Life in times of COVID19: Internally Displaced People in Kachin State Myanmar 1 COVID-19 aten laman na Jinghpaw Mung kata Hpyen-yen shawa ni a nga pra lam ____________________________________ Durable Peace Programme – Photo Stories May 2020
Life in times of COVID19: Internally Displaced People in Kachin State Myanmar 1
COVID-19 aten laman na Jinghpaw
Mung kata Hpyen-yen shawa ni a nga
pra lam
____________________________________
Durable Peace Programme – Photo Stories
May 2020
Life in times of COVID19: Internally Displaced People in Kachin State Myanmar 2
Myitkyina Mare, Ziun Hpyen-yen Dabang hpe 2020 April 8
ya kaw nna, COVID-19 ana zinli chyambra ai lam makawp
maga lu na matu pat da sai.
“Dabang wang chyinghka hpe pat da ai a yawshada lam
gaw dabang kata hte shinggan na masha ni pru pru shang
shang n lu galaw na matu re.”
Durable Peace Programme (DPP) gaw Myenmung kata, grau nna Jinghpaw Mung hte
Sam Mung dingdung daw hta, nganggrin ai simsa lam hte sumra garen ai bawngring
lam byin wa hkra shingdep shingtau ya na matu shatawng shada ai re. Anhte a sumla
maumwi mahkrun hku nna, ndai programme a ginra gaiwang kata na Hpyen-yen
shawa masha ni hte kaga majan mahpan a majaw tsin-yam hkrum nga ai ni a nga pra
lam hta ahtu hkra nga ai laklai lawnglam ni hpe shawa dawtsa grau chyena na matu
hte mu mada wa na matu htawng madun shakut taw nga ga ai.
DPP a lam grau chye jat mayu ai rai yang shang yu ga:
www.durablepeaceprogramme.com
Life in times of COVID19: Internally Displaced People in Kachin State Myanmar 3
Wunpawng Mungdan Shanglawt Hpung kaw nna uphkang
ai ginra shara kata, Hpyen-yen shawa masha ni gaw COVID-
19 ana zinli chyambra ai lam hpe makawp maga shingdang
na matu, du sa ai manam ni hpe hkum kahtet madang
shadawn la ai, shawa ta kashin shara hte ana sat tsi gat ai
zawn re ai lamang ni hpe tinang nan atsam dat shamu
shamawt nga ai.
Life in times of COVID19: Internally Displaced People in Kachin State Myanmar 4
Life in times of COVID19: Internally Displaced People in Kachin State Myanmar 5
Shayi num ndai gaw, Miwa Mung de bungli sa galaw ai
kaw na bai nhtang wa ai kaw na, Maisak Pa Quarantine
Dabang kaw 14 ya tup jep maram hkam la nga ai re.
“Ngai gaw nye kasha ni hpe bau taw nga ai re wa, ya
gaw ngai mung ndai jep maram dabang kaw rai taw
nga yang Ma ni hpe gara hku n lu bau taw nga ai. Ma
ni hkrai kaning di nga pra nga ma ai kun ngai grai tsang
ai”
Maisak Pa jep maram dabang hpe, Miwa Mung de na
jarit lai shang wa ai ni hpe gan jep maram lu na matu,
Wunpawng Mungdan Shanglawt Hpung hku nna 2020
April 11 ya shani kawn hpaw hpang da ai re. Ya aten
hta, ga jarit lai shang wa ai ni gaw jep maram ladaw 14
ya tup nga ra ai ngu nna tara jahkrat da ai. Ginhtawng
ladaw re majaw dabang kata hta grai kahtet sa-up ai.
Jep maram dabang na masha ni gaw dabang kata nau
kahtet ai majaw, n dang hkam nna dabang grup-yin
hkan na hpun pawt ni hta shingbyi nga ra ma ai.
Life in times of COVID19: Internally Displaced People in Kachin State Myanmar 6
Ndai gaw, Jinghpaw Mung kaw na Hpunlum Yang
Hpyen-yen dabang na masha ni hte Miwa hkran maga
de na shawa masha ni shani shagu lai taw nga ai Je Yang
Hka jarit hkrainoi rai nga ai. Ndai hkrainoi gaw
Hpunglum Yang Dabang Komiti rung makau kaw nga ai
rai nna, COVID-19 ana zinli ten pat shingdang tara
shakang wa ai aten kaw nna pat tawn da sai re.
Life in times of COVID19: Internally Displaced People in Kachin State Myanmar 7
Ndai Miwa jarit na hkrainoi gaw, Hpunlum Yang
Hpyen-yen dabang kaw na shawa masha ni Miwa
hkran de bungli sa galaw ai hta shani shagu jai lang
taw ai mahkrai re. Shawoi na aten ni hta gaw jarit lai
na matu kaning re ai hkumdek sakse lekmat mung n
lawm ra ai sha Miwa mung masha, myen mung masha
yawng malet nhprang lai hkawm mai ai re. Raitim,
COVID-19 ana zinli chyambra wa ai kaw na jarit mayan
yawng hpe pat shingdang kau sai. Ndai mahkrai hpe
gaw 2020 March 21 shani kaw na pat hpang sai.
Life in times of COVID19: Internally Displaced People in Kachin State Myanmar 8
COVID-19 ana zinli pat shingdang ladaw laman, shawoi
shaning ni hta galaw ai ginhtawng jawng, laban jawng,
nawku hpawng hte ningmu jahpaw hpawng zawn re ai
ma ni hte seng ai lamang yawng mung Hpyen-yen
dabang ni hta jahkring da ra sai.
Life in times of COVID19: Internally Displaced People in Kachin State Myanmar 9
Funded by: A photo-story by: -------------- -----------------------
European Union
Contact: ----------- Oxfam (on behalf of the Durable Peace Programme) No. 34 Corner of Aung Taw Mu Lane & Golden Hill Avenue, Yangon, Myanmar. Phone: (95) 01539986, www.durablepeaceprogramme.com
Ndai sumla sumrai maumwi gaw, EU a garum alu gumhpraw hte dip shapraw dat ai re. Ndai hta lawm ai lam ni hte seng nna, RANIR a lamang lam sha rai nhtawm, EU a ningmu ngu nmai sawn la na re.