Dialuna 26 September 2011

Pagina 1Dialuna, September 26, 2011

Dialuna September 26, 2011 - Edicion 5 Vol. 1675 - Sta. Cruz # 110 Tel: 585-9500

Fax:585-0951 - E-mail: [email protected] 1.50

EFECTO DI ASBEST NA SCHOOLNAN DI

NOORD TA KEDA UN INTEROGANTE DUDOSO

Aruba no ta bay acepta ningun organizacion Parlamentario, purba

di dicidi riba nos asuntonan interno

Parlamento a manda yama 3 Minister pa

duna cuenta

Den Middenweg:

A encontra ColombianoJorge Gomez morto

Na vispera di e caso den Corte:

Chaldira Vis invalido den su cama ta kibra

silencio"Mi kier e maximo castigo pe"

4 hoben, como sospechoso di robo di un Golf Kart, deteni

Momento di berdad:

PARLAMENTO TA BAY TAPA E FAYO DI DOWERS OF TA RECHAZA E FAYO EY?

STA. CRUZ -- Awe pa 8:30 mainta e reunion cu minister Dowers ta continua den Parlamento, caminda cu ta trata dos topico. E prome ta e maneho riba tereno di seguridad, especialmente e huymento di presonan na KIA. E di dos topico ta e contract miyonario cu Dowers a cera, sin tene destaho publico. Awe ta e momento di berdad. Ta un hecho cu Dowers no a sigui ley di comptabilidad cu ta exigi un destaho publico riba tur proyecto riba 100 mil florin. Ley ta duna un excepcion minimo cu ta si en caso tin un calamidad y tin un urgencia, pero esey no ta e caso. E otro excepcion ta si bo sa di antemano cu ta un compania so tin cu por soluciona bo problema. Esaki a resulta cu tampoco ta e caso, pasobra gobierno no a papia cu otronan cu tambe ta huur trailer na gobierno. Es mas, awor a sali na cla cu un di nan ya algun tempo pasa a haci presentacion di Modspace na gobierno. Pues, ningun di dos excepcion ta aplicable den e caso aki, y consecuentemente e minister MESTER tene un destaho publico. E minister a viola ley di Comptabilidad, pero esey no ta algo cu Ministerio Publico lo persiguie pe. Awe nos ta bay mira si Parlamento ta tuma su trabao na serio, di vigila y controla gobierno. Awe nos tey mira si Parlamentarionan berdad tin curashi. Awe nos ta bay mira si Parlamento ta exigi respet pa e institucion mas halto aki, of ta laga gobernantenan trapa riba Parlamento manera nan ta haya ta bon.

Varios Dj's - Miniteca disgusta cu Gobierno y MinisterVisser

A cancela varios Dj den ArubaActivo na Sta. Cruz

Pagina 2 Dialuna September 26, 2011

Santo pa Basha, Santo pa Pleister, Crushed Sand, Piedra, Tera pa Mata,

Graniet. Tambe nos ta Rosa Tereno, Coba Pos y Fundeshi.

ROOI BOSAL 49TEL.: 585-1708 FAX.:585-6299

MADURO HEAVY EQUIPMENT N.V.

Deadline pa solucion of Recesion global na caminda

STA. CRUZ -- Top 20 economianan di mundo tin solamente algun siman pa bini cu un solucion pa e crisis Europeo. Varios pais Europeo ta pata pata den debe cual ta pone

un outlook negativo pa e economia Europeo cual consecuencia lo wordo sinti global. Minister di finanzas di Francia a bisa cu esaki tin di haber cu corupcion y den futuro

mester implementa leynan mas severo cu ta evita corupcion. Si pa 15 di Oktober venidero no tin un solucion, e ora un recesion mundial lo ta inevitabel.

Varios Dj's - Miniteca disgusta cu Gobierno y Minister Visser

Repentinamente a cancela varios Dj

den ArubaActivo na Sta. Cruz

Excusa ta cu no tin placaSTA. CRUZ -- varios Dj's y miniteca a wordo desagradablemente sorprendi ora cu Minister Visser y su coordinadornan a dicidi pa cancela nan contract na ultimo ora. Un total di 5 dj's a wordo cancela na ultimo ora, diasabra ultimo, unda mester a tuma lugar un evento deportivo.

Nan no a keda nada contento cu e actitud

aki, mirando cu tin placa pa tur otro cos y netamente ora ta trata di un evento pa pueblo, ta corta ariba dj's nan cu mester a entretene netamente e pueblo. Mester por tabatin otro forma pa atende cu esaki. Tambe ta asina cu e sumanan cu a wordo cobra no tabata nada di otro mundo. Si kier a cancela, por a haci esaki mas tempran y no warda pa ultimo ora.

Drs. Paul Croes, Presidente di Parlamento ta reacciona riba declaracion di Parlamentario particular, Booshi Wever:

Aruba no ta bay acepta pa ningun otro organizacion

Parlamentario, purba di dicidi riba nos asuntonan interno

STA. CRUZ – Segun Presidente di Staten, den e reunion di Parlatino cu ta tumando lugar na Aruba e siman cu a pasa, cu mas di 90 representante entre local y bishitante den e foro, cada Parlamentario, por vocifera su opinion. “Nos a tuma nota cu varios biaha, specificamente sr. Booshi Wever ta treciendo puntonan dilanti encuanto autodeterminacion di Aruba y cu Hulanda lo ta den un proceso di recolonizacion di nos pais, y segun drs. Paul Croes, esaki no ta opinion di Parlamento di Aruba, pero di un parlamentario particular, cu naturalmente e por vocifera su opinion, pero no por papia den nomber di Staten completo, ni di pueblo di Aruba como sifuera esaki ta un preocupacion di tur hende, absolutamente cu no!”, Presidente di Staten a acentua. AVP, a mustra durante e foro di apertura cu nos stabilidad politico y economico, nos desaroyo positivo, nos nivel di bida compara cu Latinoamerica, ta uno sumamente halto, unda nos tin un minimum loon hopi mas halto cu henter nos region y a elabora riba e prospectonan positivo cu tin pa 2011-2012, e stabilidad huridico tambe cu Aruba ta goza di dje, pa inversionistanan, unda si surgi un caso contra un inversionista grandi, e tin e oportunidad di bay Huez y

despues te na casacion, danki na e relacionnan cu semper nos tabata tin den Reino Hulandes. “Tur e aspectonan aki ta hinca den nos Statuto y pa tur asunto interno nos ta autonomo riba nan y esaki nos pais ta mantene na un forma profesional”, segun drs. Paul Croes. “Nos ta acerca e otro partnernan di Reino Hulandes y nos no ta bay den e discusion di interpretacion huridico ni busca e diferencianan cu ta kita nos for di otro. Nos a trece esaki otro biahanan dilanti y nos ta para hopi fuerte y hopi sigur di nos posicion y di nos autonomia. Nos asuntonan interno ta keda pa nos”, Presidente di Staten a agrega. El’a splica tambe cu drs. Andy Lee, cu ta representa e fraccion mayoritario, a papia di esaki den e sub-comision di asuntonan politico di Parlatino, mustrando cu e ta un opinion particular y cu no por tuma un decision riba algo interno di otro pais. Drs. Paul Croes a bisa cu e acercamento cu paisnan Latinoamericano, ta pa demostra cu nos procesonan ta corecto, cu nos relacion cu Hulanda ta uno respetuoso y cu nos mes mester haci nos huiswerk aki. “Nos mes mester percura pa nos economia, nos gobernacion, pa tur cos bay den e cuadro di ley cumpliendo cu tratadonan internacional, pa ningun hende tin nada

di bisa bo y den e caso aki mi ta sinti cu ta un poco zwak di un parlamentario pa busca apoyo den otro parlamentarionan di afor, pa algo cu ta absolutamente interno di nos pais”, Paul Croes a remarca. El’a admiti cu den Parlatino tin ideologianan cu por respalda drs. Booshi Wever, pero no ta asina cu Aruba ta bay acepta pa ningun otro organizacion Parlamentario, purba di dicidi riba nos asuntonan interno. “Absolutamente ni via un mocion nos lo acepta esaki y nos ta bisa cu e topico aki ta uno puramente interno, cu nos autonomia ta salvaguardia door di bon gobernacion y door di cumpli cu reglanan internacional y transparencia, y na momento cu bo ta acerca otro parlamento pa asegura bo autonomia, bo tin problema cu bo mes!”, segun drs. Paul Croes.


Parlamentario drs. Booshi Wever:

EFECTO DI ASBEST NA SCHOOLNAN DI NOORD TA KEDA UN INTEROGANTE DUDOSO

D.T.I. NO TA WEITA PROBLEMA, PERO SVb TA PREOCUPA!!!

STA. CRUZ -- Algun

siman pasa e pueblo di Noord - despues cu anteriormente e pueblo di Paradera a pasa den un situacion similar, aunque un poco menos serio – a haye confronta cu un situacion di tempo, cu a laga algun famia sin dak riba nan cabez, of cu otro daño, mientras tambe e misa Sta. Anna y diferente school a sufri daño considerabel.

Ya for di cuminzamento

prensa a relata di e peliger di e asbest, entre otro esun riba daknan di school. For di un reportahe reciente na television mi a tuma nota cu colega Parlamentario sr. Marlon Sneek durante su bishita na e sitio(nan) concerni, a critica e hecho cu - despues cu Parlamento a haya di comprende di minister Dowers, cu e weekend anterior e asbest lo mester a wordo “opgeruimd” (na

un costo di den careda di 46000 florin) - e mester a constata cu e asbest ainda tabata riba tereno di school, unda hasta e a mustra un baki di sushi yena cu resto di asbest, sin cu esaki tabata tapa, pues cu tabata forma un peliger pa cualquier hende cu lo a acerca e material.

Mientras tanto for di un relato na “24ora.com” mi mester a comprende cu DTI lo NO ta weita “mucho” problema, cu e asbest, mientras SVb SÍ ta keda cu su preocupacionnan pa salud di alumno- y maestronan.

Den mi funcion anterior mi a hayami dilanti e problema cu asbest tambe, cu a wordo resolvi satisfactoriamente. Aki tabata trata di 1) Colegio Arubano na San Nicolas, di cual e dak (di asbest) mester a wordo drecha, y 2) di “Dak ariba Cabez” (ex-Hotel Central) na Playa, unda tabata trata di tuberia di asbest. Asbest di Colegio Arubano a wordo “opgeruimd” conforme TUR regla pa salvaguardia salud di maestro- y alumnonan; pa loke ta trata “Dak ariba Cabez” por recorda cu hasta mi ministerio a wordo manda dilanti corte, pero na unda huez a dicta cu e proceduranan cu a wordo sigui

conhuntamente cu SVb, tabata esunnan corecto.

Despues di e reportahe cu sr. Sneek, l a m e n t a b l e m e n t e NO tabatin ningun informe OFICIAL, ni di e minister concerni, ni di e instancianan cu mester (a) controla e situacion aki di asbest. Weitando e potencial peliger di asbest, y cu e experiencianan menciona ariba, mi kier urgi e departamentonan envolvi pa bini dilanti y informa e pueblo, sigur esun di Noord, kico ta exactamente e situacion di e asbest.

Ta di spera cu di berdad awacero a yuda baha e peliger un poco, pero ta futuro so lo por mustra si, y cuanto daño e plamamento di e resto di asbest (stofdeeltjes) a causa cerca alumno-, maestro-, y habitantenan den vecindario. Ohala mi preocupacionnan ta “exagera”; pero e dichonan “preveni ta mihor cu cura”, y “ora e baca hoga, ta dera e pos” ta aplicable aki.

Mientras tanto ta keda e pregunta tambe, te ki grado e alumnonan di e schoolnan envolvi, a, y ta wordo perhudica pa motibo di ta perde tanto ora y dia di les!


Na Paradera:

Chauffeur a perde control di su stuur

y subi e pionnan dilanti Nos Paraiso

Kleuterschool

STA. CRUZ -- Pa mas o menos 3:25 diasabra atardi un Ford Eco Sport biniendo di e rotonde di Paradera a subi e pionnan dilanti e Kleuterschool Nos Paraiso. E chauffeur a conta cu algun dia pasa el’a hiba su auto pa drecha pero ora el’a haye bek, e ta manera e tabata sinti e stuur straño. E garashi a bise cu esey no ta algo cu nan lo por a daña pero ta algo completamente

otro. Asina mes e señora a sigui core e auto te cu e stuur a stop di draai. El’a pasa raspa bumper di un auto geparkeer y despues el’a subi e pionnan dilanti e school. E dama tabata tin su yiu chikito cune pero bon sinta y faha den un child seat. Dus pesey e mucha a scapa. Danki Dios cu ta riba un diasabra y no den siman orario di merdia ora school ta caba.


Minister Michelle Hooyboer-Winklaar na apertura di “Microcosm”

Arte den un sociedad ta expresa hopi cos cu palabra mes no por

Artistanan local contento cu e aire nobo suplando den maneho di cultura

STA. CRUZ -- Minister di Asuntonan Economico, Asuntonan Social y Cultura, Michelle Hooyboer-Winklaar ta sumamente satisfecho y orguyoso di e resultadonan di e proyecto di arte contemporaneo cu a resulta den un exposicion fabuloso titula “Microcosm”. E exposicion unico aki ta tumando lugar den e residencia di e Embahador di Reino

Hulandes, unda cu pa prome biaha a organiza un evento asina aki. E organizador y motor tras di e exposicion, Renwick Heronimo, casa di minister plenipotenciario di Aruba na Washington D.C., a traha pa mas o menos un aña riba establece un programa satisfactorio y un exposicion di calidad hopi halto. For di prome biaha cu e Minister Michelle Hooyboer-

Winklaar a bishita Washington a papia di e proyecto aki. E mandatario a cualifica e evento di apertura un “exito rotundo,” unda cu mas di 200 hende por a disfruta di “un otro bista di Aruba y un otro bista di e artistanan Arubano.” Minister Hooyboer-Winklaar a comenta cu e curatornan Hulandes y Mericano, Gijs Stork y Laura Roulet, a bisa cu nan a keda

impresiona pa e calidad di e obranan presenta pa e artistanan. E minister a splica cu e calidad general di obranan presenta pa e artistanan Arubano lo beneficia di Rietveld Academie cu ta habri na Aruba aki 2 luna. El’a bisa cu Rietveld sigur lo yuda expande y crea mas artista, lo uni artistanan y lo haci posibel pa crea un industria rond di arte. E exposicion ta refleho di con e relacion di Aruba ta den Reino y con el a desaroya durante e ultimo 25 añanan, asina Minister Hooyboer-Wink laar a expresa. Tambe e hecho cu e Embahador di Reino Hulandes ta habri portanan di su residencia pa nos ta mustra e relacion cu tin awendia den Reino Hulandes, den cual partnernan ta trata otro cu respet, cooperacion y ta orguyoso di e logro di e otro. “Arte no ta solamente pa un grupo, arte den

sociedad ta expresa hopi cos cu palabranan mes no por”, asina Minister Hooyboer-Winklaar a bisa. “Arte ta ofrece hopi mas libertad pa expresa pensamento”, el’a añadi. “No tin un grens natural y ta importante pa un pais stimula pensamento pa medio di arte”, e mandatario a conclui. Pa e artistanan mes, e proyecto aki cu UNOCA, ATA y Ministerio di Cultura a sostene a cay den masha bon tera y mas bien ta expresa e cambio drastico cu tin den maneho di cultura riba nos isla. Porfin e artistanan ta sinti cu nan tin un lugar special den maneho di cultura y cu futuro ta mustra masha positivo mes pa nan como artista. Gobierno na mas di un ocasion a papia di crea y promociona un economia di “creatividad” den cual e palabra ta papia pa su mes.


Nos ta cla pa judabo! AANGIFTEBILJET INKOMSTENBELASTING 2010 Ademas ta ofrece servicio profesional di:

1. Calcula Payroll y jena Verzameloonstaat 2. Compila relatonan financiero pa SIAD 3. Ta jena formularionan di Inkomstenbelasting,

Winstbelasting y Successiebelasting. 4. Conseho of traha bezwaarschrift ariba tur tereno di

Belasting. Hooiberg Kavel 10-D Tel/Fax: 5856525

Comunicado STA! Respetable compañeronan trahando na A.A.A. N.V.

Manera ya tur hende sa dia 12 di Oktober venidero lo bay tin un referendum na Aruba Airport Authority N.V. cual ta un diarazon di 10’or di mainta pa 1’or di atardi y e lugar di votacion lo bai ta e V.I.P. Room di A.A.A. N.V.

Locual cu "Sindicato di Trahadornan di Aruba " (S.T.A.) kier pa tur empleado realiza ta cu tur hende cu ta cay bao di e "CAO" esta e Contrato Colectivo tin derecho di voto. S.T.A. a comprende tambe cu e hendenan di F.L.O.A. ta cana "blof" cu nan tin 90 miembro y ta pesey mes S.T.A. kier a aclarea con F.L.O.A. a yega e referendun. F.L.O.A. a entrega mediador 86 papel di miembrecia usando papelnan bieu door di esaki 24 hende a pidi nan retiro yenando un formulario y entregue na mediador locual cu a laga nan cu 62 miembro di cual 27 di nan ta miembronan di S.T.A. pagando contribucion na S.T.A. locual ta significa cu defacto F.L.O.A. tin solamente 35 miembro y no mas, aparte di esaki S.T.A. por a para e referendum pero a peticion di su propio miembronan actual cual nan ta 81 a dicidi di bay e referendum toch pa waak ta kende ta carni y kende ta pisca y pa despues F.L.O.A. no bin bisa cu nunca nan a haya un chens. Apesar cu e hende nan aki ta hibando un campaña sushi contra S.T.A. y principalmente contra e presidente.

Trabaonan ta continua pa cu e concepto pa cu e "CAO" nobo cu nos di directiva tin practicamente cla caba y lo presentele na su miembronan y tambe e empleadonan nobo riba "diamars 4 di Oktober 2011" , keda pendiente pa e lugar y e horario pa cu e presentacion di e Concepto nobo di e CAO pa A.A.A. N.V.

Tur empleado sa cu S.T.A. semper a negocia pa bay dilanti y e biaha aki lo no bay ta un excepcion. Pa loke ta e caso di dianan di vacacion ariba dia nan di fiesta e veredicto lo mester cay diamars awor 27 di September 2011 y nos di directiva ta spera cu "Dios" mediante e sali na fabor di e trahadornan. Asina ta keda pendiente pa e desaroyonan cu ta sigui den e dianan venidero y nos di directiva di S.T.A. lo tene boso tur na altura di locual ta pasando. No laga ningun hende bruha boso cabez pasobra cu ta S.T.A. mes lo ta e sindicato cu lo bay negocia e proximo Contrato Colectivo.

E total di hende nan cu lo por vota den e referendum lo ta 134 y si nos miembronan keda uni (81) nos victoria lo ta sigur.

Bari nos lo Bari e hendenan Floho.

Despues di e referendum S.T.A. lo bay pone un "Happening" pa tur e empleadonan cu a sostene S.T.A. durante e referendum y lo bay tin un banda musical tambe presente (Sorpresa) !!!!!!

Den nomber di directiva di Sindicato S.T.A.

Parlamento a manda yama 3 Minister pa duna cuenta

STA. CRUZ -- Griffier interino di Parlamento, mr. Sergio Boekhoudt, a invita Minister di Husticia, Minister di Asuntonan Social y Minister di Salubridad

Publico pa presenta den Parlamento awe tardi pa 4’or. Esaki ta un reunion pidi pa e fraccion di AVP. E reunion ta pa bay delibera riba e ultimo

sentencia di Huez relaciona cu e caso di e docente di school cu a sali liber. E docente a ser acusa di a abusa di mucha di school, pero a sali liber siman pasa.


Chollernan ta causando molester

na negoshiSTA. CRUZ -- Diabierna pa 18:50 polis a bay na un establecimento na Pos Chikito pa chollernan fastioso. Na yegada polis a mira un grupo di drogadicto para dilanti di e lugar. E doño M.L. a bisa polis cu e drogadictonan ta molestia e clientenan. Nan ta pidi placa of ta keda para dilanti di e porta. Ora cu polis a

yega, e chollernan a bay caba y nan a bay sinta dilanti na otro banda di caminda. Polis a papia cu nan pa nan no bay mas dilanti di e lugar. Nan a bira onbeschoft y a pone boca grandi contra di polisnan. Polis a bisa nan cu e doño no kier pa nan bay dilanti su negoshi. Nan a comprende y a bay for di e sitio.

Homber a haya yiunan menor di edad so den cas

STA. CRUZ -- Diasabra pa 12:45, polis a bay na un cas na Nuñe, pa un problema den famia. Na yegada polis a papia cu e homber B. kende a declara cu pa 23:00 el’a yega cas y a haya su yiunan menor di edad so den cas. El’a yama e mama di e muchanan y e mama a bise cu e mester a mira pa e

muchanan. Tambe el’a declara cu e mama no tabata biba mas cerca dje y a bay cu tur su cosnan. Segun B. ta tres dia cu e mama a bolbe bek cerca dje. E no kier pa e mama bin mas na e cas. El’a mustra polis e muchanan cu tabata drumi riba vloer riba deken. Polis a bis’e pa e bay Voogdijraad.

Muher agresivo a maltrata su pareha

STA. CRUZ -- Diabierna pa 1:08 polis a bay na un establecimento y nan a topa e homber E.B. y su casa S.F.B. Ora cu polis a yega cerca, nan a mira cu e muher B. a tene e homber na su paña y a dal’e den su cara. Relaciona cu esaki, polis a tene e muher na su braza. E muher

a bira onbeschoft y agresivo. Polis a bis’e pa e keda calmo y bay cas. Despues el’a cana bay direccion di su auto. El’a bolbe bira y bolbe cuminsa dal e homber. Polis a mira cu e muher tabata sangra na su braza. Polis a deten’e y hib’e warda. Despues cu el’a calma, e por a bay cas.

Homber burachi a bay molestia su ex

STA. CRUZ -- Diasabra anochi un muher di habla Spaño a yama warda y bisa polis cu tin un homber desconoci ta ranca na porta di su cas. El’a bisa cu e no conoce

e homber. Polis a bay na e sitio y a topa e homber J.F.DM. den un hokki entre dos cas. E homber tabata bao di influencia di alcohol. Polis a papia cu e muher cu a resulta

di ta C.R. kende a bisa polis cu e homber ta su ex - homber y cu cada biaha e ta burachi e ta bin molesti’e. Polis a detene e homber y hibe warda, unda el’a keda cera.

Homber cu kap na su cabezSTA. CRUZ -- Diasabra pa 11:17 polis a bay na un cas den Dominicanessenstraat, pa un homber cu a bay busca problema. Algun minuut despues polis a haya informacion cu e homber a bin bek cu un machete. Na yegada polis a papia cu e habitante V. kende a bisa cu e partner di su ruman

muher yama P. a bin na e cas y menaza e famia cu un machete. El’a bisa pa defende su famia, el’a coy un bate di baseball. El’a bisa cu P. a zwaai cu e machete y herida V. na su cabez. P. mes no tabata na e sitio. Polis a busca den vecindario y a topa cune banda di un snack. P. a nenga di haya asistencia pero despues

cu polisnan a papia cune, el’a dicidi di acepta pa e bay Poli. E no kier a duna declaracion na polis pa loke cu a pase. Segun el’a bisa polis, e mes por resolve su problemanan. Polis a hiba e homber P. warda pa asistencia medico. Por spera mas problema.

Ladronnan a bay cu cuminda y a laga muchanan cu hamber

STA. CRUZ -- Diasabra pa 19:51, patruya a bay Weg Fontein pa un ladronicia. Na yegada polis a papia cu e muher

G.D.R. kende a bisa cu desconocirnan a drenta den su cas y a bay cu su cuminda. El’a bisa cu ta cuminda di su yiunan.

Na e momento ey, e no tabatin nada pa duna su yiunan come. Polis a pone Slachtofferhulp na haltura.

Polis a kita whiskey, cups , ijs y cola for di hoben

STA. CRUZ -- Diasabra pa 23:15 polis a bay na haltura di Mc Donnald, unda un grupo di hoben kier a cruza caya. Un di nan tabatin un saco cu bebida alcoholico y un saco di ijs. Polis a para e hobennan y a bisa nan pa legitima nan mes. E mucha menor di edad E.P. no tabatin I.D. hunto cune. Polis a purba di papia cune riba su comportacion

como menor di edad y tabata cana ta zwerf riba caya. Ademas e tabata cana cu bebida sterki. Mientras cu polis tabata papia cune, el’a keda ta ping riba nan blackberry cu su cabez baha. Polis a hisa su cabez cu su man pa haya su atencion, pero sin resultado. E mucha a mustra cu e no ta haci caso di e polisnan. Relaciona cu esaki, polis a dicidi di

hib’e warda pa papia cu su mayornan. Despues di esey el’a bay su cas cu su tata. Algun di un rato, e tata a bin warda pa reclama, door cu durante cu polis a scual, el’a hisa su cabez cu su man. E tata a wordo conseha pa bay duna keho. Locual a keda confisca ta un botter di whiskey, cups di plastic, 4 botter di cola. E mucha ta J.H.N. naci na Hulanda di 18 aña.

Homber burachi a cana grita manera alma maloSTA. CRUZ -- Diadomingo pa 5:55 durante patruya, polisnan a mira

un homber riba Yrausquin Plein tabata grita masha duro. Polis a bay

cerca dje, pa mira kico ta pasando cune y si algo por a pase. Polis a mira cu tabata

trata di e homber W.D. kende supuestamente tabata bao di influencia di alcohol

of droga. E no tabata razona y a sigui grita. Polis a deten’e y hib’e warda.


Na vispera di e caso den Corte:

Chaldira Vis invalido den su cama ta kibra silencio

"Mi kier e maximo castigo pe"

STA CRUZ -- Den fin di siman Famia Vis a habri porta di nan cas pa asina ricibi Canal 22. Tabata un momento cu henter Aruba tabata kier a mira e recuperacion di Chaldira unda pueblo por a tende e prome palabranan di Chaldira despues di ta bek na Aruba y den

recuperacion. Chaldira a papia di tur cos un poco. Maske cu e ta hopi fragil y cu poco forza, e tabata sonriente na cada momento cu nos tabata conversa cune. Su yiu homber ta biba cerca dje y ta drumi tur anochi banda di dje. Mientras cu nos tabata conversando

cu Chaldira, e yiu tabata hunga rond, drenta y sali e kamber. Chaldira no a bay mucho den detayes ariba kico a pasa riba dia 26 di Maart pa 7.15 di anochi. Sinembargo el'a bisa si: E homber tabata sa kico e ta bay haci, pasobra el'a bisa na ambos yiu cu desde awe boso lo no bay waak ni mami ni papi mas, cu e intencion claro di pone fin na bida di ambos. Tur cos a inicia riba un diasabra cu tabatin un dia di famia di WEB na The Palm Island. Te hasta pa atende e dia familiar aki, e pareha mester a deal cu otro. "Si bo no bay e dia di famia cumi, ami no ta bay cubo na tal celebracion". Cosnan no a bay bon na The Palm Island cu a pone e homber perde

cabez. Chaldira ta wordo busca pa su tata y ta bay su cas na Savaneta. Sinembargo den ora di 7’or di anochi a dicidi cu lo bay busca paña di trabao y ta aki unda e drama a tuma lugar. Un atardi cu famia Vis nunca lo por lubida. E famia por a pasa den hopi cos y deal cu diferente situacion, pero pa un homber tira nan yiu pa mata y despues ainda kier a stik e cu un saco di plastic, ta algo cu a pone lagrima core atrobe den wowonan di Frank Vis, tata di Chalidra. Tur esaki a pasa dilanti Frank, kende na un momento tambe mester a busca refugio den un kamber di e cas na Pavia pa asina scapa su bida, mientras d e s e s p e r a d a m e n t e tabata yama polis pa ayudo. Despues di tur esaki, Chaldira a keda na bida! Maske cu e ta invalido, for di bao di su pechonan bay abao e no ta sinti ni move su curpa, mentalmente e ta bon. Chaldira Vis ta corda tur loke a pasa! Su dos mannan ta move y ambos ta lanta un poco, pero cu masha tiki forza. Chaldira Vis su bida a cambia totalmente desde 26 di Maart 2011. Algo cu Chaldira nunca por a imagina su mes, mirando cu semper e ta un persona alegre y masha divertido. Ta un comienzo nobo pa Chaldira, unda cu awe e ta drumi na cama sin por yuda su curpa. Tur dia ta mescos! Lanta y pasa henter dia na cama unda e por conta cu e ayudo di su querida mama cu semper a sostene den tur cos. E kamber di su mayornan, cual ta e kamber di mas grandi na e cas, a wordo converti den un kamber pa Chaldira. A modifica e baño di tal manera cu

por draai rond y asina duna Chaldira e cuida necesario. Chaldira ta hayando terapie na cas, sinembargo Chaldira a divulga cu e ta anhela di por bay Hulanda. "Mi kier ta mas independiente pa yuda mi mes". " Aworaki mi mama ta tur cos pami". Chaldira no ta kere cu e homber no ta corda nada! Pasobra loke si e ta cora ta cu el'a regala yabi di su brommer na amigonan y tambe e cacho despues di loke cu el'a haci. Chaldira a splica tambe cu loke e tabata aden ta parce mas bien un maleza. Apesar di pasa den basta cos, semper ora e sali e ta laga tur cos bao su dak y den publico e ta aparenta otro. Su famia sa un parti di loke el'a pasa aden, pero no completo. Ademas e tabata sinti cu e no por a sali di e relacion, debi na varios factor cu e no a comprarti cu nos. E siman aki, Blauw lo ta den corte pa asina scucha di Ministerio Publico kico ta e acusacionnan cu tin den su contra. Posiblemente esaki ta pro-forma na unda lo determina fecha cu e caso mes lo wordo trata. Chaldira Vis, invalido y for di su cama ta pidi husticia pa duna e homber e maximo castigo! Awe nochi despues di 9’or, Canal 22 lo ripiti e grabacion cu Chalidra. Solo di Pueblo y Canal 22 ta gradici famia Vis pa a habri nan porta di cas pa asina duna nos e oportunidad pa conversa cu Chaldira y pa asina pueblo por mira con ta bayendo cu su recuperacion. E caso di Chaldira Vis aki a conmove e pueblo di Aruba pa simannan largo y te ainda tin tur atencion di publico.

Dialuna, September 26, 2011 Pagina 9

A parti regalonan manera Car Seat, Huggies Basket y placa cash

HUGGIES TA ANUNCIA GANADORNAN DI SU TREMENDO CAMPAÑA DI TUR LUNA

STA. CRUZ -- Huggies su campaña di tur fin di luna, a haya un acogida grandi cerca tur e mayornan cu ta confia completamente den e productonan di Huggies. A ricibi un gran cantidad di paki bashi di Huggies Wipes, Huggies Little Movers, Huggies Little Swimmers, GoodNites, Pull-Ups of bruki di Huggies na Comfort Healthcare N.V. of na Checkpoint Color Oranjestad y e mayornan a haya coupon a cambio. E ganadornan di e luna aki a resulta den persona di Ashwin J. Odor di Paramira 64 y Gavriel Fingal di Montaña 65 kendenan ambos a gana un bunita carseat. Studio Photo na Checkpoint Color a bay pa Caylee Fraser di Caya Jose Geerman 15D y Anais Angela di Savaneta 53. Tambe tabata

tin e premio di e tan gusta Huggies Basket cu a bay pa: Alisha Comba di Sabana Liber 67H, Joanelli Leon di Hooiberg 53A, Demi Tromp di Paradera 158 y Naeson Ventura di Pos Chikito 7 i. Por ultimo a saca e nombernan pa e premionan cash, unda cu tabatin 2 ganador di 50 florin cu ta Jayllie Maduro di Parish Hill Weg 13 y Norinda Donata di Caya Balorian 1. Sigui pa 1 ganador, Valery Fernandez di Tanki Leendert 4C cu a gana e suma di 100 florin y e premio cash mas grandi di 150 florin cu a bay pa Jibel Ruiz di Sabana Liber 47K. Checkpoint Color tambe a join e tremendo campaña aki, unda tur e clientenan cu presenta cu cualkier Huggies Diaper y Wipes (2) mas 20 florin ta ricibi un potret di nan yiu cu un bunita ‘border’ di e personahenan preferi

di Disney y e logo di Huggies. Y sin laga afor cu tur e personanan aki tambe por a participa pa gana e premionan di fin di luna. E campaña tin un duracion di 5 luna, unda cu ya a saca e prome ganadoenan den luna di Augustus y awor a toca turno pa conoce e ganadornan di luna di September. Pues si ainda bo no a cambia bo productonan pa coupon, no perde e chens aki y haci’e ainda, ya cu falta pa saca e ganadonan di luna di Oktober, November, December 2011 y di Januari 2012. Gana cu Huggies ta masha facil mes y ta solamente ventaha bo tin usando su productonan, cu ta conoci pa ta un di e mihornan ora ta trata cuido di baby. Djis spaar e pakinan bashi y cambia nan den coupon pa participa y bira un cliente feliz den e campaña .


DEPARTAMENTO DI SALUD PUBLICO TA INFORMA

CAMPAÑA CONTRA SANGURA DI DENGUEDIALUNA 26 DI SEPTEMBER 2011 LO FUMIGA E SIGUIENTE ZONANAN:

AREA: 1 SANTA CRUZZONA: Sta. Cruz, Papilon un parti, Yucuri, Sta. Martha, Mahuma Noord y vecindario

AREA: 2 SANTA CRUZ ZONA: Kas Ariba, Urataca un parti, San Fuego, Sta. Cruz, Sombre, Shete, Angochi, Sab. Abou, Sta. Lucia, Kadushi Largo, Sero Compa, Mon Pos, Cashero, Zumbo y Ayo un parti

AREA: 3 NOORD/TIERRA DEL SOLZONA: Boecoeroei, Bubali, Washinton, Gasparito, Koyari, Keito, San Miguel y vecindario

COOPERACION:• Habri porta y bentana di cas entre 5or y 7or di atardi, asina e pesticida por penetra tur caminda durante di fumigacion.

PRECAUCION:• Tapa cuminda• Tapa haula di parha y otro bestia na cas• Tapa aquarium y vijver• Haci baki di awa y cuminda di bestia di cas bashi y/of tapa nan.

IMPORTANTE:

Controla cas y vecindario riba posibel criadero pa asina evita cu e sangura por sigui broei.

LO ANUNCIA DIARIAMENTE CUA AREA Y CUA ZONA LO WORDO FUMIGA

4 hoben, como sospechoso di robo di un Golf Kart, deteni

STA. CRUZ -- Polis a detene 4 hoben den vecindario di Alto Vista. Esaki tabata relaciona cu nan tabata sospechoso di a horta un Golf

Kart cu a disparce siman pasa na un hotel. Na momento cu polis a interoga e hobennan aki, nan no por a indica di unda nan a haya e Golf

Kart. Polis a detene e hobennan pa mira si nan lo basha abao di unda nan a haya e Golf Kart. A envolvi helicopter tambe den e caso aki.

Ora cu e hobennan a sinti cu helicopter tabata sigui nan, nan a laga e Golf Kart y drenta den un tereno priva. Polis bao guia di helicopter a logra detene tur cuatro hoben y bay cu nan warda di polis.


IPA ta organiza tayer interesante pa publico awe

dialuna E tayer lo tin como topico arte y educacion

STA. CRUZ -- Dialuna dia 26 di September Insituto Pedagogico Arubano (IPA) ta organiza un tayer interesante pa tur interesado riba e topico di arte, creatividad y educacion. E tema di e tayer lo ta educacion di arte den Caribe y lo ser duna pa e profesor international Rawle Gibbons di The Univerity of the West Indies. Profesor Gibbons ta mundialmente conoci pa su trabao practico, pero tambe pa su trabao

scientifico, cu ta enfoca riba e aspecto di re-enforza e identidad Caribense atraves di arte. E tayer lo tin un parti teoretico y un parti practico. Interesadonan por participa activamente den e tayer of por participa como observador. IPA ta pidi un contribucion chikito di cada participante pa asina cubri e gastonan di e tayer y material. Participacion na e tayer ta 25,- florin pa persona. Tur interesado por

inscribi personalmente na IPA of via telefoon na 5243100. Nos ta pidi tur interesado pa inscribi mas pronto posibel mirando cu lugar ta limita. E tayer lo tuma lugar den Sala Madonna Stephens di Instituto Pedagogico Arubano (IPA) na San Nicolas cuminsando pa 7:00 di anochi te 9:30 di anochi. Henter comunidad di Aruba ta invita, specialmente tur docente y interesado den e area di educacion di arte.

Homber ta cende cas na candela

STA. CRUZ -- Diasabra tardi pa mas o menos 6 or y mey un homber ta regresa cas razo y ta bay den auto ta coi un container cu gasolin bashe den e cas y kime cas completamente paden. Aparentemente di mainto lo tabatin un discusion. E meneer

a sali ora el’a yega razo mustrando segun bisiñanan bao influencia, el’a drenta yena e cas cu gasolin y cende. E senjora cu su yiu a sali net na tempo. Tur cos den e cas a kima y e señora a bira malo. Ambulance a bin pa trate,

Den Middenweg:

A encontra Colombiano conoci como Cachumbambe morto

STA. CRUZ -- Polis y personal di ambulance a atende un yamada diasabra mainta cu ta bisa cu tin un homber drumi dilanti un negoshi situa den Middenweg. E homber no tabata duna señal di bida. Ora polios a yega na e sitio, mesora a yama dokter ya cu e homber no tabata duna señal di bida. Ta trata di Jorge Augusto G o m e z - Va l d e r r a m a di Colombia naci dia 19-03-1956. E tabata conoci pa e bijnaam "Cachumbambe".Dokter a yega na e sitio y a constata morto di Jorge Gomez- Valderrama. Segun informe tin indicacion cu ta trata di un caso di morto natural. Investigacion ta mustra cu e homber no tabata tin hopi ora morto. E causa no ta conoci ainda, pero famia ta sigura cu e defunto no tabata malo. Loke ta lamentable ta cu e defunto como

tata a fayece den porta di e negoshi di su yiu: Himalaya den Middenweg. E tabata drumi net bao di bentana di e negoshi. Segun e yiu,

su tata tabata un adicto di droga pero e tabata un persona trankil. Si mester bisa cu aparentemente e no tabata tin un lugar pa drumi.


Auto a perde control y bolter na Piedra Plat

STA. CRUZ -- Diasabra mainta un rato prome cu 6’or riba e caminda patras di Piedra

Plat pa bay Sero Pita un Ford Runner biniendo di pariba pa un motibo of otro a perde

control den e bocht y a bolter. E chauffeur a sali ileso foi di e auto.

Auto di Valero Palm Beach horta, encontra na un cas bandona na

ParaderaSTA. CRUZ -- Diasabra mainta un bisiña atento a ripara cu na e Cas Paradera 135, cual ta un cas bashi, tin un auto scondi bao di algun matras bieu. Mesora el’a notifica polis pasobra e no sa si por tin hende den e cas inhabita.

Ora polis a yega, a bin resulta cu ta trata di un auto Pick up Nissan A 10349, bouwjaar 2002 cu ta pertenece na Valero Palm Beach y e auto ta horta. Takelwagen di Polis a bin busca e auto y hibe warda pa haci algun investigacion riba dje.


DEPARTAMENTO DI SALUD PUBLICO TA INFORMA

CAMPAÑA CONTRA SANGURA DI DENGUE

DIASABRA 24 DI SEPTEMBER 2011 LO FUMIGA E SIGUIENTE ZONANAN:

AREA: 1 STA. CRUZ ZONA: Balashi, Rooi Bosal, Sabana Grandi, Papilon, Canashito, Sero Biento y

vecindario

AREA: 2 STA. CRUZ ZONA: IBalashi un parti, Jan Flemming, Macuarima, Warawara, Boton, Maria

Mai y vecindario

AREA: 3 NOORD/TIERRA DEL SOLZONA: Casnan di Pueblo di Noord, Palm Beach, Saliña Serca, Bakval,

Westpunt un parti y vecindario

COOPERACION:• Habri porta y bentana di cas entre 5or y 7or di atardi,

asina e pesticida por penetra tur caminda durante di fumigacion.

PRECAUCION:• Tapa cuminda• Tapa haula di parha y otro bestia na cas• Tapa aquarium y vijver• Haci baki di awa y cuminda di bestia di cas bashi y/of tapa nan.

IMPORTANTE:Controla cas y vecindario riba posibel criadero pa asina evita cu e sangura por

sigui broei.

LO ANUNCIA DIARIAMENTE CUA AREA Y CUAL ZONA LO WORDO FUMIGA

Comunicado!URGENTE !!

Pa medio di e comunicado aki directiva di “Sindicato di Trahadornan di Aruba” (S.T.A.) kier a invita tur e empleadonan di Thiel Corporation N.V.; ALBO Aruba N.V.; Arubaanse Wegenbouw Maatschappij N.V. pa acudi na un reunion cu caracter di urgencia ariba:

Fecha : 26 di september 2011 (dialuna)

Lugar : Sede di Simar (Sabana Blanco)

Ora : 06:00 PM

E puntonan di agenda:

1. Apertura.

2. Referendum di dia 28 september 2011

3. Palabra Liber

4. Clausura.

Acudi sin falta na e reunion aki cu caracter di urgencia.

Bini uno Bini tur !!!!!!!!Den nomber di Directiva di Sindicato S.T.A.

Aruba Scholarship Foundation:

Awe nochi competencia di piano pa e Premio Juan Chabaya ‘Padú’ Lampe

STA. CRUZ -- Cuminsando 7 or awe nochi na Cas di Cultura, diez hoben pianista lo competi pa un beca di un aña di les y e prestigioso Juan Chabaya ‘Padú’ Lampe Award cortesia di Aruba Scholarship Foundation. E competencia ta den cuadro di e festival di piano di Da Vinci Academy cu a cuminsa ayera tardi. E diez participantenan ta Deborah Helder (13), Jim de Weerdt (12), Duco Brongersma (16), Angelique Janssen (13), Emile Ponson (16), Mandy

Villasmil (16), Max Lothar Hibbert (16), Vanessa Chacon (15), Kyle Winklaar (17) y Willem ten Ham (14). E ganador lo ricibi otro premio: un chens di bay toca na Bonaire dia 2 di Oktober cu tur gasto paga pa e Classical Music Board di Bonaire. Aña pasa e hoben pianista Emile Ponson a gana. E lo por ripiti? Aruba Scholarship Foundation ta spera bo awe nochi na Cas di Cultura. Leyenda pa potret adhunto: Padú ta felicita Emile Ponson, ganador di e CrescendO Piano Competition 2010.


STA CRUZ -- Ora partido PPA a resumi nos oposicion di pafor di parlamento….un di e prome articulon cu nos a publica tabata nos preucupacion pa e consecuancianan pa Aruba di e asina jama “rising sea levels” .Den Caribe tabata visible cu esaki tin atencion di mayoria isla den Caribe pero lamentablemente na Aruba tanto Gobierno y parlamento ta biba como sifuera cu e ‘issue” aki no ta importante pa nos pueblo. Tabata notable tambe cuanto insulto partido PPA mester a tuma tempo cu e articulo aki a wordo publica….cu nos lo ta un ‘stem for di graf etc” ….. E issue aki lo NO ta importante ….y lague pa e generacion nobo di politico pa atende e asunto aki …..etc. Sinembargo, mientras cu na Aruba gobernacion y parlamento a keda den drumi riba e topico importante aki ….desaroyo den mundo a sigui nan curso…..diferente pais a tene conferencianan importante dedica na e ‘topico’ aki, mientras na Aruba ta como sifuera nos ta biba riba un otro planeta.

Mientras tanto siman pasa tabata tin algun desaroyo importante riba tereno internacional cu tin un impacto importante tambe pa Aruba como Isla rondona pa lama. Durante e reunionan di NACIONES UNIDAS tres isla den mar Pacifico encabeza pa e Isla di TUVALU a pidi NACIONES UNIDAS pa hasi tur esfuerzo pa yudanan y protegenan di e rising sea levels/aumento di lama den curso di e añanan nos dilanti. Segun prensa International e topico importante aki ta worde scondi un poco door di issuenan manera e hecho cu e Palestinonan a pidi oficialmente pa nan wordo reconoce como pais cu miembrecia (Statehood) y esaki ta capta te “overshadow” peticionnan y atencion importante pa e.o. e consecuencianan dramatic di “Rising Sea Levels” den mundo.

Cu esaki indudablemente partido PPA a hana razon !!!! Gobernacion y Parlamento a faya den dedica atencion na e topico tan importante aki…y mas ainda como cu Hulanda, nos Pais Madre ta wordo reconoci den mundo como un pais experto pa biba grandemente bao di e nivel di lama cu gran expertisio riba e topico aki. Gobierno di Aruba tin ministronan cu ta viaha 5 pa 6 vez pa aa pa Hulanda pa papia riba mil y un topico pero NO a pone nan preocupacion pa esaki na e representantenan di Hulandes cu ta experto reconoci den mundo pa esaki no ta por nada cu Hulanda ta wordo yama the Netherlands…of paises bajos….. cu ta biba siglonan bao di e nivel di lama.

Partido PPA a tuma nota di e intencion di Gobierno di Aruba pa organisa un asina yama GREEN CONFERENCE na Aruba den luna di Oktober 2011…. Pa PPA esaki NO tin e prioridad cu un Conferencia riba “RISING SEA LEVELS”tin pa e isla di Aruba. No mester lubida nos ta biba grandemente di Turismo y e efecto di RISING SEA LEVELS ta dramatico pa nos den futuro. Den nos articulo na Mei ultimo PPA a mustra con hopi pais den Caribe den e topico aki masha halto riba nan agenda… y nos a mustra cuanto Conferencia a wordo organiza riba esaki door di e.o. Caricom y mas ainda PPA a referi na varios rapport riba e topico aki.

Nos lo cita un vez mas for di un rapport riba e topico aki:

RISING SEA LEVEL THREATEN CARIBBEAN RESORTS…..The report suggests that, just for the 15 mainley English Caribbean nations which make up the Caricom(Caribbean Community) regional grouping, the cost of the damage and necessary rebuilding caused by sea level riss coulb by 2080 have reached a staggering $ 187 billion. The report suggests that, with a sea-level rise of one metre, which is now regarded as highly likely by the end of the century, the Caribbean would see “at least” 149 million dollar tourism resorts damaged or lost” and would also see loss or damage of 21 of the Caricom Airports, and the inundation of Land surrounding 35 of the region’s 44 ports., Etc”

Kico lo pasa cu nos Hotelnan, nos Hospital, nos hafnan y nos Aeropuerto pa no papia mes di nos pueblo cu ta biba na e partinan mas abao di nos Isla SI lama den curso di tempo lo sigui aumenta ???? Un silencio tin riba e topico aki……!

PPA ta ripiti…..Aumento di Lama “rising sea levels” lo tin su impacto riba nos Isla Aruba tambe. Y pa minimaliza e impacto mester tin un planificacion y ehecucion di planificacion riba “short and long term”. Pa warda e añanan pasa y purba confronta esaki na final lo ta “to little to late” PPA ta kere cu mester di atencion nacional encabez pa gobierno di Aruba. Pa no lubida controla debido pa nos parlamento. Nos generacion actual y tur otro generacion cu ta sigui nos tin un deber pa planifica y dentro di e planificacion aki PROTEHA e futuro generacionan y aki ta unda …..actualmente bao di Gabinete Mike Eman nos ta dejado…

Mil vez….un Conferencia riba e efectonan di e AUMENTO DI SEA LEVELS cu un GREEN Conference , AUmento di Sea Levels su consecuencia pa p.e. Caribe… .of e islanan Sur den Caribe, e.o. Aruba etc…….. lo capta atencion internacional unda Aruba lo por hunga un rol importante riba e materia aki pa asina proteha futuro di nos pueblo.

PPA ta spera cu e desaroyo internacional na Naciones Unidas unda islanan den Pacifico (Tuvalu etc) a cuminsa pidi yudanza di Naciones Unidas lo habri wowo di nos pueblo pa na su turno habri wowo di Gobierno y parlamento riba e topico aki.

*** Esnan interesa pa lesa e articulo aki por buske bao di e titulo….”Island Nations at UN warn of climate disaster…by Gregory Katz…. Associated Press.

SR. BENNY NISBET DI PPA:

“PPA A HAYA RAZON……!!!AUMENTO DI LAMA “RISING SEA LEVELS” LO AFECTA ISLANAN DEN E MAR PACIFIO (TUVALU ETC) CU

A PIDI YUDANZA OFICIAL DI NACIONES UNIDAS SIMAN PASA… !!!


Trahador di Valero kita na pia di trabao

STA. CRUZ -- Chauffeur di truck na Valero di inicialnan C.P. a keda sin trabao. E ta un trahador cu tin hopi aña trahando na Valero pero awor a perde su trabao ya cu aparentemente e tabata horta Diesel. Segun informe no oficial no tin keho entrega contra di e persona aki. Na Valero nan ta aplica e regla cu si bo horta, mesora bo ta afor. E trahador concerni ta core truck di Diesel y ta ser sospecha cu el’a haci su mes culpabel di ladronicia. Aparentemente e tabata manipula cu e pompnan. E homber aki tin basta conoci cu heavy equipment cu mester di basta diesel. E tabata haciendo cosnan straño cu e pompnan di e truck di Valero. E tabata saca diesel. Su wega a ser vigila y na cierto momento a bin cu prueba y a kit’e di inmediato for di trabao!

Homber a menaza director di seguro

STA. CRUZ -- Diabierna pa 9:10, polis a bay na un oficina di seguro na Sero Blanco, pa un intermediacion. Na yegada, polis a papia cu e director G.C.L. kende a bisa polis cu su cliente R.H.P. un rato prome kier

a bringa cune. Segun L., e cliente P. lo mester a pasa un rato prome pa trece documentonan relaciona cu ceramento di un seguro di bida. L. a bisa polis cu el’a papia cu P. na telefon y P. a bira onbeschoft contra dje y a

cera e telefon. P. a bini personalmente y kier a bringa cu L. y a menaz’e di bin su cas pa bati’e. Despues el’a bay for di e sitio. L. a bisa polis cu e ta duna cuenta na polis. E caso tin atencion di polis.

Auto horta haya den mondi

STA. CRUZ -- Diabierna pa 9:30, polis a haya informacion cu den e mondi panort di oficina di bombero, tin un auto A-20000. E auto su anochi prome a wordo horta. Polis a bay y

a resulta cu paden di e auto tabata tur destrui. Tambe nan a kita diferente pieza di e auto. E doño a bin na e sitio y takelwagen a hiba e auto warda di Noord pa mas investigacion.

Problema cu huurmento di apartamento

STA. CRUZ -- Diabierna pa 17:08 Central a manda polis na un cas na Tanki Leendert pa un homber burachi fastioso. Na yegada a resulta cu nan mester

di un intermediacion. Polis a papia cu e homber V.Z. kende a declara cu e homber P. a dale den su cara. Polis a papia cu P. y el’a declara cu e ta huur un apartamento

cu e homber Z. y e mester pague ainda 170 florin. Polis a scual e pisa pa su comportacion y e homber Z. lo busca un otro apartamento.

Popeye a corta hende cu machete

STA. CRUZ -- Diabierna pa 21:00 polis a bay na un cas na Caya Butishi, pa un pelea. Na yegada polis a mira un homber largo color scur, cu un machete den su man. Polis a mira cu e homber a benta e machete den cura di un otro. Polis a mira cu e conocido recidivista, un muher

y un homber cu tabata sangra na su braza robez. E victima D.A. a declara cu el’a wordo maltrata pa e homber G. cu machete. Relaciona cu esaki, polisnan a detene G. pa maltrato cu arma. Un rato despues A. a declara na polisnan cu Popeye a maltrat’e cu un machete. Polis a haya e machete den

cura di un cas. Como cu A. su braza a keda sangra, a yama ambulance. Personal di ambulance a trata e victima y a constata cu ta trata di un herida chikito y no tabata serio. Despues polis a hiba e victima warda di polis pa e duna keho. E sospechoso a keda cera.


STA. CRUZ -- Renwick Heronimo ta e mente creativo y ta e curator Arubano di e tan comenta exposicion di obranan di artistanan di Aruba na e residencia di Embahador di Reino Hulandes na Washington, D.C. E ex-director di Access Art Gallery a sa di presenta un proyecto bon coordina, ofreciendo un pre-seleccion di artistanan excelente Arubiano na e curatornan internacional di Hulanda y Merca, Gijs Stork y Laura Roulet. Di e 20 artistanan contemporaneo, e curatornan hunto a scoge e piezanan di 11 di nan pa expone na residencia di e Embahador. E

meta di Renwick Heronimo, kende ta casa di Jocelyne Croes, e Minister Plenipotenciario di Aruba na Washington, D.C., tabata pa crea un plataforma pa trece artistanan di Aruba na Washington pa promociona creacionnan y talento di Aruba na Merca. E proceso di organiza e exposicion a tuma un aña y tabata un honor pa e Embahador di Reino Hulandes na Washington pa prome biaha den historia pone su residencia disponibel pa un proyecto asina interesante. Cu ayudo di Stork y Roulet, e curator Arubano a percura pa e obranan no ta mucho local y ta trabaonan

cu bishitante di tur nacionalidad por compronde y relaciona cu nan, sin influencia e tematico ni e originalidad di e obra. “Tabata un poco

intimidante pa traha den un espacio cu ta completo, perfecto y completamente decora cu obranan Hulandes di gran balor historico”, asina Renwick Heronimo a comenta. E resultado ta e exposicion “Microcosm”, cu obranan di arte di artistanan local, manera ta Ciro Abath, Telka Van Dodewaard, Rob ter Haar, Glenda Heyliger, Elisa Lejuez-Peters, Elvis Lopez, Alida Martinez, Osaira Muyale, Ryan Oduber hunto cu Francisco Pardo, Hugo Palmar y Joanie Croes. "Microcosm" ta crea e plataforma unda arte contemporaneo ta sirbi como vehiculo pa crea conscientisacion y dialogo. Y como parti di e proceso aki, e artistanan Arubiano a bishita institutonan di arte na Washington D.C., Baltimore,

P h i l a d e l p h i a , Pittsburgh y New York pa netwerk cu individuonan cu tin mesun pensamento. Durante e bishitanan aki na diferente instituto cultural relevante, e artistanan a reuni y a crea contactonan pa e siguiente 20 añanan, asina Renwick Heronimo a bisa. Danki na UNOCA, Aruba Tourism Authority, y specialmente Minister di Cultura, sra. Michelle Hooyboer-Winklaar cu a sa di para tras di e proyecto aki desde cuminsamento, na e 11 artistanan di Aruba cu a haya e oportunidad di presenta nan obranan na e publico exigente Mericano. “E exposicion tabata fantastico y e networking trip tabata hopi valioso pa e artistanan”, asina Renwick Heronimo a conclui.

Curator Renwick Heronimo durante exposicion “Microcosm”

A crea un harmonia entre arte contemporaneo Arubano y arte clasico Hulandes

Artistanan local a expone nan arte na residencia di Embahador di Reino Hulandes na Washington

Pagina 17Dialuna September 26, 2011


STA. CRUZ -- Arbitronan di futbol contra Masters di Sunrise y Olympia damas contra Sunrise damas. Awe lo ta un dia crucial, ora cu e Zweedse Estafette organisa pa Sunrise Athletics tuma lugar den stadion di Guillermo Trinidad na Dakota. Lo bay tin algun careda super interesante manera e equipo di Olympia damas contra di esnan Sunrise damas, e refereenan di futbol, bao liderazgo di arbitro Rudy Angela, kendenan lo purba na bari esnan di Sunrise Masters bao guia di Rothmar “Flash Gordon” Coenraad y sin kita afor e junioren nan cu lo bay duna tremendo demostracion di speed. For di e organizadornan nos a haya e siguiente comunicado: Despues di algun siman di training e dia tan spera a yega. E estafette Sueco organiza pa club di atletismo Sunrise, ta

bay bira uno sumamente interesante. Aparte cu ta bay tin tremendo bataya entre e junioren nan ta bay tin algun bataya sumamente intresante den e mastersnan. Den e damas masters cos a bira cayente na momento cu Olympia su mayornan activo a dicidi di cera un team I manda un mensahe indirecto pa e equipo di Sunrise. E damas di Olympia a pone cu esnan di Sunrise mester a hala faha mara y bay train duro paso di locual nan a mira den training cos no ta bay ta facil. Di otro banda mester bisa cu referee nan den pleno preparacion pa campeonato di futbol venidero a dicidi di challenge e team di cabayero di Sunrise. Esaki naturalmente no a cay den bon tera cercanan y a manda un conseho pa e refereenan. “Bin cu boso camera pa saca potret di nos number

den nos lomba. Asina boso por keda cu un recuerdo di e careda”Pues ta un cos a keda bo ta di bini Compleho Guillermo Prospero Trinidad awe atardi pa

presencia e caredanan aki. Prome careda tastart exactamente 5:30pm. Sunrise athetics, speed is available for all ages!

Awetardi den Compleho Guillermo Trinidad na Dakota pa 5:30

Competencia di atletismo, Zweedse Estafette lo bira uno al estilo di “Un pa Tera y e Otro pa Lama”


STA. CRUZ -- E luna aki e school di Taekwondo situa na Sint Anna School na Noord unda cu Grand Master Chaco Jose Cornelio tin mas di 20 aña ta train, a haya nan mes forza di muda pa motibo di naturaleza. E fenomeno di naturaleza a ranca e dak di school, misa y gymzaal na unda cu hopi atleta cu a representa Aruba a wordo forma. E training no por a sigui pasobra no a haya un lugar na unda cu por bay train di biaha. Awor a haya un gymzaal pa train Taekwondo bek tur hende por cuminsa train atrobe cu nos ariba

tur dialuna, diarazon, y diabierna for di 5’or di atardi te cu 5:45 pa e chikitonan y e grandinan ta cuminsa for di 5:45 te cu 6:30. Nos ta na e school basico di Kudawecha. Nos ta sperando ariba boso bek na unda cu nos ta bay sigui train pa e siguiente eventonan di Taekwondo. Tambe nos kier a avisa tur cu nos evento grandi lo bay ta dia 19 di November unda cu Nunu lo bay kibra 12 tabla di Palo. Grand Master Chaco Jose Cornelio su portanan ta habri pa tur esnan cu kier train

Taekwondo na school basico na Kudawecha. Alberto Klabér Brazil Taekwondo Stichting.

STA. CRUZ -- Aruba mester ta orguyoso cu nos Arubianonan pa con chiquito nos país por ta sa di destaca den grandinan. Actualmente na Guayaquil Ecuador den Copa Alcalde tin 4 mihor pitchernan di nos región. Pitchernan number 1 y number 2 di selección di Venezuela Ramon Jones y Erick Urbaneja kendenan tin medaya di oro den Centro y Pan Americano ta reforzando otro país cumpliendo cu e articulo den reglamento di e competencia aki unda cada país por hiba un refuerzo internacional. Tambe Panama tin un pitcher Panameño c uta tira masha duro mes kende a gana Canada den un wega di fogeo preparatorio.Colombia kende ta invicto tambe tin dos pitcher super bon cu nan a desaroya

cual pitchernan ta di Sta. Marta pues no mucho leu di Aruba. Asina por sigui menciona pero Eldrick Dijkhoff su bate ta super cayente y by far te awor a sa di bati tur pitcher unda tur comentario di pitchernan na e torneo ta rond di su persona. Eldrick Dijkhoff ta batiendo di 17-11 bon pa un averahe di 647 y un Colombiano ta na segundo lugar batiendo 19-9 bon pa 473. Faltando un wega por bisa cu Eldrick Dijkhoff tin hopi chens pa titula champion batter di e torneo cual lo bira aparentemente e promer titulo di champion batter pa un Arubiano den un torneo asina grandi. Manager player Poy Flanegin tin un tarea grandi su dilanti, door cu Aruba ta den un must win situation diarazon anochi. Ganador di e partido diarazon anochi

entre Aruba y Ecuador lo pasa pa half final mientras cu e perdedor lo bay cas. Aki por opta pa cuida Eldrick Dijkhoff door di no pone hunga y asina protege su averahe unda sigur e lo por bin cu e titulo di champion batter. Pero den un wega decisivo asina ta net unda mas bo mester bo mihor bateador den wega y pues esaki lo haci imposibel pa cuida Eldrick pa su averahe y pues ohala su bate sigui resona pa carga e bandera di Aruba pa half final. Mester acentua cu Aruba su defensa ta super bon cu entre otro atrapadanan sensacional di cabez di ente otro Pilin Krosendijk . Pues team Aruba luciendo den e grandinan y no ta un walkover manera hopi a kere. Keep the bat hot Eldrick!!!!!!

Eldrick Dijkhoff destacando na Guayaquil contra pitchernan grandi cu medaya di oro Panamericano bao di nan faha

E tin hopi chens pa logra titulo di Champion batter

Grand Master Chaco Jose Cornelio di Noord Taekwondo Center a muda pa Kudawecha


STA. CRUZ -- Villa Floralina (ex Monte Blanco) a keda recibi aña pasa cu boca habri door di e bishitantenan di Interpaso. E cambio metaforico a crea asina un ambiente agradabel cu poco por a imagina esaki posibel. E diseño artistico cu klinker tur rond, e landscaping cu matanan varia y di diferente tamayo y color a duna e lugar un admosfera di trankilidad, pero na e mesun momento di alegria.A traha duro y te na ultimo momento, pa termina cu e infrastructura, pero e trabaonan a bin cla. E cambionan sinembargo no a keda te aña pasa y ey caba e propietarionan Eric, Patsy y Alina Mansur a cuminsa traha un lista di loke nan ta desea pa bin acerca. Mientras tanto e landscaping a bira mas bunita y yerba a yena e tereno patras di e tribunanan, loke a pone cu a cuminsa traha un caminda cu acera pa dirihi e autonan y evita cu nan lo staciona riba e yerba. E tribuna cu no tabatin dak, a haya su dak y awor ta ofrece mas asiento cu e mesun comfort.A drecha un espacio pa un cushina moderno cu ta cumpli cu tur e

exigencianan sanitario y cu por sirbi despues pa un facilidad mas structura. Interpaso lo ofrece 4 cushina cu platonan diferente.Tin un 10 hende ta trahando riba e propiedad haciendo diferente encargo y nan ta haciendo bon progreso.E espacio pa staciona auto a bira hopi mas grandi pa asina por acomoda mucho mas hende. Aña pasa mester a parkeer basta leu despues cu e parkeadero a yena y hende mester

a cana basta distancia pa yega na e facilidad. E aña aki lo ta diferente y e organizadornan a percura pa e aña aki tin extra vigilancia pa garantisa e seguridad di e autonan y e propiedad di e hendenan. E trailernan di cabay tambe tin nan lugar separa pa staciona pa asina nan no ni kita lugar di auto, ni stroba e trafico. A desocupa e stalnan di e cabaynan cu no ta competi, pa asina e cabaynan cu ta bin di otro ranchonan por ta

trankil y relaxed prome cu nan subi e pista di competencia.E organizadornan a prepara tambe un rancho di tent cu ta ofrece un variacion masha grandi di cos. Asina nos por menciona cu lo tin tent pa cocada y otro cosnan dushi, otro pa dino-jump, un cu ta bende raspao, otro pa bende T-shirt y souvenier, un otro lo bende productonan di cuero, un cu lo ofrece biña traha na Aruba, un tent pa saca potret di diferente style, lo tin

pony ride, tent pa pop-corn, otro pa catuna di sucu, un pa trampolin, otro tent pa bende pida y finalmente un tent cu lo tin un toro mecanico pa test e habilidad di rodeo cerca e publico. Tin mas tent disponibel pa esnan cu ta interesa den ofrece algo cu no tin, pa asina tin mas variacion.Interpaso ta luciendo atrobe como e atraccion di aña y e evento cu ningun hende lo kier perde.

VILLA FLORALINA TA PASANDO DEN MAS CAMBIO ATRACTIVO

Mas di un dozijn di tent pa ofrece un variedad di atraccion y cos pa bende


Ta Busca

Un Persona Masculino Pa traha como Chauffeur• Mester ta Arubano• 25 aña of mas• Domina Ingles , Hulandes y Spaño• Mester ta serio, responsabel y conosemento di adres• Dispuesto pa siña otro tipo di trabao

Por yama na Tel: 582 4405

Ta Busca

UN Matrassen MakerUn Persona Masculino

Mester ta Arubano• 20 te cu 30 Aña• Mester ta serio, responsabel • Dispuesto pa siña otro tipo di trabaoPor yama na Tel: 582 4405

Ta Busca

Un Persona Masculino pa traha como Cosedor den un fabrica di matras

• Mester tin experencia cu machine di cose• 25 aña of mas• Mester ta serio y responsabel• Dispuesto pa siña otro trabao

Por yama na Tel: 582 4405

STA. CRUZ -- Cabaynan ta sigui nace na Aruba.

E biaha aki Myron y LudmilaWever a anuncia nacemento di “Zeus” na su Rancho Las Piedras situa na Baranca di Yerba na Savaneta.

E potro di color alazan ta un yiu di Teniente y Cielo de Amistad, cu ta un ruman completo di Patruyero y cu a multiple campeon tanto na Aruba como na Corsou. Ambos a ser cria pa Camilo Muyale.

E aña a habri cu nacemento di un serie di potro cu tabatin cabayistanan un tiki preocupa, ya cu e sexo masculino por lo general

ta mas complica cu esun femenino. Ta bin acerca cu di esun femenino bo por saca cria, pues mas rendimiento y speranza pa futuro.

Despues di e serie di potro porfin a cuminsa nace un set di potranca tras di otro, restaurando asina e balanza.

Pa loke ta e aña aki tin mas o menos 9 nacemento.

No tin ningun duda cu e aña aki lo nace entre 15 pa 20 cabay, loke ta un muestra clave cu e interes pa e deporte ta creciendo y cu e animo entre caballistanan ta hopi grandi.

ZEUS A NACE NA RANCHO DI MYRON

STA. CRUZ -- Noticianan agradabel tabata yega for di nos coresponsal na Cartagena unda desde e promer dia Aruba a sa di gana Brasil cual wega a shock organizadornan. Aruba asina a keda bataya y den un wega dramático a logra gana di Peru diahuebs ultimo cu un score di 8-7. Esaki a seya tambe un logro unico unda Aruba a drenta clasificacion como number cuater y mester a hunga Argentina diabierna atardi 4pm. Den un stadion completamente yen Argentina ta gana Aruba cu score di 7-4 y asina Aruba ta keda na di cuater puesto. Den corto tempo trahando structura cu un plan y un visión por mira cambionan grandi radicalmente den deporte di softball. Aruba Softball Bond a escoge un selección femenino hopi hoben cu apenas un hungador di 30 aña y lo demás tur ta entre 17-26 aña. Cu e grupo aki a enfoca e preparacionnan necesario cu un plan di entrenamento hunto cu e entrenador Cubano sr. Octavio y coaching staff Minguel Tromp, Marla Thiel , Rubia Ras, Lucio Geerman y Tonito Tromp. ASB kier gradici tur pa nan tempo y dedicacion pa a yuda prepara e selección y tene nan motiva pa cu e logro aki. Aruba a ricibi un standing ovation na final di e wega contra Argentina. Aruba Softball Bond ta sumamente contento y orguyoso di su selección femenino y ta preparando un plan special pa tene e selección aki hunto pa un largo tempo y asina sigui haci e selección aki mas competitivo aun. Internacionalmente tambe diferente presidente di otro federacionnan presente tabata tin un palabra di felicitación pa cu e cambio den e wega di Aruba. Presidente di ASB ta manda desde exterior un palabra di pabien tanto na selección pero tambe na tur miembro di directiva kendenan ta trahando incansabel pa por cuminsa logra resultado. Alavez ASB kier haci un petición publicamente na cualkier sponsor disponibel cu kier forma parti di e producto femenino di Aruba esta e selección pa tuma contacto cu ASB y asina hunto por logra e plan pa e next level. Pabien, Pabien, Pabien!!!!!!!

Aruba Softball Bond ta orguyoso di Seleccion

Femenino di Aruba kendenan a logra di 4 puesto den competencianan

di CONSURSA na Cartagena Colombia


Selecion Masculino di Softball tambe tabata den campeonato Copa Alcalde unda nan a sa di seya e di 4 puesto. Aruba por mira atrás riba un tremendo actuación unda tur paisnan a keda sorpresa cu e nivel di Aruba. Primordialmente ora comenta e paisnan presente cu Aruba desde 1995 no a hunga mas riba un nivel internacional esaki ta hasi e actuación di Aruba ainda mas fuerte. Manera a splika anteriormente Aruba a gana Ecuador 1-0 y después a topa Ecuador bek den un wega di deskite unda Ecuador ta gana Aruba cu mesun score di 1-0 y saka Aruba for di e race. Ecuador ta sigi pa elimina Panama y finalmente ta logra gana

Colombia cu score di 4-1 pa asina titula campeón. Nivel di pitcheo ta uno hopi halto. Pa demostra pueblo di Aruba e pitcheo internacional ASB ta trese un pitcher proficional di Venezuela kende lo lansa pa Montanja Braves diamars awor 730pm na Kudawechaq contra Royal Power. Eldrick Dijkhoff ta termina cu 20 turno y 11 hit y asina ta titula champion batter mientras cu Eddie Flanegin ta logra e titulo individual di the best rightfielder. ASB ta suoper contento cu e performance di selección masculino kendenan tambe lo sigi desaroya di acuerdo cu un plan. Pabien Aruba cu boso logro.

Selecion Masculino di Softball ta logra di 4 puesto na Ecuador

Eldrick Dijkhoff ta titula championbatter

STA. CRUZ -- E Spinning Marathon aki lo tuma lugar diadomingo awor dia 2 di Oktober na Paseo Herencia. Nos lo cuminsa pa exactamente 10’or di mainta cu un total di 17 spinning bike’s. E Teamnan cu ya a inscribi caba ta Martijn Trading, Fatum, Citizen Ins., AMC Unicon, Giselle Department S t o r e ,C o m p r a , M e t a Corp,CMB,Oduber&Kan ,Movemiento ta Bida y algun individual.Tur lider di team ta wordo corda cu pa 9’or di mainta lo tin e captain’s meeting y pa 10’or lo start sali cu instructornan di Santosa Fitness cu tambe a facilita tur e spinning bike nan. Cada ora lo tin 10 minuut di otro actividad ora di cambio di intructor y participante. Henter dia lo tin animacion di Dj cu musica pa tene e ambiente saludabel.Ainda nos ta wardando ariba confirmacion di nos parlamentario i ministernan p’asina nan tambe forma un team pa un Aruba saludabel. Esnan cu ainda kier partisipa por yama Rudy Leysner na 5942546 of Leo de Hertog na 5608508 of manda un Email na movemien to t ab [email protected] Spinning Marathon lo dura te cu 10’or di anochi pero e ambiente ta sigui te cu 12’or cu Ito Stamper y su Banda poniendo tur hende move bek to the 60’s,70’s,80’s y 90’s.Tur restaurant y tiendanan den Paseo Herencia lo ta habri pa henter pueblo por haci compras y disfruta di e dushi cuminda di e diferente restauarantnan. Despues cu aña pasa e spinning marathon a resulta un exito e aña aki nos lo kibra un record di asistencia y naturalmente

lo tin para medico presente en caso cu algo por bai malo. Bin pasa un diadomingo saludabel hunto cu “Fundacion

Movemiento ta Bida” i Santosa na Paseo Herencia diadomingo awor.

‘Fundacion Movemiento ta Bida’ ta organizando un tremendo fundraising

“12 Ora Spinning Marathon”

STA. CRUZ -- Dia November 2, 2011 lo cuminsa e 5th Aruba Veterans Tennis Invitational cu lo tuma lugar na Tropicana Tennis Courts.Manera di custumber den luna di Oktober tur listanan di hungadornan ta cuminsa drenta pa e 5th Aruba Veterans Tennis Invitational. Tur cos ta mustra cu e aña aki e torneo ta bay ta grandi atrobe. Inscripcionan di hungadornan for di Merca, Suriname, Trinidad, St. Croix, Hulanda, Venezuela y Corsou ya a drenta caba.E preparacionan pa e actividadnan social riba diarazon y diasabra tambe ta cla caba.

Weganan lo start diahuebs mainta y lo continua durante henter dia te cu e final riba diadomingo.Nos kier a recorda e hungadornan local pa inscribi na tempo y pa no warda te ultimo momento. Por pasa na La Tropicana Tennis Courts of por yama na 5605250 pa mas información of pa inscribi. Tambe por inscribi via email: [email protected]

Tur e fanaticonan di bon tennis ta keda invita pa bin anima nos hungadornan y disfruta di un bon ambiente.

Tur cos ta cla pa e 5th Aruba Veterans Tennis Invitational

November 2 – November 6, 2011


ta bende

cCLaSIFICadO

ta buSCa

un persona pa traha como helper den shop! Yama: 5938182

Cas na Macuarima Prijs: Afl. 155.000,-

Yama cel no.593-7118 email: wetronv@gmail.

com Website: www.wetronv.

com

ta bende

ta bende

ta buSCa

Na benta GE frigidaire grandi i den bon

condicion, color off-white. Jama 5849035 o

5644669

Nissan Sentra B-13 1993.I 1 body Nissan

Sentra supper salloon.tur 2 afl.3500,- tel:

5647521 / 5615480 / 5851079

MANUCURISTA Y PEDUCURISTA CU MAS DI 5 AñA DI

EXPERIENCIA PA MAS INFO YAMA 567- 7368 DE ROSA KAPSALON

Ta busca un peluquera estilista

cu experiencia.

Pasa personalmente na Centro Comercial Noord # 82of yama 5867272 /7303327 pa un afspraak.

ta COSeCORTINAS:

TA COSE LOKE BO MESTER PA HASI BO

CAS MAS BUNITA TEL: 7498365

ta CumpraNOS TA CUMPRA

TUR AIRCO BIEU Y BATERIA. YAMA NOS

NA TEL: 5643692 NOS MES TA BIN BUSKE .

ta buSCaPICKUP TOYOTA OF

NISSAN LOUGBAK DEN BON CONDICION PA

CUMPRA POR YAMA

TEL:5643692


STA. CRUZ -- Carlos Hernandez Montilla kende ta na Aruba pa un siman ta hospedando na Paradise Beach Villas na unda cu ayera porfin e por a topa cu sr. Freddy Albertus di Paradise Beach Villas y tabata un honor di por a conversa cu otro. Carlos

Hernandez Montilla y su famia ta hospedando na Paradise Beach Villas den un di nan suitesnan y Carlos Hernandez Montilla ta sinti su mes na cas cu e bon trato cu nan ta hayando for di Freddy Albertus kende a haci posibel pa nan hospeda cerca nan na

Paradise Beach Villas. Un di e prome palabranan cu Carlos Hernandez Montilla y su famia a bisa dia cu nan a drenta e kamber tabata que bonito, tengo que felicitar al sr. Freddy Albertus. Ora cu Carlos Hernandez Montilla a cuminsa papia cu sr. Freddy Albertus tabata manera cu nan conoce otro for di hopi aña. Un conversacion cu no tabata tin fin. E kamber a ser mustra na Carlos Hernandez Montilla y su famia un vez mas unda cu Carlos Hernandez Montilla a laga sa cu e lo regresa Aruba pronto. Carlos Hernandez Montilla a bisa tambe cu e la haya un miembro mas den su famia na Paradise Beach Villas na unda cu e ta hospedando. Tambe Carlos Hernandez Montilla a gradici sr. Freddy Albertus masha hopi mes pa e bunita gesto aki.

Carlos Hernandez Montilla a topa cu e ehecutivo di Paradise Beach Villas

STA .CRUZ -- Pa 3 siman largo ATTA a tene campeonato di Aruba den categoria A y B klas den doubles. Den categoria tabata interesante unda 4 ekipo a hunga contra otro pa determina e prome puesto.Aki tabata hopi interesante unda tabata tin triple empate. Ovandi Hierschveld y Buchi Kelly a sali cu e mihor averahe y ta titula campeon di B klas. Den A klas a clasifica 2 ekipo pa final. Aki e ekipo di Mario Lobo y Michael Ling a

gana di Andy Gomes y Franklin Lopes cu score di 4-1 y asina titula campeon pa A klas. Campeonnan di B-klas;Ovandi Hierschveld y Buchi Kelly Campeonnan di A- klas; Mario Lobo y Michael Ling. ATTA ta gradici tur hungador cu a participa den e torneo aki y ta manda bisa pa cuminsa prepara pa campeonato Copa Aruba individual cu ta bay tuma lugar na final di aña.

Resultado final Copa Aruba Doubles Tenis di Mesa


STA. CRUZ -- Dia 24 September pareha Lidia y Ruben Willems a drenta enlace matrimonial pa Iglesa den un ambiente sumamente bunita y diferente e pareha aki a BISA SI na otro. Nos por a mira nan yiunan y nietonan cu a comparti e bunita matrimonio aki hunto cu nan. Esaki a

tuma lugar na nan cas na Zeewijk caminda

cu nan a ricibi nan bendicion y despues

di e bendicion a sigui cu un tremendo fiesta,

presente tabata nan familiarnan, cu a sa di pone un anbiente tremendo. Ariba e combinacion di foto nos por mira mas di e celebracion. Di parti di Solo di Pueblo nos kier a desea e pareha Ruben y Lidia un feliz Luna honeymoon na Venezuela.

Diasabra anochi:

Ruben y Lidia Willems A BISA SI na otro


NOTICIA INTERNACIONALCorida di Toro na Barcelona ta termina

cu prohibicion di Catalonia

Barcelona= Fanaticonan di corida di toro na Catalonia ta prepara pa mira e ultimo toreamento aki, prome cu prohibicion di e tradicion aki di hopi aňa, lo drenta na vigor den e region nor-este di Spaňa. Mas di 20.000 persona lo yena e area Monumental di Barcelona, na unda cu e matadornan di mas famoso lo presenta. Legisladornan a vota pa e prohibicion, aňa pasa, e prome na Spaňa, despues cu 180.000 persona a firma un peticion. Nan ta bisa cu corida di toro ta barbarico, pero oponentenan ta bisa cu nan lo reta e prohibicion den corte supremo Spaňo.

Bombardero suicidio na Indonesia ta mata un persona

Keputon, Solo= Porlomenos un persona a ser mata y diferente a ser herida door di bombardeo suicidio na un Iglesia den Java Central na Indonesia. Testigonan a bisa cu e explosion a tuma lugar, na momento cu hendenan tabata saliendo for di Bethel Injil Sepuluh na Keputon, Solo despues di un servicio di Diadomingo.

Indonesia ta e pais mas populoso Musulman, pero oficialmente un estado secular. Gruponan militante Islamico a ehecuta varios atakenan mortal den reciente aňanan. Minister di seguridad Suyanto a bisa cu dos persona a ser mata.

Un di nan na e Misa y e otro na hospital. No ta cla si den e dosnan cu a muri ta inclui tambe e bombardero. Heridonan a ser trata den dos hospital. Algun a keda interna y otronan por a bolbe cas. MInister Suyanto a bisa cu nada no por hustifica e atake inhumano aki.

Leopoldo Lopez ta lanza su candidatura presidencial na Venezuela

Caracas= E político di oposicion Venezolano, Leopoldo Lopez a lanza su campaňa pa reta Presidente Hugo Chavez den eleccionnan, otro aňa. Esaki ta tuma lugar, un siman despues cu e Corte Inter-Americano di Derechonan Humano a ordena Venezuela pa permiti’e participa den eleccionnan. Papiando cu miles di apoyadornan, na Caracas, Lopez a urgi Presidente Chavez pa acepta e sentencia. Sr. Lopez a ser prohibi for di oficina publico pa alegacionnan di corupcion. El’a desmentí e acusacionnan. Presidente Chavez a critica e decision di IACHR, y oficialnan di eleccion Venezolano a bisa cu nan lo spera e huicio di Corte Supremo, si e ta ser permiti pa participa. Durante e reunion publico na Caracas, sr. Lopez a acusa Chavez di ta “sconde tras” di institucionnan publico. E la puntra:’ Ta berdad loke nan ta bisa tur caminda na Venezuela, cu bo tin miedo di mi?” . Lopez a bisa cu su prioridadnan mas importante ta combati crimen violento y reduci desempleo. Lopez tin 40 aňa, y ta un di e diferente contendornan pa eleccionnan primario na Februari, ora cu e alianza mas grandi di oposicon na Venezuela lo escoge un candidato di unidad pa reta Chavez dia 7 di Oktober 2012.

IMF ta adverti riba nivel di fondo, si crisis empeora

Eurozone= E Fondo Monetario Internacional (IMF) a adverti , cu kizas e no tin suficiente placa pa rescata un gran cantidad di paisnan di eurozone, si e crisis di debe sigui plama. Hefe di IMF, Christine Lagarde a bisa cu e fiador global por cumpli cu su actual obligacionnan, pero esaki lo por cambia si e crisis empeora. Publicamente, lidernan mundial a bisa cu no tin un plan pa un fayo Griego. Pero informacionnan ta bisa cu lidernan ta trahando riba un plan pa permiti Grecia pa “default” riba su debenan y keda den euro. Nan ta kere cu trahadornan di polisa ta sinti cu nan mester concentra riba e recapitalizacion di banconan y aumenta e fondonan di e Facilidad di Stabilidad Financiero Europeo.


Muhernan di Saudi Arabia lo por vota y participa na eleccionnnan

Saudi Arabia= Muhenan na Saudi Arabia, lo haya e derecho pa vota y participa den futuro eleccionnan municipal. Asina Rey Abdullah a anuncia. El’a bisa cu nan lo tin e derecho tambe pa ser nombra den e Conseho consultativo di Shura. E decision a ser elogia door di activistanan, kende nan a pidi pa mas derecho pa muhernan den e reinado, cu ta enforza un version estricto di e ley Islamico di Sunny. E cambionan lo tuma lugar despues di eleccionnan municipal, e rey a bisa. El’a anuncia e decision den un discurso na e apertura di un termino nobo di e conseho di Shura.

Banco Mundial ta aumenta ayudo di secura pa Cabo di Africa

Kenya= Banco Mundial a anuncia cu e lo aumnta e fondonan pa e secura den e Cabo di Africa , te casi $2biyon. El’a bisa cu e fondonnan ta necesario pa duna asistencia humaniario na miyones di hende. Banco Mundial a bisa cu paisnan den henter e region ta enfrentando un di e securanan di mas pior den mas di 50 aňa. E condicionnan, el’a bisa, ta causando un aumento di malnutricion y inseguridad di cuminda y ta causando cu un cantidad di hende ta move pa otro lugar. apesar di e aumento te na 1.8biyon dollar na asistencia, te ainda tin mester di un biyon dollar, pa yuda masofmenos 13 miyon hende, kendenan ta muriendo di hamber na Kenya, Etiopia, Eritrea y Somalia. Nacionnan Uni a calcula cu 10.000 hende muri den henter e region y e crisis lo por bira pior den e proximo simannan.

Avion di turista di Nepal ta accidenta banda di Kathmandu, matando 19

persona

Godavari= Un avion chikito a cai na Nepal, matando tur 19 persona abordo. E avion di Air Buddha tabata transportando 16 turista pa admira e Mount Everest y otro piconan y tabata bolbiendo pa e capital Nepales. Un pasahero a ser rescata cu bida, pero a muri despues den hospital di su heridanan. E Secretaria di Turismo a bisa cu tabata tin 10 Indio abordo, tambe dos Mericano, un Japones y seis Nepalis, incluyendo un tripulacion di tres persona. Ta trata di un Beechcraft 1900D cu a perde contacto cu e toren di control 07.31 ora local. Causa di e accidente ta ser investiga. Testigonan a bisa cu candela tabata saliendo for di e avioneta, prome cu el’a cay den tempo di neblina na Godavari, cu ta keda na algun KM for di Kathmandu. E avion a dal dak di un cas den e pueblo di Bisankunarayan, prome di a kibra. Prome mal tempo a stroba e rescate di helicopternan, pero despues nan a baha y a recoge e cadavernan cu a ser hiba pa Hospital pa “post mortem”. Accidentenan di aviacion envolviendo avionetanan no ta incomun den e serunan di Nepal.

Diana Nyad ta reta atakenan di jellyfish den landamento Cuba-Merca

Habana/Florida= E atleta Diana Nyad ta continua cu su esfuerzo pa landa 103 miya for di Cuba pa Florida, despues di a stop pa ricibi tratamento medico. El’a ser trata abordo di un embarcacion di apoyo, despues di a ser pica door di Jellyfish rond di su cara y wowonan. E atleta aki di 62 aña a sali for di Habana pa 18.00 ora local, Diabierna. E muher di Los Angeles ta purba kibra su mesun record, pa natacion den lama habri, sin un jaula contra tribon. Su prome intento pa landa e distancia, a ser interumpi na Agosto, pa motibo di un atake di astma di 11 ora.

NOTICIA INTERNACIONAL


School di Evangelizacion Aruba ta anuncia: CURSO JUAN,

E Discipel StimaSchool di Evangelizacion Mgr. A. van der Veen

Zeppenfeldt ta un Scol Catolico cu a wordo funda pa Pastoor Emiliano Tardif, den feliz memoria, cu ta conta cu mas di 2000 school rond di mundo

den mas di 60 pais incluyendo Aruba. School di Evangelizacion Mgr. A. van der Veen Zeppenfeldt Aruba ta

anuncia curso Juan, E Discipel Stima, pa tur esnan cu a termina curso Pablo.

Obhetivo di e curso Juan, E Discipel Stima, ta: “Formacion di discipelnan”. Esaki lo tuma lugar e siman di 19 te cu 25 di September 2011 na Centro

Pastoral na Sta. Cruz y ta habrí pa tur otro parokiano. E dianan y orario ta lo

siguiente:

Diasabra 24 September di 8.30 am pa cu 5.00 pm. Diadomingo 25 September di 8.00 am pa 5.00 pm.

Nos ta pidi pa bin cu un Bijbel catolico y cu material pa skirbi y cu un curazon atento pa ricibi hopi gracia y bendicion di nos Señor Dios.

Pa mas informacion yama: Famia Werleman na 585-2357/ 592-2357/ 563-6838.

STA. CRUZ -- Pa “Moda” y e artista maestro di Amsterdam Hulanda PJ Roggeband “Dibuho” Ateliers ’89, situa na Dominicanessenstraat 34, ta presenta dos workshop uno di Moda especialmente pa tur e hoben y adultonan talentoso cu un bon smaak pa fashion y tambe uno pa tur esnan cu kier haci Dibuho combina cu Skirbimento! Invitacion ta bay na hobenan for di 14 aña te cu adultonan ‘young at heart’ cu kier experiencia e workshopnan unico aki yen di creatividad sin limite cuminsando for di dia 10 di Oktober te cu 3 di November 2011. E workshop titula ‘Moda’ tin un duracion di 4 siman, caminda participantenan bao guia di artista local Melisa Richardson, lo mester diseña un of mas “wearable pieces”. Cada articulo di paña lo ta inspira pa e tema principal di e workshop cu ta ‘Feelings & Emotions’. Esaki ta significa cu e participante lo tin cu explora su propio mundo di emocion y expresa esaki pa medio di moda. A base di e sentimento y emocion cu e participante escoge, e por traha su diseño(nan) cu materialnan fuera di lo normal; por ehempel cu metal pa demostra emocion fuerte. Durante e workshop ‘Moda’ e participante lo siña tocante e mundo di moda, arte y tur loke cu tin di haber cu hinca bo propio fashion show den otro y diseña plus traha bo propio outfit(s). Cada participante lo dirigi su propio fashion show te den detaye; for di diseño te cu

make-up, tambe estilo di cabey y musica pa e show. Lo bay tin un model casting cu lo tuma lugar durante e di 2 siman di e workshop, unda participantenan tin e oportunidad pa escoge nan mesun modelo pa traha cu ne. Tambe lo mester haci un photoshoot di nan diseño(nan) pa asina por laga obra(nan) resalta mas. E workshop ta termina cu un runway show cu ta tuma lugar den e mesun temporada cu "Aruba In Style", cual sigur lo hinca henter Aruba den un fashion frenzy! Cada persona ta haya 4 dia pa siman esta Dialuna pa Diahuebs, for di 6.30 pa 9.30 di anochi, bao di e guia di Melisa Richardson y PJ van Roggeband unda ambos ta sumamente entusiasma pa traha cu tur interesa den crea un bunita fusion entre moda y arte, dibuho y escritura, mientras nan ta explorando e expresionnan interesante di emocion y sentimento. PJ van Roggeband ta un persona masha carismatico y tambe ta hopi contento di por traha cu nos talen-tonan local y ta mira ariba un workshop unico y vibrante. Den su workshop e lo combina Dibuho cu Escritura y tambe lo trece e posibilidad di transmiti esaki den Mascaranan. Pues atrobe the sky is the limit. Dibuho,Skirbimento y trahamento di Mascarada Den e workshop aki cada alumno lo cuminsa cu traha un serie di dibuhonan cu carbon o inkt Chines ariba papel, palabranan grandi o obeservacionnan

chikito; cu como titulo di traha CURAZONLIBER na unda e artista maestro PJ van Roggeband lo zorg cu hopi amor y pasenshi pa duna e workshop aki cu lo tin dibuho y skirbimento central. Den e workshop aki lo wordo traha cu diferente material, di schetsnan liher te ilustracionnan cu ta rekeri mas tempo. Na banda di texto puro, ta bai den e lesnan di skirbimento pa con pa pone un texto hunto cu un imagen (potert/tekening) y al reves o otro. Espectacular ta cu hunto cu tur esaki ariba peticion tin oportunidad pa (sonido)poesia y e manera di presenta esakinan. Tambe tin

lugar pa traha mascara y otro atribucioanan pa e presentacion final. E presentacion final ta bay ta Diabierna 4 di November for di 7'or di anochi. Un evento unico y cu ta den combinacion cu e presentacion di moda ala Runway/Catwalky di “Aruba In Style “. E exposicion aki di moda y dibuho y otro atributonan lo wordo conbina cu e gran presentacion di exposicion di “BRA-ART” hubenil, Esaki especialmente pa concientiza publico en general ariba cancer di pecho en colaboracion cu fabuloso Mary Joan Foundation. Si bo ta un persona cu ta sinti un pasion for fashion

o dibuho combina cu skirbimento y kier incorpora y expresa esaki den un forma artistico, o participa cu bo ideanan fantastico pa BRA–ART, Por favor inscribi bo mes awor na Ateliers ’89. Contact Elvis Lopez via 5885776 of 5654613 o e-mail: [email protected]. Ateliers ’89 ta situa na Dominicanessenstr. 34, patras di San Pedro Paviljoen na Oranjestad.

Inscribi awor ya cu cuponan ta limita! Mas despues lo bin cu un relato extenso di e dos maestronan excepcional aki cu lo guia e dos workshop nan, den bo corant.

Ateliers ’89 ta presenta workshop "Moda" y " Dibuho combina cu Skirbimento”

Hunto cu e artistanan maestro Arubano Melisa Richardson


Sta. cruz -- Diarazon awor dia 28 di September e conocida instructora di zuMBa esta rose-ann ruiz di arubazumba Fitness, ta bay tene un zumba concert Event cuminsando pa 7:00 p.m. te cu 9:00 p.m. na Piedra Plat Entertainment center. cu los muchachos de la cuadra Los Intokables y DJ101 tur esnan presente lo haya un incredible work-out riba live music pa prome biaha akinan nan aruba. ta bay ta sigur un tremendo experiencia! Pa dos ora largo lo

tin bailenan dinamico na unda un y tur por participa! Loke lo hasi e evento aki unico riba su mes, ta cu e ta bay ta manera un concierto. Lusnan ta bay ta paga y lo tin light effects tur caminda. ademas na final ta bay tin tremendo doorprizes, entre otro pa esun cu bin mas colorido bisti....pues pa esun “Best-Dressed”. No por keda sin menciona cu e evento aki sigur no tabata posibel sin ayudo di tur e sponsornan kende ta Splenda, Elite Productions, arubazumba Fitness, Nature Valley, Yoplait, Minute Maid, Flowrider, aruba Fun city, La Estrella, Setar, Gomez & Bikker, custom

contractors, Divi Divi resort, aruba aloe & Ling & Sons. un danki grandi ta bay na nan tur cu ta contribui na salud y bienestar di nos comunidad. tickets ta obtenibel na Flowrider situa na Palm Beach Plaza Mall y tambe na compleho Deportivo Frans Figaroa pa solamente afl.20. Pa mas informacion por yama na 593-1454 of manda un e-mail na [email protected]. Wak pa bo no perde!

Sta. cruz -- Duracell red Machine ta cla pa nan siguiente bataya. red Machine lo bai ta topando e guynan di pariba esta SN Scorpions (anteriormente Braves). Siguramente Scorpions ta un equipo cu por duna nan contricantenan hopi dolor di cabes durante campeonato. Den otro palabra, no mester balota e equipo aki, pasobra nan tin ingredientenan cu mester tene cuenta cune. Durante e ultimo anjanan como equipo nan no a logra tin e success cu nan a spera di dje. ta di spera cu nan por yega bek na e exitonan cu nan tawatin varios anjas atras pa asina sigui hisa e nivel di nos baseball local. No solamente esaki, pero Braves ta e equipo San

Nicolaas y siguramente lo ta great si lo por mira e fanaticada di pariba tambe yega veld pa asina apoya nan equipo di San Nicolaas. Di otro banda, red Machine ta biniendo for di nan promer victoria pa 2011 y lo ta en busca pa un otro victoria pa asina yega bek na .500 baseball. Fanaticada di bon baseball y siguramente esun di pariba ta keda cordialmente invita pa asina yega Stadion na Santa cruz Diamars anochi (September 27, 2011) pa exactamente 8or di anochi pa e tremendo partido aki. Sin duda algun, e partido aki ta mustra di bai ta sumamente interesante… Yega!! chuuu chuuu

Recordatorio: Duracell Red Machine vs SN

Scorpions den continuacion di baseball AA awenochi

Despues di a piki nan promer victoria siman pasa

Abo ta cla pa e ZUMBA Concert Event?

Bin work-out riba LIVE Music cu banda Los Intokables y DJ101!


Mensahe “Na tur Mi Yiunan, un bendicion cu ta bin di

henter Mi curazon. Ave, Ave, Ave, boso ta canta Mi y Mi curazon ta keda

alegre y contento.Mi ta ofrece cada un di boso un petalo di rosa

den cada curazon. Esey ta pa mustra boso pa no perde speranza.

Corda cu Mi ta Mama di bosonan tur y cu

Mi ta hopi cerca di Mi Yiu Hesus.y tur boso

peticion- y deseonan a wordo hiba na Mi Yiu

Hesus. No kere cu boso ta boso so y bandona. Awor mas cu nunca Mi ta mas cerca di Mi Yiu

Hesus.Corda cu e situacion

rond di mundo ta keda dificil, cu hopi turbulencia

y cu hopi morto. Y te ainda Mi ta mira

hopi di boso cu no ta reza e Santo Rosario manera cu mester ta,

pasobra falta humildad y devocion. Ta p’esey

boso ta haya hopi strobacion.

Ora cu boso pidi pordon ta nifica cu boso kier

un bida nobo y bunita. Ora cu boso ta biba den

tristeza, cu dolor y cu preocupacion, Mi tambe ta sinti’e, pasobra Mi ta boso Mama. Uni mas

cu amor pa otro, pesey mi ta pidi pa famianan resa hunto, pasobra

falta hopi oracion den famia. Esnan cu ta stima

y ta duna amor, nan mester duna ehempel na

otronan. Boso mester sa kico

ta bon y kico ta malo y semper cana den e luz

berdadero.Corda bay Misa y tuma e Curpa y Sanger di Mi Yui Hesus, confesa tur

luna, reza den famia, bay Santisima Sagramento y corda cumpli cu tur e oracionnan na Koyari y semper comparti y yuda

otro.Di boso Mama, La

Birgen di Gracia di Aruba cu ta stima boso pa

semper.AMEN

Gradicimento. InvitacionNos, yiunan y nan famia, kier a gradici tur famianan

cu di un manera of otro a duna nos nan sosten durante enfermedad, fayecimento y entiero di nos

mama, nos wela y ruman stima;

Maria Barbara Angel-Geermancariñosamemto yama: Ita of Barbarita

Gradicimento speciaal pa dr. Colson, dr. R.V. Kock, personal di Dialyse Center y personal di

Dr Horacio Oduber Hospitaal piso 3 cu a juda nos na e momentonan dificil, tambe na e security di

Hspitaal pa nan pasenchi y compernshion, cu nos, Un danki special na tur famia nan cu a duna nos sosten den e momento difiicl aki. Un danki tambe special pa stichting Sagrado Curazon , Marianita

especialmente na Sulaika pa su bon trato y trabao. Na Randall Croes pa su bunita canto durante e

entiero di nos mama stima. Nos ta invita tur famia, amiga, bisina y conoci pa un

santo sacrificio di misa ariba:

Diamars 27 di September 2011Diahuebs 29 di September 2011 tur pa 7’or

anochi tur ta na misa Inmaculada Concepcion na Santa Cruz despues di misa diahuebs tin un rosario

na cas Macuarima 130Boso presencia ta altamente aprecia.

Danki na nomber di tur su yiunan, rumannan y demas famia

Gradicimento/InvitacionPa medio di esaki nos ta gradici tur esnan cu a

compaña nos na momento di enfermedad, fayecimento y entiero di nos difunto stima:

Federico TrompMihor conoci como “Fedjai”

Gradicimento ta bay na tur esnan cu a manda flor, krans, telegram, mensahe, yamada di telefoon y

anuncio den corant.

Tambe na tur famia, amistadnan, bisiñanan y conocirnan cu a duna nos nan sosten na oranan dificil.

Un danki na dokternan Anthony , Moreta y Lin, na personal di Ambulans, na pastoornan, na Zulaika

Geerman pa su bunita canticanan.

Danki na “Aurora Funeral Home”pa e excelente servicio, un danki special na ayudantenan di cas

Orlanny Kelly y Roosje Paesch, na esnan cu a duna un donacion pa “Edmund Harms Foundation”.

Alavez nos ta invita tur famia, amistadnan y conocirnan pa 3 Santo Sacrificio di misa na

Misa Imaculada Concepcion na Santa Cruz, esta

Dialuna 26 di September 2011 pa 5.30 atardi

Diarazon 28 di September 2011 pa 7.00 anochi

Despues di ultimo misa lo tin un Rosario na cas Catashi 6.

Na nomber di su yiunan y demas famia.

En esencia, el mensaje de la

Divina Misericordia no es nuevo, es en realidad un recordatorio de lo que la Iglesia

siempre ha enseñado: que Dios es misericordioso y que nos ama a todos sin importar la

magnitud de nuestros pecados; pero en este mensaje se llama a

una comprensión más profunda de que el amor de Dios no tiene límites,

y que está disponible a todos,

especialmente al pecador más grande: " (...) y

cuanto más grande es el pecador, tanto más grande es el derecho que tiene a Mi misericordia"

(Diario, 723).

El mensaje de la Divina Misericordia

RezaSalmo: 39; 91; 70; 103

Pa 3 dia y pidi 3 deseo. Di 4 dia ta publique. Pa con dificil e deseo nan ta confia cu nan ta realisa.

Danki Señor. MEM


Parokia San Francisco di AsisDe nomber di pastoor Stanislaw; un invitacion special ta bay pa tur devoto, parokiano di San Francisco y Aruba en general pa participa na e novena di

San Francisco de Asis.

Novena di San Francisco di Asis, patrono di nos Parokia ta cuminsa dia 25 di September pa 6:00 P.M.

Alavez nos ta comunica na nos parokianonan y pueblo di Aruba en general

algun cambio cu ta bay tin riba fechanan encuanto di S.S. Misa na Parokia di San Francisco y na Kapel di Madiki.

Tin S.S. di Misa tur dia despues di e novena di San Francisco pa 7:00 P.M.

No ta bay tin S.S. di Misa: Diamars 27 September 12:00 P.M. (merdia) na Parokia San Francisco

Diamars 27 september 6:00 P.M. na Kapel di Madiki Diamars 4 Oktober 12:00 P.M. (merdia) na Parokia San Francisco

Diamars 4 oktober 6:00 P.M. na Kapel di Madiki

Pues rumannan tene bon cuenta cu e dianan cu no ta bay tin S.S. di Misa, pa motibo cu tur dia despues di novena di San Francisco tin S.S. di

Misa pa 7:00 P.M. na parokiaE fiesta Solem di San Francisco de Asis, lo wordo celebra dia 4 Oktober pa 7:00 P.M. pa Monseigneur Luis Antonio Secco y concelebra pa nos

Pastoornan.Prome cu e celebracion di e S.S. Misa lo bay tin un prosecion cu lo sali di

Centro Educativo Cristian pa 6:30 P.M. acompaña pa un orquesta.

Un cordial invitacion ta bay pa tur hende participa na e celebracion aki.

E Rosario di e cinco yaganan di Hesu Cristo5x señal di cruz

Tata Eterno mi ta ofrece bo e yaganan di Hesu Cristo pa cura e yaganan di nos alma.

Credo 1 Nos Tata.

3. Ave Maria. 1. Gloria etc.

Despues di cada misterio 1x. Señor Hesus, pa medio di bo sanger precioso cu a

drama for di bo 5 heridanan santo, cura y laba tur nos picarnan. Duna nos alivio y

Consuelo den nos necesidad. Hesus pordon, misericordia y cura nos alma y curpa pa

medio di bo santa heridanan.Na final:

Sagrado Curazon di Hesus y doloroso Inmaculada Curazon di Mama Maria tene y

wanta nos den boso curazon pa semper.AMEN

"Cerca Dios so mi alma ta na pas, ta di dj=E mi salbacion ta bini. Ps. 62:1

Cu honda pena pero conforme cu boluntad di Dios, nos ta anuncia fayecimento cristian di:

Silvia Vrolijk mihor conoci como: " Tisha of tanchi Chia "

na edad di 48 aña

Na nomber di su:

yiunan: Farrah y Alex de Groot-Stam Etienne Stam a Hulanda Michel Stam na Hulanda Jeffrey Jackson na Hulanda Jennifer Jacson na Hulanda

nietonan: Ricardo de Groot na Hulanda Stethan de Groot na Hulanda

rumannan: Glenda Vrolijk y famia Haime Vrolijk y famia Teresita Vrolijk na Hulanda

rumannan di criansa: Emma Dorcas y famia Sonia Dorcas y famia Leo Dorcas y famia Humphrey (Penh Penh) Dorcas y famia Judith Dorcas y famia

swa: Alex de Groot

sobrino y sobrinanan: Rachella Pena, Mihairac Vrolijk, Jahaira Vrolijk, Michel Ras, Ronny, Jenny, Wilbert, Edsel Gomez

tanta y omonan, primo y primanan, comer y compernan, ihanan,

y demas famia na Aruba, Corsou Hulanda ta invita tur amigo, bisiña y conoci pa asisti na e

Acto di entiero cual ta tuma lugar dialuna 26 di September 2011 pa 4'or di atardi saliendo for

di Misa Santa Filomena pa santana catolico na Paradera.

E resto mortal lo ta reposa for di 2'or di atardi den Misa Santa Filomena na Paradera.

Nos ta lamenta cu despues di entiero nos no por ricibi bishita di condolencia na cas.

Nos kier a pidi nos disculpa si nos por a lubida un of otro famia den nos tristeza.


STA. CRUZ -- Diasabra atardi IDEFRE hunto cu Polis y DOW a cera e camindanan di Santa Cruz pa asina pueblo di Aruba por a cuminsa disfruta di nan deporte faborito liber di tur trafico. Esaki den cuadro di e programa mensual di “Arubactivo”, presenta pa Ministerio di Deporte di Minister Dr. Richard Visser hunto cu IDEFRE. E programa aki tin di haber cu e maneho di e mandatario pa promove mas movecion den comunidad, den cuadro di biba un bida mucho mas saludabel.

Tur muchanan entre 5 cu 10 aña cu tabata presente a siña tecnica nan clave y basico pa mehora nan prestacion durante e Baseball Clinic sin laga afor lesnan fundamental pa deporte y disciplina. Finalmente e tremendo ‘All Star Game’ a tuma lugar despues di e clinic unda nos hobennan talentoso a hunga un bon wega di baseball contra

di e tres otro team. E caminata organiza pa Caravel y Rode Kruis, tampoco no a keda afor. Pueblo di Aruba a participa den un ruta di 1.8 km, den forma di circuito, riba e caretera principal di Santa Cruz, entre “88 Food Mart y Rudsen, pazuid di e cruzada di Mondi Fierno, sin laga afor e area central di e evento esta Stadion Nadi Croes y Crismo Angela.

Pa tur esnan cu kier a siña maneha nan bicicleta y disfruta di un

bon ehercicio San Fuego Cycling tambe tabata presente pa yuda e chikitonan y e grandinan. Estrella Basketball, Estrella Taekwondo, Special Olympics Bollas Crioyo, Aruba Tang Soo Do, Gihae World Tang Soo Do Association tambe a brinda tur informacion necesario

tocante nan programa y a extende invitacion na tur esnan cu kier a bira miembro di nan club.

E instructornan Dwayne Wever y Hayde Bermudes a anima y pone tur hende soda y kima hopi caloria cu e movecionnan popular di baile y aerobico. Asina

tur e publico presente por a ripara dicon Zumba ta un di e deportenan cu hopi di nos hende muhernan ta practicando y disfrutando.

Xavier Medical School a realiza un control di salud completamente gratis pa tur esunnan cu a bishita nan tent completa cu informacion di Sociale V e r z e k e r i n g s b a n k , pa contesta tur e preguntanan di e participantenan.

Finalmente Tipico Macuarima, bao guia di sr. Eric Rincones, a deleita tur e publico presente despues di un dia sumamente activo. Definitivamente pueblo di Aruba a sa di demostra nan interes y motivacion pa un bida mas saludabel. Aruba Pabien!

Pueblo ta mas consciente di haci mas movecion pa nan salud

ARUBACTIVO CU HOPI MOVECION DEN SANTA CRUZ

Dialuna 26 September 2011

Documents

awe ta

caminda cu ta

severo cu ta

cruzexcusa ta cu

topico ta

ta bon

ta inevitabel

ta tuma