-
1
BORDI I MBIKËQYRJES PUBLIKE KOMISIONI I PROVIMEVE TË AFTËSIVE
PROFESIONALE
Zbatimi në praktikë i kërkesave të legjislacionit të tatimeve
dhe taksave në Republikën e
Shqipërisë
1 Qershor 2019
Seksioni I Pyetje me alternativa (1 pikë secila). Zgjidhni
alternativën e saktë, pa dhënë sqarime.
1. Tatimpaguesi mund të dorëzojë deklaratë të re tatimore, me
ndryshime, në rastet kur deklarata tatimore fillestare është e
pasaktë dhe me mangësi brenda:
A. 12 muajve nga afati i dorëzimit të deklaratës fillestare; B.
12 muajve nga afati i dorëzimit të deklaratës së fundit të
ndryshuar; C. 36 muajve nga afati i dorëzimit të deklaratës
fillestare; D. 36 muajve nga afati i dorëzimit të deklaratës së
fundit të ndryshuar. Përgjigja e saktë është alternative (C)
2. Tatimpaguesi mund të ankimojë kundër çdo njoftim vlerësimi.
Tatimpaguesi, i cili kërkon të ankimojë: A. Duhet të paraqesë vetëm
kërkesën me shkrim pranë Drejtorisë së Apelimit
Tatimor; B. Duhet të paraqesë kërkesën me shkrim dhe të bëjë
pagesën e plotë të detyrimit,
së bashku me gjobat e përfshira në vlerësimin tatimor të
ankimuar; C. Duhet të paraqesë kërkesën me shkrim dhe të bëjë
pagesën e plotë të detyrimit,
kamatvonesave, së bashku me gjobat e përfshira në vlerësimin
tatimor të
ankimuar;
D. Duhet të paraqesë kërkesën me shkrim dhe të bëjë pagesën e
plotë të detyrimit
tatimor, nga ku përjashtohen gjobat e përfshira në vlerësimin
tatimor të
ankimuar.
Përgjigja e saktë është alternative (D)
-
2
3. Administrata tatimore ka të drejtë të përdorë mënyra
alternative vlerësimi të detyrimit tatimor të tatimpaguesit dhe të
nxjerrë një vlerësim, në rastet kur:
A. Tatimpaguesi dorëzon deklaratën tatimore në përputhje me
afatin dhe mënyrën e kërkuar në legjislacionin tatimor
përkatës;
B. Deklarata tatimore nuk përmban të dhëna të pasakta ose të
falsifikuara; C. Tatimpaguesi nuk mban ose ruan llogari apo
regjistrime të sakta të
transaksioneve; D. Tatimpaguesi bashkëpunon me kontrollin
tatimor të autorizuar.
Përgjigja e saktë është alternative (C)
4. Shkalla e tatimit në burim për dividentët dhe ndarjet e
fitimit është:
A. 8 përqind;
B. 10 përqind;
C. 6 përqind;
D. 15 përqind.
Përgjigja e saktë është alternative (A)
5. Për qëllime të tatimit mbi të ardhurat personale, nuk merren
si të ardhura të tatueshme:
A. Të ardhurat që rrjedhin nga fitimi i ortakut apo i aksionerit
në shoqërinë tregtare; B. Pagat dhe shpërblimet e tjera, në lidhje
me marrëdhëniet aktuale të punës; C. Të ardhurat nga kalimi i së
drejtës së pronësisë mbi pasuritë e paluajtshme; D. Asnjëra nga
alternativat.
Përgjigja e saktë është alternative (D)
6. Sigurimi i detyrueshëm shëndetësor dhe pagesa e kontributeve
përkatëse janë të
detyrueshme për:
A. Të gjithë personat ekonomikisht aktivë, me banim të
përhershëm në Shqipëri si
të punësuar;
B. Të gjithë personat e tjerë ekonomikisht aktivë, me banim të
përhershëm në
Shqipëri;
C. Të gjithë personat ekonomikisht jo aktivë, me banim të
përhershëm në Shqipëri;
D. Nxënësit e studentët nën moshën 25 vjeç, me kusht që të mos
kenë të ardhura
nga veprimtari ekonomike.
Përgjigja e saktë është alternative (A)
-
3
7. Cili nga transaksionet e mëposhtme nuk është subjekt i TVSH
në Shqipëri:
A. Një individ shqiptar blen online një aplikacion që e lejon të
shohë filma ne
telefon;
B. Një shoqëri shqiptare i ofron një shoqërie italiane asistencë
në përkthimin e një
materiali nga Italisht në Shqip;
C. Një shoqëri shqiptare blen një palë kufje wireless të cilat
kushtojnë 10 Euro;
D. Një shoqëri telekomunikacioni shqiptare, i dhuron një
abonenti të saj një celular
me vlerë 50,000 lekë (pa TVSH).
Përgjigja e saktë është alternative (A)
8. Cili/cila nga organizatat, personat ose shoqëritë tregtare të
mëposhtme nuk
konsiderohet person i tatueshëm në kuptim të ligjit nr.92/2014
për Tatimin mbi
Vlerën e Shtuar ne RSH, i ndryshuar
A. OJF që përfitojnë pagesa nga veprimtaria e tyre
ekonomike;
B. Personat tregtarë që realizojnë një qarkullim vjetor mbi 2
milionë lekë;
C. Shoqëritë tregtare që realizojnë një qarkullim vjetor mbi 2
milionë lekë;
D. OJF që marrin pagesa nga kuotizacionet ose fonde të tjera në
përputhje me
veprimtarinë e tyre jo fitimprurëse.
Përgjigja e saktë është alternative (D)
9. Shkalla e taksës së ndikimit në infrastrukturë për ndërtimet
e destinuara për qëllime
banimi apo për njësi tregtimi dhe shërbimi, të cilat kryhen nga
shoqëri ndërtimi,
është në masën:
A. 4 për qind deri në 8 për qind e çmimit të shitjes për metër
katror;
B. 4 për qind deri në 8 për qind e kostos së ndërtimit për metër
katror;
C. 4 për qind çmimit të shitjes për metër katror;
D. 8 për qind e kostos së ndërtimit për metër katror.
Përgjigja e saktë është alternative (A)
10. Cila nga regjimet e mëposhtme i jep mallrave joshqiptare
statusin doganor të
mallrave shqiptare:
A. Vendosja në qarkullim të lirë;
B. Vendosja në Magazinë doganore;
C. Vendosja në regjim përpunimi pasiv;
D. Vendosja në regjim përdorim përfundimtar.
Përgjigja e saktë është alternative (A)
-
4
Seksioni II Administrimi i detyrimeve tatimore në Republikën e
Shqipërisë, procedurat që zbatohen
për mbledhjen e tatimeve dhe detyrimeve të tjera tatimore.
Struktura e tatimeve dhe
taksave. Autoritetet përgjegjëse të taksave në nivel kombëtar e
vendor.
11. Cfarë përfshihen në llojet e tatimeve dhe taksave kombëtare
dhe ilustroni dy prej tyre.
(4 pikë) Përgjigje:
Në tatimet dhe taksat kombëtare përfshihen: a) tatimi mbi vlerën
e shtuar;
b) tatimi mbi të ardhurat;
c) akciza; ç) tatimi për lojërat e fatit, kazinotë dhe
hipodromet; d) taksat kombëtare; dh) tatime të tjera, të cilat janë
përcaktuar të tilla me ligj të veçantë.
Ilustrim do të konsiderohet :
a) Tatimin mbi Vlerën e Shtuar (TVSH) është një tatim i
përgjithshëm mbi konsumin
e mallrave dhe shërbimeve, proporcional me çmimin e tyre, që i
ngarkohet në
çdo fazë të prodhimit dhe procesit të shpërndarjes çmimit pa
tatimin. TVSH-ja
zbatohet si një tatim në përqindje mbi çmimin e mallrave
dheshërbimeve
dhebëhet e kërkueshme për t’u paguar pas zbritjes së TVSH-së që
rëndon
drejtpërdrejtelementet e kostos së mallrave dhe të shërbimeve.
Ligji 92/2014
date 24.07.2017 se bashku me udhëzimet përkatese që percaktojnë
rregullat për
mbledhjen dhe administrimin e TVSH.
TVSH-së i nënshtrohen 1) të gjitha furnizimet e mallrave dhe
shërbimeve
tëkryera kundrejt pagesës, brenda territorit të Republikës së
Shqipërisë, nga një
person i tatueshëm që vepron si i tillë dhe 2) të gjitha
importet e mallrave në
territorin e Republikës së Shqipërisë. Shkalla standarde e këtij
tatimi është 20%.
Përveç shkallës standarde të TVSH-së, si dhe parashikohet ne
ligj, mund të
aplikohet shkalla e reduktuar e TVSH-së, e cila aplikohet si një
përqindje e vlerës
së tatueshme.
b) Tatimi mbi të ardhurat është tatimi mbi të ardhurat personale
të individëve,
fitimi i personave fizikë e juridikë subjekte të ligjit nr. 8438
datë 28.12.1998 , si
dhe të ardhurat për të cilat tatimi mbahet në burim. Ligji dhe
udhëzimet
përkatëse përcaktojnë rregullat për mbledhjen dhe administrimin
e tatimit mbi
të ardhurat personale të individëve, të tatimit mbi fitimin për
shoqëritë tregtare
si dhe të personave fizikë (tregtarë të regjistruar), kur janë
subjekt i tatimit mbi
fitimin. Norma e tatimit mbi fitimin per subjektet e tatimit mbi
fitimin eshte 15 %
per subjektet me xhiro mbi 14 milion leke, 5% per ato me xhiro
deri ne 14 milion
-
5
dhe 5% per zhvilluesit e softwareve. Norma e tatimit të
thjeshtuar mbi fitimin për
fashën 0-5,000,000 Lekë është 0%, për fashën e xhiros
5,000,001-8,000,000 Leke
është 5%.
c) Akcizë është një taksë që zbatohet mbi produktet e akcizës,
të prodhuara dhe të
importuara, që hidhen për konsum në territorin e Republikës së
Shqipërisë.
Produkte që i nënshtrohen akcizës janë: a) produktet
energjetike; b) alkooli dhe
pijet alkoolike; c) duhani e produktet e duhanit; ç) produktet e
tjera, të
përcaktuara nga ligji Nr. 61/2012 date 24.05.2012 Për Acizat në
R.SH.
d) Takse është pagesa e detyrueshme dhe e pakthyeshme në
Buxhetin e Shtetit që
paguhet nga çdo person apo nëpërmjet një agjenti që ushtron një
të drejtë
publike apo përfiton një shërbim public në territorin e
Republikës së Shqipërisë.
Taksa kombëtare mund të përmendim, Taksa portuale, Taksa e
qarkullimit, Taksa
e mjeteve të përdorura të transportit, Taksa e rentës minerare,
Taksa e akteve
dhe e pullës etj.
12. Në maj 2019 administrata tatimore, në një kontroll rutinë
konstatoi se z. Koka, i cili është inxhinier ndërtimi, ofron
shërbime të Vlerësimit të Pasurisë përkundrejt pagesës prej
periudhës Mars 2019. Pasi i kërkuan dokumentacionin e duhur ligjor,
z. Koka ju paraqiti Licensën e përfundimit me sukses të kursit të
organizuar nga Fakulteti i Inxhinierisë së Ndërtimit e njohur nga
organet shtetërore, me datë Mars 2019. Pasi u njohen me Licensën,
meqë e konstatuan për herë të parë punojësit e administratës
tatimore u mjaftuan duke e paralajmeruar z. Koka, që të
rregjistrohet në Qendrën Kombëtare të Biznesit brënda 15 ditëve. A
kanë vepruar në mënyrë të drejtë punojësit e administrates
tatimore? Nëse jo,
cilat jane procedurat dhe që duhet të kryenin ata në përputhje
ligjin?
(5 pikë)
Përgjigje:
Punonjësit e administratës tatimore kanë vepruar gabim. Kur
administrata tatimore identifikon persona që ushtrojnë veprimtari
ekonomiko-tregtare, në fushën e shërbimeve pa u regjistruar në
Qendrën Kombëtare të Biznesit, si tatimpagues person fizik ose
juridik, vendos masën e bllokimit dhe detyron personin të
regjistrohet menjëherë, si tatimpagues i tatimit mbi vlerën e
shtuar. Z. Koka për të ushtruar aktivitetin tregëtar, nuk duhet të
mjaftohet vetëm me Licensën, por duhet të ishte rregjistruar në
QKB, përpara se të fillonte të ofronte shërbime. Strukturat e
administratës tatimore i propozojnë strukturave kompetente
pezullimin e lejes apo licencës/autorizimit për ushtrim veprimtarie
për një periudhe 6-mujore. Institucionet përkatëse njoftojnë brënda
30 ditëve administratën tatimore për masat e marra në lidhje me
ekzekutimin e propozimit të bërë nga administrata tatimore. Masa e
bllokimit për rastin në fjalë vendoset në vendin e konstatimit të
shkeljes kur veprimtaria zhvillohet në një adresë fikse. Në
momentin e konstatimit mbahet akti i konstatimit dhe procesverbali
përkatës sipas të cilit vendoset masa e bllokimit. Në aktin e
konstatimit shënohet çdo e dhënë identifikuese dhe përshkrim i
qartë i rastit,
-
6
përfshirë datën e identifikimit, të dhënat identifikuese të
personit, adresa e plotë të tij, numri i telefonit dhe çdo e dhënë
tjetër e disponueshme.
13. Z. Jorgji zotëron shoqërinë AMA shpk, por gjithashtu është i
rregjistruar edhe si
person fizik pranë QKB. Ai vendos të mbyllë të dy aktivitetet e
tij dhe për këtë kryen
procedurat dhe aplikimin për ç’regjistrim pranë QKB-së.
A duhet të dorezojë z. Jorgji më deklarata tatimore nga data e
aplikimit në QKB për
të dy subjektet?
(5 pikë)
Përgjigje:
Po ai duhet të dorzojë deklarata tatimore. Për shoqërinë AMA
shpk detyrimi për të deklaruar, ndërpritet në momentin e dorëzimit
të raportit përfundimtar të likuidimit /bashkimit/ndarjes, në
Qëndrën Kombëtare të Biznesit ose gjykatë. (2.5 pike) Për personin
fizik, detyrimi për të dorëzuar deklaratat tatimore ndërpritet në
çastin e aplikimit të tyre për ç’regjistrim në Qendrën Kombëtare të
Biznesit, por duke filluar nga muaji që pason muajin e aplikimit të
personit fizik për çregjistrim. Nga ky muaj sistemi informatik
tatimor nuk gjeneron më deklaratat tatimore të tij për të gjithë
llojet e tatimeve. (2.5 pike)
14. Për secilën prej kërkesave më poshtë, bëni krahasimet duke
shpjeguar të
përbashkëtat dhe diferencat për:
a) “Faturë shoqërimi” me “Fletë shoqërimi”
Përcaktoni rastet kur përdoret secila prej tyre duke e ilustruar
dhe me shembull.
b) “Kontroll tatimor i plotë në vend” me “Vizitë fiskale”
c) “Raport i kontrollit tatimor” me “Raporti përfundimtar i
kontrollit tatimor”
(6 pikë)
Përgjigje:
a) “Faturë shoqërimi” me “Fletë shoqërimi”
Përcaktoni rastet kur përdoret secila prej tyre duke e ilustruar
dhe me shembull.
Personi i tatueshëm, për çdo lëvizje të brendshme të mallrave
nga magazina në
magazinë, nga magazina në dyqan apo anasjelltas, nga qëndra në
filial, nga vendi i
prodhimit në magazinë, nga vendi i prodhimit në dyqan, etj,
është i detyruar të
lëshojë faturën e shoqërimit të mallit. Fatura e shoqërimit të
mallit lëshohet edhe në
rastin e shitjeve derë më derë.
Në rastin kur një person i tatueshëm (shitësi) furnizon (shet)
mallrat për një person
tjetër të tatueshëm (blerës), por lëvizja e mallrave nëpërmjet
transportit nuk kryhet
-
7
në drejtim të personit të tatueshëm blerës-rishitës, por në
drejtim të një personi të
tretë (pritësi/blerësi i tretë), sipas kontratës së
shitjes/porosisë së personit të
tatueshëm blerës (rishitës), lëshohet fletë shoqërimi nga
personi I tatueshëm shitës
në të cilën identifikon personin e tatueshëm blerës të mallrave
dhe të dhënat
identifikuese të tij, si dhe të dhënat e pritësit të mallrave,
NIPT-in dhe adresën ku
mallrat janë destinuar të transportohen.
b) “Kontroll tatimor i plotë në vend” me “Vizitë fiskale”
Kontrolli tatimor I plotë në vend dhe vizita fiskale të dyja
janë kontrolle tatimore.
Kontrollet tatimor të plotë në vend janë gjithëpërfshirëse dhe
ndërmerren për të
kontrolluar të gjitha aspektet e biznesit të personit të
tatueshëm për të gjitha
periudhat kohore që nga kontrolli i plotë i fundit dhe të gjithë
llojet e tatimeve. Këto
kontrolle kryhen bazuar në analizën e riskut.
Ndërsa vizitat fiskale janë kontrolle të shkurtra të kryera
gjatë një periudhe të
shkurtër kohore për të verifikuar saktësinë e deklaratave dhe
pagesave, si rregull
vetëm për një periudhe të caktuar tatimore dhe vetëm për një
lloj tatimi. Në rastet
kur nga këto vizita fiskale konstatohen probleme serioze dhe
dyshime të bazuara për
fshehje tatimi, kontrollori propozon kryerjen e një kontrolli të
plotë në vend.
c) “Raport i kontrollit tatimor” me “Raporti përfundimtar i
kontrollit tatimor”
Raporti i kontrolli tatimor lëshohet jo më shumë se 7 ditë nga
përfundimi i
kontrollit nga inspektori i kontrollit dhe miratohet nga
strukturat përkatëse të
kontrollit përfshirë përgjegjësin e sektorit, drejtorin e
kontrollit tatimor, si dhe
drejtori i drejtorisë rajonale.
Raporti përfundimtar i kontrollit tatimor përgatitet dhe
nënshkruhet nga
inspektori i kontrollit tatimor dhe urdhëruesi i kontrollit
tatimor brenda 14 ditëve
kalendarike nga data kur është marrë apo vlerësohet se është
marrë
kundërshtimi raportit të kontrollit tatimor nga personi i
tatueshëm i kontrolluar
nga ana e drejtorisë rajonale të tatimeve.
Të dy raportet duhet të përshkruajnë detajet e veprimeve te
kryera gjatë
kontrollit, deklaratat, dokumentet, librat, regjistrat dhe
regjistrimet e
kontrolluara, të dhënat e shfrytëzuara gjatë kontrollit dhe
burimet e tyre,
mënyrat e ushtrimit të kontrollit, gjetjet me kryesore te tij,
problemet e dala,
rezultatet e kontrollit, shkeljet e kryera nga personi i
tatueshëm me
argumentimin përkatës, shumën e vlerësimit tatimor të propozuar
dhe
referencat përkatëse ligjore.
-
8
Të dy raportet i dërgohen me postë tatimpaguesit dhe një kopje
ruhet nga
drejtoria rajonale e tatimeve.
Raporti i kontrollit tatimor mund të kundërshtohet nga
tatimpaguesi i kontrolluar
brenda 15 ditëve kalendarike pas datës, kur vlerësohet se
raporti është marrë
nga tatimpaguesi ndërsa nëse raporti përfundimtar i kontrollit
tatimor propozon
një vlerësim të ri, tatimpaguesi ka afat të paguajë ose apelojë
njoftim-vlerësimin
që lidhet me këtë raport kontrolli jo më vonë se 30 ditë
kalendarike nga data e
hyrjes në fuqi të njoftim-vlerësimit.
15. Një individ, ditën e shtunë shtrohet me urgjencë në një
spital privat i regjistruar si tatimpagues dhe i nënshtrohet një
ndërhyrje kirurgjikale në zemër. Spitali i kërkon kryerjen e një
pagese prej 200.000 lekë paradhënie për hospitalizimin. Individi
ose të afërm të tij kryejnë pagesën në arkën e spitalit dhe pajisen
me kuponin tatimor si pagesë e kryer me para në dorë, si dhe me
faturën përkatëse tatimore, pasi vlera e transaksionit është mbi
40.000 lekë. Kjo pagesë e kryer me para në dorë dhe jo nëpërmjet
llogarisë bankare a është në respektim të legjislacionit tatimor? A
duhet të gjobitet spitali për këtë veprim? Nëse po, me çfarë
vlere?
(7 pikë)
Përgjigje:
Pagesa e kryer me para në dorë, dhe jo nëpërmjet llogarisë
bankare nuk është objekt i kufizimit ligjor. Si rrjedhojë ajo është
në respektim të legjislacionit tatimor. Në këtë rast nuk aplikohet
gjobë.
Seksioni III Tatimet mbi të ardhurat
16. Shpjegoni kuptimin e termit “Seli e Përhershme” bazuar në
dispozitat e ligjit nr.8438,
datë 28.12.1998 “Për tatimin mbi të ardhurat”, i ndryshuar dhe
Udhëzimit nr.5, datë
30.01.2006 “Për tatimin mbi të ardhurat”, i ndryshuar.
(5 pikë)
Përgjigje:
a) Emërimi “Seli e Përhershme”, nënkupton një vend të caktuar
biznesi, nëpërmjet të cilit
ushtrohet tërësisht apo pjesërisht biznesi i një personi.
b) Do të konsiderohen si seli të përhershme: një zyrë
administrative, një degë, një fabrikë,
një punishte, një minierë apo çdo vend tjetër për shfrytëzimin e
burimeve natyrore, si dhe
një shesh ndërtimi, rikonstruksioni, instalimi apo montimi.
c) Një person nuk do të konsiderohet se ka seli të përhershme
nëse ai:
-
9
i) përdor mjediset vetëm për qëllim magazinimi apo ekspozimi të
mallrave që i përkasin atij
personi;
ii) mban një gjëndje mallrash që i përkasin atij personi vetëm
me qëllim magazinimi apo
ekspozimi;
iii) mban një gjëndje mallrash që i përkasin atij personi vetëm
për qëllime përpunimi nga një
person tjetër;
iv) mban një vend të caktuar biznesi vetëm për qëllim blerjeje
mallrash apo për mbledhje të
dhënash për biznesin e atij personi; v) mban një vend të caktuar
biznesi vetëm për qëllim
ushtrimin e çdo veprimtarie përgaditore apo ndihmëse për
biznesin e atij personi.
ç) Pavarësisht nga dispozitat e shkronjave « a » dhe « b » të
sipërpërmëndura, kur një agjent
i ndryshëm nga një agjent i pavarur, ndaj të cilit zbatohet
shkronja « d » e përmendur më
poshtë, vepron në emër të një personi, ka dhe zakonisht ushtron
një autoritet për të
përfunduar kontrata në emër të atij personi. Ai person do të
trajtohet njëlloj sikur të kishte
një seli të përhershme në vendin ku ushtrohen këto veprimtari,
për çdo veprimtari që kryen
agjenti për atë person, përveç rasteve kur veprimtaritë e
agjentit kufizohen në shkronjën « c
» të përmendur më sipër, të cilat edhe kur ushtrohen nepërmjet
një vendi të caktuar biznesi,
nuk do ta bënin atë vend të caktuar biznesi një seli të
përhershme.
d) Një person nuk do të konsiderohet se ka një seli të
përhershme kur ai ushtron biznesin e
tij nëpërmjet një ndërmjetësi, agjenti komisioner të
përgjithshëm, apo çdo agjenti tjetër me
një status të pavarur, me kusht që këta agjentë të veprojnë në
kuadër të zakonshëm të
biznesit të tyre.
dh) Fakti që një shoqëri kontrollon ose kontrollohet prej një
shoqërie tjetër, nuk përbën në
vetvete arsye për ta quajtur secilën shoqëri seli të përhershme
të tjetrës.
17. Shpjegoni se cilat janë shpenzimet e zbritshme për individët
që plotësojnë
deklaratën vjetore individuale të të ardhurave. (5 pikë)
Përgjigje:
Njihen si shpenzime të zbritshme: 1) shuma e interesit bankar të
kredisë së marrë për shkollim, për vete apo për fëmijët dhe
personat në kujdestari (2 pike) 2) shpenzimet për mjekim, për vete
apo për fëmijët dhe personat në kujdestari, për pjesën e pambuluar
nga sigurimi i detyrueshëm shëndetësor, sipas përcaktimeve të
rregulluara me Vendim të Këshillit të Ministrave. (2 pikë) Personat
jorezidentë nuk përfitojnë nga e drejta e llogaritjes së
shpenzimeve të zbritshme. (1 pikë)
-
10
18. Shoqëria “B” është shoqëri rezidente në Shqipëri. “B”
ushtron aktivitet në fushën e
sigurimeve dhe gjithashtu zotëron 40 % të kapitalit të shoqërisë
“C”, e cila është
rezidente në Kroaci.
Për vitin 2018 kemi informacionin si vijon në lidhje me
shoqërinë “B”:
-Të ardhurat nga aktiviteti në fushën e sigurimeve 150,000,000
lekë
-Të ardhurat nga dividentët e shpërndarë nga shoqëria “C”
16,000,000 lekë
-Shpenzimet 80,000, 000 lekë
nga të cilat:
shpenzime të panjohura për efekte fiskale 2,850,000 lekë
Kërkohet të llogaritni:
a) Të ardhurat e ushtrimit dhe ato tatimore të realizuara nga
shoqëria “A” për 2018.
b) Të llogaritet tatimi mbi fitimin për vitin 2018, duke ditur
që vlera e kësteve të
parapagimit të tatimit mbi fitimin për vitin 2018 ishte
zero.
(6 pikë)
Përgjigje:
a) Të ardhurat e ushtrimit për vitin 2018 janë 166,000,000 lekë
(150,000,000 + 16,000,000). Të ardhurat tatimore për vitin 2018
janë 150,000,000 lekë. (2 pikë) Referuar nenit 26 “Pjesmarrjet që
përjashtohen nga tatimi mbi fitimin”, të ligjit nr.8438, datë
28.12.1998 “Për tatimin mbi të ardhurat”, i ndryshuar, në
përcaktimin e fitimit të tatueshëm të një personi rezident
përjashtohen, si të ardhura dividendët dhe ndarjet e fitimit, kur
ato shpërndahen nga shoqëritë e ortakëritë rezidente dhe shoqëritë
jorezidente të huaja, që janë subjekte të tatimit mbi fitimin,
pavarësisht nga kuota pjesëmarrjes, në vlerë ose në numër, të
kapitalit aksionar, të së drejtës së votës apo të pjesëmarrjes në
kapitalin fillestar apo aksionar të përfituesit. (2 pikë)
b) Tatimi mbi fitimin për vitin 2018 rezulton 10,927,500
lekë.
Llogaritjet: Të ardhurat tatimore 150,000,000 lekë Minus
shpenzimet 80,000,000 lekë Plus shpenzimet e panjohura 2,850,000
lekë Fitimi paratatimit 72,850,000 lekë Tatim fitimi (15%)
10,927,500 lekë (2 pikë)
-
11
19. Individi X gjatë muajit prill 2019, ka patur të ardhura
bruto nga burimet si më poshtë:
- Të ardhura bruto nga punësimi në subjektin Z 200,000 Lekë dhe
honorar nga
pjesëmarrja në bord në këtë subjekt 40.000 lekë. - Të ardhura
nga pjesëmarrja në komisionin e vleresimit të ofertave pranë
Ministrisë 20,000 Lekë - Të ardhura bruto nga dividenti i
subjektit rezident në RSH në shumën 300.000
lekë. - Arkëtim nga shoqëria e sigurimit për dëmtimin e
automjetit 100.000 lekë. - Të ardhura nga shitja e aksioneve të një
shoqërie rezidente ne RSH ku ishte
pjesëmarrës 5.000,000 Lekë. Vlera e blerjes së aksioneve është
2,000,000 Lekë - Të ardhura të përftuara nga punëdhënësi për rast
sëmundje 30,000 Lekë.
Kërkohet: - Për secilën prej të ardhurave individuale më sipër,
përcaktoni nëse janë të
tatueshme, bazën e tyre të tatueshme dhe shumën e tatimit të
llogaritur për këto të ardhura.
- Tregoni mënyrën e deklarimit dhe pagesës së tatimit. (7
pikë)
Përgjigje:
Të ardhurat bruto tek shoqëria Z do të përfshijnë dhe honorarin
nga bordi dhe do të jenë 240,000 lekë. Këto të ardhura do të
tatohen në mënyrë progresive me tatimin mbi të ardhurat nga
punësimi. Llogaritjet si më poshtë:
30.000 lekë*0% 0 Lekë
120,000 lekë x 13% 15,600 lekë
90,000 lekë x 23% 20,700 lekë
Totali 36,300 Lekë
- Të ardhura nga pjesëmarrja në komisionin e vleresimit të
ofertave pranë Ministrisë 20,000 Lekë, do të tatohen me 15% tatim
në burim. (20,000 lekë * 15%=3,000 lekë). Deklarimin dhe pagesën e
kryen shoqëria brenda datës 20, të muajit pasardhës.
- Të ardhura bruto nga dividenti i subjektit rezident në RSH në
shumën 300.000 lekë,do të tatohen me 8% tatim në burim. (300,000
lekë * 8%=24,000 lekë).Deklarimin dhe pagesën e kryen shoqëria
brenda datës 20, të muajit pasardhës.
- Arkëtim nga shoqëria e sigurimit për dëmtimin e automjetit
100.000 lekë, është e ardhur e patatueshme.
- Të ardhura nga shitja e aksioneve të një shoqërie rezidente ne
RSH ku ishte pjesëmarrës 5.000,000 Lekë. Vlera e blerjes së
aksioneve është 2,000,000 Lekë. Tatimi në burim për tu paguar (5
milion-2 milion)*15%=450,000 lekë. Deklarimin
-
12
dhe pagesën e kryen individi, nëpërmjet deklaratës mujore të
tatimit në burim ose deklaratës vjetore.
- Të ardhura të përftuara nga punëdhënësi për rast sëmundje
30,000 Lekë, është ardhur e patatueshme pasi është brenda limitit
vjetor të 20% të pagës vjetore.
Seksioni IV Tatimi mbi vlerën e shtuar
20. Shoqëria Ylberi shpk identifikon në magazinën e saj një sasi
mallrash të skaduara. Si
trajtohen këto mallra për efekt të TVSH dhe çfarë procedure
duhet të ndiqet me
organet përkatëse për të realizuar shkatërrimin e këtyre
mallrave?
(5 pikë) Përgjigje:
Daljet jashtë përdorimit të mallrave për shkak se janë të
papërdorshme, ose u ka kaluar afati i përdorimit të tyre nuk jane
objekt I rregullimit te zbritjes së TVSH-së ne blerje nese zbatohet
procedura e shpjeguar me poshte. Ky proces nuk shoqërohet me faturë
tatimore. (1 pike)
Personi i tatueshëm i cili do të kryejë nxjerrjen jashtë
përdorimit të mallrave duhet:
i) të bëjë një njoftim me shkrim drejtuar autoritetit tatimor,
përkatësisht Drejtorisë Rajonale Tatimore ku është i regjistruar.
Nëpërmjet njoftimit, autoriteti tatimor informohet në lidhje
me:
a. Listën e mallrave që do të nxjerrë jashtë përdorimit, b.
arsyet e nxjerrjes jashtë përdorimit për secilin artikull dhe
c. numrin e njësive/sasinëe mallrave,
d. çmimin e blerjes së secilit prej mallrave;
e. vlerën e mallrave;
f. datën kur do të kryhet ky proces. (1 pike)
iii) Njoftimi duhet të dërgohet pranë Drejtorisë Rajonale
Tatimore jo më vonë se 5 ditë kalendarike, para datës së nxjerrjes
jashtë përdorimit të mallit. (1 pike)
iv) Drejtoria Rajonale Tatimore cakton për të marrë pjesë në
këtë proces dy inspektor, të cilët mbajnë një procesverbal për këtë
qëllim, të konfirmuar edhe nga përfaqësuesi i personit të tatueshëm
dhe personat e tjerë të pranishëm gjatë këtij procesi.
Nëse inspektoret nuk paraqiten brenda afatit të përcaktuar,
personi i tatueshëm ka të drejtë të vazhdojë normalisht me
nxjerrjen jashtë përdorimit të mallit. Në këtë rast janë të
nevojshme dokumentet e institucioneve përkatëse të cilat kanë
verifikuar shkatërrimin e mallrave, kur kërkohet prania e tyre. (1
pike)
-
13
Nëse procedura e mësipërme nuk ndiqet ose inspektorët tatimor
kundërshtojnë kërkesën e personit të tatueshëm ose në rast
kontrolli konstatojnë se personi ka vepruar në kundërshtim me
përcaktimet ligjore tatimore apo me ligjet specifike të sektorit ku
vepron, atëherë ai është i detyruar të kryejë rregullimin e TVSH-së
së zbritur për mallin në përputhje me ligjin. (1 pike)
21. Cili është momenti i lëshimit të faturës tatimore?
(5 pikë) Përgjigje: Bazuar në nenin 32 dhe 33 të ligjit, kushtet
ligjore për lindjen e TVSH-se, moment në të cilin kërkohet të
lëshohet fatura tatimore, përmbushen kur: a) Kryhet furnizimi i
mallrave ose shërbimeve; (1 pike)
b) kryhen pagesa pjesore ose pagesa të njëpasnjëshme për
furnizimet e mallrave ose të shërbimeve, por furnizimi i mallrave
ose shërbimeve faktikisht nuk është kryer, këto furnizime mallrash
ose shërbimesh konsiderohen të kryera në përfundim të çdo periudhe,
së cilës i referohen pagesat. (1 pike)
c) Furnizimet e mallrave dhe shërbimeve të kryera në mënyrë të
vazhdueshme, brenda një periudhe kohore, përfshirë operacionet e
ndërtimit, konsiderohen të kryera në të njëjtin muaj, në të cilin
lëshohet fatura në përputhje me pikën 5, të nenit 99, të ligjit. (1
pike) d) Për çdo pagesë të kryer para se të kryhet furnizimi i
mallit ose para përfundimit të furnizimit të shërbimit, TVSH-ja mbi
pagesën lind dhe bëhet e kërkueshme në momentin e arkëtimit të
shumës së paguar. (1 pike)
e) Si rregull bazuar në pikën 1, të nenit 99, të ligjit, fatura
lëshohet në momentin e furnizimit të mallit ose shërbimit, por në
rastin kur fatura tatimore është lëshuar përpara furnizimit,
TVSH-ja bëhet e kërkueshme në momentin kur është lëshuar fatura. (1
pike)
22. Shoqëria Pranvera shpk, është regjistruar për qëllime të
TVSH qe nga 1 shkurt 2015.
Ndonëse, shoqëria i ka përgatitur përherë vetë deklaratat
tatimore, për muajin maj
2019 shefja e financës ka disa paqartësi lidhur me trajtimin e
TVSH.
Shitjet dhe blerjet e realizuara nga Pranvera shpk gjatë muajit
maj 2019, janë si më poshtë:
Vlera ne Leke
TVSH ne Shitje
Shitje me norme standarde 1,500,000
Shitje me cmim te reduktuar Shënimi 1
TVSH ne Blerje
Blerje me norme standarde 1,000,000
Shpenzime për pritje përcjellje Shënimi 2
Riparime për autovetura Shënimi 3
-
14
Të gjitha vlerat e mësipërme janë të paraqitura pa TVSH.
Shënimi 1: Me 10 maj 2019 shoqëria realizoi shitjen e një
produkti me vlerë 100,000
leke (pa TVSH). Për te inkurajuar një pagese te shpejte,
shoqëria ofroi një zbritje prej
10%, me kusht që pagesa të kryhet brenda muajit maj. Klienti
realizoi pagesën me
datë 29 maj.
Shënimi 2: Me 15 maj 2019 shoqëria priti disa klientë te cilëve
në përfundim të
takimit u ofroi një darkë. Vlera e faturës se restorantit ishte
15,000 Lekë (përfshirë
TVSH).
Shënimi 3: Gjate muajit maj autovetura e shoqërisë pati një
defekt. Fatura e lëshuar
nga mekaniku me 29 maj 2019, përfshin sa me poshtë:
- Ndërrimi i pjesëve me defekt – 8,400 Lekë (7,000 + 1,400
TVSH)
- Kosto pune 1,200 Lekë (1,000 + 200 TVSH)
Vlera e këtyre faturave nuk është përfshirë në totalin e
shitjeve dhe blerjeve të
tatueshme në tabelën më sipër.
Përllogarisni vlerën e TVSH të pagueshme apo kreditore që
rezulton për shoqërinë Pranvera shpk, për muajin maj 2019.
(6 pikë) Përgjigje:
Veprimet e realizuara gjatë muajit maj reflektohen si më poshtë
për efekte të TVSH: Lidhur me shënimin 1: Bazuar në nenin 41 të
ligjit për TVSH nenit 32 të Udhezimit të TVSH Në rastin kur ulja
përfitohet më vonë, jo në momentin e furnizimit, por e kushtëzuar
me datën kur do të kryhet pagesa apo çdo kusht tregtar tjetër, që
të merret parasysh reduktimi i vlerës së tatueshme të furnizimit në
momentin kur kushti plotësohet prej blerësit ose klientit duhet që
ky fakt të jetë evidentuar (shkruar) në faturë në momentin e
furnizimit prej furnizuesit. Për të lejuar mospërfshirjen në vlerën
e tatueshme të furnizimit është kusht që: - në faturë të cilësohen
kushtet e skontos tregtare të aplikuar;
- të shënohet data kur kërkohet të kryhet pagesa në mënyrë që të
përfitohet skonto;
- të përcaktohen edhe penalitetet nëse pagesa kryhet me vonesë.
Në momentin që përfitohet ulja, moment i cili mund të jetë në një
periudhë tjetër tatimore furnizuesi lëshon një faturë tatimore me
TVSH (notë krediti) për blerësin ose klientin duke evidentuar në
të: - Dukshëm shënimin “faturë korrigjuese- notë krediti”;
- Të dhënat e faturës që korrigjon si nr. fature, nr. serial,
datë, etj.;
- Vlerat saktësuese përkatëse përkatësisht në rastin e një ulje
duhet të jenë me vlera negative;
- Të shkruhet arsyeja e korrigjimit të vlerës së furnizimit.
-
15
Kjo faturë regjistrohet prej shitësit në kutitë përkatëse të
librit të shitjes si shitje me TVSH. Vlerat regjistrohen me shenjë
negative dhe i zbriten vlerës së shitjeve dhe TVSH
përkatësisht.
Pra, Pranvera shpk, do të rezultojë me një faturë shitje me
vlerë 100,000 + 20,000 (TVSH), dhe një note krediti me vlerë
negative prej (10,000) + (2,000) TVSH. (2 pikë) Lidhur me shënimin
2: Bazuar në nenin 74 të ligjit për TVSH, shpenzimet e për aktivite
clodhëse, akomodim dhe përfaqesimi nuk lejojnë kreditimin/zbritjen
e TVSH në blerje. (1 pikë) Lidhur me shënimin 3: Bazuar në nenin 74
të ligjit të TVSH, shpenzimet për autovetura nuk lejojnë
kreditimin/zbritjen e TVSH në blerje. (1 pikë)
Vlera e tatueshme TVSH pagueshme (zbritshme)
TVSH në Shitje
Shitje me normë standarde 1,500,000 300,000
Shitje me cmim të reduktuar 100,000 (10,000)
20,000 (2,000)
TVSH në Blerje
Blerje me normë standarde 1,000,000 (200,000)
Shpenzime për pritje përcjellje
15,000 -
Riparime për autovetura 9,600 -
TVSH pagueshme (zbritshme) 118,000 (1 pikë)
23. Shoqëria A gjatë muajit Janar 2019 ka kryer transaksionet e
mëposhtme të
dokumentuara me faturat përkatëse:
Nr Përshkrimi Vlera e
tatueshme Me tatim të
detyrueshëm Të përjashtuar
leke 20% 0%
1 Eksporte 1.000.000
2 Shitje të ndryshme të tatueshme me TVSH
100.000.000
3 Shitje e ndërtesës 5.000.000
4 Shërbimi transporti brenda vendit 500.000
5 Shërbime ndërmjetësimi të ndryshme
100.000
-
16
6 Blerje ndërtese 20.000.000
7 Ka pranuar një faturë të anulluar për kthim malli nga klienti
për difekt
500.000
8 Blerje makina për transportin e mallrave
10.000.000
9 Blerje autoveture 5.000.000
10 Blerje Makineri për rishitje 5.000.000
11 Vegla pune 500.000
12 Blerje mallrash me tvsh 30.000.000
13 Blerje mallrash pa tvsh 500.000
14 Transport me tvsh 200.000
15 Riparime të autoveturës 500.000
16 Shpenzime hotelerie për një udhëtim pune
50.000
17 Shpenzime postare për letra postare 200.000
Përcaktoni duke shënuar në kutinë përkatëse vlerën e tvsh-së
sipas shkallës tatimore që
tatohen këto furnizime dhe llogarisni TVSH për tu paguar nëse
shoqëria ka edhe një tvsh
të zbritshme gjendje nga muaji i mëparshëm prej 250.000
lekë.
(7 pikë)
Përgjigje:
Tvsh në shitje për furnizimet e tatueshme 20.020.000 lekë (6
transaksione * 0.5 pikë secila)
Tvsh në blerje 9.140.000 lekë (11 transaksione * 0.5 pikë
secila)
Tvsh e detyrueshme për tu paguar (20.020.000-9.140.000)=
10.880.000 lekë – 250.000 lekë tvsh e
zbritshme nga muaji i kaluar = 10.630.000 lekë tvsh për tu
paguar
Nr Përshkrimi Vlera e
tatueshme Me tatim të detyruesh. Të përjasht
lekë 20% 6% 0% .
1 Eksporte 1.000.000 0% neni 57
2 Shitje të ndryshme të tatueshme me TVSH
100.000.000 20.000.000
3 Shitje e ndërtesës 5.000.000 Përjashtohet
neni 53
4 Shërbimi transporti brenda vendit 500.000 100.000
5 Shërbime ndërmjetësimi të ndryshme
100.000 20.000
-
17
6 Blerje ndërtese 20.000.000 Përjashtohet
neni 53
7 Ka pranuar një faturë të anulluar për kthim malli nga klienti
për difekt
500.000 (100.000)
8 Blerje makina për transportin e mallrave
10.000.000 2.000.000
9 Blerje autoveture 5.000.000 Nuk zbritet
neni 74
10 Blerje Makineri për rishitje 5.000.000 1.000.000
11 Vegla pune 500.000 100.000
12 Blerje mallrash me tvsh 30.000.000 6.000.000
13 Blerje mallrash pa tvsh 500.000
14 Transport me tvsh 200.000 40.000
15 Riparime të autoveturës 500.000 Nuk zbritet
neni 74
16 Shpenzime hotelerie për një udhëtim pune
50.000 Nuk zbritet
Neni 74
17 Shpenzime postare për letra postare
200.000 Perjashtohet
neni 51
Seksioni V Kontributet e detyrueshme te Sigurimeve Shoqerore dhe
Shendetesore
24. Tregoni mënyrën e llogaritjes të sigurimeve shoqërore dhe
shëndetësore në rastin e një personi të regjistruar në QKB si
Person Fizik, i cili nuk është i punësuar në subjekt tjetër dhe ka
një person të familjes të papunësuar.
(4 pikë) Përgjigje:
Në këtë rast Personi i vetëpunësuar është përgjegjës për pagesën
e kontributit edhe për punonjësit e papaguar të familjes, si më
poshtë:
Kontributet e detyrueshme të sigurimeve shoqërore për personin e
vetëpunësuar, përfshirë punëdhënësin e vetëpunësuar, llogariten si
përqindje mbi një pagë bruto, jo më të ulët se paga minimale në
shkallë vendi dhe jo më të lartë se paga maksimale, e miratuar me
vendim të Këshillit të Ministrave.
Kontributet e detyrueshme të sigurimeve shoqërore pёr punonjësin
e papaguar të familjes llogariten mbi pagën minimale në shkallë
vendi, të miratuar me vendim të Këshillit të Ministrave.
Kontributet e detyrueshme të sigurimit shëndetësor për personin
e vetëpunësuar, përfshirë punëdhënësin e vetëpunësuar dhe
punonjësin e papaguar të familjes, llogariten sipas nivelit të
parashikuar si përqindje mbi dyfishin e pagës minimale në shkallë
vendi, të miratuar me vendim të Këshillit të Ministrave.
-
18
25. Individi X gjatë muajit dhjetor 2018, ka qënë i punësuar
pranë dy shoqërive A dhe B
dhe ka përfituar pagat dhe shpërblimet bruto si më poshtë: 1.
Tek shoqëria A, pagë bruto 100.000 lekë dhe një shpërblim me rastin
e festave të
fundvitit 50.000 lekë. Shpërblimi nuk është i lidhur me
performancën në punë. 2. Tek shoqëria B, pagë bruto 50.000 lekë dhe
një shpërblim të lidhur me
performancë 10.000 lekë.
Kërkohet të llogariten sigurimet shoqërore dhe shëndetësore, të
punëdhënësit dhe punëmarrësit sipas legjislacionit në fuqi.
(5 pikë)
Përgjigje:
1. Shoqëria A: Shpërblimi i marrë, duke qënë që nuk ka natyrë të
përhershme nuk
përfshihet në pagën që merret parasysh për efekt të llogaritjes
së sigurimeve
shoqërore dhe shëndetësore. Llogaritjet si më poshtë:
a. Sigurime shoqërore punëmarrës 100,000 lekë x 9.5%=9,500
lekë
b. Sigurime shëndetësore punëmarrës 100,000 lekë x 1.7%=1,700
lekë
c. Sigurime shoqërore punëdhënës 100,000 lekë x 15%=15,000
lekë
d. Sigurime shëndetësore punëdhënës 100,000 lekë x 1.7%=1,700
lekë
2. Shoqëria B: Shpërblimi I marrë, duke qënë që ka natyrë të
përhershme përfshihet në
pagën që merret parasysh për efekt të llogaritjes së sigurimeve
shoqërore dhe
shëndetësore. Sigurimet shoqërore në këtë shoqëri do të paguhen
si diferencë e
pagës maksimale për efekt të sigurimeve shoqërore me pagën që
punonjësi është
siguruar tek shoqëria A. Sigurimet shëndetësore do të paguhet
mbi totalin e të
ardhurave. Llogaritjet si më poshtë:
a. Sigurime shoqërore punëmarrës (114,670 – 100,000)lekë x
9.5%=1,394 lekë.
b. Sigurime shëndetësore punëmarrës 60,000 lekë x 1.7%=1,020
lekë.
c. Sigurime shoqërore punëdhënës (114,670 – 100,000)lekë x
15%=2,201 lekë.
d. Sigurime shëndetësore punëdhënës 60,000 lekë x 1.7%=1,020
lekë.
-
19
Seksioni VI Taksat vendore direkte
26. Subjekti tregtar Gjergji P., i regjistruar si biznes i vogël
me veprimtari në fushën e
turizmit me qarkullim të deklaruar 5-8 milion lekë në vit, ka
dorëzuar deklaratën e
tatimit të thjeshtuar mbi fitimin për vitin 2018. Shuma e
fitimit neto të deklaruar
është 800.000 lekë. Biznesi i tij përbëhet nga një hotel me 6
dhoma me sipërfaqe
totale ndërtimi 240 m2 dhe sipërfaqe trualli 120 m2.
Tregoni cilat janë taksat vendore që duhet të paguajë ky subjekt
dhe cila është baza ose metodologjia e llogaritjes së tyre.
(4 pikë)
Përgjigje: Taksat vendore që do të paguajë ky subjekt tregtar
janë: (1 pike) 1. Tatimi i thjeshtuar mbi fitimin për biznesin e
vogël. 2. Taksa mbi pasurinë e paluajtshme, në të cilën përfshihen
taksa mbi ndërtesën dhe taksa mbi truallin 3. Taksa e fjetjes në
hotel; 4. Taksa e tabelës; 5. Taksa të përkohshme.
1. Tatimi i thjeshtuar mbi fitimin për biznesin e vogël, në
shkallën tatimore 5% mbi fitimin e deklaruar të tatueshëm për vitin
e parë të aktivitetit, ose mbi bazën e të dhënave të deklaratës
tatimore të një viti më pare pasi nga të ardhurat zbriten
shpenzimet e njohura, tatim i cili paguhet me këste në 20 prill, 20
korrik, 20 tetor dhe 20 dhjetor (1 pikë) 2. Taksa mbi ndërtesën.
Baza e taksës mbi ndërtesat është vlera e ndërtesës, që llogaritet
në përputhje me metodologjinë dhe procedurat e përcaktuara me VKM
dhe konkretisht sot 0.2% mbi vlerën e vetdeklaruar, rivlersuar ose
mbi vlerën e transaksionit të shitblerjes në 3 vitet e fundit,
cilado prej tyre është më e larta. Taksa paguhet në logarinë e
bashkisë, në territorin e së cilës ndodhet prona e taksueshme (0.5
pikë) Taksa mbi truallin. Baza e taksës mbi truallin është
sipërfaqja e truallit, në metër katror, në pronësi apo përdorim të
taksapaguesit sipas dokumentit ose e vetdeklaruar. Niveli i taksës
caktohet në lekë për metër katror sipas klasifikimit të zonës ku
ndodhet biznesi. (psh, në Tiranë, Durrës dhe qytetet kryesore 20
lekë/m2). Taksa paguhet në llogarinë e bashkisë, në territorin e së
cilës ndodhet prona e taksueshme (0.5 pikë) 3. Taksa e fjetjes në
hotel. Baza e taksës së fjetjes në hotel është numri i netëve të
qëndruara në hotel. Detyrimi për taksën llogaritet si shumëzim i
nivelit të taksës së vendosur nga bashkia, për natë qëndrimi, me
numrin e netëve të qëndrimit në hotel. Detyrimi për taksën i takon
klientit që strehohet në hotel, detyrim i cili mbahet nga hoteli
për llogari të bashkisë në territorin e së cilës ndodhet hoteli,
p.sh.140 lekë/nata në Tiranë dhe 70 lekë/nata në qytetet e tjera
kryesore. Në faturën e hotelit
-
20
shënohet çmimi i fjetjes dhe mbi të vlera e taksës. Derdhja e të
ardhurave për këtë taksë nga hoteli në favor të bashkisë në
juridiksionin e së cilës ndodhet vendndodhja e tij, bëhet brenda
datës 5 të muajit pasardhës. (0.5 pikë) 4. Taksa e tabelës. Taksa e
tabelës zbatohet për të gjitha subjektet, të cilat vendosin tabela,
të lëvizshme apo të palëvizshme, për të identifikuar veprimtarinë e
tyre ose për qëllime reklamimi të veprimtarisë së tyre apo dhe për
të tretë, që vendosen në pamjen ballore të vendndodhjes së
veprimtarisë, ose brenda territorit të përbashkët në qendrat
tregtare, ose në hapësira jashtë vendndodhjes së veprimtarisë,
qofshin këto publike ose private vetëm nëse tabela është më e madhe
se 2 m2. Këshilli bashkiak është autoriteti, i cili vendos nivelin
e bazës së taksës për çdo kategori të tabelës sipas ligjit. Niveli
i taksës përcaktohet me ligj sipas kategorive. (0.5 pikë) 5. Taksa
të përkohshme. Këshilli bashkiak kur e gjykon të domosdoshme,
vendos taksa me karakter të përkohshëm, në interes të përgjithshëm
të komunitetit, në territorin brenda juridiksionit të tij, p.sh.
taksa e infrastrukturës arsimore në bashkinë e Tiranës. (+ 0.5
pikë)
Seksioni VII
Akcizat dhe Taksat doganore
27. Cili është momenti dhe vendi i lindjes së detyrimit të
akcizës për mallrat e akcizës që
prodhohen në Shqipëri dhe për mallrat e akcizës të importuara.
Cili është subjekti që
bën deklarimin e akcizës.
(4 pikë) Përgjigje:
1. (1.5 pikë) Për mallrat që prodhohen në Shqipëri dhe mallrat e
importuara detyrimi i
akcizës lind në momentin e hedhjes së mallit për konsum në
territor, i cili përfshin: a) dalja,
përfshirë edhe daljen e parregullt, e produkteve të akcizës nga
një regjim i pezullimit të
detyrimeve; b) mbajtja e produkteve të akcizës jashtë një
regjimi pezullues të detyrimeve,
ku akciza nuk është vjelë sipas ligjit të akcizës; c) prodhimi,
përfshirë edhe prodhimin e
parregullt, i produkteve të akcizës, jashtë një regjimi të
pezullimit të detyrimeve; ç) importi,
përfshirë edhe importin e parregullt, i produkteve të akcizës,
me përjashtim të rastit kur
produktet, menjëherë pas importit, janë futur nën një regjim të
pezullimit të detyrimeve. d)
momenti i dërgimit të produkteve të akcizës nga një depozitues i
miratuar drejt një personi
juridik ose fizik, që nuk është i autorizuar të presë mallra
akcize nën regjimin e pezullimit të
detyrimeve; e) momenti i prodhimit të produkteve të akcizës
përtej sasive të parashikuara
në ligj; ë) momenti i konsumimit të produkteve të akcizës për
qëllime vetjake brenda
ambienteve të magazinës fiskale; f) momenti i krijimit të
humbjeve apo firove të produkteve
të akcizës, me përjashtim të humbjeve dhe firove të shfaqura
gjatë periudhës së pezullimit
të detyrimeve, nëse depozituesi i miratuar mund të provojë që
këto humbje apo firo kanë
ardhur si rezultat i një ngjarjeje të paparashikuar ose force
madhore, ose që këto humbje a
firo të lidhura në mënyrë të pandashme me karakteristikat e
produktit janë shfaqur gjatë
prodhimit, magazinimit dhe transportit të produkteve të akcizës;
g) dita kur autorizimi i
-
21
depozituesit të miratuar ose autorizimi i përjashtimit nga
detyrimi i akcizës pushojnë së qeni
të vlefshëm, sipas dispozitave të ligjit; gj) momenti kur
pritësi i regjistruar merr mallra akcize
nën regjimin e pezullimit të detyrimeve, sipas nenit 30 të
ligjit për akcizat.
2. (1 pikë) Në rastet e importit të mallrave të akcizës,
detyrimi i akcizës lind në momentin e lindjes së borxhit doganor,
pra në momentin e kryerjes së procedurave të
zhdoganimit të mallit, sipas përcaktimeve përkatëse të Kodit
Doganor, me përjashtim të
rasteve kur detyrimi i akcizës pezullohet sipas dispozitave të
ligjit për akcizat.
3. (1.5 pikë) Deklarimi i akcizës bëhet nga: a) depozituesi i
miratuar; b) pritësi i regjistruar; c) dërguesi i regjistruar; ç)
përfaqësuesi fiskal; d) individi (personi fizik natyror,
psh udhëtari i cili ka në bagazh 5 kg kafe, për 3 kg kafe është
i përjashtuar nga pagesa e
akcizës, ndërsa për 2 kg kafe duhet të deklarojë dhe paguajë
akcizë në pikën doganore të
Rinasit.)
Ju urojmë suksese! Erton Kaleshi Kryetar Komisioni i Provimeve
të Aftësive Profesionale