Cofnodion 12 Medi 2016 - · PDF...

1  

Cyngor  Tref  Criccieth    

Cofnodion  cyfarfod  y  Cyngor  Tref  a  gynhaliwyd  am  7.00  o’r  gloch,  nos  Lun,  12  Medi  2016  yn  Siambr  y  Cyngor,  Stryd  Fawr,  Criccieth.  

_______________________________________________  Gweddi  agoriadol  

1-­‐09/16:  Presennol  Cadeirydd  Cyng.  R  Cadwalader  Is-­‐Gadeirydd  Cyng.  Sian  Williams  Cyng.  Wayne  Roberts;  Cyng.  Elizabeth  Regan;  Cyng.  Dr  E  Tudor  Jones;  Cyng.  R  T  Price;  Cyng.  W  A  Evans;  Cyng.  Phil  Jones  

2-­‐09/16:  Ymddiheuriadau  Cyng.  Henry  Jones;  Cyng.  Eirwyn  Williams;  Cyng.  Dafydd  Lloyd;  Cyng.  Elizabeth  George    3-­‐09/16:  Datgan  diddordeb  Cyng.  Elizabeth  Regan  (eitem  14  –  llyfrgell  Criccieth)  Cyng.  Wayne  Roberts  (eitem  8  –  cais  cynllunio)    4-­‐09/16:  Cadarnhau  cofnodion  mis  Gorffennaf  Cadarnhawyd  a  llofnodwyd  y  cyfrifon  yn  unol  â’r  gyfraith.  

5-­‐09/16:  Cyflwyniad  gan  Daniel  Parry,  Cartrefi  Cymunedol  Gwynedd  (CCG)  –  datblygiad  ger  Waun  Helyg  Cyflwynodd  Mr  Parry  y  cynlluniau  i  adeiladu  10  tŷ  newydd  yn  Waun  Helyg.  Eglurodd  bod  yna  angen  am  dai  cymdeithasol  yn  yr  ardal  a  bod  yna  93  o  bobl  ar  y  gofrestr  aros  ar  hyn  o  bryd.  Yr  oedd  CCG  yn  ymwybodol  bod  y  darn  tir  dan  sylw  yn  fan  chwarae  gwarchodedig,  ond  nid  oedd  bellach  yn  debygol  y  byddai’r  cae  yn  cael  ei  ddatblygu  fel  maes  chwarae  pwrpasol.    

Roedd  yr  aelodau  yn  teimlo’n  gryf  y  bydd  yna  fwy  o  angen  maes  chwarae  penodol  ar  Waun  Helyg  pe  byddai  mwy  o  dai  yn  cael  eu  hadeiladu  yno,  ac  felly  mwy  o  deuluoedd  â  phlant  yn  symud  yno.  Nid  oedd  y  man  chwarae  gyferbyn  i’r  ffordd  yn  Nhy’n  Rhos  yn  barod  yn  ddigon  mawr.  Eglurodd  Mr  Parry  nad  oedd  gan  CCG  yr  adnoddau  i  gynnwys  man  chwarae  newydd  fel  rhan  o’r  cynllun.  

Roedd  yr  aelodau  am  danlinellu  bod  y  sefyllfa  fel  y  mae  ar  hyn  o  bryd  yn  tu  hwnt  o  beryglus,  gan  fod  rhaid  i  blant  groesi  ffordd  brysur  i  gyrraedd  y  man  chwarae  presennol.  Nid  oedd  yr  aelodau  yn  teimlo  bod  y  cynlluniau  diogelwch  ar  y  ffordd  ar  hyn  o  bryd  yn  ddigon  derbyniol.  Roedd  angen  gweld  bod  gan  y  datblygwyr  gynlluniau  gwell  i  arafu’r  traffig  yn  yr  ardal  ac  i  sicrhau  croesfan  mwy  diogel.  

Nid  oedd  yr  aelodau  yn  gwrthwynebu’r  tai  newydd  eu  hun,  ond  bydd  eu  cefnogaeth  o’r  cynllun  llawn  yn  amodol  ar  gynlluniau  a  fydd  yn  cynnwys  mesurau  diogelwch  mwy  cadarn.  Gofynnwyd  i  CCG  felly  i  ddiwygio’r  cynlluniau  trwy  gymryd  y  pwyntiau  yma  mewn  i  ystyriaeth,  ac  i  ddarparu’r  Cyngor  Tref  â  manylion  o’r  cynlluniau  diwygiedig  hynny.  Gofynnwyd  i’r  Clerc  i  ddanfon  ymatebion  y  Cyngor  Tref  i  adran  gynllunio  Cyngor  Gwynedd.  

Roedd  yr  aelodau  yn  teimlo  y  gall  y  Cyngor  Tref  edrych  ar  y  posibilrwydd  o  sefydlu/datblygu  man  chwarae  yn  yr  ardal  yn  y  dyfodol,  ac  ar  yr  opsiwn  o  wneud  cais  am  grant  ar  gyfer  hyn.  Roedd  gan  CCG  ei  hun,  er  enghraifft,  gronfa  ar  gyfer  prosiectau  cymunedol.  

Gwnaeth  yr  aelodau  ddiolch  i  Mr  Parry  am  ei  gyflwyniad  a’r  cyfle  i  drafod  yr  agwedd  bwysig  yma  o’r  cynlluniau.  

2  

6-­‐09/16:  Eitemau  brys  ac  er  gwybodaeth  

• Toiledau:  Nid  oedd  Cyngor  Gwynedd  eto  wedi  darparu  gwybodaeth  bellach  yn  dilyn  penderfyniad  y  Cyngor  Tref  i  gyfrannu  yn  ariannol  at  eu  cynnal.  Disgwylir  mwy  o  fanylion  yn  yr  wythnosau  nesaf.  

7-­‐09/16:  Gohebiaeth  

a.  Cyfarfod  pwyllgor  ardal  Arfon/Dwyfor  Dwyfor  14  Medi  2016.  Derbyniwyd  yr  wybodaeth.  

b.  Grid  Cenedlaethol  Derbyniwyd  lythyr  oddi  wrth  ‘National  Grid’  yn  sôn  am  y  gwaith  uwchraddio  arfaethedig  i’r  rhwydwaith  trydan  cenedlaethol  ac  y  bydd  yna  mwy  o  wybodaeth  am  y  gwaith  ar  gael  yn  yr  

hydref.  Ni  fydd  yn  effeithio’n  uniongyrchol  ar  Griccieth.  Derbyniwyd  yr  wybodaeth.  

8-­‐09/16:  Ceisiadau  Cynllunio  

C16/0941/35/LL  Diwygiad  i  ganiatad  C15/0711/35/LL  ar  gyfer  codi  tŷ  newydd    Ynys  Hir,  Morannedd,  Criccieth  LL52  0PP  Penderfyniad:  Gwrthwynebu  yn  unfrydol.  

Lleolir  y  datblygiad  yma  yng  nghanol  anheddau  ag  edrychiad  sy’n  cynnwys  agweddau  mwy  confensiynol,  fel  toeau  llechi,  ac  o  ganlyniad  mae’r  aelodau  yn  teimlo  bod  y  cynllun  yma  felly  allan  o  gymeriad  yn  llwyr  â’r  hyn  sydd  yn  yr  ardal  honno  yn  barod.  

9-­‐09/16:  Archwiliad  Cyfrifon  2015-­‐16  a  diweddariad  ar  gyfrifon/cyllideb  2016-­‐17  

Adroddodd  y  Clerc  bod  yr  archwilwyr  allanol,  BDO,  bellach  wedi  cwblhau’r  broses  archwilio,  ond  nid  oedd  eu  hadroddiad  wedi  cyrraedd  hyd  yma.  

Eglurodd  y  bu  rhaid,  yn  y  ystod  y  broses  archwilio,  i  ddarparu  gwybodaeth  i’r  archwilwyr  am  y  gronfa  wrth  gefn  a’r  prosiectau  sydd  wedi  eu  clustnodi  gan  y  Cyngor  Tref  –  prosiectau  a  drafodwyd  ac  a  benderfynwyd  arnynt  yn  ystod  y  dair  blynedd  diwethaf,  gan  gynnwys  arhosfan  Caerdyni,  gwelliannau  i’r  

promenad,  cynnal  a  chadw’r  cysgodfannau,  gwaith  traenio  ar  lwybr  drwy’r  parc  i  Benaber,  a.y.y.b.,  ond  sydd  heb  eu  gweithredu  eto.  Adroddodd  y  Clerc  bod  yna  ddigon  o  arian  wrth  gefn  erbyn  hyn  i  ystyried  ariannu  cynllun  cynhwysfawr  gall  gwmpasu’r  prosiectau  yma  i  gyd  fel  rhan  o  gynllun  gweithdredu  

strategol.  Mae  £30,379  yn  y  gronfa  wrth  gefn  ar  hyn  o  bryd  a,  gyda  phraesept  2016-­‐17  bellach  wedi  ei  dderbyn  yn  llawn  erbyn  hyn  (£34,000)  yn  ogystal  â’r  cyfrif  cyfredol  (£58,057),  mae  modd  yn  awr  felly  i  glustnodi  swm  pwrpasol  i  ariannu  cynllun  o’r  fath.  

Derbynioddd  yr  aelodau  y  diweddariad  yma  ar  gyfrifon  2016-­‐17  a  phenderfynwyd  y  dylid  bwrw  ymlaen  yn  awr  a  chychwyn  creu  cynllun  gweithredu.  

10-­‐09/16:  Cynllun  gweithredu  a  phrosiectau  

Ar  ôl  cyflwyno  diweddariad  o  gronfa  ariannol  y  Cyngor  (pwynt  9-­‐09/16),  ac  yn  dilyn  y  drafodaeth  o  grantiau  a  chynllun  gweithredu  yng  nghyfarfod  mis  Ionawr  o’r  Cyngor  Tref,  gwnaeth  y  Clerc  ail-­‐

amlinellu’r  manteision  o  sefydlu  cynllun  gweithredu  ac  i  ymgynghori  gyda’r  gymuned  ar  brosiectau  potensial.  Tanlinellodd  y  Clerc  bod  cynllun  gweithredu  yn  ffordd  dda  i  fynd  i’r  afael,  mewn  modd  strategol,  â’r  gyfres  o  brosiectau  sydd  eisoes  wedi  eu  clustnodi,  ac  y  gellir  ei  ddefnyddio  fel  sail  gadarn  i  

unrhyw  geisiadau  grant  yn  y  dyfodol.  

3  

Gan  fod  darlun  ychydig  mwy  llawn  ar  gael  erbyn  hyn  o  doriadau  Cyngor  Gwynedd  a’u  heffaith  ar  y  dref,  

gwnaeth  y  Clerc  gynghori’r  aelodau  ei  fod  yn  awr  yn  amser  da  i  ddechrau  ar  y  broses.  I’r  perwyl  hwn,  awgrymodd  y  Clerc  y  dylai’r  Cyngor  Tref  wahodd  arbenigwr  ar  ymgynghoriadau  a  datblygu  cymunedol  i  wneud  cyflwyniad  yng  nghyfarfod  mis  hydref.  Derbyniwyd  fanylion  am  arbenigwr  perthnasol  (Cerys  

Thomas)  gan  Unllais  Cymru.  

Penderfyniad:  Roedd  yr  aelodau  yn  gefnogol  iawn  o  greu  cynllun  gweithredu  a  phenderfynwyd  felly  i  wahodd  Cerys  Thomas  i  gyfarfod  mis  hydref  fel  y  gall  y  Cyngor  ddechrau  ar  y  broses  cyn  gynted  ag  sy’n  

bosib.  

Llwybr  o  Benaber  i’r  parc.  Roedd  y  Clerc  wedi  bod  mewn  cysylltiad  â  Steffan  Jones,  Cyngor  Gwynedd,  a  oedd  yn  cynnig  cyfarfod  maes  yn  y  man  dan  sylw  ar  fore  Gwener,  16  Medi  am  9  o’r  gloch.  

Penderfyniad:  bydd  y  Clerc  a’r  Cyng.  W  A  Evans,  Phil  Jones  a  Wayne  Roberts  yn  mynychu’r  cyfarfod.    

Llwybrau’r  parc.  Adroddodd  y  Clerc  bod  yr  aelod  lleol  wedi  dechrau  ar  drafodaethau  gyda  Chyngor  Gwynedd  i  arwynebu  holl  lwybrau’r  parc  gan  fod  nifer  o  fannau  wedi  dirywio,  ac  roedd  yn  aros  am  benderfyniad.  Roedd  pennaeth  Ysgol  Treferthyr  hefyd  wedi  ysgrifennu  i  Gyngor  Gwynedd  gan  fod  y  llwybr  o  flaen  yr  ysgol  yn  benodol  mewn  cyflwr  gwael.  Roedd  yr  aelod  lleol  yn  awgrymu  y  dylid  gwneud  y  gwaith  ar  yr  un  pryd  â’r  gwaith  ar  lwybr  Penaber.  

Peintio’r  cysgodfannau.  Roedd  y  Clerc  wedi  derbyn  pris  ar  gyfer  gwneud  y  gwaith,  ond  hefyd  wedi  bod  mewn  cysylltiad  â  Chyngor  Gwynedd  a  wnaeth  yna  fynd  ati  i  archwilio’r  cysgodfannau.  Daethpwyd  i  ganlyniad  bod  angen  trwsio’r  gwaith  coed  yn  gyntaf  gan  fod  yna  ddifrod,  a  bydd  Cyngor  Gwynedd  yn  ymgymryd  â’r  gwaith  yma  ar  ôl  yr  haf.  

11-­‐09/16:  Torri  gwair  

Roedd  nifer  fawr  o  gwynion  wedi  dod  i  law  eleni  am  drefn  torri  gwair  Cyngor  Gwynedd,  a  bod  yna  or-­‐dyfiant  yn  arbennig  wedi  bod  yn  y  parc.  Adroddodd  y  Clerc  bod  yr  aelod  lleol  wedi  rhoi  pwysau  sylweddol  ar  Gyngor  Gwynedd  drwy  gydol  yr  haf  ac  roedd  y  gwair  yn  y  parc  wedi  cael  ei  dorri  o’r  diwedd  wythnos  ddiwethaf.  

Penderfyniad:  I  wahodd  swyddog  o  Gyngor  Gwynedd  i  ddod  i  gyfarfod  o’r  Cyngor  Tref  er  mwyn  trafod  y  sefyllfa  ac  i  drafod  y  posibilrwydd  y  gall  y  Cyngor  Tref  ei  hun  ymgymryd  ag  unrhyw  agwedd  o’r  gwaith.  

12-­‐09/16:  Parcio  yng  Nghriccieth    

Adroddodd  y  Cyng.  Dr  E  Tudor  Jones  bod  y  drafnidiaeth  drwy’r  dref  wedi  bod  lawer  drymach  haf  yma  a  bod  y  sefyllfa  parcio  yn  mynd  o  ddrwg  i  waeth.  Ategwyd  hyn  gan  nifer  o  aelodau  eraill  a  thynnwyd  sylw  at  wahanol  rannau  o’r  dref  lle’r  oedd  parcio  yn  broblem  cynyddol,  gan  gynnwys  yr  ardal  ger  y  Lion  a  Salem  Terrace  ac  hefyd  cyffiniau  Min  y  Môr.  Nid  oedd  Cyngor  Gwynedd  eto  wedi  gosod  y  llinellau  melyn  ger  y  Lion  gan  fod  rhaglen  waith  yr  adran  berthnasol  wedi  llithro  a  bydd  yn  ddiwedd  y  flwyddyn  cyn  i’r  broses  ddechrau  yn  yr  achos  arbennig  hwn.  

Yn  ogystal  â  hyn,  derbyniwyd  luniau  gan  breswylwyr  o  Queens  Road  yn  dangos  ceir  yn  parcio  ar  y  palmant,  parcio  ar  y  llinellau  melyn  dwbl  a  pharcio  mewn  modd  a  oedd  yn  culhau  y  stryd  i’r  fath  lefel  y  gallant  atal  lorïau  sbwriel  a  cherbydau  gwasanaethau  argyfwng  rhag  gael  mynediad  i’r  stryd.  

Tynnwyd  sylw  at  y  ffaith  mai,  ar  y  mwyaf,  ond  tua  20  o  geir  a  oedd  yn  parcio  ym  mhrif  maes  parcio’r  dref  yn  ystod  yr  haf.  Nid  oedd  yr  aelodau  yn  teimlo  bod  yr  arwyddion  i  gyfeirio  pobl  i  barcio  yno  yn  ddigon  amlwg.  Roedd  angen  sefydlu  ffyrdd  o  gael  mwy  o  ymwelwyr  i  ddefnyddio’r  maes  parcio  yma.  

4  

Tynnwyd  sylw  hefyd  i’r  ffaith  bod  ceir  yn  parcio  ar  y  linell  felen  sengl  gyferbyn  â’r  orsaf  bâd  achub.  Roedd  hyn  yn  gorfodi  ceir  i  yrru  ar  yr  ochr  anghywir  o’r  ffordd  ar  droad  peryglus.  Roedd  angen  llinellau  dwbl  yn  y  man  yma.  

Penderfyniad:  cytunwyd  mai  gwaethygu  oedd  y  sefyllfa  yn  gyffredinol  trwy’r  dref  ac  ei  fod  yn  datblygu  i  fod  yn  fater  difrifol.  Penderfynwyd  i  wahodd  swyddog  o  Gyngor  Gwynedd  i  ddod  i  gyfarfod  o’r  Cyngor  Tref  i  drafod  y  sefyllfa  ac  unrhyw  ddatrusiad.  Cytunwyd  i  drafod  cysylltu  â’r  wasg  ar  ôl  y  drafodaeth  yma.    

13-­‐09/16:  Llwybrau  cyhoeddus  

Yr  oedd  Cyng.  Wayne  Roberts  wedi  cysylltu  â  Chymdeithas  y  Cerddwyr  am  y  sefyllfa  ddiweddaraf  ynghylch  y  broses  gyfreithiol  parthed  Llwybr  11.  Ceir  copi  o’r  llythyr  a  dderbyniwyd  ynghlwm.  Mae’r  

mater  wedi  cael  ei  drosglwyddo  gan  y  Gymdeithas  i  fargyfreithiwr  am  gyngor.  Penderfyniad:  i  gadw’r  mater  yma  ar  y  rhaglen  bob  mis.  

 14-­‐09/16:  Llyfrgell  Criccieth  

Roedd  yr  opsiwn  ffafredig  o  sefydlu  llyfrgell  gymunedol  yng  Nghriccieth  ac  i’w  throsglwyddo  i  adeilad  Encil  y  Coed  yn  mynd  i  gael  ei  gyflwyno  i  Gabinet  Cyngor  Gwynedd  ar  13  Medi  2016.  Cyflwynwyd  cynllun  

arfaethedig  ar  gyfer  y  llyfrgell  yn  yr  adeilad  hwnnw  a  nodwyd  bod  y  cynllun  yn  cynnwys  mwy  o  gyfrifiaduron  nag  sydd  ar  hyn  o  bryd  (4  yn  lle  2),  sy’n  elfen  gadarnhaol  iawn.  Derbyniwyd  wybodaeth  oddi  wrth  y  swyddogion  a  oedd  yn  cadarnhau  –  pe  bai’r  Cabinet  yn  rhoi  sêl  bendith  i’r  cynlluniau  –  y  bydd  y  

llyfrgell  yn  cael  ei  sefydlu  yn  Encil  y  Coed  ym  Mawrth  2017.    

Roedd  hyn  yn  rhan  o  strategaeth  ar  gyfer  2017-­‐20,  ond  yn  ôl  llythyr  i’r  aelod  lleol  a  ddanfonwyd  gan  y  

swyddogion,  nid  oes  sicrwydd  ar  hyn  o  bryd  y  bydd  y  strategaeth  yma  dal  yn  weithredol  ar  ôl  2020.  Nid  oedd  y  swyddogion  yn  medru  dweud  ar  hyn  o  bryd  os  y  bydd  yna  ddisgwyliadau  ar  y  Cyngor  Tref  o  ran  y  drefniant  newydd  yma.  Hefyd,  nid  oes  unrhyw  wybodaeth  parthed  beth  a  fydd  yn  digwydd  i  adeilad  

presennol  y  llyfrgell  a’r  offer,  fel  y  byrddau  billiards,  a  gedwir  yn  yr  adeilad.  Mae’n  bosib  y  gellid  gwerthu’r  byrddau  yma.  

Derbyniwyd  yr  wybodaeth  a  phenderfynwyd  i  roi’r  byrddau  biliards  ar  raglen  mis  Hydref.    15-­‐09/16:  Swydd  y  Clerc  

Adroddodd  y  Clerc  bod  yna  nifer  wedi  gofyn  am  fwy  o  fanylion  parthed  y  swydd,  bod  yna  ddau  gais  eisoes  wedi  cyrraedd  a  bod  yna  bosiblrwydd  y  bydd  yna  geisiadau  eraill  yn  cyrraedd  cyn  y  dyddiad  cau.  

Dyddiad  y  cyfweliadau  –  nos  Lun,  26  Medi.  Bydd  y  Clerc  yn  danfon  copïau  o’r  ceisiadau  i’r  panel  cyfweld  yn  syth  ar  ôl  y  dyddiad  cau.    

16-­‐09/16:  Derbyniadau  Praesept  2016-­‐2017  (Cyngor  Gwynedd)  –  ail  daliad          £17,000.00  

 14-­‐09/16:  Taliadau  

• Cyllid  y  Wlad  (PAYE)    Gorffennaf                              £76.60   (siec  101014)  • Cyllid  y  Wlad  (PAYE)    Awst                                £76.60   (siec  101015)  • Cyflog  y  Clerc  (Gorffennaf)                            £306.74   (siec  101016)  • Cyflog  y  Clerc  (Awst)                            £306.74   (siec  101017)  • Atkin  Groundworks  (Torri  gwair  llwybrau/barbio  mynwent)                      £392.66   (siec  101018)  • Dream  Internet  Solutions  (gwaith  ar  y  safle  we,  taliad  blwyddyn)                  £240.00   (siec  101019)  • Rhent  ystafell,  blynyddol  (Cyngor  Gwynedd)                              £50.00   (siec  101020)  • Costau  parcio  cynghorwyr  (cyfarfod  adran  gynllunio  Cyngor  Gwynedd)                      £4.00   (siec  101021)  

5  

• Cambrian  News  (hysbyseb  swydd)                            £100.80   (siec  101022)    

Rhoddwyd  ganiatad  i’r  clerc  i  dalu’r  biliau.  

____________________________________    

Daeth  y  cyfarfod  i  ben  am  8.45  y.  h.      

Cynhelir  y  cyfarfod  nesaf  o’r  Cyngor  Tref  ar  nos  Lun,  10  Hydref  2016,  ***noder  –    i  ddechrau  am                        6.30  o’r  gloch  er  mwyn  neilltuo  amser  ar  gyfer  y  cyflwyniad  ar  gynllun  gweithredu  

 **  Bydd  y  rhaglen  yma  yn  cau  1  Hydref  2016  **  

____________________________________        

6  

   Llythyr  i  Gyng.  Wayne  Roberts  oddi  wrth  Cymdeithas  y  Cerddwyr