Dialuna 18 Juni 2012

Dialuna Juni 18, 2012 - Edicion-7 Vol.1833 Sta. Cruz # 110 Tel: 585-9500 Fax:585-0951 - E-mail: [email protected] 1.50

Na Noord:Van a bolter dilanti di

Caribbean Palm Village

Auto Levin a perde control ariba Sasaki y a keda totalmente destrui

AVP no tin scrament pa sigui malgasta placa di pueblo

Gobierno cu beach soccer den caya grandi

Danquin y Macintosch hungando mientras Fa ta referee

A RECHAZA ARUBA SOFTBALL BOND Y CHAMP OF THE

CHAMPS CU 9 EQUIPO INTERNACIONAL

Premier Mike Eman no ta preocupa mes cu e futuro generacionnan!

Gabinete Eman tin tur hogar di 4 persona strangula cu un debe di mas di 115 mil florin!

DIGICEL TA REGALA 60 TICKET PA E CURSO DI ‘96 HOURS FILM LAB’

Polis a haya dama den trahe di Eva, tur na santo blanco y fo’i

tinoSTA. CRUZ -- Diasabra den oranan di mainta tempran, na altura di Stadion Guillermo Trinidad, polis a haya un dama benta abao, completamente sunu, tur na santo blanco y su pañanan benta banda di dje. Mesora polista bay atende e dama aki, pero e dama aparentemente lo tabata bao influencia di un of otro substancia, cu e no tabata corda ken e ta. Ora el;a duna patruya un direccion pa hib’e, esaki no tabata cuadra. No a keda Polis nada otro di hib’e Warda di Playa pa sosega y sperando cu pa ora e bin bij e lo por corda ken e ta, unda e tabata y hopi importante pa sa cu ken e tabata. Mirando su estado fisico y ment, no por descarta cu ta trata aki di un caso di violacion.

Pagina 2 Dialuna Juni 18, 2012

STA. CRUZ -- Lotto pa deporte recientemente a haci full un branding nobo alegando su mes for di deporte y kier crea un bida nobo. Ni cuanto branding nobo Mike de Meza y Visser haci awor, no lo yuda. Nan a escoge pa persigui hende y nan a escoge pa malgasta miyones di placa di deporte den investigacionnan na compania Ernst & young unda oficina di abogado Kloes y Luci Herde a strika tambe masha hopi placa. Ora cu a caba cu e lechi di e baca y no tabata tin control mas con pa mantene venta cu nan a ricibi di Ramon Lee cual tabata 42.4 miyon den aña 2009 nan a core haci un pacto cu Canada pa e Canadesnan tuma operacion over. Tristo pa mira or abo propio yiunan

di tera kendenan den 8 aña di gobernacion di MEP a saca un Lotto cual tabata bende 16 miyon na 2001 y a hiba esaki ten a 42.4 miyon den 2009 y pa caprichonan politico Mike de Meza a percura pa kibra e venta aki, cual por cierto segun informacionnan a bende solamente 22 miyon den 2011. Awor envez cu gran mayoria di placa aki keda Aruba y wordo duna bek na nos deportistanan, nos por tuma nota con tur e venta ta pasa bao nos nanishi y bay Canada. Chequenan du Subsidie Commissie ta bounce y no tin placa. Desde 2010 y 2011 ta gobierno, por medio presupuesto di Aruba tabata fund caha di subsidie. Asina malo e maneho tabata ta. Awor sigur deportistanan ta contento cu por a mira

un cheque di 1.7 miyon unda al fin federacionnan por cuminsa organiza campeonato atrobe. Pregunta na Visser y De Meza kendenan a gaba durante Excelencia den deporte desde 2010 y esaki ta graba cu Lotto lo duna deporte 3 miyon pa aña. Aña pasa Lotto a duna 0 florin na deporte y tin prueba cu ta pais Aruba a duna 1.7 miyon. E 1.7 miyon aki ta di 2011? Placa cu Lotto debe federacionnan? No ta miyon boso a grita y gaba desde 2010? Splica pueblo manera hombernan balente y transparente cuanto realmente Lotto a duna deporte den 2010 y 2011? Nos lo keda en espera di cualkier splikacion, sino nos mes lo trece dilanti y splica pueblo pa boso.

Mike de Meza a entrega Lotto na e Canadesnan

Historia lo mustra con Mike a desgracia deporte

STA. CRUZ -- Diasabra merdia rond di 3:30 un biaha mas a sosode un accidente ariba e cruzada aki. Manera semper tin chauffeur cu no conoce of no ta pone tino y ta gewoon yega subi e cruzada sin sa cu tin trafico acercando. Wel, e diasabra aki no tabata nada diferente. E Toyota Yaris bayendo direccion pariba no ta pone atencion cu e ta yegando un cruzada y cu e auto berde chikito aki tambe tabata yegando e cruzada di panord. E impacto tabata basta fuerte mirando con e auto berde, un Hyundai a dal e y pushe, bent’e ariba e acera. E chauffeur di e Hyundai a haya un sla chikito na altura di su wowo drechi y Ambulance a presenta pa atend’e.

Na Playa:

Accidente un biaha mas ariba e cruzada Rudolf Arendsstraat

STA. CRUZ -- Diasabra mainta a sosode un accidente dilanti Caribbean Palm Village entre un S.U.V. y un Van. Mesora polis a dirigi nan mes na e sitio. Na yegada di e patruya a bin comprende cu e chauffeur di e van

blanco A53148 a bay subi caminda sin a duna preferencia na e Hyundai Tucson color oro A13477 cu tabata bayendo pabao y dal e van estilo fishtail y a bolter e van. Na e accidente aki no tabata tin heridos pero e van a haya hopi daño material.

Na Noord:

Van a bolter dilanti di Caribbean Palm Village

STA. CRUZ -- Diabierna pa 4:23, central a manda polis na un cas na Pos Chikito, pa un ladronicia. Na yegada polis a papia cu e habitante C.H. naci na Aruba di 40 aña, kende a bisa polis cu

desconoci a drenta den su cas door di e bentana di baño. Nan a reboltia tur e kambernan y a bay cu diferente articulo. Despues nan a sali door di un bentana di kamber. Polis a tuma su keho.

Na Pos Chikito: Ladronnan a drenta y bay

cu varios articulo for di cas

STA. CRUZ -- Diasabra 01.52, polis ta para un chauffeur cu tabata core bao di influencia di alcohol. Polisnan a pare y a

detene na e cruzada di Kamerlingh Onnestraat. El’a supla 1025 ugl. E chauffeur G.L. naci na Aruba di 28 aña a keda deteni.

Chauffeur burachi a supla 1025 ugl

Pagina 3Dialuna Juni 18, 2012

STA. CRUZ -- Gobierno di AVP a surpasa e Toppunt pa tuma pueblo haci. Locual a tuma lugar diasabra den caya ta un ridiculez di marca mayor. Alberto Vrolijk kende ta conoci di tin bastante debe rond Aruba a bin cu e idea ridiculo aki y asina a convence su amo, promer minister pa tuma e pueblo aki haci un biaha mas . A basha masha hopi santo blanco riba e parkeerplaats di antes La Linda y eynan idea ta pa organiza un actividad pa asina trata na trece hende den caya pa cumpra regalo pa dia di tata engañando e comerciantenan atrobe. Mesun Haitiano Danquin kende ta strika 8 mil florin pa luna, sin ningun sorto di diploma tambe a pone su tent di bende cuminda y bebida den caya perhudicando asina mas e comerciantenan. Danquin, Macintosh , Flanders y Alberto Vrolijk hungando den santo blanco mientras Fa

Orman tabata referee. Tur riba payroll di gobierno chicando miles di e pueblo aki, solamente pa yama radio tur mainta y merdia. Con un gobierno por hinca den su cabez pa organiza un beach soccer den caya grandi? Aruba ta yena cu beach rond di nos costanan. Berdad ta ora cu e no ta sali for di bo saco aparentemente Bo no tin cunes. Mike Eman a manda EMCO bancarota na dos ocasion y danki na Interbank el’a lanta cabez atrobe. Awor e ta desgraciando e pais Aruba cu su locura yuda pa su secuatanan kendenan kier manipula un pueblo por medio di programanan radial. Tendenan awemainta con nan ta hincha na radio, manera nan lesa nan berdad. Un set di chupado sin fin. Un cos ta sigur nan por keda grita y insulta tur hende pero pueblo tin nan door y cuminsa paketa pa so otro aña ta cerca y pueblo lo sa di core cu boson

a mal ordo. Lokual nan No ta papia ta cu AVP a ricibi Aruba cu un deficit di 163 miyon na 2009 y awe den 2012 esaki ta na 330 miyon. AVP a priminti di kita BBO 100% den campaña y despues Mike himself a grita na radio y nos tin’e graba cu pa 1 di Januari 2012 e otro mitar lo bay pero te cu awe nan ta teni duro na e rabo di BBO. AVP a primiti di lo baha awa y coriente from day one cu 25.5% pero awe realidad coriente ta dos biaha mas caro. AVP a priminti cu e lo baha gasoline y awe gasoline ta 3 biaha mas caro cu na 2009. AVP a priminti cu lo caba cu crminialidad pero awe a kita tur radar unda nos costanan ta habri y atraco a bira mescos cu un pan di cada dia. Esakinan e chupadonan manera Fa, Alberto, Flanders, Danquin y Macintosch no ta papia. Nos lo lague te aki pa awe y wanta duro!!!

AVP no tin scrament pa sigui malgasta placa di pueblo

Gobierno cu beach soccer den caya grandi

Danquin y Macintosch hungando mientras Fa ta referee

STA. CRUZ -- Diabierna anochi polis di Noord a bay cu urgencia poco pazuid di ex - House of Cheng ariba Sasaki caminda lo tin un accidente pisa. Polis a bin haya un auto pega den auto y e chauffeur manera den un shock, drumi abao. E chauffeur tabata mustra hopi straño, esta e no tabata

papia mucho y tabata just keda waak un caminda. Ambulance a yega y nan a prepar’ e y hibe cu urgencia pa Hospital. Tin indicacion fuerte cu e auto aki lo tabata pustando cu otro auto, un Skyline. Ultimamente varios di e vehiculonan aki, esta cu stuur na man drechi ta envolvi den diferente accidente.

Auto Levin a perde control ariba Sasaki y a keda totalmente destrui

STA. CRUZ -- Diasabra mainta riba e caminda di Bubali pabao di Compleho Frans Figaroa un accidente a tuma lugar caminda un auto a drenta mondi. Polis di Noord a wordo manda di biaha na e sitio. Na yegada a bin topa cu un auto blanco hinca den e mondi pazuid di caminda. A resulta cu velocidad halto y chauffeur no por a controla su stuur, ta e causa. Mayornan a presenta na e sitio y e yiu a haya un scual pa locual a pasa. Takelwagen a saca e auto, un Cougar, for di mondi.

Na Bubali:

Yiu a bolter cu auto nobo

STA. CRUZ -- Diabierna pa 12:17 Central a manda patruya na Papilon pa un problema entre pareha. Na e sitio, polis a topa e homber P.R.Z. naci na Colombia di 25 aña y e muher M.J.R. naci na Santo Domingo di 34 aña ta grita otro. Polis a papia cu tur dos separa. E homber Z. tabatin problema cu su amiga P. pero ora cu P. a haya un chens di core

bay, el’a huy bay for di e sitio. Z. e momento ey a bay busca problema cu M.J.R. E homber Z. tin mas o menos tres aña relacion cu J. y ta wardando riba e papelnan pa nan casa. Door di esaki, Z. no tabatin ningun papel di identidad y permit pa keda riba e isla. Polisnan a detene y hibe warda di Santa Cruz, na unda el’a keda cera pa investigacion di IASA.

Homber ilegal ta busca problema y discusion


STA. CRUZ -- Comision Organizador ta sumamente preocupa cu e maneho cu tin den deporte. Aunke Aruba Softball Bond mes no kier bay den detayes nos como miembro di Comision Organizador pa cu ‘Champ of the Champs’ mester keda transparente cu pueblo y splica deportistanan y fanaticada di deporte e maneho anti -deporte cu Visser ta hibando. Visser a rechaza Copa Noord net e bario unda el’a sinta parti flor na cruzada di Rio Grande durante eleccion na 2009 pa piki punto y gana voto. Pa un miserable Afl.2000,- Visser a bolbe bisa No na ASB y pueblo di Noord bisando cu no tin placa pa boso. No ta mucho tempo atras despues cu Visser a nenga Noord pa promer biaha, esta Copa Noord Visser a sinti e presion den su propio gobierno y coleganan politico y despues di 5 siman pues durante e wega final di Copa Noord 3 di Juni ultimo el’a duna acto di presencia pa 20 minuut pa duna cara. Aunke e NO a coopera f i n a n c i e r a m e n t e organizadornan a ricibi’e respetando su titulo como minister unda te hasta un Gatorade organizadornan a treat E. Aunke tur hende sa cu Visser no ta pa mucho tempo mas, toch ta respete pa su titulo. Awor ta toca

turno un biaha mas na districto di Noord pero pa cu un torneo internacional ‘Champ of the Champs’. ‘Champ of the Champs’ ta un torneo cual a subi plataforma internacional y lo inicia dialuna 25 di Juni 2012 cu un total di 9 equipo internacional y delegacion di mas di 400 persona confirma. Aruba Softball Bond kende ta auspicia e torneo aki a solicita un ayudo sikiera pa cubri gastonan di tereno y of umpire. Pa un simple Afl.2000 Visser a bolbe bisa NO na Aruba Softball Bond. Presidente di Internacional Softball Federation mr. Don Porter ta bay ta presente y ni un ayudo pa por cubri un kamber di hotel decente ta bin for di Visser. Pa un team di Hulanda, esta Sparta si por a duna 1 miyon florin, cu seleccion di Hulanda a malgasta mas di 500 mil dollar pagando nan hotel pa bin vakantie Aruba despues di Mundial, pa e team di futbol Americano Patriots subcampeon di superbowl recientemente den 2012 a paga 1 miyon florin pa tambe bin pasa vakantie

s u p u e s t a m e n t e p r o m o c i o n a n d o Aruba, mas di 600 mil ta bay pa anja na Cyclovia cual no ta desaroya ningun atleta pero mas bien un gastamento di placa entre amigo y asina por keda menciona disparatenan na cantidad. Pa Deporte di Softball cual tin mas di 800 miembro afilia ta practica NO tin nada. Ta un berguenza di marca mayor un maneho di persecucion di e manera aki pero Comision Organizador lo percura pa dia di apertura oficial di ‘Champ of the Champs’ 29 di Juni proximo momento cu tur invitado di exterior ta presente, esaki lo wordo treci a pie de la letra dilanti sin laga nada afor con e maneho e support na deporte softball di Aruba ta. Un danki di curazon na tur otro instancianan cu si a duna nan aporte na e torneo internacional aki. Na luna di Maart pa ta exacto 18 di Maart Lifida cu tur respet a trece 3 team internacional y a ricibi Afl.70 mil florin pa nan organiza y desaroya deporte. Pregunta ta keda cu ki midi Visser ta midi? Noord un vez mas laga na caya. Pueblo uni Bo mes cu e solidarismo y bin Kudawecha na massa, sostene asina e torneo internacional Champ of the Champs desde 25 di Juni en adelante.

Minister Visser a bolbe nenga Noord pa dos dos biaha:

A rechaza Aruba Softball Bond y Champ of the Champs cu 9

equipo internacional

Cu alrededor di 200 participante for di region di Caribe

DIANAN 19 PA 22 DI JUNI:

WEB ARUBA TA ANFITRION DI CONFERENCIA DI AWA

DI CARIBDA

STA. CRUZ -- WEB Aruba NV ta cla pa ricibi 200 participante di e conferencia y expo di Caribbean Desalination Association (CARIBDA), cual lo tuma lugar di 19 pa 22 di Juni proximo na The Westin Resort. E conferencia ta un plataforma caminda companianan y fabricantenan di plantanan di awa ta comparti experiencia y conocemento di recurso y tecnicanan di desalinacion y di re-uso di awa. Tema di e conferencia y e exposicion ta “80 Years of Desalination Makes For One Happy Island”. CARIBDA a scoge e tema aki pa pone atencion na e di 80 aña di existencia di Aruba su planta di produccion di awa. Simplemente bisa, desalinacion ta significa saca salo for di awa di lama y trata esaki di manera cu e ta bira awa di bebe. ‘Cu nos experiencia amplio riba tereno di desalinacion, nos ta contento di por contribui na CARIBDA, pa hisa calidad di awa y nivel di tecnica di desalinacion di awa den region di Caribe’, asina Asja Dongen, relacionista publico di WEB ta informa. E sesion di apertura oficial ta tuma lugar dia 20 di Juni den presencia di Gobernador Refunjol. Minister di Utilidad, señor Mike de Meza lo duna un palabra di bonbini na tur participante. Durante e conferencia señor Filomeno Boey Marchena, experto di desalinacion di awa na WEB,

lo duna un presentacion di desaroyo di WEB su tecnica di desalinacion di awa, for di dia cu a inicia e planta di awa na 22 di Juni 1932 te awor. Veolia Water Solutions & Tecnologies, cu ta e compania cu a construi e planta nobo di SWRO II na WEB, tambe lo duna un presentacion tocante desalinacion na Aruba, di awor pa futuro. Banda di e presentacionnan aki lo tin diferente presentacion cu lo ilustra varios tecnica y reto cu companianan di awa den region di Caribe ta haya nan mes confronta cu ne durante e proceso di desalinacion. Algun reto ta e dependencia di combustibel caro y eficiencia den produccion di awa.

Banda di e conferencia lo tin un exposicion caminda diferente compania miembro di CARIBDA, entre otro WEB, lo tin un stand cu informacion di nan producto y proceso di produccion. Ta mantene un tarifa special di entrada pa esnan cu ta desea di bishita solamente e exposicion. ‘WEB ta contento di por participa cu lo habri porta di e exposicion pa publico, sin cobra entrada, riba diahuebs 21 di Juni entre 3:30 y 5:00 or di atardi.’, asina Dongen a conclui. Pa mas informacion tocante e programa di e conferencia y e exposicion, por bishita www.caribda.com.


STA. CRUZ -- Ta visto caba pa henter comunidad cu Gabinete Mike Eman a converti su mes den un gobierno di debe, fianza y deficitnan financiero astronomico. Hecho ta cu na Hulanda y Curaçao e gobierno di e paisnan aki ta luchando tambe cu aumentonan drastico di debe y deficitnan financiero. Sinembargo nos por constata con tur dia e mandatario y parlamentarionan den e paisnan aki ta dialoga y discuti den forma serio y responsabel riba e topico aki y te hasta a yega asina leu cu e gobierno Hulandes a cay pa motibo di e medidanan cu nan mester tuma pa salba e situacion financiero di nan pais. Na Curaçao esaki tampoco ta un excepcion. Cu un deficit financiero di 160 miyon florin na 2011 y e proyeccion di un deficit di 85 miyon florin pa 2012, e mandatarionan di nos hermana isla Curaçao tur dia ta kibra cabez con pa resolve e problema financiero aki. Sinembargo aki na Aruba

nos tin un deficit financiero di 332 miyon florin na 2011 y un proyeccion di un deficit di riba 370 miyon florin na 2012, pero Gabinete Mike Eman no ta preocupa mes cu tur e deficitnan aki. E unico solucion cu Promer Ministro Mike Eman tin pa resolve e problema financiero di Aruba ta pa ‘djis bay un tiki mas den ROOD’, p’asina e por sigui viaha riba custia di pueblo, haci show y sigui derocha placa na su antoho. Esaki ta un mentalidad sumamente iresponsabel y destructivo di un promer mandatario di un pais cu no por tin curazon y sentido di responsabilidad pa cu e futuro generacionnan. Sinembargo locual tin e comunidad Arubano mas preocupa ainda ta e debe cu ta colga riba cabez di cada ciudadano den e pais aki. Cu un debe total di 3000.000.000,00 florin (3 biyon florin) y un cantidad di 104 mil habitante, e debe pa cabez - for di un baby cu a caba di nace te na un anciano - ta suma na 28.850 florin!! Hecho ta

cu mientras Mike Eman tur dia ta hunga pa Sinterklaas den e barionan di Aruba, cada hogar den e barionan aki – consistiendo di mama, tata y dos yiu - tin un debe total di 4 x 28850 = 115400 florin riba nan cabez!! Esaki si Mike Eman no ta bisa e habitantenan ora cu e ta cana braza y parti sunchi den e barionan aki. Pero si mester tuma e debe total di 3 biyon florin y relata esaki na e forza laboral di nos pais cu ta consisti di mas o menos 47 mil trahador, anto e debe pa cada trahador den e pais aki ta 63800 florin. Ta mas cu logico cu mester relata esaki na e forza laboral ya cu ta e trahadornan mester traha y soda henter dia pa paga tur e debenan astronomico cu Gabinete Mike Eman ta strangulando nos pueblo cu ne. Pueblo Arubano mester cuminsa reflexiona riba e rumbo cu Gabinete Mike Eman kier hiba e futuro generacionnan, esta kico lo bay para di nos yiu, nieto y bisanietonan. Ta un gobierno criminal - cu no tin ningun tiki consenshi - so por goberna, haci debe y sigui pusha tur e debenan pa e futuro generacionnan. After all, e adagio di Gabinete Mike Eman ta cu pa e tempo ey nan lo no tey mas riba mundo pa mira den ki desaster nan a hinca e criaturanan cu no tin arte ni parte den tur e derochamentonan aki.Mike Eman tur dia hincando nos pais den mas debe!

Premier Mike Eman no ta preocupa mes cu e futuro generacionnan!

Gabinete Eman tin tur hogar di 4 persona strangula cu un debe di mas

di 115 mil florin!

STA. CRUZ -- Algun dia pasa tanto nos flamante Ministro Presidente, mr. Mike Eman, como nos flamante ministro di Finanzas, sr. Mike de Meza a gaba e rapport di Standards & Poors masha hopi mes. Segun nan Standard & Poors NO solamente a dicidi pa larga Aruba mantene su ‘A-/A2’ rating, pero cu esaki ta un decision pa aproba e maneho financiero di Gabinete Mike Eman tambe. Partido PPA a busca…. un documento oficial di ‘Standard & Poors’ pa nos mira exactamente kico nan a bisa. Nos kier a cita e esencia di nan decision: “ We affirmed our ‘A-/A2’) sovereign credit ratings on Aruba. The stable outlook on Aruba reflects our expectation that the government will be able to return shortly to its medium-term fiscal plan to reduce the central government deficit towards 3% of GDP in 2014. We expect that the government would implement further measures to contain fiscal slippage in the event the reopening of the island’s oil refinery is delayed beyond a couple of months.” Locual e ta tambe!! Awor tanto den mundo diplomatico como den mundo financiero economico tin un lenguahe diplomatico

ta wordo usa na unda apesar cu e mensahe por ta profundamente e mensahe y e palabranan cu ta wordo usa ta hopi suave y diplomatico. Ta tuma un persona pa lesa e mensahe hopi bon pa e comprende kico nan ta/ a bisa. Ora nos lesa e mensahe cu nos a cita… nos ta saca como conclusion cu MAS MEDIDA ta na caminda…! E prome parti di e frase ora Standards & Poor referi na e ‘medium –term fiscal plan’ to reduce the central government deficit towards 3 % of GDP in 2014’ ; esey kier meen cu ya caba den e plan aki tin un cantidad di medida pa yega na e meta di 3% etc. etc….y ora Standards & Poor referi na ‘further measures’ ta significa cu tin mas medida na caminda riba lomba di pueblo arubano. Y esey nos flamante Ministro Presidente Mike Eman y Ministro di Finanzas sr. Mike de Meza NO a bisa pueblo …..ta crea solamente impresion cu door cu Standards & Poors a mantene su rating pa Aruba cu esey lo ta un aprobacion di nan maneho financiero….locual absolutamente E no ta !! Partido PPA hibando oposicion di pafor di parlamento ta desea di interpreta esaki pa nos pueblo comprende kico realmente ta tumando lugar. Nos ministronan a hunga wega nos pueblo pa tene nos pueblo bobo…… laga nos comprende e posicion di ‘Standard & Poors’ ta cu mi ta afirma bo Credit Rating bao condicion cu bo cumpli cu un pakete di medida riba lomba di nos pueblo. Huzga pa boso mes !!

SR. BENNY NISBET, LIDER DI PPA:“STANDARD & POORS A AFIRMA RATING BAO

CONDICION CU GABINETE MIKE EMAN LO EHECUTA

MAS MEDIDA RIBA LOMBA DI PUEBLO!!”

STA. CRUZ -- Polis motoriza a tene un control grandi den trafico tur parti, For di Seri Tijshi te cu Pos Chikito nan a topa cu varios chauffeur bao influencia di alcohol. Tambe tabata coriendo iresponsablemente cu un velocidad halto. Aki multa a cay pa e chauffeurnan aki. Tambe detencion a cay.

Polis a tene varios control den fin di siman


MADURO HEAVY EQUIPMENT N.V.

ROOI BOSAL 49TEL.: 585-1708 FAX.:585-6299

Santo pa Basha, Santo pa Pleister, Crushed Sand, Piedra, Tera pa Mata,

Graniet. Tambe nos ta Rosa Tereno, Coba Pos y Fundeshi.

STA. CRUZ -- Despues cu e rosea cayente a cuminza supla den garganta di e gobierno actual, awor diripiente e ministernan Mike Eman y Arthur Dowers a haya e curashi pa firma pa construccion di un HAVO/VWO-school na Noord. E proyecto aki tabata data caba for di 2009, esta durante Gabinete Oduber y cual proyecto tabata tin su financiamento cla caba door di FDA. E financiamento directo aki door di FDA siguramente lo no a trece ningun obligacion financiero na pagonan cu lo mester wordo haci den futuro. Sinembargo kico e gobierno di AVP a haci asina cu nan a drenta gobernacion? E fondonan den FDA cu tabata destina pa construccion di e school

na Noord a wordo maluza pa inverti esaki den un bendita Tram cu por cierto tin actualmente henter Playa den un desaster total. Pueblo Arubano y en especial e habitantenan di Noord a haya cu ta un coy chambon e gobierno di AVP ta haciendo cu e pueblo aki y cu insistencia e habitantenan aki a cuminsa supla nan rosea cayente den garganta di e gobernantenan actual. Alavez despues cu fraccion di MEP a keda bati riba cabez di e gobierno actual pa construi e HAVO/VWO-school pa caba, awor diripiente e ministronan di AVP a dicidi porfin pa cumpli cu e deseo ferviente di e pueblo di Noord. Pero mirando e hecho cu e fondonan den

FDA pa construi e school no ta disponibel mas ya cu e fondonan aki a ser derocha malamente den e bendita Tram, nan a dicidi di mendiga y core braza un fundacion cu den pasado nan a demoniza y critica malamente, esta SOGA (Stichting Onroerend Goed Aruba). Awor un biaha mas SOGA a bira e salbabida di e gobierno actual pa construi e HAVO/VWO-school na Noord. No mester lubida cu Gabinete Mike

Eman recientemente a core braza SOGA caba pa loke ta construccion y renovacion di e hospital di Aruba. Tambe nan tin intencion di laga SOGA renova tur e hulpbestuurskantoornan existente na Aruba. Ta cuanto mas lo sigui? E pregunta sinembargo ta, pakico Gabinete Mike Eman a laga SOGA financia e HAVO/VWO-school na Noord? Siguramente SOGA tin e capacidad pa construi e school aki, pero ora cu e construccion ta cla, gobierno di Aruba lo mester bay paga tur aña y durante por lo menos 25 aña largo un suma astronomico na SOGA te ora cu nan caba di paga henter e construccion di e school aki. Pakico no a laga FDA financia e construccion di e school aki y pa cual nos

pagadornan di belasting no tin nodo di paga nada den futuro? E ‘profesornan sabio’ den FESCA/AVP no por a splica Mike Eman cu financiamento via FDA ta mas ventahoso cu laga esaki sosode via SOGA, ya cu henter e suma via FDA tabata disponibel y cla caba pa construi e school aki. Pues ta visto cu Gabinete Eman – despues cu nan a derocha tur e fondonan di FDA – awor ta haya nan mes ta mendiga serca SOGA, esta e mesun fundacion cu nan a demoniza den pasado. Cu financiamento via SOGA, Mike Eman ta duna realse na e dichonan popular, esta ‘pisca ta muri pa su boca’ y ‘cacho ta nenga weso pero ta weso mes e tin cu come’.

Un biaha mas Mike Eman ta perde tur verguenza y ta mendiga cerca SOGA!

Pakico Gabinete Mike Eman no a percura pa laga FDA financia construccion di e HAVO/VWO school na Noord?

STA. CRUZ -- Diabierna pa 2:03, central a manda polis na un casino pa un intermediacion. Na yegada polis a papia cu e muher P.T. naci na Aruba di 45 aña, kende a bisa polis cu e muher I.P. a bin na su trabao cu un grupo di persona y a menaz’e di dale. El’a bisa polis cu e problema a cuminsa como cu e tin un relacion amistoso cu su supervisor e homber B. El’a

bisa cu e muher P. ta nuebe ruman muher y un di nan ta casa cu e homber B. El’a bisa polis cu na su trabao ta traha un persona yama V.P. cu ta supervisor. Segun T. ta V.P. ta esun cu ta tilde cu e tin un relacion cu e homber B. E informacion aki, a wordo duna na e casa di B. kende a bin cu e grupo di hende pa maltrate. V.T. a bisa polis cu e famia ta problematico y agresivo. El’a bisa polis cu tur

dia e tin contacto cu B. pero solamente pa nan conversa. Segun su declaracion den pasado caba un colega a wordo menaza door di e casa di B. como cu e muher V.P. tabata sospecha cu e tin algo cu su casa. V.T. a bisa polis cu e tin miedo di bay cas so y polisnan a dune un lift y a bahe na su cas. Polis a bise pa e bay Recherche pa atende e asunto.

STA. CRUZ -- Diabierna pa 6:25, Central a bay na un cas na Bushiri, pa un destruccion. Na e cas polis ta papia cu e homber O.B.C.R. kende a bisa polis cu mas o menos 6:15 el’a yega cas y a bay drumi mesora. Pa 6.25 el’a wordo yama door di

un persona di cual e number ta desconoci pe. El ‘a contesta e telefon y a puntra cu kende e ta papia, pero e mesun momento e stem a bise pa e habri porta pe. El’a reconoce e stem di su ex – amiga, e muher A. y a cera e telefon. E muher a cuminsa bati

na porta dilanti. E no a habri e porta. Despues A. a destrui e glas di e porta dilanti y a sigui bati na e otro bentana y esaki tambe el’a kibra y a destrui dos screen di bentana. Despues el ‘a bay for di e sitio. Polis a tuma su keho y a pone Central na haltura.

Problema formal pa asunto di redo

Na Bubali:

Ex - amiga a bay cas di ex - amigo y causa destruccion


STA. CRUZ - Diadomingo atardi despues di e wega di futbol alarma a ser bati pa un supuesto auto na candela den e parkeerplaats di Seaport, dilanti di parlamento. Na

yegada di Brandweer y Polis, a bin resulta cu bateria di e Tercel aki a pega na candela. Brandweer a domina e situacion y asina evita lo peor door di kita e bateria.

Na Playa:

Toyota Tercel cu motor na candela den parkinglot di Seaport

Directiva di SIMAR segun articulo 14. inciso 2b di su statutonan, ta haci un yamada na su miembronan pa asisti na un reunion general riba peticion di 31 miembro preocupa. E unico punto di agenda cu miembronan a pidi pa trata ta: “Anulacion di sr. David Croes como presidente y miembro di e directiva nobo di SIMAR”. Mirando e delicadeza di e punto y e preocupacion bao di miembrecia di SIMAR, directiva ta urgi su miembronan pa ta presente na e reunion aki cual lo tuma lugar DIAHUEBS 28 di Juni 2012 den sala Bruce Crispin na sede di SIMAR na Sabana Blanco. Ta recorda miembronan, specialmente esnan preocupa cu a haci e peticion, cu mester tin minimo 70 miembro presente pa tin quorum. Si esaki no ta e caso, e reunion lo wordo yama te cu un otro aviso, cual lo ta te despues di vakantie grandi.

Sindicato di Maestro di Aruba cu reunion general riba peticion

di miembronan preocupa

STA. CRUZ -- Diadomingo madruga un homber bon cansa a wordo haya drumi riba e stoel di e bushalte na Savaneta. Polis a yega y a bin topa cu e homber cu tabata dificil pa por a para riba su pianan. Polis a lante y hibe warda pa asina haya un kamber gratis.

Na Savaneta:Homber cansa riba banki di bushalte


STA. CRUZ -- Ta parce cu partido AVP y Clarisca Velasquez tin un fobia pa e 8 añanan di gobernacion di MEP y siman pasa nan a demostra esaki ora cu nan a toca e asunto di maneho di husticia cu a wordo hiba durante Gabinete Oduber. Aki un biaha mas nos por a scucha e mesun disco raya di semper, esta cu Gabinete Oduber y MEP tabata contra e Cuerpo

Policial, cu MEP tabata tin rabia contra miembronan di e cuerpo aki, cu MEP a laga kita autoridad di nan, cu MEP a purba kibra nos Cuerpo Policial pa medio di saca diferente departamento for di e cuerpo aki, cu gobierno di MEP no a inverti den e cuerpo aki, cu MEP a arma hopi hende cu antecedente dudoso, cu MEP no kier a renoba e School pa Polis y un cantidad di soketada mas. Sinembargo nada di locual

cu a ser treci padilanti pa partido AVP no ta cuadra cu berdad, ya cu Gabinete Oduber semper den forma convincente a duna respet na Cuerpo Policial y a inverti grandemente cu compra di material, construccion di wardanan di polis nobo, cursonan etc. Siguientemente algun di e logronan aki: 1. Construccion di Warda di Polis na Noord. 2. Construccion di Centro di Husticia y Warda di Polis na Santa Cruz. 3. Helicopter pa Aruba. 4. Lease di Radarnan di

Raytheon pa combati ilegalidad. 5. Compra di motocicletanan Harley Davidson pa Cuerpo Policial. 6. Institucion di Guarda Nos Costa. 7. Institucion di Flexi-team y Arrestatieteam. 8. Lease di autonan nobo SUV pa polis. 9. Compra di Pickupnan special pa e polisnan di bario. 10. Institucion di polisnan di bario (barioregisseurs). 11. Camaranan infrared (Nightvisors) pa Guarda Nos Costa, Cuerpo Policial y Douane. 12. Renovacion completo di School pa Polis. 13. Compra di sistema automatiza di informacion ‘Base pa departamento di recherche’. 14. Compra di sistema automatiza pa registra fingerprints (AFIX tracker). 15. Institucion di Visibility teams pa Hi-Rise, Lo-Rise Hotels, Centro di Playa y San Nicolas.16. Leergang Leidinggevenden op Operationeel niveau – Polititiële bedrijfsvoering. 17. Opleidingen: Management Technieken

pa Cuerpo Policial. 18. Opleidingen: Persoonlijk leiderschap. 19. Compra di Software Decos Web Edition. 20. Compra di mobilario pa Polis y aparatonan special pa TOHD. 21. Compra di boto nobo pa Maritiem Politie. 22. Proyecto di Radex pa Inmigracion na Aeropuerto. 23. Estudio Plan di educacion pa personal administativo/ tecnico pa Cuerpo Policial. 24. Profesionalizacion di huristanan den aparato publico. Esakinan ta un parti chikito di tur e inversionnan cu Gabinete Oduber a haci den Cuerpo Policial. Hecho ta cu tur e cuerponan nobo cu a ser lanta, siguramente a haci un bon trabao. Tambe bao di Gabinete Oduber permiso di arma tabata ser controla cu hopi mas exigencia, esta mester tin certificado di bon conducta, examen sicologico y tambe si bo ta conoci pa husticia bo NO ta yega na remarke. Esaki contrario bao di

Gabinete Eman, caminda no tabata tin ningun exigencia. Ta pesey mes nos por a mira con criminalidad, ladronicia y atraco a ser reduci drasticamente durante e 8 añanan di Gabinete Oduber. Awe pueblo mes ta testigo con bao Gabinete Eman nos pais den e ultimo lunanan ta wordo azota pa ladronicia den cas y negoshi y riba turista, atraco cu arma di candela, criminalidad, hortamento di auto, ilegalidad y violencia. Nos mester conclui cu e gobierno actual di AVP no ta haciendo net nada pa frena tur e desaroyonan negativo aki. Alavez pueblo no mester lubida con e gobierno actual di AVP a percura pa boycotea algun di e logronan grandi di Gabinete Oduber, manera entre otro eliminacion di Guarda Nos Costa, eliminacion di e radarnan di Raytheon, e recien eliminacion di e Visibility Teams, e proyecto Radex pa Inmigracion y cual boycot a crea posibilidad pa yena e pais aki cu miles di ilegalnan y kendenan tambe a toca parti den tur e ladronicia y criminalidad cu ta azotando nos pais actualmente. Eliminando Guarda Nos Costa, e radarnan y Visibility Teams, Gabinete Eman a converti su mes den e tata spiritual di ilegalidad y tur otro fechoria aki na Aruba.

AVP a percura pa elimina Guarda Nos Costa, radarnan y Visbility Teams!

Gabinete Mike Eman ta e tata spiritual di tur clase di ilegalidad y fechoria den e pais aki


STA. CRUZ -- Despues di hopi aña di trabao y preparacion, nos artistanan local awor por mira atras na un logro importante den nan carera. Pa prome vez, tres museo masha popular na New York ta dedica un exhibicion na Caribe, den cual Aruba tambe ta participando. Minister Michelle Hooyboer-Winklaar a bishita e exhibicion y a topa cu e artistanan pa personalmente felicita nan pa esaki. “Caribbean Crossroads of the World” a cuminsa desde dia 12 di Juni y cu ta sigui te cu dia 6 di

Januari 2013 den “El Museo del Barrio”, “Queens Museum of Art” y den “The Studio Museum of Harlem” na New York. Mester menciona cu e exhibicion na The Studio Museum in Harlem lo termina dia 21 di Oktober 2012. E exhibicion aki ta consisti di riba 500 trabao di arte durante e ultimo 400 añanan, enfatizando e relacion entre Caribe y Merca. A pone hopi enfasis riba e contribucionnan regional di identidad y pertenencianan. Mas ainda den e exhibicion ta ilumina ideologianan, comercio,

cultura, politica y cultura popular di henter Caribe, pues tambe di paisnan cu ta na costa di Caribe manera Miami, Venezuela, Colombia, etc. ‘Caribbean Crossroads of the World’ ta contene mas cu solamente exhibicion. E ta bin compaña cu eventonan special, programanan educacional y tayernan pa studiante. Tin asina tanto atencion riba e exhibicion aki cu The New York Times

a skirbi un articulo masha extenso y bunita di dje. “Mi ta hopi orguyoso di cu den e 379 artistanan participando na e exhibicion aki, cu tin algun Arubiano tambe. Nos ta demostra aki cu nos artistanan ta na nivel mundial”, asina Minister Michelle Hooyboer-Winklaar a enfatiza. E mandatario ta mira atras riba un logro importante, pasobra for di 2 aña pasa a bishita El Museo

del Barrio y a haci hopi trabao pa finalmente alcanza e meta. Riba e fotonan adhunto por aprecia momento cu Minister Michelle Hooyboer-Winklaar tabata di bishita na Museo del Barrio hunto cu algun invitado di Aruba y cu nos artistanan local. E ta yena nos tur cu masha orguyo pa mira con “Aruba” ta briya na New York den e exhibicionnan di arte di Caribe.

Den exposicion “Caribbean crossroads of the world”

ARUBA BRIYANDO NA NEW YORKMinister Michelle Winklaar orguyoso di nos artistanan local


☎ 585-9500

PUEBLO A HAÑA SU PEN BEK

Pa kualkier [email protected]

of

STA. CRUZ -- Aruba Bank ta invita comunidad di Aruba pa cuminsa spaar, sea ta pa un vakantie, estudio di nan yiu, pa haci un soño realidad of hasta pa futuro mantencion di nan cas, esaki ta un bon oportunidad pa habri un cuenta di spaar. Acudi na Aruba Bank su ‘Dia di Spar’ dia 26 di Juni,

cuminsando for di 6’or di atardi pa 9’or di anochi na Aruba Bank Camacuri y haya tur informacion y conseho necesario tocante spaarmento. Nos empleadonan lo ta presente pa duna bo e mihor conseho tocante productonan di spaar y cual ta pas mihor cu bo situacion, necesidad

y deseonan personal pa spaarmento. Aruba Bank ta ofreciendo solamente durante e ‘Dia di Spar’ un “Time Deposit” di Awg 1000 cu e interes mas halto obtenibel riba mercado. Ademas solamente pa e evento di Dia di Spar, Aruba Bank tin un regalo special pa tur mucha cu habri un “Cuenta ABC” riba e dia aki. Tur mucha lo ricibi Awg 25 como regalo riba nan “Cuenta ABC” como un incentivo pa sigui spaar pa nan futuro y automaticamente ta participa na un rifa pa Awg 1000 ariba nan “Cuenta ABC”. Aruba Bank tin diferente otro productonan di spaar, manera “Mi Prome Cuenta”, “Cuenta di Spar regular”, “Cuenta Sabi”, “AB Sam”, “Save the Change” y mas. Pa facilita e proceso pa habri un cuenta di spaar, Aruba Bank ta pidi tur interesado pa trece e siguiente documentonan: un ID valido, e documento di registro civil y un recibo di utilidad. Ademas pa habri un cuenta pa un menor di edad, mester trece un “geboorte akte” di e mucha of e “trouwboek” di mayornan. Lo tin Kids Corner, entretenimento y un treat special pa tur presente. Pa mas informacion, tuma contacto cu e Call Center di Aruba Bank na 527 7700.

Aruba Bank ta anuncia

”Dia di Spar”, dia 26 di Juni proximo

SUB: Prepara pa mañan, cuminsa spaar awe!

STA. CRUZ -- Diasabra madruga ladronnan a purba horta un porta di cura di aluminium di un cas na Sabana Liber. Ora e doño a ripara cu e falta su porta di cura, el’a yama polis. Na yegada polisnan a nota berdad cu ladronnan a kita e porta di cura di e cas y nan a lastra e porta bay cune. E polisnan a mira e rastronan riba e tera. Nan a sigui esaki y a bin haya e porta di cura otro banda di

caminda. Aparentemente e malhechornan a kita e porta y a lague otro banda di caminda. Problablemente nan lo a ser stroba door di otro hende of nan lo a lague ey banda pa bin bek buske. Pero e biaha aki nan tabata laat. Polis a haye prome cu nan. Segun e doño di cas, el’a nota un auto sospechoso banda di su cas y el’a nota datos di e auto y a entregue na polis.

Na Sabana Liber:

Ladronnan te hasta porta di cura nan ta

horta awor!


STA. CRUZ -- Durante henter e siman aki Digicel Aruba hunto cu Aruba International Film Festival a organiza sesionnan cu varios school MAVO di SKOA cu a presencia un pelicula documentario di Caribe. Digicel ta un co-sponsor orguyoso di AIFF 2012 y nan a scoge conscientemente pa no inverti den e artistanan grandi, pero den educacion y futuro di nos hobennan. Un gesto cu sigur ta masha aprecia mes pa tur e hobennan. E ’96 Hours Film lab” tambe ta otro programa cu Digicel ta haci posibel pa nos hobennan. “Digicel a haci posibel pa 3 mil studiante por cera conoci cu pelicula, no esunnan tradicional di Hollywood, unda cu tin e artistanan conoci, pero cu esunnan di tipo documentario, cu ta hopi educactivo y diferente. Loke ta mas importante

pa nos como compania, ta pa haya e feedback di nos hobennan tocante e tipo di peliculanan cu nan a mira”, asina Remko van der Veldt, gerente general di Digicel Aruba a expresa. Digicel Aruba ta invita tur hoben cu ta desea di participa na e ’96 Hours Film Lab”, manda nan

motivacion por escrito, dicon e ta e perfecto studiante pa participa na dicho curso. Esaki ta un oportunidad perfecto pa e hobennan cu ta interesa den arte di cine, descubri y expande nan conocemento den e proceso di crea pelicula. Dia 22 di Juni, e lesnan ta cuminsa y

lo tin e orario di 9’or di mainta pa 2:30 di merdia, cu 1 ora di lunch-break, pues 4 ora diario di les. E studiantenan mester prepara y ehecuta e tareanan asigna tur dia. E lugar lo ta den ballroom di Hyatt Regency Hotel, situa na Palm Beach. E curso di ’96 Hours Film Lab’ di AIFF ta cubri siete dia intensivo di estudio practico den produccion di pelicula, cu lo finaliza cu un tremendo presentacion di proyecto final riba e screen grandi na Paseo Herencia, como un evento glamoroso. E studiantenan por scoge entre produccion di video, dedica na e planificación, shooting y editing di e proyectonan di video, skirbi pa un pelicula, cu lo cubri e dialogo, contenido y actuacion di e pelicula y cu lo cubri diferente elemento di prestacion. E personanan encarga pa duna e lesnan di AIFF Film Lab lo ta un grupo

excepcional di educador di arte di Merca. Nan lo usa e sistema di acercamento di ‘team teaching’, cada un specializa den un specialidad particular, mientras ta contribui na e educacion total. Ta trata di Darrell Wilson, Video Production – Maureen Heffernan, Script Writing – Daniel Heffernan, Acting for Film. Cada un tin un amplio experiencia den e mundo di cine y arte y ta cla pa comparti esaki cu nos hobennan. Pues tuma esaki como e prome paso den bo futuro estudio den cine y arte cu Digicel ta brinda y inscribi awe mes pa bo ta den e 60 participantenan. Por manda e aplicacionnan na [email protected] y ultimo dia pa inscribi ta diarazon 20 di Juni, 5’or di atardi. Digicel lo informa e ganadornan riba diahuebs 21 di Juni, prome cu 2’or di merdia.

DIGICEL TA REGALA 60 TICKET PA E CURSO DI ‘96 HOURS FILM LAB’.

E red mas grandi, mihor, mas liher ta sigui sostene arte


Apreciable Lector,Permiti nos un tiki di bo tempo y contesta e preguntanan riba e site menciona

pa asina nos por mehora nos servicionan: www.thesistools.com/boletinextra

Danki di antemano, Gerencia.

STA. CRUZ -- Den ultimo conferencia di prensa di drs. Booshi WEver, (diahuebs 14/6/’12) el’a comenta – den algun caso pa di X-biaha – riba accion- y procedimentonan di e gobierno aki, cu lo por tin consecuencianan super-serio y super-desastroso, tanto pa nos pais, como muy en particular pa nos pueblo.

Tocante cambionan oportunista den LTU (areglonan nobo di permiso di estadia: “Mi no por cansa di mustra riba e enbergadura di e cambionan drastico cu e gobierno aki kier trece den e ley di admision (LTU), esaki cu bista riba e consecuencianan serio pa nos comunidad local!E cambionan den e LTU sin duda lo tin nan efecto inmediato y directo riba e taza di desempleo, pasobra e lo habri e caminda pa “cheap labor”, ya cu e comerciante/patron lo prefera di emplea e inmigrante nobo cu un salario minimo (of hasta menos!) prome cu e considera e local cu ya lo no bay di acuerdo cu un limosna. Indudablemente e hecho cu eleccion ta acercando rapidamente, a contribui na e intervencion aki, pasobra kier complace cu esnan cu ya por vota,

pa nan por trece nan famia Aruba of legaliza un familiar cu a permanece ilegal aki na Aruba.

Lagando un banda e inmigrante cu kier bin busca un pan na un manera honesto, e portanan ta wordo hancho habrí tambe pa e stranhero cu un posibel pasado criminal of cu un maleza cronico of contagioso. E inmigrante cu ta drenta Aruba awor, NO ta wordo controla ni riba salud, ni riba su pasado! Contrario na e situacion aki, mi maneho anterior tabata exigi entre otro e screening di e stranhero riba su salud y su historial. Con leu e maneho nobo y descabeya aki por hiba nos, ta wordo ilustra cu lo siguiente: 1. Segun informacion, na hospital tin por lo menos un stranhero interná cu open tbc, pasobra Mike a nenga di laga saké for di Aruba! 2. Di acuerdo cu informacion, e tiroteo dilanti Parlamento tabata envolví personanan cu a sinta na KIA, cu un pasado criminal, pero cu tabata cana libremente riba nos pais, y tabata a punto di haya permiso! 3. Di acuerdo cu informacion, algun tempo pasá tabatin 5 stranhero (Venezolano) cu na airport a wordo atrapá cu paspoortnan falsificá, a wordo detení, pa casi inmediatamente despues

“van hogerop” bini ordo pa laganan bay! Ora minister Sevinger ta bisa cu lo bay aplica e cambionan proponí den e LTU, anticipando (“vooruitlopend op”) aprobacion di Parlamento, de facto e ta comete un acto castigabel, pasobra e ta actua contra un ley ainda existente, cu ta aplicabel for di aña 2006. Dicon Ministerio Publico no ta actua, mescos e tempo cu mi a firma un carta hunto cu ex - colega Swaen, pa kita e prohibicion di pisca cu scopet di lama? Un di e consecuencianan di e cambionan aki y e maneho anti-Arubano di e gobierno aki ta, cu lo hiba e pueblo aki na un segregacion, cu por tin consecuencianan grave pa nos comunidad; un segregacion cu Gilberto François – Betico – Croes, d.f.m., a bringa semper pa logra un pueblo uní. Aki por corda e palabranan di presidente Obama, cu na su pais e NO kier

“Latin-Americans”, ni “Afro-Americans”, ni “Indian-Americans”, pero solamente “Americans”, condenando asina e fenomeno di segregacion. Asina tambe na Aruba nos NO por permiti segregacion den ciudadanonan Latino, ciudadanonan Chines, ciudadanonan Portugues, etc., pero mester yega finalmente na UN SOCIEDAD ARUBANO! Unda na mundo henter gobiernonan ta trata di regla y baha entrada di inmigrantenan, pa proteccion di su propio pueblo, e gobierno aki ta habri porta pa tur stranhero, sin screening ni riba salud, ni riba historial (posibel pasado criminal), y ta legaliza estadia ilegal di stranheronan. E gobierno aki por tuma un ehempel na nos hermana isla Corsou na unda ya tin den preparacion un ley pa mara empleo na un proporcion di 80-20, unda personal di empresanan mester consisti di 80% di local, y maximal 20% di stranheronan; asina ey pues e fluho di stranhero por ser regla facilmente.

Mi a bolbe mustra riba e hecho cu DIMAS tin e instruccion pa NO saca ningun "afwijzing" mas, pero cu esakinan mester bay den e kamber di e marioneta un

tal Khan, kende ta cambia esakinan pa e cliente haya su permiso “alsnog”!

E otro marioneta den DIMAS, un tal Wever (absolutamente NO ta famia di mi!), kende ta colabora cu Khan den su manipulacionnan, mientras tanto – segun informacion - a wordo recompensa pa su colaboracion y a ser promoví for di schaal 6 pa schaal 9, cu forza retro-activo for di 2009. Algo cu NO ta permití, pasobra “bo NO por bula schaal”. Por lo menos, esaki tabata e excuus pakico, den mi periodo como minister, e bevordering a wordo nenga na e ex-waarnemend directrice di DIMAS! Ta mi intencion pa haci pregunta riba e promocion di e tal Wever, di kende e funcion pa colmo ta un asina yamá carrière-funktie, den cua lo bo por haya promocion solamente “stapsgewijs”, pues bulamento di schaal ta absolutamente imposibel! Mi kier haci un yamada urgente na pueblo di Aruba, no importa bo color politico, ni raza, ni religion, pa presenta den tribune di Parlamento, ora cu e reunion pa trata e cambionan den LTU, tuma lugar, y pa protesta energicamente contra e intencionnan di minister Sevinger, cu lo tin consecuencianan severo pa henter nos comunidad.

Drs. Booshi Wever, Parlamentario Ciudadano:

AVISO SERIO NA NOS COMUNIDAD PA CONSECUENCIA DI CAMBIONAN DEN LTU

MOTIBO PA PREOCUPACION, CU TA DEMANDA PA PUEBLO LANTA ARIBA!!


14K - 58,00 Fls.

18K - 73,00 Fls.

For RentComercial space

Den Centro Comercial Noord

65 M2 facing the main Road Available in May

Call 730-7000 for more information

Durante 3 aña largo caba nos pueblo ta scucha discursonan bunita y elocuente di nos promer minister Mike Eman, Hopi Conferenica berde y di tur otro color, un cantidad di show y fiesta, Sponsoring na granel di hendenan di afor pero pa e pueblo mes nada! Despues cu a priminti y gaña pueblo den campaña na 2009 cu lo reduci prijs di awa, coriente y gasoline from ‘day one’ y cu a priminti despues di 2 aña e pueblo lo a haya un reduccion di 70% di prijsnan di coriente y awa! Hasta e BBO a wordo demoniza y cu lo elimina esaki completo pa pueblo por hala rosea y biba trankil! Casi 3 aña bibando den e engaño di partido AVP y Mike Eman pueblo awe ta biba mas horca cu nunca! No falta mucho pa pueblo biba na borde di desesperacion! Esaki mientras cu gobierno ta sigui fia placa pa wanta cabez ariba awa y sin perspectiva pa un mehoracion a corto plazo! E gobierno aki lo skirbi historia den biaha, fiesta y derocha placa ariba custia y cuenta di futuro generacion! E debe di mas di 3 biyon cu nos isla tin grandemente tin faam y nomber! Partido AVP den gobierno! Esey ta e unico cos cu nan por haci bon! Haci debe y mas debe! No ta un arte pa fia placa toch si bo no ta worry ken ta pague! E maneho desastroso

di gobierno no ta laga mucho espectativa y espacio financiero manehabel pa futuro gobiernonan! Un maneho financiero desastroso! Desempleo haltisimo! Yiunan di tera neglisha! No tin un maneho economico coherente y un minister di asuntonan economico cu tey pa ‘spek en bonen’! Despues di 3 aña no por a haci nada ariba tereno economico y parce cu ki ora e sa cu tin un conferencia cu e por bay e ta zorg pa e wordo invita pa e no mester ta na Aruba. Nada di maneho y mas aun e gabinete Mike Eman no ta involvi e minister aki den nada! Refineria Valero ta un pilar economico importante di nos isla despues di turismo! Ki dia el’a tuma parti den negociacion cu venta y re-apertura di Valero! Never! E otro pilar economico ta di Minister Otmar y nunca el’a wordo envolvi den nada pa loke ta maneho di turismo. Di Cultura e no ta comprende nada y ta su coordinadornan ta fiha e poco maneho ariba cultura pe! Den e otro cartera cu ta Sociale Zaken tin informacion clave cu ta Mike himself, esta promer Minister, ta wheal and deal eyden! In en in triest cu e gobierno aki! Na promer minister Mike Eman, Parlamentarionan di AVP cu ta practica fanatismo politico den Parlamento y

otro coordinadornan cu ta yama radio stop di gaba cu e reparatietoeslag! By now el’a verdamp caba di tanto medida cu a wordo poni ariba lomba di e clase trahador e ultimo 2 añanan aki. Gobierno di AVP, Mike Eman cu gremionan den Dialogo Social a aumenta e prima di AZV, E base di cobra e premie AOV a aumenta, No a adapta of indexeer e tarifa di belasting e ultimo 2 añanan aki! Ariba dje pa esnan cu a resta algo toch di e 75 florin di reparatietoeslag cu nan a haya e Areglo di pensioen general mal traha a come e resto. Corda esnan cu a haya e regalo di reparatietoeslag di 50 of 30 florin. Ta den corra nan a bay, si nan no a haya aumento di salario e ultimo 2 añanan cu a pasa! Kier meen na e altura aki e reparatietoeslag no ta un issue politico mas pasobra esnan cu a haye di un banda a waak con gobierno di AVP a bira kite bek cu e otro man! Pueblo ta pidi despues di casi 3 aña di gobierno di AVP pa promer minister Mike Eman y otro Ministernan baha man y stop cu Show, entretenimiento, biaha, conferencia y stop di fia placa y fiesta cu placa di pueblo! Cuminsa pensa ariba e progreso di pueblo y su futuro!

Militancia di MEP

Opinion PublicoDespues di casi 3 aña di puro show y entrenimiento di AVP!

Pais Aruba no a conoce progreso y nos debe a sigui crece!

STA. CRUZ -- Diasabra madruga Polis di Santa Cruz a wordo informa cu riba e caminda di Sero Pita un homber a drumi den auto, mey mey caminda na yegada

di patruya a bin topa cu e Chevrolet cendi y e homber wayout den auto, cu su cerbez na banda. A lanta e homber y a dune un kamber gratis. Polis a bay cu e auto tambe.

Na Sero Pita:Homber burachi drumi den su auto mey mey caminda


DONDERDAG 5 juli 2012

Krachtens artikel 3:268 van het Burgerlijk Wetboek van Aruba juncto artikel 68 Overgangswet


DONDERDAG 5 juli 2012


STA. CRUZ -- Diahuebs personal di Scol Caiquetio a participa na Ronde van Aruba, bao encargo di Bureausport Marinier Kazerne. E maestronan a para di madruga te cu mainta na un post. Bureausport a scoge Scol Caiquetio pa regala e school material pa gym. Esaki tabata posibel cu e placa cu nan a colecta dia di Ronde van Aruba. Alumnonan y maestronan di Scol Caiquetio a keda hopi agradecido cu e gesto aki.

Scol Caiquetio a ricibi material pa gym



STA. CRUZ -- Diadomingo atardi a tuma lugar e wega tan spera pa tanto fanaticonan di Portugal como esnan di Hulanda, cual wega tabata valido pa Copa Europa 2012.

Fanaticonan di Hulanda sigur tabata carga speranza cu un victoria di 2 gol di diferencia

y si Alemania gana Dinamarca, nan lo a pasa pa e siguiente vuelta di Copa Europa 2012.

E soño Hulandes pa clasifica pa e siguiente vuelta a cuminsa super bon, ora cu na di 11 minuut, Rafael Van Der Vaart ta haya un tremendo pase y ta kita e defensa for di su curpa y

cu un tiro fuerte den skina ta pone Hulanda ariba cu score di 1-0.

Pero despues di e gol aki, ekipo di Portugal a tuma rienda di e wega aki por completo, y tabata presiona constant dilanti gol di Hulanda.

Tabata na di 28 minuut, Cristiano Ronaldo ta empata e score 1-1 cu un bunita gol cu a bin producto di bon

combinacion.

Asina tambe prome mitar a bay aden empata 1-1.

Den di dos mitar, por a mira Portugal cu mihor dominio di bala y sigur mas determina pa gana e wega aki.

Tabata na di 74 minuut, Cristiano Ronaldo un biaha mas despues di un bunita combinacion ta manda ekipo di Portugal ariba cu score di 2-1.

Asina tambe e wega a termina cu score di 2-1 na fabor di Portugal, caminda

cu e victoria aki ta clasifica automaticamente na di dos lugar pa e siguiente buelta.

Den e otro wega, Alemania ta gana Dinamarca cu score di 2-1 y ta mantene su record perfecto y ta clasifica cu 9 punto na prome lugar.

Pa e seleccion Hulandes, sub campeon dim undo na 2010, sigur un desepcion total, ta wordo elimina sin gana un wega y 0 punto na di ultimo lugar den nan poule B.

Portugal ta gana Hulanda 2-1 y ta pasa pa e siguiente vuelta, mientras cu Hulanda ta paketa maleta


STA. CRUZ -- E Federacion Arubano di ciclismo Aruba Wieler Bond (AWB) ta anuncia cu Pos Chikito y Paradera lo ta e dos districtonan cu lo ta e sede pa Campeonato Nacional di ciclismo di ruta dia 23 y 24 Juni, cual organización lo ta na encargo di AWB. E torneo nacional ta dirigi pa categorianan juvenil y adulto, di cual e pedalistanan durante dos dia di competencia lo busca pa saca e mayor ventaha posible pa corona nan mes como campeón. Inscripcion lo ta habri pa categorianan Kids Cat.II te Cat. IV, y adulto Elite, Sub-Master, Master, Junior, Pre-Junior, Damas y Jr. Damas.

Diasabra 23 Juni 2012 pa 7or di mainta e campeonato ta cuminsa cu e prueba individual contra oloshi (time trial), cu lo desaroya riba e caretera principal di crusada di Mahuma pa rotonde di Pos Chikito. En total e ciclistanan lo core un distancia di 36 kilometer pa categoría Elite, pa categoría Sub-Master 27 kilometer, pa categoría Junior, Pre-Junior, Master y Damas 18 kilometer y categoría di Kids ta core un distancia adapta.E dia siguiente diadomingo 24 juni 2012, e prueba di ruta, ta inicia 7’or di mainta riba e caretera den cercania di Bloemond, Babijn, Mara Wiel, Matividiri,

Ayo y regresando bek pa Bloemond. Inscripcion pa e careda aki ta posibel riba diahuebs 21 Juni 2012 entre 7 y 8:30 pm na Parke Curazon Jaburibari. Costo di inscripcion ta Awg. 10,00 pa miembro di AWB y Awg. 15,00 pa tur otro participante.

Nos ta pidi tur automobilista pa tene cuenta cu nos ciclistanan riba caminda kende lo ta den competencia d i a s a b r a , diadomingo 23 y 24 Juni 2012 y pa e publico general, tira bista riba caminda y disfruta di nos ciclistanan riba ruta.

Si bo ta desea mas información di e evento aki, por manda un e-mail na [email protected] of por yama na 6-900-400.

Aruba Wieler Bond ta anuncia careda Campeonato Nacional

Ruta pa tur categoriaSTA. CRUZ -- Comite Olimpico Arubano ( COA ), su Direccion Desaroyo, ta presenta dia 23 di juni proximo un workshop “ Performance Plan: Tips and Tricks “. COA ta convenci cu e workshop aki indudablemene lo significa otro contribucion positivo na desaroyo general di nos federacionnan deportivo. Den e workshop, presenta pa expertonan riba e materia, nos lo bay trata den un forma practico dos elemento basico durante creacion di un plan. 1. Establece bo plan di action/maneho. E topico aki ta wordo presenta pa sr. Roy Mezas den su calidad como Project Manager. 2. Importancia di un manpower plan ( Potholes and Successes ). sr. Greg Peterson, Advisor, lo ta e persona encarga cu e parti aki. E workshop aki ta diseña pa dirigentenan di e Federacionnan deportivo afilia na Comite Olimpico Arubano hunto cu un of dos miembro di nan staff tecnico y mester wordo mira como resultado di un serie di encuentronan ultimamente teni entre COA y dicho dirigentenan.Den e workshop nos lo bai den detaye riba e importancia di un plan di

maneho basa riba algun principionan elemental: Specifico, Medible, Alcansable, Realistico y mara na Tempo .Despues di e presentacion di sr. Mezas y sr. Peterson e dirigentenan lo haya un tarea practico y alcaso cual nan lo bay ehecuta den equipo. Durante ehecucion di e tarea aki, nan por pidi asistencia di un grupo di experto riba diferente area cu lo ta presente. Entre otro nos lo conta cu expertonan riba e tereno Tecnico Deportivo, Finansas, Legal, Comunicacion, Voluntarismo , Medico y Olympic Solidarity.Comite Olimpico Arubano ta extende un palabra di gradicimento na tur e expertonan di e diferente areanan cu a haci nan ora disponibel pa asisti nos durante di e workshop aki.Finalmente nos ta conta cu presencia di tur e miembronan di directiva di e Federacionnan afilia, hunto cu un of dos miembro di nan staff tecnico, pa ta participa na e workshop.Pa mas informacion por tuma contact cu oficina di Comite Olimpico Arubano na telefon 5820031 durante oranan di oficina.

WORKSHOP PERFORMANCE PLAN:

TIPS AND TRICKS


STA. CRUZ -- Aruba Softball Bond trahando duro riba nivel di su seleccion femenino den pleno preparacion pa un competencia di cualificacion na November proximo na e isla di Belize. Den cuadro di esaki Aruba Softball Bond a ricibi un College Team USA Athletics kendenan a yega Aruba dialuna siman pasa y a permanece 1 siman na Aruba pa asina fogea contra e seleccion femenino di Aruba. Seleccion di Aruba a hunga un total di 4 wega contra USA Athletics y por bisa cu nan a bringa y a hunga hopi bon. Finalmente a splits e serie di 4 partido na dos. Pues dos gana y dos perdi. E promer wega Aruba a gana 11-5 batiendo sublime. Aunke mester menciona cu e pitcher di USA a baha bastante fuerte pa home. Di dos partido USA ta gana 11-9. Den di 3 partido diabierna anochi USA ta tuma ventaha ganando cu score di 7-6 den un tremendo partido. Aruba sinembargo diasabra anochi ta gana USA 7-5. Aruba 7 careda, 7 hit, 1 eror. USA Atletics:

5 careda, 7 hit, 3 eror. Rudlyn Ras kende a drenta pa releva Shardea Croes den di 3 entrada, ta gana e partido mientras cu Alysha Bixler ta bay hotel bek cu e derota. Pa seleccion di Aruba a destaca na bate Riangela Flanegin y Carienne Brete di 4-2, Jennifer Chirino di 2-1. Pa USA Athletics a luci na plato e shortsop Jane Alexander di 4-3 y Samantha Smith di 2-1. E College Team USA Athletics lo bandona Aruba diadomingo mientras cu dialuna ta yegando for di USA di bishita cerca ASB un otro equipo di College kendenan lo hunga 4 partido mas contra nos seleccion. Diamars y Diarazon pa 6:00pm e promer dos weganan lo inicia na Kudawecha y lo continua Diabierna y Diasabra 6:00pm tambe na Kudawecha. Diadomingo 24 di Juni pa 4:00pm seleccion di ASB lo tin un wega di fogeo contra seleccion Little League South League na veld di Mabon. Pues nos seleccion femenino trahando duro pa asina por representa Aruba debidamente.

Resultado di softball Aruba vs USA:

Seleccion di Aruba ta perde cu USA Atletics 7-6 y ta

gana USA Atletics 7-5 su dia siguiente

A splits e serie na dos

STA. CRUZ -- Johnson's Enterprises un empresa ku ta existi pa hopi aña caba na Aruba y cu no mester di introduccion a haci nos orguyo Shanayah su soño bira realidad. Desde cu Johnson's Enterprises ta formando parti di Shanayah su gran logronan, Sr Ian Lejuez gerente di Johnson's Enterprises a priminti di yuda Shanayah bay te top den su deporte. Algun aña atras Johnson's Enterprise a construi un pista chiquito den Colony, pa asina Shanayah por a train su tecnicanan necesario pa por ta riba nivel internacional. Vooral na momentonan cu e mester a representa su pais Aruba na Mundial di BMX. Awor na aña 2012 Sr. Ian Lejuez a cuminsa ku e construccion di un pista grandi cu lo bira porcierto tambe un pista internacional. E pista encuestion aki ta situa San Nicolaas. Johnson Enterprises a inverti alrededor di 35 mil florin caba den e pista aki cu ainda falta algun detaye pa ta un pista completamente cla. E pista aki, dedica na Shanayah ta haci un cos caba na San

Nicolas. Tur atardi por mira masha hopi mucha mes ariba e pista aki practikando e deporte di BMX. Muchanan ta sumamente feliz cu e pista encuestion. Alavez tambe esaki lo ta e veld oficial di "Die Hard Racing Team" cu por cierto ta un team cu Shanayah y Freddy Flanders a funda na aña 2011."Die Hard racing team" ta un team di BMX ku ta consisti di alrededor di 50 mucha biba na San Nicolas y otro distrcto pariba di brug. Asina aki sigur sigur Johnson's Enterprises ta tene nos hobenan bezig cu algo sano y for di ariba caya.Gil y Ryan di Johnson's Enterprises ta e dos personanan cu ta encarga cu construccion di e pista aki y ta traha

incansabelmente ariba dje. Tambe mester mensiona cu sr. Randy Ras tambe a contribui engrande cu Shanayah pa cu e pista aki. Nos por a compronde cu Comision di Die Hard a acerca Gobierno tambe pa haci un peticion pa cu yudanza pa e pista pa cu algun detaye cu falta y ta en espera di un contesta cu hopi speranza pa cu esaki. Mirando cu e pista ta na bienestar di nos communidad y cu gobierno ta bezig cu e proyecto yama " Bo Bario". Comision Die Hard kier a gradici sra. Ivon Johnson y sr. Ian Lejuez di Johnson's Enterprises y tur trahador, Sr. Randy Ras, sra. Carmelita Haynes, Benito Werleman, Wema San Nicolas, Brandweer San Nicolas, tur trahador di Johnson's Enterprise cu a yuda di un forma of otro y tur persona cu tambe a duna un man riba e pista di BMX. Un pabien grandi ta bay pa Shanayah cu sigur sigur merece e regalo aki y pa Johnson's Enterprises cu e proyecto bunita aki cu asina ta yuda tene nos muchanan en especial di San Nicolas for di mal caminda.

JOHNSON'S ENTERPRISES TA HACI SHANAYAH HOWELL SU

SOÑO BIRA REALIDAD


STA. CRUZ -- Diferente artista ya a sali pa representa nan pais na e exposicion magno yama: Caribbean: Crossroads of the World. Aki mas di 325 artista di diferente decadanan di tempo ta presenta nan obra den El Museo del Barrio, Queens Museum of Art y na The Studio Museum in Harlem. Pa yega na un exposicion a organiza na diferente pais den Caribe exposicionan di arte caminda a escohe e artistanan cu mas a cay den e ramo di loke e curadornan di arte kier conta di e diversidad unico cu tin den Caribe. Hopi artista no a haya chens debi na e limitacion di espacio na e museonan. E curadornan a haye hopi dificil pa haci nan excohencia debi na e calidad interesante di arte di Caribe. No solamente artista

bibando den Caribe , sino tambe di e diaspora, e paisnan caminda hopi hende di Caribe ta biba manera Europa y Merca. Den e expo bo por mira e historia di Caribe tambe door di e wowonan di e exploradornan di añanan 1700 y 1800 cu tabata trece artistanan grafico y pintornan pa por demostra e paisahe y e hendenan di Caribe, incluyendo e indjanan di Caribe. Di Aruba tin un grupo interesante di artista cu a wordo invita pa representa Caribe Hulandes cu entre otro artistanan di Curaçao. Maske cu e representacion di Curaçao ta mas cu triple di Aruba toch a logra haya un representacion digno y diverso. E pintura perla den e expo ta di Toton Quandt, un di nos artista nan historico cu a explora arte y e estilo surrealistico. Artistico

Ciro Abath a presenta su obra yama "Disc" cu a dorna e entrada di e exposicion na El Museo del Barrio. "Disc" ta un disco di ceramica den color di lamina di oro den forma di glazuur cu ta trata e tema di intercambio fisico y spiritual importante cu tabata tin entre Europa, e paisnan Caribense y e mundo nobo. Fascinante ta cu Padu Lampe a wordo reconoce como un di e pioneronan di arte den su epoca caminda cu Padu tabata un di e promernan cu a representa Aruba na New York den su epoca. Awe nos por ta orguyoso, mas ainda, di por mire den Queens Museum of Art despues di tanto tempo atrobe. Osaira Muyale di Galeria Studio den Stadionweg tambe tin un instalacion di arte den El Museo del Barrio caminda cu e tin un obra di neon usando palabranan poetico pa discribi e parti humano importante di nos sociedad pa por compronde otro mihor y eleva nos mes asina. Artista Elvis Lopéz tambe ta representa Aruba na Queens Museum of Art. E hoben di e team ta Ryan Oduber cu a caba di yega bek for di Hulanda caminda cu e tabata tin e privilegio di a representa Aruba den e Caribisch expositie: "Who More Sci-Fi Than

Us" na museum de Kade na Amersfoort cu su obra "Kima Momo" cu ta consisti di un video potret di un cara yena cu mas di 4000 payette di carnaval. E video ta dura 4 minuut y mei. E obra aki a wordo estrena na Washington DC bow di e exposicion Micro Cosm di e curador Aruba Renwick Heronimo cu ayudo di entre otro UNOCA y Minister di Cultura Michelle Hooyboer Winklaar.

Kima Momo ta trata e tematica di machismo y con hundu e ta graba den nos cultura y con e ta afecta e sociedad. Rob ter Haar [Aruba/Hulanda] a presenta su video art cu ta trata e sentimentonan di e pasahero den su propio pais, esta Aruba y Hulanda. E artistanan cu a logra bin New York a wordo ricibi na e consulado general di Hulanda na Merca Rob de Vos y e consul voor pers en culturele zaken Mr. Arthur Kibbelaar caminda nan a elogia e perseverancia di e artistanan Arubano

y con bon nan ta wordo representa na Merca door di Minister plenipoteciario Jocelyne Heronimo-Croes na Washington DC.

Sra Heronimo-Croes na su banda a duna palabra di elogio na e artistanan y pone un vision interesante pa cu e futuro collaboracion di arte den Caribe y na Merca. Sr. Arthur Kibbelaar a discuti e posibilidadnan di unificacion di e artistana di Corsou cu di Aruba. Na e meet and greet tabata tei tambe Nicole Henriquez di Galeria Bloemhof, Corsou, Poppy Verboom di galleria Alma Blou na Corsou, historiadora di arte y curadora Jennifer Smit di Corsou. Consulado general a sera e meet and greet pa enfoca cu nan ta aki pa sirbi e artistanan si nan lo kier explora kico Merca / New York tin pa ofrece e Arubianonan como e capital prinicpal di arte.

Bishita di artistanan na exposición internacional di arte na New York City


Dokter y Botica na Warda pa bao di Brug:

Dokter y Botica na Warda pa riba di Brug:

Telefonnan importante:

BOTICANAN:Maria 585-8145 Di Servicio Noord 586-4606Seroe Preto 584-4833 Fergusonstraat 583-0620 Kibrahacha NV 582-2007 Oduber NV 582-1780 Paradera 588-6638 Santa Cruz 585-6890 San Lucas 584-4830 San Nicolas 584-5712 Santa Anna 586-0027 Trupiaal 582-8671 Eagle 587-9011 4 Centro Medico 584-5779 Aloe 584-4606 Central NV 585-1965 Dakota NV 588-7364 Del Pueblo 582-1253 POLIS:Oranjestad 100 San Nicolas 104 Sta. Cruz 105 Noord 107 Tip-line 11141 Brandweer/Ambulance 911 Guardacosta 913 Seguridad National 11911 Hospital 527-4000 Centro Medico 524-8833 Setar storing 117 Web Storing 525-4600 Elmar storing 523-7147 Agencia Funeral: The Olive Tree 584-8888 Ad Patres 584-2299 Aurora 588-6699 Mementomori 582-2222

Fundacion:Cas 584-2050 Fada 583-2999 F A V I 582-5051 Famia Planea 588-9591 Autismo Aruba 588-1179 Pa Hende Muherr 583-5400Pa Hubentud 588-6138 Bloedbank Aruba 587-4260 Solo di Pueblo 585-9500 Canal 22 585-9500 Tip pa redaccion 592-6895

Yama na Centro Medico

524-8833

Yama pa informacion na Horacio Oduber Hospital:

527-4000

GANA UN CAS CU SV ESTRELLA

Situa na Paradera Country Club

Sorteo ta hunga dia4 di September 2012

I ESTRELLA

387636269393

01-11-14-15-34 J:14 L:C

5912 802216912174 00701466 0463

16 Juni

618969699952

01-14-19-21-24

1564 303219663074 03753745 8241

17 Juni

1036

1794 Tauro

15043074

3745

8276 Piscis

4206

STA. CRUZ -- Campeonato baseball AA ta den full swing y Dialuna ultimo e equipo di Red Machine a bolbe subi tereno pa midi forza contra Valero. Por a tuma nota di un Red Machine cu a bin determina e anja aki ja cu e equipo a mustra bastante solido un vez mas e anochi aki. Red Machine ta start e partido aki cu Raul Guzman ariba monticulo. Guzman ta labora pa 5 inning completo e anochi aki y ta wordo releva pa Luis Roman cu ta completa e resto di partido ariba monticulo pa Red Machine. Siguramente por a wak un dominio completo pa ambos pitcher di Red Machine, ya cu Valero no ta logra score ni un careda e anochi aki. Ofensivamenta tambe Red Machine a bin bastante habri y los e anochi aki y ta logra score no menos cu 7 careda. Contribucion a bin for di cada un di

e bateadornan di Red Machine e anochi aki y siguramente por a wak un balance for di comienzo te final den e lineup di Red Machine pa cu 2012. Mas cu claro asina aki ya caba por mira un Red Machine cu a bin cu intencionnan serio e aña aki y mester tene bon cautela. Siguientemente Red Machine ta bay ta un vez mas ariba tereno Dialuna venidero (Juni 18, 2012). E anochi aki Red Machine ta bai ta topando e campeonnan di 2011 esta ATCO Indians. Siguramente un partido cu abo como bon fanatico di bon baseball no mag di perde. E partido aki ta priminti di bira un tremendo duele. Partido lo start pa exactamente 7:45pm na Stadion Crismo Angela / Nadi Croes aya na Santa Cruz. Red Machine lo bai ta en busca di nan di tres wega gana e anochi aki, pues lo bin a la carga... Chuuu Chuuu

Red Machine ta gana Valero den nan ultimo

partido y ta topando ATCO Indians siguientemente

awe dialuna den continuacion di Baseball

AA 2012


CLASIFICADO [email protected]

Bo mester trabao? Manda

bo anuncio

Auto, apartamento, cas, huur, pieza, manda bo

clasificado!

TrABAO? Bo ta buscando

trabao? E espacio aki por ta dibo. Manda nos bo anuncio di

bo specialidad of bo ramo di trabao cu bo number di contacto. Nos ta publike pabo. Solodipueblo@gmail.

com

TA BENDETERENO NA STA. CRUZ

TA BENDE TERENO BON UBICA NA

STA. CRUZNa Papilon, cerca di

caminda grandi. 622m2

Call: 730-7000TA huurWarehouse situa na

Sta. Cruz 280 m2

@ Afl. 25.00 p/m2.

Contact: ECrO

739-0101

FOR SALEBy owner, un

apartamento 2 kamber, baño, cushina y sala.

Tereno propio situa den vecindario di Hotel. Vraagprijs Afl. 125000.

Yama 7307000.

FOR RENTta huur un espacio

comercial na Sta. Cruz, dilanti Colegio San

Hose afl. 1750.00, na Sta. Cruz 36, ariba

caminda principal. Net pabao di Cilantro Grill.

Yama Ecro na 739-0101

FOR RENTCommercial Space na Noord 6 X 20 M2 =

120M2 Den mesun edificio di

Botica Noord Prijs atractivo

Yama 7307000

TA FurAORANGE MATRAS FABRIEK

TA FURA MATRAS Y BOX, SET DI SALA, TV CHAIR. NOS TA

TRAHA MATRAS Y BOX NOBO DEN TUR MIDI. PA MAS INFO YAMA TEL: 588-7468 - 569-8053. ADRES: OLIJFISTRAAT 23-D,

DAKOTA

vvTA BuSCAApartamento pa huur of pa cumpra1 kamber, cushina,

baño, porchDen bario di:Meiveld, Seru Biento,

Hooiberg, Cumaná,Papilon of Sta. Cruz

Yama: 5855688/5605613

BBQMR . WERNET B.B.Q TUR

DIADOMINGO SANTA MARTHA 20 / NET PABAO DI WEGENBOUW

11’OR TE CU 16’ OR ATARDI GALIÑA SPARIBS , BOONCHI ,

SALADA DI BATATA TEL : 7460800 HOLOOOOO !!!! LO BO BIN BEK

NA MR WERNET !!!

TA BuSCA

Un chauffeur pa core un tourbus mester ta: Serio den su trabao

confiabel domina idioma perfectamente

Amabel y jolly pa clientenan Sa historia di Aruba y of por duna

splicacion durante tour. Rijbewijs valido y

experencia pa core bus “drugs free” flexibel,si bo a baha cu pension y kier sigui traha no

problem. BON PAGO Y TIPS

Si e exigencia nan aki ta pas cubo pls tuma

contact 560-2533 pin 2808ED78

☎ 585-9500



of

URGENTE!!!TA BENDE TERENO Y TA

TRAHA CAS NA PARADERA COUNTRY CLUB. PA MAS INFORMACION YAMA TEL.

5944777

TA BUSCAMi tin mester di un trabao Trai merdia haci cas Limpi of strica paña ect Tel 560 92 52

BBQBBQ na Sede di MEP Diadomingo awor “Dia di Tata” BBQ ta na 11,- pa plato si asina mes y lo ta bay tin Filet pisca, Lomito, Pecho di galiña

tur riba Grill. Y nos ta habri di 10:30 di mainta, por yama na 5944659 pa pedido. Un felis Dia di Tata na tur

Tata.

TA BENDE1 Isuzu Dump Truck

- Diesel Prijs Afl; 1500,00. 1 Desk Prijs Afl:

75,00 Pa mas Informacion yama Tel: 563-2332.

TA BuSCAIndividual with 25+ years of

Quality Management skills,

College degree in and on the job training in the electro & electronic-,

management systems- fields,F&

B and more For info:

Call: 563-2332


STA. CRUZ -- Diasabra atardi Minister dr. Richard Visser hunto cu varios delegado di paisnan den nos region a renoba nan compromiso pa hunto combati obesidad di mucha. A firma un documento cu 9 punto di atencion cu Minister dr. Visser lo presenta luna venidero na Chile den un cumbre cu tur

Minister di Salud den e region lo ta presente. Conferencia PACO II a trece hopi informacion den diferente nivel rond mundo relaciona cu obesidad. Na Aruba e percentahe di muchanan cu tin obesidad ta bastante halto. Minister di salud y deporte dr. Richard Visser a trece e organizacion di

Pan American Health Organization (PAHO) Aruba pa hunto como un team atende e asunto di obesidad ampliamente pero cu e enfoke special riba obesidad di mucha. E meta ta pa traha hunto y haya solucionnan pa prevencion di obesidad na Aruba pero tambe rond mundo. Den e conferencia di PACO

a participa diferente profecionalnan for di El Salvador, Chile, Mexico, Argentina, Uruguay, Republica Dominicano y varios otro pais. Tambe corporacionan manera Coca Cola, Pepsi Cola, Nestle a forma parti di reunionnan di PACO. E reunionnan a cuminsa for di 11 di Juni y finaliza diasabra 16 di Juni. PACO a conta cu

presencia di senador di Chille, Minister di Salubridad Publico di El Salvador y tambe di isla ruman Corsou. Minister dr. Richard Visser ta contento cu e marcha di e reunion aki y di tur e informacion cu cada experto a comparti for di nan pais di origen cu sigur tambe tin obesidad entre nos muchanan como preocupacion

Minister dr. Richard Visser satisfecho cu e logro:

A FIRMA ACUERDO PA COMBATI OBESIDAD ENTRE PAISNAN MIEMBRO DI PAHO

Ta mira Aruba como un pionero den combatimento di obesidad infantil


Desde mucha chikito, Papa a sa di logra vence tur sorto di obstaculonan den bida. Pa despues na grandi logra vence tur 'un bida por completo' y tur biaha den Victoria cu Dios. Papa, Betrando Geerman, Papa Grandi of Colachi su "Presencia" pa su yiunan y generacion NUNCA el a faya! Como yiu, NO tin Palabra suficiente pa Gradici Papa pa tur loke el a "Representa" pa nos cu su 'Presencia'. Papa semper a sa di yena nos Alma cu Pasenshi, Perseverancia, Disciplina, Seguridad, Curashi, Respet y Balornan pa Bida cu ta virtudnan di un Tata cu Amor pa su yiunan, y siña nan crece pa bira homber y muhernan Balente, Firme cu Forza den Cara di Dios. Awe e.... Fe sin Limite cu Papa tin, nos tur, hasta su Generacion a HEREDA. Pasobra nos sa cu tin algo mas aya, algo mas cu nos NO ta mira, pero nos sa cu E tey. E Fe den Dios cu nos por logra tur cos cu nos kier, contal nos kere. Y asina Papa a biba semper, pesey e tin tur cos cu e mes a logra riba su mes hunto cu Dios cu tabata cu ne pa yude. Y loke el’a duna nos, na casnan: cuminda; paña; keiro cu nos, tempo nos tabata chikito. Hamas nos niun lo tin placa suficiente pa debolbe E AMOR cu Papa a inverti den nos. Y awe nos tur a HEREDA di Papa su Bendicion di Dios! Alabez nos tur ta gozando di un ... Fe sin Limite den Dios,manera esun di Papa. Danki Papa, mi ta stima Papa HOPI mes. Y Dios sigui bendiciona Papa te den tur eternidad.

Masha Pabien Papa pa Dia di Tata. God Bless.

Bertrando Geerman di Papilon:

Un homber di ..... FE sin Limite....


STA. CRUZ -- Falta solamente algun siman pa Dia di Piscador y Centro di Pesca Hadicurari, conhuntamente cu Santa Rosa (LVV) y Stichting Rancho, ta den pleno preparacion pa celebra e grandioso dia di piscado e biaha aki. Tur aña, dia di San Pedro cual ta 29 di Juni, rond Caribe piscadonan

ta rindi tributo na e santo patrono di piscador. Centro di Pesca Hadicurari tur aña, manera ta e tradicion desde 94, ta celebra esaki cu un tremendo competencia di pesca hunto cu un dia di famia na nan centro.

INOVACION:E aňa aki Dia di Piscador ta sigui yen di inovacion. Despues di a introduci

un aspecto educativo adicional na e celebracion internacional aña pasa door di expone nombernan di pisca na papiamento specialmente pa nos hobennan di school, e biaha aki lo tene e celebracion na Schoenerhaven combina cu Mercado Santa Rosa. Fundacion Centro di Pesca Hadicurari, Santa

Rosa y Stichting Rancho a uni forza e biaha aki cu e tema: di vuelta na nos raiznan, poniendo enfasis riba e ofishi di piscamento riba Rancho, un puerto conoci pa su raiz den piscamento. Diadomingo 1 di Juli 2012, dilanti di mercado di fruta y bayendo te dilanti Mar Azul, lo tin e mercado Santa Rosa for di 9’or di mainta cu mas di 30 tent cu tur sorto di producto y cuminda crioyo, bar bon surti, torneo di pesca cu premio atractivo, pisca fresco na benta y tambe un banda musical pa deleita publico. Di awor caba ta invita piscadonan pa e reunion di capitan na cual por inscribi pa e torneo y cual lo tuma lugar 29 di Juni na Centro di Pesca Hadicurari.

HOPI ACTIVIDAD DIA DI PISCADOR:Riba diadomingo 1 di Juli venidero lo tene e celebracion unico aki combina cu e tremendo Mercado Santa Rosa. Ademas di un torneo di pesca cu hopi premio atractivo, lo tin un festival di cuminda crioyo cu varios stand di cuminda na prijs di famia. Keri keri, pisca hasa, aw’i playa, seafood mix y mucho mas. Mas cu claro e ambiente tipico di piscado, cu su musica tipico y banda musical, lo deleita un y tur henter dia. Lo tin homenahe na baluartenan di mundo di piscamento conforme e tradicion di Hadicurari y varios sorpresa mas incluso un skina cu dino jump pa nos muchanan.

Dia di Piscador na caminda cu tema:

Di vuelta na nos raiznanHadicurari hunto cu Santa Rosa y Stichting Rancho preparando un celebracion unico



STA. CRUZ -- Diasabra anochi a tuma lugar na El Paso Texas, un gran pelea den categoria di peso mediano unda cu yiu homber di un legendario boxdo Mexicano, Julio Cesar Chavez Jr a enfrenta e boxdo mas dificil di su carrera boxistico, kende tabata Andy Lee.

Esaki sigur tabata e di tres defensa pa loque ta trata Julio Cesar Chavez Jr di su titulo WBC peso

mediano, mientras cu pa Andy Lee esaki ta su prome chance cu e ta haya pa bringa pa e titulo mundial.

Den prome round, por a mira cu Julio Cesar Chavez tabata studia su contrincante, mientras cu Lee tabata tin un bon jab y tabata mantene Chavez ariba un distancia.

Abase di e poco accion den prome round di parti di Chavez Jr, por bisa

cu Lee a gana e prome round.

Despues di prome round, por a mira cu Chavez Jr. a cuminsa pone mihor golpi tanto na curpa como na cara di Lee y mientras cu roundnan tabata pasa, por a mira cu e golpinan tabata haci hopi daño na Andy Lee.

Andy Lee sigur durante e pelea a conecta algun golpi bastante fuerte, pero no tabata tin effect

ariba Chavez Jr. cu sigur a demostra cu e tin un cachete bastante fuerte manera di su tata.

Den di siete round, e golpinan acumula pa Lee a pone e referee Laurence Cole tuma e decision di para e pelea aki y asina Julio Cesar Chavez Jr. ta defende su titulo di WBC peso mediano pa di 3 vez cu exito.

Despues di pelea, a puntra Chavez Jr. si e ta cla pa enfrenta Sergio Maravilla Martinez, e di cu sigur cu e ta cla y e lo demostra Martinez cu e ta mihor boxdo.

Andy Lee tambe a declara na final di e pelea, cu Martinez lo bay haya un bon pelea for di Chavez Jr cu sigur ta dal hopi duro y sa con pa box.

Julio Cesar Chavez Jr ta defende su corona WBC peso mediano contra Andy Lee



CONFIRMACION NA PAROKIA DI SANTA

CRUZNa luna di November lo tin Sacramento di Confirmacion na Parokia Inmaculada Concepcion na Santa Cruz. Esaki ta pa tur hoben cu a caba school basico of cu ta bishita un school avanza caba, cu ta biba den parokia di Sta. Cruz y cu kier ricibi e Sacramento aki.

En conexion cu esaki nos ta informa mayornan cu inscripcion pa Sacramento di Confirmacion lo ta riba e siguiente dianan di 5:00 pa 6:30 di atardi den e aula banda pazuid di sacristi.

Dia 21 di Juni 2012 ta pa esnan di COLEGIO LAURA WERNET-PASKEL

Dia 22 di Juni 2012 ta pa esnan di CACIQUE MACUARIMA SCHOOL

Dia 25 di Juni 2012 ta pa esnan di MARIA SCHOOL

Dia 26 di Juni 2012 ta pa esnan di COLEGIO SAN HOSE

Dia 27 di Juni 2012 ta pa esnan cu TA BISHITA UN SCHOOL AVANSA CABA.

E hoben mester presenta su mes hunto cu su mayornan cu un identificacion y un prueba di bautismo. E prueba di bautismo por ta trouwboek of kaarchi di bautismo. Sin e papelnan aki e hoben no por ser inscribi. Si e hoben a bautiza na un otro parokia e mester busca su papel di bautismo na e parokia concerni. Por fabor trece nomber di madrina of padrino dia di inscripcion. Nos ta pidi un contribucion di Afl. 40.=, esaki ta pa cubri gastonan di un Misal di Pueblo di Dios, lunch box, material etc.

Ta pidi mayornan pa tuma bon nota di dia- y oranan stipula y cumpli cu esaki.

TARIFA ECONOMICO PA ANUNCIO DI MORTO:

Solo di Pueblo ta brinda un tarifa economico pa anuncio di fayecimento cual ta

consisti di:- 3 invitacion completo pa entiero, - Invitacion

pa resamento y misa y GradicimentoUn pakete special di Afl. 200. 00 pa entiero*

(* E prijs ta pa entiero y no pa dia)Solo di Pueblo ta traha cu tur funeraria. Por

pidi e anuncio via e funerariaof por haci'e directamente na nos oficina na

Sta. Cruz 110Contact: e-mail: solodipueblo@gmail. com Tel:

585-9500

Palabra di Bijbel encuanto gañadornan:

"Diabel ta boso tata y boso kier pone e deseonan di boso tata den practica. E ta un matado for di comienzo y nunca e no a aten'e na

berdad, pasobra e no tin berdad den dj'e."

Huan 8, 44.

☎ 585-9500



of


BibaÊcadaÊmomento

“Señor ta mi wardador, mi n’ tin falta di nada; Den cunucu di yerba berde, E ta ponemi

sosega. E ta hibami na awa trankil, pa mi bolbe haña forsa” salmo 23:1,2,3.

Cu honda pena pero conforme cu boluntad di Dios, nos ta anuncia fayecimento di nos Compañera, Mama, wela y bisawela stima:

Escolastica Martijn

mihor conoci como “Ma Ati”, “Lati” of

“Colati” Naci na Aruba dia 10-02-1937 y a fayece 15-

06-2012

Na nomber di su compañero: Fransisco Oduber Yiunan: Elvira y Errlon Giromus - Maduro Irena y Lucio Geerman - Maduro na Hulanda Selsa y Gary Quandus - Maduro Lucas Maduro Theodor Maduro Lisette Maduro na Ecuador Mescos cu yui: Melvin Lopez Emiliano Oduber y famia Rudolfo Oduber y famia Franklin Oduber y famia Maikel Oduber y famia Nieto y Nietanan: Elbeline, Joella y Romario Janga, Jair, Jean-Pierre y Jason Colina, Rayen, Magda, Lucienna y Shelly Geerman, Edison Graciete Wesley Maduro, Gregory Almary Subrino Stima: Erwin Martijn y Sharole Maduro Bisanieto y Bisanietonan Rumanan: † Ireno y Carmen Martijn y famia Benita Martijn y famia Albino y Rosa-Maria Martijn y famia Seferina y Miguel Maduro y famia Theo y Regina Martijn y famia Laurencio Martijn † Eliza y Jasmin Kranzen y famia Nicolina Eckmeyer y famia Higinio y Luga y famia Bernadito y Chita Martijn y famia Mescos cu ruman: Filomena y Vicente Croes y famia Ihanan: Seferino Martijn y famia, Reymundo Geerman y famia, Angela Croes y Edwin Reyes. Ex Jernonan: Roland Colina y famia, Ludwin Janga y famia, George Lopez y famia, Pablo Graciete y famia. Suegro y suegranan, Swa y cuñanan, primo y primanan, sobrino y sobrinanan, Comer y compernan, Ihanan y amigonan y demas famianan: Martijn, Oduber, Maduro, Geerman, Giromus, Quandus, Noguera, Kransen, Rasmijn, Eckmeyer, Clijd, Graciete, Ras, Thijzen, Almary, Colina, Lopez, Janga, V/D Linde, Koolman, Croes, Guzman, Wouters, Winterdal, Leon, Kock, Becker, Erasmus, Vos, Vrolijk, Britten, Jansen, Gomes, Tromp, Christiaans, De Cuba, Henriquez, Harms, Dubero, Boekhoudt, V/D Berg, Kock, Kranzen, Magdalena y Marin I demas famia na Aruba, Boneiro, Hulanda, Ecuador y Afrika y tur su bisiñanan di Lucero straat i demas conocirnan. Un danki special ta bai pa Staff y Personal di Cas Izoria. Nos kier a pidi nos disculpa si den nos tristeza nos por a lubida un of otro famia. Ta invita tur famia y conocirnan pa asisti na e acto di entiero cu lo tuma lugar Diarazon 20 di Juni 2012, 2'or pa 4’or di atardi na Aurora Funeral Home y despues saliendo pa Santana Catolico na Savaneta. For di 2 or di atardi e restonan mortal di “Colati” lo reposa na Aurora Funeral. Adres pa Condolencia: Aurora Funeral Home na Cumana diamars dia 19 di Juni 2012, di 7pm pa 9pm.

"Señor ta mi wardador, mi n' tin falta di nada; Den cunucu di yerba berde, E ta ponemi

sosega.E ta hibami na awa tranquil, pa mi bolbe haya forza. " Ps. 23:1,2,3

Cu inmenso tristeza na nos curazon, nos ta participa fayecimento di nos mama stima, wela y bisa wela:

Aura E. Willemsmihor conoci como:"Aurita "

na edad di 85 aña

Na nomber di su: Yiunan: Ralph Willems Mirta Willems Lupe Willems

Nietonan: Sylvia y Cengyz Revan-Thom y famia Jerry Lourens y Aimee Lourens-Geerman y famia Zino Willems

Bisanietonan: Deniz, Timor, Chevero, Kayleigh

Rumannan: † Hermenegildo Henriquez Willems y famia † Adriano Willems y famia † Francisco J. Alvarez Diaz Granados Jose de Jesus Willems y famia Joaquin Willems y Ramona Duran † Olga Wilems y famia Orlando Willems y famia na Hulanda Jose Vicente Willems y Corina Wernet y famia na Hulanda Eliseo Willems y famia na Hulanda Miguel Willems y famia na New York Fanny Prince Marquez y famia Eleiza Prince Marquez y famia na Venezuela Oneida Prince Marquez y famia na Venezuela

Ihada: Evelin Wever y famia

Ayudante: Denny Frias y famia Catharina Janga y famia

Famia: Willems, Thom, Revan, Lourens, Geerman, Henriquez, Morris, Alvarez, Perez, Prince, Marquez, Stroop, Janga, D’aguiar, Kelly, Peterson, Havertong, Brown, Levenstone, Luciano, Wever, Rodriguez y demas famia. Acto di entiero lo wordo anuncia despues.

Nos kier a pidi nos disculpa si nos por a lubida un of otro famia den nos tristeza.

ORACION DILANTI DI UN CRUCIFIHO

SENJOR DIOS TODOPODEROSO, CU A SUFRI TE MORTO RIBA CRUZ PA NOS PICANAN, COMPAÑA MI .

SANTO CRUZ DI HESU - CRISTO, TENE PIEDAD DI MI.

SANTO CRUZ DI HESU - CRISTO, KITA TUR MALO FOR DI MI.

SANTO CRUZ DI HESU - CRISTO, COLMA MI CU TUR LOKE TA BON.

SANTO CRUZ DI HESU - CRISTO, LIBRA MI DI TUR ACCIDENTE.

SANTO CRUZ DI HESU - CRISTO, TENE PIEDAD DI MI Y HACI CU SPIRITO MALO HUY FOR DI MI. SANTO CRUZ DI HESU - CRISTO, HACI PA ALCANZA E CAMINDA DI

SALUD . SANTO CRUZ DI HESU - CRISTO, ALEHA DI MI TUR PELIGER DI PICA MORTAL. CU SEMPER MI ADORA BO,

RIBA BO SANTO CRUZ AMEN.

HESU - CRISTO, NOS SEÑOR , BO A STIMA SIN MIDI E CRUZ SANTO. HENTER BO BIDA LARGO, DEN BO BIDA

SCONDI, BO A CARGA E CRUZ DI HUMIYACION.

DURANTE DI BO BIDA PUBLICO BO A CARGA E CRUZ DI CRUELDAD Y CONTRATEMPO. ULTIMO DIANAN DI BO

MORTO BO A TUMA CU ALEGRIA A BALKI PISA RIBA BO SCHOUDER TUR NA HERIDA. Y POR ULTIMO CLABA NA UN CRUZ BO A DUNA NA TATA CELESTIAL BO SPIRITO

PA SALBACION DI NOS TUR. AMABEL MAESTRO, MI KIER TA BO DISIPEL, MI KIER TUMA MI CRUZ Y SIGI

BO RIBA E CAMINDA DOLOROSO, AFIN CU ESAKI POR SIRBI PA SALBACION DI NOS ALMA. CRUZ SANTO CU A

CARGA CRUZ DI NOS SENJOR HESU CRISTO , SANTIFICA HUSTONAN Y COMBERTI PECADORNAN. TATA, TENE

MISERICORDIA CU MI POBER PECADOR. AMEN.

AMI Dibino Niño, mi ta e imagen di Dios invisible ca a bini di Spirito Santo, cu pa medio di Dios Tata a ser crea tanto den cielo como na tera. Ta poco lo tin e privilegio di mirami pa nan bira un sirbidor di Dios Tata, pa plama e bon y e mal noticianan pa spierta tur hende siňando

tur hende y tur generacion pa proclama palabra di Dios y halse den cielo y na tera pasobra E ta E Dios cu ta riba cabes di tur Gobierno y Autoridadnan. Loque E duna boso lo haya y loque E kita boso lo perde. Pesey laga paz

di Cristo reina den boso curazon y mustra cu boso ta gradicida y sigi siňa di dje y anima

boso mensahero cu Spirito Santo ta obra den dje, y stima boso muchanan y lantanan den su caminda. Stima boso famianan y esposo

stima boso esposanan. Rumanan stima boso rumanan den mi bista e ta un gesto bunita y

persevera den oracionan y den union cu Dios Tata Seňor Hesucristo, Amen.


STA. CRUZ -- Diahuebs atardi, sr. Carlos Riccioli procedente di estado Zulia, Venezuela a bishita e entrenamento di Tiger Taekwondo

Academy, unda cu sr. Teo Rodriquez ta preparando e atletanan pa e proximo campeonato. E amistad entre Carlos Riccioli y

Teo Rodriquez ta bai bek den e añanan atras. Na Aruba nos no sa mucho di Teo Rodriquez, pasobra nunca ningun hende no a puntre

di su pasado den e deporte di Taekwondo. Teo Rodriquez ta bon conoci den e mundo Internacional di Taekwondo, e aña aki casualmente Teo Rodriquez a saca cara di Aruba, un bez mas, viahando cu e atletanan representando Aruba den bon forma. Carlos Riccioli kende ta na Aruba cu vacacion no por a keda sin bishita Teo Rodriquez pa asina sigui e praktica di Taekwondo. Carlos Riccioli ta bringa den e peso –68 kilo,

esaki ta net e categoria unda mayoria atleta di Aruba tambe ta bringa den dje. Esaki tabata un bon momento pa nos atletanan midi forza contra di e atleta Riccioli. Mare mas atleta den e caliber di Carlos Riccioli por sigui bishita Aruba pa asina nos atletanan local por tin mas intercambio di deporte, specialmente den taekwondo, un deporte cu actualmente nos ta destacando enorme ariba nivel internacional.

Carlos Riccioli for di Venezuela cu bishita special cerca Tiger Taekwondo Academy

Dialuna 18 Juni 2012

Documents

curso di

miyon pa

ta miyon

miyon aki ta

tin prueba cu ta

placa cu lotto

venta ta

esaki ta