10 Grandes Mulleres galegas

10 MULLERES GALEGAS

8 DE MARZO DÍA DA MULLER TRABALLADORA

Pintoras

Escritoras

Heroínas

Biólogas

Artistas

AlpinistasXuristas

Xornalistas

MARÍA PITA(heroína)Esta coruñesa fíxose célebre pola súa participación na defensa da cidade fronte á frota inglesa dirixida por Drake en 1589. Cando os ingleses estaban a piques de entrar na Coruña, María Pita logrou derribar ao pirata animando aos defensores e forzando a retirada dos asaltantes.

Na actualidade, a praza do concello da Coruña leva o seu nome e está presidida por unha estatua na que María Pita aparece empuñando unha lanza.

Enma

ROSALÍA DE CASTRO(escritora)

Alba

Rosalía de Castro (Santiago de Compostela , 1837 – Padrón , 1885) foi unha escritora coa que se inicia o Rexurdimento da literatura galega. Grazas aos seus poemarios converteuse na escritora máis coñecida do idioma galego.

Rosalía teimou a contracorrente ao escribir en galego e sintonizou literariamente cos máis desfavorecidos e coas mulleres.

No 2013 conmemorouse o 150 aniversario da publicación de Cantares Gallegos, a primeira obra mestra da literatura galega contemporánea.

ÁNXELES ALVARIÑO(bióloga)

Ánxeles Alvariño (Ferrol, 1916 – California, 2005) estudou Ciencias Naturais e foi Doutora en Química Analítica e Ecoloxía Vexetal. Exerceu como bióloga ocanográfica e foi a primeira muller a bordo dun barco británico de investigación en calidade de científica.

Participou en varias expedicións no Atlántico e no Pacífico. E efectuou investigacións sobre o plancto, os peixes e as correntes do océano.

Obtivo a Medalla de Prata de Galicia por ser unha das mulleres máis destacadas no mundo da ciencia.

Aitana

CONCEPCIÓN ARENAL(xurista)

Concepción Arenal (Ferrol,1820 – Vigo,1893), é bastante probable que asistise ás clases de Dereito da universidade disfrazada de home, xa que nese momento non se permitía legalmente o acceso das mulleres aos estudos superiores en España.

Foi a primeira muller que recibiu o título de Visitadora de Cárceres de mulleres e velaba polos seus dereitos e polo seu benestar. Por todos isto, moitos consideran que con ela nace o feminismo en España.

Sheila

SOFÍA CASANOFA(xornalista)

Sofía Casanova (A Coruña, 1861 – Poznan, 1958) residiu en moitos países e chegou a dominar oito linguas diferentes.

Foi a primeira muller correspondente de guerra e sempre manifestou unha postura pacifista e antibélica. Traballou como xornalista enviando crónicas desde as frontes de batalla para o diario ABC e colaborou en numeros xornais.

En 1952 a Real Academia Galega concedeulle o título de Académica de Honra.

Miguel

UXÍA SENLLE(cantante)

Uxía Senlle (Mos, 1962) destaca pola creación de espectáculos sobre a canción de mulleres e o ámbito de lusofonía, como por exemplo Cantos na Maré.

Con só vinte e catro anos publicou o seu primeiro álbum, Foliada de Marzo.

Representou á Televisión de Galicia en 1991 nun certame de televisións rexionais, e a Galicia na Expo 98 de Lisboa e no Liet Inernational en 2004.

O seu maior éxito chegou co álbum Estou vivindo no ceo, co que se fixo coñecida en Europa, e que supón unha renovación da canción tradicional galega.

Adrián

MARÍA CASARES(actriz)

María Casares (A Coruña, 1933 – París, 1996) tivo que exiliarse a Francia coa súa familia e estudou interpretación no Conservatorio de París. Obtivo moito éxito nas súas representacións teatrais e co cine fíxose moi popular.

Como recoñecemento á súa carreira, recibiu numerosos premios tanto en Francia como en España.

Un ano despois da súa morte, creáronse en Galicia os Premios María Casares co obxectivo de destacar o labor dos profesionais do teatro galego.

Carmen

CHUS LAGO(alpinista)

Chus Lago (Vigo, 1964) estreouse como alpinista no Vixiador (preto de Vigo) cando tiña once anos, e continuou nos Pirineos, nos Andes, en Kenia e no Himalaia.

En 1999 foi a primeira muller española e a terceira do mundo en escalar o monte Everest sen axuda de osíxeno artificial.

En 2009 converteuse na primeira española en alcanzar o Polo Sur tras 59 días de travesía en solitario pola Antártida.

Paz

FINA CASALDERREY(escritora)

Yago

Fina Casalderrey ( Xeve, 1959) é unha escritora galega premiada en numerosas ocasión pola súa obra literaria adicada ao máis xóvenes. Entre eles, destaca o Premio Nacional de Literatura Infantil e Xuvenil.

Os seus libros foron traducidos a trece linguas.

Foi nomeada académica da RAG (Real Academia Galega).

MARUXA MALLO( pintora)

Maruxa Mallo (Viveiro, 1902 – Madrid, 1995) é a máis recoñecida das artistas galegas do século XX. Estudou Belas Artes en Madrid e relacionouse con poetas e artistas da chamada Xeración do 27.

Era unha muller moderna que andaba en bicicleta, facía deporte, asistía aos cafés e aos eventos e faladoiros literarios.

Como recoñecemento á súa carreira recibiu numerosos premios, entre eles a Medalla de Ouro das Belas Artes.

Ainoa

CEIP de Maciñeira

4º de Educación Primaria

Curso 2016/17