SUID-AFRIKA KANTOOR: Posbus 242 Carnarvon NK 8925 [email protected] +27(12)807 2763 +27(83)628 6488/+27(84)506 3399 Kontak asb kantoor vir bankbesonderhede Boodskap van Mike Burnard, INcontext International Ons het gister van ’n lewens-veranderende besoek aan Sirië teruggekeer. Woorde kan op hierdie oomblik nie ons harte en emosies beskryf nie. Ons het die moedigste, toegewydste, vriendelikste, vrygewigste en gasvryste mense ontmoet wat ons oorlaai het met liefde en inspirasie. Ons het ’n lewende Kerk gevind. Ons het gevind lig vrees nooit vir duisternis nie. Ons het lewende stene gevind tussen die geraamtes van geboue. Ons het blomme by die grafte gevind. En ons het die Lewende God Self gevind wat woon tussen die mense van Sirië (Open 21:3-5). Ons het God gevind wat besig is om alles nuut te maak. Dankie aan al die heiliges wat ons in Sirië ontvang het, aan ons helde van Libanon wat ons begelei het, en ons vriende van oor die wêreld wat ons in gebed vergesel het. Verenig asb saam met ons in voortdurende gebed waar ons Sirië voor die troon van God bring. Bid vir die Kerk, die mense en die leierskap. Bid vir vrede. Bron: Mike Burnard, INcontext International Christenskap se bestaan in Sirië word bedreig In vennootskap met Libanese Christen leiers, wat hul lewens waag om Sirië te besoek wanneer omstandighede dit toelaat, beoog INkonteks om kos, klere, medisyne en ander basiese lewensmiddele aan die Kerk in Sirië te voorsien. Met die oorlog in Irak en Sirië steeds onopgelos, fokus die media hoof- saaklik op die onseker uittog na Europa wat baie onderneem, en op die moeilike lewensomstandighede van baie wat in kampe in Libanon, Jordanië en Turkye vasgevang is. Meeste finansiële hulp en gebede fokus op hierdie gebiede. En met reg: die 65.3 miljoen migrante is die ‘storie van ons tyd’ en vereis ontsteltenis en aksie. Maar wat van dié wat agtergebly het? Daar word min gepraat van die agtergeblewenes, en hulle het net soveel (of meer) hulp nodig as die vlugtelinge. Lees volledige artikel: https://www.incontextinternational.org/project-hero/ Kopiereg © 2018 SAT-7 www.sat7sa.org www.sat7.org www.sat7uk.org Wêreldwyd assossieer mense outomaties die Arabiese taal met die Islam geloof. Dit is ook waar van die mense in Turkye waarvan 98 present van die bevolking Moslems is. Die dokumentêre program, Mersin Ortodokse Kerk Paasfees is gedurende Paasfees uitgesaai om hierdie persepsie uit te daag. Die program het ses pragtige Arabiese liedere, wat die lewe van Jesus Christus besing, ingesluit. “Mense was sekerlik aanvanklik geskok en verbaas om Christelike liedere in Arabies te hoor. Hulle kon nietemin ervaar hoe Christene hul gevoelens uitdruk en die Arabiese lirieke deur middel van subtitels volg,” vertel Yazıroğlu, SAT-7 TÜRK se Vervaardiger van die program. Daar is baie verskillende etniese Christen groepe en denominasies in Turkye, en elkeen vier Paasfees verskillend. Nietemin is die kernboodskap, dat Jesus opgestaan het uit die dood, vir almal dieselfde. “In hierdie dokumentêr wou ek die Christelike boodskap in die Ortodokse kultuur met sy eiesoortige liturgie en rituele, illustreer. Ek wou geleentheid vir die Ortodokse Christene skep om te verduidelik wat hulle doen en wat dit beteken,” verduidelik Yazıroğlu. Daar is nie baie inligting oor die Ortodokse geloof beskikbaar in Turkye nie en misverstande is algemeen. Die dokumentêr spreek wanpersepsies aan wat mense in Turkye mag hê. Hierdie SAT-7 TÜRK dokumentêr is in lyn met die bediening se doelwit om begrip en eenheid tussen verskillende Christen denominasies en etniese groepe in die MENA streek te bevorder “Met hierdie dokumentêr wou ek geleentheid skep vir openlike bespreking waar mense mekaar nie oordeel nie, maar wil leer van ander,” verduidelik Yazıroğlu verder. BID Bid vir die Christene in Turkye; vir hul veiligheid, vry- moedige getuienis en eenheid tussen denominasies. Bid dat God vooroordeel teen Christene sal afbreek. Mei 2019 INkonteks span in Sirië