Benito Juárez - SIL International · Benito Juárez Zapoteco de San Pedro Quiatoni Segunda edición Publicado por Gieeln Diidx Zah Tlacolula, Oaxaca, México 2018. Descripción:

Benito Juárez

Benito Juárez

Zapoteco de San Pedro Quiatoni

Segunda edición

Publicado por Gieeln Diidx Zah

Tlacolula, Oaxaca, México 2018

Descripción: En este pequeño libro se narra la vida de Benito Juárez, un hombre zapoteco que llegó a ser un presidente muy famoso de México.

Las fotografías en este libro son del Monumento a Benito

Juárez, ubicado en Oaxaca de Juárez, Oaxaca. Estas fueron tomadas por R. Natán Martínez D. ©2011 por Rucel Natán Martínez DeLombard. Derechos reservados conforme a la ley.

Asesora lingüística: Valerie Martínez Revisión: Carmen Martínez Cruz © 2015 por Nicasio Martínez Miguel. Derechos reservados conforme a la ley. Primera edición 3/2016 .25C Segunda edición 8/2018 .25C

Benito Juárez Zapoteco de San Pedro Quiatoni (zpf)

8/2018 Tlacolula, Oax. .25C

1

Benito Juárez byablyuh behn leen giehdxin ni la Guelatao, leen lyuh Lua. Gok behn ptoo ihz 1806. ¡Ba wix chop gayuu ihz nde ni gok behn ptoo!

Tsana gok behn benin, rahn behn lliil. Deb

ni reyahw lliil gihll, laa behn rool behn tohb pchiein.

2

Tsana ba rap behn chii pchop ihz, zek zie behn Lua. Roꞌk pseed behn diidx xtil, pseed behn rnii behn diidxa, roꞌk pseed behn rkuaa behn y rool behn.

Behn ni been behn dxiin loh naka behn ni rliib ria gicheꞌt raka libr, zek nehza laa behn pseed behn laa gak dxiina ruun behn.

3

Laa behn webit behn pseed behn, byaa behn gok behn behn nahn ro, pseed behn lli mod nak ria diidx ni rnibee leen xlyuh México, gok behn behn ni rsiuni ria behn, zek nu mod suni behn ria behn saꞌ behn tsana zakzi ria behna.

Juárez pchinia behn kuaꞌ behn llindxaꞌp laa gak behn ni ruun behn dxiin loh.

4

Ihz 1847 gok behn gobernador Lua. Laa behn ren ka nak xkiäl riehn behn, nad xkiäl riehn behn gak ziꞌk rak xkiäl riehn ria behn ni rnibee ni re zek. Laa behn rnii behn: “Ria te mniet dobloh saka”. Zek nehza, Santa Ana, ni nak President México, rähba nad ndzääb su Juárez leen xlyuh México. Niꞌk been nak ni pkächloh Juárez, briääl behn leen xlyuh México zie behn stob zeꞌ.

5

Tsana byok Juárez leen xlyuh México stob, behn ni nak President, niꞌk psaawa Juárez lachgiib.

Tsana briääl Juárez lachgiib, ihz 1858, zek gok behn President México.

6

Ihz 1862, Juárez blää behn diidx kob ni rnii lliod ndzääb bahñ mniet leen xlyuh México. Diidx re nak lah na “Leyes de Reforma”. Loh na rnii: • Nad mod tsuꞌ dioo loh xtiidx xtis: ria behn dioo nibee na dioo, zek ria xtis nibee na leen yuꞌ lääy. • Ndzääb chiniaa mniet loh ley, niꞌk nak ni sak. • Ria yuh lad ni rgäꞌch tagol niꞌk xyuh xtisa. • Ria xyuh dioo, xtis nunia na.

Deb ni gok Juárez President, zek President ni zohb Francia (Francia re na stob dech gichlyuh) pxääla tohb behn ni la Maximiliano gaka rey loh behn México. Juárez nad behn nkiähb ni nibee Maximiliano leen xlyuh México zeka gok giäl dihl y been behn gan loh Maximiliano.

7

8 9

Xtiidx Juárez ni maz rnaa laadx ria behn rnii na: “Tohb tohb behn zak kue behn mod ni xlioh behn niꞌk nak zakru bahñ behn. Bal nak ziꞌk gak xkiäl riehnn, sdxirien wen rian behn ni dxurian.”

Juárez guit behn bää jul ni rak pchiin choon (18) dzeh, ihz 1872.

Ria dibuh ni mnal loh deb tas loh giꞌch re, ¿zuul gan dxäla loh dibuh ni ka re?

Dibuh re laa na ka loh tohb gitaꞌ ni zu roꞌ giehdx Lua.Deb ga lah giehdx Lua naka

Ria dibuh ni mnal loh deb tas loh giꞌch re, ¿zuul gan dxäla loh dibuh ni ka re?

Dibuh re laa na ka loh tohb gitaꞌ ni zu roꞌ giehdx Lua. Deb ga lah giehdx Lua naka “Oaxaca de Juárez”.