BEM60-1204M Ukusokolola Kwakwa Yesu Kristu VGRdownload.branham.org/pdf/BEM/BEM60-1204M The Revelation...UKUSOKOLOLA KWA K WA YESU KRISTU Iyi mbila iyabulo kulundwamo na Munyina William

Ukusokolola Kwakwa Yesu Kristu

na

Rev. William Marrion Branham

Ishiwi lyantanshi

Rev. William Branham afyelwe mu mpili sha Kentucky pa April 6, 1909. Abafyashi bakwe bali ababusu, abekala calo abashakwete ukwampana kwa bukapepa. Panuma ya kupilibulwa kwakwe, ena asontelwe kapyunga kabili acemene ulukuta mu Indiana pa myaka ingi. Mu 1946, balimwitile ku St. Louis, Missouri, kukupepela abalwele mu kupuputulwa. Amakana balyundepwe muli kulyo kulongana kwa ntanshi, calengele ukulalikwa ukushinga pendwa ku nkuta munko yonse, ukulunduluka mukukwata imisonkano yakwe inko yonse, ukupepela abalwele. Bukapyunga bwakwe bwatungulwile ukupuputulwa ukwa kundapa ukukalamba uko kwaile mu America monse mu ntendekelo yamu 1940. Ukucetekelwa no uuli onse uwaishibe wene ukuba umubomfi wakwa Lesa, ena asambilishe ukutila Baibele yali Icebo cakwa Lesa icapwililika kabili ukutila amabulayo ayabamo muli yena yali fye ayacishinka ilelo nge fyo yena yali ilyo yena yalandilwe. Abengi bakabila wa mbila nsuma abaishibikwa aba bulya bushiku e mo bali mukulongana kwa uyu kasesema wakwa Lesa kabili bali mupele umucinshi nganshi, ukubikapo Munyina Tommy Hicks, Munyina Oral Roberts na Munyina Tommy Orsborn.

UKUSOKOLOLA KWA KWA YESU KRISTU

Iyi mbila iyabulo kulundwamo na Munyina William Marrion Branham yaletelwe pa Mulungu ulucelo, December 4, 1960 pa Branham Tabernacle mu Jeffersonville, Indiana, U.S.A. Imbila iyayambulwa, impendwa 60-1204M, lyainikwa Ukusokolola Kwakwa Yesu Kristu, yaba ama ora yabili na ma miniti amakumi yane ubutali. Amano yonse yalibikwako mukufumya Imbila mu mashiwi pali magnetic tepu uwaambulwa ukubikwa pebula ilyalembwa. Ili buku lyalilembwa no kupelwa naba Voice of God Recordings.

Natotela, nganshi, Munyina Neville. Kuti mwaikala. Ndecetekela calilandilwe inshita imo, ukutila, “Nali uwansansa ilyo batile kuli ine, ‘Natuleya mu ng’anda yakwa Shikulu.’”

Nomba, ifwe mutweleleko ukutila tatukwete incende, 2

atemwa incende yakwikalamo, kuli bonse abalipo, kabili nalimo bali no kufula onse umulungu uuleisa, pa bantu ukulaisamo, ukumfwa palwa kulongana.

Lelo umulandu wa iyi inshita isuma wali wakutila 3

ifwe kuti twacita…Pa mutima wandi Mupashi wa Mushilo alibikile uku kusoka kwa kushinina, ukutila, “Ulukuta muli buno bushiku lulingile ukukwata iyi Mbila.” Pantu, ndecetekela ukutila shena shaba ni Mbila ishapulamo nganshi isha Baibele, pantu shena shilasokolola Kristu mu Lukuta Lwakwe pali ino nshita.

Kanshi, tapali nangu umo uwingakwata icitetekelo 4

atemwa ukwishiba ifyo bena balecita, atemwa uko bena baleya, kano fye bena na bakwata fimo, icintu cimo ukushintilishishapo amatontonkanyo yabo ne citetekelo. E ico kanshi, nga Malembo yalisokolola Kristu kuli ifwe muli ishi nshiku shakulekelesha, kabili ne mibele ya nshita, cena kuti catucita ifwe icisuma uku—ukufwaya Yena no kusanga apo ifwe tubelele.

Nomba, ifwe tuli—ifwe mutweleleko pa kutila 5

chalichi yesu tayakula sana, ubushiku bumo ifwe tulesubila ukukwata yena.

Kabili ishi nshiku shafumako shine, maka maka, 6

ukusoma pali ici palwa ciputulwa ce lyashi lyakale ilye—ilye Buku lya Kusokolola, ine nalipita mu fintu ifyo nshatalile tontonkanyapo ukutila fyalitala ukucitika. Kabili cena calileta kuli ine i—imyumfwile ukutila, panuma ya ishi Nshita Sha Nkuta Cinelubali,

2

ine nalipwisha lilya, ine kuti natemwa ukukwata na shimbi ishatantikwa filya isha kuleta “u—ulwa cine Ulukuta kabili no lukuta ulwabufi,” capamo, kabili ukupita fye mwi lyashi lyakale na Malembo. Ngefyo nshita imo naeseshe, pa mbila, ukusenda “Umwangashi wacine kabili no mwangashi wa bufi,” ifisangwa muli Baibele. Kabili ifwe tuli…

Ifwe twalaesha ukusenda ifipuna fimo, ilyo 7

ndetontonkanya pa bantu ukwesha ukwikala. Kabili ifwe twalaesha ukusenda, ukwesha ukusenda, ifipuna na fimbi ifingi, ukwesha ukwisusha ifipinda kunuma kuno, na panse, kabili na fimbi ifingi ukushinguluka, pa kutila twingekalika na bambi abantu abanono inshita ya kulongana.

Nomba, pali ci, ine kuti naipusha cila umo muli 8

imwe mwe bali abaposako amano nganshi pali ifi fintu, kuti—kuti mwaisa inshita yonse ilyo ifwe—ilyo ifwe tulelondolola Cena. Ine tekuti ndaye, atemwa bushe nalitontonkanya palwandi…[Tapali kantu pali tepu—Ka.]…ukulaya uku…[Tapali kantu pali tepu.]…ili Buku ilikalamba ilya Kusokolola ilya…[Tapali kantu pali tepu.]…Inshita Sha Nkuta Cinelubali. Lelo ndeshintilila umupwilapo pali Lesa, pa—pa kusokolola cena kuli ine ilyo ndeisa kuli lyena.

Ilyashi lyakale ilyacifyalilwa, ilyo ilyaba…lya 9

sendelwe ukufuma kuli bakalemba we lyashi lyakale abapulamo abo naishibapo. Ninkwata mucipinda candi icakusomenamo, ino ine nshita, nalimo ukulondolola kusano atemwa mutanda, ilya Hislop’s ba Babylon Babili, Ibuku Lya Foxes Lya Baipaiwa, nayambi amabuku ayakalamba; nga Pre-Nicene Council, nalimo amabuku yane pali cilya, nalimo amabula imyanda ine muli cila ibuku. Kabili kulya mu Kabungwe ka Nicene, kabili ne lyashi lyakale lyonse ilyo twingacita. Pantu, kunuma ya ici, ukufuma kuli magnetic tepu, tuli no kulemba ubulondoloshi pa Nshita sha Nkuta Cinelubali, ukulituma mwi sonde lyonse, ico kuti twacita, pantu tuli mu nshiku shakulekelesha. Tuli pa nshita ya mpela.

Tacatalile ukuba pa mutima wandi nganshi mpaka 10

u—ukusala kwa kulekelesha, kabili elyo nalimwene

3

apo twabelele. Lyena Mupashi wa Mushilo watendeke ukusokolola kuli ine, uku—ukusoka abantu, no kubika ici. Kabili tekuti ncite cena mu—mu lukuta ngo lu, ukulinga fye. Kabili lyena nga naikele panshi no kulemba fye ibuku…Ndeumfwa ukutila nga nalile ku cintamba, kabili ukuputwa kwa Mupashi wa Mushilo pakati ka Benakristu kwaishile pali ine, ukungafwa ine, lyena ine kuti naba uwalinga nganshi ukulemba ibuku lyena, panuma naifumya pali tepu, pantu palya ifwe kuti twakwata ukuputwa kwa lyena. Amabuku, mucine, yakaba nga yalondololwa bwino panono, pantu, muno, ifwe tulabika ifintu mulya ifyo ifwe tekuti tubike mwi buku. Kabili elyo ifwe…Kabili ifwe tulasenda inshita yesu ikalamba nganshi pa kubwekeshapo fimo fine fwebene, atemwa ndacita. Kabili lyena, mwibuku, fyonse filalungamikwa. Lelo ifwe tuli no kwesha ukuleta yonse, mu bwingi ngefyo twingacita, pa matepu.

Nomba, amatepu, cila nshita ya bushiku, ifitabo 11

kabili na fimbipo, abalumendo bakakwata fyena kunse ka cikulwa kulya.

Nomba, ine limbi tekuti mbe uwalinga cila 12

nshita ya bushiku, ngefyo tusendele palwesu fwebene ukwesha ku bukata bwakwa Lesa, uku—ukuleta ishi Mbila sha nkuta cinelubali, atemwa Inshita sha Nkuta Cinelubali, mu nshita sha bushiku cinelubali; ukusenda cila nshita ya bushiku, inshita. Kwati, pali Cimo bushiku, Efese; pali Cibili ubushiku, Smurna; pali Citatu bushiku, Pergamo; pali Cine ubushiku, Tuatira; pali Cisano bushiku, Sarde; pa Cibelushi ubushiku, Filadelfia; pa Mulungu ulucelo na pa Mulungu ubushiku, Laodikea, inshita ya lukuta iyo tuleikalamo. Ukupela ilyashi lyakale ilya lukuta lwa ntendekelo, kabili ba—bakalemba na bakalemba we lyashi lyakale, kabili ba malaika aba ilya nshita, kabili—kabili imbila, kabili imitungulwile ya lukuta, kabili cena calisa ukupita ukufika kuli ino nshita.

Kabili cintu cakupapusha ukumona ifyo kulandila 13

libela ukuli konse ukwa lilye Lembo kwaba ukwakosa pamo nelyashi lyakale, filya fine fye, kwi tontonkanyo lya cena. Cena caishile mpapusha nganshi, mpaka,

4

mailo, nalibelengele mpaka naum fwile kwati amenso yandi yalefimba. Kabili naishilefuma natile ku mukashi wandi, “Nshatalalotapo pali cena ukuba ulya musango.” Mwamona? Ifyo cena cali icikalamba!

Kabili nomba, inshita imo, ine limbi tekuti 14

mpwishe fyonse mu nshita imo iya bushiku, ulukuta, imbila ku lukuta. Kabili ine nga tekuti mpwishe yena, mu bushiku, lyena ulucelo lwakonkapo pa teni koloko. Cikalabilishiwa cila nshita ya bushiku, kuli abo abalefwaya ukwisa no kumfwa kuyashala iya yena, pantu ifwe tuli no kwesha ukubika yena pali tepu. Ndi no kukwata ukulongana lyena ukufuma pa teni koloko, ulucelo, mpaka mu cungulo, mu nshita ya kasuba, ukwesha ukuileta yena, iyashala imbila, pantu bena kuti baumfwa yena pali tepu. Tacili…

Ifwe natubilisha ukutila takwabe ukulongana 15

nangu kumo ukwa kundapa, pantu ifwe tuleesha ukuba mukulanda kwa busesemo bwa Baibele. Lyena, ifwe twalikwete ukulongana kwa kundapa ili line fye kuno. Kanshi panuma ilyo uku kulongana kwapwa, lyena ifwe tuli no kwisakwata ukulongana kwa kundapa nakabili pa cifulo.

Lelo nomba ndefwaya ukulenga ici ukuba 16

palwalala nganshi, pakutila umuntu onse kuti aibukisha, ukutila nomba, muno, cena kuti caputaula no kutinta, no kutupela ifwe bonse ukusunkanya ukukalamba. Lelo ndi no mulimo, tacili pa—pa cintu nangu cimo kano kushimikila Icebo. Ukutila, epela fye. Ukuba fye…Lelo, cili ukwikatilila ku Cebo. Kabili inshita ishingi cena limbi, muli ishi nshita sha nkuta, limbi kuti calangisha pa cilonganino ca muntu umo. Kabili nga cena kuti cacita cilya, cena tacilepilibula ukuba uwa kwebaula. Cena—cena cili fye ukulanda ifyo Amalembo yasosa, kabili ubusokololo ubo nakwata ubwa Cena. Kabili nga imwe muletontonkanya ukutila ndi mucilubo muli cena, lyena mwimpela umulandu, mpepeleniko fye ukutila Lesa ali no kunangisha ine ico cili icalungama, pantu ine mucine ndefwaya ukuba uwalungama.

Kabili elyo icintu nacimbi, ukwishiba ukutila 17

umulimo uo nakwata, mu—mukulongana uku kwa ifi,

5

ukutila ukusambilisha abantu, ukutila Mupashi wa Mushilo ali no kunenga ine ukwasukilapo pa fyebo ifyo ndesosa muli cino cintamba. E ico imwe mulemona ifyo nakatina ifwe tulepalama ici. Nomba, iyesu…

Ine kuti nakwata iyi kunse ku cifulo cimbi. 18

Lelo, pakuba ukutila cena kusambilisha, kanshi muyesu…Kunse mukulongana kwa kubila imbila nsuma, cila umo muli ifwe twalikwata itontonkanyo atemwa—atemwa ukulingulula, atemwa ngefyo caba ukupita mu nshita, kabili ifwe twalikwata ama chalichi yesu fwebene, kabili nefyo ama chalichi yesu yatusambilishe ifwe, kabili nefyo ifwe twacetekela. Ifwe…Ine nshifwaya ukuya mu chalichi ya muntu umbi, atemwa pakati ka bantu nga filya, no kusosa icintu cimo ico cili icapusana kufyo abantu basambilishiwa. Pantu, nangu cibe ifi, nalyesha palwalala ukulanda ifyebo fyandi icakutila u…

Ngo muntu ni Katolika, kabili ena aleshintilila pa lukuta lwa Katolika kukupusuka, ena aliluba. Nga ena ni Baptist, ukushintilila pa lukuta lwa Baptist, ena aliluba. Atemwa Pentecostal, ukushintilila pa lukuta lwa Pentecostal ukupususha ena, ena aliluba. Lelo, ulukuta ululi lonse! Lelo nga ulya umuntu umo nakatina aleshintilila pa citetekelo mu milimo iyapwishiwa iyakwa Kristu pa Kalbale, ena alipusushiwa, nshilesakamana lukuta nshi uko ena aba. Pantu, “Kucitetekelo mwalipusushiwa, kabili cilya ni kukusenamina.”

Nomba, inshita shimo, mukucite ci, lyena ndi no 19

kutontonkanya, mu cikulwa candi ne mwine icinono muno ico ifwe twatendeke imyaka ingi iyapitapo, no mwina fye uwakale uwa njelwa sha cementi ne fintu, kabili cena caba nge cifulo ca mushilo kuli ifwe. Ifwe twalipata cena, ukupata fye ukumona cena ukupilibulwa, mu nshila imo, pantu pano epo Lesa atendeke ntanshi ukutukumanya ifwe, ilyo ifwe tatwakwete nangula ica panshi muli yena. Lelo yena ili—yena naifika pa cifulo nomba mpaka yatendeka ukonaika, kabili ifwe tuli mucikulwa—mubutantiko bwacikulwa muno, ukwisusha ino ncende na chalichi pano.

6

Nomba, mpaka lilya, ndeumfwa ukutila ilyo 20

nkabwela ukufuma mwibala, uko nshakacushe ba munyina kabili, atemwa, imbila kabili na fimbipo, lyena cilempela ine insambu ukulangisha itontonkanyo lyandi ne mwine, kunse—kunse ka yandi…kunse ka cintamba muno. Kabili e ico nga mwasosa, “Nalisambilishiwa ukupusanako panono.” Ine kuti…Kabili lyena, muli ici, ifwe tulelalika fye uuli onse uyo ulefwaya ukwisa. Mwamona? Takuli nangu umo ulelipilila kwena, atemwa icintu icili conse. Ni tabernacle muno. Kabili uuli onse ulefwaya ukwisa, ali uwasengelwa fye ukwisa. Muleisa fye. E ico nde mulalika imwe ukuleta ama Baibele yenu, ukulongana ukuli konse, kabili mukalete pensulo ne pepala.

Kabili nomba, na fyonse ifya kulondolola kabili 21

nafimbipo, ine nga nshiletele amabuku yonse. E ico nacilemba fye, ukulemba, cila nshita, pepepala pano, ifya kulemba ifinono ukufuma kwilyashi lya kale ne fya kulondolola, kabili na fimbipo, pakutila ningaba uwalinga fye ukubelenga yena ukufuma mu—mufilembelwe pano, mucifulo cakukwata ibuku no kupilibula mumabula. Ngefyo, ilyo caisa ku Malembo, ifwe twalabomfya Baibele. Kabili lyena mufya kulondolola, ndi no kulondolola; atemwa ilyashi lya kale, ifyo kalemba we lyashi lyakale ali uyo walandile lyena, kabili na fimbipo. Elyo muli…Mucine, mu nshita yakwisa kwe buku, cinshi, lyena ifwe kuti twalemba lyonse lilya line, kabili kuti twasenda ifintu fyonse ukufilungamika.

Nomba, ifwe tuli no kucita ifintu fyonse ifyo 22

twingacita ukutendeka bwangu no kufuma bwangu nganshi nge fyo twingacita. Cili no kuba inshiku cinekonse konse, ukulongana, pa Mulungu ukufika pa Mulungu.

Muno lucelo nalatendeka icipandwa ca 1 23

ica Kusokolola, ice Buku lya Kusokolola. Kabili Ukusokolola kwatantikwa mufiputulwa fitatu. Kabili ifipandwa fitatu ifyakubalilapo efyo ifwe tuli no kubombelapo muli ishi nshiku cinekonse konse. Ilyo, inshita imo iya lukuta kuti yasenda ifwe umweshi.

7

Lelo ifwe tuli no kwikata fye incende ishasansama, ngefyo twita cena. Lyena ilyo imwe mwakwata ibuku, likaba ilyalembwa, mukulondolola ifingi.

Nomba, Ukusokolola, ifyakubalilapo ifipandwa 24

fitatu, fibombela pa Lukuta, lyena Ulukuta talwakamoneke. Ifwe tatulelumona Lwena nakabili mpaka inshita ya mpela. Ukufuma Ukusokolola 1 ukushinta 3, caba Lukuta; Ukusokolola 4 ukushinta 19, ni Israele, inko; na 19 ukushinta 22, ni shonse shibili, capamo. Kabili ifinkunka kabili ne fya kusoka, kabili na fimbipo, pa mpela! Ukutantikwa mu fiputulwa fitatu. Mwamona? Kabili ifwe tulesenda ifipandwa fitatu ifyakubalilapo, ifyakuma ku Lukuta, kabili ne nshita ya lukuta iyo ifwe tuleikalamo.

Nomba, intanshi, cena kuti camoneka icapala 25

nge cakosa pantu ifwe tulingile ukubwelelamo no kupanga umufula. Nalipepele no kusoma, no kucita ifintu fyonse ifyo ningacita, ukwesha uku—ukwesha ukusenda imyumfwile ya Mupashi wa Mushilo, musango nshi wakutantikilamo ici, pakutila abantu bamone cena, kabili pa kutila imwe mwingacita, mukumona cena, ukubutishiwa no kulenga imwe ukwisa ukupalamisha kuli Kristu, pantu ifwe tuli pa nshita ya mpela.

Kabili cena cintu cawamisha, nge fyo naba 26

uwakusoma ilyashi lyakale, ukusanga ifyo lulyo lukuta lwatendeke, umusango lwena lwafumineko, kabili na cilya icacitike, kabili ukumona ilye Mbuto inono iyakwa Lesa ukusela ukupita muli cila imo iya shilya nshita; umupwilapo ukuya kunse, mupepi, mucifulo cimo.

Nomba, mailo ubushiku, ifwe tukesa tendeka, 27

kabili ukukwata i—i—ukukwata icalembwapo muno; tecalembwapo, lelo icipampa icakulembelapo, cilya ndefwaya ukuba ngo wakusambilisha yena ukufuma pa cipampa cakulembelapo. Ndecetekela kafundisha wa Sunday school, umo uwa bena, nakwata icipampa icakulembelapo. Nimona cena kunuma. Ndi no kukwata usunge ncende ukuleta cena, no kubika cena kuno kuntanshi, pakutila ningasambilisha ukufuma

8

pali cilye cipampa, no kulemba cena pakutila imwe mwingaba abashininkisha. Kabili imwe kuti mwalenga cena pepepala lyenu, kabili nafimbipo, kabili no kupalamika lyena mupepi nge fyo twingaleta lyena.

Lelo ndefwaya ukusosa fye ici ilyo tatulatendeka. 28

Ukumona intendekelo ya nshita ya lukuta; kabili ukumona ifyo abatumwa, amasambilisho, ne fintu ifyo bena basambilishe, kabili na mafunde ya Baibele. Kabili lyena ukumona lulyo lukuta, nalimo abatumwa abaishilekonkapo, ifyo Lwena lwatendeke ukupwa; ukutuntulu, ukusambilisha kwa cine. Umuku wa citatu, ukutalukako nganshi. Ku muku walenga cine, lwena lwapwile mulwa—ulwa cifulefule. Ulukuta lwaishileleta ulukuta lwacifulefule.

Kabili elyo Ulukuta ulwaisushiwa na Mupashi! 29

Icili, ndesosa ici no mucinshi wa bulesa kuli bukapepa bwa muntu uuli onse. Ukufuma pa kutendeka, mpaka ino nshita, ulutuntulu, Ulukuta lwa cine lwaba Lukuta lwa Pentecostal. Cena cishinka. Lesa alisunga ulu Lukuta.

Ine lyonse ndasunguka, ilyo Yesu asosele insoselo, 30

atile, “Witina, we mukuni unono, cena bufwayo busuma bwakwa Shinwe ukumupela Ubufumu.” Ine lyonse nalesunguka ifyo cilya capilibwile, lelo ine ndeiluka cena nomba.

Umulungu wafumako ifwe twalikwete ukulongana 31

ku Shreveport, Louisiana, ukulongana ukukalamba ukwa bumupashi natala ukuyamo, mu bumi bwandi. Shreveport!

Nalikwete inshiku shimo isha cuti, kabili naile 32

kulya mu Kentucky na Munyina Wood muno, umo uwaba dikoni ba lukuta, atemwa trustee, ntile, mukulunga. Ifwe twaile mu mitengo.

Nalilashile akapale akakubalilapo. Kabili natile, 33

“Nalalolela fye,” pantu umuntu umo aishilepita nembwa shimo. Natile, “Nalalolela fye mpaka utupale twise ukufuma mu malupako. Twena tubutukila mu fimuti, mu malupako, no kufisama nomba.” Natile, “Ilyo twena twafuma panse…Nalaikala pano no kulolela.” Pantu, kwena nakutalala sana kabili kuli

9

fubefube, kabili amatwi nayakaba. Kabili, namwishiba, u—umwela uwa maka waleisa ukupita mu mukonko. Natile, “Nalalolela fye mpaka utupale tufume.”

Ilyo naikele fye panshi, mpaka Mupashi wa 34

Mushilo watile, “Ima, kabili kabiye mu ncende iyo wita ‘mu mukonko wa muntu wa mangalo.’ Kulya nalalanda na iwe.”

Naile muli ici icifulo ico nainike “mu mukonko 35

wa muntu wa mangalo.” Pantu, umulandu nainikile ilye mikonko, ne mwine, pa kutila ningeshiba apo nabelele. “Mu mukonko wa muntu wa mangalo,” ni pa mulandu bena balikwete…Naile mulya no kumona tulyo tupale ikumi limo na mutanda natwikala pa cimuti cimo; naipeye utwalefwaikwa, no kusha utwashala pali twena palya, kabili nalile. Kabili bulya e bwangalo, icintu ca kucita. E ico nainike pena, “mu mukonko wa muntu wa mangalo.”

Kabili Ena asontelele kuli ine, “Incende iyo wita 36

‘umukonko wa muntu wa mangalo.’” Te kutila Ena ainike yena, lelo nainike yena filya.

Kabili naile pantanshi iya ulyo mukonko no 37

kwikala panshi pesamba lya cimuti icabuta ica mutelebinti, kabili nalilolele nalimo hafu wa ora, kabili tapali nangu cimo icacitike. Nalilele ne mwine panshi, naliilambalike panshi, natambalike amaboko yandi. Lyena Ena alilandile kuli ine.

Kabili ilyo Ena acitile, Ifyebo ifyo Ena asokolwele 38

kuli ine, pali ili line Lembo ilyo tuleisako muno lucelo, nshatala limonapo lyena, mu bumi bwandi bonse.

Kabili lyena ilyo naile ku Shreveport, Louisiana; 39

umwanakashi uyo waba umwanakashi uwakwata icabupe, ishina lyakwe ni Mrs. Shrader.

Imyaka ingi iyapitapo, ilyo Malaika wakwa 40

Shikulu ankumenye uku lubali pa mumana, inshita yakubalilapo, kabili amoneke muli lulyo Lubuuto, kabili Ifyebo ifyo Ena alandile kulya; imyaka ikumi limo na cimo panuma, ilyo naendele ukwingila mukulongana, uyu mwanakashi umunono alimine no kulandila mu ndimi no kwilula. Cali ishiwi pe shiwi icintu cimo cine ico Malaika asosele.

10

Kabili uyu wine umwanakashi umunono, ilyo 41

naingile mu tabernacle pa…atemwa incende pa Shreveport iyo ifwe twalimo, Life Tabernacle, Mupashi wa Mushilo waendele pali ulyo mwanakashi kabili asosele ishiwi pe shiwi ifyo Ena asosele kuli ine pa mulu palya pa kalupili. Lyena Umupashi watendeke ukwenda ukupelo bwilulo, ukulandila libela ifintu ku busokololo, ku busesemo, ifintu ifyo fingacitika mu kulongana inshita ikakonkapo iya bushiku, kabili tapali nshita nangu imo apo cafililwe.

Ilyo takulaba cilya, umwanakashi umunono 42

aliminine mu kulongana, umwanakashi waku Baptist alishile, palya ukwabulo kwishiba ifyo ena engacita. Kabili ena aliminine mukati ka kulongana kabili Mupashi wa Mushilo wawile pali ena, kabili ena atendeke ukulandila mu ndimi, umwanakashi wa ku Baptist ukufuma ku lukuta lwa First Baptist ulwa ku Shreveport. Kabili elyo ena taishibe ifyo ena acitile. Kabili lyena, lintu ena talasosa icintu nangu cimo, Mupashi wa Mushilo wapele ubwilulo, watile, “EFYO ASOSA SHIKULU, ‘Mukati ka myeshi itatu, kuli no kubako Umupashi wakwa Mose, Eliya, na Kristu, ukupyungila muli ino tabernacle.’” Palya calicitike, mukupwililika.

Umwaume wa ku Baptist ukufuma ku Meridian, 43

Mississippi, atendeke ukubika ukuboko kwakwe pali filiji yakwe, ukusenda icintu cimo ukufumya mu filiji, kabili Mupashi wakwa Lesa waishile pali wene. Kabili ena alandile mu ndimi, ukwabula ukwishiba ico ena alecita. Kabili ilyo ena talasenda…ukukwata ukwiluka ifyo ena alecita, Mupashi wa Mushilo walilandile mukwasuka kabili watile, “Kabiye ku Shreveport, Louisiana. Umubomfi wandi ali no kukweba ifya kucita.”

Kabili ena aishile kulya, atile, “Nshileiluka ici; 44

tacatala acicitikapo nakalya.” Owe, mwe!

Ifwe tuleikala mu nshiku shakulekelesha lintu fye 45

Ukwisa kwakwa Shikulu takulabako.

Lulya Ulukuta ulunono lyonse lwaba mu banono, 46

ba pentecostal. Nshilepilibula ba Pentecostal

11

icilonganino. Nshilepilibula cena. Lelo, abantu no kwishiba kwa pentecostal! Pentecosti tacaba kabungwe. Pentecosti caba kwishiba uko kuya kuuli onse uli no kufwaya. Katolika, UmuYuda, Umusangushi, ba Methodist, ba Baptist, “Uyo onse ufwaya, lekeni ese.” Cena caba kwishiba uko umo umo…Lesa tabombela ne cilonganino, nangula Ena ukubombela mu benaFyalo nga u—uluko atemwa abantu. Ena abombela na umo umo, “Uyo onse ufwaya.” Lekeni abe uwabuta, uwafita, uwamutuntula, uwakashika; Methodist, Baptist, Protestant, Katolika. Fyonse ifyo ena ali, “Lekeni ese,” uuli onse. Ndi uwansansa nganshi ukutila Ena alipangile cena ulya musango. Ine…

Kwati umuntu uwasosele nshita imo, “Ine kuti 47

natemwa Ena ukusosa cilya ukucila ukwita ishina lyandi, ‘Lekeni William Branham ese,’ pantu limbi kuti kwaba ukucila pali umo William Branham. Lelo ilyo Ena asosele, ‘Uyo onse,’ ninjishiba cilya calinsendele ine.”

E ico ulya e musango ifwe bonse twingomfwa, 48

“Uyo onse ukafwaya, lekeni ese.”

Nomba, ninjishiba kuliko abantu abengi 49

abalelolela kunse uku mu ma hotel na mu ma motel, abo abesa ukufuma mwi sonde lyonse. Mwamona? Kuliko abantu muno ukufuma ku Ireland ne ncende ishapusana pusana, ukulolela pali ifi fyakulanshanya. Lelo ine tekuti mombele pali fyena ino ine nshita. Ndefwaya ukupela inshita yandi kuli ici, muleumfwa.

Ilyo nabwela ukufuma kuli aya mabulendo, ine 50

ilingi line ndi no kubwela ukukwata—ukukwata umo muntu wakupyungilako, pantu bena balasunga ifya kulanshanya. Lelo ino ine nshita ifwe tulingile twaleka bena ukuya pa mulandu wa Ici.

Nomba, icintu fye cimo ilyo ifwe tatulatendeka 51

pali ili Buku. Pa kutendeka kwali Ulukuta lwa pentecostal. Lulyo Lukuta lwa pentecostal lwaselele mu maka ya Mupashi no kulembe Buku lya Milimo ya Batumwa. Umuku wa cibili, lwatendeke ukulacepa, ulukuta lwaishileba ulwa mimonekele fye. Inshita ya

12

lukuta lwa cibili, lwali lwamimonekele fye nganshi, lelo ilye Mbuto inono ya pentecosti yalitwalilile ukulaisa, ulwa bumupashi. Lyena lwaile mu ncende ya nshita ya mfifi, pali nalimo imyaka ikana limo ne myanda ine naimbipo, iya bucushi bwamfifi. Ilye inono inshita ya pentecostal yalitwalilile ukuba no mweo ukupita muli cilya. Ifyo yena yapuswike cena, mwinjipusha. Cali kuboko kwakwa Lesa, icintu fye ceka ico cingacita cena.

Pantu, bena balebapopelela panshi, ku milongoti. 52

No kusenda abaume no kubapilibwila palya pa—pa cishiki, no kusenda impopo isha cimuti no kupopela mu molu yabo, no kuleka inama, imbwa, ukubasumaula ukubalye numa, ukutinta amala yabo ukuyafumya muli bena, lintu fye bena tabalafwa. Basendele abanakashi, ukuputulako amabele yabo, ne cakuputwilako nga filya, amabele yabo ayaku kulyo, no kwiminina no kuleka ulyo mulopa ukulapongoloka fye, mpaka ubumi bwabo kuti bwafuma muli bena. Balesenda utunya kuli banacifyashi abali pa bukulu no kutulisha twena kumbwa na bakapoli, ilyo bena balelolekesha pali bena. Abalingile ukuba Abenakristu; lelo Baibele itila, kabili Yesu atile, “Cikesa fikilishiwa ukutila bena bakepaya imwe, ukutontonkanya bena balebombela Lesa umulimo.” Mwamona?

Kabili nomba cilya cintu calitwalilile ukwenda 53

mpaka inshita imbi. Lyena mukulekelesha caishilefuma. Elyo ifwe tulemona ngo, lukuta, bena kulya mukulungamikwa. Lwena lwalifuminemo no kufumamo, ukufuma ilya nshita, kabili balitalwikeko ukufuma ku Mupashi, balitalwikeko ukufuma ku Mupashi, ukuya fye pantanshi mpaka ino nshita yakulekelesha ilyo luli ulwaiteyanya ukuyampanya ulwine no kupanga icimpashanya ku ciswango.

Lelo ulyo Mupashi unono uli no kwikala mu 54

mitima ya bantu mpaka Yesu akese. Cena cilingile ukuba. Bikeni cilya mumano.

Ifwe twalalenga cena pali ba map, twalasenda 55

ilyashi lyakale ne fintu fyonse, no kulangisha imwe ukutila cena cili filya fine ulya musango. Lekeni imwe

13

musende ilyashi lyakale, mwebene, no kubelenga lyena. Mu mone ifyo Baibele yasosa, lyena ifyo ilyashi lyakale lyasosa. Moneni ifyo lyena likumanya filya fine fye nga filya. Owe!

Mwileka ifwe bonse tusende ici ngo kufunda, lelo 56

lekeni ifwe nakatina, nakatina tusende ukusoka kwa Mupashi wa Mushilo no kupepa, akasuba no bushiku. Mwileka nangu cimo cikanye imwe ukupepa.

Ifwe tuleingilamo, cili no kwimbulula ubumi 57

bwa balya abaume abakalamba kunuma kulya, ifyo bena baipele abene. Imwe muli no kumona ifyo panono imwe mwacita. Cilanenga ine ukumfwa insoni palwandi inshita shimo, ifyo ifwe tulingile ukukwata ifintu fyonse mukwanguka nganshi, kabili bena balikwete ifintu fyonse mukukalabana nganshi. “Balulwimbe,” Paulo alisosele mu Bahebere 11, “mu mpapa shampanga ne mpapa sha mbushi, abacushiwa kabili abacitwa ububi, ababusu.” Cinshi ubunte bwesu bukaba ukulingana no bwabo? Cikaba shani ulubali lwa cilya? Kabili ifwe tulingile twakwata ifintu fyonse mubusuma nganshi.

Nomba, mu mucinshi fye, ilyo ifwe tatulaisula 58

Ibuku, ndefwaya ifwe bonse, abo abengacita, ukwiminina fye pakashita mwipepo. Nomba no bufumacumi bwa mutima bwenu, puteni ishiwi lye pepo kuli…kuli Lesa.

Shikulu Lesa, Kalenga wa myulu ne sonde, 59

umwine wa Mweo wa muyayaya, kabili kapela wa fyonse ifisuma kabili ifya bupe fyapwililika. Ifwe kuti twalomba Imwe, Shikulu, intanshi, ukutubelelo luse pali fyonse ifyakupusana fyesu, ne membu shesu kabili na mampulu yesu kuli Imwe, kabili kuli umo no mubiye na ku bantu banensu.

Lekeni iyi nshita inono iyakwisa capamo iba fye 60

iya kwikusha kwa myeo yesu fwebene, lelo lekeni cibe ica kubutisha ifwe mu musango wakutila, no kutuputamo ifwe, mpaka tuli no kuyaeba bambi. Lekeni cibe ni nshita iya kuishisha cipya cipya, ukwampana no Mubili wakwa Kristu onse no kuba abaiteyanya ku Kusendwa.

14

Tata Lesa, te pa fyakumfwa fyandi ne mwine, 61

ukwishiba ukutila umubomfi Wenu, nabambi bonse aba bomfi, tuli abashalinga kuli uyu mulimo ukalamba. Ukwishiba ifyo abaume abakalamba, abaya, balibikile pa mitima yabo ukwesha ukusokolola Ici, atemwa ukulanda pa Busokololo ubukalamba; lyena ifwe natwishiba ukutila ifwe tuli, ukucila ifyo bena bali, abashalinga. Lelo Imwe muli uwalinga wesu.

Kabili ndepepa, Shifwe uwa mu Mulu, ukutila 62

Imwe muli nokucita icintu cimo icisuma muli iyi nshita, ukutila Mupashi wa Mushilo uli no kukwata intanshi mu mutima onse. Sembululeni imilomo iyo ilelanda kabili na matwi ayaleumfwa. Kabili ilyo ici conse capwa, kabili ifwe twashisha cena kuli Imwe, lekeni ifwe twende ukufuma pa mwinshi wa ino nga’nda, ukusosa, “Caciba icisuma kuli ifwe ukuba kulya. Mupashi wa Mushilo wacilanda kuli ifwe ilyo twacikala mulya. Kabili nomba ifwe natupangila ukucita fyonse ifyo twingacita ilyo Amalubuuto yacungulo bushiku yalebalika.” Peleni cena, Shikulu.

Lekeni, muli kuno kulongana, mulenge abaume 63

na banakashi bekatilile, cipya cipya. Shi Imwe mwingemya abakulandila mu ndimi, kelula wa ndimi. Lekeni Imwe mwimye ifya bupe fya busesemo. Mwimye bakashimikila, bakacema, bakabila wa mbila nsuma, na bambipo, pakutila Ulukuta lwingekushiwa. Imyeni ba minshoni ukuya mwibala kulya ukutwala iyi Mbila nsuma iya bukata. Konse uko Icebo cili no kuya, lekeni Cena cikawile mu mushili usuma, ukuleta umwanda umo, pantu ifwe twalitetekela ukutila ifwe tuli ku mpela ya nshita. Ukupwishisha na kupalama.

Peleni ifi fintu, Tata. Kabili pa mulu wa fintu 64

fyonse, Shikulu, pali ino nshita, Imwe mungafwilishe ine, ukwete ukubulisha. Pantu nalombela cena, ilyo ndeipela ne mwine kuli Imwe pali uku kulongana, mwi Shina lyakwa Yesu Kristu. Ameni.

[Nkashi alandila mululimi lumbi. Munyina apela 65

ubwilulo—Ka.]

Lesa Impalume, Uyo wa bushishe Yesu ukufuma 66

ku bafwa, ifwe tuli abansansa nganshi ukwishiba

15

ukutila Umupashi Wenu wikala pakati kesu. Lyonse Ena aba uwacine kabili tapaba icebo ca bufi. Kabili nomba, Tata, shininkisheni ukutwalilila Icebo Cenu ilyo tulebelenga, ku bukata Bwenu. Kabili lekeni umutima onse, nge fyo Imwe mwasosa, “Ube uwaipekanya no kuiteyanya, pantu kuli no kwisa icintu cimo.” Cena limbi cili no kuba abantu bali no kupokelela ukusoka kwabo ukwakulekelesha ukupilibuka ukufuma ku fintu ifyo bena nomba balecita, ukwisa ku nshila iyalungama. Tulemutotela Imwe, Lesa wa Mushilo, mwi Shina lya Mwana Wenu, Shikulu Yesu. Ameni.

Ukupilibula nomba kwi Buku lya Kusokolola, 67

icipandwa ca 1. Nomba, icakubalilapo, ndefwaya ukubelenga aya kubalilapo ama vesi yatatu aya Kusokolola.

Ukusokolola kwa kwa Yesu Kristu, uko Lesa amupele, ku kulanga umubomfi wakwe ifili no kupona bwangu; kabili akulangile pa kutuma malaika wakwe ku mubomfi wakwe Yohane:

Uwali nte ku cebo cakwa Lesa, na ku bunte bwakwa Yesu Kristu, ubwa fyonse…ubwa fyonse ifyo amwene.

Alipalwa uubelenga, na bomfwe ifyebo ifya kusesema uku, no kubake fya lembwamo: pantu inshita ili mupepi. Nge fyo nsosele kale, nomba, muli ici ifwe twalaesha 68

ukupela ukulondolola ukunono nomba ukwe Buku, ukulingana na malyashi ya kale kabili na fimbipo. Kabili cila nshita ilyo mwamona ine ukusontelela ku mabula ayo nembele pano, fyena fintu ifyo nsendele ukufuma mu fyakulondolola kabili na fimbipo.

Nomba, kalemba wa ili Buku ni Yohane, Yohane 69

Washila uwa bulesa, alembele ku nkulo ya kuntanshi (A). (B) Ukusontelela kuli ba malaika cinelubali aba mu nshita ishapusana pusana cinelubali isha nshita ya Bwinakristu, inshita ukufuma mu nshiku shabatumwa mpaka Ukwisa kwakwa Shikulu. Kabili nomba, inshita shimoneka mukupyana, cila imo, ukufuma

16

mukuya kwakwa Shikulwifwe mpaka Ukwisa Kwakwe nakabili. Cila nshita ya lukuta ilelondololwa palwa mibele ya luko iya bumupashi. (E) Cila nshita ya lukuta kuti yamonekela iine ku fya Malembo yaiko no kulanda muli bumupashi kuli bena. Nge fyo Mupashi ulelanda, cila nshita kuti yamonekela iine. Cila nshita yakwete Umwangashi uwakwa Kristu uwa cine, nacisungu uwa Mano. Kabili cila nshita yakwete umwangashi uwafyantikwamo, nacisungu uwapelwa mano.

Bakalemba we lyashi lyakale balisumina, ubu 70

bumi bwakwa Yohane. Yohane aikele iyakulekelesha imyaka yakwe mu musumba wa Efese kabili afwilile mulya. Ena ali pa Cishi ca Patmo, panshita ena alembele Ibuku, Ukusokolola. Lyena talyali ilyashi lya bumi bwakwe, lelo ilyashi lyakwa Kristu mu nshita sha kuntanshi. Mwamona? Lyena lyali busesemo. Tacili ubumi bwakwa Yohane, tacili ubumi bwakwa Kristu, lelo kusesema pa nshita ileisa. Yena tayali ukulanda kwakwe ukwa busesemo; lelo, ukukoselesha kwa kwa Shikulu, mukatina. Yena tayali Ukusokolola kwakwa Yohane Washila uwa bulesa, lelo Kusokolola kwakwa Kristu Shikulu.

Lyena li Buku lya kulekelesha ilya mu Cipingo 71

Cipya, lelo nomba lyena lilalanda intendekelo kabili ne mpela iya bupyungishi bwa Mbila nsuma. Ninkwata bakasambilila wa Baibele ukusuminisha.

Inkalata ku nshita sha nkuta cinelubali 72

shalembelwe, mu busesemo, ku nshita sha kuntanshi. Paulo alembele pa bumi no bukata bwa nkuta cinelubali ishilipo mu bushiku bwakwe. Yohane alembele pa bumi no bukata bwa nkuta cinelubali mu ntanshi, ukutila Yohane alelembela bakacema cinelubali atemwa inkombe ngo kutungulula Abenkristu bonse abali pesamba lya aba ba malaika cinelubali abapusana.

Nomba, Ibuku lya Kusokolola, nomba ifwe 73

twalasenda, ilyo ifwe tulelondolola ici muno lucelo kabili na mucungulo bushiku. Kabili ifwe twalaesha ukufuma nalimo lefeni koloko na lefeni sate, icintu cimo icapala filya, kabili lyena twalatendeka nakabili mu bushiku pa sefeni.

17

Nomba ifilimo muli ici cipandwa ca 1. Vesi ya 74

1, yena—yena mucine ileilandila Iine, pantu cena Kusokolola kwakwa Yesu Kristu. Vesi ya cibili, Yohane Washila uwa bulesa ni kalemba kabili umubomfi. Vesi ya 3, amapalo yalebilishiwa. Iya 4 ukushinta vesi ya 6, ukuposha ku lukuta. Vesi ya 7, ukubilisha. Vesi ya 8, Bulesa bwakwa Yesu Kristu ubwapulamo. Iya 9 ukushinta vesi ya 20, icimonwa ca pa Patmo.

Kabili, na cimbi, ama vesi iya 14 na 15 yalondolola 75

ubukata Bwakwe cinelubali ubwa Buntu Bwakwe. Owe, cintu cawama ilyo twamona Kristu mu Bwakwe ubuntu muli cinelubali ubwa Ena, ifibumbwa cinelubali ifya buntu Bwakwe, mukubuka Kwakwe kwa bukata.

Nomba, umutwe we sambililo ulelondolola imibele. 76

Ukusokolola kwakwa Yesu Kristu,…

Tacili ukusokolola kwakwa Yohane Washila 77

uwa bulesa, lelo Ukusokolola kwakwa Yesu Kristu, Umwana wakwa Lesa.

Nomba, ishiwi lya ci Hela lya 78 kusokolola lyaba ni apocalypse, ico cipilibula “ukufimbula.” Kabili nalesenda lilye shiwi no kufwailisha lyena. Lipilibula, apocalypse, caba uku…Kwati ni kabasa, apanga icimpashanya icikalamba, kabili ena nafimba cena ne cifimbo. Kabili lyena ena aya no kulepula ici cifimbo no kusokolola ifyo ena akwete kunuma ya cifimbo. Cena caba ukufimbula.

Kabili ili Buku talyaba ukufimbulako kwa, sana 79

sana, Ubuntu bwakwa Yesu Kristu. Lelo nomba, lyena mucine lilalanda pali Bulesa Bwakwe no buntu Bwakwe cinelubali, kabili na cimbi pa fintu ifyo Ena ali, nga Shimapepo, Imfumu, kabili na fimbipo. Lelo caba ukusokolola kwa ya ku ntanshi imilimo Yakwe mu Shakwe inshita sha lukuta cinelubali isho shileisa. Cena…

Ilyo Shikulwifwe ali pesonde, abasambi 80

balimwipwishe Wene, kabili batile, “Shikulu, bushe Imwe pali ino nshita muli no kubweseshamo Ubufumu kuli Israele?”

18

Na Yesu atile, “Tacili kuli imwe ukwishiba ino ora 81

atemwa inshita.” Kabili tapali nangu umo uwingeshiba. Atile, “Nangula Umwana,” na nomba, “taishiba.”

Lelo panuma ya mfwa Yakwe, ukushikwa, no 82

kubuka, no kunina ukuya mu Bukata, Ena apokelele ukufuma kuli Lesa intanshi ya Lukuta. Elyo Ena aishilebwelela, ukuleta iyi Mbila ku Lukuta, kabili iyi Mbila yakwisa Kwakwe kabili ne mibele ya nkuta Shakwe ukupita monse mu Nshita.

Ena tekuti acite cena ilyo talakulaba imfwa 83

Yakwe, ukushikwa, no kubuka, pantu Ena alitalati eshibe cena. Lelo bushe na mumona ifyo Amalembo yalebelengwa pano?

Ukusokolola kwakwa Yesu Kristu, uko Lesa amupele (Kristu),…Ifyo kutila Lesa Tata apele Ukusokolola ku 84

Mwana Wakwe Yesu Kristu. Kabili Ena atumine malaika Wakwe kuli Yohane, ukushininkisha ifi fintu ifyo fyali; ifyo fyali, ifyo fili, kabili ifyo fikaba. Owe, yena yatantikwa bwino nganshi!

Nomba, muli iyi nshita ikalamba ileisa iyo Yohane 85

amwene! Nomba, ifi, uku Kusokolola kwapelwe kuli wene, sana sana, kukufimbula ipange line ilyakwa Kristu, ifyo Ena akaba kabili engamoneka, muli cila nshita. Ulya e mulandu wine nacisosela, mulucelo, bikeni amano yenu pa Lukuta lwa cine. Ulukuta lwa cine lwatendeke pa Bushiku bwa Pentecosti.

Takwaba kasambilila wa fya Bulesa, kasambilila 86

wa Baibele, atemwa kalemba we lyashi lya kale, uyo wingatala ukusoso kutila lwena lwatendeke mu nshiku shakwa Martin Luther, Wesley, inshita yaba Katolika, atemwa inshita ili yonse iyashala. Lwena lwatendeke pa Pentecosti. Kulya kwali ukutendeka kwa Lukuta. Kulya kwali ukutampa. E ico, kanshi, mukulanshanya no muntu uuli onse, ukwiminina pali ilye mpongolo ya Pentecost, kabili bena tekuti baye ukuli konse.

Nga filya ukubika kalulu mwibala. Imwe 87

namwishiba apo bwendo ubuli bonse bubelele, e ico imwe na mucilika bwena. Ena alingile ukubwekela kuli iyi ine incende uko ena aingilile.

19

Cisuma, ulya e musango, uuli onse ukulanda 88

palwa nkuta ne nshita sha nkuta, ne milimo ya Mupashi wa Mushilo, imwe mulingile ukubwelela ku ntendekelo, ukutendeka. Lwena lulingile ukubwelela kulya pantu Lesa alishiba fyonse kabela, kabili Ena wa maka yonse. E ico kanshi, Wene pa kuba uwaishiba fyonse kabela, Ena tekuti acite cintu cimo kuno, no kucita icintu cimo ukupusana kuli cena, uku lubali. Ena alingile ukucita cilanshita nge fyo Ena acitile pa nshita ya kubalilapo.

Nge fyo Petro asosele, pa bushiku ilyo AbenaFyalo 89

bapokelele Mupashi wa Mushilo, ena atile, “Bushe kuti twakanya amenshi, pakumona ukutila bena nabapokelela Mupashi wa Mushilo nge fyo ifwe twacitile pa kutendeka?”

Yesu, ilyo Ena ali pe sonde, alilandile kabili atile, 90

“Cena…” Umo muntu alishile kabili atile, “Bushe 91

calisuminishiwa kuli ifwe ukuleka abakashi besu pa mulandu uuli onse?”

Yesu atile, “Uyo uwalengele umwaume, alengele 92

umwanakashi. Pa mulandu wa ici umwaume aka…”Atile, “Lelo Mose asuminishe ifwe inkalata ya 93

kulekana.”Yesu atile, “Tacali ifyo pa kutendeka.”94

Bwelelenimo ku kutendeka. E ico kanshi nga ifwe 95

tuli no kulanda pa nshita ya lukuta, ifwe tulingile ukubwelelamo mu kutendeka, ukubika kumbali ilyashi ilili lyonse ilyo muntu uuli onse alandile ukwishibikwa ukupita mu nshita.

Ili elyasuminishiwa nganshi Ibuku lye Buku ilili 96

lyonse muli Baibele. Ili e Buku fye lyeka ilyo Kristu abikilepo icikakatikilo Cakwe. Lyena litendeka ne palo no kupwishiwa ne citipu. “Alipalwa uyo ubelenga.” Kabili, “Alitipwa uyo usenda icintu icili conse ukufuma muli lyena.”

E Buku fye lyeka ilyo Kristu alembele, Umwine, 97

pali Baibele yonse. Amafunde ikumi, Ena alembele no munwe Wakwe. Cilya cishinka. AbaYuda baikatilile kuli cilya. Kabili, ilelo, lyena lyaba—lyaba Kusokolola.

20

Kabili nga Satana alipata Ibuku ilili lyonse muli 98

Baibele, lyaba Kusokolola. Kwaba yabili. Ena alipata Amalembo yonse, kabili lyena e lamfya lyonse ilya Malembo. Lelo, nge cintu icili conse, ena alasula sana, caba Ukusokolola no Kutendeka. Pantu, Ukutendeka kulanda pa ntendekelo. Ukusokolola kusokolola ico cili no kucitika kuli ena mu bushiku bwakulekelesha. Akesakakwa imyaka ikana limo; elyo ena, kasesema wa bufi, iciswango, cili no kwisaposwa, ica mweo, muli Bemba wa Mulilo.

Kabili ena ali no kulwisha Ibuku lya Kutendeka 99

pali lyena—lyena pa kuba ilya cishinka. Ena ali no kusosa, ukutila, “Lyena talili ilya cishinka.” Ena ali no kusunkanya amano ya bantu. Moneni umo Kasebanya aikala, lilye Buku lya Kutendeka atemwa Ibuku lya Kusokolola, ilya ntanshi kabili ne lya kulekelesha.

Kabili Ibuku lya Kusokolola lyalikwata 100

ifyakulangililako ifingi muli lyena ukucila yonse ayashala ama buku muli Baibele. Lyalikwata ifyakulangililako ifingi pantu lyena li Buku lya busesemo. Lyena li Buku lya busesemo. E ico kanshi lyena lilingile ukwilukwa kwi bumba lya bakasesema. Ili Buku talyaba lya ku muntu uuli onse. Takwaba nangu umo uwingaliluka lyena, nangu panono. Ili Buku lyalembelwe kwi bumba limo ilya bantu. Ukuya kulya mu Malango, Lyena litila, “Ifintu ifyafiswa fyakwa—fyakwa Shikulu.” Cilya cishinka. Kabili Ena asokolola kuli ifwe, abana Bakwe, ifintu ifya fiswa. E ico cena tacileya…

Amano ya buntunse tekuti yalingulule filya ifintu 101

ifikalamba ifya Malembo, pantu fyena fya buwelewele kuli bena. Lelo kuli abo abatemwa Icebo cakwa Lesa, ni abo abo Ibuku lyalembelweko, ku Lukuta. Ukusokolola kwakwa Yesu Kristu, “Ku lukuta lwa Efese, ku lukuta lwa Smurna, ku lukuta, ku nkuta,” ukuya pantanshi. Ukusokolola kwakwa Yesu Kristu ku Lukuta. Nalitemwa cilya.

Kabili moneni, cena na cimbi lyaba ukupwishisha 102

kwa Malembo, ukupwisha ukwapwililika. Kabili lyena mucifulo lyabikwa pa ncende iyalinga, ku mpela

21

ya Baibele. Ubusokololo bwa cintu conse ukubikwa kuno lubali ne palo kuli uyo ubelenga lyena no kumfwa Yena, ne citipu kuli abo abali no kulundako atemwa ukufumyako. Lyena e lamfya lyonse, owe, ishintililo. Takuli nangu cimo icingalundwako kuli Lyena. Kabili ilyo muntu aesha ukufumyako icintu icili conse ukufuma kuli Lyena, atemwa ukulundako icintu icili conse kuli Lyena, Lesa atile Ena ali no kusenda iciputulwa cimo cine ukufuma mwi Buku lya Mweo. Mwamona? Ena kuti asenda iciputulwa cakwe ukufuma mwi Buku, nga ena alilundile kuli Lyena.

E ico kanshi, ilyo ifwe twamona Ukusokolola 103

ukwingi ukwakwa Shikulwifwe, ifyo Ena aba, ifyo Ena ali, ngo muntu uuli onse ali no kulundako icintu cimo kuli Cilya atemwa ukufumyako icintu icili conse ukufumya kuli Cena, bwena busesemo bwabufi. Abengi balyesha ukusosa ukutila bena balikwete icintu cimo ukucila Cilya. Lelo Cilya e Busokololo bonse ubwakwa Shikulu Yesu mu nshita Yakwe iya lukuta kabili na mu Bushiku Bwakwe, Ukusokolola kwakwa Shikulwifwe.

Nomba—nomba, 104 ukufimbula, ishiwi lya ciHela, icintu cimo ico icafishilwe, ukufi-…“ukusokolola” Kristu.

Nomba, vesi iyakonkapo, tulesanga, mu vesi ya 2. 105

Vesi ya 1 yaba ukufimbula Kristu, Ukusokolola, 106

atemwa ukufimbula. Owe! Ifyo nshita ya kulekelesha kabili no Kwisa kwakwa Shikulu kwali—kwalifimbwilwe, ku batumwa! Bena balipwishe ilipusho, lelo umo fye eka ewali no mweo ukukwata Ubusokololo. Nalyo line, ena tailwike bwena, pantu ilyashi lya kale lyali talilapangwa.

Nomba, ilyashi lyakale ilya ili Buku, atemwa 107

i—ifyalembwa ifya ili Buku, fyasontelelwe ku nkuta cinelubali mu Asia wa Munono, uyo waliko lilya. Fyena fyasontelelwe kuli shilya nkuta cinelubali. Kwaliko nkuta ishingi ukucila shilya cinelubali, pali bulya bushiku. Lelo cila lumo ulwa shilye nkuta shalishibikwe, ukwishibikwa palwa mibele muli lulyo lukuta, iyo yali no kukonka lwena ukuya fye

22

mu nshita, imibele ya lulyo lukuta. Ngo lwa Efese, lwalikwete imibele. Smurna, Pergamo, kabili ukuya fye pantanshi, Filadelphia, cila imo iya shilya inkuta shalikwete imibele muli shena, iyo yali no kumoneka nakabili mu nshita ishali no kwisa. Owe! Nga imwe kuti mwacita fye…

Umuntu uuli onse kuti amona i—imitantikile 108

ya bumupashi iya Malembo kabili kuti asosa kutila yena tayaba iyaputwamo? Imicitile yenu ine, amatontokanyo yenu yene, amapange yene aya bantu, cinshi, cileshininkisha ukutila Amalembo yaliputwamo, ukumona ifyo Lesa abika filya fintu. Ifyo imwe mucita, pano caba icipasho ca cintu cimo.

Kwati Abraham ukupela Isaki, umwana wakwe eka; 109

icipasho cakwa Lesa ukupela Umwana Wakwe, imyaka imyanda panuma. Ifyo kutila Yosefe alishitishiwe kabili mucifungo, alipatilwe kuli bamunyina bakwe no kutemwikwa kuli wishi; Yesu, mucipasho. Ifyo Mupashi wa bombele ukupitila muli Yosefe, umwaume, kabili bwapashenye fye ubumi bwakwa Kristu, ukupwililika. Ifyo, Dabidi, Umwana wakwa Dabidi aikele pa lupili lumo lwine. Ilyo Dabidi bamukene nge mfumu kabili aile pa mulu wa lupili, Ulupili lwa Miolife, ukulolekesha kunuma, ukulalila, nge mfumu iyakanwa; imyaka imyanda inono panuma ya cilya, Umwana wakwa Dabidi aninine ulupili lumo lwine, nge Mfumu iyakanwa, no kulilila pali Yerusalemu. Umupashi mucipasho na mu mimonekele. Owe!

Lyena kuti mwamona Ulukuta lukalamba lwa 110

pentecostal muli buno bushiku bwakulekelesha? Bushe tekuti mumone ifyo Lesa atendeke lwena pa Bushiku bwa Pentecosti? Ulyo Mupashi ulingile ukwikalilila mu Lukuta ukupita mu nshita shonse.

Bena baishileba aba mimonekele fye kabili abafikansa. Bena balingile ukukwata icilonganino. Bena baishile ampanya ulukuta no buteko capamo, kabili bena mukulekelesha balicicitile cena no kulenga imyaka imyanda iya kucushiwa. Kanshi, Ukulungamikwa, bena baishilefuma. Kabili cila mwaka, bena baleifumyako ukufuma ku Mupashi no

23

kulundako ku cacifyalilwa, ukufuma ku Mupashi no kulundako ku ca cifyalilwa, mpaka nomba bena bali fye abaiteyanya ukucicita nakabili. Ifwe tuleikala muli ishi sha kulekelesha, ama ora yakwisala, ukupwisha kwa lukuta. Ifwe tuli mu Filadelphia…atemwa Nshita ya Lukuta lwa Loadikea.

Nomba, icipandwa ca 1, vesi ya 1, yalishibishiwe 111

kuli—kuli Yohane. Nomba, ninani kalemba? Yohane. Yohane. Cena tacali ukusokolola kwakwa Yohane, kabili ifwe twalishiba ukutila takwali, pantu cena cali Ukusokolola kwakwa Shikulu Yesu Kristu. Ena ali ici, ena alisalilwe ukuba umusambi. Kabili Ibuku Iline lisokolola icintu ico cali, Yesu Kristu, Uo Ena alesokolola.

Kabili lyena lyalituminwe kuli i…“Kabili 112

alangishe ici na malaika Wakwe kuli Yohane.” Ifwe tatwaishiba ifyo malaika ali. Baibele taisosa ifyo malaika ali. Lelo ifwe natwishiba ukutila ena ali ni kasesema, pantu Baibele panuma isosa, ukutila, “Ine Yesu nalituma malaika Wandi ukupela ubunte pali ifi fintu ifyo fili no kupita bwangu.”

Kanshi ifwe tulesanga ukutila ilyo Yohane 113

atendeke ukushinshimuna malaika, malaika atile, “Mona ukutila taulecita cena.” Ukusokolola 22, ndecetekela efyo cili. Kabili ena atile, “Pantu ndi umo uwa basha banobe kabili na bakasesema.” Limbi cali ni Eliya. Cena limbi cilingile cali ni umo uwabakasesema. Yohane ali mutumwa. Lelo uyu kasesema alituminwe. Kabili Yohane, pakuba umutumwa, lolekesheni ku musango wa nkalata shakwe ishashala, ukushininkisha ukutila tacali ni Yohane uwalembele shena, lelo tashikwete icifyalilwa nge cakwa Yohane. Sendeni Yohane Wantanshi, Yohane Wacibili, nafimbipo, no kubelenga shena. Kabili lolekesheni pa cifyalilwa ca filya, elyo lolekesheni pa cifyalilwa ca ifi. Yohane ali ni kalemba kabili ali mutumwa, lelo uyu mupashi wakwa kasesema. Cena muntu uwaibela, onse pamo. Mwamona? Tacali ni Yohane ukulemba. Tacali ukusokolola kwakwa Yohane. Cali Ukusokolola kwakwa Lesa ukwakwa Yesu Kristu ku nkuta. Kabili kwena kwakwete…Yohane ali ni kalemba, ulemba, kabili—kabili Ibuku lilabilisha cimo cine.

24

Nomba, yena tayalembelwe kuli Yohane. Yena 114

yalembelwe ku Lukuta. Cisuma. Yohane, pali ilya nshita, ali ni kacema wa lukuta lwa Efese. Kabili nomba Ibuku lyalembelwe kuli Yohane…atemwa ku lukuta, te kuli Yohane.

Nomba vesi ya 3, Ena alebilisha amapalo. 115

Umfweni kuli ici. Alipalwa uubelenga, na bomfwa ifyebo fya

kusesema uku, no kubake ifyalembwamo: pantu nshita ili mupepi.Ni nshita nshi ili mupepi? Inshita ifi fintu 116

filecitika, ilyo uku Kusokolola kwakwa Yesu Kristu kwapwishiwa muli cila nshita ya lukuta.

Nomba umulandu Ena alembele lyena muli 117

uyu musango. Nga ena alisosele, “Cisuma, nomba, Ena…” Bena balelolela kuli wene ukucita; nga cena calisokolwelwe, nga (ena) cena nga calisokolwelwe kuli Yohane, ukutila Ena ali no kwisa lilya line fye ilyo shilya nkuta kulya shapwishiwe. Ulya e musango Yohane atontonkenye cena. Lelo nga cena cali fyo, shilye nkuta, lilya line fye ilyo shena shapwishiwe, bena balishile…Nga ena alishibe, nga cena calisokolwelwe kuli wene kwali no kuba inshita sha nkuta cinelubali ishatantalila, imyaka iingi amakana, atemwa imyaka imyanda iingi, lyena tekuti kube umulandu wa kulolela. Bena nga baikele fye nshita ya kuluta lwabo.

E ico kanshi, Lesa alilandile cena, kabili cena 118

tacasokolwelwe kuli bena. Cena tacasokolwelwe kuli Martin Luther, ifintu ifyo John Wesley aishibepo palwa Malembo. Cena tacasokolwelwa kuli ba Baptist, ifyo ba Pentecostal baishiba palwa Malembo, pantu cena cili mu nshita imbi. Yena ni nshita imbi. Kabili Lesa asokolola ifintu Fyakwe mu nshita fye. Owe!

Imwe tekuti mubyale inyanje mu nshita ya 119

lusuba lunono no kulobolola pa nshita imo ine. Imwe mulabyala imbuto kabili yena ilakula ku bukalamba. Lesa alabyala Icebo Cakwe kabili lyena Cena cilakula ukuya pantanshi. Lyena ifwe tulalolekesha kunuma no kutila, “Cilya Cali kulya.” Cinshi, mucine, ifwe tulamona Cena panuma ilyo Cena casokololwa.

25

Nomba, “Balipalwa,” Icebo, ukubilisha kwa 120

mapalo, pa vesi ya 3, “kuli abo ababelenga atemwa ukumfwa inkama ya cena.” Cilenga amano ya buntunse ukukana cena, pantu amano ya buntunse tayaishibapo nangu cimo palwa cena. E mulandu wine amano ya buntunse tayaishiba cena, pantu cena ni Satana muli yalya mano ya buntunse. Kabili Satana aletwa palwalala, kabili Satana umwine tafwaya ukuletwa palwalala.

Moneni ifyo caba icakutinya kuli Satana ilyo ena 121

atontonkanya ukutila ena ali no kuletwa palwalala? Mukamone muli kumo ukulongana. Moneni imicitile ya bantu. Mukalolekeshe, mukulongana. Lintu fye Satana talaletwa palwalala, pa muntu umo, mukamona ifinso fyabo filapilibuka. Mulemona, bena tabeshiba ifyakutontonkanya. Pa muku fye umo, Mupashi wa Mushilo aleka no kuleta palwalala ulya ciwa. Owe! Ena alipata ukulongana kwa ulya musango. Ulya e mulandu wine ifwe twakwatila ubulwi bwamusango ifi, pantu Icebo cakwa Lesa cilaleta palwalala Kasebanya. Mwamona? Cena cilalanda ifyo ena aba.

Kwati imwe mulesosa, “Uyu mwanakashi uwikele 122

apa,” ukupitila mukuputwa kwa Mupashi wa Mushilo, ukusosa, “ishina lyakwe ni Miss. Jones. Ena afuma ukwa Ifi-ne-fi.” Ni cinshi cilya cicita? Cilasenda umupashi wakwe, no kuuleta pa mulu pa cifulo.

“Mwanjishiba shani ine? Ulya umwaume 123

tanjishiba, e ico cilingile ukuba umupashi umo. Mupashi wa musango nshi wena uli?”

“Wene Mupashi wakwa Lesa.”124

“Musango nshi? Bwafyanshi ubuli na ine?”125

“Iwe naukwata icifuba cantandabwanga, 126

impwalonda,” fyonse ifyo cili, “lelo EFYO ASOSA SHIKULU…”

“Owe!” Owe, ifyo Satana apata cilya, pantu Cena 127

cila muleta palwalala wene.Nomba, amano ya buntunse yalalolekesha, 128

ukusosa, “Kubelenga amano, ukulingulula kwa matontonkanyo.” Bena tabaishiba. Cena cabuwelewele kuli bena.

26

Lelo kuli abo abaishiba ifyo Cena cili, owe, ifyo 129

lyaba ipalo! Cena ni cinshi? Ubusokololo. Ubusokololo bwakwa ani? Ubwa muntu pa cintamba? Ubwakwa Yesu Kristu muli ino nshita ya kulekelesha, ukuisokolola Umwine nge fyo Ena alaile ukuti Ena akacita.

Ukusokolola, mwamona, kabili Satana alipata 130

cilya. Mwe, ifyo ena apata cena! Ena alaletwa palwalala, ukuleta palwalala ipange lyakwe. Satana alipata Ukusokolola no Kutendeka, ninemba pano. Cilya cishinka nganshi. Nomba, cinshi ico ena apatila ukusokolola? Mulandu nshi ena asushisha nganshi ukusokolola? Ni pa mulandu wa kutila ilamfya lyonse ilya Cebo cakwa Lesa no Lukuta lwakwa Lesa fyakulilwa umupwilapo pa busokololo.

Cena tacakatale ukupitila mwi—mwi sukulu, te 131

mulandu ni yanga ayasuma ama seminary twakwata. Bena bali kunuma kulya mu nshita iyashibantulukila. Baibele kabili no Lukuta fyaba mucine ubusokololo.

Natupilibule. Ninkwata Amalembo yamo 132

ayalembelwe pano, Mateyo, i—icipandwa ca 16 na vesi ya 18. Lekeni tukwate fye ukulolekesha panono pali Mateyo 16 vesi 18, tumone apo Amalembo yabelele, apo caba busokololo. Ukwika ukufuma mulupili, vesi ya 17.

Yesu pakwasuka atile kuli wene, Walipalwa we, Simone mwana Yona: pa kuti umubili no mulopa tafyakusokolwele, lelo ni Tata wa mu mulu.

Naine ndekweba…nati,…niwe Petro, kabili pa cilibwe ici e po nkakulo lukuta lwandi; ne mpongolo sha kumbo tashakalwanshe. Nomba, ulukuta lwa Katolika lutila, “Ena 133

akulile lwena pali Petro.” Cisuma, cilya, cilya mucine kutontonkanya kwa buntunse. Imwe tekuti mwelenganye amano ya bumupashi ukulingulula icapala filya; nge fyo Lesa, no Mwana Wakwe Wine ukwiminina kulya, lelo nomba kuti akula Ulukuta Lwakwe pawaseka, uwafye, umuntu uwafyalwa mulubembu. Umwaume alishininkishe cena. Ena, na ulya umupashi umo wine pali ena, ena atipile Yesu no kukana Wene mu cinso fye Cakwe. Tacali ni Petro.

27

Atemwa, nangula cena cali i—icilibwe ico caikele palya, ngefyo nkuta shimo shisoso kutila efyo cali. Tacali icilibwe. Pantu, Petro…

Icilibwe ico Ena alelandapo palya, tacali ni Petro, 134

nangula cali Umwine.Nomba, abantu abengi ba Protestanti besha 135

ukusosa, “Cali ni Yesu. Cali ni Wene apo Ena akulilepo Ulukuta. Ena!” Iyo, cilya nalyo line cilubo. Nga mwamona, tacali ni Yesu, nangula cena ukuba Petro. Cali ubusokololo.

…umubili no mulopa tafisokolwele ici kuli iwe, lelo Tata uuli ku mulu nacita uku ukusokololo.Lolekesheni. Ndefwaya ukumipusha imwe. Mwi 136

bala lya Edeni, takwaliko Amalembo ayalembelwe. Kabili lyena abalumendo babili, Kaini na Abele, kabili bena bonse babili balefwaya ukupela ilambo kabili no kusanga ububile na Lesa. Ilyo bena bacitile ifyo, Kaini alishile no kukula icipailo; Abele akulile icipailo. Cisuma, nga cilya fye ceka eco Lesa alefwaya, Lesa kuti aba ushalungama ukwebaula Kaini. Cisuma. Lyena Kaini apele ilambo; efyo na Abele acitile. Bonse babili balipele ilambo. Kaini alishinshimwine, kabili efyo na Abele acitile. Kaini acitile ifintu fyonse ifyo Abele acitile.

E ico ngo kuya ku chalichi, ukuba ku chalichi, 137

ukupela amalambo, no kupepa, no kushinshimuna Lesa, fyeka fye efyo Lesa afwaya, lyena Lesa kuti aba ushalungama ukwebaula Kaini pakucita filya fine ifyo Ena asosele ukucita.

Lelo, mulemona, Abele, ku busokololo, ena 138

alishibe ukutila cena tacali icisabo ico caletele bena ukubafumya mwibala lya Edeni, ngefyo amano ayengi ya buntunse yatontonkanya ilelo. Abele alishile no kupela icisabo ca mu mushili, kabili Lesa alikene cena, lelo calisokolwele…Ndepilibula, Kaini alicitile, munjeleleko. Kaini apele icisabo ca mu mushili pantu ena atontonkenye cilya e cabafumishe ukufuma mwibala lya Edeni. Moneni bulya ubusokololo. Moneni uku kanasuminishanya na bwena. Lolekesheni

28

ifyo bwena bucena ilelo. Lelo tacali icisabo ico cabafumishe kunse. Efa tatalile lya imiapele. Mucine. Musango nshi ena aishibe ukutila ena ali ubwamba, ngo kulya umuapele? Cena cakumine ku bumi bwa bulalelale. Calingile ukuba!

Nomba, ifwe tulasenda cilya ngo kusoma, kabili 139

twalicita, ukubwelela muli cena. Bena tabakwata Ilembo nangu limo.

Bamo muli bena batila, “Cisuma, ena atile, 140

‘Ninkwata umwana ukufuma kuli Shikulu.’” Ee, mukwai. Efyo na cilende acitile. Lesa alingile ukulenga ubumi bonse.

Lelo bwena bumi bwapondamikwa. Lolekesheni 141

ku cifyalilwa ca ulya umulumendo. Ena ali uwakwa wishi, Kasebanya; ulupato, ubunkalwe, icipondo. Mwamona?

Kabili lyena musango nshi, Abele, ilyo abafyashi 142

bakwe nalimo bamwebele ukutila—ukutila ifimuti fyalikweteko icisabo kuli cena, kabili na fimbipo. Lelo, cena calisokolwelwe kuli Abele. Abele aile no kusenda umwana wa mpaanga, ku mulopa, ukusenda ubumi. Te cisabo cacimuti, ukuleta imiapele ne nkonde na ma pears. “Lelo Abele, ku busokololo bwa bu mupashi,” Abahebere 11, “apele kuli Lesa ilambo ilyawamisha. Lesa ukupela ubunte pali lyena, pantu casokolwelwe kuli wene ku citetekelo.”

Palya epo Lesa akulile Ulukuta Lwakwe. “Pantu 143

umubili no mulopa tafyasokolwele Ici kuli iwe.” Tawatalile ukusambilila Cena mu seminary. Umo muntu tatalile sambilisha Cena kuli iwe ku cifulo cimo. “Lelo Tata uyo waba mu Mulu nasokolola Cena kuli iwe.” Kulya, icintu conse cili pa busokololo, Ulukuta lonse, “Pali ici cilibwe ca Kusokolola kwakwa Yesu Kristu, Nkakula Ulukuta Lwandi.”

Imwe limbi kuti mwasenda ifyo kacema alesosa. 144

Imwe limbi kuti mwasenda ifyo seminary isambilisha. Imwe limbi kuti mwasenda ifyo lukuta lusosa. Kabili cena tacili icalungama, nomba. Imwe limbi kuti mwaba abalinga ukulondolola cena bwino nganshi. Lelo mpaka Lesa asokolwela kuli imwe ukutila Yesu

29

Kristu e Mwana Wakwe, kabili imwe mwalipusushiwa ukupitila mu Mulopa Wakwe; pali bulyo busokololo, ukutila, “Ena ni Kapususha wandi.”

“Pali ici cilibwe nkakula Ulukuta Lwandi, kabili 145

ne mpongolo sha kumbo tashakalwanshe.” E ico kanshi mulemona umulandu Satana aba 146

nganshi uwakususha Ibuku lya Kusokolola. Icintu icili conse ico cisokololwa, ubusokololo bwa bumupashi, Satana alasusha cena. Ulya e mulandu wine aba nganshi uwakususha bukapyunga ilelo. Pa mulandu, cena ni cinshi? Ukusokolola ukwakwa Kristu.

Lekeni ulukuta lutwalilile ne filonganino fya luko 147

ifikalamba no tubungwe, ne shinono shaluko imbila sha maluba kabili na fimbipo. Lekeni bena batwalilile, Satana takasakamane cilya. Bena tabakwata amafya nangu yamo. Umuntu onse alabapampansha panuma.

Kanshi kulesa mukuba inshita ilyo Lesa, ukupitila 148

mu Mupashi wa Mushilo, alasokolola Kristu nakabili mu Lukuta, na maka ne filangisho ifya kundapa abalwele, no kulenga ifishibilo ifyo Ena asosele fyali no kukonka abatetekela, ukufikilishiwa, lyena Satana alapilibuka mubusanshi bwakwe. Ena alacitapo icintu cimo palwa cena. Mpaka ilya nshita, Satana tasakamana umusango wa lukuta imwe muilundako. Ena tasakamana ifyo cili. Lelo ilyo Kristu asokolola kuli imwe ukutila Ena Mwana wakwa Lesa, kabili imilimo iyo Ena acitile na imwe mukacita; te milimo imbi, lelo imilimo imo ine.

“Uyo uwatetekela muli Ine…” Yohane Washila 149

14:7. “Uyo watetekela muli Ine, imilimo iyo Ncita nao akacita. Ukubombe milimo imo ine, kabili iyapulamo ukucila iyi.” Pantu, Kristu tekuti ashimikile ulubatisho lwa Mupashi wa Mushilo, cikaba icapulamo. Ena tekuti alete cena kuli bena, pantu Mupashi wa Mushilo wali taulapelwa. Lelo ilyo Yesu aishile no kupela ubumi Bwakwe, kabili Mupashi wa Mushilo walibwelele, lyena bena kuti bapela Umweo wa Muyayaya ku bantu. Ilya e ya “pulamo.”

Lelo ifishibilo ne fipapwa, Yesu palwalala atile, muli 150

Marko 16, “Kabiyeni mwi sonde lyonse, no kushimikila

30

Imbila nsuma ku cibumbwa conse.” Ukufika kwisa? Isonde lyonse. Kuli banga? Icibumbwa conse. Ilyo lyonse ilyo Imbila nsuma ileshimikilwa, ifi fishibilo fikakonka abo abatetekela. Kabili ilyo cilya caisaba ubusokololo, munyina, imwe mwapalama ku Bufumu lilya. “Pali ici cilibwe Nkakula Ulukuta Lwandi, kabili ne mpongolo sha kumbo tashakalwanshe.”

Pantu, umwaume atemwa umwanakashi uyo 151

watalile ukubako kulya kunuma yaciswebebe eka, nge fyo Mose ali, kabili ubusokololo bwakwa Lesa bwalengwa kumonekela kuli wene kupitila ku Mupashi wa Mushilo, takuli nangu cimo icingamusunkanya wene. Ena aba fye uwatekanya kabili uwakosa nge fyo engaba.

Satana alipata Ukusokolola. Ena tabufwaya 152

bwena, nakalya; bulafulunganya ipange lyakwe. Icifyalilwa ce Buku cilangisha ukutila Yohane 153

talembele lyena. Cilya cishinka. Pantu lyena lyali—lyena lyaumbi…Lyena lyaba ukulemba kwakwe, lelo te kuputwamo kwakwe. Kwena kuputwamo kwakwa Lesa uko kulemba Ibuku. Cisuma.

Natumone ifyo lyena lilesosa nomba.154

Alipalwa ubelenga, na bomfwa…ukusesema uku, no kubake fyalembwamo: pantu nshita ili mupepi.Nomba, “Inshita ili mupepi.” Cinshi? Ilyo bonse 155

Ubusokololo bwakwa Yesu Kristu bwalengwa ukwishibikwa ku nkuta Shakwe. Kabili ilyo nshita shileya pantanshi, cena cisokolwelwa fye kuli bena.

Nomba ifwe tuli palya pene pa nshita ya mpela, 156

e ico nomba ifwe mucine tuli kumpela ye sonde. Ifwe tuli kukupwishisha kwe lyashi lyakale lye sonde. Kabili ilyo uyu mulungu taulapwa, kabili Lesa pa kuba naifwe, ukutwafwilisha, twalashininkisha ukutila ifwe tuli kumpela iya nshita sha lukuta. Ifwe tuli mu Filald-…atemwa Inshita ya Lukuta lwa Laodikea, kumpela ya nshita shonse. Ifwe tuli pa mpela ye sonde lya mapolitiki. Ifwe tuli kumpela ye—ye sonde lya cifyalilwa. Ifwe tuli pa mpela ya fintu fyonse. Ifwe tuli kumpela ya cintu icili conse ica cifyalilwa, abaiteyanya ukwingilamo.

31

Ukwisa ubushiku bumbi, ndecetekela naleya 157

ku Shreveport, atemwa ukwisa ku cifulo cimo. Nalilolekeshe. Natile, “Ifimuti filefwa. Ifyani filefwa. Amaluba yalefwa. Ine ndefwa. Isonde lilefwa. Ifintu fyonse filefwa. Ifintu fyonse muli li sonde filefwa.” Ifwe natwikala pano muno lucelo, abalefwa.

Mucine kuliko icalo ku cifulo cimo, uko ifintu 158

fyonse tafifwa. Nga kuliko cimo uko ifintu fyonse filefwa, kukabako kumo uko ifintu fyonse fili ifya mweo. Cilya eco tulekabilapo, ukufika kuli ilya ncende uko i—ifimuti ifishifwa fyaiminina. Ukuya kulya uko ifintu fyonse fyaba ifishifwa kabili fyaiminina mu—mu bukata bwakwa Lesa.

Nomba, nomba, ama vesi ya kubalilapo yatatu 159

ayo twacikwata nomba, ukutantika apakwambila. Ilya 1, “Ukusokolola kwa kwa Yesu Kristu.” Ilya 2, “Ukwapelwe kuli Yohane na malaika.” Kabili ilya 3, lili, “Alipalwa, amapalo kuli abo ababelenga, kabili,” nga imwe tekuti mubelenge, “alipalwa uyo umfwa.” Imwe tekuti mubelenge? Imwe mwaumfwa fye Cena. Epela fye. “Alipalwa uyo ubelenga, kabili,” nga imwe tekuti mubelenge, “alipalwa uyo umfwa, pantu inshita ili mupepi.”

Nomba elenganyeni ilamfya lya ici ifyo lilepilibula, 160

bushe ulya, Yohane, kalemba kulya, mukulemba ici, ali. Uyu ni Yohane apa, ukusosa fye “amapalo” kabili na fimbipo. Nomba, ifyo ndetontonkanya cena cali, mu Cipingo ca Kale, shimapepo aiminine mulucelo no kubelenga Amalembo. Ulukuta lwalekutika. Abengi tekuti babelenge. E ico atile, “Alipalwa uyo ubelenga, na uyo umfwa.” Mwamona? Ulebelenga kabili no uleumfwa; uyo ulebelenga, no uleumfwa, alipalwa. E ico nga imwe mwaikala fye no kukutika kuli lyena, imwe muli abapalwa. “Alipalwa uyo ulebelenga, na uyo umfwa, pantu nshita ili mupepi.”

Nomba, ukufuma 4 ukushinta 6, caba ukuposha 161

ku Lukuta. Nomba ifwe tulefwaya ukusenda ili lya 4 nelya 6.

Nomba, ilyo ifwe tatulaikata lyena, ndefwaya cila 162

muntu ukwesha ukutontonkanya na maka nomba. Ni

32

cinshi Cena nomba? Cena kusokolola kwakwa Yesu Kristu, uko Lesa asendele icifimbo ukucifumya pa nshita. Iyi apa nshita, iyo Yesu tekuti amone ilyo Ena ali pano pesonde, inshita sha nkuta, ico cali no kucitika. E ico, Lesa alifumishepo icifimbo, alicitintile kunuma, no kuleka Yohane ukulolekeshamo no kumona ifyo cila nshita ya lukuta yali no kucita, no kulemba cena mwi buku no kutuma cena ku nkuta cinelubali.

Cena ni cinshi? Kristu ukusokololwa mu nshiku 163

isha mulimo Wakwe—Wakwe. Lyena lyaisulamo ifya milimo, Ibuku lili. Kabili lyena lyaba—lyaba li Buku lya busesemo ilyo Kristu apele, Lesa apela kuli ifwe kuli malaika Wakwe, lyalembelwe na Yohane. Kabili ipalo ku uuli onse uli no kubelenga Lyena atemwa ukumfwa Lyena ukubelengwa, pantu—pantu inshita ili mupepi ilyo ici conse cikafikilishiwa.

Natukwata ubutantiko ubusuma nomba. Kabili 164

ibukisheni, ifwe tulesunga Ulukuta mu mano. Kulya kulubali lumo, Ulukuta lwalitendeke; kulya kulubali lumbi, ulukuta lulepwa. Ifingi pali cena, pali Cimo ubushiku, ilyo ifwe tukatendeka inshita sha nkuta.

Yohane ku nkuta cinelubali ishaba mu Asia: Ukusenamina kube na imwe, no mutende, ififuma ku ulipo,…uwalipo, uukabapo; na ku Mipashi cinelubali iyaba ku cinso ca cipuna cakwe ca bufumu.

Nomba ifwe tuleya mu fyakupapusha kabili 165

ifiputulwa ifyashika ifyafilangililo. Lyena lyalembelwe ku nkuta cinelubali isho shaba mu Asia wa Munono. Bena balikwete—bena balikwete…I—inshita, pali ilya nshita, ishali no kwisa mu ntanshi. Kabili ena alibasansabike bena no—no kulumbanya bena pa mulimo wabo kabili ne fyo bena bacitile. Lelo, nomba, yena yalembelwe kuli shilya inkuta, inkuta cinelubali isho shaba muli Asia wa Munono.

Nomba, Asia wa Munono tali onse ni Asia, icalo 166

ca Asia. Cali iciputulwa fye icinono. Bena balasosa, incende nalimo icipimo ica buteko bwa Pennsylvania, mwamona, atemwa icintu cimo nga cilya, atemwa Indiana; incende fye inono uko ishi nkuta cinelubali

33

shabelele. Kwaliko ukucila pali shilye nkuta pali ilye nshita. Kabili, lelo, casokolwele imisango yashena. Nomba ndebelenga apa ifyo nafumishe pafyo nalabelenga ukufuma mwi lyashi lyakale ilya lwena.

“Kabili uyo uwacitile…Alitipwa uyo umfwa 167

kabili, atemwa, no kukanaumfwa kuli Cena.”Kabili—kabili nomba, cileisa pesamba mu nshita 168

iya iyi vesi ya 4 iyo tulefwaya ukulondolola icintu cimo pano. “Ukufuma kuli Uyo uwalipo, kabili uulipo, kabili ukesa, kabili nakwata Imipashi cinelubali; ukufuma ku Mipashi cinelubali iyo yaba kuntanshi ya Cipuna Cakwe ica bufumu.” Nomba, “Imipashi,” ifwe twalaisa kuli yena pantanshi.

Nomba, pano ilelondolola, nga muli no kumona 169

mu—mulya. Nacimbi muli vesi ya 7, atemwa vesi ya 8, Ena aleisa nakabili kabili atile, nakabili ukulangisha. Nomba moneni. Inkuta cinelubali nashilembelwa. “Ukufuma kuli Uyo uulipo, uwalipo, kabili ukesa. Uyo wali, nshita imo; ali nomba; kabili uyo uli no kwisa.” Nomba, Ena alelangisha pano Ukwakwe kutatu, Ukwakwe ukumonekela kutatu ukwa mulimo Wakwe.

Nomba nga imwe muli no kusenda vesi ya 8. Ifwe 170

twalaisa kuli lyena, muli miniti fye. Ifwe twalasenda vesi ya 8.

Nine Alifa kabili Omega, uwa kutendeka kabili no wakulekelesha, efyo Asosa Shikulu, Uulipo,…ukabapo, ukwabapo, uwa Maka yonse. Nomba ifwe natwikatilila iya 4 kabili na vesi ya 171

6 mukumonekela, yonse yabili yali cimo cine. Umo, Ena aletila, “Kuli Uyo uwalipo, uulipo, uyo uuli no kwisa.” Ni cinshi ico Ena aleesha ukubika ku ntanshi ya Lukuta? Bulesa Bwakwe. Ilelo, abantu besha ukulenga Wene ka—kasesema. Ena ali uwacila pali kasesema. Kabili bamo abantu besha ukulenga Wene baLesa batatu. Ena taba baLesa batatu. Ena ni Lesa umo uyo waikele mu maofeshi yatatu, ukumonekela kutatu ukwakwa Lesa umo wine.

Nomba, ibukisheni, ubu e Busokololo, “Kabili onse 172

uleumfwa Bwena kabili talebaka ifyebo ifye Buku

34

ili, icakaniko cakwe cikafumishiwamo mwi Buku lya Mweo.” Yesu taleisokolola Umwine nga baLesa batatu, lelo Lesa umo na ma ofeshi yatatu. Owe! Cena calabe cacindamisha panuma ya kashita, ilyo ifwe twaingila muli shilya nshita sha lukuta no kumona apo bena balufishe cilya. Calengele ukupatukana ukukalamba pa Kabungwe ka Nicene. Bonse muli bena baile ku mpela ishashika.

Kabili bena nabacita icintu cimo cine muli ishi 173

nshiku shakulekelesha nakabili, kwati fye Kabungwe ka pre-Nicene nakabili, pantu kukabako nakambi. Icashininkishiwa fye nge fyo njiminine pano, baKatolika ne nkuta shaba Protestanti bakampanya icintu cimo ca pamo, atemwa ukusuminishanya umo no mubiye. Lolekesheni kuli archbishop uwa ku Canterbury kulya lubali nomba. Bonse balya ukutulikwa capamo. Kabili takwaba Lesa muli batatu ukusambilishiwa muli Baibele. Kwaba fye Lesa umo.

Kabili cena cilesokololwa muno mwi Buku lya 174

Kusokolola, ukutila ifunde lyonse ilya Malembo lingashininkishiwa umu, kabili Kristu abikile icikakatikilo Cakwe pali lyena. Ili Elyo. Ngo uuli onse akafumyako atemwa ukulundako, umo wine akafumishiwamo mwi Buku lya Mweo, kuli wene. E ico palamineni kuli ici te mukuitemwa, palamineni ici no mutima uwaisuka kabili na kampingu uwaisuka.

Nomba, pa Kabungwe ka Nicene, baishilekwata 175

ukusala kubili ukukalamba. Pali i…Owe, abengi muli bena muli bulya bushiku uwaba shifwe aba lukuta lwa kubalilapo, balikwete amatontonkanyo yabili ayapulamo. Limo pali lyena lyali Lesa muli batatu, uwa mubene batatu. Kabili ilibiye cali Lesa u—umo. Kabili yonse yabili yaishileisa mukumonekela kabili yalile kunse mu misambo ibili iyaololoka, kunse nga filya. Abene batatu yaishileba incende iya muntu mumilungu itatu. Ba umo baishileba nga umo, abaluba fye nganshi nge fyo bambi bali. E ico bonse babili baile pa misambo, lelo Muno mwine fye alasokolola Icine.

Yesu tekuti abe Wishi Umwine eka. Nangula, nga 176

Ena alikwete wishi kunse ka Mupashi wa Mushilo,

35

kanshi Ena aba umwana wa mucani. Kabili tali…Mupashi wa Mushilo afyele Wene, kabili Ena atile Lesa ali ni Wishi. E ico Mupashi wa Mushilo na Lesa…Ilya ni Mateyo 1:18. Nga…Mupashi wa Mushilo na Lesa balingile ukuba Umuntu umo wine, nga teifyo Ena akwete ba wishi babili. Kabili Ena aitilwe Emmanuele, ico cili, “Lesa aba na ifwe.” Ena alisosele, ilyo Ena ali pano pe sonde, ukutila Ena na Tata bali Umo.

Ninkwata Amalembo yonse ukulembwa pano 177

pakutila mwingasanga, nga ifwe twalikwete ili—ili ilipusho, atemwa icintu cimo.

Nomba, ilyo Ena amonekele pano, nga ma ofeshi 178

yatatu aya buntu Bwakwe, “Uyo walipo, Uyo ulipo, Uyo ukabapo, uwa Maka Yonse.” Nomba, takwaba ba Lesa batatu kulya. Kwaba fye Lesa umo.

Kabili mu Kabungwe ka Nicene, ukucite ci, pa 179

kutila bacite ci, bena baishilesenda abene batatu, pantu mucalo ca bena Roma bena balikwete imilungu iingi. Bena balepepa ku fikolwe fyabo ifyafwa. Ninkwata ilyashi lya kale pano pene ilyo ifwe twingabelenga lyena. Mwamona? Bena balepepa ku fikolwe fyabo ifyafwa. Ulya e mulandu wine bakwatila Cecilia Washila, na Marcus Washila, no washila, uwashila, uwashila, uwashila, uwashila, uwashila.

Ilyo, Umutumwa Petro asosele, “Takwaba 180

kapapatila umbi pakati kakwa Lesa na bantu, kano ulya Muntu Kristu Yesu.” Umo.

Bena balingile ukukwata imilungu itatu. E ico, 181

bena—bena bakwete Jupiter, Mars, Venus. “Kabili cilya tacali icalungama ukubika fyonse pali Lesa umo,” e ico balipatwile cena, no kupanga ama ofeshi yatatu ayakwa Lesa kukuba ba Lesa batatu abapusana.

Lelo Ena palwalala alesosa pano, mu Kusokolola, 182

Ifyo Ena ali. “Nine uyo Uwalipo, Uyo ulipo, kabili Uyo ukesa, uwa Maka yonse.” Ifwe twalaumfwa Cena pa ntanshiko panono pano, Ena atile, “Nine Alifa na Omega,” A ukushinta na Z, Yonse, yalya malembo ya ciHela. “Cananika wa mu Mipokapoka, Nsalankwale ya Sharon; Tata, Mwana, Mupashi wa Mushilo; Uyo

36

walipo, uyo ulipo, kabili akesa; Umushila no Bufyashi bwakwa Dabidi.” Ena ni Lesa. Ena ni Lesa. “Na-…” Timote Wantanshi 3:16, “Ukwabula ukutalikishanya, cikalamba ica nkama ica bukapepa: pantu Lesa amonekele mu mubili, amwenwe kuli ba Malaika, atetekelweko pano isonde, asendelwe ukuya mu Bukata.” Lesa! Te muntu wacitatu atemwa kasesema, lelo Lesa Umwine, alengelwe ukumonekela mu musango wa muntu. Nomba, ubu e busokololo, ibukisheni.

Nomba, Lesa, pa kutendeka, ali ni Yehoba 183

umukalamba uyo waikele mu Ntumba ya Mulilo, yalebele pa mulu wa Israele, no kutungulula bena. Ulya ali ni Lesa, Malaika wa Cipangano. Aishileika pa lupili; ulupili lonse lwalyambwike Umulilo. Umulilo wabilime ukufuma pa lupili, no kulemba Amafunde ikumi. Ena aleitwa “butata bwakwa Lesa,” ku bana Bakwe, umutundu uwa bantu Bakwe abasalwa, abaYuda.

Elyo ulya Lesa umo wine alengelwe ukumonekela 184

mu mubili uwafyalwa uwa bunacisungu uo Ena alengele munda yakwa Maria, no kuba no mweo no kwikalamo kabili afungulwile ihema Lyakwe, nge fyo lyali, pakati ka bantunse. Kabili ulya Lesa umo wine alengelwe umubili no kwikala mukati kesu. Baibele efyo yasosa. “Lesa ali muli Kristu.” Umubili wali ni Yesu. Yesu, “Muli Wene mwaikele umwisulo wa mutwe wa Bulesa mu mubili.” Imwe tekuti mulenge Wene ukuba abantu batatu, nomba. Mwilabatishisha muli baLesa batatu. Kwaba fye Lesa umo. Mwamona? Lesa umo. Nomba, uyu Lesa umo wine alengelwe umubili. Ena atile, “Nafuma kuli Lesa, kabili ndeya kuli Lesa.”

Panuma Ena afumine pe sonde, kumfwa Yakwe, 185

ukushikwa, no kubuka, no kunina, Paulo akumenye Wene pa musebo waku Damaseke, ilyo ena acili aleitwa “Sauli.” Kabili Ishiwi lyalishile, kabili lyatile, “Sauli, Sauli, cinshi ico ulendamatila Ine?”

Atile, “Nimwe Ani?”186

Atile, “Nine Yesu.”187

Kabili Ena ali ni Ntumba ya Mulilo, Ulubuuto 188

ulo lwapofwishe amenso ya mutumwa. Ena

37

aishilebwelelamo. Yesu umo wine aishilebwelelamo kuli Lesa, Tata, nakabili. Ulya e mulandu wine Ena asosele pano, “Nine uwa Maka yonse,” umusango umo wine Ena alimo ilyo Ena talalengwa umubili; kabili umubili Wakwe uo Ena aikelemo, uwaleitwa Yesu, Umwaume uo ifwe twaishiba, Yesu.

Nomba, kwati mwebengi imwe mwe batemwikwa 189

abantu ba oneness mulabatisha, ishina lyakwa “Yesu,” imwe mwaliluba. Kwalibako ba Yesu imyanda mwi sonde ilelo, lelo kwaba fye umo Shikulu Yesu Kristu. Ena afyelwe Kristu. Ba Yesu abengi. Nalikumanyapo abengi muli bena. Lelo kwaba fye umo Shikulu Yesu Kristu, Ena ni Lesa.

Kabili Tata, Mwana, na Mupashi wa Mushilo 190

tafyaba mashina. Fyaba fya kulumbwilako ifyo fiya kwi Shina limo. Bena balabatisha, “Ishina lyakwa ‘Tata, Mwana, Mupashi wa Mushilo.’” Tata te shina, kabili Mwana te shina, na Mupashi wa Mushilo te shina. Cena cakulumbwilako, kwati “umuntu.” Filya efyo cena caba, Mupashi wa Mushilo. Umuntu…Atemwa, umupashi, Mupashi wa Mushilo. Lyena bena batila, “Mwi shina lyakwa ‘Tata.’” Lolekesheni pali ba shitata, kabili abana babana benu. Lolekesheni pa bantu muno. Mwamona? “Tata, Mwana, na Mupashi wa Mushilo” te shina. Cena cakulumbwilako ico ciya kwi Shina lyakwa “Shikulu Yesu Kristu.”

Ulya e musango Ulukuta lwa butumwa 191

lwabatishe, mu kutendeka. Kabili nalaipusha uuli onse ukuleta isambililo limo ilya Malembo, atemwa inshita imo mwi lyashi lyakale, uko muntu uuli onse atalile ukubatishiwa mu Lukuta lwa Bwinakristu umusango umbi uwashala kano mwi Shina lyakwa “Yesu Kristu” mpaka ilyo ulukuta lwa Katolika lwapangilwe. Kabili bena bapyanishe “Tata, Mwana, na Mupashi wa Mushilo” ku cisumino. Nomba leteni ilyashi lyenu ilyakale, umo kalemba we lyashi lyakale. Ee. Takwaba icintu ca musango ifi. Panuma ya 304 AD, 304, kwaishile ulubatisho lwa bene batatu pali Lesa mubene batatu, “Lesa Tata, Lesa Mwana, Lesa Mupashi wa Mushilo.” Cena busenshi.

38

Ilyo uno mulungu taulapwa, ndi no kubelenga cena 192

ukufuma mu mabuku no kumilangisha imwe ukupitila muli Baibele. Ifwe tulelanda muno lucelo pa Busokololo, no kushininkisha uko bwena bwafumine, kabili umusango wene watendeke ukubapo. Ukubwelela ku Cine, munyina! Ifwe tuli mu bushiku bwakulekelesha.

Loleleni mpaka ifwe tukasende lulyo lukuta 193

lwa Efese no kupashanya lwena na Laodikea, kabili lolekesheni ico cacitike pakati kashena. Muli no kumona umusango cilya cintu caingilemo. Ukwisa munshita yakwa Luther, itila, “Iwe naukwata ishina ukutila uli no ‘mweo,’ lelo uli uwafwa.” Ishiwi line Sarde lipilibula “uwafwa.” Bena balufishe cena mu myaka ikana limo ne myanda isano iya Nshita sha Mfifi. Cila imo iya shilya inkuta yasungile cilya mpaka ilya nshita. Lyena ilyo bena bakwete akabungwe ka Nicene mu 606, kabili lyena bena balifumishepo lilye Shina no kupanga baLesa batatu ukufuma muli Lyena.

Ena alesosa pano, “Nine Uyo uwalipo, Uyo ulipo, 194

kabili ukesa, uwa Maka yonse.” Mu cine.Ena alikwete icibumbwa ca fitatu pe sonde. 195

Ilyo Ena ali pe sonde, Ena ali Cibumbwa ca fitatu. Pe sonde, Ena ali ni Kasesema. Ena na cimbi ali mu Mulu, Shimapepo. Kabili ilyo Ena akabwela nakabili pe sonde, Ena akaba Imfumu. Kasesema, Shimapepo, kabili Mfumu. Uyo wali, uulipo, kabili ukesa. “Uyo walipo,” ali ni Yesu, kasesema. “Uyo ulipo nomba,” ni Shimapepo, ukucita amalambo ya bumupashi, Shimapepo Mukalamba uyo wingakumishiwa kumyumfwile ya kunakuka kwesu, no kuilangisha Umwine no kushininkisha ukutila Ena ali mukati kesu. Kasesema, Shimapepo, kabili Mfumu, lelo Lesa Umo.

Ilyo Ena ali pe sonde, Ena ali ni kasesema, Icebo. 196

“Inte ya cishinka,” Baibele ilamwita Wene, pantanshi panono. Inte ya cishinka, e kasesema. Ena ali ni shimapepo, kabili ilyo Ena aba shimapepo nomba. Ilyo Ena akesa, Ena akaba Imfumu.

Nga mulefwaya ukulisanga, belengeni Ukusokolola 197

15:3, imwe kuti mwamona mu Kusokolola 15:3. Lekeni

39

tupilibule no kumona ifyo Ena…nga Ena ali no kube Mfumu, nga Ena ni Mfumu ilyo Ena akesa. Nomba ifwe twalaya mu Kusokolola, icipandwa ca 15 kabili na—na vesi ya 3.

Baleimba no lwimbo lwakwa Mose umusha wakwa Lesa, no lwimbo lwa Mwana wa mpaanga, baletila, Ikalamba kabili yapesha amano imilimo yenu, mwe Shikulu Lesa wa Maka yonse; yalilungama kabili yacine imibele yenu, mwe Mfumu yaba mushilo.

Ni finshi ifyo Ena ali pe sonde? Kasesema. 198

Musango nshi abantu baishibe Ena ukutila ali ni kasesema? Ena acitile cishibilo cakwa Mesaya, ico cali ni kasesema. Owe, lipalwe Ishina lyakwa Shikulu! Musango nshi bena balufishe Wene? Pantu bena balelolela icintu cimbi. Kabili Ena alicitile icishibilo cakwa Mesaya, kabili bena tekuti bomfwe cena. Ena ali ni kasesema.

Mose atile, “Shikulu Lesa wenu akemya Kasesema 199

uwaba nga ine. Cikesafikilishiwa nga bena tabakomfwe uyu Kasesema, bakesasukulwa pakati ka bantu.”

Ena ali ni Kasesema pe sonde, nomba, pantu 200

Ena ali ni cinshi? “Inte ya cishinka iya Cebo cakwa Lesa.” Ameni. Ena ali Cebo cakwa Lesa ukulengwa ukumonekela.

Yohane Washila, icipandwa ca 1. 201

Mu kutendeka mwali Cebo, kabili Cebo ali pamo na Lesa, kabili Cebo ali ni Lesa.

Kabili Cebo aishileba ubuntunse, no kwikala muli ifwe.

Ena ali uwacine kabili inte ya cishinka ku Cebo 202

cakwa Lesa ica Muyayaya. Ena ali Cebo, ali Cebo cakwa Lesa. Kabili, pa kuba Icebo, Ena ali ni Kasesema. Pantu Icebo cakwa Lesa caendele ukupitila muli Wene. Ena ali no kusosa fye Icintu. “Ine tekuti ncite akantu ne Mwine, kano ifyo Tata Anangisha ukucita. Te Ine ulebombe milimo. Lelo Tata uwikala muli Ine, Ena alebomba imilimo. Ine na Tata twaba umo. Tata ali muli Ine,” efyo Yesu asosele, Umuntu, ihema.

40

Lesa alikwata ifyakulumbwilako ifingi: Yehoba, 203

Yehoba-jire,-rapha. Manase. Owe, ifingi! Ena akwata cinelubali ayaba pamo, amashina yakulubwilako. Ena alikwata ifyakulumbwilako ifingi: Nsalankwale wa mu Sharon, Cananika wa Mumipokapoka, Ulutanda lwa Lucelo; Tata, Mwana, Mupashi wa Mushilo. Fyonse filya. Lelo Ena alikwata Ishina limo lya buntu. Lesa akwete fye Ishina limo, kabili lilya lyali “Shikulu Yesu Kristu.”

Ilyo Ena afyelwe, Kristu, Shikulu. Inshiku 204

cinelubali panuma, Mupashi wa Mushilo wainike Ishina Lyakwe “Yesu.” Ba nyina bamulengele Wene ukusembululwa, kabili bainike Wene “Yesu.” Ena afyelwe Kristu.

Kwati, na fyelwe Branham. Nali Branham ilyo nafyelwe, no kupelwa ishina lyakwa “William.”

Ameni. Kabili Ena afyelwe Kristu, Kapususha. Kabili ilyo Ena ali ne nshiku sha kufyalwa cinekonse konse, Ena apelwe ishina lyakwa “Yesu.” Kabili Ena ali ni Shikulu wa Bukata, ukulengwa ukumonekela. E ico, Ena ni Shikulu Yesu Kristu, Lesa wa Bukata ukulengwo kumonekela pakati kesu. Owe, ulya Ena ali palya!

Pe sonde, Ena ali ni Kasesema. Mu Bukata, Ena ni 205

Shimapepo. Ukwisa, Ena ni Mfumu. Owe! Nalitemwa cilya.

Kasesema, “Inte ya cishinka iya Cebo.”

Shimapepo, “No Mulopa Wakwe Umwine ku cinso cakwa Lesa.”

Imfumu, “Imfumu yaba mushilo.” Te mfumu ye sonde, nomba. Ena ni Mfumu ya ba mushilo. Ifwe natukwata imfumu ishape sonde pali balya bantu. Lelo na tukwata Imfumu, na ifwe, kabili no Bufumu. Ulya e mulandu wine ifwe twikala abaibela.

Nge fyo nasosele te kale sana, palwa mukashi 206

wandi, ifwe twaleya kwituka kuno lubali kabili ifwe twali mwene icipeshamano, mupepi. Yali ni nshita ya lusuba, umwanakashi alifwele indeleshi. Kabili natile, “Cilya cintu iceni.” Natile, “Nga nacikwata

41

kamela yandi, nga nacikopa icikope cakwa na mayo.” Mwamona? Pantu ifwe…Ulya ali mwanakashi uwakubalilapo ifwe twamwene nafwala shiketi, namwishiba, afwele ngefyo na mayo alingile ukuba, abanakashi bonse.

Ena atile, “Cisuma, mulandu nshi cabela, Billy, 207

ukutila abantu besu balafwala, bushe ni pa mulandu ifwe—ifwe twalyebwa?”

Natile, “Bena te bantu besu. Bena bantu bakwa 208

Lesa. Abantu bakwa Lesa, bafwaikwa umushilo.”Natile, “Cisuma, bushe bena tabaya ku chalichi?”209

Natile, “Kwalibako na mayo 210 kulya kwine, uyo wimba mu kwaya ku chalichi imo kuno.”

“Cisuma, kanshi, mulandunshi filya?”211

Natile, “Pantu ena tasambilishiwa mu musango 212

umbi.” Cilya cishinka nganshi. Lulya e lulya ulukuta lwa buntunse, ifwe tuli 213

nokwisamo uno mulungu; Ulukuta lwa bumupashi, ulukuta lwa buntunse. Bena bonse balebwelelamo fye ku machalichi bafumineko. Baibele itila, mu Kusokolola 17, bena bakacicita cena. Bena balebwelelamo ino ine nshita, bonse muli bena, ukwikala nga cena, ukubunganya. “Mune, ifwe twaba abashininkisha. Ifwe tulabunganya. Ifwe twaba ici kabili ifwe twaba cilya.” Tacali fyo pa kutendeka. Ukusenda yonse amaka ukufuma mu lukuta no kuyabika pali bishop atemwa papa. Lesa aba mu Lukuta Lwakwe, pakati ka bantu Bakwe, ukuilangisha Umwine ukupitila mu lukuta no kuli konse, nomba. Lelo muli buno bushiku…

Atile, “Cisuma, bushe ifwe tatuli abena America?”214

Natile, “Iyo. Ifwe tulekala pano, lelo tatuli abena 215

America. Ifwe tuli Benakristu. Ubufumu bwesu bwa ku Mulu.”

Kabili ngo bumi bwesu bwafuma ku mulu 216

Kulya, lyena ifwe twikala nga filya. Pantu, ifwe twafuma…Ubumi bwesu bwafumina ku Ncende ya mushilo. Bwena bulamoneka ubwapusana. Bulafwala ukupusana. Abanakashi ku mulu Kulya bakwata

42

imishishi itali. Kabili bena tababika ifyakuisuba pa finso fyabo. Kabili—kabili bena tabafwala bakaputula. Bena, bena bafwala amashiketi, kabili ne mingila itali nama ndeleshi. Kabili bena bakwata imishishi itali, ne fintu. E ico i—icifyalilwa ca cena, ukufuma ku mulu Kulya, kulamonekela ukwisa pali ifwe.

Abaume tabapepa, tabasheta, ukubepo bufi, 217

ukwiba. Bena bafuma, imipashi yabo, ifuma ku Ncende ya mushilo, cilabalenga bena ukwikala aba mushilo, ukwishibana umo no mubiye nga ba munyina. Cilya eco.

Ifwe tuli ba Bufumu, kabili ifwe twalikwata 218

Imfumu. Kabili Ena ni Mfumu ya ba mushilo. Kabili ishiwi uwa mushilo lyaisa ukufuma kwi shiwi lya “abo abasangululwa.” Kanshi ilyo muntu asangululwa, Kristu, Mupashi wa Mushilo alesa mu mutima no kuba Imfumu pali cilya. Owe, mwe! Cilya cilingile ukufika mukati. Owe! Ilyo icipe icasangululwa icakwa Lesa…Kristu, Imfumu, Mupashi wa Mushilo, alesamo. Kabili mfumu yakwata bukateka bwaiko. Ameni. Kabili ubuntu bwenu bonse bulatungululwa ne Mfumu ya ba mushilo. Ubufumu! Ubufumu ubuli bonse pe sonde bukatenshiwa, bukonaulwa ku maka ya atomic. Lelo Baibele itila, “Ifwe tulepokelela Ubufumu ubo bushingatenshiwa.” Ameni. Imfumu ya ba mushilo.

Ndefwaya imwe ukumona ifilangililo fyakwa 219

Kristu, na cimbi, muli Baibele kabili napano pe sonde. Pe sonde, Ena ali ni kasesema. Bushe mulecetekela cilya? [Ulukuta lwatila, “Ameni.”—Ka.] Kasesema e Cebo. Ifwe twalishiba cilya. Ishiwi kasesema cipilibula “kelula wa bulesa uwa Cebo.” Icebo ca bulesa nacilembwa, kabili kasesema nakwata uwa bulesa Umupashi wakwa Lesa mukati kakwe. Kabili, namwishiba, kasesema mu Cipingo ca Kale aleitwa “umulungu.” Nibanga abaishibe cilya?

Yesu atile, “Nga balebeta imilungu…Bushe 220

tacalembwa, mu malango yenu, bena baba, ‘Muli milungu’? Kabili nga balibetile bena ‘imilungu,’ abo Icebo cakwa Lesa caishileko, kasesema, musango nshi imwe mwinganjebaula Ine ilyo nasosa ukutila ndi Mwana wakwa Lesa?”

43

Pantu, ena aleitwa “umulungu,” pantu asendele 221

mukati muli wene Icebo cakwa Lesa, EFYO ASOSA SHIKULU. E ico kanshi, ishiwi kasesema lipilibula u…ukwakwe—ukwilula kwakwe takulingile ukusankanishiwa. Mwamona? Nga Lesa…Ena atila, “Nga kuliko umo pakati kenu, uyo uli uwa bumupashi, atemwa kasesema, Ine Shikulu ndi no kulanda kuli wene. Ifyo asosa fyaisafikilishiwa, lyena mumfweni, pantu ndi nankwe. Lelo nga cena tacifikilishiwe, lyena mwi mumfwila wene; pantu nshi mutumine wene. Ulya e musango mwishibilamo cena. Kabili lyena, mulemona, ukwilula kwa bulesa ukwa Cebo kulingile kwalingana noku kusokolola kwa kulekelesha ku lukuta.

Ena ni Lesa, uwa Maka yonse. Pe sonde, Ena ali 222

ni kasesema, ico caba ni kapumpe. Ni banga abaishiba ukutila kasesema atontonkanishiwa ukuba kapumpe? [Ulukuta lwatila, “Ameni.”—Ka.]

Kapumpe aba icuni icakosa nganshi ico twakwata, 223

ica maka nganshi. Yamo amapindo yabo yalepa ama fiti ikumi limo na fisano, ukufuma ku mpela na kumpela. Ena kuti aya no kupupuka apasansama nganshi icakutila nge cuni icili conse icashala caesha ukukonka wene, cena kuti casansaika, amasako kuti yasusuka kuli cena kabili cena kuti caputauka. Pantu cinshi? Ena apangwa uwaibela. Kabili busuma nshi cicita wene ukuya pa mulu palya apasansamisha nga cakutila ena tekuti amone ifyo ena alecita ilyo ali pa mulu palya? Landeni pe linso lyakwa pungwa? Imwe mulingile ukumona ilinso lyakwa kapumpe.

Pungwa kuti acita, limbi kuti amona inkoko. 224

Cilya cishinka. Bulya e bwaba ubwafya na bamo aba bapungwa ilelo. Uh-huh. Lelo, ndemweba, kapumpe alaya, e ico nga pungwa alyeseshe ukukonka wene, ena kuti afwa. Ena kuti asakaminwa. Ena tekuti aye muli lulyo lwelele ulo kapumpe acita.

Kabili elyo ena alikwata ilinso, icakutila ena kuti amona apatali nganshi, ilyo ena aya pa mulu palya. Ulya e mulandu wine Lesa etila bakasesema Bakwe, “bakapumpe.” Balaya pa mulu palya, kabili ena ni kapumpe. Ena kuti amona, apatali sana.

44

Kabili Kristu, pe sonde, ali ni Kapumpe. Ilyo Ena 225

afwile, Ena ali ni Shimapepo, e ico cilya calengele Wene Umwana wa mpaanga. Bushe cilya cishinka? [Ulukuta lwatila, “Ameni.”—Ka.] Kabili ilyo Ena akesa nakabili, Ena ni Mfumu, e ico Ena akaba ni Nkalamo, ameni, Inkalamo iya mukowa wakwa Yuda. Ameni. Ena ni Kapumpe, Umwana wa mpaanga, kabili Inkalamo; ameni; Tata, Mwana, na Mupashi wa Mushilo; Kasesema, Shimapepo, kabili Imfumu; Uyo walipo, uulipo, kabili akesa; uwa Maka yonse; Alifa na Omega, ukufuma ku kutendeka ukushinta ku mpela, Lesa uwa Muyayaya.

Ndefwaya ukwipusha imwe, bamo muli imwe 226

abantu abasuma ba Katolika, abeta cilya, “Uwa Muyayaya bumwana bwakwa Lesa; Lesa, uwa Muyayaya bu mwana bwakwa Yesu Kristu pamo na Lesa.” Musango nshi mwingasosa ishiwi lya musango filya? Na ba uwabulo kwishiba, na masambililo yamu giledi 7, lelo nalishiba bwino ukucila filya. Ishiwi umwana lilingile ukukwata intendekelo. E ico musango nshi Ena engaba uwa Muyayaya no kuba umwana? Umuyayaya tawakwata intendekelo atemwa impela. E ico, Ena tekuti abe umwana, umwana wa Muyayaya, kabili elyo ukukwata intendekelo, pantu takwaba icintu ca musango ulya ngo mwana wa Muyayaya. Umwana alikwete intendekelo, e ico ena tekuti abe uwa Muyayaya.

Mulemona, Ena ni Lesa wa Muyayaya, te mwana 227

wa Muyayaya. Ubukata! Uwa Maka yonse, Jehoba-jire, Yehoba-rapha, ukulengwa ukumonekela mu mubili, “Muli Wene mwaikele umwisulo onse uwa mutwe wa Bulesa mu mubili.”

Kabili pa Bushiku bwa Pentecosti, ilyo ilya 228

Ntumba ya Mulilo yaishileika pa bantu, bushe mwalimona, Yena yaliipatwile Iyine? Kabili indimi sha Mulilo shaikele pali cila umo uwa bena. Umulilo, nge ndimi, ukwikala pali cila umo. Ni cinshi ico Lesa alecita? Ukuipatula Umwine mukati ka Lukuta, pakati ka cila umo; ukupela abanakashi, abaume, na bonse pali bena, ifiputulwa fya Mupashi Wakwe, ukuipatula Umwine pakati ka Lukuta Lwakwe.

45

Musango nshi umuntu engesa no kusosa, 229

“Umuntu wa mushilo ni papa. Umuntu wa mushilo ni bishop”? Umuntu uwa Mushilo ni Kristu, Mupashi wa Mushilo muli ifwe. Musango nshi mwingasosa ukutila ulukuta talwakwata ishiwi lya kusosa? Cila umo muli imwe mwalikwata icintu cimo icakusosa. Cila umo muli imwe alikwata umulimo wakubomba. Cila umo uwa muli imwe alingile ukusenda Imbila. Ubukata!

Mupashi wa Mushilo waliipatwile Uwine pa 230

Bushiku bwa Pentecost. Lesa, ukuipatula Umwine. “Bulya bushiku mukeshiba ukutila ndi muli Tata, Tata muli Ine; Ine muli imwe, kabili imwe muli Ine.” “Bulya bushiku,” Mupashi wa Mushilo, “pali bonse, muli bonse, ukupita muli bonse.” Ameni. Cilya cili palya. Mupashi wa Mushilo alikwata insambu ukwenda apali ponse apo Ena alefwaya ukwenda, pa muntu uuli onse Ena alefwaya ukwendapo. Imwe tamulingile ukusenda fimo ifyo bishop atemwa umo shimapepo alesosa. Ena ni Shimapepo wesu eka, cisuma, Shimapepo Mukalamba. Nomba: Kasesema, Shimapepo, kabili Mfumu.

Nomba: 231

Na…Yesu Kristu, inte ya cishinka,…ibeli lya babuka ku bafwa,…(Ifwe twalaisa muli cilya.)…kabili kateka wa sha mfumu isha pano nse. Uwatutemwa, uwatukakulwile na mu membu shesu ku mulopa wakwe, Ishiwi 232 ukusambwa palya, mucine, muci Hela,

cipilibula “ukukakulula.” Ena alitukakwile ifwe ukufuma ku…Ifwe twalikakilwe kwi sonde, ku lubembu lwesu. Ifwe tekuti tumone, tekuti tumfwe, ifwe tatwakwete ilyano lya ku Mulu atemwa nangu cimo. Lelo ilyo Mulopa waishileika, Wene waputwile umushilwa kabili ifwe twaishile kakulwa. Owe!

Nalibelengele ilyashi inshita imo, lyena kuti 233

lyalinga bwino nganshi pano. Umulimi alikete mwankole kabili ena akakile wene. Kabili ena atile, “Nalasambilisha ba mwankole bambi isambililo.” E ico akakile mwankole wakale, kulya ku kulu,

46

ne ntambo, kabili icintu icikote icibusu cali nge calafwa ku nsala. Ena alinakwike nganshi, ena alifililwe ukwenda.

Cilya ni cinshi, tumo pali utu tubungwe ne nkuta, 234

twalikakila abantu panshi. “Te kuti fye! Cisuma, apa epalepa fye bengafika. Inshiku sha fipeshamano shalipita.” Ee. Iwe naukakwa fye. Epela fye. “Takwaba icintu ca musango nge fi nga Mupashi wa Mushilo. Ena talandila mu ndimi nge fyo Ena alecita.”

Ena ni Lesa. “Ena aba fye cimo cine mailo, ilelo, 235

no muyayaya,” abaHebere 13:8, ukwikala mu ma chalichi yonse. Ifwe tuli no kwisa kuli yena panuma yakwikala muno lucelo. Mwamona? Ena ni Lesa, uyo wikala muli cila nshita ya lukuta. Ena ali no kwikala mu nshita ili yonse iya lukuta, ali no kwikala mu bantu Bakwe Umuyayaya. Pantu ifwe natukwata nomba, mukati muli ifwe, Umweo wa Muyayaya.

E ico, ici cilonganino cali mukakile wene, 236

mwamona, “Cisuma, inshiku shafipeshamano shalipita. Takwaba icintu ica musango ifi ngo kundapwa kwa Bulesa.” Icintu icikote icibusu calesunta mpaka ena aishileba umubusu nganshi ena tekuti ende nangu panono.

Kabili ubushiku bumo kwaliko umuntu umusuma 237

uwaishileko, kabili ena atile, “Namwishiba, ulya mwankole umukote umubusu, nde mufwilako ubulanda ena. Nangu cibe fyo, ena limbi alesenda inyanje shakwe. Ulya e musango fye weka ena ekalilamo. Ena alingile ukukwata icintu cimo icakulya. E ico ena taishiba ubupusano nangu bumo, ena ali fye kunse kulya ukutola inyanje.” E ico nga lyena ena asendele ifyakwe…Kabili asendele umwele wakwe no kuputulako ukukakulula mwankole umukote. Kabili ena alishibe…

Pano paishile ba mwankole bambi, balishile, 238

batile, “Isa kuno, Johnny Mwankole. Natuleya ku kapinda ka ku Kulyo. Umwela uwatalala uleisa.”

Namwishiba cinshi? Ulya mwankole kuti aya fye 239

ukulingana fye nge fyo ena aleya kulya lubali. Ena atile, “Ine tekuti ncite cena. Cena tacili…te cesu muli

47

buno bushiku. Ifwe—ifwe tekuti tucicite fye cena.” Mwamona? Ena alikakilwe inshita itali nganshi, mpaka ena atontonkenye ena ali acili nakakwa. Mwamona?

Kabili ulya e musango cabelamo na bantu abengi, 240

imwe mwalikakwa panshi ne fisumino kabili ne filonganino, ukufuma kuli nyina umukote cilende kunuma kulya, ukweba imwe ukutila, “Yesu Kristu taba cimo cine. Takwaba icintu ca musango ifi ngo kundapwa. Takwaba ulubatisho lwa Mupashi wa Mushilo. Cilya ni cimo ica ifi fintu nga filya.” Ukwesha ukweba imwe fyena. Imwe mwalikakwa inshita itali nganshi mpaka imwe mucili muletontonkanya imwe mwalikakwa.

Umuntu umusuma, Kristu, apele Umulopa Wakwe 241

pa kutila Ena engatusamba ifwe no kutukakulula ifwe ukufuma ku lubembu lwesu. Ulubembu ni cinshi? Nalaipusha umuntu uuli onse ukunjeba. Ulubembu ni cinshi? Ulubembu caba “ukukanatetekela.” Cilya cishinka. “Uyo ushitetekela nasekwa kale.”

Kabili ulubembu lwenu e cintu fye cenu ceka ico 242

ci mukanya imwe ukuba abantungwa. Ni pa mulandu Lesa aliputulako ukufuma kuli imwe ukukanatetekela kwenu, lelo imwe mwalikakwa nganshi ne fisumino mpaka mucili muletontonkanya imwe mwalikakwa. Ukulafwa fye ne nsala, mwamona, ukulatoloka toloka, “Nine Presbyterian. Nine Methodist. Nine Baptist. Bena balanjeba nine ulukuta lwakwa Kristu, ‘Inshiku sha fipeshamano shalipita. Takwaba icintu ca musango ifi.’”

Iwe we mubusu mwankole uwansala! Cinshi ico 243

tekuti wishile kuno muno lucelo? Cinshi ico tekuti upupukile? Aleluya! “Ima na mapindo ya lucelo, no kupupukila ku Kasuba ka Bulungami, kukundapwa pa mapindo Yakwe.” Ameni. Cilya eco. Cilya eco, munyina, nkashi. Owe! “Uyo uo Mwana alengwa ukuba umuntungwa, akaba umuntungwa icine cine.” Ee, mukwai!

“Cisuma, kacema wandi…” Nangu cimo palwa 244

cilya. Baibele itila iwe uli muntungwa. Cilya cishinka. Uli muntungwa.

48

“Ulukuta Lwandi…”245

Cisuma, ube uwakakulwa. “Ena alitusambile ifwe 246

no kutukakulula ifwe ukufuma ku filonganino fyesu, mu Mulopa Wakwe Umwine,” kabili natulenga ifwe ukuba abantungwa pakutila ifwe twingatontonkanya palwesu, kabili ukuicitila fwebene, no kuilandila fwebene, no kuibombela fwebene.

“Cisuma, nga nalibwelelemo no kweba kacema 247

nalingile ukubatishiwa nakabili, ena kuti acita…”

Nga palwa, “Iwe uli muntungwa”? Ubu 248

ebusokololo, namwishiba. Cisuma. Iwe uli muntungwa.

Nga imwe mwalisanswa no tumucele utunono 249

ukuposwa nge ifi, ishina lyakwa “Tata, Mwana, na Mupashi wa Mushilo,” kuliko icishiba icili apa pene, icateyanishiwa muno lucelo, na menshi muli cena. Mwamona? Ee, mukwai. Cena tacili icalungama.

E ico, imwe tamuli abakakwa nakabili. Imwe 250

muli bantungwa, lelo nalimo imwe tamwishibe cena. Lelo lekeni ine mwebe muno lucelo, Baibele itila, “Ena alitukakulula ifwe ukufuma ku membu shesu, ukukanatetekela kwesu, pa kutila twinga pokelela Ukusokolola kwakwa Yesu Kristu.” Kabiyeni, abantungwa!…ningile ukusenda ifyo lukuta ululi lonse lulesosa palwa Cena. Sendeni ifyo Lesa asosa palwa Cena. Ubu apa Ubusokololo Bwakwe ukusokolola ifyo Ena Aba.

“Ine lyonse nalicetekela ukutila Lesa Tata 251

alikwete uutali, umwefu uwabuta, imishishi iya buta; kabili Umwana ali umuntu uwa cimo capakati; kabili Mupashi wa Mushilo ali mulumendo weshuko.” Munyina, bulya busenshi. Cilya busenshi, imwe mwalicetekela muli baLesa batatu.

Ifunde line ilya ntanshi, ni lisa Ifunde lyantanshi? 252

“Umfwa, We Israele: Nine SHIKULU Lesa obe, Lesa umo.” Cilya eco.

Ena ni Lesa umo, te milungu itatu. Ena aikele 253

mu ma ofeshi yatatu, abombele ifi fulo fitatu. Ena ni Kasesema, Shimapepo, kabili Mfumu. Ena ni Kapumpe,

49

Umwana wa mpaanga, kabili—kabili Inkalamo. Ena ni Cananika uwa Mumipokapoka, Nsalankwale wa Sharon, Cananika wa Mumipokapoka, kabili Ulutanda lwa Lucelo. Ena e Mushila kabili uwa Bufyashi bwakwa Dabidi. Ena afuma kuli A ukushinta kuli Z. Ena ni Tata, Mwana, na Mupashi wa Mushilo. Ena aba fyonse filya, lelo ena aba Umo. Ena ni Lesa umo. Filya e fya kulumbwilako Fyakwe filya fiya kuli Wene, lelo kwaba Lesa umo.

Takwatalile akuba nangu umo, ibula ilili lyonse 254

ilya Baibele atemwa ilyashi ili lyonse ilyakale, mpaka ulukuta lwa Katolika, batalile ukubatishiwa mukwibishiwa mwi shina lyakwa “Tata, Mwana, Mupashi wa Mushilo.”

Nga imwe kuti mwanangisha ibula atemwa icili 255

conse, imwe lembeni cena, mulete cena kuno kuli ine, mu bushiku, kabili ine ndi no kwenda ukufuma muli ino chalichi, ukusosa, “Ndi bumbimunda. Nalisambilisha abantu icilubo,”; nga imwe kuti mwanangishako isambilisho limo ilya Malembo, atemwa mu ndetele ilyashi limo ilyakale, ilyashi ilyakale ilyashininkishiwa, ilyo ilili no kunangisha ine cilya uko abantu batalile batisha, muli Baibele, mwi shina lyakwa “Tata, Mwana, Mupashi wa Mushilo.” Atemwa, mundetele ilembo limo, atemwa ibuku limo ilye lyashi lyakale, ibula limo, ukubelenga kumo mwi lyashi lyakale, apo muntu uuli onse atalile ukubatishiwa, ishina lyakwa “Tata, Mwana, na Mupashi wa Mushilo,” mpaka Akabungwe ka Nicene aka lukuta lwa Katolika. Iseni, leteni lyena kuli ine; ndi no kukambatika icishibilo panuma yandi no kwenda ukupita mu Jeffersonville, kabili imwe kunuma no lusengo, ukulisha. Ndi no kubika palya, “Kasesema wa bufi, ukulufya abantu.”

Kabili, kacema, nga iwe uli muno muno lucelo, iwe 256

ucite cilya, iwe ulingile ukuleka ine ukucita cilya kuli iwe. Mwamona? Iseni, munagishe. Lelo muli no mwenso.

Nomba, cena ni cinshi? 257 Ubu e Busokololo. Ubu e Busokololo. Kabili uyu e Mupashi wa Mushilo, Kristu, ukutuma Imbila Yakwe ku nkuta. Umfweni Wene. Umfweni Wene. Filya efyo Baibele isambilisha.

50

Nikwisa uko cafumine? Nga imwe tamwakalipe 258

fye, talukeniko, mu mulungu onse, imwe muli…Imwe mukasende Utubungwe twa Nicene. Mukasende iyakwa Hislop ba Babylon babili. Mukasende…

Nomba, ilyashi lyakale ilyakwa Josephus 259

lyaliba fye bwino, lelo ena alembele fye iciputulwa cimo icakwa Kristu, atile, “Kwaliko Umuntu uwaleitwa Yesu Uyo uwaleendauka, ukundapa abantu. Kabili—kabili Ena alifwile, atemwa Pilato alimwipeye Wene, kabili—kabili, atemwa Herod, atemwa alimwipeye Wene. Kabili elyo abasambi baile no kwiba umubili Wakwe ukuusenda, no kuyaufisa. Kabili cila nshita ya bushiku bena baleya no kuputulako iciputulwa ukufuma kuli wena no kulya wene.” Atile, “Bali bamulya bantu.” E ico, bena balelya umulalilo, mulemona. Amano ya buntunse! Josephus taba umo uwakumfwilako.

Lelo sendeni 260 Ibuku Lya Fox’s Ilyaba Ipaiwa. Kwalibako ilisuma ilyashininkishiwa. Ibuku Lya Fox’s Ilyaba Ipaiwa, ni banga abatala ukubelenga lyena? [Ulukuta lwatila, “Ameni.”—Ka.] Mucine. Ilyakwa Pember Inshita Yakubalilapo, atemwa—atemwa ilyakwa Hislop ba Babylon Babili, atemwa—atemwa limo ilikalamba ilyashininkishiwa. Atemwa, ili—ilikalamba nganshi ilyo twakwata lyaba Akabungwe ka Nicene, Akabungwe ka pre-Nicene kabili na Kabungwe ka Nicene. Kabili muli no kusanga kulya, ukutila cilya tacatalile lumbulwa, tapali abantu.

Sendeni Amalembo ya Mushilo kabili mumone 261

nga kwalitalile akubako umuntu uuli onse muli Baibele uwatalile ukubatishiwa, ukubomfya filya ifya kulumbwilako, ishina lyakwa “Tata, Mwana, na Mupashi wa Mushilo.” Cilangisha imilungu itatu. Caba ca kusefya kwa busenshi. Kabili buKatolika tacaba icintu cimbi mwi sonde kano i—imimonekele ya busenshi iya Bwinakristu. Kabili ukufuma ku lukuta lwa Katolika kwaishile Martin Luther, John Wesley, Baptist, Presbyterians, kabili nabambipo.

Lelo mu nshiku shakulekelesha kwaliko umwinshi 262

uwabikilwe pakati kulya, uyo waiswile Icine nakabili,

51

ukutila, “Baibele efyo yasosa,” kabili kasesema mukalamba uyo wali no kwisa pe sonde mu nshiku shakulekelesha. Kabili ifwe twalicetekela ena aleisa. Moneni. Kabili Ena akakwata Ulukuta. Nomba, ifwe twalamona ici, nomba.

Nomba, ibukisheni, ubu e Busokololo. Imwe tekuti 263

mufumye kuli Bwena. Nomba, ifyo caba ukushinina! Sangeni umuntu umo muli Baibele, icifulo cimo apo bena batalile ukubatisha umuntu uuli onse mwi Shina lyakwa, “Tata, Mwana, Mupashi wa Mushilo,” atemwa ukutala ukusansapo umuntu uuli onse, mukasange cilya muli Baibele, ku kulekelelwa kwa membu shabo. Bena tabatalile. Kabili umuntu onse, te mulandu umusango bena babatishiwe, balishile no kubatishiwa, cipya cipya nakabili, mwi Shina lyakwa “Yesu Kristu,” ku kupokelela Mupashi wa Mushilo.

Imilimo ya Batumwa 19, “Paulo apitile ku 264

masansama no kufika ku Efese, asangile abasambi bamo.” Atile, “Abasambi.” Bena bakwete ukulongana kukalamba. Balekonka umuntu we shina lya kwa Apollos, uyo uwali ndubulwila uwapilibulwa; Baptist uyo uwacetekele pali Yohane Kabatisha, kabili aleshininkisha ku Malembo ukutila Yesu ali ni Kristu.

Paulo alipitilemo kabili amwene Aquila na 265

Priscilla, mu cipandwa ca 18 ca Milimo ya Batumwa. Kabili elyo aile kulya ukukwata icakulya ca cungulo, atemwa icintu cimo cimbi, na Aquila pamo na Priscilla. Bena bali mwebele pali uyu muntu umukalamba. Bena balefwaya ukumumfwa wene. Akutike kuli wene lilya ubushiku. Ena atile, “Ena alibwino nganshi. Cilya cisuma nganshi. Cilya cisuma. Lelo,” atile, “bushe mwalipokelela Mupashi wa Mushilo ukutula ilyo mwatetekele?”

Nga imwe ba Baptist aba busu kunuma uko, 266

muletetekela imwe mwalipokelela Mupashi wa Mushilo ilyo imwe mwatetekele?

Atile, “Bushe mwalipokelela Mupashi wa Mushilo267 ilyo mwatetekele?”

Umo muntu atile, “Cilya tacalembelwe muli 268

cilya.”

52

Ndekanya cilya. Ninkwata iciHela 269

icashininkishiwa pano pene, iciHebere, naco. Baibele isosa mu ciHela, kabili na monse mu ciHebere, kabili na cimbi mu ciAramic. Kabili fyonse fitatu ifya fyena, ninkwata fyena pano pene, apo apasoselwe, “Bushe mwalipokelela Mupashi wa Mushilo ilyo mwatetekele?” Cilya cishinka. “Bushe mwalipokelela Mupashi wa Mushilo ilyo mwatetekele?”

Nomba, atile, “Ifwe tatwaishiba ngacakutila 270

kwaliba Mupashi wa Mushilo.”Elyo ena atile, “Nga kanshi cinshi ico 271

mwabatishiwemo?”Bena batile, “Ifwe twalibatishiwa kale no 272

mwaume uyo wabatishe Shikulu Yesu Kristu. Ifwe twalibatishiwa mulubatisho lwakwa Yohane,” icishiba cimo cine ica menshi, nalimo, “umwaume umo wine.”

Paulo atile, “Cilya tekuti cibombe. Ena abatishe 273

fye ku kulapila, te kulekelelwa kwa membu.” Nomba, bamo muli imwe mwe bantu ba Oneness 274

mulesa kabili—kabili mulabatisha filya, icilubo. Mulabatisha filya kuli, kwi pusukilo. Amenshi tayapususha umuntu; caba Mulopa, ukulapila. Te kupitila mulubatisho ku kupilibulwa. Iyo, mukwai. Ukupilibulwa kwishila ku Mupashi. Ulubatisho caba i—caba icilangililo ca kunse ica mulimo wa mukati uwakupilibulwa uyo ucitilwe. Mwamona? Cisuma. Moneni.

Atile, “Bushe mwalipokelela Mupashi wa Mushilo 275

ilyo mwatetekele?” Bena batile…Atile, “Ifwe tatwaishiba nga cakutila kwalibako 276

Mupashi wa Mushilo.”Atile, “Wabatishiwe shani?” 277

Atile, “Ifwe twalibatishiwe kuli Yohane.” 278

Atile, “Yohane mucine abatishe ku kulapila, ku 279

kulapila, ukusosa ukutila ‘mulingile ukutetekela pali Wene,’ Umwana wa mpaanga, Ilambo ilyali no kwisa, pali Shikulu Yesu Kristu.” Kabili ilyo baumfwile Ici, bena balibatishiwe nakabili mwi Shina lyakwa Yesu Kristu. Kabili Paulo abikile ndupi pali bena kabili bena balipokelele Mupashi wa Mushilo, no kulandila mu ndimi no kusesema.

53

Njebeni yalya te Malembo, kabili nangisheni, apali 280

ponse, uuli onse uyo watalile ukubatishiwa umusango umbi mu Cipingo Cipya kano mwi Shina lyakwa Shikulu Yesu Kristu. Nangisheni.

Agabus Washila kabili na bambi abengi abo 281

ababatishiwe, ukuya fye pantanshi mpaka panshita ya—iya—iya Kabungwe ka Nicene, kabili cila umo uwa bena balibatishiwe mwi Shina lyakwa Yesu Kristu. Ba minshoni balimine amabala ne Shina lyakwa Yesu Kristu.

Lelo ilyo Akabungwe ka Nicene kaishile, 282

bena balingile ukukwata imilungu itatu. Bena baishilefumyapo Paulo…atemwa balifumishepo Jupiter, no kubikapo Paulo. Bena balifumishepo Venus, no kubikapo Maria. Bena balikwete imisango yonse iya milungu, imisango yonse iya ba mushilo, ifintu fyonse ifyashala, no kupanga ulubatisho lwa mubene batatu no kulisha cena kuli ba Protestanti. Kabili na nomba bena bacili balamina cena.

Kabili Inyali sha cungulo bushiku nashisa nomba. 283

Kasesema atile, “Kukaba Ulubuuto mu nshita ya cungulo bushiku.”

Cikaba—cikaba Ulubuuto mu nshita ya cungulo bushiku,

Inshila ya ku Bukata mucine mukaisanga;

Munshila ya menshi, e muli Ulubuuto ilelo,

Ukushikwa mulyawama Ishina lyakwa Yesu.

Mwe baice na bakalamba, lapileni ku lubembu lwenu lonse,

Mupashi wa Mushilo mucine ali no kwingilamo;

Inyali sha cungulo bushiku nashisa,Cabe cishinka ukutila Lesa na

Kristu baba Umo.Mulecetekela Cena? [Ulukuta lwatila, 284

“Ameni.”—Ka.] Petro atile, pa Bushiku bwa Pentecost, “Lekeni ici cishibwe kuli imwe, inga’nda yakwa

54

Israele, ukutila Lesa nacita uyu Yesu umo wine, Uo imwe mwatanike, fyonse Shikulu kabili Kristu.” Vesi ya 16, icipandwa ca 2. Ee. “Lesa nacita uyu wine Yesu, Uo imwe mwatanike, fyonse Shikulu kabili Kristu. Lekeni aba nga’nda yonse iyakwa Israele beshibe, mucine.”

Nalandile ku muYuda te kale sana, kuno lubali pa 285

Nga’nda yakwa Dabidi, atile, “Imwe mwe benaFyalo tekuti muputule Lesa mufiputulwa fitatu no kumupela Wene ku muYuda. Ifwe twalishiba bwino ukucila filya.”

Natile, “Cilya eco, rabbi. Ifwe tatuputula Lesa 286

mufiputulwa fitatu iyo.” Natile, “Iwe walicetekela bakasesema?” Atile, “Mucine.” Natile, “Bushe walicetekela Esaya 9:6?” Ena atile, “Ee.” Natile, “Nani uo kasesema alelandapo?” “Mesaya.” Natile, “Kwampana nshi Mesaya akaba kuli Lesa?” Atile, “Ena akaba Lesa.” Natile, “Cilya cishinka.” Ameni.

Mwamona, mwacimone co. E ico tekuti muputule 287

Wene mufiputulwa fitatu.Nga imwe ba minshoni muno…umo muli bena 288

aleya uku ku baYuda, ndecetekela, uyu mwaume uwikele apa. Wikesha ukutala ukupela abaYuda nangu umo “Tata, Mwana, na Mupashi wa Mushilo.” Ena akakweba bwangu bwangu, ena alishiba uko cena cafuma, “Akabungwe ka Nicene.” Ena takakutike kuli cilya. Lelo mukaleke wene akamone uko ulya Lesa alengelwe mu mubili, kabili Ena e Lesa fye eka uwabako. Lesa, ukulengwa mu mubili mu musango wa buntu no kwikala pakati kesu, ku kutusangulula ifwe; ukufumyapo, pakutila Ena Umwine engesamo mu musango wa Mupashi wa Mushilo. Lesa, Tata, Mupashi wa Mushilo, Muntu umo wine.

55

Baibele itila mu—mufitoto fyakwa Yesu Kristu, mu 289

cipandwa ica 1 icakwa Mateyo, Yena itila, “Abraham afyele Isaki. Isaki afyele Yakobo.” Ukutwalilila, itila, kabili lyena mu…Lekeni ine mbelenge yena, kabili lyena imwe mwalaishiba ifyo ndelandapo. Mateyo, icipandwa ca 1. Kabili ifwe twala…Nomba lekeni tutendeke na vesi ya 18.

Awe ukufyalwa kwakwa Yesu Kristu kwali ifi: ilyo…nyina Maria akobekelwe kuli Yosefe, lelo ilintu bacili tabalapalamana, asangilwe ali ne fumo ilyafuma…

‘“Lesa Tata’”? Bushe cilya cilebelengwa ulya 290

musango? [Ulukuta lwatila, “Iyo.”—Ka.] Asangilwe no Mwana wakwa Ani? [‘“Mupashi wa Mushilo.’”] I…[Tapali kantu pali tepu.] Nacitontonkanya Lesa Tata ali ni Wishi? Kanshi, Lesa, Tata kabili na Mupashi wa Mushilo, caba Umupashi umo wine, nga ni fyo Ena alikwete bawishi babili.

Na Yosefe umulume wakwe, pa kuba uwalungama,…kabili ushafwaile ukumusebanya apa buta, afwaile…ukumuleka mubumfisolo.

Lelo ilyo aletontonkanya ifi, mona, malaika wakwa Shikulu amonekele kuli wene muciloto, ati, we Yosefe, mwana Dabidi, witina…ukubula Maria umukashi obe: pantu icaimitwa muli wene cafuma…

‘“Lesa Tata’”? Huh? [Ulukuta lwatila, “Iyo.” 291

‘Mupashi wa Mushilo.’”—Ka.] “Mupashi wa Mushilo.” Kanshi ninani uwali Wishi wakwa Yesu Kristu? [“Mupashi wa Mushilo.”] Mupashi wa Mushilo. Ni nani Uyo muli imwe? [“Mupashi wa Mushilo.”] Cisuma, ulya ni Lesa, Tata, nao. Bushe Wene tali? [“Ameni.”] Mucine.

Kabili akafyala umwana mwaume, na iwe ukamwinike ishina lyakwe YESU:…

Uyu 292 apa Lesa Tata, uyu apa Lesa Mupashi wa Mushilo, kabili uyu apa Lesa Umwana, mwamona, balya ni balesa batatu. Baibele taisosa cena. Aba

56

babili balingile ukuba cimo cine, nga nifyo Ena alikwete bawishi babili. Mwamona? Ena tekuti akwate bawishi babili. Namwishiba cilya.

Nomba, akafyalo mwana mwaume, kabili bena bakamwinike ishina lyakwe YESU: pantu wene e ukapususha abantu bakwe ku membu shabo.

Awe ici conse caishileba, ukuti cifishiwe icasosele Shikulu muli kasesema, aciti,

…nacisungu akemita, no kufyala umwana mwaume, kabili ishina lyakwe likenikwe Emmanuele, icalola mu kwilula, Lesa aba na ifwe.

Cilya e cipandwa ca 1 icakwa Mateyo.293

Mateyo 28:19, apo Yesu asosele, “Kabiyeni, 294

kabatisheni mwi Shina lyakwa Tata, Mwana, Mupashi wa Mushilo.” Ni cinshi Ishina lyakwa Tata, Mwana, Mupashi wa Mushilo? [Ulukuta lwatila, “Yesu Kristu.”—Ka.] Yesu Kristu, mucine.

Imwe mulabelenga ilyashi lyacitemwiko, ilitila, 295

Yohane na Maria baikele abansansa lyonse.” Nani Yohane na Maria? Bwelelenimo, kuntendekelo ye lyashi, no kusanga.

Nga takwaba icintu ca musango ifi, takuli ishina, “Tata, Mwana, atemwa Mupashi wa Mushilo,” kanshi Nani, li Shina lyakwa Ani? Bwelelenimo, ilyashi lyakubalilapo, kabili mumone Uo Ena alelandapo.

Petro, pa Bushiku bwa Pentecost, atile, “Lapileni, 296

cila umo muli imwe, no kubatishiwa mwi Shina lyakwa ‘Yesu Kristu’ ku kulekelelwa kwa membu.” Ena alikwete ubusokololo.

Yohane alikwete ubusokololo.

Yesu 297 ali Ubusokololo, Ena aliiletele Umwine muno mwine fye mu Malembo, “Nine uyo walipo, ulipo, kabili ukesa, uwa Maka yonse.” Whew! Cisuma.

Nomba lekeni tusende vesi ya 7, bwangu bwangu 298

nomba, ilyo tatulafuma panse, bwangu bwangu nge fyo twingacita.

57

…uwa Maka yonse. …bukateka, ubukata na bukateka

umuyayaya umuyayaya. Ameni. Kabili…no kutusangula ubufumu ubwa

bashimapepo kuli Lesa wakwe…kabili Wishi; kuli wene kube ubukata na bukateka umuyayaya umuyayaya. Ameni.Moneni bulya ubusokololo palya, ifyo Bwena 299

bwasokololwa? Ifyo Lesa…Abantu balafwena mu mitwe yabo no kutinta imishishi yabo, ne fintu, ukwesha ukusanga ifyo “Tata, Mwana, Mupashi wa Mushilo” fyaba, ukupanga fitatu, muli cimo. Mwilatinta imishishi yenu no kufwena umutwe wenu. Lolekesheni fye ku mulu. Ubusokololo bwisa ukufuma ku Mulu. Kabili cilya cishinka. Ena ali no kusokolola, cena tacili “Tata, Mwana, na Mupashi wa Mushilo.” Cena caba ma ofeshi yatatu ayo ulya Lesa umo aikelemo.

Cali ni mwi ofeshi, “Umupashi,” ku Mwine, 300

pantu umuntunse aleika. Lyena Ena ailengele Umwine umubili, uo aikelemo, ku kupanga Umulopa Wakwe Umwine; te kupitila mu kukumana, nga filya cali mwibala lya Edene, lelo ukupanga umubili uwalengwa. Kabili ukupitila muli ulya mubili uwafyelwe kuli nacisungu, Ena apele Umulopa uyo utusangulula ifwe no kutukakulula ifwe ukufuma kukukana tetekela kwesu, ukutetekela pali Wene. Kanshi, ifwe tulacita cilya, ifwe tulapokelela Wene mu mitima yesu, ulya ni Lesa muli ifwe; Lesa: Tata, Mwana, na Mupashi wa Mushilo. Mwamona? Kwati fye ni Kasesema, Shimapepo, kabili Mfumu, cilya cintu cimo cine. Cisuma.

Nomba, vesi ya 7, uku e kubilisha. Ukubilisha 301

kuli:Moneni, aleisa na makumbi; ne linso lyonse

likamumona,…na balya aba mulashile: ne mikowa yonse iyapano nse ikamupuminapo imisowa.Owe! Niinga inshita ifwe tukwete? Cilya cisuma 302

uko. Bushe imwe kuti mwakwatako nayambi amakumi

58

yatatu, ama miniti amakumi yabili? [Ulukuta lwatila, “Ee.”—Ka.] Bushe kuti mwacita? [“Ameni.”] Cisuma. Nomba, kanshi, mailo…Mu bushiku, ifwe twalaesha ukwikata ayashala, Icimonwa ca Patmos, mu bushiku. Ilelo, ifwe twalalekela pakubilisha.

Owe! Imwe muleumfwa bwino? [Ulukuta lwatila, 303

“Ameni.”—Ka.] Imwe mwalitemwa ayama vesi ayakale aya Baibele? [“Ameni.”] Bwena Busokololo. Cinshi, cena ni cinshi? Lesa aleka, muli ili Buku, no kufumyapo icifimbo, atile, “Ulya Ali palya: Kasesema, Imfumu, Shimapepo, Imfumu; Tata, Mwana, Mupashi wa Mushilo; Uyo walipo, uulipo, kabili ukesa. Fyonse ifi fintu, Cena ni Lesa.”

Nomba lekeni tufumyepo icifimbo, pali miniti 304

fye ayanono nomba, Shikulu atwafwilishe ifwe, tufumyepo icifimbo pa menso yesu. No kumusenda…

Moneni, aleisa na makumbi;…Nomba, musango nshi Ena aleishilamo? “Na 305

makumbi.” Likumbi lya musango shani? Amakumbi ya bukata. Te limo ilya ifi fibulukuto, ikumbi lya mfula, lelo amakumbi ya bukata. Imwe mukamone umusango we kumbi Ena afimbilwemo ilyo Petro na bena bamwene icimonwa Cakwe pa Lupili lwa Sansama, ikumbi lyali mufimbile Wene. Icakufwala Cakwe calibalike. Ena alifimbilwe ne kumbi, amaka yakwa Lesa.

Owe, ifwe twalafika kuli cilya, kuno lubali 306

muli ishi nshita sha lukuta. Ndemweba, cena fye—ciletekunya fye ubuntu bwandi ubwa mukati, ukutontonkanya pali cena, cinshi, Ukwisa Kwakwe. Ndemona buno bushiku ubo ifwe tuleikalamo, uko nangu cimo, takuli isubilo ilisheleko kano Kwisa Kwakwe.

Nomba ifwe bwangu bwangu twalasenda ili. 307

Nomba ibukisheni.…ilinso lyonse lika mumona,…

Nomba, lilya tacali Ukusendwa, lyena. Bushe 308

cali? [Ulukuta lwatila, “Iyo.”—Ka.] Mwamona? Tacali Ukusendwa. Cena tacali Ukusendwa. Ni cinshi ico Ena alelandapo? Ukwisa kwa cibili.

59

…na balya aba mulashile: ne mikowa yonse ya pano nse ikamupuminapo imisowa. Nomba ifwe twalabwelelamo no kusenda ilyashi limo 309

ilyakale. Lekeni tubwelelemo kuli Sekaria, kabili sendeni icipandwa ca 12 icakwa Sekaria. Sekaria. Cisuma.

“Kabili Shikulu alilundile ku lukuta cila bushiku 310

abo bonse abengapusushiwa.” Ifyo tuletotela pa busuma ubusokololo bwakwa Yesu Kristu! Bushe tamuli abansansa pali wene? [Ulukuta lwatila, “Ameni.”—Ka.] Nomba, ifwe tuli no kubika ici mu musango we buku bwangu bwangu fye ngefyo twingacita, ku bantu, kabili lyena imwe kuti mwakwata lyena, ukubelenga lyena umutalalilwa uwa mucipinda cenu ne fintu, no kusoma lyena, mwebene. Cisuma.

Sekaria, Sekaria, icipandwa ca 12 nomba icakwa 311

Sekaria. Kabili ifwe tulefwaya ukusenda ici mu mapepo nganshi nomba. Kabili ndefwaya ukusenda ici ku bukata bwakwa Lesa. Nomba, Sekaria 12, lekeni tutendeke pa vesi ya 9. Umfwikisheni nomba. Ena alelanda palwa Kwisa. Sekaria 12, no kutendeka pa vesi ya 9, vesi ya 9, “Cikesafikilishiwa.” Sekaria, ukusesema, imyaka imyanda ine na makumi cinekonse konse na cinelubali ilyo Kristu talaisa.

Nomba muli ubo bushiku, nkafwaya ukufita shonse…inko ishikesa kukusansa Yerusalemu. (Tontonkanyeni pali cena.)

Lelo nkapongolwela pa ba nga’nda yakwa Dabidi, na pa bekashi ba Yerusalemu, umupashi wa luse kabili uwa kupapata: na bo bakalolesha pali uyo bapushishemo icela,…Nomba, nililali ilyo Mbila nsuma ikabwelela 312

ku baYuda? Ilyo bushiku bwa Benafyalo bukapwa, Imbila nsuma naiteyanishiwa, ukuya kubaYuda. Owe, ine kuti nacita, nga kuti nacita, ukumwebela fye libela imwe icintu cimo icinono icili mupepi no kucitika muno mwine, mwamona, buno bwine fye ubushiku. Mwamona? Cili mupepi no kucitika. Ifwe tulekwata cena mu Nshita ya Lukuta. Kabili ici icintu icikalamba cili mupepi no kucitika, cikatwalilila ku Kusokolola 11 no kusenda balya bakasesema

60

babili, Eliya na Mose ukubwelelamo nakabili ku baYuda. Ifwe tuli abaiteyanya pali cena. Ifintu fyonse nafibikwa mubutantiko, ifyateyanishiwa fye. Iyi Mbila ya Benafyalo, ngefyo abaYuda baletele yena ku Benafyalo, Abenafyalo bakaisenda ukuibweseshamo ku baYuda nakabili. Kabili Ukusendwa kukesa.

Nomba ibukisheni, ici apa icileisa, panuma ya 313

bucushi…Ulukuta talulepita mu Bucushi. Ifwe twalishiba cilya. Baibele efyo isosa. Mwamona? Cisuma.

Nomba, Ena akapongolwela pa nga’nda yakwa 314

Israele, (cinshi?) umo wine Mupashi wa Mushilo, mwamona, panuma Ulukuta lwa Benafyalo lwaya.

…nabo bakalalolekesha pali uyo bapushishemo icela, bakamulile nkonde, ngo ulila umwana wakwe wine, no kumulilila ukwakalanda, ngo ulelila ibeli lyakwe ukwa kalanda.

Kabili muli ubo bushiku mukaba…amalilo yakalamba mu Yerusalemu,…nga malilo…mu—mu nika ya megido.

Kabili—kabili icalo cikalila inkonde, ulupwa no lupwa lweka; ulupwa lwaba nga’nda yakwa Dabidi lweka, na…ulupwa lwaba nga’nda yakwa Nathan beka, ne ndupwa shonse ishashala ulupwa no lupwa lweka;

Ilyo bena bakamona, ico cikacitika? Ico 315

cikesacitika ilyo Ena akesa mu makumbi ya bukata, pa kumoneka Kwakwe kwa cibili. Kabili ilyo balya baYuda abamulashile Wene…Namwishiba, Amalembo yambi yatila bena bakamwipusha Wene, “Nikwisa uko Ena afumishe ifi fibala?”

Atile, “Mu nga’nda ya Banandi.”316

Kabili tacakabe fye inshita ya malilo ku baYuda 317

abo abakene Wene, nga Mesaya, lelo cikaba inshita ya malilo kuli abo Abenafyalo abashala kunuma kuno, abo abasumina…abo abakana Wene nga Mesaya wabo uwa buno bushiku. Bena bakalawelesha no

61

kulila. Ba nacisungu abalala bakala welesha. Lulya e lulya ulukuta ulo lwakene ukubika Amafuta mu Nyali yaluko. Kwaliko bana cisungu ikumi abo abaile, bonse abantu abasuma, lelo basano muli bena balikwete Amafuta munyali shabo. Bambi basano bali abantu abasuma, abantu abasuma, lelo balifililwe ukusenda Amafuta mu nyali shabo. “Kabili baliposelwe mulya mu mfifi uko kwali ukulila, ukuwelesha, no kusumanya ameno.”

Ici cili apa, “Bena bakalawelesha.” Baibele itila 318

pano, “Bena bakalawelesha, kabili abakontonka nganshi umutima! Mpaka nangula…”

Pano, nalamipela limbi, Ukutendeka 45, nga 319

mulefwaya ukwisa kuli lilya. Lekeni twise kuli cena pakashita fye no kubelenga lilya nakabili mukutendeka, i…Ndecetekela, icipandwa ca 45 ica Kutendeka. Kuti natemwa ukusenda ici apa, Yosefe ukuilenga umwine ukwishibikwa ku bakwe—ku bantu bakwe. Kabili ifwe twalasenda ifi, ukulangisha fye i—ifipasho ifya ifyo fikacitika muli bulya bushiku, elyo fikesa capamo.

Awe Yosefe afililwe ukukako umweo pali…bonse abaiminine pali wene; alibilikishe ati, Fumyeni umuntu onse…pali ine.

Nomba ibukisheni, Yosefe, ukuilenga umwine ukwishibikwa, ena alibilikishe, “Umuntu onse aleya ukufuma kuli ine.”

Takwaiminine umuntu kuli wene, ilyo Yosefe aisokolwele kuli ba munyina.

Lelo asanswile ishiwi mukulila: na bena Egypti balyumfwile na ba munga’nda yakwa Farao bali mumfwile wene. (Ena alingile alibilikishe nganshi.)

Elo Yosefe atile kuli ba munyina, nine Yosefe; bushe tata acili no mweo? Ba munyina bafililwe ukumwasuka; ico basakamikwe ku cinso cakwe.

E ico Yosefe atile kuli ba munyina, Shi palamineni kuli…ine, ndemulomba.

62

Ilyo bapalamineko. Kabili atile, nine Yosefe munyinenwe, uo imwe—uo imwe mwashishishe ukuya ku Egypti.

E ico nomba mwilunguluka, kabili mwilaikalipila, ico mwamposele njise kuno: pantu Lesa antumine ku kumutangilila ku kubake myeo. (Owe, ifyo cawama!)

Pantu iyi myaka ibili yaba…icipowe caba mukati ka calo: kabili…iya kubulo, iya kubulo kulima nangu kusepa.

Kabili Lesa antumine ku ku mutangilila ku kumubakila abengashalako pano isonde, kabili ku kumubaka aba mweo ukulola ku kupusuka ukukalamba.

Lekeni nsende fye nomba no kupashanya cilya na 320

Sekaria, iya 12, pakashita fye. Nomba, ifwe twalishiba ukutila, mukupashanya. Nga imwe mwasambilisha ifya kupashanya, lyena imwe lyonse mukacumfwa bwino, ndetontonkanya, mu—mucipasho.

Nomba, Yosefe, ilyo ena afyelwe, ena alipatilwe 321

kuli bamunyina. Bushe co cishinka? [Ulukuta lwatila, “Ameni.”—Ka.] Nomba ndefwaya ukumulangisha imwe, Yosefe apashanya Ulukuta lwaisushiwa na Mupashi. Yosefe bali mupatile kuli ba munyina. Mulandu nshi? Pantu ena ali uwa bumupashi. Yosefe tekuti aikanye pantu ena kuti amona icimonwa. Ena tekuti aikanye pantu ena alilotele ifiloto, mwamona, kabili kuti ailula ifiloto. Ena, cilya ecali muli wene. Ena tekuti alangishe icintu icili conse icashala kano ico cali muli wene. Cisuma, kanshi, ba munyina bakwe bali mupatile wene, ukwabulo mulandu. Lelo ba wishi bali mutemenwe wene, pantu ba wishi bali ni bakasesema.

Mwamona ifyo cali na Yesu? Lesa atemenwe 322

Umwana Wakwe. Lelo ba munyina, abaFarise naba Seduke, bali mupatile wene, pantu Ena kuti aundapa abalwele, no kulandila libela ifintu, no kumona ifimonwa, ukwilula. Mwamona ico ndepilibula? “Bena bali mupatile Wene, ukwabula umulandu.”

63

Kabili ni finshi ifyo bacitile kuli Yosefe? Bena 323

bacitile kwati nafwa, kabili bena bamuposele mucilindi. Babulile ilaya lya mulopa, ilya malangi cinelubali, ilyo bawishi…

Kwaba fye amalangi cinelubali mu mukolamfula. 324

Kabili umukolamfula, ifwe twalishiba cinshi…Ifwe twalaisa kuli cena pantanshiko panono, ndetontonkanya, mubushiku. Umukolamfula pa mulu pali Wene apa, Yesu, apo, “Ena ali no kumoneka nga yaspa ne libwe lya sarde, kabili no mukolamfula.” Umukolamfula caba cipangano.

Kabili cilya cali cipangano cakwa Lesa pali 325

Yosefe. Kabili lyena bena baletele umulopa pelaya lyakwe, no kusenda lyena ukulibwesesha kuli bawishi. Kabili ena alingile ukuba uwafwa. Kabili… Lelo ena aimishiwe ukufuma mucilindi kabili abikilwe muli—mu…ashitishiwe kuli Farao, bamo mu Egypti, kabili ci—cilolo ali musungile wene. Kabili ilyo bena bacitile, ena, icintu icabipa caishile pali wene, kabili ba muposele wene mucifungo. Kabili kulya ena aliseseme, kabili aebele abaume babili uko umo ali no kuya kabili no mubiye engaba; kafumbika kabili na—kabili na kasumika, pa mulandu wa filoto fyabo.

Kabili elyo ena alisansabikwe, ukufuma kulya, ku 326

kuboko kwa kukulyo kwa kwa Farao. Kabili takuli umuntu nangu umo uwingakumya Farao, kano fye ukupitila muli Yosefe. [Tapali kantu pali tepu—Ka.]

Moneni ici nomba, i…ilyo Yosefe lilya ashitishiwe 327

kubena Egypti. Kabili, moneni, ifintu fyonse ifyo acitile fyapashenye Kristu. Lolekesheni pali uyu kafumbika no uyu kasumika mulya, kabili bena bonse babili bakwete ifiloto. Na Yesu, ilyo Ena ali mu nga’nda ya cifungo Cakwe. Ibukisheni, Yosefe ali mucifungo. Kabili ilyo Yesu ali mucifungo Cakwe, (musango nshi?) apampaminwe pa lupanda, kwaliko umo uwapusushiwe kabili umo alilubile. Yosefe, ilyo ena ali mucifungo cakwe, umo alipusushiwe, umo alilubile.

Kabili moneni lyena panuma Yesu afumishiwe 328

palupanda, Ena alisansabikwe mu Mulu, kabili aikala ku kuboko kwa kulyo kwa Mupashi ukalamba,

64

Yehoba. “Takuli umuntu uwingesa kuli Lesa kano ukupitila muli Ine.” Takwaba ba nakucelela Maria, takwaba icapalwa ici atemwa icapalwa cilya. Lelo, ukupitila muli Yesu Kristu, “Kapapatila fye eka uwabapo pakati kakwa Lesa na bantu,” mwamona, ulyo mubili uwawama uo Lesa aikelemo, pakati kesu, ulya wasendele Ishina lyakwa Lesa. Kabili Lesa asendele ishina lya buntu. Lesa asendele…

Lolekesheni pano. Mu kutendeka, ilyo 329

Adamu…ine tekuti ntalukeko fye ukufuma kuli cilya. Cilemoneka kwati umo muntu taleumfwa Cena, pa cifulo cimo. Lolekesheni. Mu kutendeka…Lekeni mulangishe imwe icintu cimo nakabili. Mupashi wa Mushilo alensoka ine ukucita ici. Ndesha isambililo lyandi pali miniti. Ilyo ilyashi lya kubalilapo lyaishile ku Bukata, ukutila umwana naluba, Adamu, bushe Lesa alitumine Malaika? Bushe Ena alitumine umwana? Bushe Ena alitumine uuli onse uwashala? Ena alishile, Umwine, kukulubula umwana Wakwe uwaluba. Aleluya! Lesa tasubile cena no muntu umo kano Mwine. Lesa alengelwe umubili no kwikala mukati kesu, no kulubula umuntu, Umwine. Cena cili, “Ifwe twalipusushiwa,” Baibele itila, “ku Mulopa wakwa Lesa.” Ushifwa, Lesa ali…Lesa ushifwa alengelwe ufwa, pakutila engasenda ulubembu, ukuba Umwana wa mpaanga, Umwine; ukwingila mu Bukata, uwafimbwa, kabili no Mulopa Wakwe Umwine ku ntanshi Yakwe, ukuciluka icipembe.

Nomba, Yosefe, ukuya mu Egypti ena aya. Kabili 330

kulya ena alisansabikwe ukufuma mu cifungo cakwe, kukuboko kwa ku kulyo kwakwa Farao, kabili alengelwe ukuba usunga ifipe. Kabili ifintu fyonse fyalilundulwike mu nshiku shakwa Yosefe.

Nomba, ilyo Yesu akabwela, nangula iciswebebe 331

cikabalula nge nsalankwale. Ena aba Umwana wakulunduluka, icipasho cakwa Yosefe.

Bena babikile Yosefe mu…Cilolo ali mukwete 332

wene mu nga’nda yakwe; ifintu fyonse ifyo ena acitile, ena alilundulwike. Bena ba mubikile mucifungo, kabili icifungo conse calilundulwike. Ifintu fyonse

65

bena bacitile, ena alilundulwike. Kabili ilyo ena asansabikwe, uwapulishamo, uwakwa Farao, uwapalama kuli Farao, ifintu fyonse mu Egypti fyalundulwike pa mulu wa cintu conse mwi sonde.

Ilyo Ena akabwela, ikaba ni mpanga ya kulunduluka. 333

Ifiswebebe fyakale fikapuka, kabili kukaba ifyakulya ukuli konse. Ifwe kuti twacita, cila umo, ukwikala pesamba lya cimuti cesu fwebene ica mukunyu, no kuseka no kusangalala, no kwikala umuyayaya mu Mulola Wakwe, ilyo Ena akesabwela nge Mfumu.

Ena ali Mwana wa muntu, Kasesema. Ameni. 334

Ena ali Mwana wa muntu, Ilambo, Shimapepo. Ena e Mwana wa muntu, nge Mfumu, Umwana wakwa Dabidi ukwikala pa cipuna ica bumulopwe Bwakwe. Umwana wa muntu, Ena ni ulya Lesa ukumonekela ngo Mwana wa muntu. Ena aishileika no kwisaba umuntu, ukusenda imembu ukufuma pe sonde. Ena aishileba umuntu, nga Kasesema. Ena aishileba umuntu, nga Shimapepo. Ena aishileba umuntu, nge Mfumu; Imfumu ya ku Mulu, Imfumu yaba mushilo, Imfumu ya Muyayaya; lyonse ali ni Mfumu, lyonse akulaba ni Mfumu, Imfumu ya Muyayaya.

Nomba moneni, kanshi, Yosefe. Ilyo Yosefe talaya, 335

bena balelisha intandala, intanshi. Kabili abantu balebilikisha, “Fukameni kuli Yosefe.” Te mulandu ifyo mwaume alecita, ena aleshitisha icipe pa musebo, ilyo ilya ntandala yalilile, ena alifukeme. Umwaume ali fye mupepi no kufika no kusenda indalama shakwe, lelo ena alifukeme, Yosefe aleisa. Owe! Mu-mu—muntungwi ali fye mupepi ukubomba umulimo wakwe, kabili ni finshi ifyo ena acitile? Aleleka. “Yosefe aleisa.” Intandala yalilile.

Bumo muli ishi nshiku, ifintu fyonse, nangula 336

inshita, fikeminina shilili. “Ilyo ntandala yakwa Lesa ikalila, kabili abafwila muli Kristu bakabuka, kabili ilyo bukacha ubwa Muyayaya, wa lubuuto tutu.” Ifintu fyonse fikafukama. “Ikufi lyonse likafukama, kabili ululimi lonse lukalumbula kuli Cena.”

Tampeni nomba. “Imembu sha bantu bambi shilaya kuntanshi yabo, bamo shilabakonka.”

66

Lelo nomba moneni ico icacitike. Ifyo caba 337

icabukata! Ilyo Yosefe lilya…panuma ena aupile umwinafyalo no kukwata ulupwa, Ephraim na Manase, abana bakwe abaume. Bushe mwalimona pa kulekelesha? Ilyo Yosefe…Yakobo atendeke ukupala Ephraim na Manase. Ilyo ena atendeke ukubika indupi shakwe, ena abikile Ephraim ku kwakulyo, Manase kukwakuso, ukusenda ukuboko kwa kulyo ukupala umukalamba. Lelo ilyo ena atendeke ukupepa, amaboko yakwe yalicilingenye, kabili apele umwaice ukuboko kwa ku kulyo ukwepalo mucifulo ca ulya uwali ku kuboko kwa ku kulyo.

Kabili Yosefe atile, “Te ifyo, Tata.” Atile, 338

“Imwe mwabika ipalo pali Manase mucifulo cakwa Ephraim.”

Kabili ena atile, “Lesa nacilinganya ukuboko 339

kwandi.”

Cinshi? Ukufuma ku baYuda, umukalamba, 340

abakubalilapo abasalwa abakwa Lesa, ukupitila pa Lupanda kwaishile ipalo ukulibwesesha ku Benafyalo, ukusenda Nabwinga. Amapalo yaishile ukupitila pa Lupanda, ukufuma ku muYuda ukwisa ku Mwinafyalo. Balikene! Bena bakene Ulupanda, e ico kanshi Ena asendele Nabwinga Umwinafyalo.

Nomba ilyo Yosefe, ilyo talacita ici, ilyo ena 341

talaumfwishiwa ububi kuli ba munyina, abo…Bena tabakwete isenge pa myaka ingi, umuYuda.

Nomba moneni. Ifwe tulebwelelamo kuli Sekaria 342

nomba, uko bena bapuma umusowa, no kulila no kupuma umusowa. Kabili nangula indupwa shikaipatula ishine ukufuma ku ndupwa shimbi, ukuya, ukusosa, “Musango nshi twacicitilemo cena? Musango nshi ifwe twingatala ukucita cena?” Ilyo bena basosa, “Nikwisa uko Imwe mwafumishe filye fibala, iyo mikofu mundupi Shenu?” nangula abo aba mulashile Wene. “Ena akesa mu makumbi. Kabili bena bakamumona Wene, nangula abo abamulashile Wene. Kabili inga’nda yonse ikalila, kabili bakapuma umusowa.” Bena tabakeshibe icakucita.

67

Kabili ilyo Yosefe…Namwishiba ilyashi. Ilyo 343

ena amwene ba munyina, kabili ena acitile kwati tekuti alande iciHebere, kabili asendele kelula ukumwilwilako wene. Kabili ena tekuti alande iciHebere, ena alecita kwati; lelo alefwaya ukusanga. Kabili ilyo mukulekelesha, ubushiku bumo, ilyo bena baletele munyina wakwe umunono, bushe mwalimona? Cali ni Benjamin uyo wabilimye umweo wakwa Yosefe?

Cena ni cinshi, ilelo, ico cili no kubilimya 344

Umweo Wakwe, Yosefe wesu, Yesu? Lulyo lukuta ulwacaice ulo lwaba mu mpanga kulya, lwalisunga amafunde yakwa Lesa. Kabili bena bantu abafyalwa abapya abo abalongana mu Palestine, no kubwekeshiwa nakabili. Lulyo Lutanda lwakwa Dabidi ulwatusonshi mutanda, inembela iyakale nganshi mwi sonde, inko naifyalwa mu myaka inono iyapitapo. Ulya palya Israele.

Inko shilepatukana, Israele alebuka, Ifishibilo ifyo Baibele yalandile libela;Inshiku sha Benafyalo ishapendwa,

ne fyakutinya ifingi;Bweleleni, Mwe basalangana, ku

mwenu.Ubushiku bwa Kulubulwa na

bupalama,Imitima ya bantu ilefilwa ku mwenso;

(Lolekesheni kwi bomba lyenu, ulubuuto lwa atomic.)

Beni abaisushiwa na Mupashi, inyali shenu ishawamishiwa no kubuuta,

Lolekesheni mu mulu, ukulubulwa kwenu nakupalama.

Bakasesema ba bufi balebepa, Icine cakwa Lesa balekana,

Ukutila Yesu uwaba ni Kristu e Lesa wesu;

Ubukata! Lelo Ubusokololo na bwisa,

E ico ifwe tuli no kwenda apo abatumwa baenda, mulya mwine muncende yabo imo ine.

68

Pantu Ubushiku bwa Kulubulwa na bupalama,

Imitima ya bantu ilefilwa ku mwenso;

Beni abaisushiwa na Mupashi wakwa Lesa, inyali yenu iyawamishiwa no kubuuta,

Lolekesheni mu mulu, ukulubulwa kwenu kwapalama.

Owe! Owe, Yosefe, ilyo ena amwene Benjamini 345

umunono naiminina kulya! Ulya e munyina wakwe umwaice. Imwe mulemona Benjamini umunono nomba kulya lubali, naikala kulya lubali. Imikowa iya—iya pe sonde, iya baYuda, yalibwelelamo kulya uko kukaba amakana umwanda umo na makana amakumi yane na makana yane iya bena nabeminina kulya, ukupokelela Kristu ilyo bena bakamumona Wene Ukwisa. Bena bakasosa, “Moneni, uyu e Lesa wesu Uo ifwe twalelolelapo.” Lyena bena bakamona ishalaswa…“Nikwisa uko ifi fyafumine?”

Atile, “Mu nga’nda ya banandi.” 346

Kabili bena bakapuma imisowa kabili bakalila. Cila 347

lupwa, imikowa yabo yakwa Dabidi na Nafutali, yonse, bakaipatula abene, cila lupwa, no kuililila abene ilyo bakamumona Wene naiminina mulwelele, Ulya bena balashile.

Inga Imbila Yakwe ikaba shani? Moneni ifyo 348

Yosefe asosele. Ilyo ena asosele…Moneni icintu nacimbi. Ilyo Yosefe asendele 349

abana kuntanshi yakwe, ena alolekeshe pali bena, ena amwene Benjamini umwaice. Ena amwene Ephraim, ena amwene abashala muli bena kulya, Gadi na bonse muli bena. Kabili ne mikowa ikumi limo na ibili, imikowa ikumi lyena, ukwiminina ku cinso cakwe. Ena alibamwene bonse nabeminina kulya. Ena alishibe bena bali ni ba munyina. Kabili ena alolekeshe pali Benjamini umwaice, ukumutonta, umukolomino wakwe watendeke ukwisushiwa. Alibeshibe bali abakwe. Ni finshi ifyo ena asosele? “Lekeni umuntu onse afume kuli ine.” Ni cinshi icacitike ku mukashi wakwe na bana? Bena baile mwisano.

69

Nikwisa uko Ulukuta lwa Benafyalo lukaya pa 350

Kusendwa? Mwi Sano. Nabwinga, aleluya, Nabwinga akafumishiwa pe sonde, mu Kusendwa. Lyena ilyo Ena akabwela, Nabwinga Wakwe takabeko kulya ilyo Ena akailenga Umwine ukwishibikwa kuli ba munyina Bakwe, abaYuda, balya abamulashile Wene, balya abo aba mukene Wene. Lelo mukashi wakwe na batemwikwa bakwe, ifibusa fyakwe ifyapalamisha kulya, uwakwe—uwakwe wine cibusa uwatumwa na Lesa akwete mwitempile.

Kabili ilyo ena alolekeshe, atile bena bali…Bena 351

tabaishibe. Bena batile, “Owe, uyu cilolo mukalamba!” Bena batendeke ukusosa, umo ku mubiye, owe, palwa ifi fintu ifyo bena bacitile.

Nalicetekela cali ni Ephraim, atemwa te Ephraim, 352

lelo ni ndabako ninani nomba, uyo—uyo wasosele, “Cisuma, ifwe ngatatwaipeye munyinefwe, Yosefe.” Atile, “Mulemona, ifwe nomba tulelipila.” Rubeni, Rubeni atile, “Ifwe ngatatwaipeye munyinefwe,” atile, “pantu, mulemona, ifwe tulelipila mukubwekesha pafyo twacitile.’”

Kabili Yosefe ukwiminina kulya; tatontonkenye 353

ena kuti aumfwa iciHebere. Owe, owe, owe, owe! Lelo ena alishibe cena.

Bamo batontonkanya, “Te kuti bomfwe ukulandila 354

mundimi,” lelo Ena alishiba fyonse palwa cena. Ee. Ena alishiba. Ubufumu bwa Bwinafyalo bwaishilemo no kulandila mu ndimi na mabwilulo, mu mutwe wa golde (umutwe wakubalilapo) ilyo taulawa. Ni cinshi icapwishishe bulyo bupyungishi bwantanshi ubwa Benafyalo? Ifilembo ifya mundimi ishishaishibikwa pa cibumba, kabili umuntu kulya kuti ailula lwena no kulanda ifyo cena cali. Bwena bulepwa umusango umo wine. Ameni. Bwaishilemo kabili buleya umusango umo wine.

Bena batontonkenye ena tekuti omfwe shilye 355

ndimi isho ena alelanda, lelo ena alilwishibe lwena. Bena batile, “Mwamona ifyo twapokelela?”

Kabili Yosefe lyena alimwene bena bali no 356

bulanda pafyo bena bacitile.

70

Nomba Ena alemona ubulanda bwabo no kumfwa 357

ububi pa kumukana Wene, e ico Ena alesakaminwa mu mukolomino Wakwe nomba. Ena ali uwaiteyanya ukusalanganya Ulukuta Lwakwe ukufuma pe sonde, ukulusenda Lwena mu Bukata. Elyo kubwela, kabili imikowa yonse iya pe sonde ikalila.

Ni finshi ifyo bena bacitile? Rubeni, bonse muli 358

bena, batendeke ukulila, bena batile, “Owe! Owe!” Bena baumfwile umwenso no kusosa, “Uyu ni ena. Nomba ifwe natwishiba ifwe tuli mubwafya pali cena. Nomba ena alatwipaya ifwe. Nomba ena…Ifwe natwishiba ukutila twalaonaulwa ili line fye nomba, pantu ulya ni Yosefe uyo uwatalwike ukufuma kuli ifwe inshita itali nganshi. Ulya ni Yosefe, munyinefwe, nomba ifwe mucine tuli mu bwafya.”

Atile, “Mwikalipa mwebene. Lesa acitile ici ku 359

kusunga imyeo.”

Ni cinshi ico Lesa acitile? Cinshi ico abaYuda 360

bakanine Yesu? Pa kutila ifwe fwe Benafyalo, efyo, ukutila, abantu abo Ena aita pa mulandu we Shina Lyakwe. Lesa acitile cena kukupususha imyeo iya lukuta lwa Benafyalo, Nabwinga.

Yonse imikowa iyo yakene Wene bakalila. 361

Bakaifisa abene muninga, na mufimabwe, ne fintu. Bena bakaba pali lonse ulu lupili. Bena balikene Lwena, Wene. Imikowa yonse iya pano nse ikapuma imisowa pa mulandu wa Wene. Kabili cila lupwa mu Israele kulya bakaipatula abene. Indupwa shikaipatula, lumo ukufuma kulubiye, no kusosa, “Mulandu nshi ifwe twacitile cena? Musango nshi ifwe twamukene Wene? Musango nshi? Palya Ena naiminina. Ulya palya Lesa Uo ifwe twalolelapo. Kabili Ulya ena ali palya, nefibala ifya misomali mundupi Shakwe, kabili ifwe twalicicitile cena.”

Cilya ni filya fine ifyo bena ba munyina basosele 362

kulya kwine, ilyo bena baishilebwela no kusosa, “Ulya palya Yosefe, uo ifwe twashitishe.”

Atile, “Nine Yosefe, munyinenwe, uo mwashitishe 363

mu Egypti.”

71

“Owe!” Bena bali no mwenso. Kabili bena balelila 364

no kupuma umusowa, no kubutuka kuli umo no mubiye, “Ni finshi ifyo twinga cita?”

Atile, “Mwiikalipila mwebene, pantu Lesa acitile 365

fyonse ifi. Lesa alintumine pantanshi.” Lesa alengele abantu bonse; abantu ababuta, 366

abantu abafishi, abantu abasweshi, abantu aba mutuntula, umuntu onse. Lesa alengele umuntu onse. Ena alengele Umwinafyalo, alengele umuYuda. Ena alengele bonse. Fyonse fya ku bukata Bwakwe. Kabili abaYuda balingile ukuba, balikene Wene, pa kutila engasenda Nabwinga Umwinafyalo.

Ulya e mulandu wine fyonse ifi fipasho fyabela. E ico 367

Nabwinga Umwinafyalo na bana Bakwe pamo na Ena, lulyo Lukuta lwa bukata lwa pentecostal ulwasambwa mu Mulopa wa Mwana wa mpaanga, na maka yonse aya kubuka ukwikala muli bena, bakema ubushiku bumo mu Kusendwa (mukashita, mukukapakapa kwe linso) ukuya mu Mulola wakwa Yesu, ilyo Ena alebwelelamo (no kusalanganya ifintu fyonse) ukuilenga Umwine ukwishibikwa kuli ba Munyina.

Moneni ifyo Amalembo yalesosa pano, mukwisala. 368

Owe! Moneni, aleisa na makumbi; ne linso lyonse

likamumona, (nomba ena alelanda pa Kwisa kwa cibili, te Kusendwa), na balya aba mulashile:…Icipandwa ca 7, vesi ya 1…Atemwa, vesi ya 7 iya 369

cipandwa ca 1.…ne linso lyonse lika mumona, na balya aba

mulashile: ne mikowa yonse iya panonse ika mupuminapo imisowa. Cibe ifyo fine, Ameni.Kanshi Ena alepela ilye ikalamba, ukubelenga 370

ukukalamba. Nani Uyu? Nani Uyu bena bakalolekeshapo?

Nine Alifa na Omega, nine A na Z, (ici Hela A na Z, ifilembo fya ciHela)…Imilimo ya Batumwa 2:36, i…Petro atile, 371

“Takwaba ishina limbi ilyapelwa pesamba lya

72

Mulu uko abantu bengapusushiwa.” Atemwa, iyo, njeleleniko; ukulumbwila mumbi lyena. Ena atile, “Lekeni abanga’nda yonse iyakwa Israele beshibe bwino bwino, ukutila Lesa nacita uyu wine Yesu, uo imwe mwatanike, fyonse Shikulu na Kristu.”

Yohane 14:7 na 12, Toma atile, “Shikulu, 372

tulangisheni Shinwe, kabili twalaikushiwa.”

Atile, “Naba nshita itali nganshi na imwe, kabili 373

imwe tamwanjishiba?” Atile, “Uyo wamona Ine amona na Tata. Cinshi ico iwe usosela, ‘Tulangisheni Shinwe’? Ine na Tata twaba Umo.”

Nasosele cilya inshita imo ku muntu. Na mayo 374

atile, “Pali miniti fye, Mr. Branham.” Atile, “Imwe no mukashi wenu mwaba umo, na imwe.”

Natile, “Lelo te ulya musango.”

Ena atile, “Njeleleniko.”

Natile, “Bushe ulemona ine?”

Ena atile, “Ndecita.”

Natile, “Iwe ulemona umukashi wandi?”

Ena atile, “Iyo.”

Natile, “Kanshi bena baba aba musango umbi. 375

Atile, ‘Ilyo mwamona Ine, imwe mwamona Tata.’” Cilya cali icalinga kuli cilya.

E ico muli Yohane Washila, atemwa 376

Yohane Wantanshi 5:7 ukunshita 8, imwe bonse mwebalelemba yena. Yohane Wantanshi 5:7 ukunshita 8, Baibele yasosa. Uwalelanda, umwaume umo wine uyo walembele uku Kusokolola uko Yesu apele kuli wene. Atile, “Kwaba fitatu ifipelo bunte mu Mulu: Tata, Icebo (Icebo e Mwana)…Tata, Icebo, kabili na Mupashi wa Mushilo, kabili ifi fitatu fyaba cimo. Kwaba fitatu ifipelo bunte mwi sonde: amenshi, Umulopa, no Mupashi, kabili fyena filasuminishanya; tekutila fyaba cimo, lelo filasuminishanya muli cimo.”

Imwe tekuti mukwate Tata ukwabulo kukwata 377

Umwana. Imwe tekuti mukwate Tata atemwa Umwana ukwabulo kukwata Mupashi wa Mushilo.

73

Cisuma. Lelo imwe…Kabili amenshi, Umulopa, no Mupashi, filya e fya kubomfya ifyabapo ku kwingila mu Mubili Wakwe.

Ilyo kufyalwa kwa cifyalilwa kwacitika, ni cinshi 378

icintu icantanshi icicitika ilyo mwanakashi alekwata akanya? Icintu ca ntanshi, caba menshi. Icintu ca cibili, caba mulopa. Cilya cishinka? Icintu cikonkapo, caba mupashi. Akanya kalakwata umupu wakako, katendeka ukupema. Amenshi, umulopa, no mupashi, e fyabapo kukufyalwa kwa cifyalilwa.

Nacimbi, Ukufyalwa kwa bumupashi. Ulubatisho 379

lwa mu menshi, mwi Shina lyakwa Yesu Kristu; ukulungamikwa kucitetekelo, ukutetekela pali Shikulu Yesu Kristu. Amenshi! Nicinshi icilekonkapo? Umulopa; ukusangululwa, ukuwamishiwa, ukumufumyamo wene.

Palya epo imwe mwe bantu ba Nazarene 380

mwafililwe; imwe mwaile fye ukufika palya kabili tamwaile pantanshi. Icipe ico casangululwa pa cipailo, cateyanishiwa ku mulimo, lelo tacili mu mulimo. “Balipalwa abo abali,” mu fya mapalo, “abo abakwata insala ne cilaka ca bulungami, bena bakesushiwa.” Icipe nacisangululwa. Cilya cishinka.

Cilya caba kwati ni nacisungu. Ishiwi 381 nacisungu lipilibula “ukusanguluka, umushilo, umushaba kalema, ukusangululwa.” Basano balikwete amafuta, kabili basano tabakwete; basano balisushiwe, kabili bambi baikele fye mukusangululwa. “Bushe mwalipokelela Mupashi wa Mushilo ilyo mwacetekele,” imwe ba Baptist, Presbyterian?

“Ifwe tatwaishiba nga cakutila kwalibako 382

Mupashi wa Mushilo.”

“Kanshi, musango nshi imwe mwabatishiwe?” 383

Uh-huh.

Panuma ena abikile ndupi shakwe pali bena, bena 384

lyena, panuma ya kupusushiwa no kusangululwa, bena balisushiwe na Mupashi wa Mushilo. Cisuma.

Amenshi, Umulopa, Umupashi! Yesu aishile 385

kukusamba no kuwamya, kabili ukusangulula

74

Ulukuta, pa kutila Ena engesa no kwikalamo. No Mulopa Wakwe Umwine; Ena apele Umulopa Wakwe Umwine uwakwa Lesa uwafyelwe, pakutila Ena engatusangulula ifwe ukufuma kukufyalwa kwesu ukwa kukumana, no kutupela ifwe icasangululwa, icipe ca mushilo pakutila Ena Umwine engesa.

“Pakashita akanono, kabili isonde talya Kamone 386

nakabili; lelo nomba imwe muka Mona pantu Ine,” ukuilumbula kwa umo, “nkaba na imwe, kabili muli imwe, mpaka kumpela ya kupwisha.” Ameni. “Ukuya fye monse, nkaba na imwe kabili muli imwe. Imilimo iyo ncita na imwe mukacita. Ifi fishibilo fikakonka abo abatetekela.” Lesa mu Lukuta! Owe, mwe! Bulesa! “Kwaba fitatu ifipela ubunte mu Mulu: Tata, Icebo (Mwana), Mupashi wa Mushilo. Fyaba Umo.”

Nomba, imwe kuti mwaba abapusushiwa 387

ukwabulo kuba abasangululwa. Imwe kuti mwaba abasangululwa, ukwabulo kukwata Mupashi wa Mushilo; cisuma, umupashi uwasangululwa, ukwabula ukuba uwaisushiwa. Ukusangulula umutima wenu, ukuwamya umutima wenu, ukwabula ukwisushamo wene ne cintu cimo. Filya efyo Cena casosa, “Ilyo mupashi wakowela wafuma mu muntu, alaya mu ncende ishauma. Ukubwelelamo, alasanga inga’nda yakwe yonse iyawamishiwa, kabili alengilamo. Imibele ya kulekelesha iya ulya muntu inshita ishingi, imiku cinelubali, iyabipisha ukucila ifyo cali pa kubala.”

Cilya e cacitike kuli imwe ba Pilgrim Holiness, 388

Nazarene, kabili nabambipo. Imwe mwalisumine. Kabili ilyo Mupashi wa Mushilo waishile, ukulandila mu ndimi, nokupela ifishibilo ne fipapwa, imwe mwaitile cena “Kasebanya” no kupontela imilimo yakwa Lesa, mwaitile Wene “icintu icakowela.” Kabili imwe mulemona uko ulukuta lwenu lwaile? Fumeni muli lwena. Ora ili pano, Ukusokolola kwakwa Yesu Kristu kulesambilishiwa, Lesa ukuisokolola mu maka aya filangisho Fyakwe ifya Mupashi wa Mushilo. Ameni. Ubushiku bwa Kulubulwa na bupalama.

Nomba, Bulesa muli Wene, Timote Wantashi 3:16.389

75

…ukwabulo kutalikishanya cikulu ica nkama ica bukapepa: pantu Lesa e wamoneke mu mubili,…amwenwe kuli ba malaika,…atetekelwe pano isonde, asendelwe ukuya mu mulu mu bukata.Owe, ukutwalilila fye no kutwalilila no 390

kutwalilila. Lelo tuli pesa nomba? Pa mpela ya vesi 8. Muno bushiku ifwe tuletendeka na—na vesi ya 9, 391

Icimonwa Ca Pa Patmo. Owe, kuliko ifintu ifikalamba ifyabikilwa ifwe. Mwali mutemwa Wene? [Ulukuta lwatila, “Ameni.”—Ka.]

Nali Mutemwa, nali MutemwaPantu Ali ntemenweNo kushite pusukilo lyandiPa Kalbale.

Bushe imwe mucine mulacita cilya? Bushe 392

Lesa nailenga Umwine ukwishibikwa kuli imwe, nasokololwa ukutila Ena e Mwana wakwa Lesa, Yesu Kristu, Lesa ukumonekela mu mubili, ukusenda ulubembu? Ena aleisokolola Umwine muli ishi nshiku shakulekelesha mu nkuta Shakwe, ukuilenga Umwine ukwishibikwa.

Nomba, ifi fintu fimo fine ifyo filecitika mu 393

Lukuta, lolekesheni no kumona, ku mpela iya iyi Mbila, ukutila nga Baibele tailesosa ukutila ifi fintu fili no kucitika, filya fine fye. Moneni nga fyena tafyacitike filya fine fye, mu Nshita ya Efese, kabili mu Pegamo, Tuatira, ukuya fye pantanshi, cila nshita.

Yalanda ifyo Luther ali no kucita, kabili ifyo 394

Weslye ali no kucita. Kabili ifyo ici cilonganino ca Pentecosti cikaya mu ya Laodikea, imisango yacifulefule, lelo, mukati ka cilya, Ena akatinta abantu. Cisuma. Filya fine. Ifwe tuli ku mpela. Owe, ndi uwansansa nganshi! Kabili, owe, nge fyo mwene ne mwine ukutalukako, kabili lolekesheni ku banandi ne fintu, kabili moneni isonde kabili ne—kabili ne cimfulumfulu ico lilimo. Kabili lyena ukutontonkanya ukutila Ukwisa kwa kwa Shikulu kulepalama mupepi nganshi. Ifwe tuli ku mpela ya nshita.

76

Imitima ya bantu ilefilwa ku mwenso. Ukuli konse, 395

umuntu onse, kwena kusoka, kabili pa cilimba, inshita fye yonse, “Beni abaiteyanya ukunsanswa ne ndeke. Twalenimo ici, kabili twalenimo cilya, kabili kabiyeni mu muputule wa panshi.” Musango nshi imwe muli no kuifisa ukufuma kuli cilya? Imwe tekuti mufisame kuli cilya. Cisuma, cilya cintu cikaya umwanda umo na makumi yasano ya mafiti mu mushili, pa ma mailoshi umwanda umo na makumi yasano, mu fitumba. Cinshi, ukupwishisha kwa cena kuti…Nga cena cauma pano, cikatenkanya Indianapolis ukufuma panshi. Cinshi, cena kuti capolesha fye Indianapolis mutupimfya, ukupuma fye muno mwine mu Louisville, mwamona, cimo pali filya. Cintu cakosa ukulanda pa fyo bena bakwata kunse ka cilya.

Kabili, lolekesheni, imwe tamulingile ukucita. 396

Imwe tamucita. Russia tailingile ukucita cilya. Cuba kuti yacita cilya. Incende ili yonse inono, i—incende inono nganshi icipimo ca Alcatraz kulya lubali, kuti yacicita cena, ukufimba isonde lyonse. Icintu fye ceka imwe mulingile ukucita caba ukutantika lyena no kutinta akatambo kamo. Imwe tamukabila ifita nangu fimo. Imwe mufwaikwa fye umo uwafulungana ukucita cena, mu maboko yakwa Kasebanya. Cilya cishinka nganshi. Ena kuti acicita cena, kabili lyena icintu conse ni nshi capwa. Lyena conse ninshi capwa lilya.

Lelo, owe, lekeni mupele imwe ici cintu icapalwa. 397

Ilyo ifwe twamona cilya ukupalama nganshi, ilyo ifwe twamona ukutila cilya kuti cacitika ilyo tabulaca. Ibukisheni, Ulukuta lukaya ku mushi ilyo cilya tacilatika. Ukusendwa kulecitika ilyo takulaba.

Nomba, pa kutila imwe mwifulunganishiwa, 398

ibukisheni, Yesu atile, “Nge fyo cali, mu nshiku shakwa Noah, nge fyo cali mu nshiku shakwa Loti.” Ibukisheni, ilyo imfula ili yonse tailatona, Noah ali mucibwato. Mwamona? Noah ali mucibwato. Ena alisendelwe pa mulu, ukupitila muli ici. Kabili nomba, Noah ali icipasho ca muYuda. Lelo Enock aile ku mushi ukwabula ukufwa. Kabili ilyo Noah amwene Enock ukuya, ena alishibe yali ni nshita, ukutendeka

77

pali cilya icibwato. Cisuma. Cilya cali cishibilo cakwa Noah, ilyo Enock aile ku mushi. Kabili lilya line fye ilyo Lukuta lwa Benafyalo lwasendelwe, lyena Ena aleilenga Umwine ukwishibikwa kuli Israele. Mwamona? Cilya cishinka.

Ibukisheni, mu nshiku shakwa Loti, nge fyo 399

Yesu asosele, lintu akanono aka mulilo takalafika pe sonde, ulya Malaika atile, “Angufyanyeni. Ulubilo. Fumeni muno, pantu ine tekuti ncite akantu mpaka imwe mwaisa kuno.” Lintu umulilo uuli onse taulapona, Loti no lupwa lwakwe balifumine no kuya. E ico, Ukusendwa kukesa ilyo Ubucushi tabulaisamo.

Ubucushi, abantu abengi balafisankanya fyena. 400

Ifwe tuli no kulungamika cena, uno mulungu, Shikulu ngasuminisha, ku bwafwilisho bwakwa Shikulu. Ibukisheni, imwe mulelolela Inshita iya Bucushi bukalamba, iyo yali, nga imwe kuti mwapashanya fye cilya muli Baibele, shilya shali ni nshiku sha Bwafya bwakwa Yakobo, mulemona, ilyo ena ali mubwafya. Cilya tacakwatapo nangu cimo icakucita na Benafyalo. Abenafyalo tabakwatapo icakucita na cena. Tapali icipasho muli Baibele kuli cilya. Ulukuta lwa Bena fyalo na Lusendwa.

Kabili imwe mulelolela “amenshi ukusanguka 401

umulopa,” ne fintu nga filya. Filya fikesa kuli Israele nakabili, kulya lubali pamo na Mose na Eliya, ilyo bena bakabwela. Eliya, umuku uwalenga cine, ukubwelelamo, mu Mupashi. Tapali nangu umo uwabena uwafwile.

Atemwa, Mose alifwile. Bena tabaishibe uko bena bamushikile wene. Ena ali no kubuka kucifulo cimo pakati ka lilya na kulya, pantu, pa Lupili ulwa Sansama, ulya ali palya, ukulanda kuli Yesu. Bushe ena tacitile? [Ulukuta lwatila, “Ameni.”—Ka.] Mwamona?

E ico bena bakesabwela kabili no kwipaiwa, 402

no kwikala mu musebo wa bumupashi uwitwa “Sodomu,” uko Shikulwifwe atanikwe, Yerusalemu. Bena bakashimikilwa ku baYuda, no kupuma isonde,

78

no kwisala imyulu, kabili na fimbipo nga filya. Kabili mpela ya bukapyunga bwa Benafyalo bukatwalilila no kusuntinkana na bulya, kabili Abenafyalo bakaya ku mushi, kabili bulya bukapyunga bukatwalilila. Kabili kukaba ukonaulwa kwa fintu fyonse. Ifipendo fibili pali fitatu ice sonde cikawa, ne fintu fyonse ifyashala. Ilyo ilye mibili iyafwa yalele mu misebo, inshiku shitatu, moneni umusango ifyo yena yali.

Lolekesheni pali ifi fikope ifyo nasendele ukufuma 403

kulya mu South America, ilyo bena baipeye ulya missionary wa Pentecostal kulya, umukashi wakwe, ukulambalala mu musebo, kabili wene na bana bakwe babili. Umukashana umunono, kabili ulufumo lwakwe ulunono nalufimba nga filya. Bena balikene no kubashika. Baleenda ukupita, ukushipilapo amate nga filya, pali shitatu atemwa inshiku shine. Munyina Kopp akopele icikope. Ninkwata fyena ku nga’nda, mwamona, umusango bena bacita.

Elyo bena bakatuma ifyabupe, kuli umo no 404

mubiye. Moneni ifyo cilya cipashanya muli Baibele, mulemona lukuta lwa musango shani ulukacita cilya. Cilya cishinka, mupepi fye, kabili ukwingilamo fye nge nsoka ino ine nshita, ica bucenjeshi nge fyo cingaba, icishibilo ca fintu ino ine nshita.

Lolekesheni pa busesemo Shikulu ampele ine 405

mu ’33, ifyo cena cikacitika, “Bena bakasuminisha abanakashi ukusala. Mukusala, bena bakasala umuntu uwalubana.” Ifintu cinelubali fyalipelwe, kabili fisano pali fyena naficitika kale. Icintu cilekonkapo cali umwanakashi umukalamba, ulukuta, amaka atemwa icintu cimo, cikasenda uyu United States, ukuteka. Elyo namwene ena kwati fye mito, ukuba panshi, uko yena ikesa kumpela. Yali ni nshita ya mpela.

Bwena bwatile, “Bena bakakwata mashini iyo 406

ikensha. Bena tabalingile ukukwata uwakwensha muli yena.” Bena nabacilenga cena ukuba icapwililika. Bwena bwatile, imyaka ikumi limo na cimo…

Mupashi wa Mushilo watile kuli ine. Cilya cili pepepala. Imwe tekuti…Cena tekuti bacikane. Cilya cili palya pepepala, nge fyo Mupashi wa Mushilo wasosele.

79

Imyaka ikumi limo na cimo ilyo Mushilwa wa Maginot taulakulwa, natile, “Ba Germany…America akaba fye…Kateka Roosevelt akaba iciwelewele ica bonse pali bena.” Kabili cilya cishinka. Ena efyo ali. Te kumumfwisha ububi imyumfwile yenu ba Democratic, lelo ndemweba. Tacili Democrat atemwa Republican nomba. Ni Yesu Kristu, Umwana wakwa Lesa, uo tulelandapo. Nshili nangula Democrat napamo Republican. Ndi Mwinakristu. E ico kanshi, bena, conse ifyo cena cali, lelo imwe moneni palya.

Kabili lolekesheni pano, ubushiku bumbi, 407

nga imwe mulefwaya ukumona ifyo ibumba lya bacisanguka lilya lyaba. Ukusenda balya ba mashini no kubapekanya bena, uko, cila nshita mwasala ba Mr. Nickson, imwe mwalingile ukusala no uyu muntu umbi, panshita imo ine. Ee! J. Edgar Hoover alifumishe balya ba mashini. Ni banga ababelenga cena?” Cinshi, mucine, cena cili apali ponse mu mapepala yonse ye lyashi, ilyashi, ifintu fyonse ifyashala. Imwe mulemona apo tubelele?

Takwaba nangu cimo ica cishinka nakabili kano 408

Kristu. Ameni. Owe, lilye lyapalwa Ibuku lyakale! Cilya Eco. Lilya fye Lyeka e limweba imwe ifyo mwaba, uko imwe mwafuma, kabili noko muleya. Ee, mukwai. Ili lyapalwa Ibuku lyakale, owe, cilya cilalenga ine ukutemwa Wene. Bushe imwe tamulecita? [Ulukuta lwatila, “Ameni.”—Ka.]

Icitetekelo muli Tata, icitetekelo mu Mwana,

Icitetekelo mu Mupashi wa Mushilo, ifi fitatu fyaba Cimo;

Ifiwa fikatutuma, na ba bembu bakabuka;

Icitetekelo muli Yehoba cilenga icintu icili conse ukutenkana.

Ameni. Ifyo bwaba ubushiku ubukalamba ubuli 409

kuntanshi yesu, mwe banandi! “Ukusokolola kwakwa Yesu Kristu uko Lesa apele kuli malaika Wakwe,

80

kabili alishile no kushininkisha wene kuli Yohane, pakutila cingeshibikwa monse mu Nshita sha Lukuta, icintu ico cabikilwa ifwe.”

Lekeni Shikulu atupale ifwe nomba, ilyo 410

tuleiminina pa nkasa shesu. Kabili uyo onse ulelisha piano, tupeleko apakutampila apanono nga kuti wacita, Bule Shina Lyakwa Yesu.

Nomba umfweni. Eko bali, ukwabula ukutwishika, 411

kuliko abeni kuno pakati kesu mu tabernacle muno lucelo. Ndefwaya imwe muposhanye mu minwe yabo. Beteni, baye ku nga’nda na imwe, kabili na fimbipo. Kabili lengeni umuntu onse ukusengelwa. Ndefwaya umuntu onse ukuba uwashininkisha ukucita cilya.

Kabili ibukisheni ukulongana kuli no kutendeka 412

pa sefeni koloko, ubushiku. Kabili pa sefeni sate, nalaisalanda Icimonwa Ca Pa Patmo. Mailo bushiku, Shikulu ngasuminisha, nkalalanda pa nshita ya lukuta lwakubalilapo, Efese, pa Nshita ya Lukuta.

Nomba twalaimba 413 Sende Shina Lyakwa Yesu, ulwimbo lwa mu tabernacle yesu ulwa kutusalanganishako. Kabili lekeni umuntu onse embe nomba. Cisuma.

Bule Shina lyakwa Yesu,We mwana wa bulanda;Likakupelo buseko,Konse uko ukaya. Ishina, lisuma!Lya pa nshi no Mulu;Ishina, lisuma!Lya panshi no Mulu.

Nomba ilyo tatulaimba vesi ilekonkapo, 414

ndefwaya ba Methodist, Baptist, Pentecostals, baKatolika, Nazarene, Pilgrim Holiness, kuli bonse fye palameniko, poshanyeni mu maboko na umo uuli ku ntanshi yenu, kumbali yenu, kunuma yenu, ukusosa, “We Mwinakristu umulebeshi, we munandi, ndi uwansansa ukuba na iwe muno muno lucelo. Uwansansa ukukwata isenge na iwe, ukushinguluka ifintu fyakwa Lesa. Ninjishiba ifwe twalikwete inshita ikalamba. Ndesubila ukukumona iwe muno nakabili

81

mu bushiku.” Icintu cimo nga cilya, ilyo muleposhanya mu maboko na bantu, ku ntanshi yenu, kunuma yenu, aba mushingulwike.

Kuwa pa nkasa shakwe, Twalamonana ubushiku, Munyina Neville. Twalamonana ubushiku.

…pa nkasa,Ali mfumu ya shamfumu, Tumutotele bonse.Ishina, lisuma!Lya panshi no Mulu;Ishina, lisuma!Lya panshi no Mulu.Tukakumane! tukakumane!Tukakumane pa nkasa shakwa Yesu;Tukakumane! tukakumane!Lesa abe ne mwe tukakumane!

Nomba ilyo tulekontamika imitwe yesu:415

Tukakumane! tukakumane! `

Panuma ya kubelenga ili buku, nga cakutila mulefwaya ukukwata ilyashi nalimbi palwa kwa Rev. William Branham na bukapyunga bwakwe, twapapata ipusheni kwi ofeshi ilili pesamba:

Icishibisho ukufuma ku mwine kalemba

Insambu shonse tashisuminishiwe. Ili buku kuti lya lembwa pali pulinta yapa ng’anda ku kubomfya kwa muntu pa lwakwe nangu ukupela, ukwabula amalipilo, nge cipe caku sabankanya Imbila nsuma iya kwa Yesu Kristu. Ili buku tekuti lishitishiwe, ukulembululwamo ayengi, ukubikwa pa mwela, ukusungila muli ba mashini, ukwalula mu ndimi shimbi, nangu ukuli bomfya ku kulomba indalama ukwabula insambu shalembwa na ba Voice Of God Recordings®.

Nga mulefwaya ukwishibilapo nafimbi nangu ukufwaya na fimbi ifyabapo, twalomba tumeni kuli ba:

VOICE OF GOD RECORDINGSP.O. BOX 950, JEFFERSONVILLE, INDIANA 47131 U.S.A.

www.branham.org