RisiAlbania– Project Document 2013 – 2017, Annex 11: First subsector analyses-Agro processing Aneksi 11: Analiza e Nënsektorit të Parë – Agro-përpunimi Krijimi i Tregut të Punës për të Rinjtë Raport i përgatitur nga: Sibora Dhima, Elida Motro Iljazi, Ariola Shehaj, Gregoire Poisson (Prezantuar në Gusht 2013) (Redaktuar nga RisiAlbania- Tetor 2014)
25
Embed
Aneksi 11: Analiza e Nënsektorit të Parë Agro-përpunimirisialbania.al/index/wp-content/uploads/2016/05/Agro-Përpunimi-–-Analiza-e-Nën... · Analiza përfshin gjithashtu të
This document is posted to help you gain knowledge. Please leave a comment to let me know what you think about it! Share it to your friends and learn new things together.
1. Performanca dhe pozicioni i sektorit ................................................................................................................................................ 5
1.2 Trendet dhe potencialet e zhvillimit .......................................................................................................................................... 5
1.4 Çështje të ndërthurura ..................................................................................................................................................................... 6
2. Organizimi, struktura dhe dinamika ................................................................................................................................................. 7
2.2 Influenca e donatorëve .................................................................................................................................................................. 12
2.3 Ndryshimet dhe tendencat ........................................................................................................................................................... 12
Aneksi 1: Raport i Sektorit të Bulmetit ................................................................................................................................................ 14
Vështrim i përgjithshëm .................................................................................................................................................................. 14
Zinxhiri i vlerës .................................................................................................................................................................................... 15
Palët e interesit në Procesin e Prodhimit ................................................................................................................................ 15
Palët e interesit në procesin e Përpunimit .............................................................................................................................. 16
Aneksi 2: Raport i Sektorit të Frutave dhe Perimeve (F&P) ...................................................................................................... 18
Zinxhiri i Vlerës/Palët e interesit në Procesin e Furnizimit ............................................................................................ 18
Zinxhiri i Vlerës/Palët e interesit në Procesin e Prodhimit: ........................................................................................... 20
Zinxhiri i Vlerës/Palët e interesit në Procesin e Shpërndarjes ...................................................................................... 21
Zinxhiri i Vlerës ................................................................................................................................................................................... 23
Trendi i nën-sektorëve ..................................................................................................................................................................... 25
Mundësitë e Sektorit ......................................................................................................................................................................... 25
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
3
Përmbledhje Ekzekutive
Projekti RisiAlbania trajton çështjen e papunësisë së të rinjve në Shqipëri në një kohë kur papunësia ndërmjet
moshave 15-29 vjeç arrin në 21.5%. Projekti do të mbështesë tre sektorë – agro-përpunimin, turizmin dhe TIK - me
qëllim që të zgjerohen dhe investojnë në krijimin e vendeve të punës. Këta sektorë janë përzgjedhur gjatë fazës
fillestare për potencialin e tyre të lartë të punësimit. Analiza në vijim ka si qëllim të hartojë strategjinë e ndërhyrjes
për sektorin e parë: agro-përpunimin. Analiza të ngjashme për turizmin dhe TIK do të bëhen gjatë etapës së parë të
fazës së zbatimit. Analiza e sektorit të agro-përpunimit synon të shqyrtojë simptomat e performancës së dobët të
pengesave themelore sistematike kundrejt zhvillimit. Me fjalë të tjera, të zbulojë çfarë i pengon agro-përpunuesit
Shqiptarë të zhvillohen dhe investojnë në krijimin e vendeve të punës? Studimi paraqet fillimisht një përmbledhje të
plotë të situatës aktuale në këtë sektor, duke vazhduar me analizën e sfidave dhe dhe strategjinë për lehtësimin e
zgjidhjeve gjatë ndërhyrjeve të projektit.
Situata aktuale: Agro-përpunimi është zgjeruar ndjeshëm gjatë 10 viteve të fundit me një qarkullim pothuajse të
dyfishuar ndërmjet viteve 2000 dhe 2010 dhe rritje të punësimit me afro 20%. Sektori ka vazhduar të zhvillohet
edhe gjatë krizës aktuale me rritje mesatare të qarkullimit prej 3% dhe rritje të papunësisë prej 3,3% çdo vit. Ai
është një ndër prioritetet kryesore të qeverisë dhe ofron hapësirë të mjaftueshme për bashkëpunimin e
donatorëve, veçanërisht me projektet e ardhshme plotësuese të tillë si projekti i GIZ për bujqësinë në të ardhmen,
objekti IPARD për grante të ngjashme dhe fondi i garancisë së USAID për bujqësinë. Megjithatë, sektori vuan nga
teknologjia e dobët dhe e vjetëruar, mungesa e standardeve të BE-së dhe ato kombëtare, mungesa e specialistëve
të kualifikuar, marketingu i dobët dhe zinxhiri i fragmentuar furnizimi. Këto mangësi kanë rrëgjuar kërkesën për
punë të re. Zinxhiri i vlerës së agro-përpunimit karakterizohet në shkallë të gjerë nga fragmentimi në të dyja anët e
zinxhirit me fermerë të vegjël të shumtë nga njëra anë dhe dyqane të vogla nga ana tjetër por gjithashtu me
praktika dhe kanale të ndryshme në lidhje me furnizimet dhe shitjet në varësi të nën-sektorëve. Sektori është
kompleks me të gjithë aktorët e pranishëm: furnitorët (vendas dhe importues), grumbulluesit ose konsoliduesit,
përpunuesit, tregtarët me shumicë ose disa distributorë të pavarur dhe tregtarë me pakicë (vendas dhe të huaj).
Ky është sektor shumë i larmishëm që lejon pika të shumta hyrëse dhe thekson nevojën për strategji ndërhyrjesh
të synuara. Sistemi i tregut të përpunimit është mjaft i thjeshtë. Shumica e funksioneve të lidhura me bizneset
zhvillohen brenda vendit, në mënyrë ad-hoc, nga vetë përpunuesit. Ka mungesa të disa funksioneve kryesore
mbështetëse private të cilat ose mungojnë në treg ose nuk përdoren për shkak se ata zhvillohen në mënyrë të
pamjaftueshme ose të papërshtatshme.
Kufizimet: Aktualisht, agro-përpunuesit nuk janë në gjendje të zhvillohen dhe konkurrojnë në tregje të hapura për
shkak të disa kufizimeve. Së pari, kufizimet e tregut kanë të bëjnë kryesisht me mungesën e përgjithshme të
ndërgjegjësimit mbi vlerën e strategjive të integruara të marketingut. Shumica e ofruesve të shërbimit në këtë treg
nuk kanë asnjë klient agro-përpunues ndërsa në të njëjtën kohë, ashtu si në shërbimet financiare, ekziston
mungesa e produkteve dhe shërbimeve të përshtatura për agro-përpunuesit në treg. Së dyti, kufizimet lidhur me
teknologjinë, të lidhura ngushtë me informacionet dhe investimet, në përgjithësi rezultojnë në mungesën e
faciliteteve të duhura dhe aftësive specifike për agro-përpunuesit në Shqipëri që kanë nevojë për përmirësimin e
procesit të magazinimit, teknologjinë e rinovimit, aftësinë e përpunimit, paketimin, logjistikën, shpejtësinë e
shpërndarjes dhe përmirësimin e praktikave. Në këtë drejtim, pengesat lidhur me teknologjinë janë çështje
investimesh por edhe rezultat i mungesës së informacioneve mbi disponueshmërinë e ekspertizës dhe teknologjisë
së re në treg. Së treti, industria ka qenë e ngadalshme në advokimin e politikave më të mira sektorale, rregulloreve
dhe zbatimit të duhur dhe kështu po dështon për të krijuar një mjedis biznesi rreth agro-përpunuesve që të jetë i
favorshëm për zhvillim. Arsyeja është tre-planëshe: nga ana e sektorit privat, palët e interesit nuk bashkëpunojnë
me njëra tjetrën, madje edhe brenda nën-sektorëve të vetëm. Nga ana e shoqatave, funksionet e organizimit dhe
bashkëpunimit të industrisë, të financuara kryesisht në të kaluarën nga projektet e donatorëve, tashmë mbeten
joaktivë për shkak të mungesës së kapaciteteve dhe financave. Nga ana e sektorit publik, qeveria nuk ka reaguar
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
4
ndaj nismave të advokacisë dhe rrallë i ka parë bizneset si pjesë përbërëse e saj. Të gjitha këto mangësi gjithashtu
kanë rrëgjuar kërkesën për punë të re.
Metodologjia: Analiza e sektorit të agro-përpunimit është hartuar duke u bazuar në të dhëna dytësore nga
institucione publike dhe private si dhe intervista gjysmë të strukturuara me palë të ndryshme interesi në sektorin e
agro-përpunimit. Një dokument kyç i konsultuar është draft Strategjia Ndërsektoriale Kombëtare për Bujqësinë
dhe Zhvillimin Rural 2014-2020 e Ministrisë së Bujqësisë, Zhvillimit Rural dhe Administrimit të Ujërave (MBZHRAU).
Analiza përfshin gjithashtu të dhëna nga studime të detajuara fillestare të kryera nga grupi i projektit në tre nën-
sektorët e agro-përpunimit: produkte qumështi, fruta dhe perime, bimë mjekësore dhe aromatike.
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
5
1. Performanca dhe pozicioni i sektorit
1.1 Rëndësia
Agro-përpunimi si industri ushqehet me sektorin më të rëndësishëm në Shqipëri, bujqësinë, gjatë kryerjes së
potencialit të rritjes së prodhimit. Natyra e tij ndër-disiplinore ofron pika të shumta hyrëse për rritjen e zhvillimit
dhe çdo përmirësim i performancës së biznesit në sektor ka të ngjarë të ndikojë si në prodhimin ashtu edhe shitjen
me pakicë. Sektori është përzgjedhur për vlerën e rëndësishme që ka në ekonominë Shqiptare: qarkullimi në vitin
2010 ishte rreth 400 milion euro. Kjo vlerë përbën 24.4% të qarkullimit të përgjithshëm bujqësor ose 5% të GDP së
përgjithshme të Shqipërisë (INSTAT 20121). Gjithashtu, trendet e agro-përpunimit janë premtuese meqenëse
ekziston potenciali për zhvillim dhe krijimin e vendeve të punës.
1.2 Trendet dhe potencialet e zhvillimit
Agro-përpunimi është zgjeruar ndjeshëm gjatë 10 viteve të fundit. Qarkullimi i sektorit pothuajse është dyfishuar
ndërmjet viteve 2000 dhe 2010, ndërsa punësimi është rritur rreth 20%, mbështetur nga një rritje e kërkesës së
brendshme për produkte të përpunuara. Madje gjatë krizës aktuale, sektori ka pasur rritje ku gjatë periudhës 2008-
2013 qarkullimi i sektorit është rritur me 3% dhe punësimi me 3.3% në vit. Megjithatë, përpunuesit ende ofrojnë
treg shumë të vogël dhe mundësitë për zgjerim janë të konsiderueshme. Kërkesa e brendshme do të jetë e madhe
në vitet e ardhshme ndërkohë që të ardhurat rriten dhe konsumi zhvendoset drejt modeleve më të sigurta dhe më
të shpejta. Tregjet e eksportit mund të zhvillohen gjithashtu në zonat ku Shqipëria ka avantazh konkurrues:
shpenzimet e përgjithshme të ulëta të punës dhe lënda e parë e lirë në nën-sektorë specifikë shoqëruar me klimë
të përshtatshme të tillë si fruta dhe perime, vaj ulliri, erëza, verë, produkte qumështi, etj.
1.3 Punësimi
Agro-përpunimi punëson rreth 11.300 njerëz në punë formale dhe shumë më tepër në punë informale, veçanërisht
gjatë stinëve të rëndësishme në bujqësi dhe si pjesë e bizneseve informale. 65% e këtyre punëve plotësohen me të
rinj nën moshën 30 vjeçare, ndërsa 70% e tyre janë gra të reja në moshë. Shumica e të rinjve që punojnë në
sektorin e agro-përpunimit janë punëtorë krahu të pakualifikuar, të punësuar në linjën e përpunimit – seleksionim,
transportim ose paketim produktesh. Të ardhurat e tyre janë të ulëta por shpesh puna në këtë industri
konsiderohet nga të rinjtë si një nga opsionet e vetme të punësimit të qëndrueshëm, formal dhe larg fermës në
zonat rurale ose gjysëm rurale. Pozicionet menaxheriale dhe teknike – të tilla si teknologë ushqimesh, kontrollorë
cilësie – janë të pakta por shumë të kërkuara – sipas analizës së kohëve të fundit mbi mangësitë në aftësi.
Gjatë një studimi të kryer nga RisiAlbania në fazën fillestare, vetëm 1.27% e kompanive të agro-përpunimit të
intervistuara kanë një grua si menaxhere të nivelit të lartë. 3.8% e grave ishin punësuar në departamentin e
marketingut dhe shitjeve ndërsa 33% ishin përgjegjëse në menaxhimin e operimit dhe 10% ishin përgjegjëse në
teknologjinë ushqimore/kontrollin e cilësisë2. Sipas INSTAT, nga 27.4% e kompanive që janë në pronësi të grave
ose menaxhohen prej tyre, vetëm 6.5% janë në sektorin e bujqësisë3.
Sektori ka një efekt të shumëfishtë – më shumë se 100,000 janë punësuar në mënyrë indirekte nëpërmjet
zinxhirëve të punësimit – veçanërisht në zonat rurale, ku vendet e punës janë më të nevojshme. Punësimi pritet të
rritet me kërkesën. Shumica e këtyre vendeve të punës do të plotësohen me të rinj të pakualifikuar por ndërkohë
që industria bëhet më e sofistikuar, teknologjitë e reja në zinxhir, do të kërkojnë gjithashtu specialistë të
kualifikuar.
1 www.instat.al 2 Studim i RisiAlbania Korrik 2013 mbi 23 kompanitë e agro-përpunimit të përzgjedhura ad-hoc
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
6
Kompanitë e agro-përpunimit janë vendosur në zona të ndryshme të Shqipërisë, në afërsi të burimeve të tyre të
furnizimit: përpunuesit e frutave dhe perimeve kryesisht në Berat, Lushnjë dhe Shkodër; përpunimi i qumështit në
Lushnjë dhe Tiranë; përpunimi i vajit të ullirit përgjatë bregut, etj. Nën-sektorët kyç përfshijnë: fruta dhe perime
(240 të punësuar), mish (1,000 të punësuar), produkte qumështi (1,124), vaj ulliri (500), miell (230), peshk (1,000),
erëza (250)45.
Ka vend për të ndërhyrë dhe ekzistojnë kushtet për të rritur rolin e femrave dhe të rinjve të kualifikuar. Pajisja e
tyre është padyshim e disponueshme, ku Universiteti Bujqësor i Tiranës diplomon 90-100 studentë çdo vit me
arsimimin e duhur dhe të azhornuar mbi agro-përpunimin. Aktualisht po hartohet një vendim ekzekutiv i Këshillit
të Ministrave gjë që bën të nevojshme punësimin e të rinjve të kualifikuar në kompanitë e agro-përpunimit. Kjo
dëshmon rritjen e ndërgjegjësimit për vlerën e punës së kualifikuar dhe mundësive për të krahasuar furnizimin e të
diplomuarve në kompanitë e agro-përpunimit. Shitjet pritet të rriten me zgjerimin e sektorit dhe gjithashtu pritet
të rritet numri i vendeve të punës për prodhimet dytësore në prodhimin bujqësor. Informaliteti është sfidë
kryesore, megjithëse edhe pse vazhdon konsolidimi dhe formalizimi, regjistrimi i të punësuarve gjithashtu ka gjasa
të rritet.
1.4 Çështje të ndërthurura
Të dhënat mbi punësimin e grave në Shqipëri reflektojnë probleme të natyrës gjinore që janë marrë në
konsideratë gjatë intervistave. Punësimi i përgjithshëm i grave në Shqipëri arrin rreth 307,1676. Vetëm 16,27% e të
punësuarave gra kanë kontratë (7.39% gra të reja) dhe 86% e të punësuarave gra përfitojnë sigurime shoqërore
(28% gra të reja). Gratë e reja përbëjnë shumicën e të rinjve si punëtore brenda familjes të papaguara (rreth 49%
për gratë kundrejt 40% për burrat). Gratë kanë normë të ngjashme papunësie me burrat por një gjë e tillë fsheh
kushte më të varfra punësimi (shumica punë të papaguara brenda familjes) dhe pabarazitë e sektorit. Ato kanë
normë pjesëmarrjeje shumë më të ulët të krahut të punës (46.5%) dhe norma më të larta pasiviteti për shkak të
përgjegjësive familjare (18.6%). Ato janë përqendruar edhe në punë tipike për gjininë femërore, të cilat janë
gjithashtu punë me pagë të ulët. Nga 50.73% e grave të punësuara në sektorin e bujqësisë, vetëm 11.7% e tyre
punojnë në punë të paguara7. Në përputhje me raportet e grave të reja të diplomuara në Universitetin Bujqësor të
Tiranës – një përqindje më e lartë e tyre diplomohen në lëndët e menaxhimit sesa në teknologji ushqimore - 63% e
grave të reja të punësuara në sektor punojnë në një lloj të caktuar menaxhimi të agro-biznesit dhe vetëm 36% e
tyre në fushat e tekonologjisë ushqimore8.
Agro-përpunimi ofron mundësi të mëdha për gratë (meqenëse 70% e të punësuarave janë, në të vërtetë, gra) dhe
një shtrirje të pakrahasueshme rurale, meqenëse përpunuesit kanë tendencën të qëndrojnë afër bazës së tyre të
furnizimit. Megjithatë, duhet të merren parasysh kushtet e mësipërme të grave dhe veçanërisht grave të reja në
qoftë se duam të përfitojmë nga potenciali i sektorit.
4 Të dhënat mbi punësimin në këtë sektor jepen nga INSTAT dhe përfshijnë vetëm punësimin formal në kompanitë e regjistruara.
5 Të dhëna mbi potencialet dhe trendet kyçe bujqësore jepen nga MBZHRAU (2012) dhe nga Studimi i Sektorit të Agrobiznesit (2011
nga Shoqatat për Zhvillim 6 INSTAT 2010
7 LMB 2013 (RisiAlbania)
8 Të dhëna nga Universiteti Bujqësor 2010-2011.
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
7
2. Organizimi, struktura dhe dinamika
Zinxhiri i vlerës së agro-përpunimit është nxjerrë në dukje përgjatë gjithë segmenteve të përmendura më poshtë. Është një zinxhir vlerash shumë kompleks që karakterizohet nga fragmentimi në të dyja anët e tij – fermerë të shumtë në njërën anë dhe dyqane të vogla në anën tjetër dhe mungesa e veprimtarive bazë (pak ofrues të shërbimit janë të disponueshëm për përpunuesit), por gjithashtu nga kanale të shumëllojshme – me praktika të ndryshme në lidhje me furnizimin ose shitjet në varësi të nën-sektorëve. Kjo e bën sektorin kompleks, por gjithashtu mjaft të shumëllojshëm gjë që lejon pika hyrëse të shumta dhe thekson nevojën për strategji të synuara ndërhyrjeje. Një prezantim grafik i thjeshtëzuar i komponentëve kyç është paraqitur më poshtë (për më shumë detaje mbi hartat specifike të zinxhirit të vlerës, shih Zinxhirin e Rezultateve 1, Aneksi 3)
Furnizimi: Në varësi të sektorit, furnizimi është vendas ose i importuar. Sektorët si ai i mishit, peshkut, miellit, birrës, etj. punojnë me lëndë të parë të importuar. Sektorët si ai i frutave dhe perimeve, bulmetit, vajit të ullirit, verës etj. përbëhen nga burime vendase dhe kanë një bazë furnizuese më të madhe. Këto të fundit përballen me fragmentim të madh të burimeve furnizuese nga rreth 100,000 ferma të vogla tregtare9 dhe më pak se 10,000 ferma të mesme. Fermat e vogla janë jashtëzakonisht të vogla në masë, kanë aktivitete prodhuese të përziera dhe intensitet të ulët prodhimi. Një fermë e vogël tipike shqiptare do të ketë 2 lopë dhe 1,26 Ha tokë të ndarë në 4-5 parcela. Këto do të përdorin pak inpute dhe asistencë profesionale. Fermat më të mëdha do të kenë më shumë se 2 Ha që do t’i përdorin për perime në fusha të hapura ose serra ose do të kenë më shumë se 10 lopë në rastin e baxhove. Këto kanë më shumë njohuri teknike dhe përdorin më shumë inpute profesionale, gjë që rezulton në cilësi më të mirë të produkteve. Pavarësisht faktit që një pjesë e madhe e grave në zonat rurale punojnë në agrokulturë, ato zyrtarisht menaxhojnë dhe zotërojnë vetëm 6% të fermave10. Shumica e fermave janë të vogla dhe praktikojnë bujqësinë ekzistenciale, me prodhim dhe potencial marketingu të limituar.
Grumbullimi: Pjesa më e madhe e përpunuesve shqiptarë e mbulojnë vetë grumbullimin. Kjo do të thotë që ata shpesh duhet të merren me një bazë furnizimi shumë të madhe si në rastin e përpunuesve të produkteve të qumështit që grumbullojnë qumësht nga një numër i madh fermerësh individualë. Në disa nën-sektorë, fermerët i sjellin produktet e tyre direkt tek përpunuesit si në rastin e vajit të ullirit. Funksioni i grumbulluesve ose konsoliduesve që operojnë si ndërmjetës është i pranishëm vetëm në disa nën-sektorë specifikë si ai i barnave dhe erëzave ku është i përfshirë grumbullimi. Distancat e vogla për në bazën e furnizimit i ndihmojnë përpunuesit të kompensojnë për fragmentimin e madh të fermave shqiptare, por grumbullimi përsëri ndikohet nga baza e madhe e furnizmit dhe mungesa e infrastrukturës. Në përgjithësi, grumbulluesit në Shqipëri kanë tendencën të orientohen më tepër drejt sasisë dhe çmimit sesa të fokusohen tek cilësia. Ata zakonisht synojnë të kenë sa më shumë fluks
9 Në një total prej 350.000, pjesa më e madhe e të cilave praktikojnë bujqësinë ekzistenciale
10 Ministria e Bujqësisë, Zhvillimit Rural dhe Administrimit të Ujërave, 2010
FURNIZIM VENDAS Inpute (bulmet, ullinj,
fruta dhe perime.)
100k ferma të
vogla 10k ferma të
mesme dhe të mëdha
FURNIZIM I
IMPORTUAR Inpute
(mish, peshk, miell, birre)
Grumbullimi
PERPUNIMI Tradicional i vogël
përpunues informalë,
shitje ne tregjet lokale, teknologji zejtare,
mungesë standartesh,
higjenë e ulët etj.
Modern i madh
përpunues që shesin
në të gjithë vendin,
pajisje moderne, standardet
Shpërndarja
Shitje vendase me pakicë
Kanal direkt: Një pjesë e
konsiderueshme e produkteve arrin direkt
tek konsumatorët
Kanal i rregullt: tregje të
hapura, dyqane të
vogla, disa dyqane zinxhir, shumë pak
supermarkete
EXPORTET punojnë drejtpërdrejtë
me eksportues të huaj
(peshk, barna dhe erëza etj).
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
8
produktesh që të jetë e mundur dhe rrallë investojnë në infrastrukturën e grumbullimit si transport apo magazinim. Përpunimi: Zakonisht përpunuesit janë të vendosur në afërsi të bazës së tyre të furnizimit. 90% e kompanive në sektor janë të shkallës së vogël, artizanale, rurale dhe informale. Kjo përbën përafërsisht 2,200 njësi përpunuese, me kapacitete relativisht të ulëta dhe që prodhojnë për tregje lokale. Këta përpunues kanë nivele të ulëta investimi, përdorin teknologji tradicionale zejtare, të cilat shpesh rezultojnë në mungesa të magazinave dhe përgjithësisht praktikojnë punën brenda familjes. Një shembull tipik janë njësitë e vogla të përpunimit të qumështit. Përpunuesit e mëdhenj, jo më shumë se 5-6 për çdo nën-sektor, kanë investuar në pajisje moderne dhe kanë miratuar standardet e sigurisë dhe cilësisë. Ata kanë akses më të mirë në financa dhe investim dhe në struktura të brendshme menaxhimi më të organizuara. Këta përpunues shesin në të gjithë vendin dhe regjistrojnë një pjesë të konsiderueshme të punonjësve të tyre. Shembuj tipikë janë kompanitë e birrës, ujit dhe disa përpunues të mëdhenj të produkteve të qumështit ose frutave dhe perimeve. Kufizimet e tyre kryesore janë importet, konkurrenca informale dhe aftësitë veçanërisht në fushën e menaxhimit. Shpërndarja: Ekzistojnë tre rrjete të mëdha shpërndarëse në Shqipëri që mbulojnë të gjithë vendin por këta shërbejnë kryesisht produkte ndërkombëtare. Ekzistojnë një numër tregtarësh të mëdhenj dhe shumë pak distributorë të pavarur për prodhimet vendase, por këta janë gjeografikisht të limituar në një qytet ose në një zonë relativisht të vogël. Si rrjedhim, në Shqipëri nuk ka një rrjet shpërndarjeje në shkallë vendi për prodhimet vendase dhe përpunuesit priren t’i shpërndajnë vetë produktet e tyre. Shitja me pakicë: Përpunuesit shqiptarë që shesin brenda vendit, kryesisht shesin në dyqane të vogla. Po ashtu, disa shesin në tregje të hapura si në rastin e bulmetit ose frutave dhe perimeve të përpunuara. Disa dyqane zinxhir janë hapur vitet e fundit në Shqipëri dhe po zgjerohen me shpejtësi. Sidoqoftë, shumë pak firma vendase janë të afta të arrijnë supermarketet. Një nga dyqanet më të mëdhenj zinxhir (Big Market) përshtat blerjen e decentralizuar, që do të thotë se më shumë firma vendase janë të afta ta arrijnë atë. Supermarkete të tjera, më të interesuara në qarkullimin e parave, adoptojnë metoda të ndryshme të pagimit dhe blerjes së centralizuar, dhe kjo është arsyeja se pse shumica e përpunuesve vendas nuk arrrijnë të shesin në këto dyqane. Në shumë raste, kjo favorizon përpunuesit ndërkombëtarë që mund t’i përballojnë pagesat e vonuara. Megjithatë, mundësitë për të shpërndarë në supermarketet shqiptare po rriten ndërkohë që shfaqen përpunuesit e mëdhenj dhe prodhimet vendase bëhen më të sigurta. Gjithashtu, ka disa nën-sektorë që i shërbejnë tregjeve të huaja. Në Shqipëri, 75% e peshkut eksportohet, po ashtu eksportohet 99% e bimëve mjekësore dhe aromatike. Këta përpunues merren në mënyrë të drejtpërdrejtë me importuesit e huaj. 2.1 Funksionet mbështetëse dhe Rregullat Sistemi përpunues i tregjeve është mjaft i pasofistikuar. Shumica e funksioneve mbështetëse zhvillohen në një mënyrë të posaçme nga vetë përpunuesit, edhe pse në disa raste, ekzistojnë ofruesit e shërbimit (p.sh. konsulentët e marketingut). Përjashtimet kryesore nga ky rregull janë standartet dhe financa – edhe pse kjo e fundit nuk është ende zhvilluar mjaftueshëm. Nga të dhënat e tanishme vëmë re se gratë rrallë janë ofruese të shërbimit të biznesit, pavarësisht faktit se ofruesit e shërbimit aplikojnë politika jo-diskriminuese ndaj grave. Arsyet janë: mungesa e pronësisë së tokës, informimit ose trajnimit dhe madhësia e kompanive që zotërohen nga gratë (95% e kompanive që zotërohen nga gratë klasifikohen si të vogla11). Kjo do të thotë që ato rrallëherë përmbushin kriteret e pranueshmërisë për mbështetje financiare dhe për rrjedhojë rrallë janë ofruese të shërbimit. Funksionet kyç mbështetëse dhe rregullat për agro-përpunimin paraqiten më poshtë.
11 METE 2010
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
9
Menaxhimi i Zinxhirit të Furnizimit: Lënda e parë, e lidhur në mënyrë të drejtëpërdrejtë me gjendjen dhe menaxhimin e furnizimit, ndikon së tepërmi në produktet e përpunuara. Madhësia dhe gjendja e zhvilimit të fermave shqiptare paraqet një sfidë për shumicën e agro-përpunuesve që punojnë me burime vendase. Kjo e bën menaxhimin e zinxhirit të furnizimit një funksion kyç për agro-përpunimin i cili ndikon drejtëpërdrejt në cilësinë, sasinë dhe larminë e lëndëve të para. Aktualisht, tek përpunuesit shqiptarë ekziston shumë pak menaxhim proaktiv i zinxhirit të furnizimit. Shumë prej tyre nuk kanë një marrëdhënie direkte me prodhuesit dhe përdorin grumbulluesit ose tregtarët si ndërmjetës. Edhe midis nën-sektorëve që më shumë janë të angazhuar me furnitorët e tyre ose të paktën kanë marrëdhënie të qëndrueshme dhe ekskluzive me ta, si produktet e qumështit, përpunuesit ofrojnë shumë pak inpute ose këshilla për të rritur prodhimin. Përjashtimet individuale (2-3 baxho) nuk përdorin shërbime të jashtme, por mbështeten mbi zgjidhje të posaçme si punësimi i ekspertëve individualë, agronomistëve ose veterinerëve. Një tjetër përjashtim i përket barnave dhe erëzave, ku pak përpunues ofrojnë këshillim falas mbi kultivimin dhe korrjen, ofrojnë farëra dhe plehra kimike, etj. në mënyrë që të sigurojnë furnizim të lëndës së parë që nuk mund të merret me besueshmëri nëpërmjet grumbullimit. Por në përgjithësi, shumë pak përpunues e kuptojnë vlerën e menaxhimit të zinxhirit të furnizimit në sigurimin e cilësisë, sasisë dhe larmisë së lëndës të parë të nevojshme. Nuk ka shërbime të disponueshme në treg të specializuara në menaxhimin e zinxhirit të furnizimit. Ekspertët individualë si agronomët ose profesionistët e zhvillimit bujqësor mund të kontaktohen për të ofruar këshilla mbi praktikat e përmirësuara bujqësore, por pak prej tyre kuptojnë dhe janë në gjendje të këshillojnë në lidhje me strukturimin dhe menaxhimin e bazës së furnizimit.
Teknologjia dhe Informacioni: Për sa i përket teknologjisë, në Shqipëri ka një ndryshim të konsiderueshëm ndërmjet përpunuesve të vegjël dhe të mesëm që kanë teknologji modeste ose të vjetër dhe kompanive të mëdha përpunuese të pajisura me linja përpunimi shumë moderne. Një numër i madh i agro-bizneseve në këtë sektor kanë nevojë për përmirësime në magazina, teknologji, aftësi përpunuese, paketim, logjistikë, etj. Kjo situatë është e lidhur me mundësitë e investimit, por edhe me disponueshmërinë e informacionit. Rezultatet nga puna në terren treguan që përpunuesit në Shqipëri mbështeten në eksperiencën e tyre dhe në lidhjet direkte me furnitorët dhe shitësit e pakicës për të marrë informacion. Kontaktet individuale me agronomë, inxhinierë, veterinerë ose teknologë përdoren për këshilla teknike. Ofruesit e pajisjeve dhe inputeve këshillojnë mbi teknologjinë që lidhet me produktet që ata shesin, por pjesa më e madhe e pajisjeve vjen nga jashtë vendit pasi ka vetëm pak ofrues shqiptarë të pajisjeve dhe përfaqësues të shitjeve. Përpunuesit që eksportojnë ose furnizohen nga jashtë vendit bazohen shumë në informacionin që sigurohet nga partnerë të huaj biznesi (që, në disa raste, transmetohet me interes të njëanshëm). Nganjëherë, përpunuesit nga i njëjti nën-sektor takohen në mënyra sporadike dhe të paorganizuara. Sot, shumë prej tyre kërkojnë informacion direkt nga Interneti.
Në nivelin e prodhuesit, Ministria e Bujqësisë, Zhvillimit Rural dhe Administrimit të Ujërave drejton një rrjet të shërbimeve të ekstensionit që ofron këshilla mbi inputet, teknologjinë dhe praktikat. Së bashku me 5 Qendra të Transferimit të Teknologjisë, këta janë integruar në Rrjetin për Inovacionin, Kërkimin dhe Këshillimin Bujqësor (www.agro.al). Rrjete apo platforma të tilla informacioni mungojnë në nivelin e përpunuesve. Hendeku i
Funksionet mbështetëse
Menaxhimi i Zinxhirëve të
furnizimit
Teknologjia dhe Informacioni
Marketingu
Shitjet dhe Shpërndarjet
Financat
Rregullat Ligji dhe Politikat
Standartet
Mbrojtja dhe Koordinimi
Rregullat Informale dhe Perceptimet
Përpunuesit Konsumatorët
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
10
përgjithshëm në informacionin mbi teknologjitë e reja dhe/ose praktikat e mira zgjerohet nga mungesa e rrjeteve ndërkohë që shumë shoqata nuk arrijnë të përfshijnë dhe angazhojnë aktorë nga i njëjti nën-sektor. Gjithashtu, informacioni mbi inovacionin bujqësor karakterizohet nga anëtarësi thuajse eksluzive e meshkujve. Gratë rurale kanë akses të limituar në informacionin mbi teknologjinë e re, trajnimin zyrtar dhe shërbimet e ekstensionit.
Marketingu: Përpunuesit e vegjël në Shqipëri përdorin pak ose aspak marketing për produktet e tyre. Përpunuesit e mesëm që i etiketojnë produktet e tyre, zakonisht i shoqërojnë me disa materiale promocionale si broshura ose fletëpalosje. Përpunuesit e mëdhenj mund të kenë departamente të brendshme marketingu dhe përdorin marketingun dhe reklamimin në media, por pak prej tyre integrojnë strategjitë e marketingut me shitjet, komunikimin dhe reklamimin. Edhe përpunues më të mëdhenj nuk e kuptojnë funksionimin e marketingut; stafi i tyre i marketingut ka pak njohuri mbi strategjitë e marketingut dhe pak fuqi për të marrë vendime. Trajnuesit e marketingut ekzistojnë por nuk përdoren nga përpunuesit. Ka një nevojë për të zhvilluar kapacitetin e marketingut të përpunuesve duke trajnuar stafin e tyre, ose nëpërmjet shërbimeve këshilluese. Tregu i shërbimeve për marketing është mjaft i zhvilluar me një shumicë si të ofruesve të trajnimeve ashtu edhe të agjencive që ofrojnë produkte në dizenjim, markim, reklamim, marketing të drejtëpërdrejtë, komunikim, menaxhim të evenimenteve, marrëdhënie publike, studime tregu, etj. Disa prej tyre kanë eksperiencë të gjerë dhe kapacitetet e nevojshme për t’i shërbyer agro-përpunuesve shqiptarë. Gjithsesi, shumë pak përpunues i përdorin këto kompani thjesht si shtëpi prodhimi për fushata të projektuara brenda vendit. Ka një mungesë të përgjithshme të ndërgjegjësimit mbi vlerën e strategjive të integruara të marketingut, madje edhe në firmat më të mëdha në industri, dhe për pasojë shumica e ofruesve të shërbimit në këtë treg nuk kanë konsumatorë agro-përpunues. Advokacia dhe bashkëpunimi: Tregu i brendshëm shqiptar i prodhimeve të agro-përpunuara karakterizohet nga përmasat e vogla dhe tipikisht, në shumë nën-sektorë, nga mungesa e larmisë së produkteve. Kjo vjen si rezultat i mungesës së përgjithshme të besimit dhe konkurrencës së fortë ndërmjet përpunuesve që shpesh prodhojnë të njëjtën gamë produktesh. Aktualisht, ka pak bashkëveprim midis kompanive të ndryshme brenda të njëjtit nën-sektor, gjë që pengon si përhapjen e informacionit, ashtu edhe shkëmbimet e eksperiencave dhe praktikave më të mira. Kjo ndikon së tepërmi në aftësinë e nën-sektorëve për të organizuar dhe mbrojtur interesat e tyre. Ekzistojnë disa shoqata specifike të nën-sektorëve si ato në sektorë të tillë si i produkteve të qumështit, mishit, MAP, miellit, verës, peshkut, etc. Shumë prej këtyre ofrojnë ndihmë dhe shërbime këshilluese mbi biznesin, por kanë vështirësi në sigurimin e anëtarësisë për përpunuesit ose përfshirjen e tyre aktive. Disa shoqata ombrellë janë gjithashtu të pranishme në formën e sindikatave të industrialistëve ose sindikatave të eksportuesve. Shoqata më gjithëpërfshirëse është Këshilli i Agro-biznesit Shqiptar (KASH), i cili ka 23 shoqata anëtare në shkallë kombëtare me organe të zgjedhura në 12 prefekturat dhe 36 rrethet e vendit. Ata kanë qenë më të suksesshme në përfshirjen e anëtarëve të tyre dhe në lobimin për interesat e tyre.
Shitjet dhe Shpërndarja: Pjesa më e madhe e agro-përpunuesve në Shqipëri e mbulojnë vetë shpërndarjen. Kjo është një praktikë e zakonshme edhe për kompani relativisht të mëdha që përpunojnë fruta dhe perime ose baxho të mesme e të mëdha. Ata shpërndajnë në një shkallë të madhe me makinat dhe stafin e tyre, duke punuar vetëm pjesërisht me tregtarë të mëdhenj dhe shitës. Afërsia me tregjet është një ndër arsyet pse shumica e përpunuesve shpërndajnë vetë, por gjithashtu përpunuesit nuk kanë besim tek distributorët e pavarur për të tregtuar dhe shitur produktet e tyre. Ka një mungesë të përgjithshme të distributorëve në shkallë vendi për produktet vendase. Së fundmi, disa produkte kërkojnë pajisje dhe logjistikë specifike që distributorët e pavarur nuk i kanë – sidomos zinxhirët e ftohjes.
Pjesës më të madhe të përpunuesve u mungon objektivi i shitjeve për zona ose segmente të ndryshme, gjë që rezulton nga njohja e dobët e marketingut (shih më lart). Kjo ndikon strategjitë e shitjeve sepse ata rrallë integrohen me trajnimin dhe shumë njësi përpunuese drejtohen si biznese familjare, me aftësi të pakta në shitje. Ka disa ofrues të shërbimit në treg të specializuar në shitje dhe në strukturimin e rrjeteve shpërndarëse. Këta janë zakonisht konsulenca trajnimi të fokusuara në ngritjen e kapaciteteve nga niveli i ulët në atë të mesëm të stafit të shtijeve, kryesisht në aftësitë negociuese dhe kujdesin ndaj konsumatorit. Rrallëherë ata ofrojnë strategji të integruara shitjesh dhe marketingu për një kompani. Megjithatë, përpunuesit janë ende të pandërgjegjshëm për vlerën e strategjive të shitjeve dhe nuk i përdorin këto shërbime – në vend të tyre, ata shpesh përpiqen t’i zhvillojnë këta në vend, pa shumë sukses. Përpunuesit e mëdhenj që kanë një strukturë të brendshme më të mirë-organizuar, gradualisht po investojnë në kapacitete më të mira të shitjeve, por gjithësesi ata duhet ende të zhvillojnë aftësitë drejtuese për shitjet duke kuptuar tregjet dhe strategjitë.
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
11
Financat: Si një sektor tepër i varur në teknologji, inovacioni dhe standartet e cilësisë, aksesi në financë është thelbësor për agro-përpunimin. Në përgjithësi, nivelet e financimit në industri kanë qenë ngushtësisht të ndërthurura me çështjet strukturore dhe sistematike. Mungesa e kolateralit dhe gjendja informale e marrëdhënieve të biznesit do të thotë që shumë agro-përpunues, sidomos të vegjël dhe të mesëm, nuk kualifikohen për huadhënie. Bankat e kanë perceptuar agro-përpunimin si një sektor me risk të lartë për shkak të moskthimit të huave dhe përgjithësisht i kanë qëndruar larg. Nga 16 banka në vend, vetëm dy (BKT dhe Pro Credit) filluan t’i ofronin kredi të përshtatura kompanive agro-përpunuese. Ekzistojnë disa institucione mikrofinanciare, që ofrojnë kredi më të vogla me procedura aplikimi zakonisht më të thjeshtëzuara por me norma interesi shumë më të larta.
Mundësi të tjera financiare për agro-përpunuesit ofrohen nga qeveria nëpërmjet skemave të subvencioneve dhe nga donatorët. Veçanërisht, Ministria e Bujqësisë, Zhvillimit Rural dhe Administrimit të Ujërave ka zhvilluar një skemë kombëtare subvencionesh duke financuar 70% të interesit të huadhënieve të lidhura me bujqësinë. Nga ana e donatorëve, Komisioni Europian ofron grante për investimet në bujqësi nëpërmjet skemës IPARD (Instrumenti i Para-Aderimit dhe Zhvillimit Rural). USAID gjithashtu nxori një fond garancie për dy bankat e lartpërmendura (BKT dhe Pro Credit) për portofolet e tyre mbi Bujqësinë.
Një seri barrierash sistematike limitojnë aksesin e grave në financë. Përgjithësisht, grave u mungon kolaterali dhe, për shkak të varësisë së tyre ekonomike nga burrat, ato kanë tendencën të kenë kursime të limituara. Informacioni mbi skemat e kredive/granteve bujqësore i drejtohet kryesisht meshkujve dhe rrjetet karakterizohen nga anëtarësi thuajse ekskluzive e meshkujve. Gratë në veçanti (por edhe burrat që janë kultivues të vegjël) e kanë të vështirë të përmbushin disa kritere kyç të pranueshmërisë p.sh. ata që lidhen me përmasat e ngastrave, numrin minimal të bagëtive, madhësinë e grantit, si dhe statusin zyrtar dhe numrin e viteve të funksionimit të biznesit.
Ligjet dhe Politikat: Ligjet shqiptare që lidhen me agro-përpunimin funksionojnë dhe nuk shkaktojnë probleme madhore tek përpunuesit. Nën domosdoshmërinë e përgjithshme të integrimit europian, korniza ligjore është drejtuar nga përafrimi me kërkesat rregullatore të BE-së, me përafrimin dhe zbatim të plotë të planifikuar për vitin 2020. Liberalizimi i ekonomisë bazohet në angazhime që rrjedhin nga anëtarësia në OBT (Organizata Botërore e Tregtisë), Procesi i Stabilizim Asocimit (PSA) me BE dhe marrëveshjet e tregtisë së lirë me Turqinë, dhe vendet e CEFTA dhe EFTA.
Megjithatë, zbatimi i ligjit dhe zhvillimi i politikave mbeten sfida kyçe. Politika, në përputhje me parakushtet e integrimit europian, po zhvillohen në sektorin bujqësor, por strategjitë nuk fokusohen veçanërisht tek hallka e përpunimit – edhe pse disa politika kyç, si grantet dhe subvencionet e interesit të kredive, kryesisht i sjellin përfitime përpunuesve. Zbatimi i ligjeve mbetet një problem kyç në sektor pasi një pjesë e konsiderueshme e përpunuesve janë informalë. Çështja është komplikuar nga mbivendosja e përgjegjësive midis ministrive dhe intitucioneve të tjera lidhur me licensimin, regjistrimin, lejet, kontrollin e sigurisë, etj. Autoriteti Kombëtar i Ushqimit (AKU), për shembull, konkurron me shërbimet veterinare dhe fitosanitare të Ministrisë së Bujqësisë, Zhvillimit Rural dhe Administrimit të Ujërave për të garantuar sigurinë ushqimore, shëndetin e kafshëve dhe mbrojtjen e bimëve. Mungesa e një sistemi kontrollues gjithëpërfshirës dhe të besueshëm i pengon përpunuesit shqiptarë që të eksportojnë në BE. Përpunuesit po ngrejnë ankesa për këtë situatë, por deri më tani nuk kanë qenë të aftë të organizohen për të ndikuar në zbatimin dhe hartimin e politikave. Standardet: Për sa i përket standarteve, janë ndërmarrë hapa të rëndësishëm si nga ana e institucioneve publike ashtu edhe nga përpunuesit. Qeveria shqiptare, në përputhje me prirjen e përgjithshme për të përshtatur legjislacionin me acquis communautaire, kërkon që agro-përpunuesit të zbatojnë standartet HACCP – edhe pse certifikimi në vetvete nuk është i detyrueshëm. Disa skema bashkë-financuese si Shërbimet Këshilluese të Biznesit nga EBRD gjithashtu kanë lehtësuar standartizimin, duke ndihmuar përpunuesit në financimin e certifikimit dhe duke ndërmjetësuar për të pasur akses tek konsumentët vendas. Si rezultat, tregu i shërbimeve të biznesit për standartizimin është zhvilluar mirë, me 20-30 konsulentë të cilët ndihmojnë kompanitë në përgatitjet për standartizim dhe katër kompani kryesore ndërkombëtare që ofrojnë certifikim. Shumë kompani të mëdha (sidomos ata që synojnë për eksporte) tashmë kanë ISO 9001, ISO 22,005, ISO 22,000 etj. Po ashtu, bimët mjekësore dhe erëzat përdorin standarte organike për tregjet e BE-së dhe ato të ShBA-ve.
Rregullat informale dhe Perceptimet: Ushqimet e përpunuara në Shqipëri shikohen me dyshim nga konsumatorë
Shqiptarë, megjithëse ata kanë preferencë të qartë për recetat dhe produktet “Made in Albania”, që i ruajnë
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
12
cilësitë e shijes dhe ato tradicionale. Ata gjithashtu përkujdesen për cilësinë dhe sigurinë e produkteve vendase në
krahasim me importet e BE-së. Për këtë arsye, ndërkohë që ata kanë tendencë për të blerë lëndën e parë të
prodhuar në vend, ata kanë tendencë të kërkojnë ushqime të përpunuara të importuara veçanërisht për frutat dhe
permet e konservuara, qumështin UHT, verërat, etj. Disa nga kategoritë e produkteve janë të mbrojtura nga këto
trende meqenëse importi i tyre është teknikisht i pamundur (p.sh. qumështi UHT) por produkte të tjera kanë
vështirësi konkurrence, edhe pse aktualisht kanë standarde të ngjashme prodhimi, cilësie dhe sigurie si
konkurruesit e tyre të huaj. Problemet e lidhura me sigurinë dhe cilësinë për produktet e brendshme, të cilat
formësojnë në një shkallë të gjerë sjelljen e konsumatorëve në këtë sektor, rezultojnë gjithashtu nga mungesa e
marketingut efektiv: perceptimet mund të ndryshohen nëpërmjet strategjive të duhura të komunikimit nga markat
individuale ose sektori, por një gjë e tillë nuk është bërë ende.
2.2 Influenca e donatorëve
Programet e financuara nga donatorët në Shqipëri në përgjithësi kanë synuar lehtësimin e aksesit në sektorin e
financës dhe shërbimeve duke subvencionuar ose garantuar pjesërisht apo tërësisht vlerën e investimeve. Në këtë
drejtim ato kanë luajtur rolin e ndërmjetësve ndërmjet agro-përpunuesve dhe bankave ose ofruesve të
shërbimeve private të tillë si agjenci ose konsulentë të ndryshëm. Më konkretisht programi BAS (shërbimet
këshilluese të biznesit) i BERZH ka mundësuar ndërmarrjet mikro, të vogla dhe të mesme (përfshirë përpunuesit)
për të pasur akses në një gamë të larmishme të shërbimeve këshilluese duke lehtësuar projektet me konsulentë
vendas mbi bazën e ndarjes së kostos. Projekte të tjera (programi i GIZ-it për Mundësitë e Punësimit dhe Zhvillimit
Ekonomik, projekti Pro Mali i SNV, Programi i USAID për Konkurrencën në Bujqësi, etj.) ndihmojnë drejtpërdrejt më
shumë ndërmarrjet e agro-biznesit dhe jo zhvillimin e shërbimeve dhe funksionet e tregut për të mbështetur
rritjen e tyre. Si një efekt anësor, këto lloje programesh kanë ndikuar negativisht në mënyrën se si agro-
përpunuesit Shqiptarë përceptojnë ofruesit e shërbimeve. Shumica e përpunuesve mendojnë se ata nuk kanë
nevojë për shërbime të tilla ose shoqërues konsulent me projektet e financuara nga donatorët. Ndërmarrjet
tregojnë pak gatishmëri për të kontaktuar me ata përtej iniciativave për zbatimin e granteve apo të paguajnë
plotësisht për shërbime të cilat deri tani janë mbuluar pjesërisht ose plotësisht nga donatorët. Por, në të njëjtën
kohë, iniciativat e donatorëve kanë promovuar përdorimin e shërbimeve të biznesit nga ndërmarrjet Shqiptare dhe
kanë dhënë një shtytje të madhe për krijimin dhe konsolidimin e shumë ofruesve të shërbimeve. Subvencionet e
normës së interesit dhe fondet e garancisë kanë ndihmuar për të krijuar një treg për bankat ndërkohë që
programet si BAS po ndihmojnë për të krijuar një të tillë për shërbimet këshilluese të biznesit.
2.3 Ndryshimet dhe tendencat
Me rritjen e fuqisë blerëse, konsumatorët Shqiptarë do të blejnë më shumë produkte të përpunuara dhe do të
kërkojnë produkte të reja dhe të diferencuara. Konsumatorët mbeten të nxitur në caktimin e çmimeve por ata janë
gjithashtu gjithnjë e më kërkues, në lidhje me sigurinë dhe cilësinë e produkteve të përpunuara. Nga ana tjetër,
presioni dhe kërkesat mbi sigurinë, standartet dhe cilësinë vijnë gjithashtu nga sektori publik meqenëse Shqipëria
është duke u përpjekur që të veprojë në përputhje me rregullat e sakta të BE-së. Kjo ka çuar në ndryshime të
rëndësishme për përpunuesit e mëdhenj të cilët tashmë kanë miratuar teknologjinë moderne dhe veprojnë në
përputhje me standardet e sakta të prodhimit (shih pjesën e standarteve më lart). Për të ruajtur limitin e tyre, këto
përpunues të mëdhenj do të duhet të bindin konsumatorët Shqiptarë se ata prodhojnë me standarte të ngjashme
si konkurrentët e tyre të huaj. Ndërkohë që konkurrenca bëhet gjithnjë e më e vështirë për përpunuesit e vegjël
informalë, ndërkohë kompanitë e krijuara pritet të vazhdojnë të maturohen dhe të jenë të gatshme për të
investuar në vende të reja pune dhe praktikat më të mira të marketingut.
Paralelisht është duke u zhvilluar procesi i konsolidimit në përpunim – meqenëse kompanitë më të mëdha fitojnë
aksione në treg dhe kompanitë më të vogla zhduken. Përpunuesit më të mëdhenj përfitojnë ngë ekonomitë e
shkallëzimit, akses më të mirë të njohurive, financave dhe tregjeve (sidomos duke pasur parasysh mungesën e
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
13
shërbimeve shpërndarëse), në një mjedis ku asnjë prej tyre nuk mund të arrihet lehtësisht për lojtarët e vegjël. Një
proces paralel konsolidimi po bëhet në nivelin e shitjeve me pakicë me zhvillimin e zinxhirëve të supermarketeve –
që do të forcojnë përpunuesit e mëdhenj (të cilët mund të përballojnë kushte më të vështira për pagimet) kundrejt
konkurrentëve të tyre më të vegjël vendas dhe do t’i dobësojnë ata në krahasim me produktet e importuara. Në të
kundërt, fermerët mbeten të vegjël dhe të fragmentuar dhe kështu nuk mund të prodhojnë në mënyrë efikase (por
edhe kanë aftësi më të vogël për të bërë marrëveshje).
2.4 Përfundime
Duke pasur parasysh karakteristikat e tregut dhe trendet e detajuara më lart, ka disa probleme që përpiqen të
pengojnë zgjerimin e mëtejshëm të sektorit dhe investimet në krijimin e vendeve të punës, por jo të gjithë prej
tyre mund të trajtohen në projektin tonë. Sa i përket menaxhimit të zinxhirit të furnizimit, sektori është ende larg
për të zhvilluar të kuptuarit dhe ndërgjegjësimin e nevojshëm para se të investojë në fushat që kanë nevojë për
përmirësim. Gjithashtu disa pengesa lidhen me çështje të cilat nuk mund t’i trajtojmë si reforma e tokës. Fusha të
tjera, si standartet, po ndërmerren nga shërbimet e tregut në mënyrë të suksesshme gjatë viteve të fundit. Por ne
kemi identifikuar disa pengesa në të cilat mund të forkusohet projekti ynë dhe të cilat mund të kenë ndikime të
mëdha, domethënë marketingu, aksesi në financë dhe mjedisi përreth përpunuesve.
Për përpunuesit Shqiptarë, sfida është për t’iu përgjigjur kërkesës aktuale dhe të ardhshme, duke përmirësuar
teknologjinë dhe produktet e tyre, si dhe strategjitë dhe praktikat e tyre të marketingut. Për të nxitur shitjet e tyre
dhe për të krijuar vende pune, aksesi në investime dhe teknologji është po aq thelbësor sa edhe përmirësimet në
shitje dhe marketing. Strategjitë efikase të marketingut do të ndihmojnë gjithashtu në trajtimin e perceptimeve të
konsumatorëve në lidhje me ecurinë e punës në aspektin e standardeve të cilësisë dhe sigurisë. Përfshirja në rritje
e qeverisë në sektor krijon gjithashtu hapësira për ndërhyrje që ndihmojnë për të krijuar një mjedis më të
favorshëm për zhvillimin e politikave drejtuese dhe zbatuese në dobi të agro-përpunuesve.
Kështu ne përgatitim strategjinë tonë të ndërhyrjes duke u fokusuar në tre shtyllat kryesore të paraqitura më
poshtë.
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
14
Aneksi 1: Raport i Sektorit të Bulmetit
Vështrim i përgjithshëm
Mbajtja e gjësë së gjallë dhe sidomos prodhimi dhe përpunimi i qumështit në Shqipëri përfitojnë nga burimet
natyrore të favorshme dhe tradita e hershme. Industria e përpunimit të qumështit është zhvilluar që në fillim të
viteve 1990’ dhe aktualisht numëron më shumë se 400 përpunues, me disa baxho të pajisura plotësisht. Sipas
statistikave zyrtare, prodhimi vendas i qumështit ka arritur 1.1 Mt në vitin 2012 duke shënuar një rritje prej 9% që
prej vitit 2007.
Rreth gjysma e qumështit të prodhuar arrin në
treg (561,000 t) ndërkohë që gjysma tjetër
përdoret për vetë-konsum, konsumin e gjësë së
gjallë ose e përpunuar në fermë. Nga gjithë
qumështi i prodhuar, 12% (132,000 t) arrin tek
përpunuesit ndërkohë 39% (429,000 t) arrin direkt
tek konsumatorët. Prodhimi i qumështit është
rritur në mënyrë të qëndrueshme dhe qumështi i
lopës përbën 87% të prodhimit të qumështit i
ndjekur nga qumështi i deles me 7% dhe i dhisë
me 6%. Rendimienti i lopëve ishte rreth 2,696
l/lopë gjatë vitit 2011 (sipas ekspertëve racat
produktive të lopëve mund të prodhojnë deri në
10,000 litra/në vit). Shqipëria importon aktualisht 7-10% të produkteve të konsumuara të qumështit. Produktet
kryesore dhe vlerësimi i sasisë së tyre12 përfshijnë: 60,000 t qumësht i përpunuar (i pasterizuar ose UHT), 14,000 t
kos; 13,000 t djath; 630 t gjalpë. Këto arrijnë tek konsumatori drejtpërdrejt nëpërmjet përpunuesve të vegjël ose
nëpërmjet kanaleve të shpërndarjes së përpunuesve dhe dyqaneve.
Punësimi
Rreth 104,000 njerëz punojnë në prodhimin e
qumështit që arrin në treg. 23.6% e tyre janë
të rinj (24,544), 49% janë gra (50,960) dhe
12,3% janë gra të reja (12,792). Përpunimi
punëson rreth 1,300 njerëz të cilët punojnë
në rreth 425 njësi, 25 prej të cilave janë
fabrika moderne përpunimi. Nga të gjithë të
punësuarit në përpunim, 65% janë të rinj dhe
45% janë gra të reja. Sektori priret ndaj grave
të cilat punojnë kryesisht në ferma dhe në
përpunim. Meshkujt punojnë në prodhimin e
foragjereve në terren dhe përpunim. Pjesa
dërrmuese e ndërmarrjeve kanë 1-5 të
punësuar kështu që ka hapësirë të madhe
për konsolidimin e industrisë së përpunimit në më pak njësi më të mëdha, ashtu si në rastin e fermave.
12 Vlerësuar nga stafi i projektit të RisiAlbania bazuar në intervista dhe të dhëna statistikore jozyrtare
16%
14%
19%
51%
Vetë-konsumim
Konsum ngagjëja e gjallë
Përpunim iprodukteve përFermën
Për shitje
311
12
9
2 Ndërmarrje me 1-5të punësuar
Ndërmarrje me 6-10 të punësuar
Ndërmarrje me 11-20 të punësuar
Ndërmarrje membi 60 tëpunësuar
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
15
Zinxhiri i vlerës
Më poshtë jepet paraqitja skematike e zinxhirit të vlerës të produkteve të qumështit në Shqipëri, duke vënë
theksin në kanalet e tregut, palët kryesore të interesit si dhe sasitë e prodhimit13. Siç vërehet, ekzistojnë dy kanale
kryesore: kanali i majtë është mjaft informal dhe tregton kryesisht produkte të ngurta të tilla si djathë, gjizë dhe
gjalpë nga përpunuesit tradicionalë ose direkt nga fermat tek konsumatori. Në të majtë është kanali më i
organizuar që tregton qumësht të përpunuar si dhe disa nën-produkte të ngurta. Përpunuesit e mëdhenj dhe të
mesëm në këtë kanal përballen me konkurrencë të padrejtë nga përpunues të paregjistruar ose të parregullt dhe
produkte jashtë standardit ndërsa luftojnë të ruajnë çmime konkurruese. Kanali i grumbullimit dhe shpërndarjes
menaxhohet në mënyrë tipike nga vetë përpunuesit, sepse grumbulluesit ose distributorët e pavarur bëjnë
përpjekje të mbeten konkurrues.
Palët e interesit në Procesin e Prodhimit
Në vitin 2011, Shqipëria kishte rreth 300,000 ferma blegtorale. Një pjesë e madhe e prodhimit funksionon ende
për qëllime mbijetese meqenëse vetëm 1/3 e tyre shkojnë përtej vetë-konsumit. Madhësia e fermave mbetet
shumë e vogël: vetëm 0.7% e këtyre fermave kanë 6-10 lopë dhe 0.4% kanë më shumë se 10 lopë. Pothuajse 85% e
fermave në Shqipëri kryejnë disa aktivitete dhe shumë pak janë të specializuara. Ekzistojnë tre lloje të fermave të
qumështit në Shqipëri:
Fermat e Vogla: Struktura mesatare: 2 lopë, 1,26 ha, 4-5 parcela. Rendimenti mesatar: 2,500 litra/vit për çdo lopë,
me shitje qumështi rreth 40 lekë/litër. Këto janë ferma shumë të vogla të cilat kryejnë aktivitete të përziera
prodhimi dhe në përgjithësi kanë një intensitet të ulët prodhimi. Kufizimet kanë të bëjë me madhësinë e vogël,
koston e lartë të rritjes së foragjereve (për shkak të inputeve të kushtueshme, mungesës së ujitjes dhe mungesës
së njohurive dhe aftësive), fragmentimin e tokës, racat joproduktive, mungesën e specializimit dhe zakonisht të
paorganizuar të shoqatave ose organizatave.
13
Përfaqësimi bazohet në studimin e kryer nga stafi i proektit të RisiAlbania
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
16
Fermat e Mesme: Struktura mesatare e fermës: 15-50 lopë, 10-30 ha. Rendimenti mesatar: 5,000 litra/vit për çdo
lopë, me shitje qumështi 42-44 lekë/litër. Ekzistojnë vetëm 1,200 ferma në Shqipëri me më shumë se 10 lopë. Këto
ferma kanë investuar në përmirësimin e racës dhe fokusohen në prodhimin e qumështit dhe shitjen e gjedhit. Ato
janë ruajtur nëpërmjet punës brenda familjes, zakonisht 3-4 persona. Kufizimet përfshijnë fitimet e ulëta nga shitja
e qumështit (pra edhe shitjen e mishit të viçit dhe lopës së racës), koston e lartë të ushqimit të kafshës, mungesën
e shoqatave dhe mungesën e financave për investime të mëtejshme.
Fermat e Mëdha: Struktura mesatare e fermës: mbi 50 lopë, 30-130 ha. Rendimenti mesatar: 6,000-7,000 litra/vit
për çdo lopë, me shitje qumështi rreth 50 lekë/litër. Këto janë disa ferma të mëdha në Shqipëri dhe 4 ferma të
mëdha intensive me më shumë se 200 lopë. Këto ferma kanë përdorur inseminimin artificial ose racat e
importuara për të arritur rendiment më të lartë dhe synojnë për një potencial prej 8,000-10,000 litrash/vit. Ato
furnizojnë vetëm përpunues të mëdhenj (ndonjëherë me kontratë) me çmime zakonisht më të mira dhe sigurojnë
fitimet e tyre nga prodhimi i qumështit (70%) dhe shitja e gjedhit. Për mirëmbajtjen e fermave të tilla mund të
nevojiten deri në 13 të punësuar me kohë të plotë dhe deri në 30-40 të tillë gjatë muajve intensivë të verës.
Kostoja e lartë e ushqimit përbën një pengesë kryesore.
Palët e interesit në procesin e Përpunimit
Në lidhje me përpunimin, shumica dërrmuese e njësive të përpunimit në Shqipëri përdorin teknologji tradicionale
artizanale. Ato njihen edhe si baxho që prodhojnë produkte tradicionale me qumësht lope, dele dhe dhie (kos,
gjalpë, gjizë, dhallë dhe lloje të ndryshme djathi). Një numër fabrikash moderne po operojnë në mënyrë të
suksesshme por ato janë duke u ndeshur me konkurrencën e shkaktuar nga baxhot informale. Ekzistojnë tre lloje
përpunuesish në Shqipëri:
Përpunuesit e vegjël/tradicionalë: Rreth 350 e tyre përpunojnë 500-2,000 litra qumësht/ditë. Ata mbahen si biznes
familjar, të vendosur në të gjithë vendin dhe prodhojnë më së shumti djathë, gjalp dhe gjizë duke përdorur
teknologjitë tradicionale artizanale. Këto kryesisht shesin në tregjet lokale dhe vuajnë nga mungesa e përgjithshme
e standardeve dhe sistemeve për sigurinë ushqimore të cilat ushtrojnë pak kontroll mbi cilësinë e qumështit të
papërpunuar. Kufizime përfshijnë: mungesën e hapësirave të magazinimit, teknologjive ose investimeve;
menaxhimin e dobët dhe pamundësinë për të përmbushur standardet e sigurisë.
Përpunuesit e mesëm të mekanizuar: Rreth 50 prej tyre, përpunojnë 2,000-15,000 litra qumësht në ditë dhe thuhet
se punojnë me kapacitet rreth 60%, me 3-4 persona. Këta prodhojnë kryesisht djathë, gjalpë, gjizë dhe kos dhe
janë shumë fleksibël në sasitë e
prodhuara. Ata janë vendosur në
zonat përreth qyteteve kryesore,
shesin në tregjet e zonave lokale dhe
qytetet e mëdha. Ata janë të pajisur
me linja pjesërisht të mekanizuara,
hapësira magazinimi, dhe ushtrojnë
një shkallë kontrolli mbi cilësinë e
qumështit të papërpunuar. Kufizimet
përfshijnë konkurrencën e shkaktuar
nga produktet e parregullta (të tilla si
djathi me niseshte), mungesën e
mjeteve për kontrollin e cilësisë dhe
facilitetet e dob ë ta.
41%
12% 6%
41%
Njësi e përpunimitsezonal tëqumështit
Njësi e përpunimittë mekanizuar tëqumështit
Baxho të pajisuraplotësisht
përpunues të vegjëltë tjerë
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
17
Përpunuesit e mëdhenj modern: Rreth 25 baxho të pajisura me linja të plota qumështi, përpunojnë 15,000-40,000
litra qumësht/ditë, thuhet se punojnë me kapacitet 50% dhe prodhojnë më së shumti qumësht dhe kos. Gjashtë
prej tyre prodhojnë UHT. Ata vendosen në qytete të mëdha ose në afërsi të tyre, shesin në të gjithë vendin dhe
janë në gjendje të ushtrojnë kontroll të plotë të cilësisë së qumështit të papërpunuar (përfshirë antibiotikët dhe
vaksinat). Kufizimi kryesor është konkurrenca e shkaktuar nga përpunuesit e parregullt, gjë që i bën ata më pak
konkurrues në çmimet e produkteve të ngurta si dhe sistemin e taksimit i cili favorizon përpunuesit e vegjël.
Tendencat
Në vitet e fundit prodhimi i qumështit është rritur në mënyrë të qëndrueshme. Po kështu ka ndodhur me
rendimentet vjetore meqenëse fermat investojnë në përmirësimin e racës. Prodhimi i fermave të vogla ka rënë
dhe është duke ndodhur një trend i ngadalshëm konsolidues. Një gjë e tillë dëshmohet nga rënia e numrit të
fermave meqenëse është rritur si madhësia ashtu edhe prodhimi i fermave të mesme dhe të mëdha. Kështu,
prodhimi komercial i qumështit duket se po zhvendoset drejt fermave të mëdha. Meqenëse nuk ka të ngjarë të
krijohen më shumë ferma të mëdha intensive për shkak të fragmentimit të tokës, mund të parashikojmë se
industria e përpunimit të qumështit do të përftohet gjithnjë e më shumë nga fermat e mesme me rreth 50 lopë.
Numri i përpunuesve gjithashtu nuk ka gjasa të rritet, për më tepër shumë prej tyre mund të mbyllen meqenëse
mund të forcohen kufizimet lidhur me sigurinë ushqimore dhe përpunuesit e mëdhenj bëhen më konkurrues në
produkte të tilla si djathë, gjalpë dhe gjizë. Në këtë rast mund të parashikojmë se përpunuesit e mëdhenj do të
rriten edhe në zinxhirët e supermarketeve, të cilët aktualisht bartin vetëm një sasi të vogël të produkteve vendase
të qumështit. Për sa i përket konsumit, qumështi dhe nën-produktet e tij konsumohen në sasi të madhe në
Shqipëri dhe ka një preferencë në rritje për produkte të përpunuara në vend. Konsumatorët janë gjithashtu
gjithnjë e më të ndërgjegjshëm mbi sigurinë, meqenëse është qeveria ajo, e cila ka më shumë të ngjarë të forcojë
rregulloren e sektorit dhe standardet. Prodhimi i qumështit UHT ka të ngjarë të vazhdojë të rritet.
Kufizimet
Problemi kryesor i vënë në dukje nga të gjitha palët e interesit, i cili ndikon negativisht mbi përpunimet gjatë gjithë
zinxhirit të vlerës, është cilësia e ulët e qumështit të papërpunuar. Kjo është rezultat i përmbajtjes së lartë
mikrobiale për shkak të mungesës së higjenës dhe pamundësisë së shumë përpunuesve për të verifikuar trajtimin e
kafshëve me antibiotikë dhe vaksina. Kostot e larta lidhur me të ushqyerit e kafshëve, racat joproduktive të gjësë
së gjallë, mungesa e informacionit dhe e produkteve financiare për zhvillimin e fermave raportohen si kufizimet
kryesore në nivel ferme.
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
18
Aneksi 2: Raport i Sektorit të Frutave dhe Perimeve (F&P)
Hyrje
Deri në vitin 1990, sektori i përpunimit të frutave dhe perimeve (F&P) në Shqipëri ishte në nivel të mirë dhe
përqendrohej në kultivimin e lëndëve të para. Sektori ishte në gjendje të mbulonte nevojat e brendshme si dhe të
eksportonte fruta dhe perime të konservuara mesdhetare, salcat dhe fruta të thata. Pas privatizimit të sektorit të
F&P, ka pasur përpjekje për të nisur biznesin e përpunimit, e megjithatë përpara dilnin shumë vështirësi për shkak
të zinxhirit pothuajse të thyer të vlerës. Në fillim të vitit 2000, industria e restauruar shënoi një progres të lehtë
pozitiv si në aspektin e nivelit të prodhimit ashtu edhe në mundësitë e prodhimit. Megjithatë, në kohën e këtij
vlerësimi, performanca e industrisë nuk është në nivelin e saj më të lartë, meqenëse u ndikua nga kriza financiare e
vitit 2008.
Qarkullimi vjetor i llogaritur 10 Milion Euro vjen nga një duzinë kompanish, me prodhim të përgjithshëm të
përpunuar prej 15,000 t nga një ndarje e përafërt prej 70% perime dhe 30% fruta. Produktet kryesore të
përpunuara janë salcat, kompostot, fruta të konservuara, reçeli, marmalada, sallatra të përziera, salcë sallate dhe
perime të marinuara. Perimet dhe frutat sigurohen kryesisht (rreth 80% e tyre) nga furnitorët lokalë. Rreth 90% e
produkteve të përpunuara shërbejnë për të furnizuar tregun lokal me eksporte të vogla por të vazhdueshme në
vendet fqinje, kryesisht në Greqi dhe Kosovë (Libri Vjetor Statistikor 2011, f. 131).
Punësimi
Numri i njerëzve të punësuar në njësitë e drejtpërdrejta përpunuese është rreth 240, ndërkohë rreth 1,000 njerëz
janë të angazhuar me kohë të plotë në zinxhirin e furnizimit të lëndëve të para për të gjithë sektorin e përpunimit.
Për shkak të aftësive specifike të punës dhe ekspertizës së kërkuar, normalisht të përftuara përmes praktikës së
gjatë në këtë sektor, ekziston përqindje e ulët e të punësuarve të rinj (rreth 20%) dhe vetëm 10 prej tyre janë
femra.
Zinxhiri i Vlerës/Palët e interesit në Procesin e Furnizimit
Tre “shtresat” e furnizimit të industrisë së përpunimit F&V janë:
a. Furnitorët e inputeve për farëra, pesticide dhe plehra kimike
b. Furnitorët e lëndëve të para, prodhuesit
c. Tregtarët e shitjeve me shumicë/grumbulluesit e lëndëve të para
a. Furnizimi për prodhimin e lëndëve të para (i pozicionuar në pjesën më fundore të zinxhirit) bëhet nga disa
importues të mëdhenj të cilët furnizojnë jo vetëm farëra, plehra kimike dhe pesticide por edhe shërbime
këshillimore. Qarkullimi vjetor i tyre është rreth 15-20.000 t për secilën. Ekzistojnë edhe shumë ofrues informalë të
farërave dhe fidanëve të cilët shërbejnë kryesisht në fermat e vogla. 70% e fermerëve raportohet se blejnë farëra,
plehra kimike dhe pesticide, ku këto të fundit përbëjnë 40% të shitjeve totale. Kohët e fundit, importuesit më të
mëdhenj kanë nisur të mbjellin fidanë në zona të mbrojtura dhe fidanishte, me çmime pothuajse të dyfishuara të
shitjes së fidanëve. Gjatë tre viteve të fundit është vënë re rënie e shitjeve prej 10-15% kryesisht për shkak të
krizës financiare.
Tregu është relativisht i qëndrueshëm, ku arsyeja kryesore është trendi i përgjithshëm i rivendosjes së punësimit
drejt agro-prodhimit të emigrantëve të kthyer dhe i fuqisë së mëparshme punëtore të ndërtimit. Së dyti, rritja e
sipërfaqes së serrave dhe zonave të tjera të mbrojtura ndikon padyshim në kërkesën për këto inpute. Kanalet më
të shfrytëzuara të shpërndarjes mbeten personat e shitjeve dhe distributorët e drejtpërdrejtë të importuesve
kryesorë (që në shumicën e rasteve janë agronomë të ditur të diplomur para vitit 1990) dhe dyqanet e vogla të
cilat furnizojnë fermat e shpërndara.
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
19
Kufizimet kryesore në këtë segment vazhdojnë të jenë çmimet e larta të inputeve, mungesa e përdorimit efikas të
njohurive nga fermerët dhe mungesa e alternativave vendase të inputeve (p.sh. farërat e kultivuara në vend si
qepa, preshi, etj.) të cilat kanë rrallësi shumë të dukshme në përdorim kryesisht në zonat e largëta rurale.
b. Në fushën e prodhimit të lëndëvë të para dallimi mund të bëhet në kontributin e dhënë nga fermat e
vogla, fermat në fusha të hapura dhe fermat me serra. 26,000 fermat e vogla (ose 85% e fermave totale) të cilat
prodhojnë fruta dhe perime14
kanë karakteristikat në vijim: zotërojnë më pak se 1 ha, drejtohen nga familje me
njohuri të ulëta teknologjike, nuk kanë ose kanë sisteme të vogla ujitëse (kryesisht puse me thellësi 20-30m),
plehërim dhe pesticide të pakta, furnizojnë kryesisht nevojat e tyre familjare apo shesin sasi mjaft të
parëndësishme drejtpërdrejt tek konsumatorët ose tregtarët lokalë.
Ka një tendencë në zhvillim për kultivimin e të gjitha llojeve të frutave për të përmbushur kërkesat e brendshme
dhe në raste të veçanta për operatorët e përpunimit. Prodhuesit e mëdhenj të fushave të hapura të cilët zotërojnë
1-2 ha përbëjnë 10% të të gjithë fermerëve që prodhojnë F&P dhe janë të orientuar drejt tregut duke përdorur
farërat, plehrat kimike dhe pesticidet me cilësi më të mirë. Ata përdorin më shumë shërbime agronomike dhe
mekanike gjysmë të automatizuara, punësojnë njerëz të tjerë dhe vazhdojnë mbjelljen e kulturave bujqësore duke
siguruar kapacitete më të larta prodhuese. Kanë sistem të mjaftueshëm të ujitjes. Ata arrijnë në treg duke
shfrytëzuar tregtarët e shitjeve me shumicë, grumbulluesit dhe operatorët e përpunimit, të cilët kanë tëndencë të
përdorin kontrata ekskluzive joformale verbale.
Rreth 5,000 ferma me serra që prodhojnë F&P dhe që përbëjnë vetëm 5% të fermave të përgjithshme kanë
rendimente më të larta, njohuri të mira teknike, një periudhë intensive prodhimi, punonjës të kualifikuar, inpute
më të mira në aspektin e farërave, plehrave kimike dhe pesticideve dhe në përgjithësi sisteme mbështetëse ujitjeje
të azhornuara. Ata kanë kanale direkte shpërndarëse për përpunuesit, tregtarët e shitjeve me shumicë dhe/ose
destinacione eksporti. Prodhuesit e fushave të hapura, serrat dhe fermat e vogla besohet se prodhojnë rreth
100,000 t F&P në vit ndërkohë që qarkullimi i sektorit të përpunimit është 15,000 t. Ekzistojnë rreth 30 lloje të
perimeve të prodhuara por domatet, specat dhe kastravecat kanë pasur deri tani nivelin më të lartë të prodhimit.
Fermat e vogla janë më të specializuara në furnizimin e frutave të veçanta sezonale, por në sasi të pamjaftueshme.
c. Operatorët e grumbullimit dhe paketimit formojnë një hartë shumë të pabarabartë shpërndarjeje të
produkteve nga fermat në fushë të hapur/serrat tek përpunuesit, me një model të përafërt mbizotërues të
fermerëve të vegjël të cilët i shpërdajnë prodhimet e tyre direkt tek përpunuesit (duke përdorur mjetet e tyre të
transportit dhe paketimit). Fermerët më të mëdhenj/serrat përdorin grumbulluesit, transportuesit apo forma të
tjera të ndërmjetësimit kryesisht në bazë të kontratave joformale. Një gjë e tillë nuk përjashton rastet kur çmimet
e tregut ndryshojnë modelet e mësipërme duke u prirur drejt shitësve që paguajnë më shumë.
Sipas, intervistuesve, ekzistojnë rreth 25 grumbullues të integruar, që zotërojnë magazina me 800-1,800 t dhe
rreth 10-17 punonjës, të përftuara nga pesëqind deri në gjashtëqind ferma të vogla, me ndryshime në
karakteristika të kapaciteteve të tyre: përdorimin sezonal/vjetor (frigoriferike, të freskëta ose jo) dhe kapacitetet e
tyre për të rritur vlerën përmes pastrimit dhe/ose paketimit të frutave dhe perimeve. Ata u shesin rreth 10-20% të
produkteve të tyre njësive të përpunimit, rreth 40-60% dyqaneve të vogla dhe pjesën tjetër drejpërdrejtë
konsumatorëve15. Rreth 100 grumbullues që lëvizin me kamionë transporti 1-2 t shpërndajnë 80% në dyqanet e
shitjeve me pakicë ndërkohë që pjesa tjetër shpërndajnë në marketet rajonale që shesin perime.
Me përjashtim të grumbulluesve/tregtarëve shumë të vegjël, zakonisht informalë të cilët blejnë e shesin me mjetet
e tyre pa patur hapësira për magazinim, mjetet e transportit nuk janë pronësi e grumbulluesve. Duket se ka një
specializim të grumbulluesve për kultura specifike (më të zakonshmet të ndara gjithashtu gjeografikisht), por kjo
nuk përjashton kërkimin mjaft energjik të tregut të prodhimit dhe për rrjedhojë zhvendosjen nga agjentët që
14
“Analizë e Sektorit të Frutave dhe Perimeve” Dhjetor 2010-IPA 15 Bazuar në vlerësimet dhe opinionet jozyrtare të personave të intervistuar
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
20
punojnë për grumbulluesit ose mjaft shpesh për njësitë përpunuese dhe për tregtarët e shitjeve me shumicë. Një
grumbullues i madh në zonën e Divjakës me magazinë me kapacitet 1,800 t përdor gjashtë agjentë që
grumbullojnë nga 700-800 ferma të vogla familjare (ferma në fusha të hapura) çdo vit kryesisht mollë, patate,
qepë, presh, pjepër, karrota, domate, etj. Marzhi i tij i fitimit varion në rangun e 8-9%. Ai ka treg të brendshëm në
masën 33%, ku 60% e këtij tregu shkon për tregtarët e shitjeve me shumicë në Tiranë. Eksporti i mollëve, patateve,
qepëve dhe pjeprit, megjithëse përbën shumicën e qarkullimit të tij vjetor, është i paplanifikuar dhe kryesisht si
pasojë e lidhjeve të drejtpërdrejta empirike përmes internetit.
Zinxhiri i Vlerës/Palët e interesit në Procesin e Prodhimit:
Operatorët e përpunimit i përkasin tre tipologjive të ndryshme. Ekzistojnë rreth 100 vende pune të vogla
artizanale informale zakonisht të fokusuara dhe specializuara në më pak se 3-4 përpunime frutash kryesisht
“glikotë”, reçelrat dhe/ose sasi të vogla të veçanta të specialiteteve tradicionale e lokale të perimeve. Ata
furnizojnë tregun vendas me më shumë se 90% të produkteve të tyre të gatshme dhe pjesa tjetër u shitet
konsumatorëve në qytetet e mëdha më të afërt, përfshirë Tiranën, duke përdorur mjaft shpesh transportin e tyre
familjar. Teknologjia e përdorur konsiston mesatarisht në elementet e domosdoshme të vjetruara për produkte
specifike, duke përdorur në mënyrë mbizotëruese paketime plastike dhe në një përqindje të vogël paketime qelqi.
Firmat e vogla punësojnë më pak se 4 punonjës me kohë të plotë, kanë qarkullim vjetor prej 0.01M Euro dhe
prodhojnë rreth 150t. Këto biznese normalisht të paregjistruara kanë nevojë për investim kapitali dhe specializim
të burimeve njerëzore. Hapi tjetër i ardhshëm për këtë segment do të jetë bio-standardizimi i produkteve dhe rritja
e bashkëpunimit rajonal me qëllim që të mos zhduket për shkak të konkurrencës.
Rreth tetë përpunues të mesëm me qarkullim 0.5M Euro dhe një prodhim prej rreth 750t në vit përpunojnë perime
(rreth 70%) dhe fruta (rreth 30%). Ato punësojnë më pak se nëntë persona me kohë të plotë dhe gjatë pikut të
punës sezonale punësojnë me kohë të pjesshme një numër të konsiderueshëm punonjësish me kualifikim të ulët.
Këto firma janë më të orientuara drejt tregut, kanë krijuar ecuri disi më të organizuara pune, dhe janë zgjeruar me
kontrata tashmë të krijuara joformale me vendasit për pjesën më të madhe të furnizimit me lëndë të para,
megjithëse në më shumë se një rast, ata përdorin lëndë të para të importuara. Ato operojnë mbi bazën e modelit
të biznesit familjar. Për pasojë, vendimmarrja dhe struktura menaxheriale janë shumë të centralizuara. Teknologjia
gjysmë e automatizuar dhe mungesa e kapacitetit të brendshëm ftohës po e sforcojnë stafin e menaxhimit dhe
prodhimit gjatë sezoneve të korrjes. Vlerësimi i përgjithshëm i përafërt i ushqimeve të përpunuara nga këto firma
është 6.000 t. Tregu kufizohet kryesisht me produkte të lira që shiten në vend. Ndonjëherë këta përpunues
furnizojnë subjekte shtetërore të kontraktuara si kopshtet, burgjet, etj.
Firmat e kanë të vështirë të arrijnë qarkullimin e lartë të shitjeve të vitit 2008, periudhë në të cilën eksportohej një
pjesë e vogël e prodhimit të tyre. Metoda më e zakonshme e shpërndarjes është përmes vetë shitjeve nga
personat/agjentët e firmës të cilët shpërndajnë në tregun lokal të qytetit të tyre (rreth 30-40%). Pjesa tjetër
shpërndahet në tregjet e hapura në Tiranë nëpërmjet personave që shesin në tezga (rreth 80%) dhe (20%) në
dyqanet e mesme (më të vegjël se 120m2) në lagjet e qytetit.
Ekzistojnë dy operatorë të mëdhenj përpunimi të cilët prodhojnë një total prej 7,500t. Një fabrikë ndodhet në
periferi të Tiranës dhe tjetra në Berat. Secila fabrikë ka një qarkullim vjetor prej 2-3M Euro dhe kapacitet prodhimi
pothuajse 3,000-4,500t fruta dhe perime me një gamë të gjerë produktesh si salcat, komposto, fruta të
konservuara, reçel, marmaladë, sallata të përziera, salcë sallate dhe perime të marinuara. Këto kompani kanë një
fluks pune të strukturuar të automatizuar me fuqi punëtore të kualifikuar prej 100 personash të punësuar me kohë
të plotë dhe 50 të tillë të punësuar vetëm gjatë kohës së korrjes. Ato marrin 80% të furnizimeve në tregun lokal por
ka një trend në rritje për disa produkte, pë të përdorur lëndë të para të importuara që zëvendësojnë produktet e
freskëta vendase.
Rasti i rëndësishëm i fabrikës “Sidnej” në Berat bën fjalë për praktikën e tyre të biznesit duke sjellë domate si lëndë
të tyre të parë (sipas intervistave, vlerësohet afërsisht 3,000t në vit) por për shkak të çmimit të lartë, mungesës së
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
21
cilësisë të standardizuar vjetore, ndërprerjes së kontratave formale dhe mungesës së logjistikës, ata tashmë
preferojnë të përdorin domate të importuara të nxjerra si lëndë e parë (vlerësuar rreth 2,500t në vit). Firma ka
bërë disa përpjekje për të lidhur kontrata me fermerët vendas por rezultuan të pasuksesshme. Duke pasur
parasysh përparësinë në shkallë tregu të markave Italiane (për salcë domatesh, komposto, marinadë) në krahasim
me produktet e freskëta më të shtrenjta, kompania ka nisur të shqyrtojë përdorimin e lëndëve të para të
importuara. Kostoja për çdo njësi është rritur me 30-35% për arsye të paketimit prej qelqi që vazhdon të
importohet prej 2-3 furnitorëve nga Bullgaria, Kroacia dhe Greqia. Në këto kompani të mëdha përpunimi ka një
strukturë të qartë organizative dhe detyrat ndahen ndërmjet menaxherëve. Megjithatë, funksionet më të
rëndësishme të marketingut, kontrollit të cilësisë dhe logjistikës kontrollohen nga drejtuesit e nivelit më të lartë.
Skema e shpërndarjes ka tendencën të shmangë ndërmjetësit/tregtarët e shitjeve me shumicë me qëllim që të
arrijë direkt tek tregtarët e shitjeve me pakicë.
Zinxhiri i Vlerës/Palët e interesit në Procesin e Shpërndarjes
Ekzistojnë rreth 30 tregtarë të mëdhenj të shitjeve me shumicë, 15 të vendosur në Tiranë dhe 10-15 në qytete
sekondare. Bazuar në vizitat dhe intervistat rezulton se përpunuesit e vegjël kanë një linjë të drejtpërdrejtë të
shitjes në dyqanet e vogla dhe konsumatorët. Kompanitë e mesme përdorin shpërndarjen e drejtpërdrejtë përmes
shitësve të tyre për të shpërndarë 40% të produkteve të tyre tek tregtarët e shitjeve me shumicë ndërkohë që 60%
u dërgohet tregtarëve të shitjeve me pakicë. 80% e pjesës që shkon tek tregtarët e shitjeve me pakicë shitet në
tregje (dyqanet më të mëdha në lagjet e qytetit, më të vegjël se 120 m2) por shpërndarja në supermarkete është e
vështirë (sipas intervistave). Megjithëse 7,000 konsumatorë arrihen nga tregtarët e shitjeve me shumicë (për një
markë të mesme), gjatë intervistave, pjesëmarrësit deklaruan se në këto 3-5 vitet e fundit është vënë re një rënie e
trendit (10-20%) në përdorimin e tregtarëve të shitjeve me shumicë/ndërmjetësve. Sipas një drejtori supermarketi
të shitjeve zinxhir, diferenca e çmimeve përmes tregtarëve të shitjeve me shumicë është 3-4% më e lartë. Ai
gjithashtu vuri në dukje se shitjet në segmentin e tyre të shitjeve me shumicë kishin rënë me 5-10%. Duke marrë
parasysh se artikujt e përpunuar (sipas një shitësi të një kompanie të mesme) në vitin e kaluar janë rritur me 10%,
trendi duket i justifikuar dhe ka shumë të ngjarë që do të vazhdojë.
Kufizimet
MBI FURNIZIMIN:
Mungesa e furnizimit për përpunuesit e mëdhenj (serrat+konsolidimi i përpunuesve të mesëm ose
dështimi në biznes)
Mungesa e kapacitetit ruajtës/ftohës për të siguruar furnizim gjatë gjithë vitit (IPARD)
Mungesa e standardeve të duhura në prodhim dhe zbatimi i ligjeve në fuqi
Mungesa e aftësive për të përgatitur produkte me cilësi për sektorin e përpunimit
Mungesa e aftësive të duhura menaxheriale në të gjithë zinxhirin
Mungesa e «atraktivitetit» për këtë sektor ndërmjet të rinjve
MBI KËRKESËN:
Mungesa e strategjisë së marketingut në lidhje me Produktin, Çmimin, Vendin (ose kanalet e
shpërndarjes), Promovimin, Përpunimin, Njerëzit, Prezantimin, nuk ka rimëkëmbje afatgjatë/qasje
agresive. Alternativat: Kooperativat e marketingut - zinxhirët ndër-shtresorë të vlerës së ushqimit,
përshtatja e çmimeve, etj.;
Shumë përpunues të vegjël, të paregjistruar, të cilët ulin çmimet. Kooperativat e përpunimit – zinxhiri i
interesave, eliminimi i termave fito-humb, kultivuesi/grumbulluesi ka njësi përpunimi: reçelra të bëra në
shtëpi, pije alkolike, salcat
RisiAlbania– Dokument i Projektit 2013 – 2017, Aneksi 11: Analiza e Sektorit të Parë – Agro-përpunimi
22
Mungesa e stimulimit të kërkesës, shumëllojshmëria, probleme të markave, parashikime për produkte të
reja, anketimet e konsumatorëve, etj., futja e produkteve me “vlerë të shtuar” tek Shqiptarët, ushqime
specialiteti
Tregu i fragmentuar (shumë e vështirë për të rregulluar luhatjet e kërkesave sezonale)
E njëjta gamë produktesh nga të gjithë përpunuesit (përpunuesit të mëdhenj dhe të vegjël prodhojnë të
njëjtat produkte)
Futja lehtësisht e markave të huaja nga vendet fqinje
Teknologjia e vjetëruar (në pikën e mbijetesës)
Mungesa e qeverisjes efektive lidhur me zbatimin e standardeve të vëna, monitorimit të performancës
(kapaciteti prodhues i lëndëve të para) në zinxhir, mungesa e bashkëpunimit.
Aneksi 3: Raport i Sektorit të Bimëve Mjekësore dhe Aromatike (BMA)
Hyrje
Sektori i bimëve mjekësore dhe aromatike fokusohet (99.8%) në tregun e eksportit. Qarkullimi është rreth 21M
Euro (INSTAT, përfshirë vajin nga farërat dhe ushqimin për kafshët). Vëllimi i përgjithshëm i prodhimit për vitin
2012 ishte 11,000 T, ndërkohë që norma e rritjes së eksportit për periudhën 2011-2012 ishte 16%. Përdorimi
përfundimtar i produkteve të MAP është industria e ushqimit, kozmetike dhe farmaceutike. Aktiviteti i sektorit
përfshin dhe ndikon në zonat rurale dhe ndonjëherë është burimi kryesor i të ardhurave për familjet e varfra të
fshatit. Numri i personave të punësuar është rreth 80,000. Midis tyre 48,000 (60%) janë të rinj dhe 33,600 janë gra.
Produktet kryesore të eksportuara të MAP janë: sherbela (me një fluks të vlerësuar 2,500t-3,000t në vit),
shtërmeni (rreth 600-700t në vit), molla e egër (600t-800t në vit) dhe trumza e butë (rreth 200t). Tre tregjet
kryesore ku eksportohen produktet e MAP sipas të dhënave nga Qendra Shqiptare për Tregtinë Ndërkombëtare
(ACIT) janë Gjermania (39%), Turqia (15%) dhe SHBA (14%). Gjermania dhe Turqia nuk janë tregjet përfundimtare;
pas përpunimit të produkteve nëpërmjet teknologjisë moderne ata i eksportojnë sërish në SHBA. Çmimi i MAP
është shumë konkurrues në tregun ndërkombëtar.
Zinxhiri i Vlerës
Zinxhiri i vlerës së MAP përbëhet nga furnitorët, grumbulluesit, përpunuesit dhe eksportuesit. Furnitorët e lëndëve
të para ndahen në korrës dhe kultivues:
Korrësit: pjesa më e madhe e produkteve të MAP grumbullohen nga bimësia e egër. Fermerët grumbullojnë bimët
në zonat ngjitur me pronat e tyre dhe më pas i vënë ato të thahen mbi shtresa plastike në dyshemenë e shtëpisë së
tyre ose jashtë nën rrezet e diellit. Bimët e thara mbështillen më pas në tufa dhe u shiten grumbulluesve. Ata
mund të korrin 60% të kapacitetit të brendshëm të MAP për shkak të depopullimit të disa zonave. Numri i korrësve
është 70,000.
Kufizimet:
1. Procedurat e dobëta të korrjes, periudha e gabuar e korrjes
2. Procedurat e dobta pas procesit të korrjes; tharja, ruajtja, mungesa e higjenës, ndotja nga salmonella, etj.
Çështjet Kryesore:
1. Vëllime të ulta për disa vlera të shtuara të larta për MAP, vlera të shtuara mesatare për disa MAP të tjera
2. Pothuajse të gjithë rajonet kanë konsoliduesit e tyre të cilët operojnë në zona specifike që zakonisht
blejnë nga grumbulluesit (pa kontratë)
3. Pagesa e plotë në momentin e blerjes praktikohet më shpesh, megjithëse lojtarët që kërkojnë sasi më të