AZƏRBAYCAN RESPUBLİKASININ DÖVLƏT İMTAHAN MƏRKƏZİ YADDAŞ KİTABÇASI (Ümumi orta (9-illik) təhsil səviyyəsi üzrə ümumtəhsil müəssisələrində təhsilalanların biliyinin yekun qiymətləndirilməsi imtahanının I mərhələsi) Aşağıdakıları imtahana gətirmək qadağandır: İmtahan binasına giriş zamanı üzərində mobil telefon və digər rabitə vasitələri, konspekt və başqa yardımçı vasitələr aşkar olunan şagirdlər barədə akt tərtib olunur, bu vasitələr və onların imtahan sənədləri götürülür və onlar imtahan binasına buraxılmırlar. 2018
21
Embed
'РАЗЫЛАШДЫРЫЛЫБ' ' ТЯСДИГ ЕДИРЯМ'dim.gov.az/upload/iblock/f7f/f7f613ad4c3114e... · 4. “İmtahan başlandı!” elan edilən andan test tapşırıqlarının
This document is posted to help you gain knowledge. Please leave a comment to let me know what you think about it! Share it to your friends and learn new things together.
Transcript
AZƏRBAYCAN RESPUBLİKASININ
DÖVLƏT İMTAHAN MƏRKƏZİ
YADDAŞ
KİTABÇASI (Ümumi orta (9-illik) təhsil səviyyəsi üzrə ümumtəhsil müəssisələrində təhsilalanların
biliyinin yekun qiymətləndirilməsi imtahanının I mərhələsi)
Aşağıdakıları imtahana gətirmək qadağandır:
İmtahan binasına giriş zamanı üzərində mobil telefon və digər
rabitə vasitələri, konspekt və başqa yardımçı vasitələr aşkar
olunan şagirdlər barədə akt tərtib olunur, bu vasitələr və onların
imtahan sənədləri götürülür və onlar imtahan binasına
buraxılmırlar.
2018
2
ƏZİZ ŞAGİRDLƏR!
Azərbaycan Respublikası Dövlət İmtahan Mərkəzi (DİM) biliyin yekun
qiymətləndirilməsi mərhələsində sizə uğurlar arzulayır!
DİM-in məqsədi imtahanda biliklərinizi nümayiş etdirmək üçün sizə rahat şərait
yaratmaq, şəffaflığı, aşkarlığı və obyektivliyi təmin etməkdir.
Yüksək bilik nümayiş etdiyiniz və imtahanın texnoloji tələblərinə düzgün əməl
etdiyiniz təqdirdə uğur qazanacağınıza tamamilə əmin ola bilərsiniz.
İMTAHANDA İŞTİRAK ETMƏK ÜÇÜN AŞAĞIDAKILARA
ƏMƏL ETMƏLİSİNİZ:
1. Siz imtahan günü buraxılış vərəqənizdə göstərilən vaxtda imtahan verəcəyiniz
binanın qarşısına gəlməli (bina haqqında məlumat imtahana buraxılış vərəqənizdə
göstərilmişdir), özünüzlə mütləq qara və ya tünd göy rəngdə yazan, mürəkkəb
axıtmayan diyircəkli qələm, çertyoj alətlərini (xətkeş, pərgar və transportir) və
aşağıdakı sənədləri gətirməlisiniz:
- "İmtahana buraxılış vərəqəsi"ni;
- şəxsiyyəti təsdiq edən sənədin əslini:
a) Azərbaycan Respublikasının vətəndaşları (16 yaşı tamam olmayan
şagirdlər də daxil olmaqla) şəxsiyyət vəsiqəsini;
b) əcnəbilər və vətəndaşlığı olmayan şəxslər Dövlət Miqrasiya
Xidməti tərəfindən verilmiş icazə vəsiqələrini, qaçqın statusu
almış xarici vətəndaşlar və onların ailə üzvləri isə qaçqın
vəsiqələrini;
- Şəxsiyyət vəsiqəsində şəkli olmayan şagirdlər digər sənədlərlə
yanaşı, təhsil müəssisəsi tərəfindən verilmiş və fotoşəkilləri
yapışdırılmış arayışı (arayışa şagirdin 3x4sm ölçülü şəkli yapışdırılır
və şəkil möhürlə təsdiqlənir)
DİQQƏT! Göstərilən sənədlərdən biri olmadıqda və ya sənədlər arasında
uyğunsuzluq olduqda imtahana buraxılmayacaqsınız!
2. Göstərilən sənədləri imtahan binasının giriş qapısında buraxılış rejimini həyata
keçirən mühafizə əməkdaşlarına təqdim edib yoxlamadan keçdikdən sonra imtahana
buraxılış vərəqənizdə göstərilmiş müvafiq kodlu zala gedin.
ŞAGİRDİN İMTAHAN ZALINDA GÖRƏCƏYİ İŞLƏR: 1. İmtahan zalında imtahana buraxılış vərəqənizdə göstərilən sıra və yerdə oturduqdan
sonra nəzarətçinin izahatını diqqətlə dinləyin. Aydın olmadıqda əlinizi qaldırıb
nəzarətçiyə müraciət edin.
2. Nəzarətçinin imtahanda davranış qaydaları və texnoloji tələblərlə bağlı izahat işi
qurtardıqdan sonra sizə ana dili və riyaziyyat fənlərinin hər biri üzrə üzərində
soyadınınz, adınız və ata adınız çap edilmiş cavab vərəqləri eyni vaxtda təqdim
edilir. Cavablarınızı qara və ya tünd göy rəngdə yazan, mürəkkəb axıtmayan
3
diyircəkli qələmlə yazın. Cavab vərəqləri optik qurğu vasitəsilə oxunur. Onlarla
işləyərkən ehtiyatlı olun. Cavab vərəqlərində lazımsız qeydlər aparmayın. Cavab
vərəqlərini (varsa inşa vərəqlərini) əzmək, ləkələmək, zədələmək və cırmaq olmaz.
DİQQƏT! Korlanmış cavab vərəqləri dəyişdirilmir.
Cavab vərəqlərinin 1-ci bölmələrində (nümunələrə baxın) iş nömrəniz, soyadınız,
adınız, atanızın adı, sizə təqdim olunacaq sual kitabçasının variantı və digər
məlumatlar çap edilmişdir. Özünüz haqqında çap edilmiş şəxsi məlumatları yoxla-
yın. Uyğunsuzluq aşkar etdikdə mütləq nəzarətçiyə müraciət edin.
Cavab vərəqlərinin 2-ci bölmələrində verilmiş bəyannaməni oxuyun və
imzalayın. Bununla siz birinci bölmədə soyadı, adı və ata adı çap edilmiş şəxs
olduğunuzu təsdiq edir, əks təqdirdə qanunvericiliyə uyğun məsuliyyət
daşıyacağınız barədə üzərinizə öhdəlik götürür və imtahan zamanı cavabları
köçürməyəcəyinizə, başqalarının da sizdən köçürməsinə şərait yaratmayacağınıza
dair söz verirsiniz. “Şagirdlərin nəzərinə” bölməsindəki qaydalarla diqqətlə tanış
olun və onlara əməl edin.
3. Bundan sonra üzərində sizin iş nömrəniz, soyadınız, adınız, ata adınız çap edilmiş,
cavab vərəqlərinin birinci bölməsində göstərilmiş varianta uyğun sual kitabçası
paylanır.
DİQQƏT! Təqdim olunan sual kitabçası sizə məxsus deyilsə, dərhal
nəzarətçiyə müraciət edin.
Nəzarətçi sual kitabçasını açmağa icazə verdikdən sonra onu vərəqləyərək çap
qüsurlarının olub-olmadığını yoxlayın. Bu cür qüsurlar olarsa, onların aradan
qaldırılması üçün nəzarətçiyə müraciət edin.
4. “İmtahan başlandı!” elan edilən andan test tapşırıqlarının cavablandırılması üçün
ayrılan 2 saat vaxtdan səmərəli istifadə edin. Sizə ana dili fənnindən oxuyub-
anlama və yazı bacarıqlarınızı yoxlamaq məqsədilə 10 açıq və 10 qapalı tipli,
riyaziyyat fənnindən riyazi bacarıqlarınızı yoxlamaq məqsədilə 10 açıq tipli,
ümumilikdə isə 30 test tapşırığı təqdim edilir. Ana dili fənni üzrə təqdim olunan 20
test tapşırığı 2 mətn əsasında tərtib olunmuş test tapşırıqlarıdır. Bu test
tapşırıqlarından 1-10-cu tapşırıqlar 1-ci mətnə, 11-20-ci tapşırıqlar 2-ci mətnə
aiddir. 6–10 və 16–20-ci tapşırıqlar açıq tipli, digər tapşırıqlar isə qapalı tipli
tapşırıqlardır. Riyaziyyat fənni üzrə təqdim olunan 10 test tapşırığından 1-7-ci
tapşırıqlar sərbəst tapşırıqlar, 8-10-cu tapşırıqlar isə qoyulan situasiya məsələsinə
aid tapşırıqlarıdır.
Qapalı tipli (verilən cavab variantlarından doğru cavabın müəyyənləşdirilib qeyd
edilməsi tələb olunan test tapşırıqları) test tapşırıqlarında hər suala verilmiş beş
cavabdan (bunlar A, B, C, D, E hərfləri ilə işarələnmişdir) düzgün hesab etdiyiniz
yalnız bir cavabı seçin və cavab vərəqində ona uyğun dairəni qaralayın.
Cavablarınızı qeyd edərkən dairələri tam qaralayın (nümunə:), vərəqin əks
4
üzünün qabarmaması üçün qələmi bərk basmayın. Əgər bir suala cavab olaraq
birdən çox dairə qaralanarsa, həmin cavab səhv hesab edilir. Açıq tipli (cavab
variantları verilməyən, doğru cavabın müəyyənləşdirilib yazı ilə ifadə olunması
tələb edilən test tapşırıqları) test tapşırıqlarının cavablarını cavab vərəqində o sual
üçün ayrılmış hissəyə çərçivədən kənara çıxmadan səliqəli və oxunaqlı xətlə yazın.
Səhv cavabların nəticələri düzgün cavablara təsir göstərmir.
5. İmtahanın başlandığı elan edilən andan ayrılan 2 saat vaxtdan səmərəli istifadə
etməlisiniz. Cavabların cavab vərəqində qeyd olunması (uyğun dairələrin
qaralanması və cavabların onlar üçün ayrılmış çərçivələr daxilində yazılması) üçün
sərf olunan vaxt da bu müddətə daxildir.
Unutmayın ki, nəticələriniz hesablanarkən yalnız cavab vərəqlərində qeyd olunan
cavablar nəzərə alınır.
DİQQƏT! Başqasının cavablarını köçürməyin. Özünüz də diqqətli olun ki,
sizin cavablarınızı heç kim köçürməsin. Nəticələriniz yoxlanarkən xüsusi
araşdırma zamanı köçürmə faktı aşkar edilərsə, həm köçürənin, həm də
köçürməyə şərait yaradanın imtahan nəticələri ləğv olunacaqdır.
6. Hesablamalarınızı və qeydlərinizi cavab vərəqində hər bir tapşırıq üçün nəzərdə
tutulmuş yerlərdə yazın. Əlavə kağızdan istifadə etməyə icazə verilmir.
7. İmtahan başlandıqdan etibarən 1 saat müddətində və imtahanın son 15 dəqiqəsi
ərzində imtahan zalından çıxmaq qadağandır. Qalan vaxt ərzində imtahandan çıxan
şagirdlər cavab vərəqləri ilə birlikdə sual kitabçasını da nəzarətçiyə təhvil
verməlidir.
8. İmtahan başlandığı andan 2 saat müddət keçdikdən sonra imtahanın qurtardığı
elan edilir. Cavab vərəqləri və sual kitabçası zal nəzarətçisi tərəfindən yığılır.
Qeyd1: Təhsil aldıqları məktəb tərəfindən “Şagird-məzun” sistemində
müvafiq bölməyə inşa yazmaq istədikləri qeyd olunan şagirdlərə cavab vərəqləri
və sual kitabçaları yığıldıqdan sonra üzərində şagirdin iş nömrəsi, soyadı, adı
və ata adı çap edilmiş inşa vərəqləri paylanır və inşa (esse) yazmaları üçün
30 dəqiqə vaxt verilir. Şagird inşa vərəqində təqdim olunan mövzulardan
birini seçməklə inşa yazır. İnşadan aldığı qiymət onun ümumi orta təhsil
haqqında fərqlənmə sənədi alması üçün meyar kimi istifadə olunur.
Qeyd2: Tədris dili Azərbaycan və rus dillərindən fərqli olan ümumtəhsil
müəssisələrinin şagirdləri buraxılış imtahanını yalnız riyaziyyat fənni üzrə
verirlər. Onlara tədris aparılan dildə riyaziyyat fənni üzrə 10 açıq tipli test
tapşırığı təqdim edilir. İmtahanın müddəti 45 dəqiqədir.
9. Cavab vərəqlərini və sual kitabçasını (varsa inşa vərəqlərini) nəzarətçiyə təhvil
verdikdən sonra imtahana buraxılış vərəqəsində nəzarətçiyə imza etdirməlisiniz.
Cavab vərəqlərini və sual kitabçasını (varsa inşa vərəqlərini) nəzarətçiyə təhvil
verməsəniz, imtahan nəticələriniz ləğv olunacaqdır.
5
DİQQƏT! Cavab vərəqlərinin və sual kitabçasının (varsa inşa vərəqlərinin) təhvil
verilməsinə görə şagird şəxsən məsuliyyət daşıyır.
10. Siz cavab vərəqlərinin və sual kitabçalarının (varsa inşa vərəqlərinin) sayılıb onlar
üçün nəzərdə tutulmuş zərflərə qoyularaq bağlanmasında iştirak edib, zərflərin
üzərindəki aktı imzalaya bilərsiniz.
ŞAGİRDƏ QADAĞANDIR:
- saxta sənəd təqdim etmək;
- imtahana öz yerinə başqasını göndərmək;
- imtahan binasına (zalına) mobil telefon və digər rabitə vasitələri, kalkulyator və
digər elektron cihazlar, konspekt, lüğət, cədvəl, çanta, məlumat kitabçası, xarici
yaddaş qurğuları və başqa yardımçı vasitələr gətirmək və onlardan istifadə
etmək;
- yandırıcı, partlayıcı, kəsici, deşici, atıcı və digər bu növ əşyalarla imtahan
binasına girmək, özü ilə siqaret gətirmək;
- sual kitabçaları paylandıqdan sonra hər hansı bir səbəbə görə imtahan zalını tərk
edib yenidən geri dönmək;
- nizam-intizam qaydalarını pozmaq, zalda yerini dəyişmək, gəzişmək, yerindən
durmaq və bu kimi hallarla imtahanın gedişinə mane olmaq;
- başqasının cavab vərəqinə, sual kitabçasına (varsa inşa vərəqinə) baxmaq və ya
öz cavab vərəqinə, sual kitabçasına (varsa inşa vərəqinə) başqasının baxması
üçün şərait yaratmaq;
- “İmtahan başlandı!” elan olunan andan 1 saat müddətində və imtahanın son 15
dəqiqəsi ərzində səbəbindən asılı olmayaraq imtahan zalından çıxmaq;
- nəzarətçiyə test tapşırıqlarının həllində (varsa inşa yazmasına) kömək üçün
müraciət etmək;
- Cavab vərəqlərini və sual kitabçasını (varsa inşa vərəqini) nəzarətçiyə təhvil
vermədən imtahan zalından çıxmaq;
DİQQƏT! Şagirdin göstərilən hərəkətlərə yol verməsi halları aşkar edildikdə o,
imtahandan xaric olunur və onun imtahan nəticələri DİM tərəfindən ləğv olunur.
DİM şagirdin imtahan qaydalarına zidd hərəkətini imtahandan sonra da aşkar
etmək üçün müxtəlif üsullardan istifadə edir.
Əgər Siz imtahan zamanı qaydaların pozulması halları ilə rastlaşsanız, mütləq
nəzarətçiyə müraciət edin, nəzarətçi lazımi ölçü götürməzsə, imtahan rəhbərinin və
ya DİM-in nümayəndəsinin zala gəlməsini tələb edin.
Nəzarətçi müəllimlər qeyri-fənn müəllimləridir. Onların vəzifəsi imtahanın gedişi
zamanı nizam-intizam yaratmaqdır. İmtahanın başlandığı elan edildikdən sonra
Sizin onlara sual verməniz, onların Sizə yaxınlaşıb hər hansı bir məlumat almaq
üçün müraciət etməsi imtahan qaydalarına ziddir.
Nəzarətçi müəllimlərin fəaliyyəti imtahan prosesinin tələblərinə uyğun olmazsa,
bu barədə imtahan rəhbəri zala gəldikdə ona məlumat verin. Siz imtahan binasından
çıxdıqdan sonra imtahanın gedişi ilə əlaqədar şikayətlərinizə baxılmayacaqdır.
Sizə müvəffəqiyyətlər arzulayırıq!
6
Azərbaycan dili üçün cavab vərəqi nümunəsi
7
8
9
10
Riyaziyyat üçün cavab vərəqi nümunəsi
11
12
13
14
Rus dili fənni üçün cavab vərəqi nümunəsi
15
16
17
18
Riyaziyyat fənni üçün (rus bölməsi) cavab vərəqi nümunəsi