Blwyddyn Newydd Dda! Happy New Year! · Rhifyn 2 Issue 2 Blwyddyn Newydd Dda! Happy New Year! Gaeaf 2012 Winter 2012 Newyddion TraCC Trafnidiaeth Canolbarth Cymru (TraCC) yw’r Consortiwm

Cyngor Sir Ceredigion County Council Cyngor Gwynedd Council Cyngor Sir Powys County Council

Rhifyn 2 Issue 2

Rhifyn 2 Issue 2

Blwyddyn Newydd Dda!

Happy New Year!

Gaeaf 2012 Winter 2012

Newyddion TraCC Trafnidiaeth Canolbarth Cymru (TraCC) yw’r Consortiwm Trafnidiaeth Rhanbarthol ar gyfer y Canolbarth, ac mae’n bartneriaeth wirfoddol rhwng y tri awdurdod lleol yn y rhanbarth, sef Ceredigion, Powys a Gwynedd (ar gyfer ardal Meirionnydd). Mae’r bartneriaeth wedi ennill ei phlwyf, ac mae’n enghraifft dda o gydweithio llwyddiannus rhwng aw-durdodau lleol, sy’n gweithio gyda’i gilydd a gyda phartneriaid i wella’r system drafnidiaeth yng nghanolbarth Cymru. Cefnogir y Bartneri-aeth gan y Tîm Craidd yn Swyddfeydd Cyngor Sir Ceredigion yng Nghanolfan Rheidol, Aberystwyth.

“Calon Trafnidiaeth yng Nghymru The Heart of Transport in Wales”

Cyhoeddodd TraCC ei Gynllun Trafnidiaeth Rhanbarthol cyntaf yn ôl ym mis Medi 2009, ac fe gyflawnodd yr awdurdodau lleol amrywiaeth o gynlluniau gwerth cyfanswm o £3.047 miliwn yn ystod 2010/11, blwyddyn gyntaf Rhaglen Gyfalaf y Cynllun Trafnidiaeth Rhanbarthol. Eleni rydym yn darparu amrywiaeth o brosiectau trafnidiaeth gwerth cyfanswm o £4.5 miliwn.

Cyhoeddodd Carl Sargeant AC, y Gweinidog Llywodraeth Leol a Chymunedau, flaenoriaethau’r Cynllun Trafnidiaeth Cenedlaethol gan roi pwys-lais ar ysgogi twf economaidd i Gymru. Mae a wnelo’r Cynllun Cenedlaethol a Chynlluniau Rhanbarthol y consortia trafnidiaeth â gweithredu Strategaeth Drafnidiaeth Cymru (2009). Gwnaeth y Gweinidog ei gyhoeddiad yn sgil adolygiad o’r Cynllun Cenedlaethol gwreiddiol a gyhoeddwyd ym mis Mawrth 2010. Ymddengys bod Rhaglen y Cynllun Cenedlaethol newydd yn gymysgedd o gyllid Cyfalaf a Refeniw. Gofynnwyd i TraCC, ynghyd â’r tri chonsortiwm arall yng Nghymru, gyflwyno rhestr o faterion trafnidiaeth y dylid rhoi blaenoriaeth iddynt yn y rhaglen tair blynedd. Gofynnwyd i ni hefyd nodi blaenoriaethau rhanbarthol nad oedd eisoes yn y Cynllun Cenedlaethol. Gwelwyd y byddai yno gy-fle i ddisodli blaenoriaethau’r Cynllun Cened-laethol gyda’r blaenoriaethau rhanbarthol pe byddent yn dangos mwy o werth am arian.

Hefyd, gwahoddwyd y Consortia Trafnidiaeth Rhanbarthol i gyflwyno rhestr o’r ‘Pump Uchaf’ o blith y cynlluniau rhanbarthol.

Cafwyd rhywfaint o newyddion da i ganolbarth Cymru gyda’r cyhoeddiad bod gwaith yn debygol o fynd rhagddo ar ffordd osgoi’r Drenewydd, ar ôl i Lywodraeth Cymru gyhoeddi’r bwriad i ’benodi contractwyr ar gyfer yr A483 yn Y Drenewydd yn 2012/13’.

Ar y llaw arall, nid oedd yr arolwg yn cynnwys tri o gynlluniau ‘Pump Uchaf’ TraCC — A486 Post Bach i Synod Inn, A487 Llanrhystud i Aberystwyth ac A487 Pont Dyfi. Mynegwyd pryder hefyd am na chyhoeddwyd dyddiad ar gyfer dechrau’r gwa-sanaeth bob awr rhwng Aberystwyth ac Am-wythig, a disgrifiwyd y prosiect fel ‘ymrwymiad parhaus’. Bydd TraCC yn cyflwyno tystiolaeth (hynny yw, ei sylwadau ynghylch y cyhoeddiad ynglŷn â’r Cynllun Trafnidiaeth Rhanbarthol) i Bwyllgor Busnes a Menter Cynulliad Cenedlaethol Cymru ym mis Chwefror.

Llywodraeth Cymru’n Rhoi Blaenoriaeth i’r Cynllun Trafnidiaeth!

Am ragor o wybodaeth ewch i: wales.gov.uk/newsroom/transport/?lang=cy Map y Cynllun Trafnidiaeth: wales.gov.uk/docs/det/publications/100329ntpmapcy.pdf


Rhifyn 2 Issue 2 Rhifyn 2 Issue 2


Cynllun Cyflawni Drafft TraCC Roedd hi’n ofynnol i TraCC, ynghyd â’r tri Chonsortiwm Trafnidiaeth Rhanbarthol arall, lunio drafft o Gynllun Cyflawni a’i gyflwyno i Lywodraeth Cymru erbyn 23 Tachwedd 2011. Lluniwyd drafft o’r Cynllun cyflawni heb wybod faint o gyllid y byddai Llywodraeth Cymru’n ei ddarparu i TraCC a’r tri awdurdod lleol sy’n aelodau. Serch hynny, mae’r cynnwys yn seiliedig ar drafodaethau a gafwyd â swyddogion Llywodraeth Cymru, a’r Rhaglen Bum Mlynedd a gymeradwywyd gan Fwrdd TraCC. Yn ogystal â rhai prosiectau newydd, ceir cyllid yn y Cynllun Cyflawni drafft i gyflawni elfennau o’r prosiectau presennol hynny a fydd yn cymryd mwy nag un flwyddyn ariannol i’w cwblhau – megis Porth Cludiant Teithwyr Aberystwyth ac adnewyddu’r ffordd a’r rheilffordd ar Bont Briwet. Mae’r Cynllun drafft yn cynnwys Rhaglen Pum Mlynedd Grant Cyfalaf y Cynllun Trafnidiaeth Rhanbarthol fel y’i cymeradwywyd gan Fwrdd TraCC (14 Hydref 2011). Mae hefyd yn pennu’r rhaglenni cyllido arfaethedig ar gyfer gwariant cymeradwy drwy grantiau eraill y Consortia Trafnidiaeth Rhanbarthol, gan gynnwys:

Grant Refeniw’r Cynllun Trafnidiaeth Rhanbarthol (Grant Craidd y Consortiwm); Grant Cyfalaf Rhanbarthol ar gyfer Diogelwch y Ffyrdd; Grant Refeniw Rhanbarthol ar gyfer Diogelwch y Ffyrdd; Grant Cyfalaf y Ganolfan Trafnidiaeth Cynaliadwy; a Grant Refeniw’r Ganolfan Trafnidiaeth Cynaliadwy (Cydlynu’r Cynllun Teithio Rhanbarthol).

Ar ôl cael adborth ffurfiol ac arwydd o’r dosraniad cyllid ar gyfer y tair ffrwd cyllid grant, bydd yn ofynnol i TraCC ddiwygio ei gynigion a’u cynnwys mewn Cynllun Cyflawni terfynol i’w gyflwyno ar 10 Chwefror.

Porth Aberystwyth ar y gweill

Cynllun Cyflawni drafft TraCC ar y we: http://www.tracc.gov.uk/index.php?id=100&L=1

Mae’r gwaith wedi dechrau ar ‘Borth’ Cludiant Teithwyr Aberystwyth. Bydd y cynllun £2.5 miliwn yn gwella’r ardal a’r cyfleusterau yng nghyffiniau’r orsaf reilffordd, y safle bysus a’r safle tacsis, ac yn darparu cyfleusterau cyffredinol i gerddwyr ar hyd Ffordd Alexandra (A487T). Dyma gynllun pwysig sy’n rhan o strategaeth ehangach i adfywio Aberystwyth, ac yn benodol i ddar-paru gwell mynediad at gyfleusterau o ansawdd uwch, a chreu lle gwell i bobl aros i ddefnyddio cludiant cyhoeddus yn y dref. Mae’r prosiect yn rhan o strategaeth gyffredinol i wella cyfleusterau cludiant teithwyr ar hyd a lled y rhanbarth er mwyn annog mwy o bobl i deithio mewn ffordd fwy cy-naliadwy yn amgylcheddol. Clustnodwyd y prosiect yn gyntaf yng Nghynllun Trafnidiaeth Rhanbar-thol TraCC, ac mae’n un o brosiectau blaenllaw TraCC a Chyngor Sir Ceredigion. Cyflawnir y prosiect gam wrth gam er mwyn peidio â tharfu â Ffordd Alexandra, ac mae prosiect ategol i wella Gorsaf Reilffordd Aberystwyth yn cael ei ddatblygu ar hyn o bryd. Bwriedir cwblhau’r gwaith ar y ‘Porth’ erbyn Haf 2012.

Gallwch weld cynllun y Porth a rhagor o fanylion drwy fynd i:

www.ceredigion.gov.uk/index.cfm?articleid=17605




Po

rth

Ab

erys

twyt

h -

ar

y g

wei

ll




Bwcabus yn mynd o nerth i nerth!

Bwcabus yw’r bws hygyrch sy’n cludo pobl ar alw yn ne Ceredigion a gogledd Sir Gâr. Caiff y gwasanaeth ei deilwra yn ôl anghenion y teith-wyr, sy’n ffonio i archebu teithiau ymlaen llaw. Darperir y gwasanaeth rhwng 07:00 a 19:00 o ddydd Llun i ddydd Sadwrn. Ehangwyd ardal Bwcabus ym mis Rhagfyr 2011 i alluogi pobl i deithio o amgylch y trefi a’r pentrefi lleol a chysylltu â’r bysus sy’n mynd i Aberaeron, Aberystwyth, Aberteifi, Caerfyrddin, Llanbedr Pont Steffan, Llandysul, Pencader a Chastellnewydd Emlyn. Nod Bwcabus yw gwella mynediad i wasanaethau allweddol mewn cymunedau gwledig, gan gynnwys teithio i chwilio am waith a mynd i dderbyn gofal iechyd. Ceir lloriau isel ar y bysus i’w gwneud yn haws esgyn arnynt, ac mae lle i goetsis cadair a chadeiriau olwyn.

Mae’r prosiect yn ffrwyth partneriaeth lwyddiannus rhwng cynghorau sir Ceredigion a Sir Gâr, Traveline Cymru, Llywodraeth Cymru, Prifysgol Morgannwg a chwmnïau bysus. Si-crhawyd cyllid gan Gronfa Datblygu Rhanbarthol Ewrop a Llywodraeth Cymru i ddarparu’r system chwyldroadol hon ar gyfer cludiant cefn gwlad. Bydd TraCC yn cynnal y prosiect eleni drwy ddarparu cyllid o Grant Cyfalaf y Cynllun Trafnidiaeth Rhanbarthol i brynu cerbydau newydd cwbl hygyrch ac ehan-gu’r gwasanaeth. Bwriedir gwneud cais am gyl-lid ar gyfer gwella llefydd aros ac integreiddio â mathau eraill o gludiant cyhoeddus a phreifat drwy greu cyfnewidfeydd/canolfannau cludiant yng Ngheredigion.

Am ragor o wybodaeth ewch i wefan Bwcabus www.bwcabus.info neu ffoniwch 01239 801 601

Deiseb yn galw am Well Cludiant Cyhoeddus yng Ngheredigion




Cynllunio Teithio

Mae TraCC a chyrff eraill wedi cael gwybod am ddeiseb newydd a gyflwynwyd i Bwyllgor Deise-bau’r Cynulliad. Geiriad y ddeiseb (P-04-345) yw: ‘Rydym yn galw ar Gynulliad Cenedlaethol Cymru i annog Llywodraeth Cymru i adfer a/neu wella’r cysylltiadau trên a bws rhwng Caerfyrd-din yn sir Gaerfyrddin ac Aberystwyth yn sir Ceredigion.’ Ar ôl derbyn llythyr oddi wrth Glerc y Pwyllgor Deisebau, manteisiodd TraCC ar y cyfle i ymateb yn ysgrifenedig i’r Ddeiseb, gan nodi pwysigrwydd Aberystwyth yn y rhanbarth a’r angen i wella’r cysylltiadau cludiant cyhoeddus, nid yn unig i Gaerfyrddin ond hefyd i lefydd eraill yng Nghymru a’r Deyrnas Gyfunol. Nid yw TraCC o’r farn bod adnewyddu’r hen reilffordd rhwng Aberystwyth a Chaerfyrddin yn flaenoriaeth i’r rhanbarth ar hyn o bryd. Byddai hynny’n debygol o fod yn ddrud, a byddai’n ddoethach rhoi blaenoriaeth i fuddsoddi mewn

gwella ansawdd cludiant cyhoeddus ar y ffyrdd a’i wneud yn fwy hygyrch. Yn hytrach nag ailagor yr hen reilffordd rhwng Aberystwyth a Chaerfyrddin, mae TraCC am annog Llywodraeth Cymru i fuddsoddi mewn gwell gwasanaethau i deithwyr ar y rheilffordd sydd eisoes yn bod yn y Canolbarth - yn enwedig felly drwy gyllido’r ‘ymrwymiad parhaus’ yn y Cynllun Trafnidiaeth Cenedlaethol i sefydlu gwasanaeth bob awr rhwng Aberystwyth ac Amwythig.

Apêl: Gwell cludiant cyhoeddus yng Ngheredigion

Yn yr un modd â’r consortia eraill, mae TraCC wrthi’n cyflwyno’r Gwobrau Cynllunio Teithio yn y rhanbarth. Ceir pedair lefel (efydd, arian, aur a phlatinwm) i gyd-nabod arfer gorau a rhagoriaeth mewn cynllunio teithio. Mae’r cynllun yn agored i bob sefydliad yn y sectorau cyhoeddus, preifat a gwirfoddol, a datbly-giadau newydd lle mae tystiolaeth amlwg fod yno ym-roddiad i gynllunio teithio. Gall TraCC gynnig Hyfforddiant Teithio Call i sefydliadau a grwpiau, gan ddangos sut a phryd i ddefnyddio dulliau teithio cynaliadwy yn yr ardal (cludiant cyhoeddus, rhannu car a llwybrau beicio). Darperir y Gwobrau Cynllunio Teithio a’r Hyf-forddiant Teithio Call yn rhad ac am ddim.

Mae TraCC hefyd yn gweithio gyda Chroeso Cymru ar brosiect Canolfan Ragoriaeth Eryri. Nod y prosiect yw hybu twristiaeth gynaliadwy yn yr ar-dal drwy gynorthwyo trigolion ac ymwelwyr fel ei gilydd i deithio’n gynaliadwy, a hefyd i wella eu hiechyd ac elwa ar yr amgylchedd naturiol.

Rydym hefyd yn gweithio ar well pecyn adnoddau a fydd yn ei gwneud yn haws i bobl ddatblygu Cynlluniau Teithio. Bydd modd i bawb ddefnyddio’r adnoddau hyn, a byddwn hefyd yn dal i ymweld â grwpiau i roi cyngor ar gynllunio teithio.

Mae paratoadau ar droed i TraCC gymryd rhan mewn digwyddiad fel rhan o daith y Fflam Olym-paidd drwy’r rhanbarth. Bydd y Fflam yn dod heibio ar 27 - 28 a 30 Mai, bydd rhagor o fanylion yn dilyn yn fuan ar y wefan.

I gael gwybod mwy am sut fedr TraCC gynorthwyo â chynllunio teithio, ewch i: http://www.tracc.gov.uk/index.php?id=96&L=0




Ymateb TraCC i Arolwg Simpson Dros yr hydref a’r gaeaf cynhaliwyd sawl cyfarfod rhwng Aelodau ac uwch swyddogion yr awdur-dodau lleol, Cymdeithas Llywodraeth Leol Cymru, swyddogion Llywodraeth Cymru a Carl Sergeant AC, y Gweinidog Llywodraeth Leol a Chymunedau (sy’n gyfrifol am gludiant) i drafod cynlluniau i wella cydweithio (gweithio mewn partneriaeth) rhwng awdurdodau lleol a Llywodraeth Cymru. Daeth hynny yn sgil cyhoeddi Arolwg Simp-son, sydd â’r nod yn y pen draw o sicrhau gwelliant o ran rheoli a darparu gwasanaethau cyhoed-dus yng Nghymru, a cheir cyfeiriad penodol at brif-fyrdd a gwasanaethau trafnidiaeth. Credir bod y pedwar Consortiwm Trafnidiaeth Rhanbarthol yn enghreifftiau da o’r ffordd y dylai pethau weithio yn wirfoddol heb fod angen ad-drefnu llywodraeth leol. Gwahoddwyd y Consortia i gyflwyno cynigion ar gyfer rhannu gwaith a gwella’r trefniadau cydweithio er mwyn sicrhau arbedion effeithlonrwydd. Ysgrifennodd TraCC at y Gweini-dog ym mis Hydref i ddatgan ei gefnogaeth i eg-wyddorion Arolwg Simpson ac i amlygu’r gwaith da sydd eisoes yn digwydd yn y Canolbarth. Mae’r tri awdurdod lleol wedi dod i drefniant gwirfoddol ar gyfer cydweithio, gyda threfn gadarn ar gyfer

penderfynu dan reolaeth cytundeb cyfreithiol gry-mus. Gyda hyn mae TraCC wedi gosod y safon yn y Canolbarth a throsglwyddo’n esmwyth o fod yn gorff a oedd yn bennaf gyfrifol am lunio polisi/strategaeth trafnidiaeth rhanbarthol (hynny yw, y Cynllun Traf-nidiaeth Rhanbarthol) i fod yn bartneriaeth sy’n rheoli rhaglenni cyllido rhanbarthol yn effeithiol. Gel-lid gwneud mwy fyth pe bai TraCC a’r awdurdodau lleol yn cael rhagor o adnoddau. Mae TraCC wedi bod yn gwneud gwaith da ers sawl blwyddyn bellach, ac mae’r ymdrechion yn dwyn ffrwyth mewn meysydd newydd – cludiant teithwyr a diogelwch ar y ffordd, er enghraifft. Caf-wyd ymateb oddi wrth y Gweinidog, ac roedd yn falch o weld y cynnydd yn y Canolbarth, sy’n cynn-wys cynlluniau i gydweithio’n rhanbarthol yng nghyswllt rheoli gwastraff, peirianneg ac ymgyng-hori, a ffurfio asiantaeth i reoli rhwydwaith Cefnffyrdd y Canolbarth ar ran Llywodraeth Cymru. Serch hynny, nid da lle gellir gwell, ac ni fyddwn yn gorffwys ar ein bri! Ceir Compact (cytundeb) yn awr rhwng Llywodraeth Cymru ac awdurdodau lleol ar gyfer cyflawni’r newidiadau sy’n ofynnol o fewn amser cytûn.

Mae’r gwaith i wella’r A487 yng Nglandyfi yn mynd rhagddo. Mae’r cynllun £10 miliwn yn cynnwys gwella a lledu 1.3 cilometr o’r ffordd i gydymffurfio â’r safo-nau cyfredol, yn ogystal â darparu cy-fleusterau i gerddwyr a beicwyr. Bu swyddogion TraCC a’r awdurdodau lleol yn ymweld â’r safle ym mis Tach-wedd i fwrw golwg ar gynnydd y cynllun, a gychwynnodd ym mis Mawrth 2011 ac a ddylai gael ei gwblhau yn ddiwedda-rach eleni.

Gwella’r A487 yng Nglandyfi

Gwaith yn mynd rhagddo ar yr A487 yng Nglandyfi.

Am ragor o wybodaeth am Arolwg Simpson ewch i: http://www.wlga.gov.uk/cymraeg/simpson-report-local-regional-national/

http://www.wlga.gov.uk/cymraeg/simpson-report-local-regional-national/




Ar 8 Rhagfyr agorwyd ffordd osgoi newydd ar yr A470 rhwng Cwmbach a’r Bontnewydd ar Wy gan Carl Sargeant AC, y Gweinidog Llywodraeth Leol a Chymunedau. Mae’r ffordd newydd yn 5.7 cilomedr o hyd ac wedi costio £51 miliwn, ac nid oes arni’r troeon llym na’r pontydd isel a nodweddai’r hen ffordd. Hefyd, ceir rhagor o lefydd i oddiweddyd yn ddiogel. Daw’r datblygiad calonogol hwn yn sgil agor ffordd osgoi Llandysilio ym mis Gorffennaf 2011.

Ffordd osgoi rhwng Cwmbach a’r Bontnewydd ar Wy

Y ffordd osgoi newydd rhwng Cwmbach a’r Bontnewydd ar Wy

Dweud eich dweud…

Beth yw’ch barn chi ynglŷn â blaenoriaethau Llywodraeth Cymru o ran y Cynllun Trafnidiaeth Cenedlaethol? Beth yn eich tyb chi yw’r materion pwysicaf o ran trafnidiaeth yng nghanolbarth Cymru?

Os oes gennych unrhyw sylwadau neu syniadau am drafnidiaeth a theithio yng nghanolbarth Cymru, hoffem glywed oddi wrthych.

Sut i gysylltu â TraCC

Cyfeiriad: Canolfan Rheidol Rhodfa Padarn, Llanbadarn Fawr, Aberystwyth, Ceredigion, SY23 3UE.

Ffôn: 01970 633431 E-bost: [email protected]
mailto:[email protected]

Blwyddyn Newydd Dda! Happy New Year! · Rhifyn 2 Issue 2 Blwyddyn Newydd Dda! Happy New Year! Gaeaf 2012 Winter 2012 Newyddion TraCC Trafnidiaeth Canolbarth Cymru (TraCC) yw’r Consortiwm

Documents