lwyddyn Newydd Dda oddiwrth staff AVS€¦ · Llais Myrddin | Gaeaf 2014 / 15 | Rhifyn 61 Gaeaf 2014/15 Rhifyn 61 lwyddyn Newydd, Addunedau lwyddyn Newydd: dechrau gwirfoddoli yn

Llais Myrddin | Gaeaf 2014 / 15 | Rhifyn 61

Gaeaf 2014/15 ◊ Rhifyn 61

Blwyddyn Newydd, Addunedau Blwyddyn Newydd:

dechrau gwirfoddoli yn 2015! Bu’r Ganolfan Gwirfoddoli yn gyson brysur yn delio ag ymholiadau gan ddarpar wirfoddolwyr a mudiadau sy’n defnyddio gwirfoddolwyr. Mae nifer cynyddol o bobl ifanc yn dewis gwirfoddoli, ac mae llawer ohonynt yn manteisio ar y cyfle i fod yn Wirfoddolwyr y Mileniwm a gweithio tuag at achrediad MV sy’n cydnabod eu hymrwymiad a’u hymlyniad. Mwy o fanylion ar dudalen 3

Blwyddyn Newydd, Technoleg Newydd—sesiynau gyda CAVS yng Nghaerfyrddin

KITe: Cysylltu, cyfathrebu a chyfarwyddo â ffrindiau, teulu, y gymuned, y byd. Mae Kite yn brosiect sydd yn cynnig hyfforddiant, cyngor ac arweiniad i bobl hŷn mewn sgiliau cyfrifiadurol sylfaenol. Nod y prosiect

yw cefnogi pobl hŷn ar draws Sir Gâr i gael eu cynnwys mewn byd sy’n dod yn fwy a mwy digidol ac i fod yn weithgar ynddo.

Ydych chi newydd gael cyfrifiadur neu dabled newydd yn anrheg Nadolig? Neu efallai y gwnaethoch adduned Blwyddyn Newydd i geisio meistroli offer fu gennych ers tro? Manteisiwch ar gefnogaeth a hyfforddiant digidol rhad ac am ddim KITe er mwyn cymryd y camau cyntaf. Gallwch drefnu gwers un-i-un, ymuno â chwrs dechreuwyr neu fynd i’r sesiwn gyfrifiadurol galw heibio. Er mwyn cael mwy o wybodaeth, ewch i dudalen 8

Blwyddyn Newydd Dda oddiwrth staff CAVS

Diolch…..mawr iawn Hoffem ddymuno Blwyddyn Newydd Dda iawn i’n holl wirfoddolwyr sy’n gwneud gwahaniaeth mor gadarnhaol i’w cymunedau ar hyd a lled y Sir. Mwynhewch 2015!

Cymdeithas

Gwasanaethau

Gwirfoddol

Sir Gâr

Newyddion a Gwybodaeth ar gyfer Sector Gwirfoddol Sir Gâr

Llais Myrddin | Gaeaf 2014 / 15| Rhifyn 61 2

Swyddfa CAVS yn Llanelli:

10 Stryd Ioan

LLANELLI

SA15 1UH

[email protected]

Dyddiad ar gyfer y rhifyn nesaf Anfonwch eich cyfraniadau ar gyfer Llais Myrddin Gwanwyn 2015 at Admin erbyn Dydd Mawrth, 17eg Mawrth 2015. Ebostiwch [email protected] neu ffoniwch 01267 245555.

Cyfarfodydd Rhwydwaith Trefnwyr Gwirfoddolwyr Sir Gâr

2015

Dydd Mercher 11eg Mawrth 2015

Dydd Mercher 15fed Gorffennaf 2015

Dydd Mercher 14eg Hydref 2015

10.30 am – 12.30 pm

Yn Y Mwnt, 18 Heol y Frenhines, CAERFYRDDIN SA31 1JT

Ebost: [email protected]

Y Mwnt

18 Heol y Frenhines

CAERFYRDDIN

SA31 1JT

01267 245555 [email protected] / www.cavs.org.uk

Cyfraddau Ystafelloedd Cyfarfod (9 a.m. — 5 p.m.)

Masnachol Grŵp

Cymunedol

Grŵp Cymunedol

sydd yn aelod o

CAVS

Hanner

Dydd

£54.00 £42.00 £31.00

Dydd

Llawn

£100.00 £73.00 £55.00

Gellir hurio ystafelloedd fesul awr

Sesiynau nôs a penwythnos ar gael

mailto:[email protected]:[email protected]:[email protected]:[email protected]://www.cavs.org.uk

3 Llais Myrddin | Gaeaf 2014 / 15 | Rhifyn 61

Os hoffech wybod mwy am sut allai gwirfoddoli eich helpu chi a’ch cymuned cysylltwch â: Chanolfan Gwirfoddoli CAVS 01267 245555 [email protected] neu [email protected]

Newyddion Canolfan Gwirfoddoli CAVS

Llongyfarchiadau i’n cydweithwyr Fflur Hughes a Matthew

Lawlor ar enedigaeth eu mab annwyl, Tomos Ifan, ym mis

Hydref 2014.

Bydd Fflur ar Gyfnod Mamolaeth tan y Gwanwyn. Yn y

cyfamser, mae ei rôl Gwirfoddoli Ieuenctid yn cael ei rhan-

nu rhwng Bill a Jane.

GWIRFODDOLI— MYND I BEDWAR BAN!

O fewn tuag awr o lanio yn Awstralia, darganfu Cynorthwy-ydd Gweinyddol CAVS, Sandra Williams, ei hun y tu allan i fersiwn Sydney o CAVS! Prawf pellach fod gwirfoddolwyr yn hollbwysig ledled y byd.

Yn ddiweddarach ar ei thaith, bu Sandra yn Brisbane a daeth ar draws arddangosiad ‘Colour Me Brisbane' a

adeiladwyd ar gyfer Uwchgynhadledd y G20 a gynhaliwyd yno ym mis Tachwedd 2014.

Cafodd yr arddangosiad ei godi gan wirfoddolwyr sy’n cynrychioli 9 o gymdeithasau cymunedol Queensland. Codwyd pob un o’r llythrennau 3 metr o uchder gan gangen leol y Queensland Men’s Sheds Association (QMSA). Mae QMSA yn fudiad gwirfoddol sy’n cyfrannu at nifer o weithgareddau sy’n hybu iechyd dynion. Dechreuodd cynllun y Men’s Sheds yn Awstralia ac fe ffurfiwyd grwpiau yng Nghymru, gan gynnwys un yn Llanelli ac yn arall yng Nglan y Fferi.

Byd bach yn wir!

Canolfan Gwirfoddoli CAVS Ystadegau ar gyfer 2014 Hyd at ddiwedd Tachwedd bu tîm y Ganolfan Gwirfoddoli yn gweithio ar: 550 o atgyfeiriadau o’r wefan 770 o ymholiadau yn y Ganolfan Gwirfoddoli 340 o gyfweliadau gyda gwirfoddolwyr 135 o Wirfoddolwyr y Mileniwm newydd yn cael eu cofrestru Mae nifer o wirfoddolwyr ifanc wedi cael Tystysgrifau MV i gydnabod yr amser a roesant i wirfoddoli yn ystod 2014: 62 Tystysgrif 50 awr 39 Tystysgrif 100 awr 12 Gwobrau Rhagoriaeth 200 awr

mailto:[email protected]:[email protected]

Llais Myrddin | Gaeaf 2014 / 15| Rhifyn 61 4

LLWYBRAU PORFFOR

Blwyddyn Newydd Dda i bawb

Efallai eich bod wedi sylwi dros yr ychydig fisoedd diwethaf na fu llawer o wasanaethau chwarae yn eich ardal. Cawsom lawer o hwyl yn ystod ein prosiect gydag arian gan y Gronfa Loteri Fawr oedd yn cynnig cyfleoedd chwarae mynediad agored i 15,000 o blant a phobl ifanc mewn sawl rhan o Sir Benfro a Sir Gaerfyrddin dros y 4 blynedd diwethaf.

Gwyddom fod y plant y buom yn gweithio â nhw wedi dysgu sgiliau newydd ac y cawsant y rhyddid i chwarae ym myd natur, archwilio eu creadigrwydd a chael amser wrth eu boddau. Roeddem eisiau sicrhau bod y prosiect yn parhau, a dyma rydym yn ei wneud:

Ar hyn o bryd mae Llwybrau Porffor yn gweithio yng Nghanolfannau Teuluoedd Morfa a Felin-foel yn Sir Gaerfyrddin ac rydym yn cynnig sesiynau mewn 4 ardal yn Sir Benfro pan mae’r tywydd yn caniatáu (Cilmaen, Penfro, a Doc Penfro & Hwlffordd).

Fel y gwelwch mae’n ddarpariaeth wahanol iawn i’r un ychydig fisoedd yn ôl, ond rydym yn falch iawn ein bod wedi gallu parhau i hyrwyddo ac eiriol dros Chwarae Plant yn y ddwy sir. Gwyddom ei bod yn rhan bwysig o fywyd plentyn i allu chwarae’n rhydd yn eu hardal leol, ac ymgorfforir hawl plant i chwarae yn yr UNCRC (Hawliau’r Plentyn y Cenhedloedd Unedig).

Gallwch logi ein gwasanaethau: Ysgolion – sesiwn amser cinio am £85.00 Hyfforddiant Goruchwylwyr Amser Cinio ar gael Sesiwn yn eich cymuned leol - £150.00

Rydym hefyd yn llogi offer fel “Soft Play”, “Badge Machine”, “Giant Jenga”

Am fwy o manylion cysylltwch â Jackie ar 01267 245555 neu ar ebost: [email protected]

5 Llais Myrddin | Gaeaf 2014 / 15 | Rhifyn 61

Cymdeithas Gwasanaethau Gwirfoddol Sir Gâr (CAVS)

yw’r cyngor gwirfoddol sirol ar gyfer Sir Gâr. Rydyn ni’n

eich gwahodd chi i ddod yn aelod o CAVS am £20 y

flwyddyn.

Dyma fydd manteision gwych yr aelodaeth i’ch mudiad

chi:

Hawliau pleidleisio yng Nghyfarfod Cyffredinol

Blynyddol CAVS

Cyfle i fod yn un o ymddiriedolwyr CAVS

Gostyngiadau ar hurio ystafelloedd cyfarfod

Gostyngiadau ar wasanaethau llungopïo

Gostyngiadau ar gyrsiau hyfforddiant CAVS sydd â ffi

Gostyngiadau ar hurio ‘Bws’ (swyddfa symudol yn

addas ar gyfer hyrwyddo / recriwtio)

Gostyngiadau ar system PA sylfaenol

Gostyngiadau ar hurio teclyn PCC

Mae eich aelodaeth yn werthfawr i CAVS oherwydd fe fydd yn ein helpu i: ddarparu gwybodaeth a chefnogaeth ar gyfer y

sector gwirfoddol a chymunedol, grwpiau nid-am-elw a mentrau cymdeithasol yn Sir Gâr

recriwtio gwirfoddolwyr ar gyfer grwpiau yn Sir Gâr

hybu gwirfoddoli a gwaith y sector gwirfoddol ddarparu hyfforddiant, a gweithdai gwybodaeth

a rhwydweithio gefnogi grwpiau i gael eu cynrychioli yn y gwaith

o gynllunio’n strategol yn lleol ac wrth ddod i benderfyniadau.

I ymaelodi â CAVS:

Llenwch y ffurflen ar-lein

http://www.cavs.org.uk/online-membership-

form/?lang=cy

E-bostiwch [email protected] neu ffoniwch 01267

245555 gan ofyn am ffurflen aelodaeth.

CEFNOGWCH NI ER MWYN I NI EICH

CEFNOGI CHI!

Mae The Recovery Wall yn brosiect newydd cyffrous a ddatblygwyd gan WWAMH

mewn partneriaeth â CVCMedia.

Bydd y prosiect yn defnyddio cyfryngau digidol er mwyn hyrwyddo adferiad a lles. Byddwn yn gweithio gyda defnyddwyr a darparwyr gwasanaethau, gwirfoddolwyr a gweithwyr proffesiynol, pobl sy’n gwella o broblemau iechyd meddwl, a’r sawl all helpu yn y broses adfer, i adeiladu casgliad o storïau, astudiaethau enghreifftiol os mynnwch, o bobl gyffredin sydd wedi dangos nerth a dewrder anghyffredin ar y daith i wella.

Bydd y ffilmiau hyn yn helpu dangos yr effaith enfawr y mae problemau iechyd meddwl yn ei chael ar fywydau unigolion a theuluoedd, yn amlygu’r gwahanol

fathau o strategaethau a phyrth gwella y mae pobl yn dod o hyd iddynt, ac yn mynd i’r afael â’r stigma sydd ynghlwm wrth broblemau iechyd meddwl. Byddant hefyd yn syml yn rhoi gobaith i bobl fod adferiad yn bosib.

Mae pethau wedi dechrau symud, gydag arian gan Arian i Bawb y Loteri Genedlaethol. Felly, os oes gennych stori i’w hadrodd ac yn credu y gallai ysbrydoli eraill, os hoffech ymuno â ni ar ein taith, neu os ydych ond eisiau gwybod mwy am y prosiect, da chi cysylltwch!

West Wales Action for Mental Health

www.wwamh.org.uk/recoverywall

01267 238 367

http://www.cavs..org.uk/online-membership-form/?lang=cyhttp://www.cavs.org.uk/online-membership-form/?lang=cyhttp://www.cavs.org.uk/online-membership-form/?lang=cyhttp://www.wwamh.org.uk/recoverywall

Llais Myrddin | Gaeaf 2014 / 15| Rhifyn 61 6

Y Gronfa Gwirfoddoli yng Nghymru 2015-2016

Mae’n bleser gan y Gronfa Gwirfoddoli yng Nghymru gyhoeddi lansio grantiau gwirfoddoli 2015-2016. Nod y Gronfa Gwirfoddoli yng Nghymru yw: 1. Cefnogi prosiectau gwirfoddoli (yn unol â’r

diffiniad yn atodiad 1) ffurfiol sy’n anelu at recriwtio, cefnogi, hyfforddi a lleoli gwirfoddolwyr NEWYDD;

2. Hybu arferion da wrth wirfoddoli; a 3. Chefnogi datblygiad gwirfoddoli mewn meysydd

sydd heb eu datblygu’n llawn megis grwpiau nad ydynt yn cael eu cynrychioli’n ddigonol, ardaloedd sydd â llai o gyfleoedd neu fathau o gyfleoedd gwirfoddoli.

D.S.: Gall grwpiau nad ydynt yn cael eu cynrychioli’n ddigonol fod y gwirfoddolwyr a/neu fuddiolwyr y prosiect. Sut i wneud cais: Am ragor o wybodaeth ac i lwytho’r ffurflenni cais a’r canllawiau i lawr ewch i: http://www.wcva.org.uk/funding/wcva-funding/volunteering-in-wales?seq.lang=cy-GB Y dyddiad cau ar gyfer ceisiadau am grant yw 5pm ddydd Gwener 13 Mawrth 2015. Mae grantiau GwirVol hefyd wedi cael eu lansio, i gael mwy o wybodaeth am y grantiau hyn ewch i http://www.gwirvol.org/cy/mudiad/cyllid/

Cronfa Technoleg a Chyfryngau Digidol yn yr Iaith Gymraeg 2015-16

Sefydlwyd y Gronfa Technoleg a Chyfryngau Digidol yn yr Iaith Gymraeg i ddarparu grantiau i gefnogi prosiectau sy’n annog gweithgareddau sy’n ceisio hyrwyddo a hwyluso defnydd o’r Gymraeg, drwy dechnoleg a chyfryngau digidol. Prif feysydd ffocws y cynllun yw: Codi ymwybyddiaeth am feddalwedd, rhaglenni,

gwasanaethau ar-lein, offer creu cynnwys Cymraeg - a chynnwys digidol Cymraeg, neu hyrwyddo'r defnydd a wneir ohonynt.

Cefnogi'r gwaith o ddatblygu gwasanaethau digidol sydd ar gael ar-lein a meddalwedd Cymraeg.

Cynyddu faint o gynnwys digidol sydd ar gael ar-lein yn y Gymraeg.

Mae gan y rhaglen gyllideb ddangosol o £200,000 ar gael i'w dyrannu yn ystod 2015-2016. Bydd grantiau fel rheol yn amrywio o isafswm o £5,000 i uchafswm o £50,000 fesul cais; fodd bynnag, mae modd ystyried ceisiadau am symiau llai neu uwch na'r rhain. Derbynnir ceisiadau gan fudiadau sector cymunedol a gwirfoddol, elusennau, mentrau cymdeithasol, busnesau sector preifat a chyrff sector cyhoeddus yng Nghymru. Mae modd derbyn ceisiadau sy'n cynnwys consortiwm o'r mudiadau a nodwyd uchod hefyd. Dim ond ceisiadau ar gyfer gweithgareddau nad ydynt yn dod o dan gynlluniau iaith Cymraeg statudol sydd ar gael i'r ymgeisydd/ymgeiswyr a dderbynnir. Y dyddiad cau ar gyfer derbyn ceisiadau yw hanner dydd ar 30 Ionawr 2015. Am fwy o manylion ewch i: http://cymru.gov.uk/

Arian i Bawb Cymru Mae Arian i Bawb Cymru yn rhaglen grantiau bychain ar gyfer mudiadau gwirfoddol a chymunedol, gyda chefnogaeth gan y Loteri Fawr a Chronfa Treftadaeth y Loteri. Prif nod y rhaglen yw ariannu prosiectau sy’n cynnwys pobl yn eu cymunedau lleol, gan ddod â nhw at ei gilydd i gymryd rhan a mwynhau gweithgareddau treftadaeth, elusennol, iechyd, addysgol, amgylcheddol a chymunedol o bob math. Rhoddir grantiau rhwng £500 a £5,000 i ymgeiswyr llwyddiannus. Er mwyn cael mwy o wybodaeth am Arian i Bawb Cymru gallwch fynd i wefan Cronfa’r Loteri Fawr (www.biglotteryfund.org.uk/welsh) neu cysylltwch â swyddfa Cymru ar 01686 611740.

http://www.wcva.org.uk/funding/wcva-funding/volunteering-in-wales?seq.lang=cy-GBhttp://www.wcva.org.uk/funding/wcva-funding/volunteering-in-wales?seq.lang=cy-GBhttp://www.gwirvol.org/cy/mudiad/cyllid/http://cymru.gov.uk/http://www.biglotteryfund.org.ukhttp://www.biglotteryfund.org.uk/

7 Llais Myrddin | Gaeaf 2014 / 15 | Rhifyn 61

Arian i Bawb Cymru

Mae Mrs. Pat Gilbert, Cadeirydd y grŵp, yn esbonio sut mae’r arian wedi helpu’r Clwb: “Gyda llawer o gymorth gan CAVS, llwyddodd Cymdeithas Henoed Y Tymbl i gael grant Arian i Bawb i helpu trefnu teithiau dydd. Un o’r rhai mwyaf cofiadwy oedd prynhawn oer o aeaf a dreuliwyd yn mwynhau te yng Ngwesty’r Celtic Manor. Roeddem wedi cyrraedd yn gynnar i fwynhau’r awyrgylch, aeth rhai pobl i’r bar tra bod eraill wedi eistedd a gwylio’r byd yn mynd heibio. Pan ddaeth ein hamser dyma eistedd ar y ddau fwrdd hir a drefnwyd ar ein cyfer, ac edmygu’r ffordd y gosodwyd y bwrdd a’r llestri hyfryd, ac yna dewis pa fath o de neu goffi roeddem eisiau ei yfed. Yna dyma ni’n cael ein difetha’n rhacs gan staff yn cludo standiau rhenciog yn cynnwys y brechdanau a’r cacennau bach mwyaf bendigedig a welais erioed, ynghyd â bocsys cacennau ar gyfer unrhyw beth na allem ei fwyta, a sachyn sbarion crand....... ac wedyn daeth sgoniau yn ffres o’r ffwrn gyda photiau o jam a hufen....hyfryd. Roeddem yn teimlo fel y teulu brenhinol - roedd yn brynhawn cofiadwy iawn a diolch i’n grant cawsom brofiad a hanner.” Er mwyn cael mwy o wybodaeth am gyllid ffoniwch Matthew Lawlor neu Sara Edwards ar (01267) 245555 neu ar ebost [email protected] neu [email protected]

Banc Bwyd Caerfyrddin

Mae Banc Bwyd Caerfyrddin wedi bod ar agor ers 4 blynedd ac fe welsant gynnydd enfawr yn y galw. Dywedodd llefarydd ar ran y Banc Bwyd: ‘Ym mis Ebrill 2011 cafodd 10 o bobl fwyd gennym ac ym mis Ebrill eleni roedd y nifer wedi codi i 87 o bobl, a hyd yn hyn rydym wedi bwydo 1,010 o bobl yn y flwyddyn ariannol hon. Y mis yma mae’r Grŵp Seneddol Trawsbleidiol ar Dlodi Bwyd yn cyhoeddi adroddiad o’r enw ‘Feeding Britain’, sy’n cefnogi’r honiad fod tlodi gwirioneddol yn bodoli ym Mhrydain a bod Banciau Bwyd yn wasanaeth pwysig iawn i helpu pobl sy’n cael eu hunain mewn “argyfwng”.’ Mae Banc Bwyd Caerfyrddin yn dibynnu ar wirfoddolwyr i redeg yn effeithlon ac mae ganddo tua 15 o wirfoddolwyr rheolaidd sy’n rhoi eu hamser yn wythnosol i gael eu cyflenwad brys o fwyd. Mae pob gwirfoddolydd yn mynd trwy Hyfforddiant a Thrin â Llaw Banc Bwyd Ymddiriedolaeth Trussell. Mae gwirfoddolwyr hefyd wedi cael hyfforddiant ychwanegol gan CAVS ar “Gadw’n Ddiogel” a “Chyfrinachedd”, oedd yn sesiynau defnyddiol iawn. Mae gan y Banc Bwyd gasgliad o wirfoddolwyr hefyd sy’n helpu mewn digwyddiadau arbennig fel Casgliad Bwyd Cenedlaethol Tesco a digwyddiadau arbennig eraill. Mae man casglu bwyd yn y Dderbynfa yn CAVS, ac mae’r Banc Bwyd ei hun y tu ôl i Ale Bowlio Xcel yn Nhreioan, Caerfyrddin. Er mwyn cael mwy o wybodaeth am Fanc Bwyd Caerfyrddin, ffoniwch 01267 225996 neu 232101.

Mae’r Tîm Datblygu yn CAVS yn gweithio gyda nifer o fudiadau ar draws y sir i’w helpu i gyflwyno ceisiadau i Arian i Bawb. Un o’r mudiadau llwyddiannus oedd Cymdeithas Henoed Y Tymbl, a gafodd arian er mwyn trefnu cyfres o deithiau dydd i aelodau’r clwb.

http://www.biglotteryfund.org.uk/

Llais Myrddin | Gaeaf 2014 / 15| Rhifyn 61 8

Prosiect KITe Rhagor o fanylion ar y tudalen blaen

Gwers un-i-un RAD AC AM DDIM: Trefnwch wers un i un ym mis Ionawr neu Chwefror i ddechrau

meistroli eich technoleg newydd. Cwrs Dechreuwyr (6 sesiwn): Dysgwch sut i ddefnyddio cyfrifiadur, pori’r rhyngrwyd a danfon e-byst. Prynhawniau Mercher yn dechrau ar y 5ed Ionawr o 2 i 4pm; boreau Iau yn dechrau ar Chwefror 19eg o 10 i

12pm. Sesiwn Galw Heibio Gyfrifiadurol: Dydd Iau 2 i 4pm (o’r 15fed Ionawr 2015)

Dewch i ofyn cwestiynau, cael cymorth, ymarfer a gwella eich sgiliau. Nid oes angen trefnu ymlaen llaw.

Dechrau gwirfoddoli yn 2015 Ydych chi’n gallu defnyddio cyfrifiadur? Allwch chi rannu’r hyn rydych yn ei wybod? Mae KITe yn angen mwy o wirfoddolwyr i helpu gyda sesiynau galw heibio. Po fwyaf o wirfoddolwyr sydd gennym yr hawsaf fydd helpu pobl. Os oes gennych rywfaint o sgiliau digidol (‘does dim rhaid i chi fod yn arbenigwr) ac yr hoffech chi helpu pobl eraill drwy rannu’r hyn a wyddoch, cysylltwch â Clare Pilborough ar 01267 245555, ebost [email protected] neu ewch i itkite.wordpress.com.

Cyfarfod Cyffredinol Blynyddol

CAVS Ar Ddydd Mawrth, Ionawr 27ain 2015, 2.00—4.00 p.m. Yn Y Mwnt, 18 Heol y Frenhines, Caerfyrddin. SA31 1JT.

I gynnwys Adolygiad Nawdd i’r Trydydd Sector Os hoffech ymuno â ni, cysylltwch â Sara Edwards ar 01267 245555 neu ar ebost [email protected]