1 E fa‟atalofa atu i le Ekalesia ina ua aulia mai o nei masina taua o le tausaga, o le vaega Lona Lua lenei o le tatou Tusi Faitau Aso mai ia Iulai, e oo atu ia Tesema. Ia manuia tele le tapuaiga. Aso Gafua – Iulai 1: “Ia tu‟u se avanoa mo le fa‟amalologa” Tusi Faitau: Luka 8:40 -56 (Making room for healing) Matua: ff. 42 – 45. „Ua maliu atu o ia, a ua fetaomi mai ia te ia le motu o tagata. O le fafine sa ia te ia le puna toto i tausaga e sefulu ma le lua,…ua alu ane ia i ona tua, ma pai ane i le tuupao o lona ofu; ona utu loa lea o lona puna toto. Ona fetalai ane lea o Iesu, “O ai ea na na pai mai ia te au? E to‟atele le motu o tagata na lolofi atu ia Iesu faapea tagata ua fia maua o se fesoasoani, e ui i le to‟atele a e na fa‟aavanoa e Iesu o auala e o‟o atu ai lana fa‟amalologa i tagata uma. E to‟atele tagata na pa‟i atu ia te ia peita‟i, ua lagona e Iesu le pa‟i atu a le tagata mafatia ua leai se fa‟amoemoe, ma ua fia maua le malologa mai ma‟i faigatā. O lea na faliu ai Iesu ma fetalai atu, „o ai lea na pa‟i mai ia te au?‟ O le Alii e tu‟u avanoa i le tagata mafatia, ma ua fa‟amaloloina ai le tinā. E lua ni ata taua ua maua mai i lenei tala. Muamua, o le tinā ua talitonu i le alii faamalolo; Lua, e talitonu e faia e Iesu le faamalologa mo ia. O le lu‟i tele i lo tatou si‟osi‟omaga, o le maua o se avanoa e faia ai le galuega fa‟amalolo mo i latou o lo‟o vala‟au atu i le fia maua o se fesoasoani. O leā se va‟aiga i lo tatou lalolagi pe a fa‟avae ta‟ita‟iga i le fa‟amuamua o le avanoa mo i latou ua fia maua se fesoasoani, ua leai se mea o nonofo ai, fa‟apea i latou ua le maua ni galuega? Tatalo: O le tatalo i le fa‟apotopotoga, faapea ta‟ita‟i o le Atunu‟u ina ia fa‟amuamua avanoa mo i latou ua vala‟au atu i le fia maua o se fesoasoani. Amene. Mafaufauga loloto: Ia fa‟ailoa auala e fa‟atino ai le o‟o atu o le fesoasoani. Aso Lua - Iulai 2: “Ia fa‟a-avanoa le potu mo tagata uma‟‟ Tusi Faitau: Luka 9: 1 – 17 (Making room together) Matua: ff. 16,17a: „Ona tago ai lea o ia i areto e lima gafua, ma i‟a e lua lau, ua tepa ae i le lagi, ua faafetai, ma tofitofi, ma avatu i ona soo, latou te laulau atu ai i le motu o tagata. Ua latou aai, ua maoona uma lava.‟ Pe afai e ave‟ese le lē talitonu, poo le loto fa‟apopoleina, tatou te „au faatasi ma le Alii ma lona tamāoaiga ua ia fa‟asoa mai. E fa‟apea foi ona tatou aua‟i fa‟atasi ma iloa mea lelei o lo‟o fia maua e o tatou tagata. O le talia o le tagata ma avea ma tuaoi ia te oe, e atina‟e ai le mafutaga fa‟aaloalo ma atia‟e ai le alofa ma le agalelei i tagata uma. O le ā se va‟aiga i le Atua pea a tatou fa‟atāuaina le mafuta fa‟atasi, fa‟apea ai le olaga manuia ua fa‟asafua mai e le Alii lona tamāoaiga mo tagata uma? Tatalo: Tatalo i le Alii ina ia fa‟asoa atu o lona tamāoaiga i tagata uma, ma mea ua fia maua. Amene. Mafaufauga loloto: Talanoa i tagata i le faia o le fesoasoani, fa‟apea suiga lelei e soifua ai le tagata ma le manuia.
81
Embed
e oo atu ia Tesema. Ia manuia tele le tapuaiga. · O mafatiaga tula‟i mai ua lē mafai ona tauave e „āiga, a e ao ina galulue fa‟atasi le sosaiete ma tagata uma ina avatu le
This document is posted to help you gain knowledge. Please leave a comment to let me know what you think about it! Share it to your friends and learn new things together.
Transcript
1
E fa‟atalofa atu i le Ekalesia ina ua aulia mai o nei masina taua o le
tausaga, o le vaega Lona Lua lenei o le tatou Tusi Faitau Aso mai ia Iulai,
e oo atu ia Tesema.
Ia manuia tele le tapuaiga.
Aso Gafua – Iulai 1: “Ia tu‟u se avanoa mo le fa‟amalologa”
Tusi Faitau: Luka 8:40 -56 (Making room for healing)
Matua: ff. 42 – 45. „Ua maliu atu o ia, a ua fetaomi mai ia te ia le motu o
tagata. O le fafine sa ia te ia le puna toto i tausaga e sefulu ma le lua,…ua
alu ane ia i ona tua, ma pai ane i le tuupao o lona ofu; ona utu loa lea o lona
puna toto. Ona fetalai ane lea o Iesu, “O ai ea na na pai mai ia te au?
E to‟atele le motu o tagata na lolofi atu ia Iesu faapea tagata ua fia
maua o se fesoasoani, e ui i le to‟atele a e na fa‟aavanoa e Iesu o auala e o‟o
atu ai lana fa‟amalologa i tagata uma. E to‟atele tagata na pa‟i atu ia te ia
peita‟i, ua lagona e Iesu le pa‟i atu a le tagata mafatia ua leai se fa‟amoemoe,
ma ua fia maua le malologa mai ma‟i faigatā. O lea na faliu ai Iesu ma fetalai
atu, „o ai lea na pa‟i mai ia te au?‟ O le Alii e tu‟u avanoa i le tagata mafatia,
ma ua fa‟amaloloina ai le tinā. E lua ni ata taua ua maua mai i lenei tala.
Muamua, o le tinā ua talitonu i le alii faamalolo; Lua, e talitonu e faia e Iesu
le faamalologa mo ia.
O le lu‟i tele i lo tatou si‟osi‟omaga, o le maua o se avanoa e faia ai
le galuega fa‟amalolo mo i latou o lo‟o vala‟au atu i le fia maua o se
fesoasoani. O leā se va‟aiga i lo tatou lalolagi pe a fa‟avae ta‟ita‟iga i le
fa‟amuamua o le avanoa mo i latou ua fia maua se fesoasoani, ua leai se mea
o nonofo ai, fa‟apea i latou ua le maua ni galuega?
Tatalo: O le tatalo i le fa‟apotopotoga, faapea ta‟ita‟i o le Atunu‟u ina ia
fa‟amuamua avanoa mo i latou ua vala‟au atu i le fia maua o se fesoasoani.
Amene.
Mafaufauga loloto: Ia fa‟ailoa auala e fa‟atino ai le o‟o atu o le fesoasoani.
Aso Lua - Iulai 2: “Ia fa‟a-avanoa le potu mo tagata uma‟‟
Tusi Faitau: Luka 9: 1 – 17 (Making room together)
Matua: ff. 16,17a: „Ona tago ai lea o ia i areto e lima gafua, ma i‟a e lua
lau, ua tepa ae i le lagi, ua faafetai, ma tofitofi, ma avatu i ona soo, latou te
laulau atu ai i le motu o tagata. Ua latou aai, ua maoona uma lava.‟
Pe afai e ave‟ese le lē talitonu, poo le loto fa‟apopoleina, tatou te „au
faatasi ma le Alii ma lona tamāoaiga ua ia fa‟asoa mai. E fa‟apea foi ona tatou
aua‟i fa‟atasi ma iloa mea lelei o lo‟o fia maua e o tatou tagata. O le talia o le
tagata ma avea ma tuaoi ia te oe, e atina‟e ai le mafutaga fa‟aaloalo ma atia‟e
ai le alofa ma le agalelei i tagata uma. O le ā se va‟aiga i le Atua pea a tatou
fa‟atāuaina le mafuta fa‟atasi, fa‟apea ai le olaga manuia ua fa‟asafua mai e le
Alii lona tamāoaiga mo tagata uma?
Tatalo: Tatalo i le Alii ina ia fa‟asoa atu o lona tamāoaiga i tagata uma, ma
mea ua fia maua. Amene.
Mafaufauga loloto: Talanoa i tagata i le faia o le fesoasoani, fa‟apea suiga
lelei e soifua ai le tagata ma le manuia.
2
Aso Lulu - Iulai 3: “Fa‟ailoa le mea moni” (Naming what is true)
Tusi Faitau: Luka 9: 18 – 36
Matua: ff. 18b – 20: “Ona fesili atu lea o ia ia te i latou, “Se a le upu a
tagata ia te au po o ai?” Ua latou tali mai,”O Ioane le papatiso; a o isi O
Elia; a o isi Ua toe tu mai le tasi o le au perofeta anamua” Ua fetalai atu o ia
ia te i latou, “A o outou na, se a la outou upu ia te au nei po o ai?” Ona tali
atu lea o Peteru, “O oe o le Keriso o le Atua”
E ui ina e le‟i „fa‟atūina mai le tu‟ugamau‟ peita‟i, o Iesu ua
valaauina Peteru ma Iakopo ma Ioane i le mauga ma fa‟ailoa lona pupula
silisili „ese. O lea na fa‟ailoa ai e Peteru ia Iesu, le upu moni, “O oe o le
Keriso o le Atua”,
O le Alii o lē ua vala‟auina i latou e mulimuli ia te Ia, o le ala moni e
mulimuli ai i aso o le lumanai. O lenei fo‟i le vala‟au mo i tatou, o le upu
moni e mulimuli ai. Pe fa‟apefea ona avea i tatou e pei o Peteru ma fa‟ailoa
atu ma le loto tele i le lalolagi, ua fa‟aleagaina i tala le moni ma upu le sa‟o?
Tatalo: Tatalo e pei o Peteru e fa‟ailoa le upu moni i le lalolagi ua faasesēina
i tala le moni ma le lē sa‟o. Amene.
Mafaufauga loloto: E le faigatā ona iloa le mea moni o loo fia maua e o
tatou tagata. Fa‟asoa ma mafuta i tagata, ma fa‟ailoa atu le upu moni
mo‟omia.
Aso Tofi - Iulai 4: „O le tāua o le mea moni, e sili lava ia‟‟
Tusi Faitau: Luka 9: 37 – 50(True greatness benefits all)
Matua: f. 48: “Ua fetalai atu o ia ia te i latou, “Ai se talia lenei tamaitiiti i
lou igoa, ua talia a‟u e ia; ai sē talia foi a‟u, ua talia e ia le na auina mai
a‟u; auā o le aupito itiiti ia te outou uma, e sili lava ia” O le tala i le tamaitiiti fa‟atauva‟a na fa‟aolaina e Iesu, ua iloa ai le
silisili „ese o le Atua i mea uma lava ua ia faia. Ua va‟ava‟ai tagata ia Iesu ma
le ofo tele ona o le tagata ua ulutinoina e temoni, ao lea ua faatonu atu e Iesu
temoni ina ia alu ese mai le tagata, ona malolo ai lea o le tama peitai, ua iloa e
Iesu i lona „au soo, ua fefinaua‟i ona o le ofotele i lana faatinoga e ui ina
faailoa atu o lona finagalo. Ua fefinauai poo ai le tagata e silisili lona tāua i
tagata, ua tausiniō i le āia tatau a le tagata. Ua iloa e le „au soo o le ta‟uta‟ua o
le pule a le Alii ua maua lea mai le Atua. O lea ua fetalai Iesu, o le pule a le
Alii ua avea lea ma tagata vaivai ma fa‟atauva‟a, ma ua vala‟auina le tagata e
le Atua na te faataunu‟uina lona finagalo.
I lenei lalolagi ua vala‟auina i tatou ina ia maua le olaga saogalemu ma le
to‟amalie. O nei a‟oa‟oga a Iesu fa‟apea ma tala mai le amataga i le galuega a
le alii, o Ia na te tafiesea o nei fa‟afitauli ua feagai ma i tatou. Ia avea i tatou
ma vaitafe e aumaia le puna o le ola mo e ua fia maua le fesoasoani, ia avea le
upu moni e silisili ona tāua, ma tu‟uina atu o tatou loto i le Upu moni e sili
ona lelei.
Tatalo: Tatalo ina ia aumaia e le Atua lona agalelei, tatou te faia ai mea uma
ma le matagofie. Amene
Mafaufauga loloto: Ia e iloa le silisili „ese o le Atua ma faailoa atu le sili o le
Atua, e silisili lava lea.
3
Aso Faraile - Iulai 5: „Ia tu‟ua o mea uma, a e aga‟i i amataga fou‟
Tusi Faitau: Luka 9: 51 – 62 (Leavings and beginnings)
Matua: f. 51: “Ua oo atu i ona po e siitia ai o ia, ona matuā faasaga atu
lea o ia e maliu atu i Ierusalema.” Ina ua tu‟ua e Iesu o mea uma ma fa‟asaga atu i Ierusalema, ua
silafia e Ia le lē toe foi i le mea sa i ai, a ua aga‟i atu o Ia i le fa‟atinoina o lana
galuega, ua faatalitali mai. E to‟atele tagata e pei foi o ō tatou tagata i lo tatou
atunu‟u na mulimuli ia Iesu i ana a‟oa‟oga, fa‟atinoga, fa‟amalologa, fa‟apea
le togiola ua ia faia ina ia fa‟aolaina ai i tatou. O ō tatou tagata ua avea ma
misionare, o tagata ua atina‟e mea lelei mo le manuia o tagata, o e ua finau
mo le manuia o le fa‟asaolotoina faapea le tausia o le filemū.
I tala ua faitau i ai i le atia‟e o nofoaga mo i latou ua le maua se
malu e malutia ai, ua vala‟auina i tatou e pei o Iesu, ua tu‟u mea uma a ua
fa‟asaga atu i Ierusalema e ui ina agaleagaina e tagata, aua silasila atu ma le
alofa i tagata. O lea foi le vala‟au a le Alii mo i tatou i lenei taeao, ina ia tu‟u
o mea uma, a e aga‟i atu i va‟aiga fou i tagata o loo mo‟omia le fesoasoani, ia
faa-avanoa o tatou loto e lagolago atu, ma galulue fa‟atasi ma tagata o lo‟o
faia suiga lelei, mo tagata.
Tatalo: Tatou tatalo mo i latou ua tu‟ua o mea uma, a ua galulue mo va‟aiga
fou e manuia ai tagata o lo‟o mo‟omia le fesoasoani. Amene
Mafaufauga loloto: E i ai se mea ua e lē tālia ai le vala‟au alofa ina ia liliu
mo le Alii ma lana vala‟au mai ia te oe?
Aso Toonai - Iulai 6: “O malaga e sili ona tāua, peā malaga fa‟atasi ma
isi” (Journeys are best taken with others)
Tusi Faitau: Luka 10: 1 – 16
Matua: ff.1 – 3 (se vaega) “ua aauina atu o i latou e taitoalua e muamua
atu ia te ia,…Ua ia fetalai atu …Ina o atu ia, faauta, ou te aauina atu
outou pei o tamai mamoe i le va o luko.” E tele auala ua la‟asia e alii ma tamaita‟i i le lalolagi, ua o atu ina ia
faia o suiga lelei mo tagata fa‟apea lo tatou sosaiete. O tagata ua sāvavali,
galulue, talatalanoa, ma tauave fa‟atasi le galuega e suia ai le olaga sauaina,
fa‟apea le pule i le ola. O mafatiaga tula‟i mai ua lē mafai ona tauave e „āiga,
a e ao ina galulue fa‟atasi le sosaiete ma tagata uma ina avatu le upu fa‟aola i
tagata uma, o le tāua lea o le galulue fa‟atasi e tineia ai o nei fa‟afitauli.
I le faitauina o le asō, ua faamanatu mai le tala a Iesu o tagata e 70, e
lē alu to‟atasi, ae galulue taitoalua, e galulue fa‟atasi, talanoa, ma fetufa‟ai
manatu a o sāvalia ala mo le atina‟eina o lana galuega. O le Alii o lē e ona i
tatou, o le Alii na te faapotopoto i tatou a o savavali ma folafola atu le Upu
moni mai ia te Ia, o le Alii o loo mafuta fa‟atasi ma i tatou i aso uma.
Tatalo: Fa‟afetai le Alii e, ona ua e vala‟auina i matou e galulue fa‟atasi e
folafola le tala lelei a lau Afio i tagata. Amene
Mafaufauga loloto: Va‟ava‟ai se i si lua te paga, e galulue fa‟atasi e avatu
suiga lelei i tagata.
4
Faitauina o le Tala Lelei i le Tusi a Luka (3) –
2 „Tatalo e pei o lenei‟‟Pray like this‟
( saunia e Bola Iduoze )
Aso Sa - Iulai 7: “Mata e va‟ai, ma taliga e fa‟alogo”
Tusi Faitau: Luka 10: 17 – 24. (Eyes that see, ears that hear)
Matua: ff.23,24: “Ua fāliu o ia i ona soo, ma fetalai lemu ane, “Amuia
mata ua iloa mea tou te iloa; auā ou te fai atu ia te outou, e toatele perofeta
ma tupu na fia matamata i nei mea ua outou iloa, a ua latou le iloa lava; na
latou fia faalogo foi i nei mea ua outou faalogo ai, a e lei faalogo ai lava,”
O so‟o o Iesu sa tele taimi na mafuta ai ma le Alii, ua faamatala ia
Iesu le tala fiafia ua fa‟alogo tagata e pei ona latou a‟oa‟o atu. O Iesu ua
fiafia i nei tala, ma olioli ma avatu le vi‟iga i le Atua.Ua faamanatu atu e Iesu
i ona soo, e lē o so latou lelei na tupu ai o nei tala tāua, a o le a‟oa‟oga na
latou faalogo ma vaavaai i ai, ua ala ai ona mafua le vi‟iga ia latou galuega.
E „ese le faigofie ona si‟itia o tatou loto i va‟aiga e pei ona
faatinoina, ma ave‟esea ai o tatou loto i le silisili „ese o le Alii na a‟oa‟oina ai
i tatou. E faapea le tala a le tusitala, e lei leva ona ia feagai ma mātauina mea
ua faia e le Atua mo ia peita‟i, ua ia lē mānatua o ia va‟aiga tāua i lona olaga.
Na ia taumafai pea e tusia lana kalena, e iloa ai mea na tutupu i le vaiaso. I le
fa‟aiuga olenā vaiaso, ua ia maua ai o nisi va‟aiga tāua ua faagae‟etia ai lona
loto.
O o tatou mata e va‟ai, faapea ai ma taliga e fa‟alogo peita‟i, o o
tatou loto tatou te lē faamaumauina o nei va‟aiga tāua..O i tatou ua tele mea
tāua ua tatou maua mai le Alii, ma e mafai ona e manatua ma fa‟amaumau o
nei va‟aiga e pei ona fa‟amatala mai e Luka i lenei taeao e ala i le vaai,
faalogo, manatua, o nei vaaiga taua i le loto ma le agaga.
Tatalo: Le Alii e, seia e tatala lau va‟ai ma lau fa‟alogo ina ia ou iloa ai Oe.
Amene.
Aso Gafua - Iulai 8: “O ai lou tuaoi?” (Who is your neighbour?)
Tusi Faitau: Luka 10: 25 – 37
Matua: f. 37: “Ua fai mai o ia, “O le na alofa atu ia te ia” Ona faapea atu
lea o Iesu ia te ia, “Ina alu ia, ma ia e faapea ona fai” O lou tuaoi, e le nā o se tagata e latalata atu ia te oe, a o le tagata na
te avatu le fa‟amalologa fa‟apea le alofa i fa‟atinoga i mea uma ua mo‟omia.
I lenei aso, ua fa‟ailoa mai e Iesu le fa‟ata‟oto i le Samaria agalelei,
ina ia tatou o atu ma faia galuega lelei mo tagata uma o lo‟o mo‟omia le
fesoasoani, ma le lē manatu i se taui e toe faia mai e tagata i ai tatou. O le
alofa i le Atua ua atagia ai a tatou fa‟atinoga i o tatou tuaoi, e pei ona a‟oa‟o
mai e Iesu. O le tatalo ina ia tatou maua le alofa tunoa o le Alii, tatou te faia ai
o lona finagalo e pei ona ia a‟oa‟o mai.
Tatalo: Le Alii e, aumaia lou alofa e manatua ai le faatinoga o lou alofa i e o
mo‟omia se fesoasoani, e pei ona e a‟oa‟o mai. Amene
Mafaufauga loloto: O ai se tagata o lo‟o mo‟omia se fesoasoani i lenei aso?
5
Aso Lua - Iulai 9: “E tasi le mea ua mo‟omia” (Only one thing is needed)
Tusi Faitau: Luka 10: 38 – 42
Matua: ff.41,42: “Mareta e, Mareta e, ua e popole, ma pūpū lou loto i mea
e tele; a o le mea lava e tasi e ao ina ia maua; ua filifili foi e Maria le mea
lelei, e le aveeseina ia te ia.” O le fa‟ailoa mai o le tala ia Mareta e Luka i lenei taeao, o le
tamaita‟i ua ia fa‟atino galuega e tali ai le malo, ma ua ia lē manatua ai, e
tatau ona nofo i vae o Iesu ma ia a‟oa‟o mai.
O Iesu ua vala‟auina Mareta faapea i tatou uma, ina ia fa‟amuamua
le mea e sili ona tāua. E tele taimi e fa‟atupuina ai le loto popole ma le
atuatuvale peā tali o ni malo peita‟i, o le fa‟aaogāina o le taimi, o le matafaioi
lea a le tagata e tatau ona fa‟atāua le mea e silisili ona tāua. Ia le uma le fia
fa‟alogologo i le a‟oa‟o mai o le Upu a le Alii, o le Upu na te aumaia le
fa‟amalologa, ma faa-feso‟otai mea ua ma‟a-numinumi i lo tatou ola, ina ia
laugatasia ma fa‟alelei, ma maua ai le loto fiafia, o le mea silisili ona tāua ua
maua, o le Upu mai le fa‟aola o Keriso lea.
Tatalo: Le Alii e, ia le avea a‟u ma va‟aiga sesē e fa‟agalo ai le mea silisili
ona tāua, e pei ona e a‟oa‟o mai. Amene.
Mafaufauga loloto: O le mea sili ona tāua i le asō, o le fa‟atāuaina o le mea
sili ona tāua. Ia e nofo i vae o le Alii, ona fa‟ailoa mai lea e Ia iai tatou o mea
uma lava.
Aso Lulu - Iulai 10: “O le Tatalo, e fa‟apea ona fai” (Pray like this)
Tusi Faitau: Luka 11: 1 – 13.
Matua: f. 13: “O lenei, o outou e leaga, afai ua iloa e outou ona avatu o
mea lelei mā a outou fanau, e le sili ea ona foaiina mai e lo outou Tamā o i le
lagi le Agaga Paia i e ole atu ai ia te ia?”
O lea ua avatu e Iesu le taiala o le tatalo, ma a‟oa‟o iai latou ina ia
fa‟apea ona faia. Ua ia fa‟ailoa atu le tatalo ia faia ma le mautinoa, o le Atua
na te fa‟afofogaina o latou loto. O le Atua le fesoasoani sili na te
fa‟afofogaina o a latou tatalo e faia ma le agaga, e suia ai le olaga e fa‟atino ai
feau ma le auaunaga ua galulue ai.
O le iloa o le oloa tāua mai le Alii, e tupu ai pea le olaga tatalo i le
Alii ma lona Agaga ua fa‟ailoa mai. O le vala‟au ina ia vala‟au atu i le taeao
ma le afiafi, e fa‟apea foi i so‟o se taimi, auā o le Atua na te fa‟afofogaina i
tatou e vala‟au atu ia te ia i le Agaga ma le fa‟amaoni.
Tatalo: Fa‟afetai le Alii i le fa‟afofogaina o a matou tatalo. Fa‟atupu teleina
le fiafia e tatalo ma tu‟u atu i lau afio o matou manatu. Amene.
Mafaufauga loloto: O fea o lo‟o faia ai lau tatalo ma le agaga fa‟afetai? O le
a se taimi e avatu ai o lau tatalo i le Atua?
6
Aso Tofi - Iulai 11: “Ua i ai tatou le mālō o le Atua”
Tusi Faitau: Luka 11:14 – 28 (The kingdom of God is here)
Matua: f, 20: “A e afai o le aao o le Atua ou te tulia ai o temoni, ua oo mai
lava ia te outou le malo o le Atua”
O le Upu a le Alii i lenei taeao, e „ese fo‟i le fa‟ailoa mai e le Alii o
lana pule i tagata uma. O le tagata o lo‟o soifua fa‟atasi ma le Atua, na te
aumaia suiga lelei ma tafiesea le fili ua sāuaina ai tagata i le lalolagi. Ina ua
o‟o mai o le pule a le Alii, e lē o se pule ua gata, a o le pule e fa‟aauau i aso
uma. E tele pulega sāua ua sāuaina ai tagata i lenei olaga peita‟i, o le Alii e
tumau lana pule i le fa‟atinoga o le amiotonu, fa‟apea le saolotoga mo tagata
uma. E ui ina tatou le va‟aia o Ia ma lana pule peita‟i, tatou te mautinoa o loo
mafuta o Ia ma i tatou.
O Iesu ma lona mālō ua afio mai ma fa‟atasia i tatou i loto ma
agaga, ma tafiesea mea sa saisaitia ai i tatou e alii o le lalolagi i le tuana‟i. Pe
afai tatou te tu‟uina atu o tatou manatu, ma avea Iesu ma pule i o tatou loto, o
le Alii lava na te aumaia le sa‟olotoga ma mafuta fa‟atasi ma Ia i lona mālō e
faavavau. E fa‟apefea ona avea i tatou, ma faailoa atu le pule a le alii e
faavavau e pei ona ia faailoa mai?
Tatalo: Le Alii e, ia o‟o mai o lou mālō ma ia faia o lou finagalo.Ia avea i
matou e avatu le saolotoga mo tagata ma maua ai le filemu. Amene.
Mafaufauga loloto: O le a se mea ua fa‟ailoa ai e Iesu lana pule ia te „oe i
lenei aso?
Aso Faraile - Iulai 12: “O le malamalama i le pouliuli.”
Tusi Faitau: Luka 11: 29 – 36 (Light in the darkness)
Matua: f.34: “O mata, o le moli lea o le tino; o lenei, pe afai ua lelei ou
mata, e malamalama uma ai lou tino; a e afai ua leaga, e pouliuli ai lou
tino.”
E faapea le tala a le tusitala, o lona nuu e lē ola ai le eletise i nisi
taimi i le ao poo le po. Ua tāua tele lenei faitauga o le Tusi Paia i lenei taeao.
Pe a oo ina tutupu o ia faalavelave, ona tutu lea o moli karasini, o nisi moli e
tau fufulu le malamalama o le moli O nisi taimi e tu‟u le moli i le tulimanu o
le fale e suluia ai le fale atoa.
I lenei aso, ua a‟oa‟o mai Iesu i ona so‟o le tāua o mata e pei o le
malamalama, e susulu atu i o tatou tino, ma faamafanafanaina o tatou loto ma
aumaia le manuia. E pei foi o o tatou „āiga, ia avea le malamalama e susulu
pea ma avea ai mata e iloa ai mea uma ma le mautinoa. Ua valaauina i tatou i
lenei taeao, ina ia iloa le malamalama ma ia faasusulu pea. O le malamalama
ua iloa i o tatou loto. Ia avea o tatou mata ma malamalama i faatinoga ma
galuega. Ia fufulu mata ina ia lelei ai lau pupula e te iloa ai mea uma. O le
Atua ua saili mai ina ia malamalama le lalolagi, e fa‟apea fo‟i ona susulu atu o
tatou mata, ma avea ma malamalama e susulu atu i le pogisa.
Tatalo: Le Alii agalelei, ia avea o‟u mata e susulu atu ma maua le
malamalama e fa‟ailoa atu lou alofa tunoa i tagata. Amene.
Mafaufauga loloto: O le a se auala ua e iloa ai le susulu mai o Iesu i lou
olaga i lenei aso?
7
Aso To‟onai - Iulai 13: “E faa-ono (6) ona ta‟ua o lenei upu. Oi Talofa”
Tusi Faitau: Luka 11: 37 – 54. (The six woes)
Matua: f.52: “Oi talofa ia te outou le au aoao o le tulafono! Auā ua avea e
outou le ki o le malamalama; tou te le ulu atu ai, sa outou faalavelave foi i
e a ulu atu.”
Ua a‟oa‟o atu Iesu i ona so‟o, ona ua latou faatāuaina o mea ua
va‟aia peita‟i, ua latou le silasila i mea e lē va‟aia, a o mea ia e silisili ona tāua
i le silafaga a le Atua. O le uiga lea o le „Oi talofa‟, ua sese‟ese mai le ala
moni ma faamuamua mea ua manatu i ai e tausia.
O lea ua a‟oa‟o mai Iesu ina ia tatou maua le atamai, o le a‟oa‟oga e
fa‟atusatusa ai le toe fuataiga o le loto, e fa‟avae i le Upu moni ua fa‟ailoa
mai e Iesu, a o tatou sāvalia ala o le manuia mai le Alii.
O le a se tala lelei mo i tatou i lenei faitauga? Tatou te faia mea uma pe a
tatou maua le Agaga o le Atua, ma fa‟ailoa mai o ana a‟oa‟oga e manuia ai. O
le agaga o le Alii na te fa‟agae‟etia i tatou i lana Upu tatou te molimau ai i le
Upu moni ua fa‟ailoa mai.
Tatalo: Au maia i ai matou o mafaufuaga tonu e lou Agaga, e tonu ai mea
uma i feau ma galuega matou te faia. Amene.
Mafaufauga loloto: O le a se a‟oa‟oga ua maua i la outou aulotu i mea ua
faia? E iai se mea e tatau ona suia? ae fa‟apefea ona fai?
Tusi Faitau mai ia Luka (3) – (3) The narrow door
(saunia e Shirlyn Toppin)
Aso Sa - Iulai 14: “Ia leoleoina lou tagata” (Be on your guard)
Tusi Faitau: Luka 12: 1 – 12.
Matua: ff 4, 5: “ A ou te fai atu ia te outou ma a‟u uo, aua toe te matatau
ia te i latou e fasioti i le tino; a mavae lea, ua leai se toe mea latou te
mafaia. A e ou te faasino atu ia te outou i lē tou te matatau i ai; ia outou
matatau ia te ia.” O le mata‟u ma le popole, o loo nofofale pea i o tatou loto. O le oti,
o le ala lea e o‟o mai i tagata uma peita‟i, o le soifuaga e finau i le olaga
solosolo lelei ma le aga‟i i luma. O le fa‟amaite a le Atua i lou tagata, ina ia
o‟o atu i foma‟i, e o‟o mai ai le fesoasoani faapea va‟aiga tāua e leoleoina ai
lou soifua.
Ua fa‟ailoa mai e Iesu i ona so‟o, ia saunia ma leoleoina i latou mai
le osofaiga, e lē o le oti fa‟ale tino, a‟o le oti fa‟ale Agaga, ua fa‟ateaina ai le
tagata ma le mafutaga ma le Atua silisili „ese.
O le lamepa mumū a le tiapolo, e fa‟aleagaina ai o tatou loto,
fa‟apea le fa‟amaoni ia Iesu ma lana galuega. Ua a‟oa‟o mai Iesu ina ia saunia
ma leoleoina i tatou, ia aua le fefe, tula‟i e fa‟ailoa, ma saili i tagata e aumaia
le fesoasoani.
Tatalo: Au maia lou Agaga ou te iloa ai le osofaiga a le fili, ma ia fa‟a-
aupegaina a‟u e faia le amiotonu. Amene.
8
Aso Gafua - Iulai 15: “Aua e te popole i lou tagata‟‟ (Think less of self)
Tusi Faitau: Luka 12: 13 – 26.
Matua : f. 22: “Ona fetalai atu lea o ia i ona soo, “O lea ou te fai atu ai ia
te outou, aua tou te popole i lo outou ola, i mea tou te aai ai, poo le tino, i
mea tou te oofu ai.” O le va‟aiga ia lē popole i mea‟ai faapea meainu ma lavalava, o se
va‟aiga faigatā i le tagata ona talia o nei a‟oa‟oga i lona siosiomaga. Ua tatou
va‟aia i nusipepa ma fa‟asalalauga ua fa‟ailoa i ala ata, o le malutia o le
tagata e tatau ona ia maua o ia mea e leoleoina ai o lona tagata peita‟i, o le
maua o ia mea, e fua i le mana‟o o le tagata ma lana filifiliga.
Ua fa‟ailoa mai e Iesu i lenei taeao, ina ia lē avea lo tatou
faalagolago i le tamāoaiga ma le saogalemu i mea e lē tumau. O mea e mavae
atu, ma lē toe va‟aia e mata. O le natura o mea e fa‟aumatia, o mea sa galulue
ai ma atina‟e ai le soifua i galuega, o mea sa tāua, a ua lē toe va‟aia..
O Iesu ua a‟oa‟o mai ina ia tu‟u atu lou tamāoaiga i le Atua i le lagi.
E tele taimi tatou te maua ai le tamāoaiga ma galo ai le Atua, o lē ona le
manuia uma lava. O taimi tatou te tu‟uina atu ai o tatou mana‟o i le Alii, o le
Alii ua fa‟amanatu mai, e fa‟avavau lona alofa ma ona tagata i aso uma.
Tatalo: A‟oa‟o mai a‟u ina ia le fa‟atuatua i mea ua va‟aia, a ia fa‟alagolago
i lou alofa lē va‟aia. Amene.
Mafaufauga loloto: O le a se mea tāua e tatau ona e maua?
Aso Lua - Iulai 16: “Ia agalelei ma mataala” (Be generous, be ready)
Tusi Faitau: Luka 12:27 – 40.
Matua: f. 37: “Amuia ia auauna e maua i latou e lo latou alii, o mataala pe
a sau. E moni, ou te fai atu ia te outou, e fusia e ia ona ofu, ma fai atu ia te
i latou ia taooto e aai, ma alu ane lava, ma auauna ia te i latou‟
Ua faailoa mai e Iesu le tala i le matai, na fa‟afuase‟ia lona taunu‟u
atu, a o fa‟atalitali pea lana auauna ma le mataala i le o‟o atu o lona matai. Ua
faa-amuia atu i le auauna, na faapea foi ona faia e le matai o le talisuaga ma le
auauna, ma fa‟asoa atu ia te ia o lona alofa. O le agalelei ua tala feagai lea ma
le auauna, na fa‟atali atu ma le fa‟amaoni.
O le faataoto ua luiina ai i tatou e Iesu, ina ia faatino le soifua
auauna e pei ona ia faailoa i ai tatou o meaalofa faale lagi. Pe a afio mai Iesu
faalua i lenei lalolagi, po‟o faapea ea ona tatou fa‟atalitali atu ia te ia ma lona
afio mai? Pe tatou te talitonuina le afio mai o Iesu ma ia faatino o tatou
mana‟o e ui ina tatou le vaaia o ia?
Tatalo: Seia e fesoasoani mai, ina ia maua pea le agaga faatalitali, ma avea
ma tagata tausi mea lelei ao faatalitali atu i lou afio mai. Amene.
Mafaufauga loloto: O anafea sa e faia ai se galuega mo se tagata ua tu
fa‟afuasei mai?
9
Aso Lulu - Iulai 17: “Ia avea ma tagata poto, ma le mataala”
Tusi Faitau : Luka 12: 41 – 59. (Be wise, be vigilant)
Matua: f. 44: “E moni, ou te fai atu ia te outou, na te tofia o ia e pule i ana
mea uma”
O ananafi na faailoa ai e Iesu le auauna mataala ma faatalitali atu i
lona matai. I lenei aso ua lu‟iina ai e Iesu le tagata ua leva ona fa‟atali i le
matai, a ua fiu e faatalitali i ai. Ua fa‟ailoa e Iesu ni ata se lua, o le isi tagata
na maua mai e lona matai o galue pea ma le fa‟amaoni, ma ua ia avatu ia te ia
o fa‟amanuiaga, fa‟apea le pulea o mea e tele a lona matai. O le isi auauna, ua
leva ona ia fa‟atali i lona matai, ma ua ia fasia ai o auauna tane ma fafine, ma
„ai ma inu ma onā peita‟i,.ua o‟o mai le matai e lei faatalia o ia, ma ua
fa‟asala e le matai ma avatu lona tofi fa‟atasi ma e lē fa‟atuatua.
E fa‟apea le tala a le tusitala, na ia manatua le i si Aso Sā sa aga‟i
atu ai o lana ta‟avale i le lotu, na iloa le mulimuli atu o le ta‟avale a alii
leoleo, ao aga‟i lana ta‟avale i le lotu. Na ia manatunatu, poo i ai se mea ua
sesē poo se tulafono fo‟i ua ia solia? Leai, e leai se mea na tupu, o le poto ma
le mataala i aso uma, auā e iai le taimi e iloa ai le faatinoga ma le auaunaga. E
fa‟apea le vala‟au a Iesu i ai tatou, ina ia atamai ma mataala, a o fa‟atino a
tatou auaunaga. E fa‟apefea ona sauniuni i le Ali‟i ma lona toe afio mai?
Tatalo: Au maia le agaga fa‟atalitali ma le poto ma le mataala, ao fa‟atalitali
atu i lou afio fa‟alua mai. Amene.
Mafaufauga loloto: Po‟o e sauni ea ma le olioli e fa‟atalitali atu i le Alii ma
lona afio mai?
Aso Tofi - Iulai 18: “O le tāua o le olaga” (Precious lives)
Tusi Faitau: Luka 13: 1 – 17.
Matua: f, 5: “Ou te fai atu ia te outou, e leai; a e afai tou te le salamo, e
faapena lava ona fano outou uma.”
O ta‟iala tāua i lenei aso, o le iloa e le tagata o ona sesē, fa‟apea le
salamo moni. Tatou te fa‟apea atu o mea lelei uma e faia e le tagata amio
lelei, a o mea leaga uma e faia e i latou amio leaga peita‟i, e le fa‟apea le
finagalo o Iesu. Ua fa‟ailoa atu e Iesu le mea na tupu i Kalilaia, fa‟apea foi le
toa sefulu ma le valu (18) na paū i o latou luga le „olo i Seloa, e lē na o i latou
na maliliu ina ua tauleagaina, a ia manatua, e oo i tagata uma le oti. O le
manulautī o le fa‟amoemoe, o le salamo, o le mea sili lea ona tāua i tagata
uma.
O le fa‟ata‟oto i le mati, o lo‟o atagia ai le fa‟amoemoe o le olaga
salamo. Ua fa‟ailoa ai e le tagata fai fa‟atoaga le tāua o le fua o le mati,
fa‟apea lona naunau ina ia fua mai i fua lelei, ma ia aua ona paū atu i le
fa‟aleagaina ma fa‟aumatia ai. O le vala‟au lea mo i tatou i aso uma. O le
fesili mo i tatou i lenei aso, po‟o e talia ea le vala‟au ina ia salamo mai le
agasala?.
Tatalo: Le Alii e, ia ou maua le loto salamo ma suia lou olaga i mea lelei i
aso uma. Amene
Mafaufauga loloto: O le ā se mea ua fa‟aleagaina ai oe ae fa‟apefea ona
suia?
10
Aso Faraile - Iulai 19: “O le faitoto‟a va apiapi” (The narrow door)
Tusi Faitau: Luka 13:18 – 35.
Matua: f, 24: “Ia outou finafinau ina ia ulu atu i le faitotoa va apiapi; auā
ou te fai atu ia te outou, e toatele latou te taumafai e ulu atu, a e le mafai
lava.” O le fa‟aolataga mo le tagata ua maua fua e ala ia Keriso Iesu
peita‟i, ua fetalai Iesu ina ia tauivi ma le fa‟amalosi, o le vala‟au ina ia
tausiniō i le ola ua maua. O le fa‟aolataga ua maua fua, e lē fa‟amalosia, e faia
e le tagata lana filifiliga i le mea e loto i ai. O le mea lea ua vala‟auina ai le
tagata e fia ulufale i le mālō o le Atua, ina ia tauivi ma fa‟amalosi ina ia
ulufale atu i le faitoto‟a va apiapi, e ulufale atu i ai.
E tatau ona maua le olaga salamo ma le olaga fa‟apaiaina. Ua
fa‟amanatu mai le Fa‟ata‟oto 16:25, “O i ai le ala ua tonu i le manatu o le
tagata; a o lona taunu‟uga, o ala ia e oti ai.” Ua fa‟ailoa mai e le Alii, ina ia lē
sailia i uiga ua va‟aia ai le fa‟atauva‟a o le faatinoga ma le auaunaga, (cheap
grace) a ia tausiniō ma tauivi ma le faamalosi i le faitotoa va apiapi.
Tatalo: Au maia ia te a‟u le loto tauivi ma le fa‟amalosi i le faitoto‟a va
apiapi e ulufale ai i lou mālō e fa‟avavau. Amene.
Mafaufauga loloto: O i ai se mea ua ponatia ai lou ulufale i le faitoto‟a va
apiapi e pei ona fa‟atonu mai?
Aso Toonai – Iulai 20: “Ua lu‟iina tu ma aga masani”
Tusi Faitau: Luka 14:1- 14. (Traditions challenged)
Matua: f. 3: “Ua fetalai atu Iesu i le au a‟oa‟o tulafono, ma le au faresaio,
“Pe sa ea ona faamalolo i ma‟i i le sapati?”
O le tulafono i le aso sapati, ua ta‟oto e lē tatau ona faia ai se
galuega peita‟i, e i ai ni fa‟atinoga ua iloa e le „au a‟oa‟o tulafono fa‟apea
faresaio le mea e tatau ona faia i le aso sapati. O lea ua fesiligia Iesu i le
fa‟atinoga i le fa‟amaloloina o le ma‟i, ma ia fa‟apea atu, „Pe afai ua faia le
galuega i le manu ua paū atu i le lua ina ia toe aumaia i luga, e le sili atu ea
ona fa‟amaloloina le tagata ma‟i i le aso sapati?.O le manatu lea o Iesu e
fa‟atepa i tagata, e tatau foi ona faia le fa‟amalologa i so‟o se tagata i le Aso
Sapati, o lo‟o mo‟omia le fesoasoani. O le lu‟iina o tū ma aga masani, e le o
se manatu ina ia fa‟agaloina tū ma aga fa‟atāuaina peita‟i, ua fa‟amanatu e
Iesu ina ia avea le Malumalu o le Alii e fa‟atino ai le fa‟aolataga a le Alii mo
tagata uma. Pe afai o le Malumalu, e faia ai le tapuaiga, ma molimoli ai
manatu o le tagata i le Atua ina ia vi‟ia o lona alofa, fa‟ato‟ese, ma fesoasoani
mai i mafatiaga, pe tatau ea ona fa‟atāua tū ma aga masani, ae galo le
fa‟ataunu‟uina o le alofa i le tagata ma‟i?.
O lenei ua fa‟ailoa mai e Luka le tali a Iesu, e iloa ai e tagata uma le
faia o le fa‟aolataga, peita‟i ua le fa‟atinoa le soifuaga lelei mo tagata uma,
ona o tū ma aga ua fa‟atauaina.
Tatalo: Le Alii e, ia avea lo‟u olaga e fa‟atinoina lou alofa e pei ona e
fa‟ailoa mai. Amene
Mafaufauga loloto: O i ai se vaega o lau Ekalesia ua fa‟a-va‟atuia ai le
fa‟ataunu‟uina o le alofa?.
11
O fea na ou maua ai o nei a‟oa‟oga? - Where did I hear that before?
O tala taua mai le Feagaiga Tuai – Famous sayings from the Old Testament‟
Aso Sa - Iulai 21: “ Mai le pa‟u o o‟u nifo‟‟ (By the skin of my teeth)
Tusi Faitau: Iopu 19:20
Matua: f. 20: “Ua pipii o‟u ivi i lo‟u pa‟u, ma lo‟u aano, ua ou sao mai le
pa‟u o o‟u nifo.”
I lenei vaiaso, o le a aga‟i fa‟amatalaga i tala tāua mai le
FeagaigaTuai, e to‟atele tagata latou te le iloa le mafua‟aga o nei tala na afua
mai ai. O tala tāua, e le o iloa e nisi atunuu, ma e „ese foi la latou fa‟aliliuga
ma o latou manatu e uiga i nei tala.
I lenei taeao, ua ta‟ua ai le tala ia Iopu, o le tagata sa fa‟apea ona
feagai ma mafatiaga i ona taimi, ua ave‟esea ai mea na ia maua mai lona
„āiga, faapea lana fanau. Na maua o ia i le ma‟i papala, e oo i ona ivi ua pipi‟i
i lona pa‟u, ma ona a‟ano. O se va‟aiga mafatia ua feagai ma lenei auauna
peita‟i, ua ia fa‟ailoa ua fa‟aolaina o ia, ina ua ia sao mai le pa‟u o ona nifo.O
le fa‟aliliuina e le tusitala o le sao mai le „pa‟u o nifo‟, o le sao mai le pa‟u e
mamau ai nifo e „ai ai i aso uma. E pei o le mea lea ua totoe, ma ua fa‟ailoa e
Iopu. E ui lava i nei va‟aiga faigatā, a o le Atua na te fa‟aolaina o ia i le pa‟u o
ona nifo, ua fa‟a-maumauina ma tumau ai i lana amiotonu, e pei ona
fa‟atinoina. O se va‟aiga tāua lea ua faailoa e Iopu, le fa‟aolaina o le tagata
mai va‟aiga faigatā. O le tautinoga lea a le tagata i aso uma, e pei ona maua
mai ia Iopu, o lona Atua lava, o Ia o le fa‟aola na te fa‟aolaina le tagata, mai
nei va‟aiga faigatā.
Tatalo: Tatalo mo i latou ua sosola mai tāua, fa‟apea le olaga sāuaina, ina ia
manatua i latou a o feagai ma nei va‟aiga faigatā. Amene.
Aso Gafua - Iulai 22: “Ua fa‟aumatia foi o latou atamamai uma lava.”
Tusi Faitau; Salamo 107:27 (At my wit‟s end)
Matua: f. 27: “ … e tautevateva i latou ma tausuai e pei o le tagata onā, ua
faaumatia foi o latou atamamai uma lava.”
O le Salamo ua iloa ai Isaraelu ma lona olaga, o le nuu ua liliu‟ese
mai le Atua ma lona finagalo, ua fa‟atino o mea e manana‟o i ai peita‟i, peā
oo ina le iloa ona fa‟atino fa‟atinoga, ona vala‟au lea i le Atua ma lona fetalai
mai. E ui i nei manatu e fa‟asesēina ai le nu‟u ma o „ese mai le Atua, a o le
Alii e tumau lona alofa ma le agalelei, ma tali mai i mea ua vala‟au atu ai ona
tagata. E pei na failoa mai i le “ Salamo 139: 8, „afai ou te alu ae i le lagi, o i
ai lava oe; afai ou te fofola so‟u moega i seoli, faauta, o i ai lava oe.‟ Pe afai
e toe manatunatu le tagata i le Atua ma lona alofa, e lagona le fa‟ato‟ese i le
Atua e ui ina le manatua o Ia, a o le Atua lava o lo‟o fa‟atasi ma mafuta
fa‟atasi ma le tagata.
Pe ā oo ina ave‟esea le mafaufau, ia tu‟uina atu le loto talitonu i le
Atua, e fa‟apea ona ia aumaia o le fesoasoani sili, a o e feagai ma ituaso
faigatā.
Tatalo: Ia manatua i latou ua feagai ma mea faigatā ma oo mai le lē iloa o se
mea, ina ia faatupu le talitonu i le Alii ma le faamoemoe. Amene
Mafaufauga loloto: O ana fea na e iloa ai, ua ave‟esea le iloa mai ia te o‟e?
O fea na e maua ai se fesoasoani e fa‟aauau ai?
12
Aso Lua - Iulai 23: “O le malaia, ona o le faamaualuga”
Tusi Faitau: Fa‟ata‟oto 16:18 -19(Pride goes before a fall)
Matua: ff.18, 19: “E muamua le faamaualuga i le malaia; e muamua foi le
loto faasiasia i le paū. E lelei ona maulalo o le loto faatasi ma e ua agamalu;
a e leaga ona tufa le vete faatasi ma ē faamaualuga.”
Ua fa‟amatala e Tanielu i le Mataupu e 4, le tala ia Nepukanesa. O
le tala ua vi‟ia e Nepukanesa lona mamalu ma lona mālō peita‟i, na avea ai
ma manu, ua avea lona mafaufau, ua „ai i le mutia, ma ola ai faatasi ma manu.
O nei va‟aiga uma, na faailoa e Tanielu ia Nepukanesa le va‟aiga o le a o‟o i
le tagata e ola mitamita ma faamaualuga. O le malaia, ma le faamaualuga. Ina
ua liliu Nepukanesa i le Atua, ma avatu le agaga o le salamo moni ma vi‟ia le
suafa o le Atua, ma fa‟apea ai ona toe avea Nepukanesa, o le tagata ua
fa‟afofogaina e le Atua ma fa‟aolaina ai..
O mālō i nei vaitau, ua taumafai le tagata ina ia vi‟ia o lona tagata, o
le tagata ua ia te ia le malosi uma lava e fa‟atautaia o galuega, ma mitamita i
mea na ia faia, ma avea o latou igoa ma ma‟a fa‟amanatu i le tala fa‟asolopito
i tagata. O le fa‟ataunu‟uina o ia mea, ua le nofo lelei ai tagata, ma fa‟atupu
tele ai le vevesi, fa‟apea ai le va‟ava‟ai atu i le o‟o mai o tāua ma le
fa‟atāfunaga. O le mitamita o le tagata, o lo‟o mafua ai o nei va‟aiga ma
fete‟enaiga ua molimauina i nei aso.
Tatalo: Tatou tatalo mo mālō uma o le lalolagi ina ia maua le loto maulalo, e
galulue ai fa‟atasi mo le manuia lautele o tagata. Amene.
Mafaufauga loloto: O ana fea na e mitamita ai ona ua e faia se galuega lelei
mo tagata uma? O ana fea na e iloa ai le mitamita leaga?
Aso Lulu - Iulai 24: “E leai lava se mea fou i lalo o le la”
Tusi Faitau: Failauga 1: 9 – 11 (Nothing new under the sun)
Matua: ff. 9,10: “Se a se mea ua uma ona tupu? o le mea lava lea e toe
tupu. Se a se mea ua uma ona faia? o le mea lava lea e toe faia; ua leai lava
se mea fou i lalo o le la. E i ai ea se mea e mafai ona fai atu i ai, Ina vaai
mai ia, o le mea fou lenei? sa i ai ia anamua, i tausaga na muamua ia i
tatou.‟ E fa‟apea se tala a le tusitala, ina ua o‟o mai le soifuaga faa-tagata
matua, ua ia fa‟ailoa le upu sa a‟oa‟o mai e lona tinā, o le „upu mai le amataga
e fa‟alogo i ai‟. O lenei foi ua ia a‟oa‟o atu i lana fanau, e ui ina sa lē fiafia e
fa‟alogo i ai, a o lea foi ua ia fai atu i lana fanau o nei upu, e fa‟alogo i ai. Ou
te manatu foi, e fa‟apea foi ona a‟oa‟o atu e fanau i a latou fanau i aso o
lumanai. O upu mai le amataga e le fou, ae ia fa‟amanatu pea.
O le lu‟i mo‟i tatou i nei ona po, ina ia toe va‟ai, ma a‟oa‟oina i
tatou mai mea sesē mai ia tupulaga ua mavae atu, ona lē foliga lea ua gaogao
le ola, a e fa‟aauau le soifuaga ma le manuia i upu lelei e pei ona a‟oa‟oina ai..
Tatalo: Tatalo ina ia lē toe tupu o mea sesē mai ia tupulaga i nei tupulaga.
Amene.
Mafaufauga loloto: O nei tupulaga ua fa‟ateteleina le a‟oa‟oina o le
tekenolosi. Pe e te fa‟ailoaina le tekenolosi e fesoasoani i le suiga o le olaga
fou ua tatou maua?
13
Aso Tofi - Iulai 25: “Ai ma inu ma le fiafia” (Eat, drink and be merry)
Tusi Faitau: Failauga 8: 14 – 15.
Matua: f, 15: “Ona ou viia ai lea o le olioli; auā ua leai se mea lelei i le
tagata i lalo o le la, na ona ia „ai, ma inu, ma olioli; auā e tumau lea ia te ia
mai lana galuega, i aso uma o lona ola, ua foaiina mai e le Atua ia te ia i lalo
o le la.”
O le soifuaga e mo‟omia le olioli, pe a uma ona faia o galuega
peita‟i, ua tatou i ai i lenei olaga ua fa‟amuamua ai le manatu fa‟apito faapea
le faamalieina o le loto o le tagata. Ua saili e fa‟atino o latou mana‟o ma lē
manatua ai le tagata ua mo‟omia le fesoasoani, ua lē o mafaufau foi i tagata
ua a‟afia lo latou ola, i mea ua tausiniō i ai.. O le va‟aiga lea i le va, o le
tagata mativa ma le maumea i atunuu uma, o le olaga i le tagata ola faapito,
faapea le tagata o loo fia maua se fesoasoani.
Pe a mafaufau i nei upu, „ina tatou a‟ai ai, ma inu, auā a taeao
tatou te oti ai‟, ua fa‟ailoa mai iai tatou, a‟o tatou a‟ai ma inu, ona manatua
lea o le tele o tagata mafatia, ma fia maua o se mea e ola ai.
Tatalo: Le Alii e, matou te manatua i latou ua mafatia i le fia a‟ai ma le fia
inu i lenei lalolagi. Ia matou maua le lagolago atu ina avea ma fesoasoani
lavea‟i mo tagata mafatia. Amene.
Mafaufauga loloto: O le a se mea e ona faia mo lou nu‟u ma ou tagata i le
mea o lo‟o e nofo ai?
Aso Faraile - Iulai 26: “Pupula atu o mata i mata” (Seeing eye to eye)
Tusi Faitau: Isaia 52:7 – 10
Matua: f. 8: “O le leo o ou tagata vaai, ua latou leo tetele, ua latou alalaga
faatasi; auā latou te iloa e faafesagai lava, pe a faafoisia Siona e le Alii”
O le va‟ai o mata o le faitotoa lea ua fa‟amatala ai lou tagata. O ou
mata ua iloa ai le loloto o lau va‟ai, ua fa‟ailoa ai le loto atoa o le tagata ua
„au atu i fa‟atinoga mo‟omia.
E fa‟apea le tala a le tusitala, e i ai lana uō sa ia mafuta i ai, e tauaso
ona mata peita‟i, e tulaga „ese ona mata pea pupula mai, o mata ua pupula mai
ma o‟o mai le feau tāua, e ui ina le pupula. O le mata‟utia lea o lenei uiga, o le
fa‟aaogāina lea o mata, o se va‟aiga „ofo‟ofogia, ma sa fa‟apea ona faia ma
galulue fa‟atasi o mata i mata e fa‟atinoina ai o galuega. E fa‟apea le tala a le
faifeau sa galue i le falepuipui, e lē faigofie le galulue ma tagata mai atunuu
„ese‟ese sa falepuipui ai peita‟i, ua va‟ai ma feso‟otai o latou mata, ma
mautinoa o nei galuega ua fa‟atinoina mo lo latou lelei, ma galulue ai fa‟atasi.
O le agaga lea o le galuega fa‟akerisano, e mo‟omia le galulue
fa‟atasi ina ia taunu‟u se fa‟amoemoe.
Tatalo: Le Alii e, seia e fa‟ailoa mai ina ia pupula o matou mata e fa‟atino ai
galuega lelei mo lau afio. Amene.
Mafaufauga loloto: O le galuega faale-Tala Lelei ua oo atu i atunuu uma, e
mo‟omia lava le tu‟u fa‟atasi o tatou mata e faia galuega lelei mo tagata uma.
14
Aso Toona‟i - Iulai 27: “O le Aitiope e le suia lona lanu”
Tusi Faitau: Ieremia 13: 23 (A leopard can‟t change its spots)
Matua: f, 23: “E mafai ea ona liua e le Aitiope o lona pa‟u, pe liua e le meri
ona ila? A mafai lea, ona mafai foi lea ona amio lelei o outou ua masani i
amio leaga.”
O le suiga tāua o le tagata, o le tagata ua liua mai le olaga tuai, ma
avea ma tagata ua fa‟afouina le loto, ua avea ai ma tagata ua faia mea lelei mo
tagata.
E manatua le tala ia A‟apo, o le Tupu ma ona uiga leaga, fa‟apea
lona toalua o Iesepela na ia fasiotia perofeta ma tagata o le nuu na le ifo atu ia
Paala peita‟i, o A‟apo na liliu atu i le Atua ma le agaga salamō, na fa‟ailoa
fo‟i e le Atua ia Elia le Tipesa, le fa‟amagaloina o A‟apo e le Alii, ona ua ia
faatoese ma fa‟amaulalo i ona luma (1 Tupu 21:27 – 29). O le va‟aiga ua suia
atoa ai le olaga o Aapo.
O tagata uma e mo‟omia suiga, e fa‟apea foi ona mo‟omia le
lagolago atu i le sosaiete. O le fa‟aupuga i le Aitiope e lē suia lona pa‟u
peita‟i, ua toatele tagata ua fa‟amaonia, le suia o latou pa‟u ma loto ua liliu i
le Atua, ma faia o lona finagalo.
Tatalo: Tatalo mo tagata ua faasalaina i falepuipui, ina ia suia o latou olaga
ma avea ma tagata lelei. Amene
Mafaufauga loloto: O le a se galuega a le sosaiete e suia ai le olaga o le
tagata fa‟aleaga mea?
O fea na ou maua ai o nei a‟oa‟oga?
2 O nisi o tala taua mai le Feagaiga Fou.
Aso Sa - Iulai 28: “O le mata i le mata.” (Eye for and eye)
Tusi Faitau; Mataio 5: 38 – 40.
Matua: f, 38: “Ua outou faalogo, na fai mai, e suia le mata i le mata, e suia
foi le nifo i le nifo‟
Ua amata atu i lenei taeao i le a‟oa‟oga, „o le taui atu i lē na faia
mai o se mea leaga ia te oe.‟ e pei ona maua i le Esoto 21:23 -25..
O lenei ua faailoa mai e Iesu, e lē ina ia faaleagaina le tulafono e pei
ona tausia e le faamasinoga ma le „au perofeta (Mataio 5:17) peita‟i, ua
aumaia e Iesu le fa‟ata‟ita‟iga, poo le ta‟iala sili e si‟itia ai le olaga i se
va‟aiga fou, ma le faia o le fa‟amasinoga tonu – ina ia alofa atu i lē ua ita
mai, ma tatalo mo e ua fa‟asaua mai i ai tatou. (Mataio 5:44).
Tatalo: Le Alii e, peā oo mai le ita ma fusia i le loto le fa‟amagalo atu, seia e
ta‟ita‟iina lo‟u loto ma va‟ava‟ai atu ia Iesu, o lē na sāuaina e tagata ma
tu‟uina atu ina ia fa‟asatauroina, a e na ia fa‟amagalo atu i latou uma o ē na ita
mai. Amene.
15
Aso Gafua - Iulai 29: “Ia fa‟aauau le sāvaliga ina ia sili atu.”
Tusi Faitau: Mataio 5:41 – 42. (Go the extra mile)
Matua: f.41: “Ai se na te tauanau mai lua te o ma ia i le maila e tasi, ina o ia
oulua ma ia i maila e lua”
O le fa‟amanatu lea a Iesu le mea sili mo ona tagata, ina ia sāvavali
ma fa‟asili atu i maila e lua, ma iloa ai le loto fa‟asili ua ofoina atu i lē ua
auauna i ai..
E faapea le tala a le tusitala, i taimi uma o lona olaga, ua ia iloa ua
fa‟aaogāina lona tagata i sāuaga lē fetaui ma lē tali atu i ai peita‟i, o se avanoa
ua ia molimau ai i le vala‟au alofa a Iesu. O nisi fo‟i ua fa‟apea mai o‟u te
pala‟ai, ma le lē taui atu i tagata na latou faia mai o nei fa‟atinoga. Poo ua e
talia „ea o puapuaga o le alii ma le fa‟aleaga mai e tagata ia te oe? Poo ua talia
e Iesu ona faia e nei tagata e aunoa ma le tali atu i ai? E faapefea ona tumau
ma siitia lou tagata i le vaaiga silisili a le Alii ao faia mai e tagata o nei
va‟aiga ua faaleagaina ai o tatou tagata?
Tatalo: Le Alii e, a o matou feagai ma sāvaliga e sili atu ma maila e 2,
fesoasoani mai ina ia tumau i le fa‟amaoni ma le loto fa‟amagalo. Amene.
Mafaufauga loloto: O fea o lo‟o faatonuina ai oe e te sāvalia o maila e sili
atu nai le lua?.
Aso Lua - Iulai 30: “O Luko ua ofu mai e pei o ni mamoe”
Matua: ff.2-4: “Ua tatou iloa fo‟i, e tatau lava ma le upu moni le faamasinoga a le
Atua i ē fai mea faapena. Po ua fa‟atauva‟a ea iā te oe le faula‟i o lona agamalū,
ma lona fa‟apalepale, ma lona onosai, o loo e lē iloa e ta‟ita‟iina oe e le agamalu o
le Atua i le salamo.”
O tusitusiga a le Aposetolo o Paulo, o loo faaalia ai le faamasinoga tonu a
le Atua. O le faamasinoga tonu lea a le Atua, o loo faaalia ai le tamaoaiga o lona
finagalo alofa i tagata, e mafai ai ona iloa e tagata uma lona mamalu ma lona
silisiliese. O le tatou taumafai e faamasino atu, e mafai ai foi ona tatou iloa foi o
53
tatou tagata moni ma lo tatou foi ola o loo tatou ola ai. O le tamaoaiga faale-Atua e
faaalia i le moni ma le amiotonu o lana faamasinoga, ina ia mafai ai ona avea i tatou
ma tagata moni e auauna ma le amio mama i le Atua.
O le agamalu o le Atua, o lona lea finagalo e mafuta mai mo tagata uma,
ina ia lagona ai e le tagata lona mafuta atu i le Atua i le loto atoatoa, ma le ola ua
faapaiaina. O tamaoaiga o le Atua e le faasoa mai e pei ona faasoa mai e le lalolagi,
ae na te aumai i lona lava finagalo faitoatasi.
Tatalo: Fafetai le Alii, i lou faamanatu mai, aua nei o matou faamasino atu, a ia
lagona le loto salamo ma talitonu i lou alofa. Amene.
Aso Lulu – Oketopa 30: “ Faaolataga a Iesu.” ( Jesus redemption)
Tusi Faitau Roma 3: 21-31
Matua: f.21-22: “Ao lenei ua fa‟aalia mai le amiotnu a le Atua e le o i ai i le
tulafono, ua molimau i ai e le tulafono atoa ma le au perofeta. Aua ua agasala
tagata uma lava, ma ua le o‟o i le mamalu o le Atua.”
O le taumafai a le Aposetolo e tau atu i tagata, o le tauamiotonuina i le
faatuatua, o le auala lena i le faaolataga a le Atua. E ui o tatou o tagata agasala, a ua
avea le maliu o Iesu Keriso, e fai ma auala o lo tatou faatuatua, e mafai ai ona tatou
maua le faaolataga a le Atua. O lona alofa tunoa, ua mafai ai ona laugatasia i tatou
uma, pe afai tatou te faatuatua ma talitonu i lona suafa paia, o le suafa e mafai ai ona
faasaolotoina i tatou mai le loloto o le agasala. O le tauamiotonuina oi tatou i le
faatuatua, o lo tatou manino ma le talitonu i le alofa tunoa o le Atua.
Tatalo: Le Atua e, ua matou lagona le fiafia ona o lau faaolataga ua matou ola ai.
Amene.
Aso Tofi – Oketopa 31: “Alofa tunoa ma le faamoemoe.” (Grace and hope)
Tusi faitau: Roma 4: 13-25
Matua: ff.16-18: “O le mea lea e maua ai i le fa‟atuatua le mea na folafolaina, ina
ia maua i le alofa tunoa, ina ua tumau lea i le aiga uma lava, e lē tuli i lē ua i le
tulafono ae o‟o i le ua i le fa‟atuatua o Aperaamo, o le tama o ia o i tatou ua lava.
Na ia faatuatua ma le faamoemoe, ae ua leai se mea e faamoemoe i ai ina ia avea o
ia ma tama o nuu e tele, e pei ona fetalai mai ai, e faapea lava lau fanau.”
O le olaga e faalagolago i mea e le o vaaiga, o le faamoemoe a lea i le
Atua. O le faasinoga lena mo le ola i le Alofa Tunoa o le Atua, e mafai ai ona tatou
iloa le finagalo moni o le Atua mo i tatou. O le tauamitonuina o Aperaamo i le
faatuatua o loo tatou gafa soo afa lea o le tala lelei, e mafai ai ona luitauina o tatou
olaga faale-faatuatua, ina ia tatou iloa ai le ola i tala atu o lenei ola, e ala i o tatou
mata faale-agaga.
O folafolaga a le Atua ua tuuina mai, e nao le faatuatua e mafai ai ona tatou
talia, ina ua moni lo tatou talitonu i lona alofa tunoa. O le alofa tunoa o le Atua, o le
mea foaifuaina mai mo oe ma au.
Tatalo: Ia avea lou tamaoaiga na te aumai lou mamalu i a i matou e iloa ai lou alofa
tunoa ma faamoemoe i ai e ala i le fatuatua. Amene.
54
Aso Faraile – Novema 01: “O le Fa‟aleleiga” Reconciliation
Tusi Faitau: Roma 5:1-11Reconciliation - “Aso o le Au-Paia”
Matua: ff. 1-2,11:“ O lea ua tatou lelei ai ma le Atua, ona o lo tatou Ali‟i o Iesu
Keriso; o ia fo‟i ua tatou maua mai ai le ta‟ita‟iga i lenei alofa tunoa, tatou te i ai i
le fa‟atuatua; o lo‟o mitamita fo‟i i tatou ma le fa‟amoemoe i le manuia mai le Atua.
O Ia ua tatou maua mai ai nei le leleiga.”
I le mafutaga ma le Atua, ua mafai ona „una‟ia i tatou i totonu o se lalolagi
fou o manuia ma lona filemū, e o‟o lava i fa‟afitauli tūga e fa‟amata‟u i o tatou
olaga: O le alofa tunoa e fa‟ateleina le manuia mo le lumana‟i ma tumau ai pea i lea
fa‟amoemoe, e tusa lava po‟o tofotofoga ma faigatā o le olaga. E foliga mai o le
fa‟aleleiga ma le Atua, na amataina e le alofa o le Atua ia i tatou ina ia o tatou taofi i
lona paia ma le loto fiafia. Le Atua e paia, auā ua na o Ia e mafai ona vala‟auina i
tatou mo lenei fa‟aleleiga.
Ua mafai ona tatou maua le mautinoa ma le atoatoa o le alofa tunoa o le
Atua, ina ua tatou maua le mafutaga vavā lālata ma le Atua Paia. Le Atua na amata
mea i le fa‟aleleiga o le mafutaga o le tagata ma Ia e ala i lona Alo o Iesu Keriso; le
fa‟aleleiga na matala ai faitoto‟a o le ola manuia, ina ua tatou fa‟amoemoe i le tunoa
o lona alofa; tusa lava pe āfea i tatou i tofotofoga ma faigatā o le ola.
Tatalo: Le Tamā e, ia avea ia le maliu o lou Alo o Iesu Keriso e fai ma fa‟aleleiga
mo lau fanau agasala, ma matou maua ai se amataga fou i o matou olaga ma maua ai
le manuia ma le filemū o lau afio e fa‟avavau. Amene.
Aso Toonai –Novema 02: “Fa‟ateleina Meaalofa” Overflowing gift Tusi Faitau: Roma 5: 12-21
Matua: ff.20b-21: “Peita‟i ua silisili lava le alofa tunoa, ina o fa‟ateleina le
agasala. O lenei, e pei ona malo o le agasala e o‟o i le oti, fa‟apea fo‟i ona malo o
le alofa tunoa e le amiotonu e o‟o i le ola fa‟avavau, i lo tatou Ali‟i o Iesu Keriso.”
O taimi sili ona faigata o le ola, ina ua tatou taumafai e puipui i o tatou lava
tagata, ae maise ai o mea e patino ia te oe. O fa‟atinoga e i‟u ina a‟afia ai lou tagata i
le fa‟atinoina o se soliga-tulafono ma fa‟aseseina ai ou manatu.
A o le alofa tunoa o le Atua e mautinoa ai le lelei atoatoa i le ola o le tagata
e na te fa‟asa‟olotoina ona lagona; mai i le leai o se fa‟amoemoe, ina ia tupu ai ni
manatu fou. Le alofa o le Atua e ala i a Iesu liutino tagata e fai ma ogatotonugalemū
o le ola ma le alofa e tapenaina i tatou. Tatou liliu i a Iesu o Ia e fa‟ateleina meaalofa
o le ola tatou te maua.
Tatalo: Matou fa‟afetai i le ola e pei ona fa‟asoa mai e Iesu Keriso mo i matou e ala
i lona maliu ma lona toe soifua mai ina ia ola le lalolagi uma. Ia matou fa‟aauau e
fa‟ailoa le alofa tunoa o Iesu e ala i le Agaga e lotolotoi ma i tatou. Amene.
Faitauga mai le Roma 1-8 2- Novema o le Ola fou
Newness of life November
Aso Sā –Novema 03: “Oti i le agasala, Ola i le Atua” Dead to sin, alive to God.
Tusi Faitau: Roma 6: 1-14
55
Matua: ff.6-8 “ Ua tatou iloa lenei mea, na fa‟asatauroina fa‟atasi ma ia lo tatou
tagata tuai, ina ia fa‟aumatia ai le tino o le agasala, ina ia le toe fa‟apologaina i
tatou i le agasala. Auā o le ua oti ua tu‟usaunoa ia nai le agasala. Afai fo‟i ua oti
fa‟atasi i tatou ma Keriso, ua tatou taofi, tatou te ola fa‟atasi ma ia.”
O le tasi o lagona to‟ilalo i le soifua o le tagata, o le fa‟amalieina lea o ona
manaoga. E i ai taimi e tatagi leotele ai le fa‟ailoalarm e te ala ai luga ma tapena
mo galuega o le aso. Peita‟i e taumafai lava ou lagona e fa‟amalieina, ma i‟u ai i le lē
fa‟atāuaina o le fa‟ailo, ae taumafai e fa‟amalie le ola fia moe ma le mana‟o ia
fa‟amalieina.
E foliga fa‟apea se lagona o lo‟o fa‟amatalaina e Paulo i le mataupu lenei
ma fa‟asolo ai i nisi o mataupu i luma atu. O le fa‟amatalaina o le fete‟enaiga i
manaoga i le amio lelei ma le leaga, o mea tatou te maua i le taimi nei ma le Ola i le
Atua. Ua finau malosi mai Paulo ina ia o tatou tete‟e atu i nei uiga masani e to‟ilalo
ma fa‟aleagaina o tatou lava tagata ma nisi, atoa ai fo‟i ma le mafutaga a i tatou ma
le Atua. O le taumafai e tete‟e atu ma le malosi i nei lagona faia‟ina, o le fa‟amatu‟u
atu lea o ni lagona to‟ilalo ina ia fa‟aolaina i tatou uma i le ola fa‟aeaina mai le Atua.
Tatalo: Le Atua e, fa‟asa‟olotoina mai i matou mai mea e faia‟ina ai i matou, ina ia
o matou maua le sa‟olotoga e tumau ai i lau afio, ma ia tau lava ua na o lau afio.
Amene.
Aso Gafua: Novema 04: Sa‟oloto mai le agasala, Pologa o le Amiotonu”
Tusi Faitau: Roma 6: 15-23- Freedom from sin, slave of righteousness Matua: ff. 17-18 “ A ia fa‟afetai i le Atua, e ui lava ina fai outou ma auauna a le
agasala, a ua outou gaua‟i nei ma le loto i le fa‟aa‟oa‟o o le mataupu na tu‟uina atu
ia te outou. Ua tu‟usaunoa fo‟i outou nai le agasala, a ua fai ma auauna a le
amiotonu.”
Ua tatou masani i le va‟aiga i nisi ua ofoina atoa o latou ola i le Atua, ma
ua agava‟a ai o latou fa‟alagina o tagata paia, ae maise ai le lē fesiligia o le latou
auaunaga. E atagia i a latou upu, galuega, atoa ai ma mafaufauga. Ua faa‟aogaina e
Paulo le fa‟atusa o le pologa e fai ma fa‟atusa o le tagata ma lona natura fa‟aletagata.
Afai ua atoa lo tatou ola ofoina mo le Atua, ona sa avea i tatou ma pologa a le Atua,
atoa lo tatou usita‟ia o le finagalo o le Atua. Tatou te le atoatoa i nisi o taimi, e i ai
fo‟i taimi e sēse ai a tatou fa‟atinoga.
I le Feagaiga Fou, e lē na o kerisiano ua ave i ai le fa‟alagina o tagata paia,
ae ua mo so‟o se tasi ua i ai i totonu o le mafutaga o le feagaiga fou ma le Atua. E le
fa‟apea ua paia i tatou ina ua tatou atoatoa, ae ona o i tatou ua filifilia e le Atua
Paia. E sēse pea i tatou, peita‟i e fa‟asa‟olotoina i tatou ina ua ofoina atu o tatou mo
le Atua.
Tatalo: Le Atua e, fa‟afetai i le tunoa o lou alofa, ua filifillia ai i matou ma avea ma
tagata paia. Ia aua ne‟i avea ma matou vi‟iga, a ia matou fa‟ailoa lou mamalu na
vala‟auna i matou. Amene.
Aso Lua: Novema 05: “Sopo atu ma le ripine mūmu”
Tusi Faitau: Roma 7: 1-12 Cutting through the red tape
56
Matua: f. 7: “O lenei, se a ea sa tatou upu? O le agasala ea le tulafono? Aua ne‟i
fa‟apea. E moni lava, ana le seanoa le tulafono, po ua ou le iloa le agasala; auā ana
le fai mai le tulafono, aua e te tu‟inanau, po ua ou le iloa le tu‟inanau.”
O le fa‟amoemoe o le tulafono, ina ia laugatasia ai tagata uma. E pei ona i
ai toniga o fanau aoga, o le fa‟amoemoe ina ia maopo‟opo ma tasi uma le fanau i se
va‟aiga e tasi. Peita‟i e i ai lava ese‟esega i lea fa‟amoemoe. A‟o le ese‟esega ua
mafua mai luga o le natura fa‟aletagata, e tatau lava ona sopo atu i luga o se tulafono
fausia ma avea ai ma mea e tutupu ai feese‟eseaiga.
O le manatu o Paulo, e mana‟omia le tulafono e fa‟amatalaina le uiga o le
agasala ina ia manino i tatou, ae maise ai o le tulafono e ta‟ialaina i tatou i amioga
ma uiga fa‟ale-Atua. Afai o i tatou o pologa o le ola fou i la le Agaga, ua tatau fo‟i
ona tatou malilie i se itu e tasi e mafuli uma ai. E pei o le alofa i le Atua ma alofa i
lou tuaoi, a tatou malamalama i nei mea ona faigofie foi lea ona tatou tausi‟usi i
manatu fa‟avae ma tulafono tusia, e aunoa ma le sopo i luga atu.
Tatalo: Matou tatalo mo le au fai-tulafono ma e fa‟amalosia le tulafono. Tatalo fo‟i
mo i latou ua taotaomia o latou „aia tatau ona o le tulafono.Amene.
Aso Lulu: Novema 06: “A fiafia le Agaga, ae vaivai le tino”
Tusi Faitau: Roma 7: 13-25 (When the spirit is willing, but the flesh is weak Matua:ff. 19-20: “Auā ou te le faia o le mea ou te loto i ai, a o le mea leaga ou te le
loto i ai, o le mea lea ou te faia. Afai fo‟i ou te faia le mea ou te le loto i ai, ua le o
a‟u e toe faia, a o le agasala o lo‟o nofo i totonu ia te a‟u.”
E tofu lava le tagata ma ona vaivaiga fa‟aletagata, o vaivaiga e mafai ona
sosofaina le nonofo filemū ma le fetausia‟i. O le tele fo‟i o nei vaivaiga e mafua ina
ua tatou fa‟apea ifo, ua tonu lava i tatou i o tatou lava manatu. E fa‟apena fo‟i se
lagona o le aposetolo o Paulo, e lu‟i pea i tatou ina ia pei o e ua ofo lo latou ola mo
le Atua, ae manatu Paulo e le faigofie e pei ona mafaufauina. E tupu le loto tigā i a i
tatou lava ona o ia lagona.
Sa feagai fo‟i Paulo ma ona ia vaivaiga, peita‟i sa avea o ia ma tagata
fa‟amaoni e usita‟i ma faia le finagalo o Iesu, ma ola ai i le finagalo o le Atua. O le
tagata ola e mafai ona ta‟utino ma tu‟u lona ola mo le Atua, ae mafai fo‟i ona
ta‟utino atu i le agasala. Mai nei vaivaiga ma ta‟utinoga, o a ni ou lagona ina ua
manumalo ou lagona fa‟ale-Atua.
Tatalo: Le Atua fa‟amagalo, ua fia avea a‟u ma so‟o e fa‟atuatua i lau afio, ae feagai
pea ma faigata o le ola e o‟o mai. E fai‟aina pea i le fa‟atinoina o le alofa, ae matou
te fa‟afetai pea i lau afio ona o le tunoa o lou alofa. Amene.
Aso Tofi: Novema 07: “Tamafai i totonu o le aiga o le Atua
Tusi Faitau: Roma 8:1-17 Adopted in the family of God
Matua: ff. 15-16: “Auā ua outou le maua le agaga o le pologa, e toe fefefe ai; a ua
outou maua le agaga o tamafai, tou te vala‟au atu ai “Ava le Tamā e!” O lo‟o
molimau mai lea lava Agaga i o tatou agaga, o fanau i tatou a le Atua.”
O le papatisoina o se tagata, o le taliaina lea i totonu o le li‟o o le aiga o le
Atua. O le fa‟amoemoe maualuga o le fa‟atinoina o le Sakarameta o le papatisoga, o
57
le amanaiaina lea o se tagata ma taliaina ma le agaga fiafia i totonu o le li‟o o le aiga
o le Atua e ala i lana ekalesia. Ma o le a avea fo‟i lena tagata ma fanau a le Atua.
E tele lagona tāua e uiga i lea manatu, peita‟i o le fa‟amoemoe e ao ina
manino; o le taliaina o le molimau a le Agaga i o tatou tagata. O le avea ma tamafai,
ua mafai ai ona e vala‟auina i laua o tamā ma tinā. E fa‟apena fo‟i i le avea o i tatou
ma totino o le aiga o le Atua ma tatou fa‟apea atu ai “Ava le Tamā e,” o lona uiga ua
tatou taliaina o tatou tagata e avea ma fanau a le Atua.
Tatalo: Tatalo mo lau papatisoga ina ia manino lona tāua, ae maise ai le taliaina o
lau fanau i totonu o lou aiga mamalu. Avea lou Agaga Tamā e fai ma molimau ola
mo e ua papatisoina. Amene.
Aso Faraile: Novema 08: “Afai e le tali le tatalo.”
Tusi Faitau: Roma 8: 18-30When prayer simply won‟t come Matua: ff. 26-27a: “E fa‟apea fo‟i le Agaga ona fesoasoani mai i lo tatou vaivai;
auā tatou te le iloa mea tatou te ole atu ai ma le tusa, ae peita‟i o le Agaga, e fautua
o ia mo i tatou i le oi e le mafai ona talatalaina. A o lē su‟esu‟e i loto, ua silafia e ia
le finagalo o le Agaga.”
O le ola tatalo; o le so‟otaga latalata lea o le tagata i le Atua. E mafai ona
tatou fa‟atinoina le ola tatalo e feso‟ota‟i atu ai i le Atua, ae a ē o loto mafatia. E i ai
fo‟i taimi tatou te lagona ai lo tatou fa‟atauva‟a ma sola ai manatu e saili atu ai i le
Atua i le tatalo ona o ni mea matuiā e tutupu i le olaga, ma puaoa ai lo tatou mafuta
atu i le Atua i le tatalo.
A ua molimau Paulo i le tāua o lo tatou iloaina o lo tatou fesoasoani. Le
Agaga o le Atua e na te silafiaina o tatou manatunatuga lilo. Pe tatou te fa‟aleoina
po o le lē lava fo‟i o tatou upu e fa‟aleo ai le tatalo, pe leoleoa fo‟i lo tatou augani
atu i le Atua; e fa‟afofogaina lava i tatou e le Atua e ala i le galuega fesoasoani a le
Agaga o le Atua.
Tatalo: Tatalo i le Atua mo i latou ua le maua le filemu olau afio ma lē mautonu
olatou manatu, ua le mafai ai ona latou mafuta atu i lau afio e ala i le ola tatalo.
Tatalo fa‟afetai mo i latou o manatuaina o tatou taimi faigatā ma tu‟uina atu i luma o
le Atua i lo latou ola talitonu. Amene.
Aso Toonai: Novema 09: “Avea ai ma tagata” On being „only human‟ Tusi Faitau: Roma 8: 31-39
Matua: ff.38-39: “Auā ua ou mautinoa, e lē mafaia e le oti, po o le ola, po o agelu.
Po o ali‟i, po o e malolosi, po o mea i nei ona po, po o mea atalī, po o le maualuga,
po o le loloto, po o se tasi mea na faia. E le mafaia e ia mea ona fa‟ate‟aeseina mai i
tatou i le alofa o le Atua, o lo‟o ia Keriso Iesu lo tatou Ali‟i.”
O tatou ua na o ni tagata, e i ai o tatou la‟asaga fa‟atulagaina. E i ai taimi
tatou te sosopo atu ai i ia la‟asaga ma sēse ai a tatou fa‟ai‟uga, ona o i tatou ua na o
ni tagata e i ai vaivaiga i le natura fa‟aletagata. Peita‟i e mafai ona tatou faia se mea
e sili atu ma lelei ina ua tu‟u atu o tatou tagata i a Keriso. Sa liutino tagata ma ola
fa‟atasi i le lalolagi agasala. Sa ia manumalo mai ai e ala i lona ola ua ofoina atu mo
le lalolagi agasala.
58
Iesu ua ia aumaia i tatou i le mafanafana ma le mamalu o le Atua, e ui o le
natura o le tagata e sēse pea, e i ai fa‟atasi pea le Atua ma i tatou. Le mamalu ma le
malosi lena o le Atua e avatu ai i tatou i le aiga o le Atua. Auā o i tatou o tagata o le
aiga o le Atua, ma e leai se tasi e mafai ona ave‟eseina i tatou mai totonu o le aiga o
le Atua.
Tatalo: Fa‟afetai le Atua, auā e ui i le tele o mea fa‟aletonu o le ola o le tagata, e i ai
fa‟atasi lava lau afio ma i matou. Fa‟afetai ona o Iesu , ua mafai ai ona maua le
mafutaga e fa‟asoa mai ai le malosi matou te tautua ai i lau afio. Amene.
Aso Sā: Novema 10: “Sili lona suamalie i le meli” Sweeter than honey. Tusi Faitau: Salamo19: 9-11
Matua: ff.9b-11: “O fa‟amasinoga fo‟i a le Ali‟i e moni ia ma tonu uma lava. E
silisili ona lelei i le auro, o le auro e sili ona lelei e tele; e sili fo‟i ona suamalie i lo
le meli, o le meli ua sisina ifo. E tele fo‟i le taui pe a tausi i ai.”
O le natura masani o le pepe, e tagi loa, e muamua lava le lagona o le fia ai.
Ona taumafai lea o le tinā e fofo le fa‟afitauli lea ina ia aua ne‟i toe tagi le pepe. Ae i
ai fo‟i nisi o tinā, e le avea i ai le suasusū, ae taumafai e fa‟amalie i se mea suamalie.
E manatu e le talafeagai lea tulaga. Ae peita‟i e mafai lava ona tatou fiafia ma
molimau i le mea‟alofa mai le Atua e pei o le suamalie o le meli. E le o le manatu
māma i lea tulaga; le malosi o le mea moni e mafai ona liliuina amioletonu, ina ia
paleni le alofa e mafai ona tu‟ua fa‟atasi i tatou i lona fiafia.
Ua fai le meli ma fa‟ailoga o lou alofa, e na te fa‟amalieina le loto tiga o le
tama iti‟iti, ae fai fo‟i ma vai fofo suamalie i e o maua i loto fa‟anoanoa.
Tatalo: Fa‟afetai le Atua i lau mea‟alofa, e susulu i le taimi e mana‟omia e ou
tagata, ae o le sili o le alofa o le Atua ua fai ma meli suamalie i taimi faigata.Amene.
Aso Gafua: Novema 11: “Va‟ai ma Manatua” ( See and Remember)
Tusi Faitau: Salamo 34: 1-10
Matua: ff. 1,8,10: “Ou te faafetai I le Alii I aso uma lava, ia le aunoa ona viiga i
lou gutu, ina tofotofo ia outou, ma ia outou iloa e lelei le Alii, Amuia lava le tagata o
le faatuatua ia te ia. E oge mea leona taanoa, ma latou fia aai, a e leai se mea lelei e
mativa ai i latou o e saili i le Alii.”
E i ai nisi o mea o le olaga e fa‟amanatu mai ai pea i o tatou tagata le
soifuaga ma le masani i nisi o nofoaga. E fai pea ma tofo suamalie i lou fofoga i
taimi uma, ae afai fo‟i o ni fa‟aletonu; e avea fo‟i ma tofo sualua. O le fesili mo i
tatou, o le a se mea tatou te faia pe a o‟o ina tatou tofo i le sualua o le ola pologa,
sāuaina ma le o‟o mai o le oti?
E tatau lava ia i tatou ona fa‟aauau le folafolaina o le finagalo alofa o le
Atua ma tatou molimau i lona alofa e le mavae mo i tatou. O tofotofoga ma mea
uma e tutupu i le olaga nei , ia aua ne‟i maluelue lo tatou ola e finau ma saili i le
Atua, le sailiga e mafai ona tatou fa‟asoa ma fetufa‟ai ai i lona mamalu silisili ese.
Tatalo: Fa‟afetai le Atua i le felanulanua‟i o tofo ese‟ese o le soifuaga e fai ma
fa‟amanatu mo i matou ina ia o matou iloa ona fa‟asoa lou alofa mo i matou ae
maise le tunoa o lou alofa mo i matou. Amene.
59
Aso Lua: Novema 12: “ Manogi o Taulaga” (The smell of Sacrifice)
Tusi Faitau: Kenese 8: 20-22
Matua: f. 21a: “Ua lagona fo‟i e le Ali‟i le manogi lelei, ona fa‟apea ifo lea o le
Ali‟i i lona finagalo, ou te le toe fa‟ao‟o le malaia i le lauele‟ele ona o tagata”
E tele manogi ese‟ese e tupu ai lagona fiafia, e tupu ai fo‟i ma le lagona o
le fa‟anoanoa. O le talitonuga a tagata Eperu i aso ua alu, o le asu o faiga taulaga e
alu sa‟o lava i le lagi. O le manatu ona o le fa‟amalieina o le Atua. Atonu e fete‟ena‟i
ma manatu o isi tagata i le latou fo‟i faitau ma le fa‟auigaina o le fuaitau. Peita‟i
tatou te manatu lava i le Atua foafoa ua fiafia ma fa‟amalieina i mea na Ia foafoaina
ma ua lelei i le va‟ai.
Ua foafoaina e le Atua le lalolagi ina ia iloa ona ola vivi‟i i ona va‟aiga ma
iloa ese‟ese e pei o le tofo, manogi, tago, atoa ai ma le fa‟alogo. Ua mafai ona
fa‟atusaina i le felanulanua‟i o le nuanua. I le tala o le lolo e pei ona aumaia e le tusi
o Kenese, e manatua ai le fa‟aleagaina o le mamalu ma le matagofie o le foafoaga a
le Atua na faia ma le alofa, ia manatua lea fa‟amoemoe ola ina ua fetalai le Atua, “e
le toe tupu.”
Tatalo: Tatou fa‟afetai i le Atua ona o le matagofie o lana foafoaga, ae maise le
manogi o lana galuega foafoa ua mafai ai ona tatou faitaulaga i te Ia. Amene.
Aso Lulu: Novema 13: “A tatou vaivai, o le Atua e foa‟i mai le malosi”
Tusi Faitau: Salamo 31: 9-24 (When we falter, God gives strength)
Matua: ff.10,24: “Auā ua fa‟auma lo‟u ola i le fa‟anoanoa, ma o‟u tausaga i le
mapuitigā; ua fa‟avaivaiina lo‟u malosi i a‟u agasala, ua gagase fo‟i o‟u ivi...O
outou na uma lava, o e fa‟amoemoe i le Ali‟i, inā fa‟alototetele ia; e fa‟amalolosia
fo‟i e ia o outou loto.”
O lo‟o manino i le Salamo lenei le tulaga o le ola mafatia ma le ola fiafia i
le tele o tausaga. “Ua fa‟avaivai‟ina lo‟u malosi, ma ua gagase o‟u ivi.” O lo‟o matuā
fa‟amatalaina e le fai Salamo le tulaga o le te‟ena, ae ui i na mea, ou te tu‟u atoa atu i
le Atua lou tagata talitonu ma ou mautinoa ai le alofa o le Atua e le fa‟ato‟ilaloina.
E tele mea e mafai ona fa‟amatalaina i le ola o le tagata e maua ai lagona lelei; e pei
fo‟i ona atagia i le Ali‟i o Iesu, ma o le fa‟amoemoe fo‟i lena mo i tatou.
E le mafai ona ave‟ese le olaga o le ola vivi‟i i le Atua e tusa lava pe feagai
ma faigatā o le olaga. E pei fo‟i ona faia e le fai Salamo, ua ia iloa ua fa‟aolaina o ia
e le Atua, ma ua ia ta‟utino ai i le tele o ona vaivaiga ma fa‟aletonu. Peita‟i i le tele o
na mea uma, sa tupu pea lona loto vivi‟i i le Atua. E fa‟anoanoa ma mapuitiga le
tagata ona o le ola agasala, a‟o le fa‟amoemoe i le Atua e maua mai ai manatu fou
ma fa‟atupuina ai le malosi fou.
Tatalo: Le Atua e, ua e silafia lo matou vaivai ma le lē atoatoa i luma o lau afio. Ae
fa‟amoemoe i matou i lau afio e maua ai manatu fou e tupu ai lo matou malosi e
fa‟afetai ai i lau afio. Amene
Aso Tofi: Novema 14: “Ia lagonaina le taunu‟uga” (Feel the consequences)
Tusi Faitau: Teuteronome 28: 1-2, 15-24
60
Matua: ff. 19,24: “E malaia oe pe a e sau, e malaia fo‟i oe pe a e alu atu...E faia e
le Ali‟i le ua i lou nu‟u ma efuefu nini‟i ma efuefu;e totō ifo ia mai le lagi i ou luga,
seia fa‟aumatia ai oe.”
O le tasi nei o tusi ua ta‟ua o le tusi o le tulafono, o lo‟o aumai ai le tulaga
o le amio e tatau ona ola ai le tagata soifua. Ae o lo‟o manino mai ai fo‟i le
taunu‟uga o le ola usiusita‟i ma le ola vaogatā, o le manuia ma le malaia. E tele
atunu‟u ma talitonuga e i ai fo‟i a latou fa‟ailoga tau fa‟amata‟u. Peita‟i i le manatu a
tagata Eperu e uiga i le fuaitau, e ese fo‟i lona fa‟amatalaina. O lo‟o aumai i se
tulaga o le mala po‟o le malaia e a‟afia ai le ola o le tagata, a ua le gata i lea e mafai
fo‟i ona a‟afia ai le to‟atele.
O le tele o mea e tutupu i le soifuaga nei, e mafua mai ona o le tele o a
tatou fa‟ai‟uga ua le sa‟o ona fai, pe ua soōna fai fo‟i. Ae o mea ia o lo‟o mafua ai
ona tele le fa‟aletonu i le lalolagi ma tupu ai feese‟eseaiga. O le tele o fa‟aletonu o
tutupu i le tele o taimi, ua fai ma sasa i o tatou olaga. A ia aua ai ne‟i galo, e le na o i
tatou ua a‟afia ai i nei taunu‟uga, ae ua a‟afia ai ma le to‟atele ae maise o fanau.
Tatalo: Le Atua mamana e, o matou o fanau palapalā, alofa ma fufulu i o matou
tagata ele‟elea. Ma ave‟esea o matou uiga le tonu i luma o lau afio e pei ona avea ai
lo matou Ali‟i o Iesu ma vai ola mo lau fanau. Amene.
Aso Faraile: Novema 15: “ Ia inu, ae le o le uaina” (Be drunk but not wine)
Tusi Faitau: Isaia 29: 9-14
Matua: ff. 9,13,14: “Ia outou fa‟atuatuai, ma ia outou ofo; ia outou olioli, a e
tauaso outou; ua latou onā, ae lē o le uaina; ua latou tautevateva, ae lē o le
„ava...Ua fa‟alatalata mai lenei nu‟u ia te a‟u i o latou laugutu, ma latou vivi‟i mai
ia te a‟u i o latou laugutu...E fano lava le poto o latou tagata popoto, e mavae fo‟i le
mafaufau o latou tagata mafaufau.”
Ua fa‟auigaina le onā i totonu o lenei tala e fa‟atatau i le nu‟u o le Atua ua
le mafai ona ofi i ai le finagalo o le Atua e ala i le galuega fa‟a-perofeta a Isaia. O
tagata ua lualuagia lagona ma ua le fia fa‟alogo i le upu a le Atua, ua tete‟e i upu o le
poto. O ta‟ita‟i o le nu‟u ua gugū ma ua le fa‟atinoina le latou galuega.
Sa vala‟auina Isaia ina ua maliu Usia le tupu lelei ma le amiotonu. O le
taimi o le ola vaogatā o tagata o le nu‟u. Ua le fa‟amaoni ta‟ita‟i o le nu‟u ma ua
latou fefefe fo‟i e fai le mea sa‟o. Ua pogisa o latou mafaufau i le finagalo fa‟aali a
le Atua na auala mai ia Isaia, ma ua tulimoe i latou. Ona o le ola lē usita‟i ma le lē
fia fa‟alogo, ua mafua ai ona galo le feau taulogologo a le perofeta o Isaia. Le
taulogologo a le tagata poto ina ia iloa ona ola i le filemu o le Atua.
Tatalo: Fafagu mai lau afio Tamā ina ne‟i momoe pea i matou i o matou lagona le
fia iloa ma le ola pogisa, ma ua matou le iloa ai ona fa‟atino o matou tiute. Amene.
Aso Toonai: Novema 16: “Fa‟ailoa le fa‟amoemoe” (Embody the hope)
Tusi Faitau: Isaia 35: 1-10
Matua: ff.3-4a, 5-6a, 10a : “Ia outou fa‟amalosi i lima ua gagase, ia outou
fa‟amalosi i tulivae ua vaivai. Fai atu ia i e ua loto vaivai, Ia outou fa‟amalolosi,
aua tou te fefefe...Ona fa‟apupulaina ai lea mata o e tauaso, e fa‟alogoa fo‟i o e
61
tutuli; ona oso‟oso ai lea o le pipili e pei o le aila, e pese fo‟i le laulaufaiva o le
gūgu...E fo‟i mai e ua togiolaina e le Ali‟i.”
I se va‟aiga fa‟ale –mafaufau i le soifuaga o le pologa ma le feagai ma
nofoaga o taua ma fevaevaea‟iga. I le omo‟omo o ona lauele‟ele ma le tele o mea ua
fa‟aleagaina. Ae le gata i lea o le tulaga fa‟aletonu o le ea e puaina mai i ia nofoaga.
Ma e leai fo‟i ni tagata e tupu se lagona e fia nofo i nei nofoaga fa‟apea, auā e leai ni
mea e tele o i ai, ua uma ona fa‟aleagaina i taua ma mea sa tutupu i le tele o tausaga
ua mavae.
Ae mafai fo‟i ona tatou va‟ai fa‟ale-mafaufau i nei nofoaga i sona va‟aiga
maoa‟e ma le matagofie ina ua i ai ona suiga. Ua le gata i le ola lau usiusi o la‟au o
le vao, o le tele o māgavai ua sūsua, ae ua mafai fo‟i ona maua ai le tele o mea mai
lona suiga. O le ata lena o lea e aumai i le mataupu e 35 o le tusi o Isaia. O le Atua o
suiga ina ia lelei ma atoatoa se mea. E le tu‟ua e le Atua lana fanau e ola pea i se
olaga o taua ma le nofo pologa. A‟o le Atua e suia mea lē faigofie e fai ma mea
faigofie. Tatou fa‟ailoa atu lo tatou ola fa‟amoemoe i le Atua i le fa‟ailoa atu o le
alofa tunoa o le Atua i tagata.
Tatalo: Le Atua e tupu ai lagona fou ma manatu fou i le ola o le tagata. Alofa lau
afio ma tōto i o matou loto manatu fou e tautua ai i lau afio ma le fa‟amaoni, Amene.
Aso Sa: Novema 17: “Taofi ma le atoa” (Thoroughly to hold)
Tusi Faitau: Salamo 27: 1-14
Matua: Salamo 27: f.4b: “Ia ou nofo i le fale o le Ali‟i i aso uma o lo‟u ola, ina ia
ou iloa atu ai le matagofie o le Ali‟i, ma ou saili‟ili i lona malumalu.”
E mafai ona fa‟amatalaina le va‟ai i ni ona uiga se lua, o le va‟ai e tau ā o
le va‟ai, ona toe alo ese lea ma le mea sa taula‟i ai le va‟ai. 2. O le va‟ai toto‟a i se
mea, ua umi se taimi o taula‟i ai le va‟ai. Ma e ese‟ese fo‟i le fa‟amatalaina o nei
va‟aiga. O lou va‟ai ma le toto‟a i se mea e mafai ona atoa i ai lagona o lou tagata e
fa‟amatalaina lea va‟aiga, ua galulue fa‟atasi lou mafaufau, fa‟alogo, se‟ia o‟o a i le
loloto o mafaufauga o lou loto. O lou va‟ai mautinoa i se mea e mafai ona āvaga ai
ou lagona i lena mea.
I le Salamo o lenei aso ua mafai ai ona atagia le va‟aiga ua tosoina o tatou
lagona i le matagofie o le Atua ma ua naunau i ai le loto.O le va‟ai toto‟a i le Atua, e
loloto ma maualuga lona fa‟amatalaina ma lona tulaga, auā o le va‟aiga e mafai ona
fa‟amatalaina ai le Agaga o le Atua o lo‟o galue.I lenei vaiaso ua mafai ona ofoina ai
o tatou tagata ma o tatou lagona e mafai ona feso‟ota‟i ai i le Atua i le atoatoa ina ia
silasila ai le Atua ma le toto‟a.
Tatalo: Ia manino ma toto‟a la matou va‟ai le Ali‟i e, ina ia matou fiafia ma iloa ona
matou fa‟amatalaina lou mamalu ma lou matagofie. Amene.
Aso Gafua: Novema 18: “Ua ou va‟ai ia oe” (I see you).
Tusi Faitau: Ioane 1:35-39
Matua: ff. 38b-39: “Ua fai mai i laua ia te ia, “Rapi e, o fea e te mau ai? Ua fetalai
atu ia ia te i laua, “O maia, inā matamata.” Ua la o ane, ma matamata atu i le mea
ua mau ai o ia, ona latou nonofo lea ma ia i lea aso.”
62
O le tele o taimi e malaga ai i luga o le alatele, e fa‟afeiloa‟i i tatou e nisi e
le masani o va‟aia i aso uma. Po se tagata e masani mai se fonotaga sa auai, i totonu
o se faleoloa po o fea lava se nofoaga sa lua fa‟afesaga‟i ai muamua i se talanoaga.
Ma, e tu‟u fesili fo‟i le mafaufau; po o fea e manatua ai lea tagata. A‟o le feiloa‟iga e
fealoa‟i lelei ma fa‟asoa lelei, e telē lona ese‟esega. O le a maua lou avanoa e te
va‟ai lelei ai i lea tagata ma o le a tele fo‟i sou iloa i lea tagata,mai le sa e iloaina
muamua.
I le mafutaga a Iesu ma lana au-so‟o, sa tāua ia Iesu lona iloaina o lana au-
so‟o; fa‟apena fo‟i i le au- so‟o ona malamalama ma iloa Iesu. Ua le gata i lo latou
iloaina o le mea o lo‟o nofo ai Iesu, ae ua latou aumau fo‟i ma ia i lea aso. O le va‟ai
a le au-so‟o ia Iesu na osofia ai lagona o le fia mafuta ma Iesu , ae ua tupu ai manatu
ma lagona ina ia fa‟ailoa atu ina ia o mai ma matamata ia Iesu. Afai tatou te filifili i
le fia va‟ai ia Iesu, e tatau ona fa‟aaoga lelei lea avanoa e mafuta ai ma Iesu.
Tatalo: Le Atua e, ia aua ne‟i o matou fa‟atamala i avanoa matou te maua e mafuta
ai ma lau afio. Ia manino la matou va‟ai maia matou iloa lau afio e fa‟avavau.
Amene.
Aso Lua- Novema 19: “O le malosi o le Atua” God‟s muscles. Tusi Faitau: Mataio 11: 28-30
Matua: ff. 28-30: “Ia outou o mai ia te a‟u, o outou uma o e tigaina ma mafatia i
avega, o a‟u fo‟i e malōlō ai outou. Ia outou amoina la‟u amo, ma ia outou
fa‟aa‟oa‟o ia te a‟u, auā o a‟u lē agamalū ma lē loto maulalo; ona maua lea e outou
o le malologa mo outou agaga. Auā e avegofie la‟u amo, o la‟u avega fo‟i e māmā
ia.”
O so‟o se tagata e fiafia e siisi‟i mea mamafa e teuteu ai o latou tino, e iai
lava le alafua e fatinoina ai lea faamoemoe. Afai e te amata i pauna māmā e le
mana‟omia se tasi e fesoasoani. Ae afai e te o‟o atu i le tulaga o le si‟i i pauna
mamafa ona mana‟omia lea o se tagata e fesoasoani i le fa‟atinoina o lea
fa‟amoemoe. E i ai nisi o i tatou ua manatu, o le tele o mea e tutupu ma mea e fai o
le olaga nei ua fai lea ma avega mamafa i le ola. A‟o lea e fai mai o le ola pologa e
fa‟amoemoe i le Atua ma tu‟u atu le avega e amo fa‟atasi ma le Atua i le agaga o le
talitonu, e māmā ia ma faigofie. Tatou te mana‟omia le Atua e fai ma fesoasoani i o
tatou tagata pe a o‟o ina mamafa le avega. O le amoina e Iesu o le amo o le pologa,
ua fai lea ma fa‟aa‟oa‟oga mo i tatou ina ia tatou iloa ona fa‟atino lea fa‟amoemoe
ma ia faia i le tulaga o le malōlō ma lelei, a ia sili ona malosi lona fa‟amoemoe.
Tatalo: Ia a‟oa‟oina i matou e lau afio, ina ia o matou iloa ona amoina o lau amo ma
foa‟ina mai ai e lau afio o le malologa sili i o matou tagata. Amene.
Aso Lulu: Novema 20: “Suau‟u manogi a le Atua God‟s eau de parfum.
Tusi Faitau: Salamo 23: 5
Matua: f.5 : “E te laulau mai mea i le laoai ma a‟u i luma o e ita mai ia te a‟u; ua e
fa‟au‟uina lo‟u ulu i le suau‟u; ua tau masuasua la‟u ipu.”
E tele manaogi ese‟ese e mafai ona tatou molimauina o le olaga, e i ai
manogi e fa‟aosofia ai le fiafia ma fa‟atosina ai lagona. E i ai fo‟i manogi e tulaga
fa‟aletonu i le mafaufau. E pei ona i ai le tele o mea ua a‟afia ai le foafoaga a le
63
Atua. E foliga fa‟apena fo‟i i le ola fai taulaga o le nu‟u o le Atua ma le talitonuga o
le manogi o taulaga e ofoina mo le Atua ia lelei ma saunia lelei. I le manatu a le fai-
Salamo, o le fa‟atusa o le tagata ua u‟uina lona ulu i le suau‟u, o le amanaiaina ma
taliaina o lea tagata sa feagai ma faigata ma savalia vanu faigata o le ola. O le u‟uina
o le fa‟ailoga o le aloaia ma le fa‟aaloalogia i se tagata o lo‟o si‟osi‟omia i faigata
ma fete‟ena‟iga. O Iesu sa fai ma suau‟u manogi a le Atua, ua u‟uina ai o tatou
tagata ma ua fai ma u‟u manogi o le agaga fiafia ma le loto fa‟afetai i le lalolagi ina
ia sasala atu le manogi lea o le Atua, ma avea ai i tatou ma suau‟u manogi a le Atua.
Tatalo: Ia matou lagonaina pea le suau‟u manogi o lau afio ma matou mānavaina
pea le alofa ma le tausiga o lau afio Tamā. Amene.
Aso Tofi: Novema 21: “Fa‟amanuiaga mai le Atua” God‟s embodied blessing. Tusi Faitau: 1 Peteru 3: 8-17
Matua: ff. 13-15: “O ai fo‟i na te agaleaga ia te outou, pe afai tou te fa‟aa‟oa‟o i
le lelei? Ae afai e tigaina outou ona o le amiotonu, amuia outou. Aua fo‟i tou te
fefefe i lo latou fa‟amata‟u mai, aua fo‟i le atuatuvale. A ia paia le Ali‟i le Atua i o
outou loto.”
E i ai nisi o tagata ua ma‟umau le ola ona o le fa‟atinoina o se galuega alofa
e lavea‟ina le ola o se isi tagata. Ma e tula‟i mai ai pea le fesili, pe fa‟amanuiaina
lenei tagata ona o le galuega alofa sa ia faia? Ua ma‟umau ea le ola ona o le faia o le
mea lelei? Ioe, tēle le sao tāua a lenei tagata i le fa‟atinoga sa ia faia. Auā ua ia faia
se mea lelei mo le isi tagata. O le tasi nei o fa‟ata‟ita‟iga lelei e faia e nisi o tagata,
latou te filifili e fa‟atino se galuega alofa mo nisi.
I le va‟aiga o e ola fa‟atuatua, ua mafai ai ona tatou va‟aia le Atua o lo‟o
galue pea. Ua mafai ona tatou molimauina le Atua e ala i galuega alofa o lo‟o
fa‟atinoina e nei tagata. O lo‟o atagia ai foliga lē va‟aia o le Keriso, o lo‟o fa‟aauau
ona savavali fa‟atasi ma i tatou, ma o lo‟o leoleo i le ola sauaina.
Tatalo: Matou tatalo ina ia matou iloa ona filifili i le faia o le amiotonu, ma
fa‟amoemoe i lau afio e aumaia le filemu i o matou loto. Amene.
Aso Faraile: Novema 22: “Leai se tino, o nisi tino, le tino o Keriso”
Tusi Faitau: Roma 12: 1-2 No body, some body, Christ‟s body. Matua: f. 1: “O lenei, le au uso e, ou te aioi atu ia te outou, ona o le alofa
mutimutivale o le Atua, ia outou tu‟uina atu o outou tino i le Atua, o le taulaga ola,
ma le paia, ma le mālie, o le mea lea e tatau ai ona outou faia.”
E mafai ona tatou alolofa, e mafai fo‟i ona tatou ino‟ino i ai. E mafai ona
tatou matamata i ai, ae le mafai ona tatou ola e aunoa ma le tino. A leai se tino, e le
mafai ona tatou molimau i le olaga ma lagona, ma feso‟ota‟i ai. E tatau lava ona i ai
le tino e mafaufau ai, ia lagona ma tatalo ai ina ia tatou maua le so‟otaga o le Atua i
le lalolagi.
E amanaiaina e le Atua o tatou tagata i mafaufauga ma o tatou manatu. Ia
Iesu, ua mafai ona tatou maua ai le Atua o lē iloa le tāua o le ola. O Iesu ua toe
tu‟uina atu i tatou i le Atua, i le avea ai lea o i tatou ma tino o Keriso. Mo Paulo, o le
ola tapua‟i i le Atua e aofia ai lou tagata atoa ina ia atoa le mafutaga ma le Atua. E le
64
tāua le tulaga o le soifua, pe ma‟i ma vaivai, e mafai lava ona ofoina atu o tatou
tagata i le Atua, e pei ona fiafia o le Atua i le tino o Keriso.
Tatalo: Matou te ofoina atu o matou tino fa‟atasi ma o matou tagata atoatoa, e
fa‟aaoga i au feau, ina ia aoga i lau afio ma nisi. Amene.
Aso Toonai: Novema 23: “Pa‟i a le Atua” Touch of God. Tusi Faitau: Mataio 17:1-13
Matua: ff.6-8: “Ua fa‟alogo ai le au so‟o, ona latou fa‟apau‟u faō ai lea, ua matuā
matata‟u lava. Ona maliu atu lea o Iesu ua pa‟i atu ia te i latou, ua fa‟apea atu,
“Ina tutū ia outou; aua fo‟i tou te matata‟u.” Ona tetepa a‟e ai lea o latou mata, ua
latou lē iloa atu se tasi, ua na o Iesu lava.”
E i ai taimi o le olaga e pa‟ū maulalo ai o tatou lagona, ae maise o taimi o
le o‟o mai o le oti. E faigata ona tatou fa‟afesaga‟i ma ia taimi ogaoga o le olaga. Ma
o taimi e mana‟omia ai le fesoasoani mai nisi o tagata. O le pa‟i mai o le galuega
fa‟amafanafana i taimi faigata e tupu ai le mafanafana. Pa‟i ma fusi i se ua
fa‟anoanoa ma lē mautonu e mafai ai ona toe tupu lagona fou.
E mana‟omia le pa‟i mai i taimi faigata ina ia iloa ai o lo‟o amanaiaina lou
tagata, ma e le o tu‟u lafoaina oe e amo to‟atasi lau avega. O le pa‟i o le alofa e tino
ina ua le mafai e upu ona fa‟atino. E i ai nisi o lo‟o fia pa‟i mai ai le Atua ma
fa‟amafanafana mai ai, peita‟i e le o mafai, ia tatou tu‟u avanoa i le Atua e pa‟i mai
ma fesoasoani i o tatou mafatiaga. O le tele o lima e pa‟i atu ai le alofa.
Tatalo: Ia aoga o matou lima e fai ma au mea faigaluega, e pa‟i atu i se o
mana‟omia lou fesoasoani, ma auala atu ai lou alofa mo i latou. Amene.
Aso Sa: Novema 24: “Fa‟asaina e le Agaga” Forbidden by the Spirit. Tusi Faitau: Galuega 16: 6-15
Matua: f. 9: “Ua iloa fo‟i e Paulo le fa‟aaliga i le po; o le tasi tagata Maketonia ua
tu mai, ua aioi mai ia te ia, ua fa‟apea mai, “sau ia i Maketonia, ma fesoasoani mai
ia te i matou.”
O le olaga lenei tatou te maua ai le tele o filifiliga, o filifiliga e le faigofie,
e tusa lava pe tatou te tu‟uina atu i luma o le Atua i le tatalo, e faigata lava ona tatou
malamalama i lona tali mai. O a tatou filifiliga fa‟a-kerisiano, e foliga mai e
malamalama ma faigofie, a‟o le upu moni e le faigofie. E i ai nisi o a tatou fa‟aiuga e
foliga tutusa, ma tatou manatu ai o le fa‟aiuga lelei mai le Agaga. Tatou te faia mea
ua tatou manatu o le finagalo o le Atua, peita‟i e le taunu‟u i se taunu‟uga lelei. Ma
tatou fa‟apea ifo ai o le manaoga mai le Atua i le tuana‟i ae le o le taimi nei. I le tala
ia Paulo ma ana uo, sa manino ai le tulaga o tagata fa‟amoemoeina, ae le
fa‟amanuiaina. E finagalo le Atua mo i latou, ae mo se isi mea. Mo tatou, e le o mea
lelei uma, o le finagalo lea o le Atua mo i tatou ma le lalolagi.
Tatalo: E ofo‟ofogia mea uma e faia e le Atua, auā e tumu i le alofa. Ia matou iloa
ona saili i le poto mai lau afio, matou te iloa ai ona filifili ma le tatau i māga‟ala
ese‟ese o le olaga. Amene.
Aso Gafua: Novema 25: “O le sēse a Aperamo” Abraham blunders.
65
Tusi Faitau: Kenes 12: 10-20
Matua: f.10: “Sa i ai fo‟i le oge i lea nu‟u; ona alu ifo lea o Aperamo i Aikupito e
āumau ai; auā sa vale le oge i le nu‟u.”
E i ai nisi e faigata a latou fa‟aiuga pe a o‟o ina feagai ma fa‟afitauli o le
olaga, ma tauau ai ina lamatia le ola ae maise fanau. E mafua ona o ese mai le nu‟u
masani ina ua agaleagaina, po ua le mafai fo‟i ona maua se mea lelei mai totonu o
lou nu‟u. E faigata i le tagata o lo‟o malu puipuia ma tulaga lelei ona malamalama i
lea mataupu.
O se filifiliga ea na faia fa‟atasi e Aperamo ma Sarai ina ia mafai ona laua
ola, pe na faia i le loto o Aperamo, po o Sarai fo‟i, ina ia manuia e tusa lava po o le a
lona tau? I le fa‟aiuga o le tala o lo‟o aumai ai lona tāua, e le o le fa‟aiuga a
Aperamo na mafua ai le to‟asa o le Atua, a‟o Farao. O le sili ona le fiafia o le Atua
ona o le pule sāua ua mafua ai ona le mautonu tagata, ma e foliga mai o lo‟o tatou ui
uma ai i le ala lea.
Tatalo: Le Ali‟i e, ia matou iloa ona alolofa ma ia fa‟apotoina i matou ina ia matou
iloa ona fesoasoani i nisi o tagata. Amene.
Aso Lua: Novema 26: “Sēse le avā fa‟aipoipo a Iakopo”
Tusi Faitau: Kenese 29: 15-30 Jacob marries the wrong wife. Matua: Kenese 29: f. 20: “Ona auauna ai lea o Iakopo i tausaga e fitu ona o
Rasela, ua peiseai o nai aso iti‟iti ia i lona manatu, auā o lona mana‟o tele ia te ia.”
E i ai taimi o le olaga e fa‟afetoai ai i tatou e manatu e le mafai ona suia, e
pei o se ma‟i ua a‟afia ai, po o mafatiaga fa‟aletagata. E mafai ona tatou tete‟e atu i
ai ma finau malosi i lona le talafeagai, peitai i le faitauga masani, o le a le mea ua le
mafai ona maua sona fesoasoani, ia onosa‟ia. O le onosa‟i o lo‟o manino ia Iakopo,
o lona mafai ona tumau ma onosa‟i le taufa‟asēse a Lapana. E le taligofie i le
mafaufau le tulaga o le amioletonu-auā e foliga mai ua malo le tiapolo i lea va‟aiga
fa‟a-Kerisiano, Peita‟i, e le faigofie se tali i nei fa‟afitauli. E tatau ona taofi i le taimi,
ma tumau i le aga‟i pea i luma, po o le a lava le umi o le ala le fa‟amaoni. Auā o lona
taunu‟uga, e manuia ina ua faia le fa‟aiuga a le Atua. O Iakopo ma lona aiga o lo‟o
ola pea.
Tatalo: Ua matou o atu i lau afio ina ia matou maua le malosi mai lou mamalu,
matou te onosa‟i ai ma le filemū. Amene.
Aso Lulu: Novema 27: “O le faletalimalo a Isamaeli” Caravan of Ishmaelites Tusi Faitau: Kenese 37: 12-28
Matua: Kenese 37: f. 28: “Ona o ane lea o tagata Mitiana, o e fa‟atauoa, ona latou
sisi lea ma ava‟e ia Iosefa ai le lua, ma latou fa‟atau ia Iosefa i sa Isamaeli i tupe e
luafulu; ona latou avatua lea o Iosefa i Aikupito.”
O faʻamoemoega a le Atua, e faʻataunuʻuina e ala i le faʻaaogaina o se
vaega o tagata ese. O lo‟o galue le Atua, ae le vaaia. I le tele o manatu i le Tusi Paia
ma le tele o ana tala fa‟amaumauina, tatou te iloa ai le faamoemoega o le Atua o loʻo
galue i se tulaga e le mafa‟amatalaina, e ala mai i le le mautonu, o le mea e le mafai
ona tupu, o le mea e le talafeagai. O latou fa‟amoemoega e le māma i taimi uma, ma
o nisi taimi e fetu‟una‟i ai. Afai tatou te galulue mo le malo o le Atua, e mafai ona
valaauina i tatou i nisi taimi e pa‟aga ma tagata e le tutusa o tatou tulaga māma. Ae,
o le a Reupena i lenei tala? O ia o se tagata ua masani i le tulaga, e le o toe pulea.
66
Atonu sa tatou i ai i se tulaga le fiafia ona o le mea sa aga‟i i ai se talanoaga. Ae
maise o foliga va‟aia ma amio le pulea o tagata, ma ua leai ma se malosi ia te oe e
fa‟afetaui ma luʻitauina ai. I le manatu po o le tali a Reupena, e foliga mai e sēse, ae
o lo‟o afifi ai se mea aoga. E foliga mai e ino‟ino o ia lava ona o lona fa‟aletonu. Ae
na ia faaalia mai, e mafai e le Atua ona galue e ala ia tatou taumafaiga le atoatoa ina
ia lelei, e pei lava ona ala mai i le uiga maoa‟e o le lototoa.
Tatalo: Le Atua paia, fesoasoani mai ia te aʻu ia ou iloa lou auala atoatoa i lenei
lalolagi le atoatoa. O a‟u o lau auauna le atoatoa. Faaaoga loʻu le atoatoa mo lou
mamalu. Amene.
Aso Tofi: Novema 28: “Fa‟asaoina le aiga paia” The Holy family escapes. Tusi Faitau: Mataio 2:13-23
Matua: f.13 “Ua o i latou, fa‟auta, o le agelu a le Ali‟i ua fa‟aali mai ia Iosefa i le
miti, ua fa‟apea mai, “Tula‟i ia, ina ave le tama iti‟iti ma lona tinā, ma sosola i
Aikupito, ma nonofo ai se‟ia ou fai atu ia te oe; auā o le a saili Herota i le tama
iti‟iti ina ia fasioti ia te ia.”
E i ai taimi i o tatou olaga tatou te faia ai se mea i lona atoatoa, peita‟i ane
e le mafai ona tumau i lena lelei. Tatou te mafaufau fo‟i ma le toto‟a ma tatalo ina ia
fa‟asino mai po o fea e tatau ona tatou i ai. E mafai fo‟i ona tatou tutu i le vala‟au a
le Atua e lu‟itauina i tatou, ae to‟a iti‟iti e vala‟auina.
I le aiga paia, ua mautinoa lo latou ui mai ai i nei mea uma, ma ua tu‟uina i
le loto agamalū. Ua tatau ona latou aumau i Nasareta ma tausi ai le Keriso i se tulaga
filemu ma le puipuia lelei, peita‟i e le nofonofo lelei le lalolagi, ma ua vala‟au le
Atua ia i latou i se mea e ese mai, ma e tatau ona latou tali ai. E mafai ona tatou
fa‟apea, o le vala‟au a le Atua, e mo i latou e le o mautonu, ae o le taimi fo‟i lea o le
fa‟atonuga a le Atua e puipui ma alofa. O le lu‟i lea mo i tatou, ina ia tatou sauni pe a
o‟o mai le vala‟au.
Tatalo: E vala‟au lau afio i ou tagata, aumaia lou filemu matou te fa‟alologo ai ma
le manino ma mulimuli i lau vala‟au. Amene.
Aso Faraile: Novema 29: “Suia le mafaufau o Iesu” Jesus‟ mind is changed.
Tusi Faitau: Mareko 7:24-30
Matua: f. 28 : “Ona tali mai lea o ia iā te ia, ua fa‟apea mai, “Le Ali‟i e, moni a oe;
ae ui i lea o ulī i lalo o le laoai e a‟ai i latou i momoi mea a tama.”
O lo‟o alu Iesu mo sina taimi, ma e le o to‟atasi o ia i le taimi nei. Ua i ai
fa‟atasi ma ona so‟o i lauele‟ele o nu‟u ese. E mafai ona tatou fa‟apea ifo o lo‟o
mafaufau o ia i lona vala‟auina. Sa i ai le tau fa‟amata‟u ma le fa‟afefe i le taimi
muamua o lana galuega, ae na fa‟aumatia uma, sa manatu o ia e maua se filemu mo i
latou i lena nofoaga. O le a se mafua‟aga e mafai e le Mesia Iutaia o i ai ma nei
tagata ese? E foliga mai o le feiloa‟iga ma lenei fafine atuatuvale sa feagai ma le
luitauina o Iesu ma ua atagia ai mea e patino i le Atua- fa‟atuatua, fa‟amoemoe, ma
le alofa e leai se tuaoi.
O le faʻaalia i nofoaga e leʻi mafaufauina, e mafai ona luʻitauina ai le mea
sili tatou te mafaia e toe mafaufau ai i lo tatou ola malamalama i auala e galue ai le
Atua. Mo le fafine, ua na o se talosaga mo se tasi vavega; mo Iesu, o Evagelia o lo‟o
fautua mai na musuia ai se auala fou i lona malamalama i le tulaga o le Mesia, galue
67
i tala atu o tuaoi taliaina. Sa u‟unaia Iesu e mafaufau i ni manatu ese, e uiga ia te ia
lava, ma le malo o le Atua. Ma mulimuli ane ona fa‟amalosi le fafine mo le ola o
lana tama teine ma lavea‟ina o ia.
Tatalo: Le Atua alofa e, tatala maia le mautinoa o lou alofa ina ia matou iloa ona
aga‟i pea i luma ma fa‟atino o lou finagalo. Amene.
Aso Toonai: Novema 30: “E salamō le Atua” God Repent.
Tusi Faitau: Esoto 32: 7-14
Matua: ff. 11a-12b: “A ua matuā fa‟atoga o Mose i lona Atua o le Ali‟i; ua ia fai
atu i ai,, le Ali‟i e, se a le mea e tupu tele ai lou to‟asa i lou nu‟u. Ia e liliueseina lou
to‟asa tele, ma ia e salamō i le leaga ne‟i o‟o i lou nu‟u.”
E i ai le taimi e le o fa‟atasi a tatou fuafuaga ma lona fa‟atinoina, tele o
taimi tatou te mafaufau i le mea sa‟o ma atoatoa, peita‟i e le mafai ona sa‟o ma lelei i
le isi tagata. E mafua ona ua taumafai i tatou e toso mai le tagata i le mea lea e
mana‟o ai tatou. E i ai taimi e tatau ai ona tatou toe fo‟i i tua ma toe manatunatu
loloto ma taumafai ina ia fa‟afeso‟ota‟i lagona.
I lenei tala e matua tāua lava i o tatou mafaufau faʻaonaponei, o se tagata
ola e pulea le Atua mai le faia o se mea atonu e ono faanoanoa ai o ia. A‟o lona
naunauta‟iga, ina ia mafai ona tosina atu lo tatou ola naunau i le tāua o le upu moni e
uiga i le natura o le Atua, ma taofi i mafaufauga, i le agalelei ma le alofa tunoa o le
Atua. Fa‟aaupegaina i lenei faaaliga, o Mose lava ia ua i ai le talitonuga e lu‟iina le
sēse o lona nuu, a‟o se galuega foi mo i tatou i nisi o taimi.
Tatalo: Ou te tu‟uina atu ou lima ma lou ola i le mamalu o lau afio Tamā. E fai ai i
matou ma e tutumau i lau afio.Amene.
O Lapataiga ma Faamasinoga ma Faamafanafanaga
Lapataiga
(Aso Sa Etiveni) Aso Sa - Tesema 1: “ Moe ese… O le a?”
Tusi Faitau: Mika 2: 1-11 (Sleep over…WHAT?)
Matua:ff.1-2: “Oi talofa i ē mafaufau i amioletonu ma latou saunia mea leaga i o
latou moega, pe a malama a‟e le taeao ua latou faia, auā ua mafai iā te i latou. Ua
latou manana‟o foi i fanua ma latou fao ai fa‟asaua atoa ma fale ma latou „avea ua
latou saua atu i le tagata ma lona aiga, o le tagata ma lona tofi.”
Ua aumai e le autu o lenei aso se faamanatu taua mo i tatou, ao faapea ona
tatou aga atu mo le soifua mai o Iesu, ina ia iloa le mea o tatou i ai e faatatau i le
soifua mai o Iesu le faaola o le lalolagi. O le amataina o le Etiveni, e taua ai lou
mautinoa ma lo tatou iloa o fea tonu o loo e i ai, i taimi o manatu ma lagona o tagata
faatuatua i le tali atu i le fanau mai o Iesu. Ua faailoa mai e Mika i fesootaiga lelei e
avea ai ma ala o le filemu ma le amiotonu o le Atua i taimi uma o le ola
Tatalo: Mafuta mai oe le Alii e, ina ia matou mautinoa o loo matou i ai faatasi ma
oe i taimi matou te momoe ai, ma taimi matou te ala ai i le taeao. Amene