo: Le Alii e, aumaia lou alofa e manatua ai le faatinoga o lou alofa i e o

mo‟omia se fesoasoani, e pei ona e a‟oa‟o mai. Amene

Mafaufauga loloto: O ai se tagata o lo‟o mo‟omia se fesoasoani i lenei aso?

5

Aso Lua - Iulai 9: “E tasi le mea ua mo‟omia” (Only one thing is needed)


Matua: ff.41,42: “Mareta e, Mareta e, ua e popole, ma pūpū lou loto i mea

e tele; a o le mea lava e tasi e ao ina ia maua; ua filifili foi e Maria le mea

lelei, e le aveeseina ia te ia.” O le fa‟ailoa mai o le tala ia Mareta e Luka i lenei taeao, o le

tamaita‟i ua ia fa‟atino galuega e tali ai le malo, ma ua ia lē manatua ai, e

tatau ona nofo i vae o Iesu ma ia a‟oa‟o mai.

O Iesu ua vala‟auina Mareta faapea i tatou uma, ina ia fa‟amuamua

le mea e sili ona tāua. E tele taimi e fa‟atupuina ai le loto popole ma le

atuatuvale peā tali o ni malo peita‟i, o le fa‟aaogāina o le taimi, o le matafaioi

lea a le tagata e tatau ona fa‟atāua le mea e silisili ona tāua. Ia le uma le fia

fa‟alogologo i le a‟oa‟o mai o le Upu a le Alii, o le Upu na te aumaia le

fa‟amalologa, ma faa-feso‟otai mea ua ma‟a-numinumi i lo tatou ola, ina ia

laugatasia ma fa‟alelei, ma maua ai le loto fiafia, o le mea silisili ona tāua ua

maua, o le Upu mai le fa‟aola o Keriso lea.

Tatalo: Le Alii e, ia le avea a‟u ma va‟aiga sesē e fa‟agalo ai le mea silisili

ona tāua, e pei ona e a‟oa‟o mai. Amene.

Mafaufauga loloto: O le mea sili ona tāua i le asō, o le fa‟atāuaina o le mea

sili ona tāua. Ia e nofo i vae o le Alii, ona fa‟ailoa mai lea e Ia iai tatou o mea

uma lava.

Aso Lulu - Iulai 10: “O le Tatalo, e fa‟apea ona fai” (Pray like this)

Tusi Faitau: Luka 11: 1 – 13.

Matua: f. 13: “O lenei, o outou e leaga, afai ua iloa e outou ona avatu o

mea lelei mā a outou fanau, e le sili ea ona foaiina mai e lo outou Tamā o i le

lagi le Agaga Paia i e ole atu ai ia te ia?”

O lea ua avatu e Iesu le taiala o le tatalo, ma a‟oa‟o iai latou ina ia

fa‟apea ona faia. Ua ia fa‟ailoa atu le tatalo ia faia ma le mautinoa, o le Atua

na te fa‟afofogaina o latou loto. O le Atua le fesoasoani sili na te

fa‟afofogaina o a latou tatalo e faia ma le agaga, e suia ai le olaga e fa‟atino ai

feau ma le auaunaga ua galulue ai.

O le iloa o le oloa tāua mai le Alii, e tupu ai pea le olaga tatalo i le

Alii ma lona Agaga ua fa‟ailoa mai. O le vala‟au ina ia vala‟au atu i le taeao

ma le afiafi, e fa‟apea foi i so‟o se taimi, auā o le Atua na te fa‟afofogaina i

tatou e vala‟au atu ia te ia i le Agaga ma le fa‟amaoni.

Tatalo: Fa‟afetai le Alii i le fa‟afofogaina o a matou tatalo. Fa‟atupu teleina

le fiafia e tatalo ma tu‟u atu i lau afio o matou manatu. Amene.

Mafaufauga loloto: O fea o lo‟o faia ai lau tatalo ma le agaga fa‟afetai? O le

a se taimi e avatu ai o lau tatalo i le Atua?

6

Aso Tofi - Iulai 11: “Ua i ai tatou le mālō o le Atua”

Tusi Faitau: Luka 11:14 – 28 (The kingdom of God is here)

Matua: f, 20: “A e afai o le aao o le Atua ou te tulia ai o temoni, ua oo mai

lava ia te outou le malo o le Atua”

O le Upu a le Alii i lenei taeao, e „ese fo‟i le fa‟ailoa mai e le Alii o

lana pule i tagata uma. O le tagata o lo‟o soifua fa‟atasi ma le Atua, na te

aumaia suiga lelei ma tafiesea le fili ua sāuaina ai tagata i le lalolagi. Ina ua

o‟o mai o le pule a le Alii, e lē o se pule ua gata, a o le pule e fa‟aauau i aso

uma. E tele pulega sāua ua sāuaina ai tagata i lenei olaga peita‟i, o le Alii e

tumau lana pule i le fa‟atinoga o le amiotonu, fa‟apea le saolotoga mo tagata

uma. E ui ina tatou le va‟aia o Ia ma lana pule peita‟i, tatou te mautinoa o loo

mafuta o Ia ma i tatou.

O Iesu ma lona mālō ua afio mai ma fa‟atasia i tatou i loto ma

agaga, ma tafiesea mea sa saisaitia ai i tatou e alii o le lalolagi i le tuana‟i. Pe

afai tatou te tu‟uina atu o tatou manatu, ma avea Iesu ma pule i o tatou loto, o

le Alii lava na te aumaia le sa‟olotoga ma mafuta fa‟atasi ma Ia i lona mālō e

faavavau. E fa‟apefea ona avea i tatou, ma faailoa atu le pule a le alii e

faavavau e pei ona ia faailoa mai?

Tatalo: Le Alii e, ia o‟o mai o lou mālō ma ia faia o lou finagalo.Ia avea i

matou e avatu le saolotoga mo tagata ma maua ai le filemu. Amene.

Mafaufauga loloto: O le a se mea ua fa‟ailoa ai e Iesu lana pule ia te „oe i

lenei aso?

Aso Faraile - Iulai 12: “O le malamalama i le pouliuli.”

Tusi Faitau: Luka 11: 29 – 36 (Light in the darkness)

Matua: f.34: “O mata, o le moli lea o le tino; o lenei, pe afai ua lelei ou

mata, e malamalama uma ai lou tino; a e afai ua leaga, e pouliuli ai lou

tino.”

E faapea le tala a le tusitala, o lona nuu e lē ola ai le eletise i nisi

taimi i le ao poo le po. Ua tāua tele lenei faitauga o le Tusi Paia i lenei taeao.

Pe a oo ina tutupu o ia faalavelave, ona tutu lea o moli karasini, o nisi moli e

tau fufulu le malamalama o le moli O nisi taimi e tu‟u le moli i le tulimanu o

le fale e suluia ai le fale atoa.

I lenei aso, ua a‟oa‟o mai Iesu i ona so‟o le tāua o mata e pei o le

malamalama, e susulu atu i o tatou tino, ma faamafanafanaina o tatou loto ma

aumaia le manuia. E pei foi o o tatou „āiga, ia avea le malamalama e susulu

pea ma avea ai mata e iloa ai mea uma ma le mautinoa. Ua valaauina i tatou i

lenei taeao, ina ia iloa le malamalama ma ia faasusulu pea. O le malamalama

ua iloa i o tatou loto. Ia avea o tatou mata ma malamalama i faatinoga ma

galuega. Ia fufulu mata ina ia lelei ai lau pupula e te iloa ai mea uma. O le

Atua ua saili mai ina ia malamalama le lalolagi, e fa‟apea fo‟i ona susulu atu o

tatou mata, ma avea ma malamalama e susulu atu i le pogisa.

Tatalo: Le Alii agalelei, ia avea o‟u mata e susulu atu ma maua le

malamalama e fa‟ailoa atu lou alofa tunoa i tagata. Amene.

Mafaufauga loloto: O le a se auala ua e iloa ai le susulu mai o Iesu i lou

olaga i lenei aso?

7

Aso To‟onai - Iulai 13: “E faa-ono (6) ona ta‟ua o lenei upu. Oi Talofa”

Tusi Faitau: Luka 11: 37 – 54. (The six woes)

Matua: f.52: “Oi talofa ia te outou le au aoao o le tulafono! Auā ua avea e

outou le ki o le malamalama; tou te le ulu atu ai, sa outou faalavelave foi i

e a ulu atu.”

Ua a‟oa‟o atu Iesu i ona so‟o, ona ua latou faatāuaina o mea ua

va‟aia peita‟i, ua latou le silasila i mea e lē va‟aia, a o mea ia e silisili ona tāua

i le silafaga a le Atua. O le uiga lea o le „Oi talofa‟, ua sese‟ese mai le ala

moni ma faamuamua mea ua manatu i ai e tausia.

O lea ua a‟oa‟o mai Iesu ina ia tatou maua le atamai, o le a‟oa‟oga e

fa‟atusatusa ai le toe fuataiga o le loto, e fa‟avae i le Upu moni ua fa‟ailoa

mai e Iesu, a o tatou sāvalia ala o le manuia mai le Alii.

O le a se tala lelei mo i tatou i lenei faitauga? Tatou te faia mea uma pe a

tatou maua le Agaga o le Atua, ma fa‟ailoa mai o ana a‟oa‟oga e manuia ai. O

le agaga o le Alii na te fa‟agae‟etia i tatou i lana Upu tatou te molimau ai i le

Upu moni ua fa‟ailoa mai.

Tatalo: Au maia i ai matou o mafaufuaga tonu e lou Agaga, e tonu ai mea

uma i feau ma galuega matou te faia. Amene.

Mafaufauga loloto: O le a se a‟oa‟oga ua maua i la outou aulotu i mea ua

faia? E iai se mea e tatau ona suia? ae fa‟apefea ona fai?

Tusi Faitau mai ia Luka (3) – (3) The narrow door

(saunia e Shirlyn Toppin)

Aso Sa - Iulai 14: “Ia leoleoina lou tagata” (Be on your guard)


Matua: ff 4, 5: “ A ou te fai atu ia te outou ma a‟u uo, aua toe te matatau

ia te i latou e fasioti i le tino; a mavae lea, ua leai se toe mea latou te

mafaia. A e ou te faasino atu ia te outou i lē tou te matatau i ai; ia outou

matatau ia te ia.” O le mata‟u ma le popole, o loo nofofale pea i o tatou loto. O le oti,

o le ala lea e o‟o mai i tagata uma peita‟i, o le soifuaga e finau i le olaga

solosolo lelei ma le aga‟i i luma. O le fa‟amaite a le Atua i lou tagata, ina ia

o‟o atu i foma‟i, e o‟o mai ai le fesoasoani faapea va‟aiga tāua e leoleoina ai

lou soifua.

Ua fa‟ailoa mai e Iesu i ona so‟o, ia saunia ma leoleoina i latou mai

le osofaiga, e lē o le oti fa‟ale tino, a‟o le oti fa‟ale Agaga, ua fa‟ateaina ai le

tagata ma le mafutaga ma le Atua silisili „ese.

O le lamepa mumū a le tiapolo, e fa‟aleagaina ai o tatou loto,

fa‟apea le fa‟amaoni ia Iesu ma lana galuega. Ua a‟oa‟o mai Iesu ina ia saunia

ma leoleoina i tatou, ia aua le fefe, tula‟i e fa‟ailoa, ma saili i tagata e aumaia

le fesoasoani.

Tatalo: Au maia lou Agaga ou te iloa ai le osofaiga a le fili, ma ia fa‟a-

aupegaina a‟u e faia le amiotonu. Amene.

8

Aso Gafua - Iulai 15: “Aua e te popole i lou tagata‟‟ (Think less of self)


Matua : f. 22: “Ona fetalai atu lea o ia i ona soo, “O lea ou te fai atu ai ia

te outou, aua tou te popole i lo outou ola, i mea tou te aai ai, poo le tino, i

mea tou te oofu ai.” O le va‟aiga ia lē popole i mea‟ai faapea meainu ma lavalava, o se

va‟aiga faigatā i le tagata ona talia o nei a‟oa‟oga i lona siosiomaga. Ua tatou

va‟aia i nusipepa ma fa‟asalalauga ua fa‟ailoa i ala ata, o le malutia o le

tagata e tatau ona ia maua o ia mea e leoleoina ai o lona tagata peita‟i, o le

maua o ia mea, e fua i le mana‟o o le tagata ma lana filifiliga.

Ua fa‟ailoa mai e Iesu i lenei taeao, ina ia lē avea lo tatou

faalagolago i le tamāoaiga ma le saogalemu i mea e lē tumau. O mea e mavae

atu, ma lē toe va‟aia e mata. O le natura o mea e fa‟aumatia, o mea sa galulue

ai ma atina‟e ai le soifua i galuega, o mea sa tāua, a ua lē toe va‟aia..

O Iesu ua a‟oa‟o mai ina ia tu‟u atu lou tamāoaiga i le Atua i le lagi.

E tele taimi tatou te maua ai le tamāoaiga ma galo ai le Atua, o lē ona le

manuia uma lava. O taimi tatou te tu‟uina atu ai o tatou mana‟o i le Alii, o le

Alii ua fa‟amanatu mai, e fa‟avavau lona alofa ma ona tagata i aso uma.

Tatalo: A‟oa‟o mai a‟u ina ia le fa‟atuatua i mea ua va‟aia, a ia fa‟alagolago

i lou alofa lē va‟aia. Amene.

Mafaufauga loloto: O le a se mea tāua e tatau ona e maua?

Aso Lua - Iulai 16: “Ia agalelei ma mataala” (Be generous, be ready)

Tusi Faitau: Luka 12:27 – 40.

Matua: f. 37: “Amuia ia auauna e maua i latou e lo latou alii, o mataala pe

a sau. E moni, ou te fai atu ia te outou, e fusia e ia ona ofu, ma fai atu ia te

i latou ia taooto e aai, ma alu ane lava, ma auauna ia te i latou‟

Ua faailoa mai e Iesu le tala i le matai, na fa‟afuase‟ia lona taunu‟u

atu, a o fa‟atalitali pea lana auauna ma le mataala i le o‟o atu o lona matai. Ua

faa-amuia atu i le auauna, na faapea foi ona faia e le matai o le talisuaga ma le

auauna, ma fa‟asoa atu ia te ia o lona alofa. O le agalelei ua tala feagai lea ma

le auauna, na fa‟atali atu ma le fa‟amaoni.

O le faataoto ua luiina ai i tatou e Iesu, ina ia faatino le soifua

auauna e pei ona ia faailoa i ai tatou o meaalofa faale lagi. Pe a afio mai Iesu

faalua i lenei lalolagi, po‟o faapea ea ona tatou fa‟atalitali atu ia te ia ma lona

afio mai? Pe tatou te talitonuina le afio mai o Iesu ma ia faatino o tatou

mana‟o e ui ina tatou le vaaia o ia?

Tatalo: Seia e fesoasoani mai, ina ia maua pea le agaga faatalitali, ma avea

ma tagata tausi mea lelei ao faatalitali atu i lou afio mai. Amene.

Mafaufauga loloto: O anafea sa e faia ai se galuega mo se tagata ua tu

fa‟afuasei mai?

9

Aso Lulu - Iulai 17: “Ia avea ma tagata poto, ma le mataala”

Tusi Faitau : Luka 12: 41 – 59. (Be wise, be vigilant)

Matua: f. 44: “E moni, ou te fai atu ia te outou, na te tofia o ia e pule i ana

mea uma”

O ananafi na faailoa ai e Iesu le auauna mataala ma faatalitali atu i

lona matai. I lenei aso ua lu‟iina ai e Iesu le tagata ua leva ona fa‟atali i le

matai, a ua fiu e faatalitali i ai. Ua fa‟ailoa e Iesu ni ata se lua, o le isi tagata

na maua mai e lona matai o galue pea ma le fa‟amaoni, ma ua ia avatu ia te ia

o fa‟amanuiaga, fa‟apea le pulea o mea e tele a lona matai. O le isi auauna, ua

leva ona ia fa‟atali i lona matai, ma ua ia fasia ai o auauna tane ma fafine, ma

„ai ma inu ma onā peita‟i,.ua o‟o mai le matai e lei faatalia o ia, ma ua

fa‟asala e le matai ma avatu lona tofi fa‟atasi ma e lē fa‟atuatua.

E fa‟apea le tala a le tusitala, na ia manatua le i si Aso Sā sa aga‟i

atu ai o lana ta‟avale i le lotu, na iloa le mulimuli atu o le ta‟avale a alii

leoleo, ao aga‟i lana ta‟avale i le lotu. Na ia manatunatu, poo i ai se mea ua

sesē poo se tulafono fo‟i ua ia solia? Leai, e leai se mea na tupu, o le poto ma

le mataala i aso uma, auā e iai le taimi e iloa ai le faatinoga ma le auaunaga. E

fa‟apea le vala‟au a Iesu i ai tatou, ina ia atamai ma mataala, a o fa‟atino a

tatou auaunaga. E fa‟apefea ona sauniuni i le Ali‟i ma lona toe afio mai?

Tatalo: Au maia le agaga fa‟atalitali ma le poto ma le mataala, ao fa‟atalitali

atu i lou afio fa‟alua mai. Amene.

Mafaufauga loloto: Po‟o e sauni ea ma le olioli e fa‟atalitali atu i le Alii ma

lona afio mai?

Aso Tofi - Iulai 18: “O le tāua o le olaga” (Precious lives)


Matua: f, 5: “Ou te fai atu ia te outou, e leai; a e afai tou te le salamo, e

faapena lava ona fano outou uma.”

O ta‟iala tāua i lenei aso, o le iloa e le tagata o ona sesē, fa‟apea le

salamo moni. Tatou te fa‟apea atu o mea lelei uma e faia e le tagata amio

lelei, a o mea leaga uma e faia e i latou amio leaga peita‟i, e le fa‟apea le

finagalo o Iesu. Ua fa‟ailoa atu e Iesu le mea na tupu i Kalilaia, fa‟apea foi le

toa sefulu ma le valu (18) na paū i o latou luga le „olo i Seloa, e lē na o i latou

na maliliu ina ua tauleagaina, a ia manatua, e oo i tagata uma le oti. O le

manulautī o le fa‟amoemoe, o le salamo, o le mea sili lea ona tāua i tagata

uma.

O le fa‟ata‟oto i le mati, o lo‟o atagia ai le fa‟amoemoe o le olaga

salamo. Ua fa‟ailoa ai e le tagata fai fa‟atoaga le tāua o le fua o le mati,

fa‟apea lona naunau ina ia fua mai i fua lelei, ma ia aua ona paū atu i le

fa‟aleagaina ma fa‟aumatia ai. O le vala‟au lea mo i tatou i aso uma. O le

fesili mo i tatou i lenei aso, po‟o e talia ea le vala‟au ina ia salamo mai le

agasala?.

Tatalo: Le Alii e, ia ou maua le loto salamo ma suia lou olaga i mea lelei i

aso uma. Amene

Mafaufauga loloto: O le ā se mea ua fa‟aleagaina ai oe ae fa‟apefea ona

suia?

10

Aso Faraile - Iulai 19: “O le faitoto‟a va apiapi” (The narrow door)

Tusi Faitau: Luka 13:18 – 35.

Matua: f, 24: “Ia outou finafinau ina ia ulu atu i le faitotoa va apiapi; auā

ou te fai atu ia te outou, e toatele latou te taumafai e ulu atu, a e le mafai

lava.” O le fa‟aolataga mo le tagata ua maua fua e ala ia Keriso Iesu

peita‟i, ua fetalai Iesu ina ia tauivi ma le fa‟amalosi, o le vala‟au ina ia

tausiniō i le ola ua maua. O le fa‟aolataga ua maua fua, e lē fa‟amalosia, e faia

e le tagata lana filifiliga i le mea e loto i ai. O le mea lea ua vala‟auina ai le

tagata e fia ulufale i le mālō o le Atua, ina ia tauivi ma fa‟amalosi ina ia

ulufale atu i le faitoto‟a va apiapi, e ulufale atu i ai.

E tatau ona maua le olaga salamo ma le olaga fa‟apaiaina. Ua

fa‟amanatu mai le Fa‟ata‟oto 16:25, “O i ai le ala ua tonu i le manatu o le

tagata; a o lona taunu‟uga, o ala ia e oti ai.” Ua fa‟ailoa mai e le Alii, ina ia lē

sailia i uiga ua va‟aia ai le fa‟atauva‟a o le faatinoga ma le auaunaga, (cheap

grace) a ia tausiniō ma tauivi ma le faamalosi i le faitotoa va apiapi.

Tatalo: Au maia ia te a‟u le loto tauivi ma le fa‟amalosi i le faitoto‟a va

apiapi e ulufale ai i lou mālō e fa‟avavau. Amene.

Mafaufauga loloto: O i ai se mea ua ponatia ai lou ulufale i le faitoto‟a va

apiapi e pei ona fa‟atonu mai?

Aso Toonai – Iulai 20: “Ua lu‟iina tu ma aga masani”

Tusi Faitau: Luka 14:1- 14. (Traditions challenged)

Matua: f. 3: “Ua fetalai atu Iesu i le au a‟oa‟o tulafono, ma le au faresaio,

“Pe sa ea ona faamalolo i ma‟i i le sapati?”

O le tulafono i le aso sapati, ua ta‟oto e lē tatau ona faia ai se

galuega peita‟i, e i ai ni fa‟atinoga ua iloa e le „au a‟oa‟o tulafono fa‟apea

faresaio le mea e tatau ona faia i le aso sapati. O lea ua fesiligia Iesu i le

fa‟atinoga i le fa‟amaloloina o le ma‟i, ma ia fa‟apea atu, „Pe afai ua faia le

galuega i le manu ua paū atu i le lua ina ia toe aumaia i luga, e le sili atu ea

ona fa‟amaloloina le tagata ma‟i i le aso sapati?.O le manatu lea o Iesu e

fa‟atepa i tagata, e tatau foi ona faia le fa‟amalologa i so‟o se tagata i le Aso

Sapati, o lo‟o mo‟omia le fesoasoani. O le lu‟iina o tū ma aga masani, e le o

se manatu ina ia fa‟agaloina tū ma aga fa‟atāuaina peita‟i, ua fa‟amanatu e

Iesu ina ia avea le Malumalu o le Alii e fa‟atino ai le fa‟aolataga a le Alii mo

tagata uma. Pe afai o le Malumalu, e faia ai le tapuaiga, ma molimoli ai

manatu o le tagata i le Atua ina ia vi‟ia o lona alofa, fa‟ato‟ese, ma fesoasoani

mai i mafatiaga, pe tatau ea ona fa‟atāua tū ma aga masani, ae galo le

fa‟ataunu‟uina o le alofa i le tagata ma‟i?.

O lenei ua fa‟ailoa mai e Luka le tali a Iesu, e iloa ai e tagata uma le

faia o le fa‟aolataga, peita‟i ua le fa‟atinoa le soifuaga lelei mo tagata uma,

ona o tū ma aga ua fa‟atauaina.

Tatalo: Le Alii e, ia avea lo‟u olaga e fa‟atinoina lou alofa e pei ona e

fa‟ailoa mai. Amene

Mafaufauga loloto: O i ai se vaega o lau Ekalesia ua fa‟a-va‟atuia ai le

fa‟ataunu‟uina o le alofa?.

11

O fea na ou maua ai o nei a‟oa‟oga? - Where did I hear that before?

O tala taua mai le Feagaiga Tuai – Famous sayings from the Old Testament‟

Aso Sa - Iulai 21: “ Mai le pa‟u o o‟u nifo‟‟ (By the skin of my teeth)

Tusi Faitau: Iopu 19:20

Matua: f. 20: “Ua pipii o‟u ivi i lo‟u pa‟u, ma lo‟u aano, ua ou sao mai le

pa‟u o o‟u nifo.”

I lenei vaiaso, o le a aga‟i fa‟amatalaga i tala tāua mai le

FeagaigaTuai, e to‟atele tagata latou te le iloa le mafua‟aga o nei tala na afua

mai ai. O tala tāua, e le o iloa e nisi atunuu, ma e „ese foi la latou fa‟aliliuga

ma o latou manatu e uiga i nei tala.

I lenei taeao, ua ta‟ua ai le tala ia Iopu, o le tagata sa fa‟apea ona

feagai ma mafatiaga i ona taimi, ua ave‟esea ai mea na ia maua mai lona

„āiga, faapea lana fanau. Na maua o ia i le ma‟i papala, e oo i ona ivi ua pipi‟i

i lona pa‟u, ma ona a‟ano. O se va‟aiga mafatia ua feagai ma lenei auauna

peita‟i, ua ia fa‟ailoa ua fa‟aolaina o ia, ina ua ia sao mai le pa‟u o ona nifo.O

le fa‟aliliuina e le tusitala o le sao mai le „pa‟u o nifo‟, o le sao mai le pa‟u e

mamau ai nifo e „ai ai i aso uma. E pei o le mea lea ua totoe, ma ua fa‟ailoa e

Iopu. E ui lava i nei va‟aiga faigatā, a o le Atua na te fa‟aolaina o ia i le pa‟u o

ona nifo, ua fa‟a-maumauina ma tumau ai i lana amiotonu, e pei ona

fa‟atinoina. O se va‟aiga tāua lea ua faailoa e Iopu, le fa‟aolaina o le tagata

mai va‟aiga faigatā. O le tautinoga lea a le tagata i aso uma, e pei ona maua

mai ia Iopu, o lona Atua lava, o Ia o le fa‟aola na te fa‟aolaina le tagata, mai

nei va‟aiga faigatā.

Tatalo: Tatalo mo i latou ua sosola mai tāua, fa‟apea le olaga sāuaina, ina ia

manatua i latou a o feagai ma nei va‟aiga faigatā. Amene.

Aso Gafua - Iulai 22: “Ua fa‟aumatia foi o latou atamamai uma lava.”

Tusi Faitau; Salamo 107:27 (At my wit‟s end)

Matua: f. 27: “ … e tautevateva i latou ma tausuai e pei o le tagata onā, ua

faaumatia foi o latou atamamai uma lava.”

O le Salamo ua iloa ai Isaraelu ma lona olaga, o le nuu ua liliu‟ese

mai le Atua ma lona finagalo, ua fa‟atino o mea e manana‟o i ai peita‟i, peā

oo ina le iloa ona fa‟atino fa‟atinoga, ona vala‟au lea i le Atua ma lona fetalai

mai. E ui i nei manatu e fa‟asesēina ai le nu‟u ma o „ese mai le Atua, a o le

Alii e tumau lona alofa ma le agalelei, ma tali mai i mea ua vala‟au atu ai ona

tagata. E pei na failoa mai i le “ Salamo 139: 8, „afai ou te alu ae i le lagi, o i

ai lava oe; afai ou te fofola so‟u moega i seoli, faauta, o i ai lava oe.‟ Pe afai

e toe manatunatu le tagata i le Atua ma lona alofa, e lagona le fa‟ato‟ese i le

Atua e ui ina le manatua o Ia, a o le Atua lava o lo‟o fa‟atasi ma mafuta

fa‟atasi ma le tagata.

Pe ā oo ina ave‟esea le mafaufau, ia tu‟uina atu le loto talitonu i le

Atua, e fa‟apea ona ia aumaia o le fesoasoani sili, a o e feagai ma ituaso

faigatā.

Tatalo: Ia manatua i latou ua feagai ma mea faigatā ma oo mai le lē iloa o se

mea, ina ia faatupu le talitonu i le Alii ma le faamoemoe. Amene

Mafaufauga loloto: O ana fea na e iloa ai, ua ave‟esea le iloa mai ia te o‟e?

O fea na e maua ai se fesoasoani e fa‟aauau ai?

12

Aso Lua - Iulai 23: “O le malaia, ona o le faamaualuga”

Tusi Faitau: Fa‟ata‟oto 16:18 -19(Pride goes before a fall)

Matua: ff.18, 19: “E muamua le faamaualuga i le malaia; e muamua foi le

loto faasiasia i le paū. E lelei ona maulalo o le loto faatasi ma e ua agamalu;

a e leaga ona tufa le vete faatasi ma ē faamaualuga.”

Ua fa‟amatala e Tanielu i le Mataupu e 4, le tala ia Nepukanesa. O

le tala ua vi‟ia e Nepukanesa lona mamalu ma lona mālō peita‟i, na avea ai

ma manu, ua avea lona mafaufau, ua „ai i le mutia, ma ola ai faatasi ma manu.

O nei va‟aiga uma, na faailoa e Tanielu ia Nepukanesa le va‟aiga o le a o‟o i

le tagata e ola mitamita ma faamaualuga. O le malaia, ma le faamaualuga. Ina

ua liliu Nepukanesa i le Atua, ma avatu le agaga o le salamo moni ma vi‟ia le

suafa o le Atua, ma fa‟apea ai ona toe avea Nepukanesa, o le tagata ua

fa‟afofogaina e le Atua ma fa‟aolaina ai..

O mālō i nei vaitau, ua taumafai le tagata ina ia vi‟ia o lona tagata, o

le tagata ua ia te ia le malosi uma lava e fa‟atautaia o galuega, ma mitamita i

mea na ia faia, ma avea o latou igoa ma ma‟a fa‟amanatu i le tala fa‟asolopito

i tagata. O le fa‟ataunu‟uina o ia mea, ua le nofo lelei ai tagata, ma fa‟atupu

tele ai le vevesi, fa‟apea ai le va‟ava‟ai atu i le o‟o mai o tāua ma le

fa‟atāfunaga. O le mitamita o le tagata, o lo‟o mafua ai o nei va‟aiga ma

fete‟enaiga ua molimauina i nei aso.

Tatalo: Tatou tatalo mo mālō uma o le lalolagi ina ia maua le loto maulalo, e

galulue ai fa‟atasi mo le manuia lautele o tagata. Amene.

Mafaufauga loloto: O ana fea na e mitamita ai ona ua e faia se galuega lelei

mo tagata uma? O ana fea na e iloa ai le mitamita leaga?

Aso Lulu - Iulai 24: “E leai lava se mea fou i lalo o le la”

Tusi Faitau: Failauga 1: 9 – 11 (Nothing new under the sun)

Matua: ff. 9,10: “Se a se mea ua uma ona tupu? o le mea lava lea e toe

tupu. Se a se mea ua uma ona faia? o le mea lava lea e toe faia; ua leai lava

se mea fou i lalo o le la. E i ai ea se mea e mafai ona fai atu i ai, Ina vaai

mai ia, o le mea fou lenei? sa i ai ia anamua, i tausaga na muamua ia i

tatou.‟ E fa‟apea se tala a le tusitala, ina ua o‟o mai le soifuaga faa-tagata

matua, ua ia fa‟ailoa le upu sa a‟oa‟o mai e lona tinā, o le „upu mai le amataga

e fa‟alogo i ai‟. O lenei foi ua ia a‟oa‟o atu i lana fanau, e ui ina sa lē fiafia e

fa‟alogo i ai, a o lea foi ua ia fai atu i lana fanau o nei upu, e fa‟alogo i ai. Ou

te manatu foi, e fa‟apea foi ona a‟oa‟o atu e fanau i a latou fanau i aso o

lumanai. O upu mai le amataga e le fou, ae ia fa‟amanatu pea.

O le lu‟i mo‟i tatou i nei ona po, ina ia toe va‟ai, ma a‟oa‟oina i

tatou mai mea sesē mai ia tupulaga ua mavae atu, ona lē foliga lea ua gaogao

le ola, a e fa‟aauau le soifuaga ma le manuia i upu lelei e pei ona a‟oa‟oina ai..

Tatalo: Tatalo ina ia lē toe tupu o mea sesē mai ia tupulaga i nei tupulaga.

Amene.

Mafaufauga loloto: O nei tupulaga ua fa‟ateteleina le a‟oa‟oina o le

tekenolosi. Pe e te fa‟ailoaina le tekenolosi e fesoasoani i le suiga o le olaga

fou ua tatou maua?

13

Aso Tofi - Iulai 25: “Ai ma inu ma le fiafia” (Eat, drink and be merry)

Tusi Faitau: Failauga 8: 14 – 15.

Matua: f, 15: “Ona ou viia ai lea o le olioli; auā ua leai se mea lelei i le

tagata i lalo o le la, na ona ia „ai, ma inu, ma olioli; auā e tumau lea ia te ia

mai lana galuega, i aso uma o lona ola, ua foaiina mai e le Atua ia te ia i lalo

o le la.”

O le soifuaga e mo‟omia le olioli, pe a uma ona faia o galuega

peita‟i, ua tatou i ai i lenei olaga ua fa‟amuamua ai le manatu fa‟apito faapea

le faamalieina o le loto o le tagata. Ua saili e fa‟atino o latou mana‟o ma lē

manatua ai le tagata ua mo‟omia le fesoasoani, ua lē o mafaufau foi i tagata

ua a‟afia lo latou ola, i mea ua tausiniō i ai.. O le va‟aiga lea i le va, o le

tagata mativa ma le maumea i atunuu uma, o le olaga i le tagata ola faapito,

faapea le tagata o loo fia maua se fesoasoani.

Pe a mafaufau i nei upu, „ina tatou a‟ai ai, ma inu, auā a taeao

tatou te oti ai‟, ua fa‟ailoa mai iai tatou, a‟o tatou a‟ai ma inu, ona manatua

lea o le tele o tagata mafatia, ma fia maua o se mea e ola ai.

Tatalo: Le Alii e, matou te manatua i latou ua mafatia i le fia a‟ai ma le fia

inu i lenei lalolagi. Ia matou maua le lagolago atu ina avea ma fesoasoani

lavea‟i mo tagata mafatia. Amene.

Mafaufauga loloto: O le a se mea e ona faia mo lou nu‟u ma ou tagata i le

mea o lo‟o e nofo ai?

Aso Faraile - Iulai 26: “Pupula atu o mata i mata” (Seeing eye to eye)

Tusi Faitau: Isaia 52:7 – 10

Matua: f. 8: “O le leo o ou tagata vaai, ua latou leo tetele, ua latou alalaga

faatasi; auā latou te iloa e faafesagai lava, pe a faafoisia Siona e le Alii”

O le va‟ai o mata o le faitotoa lea ua fa‟amatala ai lou tagata. O ou

mata ua iloa ai le loloto o lau va‟ai, ua fa‟ailoa ai le loto atoa o le tagata ua

„au atu i fa‟atinoga mo‟omia.

E fa‟apea le tala a le tusitala, e i ai lana uō sa ia mafuta i ai, e tauaso

ona mata peita‟i, e tulaga „ese ona mata pea pupula mai, o mata ua pupula mai

ma o‟o mai le feau tāua, e ui ina le pupula. O le mata‟utia lea o lenei uiga, o le

fa‟aaogāina lea o mata, o se va‟aiga „ofo‟ofogia, ma sa fa‟apea ona faia ma

galulue fa‟atasi o mata i mata e fa‟atinoina ai o galuega. E fa‟apea le tala a le

faifeau sa galue i le falepuipui, e lē faigofie le galulue ma tagata mai atunuu

„ese‟ese sa falepuipui ai peita‟i, ua va‟ai ma feso‟otai o latou mata, ma

mautinoa o nei galuega ua fa‟atinoina mo lo latou lelei, ma galulue ai fa‟atasi.

O le agaga lea o le galuega fa‟akerisano, e mo‟omia le galulue

fa‟atasi ina ia taunu‟u se fa‟amoemoe.

Tatalo: Le Alii e, seia e fa‟ailoa mai ina ia pupula o matou mata e fa‟atino ai

galuega lelei mo lau afio. Amene.

Mafaufauga loloto: O le galuega faale-Tala Lelei ua oo atu i atunuu uma, e

mo‟omia lava le tu‟u fa‟atasi o tatou mata e faia galuega lelei mo tagata uma.

14

Aso Toona‟i - Iulai 27: “O le Aitiope e le suia lona lanu”

Tusi Faitau: Ieremia 13: 23 (A leopard can‟t change its spots)

Matua: f, 23: “E mafai ea ona liua e le Aitiope o lona pa‟u, pe liua e le meri

ona ila? A mafai lea, ona mafai foi lea ona amio lelei o outou ua masani i

amio leaga.”

O le suiga tāua o le tagata, o le tagata ua liua mai le olaga tuai, ma

avea ma tagata ua fa‟afouina le loto, ua avea ai ma tagata ua faia mea lelei mo

tagata.

E manatua le tala ia A‟apo, o le Tupu ma ona uiga leaga, fa‟apea

lona toalua o Iesepela na ia fasiotia perofeta ma tagata o le nuu na le ifo atu ia

Paala peita‟i, o A‟apo na liliu atu i le Atua ma le agaga salamō, na fa‟ailoa

fo‟i e le Atua ia Elia le Tipesa, le fa‟amagaloina o A‟apo e le Alii, ona ua ia

faatoese ma fa‟amaulalo i ona luma (1 Tupu 21:27 – 29). O le va‟aiga ua suia

atoa ai le olaga o Aapo.

O tagata uma e mo‟omia suiga, e fa‟apea foi ona mo‟omia le

lagolago atu i le sosaiete. O le fa‟aupuga i le Aitiope e lē suia lona pa‟u

peita‟i, ua toatele tagata ua fa‟amaonia, le suia o latou pa‟u ma loto ua liliu i

le Atua, ma faia o lona finagalo.

Tatalo: Tatalo mo tagata ua faasalaina i falepuipui, ina ia suia o latou olaga

ma avea ma tagata lelei. Amene

Mafaufauga loloto: O le a se galuega a le sosaiete e suia ai le olaga o le

tagata fa‟aleaga mea?

O fea na ou maua ai o nei a‟oa‟oga?

2 O nisi o tala taua mai le Feagaiga Fou.

Aso Sa - Iulai 28: “O le mata i le mata.” (Eye for and eye)

Tusi Faitau; Mataio 5: 38 – 40.

Matua: f, 38: “Ua outou faalogo, na fai mai, e suia le mata i le mata, e suia

foi le nifo i le nifo‟

Ua amata atu i lenei taeao i le a‟oa‟oga, „o le taui atu i lē na faia

mai o se mea leaga ia te oe.‟ e pei ona maua i le Esoto 21:23 -25..

O lenei ua faailoa mai e Iesu, e lē ina ia faaleagaina le tulafono e pei

ona tausia e le faamasinoga ma le „au perofeta (Mataio 5:17) peita‟i, ua

aumaia e Iesu le fa‟ata‟ita‟iga, poo le ta‟iala sili e si‟itia ai le olaga i se

va‟aiga fou, ma le faia o le fa‟amasinoga tonu – ina ia alofa atu i lē ua ita

mai, ma tatalo mo e ua fa‟asaua mai i ai tatou. (Mataio 5:44).

Tatalo: Le Alii e, peā oo mai le ita ma fusia i le loto le fa‟amagalo atu, seia e

ta‟ita‟iina lo‟u loto ma va‟ava‟ai atu ia Iesu, o lē na sāuaina e tagata ma

tu‟uina atu ina ia fa‟asatauroina, a e na ia fa‟amagalo atu i latou uma o ē na ita

mai. Amene.

15

Aso Gafua - Iulai 29: “Ia fa‟aauau le sāvaliga ina ia sili atu.”

Tusi Faitau: Mataio 5:41 – 42. (Go the extra mile)

Matua: f.41: “Ai se na te tauanau mai lua te o ma ia i le maila e tasi, ina o ia

oulua ma ia i maila e lua”

O le fa‟amanatu lea a Iesu le mea sili mo ona tagata, ina ia sāvavali

ma fa‟asili atu i maila e lua, ma iloa ai le loto fa‟asili ua ofoina atu i lē ua

auauna i ai..

E faapea le tala a le tusitala, i taimi uma o lona olaga, ua ia iloa ua

fa‟aaogāina lona tagata i sāuaga lē fetaui ma lē tali atu i ai peita‟i, o se avanoa

ua ia molimau ai i le vala‟au alofa a Iesu. O nisi fo‟i ua fa‟apea mai o‟u te

pala‟ai, ma le lē taui atu i tagata na latou faia mai o nei fa‟atinoga. Poo ua e

talia „ea o puapuaga o le alii ma le fa‟aleaga mai e tagata ia te oe? Poo ua talia

e Iesu ona faia e nei tagata e aunoa ma le tali atu i ai? E faapefea ona tumau

ma siitia lou tagata i le vaaiga silisili a le Alii ao faia mai e tagata o nei

va‟aiga ua faaleagaina ai o tatou tagata?

Tatalo: Le Alii e, a o matou feagai ma sāvaliga e sili atu ma maila e 2,

fesoasoani mai ina ia tumau i le fa‟amaoni ma le loto fa‟amagalo. Amene.

Mafaufauga loloto: O fea o lo‟o faatonuina ai oe e te sāvalia o maila e sili

atu nai le lua?.

Aso Lua - Iulai 30: “O Luko ua ofu mai e pei o ni mamoe”

Tusi Faitau: Mataio 7: 15 – 19. (Wolves in sheep clothing)

Matua: f. 15: “Ia outou ma perofeta pepelo, o e o mai ia te outou i ofu

faamamoe, a o luko feai lava i latou.”

I lenei taeao, o lo‟o atagia ai perofeta pepelo. O le fetalaiga a Iesu e

fa‟atusa i ai latou e aumaia le Upu a le Alii, e o‟ofu mai e pei o ni mamoe ae o

luko feai i latou. E faapea foi ona molimau i ai Paulo, 2 Korinito 11: 13 -15, o

aposetolo pepelo, fa‟a‟ole‟ole e peiseai o auauna a le amiotonu i latou. Na

fa‟apea fo‟i ona ta‟ua e Iesu i le Mataio e 24: 24 -25, o perofeta pepelo o le a

tula‟i e faia vavega e faasesē ai o ē ua filifilia, ua fa‟ailoa mai foi e le 2 Peteru

2:1-2, le olaga o perofeta pepelo, e o‟o mai ma le fa‟afanoga.

O le perofeta mai le Alii, e iloa o ia i fa‟atinoga lelei mai le Agaga o

lo‟o i ai le alofa, le olioli, o le filemū, onosa‟i, le agalelei, le olaga fa‟amaoni,

le olaga pulea fa‟apea le amio lelei ma le fa‟apalepale e pei ona molimau i ai

Paulo i le Kalatia 5: 22 – 23. O va‟aiga ia ua fa‟ailoa mai, le olaga o le tagata

e fa‟amaoni le molimau ia Keriso Iesu.

Tatalo: Le Alii e, seia e avea i matou ma leoleo mamoe lelei a e le avea ma

luko feai. Amene.

Mafaufauga loloto: Faitau ma fa‟atusatusa le Ioane 10;1-18, ma le Esekielu

22: 25 – 27. O le a se va‟aiga o lo‟o iloa i nei faitauga ua fa‟ailoa mai?

16

Aso Lulu - Iulai 31: “Ta‟ita‟i e le tauaso le tauaso”

Tusi Faitau: Mataio 15:10 – 14. (Blind leading the blind)

Matua: f. 14: “Tuu pea ia i latou, o tauaso i latou e taitai i e ua tauaso; afai

foi e taitaiina le tauaso e le tauaso, ona la pauu uma ai lea i le lua.”

O le ata atoa o lo‟o taoto ai o nei mafaufauga, o le „talitonuina o le

isi e le isi‟(trust). O i latou ua avea ma ta‟ita‟i i le mālō, o faifeau, faia‟oga, i

latou uma i ali‟i ma tamaita‟i fa‟apea mātua, o tagata ua avea ma fofoga o le

Atua latou te fa‟ailoa atu o lona finagalo, ma ua tu‟uina atu i ai le talitonu ma

le fa‟atuatua o tagata i ai latou.

O lea ua fetalai Iesu i le Mataio e 23, na fa‟ailoa atu ia „alo‟alo „ese

ma ta‟ita‟i ua fa‟asesēina ai i latou, o ta‟ita‟i tauaso latou te fai atu ina ia faia

o taulaga, e iloa ai o latou ua avea ma ta‟ita‟i, a ua lē a‟oa‟o tagata ina ia

faatino le amiotonu ma le alofa ma le fa‟atuatua i le Atua alofa.

Ua tatou feagai ma le tele o mafatiaga fa‟apea o ta‟ita‟iga sesē ua

fa‟atino e tagata ma paūū ai fa‟atasi i le lua peita‟i, o Iesu na te fa‟atupuina le

loto ma aumaia o lona Agaga e fa‟amalolosi ai, ma ta‟uta‟u atu o lona

finagalo i aso uma o lo tatou ola, i galuega ma fa‟atinoga o mea lelei uma e

vi‟ia ai lona suafa.

Tatalo: Le Alii e, seia e fa‟amamā o matou loto mai le agasala, ma ia a‟oa‟o

mai ina ia tu‟uina atu le talitonu i lau Afio ma iloa ai le malamalama ua e

fa‟asusulu mai i o matou loto. Amene.

Mafaufauga loloto: O le a se lagona pe ā avea ma tagata tauaso?

Aso Tofi - Aokuso 1: “Ia muamua ona togi sau ma‟a.”

Tusi Faitau: Ioane 8:1-11. (Cast the first stone.)

Matua: f. 7: “A ua latou fesili atu pea lava ia te ia; ona toe nofo lea o ia i

luga, ma faapea atu ia te i latou, “O so outou e leai sana agasala, ia lua‟i

togi se maa ia te ia.”

Na silafia e Iesu le fia mama o i latou na molia atu le fafine, e le gata

o le mana‟o e ta‟uleagaina le fafine, a e ua latou sauniuni foi e fetogi i ma‟a

ina ia oti ai. O se uiga masani o le tagata, e faigofie ona tu‟ua‟i le leaga i isi, a

e galo ona vaai ifo ia te ia lava. E le mana‟o le tagata e faailoa ona vaivaiga

masani, e le mana‟o foi ia iloa mea leaga o loo ona faia. Atonu e le o faia e le

tagata le olaga mulilua, peitai, e i ai le loto lē māmā, le ita ma le loto vale.

Ua silafia e Iesu le lagona o loo i le motu o tagata, e “agasala” tagata

uma lava! O lea na ia fetalai atu ai: “O so outou e leai sana agasala, ia lua‟i

togi se maa ia te ia.” (f.7). I le faai‟uga, na lagona e le motu o tagata o i latou

lava o tagata agasala, o lea na a‟oa‟o atu ai Iesu i le fafine ina ia liliu‟ese mai

ia latou faitioga: “Alu ia „oe, aua e te toe agasala!” (f.11b).

Tatalo: Le Alii e, faamagalo i matou i o matou uiga faasausili ma le manatu

faatauvaa i isi o matou uso-a-tagata. Amene.

17

Aso Faraile - Aokuso 2: “Ua pa‟ũ‟ũ nai le alofa tunoa” (Fallen from grace)

Tusi Faitau: Kalatia 5:1-6

Matua f.4:“O outou ua fia maua le ta‟uamiotonuina i le tulafono, ua tete‟a

ese lava outou ma Keriso, ua pa‟ũ‟ũ outou nai le alofa tunoa.”

Na iloa e Paulo le loloto o le agasala na ia faia, na fa‟asauã i e ua talitonu i

le Keriso; na ia iloa foi le silisili „ese o le faaolataga na ia maua ia Keriso, ina ua

faaliliuina i le pupula malamalama i le ala i Tamaseko (Galuega 9:1-19). Ua mavae

ia mea, ona tu‟u „esea lea e Paulo lana finauga, o le peritomeina o se faatinoga e

maua ai le faaolataga. E faatoa maua le faaolataga ina ua atoatoa ma talia le taulaga

na saunia e Keriso i luga o le satauro i Kolokota.

O le pa‟u ese mai le alofa tunoa, o le „ave‟esea lava lea o i tatou mai le

Keriso, o Ia ua tatou auauna i ai, o Ia foi ua lavea‟iina i tatou. O le ola i le tulafono ia

faaolaina ai, o le tete‟e lava lea i le faaolataga e ala i le alofa tunoa. O le galueaiina o

le faaolataga e ala i le Alii, o le meaalofa silisili lea mo i tatou e ala ia Iesu Keriso i

le Eperu 12:15, ua a‟oa‟o mai ia i tatou, e faapea: “Ia outou fa‟aeteete ia te outou,

ne‟i ai se tasi e le maua atu le alofa tunoa o le Atua; nei ai se a‟a o‟ona e tupu a‟e e

fa‟asoesã ia te outou, ma leaga ai nisi e to‟atele.”

Tatalo: Le Atua e, ia faatupu tele le faatuatua matou te talia ai lou alofa tunoa, o le

meaalofa silisili e ala i lou Alo Pele, o Iesu Keriso lo matou Faaola. Amene.

Aso Toonai -Aokuso 3: “E fa‟afuase‟i lava o le „emo o le mata.”

Tusi Faitau: 1 Korinito 15:51-54.(In the twinkling of an eye.)

Matua ff.51-52a:“Faauta mai, ou te ta‟u atu ia te outou le mea lilo, e lē momoe i

tatou uma, a e liua i tatou uma, e fa‟afuase‟i lava, o le „emo o le mata, ...”

Ua faaalia i nei fuaiupu le faamatalaga o le faaaliga e faatatau i, “le mea

lilo”, o se misiterio (mystery) o se mea e tupu a e leai se tasi e malamalama ai, ona e

auala mai i se tulaga e le iloa lava, ua faapea mai: “E faafuase‟i lava, o le „emo o le

mata, pe a ilia le pu faa‟uma; aua e ilia lava, e toe tutū mai ai e ua oti ma le ola pea,

e liua foi i tatou.” (f.52). O e talitonu i le Keriso e le oti lava, a e liua mea uma, “o le

„emo o le mata.” O nei faailoga tetele e faafuase‟i lava, i se taimi pu‟upu‟u, e pei o

le „emo o le uila i le vanimonimo.

O le faatusa o lo tatou i ai i le lagi faatasima lo tatou Alii le Faaola, o Iesu

Keriso, o ia ua na faato‟ilaloina le oti ina ia tatou maua le ola e faavavau. O le

faamatalaina lea o le misiterio, o le “emo o le mata.” A e foliga e i ai le moni i lenei

misiterio ua faaalia e Paulo, e tusa ma lona tusi atu ia Korinito. “Ua faaumatia le oti

i le tuugamau…”

Ua faamatala e Paulo ma lona mautinoa e i ai se faatinoga mo Kerisiano o

loo ola, e “faafuase‟i lea ona aveina a‟e o i tatou o e ola ma totoe, faatasi ma i latou

i ao, ina ia fetaia‟i ma le Alii i le va nimonimo; ona faatasi lava lea ma le Alii.” (1

Tesalonia 4:17).

Tatalo: Ia faatumauina lo matou malosi a o matou i ai i le lalolagi, se ia tatou

faatasi ma lau Afio i le ola faavavau. Amene.

18

Aso Sa - Aokuso 4: “O le afi ua mumū saesae.” (Wild fires.)

Tusi Faitau: Iakopo 3:1-12.

Matua f.5:“E faapea foi le laulaufaiva, o le mea itiiti lea, a ua lafo upu faasausili.

Faauta, o le afi itiiti e mu ai le vao laau e tele!”

O se tama‟i aloiafi a e vave ona mumū saesae, e fa‟aumatia le laufanua ma

le vaomatua, o fale ma so‟o se mea e sosolo atu ai: E foliga fa‟apea le mata‟utia o le

sosolo atu o upu tau fa‟aleaga i luga o ala televavave fa‟aona po nei (social media).

O lenei vaiaso, ua vala‟auina i tatou e ala i Tusi Faitau, ia tatou fa‟autauta

lelei i ala ua tatou fa‟aaogaina e ta‟ua ai uiga o nisi tagata, i le tautala, po o laau-

lomitusi, po o se isi lava ala televave fa‟anei ona po. E fa‟amanatu mai foi i a tatou

upu ma le gagana e tautala ai---e iloa uiga o le tagata ona o upu e tautala ai. O le

laulaufaiva, po‟o le gagana, po‟o so‟o se isi lava „auala e faatino ai fesootaiga: o iina

e faatinoina ai mea lelei, e faatino ai foi ma mea e lē lelei.

Tatalo: Ia lē avea upu i o matou gutuma mafaufauga i o matou loto e puna mai ai le

leaga ma le tu‟ua‟ifua o nisi. Amene

Aso Gafua - Aokuso 5: “Tala fatu ma fesuia‟iga o tala.”

Tusi Faitau: Esoto 23:1-8. (Fake news and alternative facts.)

Matua f.1:“Aua e te si‟i le tala fatu fua;...”

O le tusi faitau o le asō, ua fautua mai ai ia fa‟ailoa ou manatu, ma fetufaa‟i

ai ma isi e ave‟esea ai le manatu fa‟apito, ina ia „au‟aumea ma nisi e fatu se molimau

pepelo. (f.1) A e le gata i lea, ia fesoasoani e fai le amiotonu, a e „aua ne‟i mulimuli i

manatu o le to‟atele pe a fai o lo‟o taumafai e „alo‟ese mai le amiotonu ua i ai. Pe a

taga‟i i le fuaiupu e valu (f.8), ua a‟oa‟o mai, e fa‟apea: „Aua ne‟i faaalia lou alofa

ini ou lagona i le va‟ava‟ai a tagata, aua o ou foliga ia e ono tosina mai ai le

agalelei o le to‟atele ma o‟o ai ina sapaia se faatinoga sesē.‟ (self).

Tatalo: Ia tatalo ina ia faaalia le amiotonu ma le faamaoni i tala feavea‟i i luga o

talatalanoga i le „ea (social media). Amene

Aso Lua - Aokuso 6: “O ē faatupu maseiga i upu e tautala ai.”

Tusi Faitau: Salamo 36. (Those who cause mischief by what they say.)

Matua (f.10):“Ia fa‟afualoa lou alofa i e ua iloa „oe, ma lau amiotonu i e fa‟amaoni

o latou loto.”

Ua faamatala manino mai e le Salamo 36 le pogai o maseiga e afaina ai le

tagata. Peitai, ua tautala le fai Salamo i le faamaoni o le Atua ma lona alofa e le

faatua‟oia, o le amiotonu foi ma le faamasinoga a le Atua, e puipuia ai le tagata ia

lavea‟iina mai i e faasaua ma amio leaga. O le faai‟uga o lenei „aioiga a lē ua naunau

i le faaolataga, e faamalosia lea ma faasaoina ai mai i e faatupu maseiga ona o mea

ua latou faia.

Tatalo: Le Atua e, aua nei taofia lo‟u naunau e faailoa atu. Ia puipuia ai a‟u nai i e

faaleaga mai i soo se mea. Amene

19

Aso Lulu - Aokuso 7: “O upu e te tautala ai e iloa ai „oe.”

Tusi Faitau: Faataoto 10:10-20. (What you say reveals who you are.)

Matua f.11:“O le gutu o le amiotonu, o le puna o le ola lea; a o gutu o e amio

leaga, ua ufitia ia i le fa‟asaua.”

O le feso‟ota‟iga o fuaiupu ta‟itasi o le tusi faitau o lenei aso mai le

Faata‟oto, ua a‟oa‟o mai ai ia fa‟aete‟ete i upu ma tala tau faaleaga, e lē gata i lea, ua

a‟oa‟o mai foi upu moni e savavali ai ma le fa‟autauta tonu e tupu atili ai le

malamalama le atamai. O le faatinoga o le amiotonu o le pogai lea o le ola. Ua lē

ta‟u leagaina e le Tusi Faitau o lē ua amioleaga, peitai, ua a‟oa‟o mai le „auala e

„alo‟ese ai, o ala e fa‟atupu ai le loto onosa‟i ma le faautauta tonu.

Tatalo: Ia talosia i latou ua ola tau faaleaga, uiga faamisa ma faatupu maseiga, ina

ia suia i le amio lelei ma uiga tauagafau. Amene.

Aso Tofi, Aokuso 8, 2019: “Tapuni ou laugutu.” (tulou) Zip up your lips.

Tusi Faitau: Faataoto 11:9-13.

Matua f.13:“O lē feālua‟i ma fe‟āve‟avea‟i, na te fa‟aali upu fa‟alilo; a o lē ua loto

fa‟amaoni na te tanutanuma‟i le upu.”

O le fa‟aputuga o upu a le poto o aso anamuā, o lea ua tu‟u fa‟atasia i le

Faata‟oto, ua faailoa mai ai le amiotonu, ma upu a le poto ma le faautauta tonu, lea

ua fautuaina ai le olaga manuia o nuu. O mafaufauga ia faale-tagata ua faavae ai le

manuia o nuu ma tagata ta‟ito‟atasi, lea ua atagia i isi tusi o le Tusi Paia, e pei o le

Ieremia 29, o se faata‟ita‟iga lea. A e le afaina, po‟o se molimau e faatupu lagona

talitonu, po o le tete‟e ma lē fia „auai i uiga faa‟ole‟ole ma le lē faatuatuaina. O le

upu moni, o i latou uma ua loto talitonu ma faatuatua, o i latou ia ua faatupuina le

manuia mo le nuu ma le motu o tagata.

Tatalo: Tatalo ia tumau le talitonu i mea ua faatuatuaina ai a‟u. Amene

Aso Faraile - Aokuso 9: “ „Ia fai ma fa‟ata‟ita‟iga o galuega lelei‟, faamaoni, ma

agamalu.”(Be a model of good works, integrity, and sound speech.)

Tusi Faitau: Tito 2:1-8.

Matua f.7-8a: “Ia avea „oe ma faaa‟oa‟o o galuega lelei i mea uma lava; ia e

a‟oa‟o i le mata‟upu ma le fa‟amaoni, ma le fa‟atoeaina, ma le upu e ola ai, e le ma

ta‟uleagaina, ina ia faamaina ai o lē tete‟e mai....”

O i latou o loo fai ma ta‟ita‟i, ua iloa e le avea le malosi, le ta‟uta‟ua ma le

mau‟oa, e taofia ai le faasalaga ona o le amioletonu. Ua oo ina fausia le avanoa e

faalautele ai tala „ave, ina ia sapasapaia ai so‟o se mafatiaga, e mafai ai foi ona

faalauiloa le upu moni ma le faamasinoga tonu. O le a le faitauina ai fuaiupu e

faamalosia ai fafine ia gaua‟i i olatou ta‟ito‟alua, ma pologa ia usiusita‟i i o latou

matai, a e o le tusi ia Tito ua faamanatu mai ai, o a lava tofiga ua filifilia ai i tatou

ta‟ito‟atasi i le olaga nei, o galuega ua tatou fa‟atinoina, pe lelei po‟o le leaga foi, o

le molimau ola lea e iloa ai i tatou ta‟ito‟atasi.

Tatalo: Ia talosia i latou o loo faia amioga lē alofa, uiga saua ma faapologa i nisi

tagata. Amene

20

Aso Toonai - Aokuso 10: “Faasinoga i le Ola Fou.”( Rules for the New Life.)

Tusi Faitau: Efeso 4:17-32.

Matua f.32:“A ia outou feagaleleia‟i ma ia outou femutimutivalea‟i lo outou alofa,

ia fefaamagaloa‟i outou, faapei ona faamagaloina outou e le Atua ia Keriso.”

Ua faamanatu e Paulo i tagata Kerisiano i Efeso, ua uma ona a‟oa‟oina i

latou ia tuu‟ese uiga ma amioga tuai, a e ia ola i se olaga fou. A e o le faava‟a, po o

le faasinoga i le ola fou, ua ta‟ua lea i fuaiupu 25-32. O ia faasinoga i le ola fou, ua

faavae lea i le ola tuu faatasi i le tino e tasi. Ua faatatau lea i le fausia o le mafutaga

tuu faatasi i le „auai o tagata ta‟ito‟atasi, ma ola felagolagoma‟i le tasi i le isi, o iina e

faaalia ai le alofa, ma le agalelei a e maise o le ola faamagalo.

Tatalo: Tatalo i le Atua, ia foa‟i mai le agaga o le alofa ma le agalelei i mea uma

tatou faia. Amene.

Aso Sa - Aokuso 11: “Mulimuli i le ta‟ita‟iga a le Alii.”(Follow God‟s lead.)

Tusi Faitau: Teuteronome 1:6-11.

Matua f.8:“Faauta ua ou tuuina atu le nuu i o outou luma, o atu iaoutou ina fai ma

outou le nu‟u na tautō ai le Alii i o outou tamā o Aperaamo, ma Isaako, ma Iakopo

na te foa‟iina atu ia te i latou, ma a latou fanau pe a mavae atu i latou.”

O le lalolagi e aunoa ma le Atua, tatou te filifili ai na o i tatou lava. Ua

fesoasoani mai le Teuteronome, ia tatou sa‟ili i le malamalama ua ofoina mai e le

Atua. O iina e suia ai o tatou lagona mo mea sili. Aua o le Agaga o le Atua e ta‟imua

ma saunia le ala tatou te savavali ai; o ana poloaiga ia tatou mulimuli ai. O le lalolagi

ua tatou ola ai nei, ua le na ona faamalie o le loto, a e sili ona taua o le olaga e saili ai

le finagalo o le Atua e ala i lau filifiliga tonu. Ua valaauina i tatou e le Teuteronome

e faapei o e ua ola e tali atu i le folafolaga mai le Atua. O le faataunuuina o lea

valaau e mana‟omia ai lo tatou faatalitali i le ta‟ita‟iga lilo a lo tatou Atua.

Tatalo: Le Alii e, o le ua matou faatuatua i ai, o au poloaiga e tonu lea ma lelei. Pe

a valaauina i matou e fai lou finagalo, ia matou faalogo ma usiusita‟i. Amene.

Aso Gafua - Aokuso 12: “Ou te lē savali na o a‟u.”(You‟ll never walk alone.)


Matua ff.12,15):“Ou te lavatia faapefea e a‟u e to‟atasi o a outou mea mamafa, ma

a outou avega, ma a outou fefinaua‟iga?... Ona ou ave ai lea o alii sili o outou itu

aiga, o tagata popoto i latou, ma e ua iloa, ma ou tofia i latou e fai ma alii ia te

outou, o alii o ta‟ito‟aafe, ma alii o ta‟ito‟aselau, ma alii o ta‟ito‟alimagafulu, ma

alii o ta‟ito‟asefulu, ma faipule i o outou itu aiga.”

O Iesu lava na ia filifilia ona so‟o ia latou mafuta faatasi, ma faailoa le

galuega na afio mai ai. Ua valaauina ona so‟o, ua le o ni „toa‟, a e o auauna ua

filifilia mo le galuega tala‟i a le Alii. Sa latou fefinaua‟i po‟o ai ua sili o i latou, a ua

a‟oa‟oina i latou, e le o le faamoemoe lea o le avea e fai ma so‟o. O le „toa‟ e savali

ma le loto ia faia le mea sili, a o e na filifilia e fai ma ta‟ita‟i‟au faatasi ma Mose,

latou te faamanatu o le finagalo o le Atua e sili i mea uma; ua faailoa atu ia te i latou.

“Aua tou te faailogaina se tasi i le faamasinoga...” (f.17a). O le avea e fai ma

ta‟ita‟i Kerisiano, o le faata‟ita‟iga lea e iloa ia Mose, e le o le fia faaali lona lava

malosi, a e ia faataunuu le finagalo o le Atua i le lalolagi.

Tatalo: Le Alii e, ia e fesoasoani mai i faigata o le a avea e fai ma ta‟ita‟i. Ia matou

maua le agaga o le felagolagoma‟i ma ia maua ai sou viiga. Amene.

21

Aso Lua - Aokuso 13: “Taga‟i toto‟a i fesuia‟iga o le lalolagi.”

Tusi Faitau: Teuteronome 2:1-23.(Focus in a distracting world.)

Matua ff.18-19:“O le aso nei e te ui ane ai i Aro o le tua‟oi o Moapi; a e

faalatalata atu foi e feagai ma le fanauga a Amoni, aua nei e faasauā ia i latou, aua

foi e te tau ma i latou, aua ou te le avatu ia te „oe sina fasi fanua o le fanauga a

Amoni e fai mou, aua ua ou avatu ai i le fanauga a Lota e fai mo latou.”

O le Isaraelu, e lē faamatalaina o se laueleele ua foa‟i fua e fai ma tofi; aua

e tele foi isi laueleele ua foa‟iina mo isi mai le Atua, e pei ona molimau le tusi faitau.

Ua faamatalaina le Isaraelu, e ala i le feagaiga faale-Atua. O le feagaiga o le

malamalama mo atunuu uma o le lalolagi, ina ia faia le finagalo o le Atua i le

lalolagi uma. O le tusi faitau mo lenei aso, ua valaauina ai i tatou ia manatunatu lelei

i le mea e ao ona faamuamua i mea uma. O taimi e feagai ai i tatou ma faigata i mea

ua tatou manatunatu i ai, o le taimi tonu lea tatou te valaau atu ai, e ala i le

fesoasoani mai o le Agaga o le Atua i le mea e ao ona faia.

Tatalo: Le Alii e, ua tosina o matou loto i tu‟inanau eseese o le olaga. Fesoasoani

mai e faasino tonu o matou ala e tusa ma lou finagalo. Amene.

ASO Lulu - Aokuso 14: “O le Atua o loo ta‟imua ia te „oe”

Tusi Faitau: Teuteronome 2:24-37.(God has gone before you.)

Matua (ff.24-25a):“Ina tutu ia outou, o atu ia, ma sopoia atu le alia o Arinona;

faauta, ua ou tuuina i lou lima o Sekono le tupu o Hesepona o le sa Amori, ma lona

fanua, ia e amata nei lava ona fai mou, i le e tau ai le taua mo ia. O le aso nei e

amata ai ona ou faaoo atu le mata‟u, ma le atuatauvale ona o „oe i nuu o i le

lalolagi uma, ....”

O le Atua, na ta‟imua i ona tagata. Na foai e le Atua le laueleele i le nuu, e

ala i le faatupu o le loto ita ia Sekono e tau ai se taua. Ua le faapea o tagata o ni

faatusa o mea-ta‟alo i fuafuaga faale-Atua. Ua finagalo le Atua ia faia se tupu, a e

tuuina atu i tagata le laueleele---o fuafuaga ia a le Atua e iai faatasi ma le sailiga o

leloto usiusita‟i o tagata. A e le faapea o le finagalo o le Atua, na ona faatalitali ma

nofonofo e leai se mea e faia. E tatau ona galue le tagata e faailoa ma folafola atu i le

lalolagi le finagalo o le Atua. O le ata vaaia lea i le feagai o Mose ma le Atua; o le

ata foi lea e tasi ua faaalia i faata‟ita‟iga na faia e IESU i le va ma lona Matai, e ala i

lana tatalo ma ole atu i le Tamā. Ia tatou maua le loto naunau ma le agaga filifiliga e

sa‟ili le finagalo tonu o le Atua, a o tatou aumau i lenei lalolagi o tofotofoga ma

faaosoosoga.

Tatalo: Agaga Paia e, ua leva ona e iai i le lalolagi a e matou te le‟i iai. Fesoasoani

mai, ia matou taunuu i le nuu ua folafolaina e tusa ma lou lava alofa tunoa. Amene.

ASO Tofi - Aokuso 15: “Aua ne‟i e mata‟u.”(Do not fear.)

Tusi Faitau: Teuteronome 3;1-11.

Matua (ff.1-2a):“Ona tatou liliu ane lea, ma tatou o a‟e i le ala i Vasana, ona latou

o mai lea, o Oko le tupu o Vasana, o ia ma lona nuu uma lava e faafetaia‟i ia te i

tatou e tau ai le taua i Eterei. A ua fetalai mai le Atua ia te a‟u, Aua e te mata‟u ia te

ia, aua ua ou tuuina atu i lou lima o ia, ma lona nuu uma, atoa ma lona laueleele;”

Ua tatou maua i le tusi faitau o lenei aso, o le Atua e faamalosi ma faaloto

tele i e ua nonofo i le fefe ma le mata‟u ona o e faasaua mai. I nei ona po, o loo tele

pea puapuaga ma sauaga e faia e i latou ua iai le pule ma le malosi, latou te tetee i le

finagalo o le Atua i le lalolagi.Tatou te manatunatu pea i le pule faasaua ma le

22

faamalosi a e ua iai le pule, le malosi ma le tamaoaiga, ua faapologaina ai le to‟atele

o e ua vaivai ma faatauvaa lo latou tamaoaiga, o nisi o lo‟o latalata mai ia i tatou, e

le gata i le tino, le mafaufau e oo lava i le agaga. O le Atua lava na te aumai le

malosi tatou te feagai ai ma faigata eseese o le lalolagi o loo tatou o nonofo ai.

Tatalo: Le Atua e, fesoasoani mai i lo matou fefefe e finau ma e le talia lou

finagalo. Foai mai le loto tele ina ia faaalia lou finagalo alofa i le lalolagi, e ui ina

faafeagai ma le lalolagi le talitonu. Amene.

ASO Faraile - Aokuso 16: “O le totogi e avea ai ma ta‟ita‟i.”

Tusi Faitau: Teuteronome 3:21-29. (The cost of leadership)

Matua (ff.27b-28): “... Ma ia e iloa ai i ou mata; auā e te le sopo‟ia atu lena

Ioritana. A ia e poloa‟i atu ia Iosua, ma e faamafanafana, ma faamalosi ia te ia, aua

o ia e alu atu lava i luma o le nuu nei, o ia na te tofia mo i latou le nuu e te vaaia.”

Ua tula‟i mai Iosua e talia le meaalofa ina ua maliu Mose a e le‟i taunuu le

malaga, o le faamanatu mai lea, o le folafolaga e lē o se mea e foa‟i e aunoa ma sona

uiga. E moni le lagona o Mose e fia tu laueleele i le nuu folafolaina, peitai, o le

ulufale moni i le nuu ole folafolaga e pei ona folafolaina mai, ua leva ona faatinoina

eMose. O le faitau ma manatunatu i tala mai le Tusi Paia, tatou te manatua ai le tala

o le faaolataga na saunia e Iesu i luga o le satauro, o le faatinoga ia tatou ulufale i le

nuu paia ua folafolaina mai, o le malo lea o le Atua.

Tatalo: Iesu e, na e mafatia ma tigaina ona o i matou o tagata agasala. Na

faasatauroina, na e maliu a e toe-tu mai ona o lo matou le usiusita‟i. Faafetai, faafetai

ona o le ala ua saunia matou te ulufale ai i le nuu paia ua folafolaina mai. Amene.

ASO Toonai - Aokuso 17: “Ia e faalatalata i ai.”(Take a closer look).


Matua (ff.9,15-16a):“Tau ina faaeteete „oe ia te „oe, ma ia e matua faaeteete lava

ia te „oe, nei galo ia te „oe nei mea na iloa ai e ou mata, ne‟i te‟a ese ai i lou loto i

aso uma o lou olaga, a ia e faailoa atu i lau fanau, ma le fanau a lau fanau;... Ia

matua faaeteete outou ia te outou, ... Ne‟i leaga outou ia te outou, ma outou faia mo

outou se tupua ua ta...”

Ua fautua mai le Teuteronome, ia manatua pea le Atua na taitaiina lona nuu

nai le pologa, a ua laveaiina i latou i vavega, ma ua latou maua ai le ola fou e ala i le

tulafono. O le tala i le Esoto, sa le‟i faigofie ia Mose lona alu a‟e i le mauga e feagai

ma lona Atua, a ua filifili le nuu e tapuai i atua „ese (tupua), ina ua latou gaosia le

tama‟i povi auro e tapua‟i i ai. E tele tupua faale-lalolagi e tosina i ai o tatou loto i

nei ona po. Ua silafia e le Atua, e leai se malosi i „tupua‟ e faamalie ai le tagata, o le

pogai lea e ole atu ai tagata o le Alii, i le fesoasoani mai o le Agaga o le Alii. O le

mea sili e ao ina tatou faia, ia tatou tala‟i atu i tagata uma le finagalo o le Atua, e ala

i upu ma faamatalaga o mea lelei ua tatou faia mo le Alii.

Tatalo: Ia matou manatua pea lou alofa silisili ese, e ala i upu ma tala matou te

faailoa atu ai lou silisili ese i le lalolagi uma. Amene.

23

Faitau i le Teuteronome:

2. Ia manatua le upu.

ASO Sa - Aokuso 18: “Isaraelu e, ia e faalogo.”(Hear, O Israel)


Matua (f.1):“Ona valaau atu lea o Mose ia Isaraelu uma lava, uafaapea atu ia te i

latou, Isaraelu e, ia e faalogo mai i tulafono mafaamasinoga ou te fai atu ai ia te

outou i le aso nei, ma ia outoua‟oa‟o ai, ma tausiusi i ai ina ia faia.”

Ua maninomai nei, o le feagaiga lea o loo tautala i ai le Teuteronome, e

aofia ai ma tupulaga lumana‟i. O lona uiga, o tupulaga uma lava o Isaraelu---mai

anamuā ma so‟o se tupulaga lava. O loo fetalai pea le Atua i ana afioga, o le

faamoemoe ia faalogo uma i ai. O loo fetalai mai pea le Atua mo i latou ma i tatou, e

aofia ai „oe ma a‟u. Mo i latou uma ua faalogologo mai.

Tatalo: Le Alii e, e ou lava le feagaiga. Ia matou vaai ma faalogo---fesoasoani mai

ia matou tausisi i ai ma savavali ai i o matou olaga. Amene

Aso Gafua - Aokuso 19: “Ia faia ma le atoatoa.”(With all your muchness)


Matua (ff.4-5):“Isaraelu e, faalogologo mai ia, o le Alii lo tatou Atua, o le Alii e

to‟atasi lava ia. Ia e alofa atu i le Alii lou Atua ma lou loto atoa, ma lou agaga atoa,

ma lou malosi atoa.”

Ua a‟oa‟o faamamafa mai le Teuteronome 6 e sili nai lo le tele o poloaiga

masani. Ia tuu atu o tatou tagata ato‟atoa mo le Alii, e le na o „upu a ia faatinoina i o

tatou olaga. O le upu, “ma ia matua faateleina ai” [greatly] i le fuaiupu 6:3, ua

faauigaina e nisi o tusi lomifefiloi, o le “tamaoaiga i so‟o se mea” [muchness]. Ua

tatou ta‟utino e tasi lava le Atua, o lo tatou Alii le Atua ia, ma lona „tamaoaiga i so‟o

se mea‟. E mafai foi ona tatou faapea atu, e faapei o le fai Salamo 35:10, „E fai atu

o‟u ivi uma lava, „Le Alii e, o ai „ea se tusa ma „oe...?‟

Tatalo: Le Alii e, ia a‟oa‟o mai ia iloa ona tapua‟i ma le faamaoni i lau Afio, i soo

se mea ou te alu i ai.Amene.

Aso Lua - Aokuso 20: “Ua tofia faapitoa.”(Exclusive embrace)


Matua (ff.5-6a): “A ia faapea ona fai e outou ia te i latou, ia outou osofaia o latou

fata faitaulaga, ia outou tuipalaina o latou tupua, ma vavae i lalo o latou tupua o

Asaira, o latou tupu, o latou tupua foi ua ta ia outou susunu i le afi; aua o „oe o le

nuu paia mo le Alii lou Atua,...”

Ua faamatala e Teuteronome le faamoemoe o Isaraelu e tausi i tagata „ese

o loo mau ma i latou, o fanau ua leai ni matua, ma fafine ua maliliu a latou tane

(14:29). Ua molimau le Levitiko 19:18b: “... a e te alofa atu i lē lua te tua‟oi ia pei o

„oe lava ia te „oe...” E le faatagaina le lotovale, peitai, i le Tusi Paia, e faapea foi ia

Teuteronome, o loo faaalia ai ia tausia ma agalelei i tagata ma nonofo fetausia‟i. O le

talitonuga e tasi le Atua, o le faasinoga ia mafuta faatasi tagata uma; o le talitonuga

foi e tasi le Atua, e lē o se ta‟ita‟iga ia pule sauā i le suafa o le Alii.

Tatalo: Le Alii e, o le filemu, ia faailoa mai auala e ave‟esea ai le faasaua i lo

matou nuu. Fesoasoani mai ia matou maua le loto o le mafuta faatasi i le fealofani,

ona o lou Suafa, Amene.

24

Aso Lulu, Aokuso 21: “E lē na o mea‟ai.”(Not by bread alone)


Matua (f.3b):“... ina ia faailoa atu ai ia te „oe, e lē na o mea e „ai e ola ai le tagata,

a o mea uma e túlei mai i le fofoga o le Alii e ola ai tagata.”

Ua foa‟iina mai e le Alii lana mea-alofa o le ola, e auala mai i ana afioga

(upu) ma ana poloaiga, ae maise o ta‟umafa, suavai, soifuaga saogalemu, o ana mea-

alofa uma mo le Laueleele (lalolagi). Ua foliga o lenei faamatalaga, o le valaauina

lea o i tatou uma ina ia soifua ma ola i le tamaoaiga o le alofa o le Atua: e aofia ai

ta‟umafa (mea‟ai) ma vai inu o aso uma, o le tamaoaiga ua „eli mai le palapala, o

masini eseese ua faaaoga i le „ea, sami, ma le laueleele, ae maise o afioga a le Alii le

Atua (Tusi Paia). E moni lava, o le Atua o Teuteronome, o le Alii ia o le ola, o le

Alii ua na valaauina i tatou ia tatou filifili i le ola, o le ola e manuia ai i mea uma ua

foa‟iina mai e le Alii le Atua mo i tatou.

Tatalo: Le Alii e o le ola, faafetai ona o au mea-alofa uiga eseese ua matou manuia

ma fiafia i ai---o le ola, Amene.

Aso Tofi - Aokuso 22: “Toe va‟ava‟ai.”(Look again.)


Matua (f.6):“Na ou alu a‟e i le mauga e talia papama‟a, o papa o i ai le feagaiga

na osia e le Alii ma outou; ona ou nofo lea i le mauga e fagafulu o ao ma le fagafulu

o po, ou te le‟i „ai ai sina mea e „ai, ou te le‟i inu foi sina vai.”

O le tusi faitau mo lenei aso, o le faamanatu ia Isaraelu le toe manatunatu,

o le faalua lea, i le olaga e tatau ona mulimuli ai. E foliga ua latou manatu, o le

taunuu i le Nuu ua Folafolaina, o lo latou tiute lea. Atonu ua latou manatu, e i ai le

aso, e tuuina mai ai e le Atua le laueleele ua tatau mo i latou (f.5).

E ui ina iai lo tatou malosi e faatino ma faataunuu ai mea ua tatou loto i ai,

a e ua faamanatu mai le Teuteronome, o lo‟o i le Atua pea le malosi tatou te malolosi

ai (8:17-18). Ua valaauina i tatou e le Teuteronome, se ia taga‟i ane ma vaavaai ifo i

mea uma ua tatou maua, ma mafaufau i ala tonu ua tatou manuia ai.

Tatalo: O le Atua na te foa‟i mai, ia fesoasoani mai ia tatou iloa,o le tamaoaiga ma

le manuia, o mea-alofa uma mai le Atua. Ia faafetaia le Alii, Amene.

Aso Faraile - Aokuso 23: “O le alofa ua ato‟atoa.” (Love in all.)


Matua (f.15):“A ua fiafia le Alii i ou tamā, ua alofa ia te i latou, ua ia filifilia foi a

latou fanau ina ua mavae atu i latou, o outou lava ia, a e tuua nuu uma, pei ona fai i

le aso nei.”

O le talitonuga faa-Iutaia, ua faatusaina le kisi faale-uo e pei ona ta‟ua i le

Pese o Pesega (Pese a Solomona) i le Atua, i le tuuina mai o le Tusi Tulafono i Sinai.

Ua faapea foi i le Teuteronome, o loo atagia ai le lagona loloto o le alofa, ua ou

manatu, e faapea le alofa o le Atua. O matua o o‟u matua, o loo faitau pea i le tusi

lenei, ua silia i le 70 tausaga talu ona faaipoipo. Na fai mai le tinā o lo‟u tinā ia te a‟u

i le isi aso, e faapea: o le auala lilo e tumau ai le ulugalii i le nofo fealofani, aua ne‟i

goto le lā o ita pea. O le Teuteronome o le faaa‟oa‟oga tonu lea, e maua ina ua lelei

le fesootaiga. E i ai fe‟ese‟eseaiga i le va o Isaraelu ma lo latou Atua, peitai, e i ai

pea le taimi e fesoota‟i lelei ai. A o le iuga o nei mea uma, ia iloa ona faatino, tumau

i le faamaoni, o a‟upega malolosi ia e faatino ai le alofa.

25

Talosaga: Le Alii e, e ma‟eu lou agalelei i le tagata na e faia i lou faatusa paia.

Fesoasoani mai i lo matou vaivai e faatino lea uiga i o matou tua‟oi, Amene.

Aso Toona‟i, Aokuso 24: “O upu e ola ai.”(Words to live by)


Matua (f.18): “O lenei, ia outou tuu nei upu i o outou loto ma o outou manatu, ia

fusi foi e fai ma faailoga i o outou lima, e avea foi ma pale i le va o outou mata.”

O se tulaga e sili ona malosi pe a e taumafai e tuu le Upu i se tulaga pito

latalata i lou loto, i ou lima ma le va o ou mata. O se tasi o auala ou te faia, o le

faitau o le tusi Salamo i la‟u telefoni a o o‟u fealua‟i---ia faaeteete i luma o „auala!

O se fuaiupu lava e tasi, po‟o se upu foi e tasi, e fa‟i mai ai i lou loto foliga

matagofie e faapei o se ma‟a taua.

Tatalo: Le Atua e, ou te teu i lo‟u loto au afioga. Fesoasoani mai ia tupu ma ola, ia

fai se aoga mo lo‟u nuu ma o‟u tagata, Amene.

Lalolagi feso‟ota‟i faatasi.

Mai le amataga ma lona faalauteleina.

Aso Sa, Aokuso 25: “O le lisi faasolo o mālō.”(Table of nations)

Tusi Faitau: Kenese 10:1-5, 21-32.

Mataua (f.25):“Na fanaua foi e Eperu ona atalii e toalua; o le igoa o le tasi o

Peleko; aua o ona aso ia ua vaevaeina ai le lalolagi; o leigoa foi o lona uso o

Ioketana.”

Afai e filifili so‟o se igoa, e amata mai i le igoa o Noa ma lona „au aiga i le

Kenese 10, ona iloa ai lea e tofu lava le igoa ma lona tala‟aga. E le na o le uiga o le

igoa o le tagata, a e iai foi ma le faamatalaga o mea na a‟afia ai. Ua tusia i le

ogatotonu o le Kenese 10 le igoa o Peleko, ua na o le igoa ona gata ai lea. O le uiga o

le upu, o le „vaevaeina‟, aua o aso ia ua „vaevaeina ai le lalolagi.‟ E ui o se

faamatalaga pu‟upu‟u, e faigofie ona vaai ma pāsi, a e ua avea lenei faamatalaga

pu‟upu‟u ua iloa ai le amataga o le „vaevaeina.‟ Ia avea Peleko e fai ma so‟otaga mai

le “vaevaeina”, a ia maua le mafutaga faatasi i luma o le silafaga a le Alii le Atua e

to‟atasi.

Tatalo: Le Alii le Atua o mea uma, e augā tupulaga lava; ia matou iloa lou alofa

tunoa, foa‟i mai le poto matou te fetufaa‟i ai i manatu e maua ai le mafutaga e tasi i

luma o lau silafaga, le Alii le Atua e to‟atasi. Amene

Aso Gafua - Aokuso 26: “Papelu.”(Babel)

Tusi Faitau: Kenese 11;1-9.

Matua (f.4):“Ona latou fai ane lea, O mai ia, ina tatou fai ia o se aai, ma se „olo, ia

o‟o lona tumutumu i le lagi, ia tatou faia foi se mea e ta‟ua ai i tatou, nei

faata‟ape‟apeina i tatou i le fogaele‟ele uma.”

Ua faatusaina le tumutumu o se fale, i le maualuga o fuafuaga faatino a le

tagata, i lona tamaoaiga ma mea na te faia. O le mana‟oga ia „ta‟uta‟ua le igoa o le

tagata,‟ ua faatusa i le fausia o se fale ia o‟o le tumutumu i le lagi, e pei ona taua i le

Kenese 11, a e o se lagona e faapogai i le fefe mai le manatu ina ne‟i tu‟ulafoa‟iina.

E tupu pea le loto fefe ina ne‟i mea ane ua tuulafoa‟iina. O lo‟o molimauina lea

ituaiga o fefe i le to‟atele o tagata e silia i le 40 miliona, lea ua salalau solo i nei ona

26

po mai o latou aiga moni, nuu ma atunuu sa ola ma tutupu a‟e ai. O le mea lea, ua

tatou molimauina i nei ona po le faata‟ape‟apeina ma le faasalalauina, e pogai mai i

fefinaua‟iga, suiga o le tau, ma le faailoga lanu---ia tatou iloa ma mautinoa, o le

finagalo lava o le Atua, aua ne‟i „fausia ni o tatou tumutumu‟ e le tusa ma le finagalo

o le Atua Silisili Ese.

Tatalo: O le Atua na ia tuu faatasia ma faata‟ape‟apeina, ia fesoasoani mai ana

Afioga e faamatalaloto le uiga moni o le tuu faatasi ma le faataapeapeina ia tatou

mulimuli ai. Amene

Aso Lua - Aokuso 27: “O le mālō o ositaulaga.”(Priestly nation)

Tusi Faitau: Esoto 19:1-6.

Matua (ff.5b-6a): “ ... Aua o lou lava le lalolagi uma. E fai foi outou ma malo o

ositaulaga, ma nuu paia mo a‟u ...”

E tolu masina o le faigamalaga a Isaraelu ma taunuu i lo latou nofoaga

tumau. O le faailoga moni lea o le „malo o ositaulaga,‟ o le nuu paia. O le faailoga ua

uma ona folafolaina mo i latou e talitonu ma faatuatua, e faapei ona molimauina (1

Peteru 2:9), “A o outou o le tupulaga ua filifilia outou...o le nuu paia...” O le

faailoga lenei ua valaauina ai i tatou ina ia tala‟i le tala o le agalelei ma le alofa

silisili ese o le Atua. O le faailoga o le ositaulaga, galue ma auauna mo le Alii, lea o

loo o‟u molimauina pea i totonu o le faalapotopotoga, “Christian Aid”, i auauna ma

le „au uso galulue e fesoasoani ma tautua pea---savavali aga‟i pea i luma i le

faataunuuina o le finagalo o le Alii le Atua se ia taunuu i le i‟uga.

Tatalo: Fai malaga faatasi uma, aua o le Atua o loo mafuta mai i taimi faigata ma le

to‟afilemu, o foliga ia o le olaga o loo i ai le tagata i le lalolagi na saunia e le Atua.

Amene

Aso Lulu - Aokuso 28: “O tagata ese ma le fale tatalo.”

Tusi Faitau: 1 Tupu 8:1, 41-43. (Foreigners and the temple)

Matua (f.42b-43a):“... pe a sau o ia, ma tatalo i lenei fale; ia e faafofoga mai le

lagi, o le mea o loo e afio ai, ma e faia e tusa ma mea uma e valaau atu ai le tagata

ese ia te oe.”

O se faamanatu ma se faatupu lagona, e ala i lenei tusi faitau, o le 1 Tupu, e

le gata i le faaulufaleina o le fale tatalo, a e o le faatinoga o le talia o tagata „ese. E

o‟o lava ia Solomona na ia tatalo i le Atua ia talia tagata ese! E i ai le agalelei ma

alofa e talia ai tagata uma i lenei nofoaga, o le nuu ua faapaiaina. O se faatupu

lagona lenei mo i tatou i totonu o maota tapua‟i, ina ia talia soo se tasi, o tagatanuu

moni po‟o tagata „ese, o e ua ulufale mai i totonu o lou nuu ma le nofoaga e tapua‟i

ai i le Atua. Ia faapei o Solomona, na ia naunau i e o loo „umia le pule ina ia latou

faalogo ma faamalosi e talia i latou ua sulufa‟i i le fia maua o se mapusaga i

puapuaga ma faigata o le olaga nei.

Tatalo: Le Atua e, ua valaauina ai matou uma e ulufale i lou maota, o le maota

matou te tapua‟i ai ma viviia i lou Suafa mamalu. Ia faapea foi ona matou talia so‟o

se tagata ese, e faapei ona e talia i matou ilou alofa, Amene.

27

Aso Tofi - Aokuso 29: “Faaaliga ma le faamoemoe.”(Vision and hope).

Tusi Faitau: Mika 4:1–5

Matua (f.4):“A e ta‟itasi ma nofo i lalo o lona vine, ma lalo o lona

mati; e leai foi se na te faamata‟u mai; aua ua faapea ona tulei mai ai le si‟ufofoga

o le Atua o „au.”

Ua aumaia e Mika le ata o le olaga e mafai ona ola ai le tagata, e le a

faaleaogaina a‟upega malolosi, a e ola i le olaga e leai se faamata‟u o i ai. O le

faamoemoe faakerisiano lea o loo galulue aga‟i i ai le Christian Aid ma ana pa‟aga,

ina ia maua le nofo filemu ma le to‟amalie o tagata uma. O le atunuu o Colombia, e

tulaga lua i le lalolagi i le aofa‟i o tagata ua sosola „ese ona o fetaua‟iga, o le

Christian Aid ma ana pa‟aga, o le Inter-Church Commission for Justice and Peace, o

loo galulue i le faatulagaina o nofoaga e tausia ai i latou o loo mana‟omia se nofoaga

o sulufa‟iga. O se nofoaga e mafai ona nofo ai le tagata i lalo o lana tovine ma lalo o

lona mati, ma le leai o se na te faamata‟u mai. Ia tatou galulue ma tatalo ina ia oo

mai le aso tatou te nonofo tumau ai i se nofoaga faapea, e nonofo ai ma le filemu i se

mafutaga fiafia, e aunoa ma le leai o se faamata‟u mai.

Tatalo: Ia tatou tatalo ma galulue mo i latou o loo fesoasoani i le sailiga o nofoaga e

mapu i ai i latou o loo aafia i faigata o le olaga, Amene.

Aso Faraile, Aokuso 30: “O le Alii le Atua le Tupu.”(God is king)

Tusi Faitau: Salamo 46.

Mataua (f.6):“Ua vāvāō nu‟u „ese, ua fa‟agae‟etia mālō; ua tŭlei mailona

si‟ufofoga, ona liu suāvai lea o le lalolagi.”

A tatou faitau manino i le tusi Salamo 46, o se ta‟iala sili lea e faavae ai le

sailiga o le ala e maua ai le filemu moni. Ua tatou faitau ma vaavaai i le tele o

faamatalaga i mea tutupu e le fiafia i ai, ona taga‟i ane lea i upu a le fai Salamo:

„Aisea ua letaofia ai, „Aisea e tutupu ai pea taua, i Suria, South Sudan, ma le

Democratic Republic of Congo, pe fai pea „ea se ia o‟o lava i le i‟uga o le lalolagi?

O totonugalemu o nei fesili, o iina tatou te maua ai se fesoasoani, e pei ona tusia i le

fuaiupu e sefulu (f.10): “Ina soia, ma ia outou iloa o a‟u lava o le Atua; e viia a‟u i

nuu ese, e viia a‟u i le lalolagi.”

Tatalo: Ia tumau pea ma ia iloa. Amene

Aso Toona‟i Aokuso 31: “Pule, faatafea, toe faafouina.”

Tusi Faitau: 2 Tupu 17:5-6, 24-33. (Empire, exile, resettlement.)

Matua (ff.5,7):“Ona alu a‟e lea o le tupu o Asuria i le nuu uma, ua alu a‟e lava i

Samaria, ua si‟o ai i tausaga e tolu. ...”

O le taumafaiga ina ia toe faatulaga lelei, o le pogai lea o le tula‟i mai o le

tupu o Asuria ina ia mulimuli i tulaga ua masani ai, e tatau ona a‟oa‟oina ai i latou e

fou, ia latou auauna ia Ieova e faapei ona faia e ositaulaga ua faafo‟isia mai le

tafeaga. Na talafeagai lenei auala mo le tuu faatasia o le eseesega sa i ai, o se

faatinoga sa faataunuuina e le tupu o Asuria, e iloa ai o loo i ai le Pule Silisili „ese e

tatau i tagata uma ona tapua‟i ma ifo atu i ai.

Tatalo: Le Alii e o le pulea mea uma, faailoa mai le auala matou te mulimuli ai e

tusa ma lou finagalo, ia fai lea ma ala e tuu faatasia ai mea uma e tusa ma lou

finagalo. Amene.

28

Aso Sa - Setema 1: “Ia pepese le lalolagi uma” (All the Earth – sing!)

Tusi Faitau : Salamo 100

Matua : ff. 1-2, Ia alalaga i le Alii le lalolagi uma. Ia outou auauna atu i le

Alii ma le fiafia; o mai ia outou i ona luma ma le alaga fiafia.”

O le pese o se faatinoga na te faaleoina lagona o le tagata, e pese pe

a fiafia, e pese pe a faanoanoa, ua iloga lava pese ua tatou iloa i nei aso. O le

faatonuga “IA PEPESE LE LALOLAGI UMA.”

O le agaga o le fai Salamo e alaga ma faailoa le fiafia, o le

ta‟utinoga o le agaga faafetai i le Atua i mea lelei ua ia faia. Ua ia faaola,

lavea‟i ma fafaga i lona nuu, sa pologa ma saisaitia i tafeaga atoa ma

Aikupito, ma le tele o puapuaga na feagai ai. Aisea la e le alaga ai i le pese ma

viiga o le Atua, aua ua matuā iloa ma talitonu i le alofa tausi ma le alofa

lavea‟i o lona Atua. O le faatonuga mo le lalolagi uma. Ia alalaga i le Alii le

lalolagi uma, po o le ta‟uta‟u atu le suafa o le Alii e tagata ola uma. E le tau

ina pese, a o le pese ma le loto, ua faatumuina i le fia vivii e fai ai viiga mo le

Atua auā o Ia e tatau iai viiga. O le mea tatau lea, o le tali atu i le alofa

mutimutivale o le Atua.

Tatalo: Le Atua o mea lelei uma, faatumu i matou i pese o lou alofa tunoa, ae

maise o le loto e fai-viiga ai i lau Afio i taimi uma, Amene.

Aso Gafua - Setema 2: “O le Talalelei mo tagata uma – ola faatasi ma le

feau” (Good news for all … stay with the message)

Tusi Faitau : Mareko 13: 3 – 13

Matua : f.10, “Ia mua‟i tala‟iina foi le tala lelei i nuu uma lava e ao ai.”

O le talaiina ma olaina o le finagalo o le Atua e le faigofie, e i ai

puapuaga, e tupu ai le atuatuvale ma le le mautonu, ma tausaili se filemu ma

se laveai, e fia maua ai se tali i se e fai ma faaolataga e taula‟i iai le vaai a

tagata, ae ao lava ona tumau ma pipii mau i le Atua ma lona finagalo, aua e

foliga mai e faigata le galuega, ae iu i le manuia lona taunuuga.

E faapea le tala ua faamatalaina e Mareko, o le mafutaga a Iesu ma

ona soo, na nanati ai ona soo e fia iloa mea o le a tutupu atalī. Peita‟i, na

mua‟i faailoa iai e Iesu le taua o lo latou valaauina i le tala lelei. Ua ia faailoa

iai mea o le a tutupu, ma e ao ina tapenapena iai. E le mafai ona „alo pe

solomuli ai i le talaiga o le finagalo o le Atua, ae ola pea i totonu o le li‟o o le

lalolagi. O le a itagia ma inosia, sauaina ma faisotia ona o le talalelei, ae ia

manino le taua o le valaauina,“Ia mua‟i tala‟iina foi le tala lelei i nuu uma

lava e ao ai.” O le taunuuga o le tumau ma le faamaoni i le talalelei ia Keriso

Iesu e ola e faavavau.

Tatalo: Le Atua e, fesoasoani mai ina ia mafai ona faamautuina ma mausali

lo matou faalagolago atu i lau afio, a‟o feagai ai matou ma le talaina ole

talalelei. Amene.

29

Aso Lua – Setema 3: “Faasoa faatasi – aai ma le loto fiafia”

Tusi Faitau: Galuega 2:43-47(Sharing all – eating with generous heart.)

Matua : f.46, “Ua latou i ai pea ma le loto gatasi i le malumalu i lea aso ma

lea aso, ua tofitofi foi le areto i lea fale ma lea fale, ua latou aai a latou mea

e „ai ma le fiafia ma le loto lelei, ….”

O le liliuina ma le suiga o loto o tagata i le tusi a Galuega, o se

vavega tele. O se upu taulogologo a le au aposetolo na foa mai le agaga o le

Atua. O le upu o le ola ua mafai ona tafiesea ai le tagata tuai e fai ma tagata

fou.Ua faatau oloa, fanua ma mea uma e pele ia te‟i latou, ae tufatufa atu i e

matitiva. O le faasoa le taofiofi, o le ofo e le tuu atu ae toe taofiofi mamau. Ua

ola le agaga paia o le Atua i le tagata. Ua le toe fefe e faasoa ma aai fiafia aua

ua mautinoa le taui o i le lagi. O le tagata ua sa‟oloto moni ua atagia keriso i

lona valaauina.

Leai ni fevaevaeaiga ma ni misa, leai ni suega pule mai ni mamalu

tau faalagilagi, leai ni togafiti eleelea ma ni tulafono tau faafefe mai, e

mulimuli ai tagata tapuai ma le pogisa. Ae na ole fiafia ma le loto gatasitasi.

Taufetuli ma naunau i le avanoa e faatasitasi ma aai faatasi ma faasoa i le oa

matagofie ole Atua.

Tatalo: Le Alii e, foai mai ia te‟i matou le malosi e mafai ai ona matou

faasoa ma aai faatasi ma le lalolagi a‟o folafolaina lau upu, Amene.

Aso Lulu - Setema 4: “Faalogo mai ia te a‟u” (Listen to me.)

Tusi Faitau : Galuega 7:1-8

Matua : f.1-2, “Ona faapea mai lea o le ositaulaga sili, “E moni ea, ua

faapea na mea?” Ona fai atu lea o ia, “Soma e, le au uso e, ma tamā e, ina

faafofoga mai ia…”

E ese le faigata ona suia o se taofi pe afai ua tamau ma maua‟a se

talitonuga mai tusitusiga anamua, pei ona faavae ai mau a le ositaulaga. O le

toe talatala la ma fesiliga e Setefano le maturo o se agasala matuiā. O le

finauga ua fesiligia ai aoaoga Eperu ma Eleni, le pogai o tala Iutaia.

Ae fai mai Setefano “faafofoga mai.” Faalogo mai se‟i o‟u tala

„oto‟oto i le lelei o le Atua. E le o se tala e faamoe i le tusita‟ai pe taofiofi

mamau i le tusi tulafono, ae o le tala e ao ona faasalalau e uiga i le Atua o loo

ola. E leai sona tapulaa ma e lē mafai foi ona faanofo i se nofoaga e faia i

lima, auā o le Atua lava ia o le faavavau. E ao ina faalogo ai tagata uma i lea

talalelei. O se mea e aupito taua lenei, “O le finagalo o le Atua e le mafaia

ona faamatalatalaina e le tagata.” Na ona tatou tatalo ma faalagoalgo i le

agaga o le Atua, na te faamanino lana feau mo tatou uma.

Tatalo: Le Atua o le amiotonu ma le matautia, sei e tatala o matou loto ao la

matou faalogo matou te maua ai lau amiotonu: o lau amiotonu o le ala o le ola

atoatoa mo tagata uma. Amene.

30

Aso Tofi - Setema 5: “O tagata moni o le Atua” (God‟s own people)

Tusi Faitau : 1 Peteru 2 : 9-17

Matua : f.9:“A o outou o le tupulaga ua filifilia outou, o tupu ma ositaulaga,

o le nuu paia, ma le nuu na faatauina mai e le Atua ina ia outou ta‟uta‟u atu

ana galuega lelei - o le na valaau ia te outou nai le pouliuli e oo i lona lava

malamalama e matuā ofo ai;”

Ina ua faatafunaina le malumalu ma le laumua i Ierusalema i le

TA.70, sa tafea ai ma faamoemoe o tagata Iutaia. Ua ta‟ape‟ape tagata ma

ua leai se faamoemoe. Ua matitiva, olopalaina ma faitioina le talitonuga i

lona Atua, ma ua leai se faatuatua o tagata ona ua leai se nofoaga na

totonugalemu ai le aganuu-agaifanua, ae maise le tapuaiga o le fatu o le tama

Eperu. Ae o lo‟o taumafai mai Peteru, o lo‟o i ai le ma‟aola. Ua avea ma

ma‟a tulimanu e fai ma faavae e fatufatu ai le faamoemoe fou. O outou o

tagata o le Atua. Atonu ua leai se malumalu poo se laumua ae ua filifilia ma

ua faatauina outou e le Alii i lona toto. O lau amio o le molimau ola lea e

avea ma faamalosi, a‟o se suiga mo se ua i le pouliuli. O se suiga e mafai ona

fai pe afai ua mumū le ma‟a ola o Keriso i totonu iā te‟i tatou.

E suia i tatou mai le pogisa i le malamalama, mai le tuai i le tagata

fou o le Atua. Oi tatou o tagata ua filifilia ma ua faatauina i le toto o Keriso

Iesu. O mea faigaluega ua uma ona faauuina e le Atua. E le toe mafai ona

faaseseina ele alii ole lalolagi ma ana au. A‟ua silisili atu ona malosi o lē oi

totonu iā te‟i tatou, nai lo le oi i le lalolagi.

Tatalo: Le Atua e, fesoasoasoani mai, ia o matou tumau pea i le malamalama

ma va‟ava‟ai atu pea i lau afio, i lau faasinomaga ma lau valaau, Amene.

Aso Faraile - Setema 6: “Tala atu o tuaoi” (Beyond Borders)

Tusi Faitau : Faaaliga 7 : 9-11

Matua : f.10, “O i ai le faaolataga i lo tatou Atua, o lē tietie i le nofoālii,

atoa ma le Tamai Mamoe!”

E ese foi le matagofie ma le moni o upu a le tusi a Faaaliga. “O i ai

le faaolataga i lo tatou Atua,” O le faaolataga o le pule fai toatasi a le Atua. E

le saisaitia pe sauaina pe faatau pe tau faanoiina le faaolataga e le tagata. E le

tau faanunumi foi pe fasasā pe tau fa‟afefe ai nisi ona o le lē malamalama.

Ua molimau Ioane, ua vaai tagata e toatele ua alalaga ma vivii i le

Atua ma ua faapea ane “Amene”. Ua vivii ma le saoloto. Ua leai se

atuatuvale, a‟o ni ala e fai ma taufa‟a-fefe. Leai se tau faamata‟u mai o le oti

po‟o sauaga. Ua leai ni pa pupuni e punitia ai le soifua saolotoo le tagata e

tapuai ai i le Atua. Ae o lenei lava nofoaga ua leai ni tulafono, leai ni

noanoataga, na o le tunoa o le alofa o le Atua ma le faaolataga a le tamai

mamoe. Tala atu la o lenei lalolagi, o lo‟o iai le lagi fou ma le lalolagi fou.

Leai se ma‟i, leai se tiga, leai se oi. Leai se mea e popole ai na ole fiafia ma

le olioli. “ Le auauna lelei e ma le faamaoni, ulufale maia i le fiafia o lou

Alii.”

Tatalo : Ia avea le upu a le Atua e faamalosia ai pea o tatou mafaufau. O le

alofa o Iesu ia afio i o tatou loto, ma le musumusuga a le Agaga Paia e na te

faamalosia lo tatou ola i aso uma. Amene.

31

Aso Toonai – Setema 7: “Sau i fafo” (Come out)

Tusi Faitau – Faaaliga 18:1-5, 11-24

Matua – f.4: “Lo‟u nuu e, ia outou o ese ia te ia, ina nei faatasia outou i ana

agasala,…”

O le filifiliga e lafoa‟i ala tuai e le faigofie. O ala ma uiga ua manuia

ai i aso e tele ma taimi uma. O le aveesea la o le „oa lea na tapua‟i i ai, e

lagona ai le vaivai ma le faanoanoa. Ae o lo‟o tula‟i mai le fesili tele o lo‟o

tau faaali mai e Ioane i le faitauga o lenei aso, O ai e pule? O le Atua, poo

Roma ma Papelonia? O le faamoemoega lea ma le pulunaunauina e tagata

faipisinisi, ma ē maua o latou taui i le afu o tagata pologa ma tagata vaivai.

Lea ua susunuina ma leai sona matagofie, ma ua liu efuefu uma. Ua tagi tu‟i

ma momo‟o i lona matagofie, ae paga lea ua leai se mea. O le faamanatu foi

lea a le tusi a Faaaliga i tagata o le Atua, ina ia omai i fafo. Aua le fai pa‟aga

ma le tiapolo. Aua le tuu avanoa i le momosi ma tosinagofie i le felanulanua‟i

o le „oa tele ma le pule e tofē ona itu uma.

Alu ese ne‟i maua oe i le faasalaga lea. E le o le pule poo le „oa tele

le tali. E le mafai ona tatou faalagolago i ia mea e maua ai le saolotoga, a ua

na o Iesu lava le pule, le malosi ma le „oa sili e faamalie ai manao o tatou

loto. Sau laia i fafo se‟i e tofo ma faaloglogo i le sasala o le alofa tunoa o le

Atua e le tau faatauina.

Tatalo: Le Atua e, avatu i matou i lou malō o loo iai lou alofa tunoa, le

faamoemoe ma lau faamalologa sili, Amene.

O Vai – mai le Kenese i le Faaaliga – Waters : from Genesis to Revelation

1 O vai o le lalolagi – 1 Cosmic waters

Aso Sa – Setema 8: “O vai o le foafoaga” (The waters of creation)

Tusi Faitau – Kenese 1:1-10, 20-22

Matua – f.6-7: “Ua fetalai mai foi le Atua, Ia i le va o vai le vanimonimo, e

va a‟i isi vai ma isi vai. Ua faia e le Atua le va nimonimo, ua va a‟i vai i lalo

o le vanimonimo, ma vai i luga o le vanimonimo; i le ua faapea lava.”

O foliga ia o le lalolagi na i ai, o le moana, pogisa, o se nofoaga e

soona nunumi ma leai se faamoemoe, o le fefe ma le tigā, o upu fo‟i la nei e

faamatalaina le „vai‟ na i ai i le amataga, o le vai o le tigā ma le fefe, e le

maua ai se ola, le vai lea na fa‟aaoga e le Atua e fai ai le lalolagi.

Na ona fetalai atu lava o le Atua, ona tuu māvaevae lea o le eleele

ma le sami. O le vai na faatusaina i le ti‟apolo ma mea leaga, le tigā, le leai o

se ola, ma le soona nunumi, lea ua fa‟aaogaina e le Atua e aumai ai le ola ma

le sologa lelei, ua liua ai le pogisa i le malamalama ma le matagofie. E iai

taimi o le soifuaga e le usita‟i ai le vai ma soona tatafe ma afaina ai mea uma i

lona ala, ae o le natura lava lea o le vai.

Aoao mai le tusi faitau i lenei aso, o le vai ola. Faatafe manuia o le

Alii i soo se auala. O le nunumi lea ma vaitafe le faaletulagaina, lea na galue

malosi lo tatou Atua e liliu e fai ma vailepa ma vaito‟a e ofaga iai tagata ua

mafatia ma fia ola.

Tatalo : Le Atua foafoa, sei e auina mai lou agaga e lotolotoi i mea o lo‟o iai

le le mautonu, Amene.

32

Aso Gafua – Setema 9: “O galu malolosi ua taofia”

Tusi Faitau – Iopu 38:1-18 (The proud waves are stopped)

Matua – f.8: “O ai foi na pupuni le sami i puipui ina ua oo mai e peiseai na

sau mai le manava?

E amata lava lenei mataupu i le fesili a le Atua ia Iopu. “O fea sa e

iai?” Ua 38 mataupu o lenei tusi o faafofoga pea le Atua, a o ta‟alili faaseā

ma fautuaga a uo a Iopu. Ao faafofoga pea le Atua ma tuuavanoa. Mulimuli

ane ona ia faamanatu lea. O fea sa e iai a‟o o‟u faavaeina le lalolagi? O ai na

fuafuaina?, O ai na tuuina ifo le ma‟a tulimanu? O fesili e faailoa ai le mu‟a o

le iloa o le tagata.

Ua tali le Atua i lona mata‟isau ma lana faatufugaga, le Atua o le

atulaulau, e aoao lana pule. O le pule lea a le Atua e a‟oa‟oina ai Iopu, atoa

ma i tatou uma. E i ai lava vaega e le o‟o i ai so tatou iloa, ua na o le Atua

lava na te silafia. O le natura o le lalolagi ma lona faataotoga, na o le Atua e

au i ai lana pule. Na o le Atua lava na te sosofa le matāfolau. Na o le Atua foi

na te faamaninoina le mafuaaga e nenefu ai mea uma. Ao tatou e ao lava ona

tatou faatalitali ma onosai, e iai lava le taimi o le Atua e faailoa mai lona

finagalo. E iai taimi e malomaloā ai o tatou tiga ma tatou fesiligia le Atua.

Aisea e tupu ai lea mea ma lea mea? O matagi malolosi ia o le olaga. O

faafitauli na tutupu ia Iopu o loo tutupu foi i o tatou aso. Ae tuu pea i le Atua i

lona taimi.

Tatalo : Le Atua o le atulaulau, o le tali i o matou manao, aumai i o matou

tagata le faamoemoe ola, matou te vivii ai o lau Afio lava o le pule aoao,

Amene.

Aso Lua – Setema 10: “O ai le poto na te faitauina ao o le lagi?”

Tusi Faitau – Iopu 38:19-38 (Who has the wisdom to number the clouds?)

Matua – ff.34-36: “E te mafaia ea ona faaooina atu lou leo i ao, ia lofia ai

oe i vai e tele? E te mafai ea ona aauina atu o uila, latou te o ai, ma latou fai

mai ia te oe, Faauta o i matou nei? O ai ea ua tuuina atu le poto i totonu o le

tagata? Po o ai foi ua na avatu le mafaufau i le loto?”

O lea ua see ese le faasoa a le Atua mai le foafoaga, i le vaaiga faale

vaai-tau. Ua tuu faatasia le malosi o matagi, faititili ma uila, kiona ma le

uato‟a, a‟o faapotopotoga o vai e faapitoa vaega e toulu ma pauu ai, fuafua

lava i tulafono o le natura. O ni vaaiga ma ni ata o loo atagia, le Atua o loo

faufau ma faatutupu mea i lona mataisau paia.

I le faitauga o lenei aso, o lo‟o maua ai le fesiligia o lo tatou iloa i le

Atua. O fesili e le mafai ona o o iai so tatou iloa, o fesili e faamausali ai le

lagona o le Atua lava le pogai o mea uma lava. Lua, o loo fanafanau pea le

foafoaga a le Atua. O le taamilosaga a le timu mai le lagi i le eleele ma ola ai

laau ma meaola uma i le fogaeleele, ma toe mitiia e le la le vai ma toe tapena

mai timuga i le isi aso e faamautu ai sootaga faale vaai tau a le Atua e leai

sona ponā. A‟oa‟oina tatou mai ia Iopu ma lona le mautonu i le Atua. E le

masuesueina le tofa taui a le Atua i lo tatou vaivai.

Tatalo : Le Atua e, o le na te faitauina ao o le lagi, sei e faasūsūina le

laueleele matutu. Amene.

33

Aso Lulu – Setema 11: “Ua taalili Vaitafe” (The floods roar)

Tusi Faitau – Salamo 93

Matua- ff.3-4: “Le Alii e, ua taalili mai vaitafe, o vaitafe ua taalili ae o latou

leo: o vaitafe ua taalili ae o latou gogolo. O le Alii o i le mea maualuga, e sili

ona malosi o ia i le taalili o vai e tele, o peau malolosi o le sami.”

O le vai o le faapogai o le ola. O le malosi o tafega ma lologa e avea

lea ma faafitauli. O galulolo ma afa e malolosi ai tafega, e faamuta ai le fiafia

o le tagata ina ua afaina le siosiomaga. Leitioa foi le fai Salamo, na ia

faaogaina le ata o galulolo ma afa, e ūnaina ma faailoa mai ai i le tagata, le

Atua matautia, o le o lo o ola ma o lo o galue, ma e faamaoni lava ia i ana

upu, ma e paia ma mamalu faapei ona paia o lona afioaga.

Aua tatou te popole, aua poo le a le taufaamata‟u mai o le taalili ma

le gogolo mai o vaitafe ma peau lagavale o le olaga, ae aoao pea le pule

faito‟a tasi a le Atua.

Tatalo : Le Atua e, lo matou maluapapa ma lo matou olo, puipui i matou i lo

matou atuatuvale, pea taalili mai peaulagavale o le olaga, Amene.

Aso Tofi – Setema 12: “Ua vavao e Iesu le au” (Jesus stills the waves)

Tusi Faitau – Mareko 4:35-41

Matua – f.39: “Ona tulai lea o ia, ma na vavao atu i le matagi, ua fetalai atu

foi i le matagi, ua fetalai atu foi i le vai “Faalologo ia, ina malū ia.” Ona

mate lea o le matagi, i le ua matuā malū.”

Ina ua vavao e Iesu le au, ua faamautuina ai le ata o lenei vaiaso. O

le Atua na te faato‟a filemuina tagata ua atuatuvale. O le matagi ma le afa o

le faailoga lea o faafitauli ma faigata o le olaga ua avea ma tatagase i le fatu o

le au so‟o, ae o le tofotofoina o lo latou faatuatua. Ua faatonu e Iesu le matagi

ma le sami ia malu ona malu ai lea. O le malosi o Iesu e toe faataoto ai le

mautinoa, ma le talitonu o le tagata le mautonu, e aoao lava le pule a Iesu, ma

e faalologo mea uma o le foafoaga ia te ia.

Manatua le tala i le vavaoina e Iesu o le au, ma mautinoa tatou te

mafaia. E mafai foi ona faamanatu mai mo i tatou, tatou te mafaia foi, pe a

ofo atoatoa o tatou tagata i le faatuatua ma le faalagolago i le mana o le agaga,

aua o le mealofa foai fua mai ia Iesu Keriso.

Tatalo : Le Atua e, puipui mai matou i afa ma matagi o le olaga nei ao matou

savavali i le ala faigata. Amene.

Aso Faraile – Setema 13: “O le vaitafe o le vai magalo”

Tusi Faitau – Esekielu 47:1-12 (A river of fresh water)

Matua – f.12: “O le auvai o le vaitafe i lea itu ma lea itu, e tutupu ai laau

uma e „aina, e le mamae o latou lau, e le uma lava o latou fua; taitasi le

masina ma lona fuata, auā e tafe atu o latou vai ai le malumalu; e fai foi o

latou fua ma mea e „ai, ma o latou lau e fai ma vailaau.”

O le faaliga na vaai iai le perofeta o Esekielu, o le malumalu toe

atia‟e poo le faamoemoe toe faaolaola. O le ata o le vai e tafe atu i le

malumalu ma faaolaina ai mea uma e pa‟i atu i iai, e pei o laau ma mea ola

uma o loo i le augutu o le vai, e mafai ona toe maua le ola ina ua pa‟i atu i ai

34

le magalo o le vai. O le magalo foi lea e fesootai ma le oona ma le matutu o le

sami, e puaina ai le ola i figota ma mea ola uma o i totonu, e lalafo ma

tufitaufao ai tagata i faamanuiaga e maua mai i figota o le sami. Pei ona

faamautuina ai upu a Esekielu, e le mate pe muta le fuata i masina uma. O le a

le mafatia i le tafeaga pei ona faatafea ai, ae e toe atia‟e e le Alii le malumalu.

O a puapuaga, ae i totonu o ia puapuaga e toe puaina mai ai le ola fou, pea

tumau ma faalagolago i le Atua le vai magalo.

Tatalo : Le Atua o faamanuiaga, sasa‟a mai ou manuia i luga o matou tagata

faapalapala, ia mafai ona matou tauivi ai, Amene.

Aso Toonai – Setema 14: “O le vaitafe o le vai o le ola”

Tusi Faitau – Faaaliga 22:1-5 (The river of the water of life)

Matua – ff.1-2a: “Ona faaali mai lea e ia ia te au le vaitafe manino o le vai o

le ola, e manino e pei o le maa tioata, ua tafe ifo mai le nofoālii o le Atua ma

le Tamai Mamoe. O i le moa o lona ala tele ma itu taitasi o le vaitafe le laau

o le ola,...”

Lenei vaiaso atoa ua tatou molimauina le matautia ma le oteote ae o

le gogolo mai o vaitafe o lenei vaiaso. Ua faaumatia ma pologa ai atunuu

eseese o le lalolagi.

Ae o le faitauga lava o lenei aso, ua atagia ai le filemu ma le manino

o le faasoa a Ioane i le lagi fou ma le lalolagi fou, o Ierusalema fou ma le

malumalu fou, o le parataiso fou. O le nofoaga e leai ni tiga ma ni puapuaga o

iai, ma e fiafia ma olioli tagata uma. O la le tusitala o Ioane, o le vaitafe o le

vai o le ola, e fou ma mamā. E tafe atu ma faaolaina ai, tafe iai le vai ma

malolō ai, ma maua ai le olioli loloto. O fua e tai masina ma fua mai e aoga

mo e ua fia taumamafa. E le toe iai se oi, e le toe iai se oge, se tiga, ua na le

olioli ona o le vai ola mai le nofoalii o le Alii ma le tamai mamoe, e tafe atu

ma ola ai. Ua saunia e le Atua le nofoaga mo i tatou, e ao lava ona tatou filifili

i le vai ola. E ao ona tatou mananao iai.

Tatalo: Le Atua o le malamalama, faamalolo mai ou tagata i puapuaga o

feagai mai matou i lea aso ma lea aso, Amene.

Aso Sa – Setema 15: “Ua valaau Iesu i e filemu” (Jesus calls the thirsty)

Tusi Faitau – Ioane 7:37-39

Matua – ff.37b-38: “Afai e fia inu se tasi, ina sau ia ia e au, e ai. O se

faatuatua ia te au, e faapei ona fai mai o le Tusi, E tafe mai o vaitafe mai

totonu ia te ia, o le vai ola lava.”

I le tusi faitau mo lenei aso, o le fetalaiga a Iesu, o loo Ia „uumauina

mea nei e lua, o le mea e tatau ma le mea o lo‟o matuā mana‟omia mo le ola.

O se faafitauli o lo o matauina i le lalolagi, o le vava mamao o le fua o le

tagata mativa ma le tagata mauoa. E faitau aso ma itula le tau amo ma saili vai

mai vaieli, vaitafe, vaito‟a palapalā, a‟o taaalo atunuu malolosi ma faasusū o

latou luma fale, togalaau, a latou faatagata ma isi lava mea faaturisi mo

maimoaga, a‟o taufao sina tulutulu o le vai mo fanau matelaina.

E le o tatou aia tatau ma o tatou saolotoga lea e fetalai i ai Iesu, a o e

o loo faitauina faatasi ma e ua alofaina e Ia. Ua valaauina i tatou ina ia ola

35

faapei o e o ola i mea ua lava ma faasoa le anoanoa‟i o le ola o lē na foafoa.

Aua le mamā ia te‟i tatou le tausi i faamanuiaga ua aumai e le Atua, mo le

leleiga o le lalolagi na afio mai ai Iesu e lavea‟i.

Tatalo : Le Atua foafoa ma faasoa, matou te fia saili atu i ou vaipuna ina ia

mafai ona faatumuina lo matou galala i lou finagalo paia, Amene.

Aso Gafua – Setema 16: “Faatali Akara mo le oti o lana tama”

Tusi Faitau – Kenese 21:8-19 (Hagar waits for her child to die)

Matua – ff.14,15,17,19: “Ona ala tulai lea o Aperaamo i le taeao, ua tago i

mea e „ai ma le fagu pa‟u vai, ma avatu ia Akara, ma faaee i ai i lona

fuatāua, ua tuu atu foi le tama, ua aueseina o ia; ona alu ai lea o ia, ma

feseai i le vao o Peresepa. Ua uma foi le vai sa i le fagu pa‟u vai, ona tuu atu

lea e ia le tama i lalo ifo o le tasi laau itiiti. Ua faafofogaina foi e le Atua le

leo o le tama; ona valaau mai lea o le agelu a le Atua ia Akara mai le lagi, ua

faapefea ea oe? Aua e te fefe, auā ua faafofogaina e le Atua le leo o le tama i

le mea o i ai o ia. Ua faapupulaina e le Atua ona mata, ona iloa ai lea e ia o

le vaieli; ona alu lea o ia, ua utu ai le fagu pau i le vai, ma faainu ai le

tama.”

O le tiga o le vaega o le ola. Pei ona i ai le faitauga o lenei aso i le

vili tiga o Akara ona ua ta-vavaeeseina lana tama mai le aiga na fanau ai, ae

maise o le suli o Aperaamo. Ua fesēa‟i le tama ma lona tina i le toafa, ua uma

mea uma sa tua iai le ola i le vao, ua leai se faamoemoe. Peitai na

faafofogaina lava e le Atua lona leo mai le vao. Sa saunia e le Atua le vai ma

toe faafoisia ai le malosi fou, le vai lea ua totogo ae ai se moemoe fou ma

faapupulaina ai e le Atua ona mata. Le tama lea na fai ma tupuaga o le malo

malosi o Arapi.

E moni, e iai taimi e oo mai ai tiga ogaoga o le olaga, ma tatou

faatalitali ai i le oti le taunuuga, ae iai lava le auala e saunia e le Atua, e avea

ma faamafanafana ma malamalama i o tatou taimi o faigata.

Tatalo: Le Atua mamana e, o lē sōloia o matou loimata ma o matou tiga uma.

Aoao mai ina ia mafai ona matou tutū ma tatalo faatasi, ina ia manuia tagata

uma, Amene.

Aso Lua – Setema 17: “O finauga ona o le vai” (Disputes over water)

Tusi Faitau – Kenese 26:17-33

Matua – ff.22,31b,32: “Ua tuua e ia lea mea, ua eli le tasi vai; ua latou le fefinauai

ai, ona ia faaigoa ai lea o Reopo, ua faapea ana, Auā ua faalauteleina nei e le Alii

se mea e nonofo ai, tatou te uluola ai i le nuu…. ona tuuina atu ai lea o i latou e

Isaako, ona latou o ese ai lea ia te ia ma le filemu. O lea lava aso ua o mai ai

auauna a Isaako, ua ta‟u mai ai ia te ia i le vaieli na latou elia, ua faapea mai ia te

ia, Ua matou maua le vai.”

E tutupu finauga ona o se faamoemoe o taula‟i i ai. O le faamoemoe foi lea

o Apimeleko mo Filisitia, na avea ma mafua‟aga o le alu ese mai ai o Isaako, ae

faamatu‟u atu. Ae peitai, o lona tolu o vaieli na eli ina, na faamanuia i ai le Atua ma

faatuputupulaia lona tamaoaiga. O le ala toe saili mai lea o Apimeleko ma ona

tagata, ona ua faamaulaloina le loto, ua manino o le tagata o le Atua o faamanuiaga

lea tagata. Ua ia manao ina ia tafe atu foi mo ia ma lona nuu ia faamanuiaga.

36

Tatou te finau foi i o tatou vaitau, lo tatou finauvale peitai ane, e ese lava le

faailoilo ma le finagalo o le Atua mo i tatou. E ao iā i tatou na muai saili le Atua ma

lona finagalo ma faatalitali i lona tali mai.

Aua o le vai lava ia o le tasi lea o meaalofa a le Atua mo le tagata, ae le o

se auala e fai ma aupega e faitogafiti ai tagata ma vatau ai malo.

Tatalo: Le Alii le Atua, faafetai mo le foafoaga mataofie, ma lou saunia o mea e

tausi lo matou ola lo matou tofi. Faamanatu mai pea ina ia matou ola faaasoa ma tufa

faamanuiaga ua matou maua i o matou tuaoi. Amene.

Aso Lulu – Setema 18: “Ua utuvai Repeka” (Rebekah draws water)

Tusi Faitau – Kenese 24:10-27

Matua – ff.18-19: “Ona faapea mai lea o ia, “Le Alii e, taumafa ia; ona vave tuu

ifo lea e ia o lana kate i lona lima, ma tuu atu ia te ia e inu ai. Ua uma ona avatu ia

te ia e inu ona faapea atu lea o ia, Ou te utufia foi ma au kamela, seia latou feinu ai

ia malilie.”

O le avanoa na maua e le auauna a Aperaamo i le vaieli e ofoofogia lava. O

se feiloaiga e le‟i taupulea pe fuafuaina, ae ese foi faiga a le Atua. O le auauana na

tu‟u atu lona faamoemoe i le Atua, ona o le tausailia o se avā a lona matai o Isaako,

ae o le tapenaina foi e le Atua o Repeka e faasoa atu le vai e aunoa ma le masalosalo,

lē popole poo le a le ituaiga tagata, ae ua ofo atu lona alofa i le tagata ese, ae ua aofia

ai ma manu. Le vai lea ua fai ma sootaga ma faavae mautu o le mafutaga a Isaako

ma Repeka.

O le fesili e masani ai le atunuu, „o fea sa e utuvai ai?‟ o le tali sa utuvai le

auauna i le Atua. E le i fesasia‟i i le matagofie o vai „ese‟ese e ono utuvai ai, ae na

muai saili i le puna o le vai.

Tatalo: Le Atua e, o le puna o le vaiola faailoa mai ia te i matou ala tatau matou te

maua ai le vai ola, Amene.

Aso Tofi – Setema 19: “Ua liutoto le vai o le Naila” (The Nile turns to blood)

Tusi Faitau – Esoto 7:14-24

Matua – ff.20-21: “Ua faapea ona fai e Mose ma Arona, pei ona fetalai mai o le

Alii; ua ia sii i luga foi le tootoo, ma ta le vai o le vaitafe i luma o Farao ma ana

auauna; ona liu toto ai lea o le vai uma lava o le vaitafe. Ona mamate ai lea o i‟a sa

i le vaitafe, e le mafai e Aikupito ona inu i le vai o le vaitafe, sa i ai le toto i le nuu

uma lava o Aikupito.”

O le mala o le taui lea o le maaa o le loto o le tagata. Ua ma‟a‟a le loto o

Farao ma ua afaina ai lona nuu ma lona atunuu. Ua mamate ai i‟a ma le vai taumafa

a ona tagata. Afaina ai ma le tamaoaiga o tagata fagogota ma tagata fauvaa, ae maise

uafu ma tagata fai pisinisi e faalagolago i le vaitafe. Ua leai se ola, ua mamate mea

uma, pei ona molimau le Esoto, o vaitafe, vailepa,vai ma‟a ma vai-ipulaau ma

vaitoa, ua tutumu i le toto. O fea la o le a saili i ai se mapusaga?

E tāūā le tofa fetala‟i, e taua le faalogologo i le tu‟ualalo. E leai se tasi e tu

faamauga i ana faaiuga, e iuvale lava le faamaualuga ma le fia pule. Aua nei galo, o

le Atua ma lana pule aoao ma e silisili ese, o le na ia aumaia le vai o le ola, o ia foi

na te liliuina mea uma.

37

Tatalo: Le Atua e, ua matou molimauina lou aao malosi, a‟oa‟i i matou e talia ai ona

faatoese mai o matou faaiuga ma leaga, Amene.

Aso Faraile – Setema 20: “Ua ta e Mose le papa” (Moses strikes the rock)


Matua – ff.6-7: “Faauta, ou te tu ai i ou luma i luga o le papa i Horepa, e te taia le

papa, ona puna ai lea o le vai, e feinu ai le nuu. Ona faapea lea ona faia e Mose i

luma o toeaiina o Isaraelu. Ua ia faaigoa foi lea mea o Mase, i le ma Meripa, ona o

le finau o le fanauga a Isaraelu, ma lo latou tofotofo i le Alii, o loo faapea ane, Ua

ia i tatou ea le Alii, pe leai?”

Ua masani tagata Eperu i le vaieli ma vaipuna i le toafa. Ae iai fo‟i ma le

natura lea o le muimui ma atuatuvale pe a umi ae le maua se suavai. Ona amata lea o

faitioga ma tau faifai. Tiga le ta‟ita‟i ma tau togi ai fo‟i lona solo. Le lava le onosa‟i

ae faamautu mai lava e le Atua e ala i le tatou matua, lea na fa‟aali ai e le Atua lona

silisili‟ese i ona tagata lē talitonu, e ala i le taia o le papa ma puna a‟e ai le vai. O le

vavega i mea e le masani ai.

Soo se mea fou e ofo ai tamaiti. O se vaipuna, o se vaieli poo isi lava mea e

fou e le masani a‟i, e ofo ai le mafaufau, o se ua a‟e se atu mauga ae ofo atu e se tasi

e le masani ai se vai mo lea tagata, ia poo lou fili foi. O se mea e le fuafuaina o mea

na mai le Atua. Aua la‟ia le popole auā e saunia lava e le Atua mea e tali ai o tatou

mana‟o i ala e ofo ai i tatou.

Tatalo: Le Atua o le suavai, sei o matou pulunaunauina oe i lenei aso, ma ia fou pea

lou faaali mai i o matou tagata, ia o matou maua ai le olioli ma le filemu i lea aso ma

lea aso, Amene.

Aso Toonai – Setema 21: “O le vai o le ola e faavavau” (Water of eternal life)


Matua – ff.11,13,14:“Ua fai mai le fafine ia te ia, “Le Alii e, e leai sau mea e utu ae

ai, e maulalo foi le vaieli; e te maua ea ifea lena vai ola? Ua tali atu Iesu ia te ia,

“O lē inu i lenei vai e toe fia inu ia, A o sē inu i le vai ou te avatu ia te ia, e le toe fia

inu lava ia; a o le vai ou te avatu ia te ia, e avea i totonu ia te ia o le vaipuna, e puna

i luga i le ola e faavavau.”

O le ogaoga ma le loloto o puapuaga o lenei tina na saili ai i vai matūtū o le

olaga e utufia ai lona gaogao, ae peita‟i, na suia atoa e Iesu. Amata le faasoa i le tali

pupuni a le tina i le faaogaina o le tulafono ta mau a tagata. Ua manao e maua le vai-

fofo ae fefe e faailoa ma ta‟utino lana agasala. Ae na taumafai lava Iesu i se auala e

ola ai le agaga o lenei tina. Pei ona fetalai Iesu a ala i le ta matua i lenei aso,“O lē

inu i lenei vai e toe fia inu ia, A o sē inu i le vai ou te avatu ia te ia, e le toe fia inu

lava ia; a o le vai ou te avatu ia te ia, e avea i totonu ia te ia o le vaipuna, e puna i

luga i le ola e faavavau.” O sē ua matelaina i le fia maua o se mapusaga mai tiga

loloto o le olaga, lea ua tali e Iesu, o le vai e puna a‟e pea e o‟o i le faavavau.

Tele taimi tatou te saili ai i mea e tali ai o tatou manao, ae le mafai ona

faamalieina ai lo tatou galala, ae ua na o Iesu lava e malie ai o tatou manao.

Tatalo: Le Atua e, faafetai mo le puna matou te oo atu ai i le ola e faavavau. Aumai

le malosi e mafai ai ona matou fasoa atu i matou uso le oa lea mai le lagi, Amene.

38

Aso Sa – Setema 22: “Fanau i le vai ma le Agaga” (Born of water and the Spirit)


Matua – ff.5-6: “Ua tali atu Iesu, “E moni, e moni, ou te fai atu ia te oe, afai e le

fanau se tasi i le vai ma le Agaga, e le mafai ona sao o ia i le malo o le Atua. O le ua

fanau mai i la le tino, o le tino lea; o le ua fanau mai foi i la le Agaga, o le agaga

lea.”

I le talalelei ia Iesu Keriso na faamauina e Ioane o loo faaaogaina ai le vai e

fai ma faatusa ina ia faailoa ai Iesu. Peita‟i, o le faiā i le va o le vai ma le Agaga o le

Atua na amata mai i le amataga o le foafoaga, o ina sa ufitia ai le moana i le pouliuli

ma fegaoioia‟i ai le Agaga o le Atua i le fogatai. (Kenese 1:2)

A o sailiili Nikotemo mo se tali na afua i lona pogisa tele, na toe faafoi ai e

Iesu i le amataga, faailoa i ai e tatau ona ia toe fanaufouina i le vai – ia talitonu ma

talia Iesu o le Keriso, o lona Faaola – ma le Agaga – ia tumau i le finagalo o le

Agaga Paia o le Atua, ia avea ma ona faamafanafanaga ma ona leoleo. Mo tagata

soifua, o le vai o le ola. E 60 pasene o tatou tino o le vai. O lenei vaiaso, ia tatou

su‟esu‟e ma sailiili pe faapefea e le tafe o le vai ma le tafe o le Agaga, ona le mafai

ona tuu eseeseina ma le tagata soifua.

Tatalo : Iesu e le Alii, ou te alu atu ma le agaga o le faatuatua faamaoni i lau Afio,

faatumu au i lou Agaga Paia, ma ia avea le vai o le ola fou e faafouina e le gata o lou

nei tagata, ae ia faasoa atu i e o i le lalolagi uma, Amene.

Aso Gafua – Setema 23: “Asu a‟e mai le Vai” (Drawn from the water)


Matua – ff.3-4:“Ua le toe mafai ona nā ia te ia, ona ia ave ai lea mo ia o le ato

kome, na ia puluti ai i le pulu emeri ma le pulu safeta; na ia tuu ai le tama, ona

tuuina ai lea i le vao utuutu i le auvai o le vaitafe. A ua tu mamao atu lona

tuafafine ina ia iloa pe iu ina faapefea o ia.”

O se mea faigata mo se tina ona faamatu‟u atu o sana tama i faiga sa feagai

ai lenei tala. Ua taoto le tulafono faamata‟u mai, ae o le popolega poo fea o le a tafea

agai iai, ae o le faamata‟u mai o manu feai. Ae ese foi galuega ofoofogia a le Atua.

O le tama na tafetafea i le vai, ae ua taoto le alāfua a le Atua. Ua tapena e le Atua le

matua lelei e tausia ma fa‟afaileleina, Ua saunia le aoga ma le tamaoaiga e tausi ai

lona lumana‟i. Ae taualuga i le Esoto o lona nuu. E lē valetu‟ulima e le Atua o tatou

tagata pe afai tatou te tuu ifo i le vaitafe o tatou faafitauli ma manaoga. E i ai le aso e

asuina a‟e ai e le Atua i lona ala ma lona taimi.

Tatalo: Le Atua e, matou te tu‟u atu o matou faamoemoega o lenei aso ma aso uma

se‟i e tapenaina ma faamanuia mai. Amene.

Aso Lua – Setema 24: “Sopoia/Asaina le loloto” (Crossing the deep)


Matua – ff.13-14: “Ona tali atu lea o Mose i le nuu, Aua tou te fefefe, a ia outou

laulau tutū ma vāai atu i le olataga mai le Alii, o le a faia e ia mo outou i le aso nei;

auā o Aikupito ia tou te vāai i ai i le aso nei, tou te le toe iloa lava i latou e

faavavau. O le a tau le Alii mo outou, a e faalologo outou.”

O le atuatuvale o le tagata, o se lagona faigata tele pe a oo ina lamatia lona

ola. Ua oo tagata Isaraelu i se lagona lē mautonu ona ua o‟o mai le fili, ae leai ni

39

aupega a e ua na o le moana sausau o loo faamata‟u mai. Pau lava le mea e fai, na o

le sa‟i i le Atua, ma to manatu e ui i le pologa, ae o lo‟o mautū le nofoaga i Aikupito,

ma le sasala o ulo o tufaaga o lo‟o mau i o latou loto. Ae na liliu e le Atua mea uma,

ma faaalia ai le faamaoni o ana folafolaga, o ia lava na te tauina taua mo i latou. Na

asaina ma sopoia e le Atua le loloto o le moana. Talitonu ma faatuatua e mafai mea

uma i le faatasi mai o le Atua. Tatou tuu laia i le Atua na te tau taua ma faafouina lo

tatou malosi, ae le o le atuatuvale.

Tatalo: Le Atua o le alofa, matou te viia pea lau Afio, aua o lau Afio na e faasaoina

i matou e ala i le maliu o lou alo pele e toatasi, Amene

Aso Lulu – Setema 25: “I luga atu o lou ulu” (In over your head)

Tusi Faitau – 2 Tupu 5:1-14

Matua – ff.10-11:“ Ona auina atu lea e Elisaia o le auauna ia te ia, ua faapea atu,

Ina alu ia, ina taele faafitu i Ioritana, ona toe foi mai ai lea o lou tino tuai ia te oe,

ona e mamā ai lea. Ona ita lava lea o Naamanu, ma alu ese, ua faapea ane, Faauta,

na ou faapea, e sau lava ia i fafo, ma tu mai, ma valaau i le suafa o le Alii lona

Atua, ma tālo lona lima i le mea ua i ai le ma‟i e faatea ai i le lepela.”

O le toe faatonuina o se taitai au, se alii sili poo se pule maualuga i se

matagaluega poo se kamupani foi i se mea fia faasa‟o, os e gaioiga e tofotofoina ai

lona toa ma le lototele. E le faigofie aua o le a e sopo tuaoi i le ao o le pule. Peita‟i o

se mea e tatau ona fai.

Ua matua ita faamo‟amo‟a Naamanu ia Elisaia ona ua ia le valaau atu i

lona Atua ma faamaloloina ai o ia, ae ua ia faatonu o ia e taele i le Ioritana o le vai

eleelea ma le palapala faatusa i vai o Samaria. Tagata e le mafai ona sei faamaulalo

ifo lona ao ma se‟i faalogo i se fautuaga. Ae ina ua talia le fautuaga, ua le gata ina

faaeaina a ua faaolaina.

Tatalo: Le Atua e, o lau afio lava o lo matou papa. Se i saunia e lau afio le malosi e

mafai ai ona matou sopo ma fai faaiuga e saoloto ai tagata uma. Amene

Aso Tofi – Setema 26: “O le vai e alu ai pea” (Water to go)

Tusi Faitau – Mareko 1:1-13

Matua – ff.8-10:“O a‟u nei, ua ou papatiso atu ia te outou i le vai; a o ia, na te

papatisoina outou i le Agaga Paia. O ona po ia ua maliu atu ai Iesu mai Nasareta o

i Kalilaia, ua papatisoina foi o ia e Ioane i Ioritana. Ua maliu ae o ia nai le vai, ona

iloa loa lea e ia o le lagi ua masae, ma le Agaga ua afio ifo i ona luga, e peiseai se

lupe.”

O le papatisoga o le galuega lea o le faamama ma faafouina le tagata

eleelea ina ua ia faamaulalo ma ta‟utino lona tagata le atoatoa. O le vai alualu pea

ma faatino pea lana galuega o le faaola ma faamautuina le taua o le ola mama ma le

oa saoloto. Ua papatisoina Iesu e tapena ai lana galuega tala‟i. O se faavae e

faatumauina, e ui e le manomia e Iesu ae ao lava, ma o le mea e tatau ai. E ao ina aui

le Alii i mea na sau ai tu ma aga faa-Iutaia. Ia fufulu ese le e le ole tagata. O le

papatisoga la faaleagaga, o le faaauau ona tafe mai pea le mana o le agaga o le Atua

ina ia sausauina le tagata faigaluega mo le galuega.

40

E le muta la le tafe mai ma le faaauau o le tafe mai o lea vai ola e lua mo le

tagata galue ia maua aupega o le galuega e tau ai le taua. O lo tatou faamoemoe foi

lea ia maua tafega faaauau ia mafai ai ona faaauau o tatou tiute.

Tatalo: Le Atua e, aumaia ma pa‟i mai o lou vaiola o le tino ma le agaga.

Faamalosia ai i matou e saili ma taula‟i i lau afio le matai ole galuega. Amene

Aso Faraile – Setema 27: “O le toto ma le vai” (Blood and Water)


Matua – ff.34-35: “A o le tasi tagata tau ua tutu‟i lona itu i le tao; ona sisina loa

mai lea o le toto ma le vai. O ia na matamata i ai, ua molimauina ai-e moni foi lana

mau; ua iloa lava e ia e moni lava lana upu-ina ia latou talitonu foi.”

Ina ua tutu‟i le itu ole Alii, fai mai ua puna mai ai le toto ma le vai. E

le ma iloa le mafuaaga na tutu‟i ai le itu o le Alii e le fitafita ae pau le mea taua ua

mautinoa na matamata ai o ia ma ua faamaonia ua maliu o ia. Ua faamaonia e lenei

tagata o ia ole Alo o le Atua. O le matamata la o le fitafita o se ata mautu i le tagata

ua molimauina le maliu ae o le tafe atu o le vai ola ma le toto o le faaolataga. Le vai

lea e faamamaina ai tagata uma ae o le toto o le feagaiga fou e ala i le maliu ma le

toe tu o Iesu Keriso.

O le mau foi lea a Ioane, ia tatou mautinoa e le tala faaoleole le itu o le Alii

na tutut‟i ma tafe mai ai le vai ma le toto, o le mea moni lava, e ao ona tatou talitonu

ma le faatuatua I le Alo o le Atua soifua.

Tatalo: Le Atua e, faafetai mo le faaolataga na faatafe mai e Iesu le vai ola.

Faanaunau o matou loto ina mafai ona o matou faaauau ona faatafe atu ia manuia i e

puapuaga. Amene

Aso Toonai – Setema 28: “O molimau e toatolu” (Three witnesses)

Tusi Faitau – 1 Ioane 5:1-12

Matua – ff.6-8:“O ia lava lenei na maliu mai ma le vai atoa ma le toto, o Iesu

Keriso lava; e le tuli I le vai, ao le vai atoa ma le toto. O le Agaga foi o lo o moluina

mai, auā o le Agaga o le upu moni lava ia. E tolu molimau, o le Agaga, ma le vai,

atoa ma le toto; o lea tolu foi e auga atu ia i le mea e tasi.”

I le tusi 1 Ioane 5, o loo faamatala mai ai molimau nei. O le vai e fufulu ma

faamama ai agasala a tagata, o le vaiola e feinu ai tagata ma ola ai, o le toto o Iesu na

faamaligiina mo le faaolaina o le tagata ma le agaga paia o le mea moni. O le agaga

o le Atua na te faasaolotoina le tagata mai le pouliuligia i le agasala. Le upu ua liu

tagata ma faailoa le mutimutivale o le alofa o le Atua. O le molimau i le upu ua ola i

le tagata, ae o ē uma latou te le talia o ia, o le pepelo lava lea. Tolu lava molimau o le

lagi, Le Tama, le Alo ma le Agaga Paia. Ma e o loo faamatalaina i le vai, le toto ma

le agaga. E moni ma faamaoni nei molimau uma.

Tatalo: Le Atua e, Le tolu tasi paia ae. Avea ia le tasi tolu paia ae ma molimau ola o

lou alofa ae maise lau faasoa mo tagata uma. Amene

41

O le valaau tatala pea – An open invation

Aso Sa – Setema 29: “O le valaau lautele” (An open invitation)

Tusi Faitau – Luka 14:15-24

Matua – f.15b:“Amuia lē ai i le malo o le Atua.”

E ese le leaga o le lē tali fa‟aaloalo. E ese foi le leaga o le manatu maulalo.

Valaau le matai i tagata lautogia ma tagata mau tofi, ae aumai mafuaaga e „alo ai.

Lea la ua valaau le matai i tagata le taualoa ma le maulalo. Le tagata lē amanaia, ma

latou talia le valaau. O le mativa ma e mumutu, le tauaso ma le pipili. Ua le gata i

lea, fai mai Luka ua pulunaunauina e le matai ia faatumu le maota, o le tagata ua

naunau e faasoa atu lona manuia. Ae paga lea, o ē uma e le taliaina le faaaloalo, o le

a misia foi lea avanoa, ma manuia o loo i ai. O le faalavelave lea o tatou, ua

faamatuu mai le valaaulia a le Atua, ae „alo i mea o le lalolagi. E galo lava i le

tagata, e le o taimi uma e aumai ai faalaua‟itele le valaau a le Atua mo i tatou.

Tatalo: Le Atua e, faamagalo i matou i le lē taliaina o lau valaau. Faamanino ia te‟i

matou le taua o lau valaau ae maise o matou tuaoi. Amene

Aso Gafua – Setema 30: “Faitauina le tau.” (Counting the cost.)

Tusi Faitau – Luka 14:25-35

Matua – f.34:“O le mea lelei le masima; a e afai e magalo le masima, pe se a se

mea e faamāi a‟i?”

O le tautala ma le savali i le amiotonu e le faigofie. O ana aoaoga ma

talaiga ua liliu ai loto o tagata ma ua faatusa i le masima o le lalolagi. O le masima

le‟i filogia lava i se mea e sui lona vaaiga poo lona tofo. E iu lava la ina maliu ma

toe tu, ae le avaesea ai lava le oona o le masima. Toatele tatou, afai loa e taia i

puapuaga ma faigata poo faafitauli e tofotofoina ai lo tatou faatuatua ona magalo

leao le atou masima ma soloia. Ae ai la na te toe faaoona ina? Na o le Atua e faia lea

galuega pe afai tatou te talitonu ia te ia. O le pipii ia Iesu e faatumauina ai lo tatou

masima.

Tatalo: Le Atua e, utufia ma faatumauina lou masima i tototmu oi matou. Faasauni

la matou faalogo, vaai, ma le savali mo lau galuega. Amene

Aso Lua – Oketopa 1: “Leiloa a ua maua” (Lost and found)

Tusi Faitau – Luka 15: 1-10

Matua –f. 6: “Ia tatou olioli ia, aua ua ou maua lau mamoe na leiloa”

Na fa‟aaoga e Iesu le fa‟ataoto i le mamoe na se, e tali ai le muimui o le au

faresaio ma le au tusiupu, ina ua aai fa‟atasi ma tagata agasala. O le tali a Iesu, o loo

fa‟ailoa ai le taua o le amata e oe o le galuega fa‟aola. O le amataga o le galuega saili

a Iesu, na amata i le mafuta ma aai fa‟atasi ma tagata agasala. O lea mafutaga, na

manino ai Iesu i o latou lagona ma manatu, ma taumafai Iesu e fai i ai se galuega ina

ia mafai ona laveaina, ma fa‟asaoina mai le ogaoga o le agasala e ala i le fa‟aolataga.

Amata i totonu o lou aiga, lau aulotu ma lou nuu le tatou galuega faaola, ona tatou

iloa lea o le taua o le fa‟aolataga a le Atua. Tatou fa‟ailoa atu le tala o le ola, i ē o

lo‟o leiloloa ma lē malamalama ia Iesu ma lana fa‟aolataga.

Tatalo: Le Alii e, e lē faigofie lau valaau mo i matou. Tumau mai le talitonu i o

matou loto, e talia ai lou finagalo i so‟o se taimi. Amene.

42

Aso Lulu – Oketopa 2: “ O le fusi a le tāma” (The father embrace)

Tusi Faitau: Luka 15: 11-31

Matua f.20: Ua iloa mamao atu foi o ia e lona tāma, ona mutimutivale lea o lona

alofa”

E le faigofie le va o matua ma fanau. Aua po‟o le a le leaga o fanau, e le

mafai ona tu‟ulafoaina e o latou matua. O meaalofa fa‟alotoifale i le va o matua ma

fanau, o lo‟o lotolotoi ai le alofa le fa‟atuaoia. E mafai ai ona lava papale matua i le

ola fa‟amagalo, e avea ma so‟otaga e fa‟alagolago i ai fanau. O le tuua e le atalii o le

aiga ma lona tama, e lei motusia ai le gafa i le loto o le tama, o ia o le suli o le aiga.

O lona fēsea‟i i le loloto o fiafiaga ma tuinanau o le olaga, sa mulimulitai ai ma le

loto o lona tama. O lona toe foi mai, ma fusi e lona tama, o le avanoa o loo i ai pea le

alofa ma le ola fa‟amagalo i le lio o le aiga. O le alofa tunoa o le Atua, na te

tuliloaina pea i tatou, i mea tatou te i ai. O lona alofa le mavae, na te le tuua ai i tatou

ina ia tatou palasi atu i le loloto o le agasala. Ae ua avea lona finagalo fa‟amagalo,

ma le taua o lona alofa tunoa, e fai ma so‟otaga mautu, ma le ola ua salamo

fa‟amaoni, ma toe foi i le Atua.

Tatalo: Le Atua e, o lou alofa e fusia ai i matou, matou te iloa ai le ala e suia ai le

tagi i le fiafia, i le fa‟amoemoe ma lou mamalu. Amene.

Aso Tofi – Okertopa 3: “ O ai o loo e auauna i ai” (Whom do you serve)

Tusi Faitau: Luka 16: 1-18:

Matua: f.13b: “Tou te le mafaia ona auauna i le Atua atoa ma le oa”

E lua ni mea taua ua tatou iloa i lenei fa‟ataoto. O le Atua ma le oa. Peitai e

matua moomia iinei, le sa‟o o le fa‟amamafa a le tagata auauna, ina ia le mafai ona

maluelue lou ola tautua ma lau auaunaga fa‟atagata soifua. Ua tatou iloa i lenei

fa‟ataoto, le fa‟amuamua ma le fa‟amamafa ua milosia ai le loto o le auauna. Aua ua

ia vaai mo lona lelei, ae ua le taulai mo le manuia o tagata. O le mulimuli i ala o le

Alii, tatou te iloa ai le fa‟asaolotoina oi tatou mai le fa‟alotolotolua, tatou te vaai ai i

tua o soo se mea e manaomia mo le manuia o lo tatou olaga, ina ua tatou

fa‟amuamua le Atua i mea uma tatou te mananao i ai. O le sa‟o o lau fa‟amuamua, o

lo tatou maua foi lea o le ola saoloto e auauna mo le Atua.

Tatalo: Le Atua e, fesoasoani mai ina ia matou fa‟amuamua lau afio i a matou

auaunaga e manuia ai o matou olaga. Amene

Aso Faraile – Oketopa 4: “O ai o loo e faalogo i ai” (Who do you listern to.)

Tusi Faitau: Luka 16: 19 -31

Matua f.29 : “O ia te i latou Mose ma le au perofeta, ia latou faalogo i ai.”

O le fa‟alogo ma galue, o le auala lea e mafai ai ona fa‟asaoina nisi mai

fa‟afitauli e mafai ona oo atu i ai lo latou olaga. O le ola fa‟alogo, ma sauni mo

faigata e fetaiai ma le olaga, e ao ai ona tatou manino i le alofa tunoa o le Atua, na te

aumai le sootaga e mafai ai ona fa‟alogo i le Atua, ma galue mo le manuia o tagata

uma. O le tali a Aperaamo, o loo manino ai le taua o galuega e fa‟atino e le tagata, ao

soifua i lenei olaga, aua e mafai ai ona avea ma fa‟ataitaiga lelei o le ola fa‟asoa, ma

ia tutusa tagata uma i lana vaai ma ana fa‟atinoga e pei o le Atua foi ona tutusa

tagata uma i lona alofa tunoa.

43

O le fa‟atauanau a le tagata mauoa ia Aperaamo, ina ia logoina ona uso

ma ona aiga ina ia latou ui ese mai taunuuga faigata o le olaga, o loo fa‟amanatu mai

ai, e tatau i le tagata ona fa‟alogo, ma galue ina ia avea o ia ma fa‟ataitaiga lelei, mo

ona aiga ma ona tagata ma ia iloa ona ola i le alofa ma le ola fa‟asoa, ae le o le

manatu faapito. Sa galo i le mauoa, o le taunuuga o le olaga, e iloa ai le eseesega o le

tagata e faalogo ma galue ma le tagata faapalapala.

Tatalo:Le Alii e, fesoasoani mai ina ia tatala la matou faalogo, ina ia matou iloa ai le

uiga o le ola galulue mo le manuia o isi tagata. Amene.

Aso Toonai - Oketopa 5: “Ua faaalia le faatuatua” (A faith expressed)


Matua: f 13b: “Le Alii e, Iesu, ia e alofa mai iā te i matou.”

E masani lo tatou olaga ona tatou saili togafiti pe a oo mai ma‟i o le

tino. O le auga o nei sailiga, ia maua le ola fa‟afouina ma le ola malosi. O le sailiga a

lepela, na atagia ai lo latou manao e pei ona latou alalaga mo se togafitiga ua

mo‟omia, lea na toai tonu ia Iesu. O le alaga o loo afifi mai ai le loto naunauta‟i mo

se fa‟amalologa, o loo fa‟aosofia e le loto fa‟atuatua, ma le talitonuga, ua nao Iesu e

maua ai lo latou fa‟aolataga.

O le fa‟aalia o le fa‟atuatua, o le fa‟aliga o le loto fa‟afetai, e pei ona

fa‟aalia e le lepela e to‟atasi na toe foi, ma fa‟afetai ia Iesu. O le aveeseina o le ma‟i

lepela, na fa‟aosofia ai i le fiafia, ma galo ai le aloaia o se fa‟afetai mo lē na ia

fa‟amaloloina i latou. O le alofa tunoa o le Atua, na ia aloaia ai le fa‟atuatua o le

tagata ua fa‟amaloloina e fa‟afoi le fa‟afetai.

Tatalo: Le Alii e, matou te lagona le loto maulalo e faailoa lou alofa e taofia ai i

matou i ou aao filemu ina ia matou iloa ai ona ola faatuatua ia te oe. Amene

Faitauga mai le Tusi a Luka.

Ua ia tei tatou le malo - The Kingdom with in

Aso Sa – Oketopa 6: “ Ia Faasaogalemuina” ( Person preservation)


Matua: f.33: “O sē saili ia saoalemū lona ola, e mãumau ai iã ia te ia, ao sē

fa‟amaumau ai, e fa‟asaoina e ia.”

O le sailiga a le tagata i le ola saogalemu e tinou e faatino mea lelei uma,

mo lea faamoemoe. Peitai o le sailiga mo le ola fia saogalemu, e le maua ai sona

fiafia. O le tagata ua ia filifilia e ofoina lona ola mo le Atua, o lona uiga ua ia

faamatuu atu lona ola atoa i le Atua, i lona faatuatua mausaili e faasaoina lona ola.

O le ola ua faamatuuina atu i le Atua, ua saili, ina ia iloa tino le finagalo o le Atua,

ma lona malo e faavavau, ona le mafai lea ona see ese le ola mai le faalagolago ma

faamoe moe i le Atua.

O le ola ua faamaumau mo le Atua, o le iloa lea o le loto ua usitai ma

faatuatua i le Atua, ona mautinoa lea o le ola fiafia. Ua fetalai mai Iesu ia tatou

tuuese mea mamafa, ma o tatou tulaga, faatasi ma o tatou ola tuai, ae faamatuu atu

iate ia, aua o le ola moni o loo maua lea ia te ia. O le ola faamaumau mo le Alii, o le

ola ua talitonu ma faatuatua atoatoa i le Atua.

44

Tatalo: Iesu le Alii alofa, faatumu mai lou ola, ina ia ou iloa ona faamuamua mo oe,

ina ia ou iloa ai le oo mai o lou malo e faavavau. Amene.

Aso Gafua – Oketopa 7: “ Faamaualuga i tulaga tofi.” ( Pride and position)


Matua. f.14b: “aua o sē faamaualuga iā te ia, e faamaulaloina lea, a o lē

faamaulalo iā te ia, e faamaualugaina lea”.

E lua ni vaega taua o loo i totonu o le tusi faitau o lenei aso. O le fafine ua

oti lana tane, ma le faamasino amiotonu. O le Faataoto i le Faresaio ma le ao lafoga.

O faataoto uma nei, o le ata manino lea o le vaaiga faaletagata e faualuga ona o

tofiga. Ua avea tofiga, ma auala ua aveesea ai le ola faamaoni. O tofiga ua faoa ai le

fnagalo o le Atua e ao ona faataunuu, o le alofa ma le faamaoni. Ua avea tofiga ma

auala ua faataunuu ai le mea oi o tatou loto.

Ua aoao mai i lenei faitauga, le uiga moni o le faamaoni, ma alofa ma

salamo, ma le amio mama e ta‟uta‟u, aua o i tatou o tagata agasala, ona faaeaina lea

oi tatou ma siitia i tatou mai a tatou amio maulalo, ma tuu i tatou i se tulaga

faaeaina, ma toe fuataina e ala i le mafuta mai o le Atua.

Tatalo: Le Alii e, talia mai o matou loto ua faamaulaloina, ina ia matou iloa ai lou

mamalu e faaeaina ai i matou. Amene.

Aso Lua – Oketopa 8: “Tagata na te mafaia mea uma.” ( Posibility people)

Tusi Faitau: Luka 18: 15 -30.

Matua: f.27: “Ua fetali atu o Ia. O mea e le mafaia e tagata e mafaia e le Atua.”

Ua tatou maitauina i lenei faitauga, le faamanuia a Iesu i tamaiti, ma le alii

mauoa sa taumafai e faamautu ana faamanuiaga e faavavau. Peitai e lei mafai e le

mauoa, ona ia faataunuu le mea e tasi, o le faatau atu o ana oa, ma ua le maua ai le

avanoa e saofagā ai i le malo le Atua.

Peitai o le faamanuia a le Atua, o se vaega o le olaga ua mafai ai ona tatou

mafuta ma ia i le ola e faavavau, pe afai tatou te faamatuuese mea o le lalolagi e fai

ma faafitauli o le taumafai atu i le ola e faavavau. O loo tatou le mafaia o se mea, ina

ua manumalo manao o tatou loto, o iina e amata ai ona galue le Atua, ina ia

faamalosia o tatou loto e mafai ai ona tatou faamatuu ese mea mamafa o fai ma

faalavelave i lo tatou ola auauna i le Atua.

E lei mafai e le mauoa ona faatau atu ana oa, aua o le mea o loo taoto ai

lona loto ma lana faamuamua. Ae mafaia e le Atua mea uma, ina ua tatou talitonu

ma le faatuatua i lana faamanuia ma galue mai o tatou loto, tatou te mafaia ai mea ua

le oo i ai le malosi. Tatou te mafaia mea uma, ona o le Atua na mafuta mai ia te i

tatou e le aunoa.

Tatalo: Le Atua e, ua e silasila i o matou loto i mea ua le mafai ona matou mafaia, o

lou mafuta mai, matou te mafaia ai mea uma lava. Amene.

Aso Lulu - Oketopa 9: “Tumau i le tatalo.” ( Prayerful persistence)

Tusi Faitau Luka18: 31 -43

Matua: f.41a: “Se a le mea e te manao i ai ou te faia mo oe.”

45

O le fesili a Iesu na maitauina ai le lagona alofa o le Alii. O le fesili o loo

iloa ai se faatinoga e moomia mo le tagata tauaso. O lana alaga leotele, na manino ai

lona fia ola, ma lona fia malolo. O le tele o taimi, o le tali o le fesili e moomia ai se

faamalologa mo le tagata ma‟i. E moomia le pa‟i atu o se laveaina, ina ia maua ai le

sa‟olotoga o le mafaufau mai le a‟afia i le ma‟i, ma ia tatalaina ai le loto talitonu i le

Atua o ia o le fomai sili.

O le tatalo, o le auala lea tatou te ta‟uina ai i le Atua le mea o loo tatou

mananao ai. Faailoa i le Atua lo tatou moomia o lana faamalologa i o tatou tino,

faapea le agaga. O le tatalo ma le faatauanau i le faatuatua faamaoni o le auala sili

lea tatou te lagona ai le pai mai o le faamalologa a le Atua. Aua o ia o loo i ai le

malosi sili, ma le malosi faafouina, e mafai ai ona tatou vaavaai atu faalefaatuatua i

lona fesili mai..Se a se mea tatou te mananao i ai tatou te fia maua mo i tatou.

Tatalo: Le Alii e, fesoasoani mai ina ia matou iloa ona fesili atu i mea o lo‟o matou

moomia e ala i le tatalo ma le faatuatua. Amene

Aso Tofi – Oketopa 10: “ Iloa lou faatauvaa.” ( Peronal penitence)


Matua f.10: “Auā ua sau le Atali‟i o le tagata e sā‟ili ma fa‟aola i lē na leiloa”

O le tala ia Sakaio na atagia ai le uiga o le Alii e saili mai i le tagata ua

leiloa i le agasala, ma le tuinanau. O le iloa e Sakaio o lona faatauvaa, na ia talia ai le

mafutaga ma Iesu, ma ia mautinoa ai le uiga moni o le sailiga a le Alii mo le tagata.

Ae le mafai foi ona alu loa le Alii, pe afai na te silafia oi tatou o tagata ua iloa lo

tatou faatauvaa, ma ua fia maua le ola faafouina. O le tala ia Sakaio, o le tala i le

tagata na maua e Iesu o fētifaai solo i lagona soona fai o le olaga. O lo tatou iloa o lo

tatou faatauvaa, o le alu ese mai mea na masani ai le soifuaga, a ia tatou iloa le Atua

saili mai, e mafai ai ona suia o tatou olaga ma tupu mai ai se faamoemoe fou e

manino ai i le Atua saili ma faaola mai.

Tatalo: Le Atua e, faaali mai lou alofa i ai matou, ina ia matou iloa ai lou saili mai e

faaola i matou.Amene.

Aso Faraile – Oketopa 11: “O le tau ma le taui.” (Price and prize)


Matua: f.26: “Ou te fai atu „iā te outou. O lē ua i ai mea, e avatu i ai, a o lē ua leai

sana mea, e faoa mea ua iā te ia.”

Ua tatou iloa i lenei faataoto, le uiga taua o loo aumai moi tatou, i le tagata

e faatuutuu ma fasia e ona manatu, ma le tagata e punouai ma galue ina ia maua se

taui. O le ata atoa o lenei faataoto, o loo taumafai auauna nei e faamatala mai le uiga

o le ola o le tagata e auauna e aunoa ma ni ona manatu e faaalia. E le tilotilo solo poo

ai e manuia ai, poo le taui e manuia ai na o se toatasi. Ao le ata manino, ia maua le

ola faamaoni, ma ia galue e aunoa ma se vaavaai fua i isi, ae ia fai mo le manuia o ia

ma le ana le galuega.

O le tagata ola faavaivai, e muamua manatu mo se taui mo ia, ma vaai i le

galuega e itiiti ma faatauvaa, ua galo i lenei auauna, e i ai le taimi e faitauina ai le

46

taui o le tau o le galuega sa tuuina atu e galue ai. O le finagalo o le Alii ia maua le

loto faamaoni, ma ia tauivi i mea faigata ona mafai lea ona tatou maua le taui lelei o

a tatou galuega, ma faafaulai mai ona manuia i luga i ai tatou e ala i ana

faamanuiaga.

Tatalo: Le Atua e, ia e aumai le loto onosai ma tauivi e mafai ai ona faatino tiute

ma faiva ua e totofi i ai matou. Amene

Aso Toonai – Oketopa 12: “Mafatiaga ua faailoa.” ( Passion prelude)

Tusi Faitau Luka 19: 28 -48

Matua.f.38: “ua faapea, Ia manuia le tupu o loo maliu mai i le suafa o le Alii, o le

manuia i le lagi, o le viiga foi i mea aupitoaluga.”

Ua aga atu Iesu e asia Ierusalema. O le malaga o loo viia ai e tagata le Alii

mamalu, o le Alii e faaifo i ai manuia o le Atua, ae tatala ai le avanoa mo tagata uma.

Peitai o le malaga o loo faamatala ai mafatiaga o le Alii, ao faapea ona agai atu mo

toe taimi o lana galuega. O mafatiaga o Iesu ina ua ia vaai ma le loto moomoo i lona

nuu, lea na tagi ai o ia ina ua tilotilo ma le alofa ia Ierusalema le aai e ogatotonu ai

tapuaiga, ua faatafunaina. Peitai ua aumaia mo i tatou e le Alii, se ata manino e

mafai ai ona faailoa i le Atua mea o loo mafatia ai o tatou loto, aua o le Atua na te

tali mai i o tatou mafatiaga.

Tatalo: Le Atua e, o oe o le tupu o le filemu ma le tupu e manuia ai tagata uma.

Amene

Aso Sa Lotu Tamaiti

Avanoa paia

Aso Sa – Oketopa 13: “ Mafuta ma a‟u.” (Abide with me)

Tusi Faitau: Salamo 104: 1-9

Matua. f.5: “O le na faavaeina le lalolagi i luga o ona lava faavae, ina ia lē gae‟e e

faavavau faavavau lava.”

O le saafi a le Fai Salamo o loo faailoa ai le mamalu ma le mana o le Atua.

Ao le mana ma le mamalu lea o le Atua o loo iloa i ana mea na fai. O le loto vivii

lea o le fai Salamo, ona o le faaalia o le silisiliese o le Atua foafoa mea lelei. O le

loto talitonu lea o le fai Salamo, o loo ia mautinoa ai ma le talitonu o loo faatasi ma

le Alii. O le Atua e faamamalu ma puipui i le ola o le tagata. O le uiga lea o le

manatu o le faisalamo, o le mafuta ma le Alii e toamalie ai le loto ma talitonu ai pea i

le Atua fai mea sili.

O le mafuta ma le Atua, o le mafai lea ona tatou vaaia i o tatou mata

faalefaatuatua, le atoaga o le silisiliese ma le mamalu le faamatalaina o le Atua e i ai

faatasi ma i tatou, ina ia tatou mautinoa o lona mamalu ma lona mana ua iloa i mea

na ia faia.

Tatalo: Le Atua foafoa, e ogatotonu ia te oe lo matou ola, ia faatumauina lo matou

faatuatua, ma le faamoemoe ola, i taimi matou te le mautonu ai. Amene

47

Aso Gafua – Oketopa14: “O le mamalu o le ano fale.”

Tusi Faitau: Esoto 25: 1- 9 (The glory of the house is hospitality)

Matua:f.8: “Ia latou faia foi mo au se malumalu, ou te nofo ai faatasi ma i latou.

O le saunoaga a le Atua ia Mose lana auauna, e tau atu i tagata Isaraelu, ina

ia fai se fale fetafai e osi ai taulaga i le Atua. Le fale e fai ma taulotoaiga o le soifua

auauna o tagata, ma ia avea o se fale e faaali mai ai le Atua i ona tagata. O le

mamalu o le anofale o le fale, o se tulaga lelei lea e mafai ai ona talimalo le tagata

faatuatua i le Atua e galue mai i lona loto, ma ia mafai ona avanoa ai mo le tuuina

atu o le viiga i le Atua. Ua aoao mai le taua o le ola faitaulaga, ma le ola ofoina atu o

mea lelei mo le Atua, e oo lava foi i lona malumalu, o lea faaalia ai le mamalu o le

Atua, ma afio faalilolilo ai le Atua.

Tatalo: Le Atua e, galue mai lou agaga, ina ia matou faia se fale e te afio ai, ma

maua ai le manuia. Amene.

Aso Lua – Oketopa 15: “O le aiga o le nofoaga o lou loto.”

Tusi Faitau: 2 Samuelu 7: 1- 17 ( Home is where the heart is)

Matua: f.6: “Auā ou te le‟i nofo i se fale talu mai le aso na ou aveina a‟e ai le

fānauga a Isaraelu nai Aikupito, e o‟o i lenei lava aso, a ua ou fealua‟i i se fale ie

ma se fale fe‟avea‟i.”

O le feagaiga i le va o Tavita ma le Atua. Le feagaiga o loo manino ai le

naunau o Tavita e fai mea sili mo le Atua. O le tupu e matau lona loto i le fausia o

se fale mautu mo le Atua, ao se fale e fai ma nofoaga o loto o tagata faatuatua. Na

nofo Tavita i se fale taugata ma matagofie, peitai na ia manatu o le atolaau a le Atua

o loo i totonu o le ie puipui. O lea na naunau ai lona loto e fausia se fale tumau mo le

Atua e fai ma fale e tapena ai loto o le nuu o Isaraelu mo le Atua.

O le naunau o Tavita i le feagaiga ma le Atua, ia manatu ai e fai mea sili

atu, nai lo le poloaiga a le Atua. O lou aiga, o le nofoaga o lou loto, e pei ona faia e

Tavita i le va ma le Atua.

Tatalo: Tama e, faatonu mai, ma aoao mai ina ia ou iloa lou alofa. Amene

Aso Lulu – Oketopa 16: “ Atia‟e i le faatuatua.” ( Built by wisdom)

Tusi Faitau: Salamo 144: 9 -15

Matua: f.12: “ Ina ia avea o matou atali‟i e pei o laau totō ua tupu tele ao

tauleale‟a i latou, o matou afafine ia pei o tulimanu ua togitogiina e pei o se

maota.”

O faamanuiaga e maua e le tagata e atiae ma le loto atoa, ma le faatuatua

mo le Atua ma lona finagalo. O manuia e maua e fanau, ona o galuega lelei sa fai e

matua, ma le loto faatuatua. O le uiga lea o le salamo a Tavita, o le tatalo a Tavita

ina ia manuia tagata e atiae ma le faatuatua, ma faamoemoe i le mana o le Atua, ao

faamanuiaga ia a le Atua o lea ua faaalia i fanau. O le tasi lea uiga taua o le auaunaga

i le taimi nei, aua e fua mai faamanuiaga i fanau. O le laau tatou te toto i le taimi nei

e tupu ma ola lauusiusi i le lumanai, aua e auala mai ai manuia o le Atua.

O se luitau taua foi lea mo i tatou tagata lolotu, ina ia tatou atia‟e le galuega

a le Atua i le loto faatuatua, ma le loto onosai.

48

Tatalo: Le Tama e, faafetai mo au faamanuiaga i o matou aiga, aoao mai ina ia oo

mai o matou taimi matou te auauna ai ma le faatuatua iate oe. Amene

Aso Tofi – Oketopa 17: “ Malamalama mo nuu ese.” (A light for the Gentile)

Tusi Faitau: Salamo 79

Matua: f.1: “Le Atua e, ua o mai nuu ese i lou tofi, ua latou faaaleagaina lou

malumalu paia, ua latou faia Ierusalema ma faupu‟egamaa”.

O le faatafunaina o le malumalu i Ierusalema, o se mea tiga mo tagata

Isaraelu, aua o lo latou fatu lea, ma le ogatotonu o le latou tapuaiga. Peitai ua

mafatia, ma ua latou lagona le oia o latou talitonuga faale-fatuatua i le Atua, ina ua

avea le malumalu ma nofoaga o le faatafunaina. O le palasi o le malumalu, o le ata

manino lea o le faatoilaloina o tagata, aua o tagata o loo ogatotonu i ai le finagalo

fesootai mai o le Atua i lona nuu ma lana tapuaiga

O le faatafunaina o le malumalu i faiga a tagata o nuu ese, o le faatafea foi

lea o tagata i nuu faapaupau, latou te leiloa le Atua, ma avea ma auala o le ola

toilalo. O pese nei na fatu e Asafo, e toe faamatala ai le olopaina o le malumalu, ona

o le le tumau o Isaraelu i le Atua.

Tatalo: Le Atua e, ia avea matou ma auala o le malamalama mo tagata faapaupau,

ina ia latou iloa lou mamalu. Amene

Aso Faraile – Oketopa 18: “O le faamoemoe e faavavau.”

Tusi Faitau: Auega 2: 1-10.” ( Hope springs eternal)

Matua: f.10: “Ua latou nonofo i le „ele‟ele, ua fa‟alologo toeaiina o le tama fafine

a Siona, ua latou tu‟u le efuefu i luga i o latou ulu, ua latou fufusi iā te i latou i ie

talatala, ua punou ulu o taupaou o Ierusalema i le „ele‟ele.”

O le ola toilalo ma le mafatia ua faafesagai ma tagata, ina ua leai se

toamalie i le malosi mai o nuu faapaupau. O le oi ma le tagi a le tagata ua leai se

faamoemoe, o fasaga a le tagata mafatia ua fia maua se fesoasoani. O mafatiaga ua

aafia ai tagata uma, e oo lava i fanau, ua aunoa ma se laveaina. O le tagi a le tusitala

i le Atua, ona o lona alofa ia Ierusalema, ua olopaina i nuu faapaupau.

Peitai e ui ina leai se faamoemoe, sa le mafai ona tutu mamao ai le Atua, e

ui ina ua faatafunaina ma faapologaina, peitai e saunia e le Atua le faamoemoe e

faavavau i le toe foi e faaleleia le nuu ma le malumalu. O le Atua o loo latou

faamoemoe lea na te saunia auala o le faamoemoe ola ina ua salamo ma toe foi i le

Atua. O le faamoemoe e faavavau, oi le Atua lea, aua o ia o le Alii mai le vavau e oo

i le faavavau.

Tatalo: Le Alii, ou te iloa o ou ala, e le o o‟u ala ia, fesoasoani mai ia ou malosi i

taimi faigata, ma ia tuuina atu o‟u faamoemoega uma ia te oe. Amene

Aso Toonai – Oketopa 19: “ Sasae ma sisifo e sili lava le aiga.”

Tusi Faitau: Sakaria 8: 1 -17 ( East, West, home‟s best)

Matua:ff.7-8: “O lo‟o fa‟apea ona fetalai mai o le Alii o „au Faauta “ Ou te

fa‟aola i lo‟u nu‟u mai le nu‟u e alu a‟e ai le la ma le nuu e alu ifo ai. Ou te aumai

na i latou, latou te nonofo ai i totonu o Ierusalema e fai foi i latou mo‟u nuu, e fai

foi a‟u mo latou Atua i le fa‟amaoni ma le amiotonu.”

49

O le vavalo a le perofeta o Sakaria i le nuu o le Atua, o loo aumai ai se ata

manino o faamanuiaga e maua e le nuu e usitai ma faalogo i le Atua. O manuia o le

Atua e le mafai ona aveesea mai le tagata ma le nuu ua finagalo le Atua e tuuina atu i

ai. O le uiga taua lea o loo faamatala mai e lenei matua, poo fea tatou e te agai i ai, o

le aiga e maua ai manuia, o manuia o le Atua o loo taoto i totonu o lona lotoifale

faaleaiga, ma ona eleele. Ao faamanuiaga ia e maua e le tagata e faalogo ma usitai i

le Atua ma lona finagalo.

Tatalo: Le Alii e, faatele lo‟u faatuatua ma faamalosia lou ola talitonu, pe a o‟o mai

taimi faigata, ia ou iloa pea lou alofa ia te au. Amene

Atia‟e ma toe Atia‟e

O le fale o le tino ma ma‟a

Aso Sa – Oketopa 20: “Fausia aua le talepeina.” (Building up not tearing down)

Tusi Faitau: Ieremia 24: 1 -7

Matua: ff.5-6: “Ua fa‟apea ona fetalai mai o le Alii le Atua o Isaraelu. E pei o ia

mati lelei, e fa‟apea ona ou fa‟ailogaina le tafeaga o Iuta, ua ou auina atu nai lenei

mea, ai le nuu o Kaletaia, ina ia lelei ai i latou. Ou te fa‟asaga atu ou mata ia te i

latou, ia lelei ai ma ou fa‟afoisia mai i latou i lenei nuu, ou te atinaae i latou, ae le

lepetia, ou te totoina i latou, ae le liaina.”

O le fausiaina e le Atua o tatou olaga, e faaogaina ai e le Atua auala, e lei

mafai ona oo i ai manatu o tagata. O auala e manatu mama, ma manatu faatauvaa i

ai le tagata, ao auala na e mafai ai ona fausia se isi lumanai lelei ma le manuia e le

Atua, ina ia mafai ai ona liliu le olaga tuai i le olaga fou, ma avea ma tagata aoga mo

le Atua ma lona finagalo. E le mafai ona talepeina e le Atua lo tatou va lelei, ae avea

i tatou ma auala o le fausia o olaga o tagata, ina ia mafai ai ona iloa le ola faatuatua,

ma le matau i le Atua i fausaga faaleagaga ua faamautuina e le Atua i totonu o tatou

olaga.

Tatalo: Fesoasoani mai le Atua, ina ia ou mautinoa lou mafuta mai i lou olaga, e

mafai ai ona fausia mea lelei e le gata mo au, ao latou o loo siosiomiaina au. Amene

Aso Gafua – Oketopa 21: “Tau o atina‟e lelei.” (The cost of building well)

Tusi Faitau: Sapakuka 2: 6 -14

Matua:ff.12-14: “Oi talofa i lē na te faia aai i le toto ma faatumauina se aai i le

amioletonu. Aua e tumau le lalolagi i le malamalama o le mamalu o le Alii faapei

ona ufitia o le iliti tai i le suasami.”

O loo tautala Sapakuka i le uiga taua o le auaunaga, ma faatinoga e faia ma

le amiotonu, aua e iloa ai faamanuiaga a le Atua, i mea ua tatou taumafai e atiae ma

le agaga atoatoa. O le malamalama o le pupula o le Alii, o loo faailoa ai le taua o le

faia o mea uma ma le faatuatua i le Atua.

Poo fea lava e taumafai le tagata e faaofi atu i ai ana faatinoga ma ana

gaioiga soona fai i mea ua lelei ona faataoto e le Atua, e le mafai ona suia ai le

faatumuina pea o le lalolagi e le Atua i lona mamalu silisiliese. O le Atua na te

faaalia taui lelei o mea tatou te faia, aua o lona Agaga o lotolotoi faatasi ma mea lelei

ma atinae tatou te faia.

50

Tatalo: Le Atua e, fesoasoani mai ina ia ou amanaia meaalofa ua e aumaia ia te au,

ma ia ou iloa ona amanaia i latou na aumaia nei meaalofa. Amene.

Aso Lua – Oketopa 22: “ Miti mo se lumanai manuia.”

Tusi Faitau: Neemia 1:1 -11 (Dreams of a better tomorrow)

Matua: ff.10-11: “O au „au‟auna ia ma lou nu‟u ua e fa‟aolaina i lou mana tele,

ma lou „a‟ao malosi. Le Ali‟i e, ia e fa‟afofoga mai i le tatalo a a‟u lau au‟auna, ma

le tatalo a au auauna, o ē fia matata‟u i lou suafa, ma ia e fa‟amanuia lava i lau

auauna i le aso nei.”

O le tatalo a Neemia i le Atua ia alofagia sa Iutā. Ao se tatalo na avea ma

miti, ina ia faafoi le malosi i tagata e mafai ai ona toe fausia se lumanai manuia mo a

latou auaunaga i le Atua. O le tatalo, ua avea o ni miti taua e faaleo ai lagona ma

manatu i le Atua, mo se faamoemoe e faaleleia le lumanai manuia o aiga, nuu, ma

ekalesia. O a tatou miti, e mafai ona moni ina ua tatou lagonaina le mafuta mai o le

Atua, e avea ai a tatou miti ma lumanai manuia o aiga ma fanau. O nisi taimi tatou te

faaleoina a tatou miti i tatalo ma le loto i luma o le Atua, ina ia faamanuia mai ia

tatou taumafaiga ia maua ai se lumanai manuia.

Tatalo: Le Atua ia e faaogaina a matou miti mo le manuia o le lumanai ina ia

lagona i o matou loto lou mafuta mai. Amene

Aso Lulu – Oketopa 23: “O le nofoaga ua ofo mo le Atua”

Tusi Faitau: Neemia 12: 27 -30 (A place dedicated to God)

Matua: f.27: “O le fa‟asāina foi o le pā o Ierusalema ua latou sā‟ilia sa Levī i o

latou „a‟ai uma, e aumai iā te i latou i Ierusalema, e fai le fa‟asāina o le pā ma le

fiafia, ma fa‟afetai ma pese, ma sumepalo, ma napeli, ma kitara.”

O le mea ua ofoina mo le Atua, ua tu‟uina atu i le loto ma le mafaufau, ma

ua le toe aiaina e le tagata. O le mātafaioi lea a le tagata „auauna mo le Atua, o le

taumafai ia ofoina se mea lelei ma le atoatoa mo le Atua, e fai ma mea totino a le

Atua. O mea ua ofoina mo le Atua, o le fa‟ailoga lena o le ola ua manino i le alofa

sasa‟a mai o le Atua, ma fa‟atamaoaigaina ai le tagata.

O lo tatou ola tautua i le Atua ma lona finagalo, e tiga ma faigata, peitai o

ia tiga, ua uma ona saunia e le Atua auala e aveese ai, ina ia mafai ona fa‟avanoaina

pea o tatou loto e ofoina le mea sili e lelei mo Ia.

Tatalo: Le Atua foafoa, e faaalia i mea uma o lenei lalolagi, fesoasoani mai ina ia ou

iloa lou mamalu e tuuina atu ai la‟u auaunaga mo oe. Amene

Aso Tofi – Oketopa 24 : “Fausia le malumalu o le Atua.”

Tusi Faitau: 1 Korinito 3: 10 -17 (Building the temple of God)

Matua:f.10-11: “E tusa ma le alofa o le Atua na foa‟ina mai iā te a‟u, e pei o se

autū o tufuga e poto, na ou tu‟u le fa‟avae, o le tasi foi o lo‟o ati a‟e. Aua e lē

mafaia e se tasi ona tu‟u se isi fa‟avae i le „ua uma ona tu‟uina, o Iesu le Kerso lea.”

Ua avea le malumalu ma ata faafaatusa o le faavae o le fausiaina o le tagata

fou, e pei ona faaogaina e Paulo. E soo se fale lava e fausia, o le itu mautinoa ia

malosi lona faavae, aua o iina o loo taofia le fale atoa. O le faavae mautu o le ola o

le tagata, o Keriso Iesu. O Iesu o ia o le tufuga lima lelei ma le poto, o loo ia aumai

51

moi tatou mea lelei uma e mafai ai ona fausia o tatou tagata, ia mautu lo tatou

faatuatuaga ma le talitonuga i le Atua.

O le avea oi tatou ma malumalu paia o le Atua, o le nofoaga mo le loto

faafetai, ma le viiga, faatasi ai ma le tuuina atu i le Atua o a tatou faatinoga lelei mo

lona finagalo.

Tatalo: Ou te tuuina atu le mea sili mo oe le Atua, e fausia ai o matou olaga, ina ia

viia ai lou suafa. Amene.

Aso Faraile - Oketopa 25: “ Meaalofa mo isi.” (Gifts for others)

Tusi Faitau: 1 Korinito 14: 1- 5

Matua:f.1, 3, 4: “Ia outou tausisi i le alofa, ia naunau foi i nisi meaalofa

fa‟aleagaga aemaise lava ia mafai e outou ona perofeta ane, a o lē perofeta ane e

tautala ia i tagata ina ia fa‟amafanafana ai, ma poapoa‟i ai ma fetōmai ai. O lē

tautala i le gagana uiga ese e fa‟amafanafana e ia iā te ia lava, a o lē perofeta ane,

e fa‟amafanafana ia i le ekalesia.”

O le ola faasoa e maua ai meaalofa taua aua le ola agai i luma. O le faasoa

lea e mafai ai ona tatou iloa manino ai lo tatou tulaga faaleagaga. O le tele o nisi

meaalofa lelei, o loo mafai ona aumai e le ola faasoa, ma le ola fetufaai i manatu ma

lagona. O le tasi lea uiga faale-Atua, o le ola faasoa ma fetufaai i manatu ma lagona

e maua ai le ola.

O se faamanatu lelei lea mo le ola ma le soifua o tagata kerisiano, ia mafai

ona faasoa i mea e ola ai le agaga. Ia maua e le fetufaaiga, uiga lelei e manino ai la

tatou vaai atu i le Atua na alofa mai ia te oe ma au. O lo tatou femulumuluai i lagona

ma manatu lelei ma anoa, o loo i ai faatasi ma le agaga o le Atua.

Tatalo: Le Alii e faailoa mai ia ou manino i au meaalofa, ina ia ou iloa ona faaaoga

tatau, Amene.

Aso Toonai – Oketopa 26: “ Ia mautinoa le lumanai.”

Tusi Faitau: 1 Peteru: 2: 1-5. ( Letting your potential be realized)

Matua:ff.4-5: “Ia outou ō mai ia te ia, o le ma‟a ola o ia na lafoa‟iina e tagata, a

„ua filifilia e le Atua, ua tāua lava. O outou foi ua atiina a‟e outou e pei o ma‟a ola,

o le fale fa‟aleagaga, o le au ositaulaga pa‟ia, e avatu taulaga fa‟aleagaga e malie i

le Atua ona o Iesu Keriso.”

E feagai i tatou ma faigata ona o le ola auauna, peitai o loo tuuina mai

lapataiga i ai tatou, ina ia tumau pea lo tatou faatuatuaga ia Iesu Keriso, o ia o le Alii

toe tu, e maua ai faamoemoega lelei. O le taulaiga o puapuaga o le au Faatuatua ona

o Iesu, o loo manino ai lo latou lumanai manuia pe afai e tumau le ola faatuatua e

saunia ai se lumanai saoloto mo i latou.

Tatalo: Le Atua e, ua silasila mai ia te au, ia ou iloa lou alofa e mautinoa ai lou

lumanai manuia. Amene

52

Faitauga mai le tusi a Rona

E le ma le Tala Lelei

Aso Sa – Oketopa 27: “ Malosi e le toilalo.” ( Unashamed power)

Tusi Faitau: Roma 1: 1-17

Matua: f.16: “Auā ou te lē ma i le Tala Lelei iā Keriso, auā o le mana lava lea o le

Atua e ola ai i latou uma o ē faatuatua, e muamua le Iutaia atoa ma le Eleni.”

O le mana o le Tala Lelei, o se malosi e le mafai ona toilalo, aua o iina o

loo fusia ai i tatou i le mana mafuta mai o le Atua. O lo tatou ola faaaogaina mo le

Atua, o le faaali atu lava lea o Iesu i nisi tagata, ma o avanoa ia o le Tala Lelei e iloa

ai lona silisiliese. A oo ina fesouaina lo tatou ola i mafatiaga ma tiga o le soifua

auauna, ona tatou iloa lea o loo i ai lo tatou malosi uiga ese e le toilalo, o Iesu Keriso

lea.

Peitai o lo tatou faatuatuaaga e le nao galuega faatino, ma se ola auauna

faatauvaa mo le Atua. Ao le faatuatua ia Keriso le ao o le Tala Lelei, tatou te le

māmā ai ma toilalo e faailoa atu lona silisiliese i le lalolagi, ma ia ola i totonu ia te i

tatou, ma manumaloina lo tatou ola toilalo e ala ia Iesu Keriso ma lona maliu.

Tatalo: Le Alii, ia liliuina lou ola e le malosi o lau Afio, ina ia ou malosi ai, ma

fiafia. Amene

Aso Gafua – Oketopa 28: “ Iloa mautinoa.” ( Visibly known)

Tusi Faitau: Roma 1: 18 -32

Matua:ff.21-25: “Auā fo‟i na iloa e i latou le Atua, a ua lē vivi‟i ma fa‟afetai atu iā

te ia, ia tusa i le Atua, ae peitai ua fa‟avaleleaina i latou i lo latou tau masalosalo,

ua faapouliuligia foi o latou loto vālea, oi latou ia o ē ua fesuia‟i le upu moni i le

Atua ma le upu pepelo, ua latou matata‟u foi ma „au‟auna i mea na na faia, o ia o

lē viia e fa‟avavau . Amene”

Aua le galulue masalosalo. Aua le faalotoloto lua. Ia aveese foi le ola le

mautonu. Ae ia faia mea uma ma le loto faatuatua faamoni ona faamanuia mai ai lea

o le Atua. O le mautinoa o le iloa o le Atua, o le mautinoa foi lea o lo tatou talitonu

o faamanuiaga a le Atua sautualasi e liligi mai i o tatou luga,e le aunoa, ona o le ola

ua mautinoa, e soifua pea le Atua.

Tatalo: Ia faafetai lau Afio e faavavau, ona o au meaalofa o loo matou maua e

mautinoa lo matou lumanai manuia. Amene.

Aso Lua – Oketopa 29: “E tamaoaiga le Atua.” ( God‟s riches)

Tusi Faitau : Roma 2: 1-16

Matua: ff.2-4: “Ua tatou iloa fo‟i, e tatau lava ma le upu moni le faamasinoga a le

Atua i ē fai mea faapena. Po ua fa‟atauva‟a ea iā te oe le faula‟i o lona agamalū,

ma lona fa‟apalepale, ma lona onosai, o loo e lē iloa e ta‟ita‟iina oe e le agamalu o

le Atua i le salamo.”

O tusitusiga a le Aposetolo o Paulo, o loo faaalia ai le faamasinoga tonu a

le Atua. O le faamasinoga tonu lea a le Atua, o loo faaalia ai le tamaoaiga o lona

finagalo alofa i tagata, e mafai ai ona iloa e tagata uma lona mamalu ma lona

silisiliese. O le tatou taumafai e faamasino atu, e mafai ai foi ona tatou iloa foi o

53

tatou tagata moni ma lo tatou foi ola o loo tatou ola ai. O le tamaoaiga faale-Atua e

faaalia i le moni ma le amiotonu o lana faamasinoga, ina ia mafai ai ona avea i tatou

ma tagata moni e auauna ma le amio mama i le Atua.

O le agamalu o le Atua, o lona lea finagalo e mafuta mai mo tagata uma,

ina ia lagona ai e le tagata lona mafuta atu i le Atua i le loto atoatoa, ma le ola ua

faapaiaina. O tamaoaiga o le Atua e le faasoa mai e pei ona faasoa mai e le lalolagi,

ae na te aumai i lona lava finagalo faitoatasi.

Tatalo: Fafetai le Alii, i lou faamanatu mai, aua nei o matou faamasino atu, a ia

lagona le loto salamo ma talitonu i lou alofa. Amene.

Aso Lulu – Oketopa 30: “ Faaolataga a Iesu.” ( Jesus redemption)

Tusi Faitau Roma 3: 21-31

Matua: f.21-22: “Ao lenei ua fa‟aalia mai le amiotnu a le Atua e le o i ai i le

tulafono, ua molimau i ai e le tulafono atoa ma le au perofeta. Aua ua agasala

tagata uma lava, ma ua le o‟o i le mamalu o le Atua.”

O le taumafai a le Aposetolo e tau atu i tagata, o le tauamiotonuina i le

faatuatua, o le auala lena i le faaolataga a le Atua. E ui o tatou o tagata agasala, a ua

avea le maliu o Iesu Keriso, e fai ma auala o lo tatou faatuatua, e mafai ai ona tatou

maua le faaolataga a le Atua. O lona alofa tunoa, ua mafai ai ona laugatasia i tatou

uma, pe afai tatou te faatuatua ma talitonu i lona suafa paia, o le suafa e mafai ai ona

faasaolotoina i tatou mai le loloto o le agasala. O le tauamiotonuina oi tatou i le

faatuatua, o lo tatou manino ma le talitonu i le alofa tunoa o le Atua.

Tatalo: Le Atua e, ua matou lagona le fiafia ona o lau faaolataga ua matou ola ai.

Amene.

Aso Tofi – Oketopa 31: “Alofa tunoa ma le faamoemoe.” (Grace and hope)

Tusi faitau: Roma 4: 13-25

Matua: ff.16-18: “O le mea lea e maua ai i le fa‟atuatua le mea na folafolaina, ina

ia maua i le alofa tunoa, ina ua tumau lea i le aiga uma lava, e lē tuli i lē ua i le

tulafono ae o‟o i le ua i le fa‟atuatua o Aperaamo, o le tama o ia o i tatou ua lava.

Na ia faatuatua ma le faamoemoe, ae ua leai se mea e faamoemoe i ai ina ia avea o

ia ma tama o nuu e tele, e pei ona fetalai mai ai, e faapea lava lau fanau.”

O le olaga e faalagolago i mea e le o vaaiga, o le faamoemoe a lea i le

Atua. O le faasinoga lena mo le ola i le Alofa Tunoa o le Atua, e mafai ai ona tatou

iloa le finagalo moni o le Atua mo i tatou. O le tauamitonuina o Aperaamo i le

faatuatua o loo tatou gafa soo afa lea o le tala lelei, e mafai ai ona luitauina o tatou

olaga faale-faatuatua, ina ia tatou iloa ai le ola i tala atu o lenei ola, e ala i o tatou

mata faale-agaga.

O folafolaga a le Atua ua tuuina mai, e nao le faatuatua e mafai ai ona tatou

talia, ina ua moni lo tatou talitonu i lona alofa tunoa. O le alofa tunoa o le Atua, o le

mea foaifuaina mai mo oe ma au.

Tatalo: Ia avea lou tamaoaiga na te aumai lou mamalu i a i matou e iloa ai lou alofa

tunoa ma faamoemoe i ai e ala i le fatuatua. Amene.

54

Aso Faraile – Novema 01: “O le Fa‟aleleiga” Reconciliation

Tusi Faitau: Roma 5:1-11Reconciliation - “Aso o le Au-Paia”

Matua: ff. 1-2,11:“ O lea ua tatou lelei ai ma le Atua, ona o lo tatou Ali‟i o Iesu

Keriso; o ia fo‟i ua tatou maua mai ai le ta‟ita‟iga i lenei alofa tunoa, tatou te i ai i

le fa‟atuatua; o lo‟o mitamita fo‟i i tatou ma le fa‟amoemoe i le manuia mai le Atua.

O Ia ua tatou maua mai ai nei le leleiga.”

I le mafutaga ma le Atua, ua mafai ona „una‟ia i tatou i totonu o se lalolagi

fou o manuia ma lona filemū, e o‟o lava i fa‟afitauli tūga e fa‟amata‟u i o tatou

olaga: O le alofa tunoa e fa‟ateleina le manuia mo le lumana‟i ma tumau ai pea i lea

fa‟amoemoe, e tusa lava po‟o tofotofoga ma faigatā o le olaga. E foliga mai o le

fa‟aleleiga ma le Atua, na amataina e le alofa o le Atua ia i tatou ina ia o tatou taofi i

lona paia ma le loto fiafia. Le Atua e paia, auā ua na o Ia e mafai ona vala‟auina i

tatou mo lenei fa‟aleleiga.

Ua mafai ona tatou maua le mautinoa ma le atoatoa o le alofa tunoa o le

Atua, ina ua tatou maua le mafutaga vavā lālata ma le Atua Paia. Le Atua na amata

mea i le fa‟aleleiga o le mafutaga o le tagata ma Ia e ala i lona Alo o Iesu Keriso; le

fa‟aleleiga na matala ai faitoto‟a o le ola manuia, ina ua tatou fa‟amoemoe i le tunoa

o lona alofa; tusa lava pe āfea i tatou i tofotofoga ma faigatā o le ola.

Tatalo: Le Tamā e, ia avea ia le maliu o lou Alo o Iesu Keriso e fai ma fa‟aleleiga

mo lau fanau agasala, ma matou maua ai se amataga fou i o matou olaga ma maua ai

le manuia ma le filemū o lau afio e fa‟avavau. Amene.

Aso Toonai –Novema 02: “Fa‟ateleina Meaalofa” Overflowing gift Tusi Faitau: Roma 5: 12-21

Matua: ff.20b-21: “Peita‟i ua silisili lava le alofa tunoa, ina o fa‟ateleina le

agasala. O lenei, e pei ona malo o le agasala e o‟o i le oti, fa‟apea fo‟i ona malo o

le alofa tunoa e le amiotonu e o‟o i le ola fa‟avavau, i lo tatou Ali‟i o Iesu Keriso.”

O taimi sili ona faigata o le ola, ina ua tatou taumafai e puipui i o tatou lava

tagata, ae maise ai o mea e patino ia te oe. O fa‟atinoga e i‟u ina a‟afia ai lou tagata i

le fa‟atinoina o se soliga-tulafono ma fa‟aseseina ai ou manatu.

A o le alofa tunoa o le Atua e mautinoa ai le lelei atoatoa i le ola o le tagata

e na te fa‟asa‟olotoina ona lagona; mai i le leai o se fa‟amoemoe, ina ia tupu ai ni

manatu fou. Le alofa o le Atua e ala i a Iesu liutino tagata e fai ma ogatotonugalemū

o le ola ma le alofa e tapenaina i tatou. Tatou liliu i a Iesu o Ia e fa‟ateleina meaalofa

o le ola tatou te maua.

Tatalo: Matou fa‟afetai i le ola e pei ona fa‟asoa mai e Iesu Keriso mo i matou e ala

i lona maliu ma lona toe soifua mai ina ia ola le lalolagi uma. Ia matou fa‟aauau e

fa‟ailoa le alofa tunoa o Iesu e ala i le Agaga e lotolotoi ma i tatou. Amene.

Faitauga mai le Roma 1-8 2- Novema o le Ola fou

Newness of life November

Aso Sā –Novema 03: “Oti i le agasala, Ola i le Atua” Dead to sin, alive to God.

Tusi Faitau: Roma 6: 1-14

55

Matua: ff.6-8 “ Ua tatou iloa lenei mea, na fa‟asatauroina fa‟atasi ma ia lo tatou

tagata tuai, ina ia fa‟aumatia ai le tino o le agasala, ina ia le toe fa‟apologaina i

tatou i le agasala. Auā o le ua oti ua tu‟usaunoa ia nai le agasala. Afai fo‟i ua oti

fa‟atasi i tatou ma Keriso, ua tatou taofi, tatou te ola fa‟atasi ma ia.”

O le tasi o lagona to‟ilalo i le soifua o le tagata, o le fa‟amalieina lea o ona

manaoga. E i ai taimi e tatagi leotele ai le fa‟ailoalarm e te ala ai luga ma tapena

mo galuega o le aso. Peita‟i e taumafai lava ou lagona e fa‟amalieina, ma i‟u ai i le lē

fa‟atāuaina o le fa‟ailo, ae taumafai e fa‟amalie le ola fia moe ma le mana‟o ia

fa‟amalieina.

E foliga fa‟apea se lagona o lo‟o fa‟amatalaina e Paulo i le mataupu lenei

ma fa‟asolo ai i nisi o mataupu i luma atu. O le fa‟amatalaina o le fete‟enaiga i

manaoga i le amio lelei ma le leaga, o mea tatou te maua i le taimi nei ma le Ola i le

Atua. Ua finau malosi mai Paulo ina ia o tatou tete‟e atu i nei uiga masani e to‟ilalo

ma fa‟aleagaina o tatou lava tagata ma nisi, atoa ai fo‟i ma le mafutaga a i tatou ma

le Atua. O le taumafai e tete‟e atu ma le malosi i nei lagona faia‟ina, o le fa‟amatu‟u

atu lea o ni lagona to‟ilalo ina ia fa‟aolaina i tatou uma i le ola fa‟aeaina mai le Atua.

Tatalo: Le Atua e, fa‟asa‟olotoina mai i matou mai mea e faia‟ina ai i matou, ina ia

o matou maua le sa‟olotoga e tumau ai i lau afio, ma ia tau lava ua na o lau afio.

Amene.

Aso Gafua: Novema 04: Sa‟oloto mai le agasala, Pologa o le Amiotonu”

Tusi Faitau: Roma 6: 15-23- Freedom from sin, slave of righteousness Matua: ff. 17-18 “ A ia fa‟afetai i le Atua, e ui lava ina fai outou ma auauna a le

agasala, a ua outou gaua‟i nei ma le loto i le fa‟aa‟oa‟o o le mataupu na tu‟uina atu

ia te outou. Ua tu‟usaunoa fo‟i outou nai le agasala, a ua fai ma auauna a le

amiotonu.”

Ua tatou masani i le va‟aiga i nisi ua ofoina atoa o latou ola i le Atua, ma

ua agava‟a ai o latou fa‟alagina o tagata paia, ae maise ai le lē fesiligia o le latou

auaunaga. E atagia i a latou upu, galuega, atoa ai ma mafaufauga. Ua faa‟aogaina e

Paulo le fa‟atusa o le pologa e fai ma fa‟atusa o le tagata ma lona natura fa‟aletagata.

Afai ua atoa lo tatou ola ofoina mo le Atua, ona sa avea i tatou ma pologa a le Atua,

atoa lo tatou usita‟ia o le finagalo o le Atua. Tatou te le atoatoa i nisi o taimi, e i ai

fo‟i taimi e sēse ai a tatou fa‟atinoga.

I le Feagaiga Fou, e lē na o kerisiano ua ave i ai le fa‟alagina o tagata paia,

ae ua mo so‟o se tasi ua i ai i totonu o le mafutaga o le feagaiga fou ma le Atua. E le

fa‟apea ua paia i tatou ina ua tatou atoatoa, ae ona o i tatou ua filifilia e le Atua

Paia. E sēse pea i tatou, peita‟i e fa‟asa‟olotoina i tatou ina ua ofoina atu o tatou mo

le Atua.

Tatalo: Le Atua e, fa‟afetai i le tunoa o lou alofa, ua filifillia ai i matou ma avea ma

tagata paia. Ia aua ne‟i avea ma matou vi‟iga, a ia matou fa‟ailoa lou mamalu na

vala‟auna i matou. Amene.

Aso Lua: Novema 05: “Sopo atu ma le ripine mūmu”

Tusi Faitau: Roma 7: 1-12 Cutting through the red tape

56

Matua: f. 7: “O lenei, se a ea sa tatou upu? O le agasala ea le tulafono? Aua ne‟i

fa‟apea. E moni lava, ana le seanoa le tulafono, po ua ou le iloa le agasala; auā ana

le fai mai le tulafono, aua e te tu‟inanau, po ua ou le iloa le tu‟inanau.”

O le fa‟amoemoe o le tulafono, ina ia laugatasia ai tagata uma. E pei ona i

ai toniga o fanau aoga, o le fa‟amoemoe ina ia maopo‟opo ma tasi uma le fanau i se

va‟aiga e tasi. Peita‟i e i ai lava ese‟esega i lea fa‟amoemoe. A‟o le ese‟esega ua

mafua mai luga o le natura fa‟aletagata, e tatau lava ona sopo atu i luga o se tulafono

fausia ma avea ai ma mea e tutupu ai feese‟eseaiga.

O le manatu o Paulo, e mana‟omia le tulafono e fa‟amatalaina le uiga o le

agasala ina ia manino i tatou, ae maise ai o le tulafono e ta‟ialaina i tatou i amioga

ma uiga fa‟ale-Atua. Afai o i tatou o pologa o le ola fou i la le Agaga, ua tatau fo‟i

ona tatou malilie i se itu e tasi e mafuli uma ai. E pei o le alofa i le Atua ma alofa i

lou tuaoi, a tatou malamalama i nei mea ona faigofie foi lea ona tatou tausi‟usi i

manatu fa‟avae ma tulafono tusia, e aunoa ma le sopo i luga atu.

Tatalo: Matou tatalo mo le au fai-tulafono ma e fa‟amalosia le tulafono. Tatalo fo‟i

mo i latou ua taotaomia o latou „aia tatau ona o le tulafono.Amene.

Aso Lulu: Novema 06: “A fiafia le Agaga, ae vaivai le tino”

Tusi Faitau: Roma 7: 13-25 (When the spirit is willing, but the flesh is weak Matua:ff. 19-20: “Auā ou te le faia o le mea ou te loto i ai, a o le mea leaga ou te le

loto i ai, o le mea lea ou te faia. Afai fo‟i ou te faia le mea ou te le loto i ai, ua le o

a‟u e toe faia, a o le agasala o lo‟o nofo i totonu ia te a‟u.”

E tofu lava le tagata ma ona vaivaiga fa‟aletagata, o vaivaiga e mafai ona

sosofaina le nonofo filemū ma le fetausia‟i. O le tele fo‟i o nei vaivaiga e mafua ina

ua tatou fa‟apea ifo, ua tonu lava i tatou i o tatou lava manatu. E fa‟apena fo‟i se

lagona o le aposetolo o Paulo, e lu‟i pea i tatou ina ia pei o e ua ofo lo latou ola mo

le Atua, ae manatu Paulo e le faigofie e pei ona mafaufauina. E tupu le loto tigā i a i

tatou lava ona o ia lagona.

Sa feagai fo‟i Paulo ma ona ia vaivaiga, peita‟i sa avea o ia ma tagata

fa‟amaoni e usita‟i ma faia le finagalo o Iesu, ma ola ai i le finagalo o le Atua. O le

tagata ola e mafai ona ta‟utino ma tu‟u lona ola mo le Atua, ae mafai fo‟i ona

ta‟utino atu i le agasala. Mai nei vaivaiga ma ta‟utinoga, o a ni ou lagona ina ua

manumalo ou lagona fa‟ale-Atua.

Tatalo: Le Atua fa‟amagalo, ua fia avea a‟u ma so‟o e fa‟atuatua i lau afio, ae feagai

pea ma faigata o le ola e o‟o mai. E fai‟aina pea i le fa‟atinoina o le alofa, ae matou

te fa‟afetai pea i lau afio ona o le tunoa o lou alofa. Amene.

Aso Tofi: Novema 07: “Tamafai i totonu o le aiga o le Atua

Tusi Faitau: Roma 8:1-17 Adopted in the family of God

Matua: ff. 15-16: “Auā ua outou le maua le agaga o le pologa, e toe fefefe ai; a ua

outou maua le agaga o tamafai, tou te vala‟au atu ai “Ava le Tamā e!” O lo‟o

molimau mai lea lava Agaga i o tatou agaga, o fanau i tatou a le Atua.”

O le papatisoina o se tagata, o le taliaina lea i totonu o le li‟o o le aiga o le

Atua. O le fa‟amoemoe maualuga o le fa‟atinoina o le Sakarameta o le papatisoga, o

57

le amanaiaina lea o se tagata ma taliaina ma le agaga fiafia i totonu o le li‟o o le aiga

o le Atua e ala i lana ekalesia. Ma o le a avea fo‟i lena tagata ma fanau a le Atua.

E tele lagona tāua e uiga i lea manatu, peita‟i o le fa‟amoemoe e ao ina

manino; o le taliaina o le molimau a le Agaga i o tatou tagata. O le avea ma tamafai,

ua mafai ai ona e vala‟auina i laua o tamā ma tinā. E fa‟apena fo‟i i le avea o i tatou

ma totino o le aiga o le Atua ma tatou fa‟apea atu ai “Ava le Tamā e,” o lona uiga ua

tatou taliaina o tatou tagata e avea ma fanau a le Atua.

Tatalo: Tatalo mo lau papatisoga ina ia manino lona tāua, ae maise ai le taliaina o

lau fanau i totonu o lou aiga mamalu. Avea lou Agaga Tamā e fai ma molimau ola

mo e ua papatisoina. Amene.

Aso Faraile: Novema 08: “Afai e le tali le tatalo.”

Tusi Faitau: Roma 8: 18-30When prayer simply won‟t come Matua: ff. 26-27a: “E fa‟apea fo‟i le Agaga ona fesoasoani mai i lo tatou vaivai;

auā tatou te le iloa mea tatou te ole atu ai ma le tusa, ae peita‟i o le Agaga, e fautua

o ia mo i tatou i le oi e le mafai ona talatalaina. A o lē su‟esu‟e i loto, ua silafia e ia

le finagalo o le Agaga.”

O le ola tatalo; o le so‟otaga latalata lea o le tagata i le Atua. E mafai ona

tatou fa‟atinoina le ola tatalo e feso‟ota‟i atu ai i le Atua, ae a ē o loto mafatia. E i ai

fo‟i taimi tatou te lagona ai lo tatou fa‟atauva‟a ma sola ai manatu e saili atu ai i le

Atua i le tatalo ona o ni mea matuiā e tutupu i le olaga, ma puaoa ai lo tatou mafuta

atu i le Atua i le tatalo.

A ua molimau Paulo i le tāua o lo tatou iloaina o lo tatou fesoasoani. Le

Agaga o le Atua e na te silafiaina o tatou manatunatuga lilo. Pe tatou te fa‟aleoina

po o le lē lava fo‟i o tatou upu e fa‟aleo ai le tatalo, pe leoleoa fo‟i lo tatou augani

atu i le Atua; e fa‟afofogaina lava i tatou e le Atua e ala i le galuega fesoasoani a le

Agaga o le Atua.

Tatalo: Tatalo i le Atua mo i latou ua le maua le filemu olau afio ma lē mautonu

olatou manatu, ua le mafai ai ona latou mafuta atu i lau afio e ala i le ola tatalo.

Tatalo fa‟afetai mo i latou o manatuaina o tatou taimi faigatā ma tu‟uina atu i luma o

le Atua i lo latou ola talitonu. Amene.

Aso Toonai: Novema 09: “Avea ai ma tagata” On being „only human‟ Tusi Faitau: Roma 8: 31-39

Matua: ff.38-39: “Auā ua ou mautinoa, e lē mafaia e le oti, po o le ola, po o agelu.

Po o ali‟i, po o e malolosi, po o mea i nei ona po, po o mea atalī, po o le maualuga,

po o le loloto, po o se tasi mea na faia. E le mafaia e ia mea ona fa‟ate‟aeseina mai i

tatou i le alofa o le Atua, o lo‟o ia Keriso Iesu lo tatou Ali‟i.”

O tatou ua na o ni tagata, e i ai o tatou la‟asaga fa‟atulagaina. E i ai taimi

tatou te sosopo atu ai i ia la‟asaga ma sēse ai a tatou fa‟ai‟uga, ona o i tatou ua na o

ni tagata e i ai vaivaiga i le natura fa‟aletagata. Peita‟i e mafai ona tatou faia se mea

e sili atu ma lelei ina ua tu‟u atu o tatou tagata i a Keriso. Sa liutino tagata ma ola

fa‟atasi i le lalolagi agasala. Sa ia manumalo mai ai e ala i lona ola ua ofoina atu mo

le lalolagi agasala.

58

Iesu ua ia aumaia i tatou i le mafanafana ma le mamalu o le Atua, e ui o le

natura o le tagata e sēse pea, e i ai fa‟atasi pea le Atua ma i tatou. Le mamalu ma le

malosi lena o le Atua e avatu ai i tatou i le aiga o le Atua. Auā o i tatou o tagata o le

aiga o le Atua, ma e leai se tasi e mafai ona ave‟eseina i tatou mai totonu o le aiga o

le Atua.

Tatalo: Fa‟afetai le Atua, auā e ui i le tele o mea fa‟aletonu o le ola o le tagata, e i ai

fa‟atasi lava lau afio ma i matou. Fa‟afetai ona o Iesu , ua mafai ai ona maua le

mafutaga e fa‟asoa mai ai le malosi matou te tautua ai i lau afio. Amene.

Aso Sā: Novema 10: “Sili lona suamalie i le meli” Sweeter than honey. Tusi Faitau: Salamo19: 9-11

Matua: ff.9b-11: “O fa‟amasinoga fo‟i a le Ali‟i e moni ia ma tonu uma lava. E

silisili ona lelei i le auro, o le auro e sili ona lelei e tele; e sili fo‟i ona suamalie i lo

le meli, o le meli ua sisina ifo. E tele fo‟i le taui pe a tausi i ai.”

O le natura masani o le pepe, e tagi loa, e muamua lava le lagona o le fia ai.

Ona taumafai lea o le tinā e fofo le fa‟afitauli lea ina ia aua ne‟i toe tagi le pepe. Ae i

ai fo‟i nisi o tinā, e le avea i ai le suasusū, ae taumafai e fa‟amalie i se mea suamalie.

E manatu e le talafeagai lea tulaga. Ae peita‟i e mafai lava ona tatou fiafia ma

molimau i le mea‟alofa mai le Atua e pei o le suamalie o le meli. E le o le manatu

māma i lea tulaga; le malosi o le mea moni e mafai ona liliuina amioletonu, ina ia

paleni le alofa e mafai ona tu‟ua fa‟atasi i tatou i lona fiafia.

Ua fai le meli ma fa‟ailoga o lou alofa, e na te fa‟amalieina le loto tiga o le

tama iti‟iti, ae fai fo‟i ma vai fofo suamalie i e o maua i loto fa‟anoanoa.

Tatalo: Fa‟afetai le Atua i lau mea‟alofa, e susulu i le taimi e mana‟omia e ou

tagata, ae o le sili o le alofa o le Atua ua fai ma meli suamalie i taimi faigata.Amene.

Aso Gafua: Novema 11: “Va‟ai ma Manatua” ( See and Remember)


Matua: ff. 1,8,10: “Ou te faafetai I le Alii I aso uma lava, ia le aunoa ona viiga i

lou gutu, ina tofotofo ia outou, ma ia outou iloa e lelei le Alii, Amuia lava le tagata o

le faatuatua ia te ia. E oge mea leona taanoa, ma latou fia aai, a e leai se mea lelei e

mativa ai i latou o e saili i le Alii.”

E i ai nisi o mea o le olaga e fa‟amanatu mai ai pea i o tatou tagata le

soifuaga ma le masani i nisi o nofoaga. E fai pea ma tofo suamalie i lou fofoga i

taimi uma, ae afai fo‟i o ni fa‟aletonu; e avea fo‟i ma tofo sualua. O le fesili mo i

tatou, o le a se mea tatou te faia pe a o‟o ina tatou tofo i le sualua o le ola pologa,

sāuaina ma le o‟o mai o le oti?

E tatau lava ia i tatou ona fa‟aauau le folafolaina o le finagalo alofa o le

Atua ma tatou molimau i lona alofa e le mavae mo i tatou. O tofotofoga ma mea

uma e tutupu i le olaga nei , ia aua ne‟i maluelue lo tatou ola e finau ma saili i le

Atua, le sailiga e mafai ona tatou fa‟asoa ma fetufa‟ai ai i lona mamalu silisili ese.

Tatalo: Fa‟afetai le Atua i le felanulanua‟i o tofo ese‟ese o le soifuaga e fai ma

fa‟amanatu mo i matou ina ia o matou iloa ona fa‟asoa lou alofa mo i matou ae

maise le tunoa o lou alofa mo i matou. Amene.

59

Aso Lua: Novema 12: “ Manogi o Taulaga” (The smell of Sacrifice)

Tusi Faitau: Kenese 8: 20-22

Matua: f. 21a: “Ua lagona fo‟i e le Ali‟i le manogi lelei, ona fa‟apea ifo lea o le

Ali‟i i lona finagalo, ou te le toe fa‟ao‟o le malaia i le lauele‟ele ona o tagata”

E tele manogi ese‟ese e tupu ai lagona fiafia, e tupu ai fo‟i ma le lagona o

le fa‟anoanoa. O le talitonuga a tagata Eperu i aso ua alu, o le asu o faiga taulaga e

alu sa‟o lava i le lagi. O le manatu ona o le fa‟amalieina o le Atua. Atonu e fete‟ena‟i

ma manatu o isi tagata i le latou fo‟i faitau ma le fa‟auigaina o le fuaitau. Peita‟i

tatou te manatu lava i le Atua foafoa ua fiafia ma fa‟amalieina i mea na Ia foafoaina

ma ua lelei i le va‟ai.

Ua foafoaina e le Atua le lalolagi ina ia iloa ona ola vivi‟i i ona va‟aiga ma

iloa ese‟ese e pei o le tofo, manogi, tago, atoa ai ma le fa‟alogo. Ua mafai ona

fa‟atusaina i le felanulanua‟i o le nuanua. I le tala o le lolo e pei ona aumaia e le tusi

o Kenese, e manatua ai le fa‟aleagaina o le mamalu ma le matagofie o le foafoaga a

le Atua na faia ma le alofa, ia manatua lea fa‟amoemoe ola ina ua fetalai le Atua, “e

le toe tupu.”

Tatalo: Tatou fa‟afetai i le Atua ona o le matagofie o lana foafoaga, ae maise le

manogi o lana galuega foafoa ua mafai ai ona tatou faitaulaga i te Ia. Amene.

Aso Lulu: Novema 13: “A tatou vaivai, o le Atua e foa‟i mai le malosi”

Tusi Faitau: Salamo 31: 9-24 (When we falter, God gives strength)

Matua: ff.10,24: “Auā ua fa‟auma lo‟u ola i le fa‟anoanoa, ma o‟u tausaga i le

mapuitigā; ua fa‟avaivaiina lo‟u malosi i a‟u agasala, ua gagase fo‟i o‟u ivi...O

outou na uma lava, o e fa‟amoemoe i le Ali‟i, inā fa‟alototetele ia; e fa‟amalolosia

fo‟i e ia o outou loto.”

O lo‟o manino i le Salamo lenei le tulaga o le ola mafatia ma le ola fiafia i

le tele o tausaga. “Ua fa‟avaivai‟ina lo‟u malosi, ma ua gagase o‟u ivi.” O lo‟o matuā

fa‟amatalaina e le fai Salamo le tulaga o le te‟ena, ae ui i na mea, ou te tu‟u atoa atu i

le Atua lou tagata talitonu ma ou mautinoa ai le alofa o le Atua e le fa‟ato‟ilaloina.

E tele mea e mafai ona fa‟amatalaina i le ola o le tagata e maua ai lagona lelei; e pei

fo‟i ona atagia i le Ali‟i o Iesu, ma o le fa‟amoemoe fo‟i lena mo i tatou.

E le mafai ona ave‟ese le olaga o le ola vivi‟i i le Atua e tusa lava pe feagai

ma faigatā o le olaga. E pei fo‟i ona faia e le fai Salamo, ua ia iloa ua fa‟aolaina o ia

e le Atua, ma ua ia ta‟utino ai i le tele o ona vaivaiga ma fa‟aletonu. Peita‟i i le tele o

na mea uma, sa tupu pea lona loto vivi‟i i le Atua. E fa‟anoanoa ma mapuitiga le

tagata ona o le ola agasala, a‟o le fa‟amoemoe i le Atua e maua mai ai manatu fou

ma fa‟atupuina ai le malosi fou.

Tatalo: Le Atua e, ua e silafia lo matou vaivai ma le lē atoatoa i luma o lau afio. Ae

fa‟amoemoe i matou i lau afio e maua ai manatu fou e tupu ai lo matou malosi e

fa‟afetai ai i lau afio. Amene

Aso Tofi: Novema 14: “Ia lagonaina le taunu‟uga” (Feel the consequences)

Tusi Faitau: Teuteronome 28: 1-2, 15-24

60

Matua: ff. 19,24: “E malaia oe pe a e sau, e malaia fo‟i oe pe a e alu atu...E faia e

le Ali‟i le ua i lou nu‟u ma efuefu nini‟i ma efuefu;e totō ifo ia mai le lagi i ou luga,

seia fa‟aumatia ai oe.”

O le tasi nei o tusi ua ta‟ua o le tusi o le tulafono, o lo‟o aumai ai le tulaga

o le amio e tatau ona ola ai le tagata soifua. Ae o lo‟o manino mai ai fo‟i le

taunu‟uga o le ola usiusita‟i ma le ola vaogatā, o le manuia ma le malaia. E tele

atunu‟u ma talitonuga e i ai fo‟i a latou fa‟ailoga tau fa‟amata‟u. Peita‟i i le manatu a

tagata Eperu e uiga i le fuaitau, e ese fo‟i lona fa‟amatalaina. O lo‟o aumai i se

tulaga o le mala po‟o le malaia e a‟afia ai le ola o le tagata, a ua le gata i lea e mafai

fo‟i ona a‟afia ai le to‟atele.

O le tele o mea e tutupu i le soifuaga nei, e mafua mai ona o le tele o a

tatou fa‟ai‟uga ua le sa‟o ona fai, pe ua soōna fai fo‟i. Ae o mea ia o lo‟o mafua ai

ona tele le fa‟aletonu i le lalolagi ma tupu ai feese‟eseaiga. O le tele o fa‟aletonu o

tutupu i le tele o taimi, ua fai ma sasa i o tatou olaga. A ia aua ai ne‟i galo, e le na o i

tatou ua a‟afia ai i nei taunu‟uga, ae ua a‟afia ai ma le to‟atele ae maise o fanau.

Tatalo: Le Atua mamana e, o matou o fanau palapalā, alofa ma fufulu i o matou

tagata ele‟elea. Ma ave‟esea o matou uiga le tonu i luma o lau afio e pei ona avea ai

lo matou Ali‟i o Iesu ma vai ola mo lau fanau. Amene.

Aso Faraile: Novema 15: “ Ia inu, ae le o le uaina” (Be drunk but not wine)

Tusi Faitau: Isaia 29: 9-14

Matua: ff. 9,13,14: “Ia outou fa‟atuatuai, ma ia outou ofo; ia outou olioli, a e

tauaso outou; ua latou onā, ae lē o le uaina; ua latou tautevateva, ae lē o le

„ava...Ua fa‟alatalata mai lenei nu‟u ia te a‟u i o latou laugutu, ma latou vivi‟i mai

ia te a‟u i o latou laugutu...E fano lava le poto o latou tagata popoto, e mavae fo‟i le

mafaufau o latou tagata mafaufau.”

Ua fa‟auigaina le onā i totonu o lenei tala e fa‟atatau i le nu‟u o le Atua ua

le mafai ona ofi i ai le finagalo o le Atua e ala i le galuega fa‟a-perofeta a Isaia. O

tagata ua lualuagia lagona ma ua le fia fa‟alogo i le upu a le Atua, ua tete‟e i upu o le

poto. O ta‟ita‟i o le nu‟u ua gugū ma ua le fa‟atinoina le latou galuega.

Sa vala‟auina Isaia ina ua maliu Usia le tupu lelei ma le amiotonu. O le

taimi o le ola vaogatā o tagata o le nu‟u. Ua le fa‟amaoni ta‟ita‟i o le nu‟u ma ua

latou fefefe fo‟i e fai le mea sa‟o. Ua pogisa o latou mafaufau i le finagalo fa‟aali a

le Atua na auala mai ia Isaia, ma ua tulimoe i latou. Ona o le ola lē usita‟i ma le lē

fia fa‟alogo, ua mafua ai ona galo le feau taulogologo a le perofeta o Isaia. Le

taulogologo a le tagata poto ina ia iloa ona ola i le filemu o le Atua.

Tatalo: Fafagu mai lau afio Tamā ina ne‟i momoe pea i matou i o matou lagona le

fia iloa ma le ola pogisa, ma ua matou le iloa ai ona fa‟atino o matou tiute. Amene.

Aso Toonai: Novema 16: “Fa‟ailoa le fa‟amoemoe” (Embody the hope)

Tusi Faitau: Isaia 35: 1-10

Matua: ff.3-4a, 5-6a, 10a : “Ia outou fa‟amalosi i lima ua gagase, ia outou

fa‟amalosi i tulivae ua vaivai. Fai atu ia i e ua loto vaivai, Ia outou fa‟amalolosi,

aua tou te fefefe...Ona fa‟apupulaina ai lea mata o e tauaso, e fa‟alogoa fo‟i o e

61

tutuli; ona oso‟oso ai lea o le pipili e pei o le aila, e pese fo‟i le laulaufaiva o le

gūgu...E fo‟i mai e ua togiolaina e le Ali‟i.”

I se va‟aiga fa‟ale –mafaufau i le soifuaga o le pologa ma le feagai ma

nofoaga o taua ma fevaevaea‟iga. I le omo‟omo o ona lauele‟ele ma le tele o mea ua

fa‟aleagaina. Ae le gata i lea o le tulaga fa‟aletonu o le ea e puaina mai i ia nofoaga.

Ma e leai fo‟i ni tagata e tupu se lagona e fia nofo i nei nofoaga fa‟apea, auā e leai ni

mea e tele o i ai, ua uma ona fa‟aleagaina i taua ma mea sa tutupu i le tele o tausaga

ua mavae.

Ae mafai fo‟i ona tatou va‟ai fa‟ale-mafaufau i nei nofoaga i sona va‟aiga

maoa‟e ma le matagofie ina ua i ai ona suiga. Ua le gata i le ola lau usiusi o la‟au o

le vao, o le tele o māgavai ua sūsua, ae ua mafai fo‟i ona maua ai le tele o mea mai

lona suiga. O le ata lena o lea e aumai i le mataupu e 35 o le tusi o Isaia. O le Atua o

suiga ina ia lelei ma atoatoa se mea. E le tu‟ua e le Atua lana fanau e ola pea i se

olaga o taua ma le nofo pologa. A‟o le Atua e suia mea lē faigofie e fai ma mea

faigofie. Tatou fa‟ailoa atu lo tatou ola fa‟amoemoe i le Atua i le fa‟ailoa atu o le

alofa tunoa o le Atua i tagata.

Tatalo: Le Atua e tupu ai lagona fou ma manatu fou i le ola o le tagata. Alofa lau

afio ma tōto i o matou loto manatu fou e tautua ai i lau afio ma le fa‟amaoni, Amene.

Aso Sa: Novema 17: “Taofi ma le atoa” (Thoroughly to hold)


Matua: Salamo 27: f.4b: “Ia ou nofo i le fale o le Ali‟i i aso uma o lo‟u ola, ina ia

ou iloa atu ai le matagofie o le Ali‟i, ma ou saili‟ili i lona malumalu.”

E mafai ona fa‟amatalaina le va‟ai i ni ona uiga se lua, o le va‟ai e tau ā o

le va‟ai, ona toe alo ese lea ma le mea sa taula‟i ai le va‟ai. 2. O le va‟ai toto‟a i se

mea, ua umi se taimi o taula‟i ai le va‟ai. Ma e ese‟ese fo‟i le fa‟amatalaina o nei

va‟aiga. O lou va‟ai ma le toto‟a i se mea e mafai ona atoa i ai lagona o lou tagata e

fa‟amatalaina lea va‟aiga, ua galulue fa‟atasi lou mafaufau, fa‟alogo, se‟ia o‟o a i le

loloto o mafaufauga o lou loto. O lou va‟ai mautinoa i se mea e mafai ona āvaga ai

ou lagona i lena mea.

I le Salamo o lenei aso ua mafai ai ona atagia le va‟aiga ua tosoina o tatou

lagona i le matagofie o le Atua ma ua naunau i ai le loto.O le va‟ai toto‟a i le Atua, e

loloto ma maualuga lona fa‟amatalaina ma lona tulaga, auā o le va‟aiga e mafai ona

fa‟amatalaina ai le Agaga o le Atua o lo‟o galue.I lenei vaiaso ua mafai ona ofoina ai

o tatou tagata ma o tatou lagona e mafai ona feso‟ota‟i ai i le Atua i le atoatoa ina ia

silasila ai le Atua ma le toto‟a.

Tatalo: Ia manino ma toto‟a la matou va‟ai le Ali‟i e, ina ia matou fiafia ma iloa ona

matou fa‟amatalaina lou mamalu ma lou matagofie. Amene.

Aso Gafua: Novema 18: “Ua ou va‟ai ia oe” (I see you).

Tusi Faitau: Ioane 1:35-39

Matua: ff. 38b-39: “Ua fai mai i laua ia te ia, “Rapi e, o fea e te mau ai? Ua fetalai

atu ia ia te i laua, “O maia, inā matamata.” Ua la o ane, ma matamata atu i le mea

ua mau ai o ia, ona latou nonofo lea ma ia i lea aso.”

62

O le tele o taimi e malaga ai i luga o le alatele, e fa‟afeiloa‟i i tatou e nisi e

le masani o va‟aia i aso uma. Po se tagata e masani mai se fonotaga sa auai, i totonu

o se faleoloa po o fea lava se nofoaga sa lua fa‟afesaga‟i ai muamua i se talanoaga.

Ma, e tu‟u fesili fo‟i le mafaufau; po o fea e manatua ai lea tagata. A‟o le feiloa‟iga e

fealoa‟i lelei ma fa‟asoa lelei, e telē lona ese‟esega. O le a maua lou avanoa e te

va‟ai lelei ai i lea tagata ma o le a tele fo‟i sou iloa i lea tagata,mai le sa e iloaina

muamua.

I le mafutaga a Iesu ma lana au-so‟o, sa tāua ia Iesu lona iloaina o lana au-

so‟o; fa‟apena fo‟i i le au- so‟o ona malamalama ma iloa Iesu. Ua le gata i lo latou

iloaina o le mea o lo‟o nofo ai Iesu, ae ua latou aumau fo‟i ma ia i lea aso. O le va‟ai

a le au-so‟o ia Iesu na osofia ai lagona o le fia mafuta ma Iesu , ae ua tupu ai manatu

ma lagona ina ia fa‟ailoa atu ina ia o mai ma matamata ia Iesu. Afai tatou te filifili i

le fia va‟ai ia Iesu, e tatau ona fa‟aaoga lelei lea avanoa e mafuta ai ma Iesu.

Tatalo: Le Atua e, ia aua ne‟i o matou fa‟atamala i avanoa matou te maua e mafuta

ai ma lau afio. Ia manino la matou va‟ai maia matou iloa lau afio e fa‟avavau.

Amene.

Aso Lua- Novema 19: “O le malosi o le Atua” God‟s muscles. Tusi Faitau: Mataio 11: 28-30

Matua: ff. 28-30: “Ia outou o mai ia te a‟u, o outou uma o e tigaina ma mafatia i

avega, o a‟u fo‟i e malōlō ai outou. Ia outou amoina la‟u amo, ma ia outou

fa‟aa‟oa‟o ia te a‟u, auā o a‟u lē agamalū ma lē loto maulalo; ona maua lea e outou

o le malologa mo outou agaga. Auā e avegofie la‟u amo, o la‟u avega fo‟i e māmā

ia.”

O so‟o se tagata e fiafia e siisi‟i mea mamafa e teuteu ai o latou tino, e iai

lava le alafua e fatinoina ai lea faamoemoe. Afai e te amata i pauna māmā e le

mana‟omia se tasi e fesoasoani. Ae afai e te o‟o atu i le tulaga o le si‟i i pauna

mamafa ona mana‟omia lea o se tagata e fesoasoani i le fa‟atinoina o lea

fa‟amoemoe. E i ai nisi o i tatou ua manatu, o le tele o mea e tutupu ma mea e fai o

le olaga nei ua fai lea ma avega mamafa i le ola. A‟o lea e fai mai o le ola pologa e

fa‟amoemoe i le Atua ma tu‟u atu le avega e amo fa‟atasi ma le Atua i le agaga o le

talitonu, e māmā ia ma faigofie. Tatou te mana‟omia le Atua e fai ma fesoasoani i o

tatou tagata pe a o‟o ina mamafa le avega. O le amoina e Iesu o le amo o le pologa,

ua fai lea ma fa‟aa‟oa‟oga mo i tatou ina ia tatou iloa ona fa‟atino lea fa‟amoemoe

ma ia faia i le tulaga o le malōlō ma lelei, a ia sili ona malosi lona fa‟amoemoe.

Tatalo: Ia a‟oa‟oina i matou e lau afio, ina ia o matou iloa ona amoina o lau amo ma

foa‟ina mai ai e lau afio o le malologa sili i o matou tagata. Amene.

Aso Lulu: Novema 20: “Suau‟u manogi a le Atua God‟s eau de parfum.

Tusi Faitau: Salamo 23: 5

Matua: f.5 : “E te laulau mai mea i le laoai ma a‟u i luma o e ita mai ia te a‟u; ua e

fa‟au‟uina lo‟u ulu i le suau‟u; ua tau masuasua la‟u ipu.”

E tele manaogi ese‟ese e mafai ona tatou molimauina o le olaga, e i ai

manogi e fa‟aosofia ai le fiafia ma fa‟atosina ai lagona. E i ai fo‟i manogi e tulaga

fa‟aletonu i le mafaufau. E pei ona i ai le tele o mea ua a‟afia ai le foafoaga a le

63

Atua. E foliga fa‟apena fo‟i i le ola fai taulaga o le nu‟u o le Atua ma le talitonuga o

le manogi o taulaga e ofoina mo le Atua ia lelei ma saunia lelei. I le manatu a le fai-

Salamo, o le fa‟atusa o le tagata ua u‟uina lona ulu i le suau‟u, o le amanaiaina ma

taliaina o lea tagata sa feagai ma faigata ma savalia vanu faigata o le ola. O le u‟uina

o le fa‟ailoga o le aloaia ma le fa‟aaloalogia i se tagata o lo‟o si‟osi‟omia i faigata

ma fete‟ena‟iga. O Iesu sa fai ma suau‟u manogi a le Atua, ua u‟uina ai o tatou

tagata ma ua fai ma u‟u manogi o le agaga fiafia ma le loto fa‟afetai i le lalolagi ina

ia sasala atu le manogi lea o le Atua, ma avea ai i tatou ma suau‟u manogi a le Atua.

Tatalo: Ia matou lagonaina pea le suau‟u manogi o lau afio ma matou mānavaina

pea le alofa ma le tausiga o lau afio Tamā. Amene.

Aso Tofi: Novema 21: “Fa‟amanuiaga mai le Atua” God‟s embodied blessing. Tusi Faitau: 1 Peteru 3: 8-17

Matua: ff. 13-15: “O ai fo‟i na te agaleaga ia te outou, pe afai tou te fa‟aa‟oa‟o i

le lelei? Ae afai e tigaina outou ona o le amiotonu, amuia outou. Aua fo‟i tou te

fefefe i lo latou fa‟amata‟u mai, aua fo‟i le atuatuvale. A ia paia le Ali‟i le Atua i o

outou loto.”

E i ai nisi o tagata ua ma‟umau le ola ona o le fa‟atinoina o se galuega alofa

e lavea‟ina le ola o se isi tagata. Ma e tula‟i mai ai pea le fesili, pe fa‟amanuiaina

lenei tagata ona o le galuega alofa sa ia faia? Ua ma‟umau ea le ola ona o le faia o le

mea lelei? Ioe, tēle le sao tāua a lenei tagata i le fa‟atinoga sa ia faia. Auā ua ia faia

se mea lelei mo le isi tagata. O le tasi nei o fa‟ata‟ita‟iga lelei e faia e nisi o tagata,

latou te filifili e fa‟atino se galuega alofa mo nisi.

I le va‟aiga o e ola fa‟atuatua, ua mafai ai ona tatou va‟aia le Atua o lo‟o

galue pea. Ua mafai ona tatou molimauina le Atua e ala i galuega alofa o lo‟o

fa‟atinoina e nei tagata. O lo‟o atagia ai foliga lē va‟aia o le Keriso, o lo‟o fa‟aauau

ona savavali fa‟atasi ma i tatou, ma o lo‟o leoleo i le ola sauaina.

Tatalo: Matou tatalo ina ia matou iloa ona filifili i le faia o le amiotonu, ma

fa‟amoemoe i lau afio e aumaia le filemu i o matou loto. Amene.

Aso Faraile: Novema 22: “Leai se tino, o nisi tino, le tino o Keriso”

Tusi Faitau: Roma 12: 1-2 No body, some body, Christ‟s body. Matua: f. 1: “O lenei, le au uso e, ou te aioi atu ia te outou, ona o le alofa

mutimutivale o le Atua, ia outou tu‟uina atu o outou tino i le Atua, o le taulaga ola,

ma le paia, ma le mālie, o le mea lea e tatau ai ona outou faia.”

E mafai ona tatou alolofa, e mafai fo‟i ona tatou ino‟ino i ai. E mafai ona

tatou matamata i ai, ae le mafai ona tatou ola e aunoa ma le tino. A leai se tino, e le

mafai ona tatou molimau i le olaga ma lagona, ma feso‟ota‟i ai. E tatau lava ona i ai

le tino e mafaufau ai, ia lagona ma tatalo ai ina ia tatou maua le so‟otaga o le Atua i

le lalolagi.

E amanaiaina e le Atua o tatou tagata i mafaufauga ma o tatou manatu. Ia

Iesu, ua mafai ona tatou maua ai le Atua o lē iloa le tāua o le ola. O Iesu ua toe

tu‟uina atu i tatou i le Atua, i le avea ai lea o i tatou ma tino o Keriso. Mo Paulo, o le

ola tapua‟i i le Atua e aofia ai lou tagata atoa ina ia atoa le mafutaga ma le Atua. E le

64

tāua le tulaga o le soifua, pe ma‟i ma vaivai, e mafai lava ona ofoina atu o tatou

tagata i le Atua, e pei ona fiafia o le Atua i le tino o Keriso.

Tatalo: Matou te ofoina atu o matou tino fa‟atasi ma o matou tagata atoatoa, e

fa‟aaoga i au feau, ina ia aoga i lau afio ma nisi. Amene.

Aso Toonai: Novema 23: “Pa‟i a le Atua” Touch of God. Tusi Faitau: Mataio 17:1-13

Matua: ff.6-8: “Ua fa‟alogo ai le au so‟o, ona latou fa‟apau‟u faō ai lea, ua matuā

matata‟u lava. Ona maliu atu lea o Iesu ua pa‟i atu ia te i latou, ua fa‟apea atu,

“Ina tutū ia outou; aua fo‟i tou te matata‟u.” Ona tetepa a‟e ai lea o latou mata, ua

latou lē iloa atu se tasi, ua na o Iesu lava.”

E i ai taimi o le olaga e pa‟ū maulalo ai o tatou lagona, ae maise o taimi o

le o‟o mai o le oti. E faigata ona tatou fa‟afesaga‟i ma ia taimi ogaoga o le olaga. Ma

o taimi e mana‟omia ai le fesoasoani mai nisi o tagata. O le pa‟i mai o le galuega

fa‟amafanafana i taimi faigata e tupu ai le mafanafana. Pa‟i ma fusi i se ua

fa‟anoanoa ma lē mautonu e mafai ai ona toe tupu lagona fou.

E mana‟omia le pa‟i mai i taimi faigata ina ia iloa ai o lo‟o amanaiaina lou

tagata, ma e le o tu‟u lafoaina oe e amo to‟atasi lau avega. O le pa‟i o le alofa e tino

ina ua le mafai e upu ona fa‟atino. E i ai nisi o lo‟o fia pa‟i mai ai le Atua ma

fa‟amafanafana mai ai, peita‟i e le o mafai, ia tatou tu‟u avanoa i le Atua e pa‟i mai

ma fesoasoani i o tatou mafatiaga. O le tele o lima e pa‟i atu ai le alofa.

Tatalo: Ia aoga o matou lima e fai ma au mea faigaluega, e pa‟i atu i se o

mana‟omia lou fesoasoani, ma auala atu ai lou alofa mo i latou. Amene.

Aso Sa: Novema 24: “Fa‟asaina e le Agaga” Forbidden by the Spirit. Tusi Faitau: Galuega 16: 6-15

Matua: f. 9: “Ua iloa fo‟i e Paulo le fa‟aaliga i le po; o le tasi tagata Maketonia ua

tu mai, ua aioi mai ia te ia, ua fa‟apea mai, “sau ia i Maketonia, ma fesoasoani mai

ia te i matou.”

O le olaga lenei tatou te maua ai le tele o filifiliga, o filifiliga e le faigofie,

e tusa lava pe tatou te tu‟uina atu i luma o le Atua i le tatalo, e faigata lava ona tatou

malamalama i lona tali mai. O a tatou filifiliga fa‟a-kerisiano, e foliga mai e

malamalama ma faigofie, a‟o le upu moni e le faigofie. E i ai nisi o a tatou fa‟aiuga e

foliga tutusa, ma tatou manatu ai o le fa‟aiuga lelei mai le Agaga. Tatou te faia mea

ua tatou manatu o le finagalo o le Atua, peita‟i e le taunu‟u i se taunu‟uga lelei. Ma

tatou fa‟apea ifo ai o le manaoga mai le Atua i le tuana‟i ae le o le taimi nei. I le tala

ia Paulo ma ana uo, sa manino ai le tulaga o tagata fa‟amoemoeina, ae le

fa‟amanuiaina. E finagalo le Atua mo i latou, ae mo se isi mea. Mo tatou, e le o mea

lelei uma, o le finagalo lea o le Atua mo i tatou ma le lalolagi.

Tatalo: E ofo‟ofogia mea uma e faia e le Atua, auā e tumu i le alofa. Ia matou iloa

ona saili i le poto mai lau afio, matou te iloa ai ona filifili ma le tatau i māga‟ala

ese‟ese o le olaga. Amene.

Aso Gafua: Novema 25: “O le sēse a Aperamo” Abraham blunders.

65

Tusi Faitau: Kenes 12: 10-20

Matua: f.10: “Sa i ai fo‟i le oge i lea nu‟u; ona alu ifo lea o Aperamo i Aikupito e

āumau ai; auā sa vale le oge i le nu‟u.”

E i ai nisi e faigata a latou fa‟aiuga pe a o‟o ina feagai ma fa‟afitauli o le

olaga, ma tauau ai ina lamatia le ola ae maise fanau. E mafua ona o ese mai le nu‟u

masani ina ua agaleagaina, po ua le mafai fo‟i ona maua se mea lelei mai totonu o

lou nu‟u. E faigata i le tagata o lo‟o malu puipuia ma tulaga lelei ona malamalama i

lea mataupu.

O se filifiliga ea na faia fa‟atasi e Aperamo ma Sarai ina ia mafai ona laua

ola, pe na faia i le loto o Aperamo, po o Sarai fo‟i, ina ia manuia e tusa lava po o le a

lona tau? I le fa‟aiuga o le tala o lo‟o aumai ai lona tāua, e le o le fa‟aiuga a

Aperamo na mafua ai le to‟asa o le Atua, a‟o Farao. O le sili ona le fiafia o le Atua

ona o le pule sāua ua mafua ai ona le mautonu tagata, ma e foliga mai o lo‟o tatou ui

uma ai i le ala lea.

Tatalo: Le Ali‟i e, ia matou iloa ona alolofa ma ia fa‟apotoina i matou ina ia matou

iloa ona fesoasoani i nisi o tagata. Amene.

Aso Lua: Novema 26: “Sēse le avā fa‟aipoipo a Iakopo”

Tusi Faitau: Kenese 29: 15-30 Jacob marries the wrong wife. Matua: Kenese 29: f. 20: “Ona auauna ai lea o Iakopo i tausaga e fitu ona o

Rasela, ua peiseai o nai aso iti‟iti ia i lona manatu, auā o lona mana‟o tele ia te ia.”

E i ai taimi o le olaga e fa‟afetoai ai i tatou e manatu e le mafai ona suia, e

pei o se ma‟i ua a‟afia ai, po o mafatiaga fa‟aletagata. E mafai ona tatou tete‟e atu i

ai ma finau malosi i lona le talafeagai, peitai i le faitauga masani, o le a le mea ua le

mafai ona maua sona fesoasoani, ia onosa‟ia. O le onosa‟i o lo‟o manino ia Iakopo,

o lona mafai ona tumau ma onosa‟i le taufa‟asēse a Lapana. E le taligofie i le

mafaufau le tulaga o le amioletonu-auā e foliga mai ua malo le tiapolo i lea va‟aiga

fa‟a-Kerisiano, Peita‟i, e le faigofie se tali i nei fa‟afitauli. E tatau ona taofi i le taimi,

ma tumau i le aga‟i pea i luma, po o le a lava le umi o le ala le fa‟amaoni. Auā o lona

taunu‟uga, e manuia ina ua faia le fa‟aiuga a le Atua. O Iakopo ma lona aiga o lo‟o

ola pea.

Tatalo: Ua matou o atu i lau afio ina ia matou maua le malosi mai lou mamalu,

matou te onosa‟i ai ma le filemū. Amene.

Aso Lulu: Novema 27: “O le faletalimalo a Isamaeli” Caravan of Ishmaelites Tusi Faitau: Kenese 37: 12-28

Matua: Kenese 37: f. 28: “Ona o ane lea o tagata Mitiana, o e fa‟atauoa, ona latou

sisi lea ma ava‟e ia Iosefa ai le lua, ma latou fa‟atau ia Iosefa i sa Isamaeli i tupe e

luafulu; ona latou avatua lea o Iosefa i Aikupito.”

O faʻamoemoega a le Atua, e faʻataunuʻuina e ala i le faʻaaogaina o se

vaega o tagata ese. O lo‟o galue le Atua, ae le vaaia. I le tele o manatu i le Tusi Paia

ma le tele o ana tala fa‟amaumauina, tatou te iloa ai le faamoemoega o le Atua o loʻo

galue i se tulaga e le mafa‟amatalaina, e ala mai i le le mautonu, o le mea e le mafai

ona tupu, o le mea e le talafeagai. O latou fa‟amoemoega e le māma i taimi uma, ma

o nisi taimi e fetu‟una‟i ai. Afai tatou te galulue mo le malo o le Atua, e mafai ona

valaauina i tatou i nisi taimi e pa‟aga ma tagata e le tutusa o tatou tulaga māma. Ae,

o le a Reupena i lenei tala? O ia o se tagata ua masani i le tulaga, e le o toe pulea.

66

Atonu sa tatou i ai i se tulaga le fiafia ona o le mea sa aga‟i i ai se talanoaga. Ae

maise o foliga va‟aia ma amio le pulea o tagata, ma ua leai ma se malosi ia te oe e

fa‟afetaui ma luʻitauina ai. I le manatu po o le tali a Reupena, e foliga mai e sēse, ae

o lo‟o afifi ai se mea aoga. E foliga mai e ino‟ino o ia lava ona o lona fa‟aletonu. Ae

na ia faaalia mai, e mafai e le Atua ona galue e ala ia tatou taumafaiga le atoatoa ina

ia lelei, e pei lava ona ala mai i le uiga maoa‟e o le lototoa.

Tatalo: Le Atua paia, fesoasoani mai ia te aʻu ia ou iloa lou auala atoatoa i lenei

lalolagi le atoatoa. O a‟u o lau auauna le atoatoa. Faaaoga loʻu le atoatoa mo lou

mamalu. Amene.

Aso Tofi: Novema 28: “Fa‟asaoina le aiga paia” The Holy family escapes. Tusi Faitau: Mataio 2:13-23

Matua: f.13 “Ua o i latou, fa‟auta, o le agelu a le Ali‟i ua fa‟aali mai ia Iosefa i le

miti, ua fa‟apea mai, “Tula‟i ia, ina ave le tama iti‟iti ma lona tinā, ma sosola i

Aikupito, ma nonofo ai se‟ia ou fai atu ia te oe; auā o le a saili Herota i le tama

iti‟iti ina ia fasioti ia te ia.”

E i ai taimi i o tatou olaga tatou te faia ai se mea i lona atoatoa, peita‟i ane

e le mafai ona tumau i lena lelei. Tatou te mafaufau fo‟i ma le toto‟a ma tatalo ina ia

fa‟asino mai po o fea e tatau ona tatou i ai. E mafai fo‟i ona tatou tutu i le vala‟au a

le Atua e lu‟itauina i tatou, ae to‟a iti‟iti e vala‟auina.

I le aiga paia, ua mautinoa lo latou ui mai ai i nei mea uma, ma ua tu‟uina i

le loto agamalū. Ua tatau ona latou aumau i Nasareta ma tausi ai le Keriso i se tulaga

filemu ma le puipuia lelei, peita‟i e le nofonofo lelei le lalolagi, ma ua vala‟au le

Atua ia i latou i se mea e ese mai, ma e tatau ona latou tali ai. E mafai ona tatou

fa‟apea, o le vala‟au a le Atua, e mo i latou e le o mautonu, ae o le taimi fo‟i lea o le

fa‟atonuga a le Atua e puipui ma alofa. O le lu‟i lea mo i tatou, ina ia tatou sauni pe a

o‟o mai le vala‟au.

Tatalo: E vala‟au lau afio i ou tagata, aumaia lou filemu matou te fa‟alologo ai ma

le manino ma mulimuli i lau vala‟au. Amene.

Aso Faraile: Novema 29: “Suia le mafaufau o Iesu” Jesus‟ mind is changed.

Tusi Faitau: Mareko 7:24-30

Matua: f. 28 : “Ona tali mai lea o ia iā te ia, ua fa‟apea mai, “Le Ali‟i e, moni a oe;

ae ui i lea o ulī i lalo o le laoai e a‟ai i latou i momoi mea a tama.”

O lo‟o alu Iesu mo sina taimi, ma e le o to‟atasi o ia i le taimi nei. Ua i ai

fa‟atasi ma ona so‟o i lauele‟ele o nu‟u ese. E mafai ona tatou fa‟apea ifo o lo‟o

mafaufau o ia i lona vala‟auina. Sa i ai le tau fa‟amata‟u ma le fa‟afefe i le taimi

muamua o lana galuega, ae na fa‟aumatia uma, sa manatu o ia e maua se filemu mo i

latou i lena nofoaga. O le a se mafua‟aga e mafai e le Mesia Iutaia o i ai ma nei

tagata ese? E foliga mai o le feiloa‟iga ma lenei fafine atuatuvale sa feagai ma le

luitauina o Iesu ma ua atagia ai mea e patino i le Atua- fa‟atuatua, fa‟amoemoe, ma

le alofa e leai se tuaoi.

O le faʻaalia i nofoaga e leʻi mafaufauina, e mafai ona luʻitauina ai le mea

sili tatou te mafaia e toe mafaufau ai i lo tatou ola malamalama i auala e galue ai le

Atua. Mo le fafine, ua na o se talosaga mo se tasi vavega; mo Iesu, o Evagelia o lo‟o

fautua mai na musuia ai se auala fou i lona malamalama i le tulaga o le Mesia, galue

67

i tala atu o tuaoi taliaina. Sa u‟unaia Iesu e mafaufau i ni manatu ese, e uiga ia te ia

lava, ma le malo o le Atua. Ma mulimuli ane ona fa‟amalosi le fafine mo le ola o

lana tama teine ma lavea‟ina o ia.

Tatalo: Le Atua alofa e, tatala maia le mautinoa o lou alofa ina ia matou iloa ona

aga‟i pea i luma ma fa‟atino o lou finagalo. Amene.

Aso Toonai: Novema 30: “E salamō le Atua” God Repent.

Tusi Faitau: Esoto 32: 7-14

Matua: ff. 11a-12b: “A ua matuā fa‟atoga o Mose i lona Atua o le Ali‟i; ua ia fai

atu i ai,, le Ali‟i e, se a le mea e tupu tele ai lou to‟asa i lou nu‟u. Ia e liliueseina lou

to‟asa tele, ma ia e salamō i le leaga ne‟i o‟o i lou nu‟u.”

E i ai le taimi e le o fa‟atasi a tatou fuafuaga ma lona fa‟atinoina, tele o

taimi tatou te mafaufau i le mea sa‟o ma atoatoa, peita‟i e le mafai ona sa‟o ma lelei i

le isi tagata. E mafua ona ua taumafai i tatou e toso mai le tagata i le mea lea e

mana‟o ai tatou. E i ai taimi e tatau ai ona tatou toe fo‟i i tua ma toe manatunatu

loloto ma taumafai ina ia fa‟afeso‟ota‟i lagona.

I lenei tala e matua tāua lava i o tatou mafaufau faʻaonaponei, o se tagata

ola e pulea le Atua mai le faia o se mea atonu e ono faanoanoa ai o ia. A‟o lona

naunauta‟iga, ina ia mafai ona tosina atu lo tatou ola naunau i le tāua o le upu moni e

uiga i le natura o le Atua, ma taofi i mafaufauga, i le agalelei ma le alofa tunoa o le

Atua. Fa‟aaupegaina i lenei faaaliga, o Mose lava ia ua i ai le talitonuga e lu‟iina le

sēse o lona nuu, a‟o se galuega foi mo i tatou i nisi o taimi.

Tatalo: Ou te tu‟uina atu ou lima ma lou ola i le mamalu o lau afio Tamā. E fai ai i

matou ma e tutumau i lau afio.Amene.

O Lapataiga ma Faamasinoga ma Faamafanafanaga

Lapataiga

(Aso Sa Etiveni) Aso Sa - Tesema 1: “ Moe ese… O le a?”

Tusi Faitau: Mika 2: 1-11 (Sleep over…WHAT?)

Matua:ff.1-2: “Oi talofa i ē mafaufau i amioletonu ma latou saunia mea leaga i o

latou moega, pe a malama a‟e le taeao ua latou faia, auā ua mafai iā te i latou. Ua

latou manana‟o foi i fanua ma latou fao ai fa‟asaua atoa ma fale ma latou „avea ua

latou saua atu i le tagata ma lona aiga, o le tagata ma lona tofi.”

Ua aumai e le autu o lenei aso se faamanatu taua mo i tatou, ao faapea ona

tatou aga atu mo le soifua mai o Iesu, ina ia iloa le mea o tatou i ai e faatatau i le

soifua mai o Iesu le faaola o le lalolagi. O le amataina o le Etiveni, e taua ai lou

mautinoa ma lo tatou iloa o fea tonu o loo e i ai, i taimi o manatu ma lagona o tagata

faatuatua i le tali atu i le fanau mai o Iesu. Ua faailoa mai e Mika i fesootaiga lelei e

avea ai ma ala o le filemu ma le amiotonu o le Atua i taimi uma o le ola

Tatalo: Mafuta mai oe le Alii e, ina ia matou mautinoa o loo matou i ai faatasi ma

oe i taimi matou te momoe ai, ma taimi matou te ala ai i le taeao. Amene

68

Aso Gafua – Tesema 2: “O tapuaiga ua pala.” (Rotten rituals)

Tusi Faitau: Amosa 8: 1-12

Matua: ff.4-5a: “Ia outou fa‟alogologo i lenei mea, o outou o ē faasaua i ē

matitiva, ina ia fa‟aumatia lava le au matitiva o le nu‟u. Pe mavae atu afea le

masina fa‟ato‟ā vaaia ia tatou fa‟atau ai saito? pe mavae afea foi le sapati ia tatou

tatalaina atu ai saito”.

O uiga o tagata o loo faailoa ai le tulagaese o le ola soona fai, ma ua avea ai o latou

uiga faaalia i tagata matitiva, o ni tu ma ni aga ua le toe aoga ona faaaoga. O le

valoia o le malaia o Isaraelu, talu ai lo latou le faalogo i le Atua ma tausi le feagaiga

ua uma ona tauto ai. O uiga tuai o tagata, o lea lava e tau tatā i ai, ma ua avea ai ma

auala o le ola soona fai ma ua leai se alofa. Peitai poo le a foi nei uiga soona fai, e le

o tea ai le alofa tunoa o le Atua mo Isaraelu.

Tatalo: Le Atua e, faauu mai lou agaga i luga i ai matou, ina ia matou iloa ai le

fesootaiga ma le Agaga Paia e manuia ai mea uma. Amene.

Aso Lua – Tesema 3: “Ua le tutusa upu ma faatinoga.” (Credibility gap)

Tusi Faitau: Hosea 4: 1- 9

Matua: ff.4-5: “Ae „aua ne‟i i ai se tagata e finau atu ma a‟oa‟i atu i se tasi tagata,

auā o lou nu‟u ua pei ō e fefinaua‟i ma le ositaulaga. O lea e te pa‟ū ai i le ao e

pa‟u‟ū fo‟i le perofeta faatasi ma oe i le po, ou te fasiotia foi lou tinā.”

O le faʻatuatuaina o faifeʻau po o ni tagata aloaia i totonu o le lotu, o le

taulai atoa lea i ai o le faatuatuaga o tagata. O le taliaina o faamatalaga moni, ma

uiga taua mo le manuia o tagata, e manomia ai le amiotonu ma le faamaoni, ina ia

tumau tagata i le Atua. Peitai e aliali mai i lagona o le perofeta o Hosea, o le au

ositaulaga ma perofeta o loo taumafai lava e taitaieseina tagata mai le Atua, e ala i le

faalegaina o le ola mama ma amioga le amiotonu.

O le aveesea mai o lagona o tagata mai le Atua, ua le mafai ai ona tutusa le

faatuatuaina o i latou, ma latou faatinoga ina ia iloa e tagata le manuia e maua mai i

le Atua. Aua afai tatou te leiloa o tatou tulaga, e ono avea lea ma auala o le leai o se

faamalosi e mafai ai ona tatou iloa o tatou tulaga faapea o tatou tiute i totonu o

tatou aiga ma ekalesia.

Tatalo: Le Atua e, ia e faataua lou ola e fai ma auala o lou finagalo i tagata atoa ma

le lalolagi. Amene

Aso Lulu – Tesema 4: “Faaeteete - e ou le taifau ae le feai.”

Tusi Faitau: Ioelu 2: 1-14 (Beware – a dog that barks does not bite)

Matua: f1: “Ia outou ilia le pū i Siona, „ia ta‟alili i lo‟u mauga pā‟ia, ia tetemū i

latou uma o ē nonofo i le nu‟u, auā o le a o‟o mai le aso o le Ali‟i, auā ua latalata

mai.”

O lapataiga o ni vaega taua ia e faamanatu mai ai i le tagata ni mea o le a

oo i le olaga. Peitai o le taua o lapataiga, e mafai ai ona toe fotuai manatu o le tagata,

ao lei tupu sea faafitauli, poo se malaia foi. O le valoia e le perofeta o Ioelu o

lapataiga mai le Atua e ala i le malaia mo Isaraelu, o se avanoa lelei lea e mafai ai

ona aloese mai ai mai malaia o le a oo mai. O le Atua o le ata o se matua alofa. O le

69

Atua e le o se taufaafefe, ao lona siufofoga e lapatai mai ina ia vave ona suia le

tagata, ma aloese mai le leaga, ona le oo lea o ni mala i o tatou olaga.

Tatalo: Le Atua e, aumai moi matou lou Alofa Tunoa matou te iloa ai au lapataiga,

ma matou iloa ai i lou alofa e le mavae. Amene.

Aso Tofi – Tesema 5: “Tiga o le Atua.” (Pain of God)

Tusi Faitau: Isaia 5:1-7

Matua: ff.3b-4: “inā fa‟amasino mai ia iā te „au ma la‟u tovine. Se a ea se mea e

toe faia i la‟u tovine ou te le‟i faia? Se a fo‟i le mea ua fua mai ai vine leaga, a ua

ou fa‟atalitali ia fua mai ai vine lelei.”

Ua faaaoga e Isaia le tovine e faamatala ai le taua o le tausiga a le Atua i le

tagata. O le tausiga a le Atua i le tagata ua tauamiotonuina ai i le alofa, ina ia mafai

ona maua se tali lelei mo lea alofa, moi latou o loo manino i le Alofa Tunoa o le

Atua. O lo tatou le lagonaina o lea alofa, o le a avea ai ma vine e fua mai i fua leaga,

ma avea ma ala o le faanoanoa o le Atua i ai tatou.

O le finagalo o le Atua ia aua nei faalumaina i tatou, ae ia tatou iloa lona

faaali mai i ai tatou o nisi avanoa lelei e toe faatonutonu ai lo tatou ola. Ia avea ma

tatou matafaioi itiiti le tuuina atu o le loto faafetai i le Atua, ina ia tatou maua ai fua

lelei e fuaina mai e o tatou olaga, ae le o le faatiga i le Atua.

Tatalo: Le Alii e! ia fua mai i vine lelei o le amiotonu o matou olaga, ina ia matou

iloa ai ona le faatiga i lou finagalo, ae ia faia le amitonu e ola ai. Amene

Aso Faraile – Tesema 6: Anapogi, anapogi, anapogi. (Fast! Fast! Fast!)

Tusi Faitau: Isaia 58:1 15

Matua.ff.6-9a: “E lē o lenei ea le anapogi ou te loto i ai? Ina ia tatalaina fusi na

faia i le amioleaga, e tatala fusi o le amo, e tu‟uina atu ia fa‟asaoloto ē ua

faasauāina, ma ia outou gausia amo uma lava. Ona e vala‟au lea, ae tali mai ai le

Alii, e te alaga atu, ae fetalai mai o ia. O a‟u lenei.”

O le anapogi e le o se faatinoga tau ina faamalie ai le Atua. Ao le faatinoga

e faia mai i le loto ua faamaulaloina, ma faaavanoaina e faatumu, ma galue mai ai le

Alii. O le anapogi o le iloa ona faamaulalo lou loto i le Atua, ina ia tatalaina noataga

o faafitauli, ma agasala o le olaga, o loo fai ma amo a le pologa i o tatou olaga.

Ua faamanatu mai e le perofeta o Isaia, ina ia tatou anapogi ma le loto ua

faasaolotoina e le Atua e ala i lona togiola ua ia saunia. Ia tatou tatalo i se auala e

taliaina ai i tatou lava e le Atua, e ofoina atu le faamafanafanaga i mafatiaga o le

lalolag, i e faaali ai le tele o le alofa o le Atua mo i tatou uma

Tatalo: Le Alii e, matou te tatalo ia le faaaogaina tapuaiga mo lo matou lava

mamalu, ae ia faia mo sou viiga. Amene

Aso Toonai – Tesema7: “Faafou lau ofo.” (Renewal offer)

Tusi Faitau: Ieremia 18: 1- 11

Matua.ff.5 -6: “Ona o‟o mai ai lea o le afioga a le Alii iā te au, ua faapea mai. Le

„āiga o Isaraelu e, ou te lē mafaia ea ona fai iā te outou e pei o lenā fai ipu omea o

70

lo‟o fetalai mai ai le Alii. Faauta le aiga o Isaraelu e, e pei o omea i le lima o le fai

ipu o mea, e fa‟apea foi outou i lou lima.”

O le Atua, o le fai ipu omea lea e taua e le perofeta o Ieremia, e

faamatalaina ai le lumanai o tagata taitoatasi. O lo tatou iloa o le pule aoao a le Atua,

tatou te iloa tonu ai, o le Atua o se tufuga atamai, ma e na te silafia auala tatou te tali

atu ai. O le loto salamo, o le auala lea na te tatalaina le faitotoa e toe faaolaina ai i

tatou.

O fesootaiga vavalalata ma isi tagata, o loo avea lena ma ogatotonu o le

Alofa o le Atua. E mafai ona faafou a tatou tautinoga ma ofo mo le Atua. E mafai foi

ona faatali e pei o le omea na faia i aao o le Atua, soo se mea e finagalo ai o ia i o

tatou tagata e mafai ona ia faataunuuina i lona finagalo.

Tatalo: Faafetai le Atua ona o lou faagaloina o matou sese, e mafai ai ona toe faafou

a matou ofo mo oe e faavavau. Amene

Lapataiga. Faamasinoga. Faamafanafanaga - Faitauga mai Perofeta

Faamasinoga. Judgement

Aso Sa – Tesema 8: “ Faamasinoga taugata, pei o le alofa tunoa”

Tusi Faitau: Hosea 6:1 -11 (Judgement is costly, like grace)

Matua.f.4: “Efaraima e, se a ea se mea ou te faia iā te oe? Iuta e, se a ea se mea ou

te faia iā te oe?, aua na pei o le puao i le taeao la outou amio lelei, e pei o le sau foi

i le vaveao ona mavae atu.”

E le faigofie ona tatou maua le alofa tunoa o le Atua, seiloga ua tatou

salamo, ma faatuatua. O le tala ia Hosea, o se faamasinoga tonu e le taugofie mo le

tagata. Peitai o le liliu mai i le sese ma le agasala, ona tatou iloa lea e taugata le

faamasinoga a le Atua na feagai ai ma lona nuu, ona o le alofa, peitai o lea alofa na

ia faataunuuina ai le mea amiotonu o lana faamasinoga, ina ia ola manuia tagata. O

le taugata o le alofa tunoa, e maua ina ua tatou faamatuuese atu mea tuai ma le

agasala sa ola ai, ae foi i le Atua i le loto salamo.

Tatalo: Le Alli e, fesoaoani mai ina ia ou iloa ou sese, ou te malamalama ai i lou

alofa tunoa. Amene

Aso Gafua – Tesema 9: “O le malo e leai se fiafia.” (The unwelcome party quest)

Tusi Faitau Malaki 3: 1 -5

Matua.f.2: “Ao ai sē na te lavā tali i le aso o lona afio mai? O ai fo‟i se na te tula‟i

pe a fa‟aalia mai o ia? Aua o ia e tusa ma le afi a lē tunu auro, e tusa fo‟i ma le moli

a lē ta „ofu.”

O le valoia o le afio mai o le Alii, e moomia ai le faatali ma le lototele, ma

le agaga faaaloalo. E le puupuu se taimi e tapena ai le lotoifale faaletagata i le afio

mai o le Alii. E ao ai i le tagata ona faamama eleelea ma palapala o lona tagata tuai,

ma fufulueseina mea o loo fai ma faalavelave i le faatali atu i le Alii. O le nofo

faatali, e le moomia ai ni faiga fiafia, pe fai ai ni siva, ae o le faatali faakerisiano e

faatali i le loto mama. O le oo mai o le malo e ala i le afio mai o Iesu, e ao ai i le

tagata faatuatua, ona manino i lona tulaga mautu ma le aloaia, e faatali ai le oo mai o

71

le malo, ina ia mafai ai ona avea i tatou ma tagata valaaulia o lea malo, i le loto atoa

ma le loto mama, ma le faatuatua.

Tatalo: Le Alii e, aoao mai ia ou iloa ma faalogo i lapataiga o le oo mai o lou malo,

ma aoao mai i ate au ia ou i ai i lou alofa. Amene

Aso Lua – Tesema 10: “O le faamafanafanaga itiiti.”

Tusi Faitau Auega 2: 1 -5 (A small crumb of comfort.)

Matua.ff.4 -5: “Ua lolo‟u e ia lana aufaga e pei o sē ua ita mai, ua mau lona „a‟ao

taumatau e pei o sē ua ita mai, ua ia fafasi foi i ē matagofie uma lava i le fale o le

tama fafine a Siona ua sasa‟aina e ia o lona to‟atama‟i e pei o se afi. Ua avea le

Ali‟i e pei o sē ua ita mai, ua fa‟aumatia e ia o Isaraelu, ua fa‟aumatia e ia ona

maota uma, ua fa‟aumatia ona „olo, ua fa‟ateleina e ia le fa‟anoanoa ma le

fa‟avavau o le tama fafine a Iuta.”

O lagona le mautonu o Isaraelu, na manu ae ai le taimi o le Atua. O ituaso

taligāta o le soifuaga, na tu poupou ai le Atua faamafanafana. O a foi ogaoga o le ola

mafatia, e manino le mata o le vai i le faaaliga o le alofa o le Atua. O fese‟etaiga o le

ola faatuatua o Isaraelu, na fagua ai lo latou taualaala i faasinomaga a le Atua, na ia

toe sosofa le mafatia i le alofa faamafanafana ma itea ai le saolotoga i le lumanai. Pe

itiiti se galuega faamafanafana poo se galuega laveai mo le ua mafatia, tatou te

faatuatua i le Atua na te faateleina i lona alofa tunoa, e pei ona tatou faamanatuina i

lenei vaitau.

Tatalo: Le Atua e, pe a oo mai mafatiaga ia te au, ia ou manatua e te tuulafoaina au,

aua e mafanafana lou alofa. Amene

Aso Lulu – Tesema 11: “O le isi piliki o le pa” (Another brick in the wall)

Tusi Faitau: Isaia 59: 1- 8

Matua.ff. 5 -6a: “Ua latou togitogi i fua o le gata uogo, ua outou lalaga le

apogaleveleve, o le na te „aina ni o latou fua e oti o ia, o le fua ua solia e oso mai ai

le gata. E le avea o latou apogaleveleve ma ofu, latou te le oofu foi i mea ua latou

faia.”

O le agasala a Isaraelu o taetafe o le au, ua pisia atu ai ma lo tatou foi

vaitaimi ma le olaga. O uiga ma faatinoga, ua pei o ni piliki malolosi o se pa o loo

avea ma auala o le punitia ai o lo tatou va ma le Atua. Ua le gata o a tatou amio, ae

ua faapea foi faatinoga. Peitai o le feau faamafanafana a Isaia i le nuu o le Atua, e ui

ina faigata ma ogaoga amio ma le ifo i tupua ma o ese mai le Atua, ae o le a toe foi

fiafia tagata e atiae ma galulue mo le manuia o Isaraelu. O le afio mai o Iesu, o se

auala lelei lea e mafai ai ona toe suia o tatou olaga agasala, ae tatou faatali i lona afio

mai, e fai ma puluvaga, ma toomaga o le ola agasala o le tagata.

Tatalo: Le Alii e, faamagalo mai, pe afai ua matou le manatu mamafa i lou alofa,

fesoasoani mai ia ou lagona lou fetalai mai. Amene

Aso Tofi – Tesema 12: “ Ua faatasia ai i tatou.” (We are all in it together)

Tusi faitau: Isaia 59: 9 -15a

72

Matua:f.10: “ Ua matou tautāgotago atu i le pa e pei o ē tauaso, ua matou tau

tāgotago atu lava e pei o ē ua leai ni mata, ua matou tausuai i le aoauli pei o le

segisegi, ua matou i mea o i ai le manuia, e pei o ē ua oti.”

E ui ina agasala Isaraelu i lo latou va ma le Atua, peitai e faataunuuina e le

Atua avanoa e mafai ai ona toe tuufaatasi i ona manuia. E ui ina tau tevateva ma ua

foliga o ni tagata ua leai se faamoemoe, ae le mafai ona tuulafoaina e le Atua ona

tagata. E alofa ma foaina i ai latou le manuia, ona o lo latou liliu ese mai agasala. E

ui ina avea i tatou ma tagata tautevateva ma tautagotago ona o le malosi o lo tatou

agasala, ma ua aliali ai lo tatou tauaso faaletino, peitai ua faapupulaina o tatou mata

faaleagaga e le Atua, tatou te iloa ai ona manuia.

O le tatou mafuta faatasi, e afua mai ona o le soifua mai o Iesu, ua avea ma

ogatotonu o le ola mafuta o aiga ma tagata, e oo lava i le ekalesia. O lona fanau mai,

o avanoa ua faia ina ia tatou faatasi ai i le fiafia ma le olioli, ona o ia o le faaola mo

le laloagi.

Tatalo: Le Atua e, faamagalo mai i matou ona o lo matou vaai maulalo i tagata

agasala. Amene

Aso Faraile – Tesema 13: “Pe a faaletonu taitai.” ( When leaders go bad.)

Tusi Faitau: Isaia 3 13-26

Matua: f. 14: “E afio mai le Ali‟i e fa‟amasino i toeaiina o lona nu‟u, atoa ma o

latou ali‟i sili, aua ua outou fa‟aumatia le tovine, o mea na faoa i ē matitiva, ua i ai

ia i o outou fale.”

O loo tautala le perofeta o Isaia, i le faamasinoga a le Atua i toeaiina poo

taitai o le nuu. Oi latou e amata ai le manuia o le nuu, peitai o lea ua aliali mai le

amata i toeaiina o amio le tonu ma le fao o mea ae matitiva. O agasala a taitai o le

nuu, e avea ma ala o le aafia ai o tagata uma, e pei ona talanoa mai ai Isaia. O le

faaletonu o toeaiina o Isaraelu, o le amataga lea o le palasi o Isaraelu, ona ua le

savavali i amio e finagalo ai le Atua.

Ia amata ia i tatou taitai ona faaalia le amio e tatau. Ia amata i taitai poo le

au faiupu ona moni upu e tautala ai, ma faatinoga mo le manuia o le nuu. O le soifua

mai o Iesu, o Ia o le faataitaiga lelei o le taitai amiotonu, ma le faamaoni, aua o ala

na o le manuia.

Tatalo: Le Alii e, fesoasoani mai ina ia ou faatino le amiotonu e te fia silasila i ai i

lo matou ola. Amene

Aso Toonai –Tesema 14: “Faatuatua ma atinae.”

Tusi Faitau: Esekielu 22: 23 -31 (Keeping the faith and building the wall)

Matua: f.30: “Na ou saili ia te i latou se tagata na te atiaeina le pa ma tu i le mea

ua lepetia i ou luma mo le nuu ina ia ou le faaumatia ai, ae ou te lei maua lava.”

O le amioletonu a taitai ma lo latou taumafai e faaliliu sese tulafono a le

Atua i tagata. O loo taumafai e faaliliu ia tulafono e fua i mea o loo mananao i ai.

Peitai e tatau ona tatou vaavai poo fea oi i ai le Atua ia tatou faatinoga, ina ia tatou

iloa ai, o loo tatou faia le amiotonu. O le faatuatua ma atiae, o le finagalo lea o le

Atua o loo saili mai ai, ina ia mautinoa oi totonu i ai tatou le amiotonu e lelei, e

mafai ai ona faatino tiute ma le ola auauna o le tagata. Ia le tau sailia ai nisi e

73

faataunuuina le finagalo o le Atua, ae ia tatou puipui i le manuia o tagata i le

faatinoina o le amio lelei, ma le amiotonu e ala i le faatuatua.

Tatalo: Le Atua e, fesoasoani mai ina ia matou faatuatua i lau upu matou ola ai, ina

ia le taaina atu o matou loto i mea faatauvaa. Amene.

Lapataiga. Faamasinoga. Faamafanafanaga

Faamafanafana - Comfort

Aso Sa – Tesema 15: “Faavae.” ( Foundation)

Tusi Faitau: Isaia 51 :1 -3

Matua.f.1b: “Inā va‟ava‟ai ia i le papa na tofitofia mai ai outou, ma le gutu o le lua

na elia mai ai outou.”

O upu faamafanafana ma faalototele a le perofeta o Isaia i tagata o le Atua.

O le taimi ua toe foi fiafia le nuu e toe lalaga ona faavae ua ati ma le lau, ao faatafea

i nuu ese. O le faamautu o faavae tofia a le Atua e toe lalaga ai le ola faatuatua o

tagata. O le fausia o le malumalu, o le faavae malosi lena mo le ola o tagata, ma le

ola toe amata, e amata i le faavae o le Atua.

O le sauni atu e talia le soifua mai o Iesu. O Ia o le faavae mautu, le faavae

e le maluelue pe afai tatou te talia o ia i le faatuatua ma le faamaoni, o Ia o le faavae

manuia o tatou aiga, nuu ma Ekalesia.

Tatalo: Le Atua e, fesoasoani mai ina ia matou lagona lou fetalai mai, e saunia ai o

matou loto e faatali lou soifua mai. Amene

Aso Gafua – Tesema 16: “Loto aano” (A fleshy heart)

Tusi Faitau: Esekielu 36: 22-32.

Matua: f.26: “Ou te avatu foi ia te outou le loto fou, ma ou tuu i totonu ia te outou

le agaga fou, ou te aveesea le loto maaa ai o outou tino, ma ou avatu ia te outou le

loto aano”

Pe a faigata tele le olaga, pe a agaleaga mai se tasi ia i tatou, ma faaauau

mo se taimi umi, po o le le mafai ona tatou vaʻaia se agai i luma, e mafai ona amata

ona tatou solomuli i totonu o tatou lava loto ma faʻamaʻaʻa pe ita foi. E avea o tatou

loto ma maa, ma faigata ai ia i tatou ona tatou tepa i fafo ma alofa atu i isi. E faapea

se tulaga na oo ia Isaraelu i le taimi o le tafeaga i Papelonia. O le taʻitaʻiga na

taʻitaʻia ai i latou e sosola ese mai le Atua ma galo ai lona suafa paia. Na tuuina mai

e Esekielu upu o folafolaga ma faamafanafanaga. O le a aumaia e le Atua Isaraelu i

le aiga, i lo latou lava laueleele o le a fua tele. Ua folafola mai e le Atua ia

faamamaina Isaraelu, ma tuuina atu se amataga fou. Ua folafola mai e le Atua e sui

loto papa ma loto o le tagata ma tuu lona agaga i totonu ina ia usiusitai Isaraelu ma

toe nonofo i le alofa o le Atua.

I lenei vaitau o le Kerisimasi ua faamanatu mai ai ia i tatou o folafolaga a

le Atua e tupu mai i le Keriso. E ala i le faʻatinoina o le Atua na avea ma tino ma

faʻataʻitaʻiga mo i tatou i le ola ma le loto o le tino ma le agaga fou. O loʻo galue le

Atua mai totonu i fafo, e pei o se tasi oi tatou, ina ia mafai ona mau faatasi ma i

tatou, i totonu ia i tatou. Ua faamamaina i tatou ma faafouina i totonu e le Agaga. Pe

a faaosoosoina i tatou i luitau e faamaaa o tatou loto, ia tatou manatua na tuuina mai

74

ia i tatou se loto o le tino ma se Agaga fou e lo tatou Atua na afio mai e laveai i

tatou.

Tatalo: Le Atua e, a oo ina maaa o matou loto, ia e faafou mai se loto aano moi

matou, matou te iloa ona alolofa i isi tagata, ma auauna mo oe, e pei ona faia e Iesu.

Amene

Aso Lua- Tesema 17: “ Atia‟e ia manuia” Flourishing. Tusi Faitau: Ioelu 2:21-29

Matua: Ioelu 2: f.22b :“Auā ua fua mai le la‟au i lona fua, o le mati atoa ma le

vine ua matuā fua mai lava.”

O lo‟o talanoa le perofeta o Ioelu i tagata e uiga i le taimi e o‟o mai pe a

tutupu mea uma. O au-tau ma fitafita mai fafo ua o mai ua peiseai o ni iniseti ua

fa‟aleagaina le lauele‟ele, ma ua a‟afia ai le tele o tagata. O lo‟o va‟ai Ioelu i le taimi

o le tele o le atia‟e o le manuia, e tusa lava po manu ma isi mea e tau fa‟afefe. Ua

folafola le manuia tele ma le tele o fuala‟au aina ma le to o timu i le gasologa o le

tausaga.

Ua folafola mai le Atua o le a sasa‟a mai lona Agaga i tagata, o le valoaga

o le fa‟ataunu‟uina i le Galuega 2, pe a mulimuli le toe-tu ma le afio a‟e o Iesu. E

ulufale atu le Agaga Paia i le au-so‟o i le Penetekoso, ma ua latou maua le mana e

ave ai le talalelei i tulu‟iga o le lalolagi. I le taimi nei, o tatou o suli o le fa‟aaliga a

Ioelu e mafai fo‟i ona tatou tupu lauola‟ola e ala i le galuega a le Agaga Paia i

totonu ia i tatou e ala mai i le mana o le Atua e mafai ona ola i lona atoaga ma tupu

ola‟ola ai mea uma.

Tatalo: Fa‟afetai le Atua ina ua folafola mai lou manuia o le a tupu ola‟ola mea

uma. Ia fa‟atumu i matou e lou Agaga Paia e manuia ai mea uma. Amene.

Aso Lulu: Tesema 18: “Pese leotele” Sing aloud. Tusi Faitau: Sefanaia 3: 14-20

Matua: ff. 17-18: “O le Ali‟i lou Atua i totonu ia te oe o lē malosi ia; na te

fa‟aolaina; e olioli o ia ia te oe ma le fiafia; o lona alofa e le fetalai ai o ia; e olioli

lava o ia ia te oe ma le ofo fiafia. Ou te fa‟apotopotoina i latou ua fa‟anoanoa ona o

tausamiga?”

Ua vala‟auina e Sefanaia tagata o Isaraelu ina ia fiafia, auā e tele nāua ē

fa‟amanatu. E lē tu‟ulafoaina e le Atua ona tagata, ae o lo‟o fa‟atasi ma i latou. Ua le

toe i ai se mea tatou te toe fefefe ai, o fili uma lava o le a latou feagai, o le a aumaia

e le Atua le manumalo. A‟o le sili o tāua, o le a fa‟afouina e le Atua lona alofa mo

ona tagata, ma o le a pepese leo tetele i se taimi umi mo lena alofa. E olioli fo‟i ma le

fiafia se‟ia o‟o ina tu‟u fa‟atasia uma le foafoaga e ala i le pese alofa o le fa‟aolataga.

O lenei lavea‟i ma le toe fuataina, o le a aofia uma ai ma le fa‟apotopotoina

o tagata e toe aumaia ai i latou i totonu o le aiga. I le vaiaso, i le tausamiga tele o le

Kerisimasi, o le a tatou toe fa‟amanatuina ma le fiafia o le afio mai o le Atua mo i

tatou e ala ia Iesu. Peita‟i, o le Ali‟i o le a avea ma pepe e leai sona fesoasoani, e

fanau mai i totonu o se aiga mativa, ma e foliga mai e leai se manumalo i le

mata‟utia o le Atua i lo tatou lalolagi. Ae o le Atua e tumu i mea e ofo ai, ma o lenei

75

pepe o le a i‟u lava ina manumalo i le fili tele o le oti. O le alofa lena o le Atua e

fa‟avavau e susulu pea ma ia tatou pepese ai ma le leo tele e fa‟avavau.

Tatalo: Le Atua e, a‟oa‟o mai ina ia matou iloa ona pepese ma le leo tele i ou

manumalo e fa‟avavau. Ia matou manatua le valoaga a Sefanaia i lenei vaitau o le

Kerisimasi, Amene.

Aso Tofi: Tesema 19: “O se ala sa‟o” A straight path. Tusi Faitau: Ieremia 31: 2-14

Matua: Ieremia 31: f. 9 “Latou te o mai ma le tagi, ou te ta‟ita‟ina fo‟i i latou o

latou o aioi mai; ou te aumaia i latou i vaitafe i le ala sa‟o, latou te tausuai ai; auā o

a‟u, o le tamā o Isaraelu, o Efaraima fo‟i o la‟u ulumatua ia.”

I lenei vaiaso tatou te fa‟alogo ma faitala i perofeta a‟o latou tautalatala i

upu fa‟amafanafana a le Atua ia i latou ua ave fa‟apagotaina i se nofoaga mamao ese

mai ma aiga, ae o lo‟o taumafai e fa‟atumauina le fa‟amoemoe. I le aso nei, o lo‟o

tusia ai e le perofeta o Ieremia se ata ole fa‟aolataga a le Atua mo Isaraelu. Ua

folafola mai e le Atua, e fa‟apotopotoina i latou mai so‟o se mea ua fa‟ata‟apeapeina

ai i latou. O le a Ia soloiesea o latou loimata ma ta‟ita‟ia i latou i le saogalemū i se

nofoaga o i ai fuala‟au aina ma vaipuna, uaina, suāu‟u ma saito e tele. O le a avea ma

taimi o pese ma sisiva ai ma le fiafia, ma ua folafola mai e le Atua o le auala i luga, o

se auala sa‟o. E foliga tutusa ma le manatu o lo‟o i le Hosea 11; o lo‟o fa‟amatalaina

ai se tamā o lo‟o a‟oa‟o i lana fanau ina ia savavali ma le alofa.

Ua fa‟amanatu mai e Iesu ia i tatou lenei so‟otaga pe a ia fa‟aaogaina le

upu “Abba” o lona uiga “Papa” pe a ia talanoa i le Atua. Afai o lo‟o e tauivi ma le

olaga i le taimi nei, ma lagona lou mamao ese ma lou aiga ma lou fale, ma ua faigata

ona taofi mau i le fa‟amoemoe. Ia manatua o lo‟o ua folafola mai e le Atua, e

fa‟apotopotoina outou ma toe aumaia i le fale, le nofoaga e tumu i le ola. Po o le a

fo‟i le faigata o le auala, e ta‟ita‟ia e le Atua i tatou i luga o le auala sa‟o ina ia

taunu‟u ma le manuia.

Tatalo: Le Ali‟i e, pe a foliga faigata le ala ia te a‟u, ua folafola mai lau afio e

ta‟ita‟ina e lau afio i matou i luga o le auala sa‟o. Amene.

Aso Faraile: Tesema 20: “O le mānava o le ola” The breath of life. Tusi Faitau: Esekielu 37: 1-14

Matua: ff. 5a-6: “Ua fa‟apea ona fetalai mai o e Ali‟i le Atua ina ivi; ou te avane

fo‟i ua ia te outou, ma ou fa‟atupuina a‟e a‟ano ia te outou, ma ufiufi ia te outou i

pa‟u, ou te tu‟uina atu fo‟i le mānava i totonu ia te outou; ona outou iloa ai lea o a‟u

lava o le Ali‟i.”

O le faitauga o lenei aso e sau mai se tasi o mau lauiloa i totonu o le tusi o

Esekielu; o le vanu o ponaivi mamago. Ua fa‟aali mai ia Esekielu e ala i le Agaga o

le Atua, se nofoaga o le fa‟atafunaga ; o lo‟o faamatalaina e le tele o ponaivi le

matua‟i matūtu. I lenei nofoaga o le faʻamasinoga faʻapitoa o mea uma ua mamate

ma ua leai se faamoemoe. E foliga mai o Isaraelu o se tagata ua maeʻa ma lona

fa‟auigaina, ua uma le ola. Ae o le Atua e leai se mea e le mafai ona ia faia, ao

vavalo Esekielu i ponaivi ina ia tatou molimauina le toe fanauina o se malo.

76

Muamua o tagata ua toe fausia mai totonu o le ponaivi, o le tino ma le paʻu

e faʻapotopoto faatasi. Ona mānavaina lea o le mānava o le Atua ma ua tumu ai

tagata, ma ua toe ola ai. Le mānava a le Atua e le o va‟aia ae malolosi, e pei o le

matagi e liliu ai le lē fiafia i le fiafia. O lenei fuaitau o loo faamanatu mai ai ia i tatou

tala o le foafoaga i le Kenese lea na fausia ai o tatou tua‟ā mai le efuefu o le eleele

ma e mānavaina ai e le Atua o le ola ia i latou. O lo‟o aumai ai fo‟i vavega i mea o le

a tutupu pe a ulufale atu Iesu le Mesia i le talafaasolopito o tagata. O le tagata matua

o Iesu o le a toe fa‟atuina ai Lasalo ma le afafine o Iairo mai le oti. Iesu o lē na

faatoʻilaloina le oti ma tatalaina mo tagata uma le folafolaga o le ola e faavavau mai

le Atua.

Tatalo: Le Ali‟i fa‟afetai i le fa‟aaliga ua aumai e Esekielu, e a‟oa‟o mai ai mo i

matou ma fa‟ailoa mai, e mafai e lou Agaga ona toe aumai se ola fou pe a foliga ua

leiloloa i matou. Amene.

Aso Toonai: Tesema 21: “Tautala ma le agamalū” Speak tenderly. Tusi Faitau: Isaia 40: 1-11

Matua: f. 3: “O le leo o lē ua alaga i le vao, Inā teuteu ia outou le ala o le Ali‟i; ia

outou fa‟alauleleia le ala tele i le vao lafulafua mo lo latou Atua.”

A‟o fa‟ai‟uina lenei vaiaso, ua na o ni nai aso matou te o ese mai ai ma le

fa‟amanatuina o le Kerisimasi. O le aso e toe fa‟afo‟i mai ai i tatou e le perofeta o

Isaia mai se tasi o faitauga sili ona lauiloa, “o le toe afio mai.” Ua u‟unaia i matou ia

saunia mo le Alii o le a sau i nofoaga tu‟ufua e fa‟asaʻo o matou auala ma

fa‟apotopoto fa‟atasi ma aumai i matou i le fale. O le a fa‟aalia ai le mamalu o le

Atua ma tatou molimauina ai le Atua i totonu ia i tatou, o lea ua vala‟auina i tatou e

si‟itia o tatou leo ma pepese i le mamalu o le Atua mai luga o le fale. Ua tuuina mai

ia i tatou se ata o le Ali‟i o ia o se toa malosi e na te pulea ona tagata, o se

fa‟amafanafanaga o le a ia tautala ai ma le alofa.

O nei upu mai le Isaia 40: 3 o lo‟o faaaogaina i le Evagelia a Mataio e pei

ona faailoa mai e Ioane le Papatiso le auala mo Iesu , vala‟au atu i tagata e liliu o

latou olaga ma sauni e feiloai ma le Mesia. O se fa‟amanatu mo i tatou ina ia sauni ai

o tatou loto e toe faʻafeiloaʻi le Keriso i lenei Kerisimasi. O a mea o loʻo e tauaveina

e mafai ona taofi ai lou ulufale atu i le olioli o lenei tausamiga? Ia sauni e auai ma

agelu i pesega ona o le alofa o le Atua, fa‟amaoni ma le filemu, ma lou loto atoa.

Tatalo: Ia saunia o matou loto le Ali‟i e Iesu, ina ia matou talia i o matou olaga lau

afio i lenei Kerisimasi. Amene.

Aso Sa - Tesema 22: “Aiga: Alofa tusa lava po o le a”

Tusi Faitau: Mataio 1: 1-17 Family: Love no matter what. Matua: f. 17 : “O lenei, o tupulaga uma e afua mai ia Apera‟amo e o‟o ia Tavita, e

sefulu ma le fa ia tupulaga; e afua fo‟i ia Tavita e o‟o i le tafeaga i Papelonia, e

sefulu ma le fa ia tupulaga; e afua fo‟i i le tafeaga i Papelonia e o‟o i le Keriso, e

sefulu ma le fa ia tupulaga.”

O ata o se aiga, e ta‟u mai ai ia i tatou se mea iti‟iti e uiga i le aiga atoa,

atonu o le a mafai ai ona iloa le to‟atele o ali‟i ma fafine ua oti a latou tane, fa‟apea

fo‟i le to‟atele o fanau i totonu o le aiga. A‟o le mea e tasi e le mafai ona mautinoa

77

po o le a lona fa‟amaoniga, o ona tala fa‟asolopito, po o le fa‟ailoaina o i latou i

totonu o le ata.

O lo‟o aumai e le Evagelia a Mataio le gafa o Iesu ma lona tāua. Le gafa e

mafai ona momoli mai ai ia i tatou se feau tāua e tasi. E tulaga ese ma fa‟apitoa Iesu,

ma o Iesu e i ai lona tala‟aga. O le va‟aia la o Iesu i totonu o lenei ata tēle,tatou te

malamalama ai i ona fo‟i tagata i ona lava aso ma aga‟i mai ai i aso nei. O lo‟o i ai

Iesu i totonu o le laina o perofeta ma ositaulaga, ma e tatau ai ona fesili tatou mo i

tatou, pe fa‟apefea ona tatou va‟ai ia Iesu? Ia tatau fo‟i ona tatou malamalama, pe

fa‟apefea ona tatou va‟ai ia i tatou lava?

Tatalo: Aumai lou mautinoa Tamā, ina ia matou iloa ai ma le mautinoa le mamalu

ma le ofo‟ofogia o lau afio. Amene.

Aso Gafua - Tesema 23: “E o mai ē popoto” The wise man cometh. Tusi Faitau: Mataio 2: 1-6

Matua: ff. 1-2 : “Ua fanau Iesu i Petele‟ema i Iutaia i ona po o Herota le tupu,

fa‟auta, ua o‟o mai ai makoi mai sasa‟e i Ierusalema, ua fa‟apea mai, “po o fea o i

ai le ua fanau mai o le tupu o tagata Iutaia? Auā ua matou va‟aia lona fetu i sasa‟e,

ua matou o mai ai e ifo atu ia te ia.”

E i ai mea o le olaga e le atoa i ai sa tatou sauniuniga, ma e mafai fo‟i ona

tatou fa‟apea: e fa‟atauva‟a ma iti‟iti fo‟i la tatou sauniuniga mo le afio mai o Iesu.

Ua mautinoa i le tala, e foliga mai e pau lea o le vaega lea sa saunia lelei, “makoi”

auā sa atou leoleo i le po ma galulue e aunoa ma se fa‟aaliga a agelu e fa‟ailoa mai

ai le fanau mai o Iesu. E i ai nisi e leai se manatu mamafa i le fanau mai o Iesu

peita‟i nei tagata, fai sa latou o ma ave a latou mea‟alofa mo le pepe o Iesu.

O lo‟o ua fa‟aali mai mo i tatou le tāua le mata‟ala ma saunia, afai ae le‟i

saunia i latou ma mata‟ala; semanū latou te maua lena avanoa e fa‟afetai ma

molimau ai i le fanau mai o le fa‟aola. O le mea‟alofa e tasi i le olaga, e faigata ona

malamalama i le auro, pulu lipano ma le pulumuro mo se pepe fa‟atoa fanau mai, a‟o

le tāua o lo‟o afifi mai i mea‟alofa o le „alofa‟. E tatau ia i tatou ona fa‟afetai i le

Atua e le aunoa ona o ana mea‟alofa mo i tatou i taimi uma.

Tatalo: Le Atua alofa e, ia fesoasoani mai lau afio mo i matou, ina ia matou iloa

onatu‟uina atu o matou loto i lau afio e fai ma mea‟alofa mo lau afio i lenei

Kerisimasi. Amene.

Aso Lua - 24 Tesema 2019. Auala manino a le Atua (God‟s get-out clause)

Tusi Faitau Mataio 2: 7 -18

Matua: ff.7&8: “Ua aami lemu ane Herota o makoi, ona matua suesue ai lea ia tei

latou i ona po na iloa ai le fetu. Ona ia aauina atu ai lea o i latou i Peteleema, ua

faapea atu. O atu ia outou, ina matua saili ia i le tama itiiti, pe a outou iloa, ia outou

faailoa mai ia te au, o au foi ou te alu atu ai e ifo atu ia te ia.”

O sailiga a makoi mo le fia feiloai ia Iesu, o se sailiga o loo atagia ai

fuafuaga mamana a le Atua. E ui ina o ni lagona o loo tatanu i le loto Herota, peitai o

loo tatou iloa auala manino a le Atua, e le mafai ona suia, ma manumalo i ai le

tiapolo. O le faamatalaina e Mataio o le soifua mai o Iesu, o le faailoa mai foi lea ia

tei tatou, o auala lelei ma le atoatoa a le Atua tatou te manino ai i lona mafuta mai. O

78

le galuega a le mana o le Atua, na faaalia i le miti, e liliuina ai lagona o tagata faufau

leaga, ae faailoa le silisiliese o tapenaga a le Atua mo le faaolataga.

O loo tatou ola i se olaga, e tele auala ma suiga mai lea taimi, i lea taimi.

Peitai e tatau ona tatou mautinoa, o auala manino ma le atoatoa ona lelei, o auala e

fausia mai le mana o le Atua. Aua o auala na e tau i le manuia, ma iloa ai le finagalo

moni o le Atua. O auala manino a le Atua, o lo tatou iloa lea o lona faaali mai ia te

oe ma au, e iloa ai le mea moni mo lona finagalo i lenei lalolagi. Fai oe ma au ma

faataitaiga lelei, ao tatou sauni e faamanatu le fanau mai o Iesu.

Tatalo: Le Atua alofa e, fesoasoani mai ina ia matou iloa le mafuta mai o lou mana,

e iloa ai auala lelei ma le mautinoa, aua la matou savaliga mo lou soifua mai. Amene

ASO KERISIMASI

Aso Lulu - 25 Tesema: “O le taua o le aso.” ( What a day)

Tusi Faitau: Mataio 1: 18 -25

Matua: f.23: “Faauta, e to le taupou ma fanau mai le tama tane, latou te faaigoa foi

ia te ia o Emanuelu, o lona uiga pe a faamatalaina. Ua ia te i tatou le Atua.”

O le Kirisimasi e moni lava o se aso faapitoa i le lalolagi, pe a uma le aso,

tatou te manatuaina Keriso le Alo o le Atua na afio mai i le lalolagi e ala i lona

fanau mai i se auala na filifilia e le Atua. Ina ia avea o tatou tagata e susulu atu i ai

le malamalama, tatou te iloa ai auala fou. O le malamalama ola ma le alofa lea na

aumaia e Iesu e moomia ai le vaai i luma.

O le fanau mai o Iesu, ua suia ai le lalolagi le mautonu, i se lalolagi talitonu

ma faatuatua. Ua mafuta mai le Atua faatasi ma i tatou, ina ia tatou iloa ai le

malamalama o le faamoemoe o lenei aso. Pe o le a tatou faatagaina o ia e afio i o

tatou loto, mo se taimi fou, poo se taimi muamua. Ia manatua, o le aso e taua, ma

tatou manino ai i le folafolaina e le Atua, lo tatou faaolataga, e auala mai i lona alo o

Iesu Keriso. O le taua o lenei aso, e amata ia te oe, le ola mafuta, ma le ola

faamagalo, ma le ola fealaofani. Ina ia tatou mautinoa, ua tatou olaina le taua o le

kirisimasi i le taimi nei, ma le lumanai.

Tatalo: Le Alii, Iesu Keriso. A ou manatu i lou fanau mai i le asō, matou te tatalo

ina ia mafai ona e faia lou fale i totonu o matou loto ma e afio ai e faavavau. Amene.

Aso Tofi – 26 Tesema: “Folafolaga a le Atua ua oo mai.”

Tusi Faitau: Mataio 2: 19 -23 (God‟s deliverance promised)

Matua.f.23: “Ua oo foi i le tasi aai e igoa ia Nasareta, ua nofo ai, ina ia taunuu ai

o le upu a le au perofeta, E igoa o ia o le Nasareta.”

E le galue mai le Atua e tusa ai ma o tatou taimi faatulagaina, poo tatou

manatu ma fuafuaga. O le taimi a le Atua o le taimi tonu lava lea o le Atua. Soo se

mea e fuafuaina, ma lotolotoi ai le finagalo o le Atua. E mautinoa e faatino ma le

manuia, ma taunuu. O folafolaga a le Atua na valoia e le au perofeta, e le o ni

folafolaga na faataga faia, pe na tupu fua. O folafolaga na tapenaina, ma saunia i le

finagalo faitoatasi o le Atua, ina ia maua e tagata le fiafia, ma le ola manuia.

O folafolaga a le Atua i le soifua mai o Keriso, lea ua taunuu, faatasi ai ma

le auala na faasaoina ai Iesu, mai loto ita o tagata lea foi ua tau manuia. O le nuu foi

79

ua faamautuina na nofo ai Iesu, o lea foi ua manino e tusa o le molimau a Mataio. O

folafolaga a le Atua e taunuu, aua o loo i ai lona finagalo. Poo a taumafaiga a tagata

e faaleaga ni faatinoga lelei, ua tatou faia, afai e mafutaina i tatou e le Atua, o lo

tatou iloa lava lea o lana folafolaga e faataunuuina ai mea tonu uma.

Tatalo: Le Atua faamaoni, e te sau i ou tagata i o latou mafatiaga. Fesoasoani ia i

matou e faatali ma le onosaʻi ia te oe i faigata o o matou olaga. Amene

Aso Faraile - Tesema 27: “Faataunuuina Afioga a le Atua”

Tusi Faitau: Mataio 3: 1-6 . (God‟s word fulfilled)

Matua: f.4: Ao Ioane ia, sa ofu i le fulufulu kamela, ma le fusipau i lona sulugatiti, a

o ana mea ai, o sē akerise ma le meli vao ia.”

Na faaali mai e Ioane le Papatiso ia i tatou e mafai e le Atua ona faaaoga le

mea e le masani ai tagata, i le tulaga e le masani ai i auala e fesootai ai le faamoemoe

ma le moni o le talalelei. E mafai foi ona tatou iloa, o mea e le manatu mamafa i ai le

tagata, ma iloa e le tagata le faatauvaa. O iina e auala mai ai le afioga a le Atua, i se

feau momoli mai, ina ia tatou iloa tino, o ana afioga e faataunuuina lava. O le vaai a

le au kerisiano i mea faaleiloga, e mafai ai ona faamatala mai ai iina le finagalo o le

Atua, ina ia mafai ona tatou iloa, o lo tatou ola, e i ai fesootaiga ma le finagalo o le

Atua, e ala i le faatuatua.

O le molimau a Mataio i le galuega a Ioane, ma lana talaiga, o iina tonu o

loo taoto ai afioga faataunuu a le Atua. O afioga a le Atua e muamua mai ina ia iloa

e le tagata ona ola sauniuni ma tapena, ina ia oo mai le Atua ma lona malo, a ua

tatou iloa ona tali atu i ona taimi talafeagai. O afioga a le Atua, e tupu ma ola, ma e

mamana, mai totonu o ia lagona, e mautinoa lava e faataunuuina i le finagalo lava o

le Atua e toatasi, ma faaaogaina ai lo tatou ola.

Tatalo: Le Atua e, faamalosi aʻu e tautala atu i lau upu i taimi ua e finagalo ai, ina ia

matou iloa ai le mautinoa, e fesoasoani i lo matou vaivai faa-tagata. Amene

Aso Toonai – Tesema 28: “Ua aumai e Ioane le papatiso le faamoemoe”

Tusi Faitau: Mataio 3: 7 -12(John the Baptist brings hope)

Matua:ff.7&8: “Ua na iloa atu le au farasaio ma le au satukaio e toatele ua o mai i

lana papatisoga, ona ia faapea atu ai lea ia te i latou “ Fanau a gata feai e, o ai ea

ua na faaali atu ia te outou ia sosola ese i le toasa atalī. Ia outou fua mai ni fua e

tatau ma le salamo.”

Na luitauina e Ioane le Papatiso ia le au faresaio ma le au Satukaio oi latou

nei, latou te leʻi taliaina lana savali o le salamo ma le matua taua, ae e masani ona

faalagolago i le atamai po o le gafa mo le faaolataga. Mo Ioane le Papatiso, o le

faamoemoe o le taunuuga lea o le salamo - pe a tatou salamo, tatou te toe faafoi atu

mea i le faasologa sao, pe a tatou toe amata ona tatou maua le mautinoa i le alofa

tunoa o le Atua. I lea talitonuga tatou te maua ai lo tatou faamoemoe, lo tatou olioli

ma lo tatou ola, aua o le salamo e faatatau i le oti i le agasala, ma le ola fou i le

Atua. O le faamoemoe fou mo le tagata agasala, o le mafai lea ona iloa lona olaga

agasala, ma ia liliu ese mai ai, ma fuli i ai le tua, ina ia le toe manatua ma faia. O le

oo mai o le salamo, o le faitotoa lea e toe autalaina ai lo tatou ola.

O le faamoemoe na lalagaina ma amata mea ai le Atua, lea na faaogaina ai

Ioane, na te fofola se alafua fou, mo le ola o le tagata. O le talaiga o le papatisoga e

80

ala i le salamo, o le auala lea e mafai ai ona tatou maua le fesootaiga vavalalata a le

tagata ma le Atua, e ala i le tala lelei. Ua aumaia e Ioane se alafua fou e toe manatu

ai le tagata i lo la va ma le Atua.

Tatalo: Iesu Keriso e, fesoasoani ia i matou ia manatua o lau taulaga i luga o le

satauro e mafai ai ona avea i matou uma ma foafoaga fou. Amene.

Aso Sa – Tesema 29: “O Iesu le taiala.” (Jesus leads the way)

Tusi Faitau: Mataio 3: 13- 17

Matua: f. 16: “Ua papatisoina Iesu, ona maliu ae lea o ia nai le vai, faauta foi, ua

faaavanoaina le lagi ia te ia, ua ia iloa atu foi le Agaga o le Atua ua afio ifo e

peiseai se lupe, ua oo i ona luga.”

O le papatisoga, o se tasi lea o taimi sili ona fiafia i le olaga o le Ekalesia.

E oo mai i le asō, e mafai, ma manatua pea lava le taua o le papatisoga. O le olioli e

sau mai le usiusitai, o le iloaina o le papatisoina, e le na o le mulimuli i le ala o Iesu,

ae ia usiusitai ia Iesu i lana poloaiga ia papatisoina i tatou. O le papatisoina e Ioane o

Iesu, o se taiala lelei ma le atoatoa ua faia ai Iesu ma faataitaiga lelei, mo le ulufale

atu i le aiga o le Atua, faatasi ai ma faamanuiaga e faaeeina i o tatou luga, tatou te

iloa ai le mamalu o le Atua. O le papatisoga o Iesu, e le o faatusaina i mea uma e fai

ma a tatou lava papatisoga. E leʻi i ai se agasala a Iesu ae o lona papatisoga ua

fegalegaleai o ia ma lenei faamanatuga i le lumanai o le Ekalesia, e pei o le talisuaga

a le Alii lea na ia auai. O le amataga o le galuega a Iesu, na amata i le papatisoga, ina

ia mafai ai ona maua faamanuiaga mo ia mai le Atua, ao sauni atu mo le galuega. O

le ulufale atu i le papatisoga, o le tatalaina o lo tatou ola e iloa le taua, ma

faamanuiaga a le Atua, i o tatou luga, ao faapea ona avea i tatou ma ona soo i le

lalolagi. O mea tonu e ao ona tatou faataunuuina, o lo tatou vaavaai atu lava lea i le

taiala lelei ma le mautu na amataina e Iesu.

Tatalo: Le Atua alofa, fesoasoani mai, ina ia matou iloa ma talitonu, o lo matou ola

ua e papatisoina, e ala i au faamanuiaga, ma lou alofa tausi mai, e manino ai i lou

finagalo. Amene.

Aso Gafua – Tesema 30: “Ua manumalo Iesu.” (Jesus overcomes)

Tusi Faitau: Mataio 4:1 -10

Matua: f.9: “ona fai mai ai lea o ia ia te ia. Ou te avatua nei mea uma ia te oe, pe

afai e te faapau ma ifo mai ia te au.”

O faaosoosoga o se vaega o le olaga Kerisiano. Po o le a lava le mea tatou

te ono inoino i ai. O se mea moni lenei. E pei ona tatou vaaia, o Iesu lava ia na

feagai, ma onosai i faaosoosoga a le tiapolo .Peitai e i ai se mea o manao i ai Satani o

loo i ai i totonu o lenei faaosoosoga. O loo taumafai Satani e tuu atu ia Iesu ni auala

e faatoilalo ai lana galuega talai. Soo se filifiliga, e le faigofie, aua o le a mafai ona

fesouaina le mafaufau, ma avea ai ma ala o le faia o le mea moni, poo le mea sese.

Peitai, ana manumalo Iesu i nei mea e tolu na tuuina atu i ai e le tiapolo, semanu e le

mafai foi ona ia faia i kalevario e pei ona maliu ai o Ia.

Tatou te manaomia Iesu i le taimi tatou te vaivai ai, se malosi e faamalosia

i tatou mai fetauiga ma le tiapolo i taimi e faaosoosoina ai i tatou. Peitai e tatau i le

kerisiano ona mautinoa, lona faalagolago malosi i le Atua, e manumalo ai i

81

faaosoosoga. Vivii i le Atua ma pipii pea i le sini o lona finagalo mo i tatou. Talitonu

i taimi uma i lona alofa tunoa atoatoa.

Tatalo: Le Atua e, fesoasoani ia te au e tetee atu i faaosoosoga uma, faatasi ai ma le

fesoasoani i taimi o filifiliga pe a oo ina latalata mai au a le fili, ma taumafai e lepeti

lo matou ola auauna ia te oe. Amene.

Aso Lua - Tesema 31: “E le faatapulaaina le galuega talai a Iesu”

Tusi Faitau: Mataio 4: 12 -22 . (Jesus‟ ministry: no limits)

Matua. f.19: “Ona fetalai atu lea o ia ia te i laua. Ina mulimuli mai ia ia te au, ou te

faia oulua ma faifaiva i tagata.”

I le valaauina o le au soʻo, o loo tatou iloa ai, e le o manatu mamafa Iesu i

ni agavaa, e mafai ai e le au soo ona auauna, ae o loo silafia lelei lava e Iesu, le loto

naunau o i latou nei, e fia tautua ma auauna mo Iesu ma lana galuega. E le gata i lea,

ae o loo silafa lelei e Iesu, pe mafai e nei tagata ona tuua mea uma o loo fiafa i ai, ma

iloa e le Alii le agaga moni o le mulimuli i le na valaauina i laua. O loo tatou iloa i

lenei tala, le finagalo o Iesu i le tagata e loto naunautai, ma e naunau e faia le

finagalo o le Atua, tusa lava poo le a le tulaga tatou te o mai ai. Ua faamanatu mai ia

te i tatou i aso uma le alofa tunoa o le Atua, e pei ona avea ai i tatou o tagata ua

salamo ma faatuatua, ma mea faigaluega o lona alofa.

O le galuega talai, e le nao se taimi ma se aso se tasi, ao le soifuaga e

moomia le faataunuu i aso uma ma taimi uma. O le loto naunautai e faaauau pea, o le

manino foi lea i le faatasi mai o lē ana le galuega, e faamalosia ai o tatou loto talai, i

taimi taua o le olaga. O lo tatou tumau i le lotomau, ma le loto faatuatua, o le

tatalaina foi lea o avanoa tatou te o ai e fai oe ma au ma vae ma lima o le galuega

talai, ina ia mautinoa o loo ola nisi mai la tatou galuega talai.

Tatalo: Le Alii le Atua, e pei ona e valaauina ou soo, e pei foi ona e valaau ia i

matou taitoatasi. Fesoasoani ia i matou ia mulimuli ia te oe ma aua le faitauina le

tau. Amene.

Ia manuia lenei tausaga i le alofa ma le manuia o le Atua.

e oo atu ia Tesema. Ia manuia tele le tapuaiga. · O mafatiaga tula‟i mai ua lē mafai ona tauave e „āiga, a e ao ina galulue fa‟atasi le sosaiete ma tagata uma ina avatu le

Documents